بتنـدمين يا بنـت والسبب نظرتج هذي

10-21-2011, 01:29 PM

انا : جالكسي والدنيآ عكسي

اضفني كصديق

قاعده : اووووف

روضه ويانا غريبه والله ..!!

( رفعت روضه راسها وطالعت راشد يوم يرمسها )

فلحت نواه الزيتون وهي تمد ايدها وتدخل الزيتونه الثانيه :

تتنطز حظرتك ..!!

( ضحك راشد وهو يسمع ويطالع حركات روضه ) :

لاوالله ما اطنز .. ( سكت وعقب قال ) : الا اقول بشوي شوي

على زيتون بيتنا .. انا قلت انج مايايه اتزورينا يايه تاكلين زيتون ..

(رفعت روضه راسها وقالت ) : راشد بغص من رمستك يالعدو ..

( ضحك راشد وهو يسمع رمسه روضه اللي موول مب مسويتله

سالفه جنه ولد عشر سنين مب جنه عمره يتجاوز 30 سنه ) ..

مشى وودرها ورقى الدري وصرخ وهو يرمس يزوي :

وين امايه فوووق ..!!

( همست يزوي عسب مايسمعها ) : يسأل وهو ساير فوق

خبله اخويه ..

صرخ عليها : يزووووووي انا ارمسج ردي عليه يالحيواانه ..

رفعت يزوي ايدينها وهي تقول : تراك ساير فوق شحقه تسأل بعد

( مسك ضحكته وهو يقول ) : ترا بنزل اصفعج ..

طالعت عليه يزوي بنظرات وسكتت لا تنضرب لانه محد سيف ..

يعني محد بيدافع عنها ..

.

.

10-21-2011, 01:32 PM

انا : جالكسي والدنيآ عكسي

اضفني كصديق

<

.

.

فله بو الفيصــل ..

نزلت ميره من الدري وهي متوجهه على صاله الطعام

لقت امها قاعده سلمت وعقب قعدت : اميه ..

( ماردت ام الفيصل )

ميره : امااااايه ...

( ماسمعت رد ) ...

ميره : اماااايه .. اميـــه ... !! ماماااتي ردي ..

( ردت ام الفيصل وهي تقول ) : هاا ميره ...!!

( بوزت ميره وهي تقول ) : بلاج امايه ..!!

( ماسمعت رد وحبت تحدر فـ الموضوع ويكون احسن )

ميره : اميـه الا وين فصول ..؟؟

مدت ام الفيصل ايدها وخذت قلاس القهوه اللي جدامها ورشفت منه :

وين يعني اكيد انه فـ الشغل ..

ردت ميره على الغنفه بقوه على وراء وهمست : انا مادري

ابويه شقايل يعطي واحد عمره مايتجاوز 22 سنه كل شركاته ...

مرات احس ان ابويه خبله ..

( فجت عيونها وهي تحس باللي توها قالته )

فجأه طرى على بالها الريال اللي طالعته بمزرعه بو سالم

وغمضت عيونها وهي تقول بهمس : يالبيــــــه والله ..

( ابتسمت وهي تتذكر له شكله )

ماتحس الا بضربه على ريلها : سلامات ان شاء الله ترمسين عمرج ..

تخبلتي ولا شو ..!!

ميره بعصبيه : لاحوووول اميه ماتخلين احد ياخذ راحته مووول ..

( نشت وهي متوجهه على صاله الـ tv .. )

.

.

>

<

.

.

فلـــه بو الريم ..

نزل منصور من الدري وهو ويهه ما يبشر بالخير ..

همس بـ هدوء : السلام عليكم والرحمه ..

ام الريم : وعليكم السلام والرحمه ..

هلا اميه بلاك جيه مبوز ..

( جرب منصور من امه وهو يقول ) : بقولج شو بلاني بس اباج تجاوبيني

بصدق وامانه ..

( بلعت ام الريم ريجها وهي حاشه ان وراء تكشيرت منصور بلوه ) :

قالت بخوف : خيـــر اميـه ..!! ان شاء الله اقدر اقولك عن اللي تبا

تسأل عنه ..!!

تنهد منصور وهو يبدا يسرد اللي فـ خاطره : امايه انا بطول الليل

امس ما رقدت .. افكر فـ هالسالفه ..

( خافت ام الريم يكون اللي فـ خاطرها هو اللي يبا يسأل عنه ) ..

رفع عيونه وثبتهن على امه وقال بأندفاع : شو سالفه نايف ....

وليش جيه تعاملنه وماتبنه حتى نجرب صوبه ..!!

هو غلط ولا شي ..؟؟

وحتى لو غلط هو بعد خالنا .. مالنا حق حتى نرمسه ..!!

( قطعت عليه ام الريم وهي تقول بخوف ) : انت قابلته جريب .!!

( ماسمعت رد من منصور ) وقالت : منصور غلايه كف الشر

وودر هـ السالفه ..

والزمن هو اللي راح يحلها ..

( حس منصور بالقهر .. قاعدين يلعبون فـ ادمي ويردون

ويقولون الزمن راح يحلها .. )

صرخ بعصبيه : اميــــــــــه .... ها اللي قاعده ترمسين عنه جيه

ترا اخووج ..

( صرخ بصوت اعلـى ) : أخوووووووج .. تعرفين شو يعني اخوووووج ..

وتردين وتقولين لي الزمن ..

تتذكرين شو كنتي تقوليلي لما كنا يهال ونلعب ويا نايف ..

[ لاتضربه هذا امانتنا كلنــا ]..

واذكرج لما كنتي تقولين [ هذا اغلاكـــم ] ..

شو ستوى عسب جيه تعقنه .. وحتى لو استوى شي جايد

يهون عليكن جيه تعقنه ..

والله ثم والله لو كانت يدتي العوده موجوده جان غضبت عليكن

وعلى هـا اللي قاعدات تسونه ..

( رفع عيونه وهو يبا يعق على امه رمسه يديده ) ..

بس انصدم وهو يطالع امه تصيح ..

نزل راسه وهو يبا يكتم الغيض اللي يحس فيه ..

حس انه محد راح يرمس او يفتح موضوع نايف لو ما هو احين فتحه

قال بهدوء وهو منزل راسه : أميـــــه قوليلي السالفه يمكن اقدر

اساعدج ..!!

( ماسمع منها رد ) ..

همس بترجـي : اميـــه دخيلج ارمسي وقوليلي شو مستوي ..!

( نزلن دموع ام الريم وهي تقول بحسره ) : تتوقع اني

ماحاولت ارد المياه لـ مجاريها ..!!

بس ماقدرت ... اللي استوى يا ولديه ان السالفه كلها احين فـ ايد

ام سالم لان بنتها هي صاحبه الموضوع ..

( حقد حيانه وهو سمع رمسه امه ) : امايه ما فهمت .. شو ام سالم

وبنتها .. ومنو تقصدين من بناتها .. روضه ، ولا شما ، ولا المياسه ..!!؟

ام الريم بهدوء وهي كاتمه دموعها : لا .. شما هي صاحبه الموضوع ..

( كشر ويهه وهو يسمع رمسه امه .. هـ البنت موول ما احبها ..

ما ادري ليش احس كل المشاكل من وراء راسها ) ..

وقال بصوت مرتفع : اميه قوليلي السالفه من بدايتها لـ نهايتها

ابا اعرف كل السالفه ..

( همست ام الريم بصوت مبحوح من الصياح وقالت ) : بقولك

لكن مابا احد يعرف ..

.

.

>

<

.

.

الساعه 11:21 ص

فلــه بو هزاع ..

كان قاعد يطالع الـ tv .. بس كان موول مب فـ الدنيا

كان فكره مبـحر للبيعد .. صـحى من أفكاره على صوت فونـه ..

[ آه يا قو قلبك تجرحني من قلبي وتروح .. وآه قلي وربك من علمك درس الجروح ] ..!

صرخت امل عليه : اييييييه سكت هـ الصياح تقول فـ عزاء ..

( رفع عيونـه بـ هدوء .. وطالع عليـها بنظرات خارقـه .. كانت كفيلـه بتسكيتها .. ) ..

رفـع الفون وبـ سرعه رد بـ صوته الشامخ : مرحبـا السـاع ..

......: هلا والله .. ماتقول عندك ولد عم .. بتدق عليـه .. ولابتسـأل عنـه ..

أبتسم هزاع وهو يقول : لا حووول .. حتى وانا ما افيسك .. ترد وتدق عليـه ..

يـا اخي أفهم مـا أحبــك ..

أنفجر عبدالباسط من الضحك وقـال : أقووول عن الخقـه .. الا وينك بس ..

تعال يابوك زورنـا ..

مول ما نطالعك غير لما نلتقي فـ المزرعـه ..

أبتسم هزاع وهو يقول : أنزين خلاص .. بنيـكم الليله ان شا ءالله ..

عبدالباسط بـ لعانه : اؤؤؤللله ما صدق خبر ..

( ضحك هزاع وهو يسمع رمسـه عبدالباسط ) ..

.

فجـأه جان تنزل حمدوه بـسرعه من الدري وهي متوجـه على باب الفلـه

.

