و بعد مرور الاسابيع و الايام جان أي وقت الامتحانات و الكل يذاكر عسب ينجح
و الشلة >>> قوم حمد و سلطان و خالد و ربعهم
و اليوم اخر يوم فالامتحانات

^**^ فالمدرسة ^**^
فصف قوم حمد
كانوا واقفين عليهم مراقبين واحد منهم كان واقف يكلم الفراش و الثاني يراقب
كانوا يايبين ليهم يكتبون القصيدة و الشلة ما حافظة
جاسم : استاذ بروح الحمام
استاذ نواف : لازم يعني
جاسم : هي لازم
حمد : استاذ خله يسير عنده حاله طارئة
وشوي ولا يستأذن المراقب اللي كان واقف يكلم الفراش
استاذ نواف : انزين سير بسرعة قبل لا أي المراقب مبارك لانه عصبي مثل ما تعرفونه
و طلع جاسم من الصف و كانت الكتب محطاية ع الدريشة شل جاسم واحد من الكتب وراح الحمام و كتب القصيدة ع ايده ورجع الصف و لا كأنه مسوي شي و كتب و غشش الشلة
و بعد ما خلصوا من الامتحان اتفقت الشلة انهم يروحون المول بعد صلاة العصر
^**^ فبيت بو منصور ^**^
دخلت شيخة وعلية و سلطان
شيخة وعلية وسلطان : السلام عليكم
ام منصور : و عليكم السلام و الرحمة
علية : و الله ان الامتحان صعب
شيخة : اكيد بيكون صعب من دامج ع التلفزيون من مسلسل لفلم
سلطان : عيل امتحانا كان سهل
شيخة : يوم سهل اكيد غاش
وشوي ولا بو منصور
بو منصور : السلام عليكم
الكل : وعليكم السلام
بو منصور : متى بتخلصون من الامتحانات
شيخة : اليوم كان اخر امتحان
بو منصور وهو قافط : هي زين ... زين
ام منصور : اقول بو منصور
بو منصور : قولي
ام منصور : عاد نبا نسافر هاي السنة
بو منصور بدون نفس : وين ؟؟
ام منصور : فرنسا
بو منصور: انزين
علية : الله كشخة بنسافر فرنسا
سلطان : نبا قوم عمي ايون و يانا
بو منصور : شاور عمومك
و بعد الغداء
شيخة يلست ع النت و علية ع التلفزيون و سلطان طلع
شيخة فتحت المسن
عنوان البريد الإكتروني :
%%%%%%%%
كلمة المرور :
********
الغلا مثل المطر ... ينزل على هونه ... و انتم غلاكم نحن نموت من دونه( شيخة )
هلا و الله ببنت العم
ليتني ألقاك قبل لا يجيني النصيب و احضن هواك و تكون لي اغلى حبيب ( ميثة )
آهلين
لغلا مثل المطر ... ينزل على هونه ... و انتم غلاكم نحن نموت من دونه( شيخة)
شحالج ؟؟
ليتني ألقاك قبل لا يجيني النصيب و احضن هواك و تكون لي اغلى حبيب ( ميثة)
بخير
لغلا مثل المطر ... ينزل على هونه ... و انتم غلاكم نحن نموت من دونه( شيخة)
ما بتون بيتنا
ليتني ألقاك قبل لا يجيني النصيب و احضن هواك و تكون لي اغلى حبيب ( ميثة
ما عرف
لغلا مثل المطر ... ينزل على هونه ... و انتم غلاكم نحن نموت من دونه( شيخة)
احنا بنسافر
ليتني ألقاك قبل لا يجيني النصيب و احضن هواك و تكون لي اغلى حبيب ( ميثة)
حلفي
لغلا مثل المطر ... ينزل على هونه ... و انتم غلاكم نحن نموت من دونه( شيخة)
و الله العظيم
ليتني ألقاك قبل لا يجيني النصيب و احضن هواك و تكون لي اغلى حبيب ( ميثة)
وين ؟؟
لغلا مثل المطر ... ينزل على هونه ... و انتم غلاكم نحن نموت من دونه( شيخة)
فرنسا
ليتني ألقاك قبل لا يجيني النصيب و احضن هواك و تكون لي اغلى حبيب ( ميثة)
حظكم
لغلا مثل المطر ... ينزل على هونه ... و انتم غلاكم نحن نموت من دونه( شيخة)
عاادي تعالوا و يانا
ليتني ألقاك قبل لا يجيني النصيب و احضن هواك و تكون لي اغلى حبيب ( ميثة)
اليوم بقول لين ابوي
و شوي و لا خليفة يدخل على ميثة
خليفة : ميثوووة شو تسوين ع النت
ميثة : داشة المنتدى و المسن
خليفة : منووو تكلمين ع المسن
ميثة : شواخي بنت عمي فهد ( بو منصور )
خليفة بدون نفس : اهاا
ميثة : ليش تقولها من طرف خشمك
خليفة : لانها سخيفة
ميثة : انزين قول شو تبا
خليفة : ابا النت
ميثة : انزين اصبر خمس تقائق لين ما قولها باي
و طلع خليفة من حجرة اخته ميثة ... ورجعت ميثة تكلم شيخة
ليتني ألقاك قبل لا يجيني النصيب و احضن هواك و تكون لي اغلى حبيب ( ميثة)
باااي
لغلا مثل المطر ... ينزل على هونه ... و انتم غلاكم نحن نموت من دونه( شيخة)
وين تو الناس
ليتني ألقاك قبل لا يجيني النصيب و احضن هواك و تكون لي اغلى حبيب ( ميثة)
خليفة يبا النت
لغلا مثل المطر ... ينزل على هونه ... و انتم غلاكم نحن نموت من دونه( شيخة)
اهاا
ليتني ألقاك قبل لا يجيني النصيب و احضن هواك و تكون لي اغلى حبيب ( ميثة)
اوكي بااي
لغلا مثل المطر ... ينزل على هونه ... و انتم غلاكم نحن نموت من دونه( شيخة)
بايااات

