هل تريد التسجيل في منتديات بنوته ؟
إحصائيات المنتدى: المواضيع: , المشاركات: , الأعضاء:
إحصائيات المنتدى: المواضيع: , المشاركات: , الأعضاء:
|
|  |
| التميز خلال 24 ساعة | |||
 العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم |
المشرفة المميزه |
قريبا | بقلم :  | قريبا | قريبا |
| |||||||
| التسجيل | التعليمـــات | قائمة الأعضاء | المجموعات الإجتماعية | التقويم | البحث | مشاركات اليوم | اجعل كافة الأقسام مقروءة |
 |
| | LinkBack | أدوات الموضوع | انواع عرض الموضوع |
06-23-2010, 02:39 AM
| #11 (permalink) | |||||||||
|
مستشار المؤسس ~  
| 
رد: ماكان الفراق اختياري انا :
قمرهم كلهم الجزء العاشر و هم و يالسين ياكلوا رن موبايل ام منصور ام منصور : اوووف و شافت رقم غريب اول مرة تشوفه ........: السلام عليكم ام منصور : وعليكم السلام .......: انتي حرمة فهد سيف ( بو منصور ) ام منصور : هيه ........: الحين هو فالشرطة ام منصور : وشو تباني اسوي الضابط : خلي واحد أي يكفل ريلج ام منصور : اقول انا ما فاضية ليك اتصل على اخوه و اتفاهم و ياه ( وسكرت بدون ما تعطيه مجال علشان يتكلم ) و اتصل الضابط لبيت بو منصور الضابط : السلام عليكم بو الريم : وعليكم السلام و الرحمة الضابط : هذا بيت فهد سيف الـ**** ( بو منصور ) بو الريم : هي نعم الضابط : اوكي منو وياي ؟؟ بو الريم : انا اخوه عبد الله ( بو الريم ) الضابط : اذا ما يامر عليك عدوا ... تعال مركز الشرطة بو الريم بصدمة : ليش ... شو السالفة الضابط : انته تعال و بتعرف السالفة بو الريم : انشاء الله الحين ياي و سكر بو الريم عن الضابط و راح و غير ملابسة ع السريع و طلع برع بو الريم : شمس الدين >>> الدريول شمس الدين : نعم بابا بو الريم : تعرف وين شرطة **** شمس الدين : هي ارف >>> قصدة هي اعرف وراح بو الريم مع شمس الدين شرطة **** ^**^ فأمريكا ^**^ كانوا يالسين سوالف و ضحك و لعب و غشمرة بو حمد : الريم الريم : ها بو حمد : ابوج ما اتصل الريم : لا بو خليفة : حتى فهد ما اتصل ( بو منصور ) منصور : انا اليوم عازمنكم على العشى علية : وين ؟؟ منصور : ترا ع فكره ربيعي بيي الريم : عيسى منصور : هي الريم : عيل بقول لين العنود اتي وياه منصور : لا تخافي العنود بتي ميثة بغرور : انشاء الله وين بتكون العزيمه منصور : اول بنسير صوب الالعاب شيخة و هي تقاطعة : شو حنا يهال تودينا الالعاب منصور : يوم بتشوفين الالعاب بتموتين شيخة : ليش بموت ؟؟ منصور : بدخلين اللعبة صاحية و بتطلعين سكرانة حمدة : يعني العاب خطيرة منصور و هو يقل صوتها : هي يعني خطيرة الكل : هههههههههه المهم تجهزوا و تعدلوا و تكشخوا وراح ويا منصور ام حمد و ام خليفة و بو حمد و بو خليفة راحوا السوق اما الباقين و يا منصور حمدة : ابا اركب هاي اللعبة >>> كانت تبا تركب قطار الموت كانت اللعبة وايد كبيرة خالد : اذا ركبتيها بتيج سكة قلبية علية : أي عاد لا تفاول على بنت عمي حمد : صدقه خالد بتموتين اذا ركبتيها حمدة : عيل انتو بتركبون و انا ما اركب الريم : ما كنهم تأخروا خليفة : منو اللي تأخروا الريم : العنود و عيسى منصور : توه عيسى متصل و يقول انهم عند البوابة لان وايد زحمة وشوي و لا عيسى و العنود يايين صوبهم عيسى و العنود : السلام عليكم الكل : وعليكم السلام الريم : يا الخايسة ليش ما تتصلين و لا تسألين >>> تقصد العنود العنود : ما حبيت ازعجج الريم : لا و الله العنود بصوت واطي : الاهل عرفوا عن مرض ابوج الريم تغيرت ملامحها 180 درجة : ها ... لا ما عرفوا حمدة بعدها محتشرة تبا تركب اللعبة : و الله اذا ما خليتوني اركب و الله لخبر ابوي سلطان : و حليلها دلوعة ابوها منصور : منو بيركب علشان بسير اييب التذاكر ؟؟ الكل ما عدا ميثة : احنا منصور : و انتي ميثة ما بتركبين ميثة فخاطرها زين يوم عرفت عندك بنت عم اسمها ميثة : ما ابا اركب منصور : احنا كلنا بنركب ميثة : عيل يوم كلكم بتركبون انا بعد بركب وراح منصور و قطع ليهم تذاكر و يوم يايين يبون يركبون علية و حمدة يالله يالله ركبوهم >>> بواسطة طبعا ركبت العنود و ميثة عدال بعض و شيخة و الريم عدال بعض و حمدة و حمد عدال بعض و علية و منصور عدال بعض و عيسى و خليفة عدال بعض و سلطان و خالد عدال بعض و بدأت اللعبة اول شي كانت سرعتها عادية حمدة : تراك تقول يوم بركبها بموت حمد : تيودي زين ترا الحين بتسرع و شوي ولا يمشي القطار صاروووووخ و الكل تم يزاعج من الخوف >>> تقولون ملك الموت ياينهم ميثة : الله يسامحك يا منصور منصور كان يالس وراها و كان يسمعها منصور : ليش الله يسامحني ميثة : انا ما كنت بركب بس ركبتها علشان خاطرك منصور باستغراب : ليش انا عندي خاطر عندج ؟؟ ميثة ما درت عليه لانها استحت و بعدين ما عندها ايجابة و ميثة كانت تستحي من منصور وااااايد منصور و عيسى كانت اللعبة عادي عندهم لانهم متعودين على الالعاب الخطيرة سلطان و هو يزاعج : شواااااااخي شعرج طالع شيخة ما كانت تقدر تعدل شيلتها لان لو عدلتها بطيح المهم بعد ما لعبوا و خلصوا قالوا بيتعشون وراحوا ويلسوا البنات ع طاولة و الشباب ع طاولة ع طاولة الشباب و هم وياكلون كان أي ريالين و يوقفون عدال الطاولة .........1 + 2 : السلام عليكم الكل : و عليكم السلام ........1 و هو يضرب منصور ع جتفة بالخفيف : يالقاطع و لا تسأل منصور و هو يوقف : هلا والله ... تو ما نور المكان ........1 : منور بوجودكم منصور : متى و صلت ..........1 : من يومين منصور : ليش ما اتصلت علشان أي استقبلك فالمطار انته و ربيعك .......1 : هذا حميد ولد عمي منصور وهو يوايهه : هلا و الله بحميد حميد : اهلين منصور : اعرفكم هذا ربيعي سعود و هذا حميد ولد عمه و تمو يسلمون على بعض * سعود و سبق و عرفته سعود هو اللي كان متصل لين بو منصور * حميد كبر سعود و منصور طوله متوسط و حلو و البنات يتخبلن عليه و يدرس فالكلية الشرطة و يا سعود ^**^ عند البنات ^**^ ميثة و هي منصدمة : شواخي شيخة : ها ميثة بصوت واطي : شوفي الريالين اللي واقفين عدال الطاولة اللي يالسين عليها قوم منصور شيخة و هي تصد و تشوف الطاولة و تنصدم من اللي شافته : صدق انج فضيحة ميثة : يارب ما يقول ليهم عن السالفة على فكرة سعود و حميد هم اللي طلعوا فالحمام علية : انتو علامكم تتصاصرن العنود : هي صدق شواخي بدخلين الكلية و لا الجامعة شيخة : يمكن الجامعة العنود : و انتي ميثة ميثة : الله اعلم شيخة : انا يمكن ادخل هندسة ديكور الريم : عيل خلاص من الحين احجزج علشان تصممين بيتي الكل : هههههههههههههه حمدة : شوفوا الريال اللي يالس عدال منصور شحلاته >>> قصدها حميد العنود : هو اكبر منج يعني ما يصلح ليج الكل : هههههههههههههه علية : هي و الله صدقج وايد حلو خاصة خشمه السيف الريم : ما بسكم حش فالريال المهم بعد ما تعشوا و خلصوا ^**^ عند الشباب ^**^ سلطان و حمد و خالد راحوا يتمشوا و منصور و عيسى و سعود و حميد بعدهم يالسين ع الطاولة سعود : هي صدق عرفت بسالفة ابوك ؟؟ منصور : أي سالفة بعد سعود : انه سعيد استولى على شركت ابوك منصور بصدمه : شوووو ؟؟؟ خليفة و بعده مصدوم : سعود انته متأكد من اللي تقوله سعود : هي متأكد و نص منصور : عيل ليش ابوي ما قال لينا سعود : انتو من صدقكم ما تعرفون منصور : سعود قولي شو السالفة بالضبط سعود : الله يسلمك انا كنت مقدم اوراق نواف اخوي و يوم سرت الشركة و سألت عن ابوك قالوا انه مسافر ........... ( يقوله السالفة اللي ستوت بينه و بين سعيد ) و بعدين اتصلت لين ابوك و خبرت و هاي كل السالفة خليفة : عيل شو يايبنكم هنا حميد : و الله كنا يايين نتمشى و بالصدفة شفناكم منصور : عن اذنكم ( نهاية الجزء العاشر ) تتوقعون منصور وين بيسير ؟؟ و شو بيسوي ؟؟ و بو خليفة و بو حمد شو بتكون ردة فعلهم يوم بيعرفون السالفة ؟؟ و بو الريم بيكفل بو منصور و لا لا ؟؟ و سعود و حميد شو بيكون دورهم فالقصة ؟؟ كل هذا و اكثر بتعرفونه فالجزء | |||||||||
  |
|
06-23-2010, 02:39 AM
| #12 (permalink) | |||||||||
|
مستشار المؤسس ~
|
رد: ماكان الفراق اختياري انا :
