هل تريد التسجيل في منتديات بنوته ؟
إحصائيات المنتدى: المواضيع: , المشاركات: , الأعضاء:
إحصائيات المنتدى: المواضيع: , المشاركات: , الأعضاء:
|
|  |
| التميز خلال 24 ساعة | |||
 العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم |
المشرفة المميزه |
قريبا | بقلم :  | قريبا | قريبا |
| |||||||
 |
| | LinkBack | أدوات الموضوع | انواع عرض الموضوع |
02-04-2011, 03:11 AM
| #31 (permalink) | ||||||||
|
شخصيه هامہ ~
http://im28.gulfup.com/2012-06-13/1339541276441.gif 
| 
رد: حقك علي ان كنت زعلان انا :
رونق الاحساس (في بيت أم عبدالرحمن....) ,,تحديدآ بغرفة رهف والساعة كانت 12 الليل... دخل مشاري الغرفة واستغرب لما ما لقى رهف موجودة بالغرفة وعصب وقال: وبعدين معها هذي يا ألقاها نايمة يابرا عند هالمبزرة.. ,,ولكن ولله الحمد سمع صوت رهف بالحمام تحت الدش تتحمم.. وهدت نفسيته وأخذ دي في دي وشغله وغير ثوبه وراح وتمدد عالسرير.. طلعت رهف من الحمام وعلى طول دخلت لغرفة التبديل من غير ماتنتبه لمشاري ولبست بجامه لونها أخضر قطن ناعمة برمودا وكمها كت.. ,,طلعت رهف للغرفة شعرها كان مبلول وساير كيرلي وشكلها كيـــــوت.. رهف:السلام عليكم.. مشاري:عليكم السلام.. ,, راحت رهف لعند الكمدينة وتعطرت وحطت مرطب على شفايفها.. وجلست على الطرف الثاني للسرير.. وهي تطالع بالتلفزيون.. ,,وفجأة في الفيلم جت لقطة لبطل الفيلم هو والبطلة وهم في وضعية,,, إحم إحم,, ,, ومشاري مثله مثل أي شاب في سنه مستحيل يشيل اللقطة أو يوقف الفيلم... ..لكن في هذي اللحظة كان مشاري عينه مو عالفيلم لأ كانت عينه على رهف يبي يشوف ردة فعلها؟؟ ,,رهف لما شافت اللقطة على طول نزلت راسها ووجها حمر وبلعت ريقها.. ,,ابتسم مشاري وقال بنفسه: ياربيــــــه بيغمى عليها من الحياء.. ,قعدت رهف تتلفت يمين ويسار وتبي تشوفلها شغلة إلين تخلص هاللقطات اللي ماتحب تشوفها.. لكنها قالت لعمرها: الحين الرجال ترك اهله واخوانه وجا يقعد معي.. حتى السهر برا بطل يطلع .. أقوم أنا أنشغل عنه وأخليه.. وشهالغباء.. ليش ما أبدأ أنا وأروح أقعد معه وأسولف يمكن علاقتنا تتحسن؟؟ ,,قامت رهف وراحت عند الثلاجة وأخذتلها موية صحة والتفتت لمشاري.. رهف: تبي أجيبلك معي شي؟؟ مشاري:جيبيلي بيرة.. رهف: طيب. ,,خذت رهف لمشاري بيرة وراحت لعنده وتشجعت وجلست جنبه وكتفها ملاصق لكتفه .. رهف وهي في شدة الخجل:سم.. مشاري وهو مبسوط إن رهف تقدمت بهالخطوة:سم الله عدوك.. رهف بعد تردد وهي تبلع ريقها:شكرآ يا مشاري عالمسج اللي أرسلته.. مشاري: مسج.. أي مسج؟؟ رهف: المسج اللي أرسلته لي.. مشاري :أنا أرسلتلك مسج؟؟ رهف وهي طايرة عيونها:إي مشاري.. أنا أول شي أرسلتلك بعدين أنت ارسلتلي.. مشاري وهو مكشر:أنا ماوصلني شي... ولا أرسلت شي.. ,,رهف ضاق صدرها وتنحت واستغربت وقالت بنفسها: ياربي أجل أنا أرسلت لمين؟؟ وهاللي أرسلي مين؟؟ تضايقت رهف وبسرعة جت تبي تقوم من جنب مشاري لكنه بسرعه مسكها من ذراعها ورجعها جنبه.. ناظرت فيه رهف لقته مبتسم.. مشاري:إنتي ماينمزح معك.... تسلمين عالمسج.. مرره ذوق.. ,,رهف فتحت عيونها عالآخر وابتسمت ابتسامة وحدة متفاجأة وقالت بدلع غير مصطنع أبدآ: مشــــــــاري خوفتني... مشاري ضحك وشال يده من ذراعها ورجع مسك يدها بحنية وهو مبتسم:ليه خوفتك؟؟ رهف:حسبت إني ارسلت هالمسج لواحد ثاني.. ,,مشاري كان لأول مرة يناظر بعيون رهف بكل حب وبكل هيمان .. كانت يده بيد رهف.. رفع يد رهف إلما فمه وباسها لأول مرة,, ,,هنا رهف استحت مرة ونزلت راسها تحت... ,,مد مشاري يده الثانية ورفع وجه رهف وقال: انتي كل شي فيك كامل وحلو يارهف بس اللي محليك بعيني زيادة.. حياك.. ,,قرب مشاري من وجه رهف وباسها على جبينها بكل حنية بعدين طالع بفمها وقرب منها... ولا فجأة جوال مشاري يرن.. رهف فزت وعلى طول بعدت راسها: اللهم اجعله خير من يدق هالحزة يامشاري؟؟ مشاري من غير مايشوف الرقم عرف المتصل من نغمته اللي مخصصها له وقال: هذا وقته.. رهف: مشاري شوف.. مشاري: ماعليك منه هذا طارق أكيد ماعنده سالفة.. وانتي إشفيك بعدتي عني .؟؟ رهف: هااه.. لا عادي مابعدت... مشاري:طب قربي جنبي... رهف لاتخافين.. ,, رجع الجوال يدق مرة ثانية.. وهالدقة وترت مشاري ورهف أكثر من المرة الأولى.. ,,مشاري بعصبية وهو يقوم من السرير ويتوجه لجواله اللي كان جنب التلفزيون: إنا لله وإنا إليه راجعون هذا وقته؟؟ مشاري: ألـــــو؟؟ طارق: مشاري معليش أزعجتك.. مشاري وهو ملاحظ نبرة صوت طارق: لاطارق عادي ما أزعجتني وشفي صوتك؟؟ طارق: مشاري والله آسف بس ما أضطريت أدق عليك إلابعد مادقيت على عزام كذا مرة ومارد علي.. مشاري:يابن الحلال ما أزعجتني بس إنت فيك شي؟؟ طارق: مشاري أبي فلوس ضروري.. مشاري:أفا عليك ياطارق أنا كلي لك... بس إنت وينك؟؟ طارق وهويبكي: مشاري أمي طاحت علي زي الميته ووديتها مستشفى دلة وفلوسي ماتكفي.. مشاري:لاحول ولاقوة إلا بالله خلاص طارق ثواني وانا عندك.. طارق وهويبكي:تكفى يامشاري لاتخليني لحالي تكفى.. مشاري: لاتخاف أنا الحين جايك.. ,, رهف بخوف:مشاري وشفيه؟؟ مشاري وهو متشتت:أم طارق طاحت عليه والولد موعارف شيسوي.. رهف:لاحول ولاقوة إلا بالله.. وانت بتروحله الحين.. مشاري وهويلبس ثوبه: إيه بروحله.. رهف: طب خلي واحد من أهلك يروح معك انت مرة متوتر.. مشاري: لامايحتاج كلهم نايمين ماله داعي أقلقهم.. ,, خلص مشاري لبس واتجه للباب عشان يطلع... وفتح الباب وقبل مايطلع.. رهف بنظرة رجاء: مشــــــاري... انتبه لنفسك.. ,,ناظر مشاري لرهف نظرة اجتمعت فيها نظرات كثيرة.. نظرة حب ونظرة شوق ونظرة احتياج.. ونظرة الرغبة في البقاء,, ونظرة توديع.. مشاري:رهف نامي لاتستنيني.. تصبحين على خير.. *** **** ***** (في مستشفى دلة...) الساعة1,30 الليل... كان جالس على طرف الكرسي ومتكي على ركبتينه ومشبك أصابعه ويناظر لتحت.. وصل مشاري وناطر فيه وقال: طارق... طارق أول ماسمع صوت مشاري فز وراح يركض صوب مشاري وحضنه بقوةوانخرط في موجة بكاء شديدة.. مشاري وهو يطبطب على طارق: خلاص خلاص ياطارق قول لاإله إلا الله ... ,,طارق مايرد ومستمر يبكي... مشاري: طارق خلاص تعوذ من ابليس .. المفروض تكون أقوى من كذا.. طارق: مشاري أمي... أمي جتها جلطة بالمخ ..جلطة بالمخ يا مشاري.. مشاري وهو متأثر: لاحول ولاقوة إلا بالله... خلاص ياطارق هدي نفسك انشالله إنها تقوم بالسلامة... طارق:مشاري اشلون تقوم بالسلامة.. أمي مريضة بالقلب.. وزيادة على كذا جتها هالجلطة بالمخ اللي ما أدري وشسببها وتعرف الجلطة بالمخ ماتجي وحدة بس... لا تجي ورى بعض...وتقولي بترجع زي أول... مستحيل.. مشاري: الأمل بالله كبيرلاتفقد الأمل.. بعدين تعال أنت وين خليت خواتك..؟؟ طارق:خليتهم بالبيت.. مشاري: لحالهم؟؟ طارق: يعني وين تبين أوديهم يامشاري؟؟ مشاري: طب قلتلهم عن حالة أمك؟؟ طارق: لاماقلتلهم بس قلتلهم إنها أزين الحين.. مشاري: لاتخليهم إقعد كل شوي دق عليهم.. طارق وهو منحرج: هااه.. انشالله طيب.. ,, على طول مشاري عرف إنه جوال طارق مافيه رصيد.. مشاري:خذ جوالي وهات جوالك.. طارق وهو يمسح دموعه: ليه؟؟ مشاري:يابن الحلال خذ دق على خواتك مايسير تخليهم لحالهم.. وانا بروح أشحن جوالك.. طارق:الله لايحرمني منك.. **بعد ربع ساعة رجع مشاري بعد ماشحن جوال طارق.. مشاري: ها كلمت خواتك؟؟ طارق: كلمتهم وماعليهم طيبات.. مشاري:ماطلعوا الدكاترة من عند أمك؟؟ طارق والهم باين عليه: لا لسه.. الله يستر.. *** بعد نص ساعة انتظار... جوال طارق يدق.. ,, عزام يتصل بك.. مشاري:طارق رد هذا عزام.. طارق:الله يخليك يامشاري مالي خلق لأحد.. حتى انت لاترد عليه.. مشاري:يابن الحلال رد أكيد شاف مكالماتك وانشغل باله عليك.. طارق:لااااا... توه يصحصح.. فوق العشر مرات أدق على جواله مايرد.. وإذا دقيت عالبيت يرد الهندي اللي يشتغل عنده ويقول: بابا عزام مشغول... مشاري: حرام ياطارق هذا هو يدق مرة ثانية عالأقل رد وطمنه.. طارق: خلاص انت رد عليه أنا ماني خلقه.. مشاري: ألـــو.. عزام: هلا طارق.. مشاري:أنا مشاري ياعزام.. عزام بخوف شديد: مشاري وشفيه وشصاير؟؟ مشاري: ماصار إلا كل خير بس إنت هدي.. عزام:بالله يامشاري طارق وشفيه لايكون صار فيه شي وبعدين إنت وشيجيبك عند طارق هالحزة؟؟ مشاري:مافيه إلا كل خير بس أم طارق جتها جلطة بالمخ وأنا وياه الحين بمستشفى دله.. عزام: وأنا أقول وشفيه داق علي أحدعشر مرة.. بس والله ما انتبهت للجوال يامشاري.. وبعدين هو وينه ليش مارد علي؟؟ مشاري: معليش هو متوتر شوي.. عزام: خلاص دقايق وأنا عندكم.. *** **** ***** انتهى الجزء التاسع.. * انتهى الجزء التاسع وإلى لآن ماصار شي بين رهف ومشاري.. وياترى هل بيسير شي ولا بيستمر الوضع على ماهو عليه.. *الحنية الزايدة اللي كانت بين رهف ومشاري في الأيام الأخيرة هل بتستمر؟؟ *ياترى إش الشي اللي كان عزام منشغل فيه وخلاه مايرد على طارق؟؟ *هل بالفعل أبرار بتتجرأ وتقابل ناصر؟؟ *صالح وأسيل .. وآخر التطورات... | ||||||||
 |
|
02-04-2011, 03:12 AM
| #32 (permalink) | ||||||||
|
شخصيه هامہ ~
http://im28.gulfup.com/2012-06-13/1339541276441.gif
|
رد: حقك علي ان كنت زعلان انا :
رونق الاحساس الجزء العاشر (في بيت أم عبدالرحمن...) الساعة 3 الفجر... رهف: إنا لله وإنا إليه راجعون... ياربي وين هالرجال له ثلاث ساعات وهو برا لادق علي ولا طمني.. لايكون صار فيه شي وهو رايح في الطريق... لا أعوذ بالله من ابليس.. لاانشالله انه طيب.. يا الله ليه يامشاري عالأقل ماتدق علي وتطمني,, أحس قلبي بيوقف من الخوف عليه.. أدق عليه واتطمن.. لا لاأخاف يعصب.. خلاص أبعطيه ساعة إلين يأذن الفجر إذا ما دق بأدق عليه.. ,,بكل حزن رهف تحط يدها على خدها وتتنهد.. ليش كل ماجت لحظة حلوة بيني وبين مشاري.. تنتهي هاللحظة بلمح البصر... *** **** ***** (في بيت عزام...) ,,,, وتحديدآ بغرفة النوم.. طلع من الحمام ولاف منشفته على خصره وهو يقطر موية ومعصب.. ويروح بسرعة لدولاب الملابس عشان يطلع له لبس ويلبس.. ,,يوم شافته طلع من الحمام قامت من عالسرير وهي لافة شرشف السرير على جسمها وشعرها مفلول على كتوفها وتمشي جهته وهي خدرانه بكل غنج ومياعة وتقول.. ...: بتروح وتخليني؟؟ عزام وهو متنرفز: إيــــــه.. ,,وتحط يدها على كتفه وتهمس بإذنه: بس أنا لسه ماشبعت منك... عزام بكل عصبية:ملاك يرحم والديك إبعدي عني.. يكفي هاللي سار بسببك.. ,,ترجع تنام عالسرير عالجنب نص نومة وتقول بكل دلع: بسببي ليــــه.. أنا وشسويت؟؟ عزام: دق طارق علي إحدعشر مرة ولا رديت عليه عشان خاطرك.. ملاك:أحد يدق على ناس هالحزة؟؟ عزام: أنا ماني ناس أنا صديقه إذا ما أكون جنبه وقت حاجته لي متى أكون جنبه.. ,,ويفتح عزام درج الكمدينة ويطلع عشرة ألاف ريال ويحطها بجيبة ويرجع يطلع ثلاثة آلاف ريال ويرميها عالسرير ويقول: خذي فلوسك والبسي ملابسك واطلعي وأنا بخلي سليم يوصلك بيتك.. ملاك: لأ مارح أطلع بستناك.. عزام: لا لاتستنيني.. خلاص اسمعي الكلام.. أنا بطلع الحين وبعد نص ساعة بدق على سليم أتأكد أنه وصلك لبيتك.. ,,ويطلع عزام من الغرفة ويصك الباب وينزل من الدرج وهو يحط جواله بجيبه وينادي الهندي: سليم... سليــــــم... سليم: يس بابا عزام.. عزام: شوف الحين هذي بتنزل على طول وديها بيتها وقبل ماتطلع سكر البيبان وإذا رجعت البيت رتب الغرفة طيب.. سليم: طيب... *** **** ***** (بيت أم عبدالرحمن...) ,,بعد ماصلت رهف الفجر وقرت أذكار الصباح... رهف: لا لا أنا مافيني صبر لازم أشوف وينه لازم حتى لويذبحني أبدق واللي يسير يسير... ,,دقت رهف على جوال مشاري ورن ورن... ولا رد عليها مشاري.. هنا رهف خافت وارتعبت وماقدرت تمسك دموعها.. رهف: أكيد صارله شي... أكيـــــد.. ليه مايرد؟؟ *** **** ***** (مستشفى دلة...) وتحديدآ بمسجد المستشفى... ,, سلم إمام المسجد وسلموا المصلين بعده.. وطلع مشاري من المسجد ومعاه طارق.. ,,طلع مشاري جواله من جيبه ولقى مكالمتين لم يرد عليها من [r,f] مشاري:يوووه ... رهف خلني أدق عليها.. مشاري بصوت متعب: ألـــــو.. رهف:بلهفة ألو مشاري.. مشاري:هلاهلا رهف.. رهف: مشاري وينك؟؟؟ مشاري: مع طارق بالمستشفى.. رهف:طب إنت كيفك طيب؟؟ مشاري:الحمدالله.. رهف بخوف على مشاري: مشاري صوتك تعبان.. مشاري وهو حاس بلهفة رهف عليه:لا ماني تعبان بس يمكن عشان وقفت كثير.. رهف:طب مشاري الله يخليك لازم تاكل شي مايسير كذا تواصل وانت جوعان.. مشاري: يسير خير.. خلاص رهف انتي نامي الحين ولاتشغلين بالك وإذا قمتي الظهر ولا لقيتيني قولي لأمي واخواني وطمنيهم... طيب.. رهف: طيب,, مشاري:أجل يالله مع السلامة.. رهف:في حفظ الله انتبه لنفسك.. :::: ::::: طلعوا مشاري وطارق وتوجهوا لغرفة الإنعاش اللي فيها أم طارق.. طارق:مشاري خلاص روح ارتاح.. مشاري:لاوالله ماروح واخليك بقعد معك.. مع إني من رايي إنك تروح عند خواتك وتشوفهم وتتطمن عليهم وأنا هنا بقعد مع أمك.. طارق: لايا مشاري أمداهم الحين نايمات أبستنى كم ساعة بعدين أروح اتطمن عليهم.. مشاري: خلاص براحتك.. ,,شوي ولا الممرضة جاية: أستاذ طارق.. طارق:نعم.. الممرضة:معليش نبيك في الحسابات شوي.. طارق : انشالله.. ,,راح طارق مع الممرضة وجلس مشاري عالكراسي اللي بسيب الإنتظار وسند راسه بكل تعب.. وجلس يفكر: كأن الله كاتب ان هالشي بيني وبين رهف مايسير... كل ماقربت منها خطوة ألقاها تبعد عني أكثر من أول.. ومو هي السبب بهالبعد أنا السبب بكل شي سار.. أكيد إن هالأشياء وهالمواقف اللي تسير وتبعدني عن رهف أكبردليل إن حياتي معها مستحيلة... بس ما أدري أنا ليه أعاند وللحين متمسك فيها... أنا ما أنكر إن البنت كويسة ومحترمة.. بس مو مقتنع... مومقتنع إنها هي اللي بتعيش معي طول العمر.. .. حتى لو ناوي أطلق رهف هذا حقي... بس أخاف تحمل.. من نظراتها للبزران أحسها بتموت وتحمل.. بس أنا بقولها إني ما أبي عيال إلين أتخرج لأنه مابقالي الا ترم في الجامعة وإذا تخرجت.. الله يستر عليك يارهف... لأني مايشرفني يجيني عيال جدهم واحد زي سلطان.. **يقطع تفكير مشاري.. عزام: مشــــاري.. مشاري:هلا عزام..,, ويقوم يسلم على عزام,,, ياخي وينك؟؟ عزام وهو متشتت تفكيره: هااه.. نايم..نايم.... وين طارق؟؟ مشاري:راح في الحسابات يبونه.. عزام وباين عليه الاهتمام: معاه فلوس؟؟ مشاري:عطيته عشرة آلاف ريال. عزام:حتى أنا جبتله عشرة آلاف.. بروح أعطيه.. مشاري وهو يمسك يد عزام ويرجع يجلسه: ياخي اقعد وشفيك مخترش... بتروح تعطيه الفلوس قدام الناس..خله الين يجي بعدين عطه وبعدين اتوقع الفلوس اللي انا عطيته تكفي.. عزام: لا لا ..لازم اعطيه حتى لو كفت الفلوس اللي عنده .. بعطيه تبقى معه.. مشاري وهو طايرة عيونه: عزام وش ذا الألوان اللي برقبتك؟؟ ,,عزام استحى وشد ياقة الثوب وتنهد وهو يناظر تحت... ,,مشاري تقزز وكشر ولا إراديآ ضرب بقبضة يده على ركبة عزام وقال: ياخي متى تبطل... متى تبطل؟؟ عزام: مشاري يرحم والديك مو وقته.. مشاري:مو وقته وش اللي مو وقته.. لو جاك ملك الموت وانت بهذيك الوضعية مع بنت الحرام بتقوله مو وقته؟؟ عزام: مشاري يرحم والديك تراني تعبان.. مشاري: انت مو تعبان.. انت منتهي.. عزام يا عزام توب ياعزام توب... توب قبل لايفوت الفوت.. عزام: ايه حظرتك متزوج.. وهالشي متوفر عندك.. وانا تبيني أتوب.. مشاري:ياخي تزوج من ماسكك؟؟ وش الشي اللي يمنعك ماتتزوج.. والله لا أمك مريضة وانت مسؤول عنها.... ولا الديون راكبتك.. ولا انت مريض... أجل لو كنت مكان طارق وظروفك زي ظروفة وشتسوي.. عزام والعبرة خانقته: ياليتني بدل طارق.. ياليتني.. كان عالأقل عندي ام تسأل عني عندي خوات أهتم فيهم.. عندي أحد إذا قلت آآآه قالي سلامتك.. موهذي حالتي كني يتيم لاحد يسأل عني ولآحد يدري عن هوى داري.. مشاري:عزام.. اسمحلي انت تلعب على نفسك.. بالله هذا عذر تقوله لربك لا واجهته.. عزام ماتخاف من ربك ماتخاف من الأمراض ماتخاف تنقبض روحك وانت بهالوضع؟؟ عزام: الله غفور رحيم.. مشاري: الله غفور رحيم عاللي يتوب مو على اللي يصر على كبيرة من الكبائر.. حتى الصلاة.. صلاة تصليها وعشرة لأ... ,,دنق عزام وتكى على ركبته وسند راسه بيده.. وهو مهموم ووجه كئيب ويتنهد بكل ألم.. ,,طارق: السلام عليكم.. عزام وهو يفز من عالكرسي:هلا طارق.. اعذرني ياطارق والله ما انتبهت لاتصالاتك.. طارق: ماسار إلا الخير ياعزام.. ,, مشاري قام من مكانه وقال: خلاص طارق أنا الحين أخليك لأني دايخ من النوم.. واذا قمت وصحصحت بجي هنا المستشفى.. طارق:تعبتك معي يا مشاري.. مشاري: لاتعبتني ولاهم يحزنون يللاه مع السلامة.. طارق: مع السلامة.. ,, وقبل مايروح مشاري ناظر بعزام بكل استحقار وراح وخلاه.. ,,جلس عزام عالكرسي وهو محبط ومكسور خاطره ومقهور من طريقة تعامل مشاري معاه ويحس نفسه إنه حقير.. | ||||||||