ف بيت بو خليفة


فالصالة
نزلت ميثة الصالة و لقت امها و ابوها
ميثة : السلام عليكم
الكل : وعليكم السلام
ميثة بدلع : باباتي نبا نسافر
بو خليفة : وين ؟؟
ميثة : فرنسا و يا قوم عمي فهد ( بو منصور )
بو خليفة : يصير خير


فالمول
كانت الشلة هناك >>> حمد و سلطان و خالد و جاسم و راشد
تمو يلعبون و يحوطون و يغازلون و يوم خلصوا من الحواطة فالمول قالوا بيسيرون يتعشون و هم و يتعشون جان اتي بنت صوب الطاولة اللي كانوا يالسين عليها
البنت : مرحبا
الكل ما عدا سلطان : مرحبتين
سلطان : مرحبتين وثلاث و خمس مراحب
البنت : عن قلت الادب ... بعدين انا و راي اهل و حشيمه
جاسم : عيل يوم وراج اهل و حشيمة ليش يايه
البنت : انا الغلطانة يوم يين اسألكم
وراحت البنت ... نش سلطان و لحقها
سلطان : لو سمحتي اختي
البنت : نعم
سلطان : بغيتي شي
البنت : لا شكرا
سلطان : عيل ليش كنتي يايه
البنت : كنت ابا اسئلكم اذا تعرفون رقم مطعم اليحر
سلطان : هي اعرفه
البنت : عيل لو سمحت عطني اياه
سلطان : *******\050
البنت : هذا مب جنه رقم موبايل
سلطان : هي رقم موبايلي
البنت : يلي ما تستحي على ويهك
و تمت البنت تتحرطم على سلطان و رجع سلطان مكانه
حمد : ها شو سويت ؟؟
خالد : صح علامها يالسة و تتحرطم عليك ؟؟
سلطان : قالت تبا رقم مطعم اليحر
جاسم : و انته عطيتها رقم موبايلك
سلطان : هي بعد شو
راشد قام من عندهم و سار صوب الطاولة اللي البنت كانت يالسة عليها
راشد : السلام عليكم
البنت :..............
راشد : لو سمحتي اختي اني كنتي تبين رقم مطعم اليحر
البنت : لا مشكور اخاف انته تعطيني رقم بيتكم بعد
راشد : لا و الله العظيم اني بعطيج رقم مطعم اليحر
البنت : انزين قول
راشد : لحظة انتي مب من العين
البنت :.......................
راشد : خلاص ما ابا اعرف انتي من وين
البنت : احسن
راشد : سجلي الرقم *******
البنت و هي تبتسم : مشكوووور اخوي
راشد و هو يرد ليها الابتسامة : راشد
البنت : مشكور اخوي راشد
راشد : العفوووو
و رجع راشد مكانه
خالد : جدامنا و ترقم عيل من ورانا شو تسوا
راشد : ما سويت الا الواجب
سلطان : علشان انته احلا مني ما قالت ليك شي
الكل :هههههههه

توقعاتكم ؟؟ كم بتكون نسبهم >>> شيخة و ميثة و خليفة ؟؟ بينجحون ولا لا ؟؟ و الشلة >>> حمد و سلطان و خالد و راشد و جاسم شو البلاوي اللي بيسوونها ؟؟ و راشد و جاسم بيكون ليهم دور ولا لا ؟؟