تبـأ تظهر لو ماوقفها صوت أمـها : على ويـن حمدوه ..!

أبتسمت حمدوه وهي تقول : أووه أميـه انتي هني ؟؟؟!

أم عبدالباسط : لآهنـاك .. ع وين ان شاء الله جيـه ظاهره ..

حتى ماتقوليـن وياج أم تسـأليـنها ولا تستأذنين منـها ولا شيء ..!

حمدوه بـ نفاذ صبر : أمايه ولله ما انتبهت ..

( وهي متوجـه ع الباب ) : أحيـن بسير .. يزوي ورواضـي حرقن فونيـه من الرنـات ,,!

أونهن يترينـي فـ فله عميـه سلطوون .. ( بو راشـد ) ..

حركت أم عبدالباسط رأسـها بـ أسـى .. وهي تنش من قعدتها ..

وهي متوجـه عللى الدري تبا ترقيـه : سيري أميـه الرب لج حافظ ..!

( عطت حمدوه نظره سريـعه لـ عبدالباسط اللي مول مب فـالدنيـا وقاعد يضحك ..

وأكتفت بـأبتسامه خبيثه .. وهي تظهر من الفله ..

وتوجهت على فله عمـها .. وبسرعه توجهت لـ جناح يزوي ..!

.

.

>

<

.

.

فلـه نـايف ..

كان لايزال مرمـي على الغنفـه من قعدت أمس بـ الليل ..!

حط أيـده لى رأسـه وهو يضغط عليـه بقووه عسـى ولعلى يخفف من هالصداع اللي يحس فيـه ..!

( غمـض عيونـه وهو يتذكر اللي أستوى لـه ... )

ســالفه شمـــا ..

عهود و فرقـاها ..!

و روضـه وشكوكـها ..!

.

كـان بـ هالوقت مبحر فـ عالمه المليـا بالآحزان ..

تذكر سـالفه شمـا .. وهي السبب الوحيـد اللي احين وصـله لـ هني ..

غمض عيونـه .. وهو يتذكر الموقف .. والسيناريـو الجاذب ..

والكلمات والهمســات .. وكــأنه الموقف توه أستوى مب من 4 سنوات ..

.

أبـحر للبعيـد وهو يتذكر .. بـ ليله من الخوالي ..

كانت روضـه فـ هاليوم مريضـه .. ومحد يدري فيـها غيـر نـايف ..

لانها كانت حبيسـه جنـاحها ..

.

وقـتها كانت السـاعه 2 من الليـل ..

.

ووقتـها كان يدق على روضـه عسب تنزل تفج لـه واحد من البيبـان ..

ولكـن للاسـف روضـه وقتـها كانت ما تقدر تتحرك من شبريتـها ..

.

حدر من الدريشـه اللي متعود يحدر منـها ,,

لانه كل الفلـه مسكره ..

حدر من الدريشـه وبسـرعه ظهر على الصـاله المطلـه ع الدري ..

رقـى الدري .. وهو كل خطوه يحسـها بـ ألف خطوه ...

كان مستعيـل على روضـه ..

وصـل لـ الصاله المفتوحـه اللي فوق .. وتحرك بـ سرعه وهو يبا يسير جناح روضـه

لولا فـجأه يحـس بـ حركه وراءه ..

و بـ سرعه التفت ..

أنـــصدم وهو يطـالعه جدام تماماً .. شمـا بعبايتـها ..

همس بـ خوف ممزوج بـ عصبيـه : شمـا .. من وين راده فـ هالوقــت المتأخر ..!

10-21-2011, 01:33 PM

انا : جالكسي والدنيآ عكسي

اضفني كصديق

ضحكـت شمـا وهي تحس بـ خوف مب طبيـعي .. تحس أنـها خلاص أنكشفـت ..

بس ومع ذلك حاولت تظهر العكس .. قالت بـ همس : مالك خــص ..

خلك ويـا حبيبه قلبـك روضـه ..

قال بــ عصبيـه حاده : شما .. قلتلج من وين راده فـ هالوقت المتأخر هاه ..

جـــــاوبينــي ..!

التفتت شمـا .. والتفت ويـاها نـايف .. وهو يطـالع بـاب جناح أم سـالم ينفـتح ..!

حـست شمـا بـ كل خوف الدنيـا يمتلكـها ..

شو تسوي .. وشو تقول حق أمـها ..!

جربت بـسرعه من نـايف وهي تقول بـ صوت مسموع .. وكانها تصيـح : حرام عليـك ودرنـي ..

مــابا اسير ويـاك ..

( وبصوت أعلى ) : نــايف أنـا بنت أختك .. حرام عليـك تضيـع مستقبلي ..

(فـج نايف عيونـه للأخر وهو يطـالع شمـا تصيـح ..

وعرف سـاعتها .. أنـه شما ردت سواد ويـها عليـه ..

( جربت أم سالم بـ عصبيـه محد يتصورهـا .. وقـالت بـ عصبيـه ) : فهمونـي .. شو مستوي ,,!

( ارتمت شمـا بـ حضن أمـها .. وهيت تصيـح بـ دموع تماسيـح ) : أميـه كان يبا يأخذني ويـاه ..

حدر جناحيـه وغصبني ألبس عبايتيـه .. وقالي تعالـي ..

كان خـاطره .. ( سكتت وهي تصيـح بـ تمثيـل .. ) ..

( كــان فـاج عيونـه للأخر .. مب مصدق اللي يطـالعه جدامـه .. )

: معقولـه عقت سواد ويـها عليـه أنـــا ..

كان مب مصدق أنـه كل هالخبــث يظهر من هـ البنت ..!

( جربت منه أم سـالم وهمسـت بـ ألم ) : مـا كنت متوقـعه منك جيـه تسوى ..

أنــت يـا نايف .. أنـــت ..!

أنـا اللي دخلتك بيتيـه وأمنتك على بناتيـه .. جيـه تسوى فيـه ..

جيـه تتعطنـي فـ الظهر ..

آه يانايف .. ليتنيـه ما دخلتك بيتيــه ..!

حسـافه وربـي .. حســافه ..!

( كان مصدوم ومب مصدق .. اللي يستوي جدامـه

.. معقولـه .. أمــه الثـانيه تصدق فيـه الشين وبدون ما تتأكد .. )

رفــعت أم سـالم أيدها وهي تأس على الدري : أجلــب ويهك .. مابا اطالعكك فـ بيتيه ..

بعد هاللحظـه .. وبناتيـه .. لايعرفنك ولاتعرفهن ..!

وخواتك اللي هن أم الريم وأم راشـد .. أنســـاهن ..

مابا اطـالعك عقب يوم تحدر واحد من هـ البيووت ,,!

نحن ما نلم الصيـع واللي يبعيون العشـره ..

( كــان مصدوم لحيـن .. حتى ماقدر يدافـع عن نفسـه .. )

.

( رفع عيونـه وهو يطـالع على شمـا اللي كانت وراء ام سـالم ..

رفـع عيونـه وليـته مارفعهن ..

لانه فـ هالوقت شمـا كانت تضحك .. )

يـاما تريت هـ اللحظـه من زمان .. وأخيـــراً .. يتـها ..!

.

صــحى من أفكـراه وذكريـاته المؤلمـه وبـ شده ..

على صوت فونـه ...!

[ مابنسكـر صـابر لو فرصـتي تمضـى .. والحظ لو عاثر بـصنع حظي .. ] .!.

ضحك بـ ألم وهو يسمـع فونـه يصيـح وكأنـه هالاغنيـة ..

كانت حـاسه فـيـه .. يعني بالمختصـر ييت فـ وقتـها ..

رفـع الفون وهو يرد على اللي داق : ألوو ....

....... : بلآه صوتـك جيـه ..!

( رد نـايف رأسـه ع الغنفـه اللي وراءه .. وقـال ) : لا مـاشي .. بس تونيـه ناش من الرقـاد ..!

ثـاني : متــأكد نـايف ..!

أنــا حسيتك من يـاك هاك الاتصـال أمــس أعتفست فوق حدر ..!

وحتـى ماقعدت ويـايه .. !

( نـايف بـ هدوؤ غريب .. وبـ صوته المبحوح ) : ثـاني .. قلتلك ماشـي ..!

ثـاني بـ أستغراب : بـراحتك .. بس تأكد أنـي ويـاك مهمـا يستوي ..!

أبتسم نـايف وهو يطـالع وفـاء ثانـي ..

حس بـ أنه خفف عليـه شووي من اللي يحس فيـه ..

وكـأنه الله سبحـانه أرسـله لـه .. عسب يخفف عنـه ..!

.

.

<

>

.

.

يزوي بـ لعانـه : حمدوه شو رأيــج نسير .. ----- مووول ..!

حمدوه .. وهي فهمت الحركـه : الله ونــاسه ..

.

فـ اما عن روضـه فـ كانت بـ طول الوقـت منزلـه رأسـها .. وماترمس عكسهن تماماً ..

وكانً البنات مستغربات من هدوء روضـه المفأجـى ..!

.

صرخت يزوي عسـب تصحـى روضـه من أفكارهـا أو سرحانـها ..

