منتديات بنوته - عرض مشاركة واحدة

04-18-2011, 07:34 AM

حمدووه : اسكتي عيل انا شوو اقوول ..آآه منو هـ الغرشووب عسب اسير اخطبـه ...
(البنات كانً يــالسات من يطـالعن من تحت السور مال البلكونه .. ومظهرات شوي
من عيونهن ...)
عوواش بـ خوف : والله لو يدري بي منصور ليـقص رقبتيه ..
حمدوه بلعانه : هيه وانا بعد بقووله .. يلا احين احدري داخل و ودريني انا بس
اطالع عليه .. لانه غرشووبي انا ,, انا اللي شفته قبل ...!
.
وآخيــرا رمست يزوي من عقب ســرحان دام طوويلآ : شــــــــت هذا خاليـه ..!
حمدووه + عواش : ؟؟؟؟؟؟؟؟؟؟!!!!!!! (ألاف علامات الاستـفهام فوق روسهن)
.
حمدووه بتـسأول : شـــقايل ..؟
يزوي: هذا خـاليه انا مـتــأكده ..محد يسوي هـ الحركه بـ العقال غيره ..!
عوواش: شوووو خــالج ..؟ محد غير خالج يسوي بـ عقاله هـ الحركه .. مليون واحد
غيره ..وبعددين هو شكلـه ما يتعدى العشررينات ..
حمدوه : لاودريها ..آونها بتنــسبه حـقها ..طالعته غـاوي وغرشوب ..وقالت احسن
احـفظه من حمدوه لاتســرقه..اعترفي بس . .<<اندوكم وين التفـكير ..
.
يزوي: والله العظيم هذا خــاليه ... وهيه شوو اسمــه .. نوواف ..لاااا لاا
..نـــ.....ــآ ..ماادري بس يبتدي بحرف الــنون ...
واخيرا ييت روضه من رواهن وقالت بهدوء : نـــــــايف ..
.
الكل التفت ع نـاحيه الصوت ... وطالعن روضه يالسه تطالعهن ..ومجتفه ايدينها
ويالسه ع حـافه الباب ...
.
حمـدوه بصدمه وفرح نفس الوقت : روواضي حبيبتي رديتي ...
يزوي بسررعه يزوي اتسير صوب روضه وتحضنها ..
وييت حمدوه وحضنتها .. وعواش تتطالع عليهن وقالت فـ خاطرها : الله يدوم هـ
المحبه ياربيه
شكلهن مايصبرن ابد عن بعض ..
( وعقب طالعت حمدوه اتحرك ايدينها على انها تعالي )
سارت عواش وحضنتهن كلهن ..
رواضي حست بالعبره تخنقها يوم حضننها ..
ابتعدن البنات وصرخت عواش بصوت عالي .. : منـــــــــــو هاا رواضي ..؟
( البنات من سمعن عواش الفضايح سحبنها بسرعه للداخل
لانهن كلهن كانً يهمسن الا عواش ..)
رواضي : بلااااج انتي خبله ولا شوو ..؟
عواش : هيه خبله عليج .. على منو بظهر غير عليج ..
وتكمل : لا تغيري السالفه الغرشوب هاا اسمه نـايف ..
روضه الالم اللي بداخلها تحسه انه قادر احين يجتلها .. وعواش اتذكرها فيه بعد
يزوي : هيه اعرفه هاا خاليـه نايف .. بس بحياتنا ما قلناله خالي ..
عواش : يعني حتى انا خاليــه .. مـــــــــاباااااااا
( للتوضيح فقط : ام يزوي وام رواضي وام عواش خوات ..
ما عدا حمدوه اللي تكون بنت عمهن ..)
البنات : هههههههه
( ماعدا روضه )
حمدوه وتصفق وتغني : يانا الخير يانا والحلط خلانا ..
عواش + يزوي : ههههههههه
يزوي : حلوه هاي الحلط .. معليه ان ماخبرت عليج هاك الشي وتغمز عينها << تقصد
حمد ..
حمدوه : هيه توني اروم اتنفس احين احس ان الخطر زال والغرشوب حقي انا بــــس
..
يزوي : ايييه ما ييوز لج يالغبيه لانه من هلنا من جريب ..
حمدوه : انتي جــب يستوي ..
نشت روضه وودرتهن ..
عواش:رواضي ع وين.؟
رواضي وماخاطرها حتى تقول كلمه وحده:هني يعني وين بسير..؟
عواش يلست تطالع ع البنات قصدها بلاها رووضه جيه ترمسنا ..!
ظهرت رواضي من الحجره وسارت صالتها ..سارت صوب المطبخ ويلست ع واحد من
الكراسي
وحطت راسها فالطاوله وحضنه راسها بيدينها الثنتين وهي محطيه راسها فالطاوله..
