منتديات بنوته - عرض مشاركة واحدة

04-18-2011, 07:33 AM

مشت لحد ما وصلت لسكه مربعيه كانت بهالسكه يدار وتحته ثلاث حصايا عودات نزلت
روضه لتحت ومدت ايدها تتلمس الحصاه وقالت : انتن لحد اليوم موجودات ولا
تغيرتن ..
ابتسمت لما رفعت راسها على اليدار وطالعت حرف الـ nو الـ rمحفورات فاليدار
وتحتهم بخط صغير الـ a تلمست الحروف بأناملها بس انصدمت لما سمعت صوت من
وراها ..
ياما سمعت هالصوت .. : اشتقتيلهم مب جيه ؟؟!
(لما سمعت الصوت حست بقشعريره فكل جسمها وحست جنه حد غرس سجين وسط يوفها
وطلعها قوو ورش عليها ملح )) << حسيتو بالالم بس كان الم روضه اقوى بمليون
مره من هالالم ..
(خافت تتطالع على وراء وطالع شئ ما يعيبها وخافت تتطالع على وراء ويكون
هالصوت مجرد سراب )
بسسرعه لفت جسمها تتطالع وتتأكد من اللي سمعته واول ما لفت جسمها وطالعت زين
فجت عيونها وانسعقت من اللي جدامها ..
روضه بصدمه : أ... أ... نـت ..
/
\
/
\
/
\
/
عواش : ياربي احين رواضي وين اختفت .. يوم قلتلكن خلنا بننزل نتبعها قلتن لا
تحاتي تكون لروحها .. يلااا زين احين ..!
يزوي : ياربيه يا عواش طالعي الساعه جم مانروم ننزل شو بنقول حق الشباب ..
حمدوه: الله بالستر بس .. الله بالستر الله يسامحج يارواضي .. وينج انتي ..؟
عواش وتصرخ : هيييييه شقايل نسينا بندق على منصور ..
يزوي : هييه يلاا بسسرعه ... بسسرعه دقي ..
عواش : ياربيه ما يرد بلااه ..
حمدوه : لا يكون راقد ..؟
عواش : لا مستحيل ( وصرخت ) هييييييييه رد رد ..!
منصور : حشى شو تبين ؟؟
عواش : منصور الحق ..
منصور : عنلات هالشكل طاح قلبي شو مستوي .. ارمسي ؟؟
عواش : روضه يامنصور .. روضه ..
حمدوه : ايييه لا تيلسيـن مؤثرات حق الولد بيموت من الخوف ..
منصور بكل خوف الدنيا : بلااااها روضه .. بلاااها .. مريضه .. طاحت .. ؟؟
بلاااها ارمسي ..؟
(عواش قالت كل السالفه لمنصور )
منصور : مره ثانيه لا تسوين جيه قلت انا البنت استوى فيها شئ .."
ودرنها بروحها يمكن تبا تكون لروحها ..
واذا ماردت قبل الساعه 2 انا بسير اطالعها ..
عواش : انزين يلاا ..
حمدوه : شو قال ؟؟
عواش : قال تريين شوي يمكن البنت تبا تكون لروحها واذا ماردت قبل الساعه 2 هو
بيسير يطالعها ..
يزوي : يالله ياعمري وربي ماتهون ..
حمدوه : هيه والله قلبي .. شكلها تضايجت ..
/
\
/
\
/
\
روضه بصدمه : أنتـ............. ـه ..!!
.......: هيه انا (وجرب صوبها )
روضه : لاااا لاااا لاتجرب اكرهك انت السبب انت السبب ...
..... : روضه انا شو سويت حرام عليج ؟؟؟!
روضه : انت شرات غيرك ، شراات غيرك (وضحكت وكملت بسخريه) : ليش ييت هاااه
رديت تتطنز ؟؟!
......: روضه انا توني بس راد البلاد الطياره نزلتني وما طالع عمريه غير اني
هني انا كنت اتوقع انه محد فالمزرعه .. وصدقيني ماييت اسوي مشااكل انا ييت بس
اطالع مكان جمعتنا ..
وضحك ... واايد اشتقت له .. بس مب كثرج انتي اكثر مشتاق لج .. فوق ما تتصورين
بعد ..
( غمضت روضه عيونها وبداخلها تعتصر من الالم كل ماشردت من الماضي يرد لها )
..
..... : وانتي ما اشتقتي لي ..
روضه بخاطرها : الا ميتـــه من الشووق وربي اشتقت لصوتك .. وهمسك يوم ترمس ..
ورقتك فالتعامل .. واشتقت لك كلك يا بعد كلي ...
..... : ههههه كنت داري انج مستحيل تشتاقين ليه
(مشت روضه تبا تحدر البيت بس وقفت لما سمعته يقول روضه )
روضه بخاطرها : عيوونها روحها قلبها حيااتها امر يا دنيت رووضه .. فديت
هالمنطوق وربي فديت هالهمس ..
.....: روضه وربي اشتقت لج دخيلج لا تحدري اذا حدرتي من المستحيلات عاده
اشوفج مره ثانيه ..
روضه تلقائيا قالت بألم وغمضت عيونها : اربع سنوات .... ؟؟!
......: حرام عليج لا تزيدينها عليه كافي اللي فيه (اول ما قال حرام عليج حست
عمرها بتموت وتعشق هالانسان ويجتلها اكثر يوم يقول حرام عليج )
يدري انها ماتروم تستحمل يوم يقول هالكلمه .. روضه التفتت غصب عنها ماتدري
ليش يمكن لانه مسيطر على كل ذره فيها .. اول ما التفتت طالعت الانسان اللي
ياما حبته وياما تمنت الموت بسببه ...