قمرهم كلهم الجزء الحادي عشر منصور : سعود قولي شو السالفة بالضبط سعود : الله يسلمك انا كنت مقدم اوراق نواف اخوي و يوم سرت الشركة و سألت عن ابوك قالوا انه مسافر ........... ( يقوله السالفة اللي ستوت بينه و بين سعيد ) و بعدين اتصلت لين سابوك و خبرت و هاي كل السالفة خليفة : عيل شو يايبنكم هنا حميد : و الله كنا يايين نتمشى و بالصدفة شفناكم منصور : عن اذنكم وراح منصور بعيد عنهم شوي حميد : عيل و ين الاهل خليفة : و الله ابوي و عمي و امي و حرمة عمي رايحين السوق عيسى : ها شغلتهم من سوق لسوق سعود و حميد من شافوا الطاولة تمو يضحكون من الخاطر عيسى : الحمد لله و الشكر عنلاتكم سعود : خليفة و عيسى تشوفون الطاولة اللي هناك >>> و اشر ع الطاولة خليفة : هي سعود : بقول ليك سالفة عن البنت اللي تعدل شيلتها خليفة و هو يصد ع الطاولة مرة ثانية : عن اختي حميد : منو اختك ؟؟ خليفة بعصبية : شو السالفة ؟؟ عيسى و هو يكلم سعود بصوت واطي : ترا اللي يالسين ع الطاولة اهل خليفة و اللي تعدل الشيلة اخته سعود بصدمة : شووو عيسى : اللي سمعته خليفة : بتقول شو السالفة و لا ... حميد و هو يقاطعة : صدق منصور وين سار ؟؟ خليفة : لا تتهربون من السالفة سعود : انا قصدي البنت الاجنبية اللي عدال البنت اللي تعدل الشيلة خليفة : وينها ما اشوفها سعود : كانت واقفه بس الحين يمكن سارت خليفة بعده مب مرتاح للسالفة : اهاا ^**^ عند منصور ^**^ منصور تم يتصل لموبايل ابوه لكن محد يرد عليه و اخر شي طلع مغلق و بعدين قرر يتصل لين عمه و المشكلة ان عمه بعد ما يرد و قال بيتصل لين امه منصور : السلام عليكم ام منصور : هلا منصور منصور : امايه ابوي وين ؟؟ ام منصور باستعباط : في مخباي منصور : انا اتكلم جد ... الحين هو وين ؟؟ ام منصور : ما عرف منصور : و عمي عبد الله ( بو الريم ) وين ؟؟ ام منصور : ما عرفهم منصور : عيل انتي شو تعرفين ؟؟ ام منصور : انا امك و اكبر منك ما يستوي تكلمني بهاي الطريقة منصور : انزين وين ابوي و لا عمي ؟؟ ام منصور : قلت ما عرفه ... هي صدق اتصل ريال و يقول انه ابوك اونه فالشرطة منصور : شووووو ام منصور : ترا انا ما عرفه بهاي السوالف منصور : انزين و بعدين ام منصور : شو بعدين سكرت و يمكن اتصل فالبيت منصور : ليش انتي وين كنتي ؟؟ ام منصور : انته يالس تسوي تحقيق وياي منصور :..................... ام منصور: يلا بااي و لا تنسى سلم على اخوانك وسكرت ام منصور من عند منصور >>> حشى ما ام هاي المهم بعد ما سكر منصور من عند امه انصدم اكثر معقوله امه اللي هي امه تكلمه بهاي الطريقة و تم منصور يتصل لين عمه ......... الريم انتبه لين منصور و قالت بتسير تسأله شو فيه الريم : عن اذنكم بنات العنود : وين بتسيري؟؟ الريم : بسير اشتري ماي و برجع وراحت الريم عنهم الريم : منصور منصور و هو يلتف بتجاه الصوت : الريم الريم وهي تبتسم : هي الريم ... علامك زايغ منصور : ها .. لا ولا شي الريم : مممم عيل وين الباجين ؟؟ منصور : يالسين ع الطاولة الريم : عيل انته شو تسوي روحك ؟؟ منصور : لا بس كنت ياي اتصل لين ابوي الريم :اتصلت منصور : ما يرد الريم : و ابوي منصور : بعد ما يرد الريم بخوف : ليكون استوا فيهم شي منصور : لا تخافين الحين يمكن يتصل و يرد منصور و يتصل بعمه بو الريم : الوووو منصور : هلا بو الريم : هلا و الله منصور : عمي عسى ما شر شو فيك ؟؟ بو الريم : لا ما شي لا تحاتي منصور : ترا عرفت بسالفة ابوي بو الريم : الله يهديه راسه يابس منصور : ليش ؟؟ بو الريم : انا توني ياي من مركز الشرطة و ما خلاني اكفله منصور : تكفله ... ليش هو شو مسوي ؟؟ بو الريم : متضارب و يا سعيد منصور : انزين و سعيد هو وين ؟؟ بو الريم : فالمستشفى منصور : ليش شو ستوى فيه ؟؟ بو الريم : العظم اللي في ايده انكسر و سووله عملية منصور : والحين بو الريم : رحت الشرطة ابا اكفل ابوك لكن ما خلاني و تمط الريم التلفون من عند منصور و منصور انصدم من حركتها الريم : الوووو بو الريم : هلا والله بالريم الريم : اهلين بو الريم : شحالج ؟؟ الريم : تمام بو الريم : دوووووم انشاء الله الريم تسوي عمرها زعلانة : ليش يوم اتصلت فيك ما رديت ؟؟ بو الريم : و الله كنت مشغول الريم : ومن متى انشغلت عني ؟؟ بو الريم : ههههههه الريم : انزين متى بترد بو الريم : خلاص انا ما برد الريم : شوووو بو الريم : ههههههه اتمصخر الريم : هههههه بو الريم : يلا عيل سلمي عليهم كلهم الريم : يوصل بو الريم : عطيني منصور الريم : اوكيه و رجعت الريم عند البنات و تم بو الريم يخبر منصور السالفة بو الريم : يلا عيل مع السلامة منصور : مع السلامة و سكر منصور عن عمه و بعدين رجعوا الفندق و منصور ما قال لين حد عن السالفة بس قال انه رمس عمه و يسلم عليهم ^**^ بعد مرور يومين عن السالفة ^**^ اليوم بو الريم بيي امريكا و الباجين بيرجعون الامارات و وصل بو الريم بالسلامة و وصلوا الباجين الامارات بالسلامة ^**^ يوم الاثنين فأمريكا ^**^ بو الريم كان تعبان وااايد بشكل فضيع و الريم خيفانه ما تعرف شو تسوي و قالت بتتصل بالعنود الريم : الوووو العنود : هلا الريم و هي تصيح : العنود لحقيني ابوي بيموت العنود و هي خايفه : ريمووووه شو مستوي ؟؟ الريم : ابوووي بيمووت العنود : صبري الحين بيي و طلعت العنود من الحجرة و شافت عيسى و منصور واقفين عند الباب عيسى : العنود وين بتسيري ؟؟ العنود : عند الريم منصور : ليش فيها شي ؟؟ العنود : اللي فهمته منها ان ابوها بيموت منصور : عمي !! العنود : هيه تمت تقول العنود لحقيني ابوي بيموت منصور : عن اذنكم العنود : لحظة بيي و ياك وراح منصور و عيسى و العنود عند السويت مال بو الريم و دخل منصور و على طول طلب الاسعاف و يات الاسعاف و نقلوا بو الريم المستشفى و شوي و لا الدكتور طالع من الحجرة اللي فيها بو الريم منصور : ها دكتور بشر الدكتور :............. عيسى : دكتور لا تخوفنا الدكتور : .... نهاية الجزء الحادي عشر تتوقعون شو بيقول الدكتور لين منصور و عيسى ؟؟ و اذا كان بو الريم مريض هل بيتعالج ولا لا ؟؟ و الريم شو بيستوي فيها ؟؟ | |||||||||
| |
|
06-23-2010, 02:40 AM
| #13 (permalink) | |||||||||
|
مستشار المؤسس ~
|
رد: ماكان الفراق اختياري انا :
قمرهم كلهم الجزءالثاني عشر و شوي و لا الدكتور طالع من الحجرة اللي فيها بو الريم منصور : ها دكتور بشر الدكتور :............. عيسى : دكتور لا تخوفنا الدكتور : .... هو لازم يسوي العملية منصور : أي عملية الدكتور : هو عنده فشل كلوي و لازم الحين نسوي العملية لانه بحالة خطيرة و شوي و لا الريم يايه صوبهم الريم و هي تصيح : دكتور ابوي شو فيه ؟؟ الدكتور : انتي بنته ؟؟ الريم : هيه الدكتور : في حد ممكن يتبرع ليه الريم : انا بتبرع منصور : لا انا اللي بتبرع الدكتور : احنا لازم نسوي تحاليل و نشوف منو منكم اللي يقدر يتبرع ليه منصور و الريم سو التحاليل و بعد خمس دقائق الدكتور : منصور منصور : نعم دكتور الدكتور : انته تحاليلك مناسبة الريم : و انا الدكتور : السموحة ما تقدرين تتبرعين لين ابوج منصور : انزين دكتور متى العملية ؟؟ الدكتور : مممم بنخليها بعد ثلاث ساعات علشان تجهز منصور : اوكي العنود كانت واايد متأثرة من حال الريم العنود : حبيبتي الريم خلاص لا تصيحين الريم : كيف ما تبيني اصيح و ابوي بيموت العنود : لا تفاولين عليه بالموت الريم :و انا من متى و افاول على ابوي بالموت العنود : الموت علينا حق الريم : بس انا ما اقدر اعيش من دون ابوي عيسى من بعيد : العنووووود العنود : لحظة بروح اشوف عيسى و برجع لج وراحت العنود عند عيسى العنود : ها عيسى : العنود خلي الريم تسير ترتاح العنود : ما طايعة تتحرك من مكانها عيسى : حرام و الله تكسر الخاطر العنود : هي صدق عمومها يعرفون عيسى : و الله الصراحة منصور موصني اني ما اقول منو اللي بيتبرع لين عمه العنود : ليكون منصور بيتبرع عيسى :............... ورجعت العنود عند الريم و هي تحاول تهديها بعد مرور اربع ساعات تقريبا ^**^ يطلع الدكتور من غرفة العمليات ... الريم من شافت الدكتور طلع تركض الريم : دكتور كيف كانت العملية الدكتور و هو يبتسم : الحمد لله نجحت الريم : الحمد لله عيسى : دكتور كيف حالهم الدكتور : اللي تبرع كانت حالة خطيرة بسبب انخفاض دقات قلبه عيسى : و الحين الدكتور : لا الحمد لله الحين كلهم بخير المريض و اللي متبرع ليه عيسى : الحمد لله الريم : دكتور ممكن اشوف ابوي الدكتور : يوم بينقلوه الجناح تقدري تشوفيه الريم : و الحين الدكتور : الحين هم بينقلوه غرفة الملاحظة لمدة ست ساعات و بعدين اذا تحسنة حالة بينقلوه فغرفة روحه و بعد مرور ساعة و نص ^**^ نقلوا بو الريم و منصور غرفة الملاحظة كانت الريم و العنود يالسين عند بو الريم و عيسى يالس عند منصور و شوي و منصور يفتح عيونه بصعوبه : آآآآآآآآآه عيسى : سلامات يا الغالي منصور : اللـ .. ــه يسلـ ... مك عيسى : لا تتحرك منصور : شخبـ ..