منتديات بنوته - عرض مشاركة واحدة

06-23-2010, 02:29 AM

الجزء الرابع

و طلعت الريم و لقت منصور
الريم : عيل وين العنود ؟؟
منصور : روحت
الريم : انزين منصور ابوي يباك تفضل
منصور و هو يبتسم : انشاء الله
و دخل منصور .............
منصور : السلام عليكم
بو الريم : و عليكم السلام
وراح منصور و لوا على عمه و ستوا فلم هندي
بو الريم : شحالك يا منصور ؟؟
منصور : الحمد لله بخير
بو الريم : و الاهل
منصور : الاهل كلهم بخير و سهالة
بو الريم : منصور طلبتك
منصور : تم الساع
بو الريم : اتصل لين ابوك ابا ارمسه
منصور : انشاء الله
واتصل منصور لين ابوه مرتين لكن ابوه ما يرد
منصور : عمي ابوي ما يرد ... يمكن عنده شغل
بو الريم : انزين اتصل لين عمك علي ( بو خليفة )
و اتصل منصور لين عمه
بو خليفة : السلام عليكم
منصور : وعليكم السلام
بو خليفة : هلا منصور شحالك ؟؟
منصور : بعدني عايش ... اقول عمي
بو خليفة : آمر
منصور : ما يامر عليك عدو ... بسـ .....
بو خليفة : منصور شو فيك ؟؟
منصور : عمي عبد الله !!
بو خليفة بصدمه : منصور انته شو عرفك بعمك عبد الله ؟؟
منصور : السالفة طويييلة
بو خليفة بفرحة تغمرة : كيف عرفته ؟؟ و متى عرفته ؟؟
منصور :هههههه بعدين بقولك السالفة
بو خليفة : منصور بلييييز عطني ارمسه
منصور : انشاء الله
و شل بو الريم الموبايل من منصور
بو الريم : الووووو
بو خليفة : هلا و الله بأخوي
بو الريم و هو يصيح : اهلين
بو خليفة : شحالك عساك بخير و عافيه
بو الريم : انا الحمد لله بخير و سهالة ... عيل وين محمد ( بو حمد ) و فهد ( بو منصور )
بو خليفة : يمكن فالشغل
بو الريم : عيل سلم عليهم سلام وااااااايد
بو خليفة : يوصل
بو الريم : و الله اني مشتاق ليكم من الخاطر
بو خليفة : اسمع يا بو الريم احنا كنا مقررين نسافر فرنسا لكن الحين بنغير السفره وبني امريكا
بو الريم : عيل انا اترياكم
بو خليفة : عيل سلم على الريم
بو الريم : انشاء الله
و سكر بو الريم عن بو خليفة
و تم بو الريم و منصور يسولفون و الريم ترد بكلمتين هي و لا لا

فالامارات
بعد ما سكر بو خليفة عن بو الريم حس بشعور غريب و كان وايد مستانس لانه كلم اخوه ... وعلى طول سار البيت ويوم دخل
بو خليفة : السلام عليكم
ميثة : و عليكم السلام >>> وراحت و سلمت عليه و حبيته ع الراس
بو خليفة : عيل وين امج و خوانج ؟؟
ميثة : امي فالمطبخ تجهز الغداء و خالد راقد و خليفة توه سار حجرته بو خليفة : ها اخوج خلوود متى بيعقل
ميثة : يوم بتصفعة طراق
بو خليفة : انزين سيري زقري امج و خليفة و خالد
ميثة : انشاء الله ... بس شو سويت على سالفة السفر
بو خليفة : خلاص ما بنسافر فرنسا
ميثة بحزن : ليييييييييييش ؟؟
بو خليفة : بنسافر امريكا
ميثة : هييييييييييييييييي
وراحت ميثة و زقرت امها و خوانها و خبرهم بو خليفة عن تغير السفر بس ما قال عن سالفة عمهم يبا يسويها مفاجئة
و اتصل بو خليفة لين اخوانه بو حمد و بو منصور و خبرهم عن تغيير السفر و ان السفر بيكون بعد يومين

فبيت بو حمد
بو حمد كان سرحان و يفكر ليش بو خليفة غير السفر من فرنسا لين امريكا
ام حمد انتبه لسرحان بو حمد
ام حمد : محمد ... محمد >>> تكلم ريلها
بو حمد : ..............>>> لا حيات لمن تنادي
ام حمد : محمد ...بو حمد
بو حمد انتبه : ها
ام حمد : شو فيك من سكرت من عند اخوك سرحت
بو حمد : ها ... لا ماشي
ام حمد : لا فيه شي
بو حمد : هي تذكرت
ام حمد : شو تذكرت
بو حمد : خلاص ما بنسافر فرنسا بنسافر امريكا
ام حمد : ليش ؟؟
بو حمد : ما عرف توه بو خليفة متصل ويقول و انه السفر بعد يومين
ام حمد : ليش عاد يغير السفر
بو حمد : عيل سيري خبري العيال علشان يجهزون شنطهم
ام حمد : انشاء الله

و نهاية الجزء الرابع
تتوقعون كيف بتكون ردة فعلهم يوم بيعرفون سالفة اخوهم ؟؟ و الريم بيكون ليها دور فالقصة و لا خلاص خلص دورها ؟؟ بيستوي شي فالمطار ولا لا ؟؟ و منو بيستقبلهم فمطار امريكا ؟؟