: حووو ماتسمعيــن ..!

همسـت روضـه بـ هدوء : أسمـعج بـس ما خاطريـه أسير مكان ..!

التفتن حمدوه ويزوي يطـالعن على بـعض بـ صدمـه ..

معقولـه روضـه اللي تموت فـ الحواطـه .. ماخاطرها تظهـر ..!

.

تأكدن أنـها فيـها شيء بس ماتبـا ترمـس ,,!

غمزت يزوي لـ حمدوه .. وقالت لـها بـ همس روضـه ماتسمـعه : أبتدي بـ الخطـه ..!

حمدوه بـ خبث : رواضـي غلايـه ..!

( ماردت عليـها .. وصرخت بـ صوت أعلى ) : رواضـي طلبتج ..!

.

(ماسمعت ردهـا ... كانت لاتزال .. منتزلـه رأسـها ومول مب فـالدنيـا ..)

مدت يزوي أيدها.. وضربتها بـ قو على جتفها : طلبتج يالغاليـه ..

همست روضـه : عطيـتج .!.

أبتسمت يزوي بـ خبث .. وهي تحس انه الامور بدت تمشي ..

شرات ماهي .. وحمدوه يبن ..!

يزوي تكمـل : العصـر بنسير ----- مول .. ونباج تسيرين ويـانا ..!

وهيه تراج قلتي عطيــتج .. يعني أكيـد مابتردينـا صــح ..!

حركت روضه رأسها بالموافقه..

وأبتسمت يزوي بـ خبث .. وبدالتها حمدوه الابتسـامه ..!

.

.

<

>

.

.

الســاعه 1:00 م ..

.

حط الملـف على الطـاولـه .. وأخذ غطاء القلم .. وسكره وحطـه فوق الفولـدر ..

ورد على الكرسي اللي وراءه ..

ورفـع يدينـه وهو يحطـهن على رأسـه .. وتنهد بـ تعب : آآآه ما كنت بـ خلـص ..!

( وفــجأه .. خطرت على بـاله .. وأبتسم لا ع رأسـه .. أراديــاً ) ...!

حدر سكرتيــره محمد .. وهو واقف جدامـه : طلبتني الشيـخ ..!

رفـع رأسـه وهو يطـالعه جدامـه .. وأبتسم وقـال : مم بـ خصوص .. هاك السـالفه ..

اللي مسكتك أيـاها .. كيف لحد مواصـل فيـها ..!

فهم محمد قصـد الفيصـل وبـ سرعه قـال : هيه الشيـخ ..بس فـ فترات متفرقـه ..

عقـد الفيصـل حيـانه .. وهو يسمع رمسـه محمد وقـال : بس أنـا قلتلك أبـاك تكلف واحد

يكون مفرغ 24 ســاعه ..!

وتعطيـه على حسب كفـأتـه وشغلـه ..

محمد بـ أحترام : هيـه الشيـخ ترا انا كلفتـه بـ هالمهمه وأنا متأكد انه مفرغ تماماً ..

بس هو بعض الاوقـات يترك المراقبـه ..!

رد الفيصـل ثقل جسمـه على الكرسي وقـال : أوك .. خلاص اذاً .. احين تقولـه يسير .. ومابا اغلاط فهمت ..

( ورفع أيده وأشر على البـاب ) وقـال : تقدر تسيـر ..!

ظهر محمد من مكتب الفيصـل الفخم ..

ومسـرع ما ابـحر الفيصـل .. بـ أفكاره المينونــه ..

وهمس بـ هدوء : صدقينـي يـاروضـه .. مستحيـل أودرج ..

لحد ما أتــاكد انج تركتي كل الشبـاب اللي تعرفيـهم ..!

( ابتسم بـرضـى عن نفسـه .. وهو يغمض عيونـه ..

وهو يرد رأسـه على الكرسـي .. ) ..!

.

.

<

>

.

.

10-21-2011, 01:43 PM

انا : جالكسي والدنيآ عكسي

اضفني كصديق

كان بـ مكـأنه ماتحرك من مكـأنه من لحظـه ما امه قالت لـه السـالفه ..

وأحيـن بـ يكمل لـه فوق الساعتيـن .. بـ مكـأنه ..!

( نش بـهدوء يحسد عليـه .. وبـ سرعه حدر حجرتـه .. )

و أول فكره كانت تراوده .. وهي أنـه يتأكد من اللي استوى ..

وعن طريـق نـايف ..

بـسرعه فونـه وهو يدق على [ خـاليـه الصغنوون ] ....!

كان يرن بـس ماحد يرد ..

عاود الاتصــال مره ثانيـه .. وماسمـع رد ..

حس منصـور بـ أخر لـحظه بـأنه فقد الامـل ..

لولا ما سمـع وفـجأه .. صوت نايف المبحوح .. : ألوو

.

أبتسم منصور وهو يسـمع صوت نايف وقـال فـ خاطره : مب من شي كل هالحزن فـ صوته ..

من اللي صـابـه ..

( بسرعـه أنفع منصور وهو يحدر فـ الموضوع ) : نـايف أنـا مب مصدق أي شيء من اللي استوى ..

وصدقني انا متأكد أنك برئ ..!

( استغرب نايف من رمسـه منصور ..)

.

{ هذا عن شو قاعد يرمس } ..

وقــال بـ صوته النـاعس : منصور .. مافهمت لك .. عن شو قاعد ترمس ..

منصور بـ أندفاع : أرمس عن سـالفتك .. أنت وشمـا قبـل 4 سنوات ..

و أنــا مب مصدق هـ الجذبـه اللي أنقالت لـي ..

وأبـا اسمـع احين كل السـالفه منك ..

ممكن ولا ....!

تنهد نايف وهو يقول .. : منصور صكر هـ السـالفه ..

وهـ السالفه أنـا من زمان نسيـتها ..!

( صـرخ منصور ) : جذاااااااااااااب ... ليش تحاول تجذب ..

تتحرانــي عيبنـي الوضـع اللي انت فيـه يا نايـف ..

لا تتحرانـي بسكت عن هـ الموضوع ..

فـ احسن لك تقولـي الحقيـقه ..

( وفتجا هغير نبره صوتـه ) : ولاااااااااا...

(سكت وكمـل ) : سمعتـه من أميـه هو الصدق ..

( صرخ نـايف .. لا أراديــاً ) : وربي يشهد عليـه .. انيـه ماقلتها ..

ولاسويت فيـها شيء ..

( فـج نايف عيونـه .. وهو توه ينتبـه للي قـاله .. )

أمـا عن منصور فـ ابتسم .. وهو يتأكد اللي فـ باله ..

لانه يذكر لمـا نايف قاله .. [ أنــا أكره شمـا ..لإنها وحده حقيـره ] ..!

يعني بالمختصـر .. كل اللي قالولـه عنـه جذب فـ جذب ..

والسبب الاول والاخيـر شمـا ..

.

.

<

>

.

.

رفـعت الفون وهي تطـالع اللي داق عليـها ..

بسرعـه ردت .. وهي تنش من تسديحتـها .. وقـالت بـ هدوء : ألـــو ..

( عقد حيـانه .. وهو يسمـع صوتـها ..) وقـال بـ سرعه : بلاج روضـه ..!

( أبتسمت روضـه .. أبتسامه صفراء ..) : لا مـاشي .. بس تونيـه ناشـه من الرقـاد ..

( التفتن يزوي و حمدوه وهن يطـالعن على روضـه بـ أنكار .. ) ..

قصدهن .. على منو قاعده تجذب ..!

.

أبتسمت أبتسامه تغطيـه وهي تنتبه لـ نظرات البنات ..

وهن يطالعن عليـها .. وفهمت قصدهن ..

أبتعدت عنهن شوي .. وهي تمشـي .. حذال دريشـه الزجاج الكبيره ..

الممتده من تحت ولـحد فوق ..

وهي تحط أيدها عليـها وقالت بـ هدوء على غير عادتـها : خيـر منصور ..!؟

فيه شي .. احس من اتصالك وياك شي ..!!

( ضحك منصور وهو يقول) : بقولج شي مابتصدقيه ..

وبتعطيني على الخبر بوسه .. اتفقنا ..!!

( ابتسمت روضه وهي تحس ان الناس اللي حوليها كأنهم يحاولون

يظهرونها من اللي هي فيه ) : قول وان عيبني الخبر بعطيك مب

بوسه الا درزن بوسات .. ( وابتسمت ) ..

منصور بأندفاع : تخيلي عرفت بـ سالفه نايف وابتعاده لـ مده اربع

سنوات ليــش ..

( اول ماكمل جملته حست ان قلبها رقت بقووه .. وقالت بسرعه ) :

انت متأكد من اللي تقوله ..!!

منصور بوناسه : وررربي ... واحين ابا احل المشكله ..

بس يا روضه اذا حليتها ..أ.. ( وسكت ) وكمل بأرتباك : راح اضر

اختج ياروضه اذا حليتها ..

( حست بقلبها يتقطع وقالت فـ خاطرها ) : ليش يا منصور احين عرفت

السالفه ..!! لييش .. ليش ماعرفتها من قبل ..!

