منتديات بنوته - عرض مشاركة واحدة

04-14-2011, 11:17 AM

ويـــا الشبــــــــــــــــاب
.
الشباب كلهم بالميلس العود ... اما الشيوبه سارو يرقدو لان الوقت تأخر
عبدالباسط: حمود سير ييب ورقه وقلم عسب نحسب
حمد بعياره : ماااروم
عبدالباسط انقهر : اصلا انت بحياتك مره وحده رمت
حمد : لا .... ( ورد عيونه على الـ TV )
منصور يفر حمد بـ الوساده : بسسك يالحريمه من هالترقيده
نش العب ويانا
حمد : ياخي شو تبون فيه بس عاد
عبدالله +عبدالباسط+منصور+سيف : يالسين يلعبون ورقه
اما حمد يالس يطالع الـ TV (فلم طبعا )
اما محمد متسدح فالكرسي ومول مب فالدنيا
محمد فخاطره: آآآآآآه فديتها محلاتها ، آآخ يا اليازيه سحرتيني واسرتيني ،
برائتج وخجلج ونعومتج ولا صوتج اللي يضرب فأذوني .. مستحيل اودرها جيه لازم
ارمس ابويه .. انا هالبنت لازم اخطبها لا اطير من ايديه لازم بأقرب وقت بعد
.. مابا حد يطالع عليها موول غيريـه ..
(وهو يطالع ع الفارغ الي بـ السقف ويقول)
اليازيه حرم محمد ...
آآآآآآآآآآه فديتج يا يزوي محلاتج ومحلات غمازاتج .. كلج على بعضج خباااااال
وخبلتي فيني ..
عبدالله يصرخ : حمود وصمخ ان شاء الله ماتسمع حشى عاد ليه ساعه ارمسك ولا ترد
عليه كل ها تفكير ..
عبدالباسط بسخريه : منو تعيسه الحظ ؟؟
محمد : مالت عليكم ..كملو كملو لعب محد يبا يلعب وياكم ..
عبدالله: صدق قليل حيا .. ويرد يطالع على الشباب كملنا لعب مايستاهل مسود
الويه<<منقهر بصدق
محمد سوا طاف حق عبدالله ويرد يبحر فذكرياته ..
محمد وفخاطره : والله يا اليازيه لا الهنوف ولا غيرها اتيي شعره منج ..
تكفيني نظره من عيونج الوساع اللي خبلن فيه .. انا اصلا الغلطان احب وحده مني
والدرب .. عيل احد يودر القمر ويسير للنجوم صدق انيه غشيم ..
/
\
/
\
/
\
بـ جناح رووضه ...ويــا البنــات ..
حدرت ام سالم الجناح ويلست تزاعج : روضه رويض وينج يا مسوده الويه ..!
روضه نشت من السجاد بسرعه وطيران على صالتها : خير امايه فيه شي ..؟؟
ام سالم : اصلا انا بشوف الخير وانتي موجوده فضحتيني جدام الحريم ماعرفت شو
اسوي تيين وتظهرين مني والدرب جنه مالج لا حسيب ولا رقيب ..
روضه وبتموت من داخلها ، الدمعه بعينها هذي امها طول عمرها ما بتتغير طول
عمرها همها الوحيد شما وبس وروضه ولا كأنها موجوده ..
أم سالم : لا ترمسين يا مسوده الويه عيل ما اطالع فيج شي ولا بس عياره ،
فضحتيني ارتحتي احين اجلبي ويهج يا قليله الادب والاصل والراد ...
صدق اني ما ربيتج ..
ظهرت ام سالم وودرت بنتها محطمه جسيره روضه كل شي تتحمله كل شي تروم له عمره
محد بيي جدامها .. بس قواها تضعف لما تتطالع اعز الناس على قلبها يعاملونها
بهالقساوه روضه مستعده توقف بـ ويه كل هالعالم ما عاد امها ...!
ياما وياما امها عذبتها وسبتها .. بس تحاول تنسى تحاول تعيش .. تنسى همها
اللي انغرس وسط صدرها طول هالسنين .. ولا كره امها الها .. اصعب شي بهالدنيا
تطالع من تحبه يكرهك ...
(حمدوه+يزوي +عواش ) كانن بس يطالعن على ام سالم وهي تسب وتلعن خير بنتها ..!
تحركت رواضي من الصدمه اللي ياتها ومدت ايدها فوق الغنفه واخذت
i podمالها وظهرت من الجناح كامل ..
عسب تحفظ الباجي من كرامتها ،
نزلت رواضي لتحت وعقب ظهرت للحديقه ..
وحطت السماعات بأذونها وبدت تمشي ولا تعرف ريولها وين بيودنها وقفت حذال
الشيره اللي كانت دايم اذا تضايجت تيلس حذالها وحطت ايدها على جذعها وبدت
تنسجم وسط الحان وكلمات الاغنيه اللي محطيتنها ..:
انا ضايق وبالي ضايق وجوي ضايق .. ضيقن ڪايد
نفسي ملت .. وروحي والـت وعيني هلت دمعن واايد
.
وبدت تغني وياه .. وصوتها كله الم وعذااب .،،
أنا ضايق وبالي ضايق وجوي ضايق ضيقاً كايد ..
(بدن ينزلن دموع روضه وهي تغني )،
نفسي ملت روحي ولت وعيني هلت دمعا وايد ..
.
تذكرت يوم امها زمان كانت تقول لها : انا متأكده انج بتوطي لي راسي وبتيـبيـن
لي واحد بهالبيت (بدت دموع روضه يزيدن وهي تتذكر كلمات امها جنهن سجين فيوفها
بدت شهقات روضه تعلى وحطت ايدها على حلجها عسب تخفف من صوت الشهقات ..
