منتديات بنوته - عرض مشاركة واحدة

06-23-2010, 02:53 AM

الجزء الثالث و العشرون

الحياة دمعتان دمعة فرح عند اللقاء ودمعة حزن عند الفراق

^**^ فـ بيت بو سعود ^**^

سعود : امايه عااد انا ابا اعرس
خلود: متى نزل عليك الوحي و قررت
سعود : انتي ما يخصج .. الحين امايه عااد انتي بتخطبي لي
ام سعود : انته حاط عينك على وحدة
سعود : احم احم .. اكييييييييد
خلود : قول من البداية انك شايف ليك شوفه
سعود : اوووووف الحين انا اكلم امي انتي شو دخلج
ام سعود : خلود سيري حجرتج خلينا بروحنا
خلود : هي هي الحين تبريتوا مني
سعود :ههههههههههههه
خلود : ان شاء الله
سعود :هاهاهاهاي ويووو قفطوها
طلعت خلود من الصالة و سارت حجرتها و تمت ترمس بـ التلفون
ام سعود : انته قول من البنت اللي تباها و انا ان شاء الله بسير و بخطبها ليك
سعود : انا ابا ميثة
ام سعود : منو ميثة ؟؟
سعود : ميثة اخت خليفة بنت عم الريم
ام سعود : و هذي الساعة المباركة انا نناسبهم
سعود بفرح : يعني موافقة
ام سعود : انا بكلم ابوك و بعدين الشور عند البنت
سعود سار و حب امه على راسها : مشكووووووووووورة
ام سعود : العفوو
سعود و ما يعرف شو يسوي يمين يسار يسار يمين و على طول يشلها بركضه لين السيارة
سعود : اوووف وين السويج ؟؟ اوهوووه فـ الحجرة
و دخل سعود البيت مرة ثانيه و سار حجرته و شل السويج و طلع
سعود و هو يحك شعره : وين غترتي ؟؟ >> و شاف الكاب فـ السيارة << عاادي بلبس الكاب
و طلع سعود من البيت و سار عند الشباب و الشباب مستغربين اول مرة فـ التاريخ سعود يعزمهم ع حسابه
بدر : شو المناسبة ؟؟
سعود: احم احم .. لازم تكون مناسبة يعني
الشباب : اكيييييييد
سعود: ما شي مناسبة !!
سعيد : لا اكيد في شي
سعود : خلاص بكيف كم ما بعزمكم
علي: و الاكل اللي طلبناه
سعود: عادي بشله البيت و بخلي اخواني يا كلونه
علي: لا خلاص ما نبا نعرف شو المناسبة
سعود: هي جيه اباك
و بعد العشى ضحك و سوالف و بعدين الكل روح بيته

^**^ فـ بيت بو حمد ^**^
حمدة : وين بتسير؟؟
حمد : اعتقد انه ما يخصج ؟؟
حمدة: والله ما عدل انتو تطلعون و احنا فـ البيت
حمد: سيري ذاكري
حمدة: و الله مليت من المذاكرة
حمد: انزين انا شو ذنبي ؟؟
حمدة: بطلع وياك
حمد : لا والله
حمدة: خلااااااص انزين بس
و طلع حمد من البيت و ركب السيارة و اتصل بـ سلطان ولد عمه
حمد: الوووو
سلطان : هلا و الله
حمد : اهلين .. شحالك ؟؟
سلطان : تمام .. انته شحالك ؟؟ شعلومك ؟؟
حمد : الحمد لله .. انته وين ؟؟
سلطان : فـ البيت بعد وين ؟؟
حمد : عيل انا طالع بسير عند الشلة
سلطان: عيل انا بخاويك
حمد : امر عليك و لا بتي بـ سيارتك ؟؟
سلطان : لا بي فـ سيارتي
حمد : اوكيك عيل نتلاقى هناك
سلطان : اوكيك على قولتك
حمد : ههههههه يلا بااباي
سلطان : علامك تنقع فـ الرمسه
و سكر سلطان عن حمد
سلطان و هو نازل من الدري
منصور : على وين ان شاء الله ؟؟
سلطان : و انته شو يخصك ؟؟
منصور : عن طوالت اللسان و قول
سلطان : بسير عند الربع .. ليش في مانع
عليا بصوت واطي : لا دواس هههه
منصور : انته تعرف الحين الساعة جم ؟؟ >> كانت الساعة 11:25 فليل
سلطان : هي
منصور : ما شي طلعه
سلطان : على كيفك انته ؟؟
منصور : لا ما على كيفي بس طلعه فـهذا الوقت ما شي
سلطان : انا ما بنت علشان تتحكم فيني
منصور : اعرف انك مب بنت
سلطان : عيل جااااااااااو
منصور: انا اخوك العود و جيه تعاملني .. عيل كيف تعامل ربعك
سلطان : عاد ربعي غير و انتو غير
منصور : فـ شو غير ؟؟
سلطان و هو يزاعج : انته ما يخصك فيني فاهم
و هنا منصور صفع سلطان طرااااااااق من الخاطر
شيخة : منصور ليش ؟؟
منصور : ..........>> و سار حجرته
و طلع سلطان من البيت