بخاطرها: طول عمرج يارووضه بتمين جيه ولابتتغيري..الهم وراج وراج وين
ماتسيرين ماشي مفر منه..حتى الي كنت تحسين انه سند لج ظهر شرات غيره..(تقصد
نايف) كنت اتوقعه صج يحبني وبيساعدني بس بأصعب اوقاتي تركني وشك فيه ....آه
يالشك هدمت لي حياتيه حتى منصور شك فيه بس مستحيل آسامحهم..منصور ...منصور
....منصور ضربني انا ابوويه بحياته كلها ما لمسني واحين منصور يضربني والله
يا دنيا انج غداره كل الي اتعلق فيهم يتركوني ..اي شخص يبدي قلبي يرتاح له
..بسهوله يبتعد شراته شرات غيره..!
منى بدى قلبي يتعلق فيها وبسهوله اختفت..و ومهره رآحت..وعهود رآحت ..وصديقآتي
آلي وثقت فيهن خانني..(تقصد الي كانً بالحادثه)...ومنصور وخلاص..ونآيف آه يا
نايف انت الوحيد الي ماتوقعتك جيه تسوى فيه انت الوحيد لانك اجرب واحد ليه
انت خاليه الي كنت اعتبرك كل دنيتي..كنت عوني وسدني ولكن وفجأه ظهرت شرات
غيرك تعقني وتقول فاعل خير ..كل ها وخجلان تقول انك خاليه ولا واحد يقرب لي
,، انا الي كنت مستعده ادفع عمريه لك تعقني وتقول فاعل خير..!...
مستحيل اسامح احد مستحيل تعبت من كثر ما الناس تغلط فحقي واسامحهم ويوم
يطالعوني اسامح ردوا يسون الغلط ويتحروني بسامحهم ومن غبائي الزايد ارد
اسامحهم الطيب فالهزمن ماله مكان ومن بعد هالدقيقه مستحيل اسامح اي شخص
بهالدنيا ليش انا بالذات الي اعاني بس ..؟ راح اخلي الكل يعاني لما
يفقدني...وما يكون اسميه روضه ان ماخليت الكل يندم شرات ما عذبووني ولا هم
حسو بالي داخليه..
داخل عند البنات.."
حمده:روضه شكلها وايد تعبانه..
عواش:صح وايد ..حتى ماترد علينا يوم نرمسها
يزوي:يالله غلايه ماتهون وربي اصغر وحده فينا بس احسها اقوانا ..من غير مشاكل
امها وهمها الي محد يعرف فيه ..واحين هذا الفيصل..(ع فكره روضه اصغر وحده من
البنات يعني اكبرهن يزوي الي تكون اكبر عن حمدوه بثلاث شهور وعقبها حمدوه الي
تكون اكبر عن عواش بشهرين وعقبهن عواش الي اكبر عن رواضي بشهرين ونص..يعني
تقريبا اصغر عنهن بـ 11 شهر)
عواش:منو ها الفيصل.؟
حمدوه وتطالع ع يزووي وقالت ببلعثمه:هاه لا محد ..
عواش:شو محد اكيد شي مستوي بس مآتبن تقوللي
يزوي:خلاص عواش لاتيلسين جيه تحننين قلنالج هاي سالفه خاصه بروضه وهي حره
ااذا بتقولها ولا لا..!
""حياتي يـآ مغذيلي الحياه غرامي جن وتمرد جــــــــــــنوني"">>نونو يتصل
بـكـ...
عواش: وابوويه منصور يتصل..
حمدوه:ردي يالغبيه
عواش:انزين انزين
عواش:مرحبآآآ
منصور وجنه كل هم الدنيا فوق رآسه:وين روضه..!
عواش:بلاك منصور ..؟
منصور:عواش يرحم لي والديج ترانيه الي فيه يكفيني جاوبيني وبدون آسئله..وين
روضه..؟
عواش: روضه ماندري بلاها من ظهرت من هالجناح وعقبها ردت شرات ماهي لاتغيرت
ولا هم يحزنون.. و ماترمس ولا وحده فينا..!
منصور تنهد:قوليلها ابا ارمسها..
عواش : اوك احين بطالعها ..
( ظهرت عواش من الحجره وبدت اتجلب نظهر فـ الصاله اتدور على رواضي ..
عقب طاحت عينها على المطبخ التحضيري الصغير ...
وطالعت رواضي يالسه على واحد من الكراسي محطيه ايدينها على الطاوله وراقده
فوقهن..
جربت عواش من رواضي وقالت بـ خوف : رووضه ..
روضه : ..... " ماترد "
عواش : رواااضي .. أبـ ..
قطعت عليها روضه وبعصبيه : عواااااااش ودريني فـ حاليه ..
عواش كانت متأكد هان رواضي بتهزبها لان رواضي يوم اتعصب ماتعرف احد موول
عواش : انزين بقولج ترا منصور يبا يرمسج اونه ....
صرخت رواضي ورفعت راسها وركزت نظرها على عواش وحركت راسها
على اليمين شووي .. : ماااااااتفهمين .. قلتلج مابا ارمس حد ..