روضه بخاطرها : مستحيل يا اميه اسامحج على هاللي قلتيه مستحيل (وكملت
وشهقاتها اتزيد ) انا اللي بييب لج واحد فالبيت وبنتج تلعب ومحد حتى يرمسها
..
ياربي ارحمني ابــــــــــا امووووت .. ابا امووت مابا اعيــش ..
كافي اللي كل يوم اصارعه بداخلي تيـي اميه اللي هي عوني وسندي وتزيد الروح
بالسموم ..
(حاولت اتهدي عمرها لانه اللي تسويه يزيدها هم فوق همها ..!)
مشت من عند هاكي الشيره وبدت تمشى ولا تعرف وين بتسير .. ييـت اغنيه ( ياما
شكيت الهم) اول ما سمعتها بسررعه بسرعه بدلتها .. وطبعا محد يعرف السبب غير
رواضي ..
ييـت عقبها اغنيه (شلني )
شلني من خيالك ..شلني من حياتك ..انسى حبي وقربي
وانسى ذيج الليالي ..
اول ماسمعت هالاغنيه بدت تمسح دموعها وقالت : ياروضه محد يستاهل دمعه من عينج
.. دمعتج غاليه واللي باعج بيعيه ..
ردت سمعها وتفكيرها للاغنيه وبدت تفكر اشكثر هالاغنيه توصف حالتها جنها مكتوب
لها
انتهى الحب كله والسبب انته ذاتك بس يكفي ياغالي
يكفي ياللي جرالي ..هات لي ذكرياتي واستلم ذكرياتك
رد لي قلبي وروحي حتى باقي خيالي
كنت احبك حقيقه كنت اداري غلاتك كنت تسوى حياتي
بالفعل كنت غالي .. غلطتك وانت تدري حطمت امنياتك
شلت عينك بصبعك وانت تبغي وصالي ...
.
تذكرت شو عهود سوت فيها وحبها الاول والاخير ..
وضحكت.. صج يادنيا انج ما منج امان ..
.
فجأه توقفت هي مستغربه معقولـه ريولها ودنها لهل المكان بالذات ..
ليش هـالمكان ليــــــــــــــــــــش ..
ليـــش مب غيره ..
كانت واقفه عند باب فأخر المزرعه طالعت عليه لمده دقايق وعقب قالت في خاطرها:
ليش لا يا روضه .. ليش لا انا ادري فيج اشتقتي له عسب جيه ييتـي لحد هني ..
روضه : اظهر ولا لا ( اطلع) اوووووووه بظهر واللي فيها فيها ..
وحاولت اتكابر : منو قال اصلا انا ماييت هني عسب ارد الماضي انا قلت بعق
الماضي ورا ظهريه ..
بس فجأه حست بشوق وحنين للمكان اللي جمعهم فيه .. المكان اللي كان يلمهم مكان
حبهم ..
ما طالع عمرها غير ظاهره من الباب .. وظهرت من المزرعه ووقفت تطالع عمرها :
شــــــــت انا برع المزرعه .. انا ظهرت معقوله ..
( كان جدام رواضي سكه مربعيه ومزارع حذالهم وهي جدام باب المزرعه من خارج
يعني هي برع المزرعه )
مشت رواضي وسوت طاف للمزارع اللي حذالهم ..
لانه اكيد فها المزراع احد .. وشو بيقولو اذا طالعوها بهالوقت ...
واذا احد احين يــا وسوى فيها شي ...
ما كان هامها احد ..غير تسير وتطـالع للمكان الي حضنهم وضمهم سنين واعوام ..
.
مشت لحد ما وصلت لسكه مربعيه كانت بهالسكه يدار وتحته ثلاث حصايا عودات نزلت
روضه لتحت ومدت ايدها تتلمس الحصاه وهي ترمس الحصايا : انتن لحد اليوم
موجودات ولا تغيرتن ..
ابتسمت لما رفعت راسها على اليدار وطالعت حرف الـ Nو الـ R محفورات فاليدار
وتحتهم بخط صغير الـ A تلمست الحروف بأناملها
بــــــــس انصــــــدمت لما سمعت صوت من وراها ..
ياما سمعت هالصوت واشتاقت له وحبـته
............ : اشتقتيلهم مب جيه ؟؟!
(لما سمعت الصوت حست بقشعريره فكل جسمها وحست جنه حد غرس سجين وسط يوفها
وطلعها بـالقوو ورش عليها ملح )) << حسيتو بالالم بس كان الم روضه اقوى
بمليون مره من هالالم ..
(خافت تتطالع على وراء وتـطالع انـه مب حقيقه وتـنصدم وتتألـم .. وخافت
تتطالع على وراء ويكون هالصوت حقيقه وترد تعاني وتتألم ..يعني كانت بين
نــارين .. )
بسسرعه لفت جسمها تتطالع وتتأكد من اللي سمعته واول ما لفت جسمها وطالعت زين
فجت عيونها وانسعقت من اللي جدامها ..
روضه بصدمه عمرها ما راح تنصدم شراتها : أ... أ... نــــــ.... ـت ..
.
,
منو هـــا الشخص اللي ظـهر لـ روضه ....؟؟
.
وشــو سـالفه الحب الـــجديم .. والـمكان ...؟
.
معقوله كانت روضه تـحــب واحد ..؟
.
كــل هـ التساولات راح تنحـل فـ البارت آليــاي ..
تريوووني فـ البارت الــثامن .. من روايـه بتندمين والسبب نظرتج هذي ..