فـ سيارة سلطان اتصل عليه راشد *
راشد: مرحبا
سلطان : مرحبتين
راشد : شحالك ؟؟
سلطان : يسرك الحال و من صوبك ؟؟
راشد : الحمد لله بعدني عايش
سلطان : دوووووووووم ان شاء الله
راشد : انته وين ؟؟ دومك تتأخر
سلطان : اوكيه الحين انا طالع من البيت
راشد : يعني بعد ساعة لين ما توصل
سلطان : ليش ساعة عاد
راشد : على الزحمة
سلطان : لا تخاف ربع ساعة بـ الكثير و اكون عندكم
راشد : يلا عيل نترياك
سلطان : بااااااي
و بعد مرور ساعة و نص
حمد : ليش سلطان تأخر ؟؟
راشد : يقول ربع ساعة و بي
جاسم : هذا سلطان دومه يتأخر يقول بعد ساعة يعني بعد ثلاث ساعات
راشد : لحظة هذا سلطان متصل
راشد : علامك اتأخر عسى ما شر
.....: اول شي السلام عليكم
راشد باستغراب : و عليكم السلام .. منو ؟؟
.....: انته راشد
راشد : هي
.....: تعرف واحد اسمه سلطان فهد الـ ****
راشد : هي
......: شو يقرب ليك ؟؟
راشد : ربيعي ليش ؟؟
......: هو سوا حادث و الحين هو فـ مستشفى ****
راشد : اوكيه الحين انا ياي
و سكر راشد عن الدكتور
حمد : رشوووود شو مستوي ؟؟ سلطان شو فيه ؟؟
راشد : تعالوا و ياي
جاسم : وين ؟؟
راشد سار عنهم و ركب سيارته و حمد و جاسم ما يعرفون شو السالفة فـ ساروا و ركبوا وياه
جاسم : راشد شو السالفة ؟؟
راشد :.............
حمد اتصل من موبايله على موبايل سلطان
حمد : الوووو
الدكتور : هلا
حمد : منو وياي ؟؟
الدكتور : انا الدكتور نواف
حمد : ليش سلطان في شي
الدكتور نواف : انته تعرف سلطان
حمد : هي هو ولد عمي
الدكتور نواف : هو سوا حادث و الحين هو فـ مستشفى **** ... انا اتصلت من موبايل سلطان لين اخر رقم و كان رقم واحد اسمه راشد و قال انه ربيعه و الحين هو ياي
حمد : انزين خلاص يلااااااا باي
جاسم : حمد .. شو فيه سلطان ؟؟
حمد :.........
جاسم : حمد لا تخليني ..
حمد و هو يقاطعه و بسرعة : سلطان سوا حادث
جاسم : شـ .. ـووو ؟؟