| |
|
02-04-2011, 03:12 AM
| #33 (permalink) | ||||||||
|
شخصيه هامہ ~
http://im28.gulfup.com/2012-06-13/1339541276441.gif
|
رد: حقك علي ان كنت زعلان انا :
رونق الاحساس (في بيت أم عبدالرحمن...) ,, وتحديدآ بغرفة رهف الساعة 7,30 الصباح.. ,, دخل مشاري الغرفة وهو دايخ جدآ ومو شايف شي قدامه.. كانت رهف نايمة ومتلحفة بلحافها على طول فصخ مشاري ثوبه وحط راسه ونام.. ** ** ,,الساعة 4,45 العصر.. .. في غرفة الجلوس.. لطيفة: لا لازم تجين.. هذولي عمات مشاري ووجودكم كلكم ياحريم العيال ضروري.. رهف بحيا: انشالله عمتي اشوف.. لطيفة: مشاري للحين نايم؟؟ رهف: إيه.. لطيفة: شكله ماصلى الظهر؟؟ رهف:إلا عمتي صلى بس هو تعبان ورجع نام على طول.. لطيفة:خلاص روحي قوميه الحين يصلي العصر وانا بخلي الشغالات يجهزون غداه ويحطونه له بصالة الطعام وانتي اجهزي لأنه مابقى على وصولهم شي.. ,,, ,,, دخلت رهف لغرفة النوم ولقت مشاري قاعد على سجادته يصلي.. يو م خلص مشاري صلاته قالت رهف: كيفك مشاري؟؟ مشاري :حمدالله.. رهف:كيف أم طارق؟؟ مشاري:والله انها تعبانة بس اجتهديلها بالدعاء.. رهف:الله يشفيها ويرفع عنها..ترى عمتي قالت للشغالات يجهزون غداك تبي أجيبه هنا ولا تنزل تحت.. مشاري:لا بنزل أتغدى تحت عشان أشوف أمي.. رهف:طب مشاري أنا بقعد هنا أتجهز عشان عماتك بيزورونا بعد شوي وعمتي تبيني موجودة.. مشاري:خلاص..طيب ,, نزل مشاري تحت لعند أمه وتغدى وبعدين ناظر لساعته: يمه خلاص أنا بطلع فوق البس وارجع عند طارق بالمستشفى.. لطيفة:استنى شوي عشان تسلم على عماتك.. مشاري:مرة ثانية يمه طارق الحين محتاج أحد يوقف معه.. ومو زينه بحقي أتأخر عليه.. لطيفة:الله يساعدك ياولدي.. ,, طلع مشاري لغرفته فوق وأول ماشاف رهف جلس يناظر فيها بكل تمعن وهو مومرتاح.. كانت رهف لابسه فستان لف هادي وناعم جدآ حرير سكري ومشجر تشجيرات ناعمة بزهري واصل لنص ساقها وأكمامه جبنيز.. وكانت قاعدة عالكمدينة تركب حلقانها.. ,,مشاري رفع حاجب ونزل حاجب وعض شفته ..لكنه مسك نفسه ودخل غرفة التبديل ولبس ثوبه وجا يبي يطلع لكنه طاحت عيونه غصبن عنه على رهف وماقدر يمسك نفسه وقال: رهف وشهاللبس اللي انتي لابسته؟؟ ,,التفتت رهف لمشاري وهي تلبس ساعتها: ليه وشفيه؟؟ مشاري: اشلون وشفيه انتي ماشفتي نفسك؟؟ فستانك قصير شوي ركبتك بتطلع وايدينك كلها طالعة وثلاث ارباع صدرك طالع وشغطيتي؟؟ رهف :مشاري عادي هذا اللبس.. الوحدة تقدر تلبسه اذا استقبلت أحد ببيتها مافيها شي.. مشاري بعصبية:لا فيها.. انتي زوجتي وأنا ما أرضى تلبسين هاللبس قدام أحد.. هاللبس تلبسينه قدامي أنا بس.. يللاه غيري لاتنزلين كذا.. ,,وطلع مشاري وخلى رهف.. وعلى طول رهف راحت غيرت لبسها ولبستلها تنورة وبلوزة وهي متضايقة من أمر مشاري عليها لأنها تحس انه هاللبس عادي ومافيه شي.. ** ** ,,في غرفة الحريم... فاطمة العمة الكبيرة: ها يا بنيتي بشري انشالله انك حامل.. رهف وهي مصدومة من هالسؤال ومن هاللقافة: لا لسه.. فاطمة: عاد المفروض انك ما تأجلين سالفة الحمال هذي عشان يمديك تلحقين تجيبين كم ولد.. ,, الكل ناظر ببعض ومتضايق من لقافة هالعمة واسلوبها.. ,,رهف ماعجبها الوضع وقامت بسرعة وراحت للمطبخ وجلست عالكرسي وهي متضايقة.. إيمان:رهف ليش جيتي هنا؟ رهف:لابس بغيت أشوف الشغالات جهزوا الشاهي والموالح ولا لسه.. إيمان:معليش يارهف لا تزعلين ولاتاخذين كلامها بعين الاعتبار تراها كذا ترمي الكلام من غير ماتحسبله أي حساب.. رهف: لاعادي.. هذي مرة كبيرة ولها احترامها.. إيمان:طب يللاه تعالي اجلسي.. لأن الجلسة بدونك مو حلوة.. رهف: انشالله إيمان روحي انتي وأنا أبلحقك.. ,,راحت إيمان وسرحت رهف وقالت لعمرها: معقولة للدرجة هذي أنا كبيرة.. وشقصدها بكلمة تلحقين تجيبين كم ولد.. أووف ياربي من هالحياة.. *** **** ***** (في بيت أم صالح...) أبرار: إنت أبفهم وشفيك خايفة؟؟ أثير: وشــــو وشفيني خايفة؟؟ انهبلتي انتي.. تبيني أروح معك بكرة الكلية عشان تقابلين نصور لأ مستحيل.. أبرار:يا أثير لا تخربين علي تكفين .. لأنك إذا ما رحتي معي بكرة الكلية بيوديني صالح وأنا مابي صالح أبي السواق عبدالرزاق يوديني عشان أقدر أطلع.. أثير:طب واذا مسكوك المشرفات اللي عند الباب؟؟ أبرار: ياخبلة قالولك أنا بثانوي أنا بكلية وبعدين هالأيام الحارس والمشرفات مايتدخلون بدخلات البنات وطلعاتهم لأنه وقت تسجيل وسحب وثايق وأنا قايلة لأمي بروح آخذ نتيجتي.. أثير: أبرارلأ أنا خايفة.. أبرار: من ايش انتي خايفة.. أنا وياك بندخل الكلية بعدين انتي تقعدين تستنيني عالكراسي وانا برجع أطلع برا لأني اتفقت مع ناصر إنه يوقف بسيارته برا بشوفه واتطمن عليه عشر دقايق وأرجع الكلية آخذك ونرجع سيارة عبدالرزاق ونرجع البيت.. أثير: أبرار تكفين ماله داعي قوليله لأ ماتقدرين.. أبرار: أنا خايفة إذا قلتله لأ يطفش مني ويخليني ويروح لبنات غيري.. أثير: أحسن قلعته.. أبرار: تكفين ياأثير لاتقولين كذا ناصر لويخليني أنا بموت.. مالي غيره بهالدنيا.. أثير عقدت حواجبها وهي حيرانه بعدين قالت: خلاص بروح معك بس عشر دقايق ماتطولين.. أبرار وهي طايرة من الفرح وتحضن أثير: يابعدالدنيا يا أثير الله لايحرمني منك.. *** **** ***** (في مستشفى دله...) مشاري: هاكيف الوالدة الحين؟؟ طارق:للحين في غيبوبة بس طلعوها من الإنعاش وحطوها بالعناية.. مشاري وهومستغرب:انت مانمت من أمس؟؟ طارق:إلا رجعت البيت تطمنت على خواتي وقضيت لهم أغراض ونمت من بعد الظهر الين أذان العصر ورجعت مرة ثانية المستشفى.. مشاري:غريبة خليت أمك لحالها.. طارق:لا جلس هنا عزام عندها.. صراحة مابغيت أرجع البيت بس هو لزم علي إني أروح لخواتي وانام لي شوي.. ,,لما سمع مشاري اسم عزام لاإراديآ تغير وجهه وكشر.. طارق:ياخي هالولد ضعيف بشكل... من لما جا ماخلاني دقيقة ولاارتاح وحتى لما رجعت من البيت أقوله رح نام يقولي مارح أخليك إلا لين يجي مشاري.. مشاري: لااا... طب وينه هو الحين.. طارق:راح يجيبلي كوفي.. ,,شوي ولا عزام وصل وبيده كوبين قهوة ولما شاف مشاري موجود تغير وجهه.. عزام:هلا مشاري.. مشاري من غير نفس: ... هلا طارق:خلاص ياعزام هذا مشاري وصل انت من الفجر وانت موجود رح ارتاح.. عزام وهو حاس انه مشاري كاره وجوده: خلاص خذ قهوتك... وانا اخليكم إذا جا مشاري يبي يروح كلمني عشان أبقى معك.. طارق:طيب.. ,, وراح عزام وترك مشاري وطارق.. طارق:مشاري وشفيك انت وعزام ماتحاكون بعض.. مشاري:مافينا شي.. طارق:مشاري لاتقول مافينا شي أنا أكثر واحد يفهمك بهالدنيا.. مشاري: وأنا أكثر شي ندمت اني سويته بهالحياة شيين اثنين إني صادقت واحد زي عزام والشي الثاني زوا... ولا أقول ماله داعي خلني ساكت.. طارق:مشاري ارفق على عزام ترى يبيله معامله خاصة.. مشاري: إي والله يبيله جلد الين يتأدب.. طارق: هذا صديقنا واحنا وياه عشرة عمر ومن حقه علينا إنا نجاهد إلين نبعده عن هالطريق.. مشاري:أنا مافيني حيل أجاهد وانفخ في قربة مخرومة.. اللي مثل عزام هالأشياء اللي يسويها تمشي في دمه.. وأنا قررت إني أقطع علاقتي فيه.. طارق وهو معصب وطايرة عيونه: مشاري إنت تقول هالكلام.. إنت اللي علمتني الوفاء والإيثار والمحبة تقول هالحكي.. معقول بغمضة عين تتخلى عن صديقك لأنه يغلط.. كل الناس يغلطون يا مشاري.. مشاري: يغلطون مو يروحون فيها.. طارق: انت حر تبي تترك عزام اتركه.. لكن أنا مستحيل.. والله لو نخليه ليموت مسكين.. مشاري انت نسيت يوم عزام يقول انه مو مصبرة بهالدنيا ومو مخليه يستحمل الرياض وغربته إلا أنا وياك.. مشاري: لامانسيت... وبعدين أنا أتوقع إنا إذا تركناه مابيجيب خبرنا .. ماشالله عنده اللي يجون له وينسونه الدنيا ومافيها.. طارق:مشاري قل الحمدالله اللي عافانا مما ابتلاه.. عزام مسكين وضعيف.. مشاري:اللي يسوي سواته مسكين؟؟ طارق أنا أكثر واحد يحب عزام ويتمنى له الخير وأحس نفسي بموت لاشفته يسوي هالحركات.. كم مرة نصحته وحاكيته وهاوشته بس مايفيد معه.. لكن يمكن إذا اتخذنا أنا وياك موقف صارم معاه يمكن يرتدع ويتأدب.. طارق:بالله عليك يامشاري تتوقع إذا تركناه بيفيد معه ويبطل هالحركات بالعكس بيزيد.. مشاري وهو يتأفف:خلاص ياطارق أنساني الحين وانسى عزام وانشالله مابسير بينا إلا كل خير.. ,, ويقطع كلام مشاري صوت مسج وصل لجواله.. طلع مشاري جواله وفتحه.. كان هالدنيا قدرت تقسي قلبك الدافي علي... بتتعب هالدنيا لجل تاخذ غـــــــــــــلاك.... ,, سكت مشاري ونزل راسه وتنهد وقال لعمره: والله ياعزام إني أحبك بس في أشياء نفسي ماتتقبلها.. *** (في بيت أم عبدالرحمن..) ,,وتحديدآ بغرفة أسيل.. كانت أسيل قاعدة عالسرير وماسكة ألبوم الصور وقاعدة تقلب فيه ومشغلة بالاستريو أغنية يارا ,,,صدفة.. ,,ياربي انا اشقاعدة أسوي الشي اللي سار بيني وبين صالح يسير بين كل القرايب ليش أنا مكبرة السالفة.. بس هذا موقريبي يادوبك أخو مرة عمي.. ,,وتمسك راسها,, بس موقادرة أنساه... لا لا بلا قلة أدب ومياعه أنا أفكر بهالطريقة بواحد غريب.. لا لا لازم أشيله من بالي.. لأنه هالتفكير ماله أي نتيجة إلا تعب البال وبس. لأنه لايمكن يجمعني أنا وصالح شي.. لاهو من ثوبي ولاهو من مواخذينا ومستحيل أبوي يحط يده بيد أبوصالح.. لأنه كريه والكل يكرهه.. وامي بعد ماتطيق امه الشرية.. وخواته بثرات وثقيلات دم.. يا الله من يصدق إن رهف تسير بنتهم.. سبحان الله مره غير عنهم تجنن.. حتى صالح يجنن من يصدق إنه ولدهم مع إني ماعرف أخلاقه بس الظاهر إنه نسخة من رهف.. ,,وتتنهد أسيل,, وتقوم تطفي الاستريو وترجع البوم الصور.. يارب ساعدني إني أنسى هالإنسان.. **ويقطع تفكيرها صوت جوالها.. أسيل:هلااا والله.. جمانة:هلا بك يالقاطعة.. أسيل:لا ياشيخة ماتعلمت القطاعة إلا من حضرتك.. جمانة:ياحبيلك والله واحشتني.. أسيل:أنا أكثر.. جمانة:شوفي أسيل بكرة بمرك ونروح أنا وياك أي سوق تبينه.. أسيل:ليه.. جمانة:وش اللي ليه ماتدرين انه مابقى عالجامعة شي ماتبين تقضين لك أغراض.. أسيل:يووه ذكرتيني بالهم.. جمانة: أي هم؟؟ هذا وانتي توك مستجدة تقولين هالحكي أجل بعد كذا سمستر شتقولين؟؟ أسيل:خلاص ماله داعي انتي تجين.. نقرر بنروح أي سوق بعدين نتقابل فيه.. جمانة:صار.. فكري واذا قررتي أي سوق كلميني عشان أقابلك.. *** *** ,,بغرفة رهف الساعة 11,30الليل.. كانت رهف واقفة عند الكمدينة وتحط روج وتتعطر بعدين راحت لدولاب الملابس وطلعت بجامة لمشاري.. ويوم جت تلتفت ولا لقت مشاري واقف وراها مباشرتن وهو معصب وعيونه ينط منها الشرار وشوي يمسكها ويخنقها.. رهف :بسم الله.. مشاري:والله من رايي تتشهدين على روحك أزين.. رهف بخوف: أتشهد ليه وشفيه؟؟ مشاري: انتي متى تبطلين تناحة واستهبال.. أنا ماقلتلك هاللبس تغيرينه.. رهف تطلع نفس بهدوء وتقفل باب الدولاب : طب وشفيك معصب؟؟ مشاري: تستهبليـــــن.. وليش لابسته.. رهف:هماك قلتلي لاتلبسينه قدام أحد..بس البسيه قدامي.. هذا أنا لبسته لك.. ,,هدا مشاري وأخذ نفس عميق وراح جلس على طرف السرير.. ,,راحت رهف لعند الكمدينة وخذت عطر وقامت تعطر بجامة مشاري.. ,,كانت مشاري عيونه طايرة برهف وموقادريبعد نظره عنها وقال: صليتي العشاء؟؟ رهف: إيه.. مشاري بقلبه:الحمدالله.. خلاص أجل الليلة مافي تفاهم.. بعدين راحت رهف لعنده وقالت: تفضل بجامتك.. أخذ منها مشاري بجامته وحطها على جنب وقال وهومبتسم: لا الليلة ما احتاجها.. رهف باستغراب: إيش؟؟ مشاري ضحك وقال: وين جوالك؟؟ رهف:هنا تبيه؟؟ مشاري:إيه عطينياه.. ,, عطت رهف جوالها لمشاري.. وأخذ منها الجوال وعلى طول طفاه.. وطلع جواله من جيبه وطفاه..وقال: في تلفون ثابت ولا فاكس هنا.. عشان أطفيهم مرة وحدة.. رهف باستغراب:لأ..بس اشفيك طفيت الجوالات.. مشاري:الود ودي اطفي الكون كله .. رهف:ليه.. مشاري:عشان ماحد يزعجني أنا وياك , حامت كبدي كل يوم يجي شي يخرب علي.. رهف استحت ونزلت راسها وفهمت قصد مشاري وعطته ظهرها وقالت: سبحان اللي يغير حالك من حال لحال.. توك معصب وتزاعق.. الحين قاعد تنكت.. ,,يفز مشاري ويمسك رهف من يدها ويرجع يجلسها جنبه ويقول: إذا انتي ما ستحملتيني من يستحملني.. ,,وقرب وجهه من رهف.. لكن رهف فزت وقالت: آآآ...إيه إيه مشاري نسيت أقولك.. مشاري وهو مبتسم: خيــــر؟؟ رهف: عماتك يسلمون عليك.. ,,مشاري يوقف ويقابل رهف ويقعد يلعب باطراف شعرها:الله يسلمك ويسلمهم .. ,,حاولت رهف تبعد .. مشاري بكل عصبية: رهــــف .. وشفيك اثبتي يابنت الناس؟؟ رهف: مافيني شي بس احس نفسي دايخة شوي وفيني النوم.. ,,مشاري ابتسم وعض شفته اللي تحت وحط يده اليسار تحت رجول رهف واليمين تحت ايدينها وشالها وقال: لا لا.. دايخة مايسير.. أجل لازم نريحك.. رهف وهي تبلع ريقها بعد ماحطها مشاري عالسرير: مشاري خلاص إبعد.. مشاري: أبعـــــــــد.. هذا جزاتي إني شلتك قبل ماتدوخين علينا.. تصدقين... حتى أنا دايخ.. واللي مدوخني إنتي.. ,,ولف مشاري ايدينه حاولين رهف.. ورهف كانت تحاول تزحلق من بين يدينه وتقوم.. مشاري وهو يشد ايدينه حاولينها: أنا من رايي تهدين ولا تقاومين.. وخلنحاول أنا وياك ننسى كل الأيام اللي فاتت.. ونعتبر هالليلة يارهف هي أول ليلة من زواجنا.. ,, قعدت رهف تتنفس بخوف وتناظر تحت وهي تبلع ريقها.. مشاري وهو يقرب ويبوس رهف على جبينها: خلاص يارهف ضيعنا أيام بما فيه الكفاية.. | ||||||||