ــار عمـ.. ــي ؟؟ عيسى : عمك الحمد لله منصور : منـ ..ـو عنده ؟؟ عيسى : الريم و العنود منصور : ابا اشوفـ ..ـه عيسى : صبر شوي و بعدين انا بي و ياك منصور : انزين بعد مرور نص ساعة ^**^ عند بو الريم بو الريم : الريم شو ستوا ؟؟ الريم و هي تصيح : ما ستوا شي بو الريم : كيف ما ستوا شي و انا احس بألم فضيع الريم : سلامات بو الريم : العنود شو مستوي ؟؟ العنود : ...... عمي انته سويت عمليه بو الريم بصدمه : شووووو ... ليش ؟؟ و شوي ولا حد يدق الباب ... الريم راحت تشوف منو ع الباب و انصدمه من منصور منصور : ممكن ادخل الريم : هي ليش لا ... صدق الحمد لله ع السلامة منصور و هو يبتسم : الله يسلمج ودخل منصور منصور : السلام عليكم بو الريم + العنود : و عليكم السلام العنود : الحمد لله ع السلامة يا منصور منصور : الله يسلمج من كل شر العنود : آميييييين منصور : الحمد لله ع السلامة يا عمي بو الريم : الله يسلمك ... منصور قولي شو السالفة ؟؟ و قال منصور السالفة لين عمه بس ما قال انه هو اللي متبرع ليه منصور : عمي بو الريم : آمر منصور :ربيعي عيسى يبا يسلم عليك بو الريم : حياه الله ودخل عيسى و سلم ع بو الريم و تحمد للريم بسلامة ابوها ترقبوا الجزء الياي تتوقعون بيعرفون انه منصور وهو اللي متبرع لين عمه ؟؟ و خلاص بو الريم و الريم بيستقرون فأمريكا و لا بيرجعون الامارات ؟؟ و اذا رجعوا شو المصايب ولا المفاجئات اللي تترياهم ؟؟ كل هذا و اكثر بتعرفونه فالجزء الياي | |||||||||
| |
|
06-23-2010, 02:43 AM
| #14 (permalink) | |||||||||
|
مستشار المؤسس ~
|
رد: ماكان الفراق اختياري انا :
قمرهم كلهم الجزء الثالث عشر ^**^ فالامارات ^**^ طلع بو منصور من السجن و ستوا وااايد عصبي و ام منصور كل يوم و الثاني و تزيد طلعاتها و منصور كل يوم و الثاني و يستوي احلى من الاول و شيخة تحاول تتقرب من امها و ابوها لكن ما شي فايدة و سلطان كل يوم ليه مشكله و علية ستوت مدمنة مسلسلات اما بالنسبة لبيت بو خليفة بو خليفة مثل ما تعرفونه من قبل و ام خليفة بعد ما تغيرت و خليفة دوم يسولف و يضحك و لعب و غشمره و ميثة بدأت تغار خصوصا يوم عرفت انه الريم تحب منصور اما بالنسبة لخالد نفس سلطان و ياه رباعة اما فبيت بو حمد بو حمد تم يدلع عياله اكثر من قبل أي شي يبونه يابه ليهم اما ام حمد تتنازع ع بو حمد تقول لا تدلعهم و ..و..و..و..و...الخ و حمد و ياه سلطان و خالد من مصيبة لمصيبة من مشكلة لمشكلة اما حمدة حاولت انها تقلل من دلعها شوي اما بو الريم طلع من المستشفى و زاد حبه للريم و يعتبر منصور مثل ولده اما الريم تعلقت فمنصور بين ما ستوت تعشق التراب اللي يمشي عليه بعد مرور السنوات ^**^ ستوا خليفة و ميثة و شيخة فالجامعة خليفة يدرس طيران و ميثة نظم أغذية و شيخة هندسة ديكور و هاي رابع سنة ليهم اما بالنسبة لين سلطان و حمد و خالد هم فالكلية الشرطة و هاي ثاني سنة اما حمدة و علية ثانوية عامة يعني ثالث ثانوي ^**^ فأمريكا ^**^ بعد ما تخرج منصور رجع الامارات بلاده و الريم فرحت يوم عرفت انه ابوها قرر يرجع الامارات و يستقرون فيها و يا اليوم اللي بيروحون فيه الامارات و طبعا بو الريم ما قال لين اخوانه خلاها مفاجئة .................................................. و يوم و صلوا مطار دبي ارتاحوا ففندق من فنادق دبي و بعدها بيوم ركبوا تكسي وراحوا صوب العين الريم : باباتي متى بنوصل ؟؟ بو الريم : انشاء الله بنوصل الريم : يعني متى بعد ساعة و لا ثلاث و لا يوم بو الريم : الريم علامج مستعيلة الريم :....................... بو الريم و هو يسأل الهندي مال التكسي : اقول متى بنوصل العين ؟؟ التكسي : يمكن بعد ساعة و شويه الريم : اسرع لين 180 على الاقل بو الريم : استغفر الله العظيم الريم : خلاص لا تسرع و لا عندك خبر ^**^ فبيت بو منصور ^**^ سلطان كان محتشر يبا يسير العزبة لكن محد مسوي ليه سالفة سلطان : اقول منصور منصور : قول سلطان : شرايك نسير العزبة منصور : يمكن باجر اسير سلطان : سير اليوم منصور : سير روحك سلطان : منو بيوديني ؟؟ منصور : انته ليش ما خذ الليسن ؟؟ سلطان : انزين عطني سيارتك منصور : علشان تحرق التواير مثل البارحة سلطان : انزين الحين انته من جم سنة ما شايف العزبة منصور : و شو فيها يعني سلطان : يعني تعال اليوم و ياي و شوفها منصور : اوووف قلت مابا سلطان : على فكرة ترا العزبة تغيرة وااايد منصور : مثل شو اللي تغير سلطان : يعني كبروا الحوض و كبروا الفلة و شي خيول و حمير منصور : عادي باجر يوم بسير بشوفها سلطان : اوووف منك و شوي ولا علية تنزل علية : علامكم صخيتوا منصور : هذا اخوج يبا يسير العزبة علية : الله من زمان ما سرت العزبة سلطان : اصلا منو قال انج بتسيرين علية : فديت اخواني و الله منصور : انتي و اخوج كوبي ^**^ فبيت بو حمد ^**^ وصل بو الريم و الريم بيت بو حمد طق ...طق >>> يدق الجرس و طلعت الخدامة بو الريم : السلام عليكم قيرلي ( الخدامة ) : اليكم السلام >>> قصدها و عليكم السلام بو الريم : وين بابا ؟؟ قيرلي : داكل >>> قصدها داخل بو الريم : قولي ليه ريال يباك قيرلي : انزين بابا انته سير ميلس >>> قصدها سير الميلس ودخلوا بو الريم و الريم الميلس ... و شوي ولا بو حمد ياي صوبهم بو حمد : عبد الله ( بو الريم ) !! >>> و سلم عليه و بعدين سلم ع الريم بو حمد : ما شاء الله يا الريم كبرتي و صرتي عروس وراح بو حمد و زقر عياله علشان يسلمون على عمهم و بنته و بعدين اتصل بو حمد لين اخوه علي ( بو حليفة ) و لين فهد ( بو منصور ) علشان ايون و يسلمون على بو الريم و الريم وبعد ربع ساعة الكل وصل و دخلوا الصالة و سلموا على عمهم و بنته علية : اوووف المسلسل طلع من خمس دقائق منصور : وحليلج فاتتج لقطة علية : حمدة و ديتي حجرتج اشوف المسلسل سلطان : أي انتي يايه تشوفين المسلسل و لا يايه تسلمين على عمج علية : بعدين وقت السوالف وراحت علية و شافت المسلسل ................................. وبعد مرور الوقت و بعد العشى بو حمد : عبد الله ( بو الريم ) وين بتقعد انته و بنتك ؟؟ بو الريم : بقعد فشقة لين ما اشوف بيت صغيرون بو خليفة : وين تقعد فشقة واحنا موجودين تعال اقعد عندي ميثة فخاطرها : اوووف و الله لطفر فالريم و اخليها تندم لانها حبة منصور بو منصور : انا استئذن عندي شغل ام منصور : ودني فطريقك البيت بعد ما طلع بو منصور و ام منصور منصور : و انشاء الله ليش ما تون و تقعدون عندنا حمدة : شرايك يا عمي تقعد كل اسبوع عند حد من اخوانك بو حمد : رايج حلو بو الريم : و انا مالي راي بو خليفة : مثل ما قالت حمدة كل اسبوع تقعد عند حد و من اليوم عندي منصور : لا اليوم عندنا ترا ابوي توأمك بو الريم : عن الضرابة انا بقعد فالشقة ام حمد : وين تقعد فشقة و اخوانك موجودين بو الريم : علشان ما تزعلون بيلس عند كل واحد يومين و بس نهاية الجزء الثالث عشر تتوقعون شو الخطة الخبيثة اللي ميثة مدبرتنها للريم ؟؟ و بو منصور و ام منصور بيكون دورهم نفس كل مرة باااردين و لا شي بيستوي و بيخليهم بتغيرون ؟؟ و بو الريم بيقعد اول ليلة عند منو ؟؟ و شو بيستوي ؟؟ و الريم بتحب منصور و لا شي بيستوي ؟؟ و خوال و خالات الريم يوم بيعرفون انه الريم رجعت شو بتكون ردة فعلهم ؟؟ الريم بترتاح ليهم و لا لا ؟؟ الجزء الرابع عشر بو خليفة : مثل ما قالت حمدة كل اسبوع تقعد عند حد و من اليوم عندي منصور : لا اليوم عندنا ترا ابوي توأمك بو الريم : عن الضرابة انا بقعد فالشقة ام حمد : وين تقعد فشقة و اخوانك موجودين بو الريم : علشان ما تزعلون بيلس عند كل واحد يومين و بس و اول ليلة بات فيها بو الريم و الريم فبيت بو حمد و ناموا فالغرفتين اللي تحت نشت الريم الصبح الساعة 8 وراحت المطبخ و لقت ام حمد قاعدة تسوي الريوق فراحت الريم وباستها على راسها الريم : صباح الخير عموه ام حمد : صباح النور غناتيه ... متى نشيتي ؟؟ الريم : نشيت و صليت ركعتين و يتج ام حمد : عيل روحي قعدي حمدة علشان تيلس وياج الريم : انشاء الله وسارت الريم تبي تقعد حمدة و فطريجها سمعت حمد يتكلم بالتلفون حمد : دخيييييييلج تعالي اليوم بيتنا و الله مشتاق ليش واايد ... عااادي تعالي اليوم بعد ... شو تشوفين بعد ...تعالي نفس كل مرة بحجة انج يايه عند حمدة... و الله اني اموت على التراب اللي تمشين عليه الريم طنشت السالفة وراحت حجرة حمدة و وعتها و بعدين راحت الصالة كلهم كانوا قاعدين و يتريقون و كانت الريم تبا تعرف منو اللي يكلمها حمد و فجأة ويرن التلفون و كان المتصل بو خليفة : السلام عليكم حمد : و عليكم السلام بو خليفة : وين ابوك ؟؟ حمد : لحظة وراح حمد و زقر ابوه بو حمد : الووووو بو خليفة : هلا و الله بو حمد : اهلين بو خليفة : شحالك ؟؟ بو حمد : بخير الحمد لله عسى ما شر بو خليفة : الشر ما ييك انشاء الله بس بغيت اعزمكم باجر ع الغداء فالعزبة بو حمد : انشاء الله وبعدها اتصل بو خليفة لبيت بو منصور بو خليفة : الووووو سلطان : هلا و الله بالعم بو خليفة : شحالك سلطان ؟؟ سلطان : بخير بعدني عايش بو خليفة : انا عازمنكم عالغداء فالعزبة سلطان : و اخيرااا حد رأف بحالي بو خليفة : هههههههه لا تنسى قول لين امك و ابوك و اخوانك سلطان : اوكيك بو خليفة : يلا عيل مع السلامة ^**^ فبيت بو حمد ^**^ الريم : ابوي بسألك سؤال بو الريم : سألي الريم : انا عندي خوال و خالات ام حمد : الريم بعد شو هالسؤال اكيد عنج الريم : عيل يوم عندي ابا اسير اليوم و اشوفهم بو حمد : اعتقد انه منصور يعرفهم | |||||||||
| |
|
06-23-2010, 02:44 AM
| #15 (permalink) | |||||||||
|
مستشار المؤسس ~
|
رد: ماكان الفراق اختياري انا :
قمرهم كلهم الريم : و منصور كيف يعرفهم بو حمد : حميد ربيع منصور يستوي خالج الريم : الله عندي خال اسمه حميد ... بعد ما تعرفون غيره حمد : انا بعد اعرف ولد خالتج اسمه راشد الريم : باباتي قول لي شو اسامي خالاتي و خوالي من الاكبر لين الاصغر بو الريم : انشاء الله الريم :يلا بسرعة قول الكل : هههههههههه ام حمد : الريم علامج مستعيلة بو الريم : اول شي امج الله يرحمها الكل : الله يرحمها بو الريم : بعدين خالج فيصل و بعدين خالتج نورة و بعدين خالتج منال و بعدين خالج حميد الريم : خاطري اشوفهم بو حمد : بسأل منصور عن بيتهم و تصل بو حمد لين منصور بو حمد : الووو منصور : هلا و الله بو حمد : شخبارك ؟؟ منصور : الحمد لله بو حمد : منصور تعرف وين بيت ربيعك حميد ؟؟ منصور : هي .. ليش بو حمد : عيل يوم تعرفه تعال لي البيت منصور : عمي عسى ما شر بو حمد : تعال و بتعرف منصور : خمس دقائق و انا ع الباب بو حمد : ليش انته وين ؟؟ منصور : احوط بو حمد : يلا تعال لا تتأخر منصور : انشاء الله و بعد نص ساعة يوصل منصور ... دخل منصور البيت بعد ما فتحت الخدامة الباب ليه منصور : السلام عليكم الكل : وعليكم السلام منصور : ها عمي شو السالفة ؟؟ بو الريم : الله يسلمك ربيعك حميد طلع .... الريم و هي تقاطع ابوها : خالي منصور بصدمة : شوووووو بو الريم : اللي سمعته منصور : حميد ربيعي الريم : منصووووور بلييييييييييييز ودني منصور بعده مب مستوعب السالفة : انشاء الله ... متى تبين تروحين الريم : الحين اذا تروم منصور : انزين انا اترياج فالسيارة بو الريم : بتروحين بروحج و لا أي وياج الريم : ابا اروح روحي وطلع منصور و هو مصدوم و ركب سيارته و شوي و تطلع الريم و تركب ورا و طول الطريج محد منهم يتكلم كلهم ساكتين منصور ساكت من الصدمة و الريم ساكتة ما تعرف كيف بتواجه اهل امها و بعد ربع ساعة منصور : الريم وصلنا الريم : مشكوووور منصور : العفوووو ... تبيني اترياج و لا الريم و هي تبتسم : لا روح يمكن اتأخر منصور : اوكيه ودقت الريم الجرس بندا ( الخدامة ) : مرهبا >>> قصدها مرحبا الريم : هلا .... منو داخل بندا : كله داكل بابا فيصل و بابا حميد و ماما نورة و ماما منال و ماما كبير >>> قصدها اليدة الريم : سيري قولي ليهم فيه بنيه تباكم فموضووووع ضروري بندا : اوكيه مدام الريم : أي انا بعدني ما عرست علشان تقولي لي مدام | |||||||||
| |
|
06-23-2010, 02:44 AM
| #16 (permalink) | |||||||||
|
مستشار المؤسس ~
|
رد: ماكان الفراق اختياري انا :
قمرهم كلهم الجزء الخامس عشر ودقت الريم الجرس بندا ( الخدامة ) : مرهبا >>> قصدها مرحبا الريم : هلا .... منو داخل بندا : كله داكل بابا فيصل و بابا محمد و بابا حميد و ماما نورة و ماما منال و ماما كبير >>> قصدها اليدة الريم : سيري قولي ليهم فيه بنيه تباكم فموضووووع ضروري بندا : اوكيه مدام الريم : أي انا بعدني ما عرست علشان تقولي لي مدام ودخلت بندا الصالة بندا : بابا فيصل فيه واحد بنية برع يقول يبا انتو كله فمودوع دروووري >>> قصدها فموضوع ضروري فيصل : منو البنية ؟؟ بندا : ما ارف >>> ما اعرف فيصل : خليها تدخل الميلس بندا : انزين وطلع بندا و قالت لين الريم تدخل الميلس ^**^ داخل الصالة ^**^ فيصل : نورة و منال سيروا شوفوا شو سالفة البنت نورة و منال : انشاء الله و ساروا نورة و منال الميلس نورة و منال : السلام عليكم الريم : و عليكم السلام نورة : تفضلي يلسي ليش واقفه و يلست الريم منال : و الله تبين الصدق ما عرفناج الريم : اكيد ما بتعرفوني نورة : ليش انتي منو ؟؟ الريم : معذورين من 17 سنة ما شفتكم و لا شفتوني منال و نورة مستغربين من كلامها و ما يعرفون شو يسوون نورة : انزين انتي منو ؟؟ الريم : انا ..... تدخل اليدة اليدة : السلام عليكم الكل : وعليكم السلام اليدة سارت و يلست عدال الريم اليدة : شحالج بنتي ؟؟ الريم : الحمد لله بخير اليدة : خير عسى ما شر و الله اني ما عرفتج الريم : انا الريم بنت مها بنتج >>> و صاحت اليدة بصدمه : انتي بنت مها بنتي الريم و هي بعدها تصيح : هيه نورة و منال بعدهم مصدومين نورة ركضت وحضنت الريم و ستوا فلم هندي من الصياح منال من كثر صدمتها طلعت من الميلس وسارت الصالة غيث ولد منال : ماما ليش تصيحي منال شلت و لدها و حضنته و تمت تصيح حميد : منال شو فيج ليش تصيحين ؟؟ منال : ................... موزة حرمت فيصل : منال علامج عسى ما شر منال : الريم حميد : منو الريم ؟؟ منال : بنت مها حميد : مها اختي الله يرحمها منال : هيه فيصل : علامها الريم منال : هيه البنت اللي يايه الكل مرة و حدة : شووووووو و الكل ركض لين الميلس الريم كانت تصيح من الخاطر ما كانت تتوقع انه اللقاء بيكون بهاي الطريقة فيصل : الريم الريم و هي ترفع راسها فيصل : و الله كبرتي يا الريم الريم :................ و تركض الريم لحضن خالها و تصيح حتى فيصل يحاول يهديها لكن ما شي فايدة * فيصل خال الريم متزوج عنده ثلاث اولاد و اربع بنات فاطمة كبر الريم فجامعة الخليج اللي فالبحرين و بعدين ميرة اصغر من الريم بسنتين يعني هي كبر شيخة و ميثة و خليفة و بعدين مبارك صف ثالث ثانوي و بعدين ابراهيم صف ثالث عدادي و بعدين روضة صف اول عدادي و بعدين حصة صف خامس و بعدين نواف * نورة خالة الريم متزوجة و عندها بنت و ثلاث اولاد راشد كبر حمد و خالد و سلطان و بعدين شوق صف ثالث ثانوي و بعدين احمد صف اول ثانوي يحب يتمصخر وايد و بعدين عمر صف ثاني عدادي * منال خالة الريم متزوجة و عندها سيف و غيث توأم * حميد خال الريم مب متزوج كبر منصور يشتغل شرطي * يدة الريم بعدها عايشة و على فكرة ترا سعود يستوي ولد عمهم ( لتنبيه فقط ) المهم بعد ما تعرفت الريم عليهم دخلوا الصالة اليدة : فديتج الريم تعالي يلسي حذالي الريم : انشاء الله وسارت الريم و يلست عدال يدتها فيصل : عيل وين ابوج ؟؟ الريم : فبيت عمي محمد ( بو حمد ) فيصل : عيل انا عازمنكم فالمكان اللي تبونه راشد ولد نورة : نبا نتعشى فمطعم صدف اللي فالفجيرة نورة : خيبة الفجيرة مرة وحدة راشد : هي من زمان ما سرنا الفجيرة فيصل : الريم وين تبين تكون العزيمة ؟؟ الريم : فأي مكان ... بس بشرط فيصل : انشاء الله اني اقدر ع الشرط الكل :ههههههههههههه الريم : ابوي و عمومي و عيالهم يكونون و يانا حميد : اوكيه الريم : راشد انته تعرف حمد و خالد و سلطان عيال عمومي راشد : قولي اسمهم بالكامل و بعرفهم الريم : حمد محمد سيف ال**** و خالد علي سيف ال**** و سلطان فهد سيف ال**** راشد : هي اعرفهم اليدة : فديتج والله ما كنت متوقعة اني اشوفج مرة ثانية فيصل : الحمد لله على كل حال منال : الريم الحين جم عمرج ؟؟ الريم : 22 سنة موزة حرمة فيصل : يعني كبر فطوم الريم : منو فطوم ؟؟ فيصل : بنتي الريم : وينها ؟؟ فيصل : تدرس فالبحرين الريم : اهاا الريم كانت تطالع خالها حميد بإعجاب حميد : معجبة الريم : لا ... بس جني شايفتنك حميد : هي بعد انتي مب غريبة علي الريم : تذكر وين شايفني ؟؟ حميد : يوم سرت أمريكا شفت و حدة تشبهج الريم : ههههههههههههه ميرة بنت فيصل : الحمد لله و الشكر الريم : حتى انا شايفتنك مبارك ولد فيصل : ليكون كنتوا تعرفون بعض من ورانا الكل : ههههههههههههه الريم : لا بس كنت شايفتنك يوم كنت انته و ربيعك عند قوم منصور يالسين ع الطاولة حميد : ليش انتي كنتي وين ؟؟ الريم : الطاولة اللي قدامكم حميد : اللي متروسة بنات الريم : هيه اللي متروسة بنات حميد : الريم تعالي بقول ليش شي الريم : شوووووووو حميد : مابا حد يسمع تعالي برع شوق بنت نورة : ياالله من الحين بدأت الاسرار الكل : ههههههههههههه وطلع حميد و طلعت الريم وراه و راحوا و يلسوا فالمريحانة اللي ورا البيت الريم : ها شو السر اللي ما تبا حد يسمعة حميد : بقول ليش شي عن البنت الريم : أي بنت ؟؟ حميد : اللي كانت لابسة قميص وردي و مرسوم عليه فراشة الريم : هيه ... هاي ميثة حميد : اخت خليفة ؟؟ نهاية الجزء الخامس عشر تتوقعون حميد شو بيقول لين الريم عن ميثة ؟؟ و سعود اذا عرف انه أي لين ميثة من بعيد شو بتكون ردة فعلة ؟؟ و ميثة نفسها كيف بتواجههم ؟؟ وهل بتتأقلم وياهم ؟؟ و عموم الريم بيواقفون على العزيمة اللي فيصل بيسويها ؟؟ كل هذا و اكثر بتعرفونه فالجزء الياي | |||||||||
| |
|
06-23-2010, 02:46 AM
| #17 (permalink) | |||||||||
|
مستشار المؤسس ~
|
رد: ماكان الفراق اختياري انا :
قمرهم كلهم الجزء السادس عشر وطلع حميد و طلعت الريم وراه و راحوا و يلسوا فالمريحانة اللي ورا البيت الريم : ها شو السر اللي ما تبا حد يسمعة حميد : بقول ليش شي عن البنت الريم : أي بنت ؟؟ حميد : اللي كانت لابسة قميص وردي و مرسوم عليه فراشة الريم : هيه ... هاي ميثة حميد : اخت خليفة ؟؟ الريم : هيه اخت خليفة ... يلا قول شو السالفة ؟؟ حميد قال لين الريم السالفة اللي ستوت بين سعود و ميثة الريم :ههههههههههههههههههههه حميد : يعني السالفة لهدرجة تضحك الريم : هي عيل شو شوي ولا ابراهيم ولد فيصل و احمد ولد نورة يايين صوبهم ابراهيم : مرحبا بج يا بنت الخالة احمد : تم انضمام الريم الى عائلة ال***** الكل : ههههههههههههههههههههه حميد : قوموا خلونا نسير داخل و ساروا صوب الباقين ^**^ فالصالة ^**^ اول ما دخلوا ميرة : خلص الاجتماع المغلق الكل : ههههههههههههههههههههه و شوي ولا تدخل الخدامة الصالة بندا : مدام منال بابا ناصر يقول يلا بيروح بيت ما ل انته >>> قصدها ان ناصر ريل منال يبا منال علشان بيروحون منال : انزين تعالي شلي الاغراض مال سيف و غيث بندا : اوكيه منال : سيف و غيث يلا بابا فالسيارة و تسير منال وتلبس عباتها منال : يلا عيل اشوفكم فوقت ثاني وسارت منال و سلمت عليهم منال : عيل وين سيف و غيث ؟؟ عمر ولد نورة : انا وديتهم السيارة وسارت منال و ركبت السيارة منال : السلام عليكم ناصر ريل منال : وعليكم السلام سيف يصيح يبا ييلس جدام منال : سيف عند الدلع ناصر : منال منال : ها ناصر : صدي علي شويه وصدت منال على ناصر ناصر : ليش و يهج احمر ... انتي صايحة ؟؟ منال :..................... غيث : بابا ناصر : ها غيث : ماما كان تتيح >>> قصده تصيح ناصر : شفتي ولدج فضحج منال :...,,,,,,,,,,,,,,, ناصر : انا اليوم ما بتحرك من بيتكم لين ما تقولين لبش صايحة منال :...... بس ناصر : لا ما فيه شي اسمه بس منال : تعرف اختي مها الله يرحمها ناصر : هي الله يرحمها منال : اليوم بنتها الريم يايه ناصر : هذا اللي مصيحنج منال : هيه ناصر : و انا حسبالي حد صافعنج طراق منال : خيبه طراق مرة وحدة ناصر : عادي كل شي جايز منال : يوم انته ما صفعتني طراق تبا اهلي يصفعوني و انا على ذمته ريال ناصر : هي عادي تراني قلت كل شي جايز منال : اقول ناصر : قولي منال : يلا تحرك بعدين سولف ناصر : انشاء الله انتي تامرين آمر ^**^ داخل الصالة ^**^ الريم : الساعة جم ؟؟ روضة بنت فيصل : اربع و نص العصر الريم :اووووووووف نورة خالة الريم : علامج تتأففين الريم : المسلسل طلع من نص ساعة >>> على فكرة ترا علية اللي معلمتنها انها ما تفوت و لا لقطة فيصل : بعد انتي تشوفين مسلسلات الريم : هيه .. ليش شو ناقصني ؟؟ نواف ولد فيصل : ليم وين ماماتش >>> قصده الريم وين ماماتج عمر ولد نورة : هي ناقصنج ام الريم انصدمة ما كانت متوقعة ان حد يرد :............................ نورة : عمووور شو هالاسلوب ؟؟ عمر :أي اسلوب ؟؟ نورة : ان ما خليت ابوك يرقعك ما اكون انا امك عمر ما سوا ليهم سالفة و سار يطالع التلفزيون الريم كانت تصيح من الخاطر اليدة : الريم حبيبتي ترا عمر ما كان يقصد نورة : خلوه هذا انا براويه فيصل : استهدي بالله يا نورة حميد سار ويلس عدالها و رفع راسها حميد : الريم خلاص علشان خاطري لا تزعلين الريم :..................... شوق بنت نورة كانت يايه من المطبخ و ما تعرف شو السالفة شوق : امايه يلا بنروح راشد اخوها : منو قال ؟؟ شوق : ابوي ع الباب و سارت نورة وبنتها شوق ولبسوا عبيهم نورة : يلا عيل مع السلامة وسارت وسلمت عليهم نورة : الريم فديتج خلاص لا تصيحين شوق : ريموووه ليش تصيحين ؟؟ ابراهيم : قولي لين اخوج موزة حرمت فيصل بعصبيه : ابراهيم بس عاد ابراهيم بصوت واطي : عنبوه ما قلنا شي احمد : سمعتك نورة : رشود سير ازقر اخوك الخايس حميد : نورة راشد : اسمي راشد مب رشود نورة : يلا سير انا ما فاضية حقك المهم روحت نورة و بعدها بنص ساعة روح فيصل و عياله يعني محد تم فالبيت غير حميد و اليدة و الريم و الخدم اليدة : فديتج الريم باتي عندنا اليوم الريم : يوم ثاني انشاء الله ... بعدين انا ما يايبه ثياب اليدة : عيل خلاص باجر اتين و تباتين اسبوع حميد : الحين الدلع كله سار للريم الريم : فديتني و الله اليدة : الله لا يحرمني منكم الكل :آميييييين الريم : اقول حميد : قولي الريم : ما بقول ليك خاليه حميد : عيل شو بتقولين الريم : بقول حميد حميد : انا خالج قولي لي خالي حميد الريم : ما لازم حميد : عيل عيال خوالج ما زد عنج هم يقولولي و انتي لا الريم : عادي ترا انته اكبر مني بسنتين حميد : حتى و لو الريم : يدوووه اليدة : ها فديتج الريم : ليش خالي حميد اكبر مني بسنتين اليدة : الله يسلمج يدج الله يرحمه الكل : الله يرحمه اليدة : كان متزوجني و بعدين تم يتزوج و يطلق و بعدين رد لي شويه و لا تلفون حميد يرن حميد : هلا والله ...........: اهلين حميد : شحالك يا ولد العم ؟؟ .........: الحمد لله تمام ... اقول ما بتطلع حميد : اليوم لا .........: ليش اليوم بالذات حميد : اليوم عندنا ضيفة ...........: منو عاد ؟؟ حميد : بنت اختي .............: شوق بنت نورة حميد : لا .........: عيل منووووو ؟؟ حميد : بنت اختي مها الله يرحمها ...........: الريم | |||||||||
| |
|
06-23-2010, 02:47 AM
| #18 (permalink) | |||||||||
|
مستشار المؤسس ~
|
رد: ماكان الفراق اختياري انا :