أحين ماراح اقدر اساعدك .. وروبي صعب عليه .. صعب ..

(فجت عيونها للاخر ع وسعهن وهي تسمع رمسه منصور " أختج " )

لا يكون اللي فـ بالها صج ..

بسرعه قالت : منصور ارمس منو من خواتيـه ؟؟

منصور بخجل من هـ الكلمه : أختج شما .. ورطتت نايف فـ سالفه

شرفها ..

( شهقت روضه بصدمه وحست كل جسمها ينتفض من هـ الكلمات اللي

قالهن لها .. ماقدرت توقف على ريولها .. حست انها مشلوله كلياُ ..)

قعدت فـ الارض بسرعه وهي ترمي ثقل جسمها فـ الارض

وهمست بألم : وصلت فيها الحقاره لـ هالمستوى ؟؟

انا متأكده ان السالفه جذب ..

شما جذااابه وربي جذاااااابه ..

ناايف انا اعرفه عمره ما ضر احد .. احين بيي وبيضر بنت اخته ..

اللي هي شرات اخته .. وشرفه من شرفها ..!!

( رفعت ايدها وهي تضغط على راسها بقووه .. وقالت بهمس

محد يسمعه ) : منصور انا مب مصدقه اللي نقال ..

انا متأكده ان شما سوت هـ الحركه لانها تغار منيه انا ونايف ..

وليش نايف يحبني انا اكثر منها ..

( سكتت وهي تحس عمرها مشلوله كلياٌ .. معقوله وصلت الحقاره

فأختها لـ هالحد ) : منصور شو الحل ..

منصور بـ هدوء : مادري روضه .. بس انا محطي فـ باليه خطه ..

وبنفذها عن جريب ان شاء الله ..

بس همي احين اختج شما تتأدب وتووب .. وبتنثبت برائه نايف ..

قالت روضه بأندفاع : شو خططتك ..!!

منصور وهو يبتسم : مب احين كل شي فـ وقته حلو ..

( بعد دقايق من السوالف .. صكرت عنه وهو قالها بسالفه نايف

وشما كامله )

كانت فـ مكانها ماتحركت موول .. مصدومه من السالفه اللي سمعتها

فجأه حدرن عليها حمدوه ويزوي وهن يطالعن روضه حذال

الدريشه وفـ الارض ..

جربن منها وهن مستغربات بلاها روضه جيه ..!!

حمدوه بخوف : روضه بلاج ..!!؟

( تذكرت رمسه منصور وهو يحلفها ماتقول حق احد عن السالفه )

قالت بهدوء : تدرن فيه ما اروم اوقف شرات الناس ريولي

يعورني بسرعه واقعد بسرعه ..

يزوي وهي شكه : متأكده روضه ..!!

( ابتسمت وهي تتطالع اهتمام خواتها فيها وقالت فخاطرها ) :

وربي لو كنت اروم اقولكن عن اللي فيه جان قلت ..

روضه : هيه متأكده ..

اما عن حمدوه فـ صدقت لانها متعوده على روضه ماتروم توقف وايد ..

ابتسمت يزوي وهي تفرك بطنها : انزين انتن مب يوعانات ..؟

حمدوه بلقافه : فدييييت هـ الطاري والله ...

السالفه فيها اكل اسمع ..

( ضحكت روضه ولاول مره من عقب سالفه امس )

التفتن حمدوه ويزوي يطالعن على بعض بوناسه ..

.

.

>

<

.

.

على حدود الساعه 3 كانً البنات كل وحده منهن فـ بيتهم ..

اما عنها كانت قاعده فـ الصاله ويا هلها ..

فجأه صرخ حمد وهو يسمع صوت السياره برع : وصــــــل هزاع ..

رفعت عيونها بصدمه تتطالع على حمد ( معقوله هزاع هني

وياي فلتنا ) ..!!

ظهرو الشباب برع عسب يستقبلون هزاع ..

اما عن روضه فـ انسحبت بسرعه من الصاله وطيران على جناحها ..

حدرت حجرتها وهي تقعد على حدود الشبريه .. وكان عقلها

يقولها شي وقلبها يقولها شي ..

بسرعه نشت وهي متوجهه على صوب الدريشه ..

حطت ايدها على حدود الدريشه وهي ترفع جسمها عسب تتطالعه زين ..

( ابتسمت لا اراديا اول ما طالعته ) ..

كان واقف مكانه بشموخه وثقته المعتاده ..

( اكتفت بـ الابتسامه وقالت بهدوء ) : هزاع ....

( وضحكت بسخريه وكملت ) : اخوويه هزاع وبس ..

انت مجرد اخ بالنسبه لي .. ( ردت مكانها وهي ترمي ثقل جسمها

على الشبريه )

تنهدت بتعب واستسلمت للنعاس اللي غلبها ..

.

.

>

<

10-21-2011, 01:44 PM

انا : جالكسي والدنيآ عكسي

اضفني كصديق

.

.

كانت حمدوه بـ هالوقت قاعده ويا اخوها عبدالباسط وعزوز

اما عن الباجي فكانو رقود ..

نش عبدالباسط بعد ما ياه اتصال وبسرعه توجهه على الباب ..

صرختله حمدوه وهي تقول : وصل ولد عمكم ..

فج عبدالباسط عيونه واستغرب شقايل عرفت : شقايل عرفتي

يا الينيـه ..!!

حركت حمدوه حيانها بحركه تقهر وقالت : ولو انا حمدوه .. شقايل

ماتباني اعرف كل اللي يستوي فـ الفله ..

لف عبدالباسط على جهه الباب وقال وهو يتمصخر : هيه فهمت السالفه

الاخت كنتي مسويه حلقه تنصت يوم انا قاعد ارمسه

( انفجرت حمدوه من الضحك لان عبدالباسط فهمها انها كانت قاعده

تتنصت عليه )

.

.

>

<

.

.

بطول الفتره اللي كانو فيها الشباب متيمعين تحت .. كانت روضه وقتها

حبيسه جناحها ..

كان وقتها هزاع مستغرب ليش لحد احين ما طالع روضه ..!!

اكيد انها مشغوله او راقد ..

وما حط فـ باله فكره ان ماتبا تشوفه موول ..

وعلى حدود الساعه 4 ونص دق فون روضه معلنً عن اتصال

يزوي ..

ردت بسرعه وهي تقول : ألووو ...اوكي احين بجهز ...

.... اووف لا تصرخي ... ثواني ومرن عليه ... بعد ...

انا امر عليكن ... اوك ... خلاص قلت لج ما بتأخر ... باي .... جلبي ويهج .....

( صرخت بعصبيه ) : قلـــــــت باااي ...

( صكرت عنها وهي ترمي الفون ع الشبريه )

.

سارت بسرعه لـ حجره تبديل الملابس وخذت العبايه

المسكره وعليها نقش جدا خفيف باللون الاحمر الغامج ..

وسارت بسرعه وهي تحط جحل ثجيل على عيونها وروج احمر

جدا خفيف يا دوب يبين .. وبلاشر مايل للاحمر وماسكرا ..

لبست شيلتها اللي كانت مزخرفه باللون الاحمر من جدام

وبسرعه نزلت على تحت ..

وهي فـ اول دري تبا تنزل تذكرت ان الشباب قاعدين فـ الصاله

نزلت نص راسها عسب تتأكد اذا احد قاعد فـ الصاله

بس تفاجأت وهي تتطالع ان الصاله فاضيه ..

كانت تبا تنزل لو ما تذكرت للحظه الاخيره انها ما قالت لامها

ولا ستأذنت منها ..

رفعت جنطتها الحمره والسوده من شانيل وظهرت فونها وبسرعه

تدق على امها ..

ستأذنت منها وهي بسرعه تفج باب الفله وتلاقي جدامها تماماً

سيارتها ..

فتحت الباب وهي تركب وتقول لـ دريوليتها تسير فله عمها سلطان ..

وعقب فله عمها سعيد .. ( بو عبدالباسط )

توجهت الدريوليه من وين قالتلها روضه ومرت على البنات

وبسرعه سارن على طريج ---- مول ..

وكانً على الساعه 5 وسط المول ..

حدرن واحد من المحلات وحمدوه ويزوي بطول الوقت كانً يطالعن على

روضه بنظرات ويتصاصرن ..

اما عن روضه فـ كانت متزيغه من نظراتهن الخبيثه ..

مر الوقت بسرعه وكانً البنات على وشك انهن يردن بيوتهن

حدرن اخر محل وهن خلاص متفقات انه هـ المحل راح يكون

اخر محل ..

بس فجأه بدون انذار سابق .. اختفن يزوي وحمده مره وحده ..

خذتلها روضه لفه على المحل لانها متعوده على حركات يزوي وحمدوه

وعقب ظهرت ..

وما ثواني غير اييها اتصال من حمدوه ..

( بسرعه ردت وهي تحس بخوف ماتدري ليش ) : الوو

حمدوه بنبره غريبه : روضه حبيبتي انا ويزوي تجدمناج

لان اونه يزوي مريضه فيها لوعه وكله ترجع حشرت المول

من خياسها اعتقد انها حامل خخخخ ..