| |
|
02-04-2011, 03:13 AM
| #34 (permalink) | ||||||||
|
شخصيه هامہ ~
http://im28.gulfup.com/2012-06-13/1339541276441.gif
|
رد: حقك علي ان كنت زعلان انا :
رونق الاحساس (في الكلية..) ,, الساعة 9 الصباح.. أثير وهي تجلس عالكرسي:أبرار خلاص بلاش خلنرجع البيت.. أبرار:أثير وشفيك خايفة انتي اجلسي هنا وانا دقايق وارجع قلتلك مارح أطول.. أثير:أبرارتكفين تعوذي من ابليس.. أنا خايفة عليك.. أبرار: أثير يا التبن خلاص خوفتيني انطمي.. انشالله موبساير إلا كل خير. بس اسمعي شكلي حلو.. أثير: قردة مقعدة.. خلاص أبرار شكلك موحلو مرة يفشل خلنرجع البيت.. أبرار وهي تحط قلوز وتعطر شعرها: كذابة والله إني أجنن.. وتلبس عباتها وتطلع من الباب.. :: :: ,,أبرار وهي واقفة في الشارع.. أبراربصوت واطي:ناصر أي سيارة.. ناصر:الهونداي السودا .. أبرار بتوتر:ناصر مالقيتها.. ناصر: الحين انتي اللي واقفة عند الباب وأكمام عباتك ذهبي , وشنطتك بنية.. أبرار تبلع ريقها:إيه.. ناصر:خلاص خلك واقفة مكانك.. انا بقرب السيارة لك واذا ضربتلك بوري اركبي بسرعة عشان ماحد يحس.. أبرار: ناصر بسرعة أحس رجولي مو قادرة تشيلني.. ,, بعد ثواني وقف ناصر بسيارته جنب أبرار مباشرة وضربلها بوري وعلى طول أبرار ركبت بسرعه.. ,,أول ماركبت أبرار كانت تتنفس بسرعة بصوت مسموع وكل شوي تبلع ريقها.. ,,وعلى طول ناصر حرك ومشى.. أبراربخوف:ناصر وين رايح؟؟ ناصر: أبرار هدي وشفيك .. أبرار:ناصر ليه تحركت وين بتوديني؟؟ ناصر:أبرار من جدك انتي تبينا نوقف قدام الكليه.. لاتخافين مني يا أبرار بس بنروح نوقف قدام مطعم ولاكوفي قريب من كليتك ناخذ لنا كوفي ونرجع.. لأنه لو نوقف قدام الكلية مكشوفين للكل.. أبرار:طب لاتبعد.. ناصر: انشــــالله.. بس انتي هدي.. ,, بعد ماوقف ناصر عند كوفي قريب من الكلية وفتح باب السيارة.. أبرار بخوف:ناصر وين رايح؟؟ ناصر:بروح أجيبلنا كوفي.. أبرار:لا خلاص مايحتاج بس رجعني للكلية.. ناصر:أبرار حبيتي مالنا خمس دقايق من يوم ركبتي معي استني شوي.. ,,دخل ناصر لمحل الكوفي وأبرار على جمر وتفرك أيدينها ببعض.. لمارجع ناصر للسيارة وركب: ها لاتقولين تأخرت.. خذي قهوتك.. أبرار: شكرآ.. ,,قعدت أبرار تطالع بناصر بتمعن وهو يشرب قهوته ..انبهرت بجماله ووسامته .. ناصر:تدرين إنك أنانية.. أبرار: ليه؟؟ ناصر:لأنك تشوفيني وأنا ما أشوفك.. ابرار وهي تبلع ريقها:ناصر ما أقدر.. ناصر:أبرار عشان خاطري.. أبي أشوفك لو لمحة.. أنا هنا موقف بمكان مافيه أحد تقدرين تفتشين.. أبرار: ناصر بس.. ناصر: لابس ولا شي إذا تبين أرجعك للكلية من غير ما أشوفك برجعك.. بس راح تاخذين ذنب فيني لأني بموت لو ماشفتك.. أبرار وهي تشيل الطرحة من على وجهها بهدوء: بسم الله عليك.. ,,ناصر طارت عيونه بأبرار وفتح فمه وجلس يطالعها وهو مو مصدق عيونه.. ناصر:ماشالله تبارك الله.. أبرار وهي مستحية: ناصر طلبتك.. ناصر:آمري أنا كلي فداك يا أبرار.. أبرار: لاعد تجيب سيرة الموت على لسانك... ناصر: الموت حق.. أبرار: جعل يومي قبل يومك.. **يقطع كلامهم صوت جوال أبرار.. أبرار: ألو. أثير:ابرار يا الزفت وينك؟؟ أبرار: الحين بجي.. أثير: ارجعي بسرعة ذبحوني المسؤولات بالكلية يقولونلي انتي وشجاية تسوين.. لامعك أوراق ولا شي ليه جالسة.. أبرار: خلاص ثواني وأنا عندك.. ,, أبرار بعد ماسكرت: ناصر خلاص رجعني الكلية.. ناصر:.. هاااه.. أبرار: ناااصر.. يللاه رجعني الكلية.. ناصر:طب خذي هالكيس.. أبرار: وشو هذا؟؟ ناصر: إذا وصلتي البيت تعرفين وشو.. ,, رجع ناصر أبرار للكلية وهالمرة اكتفى بدقايق بسيطة قضاها معها بالسيارة.. ,, ولما رجعت أبرار للكلية.. أثير:وينك يالزفت خوفتيني.. أبرار:خلاص.. خلاص.. يللاه نطلع.. ,,توجهوا أبرار وأثير للباب والا أثير تسمع صوت وحدة من وراها تناديها.. أبرار:أثير..لاتلتفين ماعليك منها.. البنت:لوسمحتي.. لوسمحتي.. ,,أثير بخوف التفتت: نعم؟؟ البنت:تفضلي هالشريط هدية مني لك.. أثيروهي تاخذ نفس:شكرآ.. البنت:عفوآ ..بس أفضل تقولين الله يجزاك خير.. أثير وهي مبتسمة: الله يجزاك خير.. أبراربعد مابعدوا عن البنت:وشعطتك؟؟ أثير:شريط ديني.. أبرار:يااااه ياقدم هالحركات..يللااه بس نطلع.. *** **** ***** ,,في المملكة... الساعة 7 المغرب.. أسيل:جمانة إذا بتمشين معي كذا أنا آسفة..بروح وأخليك.. جمانة: أفاا ليه؟؟ أسيل:جمانة..وش اللي ليه.. كل ما مرينا جنب أحد قام يرمي علينا كلام عشان خاطرك.. جمانة عالأقل ارمي الطرحة على وجهك.. جمانة:أسيل تعرفين أنا ماتعودت عالغطى .. تعودت عالكشف من لما جيت من سيدني.. أسيل:لا الله لايهينك ارجعي تعودي عالغطى..وبعدين تعالي هنا كل مارحتي تحاسبين عند كاشير سعودي قعدتي تاخذين وتعطين معه وتتغنجين بالحكي.. جمانة:أسيل وشفيك.. حتى أمي بطلت هالتعليقات.. كنك وحدة عمرها ستين سنة.. أسيل:جمانة العيب مايعرف عمر..هاالي قاعدة تسوينه غلط... عزي نفسك.. وخلي بينك وبين الناس حدود.. جمانة:يللاه ياست أسيل عشان خاطرك بطق اللثمة.. أسيل: عسى ماتكلفتي.. *** **** ***** (في بيت أم عبدالرحمن..) ,, وتحديدآ بغرفة رهف.. مشاري وهو متلحف وماسك يد رهف: وين تروحين؟؟ رهف وهي تحاول تقوم من عالسرير: بروح أتروش وأصلي صلاة العشاء.. مشاري وهو مستغرب: ليه أذن؟؟ رهف:مشاري الناس صلوا وخلصوا.. مشاري يبتسم ويحك رقبته:ماحسيت بالوقت.. ,,رهف استحت ونزلت راسها: خلاص انت بعد قوم صلي.. ** ** ,,بعد ماصلى مشاري جلس على طرف السرير وقال: يووه.. من أمس مافتحت جوالي.. ,,فتح جواله مشاري ولا لقى 9 رسايل موجود معظمها من عزام.. ورسالة منه مكتوب فيها.. [مشاري عسى غيابك خير.. ياليت تكلمني متى مافتحت جوالك..] ,,على طول مشاري اتصل بعزام.. عزام:هلا مشاري.. عزام:هلا عزام فيه شي؟؟ عزام:مافي الا كل خير بس اقلقتنا عليك , واحنا ندق وجوالك مغلق.. مشاري:لا كنت مشغول ونسيت افتح الجوال.. عزام بتردد: آآآه طيب .. خلاص أجل أخليك.. مشاري: عزام وشفيك.. طارق فيه شي..؟؟ عزام: هااه.. لاتخاف مافيه شي بس بغيت أقولك .. آآآ.. مشاري: عزام تكلم.. عزام: لا بس طارق .. طارق أغمى عليه وخفت وانا لحالي وبغيت أناديك معي.. مشاري: إيش طارق أغمى عليه.. عزام:لابس الحين هو طيب.. مشاري:ثواني وأنا عندكم.. ,,وسكر مشاري الخط وفز عشان يقوم يلبس.. ,,رهف وهي طالعة من الحمام: مشاري اشفيك.. ,, مشى مشاري بعصبية ودخل يلبس ولا رد عليها.. رهف : مشاري اشفيك معصب وشصار؟؟ مشاري وهومتوجه يبي يطلع من الغرفة وهو يسكر ازرار ثوبه بكل عصبية قال: كله منك قاعد معك الين نسيت حتى نفسي.. ,, وطلع وسكر الباب.. رهف: الحمدالله هذا أكيد موصاحي وشفيه.. كله مني.. ليه أنا اشسويت؟؟ وتجلس رهف بكل ملل على السرير.... إنا لله وإنا إليه راجعون..وبعدين معاه.. شوي يحسسني إني أغلى شي عنده.. وشوي يحسسني إني ولا شي عنده.. *** (في مستشفى دله..) طارق وهو عالسرير: الله يهديك يامشاري.. قلتلك مافيني شي.. مشاري:مافيك شي حاطين لك أوكسجين وأبر مغذيات وتقول مافيني شي.. عزام: طارق تراك أهملت نفسك بما فيه الكفاية.. ياخي ارحم نفسك وإكل زي الناس والأوادم .. عاجبك هااللي سار فيك.. طارق:الحين وين هالدكتور.. أبي أي احد يجي يشيل مني هالمغذيات خلاص بروح أشوف أمي.. عزام: أقول كل تبن وانثبر توني جاي من عند امك والدكتور طمني عليها مافيها شي.. مشاري يلتفت لعزام ويكلمه بحنية:عزام إنت مارجعت بيتك.. عزام وهوباين عليه التعب بس مبسوط إن مشاري حاكاه:هاه... لأ.. مشاري:خلاص عزام ارجع ارتاح ببيتك وانا بقعد مع طارق اليوم.. وإذا نمت وريحت تعال هنا مرة ثانية.. طارق:خير انشالله ماسكيني شفتات.. لاأنت ولا هو .. مابي أحد يبات معي اليوم..خلاص تعبتكم بما فيه الكفاية.. مشاري: أقول لايكثر موب على كيفك.. أنا بقعد عندك اليوم.. طارق:لامشاري خلاص روح بيتك أنا الحين ازين.. مشاري:خلاص بروح بيتي بس بشيلك على ظهري وآخذك معي عشان اتطمن عليك.. عزام: ماشالله .. مايمديني عالحب.. يللاه أخليكم.. وانا انشالله على الظهر بكرة بكون هنا.. يللاه مع السلامة.. طارق ومشاري: مع السلامة... | ||||||||
| |
|
02-04-2011, 03:14 AM
| #35 (permalink) | ||||||||
|
شخصيه هامہ ~
http://im28.gulfup.com/2012-06-13/1339541276441.gif
|
رد: حقك علي ان كنت زعلان انا :
رونق الاحساس (في بيت أبوصالح..) سلطان: أفنان وين خواتك؟؟ أفنان:فوق.. سلطان: إلاصح يامنيرة بنتك ذي نجحت ولا لا؟؟ منيرة:تقول يوم راحت للكلية قالولها إن النتايج بتطلع مع بداية السنة الجديدة.. سلطان:والله ماندري عن بنتك ذي شكلها ميب وجه دراسة.. منيرة:لاياشيخ .. وليه ميب وجه دراسه يعني ماحد درس ودخل كليات وتوظف إلا بنتك؟. سلطان:والله رهف درست ونجحت وتوظفت ولادريت عنها.. لكن بنتك هذي بهذلتنا يالله يالله درست ويالله ويالله دخلناها هالكلية... ::: ::: ,, في غرفة أبرار وأثير.. أبرار: واااو ريحته تجنن.. أثير: الحين شالمناسبة يهديك هالعطور وهالساعات.. أبرار: بمناسبة أول لقاء بيني وبينه.. أثير: وانتي الصادقة أول لقاء وآخر لقاء.. أبرار: ليه بسم الله علينا بنموت.. أثير:ابرار خلاص اذا هالمرة عدت ماتدرين المرة الجاية شيسير.. أبرار:يووه قامت توسوس.. أمممم أقول أثورة حبيبتي ممكن طلب؟؟ أثير:إيه ماقلتي أثورة إلا وانتي تبيني أطلع.. أبرار:شاطرة حبيبتي ممكن تطلعين.. أثير:اطلع عشان تكلمينه.. أبرار: وانتي اشدخلك اطلعي وصكي الباب.. أثير: ياخوفي هالسعادة اللي انتي فيها تتحول لجحيم.. ,, وتطلع أثير وتصك الباب.. *** **** ***** (في بيت أم عبدالرحمن..) ,,في غرفة أم عبدالرحمن.. ,,الباب يدق.. لطيفة وهي تمسح دموعها: ..مين؟؟ تركي: أنا يمه.. لطيفة وهي تخبي اللي بيدها تحت مخدتها: تعال ياتركي.. تركي وهو يطالع بعيون أمه وعارف إنها تبكي: كيفك يمه؟؟ لطيفة: الحمدالله.. تركي: يمه وشفيك تبكين ؟؟ لطيفة: ولاشي ياولدي سلامتك.. تركي:يمه وش اللي خبيتيه تحت المخدة .. لطيفة: ولاشي .. تركي: ممكن أشوف.. ,,, ويدخل تركي يده تحت مخدة أمه ويطلع اللي تحت المخدة ويوم شافه لاإراديآ نزلت دموعه.. ,, ورجعت لطيفة تبكي.. ,,كان هالشي اللي أبكى تركي وأمه هو جاكيت جينز لخالد يحب يلبسه دايمآ.. تركي:يمه اللي قاعدة تسوينه مايفيد ولارح يرجع خالد.. لطيفة:ماني قادرة أنسى إني السبب بموته.. تركي: لايمه لاتقولين كذا الأعمار بيد الله وانتي حرمة كبيرة وعاقلة ومؤمنة بالله.. لطيفة: إنا لله وإنا إليه راجعون... الله يرحمه.. تركي:يمه قومي غسلي وجهك وتوضي وصليلك كم ركعة.. لطيفة:انشالله.. هذا أنا بقوم.. *** *** *** وصل مشاري من المستشفى للبيت اليوم الثاني على الساعة 10 الصباح ولقى رهف نايمة وعلى طول حط راسه ونام... :::: :::: الساعة 4 العصر.. رهف:أشوف ياعمتي.. لطيفة:لا مو تشوفين انتي وجودك ضروري .. أول مرة يجتمعون عندي حريم الجيران من بعد زواجكم.. وانا ابيهم يشوفونك.. أنا عارفة إنك طفشتي.. أمس عمات مشاري واليوم الجيران.. بس أبيك تكونين معي.. رهف:لا والله ياعمتي.. ماطفشت خلاص تامرين.. بس هم متى بيجون.. لطيفة: يمكن بعد ساعة تعرفين قهوة عصرية موب مطولين.. رهف:خلاص.. ,, شوي ولا مشاري داخل وتوه قايم من النوم.. مشاري:السلام عليكم.. الكل: وعليكم السلام.. مشاري وهو يكلم رهف: جيبي غداي هنا.. رهف وهي قايمة: طيب.. لطيفة: هايامشاري بشر كيف أم طارق.. مشاري: للحين بغيبوبة ولا ندري متى تقوم.. لطيفة: تبيني أروح أزورها؟؟ مشاري:مو الحين يمه خليها إلين تتحسن صحتها.. ,,, ,,, عطت رهف مشاري غداه وطلعت فوق عشان تلبس وتتجهز.. ,,بعد ماخلص مشاري غداه وقعد مع امه وسولف.... على طول طلع لفوق عند رهف.. ::: ::: أول ما دخل مشاري طارت عيونه برهف وقام يطالع وهو مستغرب.. كانت رهف لابسة تنورة ميدي مشجرة تشجيرات ناعمة أسود بأبيض وعليها بلوزة سوداء فتحة الصدر واسعة و تحت البلوزة بدي أبيض ولابسة شبب أبيض زحف.. وقاعدة عالكمدينة وتستشور شعرها.. لكنها خلصته بسرعة .. حطت كحل ومسكرة وقاعدة تكمل مكياجها.. مشاري وهو متمدد عالسرير:رهف عسى ماشر وين رايحة؟؟ رهف:ولا مكان بس جارات عمتي بيجون وقالتلي اقعد معاها واستقبلهم.. مشاري:وكل يوم جاينا حريم مرتزات بهالمجلس.. رهف:هم يجون عشان عمتي وماشالله عمتي كريمة قلبها مفتوح للكل.. مشاري:يعني بتنزلين.. رهف: إيه.. مشاري:لا معليش ماله داعي تحضرين جمعة الجيران.. رهف التفتت لمشاري: بس عمتي طلبت مني اني انزل وقلتلها طيب. مشاري:مو مشكلة قوليلها مشغولة ولا أقدر أقعد معكم ياعمة.. رهف:ليه؟؟ مشاري:وش اللي ليه أنا رجلك ومو موافق إنك تنزلين .. وأبيك تقعدين معي.. مشتاقلك.. ,,رهف فهمت غرض مشاري.. وتذكرت كلمته أمس لما زاعق عليها وقالها (كله منك)... وقالت بنفسها: إيه لما يبي شي .. يقول مشتاقلك .. ولما يطيح اللي براسه يهاوش ويزاعق لكن لأ يامشاري مو على كيفك زودتها.. رهف وهي تلبس خواتمها: لأ يامشاري أنا واعدة عمتي وما أقدر أخلف بوعدي.. مشاري : لا مو مشكلة إخلفي بوعدك هالمرة ودقي على أمي وقوليلها بقعد مع مشاري.. رهف: مرة ثانية انشالله.. مشاري:أنا مو قاعد أعزمك أنا قاعد ءأمرك رهف اعتذري من امي وقوليلها ماتقدرين.. رهف:مشاري.. شوف مو سالفة أني أعاندك بس أنا ما أبي.. ,,مشاري عصب وقعد يناظر لرهف بكل حقد.. وقال بنفسه: هين يارهف ماتبيني أوريك.. ,,وقام مشاري وقرب من رهف وهي كانت جالسة عالكمدينة وبكل قوته شالها.. رهف بخوف وصدمة: مشاري وشبتسوي.. مشاري وهو يمشي: لا تخافين لاتخافين مانيبمسوي فيك شي.. اللي مايبيني ما أبيه.. ,, ويكمل مشاري طريقه ويروح الحمام ويحط رهف بالبانيو...؟؟؟؟؟ رهف : مشـــــــــاري.. ,,مشاري من غير مايرد عليها.. ثبتها بيده اليمين وبيده اليسار فتح دش الموية عليها... ,,رهف اشهقت شهقة قوية وانصدمت وفتحت فمها عالآخر.. وقف مشاري جنب البانيو وهو مكتف ايدينه ويضحك بصوت عالي ويطالع برهف وهي مصدومة.. رهف قعدت تتنفس بقوة بعد الفجعة اللي سارتلها... وبعدين بيدها رفعت شعرها اللي لزق من الموية على وجهها ورفعت راسها لفوق وطالعت لمشاري وقالت: ليه سويت كذا؟؟ مشاري:عشان ثاني مرة تسمعين الكلام.. أنا لا قلتلك شي قولي طيب يا مشاري موتقعدين تعاندين.. يللاه الله لايهينك ارجعي البسي من أول وجديد وسشوري كشتك من جديد وانزلي لعمتك وخلي الجيران ينفعونك.... ,, وطلع مشاري لغرفة النوم وهو متنرفز وأخذ جواله وبوكه ومفاتيحه وطلع .. :: قعدت رهف في البانيو لمدة خمس دقايق وهي مو مستوعبة اللي سواه مشاري والموية تصب عليها.. استجمعت رهف قواها من جديد وسكرت الموية وطلعت من البانيو هي تقطر موية وترتجف.. غيرت ملابسها المبلولة ونشفت شعرها وجسمها ولبست لها بجامة ثقيلة وقعدت تمسح آثار الكحل اللي تحت عيونها.. ودموعها ما وقفت.. ,,صوت الباب يدق.. رهف بصوت مرتجف: مين؟؟ أسماء:أنا أسماء.. رهف وهي تمسح دموعها: ادخلي حبيبتي.. أسماء وهي مستغربة: عمتي رهف مابعد لبستي.. ترى الجيران جوا وجدتي تسأل عنك.. رهف وهي دايخة:معليش أسماء قولي لعمتي إني تعبانة ولا أقدر أنزل.. أسماء:رهف وشفيك ترتجفين؟؟ رهف: بس بردانة شوي.. مشاري وينه؟؟ أسماء: بعد مانزل من عندك على طول طلع وراح لصديقه طارق.. تبين تروحين المستشفى يارهف شكلك تعبانة مرة.. رهف: لاحبيبتي... ابتلحف الحين وأبدفى بس تكفين اعتذريلي من عمتي.. أسماء:لاتخافين رهف جدتي لادرت إنك تعبانة.. مارح تشره عليك أبد.. تبين اجيبلك شي دافي؟؟ رهف: لاحبيبتي تسلمين.. ,, وتطلع أسماء وتخلي رهف عايشة بحالة دوامة.. *** **** ***** (في مستشفى دلة...) كانوا مشاري وعزام قاعدين بسيب الإنتظار وطارق راح عند خواته عشان يتطمن عليهم.. عزام: مشاري تتوقع أم طارق تقوم بالسلامة؟؟ مشاري: انشالله وبعدين جلطة المخ صحيح إنها تسدح بس ماتذبح إذا كانت من أول مرة.. عزام:الله يخليها لهم ويقومها بالسلامة..لو يسير لها شي طارق بينهبل ماله إلا الله ثم هي .. وبعدين إخت طارق الكبيرة اللي معاقة يقول طارق إنها من يوم ماتنومت أمه وهي تصيح وتصرخ وتبكي وفاقدتها وخواته الصغار بس يصيحون ونفسياتهم تعبانة.. مشاري : لاحول ولاقوة إلا بالله.. الله يشفيها ويخليها لهم.. ,,سند راسه مشاري وتذكر فجأة شكل رهف وهي تحت الموية ومكياجها كله سايح وشعرها غرقان.. دنق راسه وجلس يضحك.. عزام: مشاري بسم الله عليك شيضحكك..؟؟ مشاري:لا ولاشي .. ,,جوال عزام يدق.. عزام من غير نفس: هلا.. وإذا... لاماظنيت... لاماقدر...مشغول... قلت مشغول.. الحين من قال هالحكي.. لاأتهرب ولاهم يحزنون.. أنا هالأيام ماني بفاظي أحك راسي.. [ويتنهد].... خلاص..خلاص.. يسير خير.. ,, قفل عزام الخط ومشاري يناظرله وهو وده يمحطه بالعقال لين يقول آمين.. عزام: مشاري.. ممكن ماتعلق.. مشاري:لا والله الود ودي أعلقك برجولك الين تبطل تنزل مستواك لهالتافهات.. عزام: مساكين ياشيخ.. مشاري:والله انت اللي مسكين.. هذولي عقارب يستغلونك ويستفيدون منك وتتزوج الوحدة وتسحب عليك وانت كنه العيد عندك.. عزام:عادي أنا راضي.. مشاري:عزام تصدق أنا ودي أسوي شي واحد بس آخذ مخك واركبه براسي عشان أعرف اشلون تفكر.. عزام: لا لا تاخذه ... بس إنت تعال عندي يوم من الأيام وهم موجودات وبتعرف اشلون أفكر.. مشاري: الله لايقوله.. *** **** ***** (في بيت أم عبدالرحمن..) ,,,,الساعة 10,30الليل.. ,,دخل مشاري البيت ولقى أهله توهم قايمين من على العشاء.. أسماء: يوه ميشو ليتك بكرت شوي تونا قايمين من عالعشاء.. مشاري:لااا..... مومشكلة قولي لرهف تجهزه وتجيبه الديوانية.. أسماء: لاعمي رهف مرة تعبانة.. بقول للشغالة تجهزلك عشاك.. مشاري وهو موباين عليه الاهتمام أبدآ: وشفيها؟؟ أسماء: شكلها مسخنة .. ,,كمل مشاري طريقه للديوانية لكنه بسرعة تذكر ورجع من طريقه وقال: هي نزلت لما جوا عندكم الجيران.. أسماء:لأ..ارسلتني جدتي لها يوم تأخرت عشان أناديها لكني لما طلعتلها كانت تعبانة واعتذرت.. ,,مشاري ضحك وقال: خلاص خلي الشغالة تجيب عشاي الديوانية.. ::: راح مشاري للديوانية وهو مبسوط ومتشقق إنه كسر خشم رهف ومشاها على كيفه.. وبعدين تعشى لما جاه عشاه.. وقرر يطلع غرفته عشان يكمل شماته في رهف.. :::: :::: كانت رهف قاعدة عالسرير ومعطيه ظهرها الباب وفاتحة أبجورة وحدة بس وسرحانة بالأرض ودموعها على خدها وشايلة من بالها تمامآ إنه مشاري رح يجي بدري ومتوقعه إنه كالعادة مارح يجي إلابعد الفجر... رهف تفكر وهي شايلة هموم الدنيا على راسها.. "يعني إيش أنا بقعد طول عمري عايشة بهالخوف.. مارح أحس بالأمان ... عاندته مره ضربني إلين أغمى علي.. وعاندته مره ثانية حطني بالبانيو وفتح الدش علي.. المرة الثالثة شبيسوي؟؟ أنا ليه مكتوب لي أعيش بخوف طول عمري.. ليه مشاري مو راضي يتقبلني.. ليه؟؟ ليه دايمآ يعاملني كحشرة؟؟ ليه يهيني ويعاملني أسوأ معامله؟؟ دامه مايبيني ويكرهني ليش تزوجني...ليه؟؟ أنا وين أروح.. بس أبي أعرف وين اروح؟؟ أبوي ماتقبلني وأنا بنت بيتقبلني وأنا مطلقة.. لا حول ولا قوة إلا بالله.. لاااااحول ولاقوة إلا بالله.. ,, حطت رهف راسها بين إيدينها واستمرت تبكي وتبكي.. .. وفجأة... مشاري:ذكرتيني بأسيل لما أمها كانت تمنعها ماتروح تلعب مع عيال الجيران كانت تبكي وتجلس مثل جلستك هذي.. ,,رهف شهقت وتفاجأت لما فجأة مشاري تكلم من وراها لأنها ماحست فيه وهو يدخل الغرفة وبمنديلها اللي بيدها قعدت تمسح دموعها.. مشاري:كل هذا زعل عشانك ماقعدتي مع الجيران.. ولايهمك بكرة باخذك وافرفر فيك على بيوت هالجارات وحدة وحدة.. ,,رهف على نفس وضعيتها ما التفتت عليه واستمرت تمسح دموعها وقالت.. مشاري أسألك بالله إنت ليه تزوجتني؟؟ ,,مشاري وقف بعد ماكان يمشي ومتجه لغرفة التبديل عشان يبدل وقال وهوعاقد حواجبه: إيــــــــش.. شقلتي.. رهف وهي على نفس وضعيتها: مشاري إنت ليه تزوجتني ليـــــــــه.. مشاري بعصبية: الظاهر إنك ماتتأدبين يارهف.. ليه عسى ماشر ماني من مستواك ياصاحبة السمو.. ولاكنتي تطمحين بواحد أغنى وأوسم.. لااا عرفت إنتي وشتبين الظاهر إني كبير عليك وانتي تدورينلك واحد خامس ابتدائي تاخذينه.. رهف تلتفت لمشاري ووجهها كله دموع وتقول: أنا مابي لا فلوس ولا وسامة ولاواحد أصغر مني ولا أكبر.. كل هالتوافه ماتهممني.. مشاري أسألك بالله في واحد يعامل زوجته بهالطريقة.. هاللي سويته يامشاري لي صحيح ضحكك وخلاك مستانس لكن هذا إهانة لي.. إهااااااانة.. مشاري وهو يعطيها ظهره ويغير ملابسه: ماحد قالك تعاندين... مرة ثانية اسمعي الكلام.. رهف: مشاري المتزوجين يسير بينهم عناد واختلاف بوجهات النظر.. موشرط كل واحد يعند واللي براسه يمشي.. أنا مرة أمتثـل لرغبتك وأتنازل عن شي أبيه.. ومرة إنت تتنازل.. كذا الحياة الزوجية.. مشاري: اللـــــه ياحليلك سايرة تقولين حكم.. رهف: أنا ما أتفلسف عليك.... [وتشاهق رهف] أنا خاااايفة خااايفة منك.. ,,وترجع رهف تجلس وتعطي مشاري ظهرها وتبكي.. ,,,بعد ثواني بسيطة... ,,ماحست رهف ولا بيد مشاري وهي على كتفها وهو جالس قريب منها.. مشاري وهو متردد:خلاص رهف لاتبكين أنا غرقتك بالموية لأني ما أبيك تروحين وتخليني.. مادري اشلون سويت كذا.. مادري.. أحس إني انقهرت لما قلتي كلمة (مابي) انقهرت لأني أنا أبيك وانتي ماتبيني.. ,,سكتت رهف ورجعت تمسح دموعها بمنديلها.. ,,تضايق مشاري من نفسه وحس إنه تصرفه غبي وطفولي .. ومهما صار هاللي بين إيدينه إنسانه.. مايجوز أبدآ إنه يعاملها بهالطريقة.. تنهد مشاري وقام من جنب رهف وراح من الجهة اللي ينام فيها وفتح اللحاف وقال: تصبحين على خير.. حط مشاري راسه على مخدته وهو يحس بتأنيب ضمير وقرر إنه ماعد يمد يده على رهف أو يعاملها معاملة سيئة..وحتى لوكان مايبيها يايمسكها بمعروف يا يسرحها بإحسان.. ,, هدت رهف شوي بعد ما تأسف مشاري.. صحيح ما تأسف الأسف اللي يعبر عن ندمه لكنه أهم شي عبر هالدموع اللي نزلتهم رهف.. قامت رهف وراحت الحمام وغسلت وجهها وسكرت النور ودخلت تحت اللحاف ومدت يدها ومسكت يد مشاري وقالت: تصبح على خير.. ,,تنهد مشاري وحس بطيبة رهف لأنها على طول رضت وشد على يدها بأصابعه وقال: وانتي من اهله..  | ||||||||
| |
|
02-04-2011, 03:15 AM
| #36 (permalink) | ||||||||
|
شخصيه هامہ ~
http://im28.gulfup.com/2012-06-13/1339541276441.gif
|
رد: حقك علي ان كنت زعلان انا :
رونق الاحساس مرت أيام العطلة الصيفية بهدوء وقربت أيام الدراسة.. والكل مشتغل يجهزنفسه ويستعد للدراسة.. لكن قبل بدء الدراسة بثلاث أسابيع أخذ عبدالرحمن إجازة وسافر هو وزوجته وعياله للندن يغيرون جو.. وطبعآ رهف كانت ماخذه إجازه أيام عودة المعلمات ولاداومت .. وكانت إجازتها تخلص في بداية السنة الجديدة وعودة الطالبات.. أما بالنسبة لأم طارق ولله الحمد تشافت وطلعت من المستشفى لكنه سار لسانها ثقيل شوي.. وأسيل بعد مارجعت من سفرتها كانت متحمسة لأول سنة لها بالجامعة وكلها نشاط.. وصالح طلعت نتيجة قبوله بالجامعة طب بشري.. وأثيرمستعدة لثالث ثانوي وحاطة ببالها إنها تجيب نسبة فوق 95%.. وأبرار ماجابت خبر للدراسة وخايفة إنه أحد يدري عن سقوطها في كذا مادة.. وأخيرآ مشاري اللي كان كل همه إنه يخلص هالترم اللي باقي له.. ويخلص من السجن اللي هو فيه.. *** **** ***** (في بيت أبو صالح..) يوم الخميس... الساعة 7,30 المغرب.. في غرفة أثير.. كانت أثير قاعدة على طرف السرير ومنهارة إنهيار تام وحاضنة مخدتها وتبكي.. مدت يدها للمسجل اللي جنبها وطفت الشريط بعد ماخلص... وحطت مناديلها على عيونها ورجعت ترتجف وتبكي.. ,,,الباب يدق.. أثير: يوووه أفنان ابعدي احسلك مارح أفتح.. رهف : اوف ليه كل هالعصبية.. ,,بسرعة أثير نطت وفتحت الباب وحضنت رهف وكملت صياح.. رهف: بسم الله عليك أثير وشفيك؟؟ ,,أثير ماترد ومستمرة تبكي... رهف وهي تدخل وتسكر الباب:أثيــــــر وشفيك تبكين.. أثير وهي تمسح دموعها : مافيني شي .. رهف:حلوة ذي مافيك شي.. كل هالبكى ومافيك شي.. أثير حبيبتي اشفيك؟؟ أثيروهي تبكي: رهف أنا خايفة.. رهف:من ايش خايفة؟؟ أثير:خايفة.. خايفة.. الشريط يخوف.. رهف: شريط.. أي شريط؟؟ أثير: هذا الشريط اللي تو سمعته.. يارهف مره يخوف.. رهف:أثير حبيبتي تعالي اجلسي وفهميني وشو شريطه اللي سمعتيه.. أثير:هذا شريط الشيخ عبدالمحسن الأحمد ... وغارت الحور.. فيه قصص تروع.. رهف وهي تبتسم: آآآآه.. ياحبيلك يا أثير قصدك قصص البنات اللي قابلوا شباب وسارت نهاياتهم قبيحة.. أثير: إيه.. رهف: حبيبتي لاتصيحين.. لاسمعتي عن هالناس قولي الله يعافيهم ولايبلينا.. والواحد ياأثير ياخذهم عضه وعبره ويبتعد عن اللي مثلهم.. ولايفكر إنه يسوي مثلهم أبدآ.. أثير بعد تردد: رهف طب ... طب...آآآ... اللي سوا زيهم وتاب الله يسامحه؟؟ رهف طبعآ فهمت قصد إختها وقالت: أكيد يا أثير الله غفور رحيم ويفرح بتوبة العبد.. والواحد مهما سوى مايقنط من رحمة الله.. بعد ما تأثرت أثير من كلام رهف مسحت دموعها وقالت: يووه رهف نسيت أقول الله يحييك.. رهف وهي تضحك : الله يبقيك.. أثير: غريبة رهف جاية عندنا يوم خميس.. رهف:تعرفين الدراسة يوم السبت وأنا جايه آخذ أغراضي وأوراقي وخرابيطي عشان بكرة أجهز لأنه من يوم السبت بداوم..ها استعديتي لمشوار ثالث ثانوي؟؟ أثير:أكيد ناوية أجيب فوق 95% رهف: الله يوفقك حبيبتي.. ,,, صالح وهو واقف عند الباب: وأنا أقووول اشفي البيت منور؟؟ رهف وهي تضحك: أهليــــــن.. صالح وهو يحضن رهف: ياحيالله رهوف.. إلا صح اللاند كروزر هذي اللي برا بسواقها حقت مين؟؟ رهف:هذي سيارة عمتي أم مشاري .. مشاري مشغول وسمحتلي عمتي أروح بسيارتها.. صالح: ماشالله سيارة تفتح النفس.. يعني هالسيارة لها ولبناتها.. رهف: لا لها لحالها لأن ماعندها بنات.. ,,صالح استغرب وقال بنفسه: أجل أسيل أكيد تسير بنت عبدالرحمن.. أثير: إلا صح رهف أسيل وين سجلت؟؟ [دق قلب صالح لما سمع اسم أسيل وقال بنفسه سبحان الله الطيب عند ذكره..] رهف:جامعة الملك سعود.. أثير:ماشاللـــــه أي قسم؟؟ رهف:لغات وترجمة.. أثير:اووه عاد أحس هالقسم مرة صعب.. رهف:لا موصعب على أسيل ماشالله عندها لغة من أول... طول العطلات يسافرون برا باريس ولندن واستراليا.. ,,سكت صالح وسرح بعيد وفكر بنفسه وقال: أسيل بنت عزونعمة وتلعب بالفلوس لعب.. ماشالله طول عمرها عايشة بقصور وتركب أفخم السيارات وطول الوقت سفريات برا.. وانا أبعد منطقة سافرت لها الطايف.. وحافي ومنتف أقعد بالأيام بوكي مافيه الا عشرين ريال.. معقولة بنت مثل أسيل تتنازل وتتزوجني مستحيـــــل.. ,,تنهد صالح ونزل راسه وقام طلع من الغرفة.. ** ** ,,في غرفة أبرار.. ,,الساعة 12 الليل... أبرار: اوف .. أخيرآ طلعت ياثقل دمها.. أثير:عاد اللي يشوفك يقول طول الوقت قاعدة معها ماقعدتي معها خمس دقايق.. أبرار:ياربي ممللـــــــه مادري اشلون رجلها مستحملها.. أثير:حرام عليك يا أبرار والله إنها عسل.. يكفي إنها قبل ماتتزوج كانت شايلة البيت على راسها.. شوفي حالتنا الحين من بعد ماراحت.. أبرار:أقول ماعلي منها... إلا تعالي هنا ليش ماعد كلمتي محمد ومقفلة جوالك ترى ناصر يقول إنه منهبل مسكين... أثير:الله يزيده.. قولي لناصرحقك هذا يقوله خلاص أثير بح.. أبرار:ليه ياخبلة الولد يموت فيك.. أثير:شسوي به.. خلاص أنا قرر أترك هالحركات.. أعوذ بالله من يوم بديت أكلمه لا ارتحت لا ليل ولا نهار.. أبرار: كيفك.. بس هذا وجهي يا أثير إذا مارجعتي تكلمينه أكثر من أول.. أثير:لا حبيبتي مارح أرجع أكلمه.. تدرين ليه لأني ماتقبلت هالشي ولاقدرت أتقبله عشان كذا أنا أخذت قرار إني أترك هالحركات.. ومستحيل أرجعلها.. تبيني أخسر دنيتي وآخرتي عشان تفاهات... *** **** ***** (في بيت أم عبدالرحمن...) ,,تحديدى بغرفة رهف الساعة 12,30 الليل.. لبست رهف قميص نومها واستعدت للنوم.. ومشاري كان منسدح عالسرير ويطالع فيلم.. ,,بس الحقيقة كان مشاري سرحان ومو يم الفيلم أبدآ وكان يفكر.. ...خلاص أنا أخذت هالقرار ولازم أقوله لها.. وهي بعد لازم تتقبله.. أنا أكثر واحد بهالزواج انظلم.. ومو مستعد انظلم زيادة.. عيال مابي عيال.. ولازم رهف تمتثل لرغبتي.. آآآآه أنا وين والزواج وين.. لكن انشالله اني بخلص دراستي هالترم ورهف ترجع معززة مكرمة لبيت أهلها والله يوفقها مع اللي يقدرها .. وانا اضبط أموري واسافر على استراليا أكمل دراستي.. .. مشاري بعد تردد:... رهف.. رهف: نعم.. مشاري: رهف بتنامين؟؟ رهف: إيه.. مشاري: طب بغيت أفاتحك بموضوع.. رهف تلتفت لمشاري: سم يا مشاري قول.. مشاري:...رهف... رهف.. أنا مابي عيال.. رهف وهي مصدومة: وشو مافهمت؟؟ مشاري: لايعني مابيك تحملين... أقصد هالأيام يعني.. يعني قصدي الين اتخرج.. وأفضى بعدين انشالله الله يرزقنا.. ,,رهف زعلت وانصدمت من قرار مشاري وانقهرت لأن ماله حق يمنعها.. هي بتموت وتجيب بيبي.. وهو ماهمه.. بس ماحبت تعارضه وتناقشه وتكبر السالفة وترجع تتضارب معه لأنها ماصدقت إن الأمور هدت بينهم هالأيام قالت: اللي تشوفه.. ..مشاري ارتاح لما رهف وافقت على طول من غير جدال ونقاش.. ونام هذيك الليلة وهو مبسوط... *** **** ***** يوم السبت.. في مكتب عبدالرحمن أبو فيصل.. الساعة عشر الصباح.. عبدالرحمن وهو ماسك التليفون: يسير خير انشالله يابومتعب.. أنا بشاور الأهل وارد لك خبر.. أبومتعب: والله يابوفيصل انت عزيز وانسان معروف وسمعتك طيبة ولا بنلقى أحسن من بنتك لولدي معاذ وانا واثق انك بتوافق.. زي منت عارف ولدي معاذ ماشالله مؤدب ومتربي وسمعته طيبة وولد خير ونعمة ولابتلاقون احسن منه.. عبدالرحمن: على خيرة الله عطنا مهلة أسبوع.. أشاور أهلي وارد لك خبر.. ... انهى عبدالرحمن مكالمته وهو مبسوط جدآ إن بنته بتاخذ ولد من أولاد أبومتعب.. لأن ابومتعب وأولاده عائلة غنية فوق الوصف وسمعتهم كويسة جدآ.. وأولاده مؤدبين ومحترمين وفي مراكز مرموقة بالدولة.. *** **** ***** (في بيت أم عبدالرحمن..) ,,تحديدآ بغرفة منى وعبدالرحمن بعد ماتغدوا وطلعوا.. عبدالرحمن: هايا منى اشقلتي؟؟ منى:والله ياعبدالرحمن مادري شقولك بس أحس أسيل شوي صغيرة على الزواج.. عبدالرحمن: أنا يوم أخذتك كنتي أصغر منها.. وبعدين أسيل ماشالله عاقلة ورزينة وحلوة وفي سن زواج.. ولاتنسين اللي متقدملها واحد ماينرد.. منى: قلت لعمتي؟؟ عبدالرحمن: إيه قلتلها وانبسطت بشكل لأنها تعرف أم متعب ومدحتها مرة.. منى:مادري.. عبدالرحمن:يابنت الحلال خلنشاور البنت ونشوف رايها ونسأل عن الولد والله يقدم اللي فيه الخير... منى : اللهم آمين.. ** ::: (في غرفة رهف..) ,,الساعة كانت 3,30 العصر.. كان مشاري برا مع أصحابه وكانت رهف نايمة من بعد الظهر لأنها جت تعبانة من الدوام.. ,,باب غرفة رهف يدق.. رهف وهي مفزوعة من النوم: ميـــــن؟؟ الشغالة جيسي: ماما رهف بابا إنت برا في مجلس يبقى إنتا.. ,,رهف فزت من عالسرير وطارت وفتحت الباب وهي مي مستوعبة وقالت: وشــــــو؟؟؟ جيسي: بابا إنتا برا في مجلس يبقى إنتا.. رهف: بابا مين؟؟ جيسي: بابا انتا يور فاذر.. رهف وهي مي مستوعبة أبدآ: أبوي سلطان.. جيسي: آآآيوااا... رهف: طيب طيب الحين بنزل.. ,,طارت رهف لغرفة التبديل وغيرت ثيابها وغسلت وجهها وبسرررررعه نزلت للمجلس.. رهف وهي مو مصدقة عيونها: السلام عليكم.. سلطان وهو باين عليه الإستعجال:هلا هلا.. رهف وهي تسلم على أبوها:أهلين يبه كيفك.. سلطان: حمدالله.. أقول وأنا أبوك بسرعة ألبسي عباتك وجيبي دفتر العايلة حقكم وتعالي معي بسرعه.. رهف: ليه؟؟ سلطان وهو معصب:حلوة ذي ليه... أبيك تجين معاي.. رهف وهي خايفة: وين؟؟؟ *** **** ***** في الشقة.. ناصر: ياخي اللي يشوفك يقول كنت تقعد معها 24 ساعة.. ماكنك ماكلمتها إلا يمكن خمس مرات بس.. وأغلبها تسكر السماعة بوجهك.. محمد: ياخي قاهرتني هالبنت عربجية غير إختها أبرار هاللي تكلمك.. ماتعطي وجه وتنافخ.. والحين لي ثلاث اسابيع ماسمعت صوتها.. ناصر: أبرار آخر مرة كلمتني قالتلي إنها خلاص بطلت ولاعاد تبي تكلم أحد.. محمد: آآه والله إني مقهور منهم هالثنتين.. ناصر: وسع صدرك يابن الحلال.. مافي شي يجي بالساهل..  | ||||||||