قمرهم كلهم الجزء السابع عشر شويه و لا تلفون حميد يرن حميد : هلا والله اهلين حميد : شحالك بو عسكور الحمد لله تمام ... اقول ما بتطلع حميد : اليوم لا ليش اليوم بالذات حميد : اليوم عندنا ضيفة منو عاد ؟؟ حميد : بنت اختي شوق بنت نورة حميد : لا عيل منووووو ؟؟ حميد : بنت اختي مها الله يرحمها الريم حميد : هي من متى هي عندكم ؟؟ و ليش ما قلتوا ؟؟ حميد : من اليوم هي عندنا و الصراحة نسينا نتصل عليكم عيل بسير ابشر الاهل حميد : سير .. واذا بتون تعالوا حياكم الله و سكر حميد عن ......... اليدة : منو هذا ؟؟ حميد : هذا سعود ولد عمي الريم : منو بعد ولد عمك ؟؟ حميد : اللي كان وياي يوم كنا فأمريكا الريم : هي عرفته و شوي ولا موبايل الريم يرن الريم : الوووو هلا والله الريم : هلا شحالج ؟؟ الريم : تمام دوم مب يوم الريم : وانتي شخبارج و شخبار اللي بحرف العين >>> قصدها عيسى العنود : انا الحمد لله .. و اللي بحرف العين عازمنكم الريم : بسبب العنود : بيكون عرسه الاسبوع الياي الريم : يعني انتي بتعرسين العنود : لا بعنس و انتي الصادقة الريم : الله كشخة يستوي عرس و العروس روحها تعزمني العنود : المهم عزمي اهلج كلهم الريم : حتى خوالي العنود : منو خوالج ؟؟ الريم : سالفة طويلة بعدين بقولج العنود : هيه عادي عزمي خوالج الريم : يلا عيل اخليج العنود : اشوفج تبين الفكة مني الريم : قلت ليش بعدين بقول السالفة العنود : انزين خلاص الريم : زعلتي العنود : ......... الريم : فديت الزعلانين و الله العنود : جب الريم : والله ما تهوني علي ازعلج العنود : قولي و الله اني ما اهون عليج الريم : والله العظيم العنود : احسب الريم : يلا بااي العنود : باي و سكرت الريم من عند العنود حميد : منو هاي اللي ما تهوني تزعليها ؟؟ الريم : وحدة حميد : منو هاي الوحدة ؟؟ الريم : ربيعتي حميد : منو ربيعتج ؟؟ الريم : الله يستر عليها اليدة : حميد شو تبا فالبنية حميد : ترا اذا عيبتني مواصفاتها يمكن اخطبها الريم : مشكور هي مخطوبة حميد : حلفي الريم : والله حميد : منو خاطبنها ؟؟ اليدة : حميد نسيت بنت عمك حميد : و الله بس ابا اعرف منو اللي خاطبنها و بس الريم: ولد عمها حميد : منو ولد عمها ؟؟ الريم : ربيعك حميد : ربيعي الريم : عيسووه ربيعك حميد : أي واحد الريم : اللي كان و يا قوم منصور يوم كنا فأمريكا حميد : مب ربيعي هذا ربيع منصور و سعود الريم : انزين خلاص فكنا من حشرتك حميد : أي انا خالج و تكلميني بهالاسلوب الريم : انزين شو يعني حميد : يعني انا خالج الريم : إلا اكبر مني بسنتين اليدة : حميد و الريم ما بسكم من المغثة و عوار الراس حميد : انشاء الله بنسكت الريم : ويو ويو هاهاي سكتوه حميد : امايه ترا الحين عيال عمي بيون اليدة : حياهم الله ... البيت بيتهم وشوي ولا عيال عم حميد يايين * حصة و بشرى و جواهر و يحيى و بدر معرسين * خلود و أحلام و سعود مب معرسين اللي كانوا يايين خلود و أحلام و سعود و امهم خلود و أحلام و ام سعود : السلام عليكم الكل : و عليكم السلام ام سعود : حميد ترا سعود يترياك فالميلس حميد : شحالكم بنات ؟؟ خلود و أحلام : الحمد لله بخير أحلام : بشوفتك و ساروا أحلام و خلود يسلمون على حرمة عمهم خلود : شحالج خالو ؟؟ اليدة : الحمد لله بخير وعافية ... انتي شحالج ؟؟ خلود : تمام أحلام : خوزي خليني اسلم خلود : انزين أحلام : شحالج خالو ؟؟ اليدة : بخير بشوفتكم ام سعود : شخبارج الريم ؟؟ الريم : الحمد لله خلود و أحلام ساروا و سلموا ع الريم ^**^ فالميلس ^**^ سعود : جان تميت يالس عند الحريم بعد حميد : جان زين اقدر ايلس سعود : انزين يلا قولي شو سالفة بنت اختك ؟؟ و قال حميد السالفة لسعود من يوم دقت الجرس لين يوم كانت تضارب و ياه سعود : وحليلها كسرت خاطري حميد : على فكرة ترا ميثة .... سعود و هو يقاطعة : منو ميثة يلا اعترف بسرعة ولا بخبر عليك أحلام حميد : لا لا لا كلا ولا زعل أحلام ... فديتها والله سعود : ما شاء الله هذا و انته بعدك ما ملكت عليها و اشوفك تتفداها جدامي عيل يوم بتعرس شو بتسوي ؟؟ حميد : عاد يوم بعرس بتستوي حرمتي و ما يخصك فيني سعود : لا و الله حميد :هي و الله سعود : عيل بسير اخبرها عن ميثة حميد : الله يسلمك ميثة اخت خليفة سعود : خبر جديم ... ليكون ناوي تهد اختي و تخطبها حميد : فديتها اختك و الله سعود : حميد حميد : اسفين سعود : يلا قول شو سالفة ميثة ؟؟ حميد : تعرف انها طلعت بنت عم الريم سعود : احلف حميد : و الله سعود : وانته شو عرفك ؟؟ حميد : قلت لين الريم عن السالفة سعود : يالخايس ليش تقول ؟؟ حميد : كيفي سعود : لا و الله حميد : اقول ... قوم نسير داخل سعود : ترا اختي رفضتك ما تباك حميد بصدمة : شوووووووووو سعود : شو بعد شو ... هي اختي أحلام رفضتك انصدم حميد ما كان متوقع من اللي يحبها ترفضه و لا بعد هي تحبه يطلع حميد من الميلس و يسير حجرته و اييب السويج مال السيارة و يطلع بالسيارة ويسوق لسرعة 240 و .................. | |||||||||
| |
|
06-23-2010, 02:48 AM
| #19 (permalink) | |||||||||
|
مستشار المؤسس ~
|
رد: ماكان الفراق اختياري انا :
قمرهم كلهم الجزء الثامن عشر حميد : اقول ... قوم نسير داخل سعود و هو يتمصخر : ترا اختي رفضتك ما تباك حميد بصدمة : شوووووووووو سعود : شو بعد شو ... هي اختي أحلام رفضتك انصدم حميد ما كان متوقع من اللي يحبها ترفضه و لا بعد هي تحبه يطلع حميد من الميلس و يسير حجرته و اييب السويج مال السيارة و يطلع بالسيارة ويسوق لسرعة 240................ و يعدي الاشارة الاولى و الثانية و تطلع شاحنة كبيرة و جان ...................؟؟؟؟ ^**^ فالبيت ^**^ بعد ما طلع حميد من البيت سعود ما عرف شو يسوي يتصل على موبايل حميد لكن حميد ما يرد و بعدين تم يعطيه مغلق و دخل سعود الصالة سعود : السلام عليكم الكل : وعليكم السلام اليدة : عيل وين حميد ؟؟ سعود بتردد :.... سار عند الربع اليدة : و ليش انته روحك سعود : لا هو الحين بي و شوي و لا تلفون البيت يرن و تسير الريم تشله الريم : الووو ..........: السلام عليكم الريم : و عليكم السلام ..........: هذا بيت مبارك احمد ال***** الريم : هيه ............: في واحد من اهلكم اسمه حميد الريم : خالي حميد ...شو فيه ............: و الله الصراحة هو سوا حادث و الله ما عرف شو اقول المهم تعالوا مستشفى ***** و بتعرفون السالفة الريم بصدمة : خالي حميد و يشل سعود التلفون من عند الريم سعود : الووو الدكتور : هلا سعود : خير شو السالفة ؟؟ حميد شو فيه ؟؟ الدكتور : هو سوا حادث فضيع و الحين حالة وااايد خطرة و لازم حد أي و يوقع ع العملية سعود بصدمة : انشاء الله الحين ياي اليدة : خير يا سعود عسى ما شر سعود : الشر ما ييج انشاء الله اليدة : عيل منو متصل ؟؟ الريم و هي تصيح : واحد متصل و يقول انه خالي حميد سوا حادث أحلام : شووووووووو سعود طلع من البيت و على طول اتصل بفيصل و خبره انه حميد مسوي حادث و هو فالمستشفى ^**^ فالمستشفى ^**^ فيصل : ها سعود بشر الحين حميد وين ؟؟ سعود : ما خلوني ادخل عليه فيصل : ليش شويه ولا الدكتور طالع فيصل : ها دكتور بشر الدكتور : الصراحة الحادث كان قوي و الضربة يات على ريوله سعود : و الحين !! الدكتور : احنا ممكن نسويله عملية بس .... فيصل : بس شوو ؟؟ الدكتور : نسبة العملية 8% فيصل : لو سفرناه برع الدكتور : نفس المشكلة سعود : انزين و الحين شو نسوي ؟؟ الدكتور : هذا الشي راجع ليكم اذا ما سوينا العملية ممكن يتشلل شلل نصفي او كامل فيصل : اوكي احنا موافقين ع العملية بس انته توك قايل انه نسبة العملية 8% الدكتور : يعني العملية ممكن تنجح و ممكن لا وسار الدكتور عنهم و شوي ولا موبايل سعود يرن سعود من دون نفس : الوووو ...........: سعود الحق سعود : خلود شو مستوي ؟؟ خلود : أحلام سعود : شو فيها أحلام ؟؟ خلود : منهارة من الصياح ... سعود قول حميد شو فيه ؟؟ سعود : ما فيه شي خلود : كيف ما فيه شي و انته صوتك مب طبيعي سعود : انا بقولج لكن توعديني انج ما تقولين لين أحلام خلود : ...... وعد سعود : الصراحة حميد سوا حادث و الحين هو بيسوي عملية خلود بصدمة : عملية سعود : المهم اتصلي لين يحيى و بدر خليهم ايون المستشفى خلود : انشاء الله ... بس أي مستشفى سعود : مستشفى ***** و سكرت خلود من عند سعود و هي من صدمة أحلام و هي تصيح : خلود شو قال سعود ؟؟ حميد شو فيه ؟؟ خلود : ...... و الله انه ما فيه شي اليدة : خلود لو سمحتي عطيني التلفون بتصل لين فيصل خلود : انشاء الله بعد ما عطت خلود التلفون لين يدة الريم خلود : عن اذنكم ام سعود : على وين ؟؟ خلود : بسير المطبخ ام سعود : يبي لي ماي خلود : انشاء الله و سارت خلود المطبخ و اتصلت لين اخوها يحيى و بدر و قالت ليهم انه حميد فالمستشفى ^**^ فبيت بو حمد ^**^ كانت شيخة و ميثة و علية يايين عند الريم شيخة : عيل وين الريم ؟؟ حمدة : محد ميثة : الحمد لله شيخة : وين سارت ؟؟ حمدة : عند اهل امها علية : حمدووة قومي خلينا نسير فوق حمدة : اول قولي حمدة بعدين بسوي اللي تقولينه علية : آسفين الشيخة حمدة حمدة : بعدين ليش تبين تسيرين فوق علية : ها ... بس لانه هنا ملل حمدة : عاد يوم بتسيرين فوق بتتمللين اكثر علية : ليش عاد حمدة : هنا حمد بييلس يتسيخف و يستهبل علية : عادي حمدة : سيري روحج و شويه ولا بو الريم و بو حمد نازلين بو الريم و بو حمد : السلام عليكم البنات : وعليكم السلام و سارن البنات و سلموا على عمومهم بو الريم : شحالكم بنات ؟؟ البنات : الحمد لله بخير بو حمد : علاية و حمدة متى بتبدون امتحانات علية :اوووف عاد هاي السنة برسب يعني برسب بو الريم : ليش علية : كل المواد تعتمد ع الحفظ شيخة : انزين حفظي علية : و الله ما روم احفظ ميثة : عيل احنا كنا نحفظ حمدة : هي و الله صدقها علاية ما نروم نحفظ علية :المنهج وااايد صعب شيخة : الله يعينكم حمدة : خاصة هاي الابلة مال العربي و الله ما تعرف تشرح علية : حتى الاعراب تعربه غلط حمدة : تراها مخرفة بعد شو بو حمد : عيب لا تتكلمون ع الابلوات بهذا الاسلوب علية : تعرفون جم عمرها ؟؟ الكل : جم ؟؟ علية : يقولون انه عمرها 64 سنة ميثة : خيبه كيف مستحملينها حمدة : و الله من اتي حصتها انا اشرد بو حمد : شوووووو ؟؟ حمدة : ها .. لا ما انا ربيعي اللي يشردون مب انا بو حمد : حمدوا ربكم .. احنا يوم كنا كبركم ما كانت شي مدارس بو الريم : حمدة اتصلي على الريم شوفيها متى بتي حمدة : انشاء الله و سارت حمدة و اتصلت للريم حمدة : الووو الريم بتعب : هلا حمدة : الريم شو فيج ؟؟ ليش صوتج متغير ؟؟ الريم : لا ما فيني شي حمدة : متأكدة الريم : هيه حمدة : عيل ليش صوتج متغير الريم : خالي حمدة : شو فيه ؟؟ الريم : سوا حادث حمدة : عيل الحمد لله على سلامته الريم : الله يسلمج حمدة : هي صدق عمي يقولج متى بتردين ؟؟ الريم : ما عرف حمدة : متى يعني بعد صلاة المغرب و لا بعد صلاة العشاء و لا باجر الريم : ما عرف بس يمكن ارقد عندهم حمدة : اوكي … عيل سلمي عليهم الريم : يوصل … بعد انتي سلمي على ابوي وااايد حمدة : انشاء الله الريم : يلا عيل مع السلامة حمدة : بااي و سكرت حمدة من عند الريم بو الريم : كلمتي الريم ؟؟ حمدة : هيه … و تقول انه خالها سوا حادث بو الريم : شووووو؟؟ حمدة : كان صوتها متغير و يوم سألتها قالت انه خالها سوا حادث بو الريم : استغفر الله بو حمد : منو من خوالها اللي مسوي حادث ؟؟ حمدة : ما عرف !! بو الريم اتصل على موبايل الريم بو الريم : الوووو الريم : هلا بو الريم : الريم منو من خوالج اللي مسوي حادث ؟؟ الريم : خالي حميد بو الريم : فأي مستشفى الريم ما عرف بو الريم : انزين عطيني رقم خالج فيصل الريم : لحظة و سارت الريم عند يدتها و خذت منها الرقم و رجعت الريم : الووو بو الريم : يلا عطيني الرقم الريم :*******\ 050 بو الريم : يلا عيل فحفظ الرحمن الريم : مع السلامة و سكرت الريم عن ابوها بو حمد : ها بشر عسى ما متعور بو الريم : هي ما قالت لي بس اكيد ... كان صوتها وااايد متغير بو حمد : عيل قوم خلنا نسير بو الريم : يلا ... لحظة بتصل لين فيصل و اتصل بو الريم لين فيصل و فيصل قال لين بو الريم هم فأي مستشفى و طلعوا بو الريم و بو حمد من البيت سايرين صوب المستشفى ^**^ فبيت بو حمد ^**^ كانوا البنات يالسين ويسولفون و شوي و لا حمد نازل من الدري حمد ما كان يعرف انه بنات عمه فبيتهم حمد : حمدوووة الخايسة وين الجارج مال تلفوني ؟؟ حمدة : لو سمحت احترم نفسك هنا بنات عمي حمد يوم نزل انصدم ما كان متوقع انه بنات عمه يكونون عندهم حمد : سوووووري حمدة : حبني فوق راسي و بقبل آسفك حمد ما سوا ليها سالفة : شحالج علاية ؟؟ علية : تمام ميثة : و حنا ما لينا رب شيخة : اكيد بينكم علاقة ... انتو تعرفوا ما لازم اقول حمد : عيب اسئل بنت عمي عن حالها ؟؟ شيخة : شو معنى علاية بالضبط ميثة : علاية فديتج حبيبتي قولي لي و الله ما بخبر حد شو اللي بينج و بين حمد ؟؟ حمد و هو يغمز لين علاية : بينا علاقة في مانع يعني حمدة : اوووف يعني علاية بتستوي حرمة اخوي حمد : و عمتج بعد شيخة : و من متى بدأت العلاقة اللي بينك و بينها حمد : عاد من متى بدأت و متى بتخلص ما يخصج ميثة : ما شاء الله من متى نزل الحب ؟؟ علية بمستحى : لو سمحتوا غيروا الموضوع حمدة : يالله على اللي تستحي علية : بس عاد حمد فخاطره : فديتج و الله حمدة : حمد حمد : خير حمدة : ودانا السوق حمد : اذا علاية بتسير بوديكم حمدة : علايوووه بليث تعالي علية : ممممم ميثة : شو بعد ممممم قولي هي ولا لا علية : ما بسير حمدة : عنلاتج شيخة : لييييييييييش علية : بعد يومين علي امتحان و ابا اسير البيت علشان اذاكر ميثة : ما شاء الله عليج وااايد تحبين المدرسة حمدة : هاي تحب المدرسة علية : هي في مانع حمدة : ما دري منو شارد من حصة الانجليزي علية : جب جب حمد : علايووه انتي تشردين من الحصة علية :................... حمدة : لا تقول الحصة قول الحصص حمد و هو يستهبل : عيل خلاص ما بيني و بينج شي علية :...................... >>> شويه و بتصيح شيخة : علاية لا تصيحين علية :.... منو قال اني بصيح شيخة : شوفي ويهج احمر حمد : فديتها خجولة ميثة : انته توك تقول ما تباها و الحين يالس و تتفداها حمد : كيفـــــــــــــــــــي حمدة و تبي الفكه من حمد : حمد سير ربيعك يترياك برع حمد : حلفي حمدة : ما بحلف حمد : عيل انتي جذابة حمدة : انا بحلف عادي ما عندي مانع بس اخاف ربيعك روح حمد : انزين وين الجارج ؟؟ حمدة : ما عرف حمد : انا الحين بسير المارينا ويا ربعي و اذا رجعت و ما شفت الجارج ياويلج مني ميثة : هي انتو سيروا و حاوطوا و احنا فالبيت حمد : احنا غير وانتو غير ميثة : لا ما شي فرق حمدة : حمد بلييييز بنسير وياك حمد : انتي ما تفهمين ربعي بيسيرون و ياي حمدة : عادي شيخة : صح عادي انتو سيروا و حاوطوا و احنا بنسير السوق حمد : لا و الله ميثة : حرام و الله بس اليوم حمدة : عادي ما لا ربعك رشود و جسوم و عيال عمي شيخة : و انتي شدراج حمدة : يعني منو ربعه غير هاذيلا حمد: يلا ما شي سيره ميثة : انزين اذا علاية بتسير بتودانا حمد : انا عادي بوديكم لكن وياي ربعي تفهمون ولا لا علية : انزين سير فكنا يالس و يغايضنا حمد : و الله اني ما اغايضكم حمدة : اقول سير عن تتأخر على ربعك حمد : انشاء الله عموه البنات : هههههههههههه حمد : علاية ما تبين شي علية : سلامتك حمدة : و انا اختك يمكن ابا شي حمد : ابوي موجود وطلع حمد من عندهم و هو مستانس من الخاطر علية : فديته و الله ميثة : هي الحين الحب بان شيخة : ليكون صدقتي عمرج حمدة و هي توجه الكلام لعلية : يلا سيري بيتكم علية : لا والله حمدة : توج تقولين انج بتذاكرين علية : كيفي شيخة : هاي تذاكر فعينج هاي يالسة ع التلفزيون من مسلسل لفلم ^**^ فالمستشفى ^**^ دخلوا بو الريم و بو حمد المستشفى و ساروا من صوب غرفة العمليات بو الريم و بو حمد : السلام عليكم الكل : وعليكم السلام فيصل : عبد الله ( بو الريم ) بو الريم : شحالك يا فيصل ؟؟ فيصل و هو يسلم على بو الريم : الحمد لله بخير وعافية و انته شحالك ؟؟ بو الريم: انا الحمد الله بخير بشوفتكم و سلم بو الريم و بو حمد على سعود وبدر و يحيى يحيى : الحين انتو وافقتوا على العملية فيصل : و الله ما عرف اوافق ولا لا بو الريم : ليش العملية بعد ؟؟ و قال فيصل لين بو الريم و بو حمد عن خطورة العملية و نسبتها بو حمد : منصور يمكن يساعدكم بدر : منو منصور ؟؟ بو حمد : ولد اخوي دكتور جراحة توه متعين سعود : لحظة انا بتصل عليه و اتصل سعود لمنصور سعود : السلام عليكم منصور : وعليكم السلام سعود : منصور منصور : سعود علامك صوتك مب عايبني سعود : منصور بطلب منك طلب منصور : تم الساااااع سعود : ما تبا تعرف السالفة اول | |||||||||