وماهنتي علينا نقطع عليج روح التسوق وقلنا احسن نتجدمج

ونحن احين جريب من الفله واذا بغيتي تردين نحن خلاص تكلفنا

بـ هالموضوع ..

بتلقين هزاع ولد عمج يترياج برع قاعد اوكي ..

وسكرت بسرعه قبل لا تسمع من روضه اي رد ..

( اما عن روضه فـ كانت بصدمه وموووول مب مصدقه .. معقووله سونها

فيها وهي حابسه عمرها عسب بس ما تتطالع عليه ..

واحين بتركب وياه وبروحها ..) !!!

( بسرعه قالت ) : مابركب وياه ..

( كشرت وهي تتمعن فـ تفكيرها : مابا اركب وياه .. وهو عاده

تحت يترياني ..!!

معقوله اكون لـ هالدرجه حقوده ..!! لا مستحيل ..

اوك بقولهن يقولله يسير ويخلن الدريوليه ترد ..

لا لا لا مستحيل اسويها .. هو واصل لحد هني .. وارده ..

شو بيقول روضه تخاف تركب ويايه ..!! وتتطالعني لانها تحبني ..!!

لامستحيل اصلا مابخليه يفكر بـ هالسالفه ..

انا ما احبه ولا هم يحزنون ..

( بمجرد التفكير بـ هالسالفه يقهرني .. خلاص انا بركب وياه

واللي فيها فيها ) ..

نزلت وهي متوجهه للبوابه وبسرعه ظهرت من المول وهي

تتطالع على السيارات اللي جدامها ..

كان جدامها تماماً بورش كاين برتقالي معتم كامل ..

( ابتسمت لا اراديا وهي تتطالع جدامها السياره .. تعرفها ومتأكده

انها مال هزاع .. لانها قبل ساعات قليله كانت تتطالعها من دريشه حجرتها )

جربت من السياره ومدت ايدها وهي تبا تفج الباب

لكن

وفجــــــــــــــــــــأه حست بأيد تسحبها بقوووه ......

‘

’

أنتظرونـي فـ البارت القادم [ يوم اليمـعه ] بـ أذن الله ..!

.

’‘

10-21-2011, 01:50 PM

انا : جالكسي والدنيآ عكسي

اضفني كصديق

.

.

بتلقين هزاع ولد عمج يترياج برع قاعد اوكي ..

وسكرت بسرعه قبل لا تسمع من روضه اي رد ..

( اما عن روضه فـ كانت بصدمه وموووول مب مصدقه .. معقووله سونها

فيها وهي حابسه عمرها عسب بس ما تتطالع عليه ..

واحين بتركب وياه وبروحها ..) !!!

( بسرعه قالت ) : مابركب وياه ..

( كشرت وهي تتمعن فـ تفكيرها : مابا اركب وياه .. وهو عاده

تحت يترياني ..!!

معقوله اكون لـ هالدرجه حقوده ..!! لا مستحيل ..

اوك بقولهن يقولله يسير ويخلن الدريوليه ترد ..

لا لا لا مستحيل اسويها .. هو واصل لحد هني .. وارده ..

شو بيقول روضه تخاف تركب ويايه ..!! وتتطالعني لانها تحبني ..!!

لامستحيل اصلا مابخليه يفكر بـ هالسالفه ..

انا ما احبه ولا هم يحزنون ..

( بمجرد التفكير بـ هالسالفه يقهرني .. خلاص انا بركب وياه

واللي فيها فيها ) ..

نزلت وهي متوجهه للبوابه وبسرعه ظهرت من المول وهي

تتطالع على السيارات اللي جدامها ..

كان جدامها تماماً بورش كاين برتقالي معتم كامل ..

( ابتسمت لا اراديا وهي تتطالع جدامها السياره ..

تعرفها ومتأكده

انها سياره هزاع ..

لانها قبل ساعات قليله كانت تتطالعها من دريشه حجرتها (

جربت من السياره ومدت ايدها وهي تبا تفج الباب

ولكن ,,

وفجــــــــــــــــــــأه حست بأيد تسحبها بقوووه ..

سحبـتها الايد وكان صابحها يمشي بسرعه قصـوى

وكانه يبا يبعد روضـه عن هـ المكان ..!

اما عن روضـه فـ كانت تربع بـسرعه عسب تلحق عليـه ..

لانه يسـرع ..

وقف وهو يفج باب سيـارته ويرمـيها جدام ..

وبسرعه تحرك و ركـب ..وتحرك من هـ المكان ..

وقـتها كان يغلي من الداخل و العصبيـه واضـحه من ملامـح ويـه الحـاده

امـا عنها فـ كانت بـ صدمـه ..

( نزلت رأسـها وهي تمسـكه بـ أيدينـها الثنتيـن ..

وكأنه مصيبـه حلت عليـها ..)

وقـالت بـ صوت مخنوق : حرام عليـك اللي سويـته فيـه ..

شو بـ يقول عنيـه .. هاه شو بـ يقول ..

فضحتنـيه جدامـه ,,

فضحتـــنيــه .. اه ياربيـه أكيــد طالعك ..

( لـف رأسـه وهو يطـالع عليـها شقـايل منـهاره ,,

من حركــته .. واستغرب ليـش كل هالاهتـمام حـق واحد ماتعرفـه )

همـس بـ هدوء وبـ بحه قويـه : لــيش كل هـ الاهتمام ..

الا واحد من ولاد الشوارع .. ومتعرفـه عليـه ..!

يعني مايعرفنـي ولاهم يحزنون ,

وبيتحرانـي أخوج ( ورص على الكلمـه .. وكأنه قَصدها ) :وكشـفت لـعبـج ..!

( كـانت على وضعيـتها ماتحركـت ..

منزلـه رأســها ومحطيـه أيديـنها عليـه ..) قـالت بـ بحه قويـه ونبره غريبـه : لا يـالفيصـل .. هـ المره غلطـان ..!

وبالاصـل أنت كل مره غلطـان ..

( وبـ بحه أكبر ) : حـــرام عليـك .. والله حرام ..!

شو بـ يكون موقفـه وهو يطـالع واحد يسحبـني ..!

يـارب سترك بـس ..

( وبـ نبره قويـه .. وكره واضـح ) : أتمنـى لو الزمن ينـعاد ..

وما أطـالعك جداميـه ..

ابـا ارد حياتيـه اللي قبـل ..

( وهي ترفع رأسـها وبدون لا تطـالع عليـه ) : اللي مافيـها الفيصـل ..!

( رفـعت عيونـها ولـ أول مره .. ترمسـه وهي تطـالع على عيونـه ) :

كـان ويـايه عادي لو طالعنيـه واحد

من أخوانيـه ويـاك ..

لكـن هزاع .. هزاع يـ الفيصــل ..

ها اللي مب قادره اتصـوره ..

( كــان قصدهـا أنـه هو الوحيـد اللي وثق فيـها ..

هو هزاع من بيـن كل النـاس ..

وأكيـد أنـه أحيـن لمـا طالعـها ويـاه بـ يفهم غلـط ..! )

.

( قـالتها بـ نيـه طيبـه .. وبـ براءه .. [ لكن هزاع .. هزاع يالفيصـل ] ..

ماتوقـعت أنـه فكر الفيصـل بـ يبحر للبـعيد .. ) !!

كملـت بـ قهر وعيونـها مثبـته عليـه : أتركـني يـ الفيصـل ..

تفهم شو يعنـي أتركـني ..خلاص أنـا مليـت ..

الفيصـل .. ...

( سكتت .. بس مسرع ما كملـت وبـ نبره كره ) : كرهـتني فـ عيشتيـه ..

خليتنـيه أكره كل شيء حلو حولـي ..

و أول شـيء أكره هو أنــت ..

( وثبتت عيونـها عليـه ) : أنت أنســان بلا ضميـر وذمـه ,,

ولا عندك أحســاس .. ولا ثقه بـ الناس اللي حولك ..

كل حيـاتك تقضيـها فـ الشك وبــــــــس ,,,!

( قـال وهو يصك على أسـنانه بـ قهر ) : روضـه .. ثمـني رمسـتـ ...

(قـطعت عليـه .. وبـ أندفـاع ) : جــب يـ الحقيـر ..

ياللي مـاتحس .. ولاعندك ذره أنسـانيـه ..

( بـدون أحســاس منـه .. رفع أيـده وضربـها بـ طراااااااااااااااااااااق ..

ظهر فيـه كل القهر اللي يتملـكه فـ هالثوانـي ..

وقــتها كان مقهور من رمسـتها وأهتمامهـا غير المبرر فيـه ..

ولا اللي زاد قهره وهـي تقولـه أسمـه وبـ كل وقـاحه .. ) !!

.

شــهقت بـ قووه .. وهـي تحط أيـدها مكـان الطراق ..

وطـالعت عليـه بـ صدمـه ..!

مب مصــدقـه انه واحد مد أيــده عليـها ..

أبـوها اللي هو أبوهـا مـا مد أيــده عليـها ..