| |
|
02-04-2011, 03:15 AM
| #37 (permalink) | ||||||||
|
شخصيه هامہ ~
http://im28.gulfup.com/2012-06-13/1339541276441.gif
|
رد: حقك علي ان كنت زعلان انا :
رونق الاحساس *****الجزء الحادي عشر (في بيت أم عبدالرحمن..) ,,تحديدآ في المجلس.. رهف بخوف:يبه الحين الساعة 3,30 البنك باقيله نص ساعة ويقفل.. سلطان وهو معصب:داري عشان كذا أنا جاي آخذك بسرعة عشان يمدينا نلحق عليه قبل مايقفل.. رهف:مشاري موفيه وأنا ماأقدر أطلع وهو برا.. سلطان: أنتي منتي طالعة لحالك أنتي طالعة مع أبوك... اخلصي البسي عباتك وخلينا نلحق عالبنك قبل مايقفل.. [وبأعلى صوت] رهف بســـــــرعه..اسمعي الكلام.. ,,خافت رهف وحست إنها متورطة وانطلقت لغرفتها .. اول مادخلت خذت جوالها ودقت على مشاري.. رن الجوال ورن بس مشاري مارد عليها.. عصبت رهف ورمت الجوال عالسرير.. خذت عباتها ودفتر (كرت) العايلة ونزلت من الدرج بسرعة ومرت على لطيفة اللي كانت واقفة تبي تصلي العصر.. رهف:عمه. لطيفة وهي مستغربة: ها يارهف.. رهف:عمه.. ابوي جا ويبيني اطلع معه ضروري وقاعدة أدق على جوال مشاري مايرد.. لطيفة وهي تناظر للساعة:يابنيتي الحين أمداه بالمسجد يستعد للصلاة.. رهف:تكفين عمتي أبوي مادري شفيه يبيني الحين أطلع معه.. شوفي تكفين إذا مشاري رجع وأنا لسه ماجيت قوليله .. لطيفة :طيب وشفيك ترتجفين أهلك فيهم شي؟؟ رهف:مادري عنهم ياعمه ... خلاص أنا بطلع الحين لأبوي قبل مايعصب زيادة.. ,,كملت رهف طريقها ودخلت عند أبوها.. سلطان بعصبية:وشفيك تأخرتي؟؟ رهف وهي تلبس نقابها: لاولاشي.. ,, في سيارة سلطان.. رهف وهي خايفة.. يارب ارجع قبل مايجي مشاري.. أنا مادري ليه طاوعت أبوي وطلعت ليتني قلتله إنا نروح بكرة أحسن.. لويجي مشاري وأنا موبالبيت بيسوي مصيبة.. لحظه ليه ما أدق الحين أكيد خلص صلاة.. ,,قتحت رهف شنطتها ودورت جوالها لكنها مالقته.. وتذكرت إنها رمته عالسرير.. عضت رهف شفتها وغمضت عيونها بقوة وقالت الله يستر.. ,,وقف سلطان عند البنك وقطع تفكيرها بصوته وقال: رهف ادخلي وطلعي بطاقة جديدة بدل بطاقتك اللي انتهت.. وحطي نفس الرقم السري الأول.. ,,تنحت رهف في أبوها وقالت: يبه إنت ماخذني من بيتي عشان بس أجددلك البطاقة.. سلطان:الحين مو وقت كلام انزلي وادخلي البنك بسرعة قبل مايقفلون.. ,,تألمت رهف من أسلوب أبوها وتفكيره.. ودخلت البنك وطلعتلها بطاقة جديدة .. ورجعت مرة ثانية للسيارة.. سلطان بلهفة:ها كل شي تمام.. رهف: إيه.. سلطان : وينهي البطاقة؟؟ رهف وهي تعطيه: هذي هي.. سلطان وهو يحطها بجيبه وهو مبسوط:تسلمين تسلمين.. ,, سكتت رهف وحست نفسها بتموت من القهر والظلم.. الحين يجيني بعز الشمس والحر عشان أروح معه البنك.. من أول ماتزوجت ماطب عندي ولا شفته الا يمكن ثلاث مرات .. وهالمرة جا عشان الفلوس.. ومو أي فلوس.. الفلوس فلوسي راتبي.. كل هالسنين ياخذها وأنا ساكته.. حتى بعد ماتزوجت مو ناوي يرجعلي بطاقتي.. اشهالظلم.. سنين وأنا أكرف وهو ماخذ كل شي.. ,,بدون تفكير قالت رهف: يبه.. سلطان: نعم.. رهف:يبه ممكن ترجعلي بطاقتي.. سلطان وهو مطير عيونه: نعم وشقلتي؟؟؟ رهف:يبه.. خلاص البطاقة قعدت معاك بمافيه الكفاية... ممكن ترجعها لي.. ,,تنرفز سلطان وفار دمه وحس الدنيا تلف فيه ولا إراديآ رفع يده اليمين على رهف وضربها بقبضة يده.. ,,رهف جت الضربه على عينها وعلى أعلى خدها وسارت ماتشوف شي ونزلت راسها وحطت يدها على مكان الضربة وهي تتأوه ومفجوعه.. سلطان بأعلى صوت:نعم.. والله وطلعلك لسان ياقليلة الأدب ياقليلة الخاتمة.. هذي جزاي.. هذي آخرة تربيتي فيك.. ياوقحة ياقذرة..تحسبين نفسك تزوجتي وخلاص ماعد أقدر عليك.. هالفلوس اللي آخذها منك ماتوفي ربع تعبي عليك.. ولانسيتي من رباك وسهر عليك وصرف عليك لين سرتي هذا كبرك.. ولاخلاص عيشة القصور نستك أبوك ونفسك.. شوفي يارهف لو ترجعين تقولين هالكلام واسمعه منك مرة ثانية.. أو تفكرين تاخذين مني بطاقتك.. لاانتي بنتي ولا اعرفك.. وبقطعك أنا وزوجتي وبناتي واخوك صالح.. ,,رهف مصدومة وخايفة وللحين يدها على عينها.. سلطان: سمعتي.... سمعتي.. رهف وهي يالله تتكلم وشافت من مصلحتها إنها ماتعند أكثر لأنه بيجرم فيها: .... طيب.. (في بيت أم عبدالرحمن..) ,,تحديدآ في الصالة.. مشاري وهو توه يدخل: السلام عليكم.. لطيفة:يا هلا وعليكم السلام.. مشاري:شكل الناس جوا من دواماتهم وناموا.. لطيفة:إي والله كلهم نايمين... متى تداوم بجامعتك.. مشاري:اليوم رحت أعدل جدولي ومارح أداوم إلا الأسبوع الجاي.. الأسبوع هذا مافي محاضرات.. لطيفة:الله يوفقك ويناولك ماتتمناه.. مشاري:اللهم آمين.. يمه قولي لوحدة من الشغالات تجيب غداي.. لطيفة:طيب... صح مشاري ترى رهف جا أبوها وأخذها... مشاري تنح: نعــــم.. اشلون أخذها...يعني طلعت معاه؟؟ لطيفة:جا وماقعد بالمجلس خمس دقايق وأخذها وراح.. مشاري: تطلع من غير ماتقولي؟؟ لطيفة: تقول إنها دقت عليك ولا رديت.. خلني أقوم للمطبخ عشان أقولهم يجهزون غداك.. مشاري بعصبية:لا خلاص مابي شي.. أنا بطلع الغرفة راسي مصدع.. ,,,طلع مشاري لغرفته فوق وهو معصب عالآخر ورمى شماغه وثوبه عالكنبه وجلس عالسرير.. "هين ياسلطان.... طيب يسير خير ..إنت اللي جبت طلاق بنتك على يدك.. وهين يارهف وصلت فيك المواصيل تطلعين من بيتي على كيفك.. لكن سويتي خير... اختصرتي علي مشوار طلاقك.. طلاقك انتي جبتيه بيدك لنفسك.. ,,راح مشاري وفتح الثلاجة وطلعله عصير وسكر الأنوار وفتح أبجورة وحدة بس وتمدد عالسرير وفتح التلفزيون.. ,, .. بعد مرور عشر دقايق.. ,,فتحت رهف باب الغرفة ودخلت وسكرت الباب وراها وهي ترتجف.. مشاري:حمدالله عالسلامة.. ,,كملت طريقها رهف وفصخت عباتها وجلست على كرسي الكمدينة.. ,, مشاري يحاكي عمره: هين يارهف تسفهيني... مشاري من غير مايطالعها: رهــــــــــف... شيلي ثيابك وارجعي مكان ماجيتي.. رهف: مشاري خلني أفهمك.. يقاطعها مشاري: ولاااااا كلمة... اتوقع انك سمعتيني... شيلي قشك كله وارجعي مع ابوك مكان ماجيتي.. ,,فزت رهف وراحت عند مشاري وقعدت عالسرير وهي تبكي ومنهارة.. رهف:مشاري الله يخليك... الله يخليك...لا تظلمني.. والله إني طلعت غصبن عني.. ,,ويلتفت مشاري بكل عصبية: تطلعين برا البيت من غير ماتستأذنين.. ,, ويتفاجأ مشاري لما شاف رهف.. كانت عينها منفوخة وحمرا مثل الدم وخدها في ظربة زرقا.. مشاري: وشهذا بخدك؟؟ رهف وهي تبكي:ولا شي.. مشاري:وشلون ولا شي... من اللي ظربك .. وانتي أصلآ وين رحتي؟؟ ,,رهف تبكي وترتجف.. مشاري:رهف تكلمي من اللي سوى فيك كذا.. ,,رهف كانت حيرانه وورطانه ماتدري شتقول.. تقول لزوجها إن أبوها هو اللي ضربها.. تقول لزوجها إن أبوها أخذها عشان يستمر ياخذ فلوسها.. مشاري:رهف تكلمي ولا قسمآ بالله لأروح عند أبوك واعرف السالفة.. رهف وهي ترتجف وميته بكاء:مشاري أبوي جا هنا وأخذني وداني البنك قبل مايقفل.. عشان بطاقتي انتهت ويبيني أطلع وحدة ثانية.. ودقيت عليك بس مارديت علي.. مشاري: لحظة..لحظه... أنا موفاهم شي.. أي بطاقة تقصدين؟؟ رهف:بطاقتي.. مشاري: أي بطاقة.. رهف:بطاقة الصراف.. مشاري:الفلوس اللي في البطاقة هذي حقت مين.. حقت أبوك.. رهف:لا البطاقة هذي ينزل فيها راتبي.. مشاري وهو مصدوم:وشــو..راتبك.. وليه البطاقة طيب ياخذها أبوك.. رهف:هي دايمآ معاه.. مشاري وهو مصدوم:دايمآ معاه... بطاقتك اللي ينزل فيها راتبك مع أبوك.. من يوم أنتي بنت وهي مع ابوك؟؟ رهف: إيه.. مشاري:وخذك عشان تطلعين وحدة ثانية.. ورجع أخذها؟؟ رهف: إيه.. مشاري: طب من اللي ضربك؟؟ ,,,ر هف نزلت راسها وقعدت تشاهق.. مشاري:رهف... أبوك هو اللي ضربك.. رهف تكلمي اللي سوا بعينك كذا هو أبوك.. ,,رهف يوم شافت مشاري عصب خافت وقالت: لا لا.. مو هو... مشاري:جيبي المصحف يارهف واحلفي ان ابوك مو هو اللي مد يده عليك.. قومي ياللاه.. ,,رهف حطت يدها على وجهها ونزلت راسها واستمرت تبكي وترتجف.. ,,,ناظر مشاري لرهف بكل رحمة وهو في قمة القهر من سلطان.. "معقول معقول للدرجه هذي حقير وطماع.. حتى بنته ماسلمت منه.. حط يده على كتف رهف وحاول يمسك نفسه وقال: شوفي الحين المغرب أذن.. قومي توضي و صلي وخذيلك غفوة ساعة.. وارتاحي وإهدي.. رفعت رهف راسها وقالت: مشاري يعني مو زعلان.. مشاري:الحين انتي صلي وارتاحي.... ولا ارتحتي وهديتي بيني وبينك كلام ثاني... ::: طلع مشاري من عند رهف وهو معصب... "طيب يا سلطان إذا ماخليتك تحرم توقف عند بابي ماأكون أنا مشاري.. وصلت فيك يالحقير تطلعها من البيت غصبن عنها... ومن دون علمي.. وتضربها وهي على ذمتي.. لكن مارح يوقفلك ويعلمك أدبك إلا أنا.. ::: :::: ,,بعد ماصلت رهف المغرب وغيرت ثيابها.. قعدت على طرف السرير وجسمها يرتجف ومنظر أبوها يوم يرفع يده ويضربها كل شوي تتذكره وتبلع ريقها.. ,,دخل مشاري الغرفة ويوم شافته رهف نزلت راسها وكش جسمها.. مشاري بهدوء:صليتي؟؟ رهف:إيه.. مشاري:هالأسبوع كله ماله داعي تداومين.. رهف :ليه؟؟ مشاري:اشلون ليه ماشفتي وجهك بالمراية من جهة اليسار كله معدوم.. ,,نزلت راسها رهف وخنقتها العبرة وماقدرت تمسك نفسها وجلست تصيح.. وتقول بنفسها: اللي يشوفك يامشاري.. يقول ان هالشي أول مره تشوفه.. ماكنك سويت أكثر من كذا... بس ماتنلام إذا هاللي سارلي من أبوي.. يعني معقول انت بتسير احسن منه.. ,,بنفس اللحظه تذكر مشاري وجه رهف يوم ضربها ورجع يلوم نفسه ويقول.. "ليش يامشاري مستغرب.. ماكنك سويت فيها أكثر من كذا.. بس هذا أبوها ومهما سوت الأب مايسوي ببنته كذا أبدآ..وبعدين رهف ماسوت شي هو اللي ظالمها وماكل فلوسها...يا قواة قلبه.. ...مسكينة رهف.. وين تروح.. وانا اشلون ارجع ارميها له مره ثانيه.. ,,مشى مشاري بهدوء وجلس جنب رهف ولف يده على كتوفها وقال: شوفي رهف.. تقدمين هالأسبوع إجازة انشالله ينخصم راتبك كله.. حتى أنا كل هالأسبوع مأجزماعندي محاضرات اقعدي معي.....وبكره الساعة تسع ونص آخذك ونروح البنك.. رفعت رهف راسها بخوف: ليه وشبتسوي؟؟ مشاري:شوفي يارهف..سالفة إن أبوك من أول ماتوظفتي وهو ماكل رواتبك مومشكلة اللي فات مات...لكن ان هالشي يستمر وانتي على ذمتي... لا والف لا.. رهف بخوف:مشاري الله يخليك أنا مابي مشاكل.. خل البطاقة معاه.. مابيها.. واذا خايف من مصاريفي واني اثقل عليك.. والله ما أطلبك شي خلاص... مشاري:اسمعي يابنت الناس.. انتي فاهمة غلط... مو أنا اللي ياخذ من زوجته ريال واحد.. انا أقدر أصرف على عشر حريم إذا بغيت... وسالفة إنه بطاقتك معاه وياخذ فلوسك تعبك وشقاك وانتي عندك عادي فأنا عندي هالشي موعادي... دامك على ذمتي يارهف ما أرضى أحد يهينك أو يدوس على طرفك... واللي سواه أبوك اليوم إنه ياخذك غصبن عنك... لاوبعد يمد ايده عليك هذا مواعتداء عليك بس هذا اعتداء علي أنا ... ليه أبوك شايفني بزر.. موداري إن وراك رجال... اسمعي يارهف بكرة نروح البنك وتقولين ان بطاقتك اللي طلعتيها إنأخذت منك أو ضاعت ... وتكنسلينها وتطلعين بطاقة جديدة... برقم سري جديد.. وخلي البطاقة اللي معه تنفعه.. رهف ولازالت تبكي:مشاري يرحم والديك .. يرحم والديك.. ماله داعي تكبر السالفة أكبر من كذا... أبوي بيذبحني..خلاص خلها معاه.. مابيها.. مشاري: شوفي أنا ماأبي البطاقة تقعد معه يوم واحد زيادة ويستفيد ...خلاص... وبعدين خير انشالله وأنا وين رحت.. لاهو ولاعشر من أمثاله يمد إيده عليك وأنا موجود..لا تخافين.. ,,سكتت رهف وناظرت بخوف لمشاري وقالت لنفسها: الله يستر منك.. الله يستر... وانا ماسكن قلبي الخوف الا من يوم مادخلت حياتي يامشاري | ||||||||
| |
|
02-04-2011, 03:16 AM
| #38 (permalink) | ||||||||
|
شخصيه هامہ ~
http://im28.gulfup.com/2012-06-13/1339541276441.gif
|
رد: حقك علي ان كنت زعلان انا :