^**^ فـ المستشفى ^**^
دخلوا الشباب المستشفى و هم يركضون كنهم ميانين
راشد سار صوب الطوارئ و حمد سار من صوب و جاسم سار من صوب
راشد : دكتور دكتور
الدكتور طارق : هلا
راشد : انا راشد
الدكتور طارق : منو راشد ؟؟
راشد : اللي كلمتني و قلت لي انه سلطان مسوي حـ .. ــاا..دث
الدكتور طارق : ايوااا مب انا هذا الدكتور نواف اللي رمسك
راشد : انزين سلطان وين ؟؟
الدكتور طارق : فـ العناية المركزة
و ركض راشد لين ما وصل عند العناية
راشد شاف دكاتره واقفين عند الباب
راشد : السلام عليكم
الدكاتره : و عليكم السلام
الدكتور نواف : انته راشد
راشد : هي ... الحين سلطان وين ؟؟
الدكتور نواف : فـ العناية لان الحادث كان وااايد خطير
راشد : انزين انا بدخل عنده
الدكتور نواف : لا ممنوع
راشد : ما يخصني انا بدخل يعني بدخل
و الدكاتره يحاولون يوقفون راشد علشان ما يدخل لكن ما شي فايدة
ودخل راشد و اول ما دخل انصدم من حال سلطان و تمنى انه لو ما دخل
راشد و هو يصيح : سلطان ... سلطان
سلطان : هـ ...ـا..ا..اا...ا
راشد : يعني انته تسمعني
سلطان : منـ ..ـصور
راشد : تبا منصور اخوك
سلطان يحرك راسه بالنفي
راشد : ان شاء الله الحين بتصل عليه
و اتصل راشد بـ منصور و خبره بـ السالفة و قال ليه انه أي المستشفى
و دخل منصور عند سلطان بعد ما اقنع الدكاتره انه بيتم خمس دقايق بس
منصور : سلطان
سلطان : منـصـ..صـ ...ووور
منصور: لا تتكلم
سلطان : انـا .....
منصور: قلت لا تتكلم حالتك ما تسمح
سلطان بعناد : انـا اسـ ..ـف ما كـ..ـان قصدي ارفـ ...ــع صـ..ـو..تي عليك
منصور: و انا بعد اسف ما كان قصدي اني اصفعك
سلطان : انا احس عمري اني .. بمـ...ــوت
منصور: لا تقول هذا الكلام
سلطان: اسمـ..ــع ... قـ..ـول لين امي و ابوي اني اسـ..ــف اذا زعـلـ...ــتهم و لا ضـ..ـــايقتـ..ــهم
منصور: ان شاء الله بعد ما تقوم من السلامة انته بتقول ليهم بنفسك
سلطان: لا مـ..ـا اعتقـ..ـد
منصور: لا تفاؤل عليك بالموت
سلطان: و..قـ..ــول لين خـ...ــالـ..ــد لا تضيـ..ــع عمرك الط..ــريج اللي تمشي فيه غــ..ــلط
منصور: لا تحاتي المهم الحين صحتك
سلطان: ويـن راشـ..ــد ؟؟
منصور: لحظة !!
وطلع منصور برع و زقر راشد
الدكتور: خلاص يا شباب ممنوع الدخول
جاسم : سير لاه انته بعد
ودخلوا الشباب و سوا طاف للدكتور
ويوم دخلوا الشباب أتأثروا من حالة سلطان بس هم يحاولون يهدون نفسهم و منصور طلع من الحجرة لان ما قدر يستحمل يشوف اخوه فـ الحال
سلطان: راشـ...ــد حـ..ــمد جـ..ــاسـ..ــم
راشد: حالتك ما تسمح يا سلطان
سلطان: خـ..ــالد
حمد: خلا خالد على الله
جاسم: المهم صحتك
سلطان: اوصـ..صــيكم على خـ..ــالد
حمد: لا تفاؤل على عمرك .. وخالد ان شاء الله بيعتدل

تمنيت ان اعيش كما تريد نفسي ولكن نفسي خانتني فعشت كما تريد الحياه
سلطان رفع .....صبع السبابه و تشهد الله
( اشهد ان لا اله الا الله و ان محمد رسول الله )
والشباب كلهم صارخوا و منصور من سمع الصريخ ما يعرف وين يسير ودخلوا الدكاتره الغرفة و طلعوا الشباب

