06-23-2010, 02:37 AM
|
#10 (permalink)
|
|
مستشار المؤسس ~ 
 آلحـآله ~ :  | | رقم العضوية : 9952 | | تاريخ التسجيل : May 2010 | | فترة الأقامة :
5109 يوم | | أخر زيارة : 10-19-2014 (08:38 PM) | | النادي المفضل : | | الإقامة : | | المشاركات : 8,755 [
+
] | | التقييم : 40 | معدل التقييم ~ :  | | زيارات الملف الشخصي : 13850 | | الدولهـ | | الجنس ~ | | مشـروبيُ ~  | كآكآوي ~  | قنـآتيُ ~  | | MMS ~ | مدونتيُ ~  | | | | لوني المفضل : Cadetblue |
| 
رد: ماكان الفراق اختياري
الجزء التاسع
بو منصور : السلام عليكم
......: و عليكم السلام
بو منصور :...........
......: ما عرفتني
بو منصور : الصراحة لا
......: اقول ما لازم تعرفني بس انا حبيت ابلغك بشي
بو منصور شاف ع الكرت مكتوب سعود الفلاسي
بو منصور : سعووود
سعود : هيه سعود الفلاسي
بو منصور بدون نفس : خير عسى ما شر
سعود : و الله الصراحة ما عرف كيف أبدء فالموضوع لكن لازم تعرف
بو منصور بخوف : سعود خبرني شو السالفة
سعود : الصراحة سعيد اسـ .......
بو منصور و هو يقاطعة : سعود قول شو مستوي
سعود : سعيد استولى على شركتك
بو منصور بصدمة : كيف ؟؟ وليش ؟؟ و متى ؟؟
سعود : كيف نسيت انك مسوي توكيل عام لسعيد و ليش ما عرف و متى البارحة يوم رحت الشركة قالوا لي انك مخذ إجازة و شويه ولا اشوف سعيد يدخل مكتبك ويوم سئلت رد و قال و الله المكتب مكتبي و الشركة شركتي و بو منصور ما عنده شي
بو منصور : لا حول و لا قوة إلا بالله
سعود : يلا عيل من دام قلت السالفة مع السلامة
الحين بتعرفون منو سعود و سعيد
* سعود شاب عمره 19 سنة فكلية الشرطة طبعا الحين انتو مستغربين شو دخل سعود فالسالفة سعود الله يسلمكم كان مقدم اوراق اخوه فشركة بو منصور يعني سعود هو اللي متوسط لين اخوه لان سعود يعرف منصور و كانوا ربع ايام الدراسة و قال اكيد ابو ربيعي بيساعدني
* سعيد 39 سنة ريال مغرور و ما يحب إلا الفلوس خلا بو منصور يسويله سعيد كان ريال فقير و على نياته لكن يوم اشتغل بشركة بو منصور طمع بالفلوس
المهم بعد ما سكر بو منصور عن سعود
بو خليفة : علامك عسى ما شر
بو منصور : ما فيني شي
بو الريم : فهد ( بو منصور ) شو فيك من سكرت من التلفون و انته معتفس
بو منصور : ...... انا باجر راجع البلاد
بو حمد : ليش ... طلع عندك شغل
بو منصور : ... هيه طلع عندي شغل
بو حمد : يعني ما تقدر تأجل الشغل
بو منصور : انتو برايكم قعدوا بس انا برجع
ام منصور : انا برد و ياك
لا تعليق
وبعد سكوتهم دقيقتين يرن موبايل بو خليفة
بو خليفة : الوووو
......: هلا
بو خليفة : منصور شخبار خليفة ؟؟
منصور : خليفة تمام و انشاء الله باجر بيرخصونه
بو خليفة بفرح : و الله
منصور : هي و الله ... حتى تبا ترمسه
بو خليفة : هيه عطني اياه
خليفة : الوووو
بو خليفة : الحمد لله ع السلامة
خليفة : الله يسلمك من كل شر
و تشل ام خليفة التلفون من عند بو خليفة
بو خليفة : علامج يا بنت الحلال
ام خليفة : ابا ارمس ولدي حرام بعد
بو خليفة : ها يودي
ام خليفة : السلام عليكم
خليفة : و عليكم السلام
ام خليفة : شخبارك ؟؟ انشاء الله احسن
خليفة : الحمد لله
ام خليفة : كل زين !! و اشرب زين!! و ارقد زين !!
خليفة : هههههه انشاء الله
ام خليفة : عطني منصور
خليفة : انشاء الله
منصور :الوووو
ام خليفة : منصور خلا خليفة ياكل زين و يشرب زين و يرقد زين!!!