روضه وبخاطرها : بعدك يالغالي ما غيرت حركه العقال (كان دايم يرفع السفره
بأهمال ويدخلها داخل العقال وكان فوق ما هو جميل ويذبح من الحلا حركه العقال
اتزيده جمال فوق جماله )
حست روضه لو اطالعت عليه اكثر يمكن تتهور وطيح بحضنه ...
جرب الشاب من روضه ودقات روضه اتزيد لحد ما وصل جدامها ..
نزلت روضه راسها ماتبا تتطالع عليه ، لانها لو اطالعت عليه بتصيح وبطيح فحضنه
..
وهذا اخر شي تتمنى اتسويه ..
مد ايده ومسك ايدها اليسار (وما انتبه لايدها اليمين اللي كانت منجسره )،
روضه من لمست ايده بأيدها حست بقشعريره فكل جسمها ، وما اخفي عنكم ما قدرت
تسحب ايدها تحس بشي يغصبها اتسوي جيه وتخلي ايدها بأيده ..
....... (وبهمس وصوته يذبح لما يهمس) : ارفعي راسج وخليني اطالع على العيون
اللي ياما جتلتني ..
فجأه ما يسمعون غير صوت رجولي من وراهم وبعصبيه : رووووووضه هااي اخرتج
طاح قلب روضه من سمعت الصوت وحست انها بطيح مغمي الموقف اللي فيه لا تحسد
عليه ايدها بأيد واحد وما يفصل بينهم غير سنتيمترات ..
منصور : منو هاا يا مسوده الويه .. انا شبرت شبر شبر فالمزرعه واثاريج هني ..
ونعم والله يابنت احمد ...
روضه لهني وبس انفجرت : منصور لا ترمس جيه اول اعرف السالفه وعقب احكم ..
منصور : شحكم عليه وانا اطالع جدامي كل شي .. يعني عيوني بجذب وحظرتج بتصدقين
..
جرب من روضه وسحبها بالقوو لانها كانت حذال الشاب رفع منصور ايده يبا يعطي
روضه طراق بس الشاب كان اسرع ومسك ايده ...
......: حرام اللي يالس تسواه انت تظلمنا اعرف السالفه قبل ..
منصور كان يبا يضرب لشاب وكل شياطين الدنيا على راسه ..
شحكم واللي جدامي .. وسحب رواضي بالقو .. يلااا جدامي يا مسوده الويه ...
روضه وبكل قووه ..: تدري منو هاا
منصور : ولج عين ترمسين منو ها يا قليله الادب .. منو ها غير حبيبج ..
روضه وتدافع : هذا ، نـ ....
وقطع عليها الشاب وكمل : انا " نــــــايف "
منصور يضرب روضه : عنلات هالشكل وتعترفين بعد يا قليلت الادب ..
روضه : هذا نايف (وسحبها بالقو كانت تبا تقول شئ )
وفجأه منصور توقف وكأنه سرح فعالمه وكان يبا يقول شئ بس قطع عليه نـايف :
يالحبيب انا خال روضه ..
تعرف شو يعني خالها ؟؟!
انا خالها وعلى فكره ما اذكر منو انت ؟؟!
(منصور فجأه ودر روضه ونزل راسه يعني اللي قبل شوي يفكر فيه كان صج كان هذا
خالها نــابف بس شكله صغير واايد )
منصور من المستحى ما عرف شو يسوي (سب خاله وحبيبت قلبه روضه وفوق كل ها شك
فروضه وظن فيها ظن السوء )
مستحيل تسامحه روضه..
بتسامحه على كل شي ما عدا شي يلمس كرامتها وعزه نفسها ..
روضه من شافت جيه الحال بسرعه حدرت المزرعه وماتسمع غير نايف يقول : روضه
دخيلج لا تحدرين
منصور : روضه سامحيني ...
واخيرا نطقت روضه : لا يمكن اسامحك لا انت ولا غيرك (تقصد نايف) اللي سويتوه
فيه مايتسوى فأدمي صدق من قال( ماتجيك المصايب الا من القراب )
حدرت روضه وهي مودره وراها اكثر انسان بهالدنيا يغليها وهو مجروح (نايف )
وانسان ثاني حست بقيمه روضه بعد ما فقدها وللابد يمكن (منصور) .
حدرت روضه المزرعه وبسرعه سرعه تمشي عسب تلحق تحدر ولا حد يطالعها " حدرت من
الباب الخلفي للفله وبسرعه على سويتها "
وقفها صوت من وراها : وين كنتي ..؟
روضه عرفت الصوت دون لا تلتفت .. وعطت عبدالله نظره كره عمره فيها ولعن
الساعه اللي سألها فيها ..
(معروفه روضه بنظراتها لما تعصب الواحد يكره عمره ) ...
رقت روضه الدري عقب ماعطت عبدالله نظره كانت كافيه تسكيته وللابد يمكن ، حدرت
سويتها واستغربت انه محد فالصاله سارت حجره النوم وبعد محد فالحجره بس سمعت
صوت ظاهر من البلكونه ، سارت حذال باب البلكونه وسمعت البنات يقولن :
عواش : منو ها اللي ويا منصور ..
حمدوه : واشيبااااااااااااااااااااااااااااه اشهد انه غرشوب
عواش : وه فديت اللي ميل عقاله ..
حمدوه : ههههه ايييه ما اسمح لج هذا غرشوبي .
(يزوي كانت بطول اليلسه ساكته .. وبس تطالع على الريال اللي كان تحت ويـا
منصور ..والبنات ماشافن رواضي لانها ييت من الباب الخلفي للفـله ) ..
عوواش: وااي حمدووه .. اموت ع الي جيه يسون بعقالهم وسفرتهم (الريال كان ميِل
عقاله بحركه خطيره خلته .. سيد المزاين ) ..