احس أني وسط ليل طويل ناسي فجره أعيش بظلمته واسرح بأفكاري الى المجهول أفكر وانتظر صبح جميل باسم وعطره وتصدمني هوى جيسي ولا ألقى لهمي حلول
راشد على طول طلع من المستشفى و سار لين شقه خالد
طاااااااااااااخخ طاااااخخ طااااااااااااااااخ >> يدق الباب بريوله
خالد:اووووووف شو هـ البلوه بعد
راشد يدق الباب بقو: فج الباب يا نصووور
خالد و هو يشوف من العيون :خير شو يايبنك ما سدك كلام البارحه
راشد: بطل الباب
خالد بطل الباب: أفففف ... شو تبى
راشد و هو يود خالد من رقبته : يا الخايس أنت ما تستحي ع ويهك ولد عمك سوا حادث و توفى و أنت لا حس و لا خبر
خالد: والله أنا عندي وايد عموم أي واحد فيهم؟؟
راشد: ما يهمك أنه توفى صح؟؟ لأنه سيد نصووور الجلب مكفيك ... بس ع العموم أنا مب ياي ع شانك ياي أوصل وصيه المرحوم
خالد:أي مرحوم ؟؟ و أي وصيه؟؟ و أي بطيخ؟؟
راشد : ع العموم سلطان و صاني عليك و قال روح خبر خالد أن هذا الطريج اللي تمشي فيه كله غلط ×غلط
خالد و هو مستغرب:سلطاااااااااان!!!
راشد: الله كريم... سلطان مات بسبتك أنت
خالد:أنـــــــــــاااا !؟
راشد : المسجين طلع من البيت وهو مسرع عشان ينبهك على أن هذا الطريج غلط لكن أنت صديته قبل ما يوصل و سوا حادث من كثر ما يفكر فيك لكن أنت...>> وراح راشد عن خالد
^**^ فـ بيت بو خليفة ^**^
طبعا الخبر وصل ليهم عن طريج جاسم و الكل انصدم من الخبر و خاصة خليفة
خليفة: لا سلطاااااااان مامات
ام خليفة: تعوذ من ابليس وادعى ليه بالرحمة
الكل : اللَّهُمَّ إنَّ (سلطان) في ذمتك وحل بجوارك، فقه فتنة القبر ، وعذاب النار، اللهم فاغفر له وارحمه، إنك أنت الغفور الرحيم.
اللهم اغفر له، وارحمه ، وعافه، واعف عنه ، وأكرم نزله ووسع مدخله، واغسله بالماء والثلج والبرد، ونقه من الخطايا، كما نقيت الثوب الأبيض من الدنس ، وأبدله داراً خيراً من داره، وأهلاً خيراً من أهله، وزوجاً كثيراً من زوجه، وأدخله الجنة، وأعذه من عذاب القبر، ومن عذاب النار.
اللهم أنت ربه، وأنت خلقته، وأنت رزقته، وأنت هديته للإسلام، وأنت قبضت روحه، وتعلم سره وعلانيته، جئنا شفعاء فاغفر له.
اللهم آمين اللهم آمين اللهم آمين
خليفة: انا لله و انا اليه لراجعون
^**^ فـ بيت بو منصور ^**^
دخل منصور البيت و حالته معتفسه الغتره ع جتفه و النظاره فـ صوب و اول ما دخل
عليا : السلام ببلاش
منصور: السلام عليكم >> وسار حجرته
عليا: بسم الله علامه بعد هذا
شيخة: تعالي صدق سلطان اول مرة يطلع من الظهر لين العشى و ما يرد البيت >> مساجين ما يعرفون
عليا:هي والله صدقج
و شوي و لا تلفون البيت يرن
شيخة : الوووووووو
بو الريم : شيخة صدق الخبر اللي سمعته ؟؟
شيخة: أي خبر ؟؟
بو الريم : خبر موت سلطان !!
شيخة : ها سلطان ربيع منصور و الله ما عرف.. لحظة بسير اسأل منصور
بو الريم : سلطان اخوج مب ربيع منصور
شيخة بصدمه : شوووووووووو؟؟ >> و تعق السماعة
عليا : علامج >> و سارت شلت السماعة
بو الريم :شيخة شيخة
عليا : هلا عمي شحالك ؟؟ عاش من سمع صوتك
بو الريم : تراج انتي وااايد بارده .. اخوج مات و انتي تسألين عن حالي
عليا: أي اخو بعد ؟؟
بو الريم : سلطااان !!
عليا : مستحيل اصلا هو طالع و يا قوم حمد و ربعه
بو الريم : لا حول و لا قوة الا بالله .. يلا عليا مع السلامة
عليا: شيخة سلطان مامات صح
شيخة : تعوذي من ابليس و قولي لا حول و لا قوة الا بالله
و شوي و لا منصور نازل من الدري
عليا و شيخة : صدق انه سـ...
منصور و هو يقاطعهم : هي صدق الكلام
شيخة : كيف ؟؟ و ليش ؟؟ و متى ؟؟
منصور: امي و ابوي عرفوا
عليا: انا اصلا ما عندي لا ام و لا ابو >> و سارت حجرتها و تمت تصيح
و شوي و لا بو منصور يدخل البيت
بو منصور: السلام عليكم
شيخة و منصور : و عليكم السلام
منصور: دريت بـ الخبر
بو منصور : أي خبر بعد
شيخة و هي تصيح و بسرعة : سلطاااان مات
بو منصور: ماااااااااااااات !!؟
لا تعليق
بو منصور : راح حبيب قلبي راح وخلاني .. شلته وسط عيني خليته في قلبي
شيخة: الحين حسيت بمعنى الابوه ... و يليت امي تحس مثل ما انته حسيت
بو منصور: ........ امكم وين ؟؟
منصور: طالعه
بو منصور: الحين سلطان وين ؟؟
منصور: فـ المستشفى ..الحين انا ساير
بو منصور: خذني و ياك
ترقبونااااااااااااااااا فـ الجزء الرابع و العشرووووون
الجزء الرابع و العشرون و الأخيررررررر
}}{{بعد مرور ستة سنوات و نص ع وفات سلطان }}{{
فـ بيت بو منصور
بو منصور اهتم فـ عياله اكثر و اكثر و حاول ينسيهم الماضي >< ام منصور حاولت تقلل من طلعاتها >< منصور تزوج الريم و عندهم ولدين و بنت عبد الله عمره اربع سنوات و نص و فهد سنتين و مها عمرها 8 شهور>< شيخة تزوجت خليفة و لد عمها و عندهم سلطان عمره سنة و نص>< عليا خطبها حمد و لد عمها
فـ بيت بو الريم
بو الريم الله يرحمه بعد توفى لانه كان مريض >< الريم طبعا تزوجت منصور
فـ بيت بو خليفة
بو خليفة و ام خليفة بعدهم ما تغير طبعهم >< خليفة طبعا تزوج شيخة بعد رضا طبعا >< ميثة حبت الريم بعد الموقف اللي ستوا و تزوجت سعود و عندها سارة >< خالد اعتدل بعد ما استوت ظرابه بينه و بين ناصر و خطب شوق بنت خالة الريم
فـ بيت بو حمد
بو حمد و ام حمد ما تغير فيهم شي >< حمد مثل ما قلت خطب عليا >< اما بالنسبة لدلوعة حمدة تقدم ليها واحد من معارف امها ><
----------------------------------
يــاعيــد قلبي .. صاحبي اليوم العيد ".. .. فرحه وشرحه ..عساني حي .. وأحضر كـــل أعيادك ..واهديك وردات الـــغلا فوق صرحه ..ازداد عمــــرك .. صح!.. لكنه ازدادك ..في خافقي لك بالـــغلا ألف صفحــــه .."

