هل تريد التسجيل في منتديات بنوته ؟
إحصائيات المنتدى: المواضيع: , المشاركات: , الأعضاء:
إحصائيات المنتدى: المواضيع: , المشاركات: , الأعضاء:
|
|  |
| التميز خلال 24 ساعة | |||
 العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم |
المشرفة المميزه |
قريبا | بقلم :  | قريبا | قريبا |
| |||||||
| | LinkBack | أدوات الموضوع | انواع عرض الموضوع |
06-23-2010, 02:24 AM
| #1 (permalink) | |||||||||
|
مستشار المؤسس ~  
|
ماكان الفراق اختياري انا :
قمرهم كلهم الله ما كان الفرق اختياري و لا عمري اخترت الوصال و لقيته ^**^ الشخصيات ^**^ عائلة بو منصور ^**^ بو منصور : اسمه فهد عمره 56 سنة ريال مغرور ما يحب الا نفسه و الفلوس و نادر ما يسأل عن عياله ام منصور : اسمها نورة عمرها تقريبا نفس عمر ريلها نفس صفات ريلها و مهتمة بالموضة و من عرس لعزيمة منصور : 19 سنة بطل القصة يدرس فأمريكا طب جراحة هاي ثاني سنة له فالجامعة طيب و حنون و شكله سبوورتي شعره طويل لين الكتف و طوله مناسب لسنة شيخة : 17 سنة ثانوية عامة تدرس علمي شاطرة تطلع من الاوائل و حنونة على اخوانها عكس امها و تحب خليفة ولد عمها سلطان : 15 سنة اول ثانوي ما يحب شي اسمه مدرسة علية : 13 سنة ثاني عدادي وااايد فضولية و طول الوقت ع التلفزيون من مسلسل لمسلسل ^**^ عائلة بو الريم ^**^ بو الريم : اسمه عبد الله توأم اخوه فهد بس صفاته احسن من صفات اخوه طيب و حبوب ام الريم : الله يرحمها ماتت فحادث ... ومن ماتت حرمة بو الريم سافر بو الريم و يا بنته الوحيدة الريم واستقروا فأمريكا ومن 17 سنة بو الريم ما شاف اخوانه و لا يعرف عنهم شي و هم ما يعرفون اذا هو حي و لا ميتة الريم : 19 سنة كبر منصور تدرس فأمريكا طب جراحة و يا منصور بس هي ما تعرف انه و لد عمها و هو بعد ما يعرف ان الريم اللي يدرس وياها تستوي بنت عمه و تلبس تقويم و فيها غمازات و احيانا تلبس نظارة و احيانا عدسات و بيضة بياض الثلج ^**^عائلة بو خليفة ^**^ بو خليفة :اسمه علي ريال و النعم فيه معروف و يستوي اخو بو منصور و بو الريم ام خليفة : اسمها موزة طيبة و تحب عيالها خليفة و ميثة : توأم عمرهم 17 سنة ثالث ثانوي خليفة علمي و مسولفجي و يحب السوالف الرقيصة اما ميثة مغرورة بجمالها مع انها ما واايد حلوة خالد : 15 سنة اول ثانوي و يا سلطان فالصف و نفس صفاته ^**^ عائلة بو حمد ^**^ بو حمد : اسمه محمد و مدلع عياله أزيادة عن اللزوم واايد طيب و حبوب و حنون و كل الصفات الزينة فيه ام حمد : اسمها مريم نفس ريلها تقولون كوبي حمد : 15 سنة اول ثانوي و يا سلطان و خالد و مسوين شلة كله يسوون مشاكل و يشردون من الحصص واايد أشياء بتعرفونها فالقصة عنهم حمدة : 13 سنة ثاني عدادي و يا علية فالصف بس احسن من علية بواايد الجزء الاول ف بيت بو منصور كانت شيخه تذاكر لأن الامتحانات قربت و ما بقالها إلا أسبوع واحد .. وكانت علايه تطالع التلفزيون ف حجرتها >>تدرون طبعاَ شو تطالع<< المسلسل الخليجي يوم آخروهي مب حاسة بشيء مندمجة ع الآخر...و إلا و شوي ..>>طق طق طق<< محد يرد>>طق طق طق<< مرة ثانيه محد يرد تفتح الباب وترفسه بريولها وعليه ما تري و ين الله حاطها .....: أنتي ما تسمعين يوم أنا أبطل الباب؟! عليه وهي زايغة: بسم الله الرحمن الرحيم .. من وين طلعتي؟!! ....: سألي روحج ما تدرين وين الله حاطج عليه و هي تزعج: آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآ سلطان زاغ من سمع هذي الصرخة لأن محد ف البيت غيره اللي يقول هزيتي الأرض بكبرها عليه: ينية ينية و أي وهو يركض و يدش حجرة علايه سلطان وهو زايغ: علايه شبلاج؟؟ عليه: ينيييييييييييييييييييييييييه سلطان و هو يضحك:ههههه جنيه مره و حده خافي ربج .. قولي أسد مثلا زرافه مثلا مب جنيه .. علية : عن السخافة سلطان : انزين وين الجنية ؟؟ عليه: هكي وراك سلطان صد وراه وشاف ...شيخه : الحين هذي ينيه عليه وهي معصبه: هي ينيه كيف ما تكون ينيه و دشت الحجرة بدون ما اسمع صوت الباب؟؟؟ فسر فسر يا فيلسوف سلطان:ههههههه .. هيهي أنا فيلسوف هيهي أنا فيلسوف عليه :هههه سخاااااافه فييييييييييييك شيخه: بياااااااااااااااخه فيييييييييييييك>> تقولها مثل عليه عليه: منو قالج يا السباله تتكلمين؟؟؟ سلطان: أولا: تحاول تقلدج... عليه و هي تقطع رمسته : بإذن منوه تتكلم؟؟ سلطان: أنتي مو قلتي اني فيلسوف.؟؟؟ عليه: هي سلطان: بس عيل... ثانيا >لأنها تبى تضارب شيخه: محد غيرك يبي يضارب غيرك يا الفيلسوف سلطان: هيهي أنا فيلسوف هيهي أنا فيلسوف.. شواااخي .. علاااايه .. أنتوا خواتي صح؟؟؟ عليه و شيخه: قول قول شو عندك ... شيخه: ورا هالكلام أكييييد في شي عليه: قول قول عاادي ... ما عندنا أي مانع سلطان: عيل قوموا سوا لي عصير ف بيت بو خليفة ام خليفة و بو خليفة محد رايحين السوق و خليفة و ميثة فالحجرة يذاكرون فحجرة خالد خالد متضايج من البيت فقرر يتصل لين حمد ولد عمه و يسولف وياه خالد : الوووو حمد : هلا و الله خالد : اهلين حمد : شخبارك يا ولد العم ؟؟ خالد : بخير وسهالة حمد : دوم انشاء الله خالد : اقول حمد حمد : قوووول خالد : شو يالس تسوي ؟؟ حمد : جدام الكتاب بعد شو خالد : والله اني متملل من البيت حمد : ما بس انته خالد : شرايك نطلع حمد : وين ؟؟ خالد : نحوط حمد : سوووري ما قدر خالد : افا ليش ؟؟ حمد : امي يالسة فالصالة اللي تحت يعني ما قدر اطلع الا وقت الصلاة خالد : اوووووف حمد : على الاقل خلنا نذاكر كلمتين خالد : و الله ان ما منك فايده حمد : يوم ما مني فايده ليش متصل خالد : خلني اتصل فسلطان يمكن يطلع و ياي حمد : عاد عزمونا خالد : فالك طيب و سكر خالد عن حمد و اتصل لسلطان و قرروا يطلعون بعد صلاة المغرب بعد ما طلعوا و حاطوا رجعوا بو خليفة و ام خليفة البيت ام خليفة راحت حجرة ميثة ام خليفة : ميثة غناتي بطلي الباب ميثة : تفضلي امايه الباب مفتوح و دخلت ام خليفة الحجرة ام خليفة : ميثة حبيبتي ما شفتي اخوج خالد ميثة : لا بس يمكن فالحجرة ام خليفة : محد لا فالحجرة و لا فالصالة دورة فالبيت و مالقيته قلت يمكن هو عندج ميثة : من بعد صلاة المغرب ما سمعت ليه حس ام خليفة : سيري عند خليفة و شوفيه و خليه أي الصالة ميثة : انشاء الله وراحت ميثة صوب حجرة خليفة اخوها طق ... طق ... طق >>> تدق الباب ميثة : خليفة انا ميثة راح خليفة و بطل الباب لين ميثة ميثة : خليفة امي تباك فالصالة خليفة : خير عسى ما شر ميثة : هي بتسألك اذا شفت خالد و لا.. لا راح خليفة الصالة خليفة : خير امايه عسى ما شر بو خليفة : الشر ما ييك انشاء الله ام خليفة : ما شفت اخوك خالد خليفة : لا ... ليش هو وين ؟؟ وشوي و لا تلفون البيت يرن وراح خليفة يشل التلفون خليفة : الوووو شيخة : السلام عليكم خليفة : وعليكم السلام شيخة : خليفة اخوي سلطان عندكم خليفة بدون نفس >>> لانه ما يطيقها : لا ... ليش هو وين ؟؟ شيخة : ما عرف لانه من عقب صلاة المغرب ما يا البيت قلت يمكن يكون عندكم خليفة : ترا حتى خالد ما فالبيت شيخة بخوف : ليكون ستوا لهم شي خليفة : انا بدورهم و برد ليج خبر شيخة : اوكي خليفة : يلا عيل مع السلامة شيخة : مع السلامة و بعد ما سكر خليفة من عند شيخة بنت عمه بو خليفة : خير يا خليفة منو اللي متصل خليفة : شيخة بنت عمي فهد ( بو منصور ) بو خليفة : عسى ما شر شو فيها ؟؟ خليفة : متصلة تسأل اذا سلطان عندنا بو خليفة : ليش هو وين ؟؟ خليفة : و الله ما عرف يمكن طالع و يا خالد ام خليفة و بدت تحاتي ولدها :ليكون ستوا فيهم شي و شوي ولا خالد داخل البيت خالد : السلام عليكم الكل : و عليكم السلام ام خليفة : خالد انته وين كنت ؟؟ خالد بتردد :.... كنت رايح اصلي المغرب بو خليفة : صلاة المغرب مخلصة من نص ساعة خالد : كنت عن ربيعي يفهمني المسألة ميثة : هي ... هي اخرط خالد : جب يلا جب ميثة : جبين بعد خليفة : انزين ليش ما قلت لي انك بتتأخر خالد : ما كنت اعرف اني بتأخر | |||||||||
  |
| مواقع النشر (المفضلة) |
| الذين يشاهدون محتوى الموضوع الآن : 11 ( الأعضاء 0 والزوار 11) | |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| الفراق | بنوته حلوه | الشعر والخواطر والقصائد | 7 | 12-23-2008 02:00 AM |
| لقد اتعبنى الفراق | بيسة | الشعر والخواطر والقصائد | 3 | 08-04-2007 05:09 PM |
| |
العرض الشجري