وأحيــن هذا ... يمـد أيــده عليـها ..!

.

( أمــا عنـه .. فـ كان بذاتـه مصدوم شقـايل تجرا وضربهـا ..

لكن وقــتها .. رمســتها وسبـها لـه .. أستفزه وبـ قوه بـعد .. )!

.

وقــف بـ سرعه على جـنب الطريـج ..

وكان هـ المكان شبـه مقطـوع ..

وقـف ..

و بـ حركه سريـعه منها نزلت من السيـاره ..

وهي تركـته مصدوم مكــأنــه ..!.

بسـرعه نزل وهو يتبـعها ويـن ما وقفه ..

أول ما وصـل لـ مكـأنها طالعـها مصدومـه ..

ولو بـ عمرها ما انمدت أيـد احد عليـها ..

.

10-21-2011, 02:04 PM

انا : جالكسي والدنيآ عكسي

اضفني كصديق

.

.

بتلقين هزاع ولد عمج يترياج برع قاعد اوكي ..

وسكرت بسرعه قبل لا تسمع من روضه اي رد ..

( اما عن روضه فـ كانت بصدمه وموووول مب مصدقه .. معقووله سونها

فيها وهي حابسه عمرها عسب بس ما تتطالع عليه ..

واحين بتركب وياه وبروحها ..) !!!

( بسرعه قالت ) : مابركب وياه ..

( كشرت وهي تتمعن فـ تفكيرها : مابا اركب وياه .. وهو عاده

تحت يترياني ..!!

معقوله اكون لـ هالدرجه حقوده ..!! لا مستحيل ..

اوك بقولهن يقولله يسير ويخلن الدريوليه ترد ..

لا لا لا مستحيل اسويها .. هو واصل لحد هني .. وارده ..

شو بيقول روضه تخاف تركب ويايه ..!! وتتطالعني لانها تحبني ..!!

لامستحيل اصلا مابخليه يفكر بـ هالسالفه ..

انا ما احبه ولا هم يحزنون ..

( بمجرد التفكير بـ هالسالفه يقهرني .. خلاص انا بركب وياه

واللي فيها فيها ) ..

نزلت وهي متوجهه للبوابه وبسرعه ظهرت من المول وهي

تتطالع على السيارات اللي جدامها ..

كان جدامها تماماً بورش كاين برتقالي معتم كامل ..

( ابتسمت لا اراديا وهي تتطالع جدامها السياره ..

تعرفها ومتأكده

انها سياره هزاع ..

لانها قبل ساعات قليله كانت تتطالعها من دريشه حجرتها (

جربت من السياره ومدت ايدها وهي تبا تفج الباب

ولكن ,,

وفجــــــــــــــــــــأه حست بأيد تسحبها بقوووه ..

سحبـتها الايد وكان صابحها يمشي بسرعه قصـوى

وكانه يبا يبعد روضـه عن هـ المكان ..!

اما عن روضـه فـ كانت تربع بـسرعه عسب تلحق عليـه ..

لانه يسـرع ..

وقف وهو يفج باب سيـارته ويرمـيها جدام ..

وبسرعه تحرك و ركـب ..وتحرك من هـ المكان ..

وقـتها كان يغلي من الداخل و العصبيـه واضـحه من ملامـح ويـه الحـاده

امـا عنها فـ كانت بـ صدمـه ..

( نزلت رأسـها وهي تمسـكه بـ أيدينـها الثنتيـن ..

وكأنه مصيبـه حلت عليـها ..)

وقـالت بـ صوت مخنوق : حرام عليـك اللي سويـته فيـه ..

شو بـ يقول عنيـه .. هاه شو بـ يقول ..

فضحتنـيه جدامـه ,,

فضحتـــنيــه .. اه ياربيـه أكيــد طالعك ..

( لـف رأسـه وهو يطـالع عليـها شقـايل منـهاره ,,

من حركــته .. واستغرب ليـش كل هالاهتـمام حـق واحد ماتعرفـه )

همـس بـ هدوء وبـ بحه قويـه : لــيش كل هـ الاهتمام ..

الا واحد من ولاد الشوارع .. ومتعرفـه عليـه ..!

يعني مايعرفنـي ولاهم يحزنون ,

وبيتحرانـي أخوج ( ورص على الكلمـه .. وكأنه قَصدها ) :وكشـفت لـعبـج ..!

( كـانت على وضعيـتها ماتحركـت ..

منزلـه رأســها ومحطيـه أيديـنها عليـه ..) قـالت بـ بحه قويـه ونبره غريبـه : لا يـالفيصـل .. هـ المره غلطـان ..!

وبالاصـل أنت كل مره غلطـان ..

( وبـ بحه أكبر ) : حـــرام عليـك .. والله حرام ..!

شو بـ يكون موقفـه وهو يطـالع واحد يسحبـني ..!

يـارب سترك بـس ..

( وبـ نبره قويـه .. وكره واضـح ) : أتمنـى لو الزمن ينـعاد ..

وما أطـالعك جداميـه ..

ابـا ارد حياتيـه اللي قبـل ..

( وهي ترفع رأسـها وبدون لا تطـالع عليـه ) : اللي مافيـها الفيصـل ..!

( رفـعت عيونـها ولـ أول مره .. ترمسـه وهي تطـالع على عيونـه ) :

كـان ويـايه عادي لو طالعنيـه واحد

من أخوانيـه ويـاك ..

لكـن هزاع .. هزاع يـ الفيصــل ..

ها اللي مب قادره اتصـوره ..

( كــان قصدهـا أنـه هو الوحيـد اللي وثق فيـها ..

هو هزاع من بيـن كل النـاس ..

وأكيـد أنـه أحيـن لمـا طالعـها ويـاه بـ يفهم غلـط ..! )

.

( قـالتها بـ نيـه طيبـه .. وبـ براءه .. [ لكن هزاع .. هزاع يالفيصـل ] ..

ماتوقـعت أنـه فكر الفيصـل بـ يبحر للبـعيد .. ) !!

كملـت بـ قهر وعيونـها مثبـته عليـه : أتركـني يـ الفيصـل ..

تفهم شو يعنـي أتركـني ..خلاص أنـا مليـت ..

الفيصـل .. ...

( سكتت .. بس مسرع ما كملـت وبـ نبره كره ) : كرهـتني فـ عيشتيـه ..

خليتنـيه أكره كل شيء حلو حولـي ..

و أول شـيء أكره هو أنــت ..

( وثبتت عيونـها عليـه ) : أنت أنســان بلا ضميـر وذمـه ,,

ولا عندك أحســاس .. ولا ثقه بـ الناس اللي حولك ..

كل حيـاتك تقضيـها فـ الشك وبــــــــس ,,,!

( قـال وهو يصك على أسـنانه بـ قهر ) : روضـه .. ثمـني رمسـتـ ...

(قـطعت عليـه .. وبـ أندفـاع ) : جــب يـ الحقيـر ..

ياللي مـاتحس .. ولاعندك ذره أنسـانيـه ..

( بـدون أحســاس منـه .. رفع أيـده وضربـها بـ طراااااااااااااااااااااق ..

ظهر فيـه كل القهر اللي يتملـكه فـ هالثوانـي ..

وقــتها كان مقهور من رمسـتها وأهتمامهـا غير المبرر فيـه ..

ولا اللي زاد قهره وهـي تقولـه أسمـه وبـ كل وقـاحه .. ) !!

.

شــهقت بـ قووه .. وهـي تحط أيـدها مكـان الطراق ..

وطـالعت عليـه بـ صدمـه ..!

مب مصــدقـه انه واحد مد أيــده عليـها ..

أبـوها اللي هو أبوهـا مـا مد أيــده عليـها ..

وأحيــن هذا ... يمـد أيــده عليـها ..!

.

( أمــا عنـه .. فـ كان بذاتـه مصدوم شقـايل تجرا وضربهـا ..

لكن وقــتها .. رمســتها وسبـها لـه .. أستفزه وبـ قوه بـعد .. )!

.

وقــف بـ سرعه على جـنب الطريـج ..

وكان هـ المكان شبـه مقطـوع ..

وقـف ..

و بـ حركه سريـعه منها نزلت من السيـاره ..

وهي تركـته مصدوم مكــأنــه ..!.

بسـرعه نزل وهو يتبـعها ويـن ما وقفه ..

أول ما وصـل لـ مكـأنها طالعـها مصدومـه ..

ولو بـ عمرها ما انمدت أيـد احد عليـها ..

.

10-21-2011, 02:06 PM

انا : جالكسي والدنيآ عكسي

اضفني كصديق

.

وقتها حس بـ قلبه يتقطـع ..

قـال فـ خاطره وبـ لوم : والله ما كنت أبـا اضربـها ..

لكن غصب عني .. رمسـتها عن اللي كانت تبا تركب ويـاه ..

تقــهرر وبـ القوو بـعد ..

( جرب منـها وهو يطـالعها معطيـتنه ظهرهـا ..

مد أيــده وحطـها على جتفـها .. )

ومسـرع ما لقى ردت الفعل القويـه من روضـه ..

وهي تفر أيــده فـ الهواء .. وتبعدها عن جتفـها ..!