^**^ يوم العيد فـ بيت بو منصور ^**^
ام منصور: ريم يا حبيبة القلب والروح …مثلج ما شفت يا غزال الريم وينج ؟؟
الريم و هي تنزل من الدري : اوه اوووه اليوم خالتي مستويه شاعره
ام منصور:ههههههه
الريم: كل عام و انتي بخير
ام منصور: و انتي بخير.. الا وين عيالج ؟؟
الريم: عبد الله ساير و يا ابوه المسيد و فهد و مها راقدين
ام منصور: و ليش فهد ما سار وياهم ؟؟
الريم: بعدين هو ياهل
عليا و هي تدخل الصالة : السلام عليكممممممم
ام منصور و الريم : و عليج السلام
عليا سارت و سلمت على امها و بعدين الريم
عليا و هي تمد ايدها لين امها : يلا ابا عيديتي
الريم: ههههههه
عليا : عيل وين ريلج و ابوي ؟؟
الريم: بعدهم ما يو من المسيد
عليا: اوكيه انا ما يخصني اليوم كلكم لازم تعطوني عيديه
ام منصور: ياهل انتي ياهل
عليا : عيل اذا ما بتعطيني ما تعطين حد
الريم : ليش عااد كل هاي الانانيه
عليا: اوووووف خلاص مابا شي
ام منصور: هههههه خلاص و لا يهمج تبين ريالين و لا خمسه ريال
عليا: لا والله
ام منصور: انتي قلتي تبين
عليا: اقل من 100 درهم ما ابا
ام منصور: انزين خلاص بعدين بعطيج
عليا: مشكووووووووره يا احلى ام فـ العالم
ام منصور : العفوووو حبيبتي
.................................................. .................................................. ........ و ع الغداء الكل تيمع فـ بيت بو منصور الحريم و البنات فـ الصالة و الشواب و الشباب فـ الميلس

