منتديات بنوته - عرض مشاركة واحدة

04-18-2011, 07:35 AM

عوااش ودريني بس كـــــافي .. فكينــي منج ..
عواش كانت صج خيفانه لان مجرد روضه اتعصب ماتعرف حد موول حتى يمكن
اتسب امها وابوها عادي لانها هي مب فـ وعيها .. )
عواش ودرت روضه وحدرت الحجره . وبندت الفون فـ ويه منصور ولا قالت
له شي من القهر ..
ويلست على حافه السرير بعصبيه ..
حمدوه وبتسأول : عواش ليش معصبه انتي تدرين برواضي يوم اتعصب
ماتعرف حد ..
يزوي اتكمل : بعدين لازم تعذرين رواضي .. لان اللي تمر فيه مب شووي
والقهر انه محد يعرف عنها شي ..
هـ البنت وااايد غامضه ..
( عواش ارتاحت شوي من عقب هـ الرمسه وطالعت على البنات : بنات نحن لازم
نساعد رواضي .. مايستوي جيه نودرها ..
يزوي : تســــــــــاعدينها ..؟؟؟
ههه روضه تعتبر المساعده اكبر اهانه لهـا ..
حمدوه : بنات روضه محتايه لبعض الوقت عسب اتريح عمرها وعقلها شوي..
انا اقول خلنها على راحتها .. لان روضه عاقله وفطينه والغلط مايي صوبها ..
وكلنا نعرف هـ الشي ...
لا تخافن عليها ..
\
/
\
/
\
/
\
ويــــــــــا رواضي ...
روضه لا زالت غريقه ذكرياتها .. بس قطع حبل افكارها صوت فونها المزعج ..
" جــاني الخاين الاناني عايز يرجع لي تاني .. حيحيـر فيـا جاني
ويسهر فيـا .. آل يعنـي ولا عمره خدعنـي يعني .. ولا سابني زمـان وباعني
جـاي يعملها عليــه .."
(روضه موول مب مصدقه اللي تسمعه... بس وبســـرعه طالعت على فونها
لانها متأكد هان هـ النغمه لشخص واحد فقط ..
وفجـــأه وقف الفون من الصياح .. وصحت روضه من افكارها وقالت :
ليـــــــش اتبند .. ليــــــــش .. ليـــــــش
بس ما ثواني الا وهو يرد ويدق عليها مره ثانيه ..
حولت نظرها على الشاشه وطالعت ( الخـاين اللي باعج ) يتصل بك
.
ابتسمت وقالت : الحمد لله رد يدق .. لكن يا نايف بذلك وبخليك اتحس
انك مب اي وحده اللي خسرتها مب اي وحده ..
رد الفون يردن مره ثانيه بس فجــأه قطع ..
روضه وهي ترفع الفون وتتطالع عليه من بين عيونها : يا الحيواااااااااااان ليش
سكت
هاااا ليـــــــش سكت ... ليـــــش
( وفجــــآه نزلت راسها فـ الطاوله شرات قبل وقالت فـ خاطرها :
رووضه لا تينــي شرات غيرج ... اعقلي .. اعقلي ..
مرحله وبتعدي ان شاء الله ..
أعلن الفون بقدوم مسج بصوته المزعج اللي كسر الهدوء
اللي كان منبعث من حولها ...
بسرررعه رفعت الفون ويلست تتطالع المسج وتقراه ..
( رووضه دخيـــــلج .. دخيل والديــــج ردي عليه ... انتي ماتعرفين السالفه
..
ردي وبقولج عن كل شي ..)
قالت روضه بصوت هامس : قولها يا نايف قولها .. قولهــــــا
ردي وبجذب عليج .. شرات ما الكل يقص عليج ..
( اخذ تالفون وغلقته كامل )
روضه : وها الفون وغلقنـاه .. دق جان فيـك خيـر ..
.
ردت راسها لمكــانه وردت للماضي ..
بدت تتذكر الهمسات ..................المكان ..............ربعاتها
........... وعهووود
ماتدري ليش مستحيل تنسى هـ الموقف .. تتذكر لما نايف ظهر معدنه الاصلي
تتذكر عهود وخيانتها ..
تتذكر ربيعاتها .. والشباب الموجودين .. وتتذكر اشكالهم واحد واحد ...
جنهم احين موجودين وياها ...
.
عهود كانت قاعده ويا ميثه وهدى وترمس بصوت هامس عسب محد يسمعها
يت مها لروضه اللي كانت قاعده تختار جمن غرض ..