| |
|
06-23-2010, 02:49 AM
| #20 (permalink) | |||||||||
|
مستشار المؤسس ~
|
رد: ماكان الفراق اختياري انا :
قمرهم كلهم الجزء التاسع عشر و اتصل سعود لمنصور سعود : السلام عليكم منصور : وعليكم السلام سعود : منصور منصور : سعود علامك صوتك مب عايبني سعود : منصور بطلب منك طلب منصور : تم الساااااع سعود : ما تبا تعرف السالفة اول منصور :خير عسى ما شر سعود : الشر ما أي صوبك ان شاء الله ... بس الحين انته مشغول منصور : لا سعود : انزين تقدر اتي مستشفى ****** منصور : انزين ... بس شو السالفة سعود : حميد خال الريم سوى حادث و الـ..... منصور و هو يقاطعة : اوكيه الحين انا بي صوبكم سعود : عيل بترياك فـ الباركن منصور :يلا عيل مع السلامة سعود : بااااي منصور كان يالس فحجرته و بعد ما سكر من عند سعود سار على طول و بدل ثيابه و طلع من الحجرة ... و هو نازل من الدري ام منصور:على وين ان شاء الله ؟؟ منصور : عندي شغل ام منصور : و الشغل ما يطلع الا فليل منصور : ربيعي مسوي حادث ... و الحين انا بسير عنده ام منصور : وخير يا طير ... و شو يعني ربيعك منصور : ربيعي حميد خال الريم ام منصور : اول ســ .... منصور وهو يقطع رمستها :شو بتكون ردت فعلج لو ربيعتج اللي ملهتنج عنا هي اللي مسويه الحادث ام منصور : منصوووووور عن قلت الادب انا امك منصور : اول شيء انتي اللي مربتني فـ اذا كنت قليل ادب انتي اللي ما عرفي تربيني و تربين عيالج اللي هم اخواني ام منصور تلعثم لسانها و ما عرفت شو تقول :.............. منصور : عن اذنج ام منصور : ............ و طلع منصور من البيت و سار المستشفى و وقف فالباركن منصور : السلام عليكم سعود : وعليكم السلام منصور : ها بشر الحين حميد وين ؟؟ سعود :........ منصور : سعود قول كيف كان الحادث ؟؟ سعود : قوي و الضربه يات على ريوله منصور : والحين ؟؟ سعود : والله الدكتور قال لازم يسوي عملية و العملية فيها خطورة و نسبة العملية 8% منصور : لا حول ولا قوة الا بالله سعود : انا السبب ....... منصور و هو يقاطعه : الله كان كاتب ليه و اللي انكتب لازم يصير سعود :......... منصور : قوم خلنا نسير داخل عندهم و ساروا منصور و سعود داخل عن الباجين ^**^ فبيت ام فيصل ^**^ >>> يدته الريم ام فيصل : خلود حبيبتي اتصلي لين نورة و منال و خبريهم خلود : انشاء الله و اتصلت خلود من موبايلها لموبايل نورة خلود : الوووووو نورة : هلا و الله خلود : نورة .... نورة : خلود حد مستوي ليه شيء خلود :......... نورة : خلود تراج خوفتيني خلود : حميـ.... نورة و هي تقاطعها : حميد اخوي قولي شو فيه ؟؟ خلود : حميد سوا حادث و الحين هو بالمستشفى نورة بخوف : الحين منو عنده ؟؟ خلود : فيصل اخوج و خواني نورة : فـ أي مستشفى ؟؟ خلود : و الله ما عرف نورة : انزين يلاااا بااااي و سكرت نورة من عند خلود بدون ما تعطيها مجال علشان تتكلم .... و اتصلت خلود بـ منال و خبرتها و بعد مرور ربع ساعة دخلت منال الصالة منال وهي تزاعج : وين حميد ؟؟ ام سعود : تعوذي من ابليس و قولي لا حول ولا قوة الا بالله ^**^ فبيت بو حمد ^**^ جان أي الدريول و ياخذ علية و شيخة و ميثة و وداهم بيوتهم ام حمد : عيل و ين ابوج و عمج ؟؟ حمدة : ساروا المستشفى ام حمد بقلق : ليش ؟؟ حمدة : خال الريم مسوي حادث ام حمد : لا حول و لا قوة الا بالله حمدة : انزين امايه انا بسير ارقد حمد و هو يدخل :السلام عليكم الكل : و عليكم السلام حمدة : عيل انا بسير حمد : وين ؟؟ ام حمد : بتسير ترقد حمد : صدق انج ديايه حمدة : جـــــــــــــــب حمد : الجب جبج و الفار حبج و الليلة عرسج و باجر طلاقج تحت السرير ام حمد : حمد شو هاالرمسة بعد !! حمدة : ان ما خبرت عليك ابوي ما اكون انا حمدة ام حمد : الله يهديكم ان شاء الله حمدة : هي صح حمد و هو يعيب عليها : شو بعد هي صح حمدة : عن السخافة حمد : خلاص قولي حمدة : تعرف ربيعك راشد حمد : يعني هو ربيعي و ما تبيني اعرفه حمدة : انزين تعرف خال راشد ربيعك حمد : هي علامه بعد حمدة : اليوم بعد صلاة العشى سوا حادث حمد : حلفـــــي ام حمد : بعد ليش تحلف حمد : عيل توه راشد جان ويانا و ما قال انه خاله مسوي حادث حمدة : يمكن بعده ما عرف حمد : يمكن ليش لا ام حمد : بتتعشون و لا بتتريون ابوكم و عمك حمد : ليش هم وين ؟؟ ام حمد : سايرين المستشفى حمد : عند منو ؟؟ حمدة : انته ما تفهم قلنا عند خال الريم حمد : اهااا حمدة : انا بسير اتعشى و بعدين برقد ^**^ فبيت بو خليفة ^**^ ام خليفة و هي تكلم ميثة :ميثة شحال الريم بنت عمج ؟؟ ميثة بدون نفس : ما شفتها ام خليفة : ليش ؟؟ ميثة : كانت سايره بيت يدتها ام امها ام خليفة : هي زين عيل زين بو خليفة : عيل خالد وين ؟؟ ام خليفة : هذا خالد مصدع براسي ... ما يسمع الكلام و اللي يباه بيسويه خليفة و هو يدخل الصالة : السلام عليكم الكل : و عليكم السلام ام خليفة : ها شحالك و يا الدراسة ؟؟ خليفة : الحمد لله و يلسوا يدقون سوالف خليفة : هي صح أ .... ميثة و هي تقاطعه : لا تقول ابا فلوس و لا سيارتي ما فيها بترول اعرفك تراني الكل : ههههههههههه خليفة : لا ميثة : عيل شوووو؟؟ خليفة : يوم الاحد بسافر ام خليفة : ليش ؟؟ و وين ؟؟ خليفة : عندي دوره شهرين فألمانيا بو خليفة : و منو بيسير و ياكم ؟؟ خليفة : ويا الجامعة ^**^ فالمستشفى ^**^ الدكتور : الحين انتو موافقين على العملية و لا لا فيصل بتردد : مممممم ... خلاص موافقين الدكتور : عيل عطوني ربع ساعة لين ما اسير اكمل الاجراءات ... بس منو اللي بيوقع ع العملية يحيى : اخوه فيصل (( و اشر على فيصل )) الدكتور : عيل انته شو تقرب ليه ؟؟ يحيى : ولد عمه الدكتور : عن اذنكم منصور : دكتور الدكتور : نعم و سار منصور عند الدكتور و تم يسأله كم نسبة العملية و الخطورة و ...و ...و...و....و..الخ و دخلوا حميد غرفة العمليات و مرت ساعة فيصل : نورة انتي سيري البيت نورة : لا عادي فيصل : لا سيري و طمني امي و البنات نورة : ان شاء الله ... بس كل شوي بتصل فيصل : اوكي نورة : محمد >>> ريلها محمد سار صوبها نورة : انا بسير البيت محمد : احسن لج نورة : انزين منو بيوديني ؟؟ محمد : انا بوديج و برجع ^**^ فبيت ام فيصل ^**^ دخلت نورة الصالة و شافت حالهم وااايد كئيب نورة : السلام عليكم الكل : و عليكم السلام ام فيصل : نورة شحال حميد ؟؟ نورة : الحمد لله ... انتو ادعوا له منال : كيف كان الحادث ؟؟ نورة بصوت واطئ : منال بعدين منال : لا ما بعدين الحين قولي ام فيصل : نورة حميد شو فيه ؟؟ نورة :........... خلود : مثل ما قالت نورة ادعوا ليه أحلام : انا بسير المستشفى ام سعود : أحلام أحلام :.......... >>> و صاحت ام فيصل : نورة بتقولين حميد شو فيه ؟؟ نورة : ......... الحين هو فـ غرفة العمليات الكل : شوووووووووو ام سعود : ليش غرفة العمليات ؟؟ نورة قالت ليهم السالفة ام فيصل و هي تصيح : بعدك ما تهنيت بشبابك منال : عيل انا بسير المستشفى أحلام : انا بسير و يناج ام فيصل : انا بسير بعد نورة : عيل و ين الريم ؟؟ كــــــــــــــــــت تتوقعون بتنجح عملية حميد و لا لا ؟؟ و ام منصور لين متى بتم باردة ؟؟ و ميثة لين متى بتم تكره الريم ؟؟ و خليفة بيسير ألمانيا ؟؟ و يوم بيسير شو بيستوي ؟؟و الريم وين سارت ؟؟ و منال و أحلام و ام فيصل بيروحون المستشفى ؟؟ كل هذا و أكثر بتعرفونه فالجزء الياي | |||||||||
| |
|
| مواقع النشر (المفضلة) |
| الذين يشاهدون محتوى الموضوع الآن : 13 ( الأعضاء 0 والزوار 13) | |
| أدوات الموضوع | |
| انواع عرض الموضوع | |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| الفراق | بنوته حلوه | الشعر والخواطر والقصائد | 7 | 12-23-2008 02:00 AM |
| لقد اتعبنى الفراق | بيسة | الشعر والخواطر والقصائد | 3 | 08-04-2007 05:09 PM |
| |
العرض العادي