^**^ فـ الصالة ^**^

الكل كان فرحان و فـ نفس الوقت حزينين ع فراق سلطان

أم منصور : القلب يقسي و العقل ينسى أحباب بدونهم الدنيا ما تسوى
أم خليفة : ترحمي له و لا تصيحين كل دمعة منج على قبره جمره
أم منصور : الله يرحمه و يغفر له
حمدة : علايه انا اليوم العصر بسير دبي بسلم على الربع
عليا: شليني و ياج
حمدة: اووف لصقه
الكل : هههههههههه
ميثة : يوم لصقه ليش تقولي ليها تغايضيها مثلا ؟؟
حمدة: علامكم قلبتوا الدنيا علي ؟؟

^**^ فـ الميلس^**^
الشباب ملانين لأن كل يوم عيد يطلعون و يخمس سلطان بهم لكن الحين سلطان مات
بو حمد : شبلاكم أنتو مادين حلجكم شبرين ؟؟
خالد : ما فينا شيء بس ملل
بو منصور: انزين طلعوا سيروا عند ربعكم
حمد : ابركها من ساعة
بو حمد : حمد عن طوالت اللسان
الكل : هههههههههه
و طلعوا الشباب و ساروا و حاطوا لين ما شبعوا

^**^ منصور و الريم و عيالهم الحلوين ^**^

ساروا ستي سنتر اللي فـ دبي و لاعبوا عيالهم فـ الالعاب و بعدين دخلوهم المتاهة ( يعني اللعبة اللي فيها الكور ) و ساروا منصور و الريم السوق و عاشوا حياتهم بـ المعقول

^**^ خليفة و شيخة و ولدهم سلطان ^**^

ساروا مطعم من مطاعم العين الراقيه ... و يلسوا يتعشوا و شيخة متلعوزه و يا سلطان و خليفة يضحك عليها .. و عاشوا حياتهم بـ استقرار

^**^ فيصل و حمدة ^**^

ساروا المرينا و تمشوا .. و حمدة ما خلت شي ما اشترته و الاكياس كلها فوق راس فيصل .. و عاشوا حياتهم معززين و مكرمين

^**^ سعود و ميثة ^**^

ميثة عوضت حبها الجديم ... و عاشت حياتها ويا سعود و بنتها سارة

^**^ حمد و عليا ^**^

ساروا البحر و تمشوا و سولفوا لين ما تعبوا .. و تزوجوا و عاشوا حياتهم

و خلفوا صبيان و بنات وتوته توته خلصت الحتوته حلوه و لا فتفوته
و تستمر الحياة
النهايهـ