مها : تعالي طالعي ربيعتج عهود وتوأم روحج شو مسويه ..
روضه : شو مسويه ..
مها : بتوطي لج راسج .. وبتفضحج جدام الكل ..
روضه : تفضحـــــني .. وتوطي راسي ..؟؟ انتي شو قاعده اتقولين
انا ماسويت شي ..
مها وهي تبتسم ابتسامه كلها خبث : ماسويتي شي يا روضه ...
وصورج ويا الشباب اللي بشقتج فـ لندن ...
روضه بتساؤل : اي صور ..؟ واي شباب ؟ وشقتي ....؟
وبعدين شقتي اللي ع قولتج هاي مب مالتيه ..
هاي مال واحد من شباب هليه ..
مها : وهذا هوو بالضبط .. عليج نوررر ...
واحد من هلكم ..
روضه : انا موول مب فاهمه عليج .. وبعدين عهود شو يخصها فـ السالفه ..؟
مها : تبين تعرفين السالفه تعالي ويايه ..
( وسارن اخر المول ... وطالعت روضه عهود ويا 3 شباب .. وقاعدين يرمسون
بحده .. وعقب فتره قصيره مدت عهود اوراق حق الشباب الثلاثه ..
وبدت ضحكات الشباب تتعالى ...
وكانت عهود معطيه روضه ظهرها عسب جيه ما طالعت تعابير ويها )
روضه وبتساؤول : شو عطتهم ..؟
مها بخبث : عطتهم صورج ... تبا تفضحج .. تبا تنشرهن وتفضحج ..
روضه : اي صور ؟
مها : الظاهر انه عهود لقت لج جمن صوره وانتي (نزلت راسها وبلعثمه كملت )
فـ الشـ ... ـقـ...ـه .. ويا ربعج فـ حال الواحد يستحي يرمس عنه
روضه ين ينونها هاي عن شو ترمس .. وعن شو تخربط ..
عهود مسسستحيل اتسوي جيه مستحيييل ...
وانا كنت ويا شباب ؟؟؟ متى صار هـ الشئ ؟ وانا صاحبه الموضوع
ومادري عن السالفه ..؟
(بسررعه نشت روضه وسارت من وين عهود والشباب ...
وسحبت الصور اللي كانت بأيد واحد من الشباب ..)
ويوم طالعت على الصور ماصدقت .. وماقدرت اطالع بسرعه غمضت
عيونها ...
وبسرعه البرق ردت نظرها لـ عهود وبنظرات ثـــاقبه قالت :
هذي اخرتج يا عهود ..؟
تفضحين ربيعتج بصور مفبركه .. كلها تركيب فـ تركيب ...
وتوزعينها عيني عينـــك ..؟
حسبـــــــي الله ونعم الوكيل فيج ..
روضه وصوتها يعلى وقلبها ينزف : حسبـــــــــــــــــي الله ونعم الوكيل
فيـــج ..
مشت روضه و ودرت عهود تصرخ : رووووووضه لاااا ... انتـي .. انتــي ..
مافهمتي زين .. رووضه انتي موول مب فاهمه السالفه .. روووضه لاااااااا
(مشت روضه وهي تسمع ضحكات الشباب كل مالها وتعلى وغمضت عيونها
مب مصدقه .. ان هاي رووحها والتوأم الثاني لها تفضحها ولا بعد تضحك ..)
( كانت روضه تسمع الضحكات اتزيد وتعلى .. وكانت تتوقع ان عهود هي اللي تضحك
بس فهاك الوقت نزلت دمعه من عين عهود ولاول مره بحياتها تنزل دمعه
منها وياليتها مانزلت .. نزلت وكانت كافيه انها تحرق خد عهود
وتوشم علامه راح اتظل طوول عمرها وياها رفيقتها من وين ماتروح [ الخيانه] ..
لانها متأكده انها خسرت ربيعتها وروحها للابد ..)
.
حدرت روضه السياره و ودعت هـ المول للابد يمكن لانها بسهوله
يمكن وفاتها اتكون بعد هـ اللحظه ...
راح ينحذف شي بـ هالوجود اسمه حب اخوي طاهر .. بين احلى توأمين
انولد كل منهم فـ بطن مختلف ..
.
وصلت فلتهم اللي بـ المزرعه ودموعها ماتوقفت كان الموقف اقوى من انها تمنع
نفسها ...
الدنيا بـ النسبه لها انتهت بأنتهاء علاقتها بـ عهود ..