منصور : هههههه من عيوني
ام خليفة : يلا عيل سلم ع خليفة
منصور : ما يصير خاطرج إلا طيب
ام خليفة : يلا عيل مع السلامة
منصور : فمان الكريم
و بعد ما سكر منصور عن ام خليفة
خليفة : يلي ما تستحي ع ويهك
منصور : ليش شو سويت ؟؟
خليفة : يالس تتغزل فأمي
منصور : ليش اغازلها بعدين شو قلت
خليفة : يوم قلت من عيوني و ما يصير خاطرج إلا طيب
منصور : هههههه حرااام عليك اغازل و حدة كبر امي
خليفة : لا تقول كبر امك بعدين امي صغير عمرها إلا فالثلاثين
منصور : هاهاي ماندل من وين عمر امك فالثلاثين
المهم تمو منصور و خليفة يسولفون لين ما ياهم الرقاد و رقدوافالفندق $**^
بو منصور : انا بروح المطار
بو الريم : فهد ( بو منصور ) احجز لي تذكره ابا ارجع الإمارات و ياك
بو منصور : انزين
الريم : عيل انا بتم بروحي
بو حمد : احنا بنتم و انتي بتمي عندنا
وراح بو منصور المطار علشان يجدم رجعته هو و ام منصور و يحجز لبو الريم
^**^**^ و مر اليوم اللي بعده على خير و طلع خليفة من المستشفى ..... و رجع بو منصور و بو الريم و ام منصور الإمارات ^**^**^
$**& فالإمارات &**$
بو منصور فالشركة يكلم السكرتيرة : ممكن ادخل عند المدير اليديد
السكرتيرة رحمة : دحين هو مشغول
بو منصور : قولي له اني بدخل يعني بدخل
السكرتيرة رحمة : دحين عنده اجتماع مع الشركة الثانية
بو منصور : انا بترياه لين ما يخلص
السكرتيرة رحمة : براحتك
بو منصور : و مسرع ما غير السكرتيرة بس انا براويك
و بعد مرور ثلاث ساعات خلص الاجتماع و يا سعيد و جاف بو منصور و تم يضحك
سعيد : السلام( وضحك )
بو منصور : وعليكم السلام و الرحمة
سعيد : ما عندنا وظيفة ... بس اذا تبي تشتغل فراش عاادي
بو منصور : سعيد عن السخافة ... اباك فموضوع
سعيد : السموحة ما فاضي
بو منصور و هو معصب على اخر درجة : سعيييييييييد
سعيد : خير
بو منصور : انا شو سويت لك علشان تستولى ع شركتي
سعيد : نسيت انك مسوي لي توكيل عام
بو منصور : انا الغلطان يوم وثقة فواحد مثلك
سعيد : فهد ( بو منصور ) عن الغلط و بعدين انته نسيت انك فشركتي
بو منصور : لا ما نسيت اني فشركتك ... و بعد انته نسيت انك كنت ولا شي و نسيت انك كنت من اللي يستعملوا المخدرات و نسيت انك دخلت السجن سبع سنوات
و هنا سعيد صفع بو منصور طراااق من الخاطر ... و الحين بدأت الضرابة بين سعيد و بو منصور و الموظفين يحاولون يهدون بينهم لكن ماشي فايده
^**& فالعين مول &**^
كانت ام منصور و يا ربعها ام احمد و ام علي يتشرون حق عرس ولد ام سالم
ام منصور : شو الاحلى ها العطر و لا ها
ام علي : ها احلى
ام احمد : لا ها
ام منصور : يعني الحين شو اخذ
ام علي : هذا حلو و عيبني شكله و بشتري واحد
ام احمد : خلج منها و اشتري ها الاحلى
ام علي : صدق انه ما عندج ذوق
ام منصور : خلاص فكوني من حشرتكم بشتري العطرين
وراحت ام منصور و دفعت الفلوس مال العطرين
و كل شوي يدخلوا محل من مال عطور ولا مكياج ولا ملابس
و بعد ما خلصوا من الحواطه راحوا المطعم علشان يتغدون
و هم و يالسين ياكلوا رن موبايل ام منصور
ام منصور : اوووف
و شافت رقم غريب اول مرة تشوفه
........: السلام عليكم
ام منصور : وعليكم السلام
.......: انتي ....
كـــــت
شو تتوقعون بيستوي فالجزء الياي ؟؟ و منو بيكون متصل فأم منصور ؟؟
و الاهل بيعرفون الظرابة اللي صرت و يا سعيد و بو منصور ؟؟
|
|
|
 |