( رد على وراء بسـرعه .. وهو يطالع ولاول مره روضه تعامله

بـ هالقساوه ) ..

قال فـ خاطره وهو مصدوم كلياً : ولو يا الفيصـل انت مديت ايدك عليها

وتباها فوق كل هـا تبوسك على راسك على سواتك الحلوه فيها ..!!

آآآه يا ربي انا شو سويت .. وربي غصب عني سويت هـ الحركه ..

همس بـ هدوء قاتل : روضــه ..!!

( ماسمع منها رد ) ..

واصلا من الغباء يفكر انها ترد عليه فـ شرات هـ الموقف

( فج عيونه للاخر وهو يطالعها تمشي وتترك .. وكأنها

تدور على واحد ثاني يوصلها للبيت ) ..

بسرعه تحرك وهو يحس بقهر من حركاتها ..

وبحركه سريعه منه يا جدامها وهو يقول بعصبيه : اللي تبين تسوينه

سويه .. لكن فكره اني اتركج فـ هالمكان المقطوع بروحج

هاي فكره بحد ذاتها مستحيـــــــله ...

( مالقى منها رد ) ..

ثبت عيونه عليها وهو يتمنى لو يطالع على عيونها لو شوي

بس كانت منزله عيونها وما ظاهر من ملامحها شي

بسبب الظلام الدامس اللي كان يطغى على المكان ..

والانوار الخفيفه جدا حولهم ..

فجــــــــأه .. مرت سياره وهي ماره تثبت ليت السياره على

ويهه روضه ومسرعه ما غمضت عيونها ..

اما عن الفيصل . فجـأه وبدون حاصل انذار خفق قلبه

وبقووو .. كانت ايه فـ الجمال ..

وما انتبه لجمالها اللي الاحمر بحد ذاته زادها جمال فوق جمالها ..

غير هاللحظات بس ..

فج عيونه للاخر وهو يطالع عليها بصدمه ..

بس ما اكتملت نظرات الفيصل لـ روضه لان السياره مرت

واختفى النور وبقى النور الخافت اللي كان يحوط فيهم ..

.

مسكها من ايدها وبسرعه منه سحبها على السياره

وكانت تحاول تقاوم بكل الطرق لكن بدون فايده ..

ركبها السياره وهو يصكرها كامل بالرموت لحد مايوصل لـ بابه

لانه كان واثق انه روضه كان بتحاول انها تشرد ..

فتح السياره وفتح بابه .. لكن انصدم وهو يطالع روضه تفتح بابها

وكأنها تبا تشرد ..

انصدم منها وبقووه .. فـ عمرها ما حاولت جاهده بـ هالطريقه

عسب تشرد من بين ايدينه ..

يعني كأنها صج هـ المره اعلنت عليه الحرب وبقووه ..

بحركه سريعه منه مد ايده وهو يبا يوقفها ..

لكن وفجـــأه انسدلت ايده ..

وبدال لا يمسكها من ايدها مسكها من خاصرتها ..

روضه من الصدمه تيبست مكانها وماتحركت مووول

واختفن كل محاولاتها السابقه ..

اما عن الفيصل لما حس بـ الحركه اللي سواها بسرعه سحبها

وكأنه حس بالخجل ولاول مره من حركاته اللا اراديه اتجاه روضه

وكأنه يبا يتملكها بالغصب او بالطيب ..

وعسب يتدارك الموقف لان الصمت طال ثواني في ما بينهم

كتل ايده وبسرعه ردها لوراء ..

وصكر بابه ..

وبسرعه انطلق ..

حرك عيونه ببطئ وهو يطالع عليها ..

وهو يطالع على ملامح الصدمه للحين مرسومه ..

فجــأه انرسمت ابتسامه فـ محيأ الفيصـل ..

وهو يطالع هدوء روضه وكأنه حلت عليها السكينه والهدوء ..

وقال فـ خاطره وبلعانه : لو ادري جان من زمان سويت هـ الحركه ..

( كان يبا يضحك بس مسك ضحكته وهو متوجه لـ فله قوم روضه ) ..

اما عن روضه فـ كانت مصدومه كليا ومب متوقعه لحد احين

اللي استوى قبل شوي ..

كانت تحس بخجل كبير ..

مرت الدقائق ووصل الفيصل لـ فله قوم روضه ..

ووقف لها من وراء الفله عسب محد يطالعه ..

فتح السياره وبسرعه نزلت وبدون لا تقول اي كلمه

نزلت وبسسرعه توجهت لـ داخل الحوي ..

اما عنه فـ كان بمكانه وهو يتريا روضه تحدر الفله ويطمن عليها ..

ابتسم وهو يطالعها تحدر وقال : عيل حد يضرب هـ الملاك يالفيصل ..

فجأه طرى على باله الموقف اللي كان قبل شوي

لما كانت روضه واقفه وهو جدامها ومرت سياره وتركز ضوء السياره على ويه روضه ..

ابتسم وهو يقول : هي الحيوانه غرشوب غرشوب ما اروم انكر هـ الشي

يمكن هو السبب الوحيد اللي خلاني استمر وياها لحد احين ..

انطلق وهو متوجه لـ فلتهم ..

.

.

<

>

.

.

وفـ جهه ثـانيـه ...!

..

هو بـ ملل وكره للي جدامـه : مم شو سويـتي فـ سالفـه انتقـامج ..

هــي : لـيش أنا ماقلتلك بـأخر التطورات ..

هو .. بـ ملل من سوالفـها التافهه : لا ..

هـــي : طبـعاً تدري بـ اني من 4 اشهر وانا اراقبـها و وراءها وين ماتسيـر ..

من يوم ردت من سفرتـها .. ولحد يومك هـا ..!

( وبنبره مختلـفه ) : ولا أزيدك من الشعر بيت ..

دريت بـ شي .. لو تدري عنـه بتبوسني على رأسـي ..

هو بـ أحتـقار : تخسيـن والله .. ( وبـ نبره منخفضـه ) : هـدى قولي شو ويـاج ..!

هـدى بـ ابتسـامه خبـث : أكتشفت أنـه روضـه تحب الفيصـل محمد الـ ---

اللي طردك من شركـته وأهـانك .. ( وبـ حقاره واضحـه ) : بسبب أهمـالك الدائم ..

( بـ حركه سريعه تعدل فـ قعدتـه .. وقال بـأهتمام شديـد ) : قولـي والله ..

هدى : والله .. وتخيـل أحيـن فوق 3 أسـابيع وهم لقاءات ومواعيد غرام ..

( ترجمـت لقاءات الفيصـل و روضـه اللي بينهم بـ حب يدور حولـهم )

.