انتهت ومن هـ اللحظه خلاااص ..
رقت الدري وبسرعه توجهت لـ جناحها ..
حدرت حجرتها وهي ميته بشكل حيه .. قلبها ينبض لكن روحها انعدمت
صارت جسد بلا روح ..
اول ما طاح نظرها .... طاح على الصوره اللي بالتسريحه ..
صوره جمعت حب اخوي انرسم ومن سابع المستحيلات ينولد
شراته حب طاهر عفوي صادق ..
لكن نجس هـ الحب الخيانه ... نجسه بدم الخيانه ..
واغتصب اغلى مايملك هـ الحب الا وهو [ الوفـــاء ] ..
اللي انحفر فـ كل حب ينبني ..
مسكت روضه الصوره بين ايدينها وضحكت على ثقه اعطتها لـ شخص مب قدها
من اصعب لحظات الحياه [ الخيانه ] ..
من اصعب اللحظات لان بعد هـ اللحظه بسهوله ينمحي كل شي انرسم ..
وكأنه فنان دبت الغيره بداخله وارتحل لكي يمحي كل تعب صاحبه الفنان
النتألق بوجوده .. دبت الغيره ومحى كل لوحه كانت تعني للفنان الصادق
....
اغتصب كل تعب ومجهود هـ الفنان .. وانمحى من الوجود ولا كأنه كانت موجوده
لوحات كافيه بتوقيف العالم وتهديته مره اخرى ..
هذا هو كان حال روضــه .. وما اصعبها من حال ... حال يرثى له ..
ظلت تتطالع على الصوره لمده ... تتطالع على الابتسامه والفرحه
اللي كانت مرسومه بشفتين [ روضه & عهود ] ..
ما تتطالع عمرها غير انها تتذكر الموقف اللي صار لها .. وبسرعه البرق فرت
البرواز ..
على الارض وعقب صرخت صرخه كانت كافيه انها اتذوب الجليد ..
يا الخـــــــــــــــــــــــــــــــــــــــــــــاي نه ...
عقبها ارتمت روضه على الارض وكان الزجاج متناثر على الارض ..
بس ما همها الالم الجسدي اللي صاب روضه من الزجاج ..
لان كان الالم اللي بداخلها اقوى بألاف واضعاف المرات من الالم
الجسدي ..
فجـــأه ماتسمع غير صوت الفون يرن .. " مبعد بعيد ومتعبني ..
ماخذ فوادي ياهوى البال . عايش على رجوا التمني .. وامال تتجدد
بـ الامال .." << "".. توأم رووحي .." يتصل بك ..
روضه من سمعت الاغنيه ع طول عرفت ان عهود اللي داقه
لان هـ الاغنيه محطيتنها لـ عهود وبس ..
بس كانت روضه كارهه تسمع اي طاري لـ عهود وقفت شوي
وطالعت عمرها وهي ماره بـ المرايه متغطيه بالدم ..
لانها ارتمت وسط الزجاج .. ابتلشت بعمرها
والفون قطع عمره من الصياح ..
وفجـــأه سكت من عقب تقريبا .. 30 مكالمه لم يرد عليها ..
وفجـــأه انفتح باب الحجره بقووه وحدر منه نايف ..
وقال بصوت كله قوه وغضب : روضه .. رووضه ..
روضه مسحت دموعها وكانت محطيه الروب على ملابسها عسب يغطي
الدم .. لحد يطالع او يلاحظ الدم ...
نايف ويفر الصور بـ ويه روضه : ممكن اعرف شو هـــا ..؟
روضه نزلع عيونها للصور اللي كانت مرميه على الارض ...
وردت تتطالع على نايف بنظرات غريبه ..بس كان شكل نايف عادي
مب جنه معصب .. بس حركته يوم حدر الحجره وفر الصور
تدل على انه يفور من داخله .. بس موول كان مب ظاهر على ويه
ولا علامه اتدل على غضبه ...
فجـــآه غمضت روضه عيونها وماتحس بعمرها غير انها ..
خـــارت كل قواها .. وكانت الارض اقرب لها ... وفقدت كل توازنها
وانفتح الروب وظهر شكل روضه من الداخل .. كان شكلها مرعب ...
مغطايه كلها بالدم .. وكانت موول مب ظاهر عليها انها تتألم ...
بسسرعه اخذ نايف روضه بين حضنه وطيراان نزل فيها على سيارته ...
وخذها للمستشفى ...