رونق الاحساس (في غرفة أسيل..) عبدالرحمن: وشقلتي يا أسيل.. ,,أسيل مصدومة ومستحية وراسها بالأرض.. عبدالرحمن:الرجال كويس ومحترم وسمعته زي المسك.. وولد ناس ومعروف .. وماشالله مرتبته عاليه.. وكل الناس تمدحه هو وأهله.. منى: أسيل حبيبتي لاتستحين.. إذا انتي مواقفة أو رافضة قولي رايك لأبوك.. ,,أسيل ساكته وعينها بالأرض وتحس بتشتت كبير.. عبدالرحمن:قبل ماتوافقين ياأسيل أو ترفضين لازم تعرفين إن معاذ يشتغل بسفارة السعودية بأسبانيا.. واذا تمت موافقتك بيتزوجك هالسنة وتسافرين معه في مقر عمله لأسبانيا.. ,,انصدمت أسيل زيادة وهالمرة ماقدرت تسكت وقالت: أروح أسبانيا؟؟؟ ودراستي.. منى: إذا وافقتي بتكملين دراستك هناك.. عبدالرحمن: يا أسيل فكري على مهلك واستخيري وقرري وقوليلي رايك.. واسبانيا ولا الشرقية ولا الرياض ماتفرق دامك مع إنسان كويس ومحترم ويحبك ويعيشك عيشة كويسه... البنت لاتزوجت يا أسيل تتبع زوجها وين ماراح... والدراسة لاتشيلين همها الولد متعلم وجامعي وأكيد مايرضى إن زوجته تسير أقل منه بالتعليم... فكري زين وثقي ثقة تامة إني ماقبلت فيه وفاتحتك بالموضوع إلا وأنا شايف إنه زين لك.. ,,طلع عبدالرحمن ومعاه منى وخلوا أسيل لحالها في دوامة كبيرة.. وحاسه نفسها موقادرة تفكربشي إلا بصالح.. *** **** ***** (في بيت عزام..) كان جالس في الصالة قدام التلفزيون وماسك الجوال وفجأة فز من قعدته وهو طاير من الفرح وقال: صدق يمه.. متى؟؟ أم عزام: مادري متى ماسمحت ظروف شغلي وشغل زوجي.. عزام:يمه تكفين طلبتك إذ جيتي لاتسكنين بفندق زي كل مرة تعالي بفلتي هنا.. تكفين ترى الفيلا وسيعه وتكفينا كلنا.. أم عزام: يسير خير لكل حادث حديث.. يللاه الحين أنا بقفل.. بس وشتبيني أجيبلك معاي؟؟ عزام:ولاشي يمه بس أبيك تجين وأشوفك.. ,,وقفل عزام من أمه وهو متشقق من الوناسة وعلى طول دق على طارق.. طارق:هلا والله.. عزام: وينك؟؟ طارق:بالبيت.. عزام: البس ثواني وانا جاي آخذك.. طارق:ياخي توني شايفك بالجامعة وشتبي.. عزام:طارق.. اختار أفخم المطاعم بروح أعشيك فيها إنت ومشاري.. طارق:ليه وشمناسبة هالعزيمة؟؟ عزام: ماعندي شي بس مبسوط ومستانس.. طارق:وش اللي مبسطك؟؟ عزام: أمي ياطارق.. أمي بتجي هي وأخواني الصغارالرياض قريب وانا مبسوط إني بشوفها.. طارق:لااا... كويس خلاص يللاه قبلت عزيمتك.. ,,,,قفل عزام من طارق وعلى طول دق على مشاري يعزمه وبعد صلاة العشاء تقريبآ مرعزام على طارق ومشاري وأخذهم وراحوا تعشوا برا.. وكملوا سهرتهم مع بعض...بفيلاة عزام.. *** **** ***** (في سيارة مشاري...) ,,,الساعة 10,15الصباح... ,,طلعت رهف من البنك وركبت السيارة.. مشاري: ها وشصار؟؟ رهف بحزن: كنسلت البطاقة الأولى... مشاري:وطلعتي وحدة ثانية؟؟ رهف:إيه.. مشاري:طب وشفيك زعلانة؟؟ رهف: لاموزعلانة.. مشاري:طيب وشتبين تاكلين؟؟ رهف:ولا شي.. مشاري:عالعموم أنا باخذلي سينبون وقهوة وباخذلك زيي.. ,,سكتت رهف وطالعت من جهة اليمين وقلبها مقبوض وخايفة من اللي بيسير إذا عرف أبوها.. :: :: دخلت رهف ومشاري البيت وعلى طول مشاري راح جلس مع أمه لأنه لقاها صاحية.. ,,طلعت رهف فوق وبالها مو معها أبدآ.. ,, مادرت رهف إلا وأسيل وراها.. أسيل:رهف.. رهف:هلا أسيل.. أسيل: مارحتي دوامك؟؟ رهف: لا مارحت اليوم.. أسيل:رهف... وشفي وجهك؟؟ ,,سكتت رهف وكشرت وهي تناظر تحت.. أسيل بعصبية:مرة ثانية... مرة ثانية يارهف يمد إيده عليك.. رهف: أول شي إنتي دام ماعندك هالأيام محاضرات وقاعدة بالبيت شمصحيك هالحزة.. ثانيآ ممكن تهدين وتدخلين غرفتك.. جبت معاي سينبون تعالي ناكله سوا.. ,,وتروح رهف وتمسك أسيل اللي كانت واقفة بآخر الصالة مع يدها وتدخل وياها غرفة أسيل.. أسيل: رهف تكفين والله مالي نفس لشي أبدآ ونفسيتي تعبانة وشصارلك ليه وجهك كذا؟؟ ,,تنهدت رهف وحكت لأسيل كل شي مع إنها ماتحب أبدآ تقول لأحد من عايلة مشاري شي على مشاكلها وظروفها.. بس هالمرة ماقدرت تسكت لأنها ماترضى مشاري ينظلم ويظنون إنه إهو اللي ضربها بعينها.. أسيل بذهول : رهف الله يعينك والله مادري شقول.. رهف وهي تمسح دموعها: أسيل بذمتك أمانة لاحد يدري.. أسيل وهي تمسك يد رهف: تطمني يارهف مارح أقول لأحد... بس تصدقين على كثر ماني زعلانة من اللي سواه أبوك.. على كثر ماني مبسوطة إن عمي مشاري مهتم فيك هالإهتمام.. رهف وهي سرحانة: الله يستر.. المهم ماعليك مني إنتي اشفيك قلقانة ومالك نفس لشي ونفسيتك تعبانة.. أسيل وهي تتهرب من الإجابة: لارهف ما فيني شي.. ,,شدت رهف على يد أسيل وقالت: ولو أسيل تخبين عني.. أسيل: خلاص بقولك لأني محتاجة أفضفض.. واستشير أحد.. ,,قالت أسيل لرهف موضوع خطبتها وانها محتارة وتفكر ترفض.. رهف: أسيل دامه كويس وابن ناس.. شالمانع.. أسيل:شالمانع.. رهف بيوديني أسبانيا.. تعرفين يعني ايش أسبانيا.. يعني خلاص مابشوفكم إلا في الإجازت بس.. رهف:أسيل.. إذا يحبك وترتاحين معاه حتى لوكنتي معه عايشه على هضبة التبت بتسيرين سعيدة.. ولو إنه سيئ وخبيث وعشتي معه بغرفة من غرف هالبيت.. بتسيرين تعيسه.. المكان ماله دخل أبد بسعادة الوحدة.. أسيل: يعني هذا رايك.. رهف: والله انتي طلبتي مني رايي وقلته لك بصراحة.. أسيل وهي تضحك: بس حلوة هضبة التبت...من وين جبتيها؟؟ رهف وهي تضحك:هههههه عاد قلت أقولك شي غير أسبانيا.. أسيل: هههههههههه.. رهف بعد ماسكتوا مسكت إيد أسيل وقالت:حبيبتي إستخيري.. أسيل:رهف انتي استخرتي لما تزوجتي عمي مشاري.. ,,تذكرت رهف ظروف زواجها من مشاري وإنها تزوجت من غير حولن لها ولاقوة... ونزلت راسها وهي تبتسم ابتسامة ألم.. أسيل:رهف جاوبي اشفيك ساكته استخرتي؟؟ رهف: والله لو أقولك يا أسيل اشلون تزوجت مشاري ماتصدقين.. أسيل وهي متحمسه: رهف تكفين قوليلي تكفين.. ,, تنهدت رهف وقالت لأسيل اشلون انخطبت من خالدالله يرحمه ومنيرة رفضته... واشلون صالح سوى ثوره بالبيت وقوم الدنيا ولاقعدها... وكمان يوم سلطان ضربه ويوم طلع من البيت ومارجع إلا يوم شهد على زواجها من مشاري.. أسيل: لا لامومعقول.. لحظه .. الحين منيرة مو أمك؟؟ رهف:لا يا أسيل مو أمي..مرة أبوي.. وامي توفت بعد ماجابتني.. أسيل:وصالح أخوك من أمك وأبوك ولا بس من أبوك.. رهف:صالح يسير أخوي من أبوي بس.. أسيل:تصدقين رهف توني أدري.. بس ماشالله موقف صالح معاك.. مايسويه إلا رجال.. صراحة صالح رجل وأخ بمعنى الكلمة.. بس من كلامك إنك تزوجتي عمي وإنتي مو راضية... رهف:من قال إني موراضية بالعكس... أسيل:صراحة يارهف مادري اشلون كنتي مع أب وزوجة أب زي كذا بس انشالله عمي مشاري يعوضك عن كل شي.. رهف وهي مدنقه راسها: انشالله.. ,, سكتت أسيل وسرحت وراحت بعالم ثاني وقالت.. "ياربي مومعقول ... معقول أم مثل منيرة وأب مثل سلطان يكون عندهم ولد مثل صالح.. ماشالله أخلاقه ورجولته تجنن مثل ملامحه... ياليته هواللي خطبني.. وشـــــو... خير يا أسيل وشقلة الأدب هذي.. انتي تقولين هالحكي... انتي.. بس يا الله اشلون آخذ صالح وعنده أم مثل منيرة.... أعوذبالله... ,,ويقطع تفكيرها صوت رهف.. رهف: أسيل وين سرحتي.. أسيل:هااه.. لا ولاشي.. بتكملين نومك ولاننزل تحت عن جدتي.. رهف:بروح افصخ عباتي وأغير ثيابي واحطلي فاونديشن على هالضربة اللي بخدي وأنزل لأني ماشفت عمتي من لما جيت من البنك أمس.. *** **** ***** (في معرض للأثاث...) ,,الساعة 9 الليل.. طارق: حشى منت بصاحي.. بتشتريها بثلاثين ألف... انجنيت.. عزام: إي أشتريها واشتري المعرض كله.. طارق:يابن الناس تعوذ من ابليس أمك ميب جاية إلا يومين وترجع تسافر ليه هالإسراف.. غرفة نوم لها بثلاثين ألف وهي ميب قاعدة فيها... وبعدين تعال باقي على قولتك تشتري غرف نوم لبزارينها... يعني كم بيكلفك هذا كله.. أكيد فوق المية ألف.. عزام:تفداهم فلوس الدنيا كلها.. أهم شي يجون عندي مرتاحين.. طارق:ياخي أتذكر قبل ثلاث سنين يوم جت أمك الرياض سكنت بفندق يومين ورجعت سافرت.. عزام:لا هالمرة بتقعد معي هي وأخواني ببيتي.. طارق: وزوجها؟؟ عزام:لا يخسى موبجاي بتجي لحالها عندي... أكيد ماجت إلا هي مشتاقتلي.. ,,طارق بنفسه: الله يستر... ماقد جت أمك وراحت إلا وانت نفسيتك زي الزفت لو ماتجي أصرف.. *** **** ***** (في بيت أم عبدالرحمن...) ,,تحديدآ بغرفة أسيل.. ,,الساعة 12 الليل.. كانت أسيل فاتحة نور خافت... ومتمدده على سريرها وسرحانة.. ياربي.. شهالغباء اللي أنا فيه.. معقولة أرفض إنسان اختاروه أهلي لي من بين كل الناس ... عشان سراب... بس صالح مو سراب.. صالح حقيقة.. مستحيل أنساه مستحيل.. [ابتسمت أسيل وحطت يدها بشعرها وقعدت تلعب فيه] ومستحيل أنسى لمادخلت عليه المجلس اشلون استحى ونزل راسه... ومستحيل أنسى نظرات القسوة بعيونه لما حاولت ارفع وجهه بيدي.. ياليتني ما انتبهت ومسكت وجهه.. ياليتني.. هذا مو إنسان هذا ملاك... ماحد سوى اللي سواه صالح... كلمة رجل قليله عليه... دافع عن اخته ووقف معها ضد أبوه وأمه.. أبوه .. وأمه.... آآآآه يا أبوه وأمه... لا...لالالا لا لامستحيل... مستحيل أنا آخذ واحد أمه زي منيرة مستحيل.. يعني وشو يا أسيل ....بتوافقين على معاذ؟؟ وليش ما أوافق على معاذ.. واحد زي معاذ ماينرفض.. طب وصالح؟؟ أي صالح .. صالح ماجاب خبري ولادرى عن اللي بقلبي له.. لويحبني أوحتى يبادلني المحبة كان عالأقل وصلي لو كلمة بسيطة مع إخته رهف.. لكن الظاهر إني أنا اللي فكرت بتفاهه.. وقلت يمكن في شي اسمه حب.. ,,قامت أسيل بكل ملل وسكرت الأنوار ونامت.. *** | ||||||||
| |
|
02-04-2011, 03:18 AM
| #39 (permalink) | ||||||||
|
شخصيه هامہ ~
http://im28.gulfup.com/2012-06-13/1339541276441.gif
|
رد: حقك علي ان كنت زعلان انا :
رونق الاحساس "بعد مرور أسبوع كامل.... """"""""""""""""""""""" ,,بغرفة عبدالرحمن.. عبدالرحمن:على خيرة الله أبكلم أبو متعب واقوله إن البنية وافقت.. ومتى مازارونا حياهم الله.. منى:يابوفيصل استنى شوي... أسأل عن الولد.. عبدالرحمن:يامنى من قبل ما أفاتحك إنتي وأسيل بالموضوع.. وانا لي فترة أسأل عن الولد.. ومن بعد ماعلمتكم كملت أنا وعمها تركي سؤال عنه.. ويعلم الله إن الولد كامل ومو ناقصه شي .. منى:يعني لاتم الزواج بتسافرأسيل أسبانيا.. عبدالرحمن: واذا سافرت هذا نصيبها..أهم شي انها تسير سعيدة معاه.. منى:الله يقدم اللي فيه الخير.. عبدالرحمن:اللهم آمين... لاتخافين يامنى ياكثر اللي خطبوا أسيل ورفضتهم من غير ما أقولكم حتى .. لكن هالولد عشانه داخل مزاجي وواثق فيه وافقت عليه وشاورتكم.. ::: :::: ,,الساعة 5,30 العصر,, كان مشاري في سريره نايم لأنه يوم رجع من الجامعة تغدى وقعد مع أخوانه شوي وطلع فوق يرتاح... ,, رهف وهي ماسكة كتف مشاري: مشـــــاري .... مشــــاري قووم.. ,,فتح عيونه مشاري وهومفزوع والتفت لرهف: وشفيــــــك.. رهف والخوف مالي قلبها: مشاري.. أبوي تحت بالشارع جالس بسيارته.. ودق علي الجوال فوق الست مرات مارديت آخر شي دق الباب وقال للشغالات يقولونلي أطلعله.. مشاري وهويحاول يصحصح:تطلعينله وين تطلعينله.. رهف:مادري.. بس الظاهر أنه معصب.. ,,مشاري وهو يشيل اللحاف من عليه ويقوم من عالسرير: أبغسل وجهي وأنزله تحت وأدخله المجلس.. رهف بخوف: لامشاري لاتدخله لا.. مشاري: أجل أخليه واقف برا في الشارع.. ماعليك أنتي اهدي.. أنابدخله وانتي بعدين ادخلي شوفي شيبي.. ,,غسل مشاري ولبس ثوبه وطلع للشارع برا.. سلطان وهو يطلع من سيارته وهو معصب وماله خلق: هلا هلا.. وين رهف.. مشاري وهو يسلم على عمه: داخل .. بس ياعمي بوصالح مايسير تقعد كذا برا تعال إدخل داخل.. سلطان:لا لامايحتاج بس بغيت رهف كلمة وراجع من طريقي عندي مشوار... مشاري:لا والله ماتجي عند الباب وماتدخل تشربلك فنجال قهوة .. حياك داخل حياك.. ,,دخل سلطان وجلس بالمجلس وهو يحس نفسه على جمر.. سلطان:بالله يامشاري نادي رهف .. أنا مستعجل.. مشاري: ابشر.. ,,راح مشاري لرهف اللي كانت جالسه بالمقلط ويدها على فمها وسرحانة بالأرض.. مشاري:رهف أبوك يبيك أدخلي المجلس عنده وقوي قلبك.. وزي ماقلتلك سلطان الحين مو ولي أمرك أنا ولي امرك وما أرضى بطاقتك تسير معاه.. رهف وعيونها مليانة دموع:مشاري.. خلاص تعوذ من ابليس خلني أطلع أجيب البطاقة واعطيهياه خلاص ماله داعي المشاكل.. مشاري:رهف ابوك على عيني وراسي وأنا موناوي عالمشاكل أبدآ... لكن طول الأيام اللي فاتت أبوك كان ظالمك وناوي يستمر بظلمه لك.. واذا سكت على الشي اللي يسويه فيك بكون شريك معه وأظلمك أنا بعد.. ,,دنقت رهف وهي تتنفس بسرعة وبصعوبة.. وتوكلت على الله ودخلت عند أبوها.. ,,,في المجلس... ,,يعد دقايق بسيطة من دخول رهف... سلطان وعيونه حمر: اشلون يعني كنسلتيها وطلعتي وحدة ثانية مافهمت؟؟ رهف وهي ميته خوف:يعني هالبطاقة اللي معك ألغتيها.. وطلعت وحدة جديدة لي.. سلطان بكل عصبية:طب روحي جيبيها الحين... بسرعة.. رهف وهي تبلع ريقها:..لأ .. هالفلوس راتبي وحلالي وتعبي.. خلاص يبه أخذت بمافيه الكفاية... سلطان وهويفز من عالكنبة ويقوم تجاه رهف: وشقلتي ماسمعت.. ,,رهف خافت ورجعت على ورى وعيونها مليانة دموع.. سلطان:وشفيك ساكته تكلمي.. ماسمعتك زين.. أنا... أنا يارهف تقولينلي هالكلام.. لكن الظاهر إن الكف اللي في السيارة ماأدبك.. ,,رفع إيده سلطان وكفخ رهف على وجهها... من قوة الكف طاحت رهف عالكنب ورجع رفع إيده للكف الثاني.. ومادرى إلا ومشاري ماسك يده وواقف بينه وبين رهف... وواقف مشاري بكل قوة وعيونه ينط منها الشرار ويطالع بعيون سلطان بكل استحقار ووده إنه يرجع الكف كفين لسلطان... نفض سلطان يده من قبضة مشاري.. ورجع على ورى...وقال: قومي انقلعي جيبي اللي قلتلك عليه.. ,,ماتت رهف خوف وماحبت المشاكل تكبر بين أبوها ومشاري وفزت عشان تروح تجيب البطاقة... ,,مد مشاري يده ومسك يد رهف ووقفها جنبه وقال: شوف ياعم ياسلطان أنا لاني بمجنون ولاديوث تدخل بيتي وتمد إيدك على زوجتي وتاخذ فلوسها وأنا قاعد ساكت... مرة ثانية قسمآ بالله إيدك تمدها داخل بيتي على كائنن من كان... قسمآ بالله لأكسرها لك... سلطان :هين يابنت ××××× .. أنا.. أنا أبوك توقفين ضدي وتجحديني ياناكرة الجميل.. مشاري:أنت أب أنت.. إنت مجرم.. تاخذ فلوس بنتك وتضربها وترجع تقولها أنا أبوك.. سلطان: هين يارهف هين.. مستقوية مع ذا البزر اللي معك... لكن هذا وجهي ليطلقك ويرميك وشوفي من يلمك من الشوارع.. مشاري: أعلى مافخيلك إركبه.. ولاجت رهف عند بابك ذيك الساع اطردها... سلطان:مومشكلة بيجي هاليوم يامشاري.. واطردها... ماله داعي تعلمني شسوي.. وانتي ياجاحدة لاني أبوك ولا أعرفك... وان دخلتي بيتي كسرت رجولك.. وان دقيتي عالتليفون ماتلومين إلا نفسك... وبناتي وولدي صالح مالك علاقة فيهم.. وخلي هالبزر ينفعك.. وعيشي طول عمرك من غير أهل.. يامشردة... ,,,طلع سلطان بكل عصبية من البيت وركب سيارته وراح.. وترك رهف في حالة صدمة شديدة ورعب وخوف ... انهارت رهف وجلست عالكنب وراسها بين ايدينها وقعدت تبكي وهي ترتجف.. مشاري: رهــــف ماعليك منه أنا مادري اشلون كنتي ساكتة له طول الأيام اللي فاتت وهوينهبك وياخذ فلوسك.. أب مثل هالأب ماينبكى عليه.. رهف:مشاري.. مشاري.. ليه سويت كذا ليه... أبوي تبرا مني تبرا مني.. ومنعني من خواتي ومن صالح.. عشان فلوس .. مشاري:هذا انتي قلتيها بنفسك تبرا منك عشان فلوس.. بالله عليك هذا أب.. رهف أنا لومالحقت عليه ومسكت يده كان ناوي يذبحك إنتي ماشفتي وجهك..لازم ينحط له حد لازم.. رهف:ولو.. ولــــــو... هذا أبوي.. ,,كانت رهف تعبانة واكتفت بهالكلمتين الأخيرتين واستمرت تبكي .. وهي مو مستوعبة الوضع.. ,,مشاري يوم شاف بكى وتوتر رهف زاد وبان عليها إنها تعبانة... مشاري وهو يشد رهف من تحت ايدينها: خلاص يابنت الحلال خلاص.. تعوذي من ابليس وقومي غسلي وجهك ونامي لك ساعة وارتاحي.. من قومتنا الصبح مانمتي.. رهف: مشاري طلبتك يرحم والديك.. ودني بيت أهلي وخلني أعطيه خلاص أنامابي شي والله مابي شي.. مابي فلوس تفرق بيني وبين أهلي.. يا مشاري إذا سألوني أهلك والناس عن أهلي ليه مقاطعيني شقولهم؟؟ مشاري:أولآ إذا هذولي أهل مايحبونك إلا بالفلوس والمادة.. والله البعد عنهم أحسن.. ثانيآ وشعلينا من كلام الناس يعني تعيشين مهانة ومن غير كرامة عشان كلام الناس.. انتي الحين اهدي وهدي أعصابك.. وقومي غرفتنا فوق قبل مايحسون أهلي بشي وارتاحي.. وانشالله موبصاير إلا كل خير... *** **** ***** (في بيت أبوصالح,,) سلطان وهو معصب:قلتلك يامنيرة دقي عليهم واعتذري وقولي ماعندنا بنات للزواج لكنك عندتي وركبتي راسك انتي والتافه ولدك وزوجتوها وهذي النتيجة.. منيرة:وانا اشدراني ان بنتك بتجحدك وتسي هالسوايا.. سلطان:آآه.. أنابموت من القهر بمووووت.. أنا على آخر عمري يجي بزر مثل مشاري ويوقف بوجهي ويعصي بنتي علي.. منيرة:والله الشرهه مو عليه الشرهه على بنتك اللي مانفعت فيها التربية.. سلطان:آآه ياراسي.. وين أبر السكر؟؟ منيرة:بالثلاجة فوق.... روحي يا أفنان جيبي... ويقاطعها سلطان:لالا ... أنا بطلع فوق وآخذهم وانسدح شوي.. رفعت سكري الله لايسامحها لاهي ولارجلها.. ,,بعد ماطلع سلطان لغرفته فوق.. أثير:يمـــــه... الحين أبوي ليش معصب.. هذي فلوس رهف وحلالها.. هي حرة وبعدين خلاص سنين وهويشفط راتبها من حقها البنت تقول خلاص وتشوف مصلحتها.. أبرار:انتي ولاكلمة شغالة محاميه للست رهف.. أصلآ الرسول قال(أنت ومالك لأبيك)... [إخس ياللي تقول أحاديث] يعني لو أبوي ياخذ كل فلوسها وكل ملابسها وذهبها أغراضها من حقه لأنه أبوها اللي رباها وتعب عليها.. بعدين صدق عقرب رمل.. وهي عندنا كانت ساكته ومسويه نفسها مسكينة ويوم راحت لبيت زوجها .. طلعلها لسان وخذت البطاقة بعدين هي أصلآ ماتحتاج راتبها زوجها مليونير مغرقها فلوس.. وبدل ماتعطينا حنا أهلها وتفيدنا من زوجها راحت خذت بطاقتها اللي ينزل فيها كم ريال.. صدق إنها حسودة.. أثير:اشفيك انهبلتي.. زوجها مليونير ولافقير ومنتف مايجوز أبدآ ناخذ ولاريال من غير رضاها..وبعدين أبوي أصلآ مايحتاج فلوسها..راتبه يعيشنا وزيادة.. منيرة: أقول ورى ماتقومون كل وحدة تمسك كشة الثانية وتتضاربون.. عشان خاطر رهف.. شوفوا خلاص اللي سار سار.. بس أهم شي أخوكم صالح لايدري.. لأنه لودرى.. ماندري شيسوي أخاف هم بعد مثل المرة اللي فاتت يوم انخطبت المسعده يهج ويخلي البيت.. خلاص فهمتوا لاحد يقوله.. أبرار: انشالله يمه.. ,,أثير سكتت وهزت راسها وهي تقول لاحول ولاقوة إلا بالله.. *** **** ***** (في بيت أم عبدالرحمن...) ,,تحديدآ في غرفة رهف الساعة 1,30 الفجر.. كانت رهف نايمه على سريرها ومقفلة اللمبات والغرفة هادية.. ومو راضي يجيها النوم...كان كل شوي شريط الأحداث اللي سار معاها اليوم ينعاد قدام عيونها.. التفتت على مشاري لقته نايم ومعطيها ظهره... رهف... ياربي نام وخلاني.. أحس بضياع.. معقول اللي سارلي اليوم حقيقة وواقع.. الله يصلحك يا أبوي وصل فيك الطمع إنه يعمي عيونك.. أنا بنتك تسوي فيني كذا.. يا الله فشلني ونقص من قدري قدام مشاري.. عشان فلوس يتبرى مني ويسبني.. ويحرمني من شوفة خواتي وصالح.. لا..لامستحيل أنا لو ماأشوف صالح أبنهبل.. بنجن من لي غيره.. من لي غيره؟؟ أنا أشلون أقول هالحكي.. عندي مشاري.. مشاري يسوى الدنيا ومافيها... صحيح إني خفت وحسيت بالرعب.. بس أول مرة أحس إن لي سند من بعد ماتزوجت وأول مرة أحد يدافع عني بعد مادافع عني صالح.. والله إني ظالمة مشاري وقف وقفة رجال بوجه أبوي ومنعه إنه يظربني ويمد يده علي.. ورجعلي حلالي.. الله لايحرمني منك يامشاري.. ,,,من جهة ثانية كان مشاري متمدد عالسرير... ويحاول ينام لكنه نفس حالة رهف مو راضي يجيه النوم ... واللي حصل اليوم مع سلطان قاعد يمر عليه ببطئ.. مشاري... ياربي أنا اشلون سويت كذا ياليتني بعدت وخليتها هي وأبوها بكيفهم انشالله يجلدها وشعلي منها.. شبيت النار بينها وبين أبوها عشان أدافع عن كرامتي ورجولتي.. على حسابها.. الحين إذا سافرت وطلقتها وين بتروح؟؟ وشبيصيرفيها مسكينية؟؟ [تنهد مشاري بقوة] ياالله أنا شفيني كذا ساير مطيور وكل قرار آخذه أسوء من الثاني.. الحين أنا جنيت على هالضعيفة ودبست نفسي.. ,, ,,, ,,,, ""يوم الخميس.... الساعة 9الليل.. ,,باب غرفة أسيل يدق.. أسيل: مين؟؟ رهف: أنا رهف.. أسيل: ادخلي رهف.. رهف بعد مادخلت وسكرت الباب: اووه ماشالله وشهالزين وشهالحلا كله؟؟ أسيل: من جد رهف شكلي حلو؟؟ رهف: موحلو وبس إلا تاخذين العقل.. أسيل:تتوقعين أعجبه؟؟ رهف: موبس تعجبينه إلا يسجد سجود الشكرلاشافك.. أسيل وهي تضحك: ماكنك تبالغين... رهف وهي تغمز: يعني نص ونص.. هههههه,,, وتحضن أسيل,,,, الله يوفقك حبيبتي.. أسيل وهي منزلة راسها: اللهم آمين.. ,,سكتت أسيل وسرحت .. ياترى صالح يهمه موضوع زواجي.. وهل بيزعل لادرى إني تزوجت ولامارح يهمه الموضوع ومابيجيب خبري.. ,,منى بعد مافتحت الباب... أسيل يللاه يابنيتي أبوك وأخوك فيصل ومعاذ يستنونك بالمجلس الداخلي.. ,,كانت أسيل تقوم وتمشي وتتوجه للمجلس بكل برود وكأنها منومة مغناطيسيآ.. ولافيها خوف ولا ارتباك وكأنها رايحة تدخل على واحد من أعمامها ولاهي شايلة هم أبدآ.. أسماء وهي تمسك رهف وتشاورها: رهف وشفي أسيل ؟؟ رهف: وشفيها مافيها شي.. أسماء: اشلون مافيها شي.. شايفة اشلون تمشي وداخلة المجلس ولاهو هامها الموضوع.. رهف:طب كويس الحمدالله.. أحسن شي الهدوء والنفسية المرتاحة أحسن من إنها تصيح أو تخاف أو ترتبك.. أسماء:بصراحة ماتوقعت إنه لما تسير شوفة أسيل بتسير بهالهدوء وهالثقل توقعتها تتدلع وتقلبها مناحة... ::::: ,,في المجلس.. أسيل: السلام عليكم.. معاذ: وعليكم السلام.. عبدالرحمن وهو يأشر للكنبة اللي قدام معاذ: أسيل تعالي اجلسي هنا.. ,,مشت أسيل بكل ثقة وهدوء الين وصلت للكنبة وجلست وحطت رجل على رجل.. ورفعت نظرها ببرود وناظرت لمعاذ بجرأة .. كان معاذ وسيم جدآ حنطي اللون.. يغطي وجهه عارض خفيف.. وباين انه طويل.. ,,نفس الشي كان معاذ يبادل أسيل النظرات وقزها من فوق لتحت.. وآخر شي ابتسملها.. لما ابتسم معاذ استحت أسيل وانتبهت لنفسها إنها زودتها ونزلت عيونها بالأرض.. ,,, ,,, بعد مرور ربع ساعة طلعت أسيل من المجلس وتوجهت على طول لغرفتها... أسماء بعد مادخلت وصكت الباب: أسيلوه دريتي ملكتك حددوها.. أسيل وهي تفصخ حلقانها ببرود: لاااا.. بشرك الله بالخير أسماء:أسيل وشفيك مسخنة..عادي عندك بعدين ماتلاحظين أهلك مستعجلين.. أسيل:هو اللي مستعجل.. أسماء:حتى ولوكان هو اللي مستعجل المفروض نتغلى شوي... بعدين تعالي هنا... إلا وشصار معك لما دخلتي.. أسيل: شالني وقعد يدور فيني وجلسني على حضنه.. أسماء: ههههههههه حلوة هذي.. أسيل وشصار معك.. تكلمي.. ,,, جلست أسيل بكل ملل وبرود عالسرير وقابلتها أسماء .. أسيل: ماصار شي هو ساكت وانا ساكته ومتنح فيني طول الوقت.. أسماء:يعني ماقالك شي؟؟ أسيل:بس قالي شخبارك وبعدين رجع سكت.. أسماء باستغراب:ماسولف معاك ولاسألك عن دراستك؟؟ أسيل: ولاشي.. بس مبتسم.. وقال على خيرة الله ... الله يجمع بينا بخير.. أسماء:ترى ملكتك بعد شهر يا أسيل.. أسيل: نعم... بعد شهر.. ,,وتنط أسيل وتطلع برا الغرفة تقعد تنادي بصوت عالي.. يمــــــــــه... يمـــــه.. منى وهي في الصالة اللي تحت ترفع راسها للصالة اللي فوق: أسيــــــل.. وشفيك؟؟ أسيل وهي شوي وتبكي:يمه تعالي أبيك؟؟ ,,وتطلع منى بسرعه عند أسيل وتدخل عندها غرفتها.. منى:أسيل وشفيك يابنيتي بسم الله عليك؟؟ أسيل:يمه صدق حددتوا ملكتي بعد شهر.. منى:يا أسيل يابنيتي بعد ما اتفقوا أبوك وأبو الولد على كل شي الولد قال إنه يبي الملكة تتم بسرعه عشان بعد عيد الأضحى يتم الزواج.. أسيل: نعـــم وتبون تزوجوني بعيد الأضحى بعد.. ,,شوي ولا الجدة لطيفة داخلة الغرفة.. لطيفة: مبروك ياعروس مبروك.. أسيل:لا ياجدة لامبروك ولا شي خلاص قولولهم لافي زواج ولا ملكة خير انشالله والله السيارة وهي سيارة ماتنباع بهالسرعة.. ,,مشت لطيفة بهدوء وجلست جنب أسيل وحطت يد أسيل بين إيدينها.. وهدتها واقنعتها إن الولد يبي يستعجل بالملكة والزواج لأنه مايبي يباشر عمله بأسبانيا ويسافر إلا وهي معه وماوده يسافر على بداية دوامه.. وده يسافر قبل عشان شهر العسل.. لكن أسيل اقتنعت بصعوبة وقالتلها إنها ماتبي تسوي ملكة كبيرة لا تبيها مختصرة ... الين يجي وقت الزواج ويحلها ألف حلال.. *** ,,بعد مرور أسبوعين.. (في مدرسة رهف..) كانت رهف جالسه على مكتبها بغرفة المدرسات ومهمومة وسرحانة.. خلود بعد ماجلست عالكرسي:آآآه ياربي انهد حيلي من هالحصص.. رهف ليه قاعدة لحالك ليه ماتروحين تتقهوين مع المدرسات.. رهف:عندي شغل بخلصه بالأول.. خلود:لا والله يارهف علي هالحكي... رهف انتي من يوم مابدى هالترم وانتي متغيره ماكنتي كذا أبدآ يوم تداومين وعشرة لا... ودايمآ مهمومة وسرحانة.. وشفيك.. رهف:ياقلبي ياخلود مافيني إلا كل خير.. بس يمكن أرق.. خلود:حللتي.. ترى يمكنك حامل ولا تدرين.. رهف وهي تضحك ضحكة ألم: لا لا ماظنيت.. ,,,ويقطع حكيهم صوت مسج وصل لرهف.. فتحت رهف المسج ولا لقته من أخوها صالح كاتب فيه.. رهف أنا في المحاضرة الحين ولاني قادر أركز لأن بالي مشغول فيك.. بس أقدر أجيك اليوم أزورك ببيتك بعد المغرب؟؟ ,, ابتسمت رهف وارتاحت إن أخوها صالح ماعاداها زي باقي أهلها وعلى طول أرسلتله.. حبيبي صالح غيابك طول هالأيام خوفني.. حياك الله بأي وقت.. | ||||||||
| |
|
02-04-2011, 03:18 AM
| #40 (permalink) | ||||||||
|
شخصيه هامہ ~
http://im28.gulfup.com/2012-06-13/1339541276441.gif
|
رد: حقك علي ان كنت زعلان انا :
رونق الاحساس (في جامعة الملك سعود..) طارق:إلا صح عزام للحين أمك ماجت؟؟ عزام بألم:لا والله ياطارق كل ماكلمتها تقول لسه مارح تجي هالأيام.. مشاري:الظاهر إنها ميبجاية... عزام وهو مفزوع: لا يامشاري لاتفاول.. انشالله إنها هالشهر بتجي... مشاري:لا يابن الحلال ما فاول انشالله إنها تجي وتقرعينك .. عزام وهو يقوم: خلاص أجل بخليكم لأن محاضرتي بدت.. وبطلع منها وبرجع البيت على طول يمكن ما أشوفكم... مشاري وطارق: يللاه مع السلامة... طارق بعد ماراح عزام: ياخي ياليتها ماتجي.. مشاري: منهي؟؟ طارق: أم عزام... كل ماجت تسوي مشاكل وتقلب حياة عزام فوق تحت وتحوس الولد وترجع تسافر وماتسافر إلا وعزام نفسيته تعبانة وواصل حده.. مشاري:مسكين.. أنا مادري اشلون هالأباء يجيبون عيال ويتطلقون ويرمون عيالهم وينسونهم.. صراحة حتى كلمة أب وأم مايستاهلونها.. طارق:قل الله لايبلينا يابن الحلال.. خلاص ترى محاضرتنا بدت يللاه نروح نحضر.. *** **** ***** (في بيت أم عبدالرحمن..) ,,بالمجلس.. رهف ودموعها على خدها: إنت من اللي قالك؟؟ صالح:مسكتني أثير وقالتلي وحلفتني اني ما اقول لأحد إنها هي اللي علمتني.. رهف:صالح خلاص لاتتضايق اللي صارصار.. صالح:اشلون اللي صار صار.. رهف ليه يوم ابوي سوى هذا كله مادقيتي علي.. رهف:ليه أكبر السالفة خلاص.. صالح:اشلون خلاص كان عالأقل وقفت معاك ومع مشاري... كان عالأقل ماقدر يمد يده عليك يارهف.. هذا اشفيه انجن انهبل؟؟ وصلت فيه انه يضربك ببيت زوجك... رهف :خلاص يا صالح مهما صارهذا أبونا.. صالح:لاتقولين أبونا هذا مو أب هذا هم وعذاب لنا في حياتنا... رهف منتي شايفة اشلون مفشلنا وفاظحنا وموطي راسنا بين الناس... بمشاكله وهواشاته وطقاقه مع خلق الله وفتنته بين الناس وتشويهه لسمعة بنات العوايل.. رهف أبوي ماحد سلم من شره.. حتى إحنا عياله ماسلمنا من شره.. شوفي اشسوى فيك؟؟ ,, وبعد هالكلام ماقدر يمسك نفسه صالح وجلس يبكي وينزل دموعه على خده بصمت وبحرقه.. رهف وهي تمسح دموعه:خلاص ياصالح خلاص تعوذ من ابليس.. انا ما أبيك تعانده بسببي لأني مابي الكره اللي بقلبه لي يكبر...لأني أعرفه قاسي وبعدين ياصالح بعد كذا شهر في مناسبة عند أهل زوجي وأكيد بيعزمونه أخاف يتلفظ عليهم ويفشلهم بسبب زعله مني.. صالح:مناسبة... لمين؟؟ رهف:بنت عبدالرحمن الكبيرة بتتزوج.. صالح لا إراديآ: أسيـــــل؟؟ رهف: إيه..أسيل.. ,,انصدم صالح وحس الدنيا سودا بعينه... وماقدر يمسك دموعه ورجع يبكي..ويقول بنفسه: صدق إني غبي يوم فكرت إنه وحدة مثل أسيل تفكر فيني... ,, شوي ولا مشاري يدخل المجلس.. مشاري: السلام عليكم.. صالح يدنق راسه ويمسح دموعه بهدوء ويقوم يسلم: وعليكم السلام هلا والله.. ,,لاحظ مشاري ملامح الألم والدموع اللي بعيون صالح ورهف.. وقعد يسولف مع صالح ويلطف الجو ويمزح معاه.. وطول الوقت كانت رهف تنظر لمشاري بكل حب وشافت بعينها اشلون معاملة مشاري تغيرت مع صالح واشلون هوقاعد يبذل جهد مع صالح عشان يحسن نفسيته شوي.. وحاول فيه إنه يتعشى معهم لكن صالح رفض بشده... ورجع بيته ودخل غرفته وسكر الباب على نفسه.. ورمى نفسه على سريره وهو يحس نفسه مهزوم وعاجز وفاقد الأمل انه اسيل تسير من نصيبه ويلوم نفسه إنه في يوم من الأيام فكر إن أسيل تحبه وتسير زوجته.. *** *** ,,,في غرفة رهف الساعة 12 الليل.. كانت رهف واقفة عند الدولاب تطلع لمشاري ثوب جديد وشماغ وتعطرهم له عشان أول مايقوم بكرة الصبح يلبسهم ويروح لجامعته.. دخل مشاري الغرفة وأول ماحست رهف فيه التفتت له وابتسمت له.. ابتسم مشاري لرهف وغير ثيابه استعدادآ للنوم.. ولما خلص جلس عالسرير.. جت رهف وجلست جنبه وقالت: متى محاضرتك بكرة؟؟ مشاري:أول محاضرة تبدا عشر.. رهف:خلاص إفتح جوالك عشان وأنا في المدرسة أدق عليك وأصحيك.. مشاري:رهف ارتاحي أبوقت الجوال وأصحى.. رهف:حتى ولو لازم اتطمن انك قمت لمحاضرتك أخاف تغيب زي الأسبوع اللي فات لما كانت محاضرتك عشر وقلتلي إنك بتوقت جوالك لكنه لما رن المنبه سكرته ورجعت نمت.. مشاري:كله منك انتي دلعتيني.. أول إذا دق الجوال كنت أقوم على طول الحين ما أقوم إلا إذا انتي قومتيني.. رهف:وانا من لي غيرك .. إذا أنت مادلعته من أدلع..[وتمسك رهف يد مشاري وترفعها وتحطها على خدها وتغمض عيونها..] ,,مشاري حس بشعور غريب بقلبه مو عارف له تفسير ولا إراديآ قرب منها بهدوء وباسها.. رهف:مشاري ماتتخيل قد ايش انا أحبك وارتاح معك واحس بالأمان وإذا قعدت معاك أحس اني ملكت الدنيا ومافيها الله لايحرمني منك.. ,,ويدنق مشاري راسه وهو حاس قلبه يعوره بشكل فظيع ويرجع يطالع برهف ويبتسم ويقول: وانتي بعد الله لايحرمني منك.. *** **** ***** (في بيت أبوصالح...) ..بغرفة أبرار...الساعة 2 الفجر.. ناصر:تكفين يا أبرار والله موقادر أصبر زيادة.. مشتاقلك موت.. أبرار:حتى أنا مشتاقتلك موت..بس خلها بعدين.. ناصر:بعدين متى؟؟ أبرار:ناصر خلها إلين أروح الكلية عشان آخذ ملازم واسامي كتب وأقابلك.. ناصر:يعني بتطلعينلي بعد مايخلص الدوام..؟؟ أبرار:شسوي مافي إلا كذا لأني لو أدخل الكليه مارح أقدر أطلع مرة ثانية إلا لما يفتح باب الخروج مرة وحدة.. ناصر:أبرار وبعدين أنا بس بشوفك كل مرة خمس دقايق بس.. طب شوفي أنا عندي حل.. أول ماتوصلين الكلية لاتوقفين عند الباب الرئيسي اوقفي عند أي بوابة ثانية وأنا بكون واقف استناك اركبي معي بسرعة وآخذك نص ساعة نسولف فيها واشوفك وارجعك كليتك.. أبرار بخوف: خلاص أشوف.. ,,سكرت أبرار السماعة وهي سرحانة وتقطع هالسرحان أثير.. أثير:أبرار وشيبي منك يوم قلتي له خلاص أشوف.. أبرار:هااه... لا ولا شي... أثير بعصبية:لا يكون يبي يقابلك مرة ثانية يا أبرار؟؟ أبرار:هااه.. لا لا من قاله.. أثير: أجل وشيبي منك؟؟ أبرار: بس يسأل عن دراستي.. أثير: لا يا شيخة... بس عالعموم انتبهي يا أبرار المرة اللي فاتت الله ستر عليك المرة هذي ماتدرين شيصير انتبهي.... ,,ابرار سكتت وقالت بنفسها.. مستحيل ناصر يأذيني ناصر يأذي نفسه ولا يمس شعره مني.. *** **** ***** ,, ,, بعد مرور قرابة الشهرين... """"""""""""""""""""""" (في المقهــــى...) مشاري: خلاص عاد استح على وجهك خلق الله كلهم قاموا يطالعونك.. طارق: عزااام.. امسح دموعك كنك بزر فشلتنا.. عزام بقهر: أبعرف شي واحد ليه تسوي فيني كذا ليه؟؟ مشاري:خلاص يابن الحلال هذي ظروفها والغايب عذره معه.. عزام ودموعه تطيح من عيونه غصبن عنه: ظروفها.. ظروفها..فوق الشهرين وانا متحمس ارتب هالبيت واشتري بهالأثاث وغرف النوم.. ومستنيها على جمر وآخر شي تسافر لجدة عشان تسلم على إختها وتخليني.. طارق:عزام يمكن أمك بعد ماتقعد بجدة يومين بترجع عندك هنا الرياض.. عزام: أنا قلت زيك بالأول... بس بعدين هي قالت ماعندها وقت لأنها تبي تقعد مع إختها بجدة وفي مؤتمر هناك تبي تحضره وبعدها تسافرلأمريكا على طول.. طارق: وانت ماتبي تشوفك؟؟ عزام:قالتلي تعال جدة.. مشاري باستغراب:وبتروحلها؟؟ عزام وهويمسح دموعه:أكيد بروحلها... بكرة رحلتي الساعة 12 الليل.. مشاري:خلاص ياعزام أنا بوديك عزام:لاوالله ماحد يوديني.. مابي أتعب أحد.. سليم بيوديني.. [ويتنهد عزام بقوة] يللاه الحين أخليكم برجع بيتي أحس نفسي دايخ تصبحون على خير.. الكل: وانت من اهله.. طارق بعد ماطلع عزام من المقهى:آآآه.. آآه لو انها أمي مسكتها ودبجتها لين قالت آمين.. مشاري:الله يعينه مسكين شهور وهو يشيل ويحط عشانها هي وبزارينها وآخر شي تكسر بخاطره بهالطريقة.. طارق:لا وشوف اللعينه.. توعده وتعشمه وأخر شي تروح جدة وتخليه.. ياليته مايروحلها بكرة.. وهذا وجهي يامشاري إذا مارجع من عندها وهو كاره نفسه ماكون أنا طارق.. مشاري:الله يستر... ماتوقعت إنه ضعيف لهالدرجة.. عمري ماشفته مكسور زي هالمرة.. يبكي مثل الأطفال.. طارق:عشان إذا قلتلك يا مشاري إن عزام ضعيف ويبيله معاملة خاصة ماتقولي لا.. *** **** ***** (في الإستراحة...) ,,كان جالس لحاله على آخر الثيـل ولام رجوله على صدره بيدينه ومنزل راسه ويناظر بكل كآبة ويأس ... سعد:صالح وشفيك؟؟ صالح وهو يفز من سرحانه: هااه لا مافيني شي.. سعد: مافيك شي ياخي لك فترة تجي الإستراحة وتقعد نفس قعدتك هذي لآخر الليل وتطلع؟؟ صالح:سعد خلاص قلتلك مافيني شي.. سعد:صالح انت متهاوش مع أبوك؟؟ صالح: لأ.. سعد:شوف ياصالح أنا مارح أضايقك وأضغط عليك أكثر من كذا بس صدقني مهما سار لك ومهما طحت بمشاكل وتأزمت نفسيتك.. هالشي اللي انت قاعد تسويه مايفيدك أبدآ.. تعوذ من ابليس وارجع بيتكم وروح تروش وصلي لك كم ركعة وحط حملك على الله وصدقني بترتاح..ولايضيق صدرك لأن الله ماكتبلك بشي سواء عجبك ولاماعجبك إلا خيرة.. ,,دنق صالح راسه وهو خانقته العبرة.. سعد:خلاص ياصالح قوم يللاه.. ,,حس صالح إن كلام سعد صح وقام من جلسته بصعوبة ونفض ثوبه ومشى خطوتين لكنه رجع التفت وقال: سعد سامحني إذا على صوتي عليك.. سعد: ولايهمك.. أجل وشفايدة الصداقة؟؟ *** **** ***** (في مدرسة رهف...) خلود: الله الله ياست رهف وشهالنفسية الحلوة وشهالحركات؟؟ رهف: أي حركات؟؟ خلود:أي حركات.. يعنني ماتدرين.. حسبي الله على عدوك ..كرمتي بناتك في الطابور الصبح وخيستي نفسية بناتي علي.. حتى هم يبون يتكرمون.. رهف: هههههههه كل هالهواش عشاني كرمت بناتي ؟؟ خلود:ماشالله عليك يارهف بظرف شهر تغيرتي وسرتي مثل القمر.. رهف:تكفين خلود قولي ماشالله.. خلود:ماشالله... ماشالله لاتخافين عيني باردة ما أحسد أحد.. بس أول الترم كنتي دايمآ تعبانة ومهدود حيلك بس الحين ماشالله خدودك موردة ونفسيتك مرة حلوة... الله يجعله دوم يارهف.. ,, سكتت رهف وناظرت من شباك غرفة المعلمات وجلست تفكر وتقول بنفسها: أكيد بتسير نفسيتي حلوة من يصدق إن مشاري تغيرت معاملته معي وسار يحبني ويعاملني بكل احترام.. من يصدق بعد الخوف والحرمان من الشعور بالإستقرار سرت أحس نفسي مالكة الدنيا ومافيها.. من يصدق بعد ماكان دايمآ يهاوشني أربعة وعشرين ساعة ويهزئني سار يقولي الله لايحرمني منك يارهف.. [وتتنهد رهف وتبتسم وهي مبسوطة] حتى هو الله لايحرمني منه.. ,, وفجأه.. خلود: رهـــــــــــــف.. اشفيك انجنيتي لمين قاعدة تتبسمين؟؟ رهف:بسم الله.. خلود خوفتيني.. خلود: خوفتك أنا من رايي تقومين لحصتك والله أزين.. رهف: ليه أذن؟؟ خلود وهي منهبلة: نعـــــــــــــم؟؟ رهف وهي تضحك: حسبي الله عليك ياخلود خرعتيني سرت مادري شقول.. أقصد صفرت؟؟ خلود:الله يرحم حالك لها خمس دقايق مصفرة قومي يللاه.. *** **** ***** (في بيت أم عبدالرحمن...) ,,تحديدآ بغرفة رهف.. ,,,الساعة 8 الليل.. أسيل:ياربي ياربي ماعمري طلبت منك تروحين معي مكان إلا وتنشفين ريقي.. رهف: تكفين أسيل قسم بالله أحس بصداع ومغص فظيع..ومالي نفس أطلع ولا مكان.. أسيل:رهف حبيبتي إحنا محنا رايحين نفرفر بسوق .. بس بنروح محلين للكوش مدحوهم صديقاتي نشوفهم.. إذا عجبنا شي اخترنا وإذا ماعجبنا شي رجعنا البيت.. بعدين لاتخافين السواق اللي بيودينا مو فيصل ولا أبوي يعني لاتقولينلي استحي.. رهف:خلاص... خلاص.. بس بستأذن من مشاري واشوف شيقول؟؟ أسيل: بسرعة.. يللاه دقي عليه.. ,, دقت رهف على مشاري وبعد رنتين على طول رد.. مشاري:هلا رهف.. رهف ابتسمت لاإراديآ وقالت: أهلين مشاري وينك برا مع أصحابك؟؟ مشاري:لا والله بالمغسلة أجيب ثيابي.. رهف:طب بعدها بتروح مكان؟؟ مشاري:لا والله مابروح مكان لأني برجع البيت بذاكر عندي امتحان بكرة.. رهف:طب تسمحلي أروح مع أسيل بتروح تختارلها كوشة وتبيني معاها.. مشاري:مومشكلة روحي.. رهف:طب تبيني أجهز لك شي قبل ما أطلع؟؟ مشاري:سلامتك.. رهف وهي مبتسمة:الله يسلمك.... مع السلامة.. ,,سكرت رهف الخط ونزلت راسها وتنهدت وقالت بنفسها: الحمدالله.. بعد ماكان يرد علي بقرف ويهاوش صار إذا رديقولي هلا والله ويكلمني بلطف.. من جد الحمدالله.. ,,ويقطع تفكيرها صوت أسيل: ها وشقالك؟؟ رهف بعد ما انتبهت:هااه.. لاماقال شي وافق.. أسيل:هيـــــــه .. الحمدالله أجل قومي البسي عباتك ويللاه معاي.. رهف: طيب.. ,, وجت تبي تقوم رهف من عالسرير وفجأة حست الدنيا تلف وتدور فيها ورجعت طاحت عالسرير... أسيل بخوف: رهف بسم الله عليك... رهــــــــــف وشفيك؟؟ رهف وهي تتنفس بسرعة وتبلع ريقها بصعوبة: أسيل جيبي... جيبيلي موية.. ,,وتنط أسيل للثلاجة وتجيب موية وتجلس جنب رهف وتحاول تسندها وتقومها.. أسيل وهي شوي وتصيح: رهف.. رهف..يللاه جبت الموية قومي اشربي.. ,,تفتح رهف عيونها بصعوبة ويالله يالله قدرت تفتح فمها وتشرب شوي.. أسيل:رهف.. أنادي جدتي؟؟ رهف:هااه... لا لاتنادين أحد... إرهاق بسيط وانشالله بسير أحسن.. ,,وترجع رهف راسها لورى وتعدل لها أسيل المخدة وهي تنظر لرهف بكل خوف.. رفعت رهف يدها ومسكت خد أسيل وابتسمت: أسيل خلاص مافيني شي بس دوخة بسيطة.. أسيل: رهف بس لونك مخطوف وعيونك بالغصب قاعدة تفتحينها.. خلني أدق على عمي مشاري طيب.. رهف:لا يا أسيل تكفين لاتشغلينه وتشغلين نفسك هوعنده امتحان بكرة ومابي أشغله عن مذاكرته وانتي بعد روحي مشوارك أمدى منى تستناك تحت.. أسيل بعد مالاحظت تحسن رهف:أكيد انتي احسن الحين؟؟ رهف: أكيد روحي مشوارك وانتي متطمنه.. :: راحت أسيل مع أمها وتركت رهف بالغرفة متمدده عالسرير.. عدلت رهف جلستها وحطت راسها بين ايدينها وجلست تهمز براسها بيدينها الثنتين عشان شوي يخف الألم.. نزلت رجولها من عالسرير وقررت تروح الحمام وتاخذلها شور دافي يمكن تتحسن شوي.. ::: :::: بعد ثلث ساعة تقريبآ طلعت رهف من الحمام ودخلت غرفة التبديل ولبستلها بجامة سماوية وقعدت تنشف شعرها بالمنشفة.. ,,بعد ثواني بسيطة... دخل مشاري الغرفة وجلس عالسرير ورمى ثيابه اللي جابها من الغسال جنبه وهو ماسك الجوال... مشاري: والله انه اهبل ولاهوبصاحي.. ولوأنا بداله ما أتعنى لأم زي هذي.. طارق:تصدق إنها سافهته وللحين ماشافها... وكل مادق عليها تقوله أنا الحين مشغولة أشوفك بعدين.. مشاري:والله انه مقلق عمره عالفاضي.. يحمد ربه إنه عايش لحاله حر طليق.. أجل لوكان مكاني شبيسوي بعمره.. طارق:عاد تدري إن عزام يحسدك على حياتك وانك متزوج وسعيد مستقر.. مشاري: هاهاهااا.. ضحكتني.. وشيحسدني عليه ياحسرة.. أي حياة وأي سعادة وأي استقرار.. بالله التوريطة والسجن اللي أنا فيه تسميه سعادة واستقرار.. طارق: لاتنسى إنك إنت الغلطان.....ياخي أول مرة أشوف واحد يتزوج وحدة وهو مايبيها ياخي ليش ماقلت لأ من أول.. مشاري: والله ياطارق إني عارف إني غلطان وأول زواجي كنت أكابر وأقول لأ أبيها واتعذر بالمشاكل والمهاوشات اللي بيني وبينها إنها هي سبب عدم تقبلي لها.. لكن الحين مابينا إلاكل خير والأمور بينا مستقره وهاديه.. وموقادر أتقبلها.. طارق:يعني إشناوي عليه؟؟ مشاري:أنا ظلمت نفسي بمافيه الكفاية.. أبستنى أخلص هالترم اللي باقيلي وأتخرج.. وبعدين أقدم على دراسات عليا برا.. وأسافر وأرسلها ورقة طلاقها.. طارق:بس يامشاري من كلامك لي قبل إن البنت ماصدر منها إلا كل خير.. وتحبك وتدور رضاك... ليه ماتحاول تتأقلم معاها.. مشاري:شوف ياطارق يعلم الله انك أول انسان افتحله قلبي وأفضفضله.. لأني من جد محتاج إني أفضفض واتكلم ولا أبنفجر.. البنت كويسه وخلوقه وماعليها كلام بس سبحان الله ماني قادر أقتنع إنها هي اللي بتعيش معي طول عمري.. طارق:بس مادري أحس تصرفك إنك تسافر وترسلها ورقتها بينهيها.. مشاري وهو يتنهد: مادري مادري ياطارق حتى أنا عندي نفس الإحساس.. البلشة إني أنا الملقوف تدخلت بينها وبين أبوها في سالفة ومشكلة سارت بينهم وتبرا منها وحلف إنها ماعد تدخل بيته.. يعني البنت الحين ماصارلها أحد غيري.. وأنا موقادر أفكر إشلون أطلع نفسي من هالورطة.. طارق:الله يعينك يامشاري.. صراحة ماتوقعت إن زواجك متعسك لهالدرجة.. مشاري:شسوي لكن لازم في حل.. طارق: المهم.. تجي عندي تذاكر معي؟؟ مشاري:لايا طارق .. أخاف زي المرة اللي فاتت نقعد نسولف ونضحك ويروح الوقت.. أبجلس هنا بغرفتي أذاكر.. وأشوفك بكرة قبل الإمتحان.. طارق:أوكي يللاه مع السلامة.. ,, أنهى مشاري المكالمة وجلس يحك راسه بيدينه بملل وبعدين التفت على ثيابه وقال بنفسه: يووه خلني أقوم أعلقهم داخل.. :::: :::: ,,شال مشاري ثيابه ومشى لغرفة التبديل وهو يغني لكنه إنصدم صدمة كبيرة لما دخل الغرفة... ,,كانت رهف جالسة على رجولها عالأرض وحاطة منشفتها على فمها ووجهها كله دموع ومنهارة تبكي... مشاري وهو يبلع ريقه: رهــــــــــــــف!!! ,, ضغطت رهف بالمنشفة على فمها عشان تكتم صرخاتها وبكاءها ورجعت تبكي وهي تهز نفسها على قدام وورى ... مشاري وهو يتنفس بسرعة: رهـــ.... رهف.. إنتي مارحتي مع أسيل؟؟؟ ,,رفعت رهف راسها وطالعت بعيون مشاري بكل ألم وقالت: ليـــــش... ليـــــــــــــش يامشاري ... ليـــــــــــــش... مشاري وهو مومستوعب الوضع اللي هو فيه: رهف...رهف خلني أفهمك.. وتقاطعه رهف وهي حاطه إيدينها على أذانيها وميته بكي: لا...لاااا... لاتقول شي.. مابي أسمع شي مابي أسمع شي كفاية اللي سمعته كفااااااية.. مشاري:رهف صدقيني الأمور بتنحل ... أنا ... أنا بحلها بهدوء مارح تتأذين.. رهف: أتاذى.. أتأذى أكثر من الأذيه اللي أنا فيها.. وبعدين أي أمور اللي تنحل.. أي أمور.. طلاقي منك.. ولا بيتي اللي بينخرب.... ولا سمعتي اللي بتتشوه..إنه ولد الناس طلقها وراح يسافر.. ولا مشكلتي مع أبوي.. اللي إنت كنت سببها ودقيت صدرك وقلت مارح أسمح لأحد يمس شعره منك يارهف وانت أول واحد ضربت وأهنت.. إنت خفت على كرامتك ووقفت بوجه أبوي وتمشكلت معاه عشان تثبتله إنك رجل مو بزر على حسابي.. أبوي تبرا مني وحلف إذا طبيت بيته بيكسر رجلي عشان تشبع رجولتك وغرورك يامشاري.. ,, وتقوم رهف وتمشي خطوتين وتناظر لمشاري ووجهها كله دموع وتقول: أسألك بالله إذا طلقتني وين أروح وين أرووووح.. وش ذنبي.. وش ذنبي بهذا كله... وش ذنبي إني حبيتك وسلمتك نفسي.. أبعرف إنت شالقرار الصح اللي أخذته بحياتك؟؟ قررت تتزوجني...بس عشان أمك ترضى عليك وتقول ولدي مشاري رجال... وانت ماتبيني.. تمسكت فيني وخليتني معك وصرفت علي وطول الوقت تقول دامك على ذمتي ماتطلعين ولاريال من جيبك...بس عشان الناس يقولون انك رجال...وهم بعد وانت ماتبيني.. ووقفت بوجه أبوي ....[وتنزل رهف راسها وتشاهق]بس عشان تشبع رجولتك.. مشاري بتوتر: رهـــــــــــف.. خلاص.. رهف: وش اللي خلاص.. وش اللي خلاص.. دامك ماتبي الزواج ليه تزوجت.. دامك ماتحبني ليه تمسكت فيني.. دامك مو متأقلم ومو متقبل ليه استمريت ليـــــه؟؟ ليه ماأخذت قرار من أول ليـــه؟؟ ,,مشاري وهو يحس نفسه أول مرة يتهزأ ومو قادر يصبر أكثر من كذا: رهف ما أبي ولا كلمة زيادة.. رهف: إيه .. طبعآ كلام الحق مايعجبك.. كلام الحق هز ثقتك الزايدة بنفسك.. لكن لأ...لأ ..أنا اللي مابيك ... أنا اللي مابيك.. طلقنــــــــــي.. أنا مابي أكون على ذمة واحد موصاحب قرار.. طلقنـــــــــــــــــي... مشاري بعصبية: رهف لاتجبريني أجي أمد يدي عليك.. ,,, رهف كش جسمها وخافت انه مشاري يرجع يضربها وهي مافيها حيل أبدآ لكن للأسف رهف ماقدرت تمسك نفسها من الصدمة أكثر من كذا وأغمى عليها وطاحت عالأرض بقوة... ,,تسمر مشاري مكانه وطارت عيونه وخاف خوف شديد وهو موعارف يسوي شي.. قرب مشاري من رهف وجلس جنبها عالأرض وهو خايف جدآ وحط يدينه على وجهها ويحاول يقومها.. مشاري:رهف... رهف..رهف ردي علي وشفيك.. ,,فز مشاري وراح غرفة النوم وطلع من الثلاجة موية ورجع عند رهف وجلس يرش عليها ويحاول إنها تقوم لكن بدون فايدة.. آخر شي أخذ عباتها ولفها فيها وشالها بين إيدينه ونزل عشان يوديها الطوارئ.. ,,, ,,لما نزل مشاري للصالة وهوشايل بين ايدينه رهف ووجهه مصدوم ومهموم وتعبان .. لطيفة بخوف:بسم الله الرحمن الرحيم من ذي يا ولدي؟؟ مشاري وعيونه مليانه دموع: يمه رهف أغمى عليها وموراضية تقوم.. لطيفة:بسم الله عليها ليه وشفيها.. مشاري وهو يكمل طريقه:مادري .. مادري.. فيصل: مشاري خلني أشيلها عنك وجهك تعبان.. مشاري: لا لا... فيصل: خلاص أنا اللي بسوق فيكم وانت خلك شايلها .. مشاري بعصبية: قلت لأ هذي زوجتي وأنا بوديها.. ,,, وينطلق مشاري برهف للمستشفى ويدخلونها الطوارئ على طول.. | ||||||||
| |
|
| مواقع النشر (المفضلة) |
| الذين يشاهدون محتوى الموضوع الآن : 19 ( الأعضاء 0 والزوار 19) | |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| زعلان مين يراضيني؟؟؟؟ | εïз إخـ القمـــر ـت εïз | فسحـﮧ بنوته | 168 | 03-19-2011 01:24 AM |
| برد الشتاء زعلان وش فيه زعلااان...؟؟؟ | لمحة شجن | ڪل مآيشمل حۈآء العامه | 12 | 11-18-2010 01:29 AM |
| زعلان لكن عارف شلون اراضيك ... | Ǻ6ł8→βήŏţąђ | الشعر والخواطر والقصائد | 4 | 08-03-2010 09:21 PM |
| روآية انت لي مو لحد ثاني | قمرهم كلهم | للروايات المكتمله | 107 | 07-12-2010 07:37 PM |
| انا زعلان منك............ | دلوعة حبيبها | الشعر والخواطر والقصائد | 5 | 05-01-2009 01:42 AM |
| |
العرض العادي