10-21-2011, 02:17 PM

انا : جالكسي والدنيآ عكسي

اضفني كصديق

.
ومسـرع ماتغير الكره والاشمئزاز فـ عيون محمود : هدى حبيبتي أنتي متأكده
أبتسمت وهي تقول : أحيـن حبيبتك .. معليـنا .. قلتلك متأكده ..
لاتغثنـي .. !
محمـود بـ خبث وكره : عيـل من أحيـن أنـا ويـاج فـ هالانتقـام ..
ولـحد مانهدم هـ الحب اللي بين روضـه والفيصـل ..
مابيهدالنـا بـال ..!
( وجـنه تذكر شيء ) : الا ماقلتي لـي .. شو سويتـي فـ سالفه هذا الي اسمـه نـايف ..!
أخـر مره ( وطـالع عليـها بـ نظرات أحتـقار .. ) : مطـالعنج ترمسيـنيه ..
وبـ طريقـه انـا استحـي أقولـها لـ بنت ..!
طالعت عليـه بـ نظرات حقيـره : اقول لا يكثر .. كل واحد منـا يعرف الثـاني
أنـه راعي سوالف ولعـب .. يعني ..
( وبنبره وقـحه ) : لاتحاول تلعب دور الأمير الشريـف ..!
( ابتسـم وهو يقول ) : ما منج أمـل ..
أبتسمت هي بذاتـها وقـالت : سـألتني عن نايف هاه ..
طولـي بـ عمرك هذا انسان جداً هادئ ..فـ عسب جيه ...
أسستمع لـ تهديداتـي المستمره .. ومن فتره قطـعها ..
وهددتـه اذا دق عليـها .. راح اورطـها شرات ما ورطـها قبـل 4 سنوات ..
وقلت له .. كافي انـها لـحد ساعتك هاي تعانـي من المـاضـي ..
و اول ماسـمع هـ الكلمه بـ سرعه أنهي المكـالمه ..
الظاهر روضـه شيء قوي فـ حياتـه ..!
وممم ( بـ نبره تخوف ) : وها الريـال بـ الذات ما راح أضـره ..
لانـه ,, ( ضحكــت بـ خبث .. و وقـاحه تفوق التصـور والحدود ..! ) !
.
( ضحكوا بـ اثنيتهم بـ اصوات يشـع منها الكرهه والحقـد ..
نـابعه من قلـوب ضعيفـه و وسـخه ) ..!
( برايفت : الي مايعرف هدى ..
هي اللي كانت ويـا روضـه و عهود فـ المول
و ويـا الشباب .. ) !!
.
.
<
>
.
.
كانت بعدها فـ الحوي تفكر شو تقول حق اهلها اذا سألوها منو يابج
لان اكيد هزاع احين داخل ..
( غمضت عيونها وهي تقول .. وكأنها تقطع تفكيرها
آآآآآه هزاع .. وهزاع شو بيكون موقفه ..
أكيد احين كرهني وضاعت كل ثقته فيني ..
يااربي شو اسوي ) ..
تنفست وهي تسحب كتله هواء داخل رئتيها ..
وتوجهت جدام الفله ..
وقفت فجأه وبصدمه وكانت متيبسه وواقفه على طولها ..
قالت بـ همس وبلعثمه : هـ ...هز..هزاع ..!!
كانت سياره هزاع جدامها وموقفه فـ الكراج ..
الظاهر انه احين واصل بس ..
( غمضت عيونها بقهر وهي تقول ) : حسبــــــي الله على بليسك يالفيصل
وين احطي ويهي احين ..
( فجت عيونها للاخر وهي تتطالع باب السايق ينفتح
بسرعه دخلت داخل الفله عسب هزاع ما يشوفها )
أول ما فجت الباب الكل التفت عليها عسب يطالعون منو ها اللي احين واصل ..
فجت عيونها للاخر وهي تتطالع عليهم بصدمه ..
وبالذات تتطالع على الريال اللي قاعد هناك حذال امها ..
رفعت ايدها وهي تأشر للباب وقصدها
( عيل منو ها اللي برع ) !!!!!
بسرعه نزلت ايدها وهي تحس بالايد اللي رفعتهاوحاولت تخفي
الارتباك اللي تحس فيه وقالت بهمس وببحه مملؤه بالخوف والارتباك :
السلام عليكم ورحمه الله ..
ام سالم + هزاع : وعليكم السلام والرحمه ..
( ابتسم هزاع وهو يطالعها جدامه) ..
وزادت ابتسامته اكثر وهو يسمع صوتها ..
وقال فـ خاطره : ها اول سبب لـ كوني مابا اييج ياروضه ..
ولا ابا اطالع على شكلج .. كلج على بعضج مصدر عذاب
وذكرى انتهت وكانت مؤلمه بالنسبه ليه ..
قالت ام سالم وهي تقطع الصمت اللي فارض نفسه وبقوه :
روضه اميه تعالي فديتج قعدي حذاليه ..
بلاج واقفه غلايه ..
قالت روضه وهي تفوق من افكارها : هـ ــااه اميه ..
لا .. بسير ابدل .. وعقب بيي ..
( انصدمت من عمرها وهي تقول .. عقب بيي .. )!!
معقوله ستويت ارمس بقلبي .. لا مستحيل ...
اصلا هزاع هو الاخو وبس .. عسب جيه راح اعامله شرات ما اعامل
حمود ، وسالم ، وحمد ..
انسحبت بـ هدوء من مكانها للجناح ..
( وكانً عيونه مثبتات عليها ولا حوزهن لحد ما اختفت من جدامه )
اول ما وصلت روضه للطابق الثاني .. بسرعه رفعت عبايتها
وهي تربع على جناحها ..
سمعت صوت تكرهه من وراها .. بس سوت طااف وحدرت الجناح وهي تربع صوب الحجره..
بسرعه توجهت حذال الدريشه وهي تتطالع اللي تحت ..
كانت تبا تعرف منو ها اللي برع اذا دامه مب هزاع وراكب فـ سيارته ..!!
فجت عيونها للاخر وهي تتطالع الهندي واقف حذال السياره
معقولــــــه .. معقوووله ياربيه ..
نزلت بقووه للارض وهي تحطي ايدها على ويها وتقول :
الحمد لله ... الحمدلله ياربيــه ..
( نشت وهي تتنقز على فوق وتضحك بوناسه )
كانت تحس بفرحه ليش انه اللي ياها الهندي مب هزاع
بس فجاه اختفن كل ملامح الفرحه اللي كانت منرسمه على ويها
وقالت بهدوء : ولو كان هزاع هو اللي ياني ووصل قبلي
وخلى الهندي يوصل السياره للكراج ..
( انزين انتي ما تتذكرين ملامحه شقايل كانً ) !!
اوووف كانً جامدات .. وماعرفت شو يقصد ويعني ..
ياربي لازم اعرف .. الهندي ولا هزاع اللي سار لي المول
بسرعه اتجهت للبلكونه وهي تظهر وتتطالع الهندي تحتها تماما
همست بصوت شوي مسموع وهي تقول :
محمد ....محمد.....
التفت الهندي وهو يدور على مصدر الصوت ..
وسمع مره ثانيه الصوت ينعاد ويقول له : هنــي فوووق ... فوووق
( رفع عيونه لـ فوق وهو يطالع البنت اللي قبل شوي حادره الفله
ظهر طقم اسنانه وقال : هااا مامااا ( نعم ماما)
حولت روضه عيونه اذا احد موجود وقالت بذكاء :انت من وين ياي احين ؟
مافهم عليها وقال : هاااا ماماااا ..
قالت مره ثانيه : يقول انت ... انت .. ( وتأشر عليه )
من وين ياي احين ..
ولا هذا بابا هزاع هو اللي ياي من برع ؟
يعني انت احين يطلع فـ هذي سياره ولا بابا هزاع هو اللي يطلع فيها ؟
حرك الهندي راسه بعدم الفهم وحست روضه انها بتموت من الغيض
هـ الهندي خبله وغبي لـ درجه محد يتصورها ..
ودرته وهي تحدر لـ داخل وتحاول تمسك اعصابها لا تزل احين تجتله
بسرعه سارت ناحيه حجره التبديل وهي تاخذ لها
كندوره مخوره بالاحمر الغامج وشيله صلاه حمره ساده كامل ..
بسرعه تلبست ولفت الشيله بأهمال مما زادها رونق وطابع استثنائي
وسحبت الفون وبسرعه نزلت ..
كانت تحس بخوف مب طبيعي .. مب خوف من شخص .. لا ..
بس كان خووف من انها تفقد الثقه اللي هزاع يثق فيها
نزلت وهي تربع فـ الدري ..
وهي فـ اخر دريه نزلت بخفه وقللت من سرعتها ..
كانت مستعيله وهي تبا تتطالع رده فعل هزاع ناحيتها ..
اول ما وصلت للصاله والتقن عيونها في عيونه
حاولت ترسم الابتسامه غصب عنها عسب ما تحسسه
بأرتباكها ..
سارت ناحيه امها وهي تقعد حذالها وكانو يسولفون سوالف عاديه ..
اما عن روضه فـ كانت تغلي من الداخل ..
فجأه التفتت ام سالم وهي تقول لـ روضه : اميه فديتج سيري قولي
( وجنها غيرت رايها ) وبأبتسامه حنونه : ولا اقولج سيري احسن بروحج
سوي حق ولد عمج شي يشربه ..
ابتسمت روضه وهي مستغربه ولـ اول مره امها تقول لها سيري المطبخ
همست بهدوء : ان شاء الله اميه .. ( انسحبت عنهم بهدوء وهي تندب حظها اللي ما خلاها تقعد تتطالع على ملامح هزاع ) ..
حدرت جناح المطبخ وبسرعه توجهت على المطبخ وسارت تقعد على الطاوله اللي جنب المطبخ
ورفعت عيونها وهي تتطالع على البشاكير جدامها وقالت بهدوء:
سالي سوي عصير برتقال ..
( فجاه سكتت وهي تقول بهمس ) : لا يمكن هو مايحب عصير البرتقال
( فجت عيونها للاخر وهي تسمع الرد وراها )
بسرعه التفتت وهي تتطالعه وراها تماما وقال وهو يبتسم :
مممم احبه ..
.
.

10-21-2011, 02:22 PM

انا : جالكسي والدنيآ عكسي

اضفني كصديق

انا بنزل بارت قليل وبوقف

واضضن انه هالاسبوع كثرت من البارت تكفي لاني تعبت وابغى استريح وتقريباً ما اقدر ادخل الا بعد اسبوع بسبب الاختبارات ووقتها برجع لكم بالبارت الجديد

اوكي استأذنكم

ــــــــــــــــــــــــــــــــــــــــ

يمكن اطول وما ادخل لاسبوع او اكثر سوري انتظروني يوم الاربعاء الجاي ووالله تعبت مررة صح اني ما كتبتهم بس النقل صعب واعتذر لكم من كل قلبي وادري ما حد بيحس اللي انا فيه والشكوى لله وحده .. بااي

اختكم في الله

جالكسي والدنيآ عكسي

التميز خلال 24 ساعة
العضو الأكثر نشاطاً هذا اليوم	الموضوع النشط هذا اليوم	المشرف المميزلهذا اليوم	المشرفة المميزه
قريبا	بقلم :	قريبا	قريبا

الذين يشاهدون محتوى الموضوع الآن : 16 ( الأعضاء 0 والزوار 16)

بتنـدمين يا بنـت والسبب نظرتج هذي

للروايات المكتمله