حقك علي ان كنت زعلان

02-04-2011, 03:27 AM

انا : رونق الاحساس

اضفني كصديق

,,بغرفة مشاري..
كان معاذ جالس بين الرجال ووجهه تعبان وباين عليه ضيقة الصدر..
عبدالإله وهويتكلم بصوت واطي جدآ:
أقول تركي.. منت ملاحظ على أسيل شي يوم سلمنا عليها..
تركي: إلا والله إشلون ما ألاحظ.. وجهها تعبان وحالتها حالة..
عبدالإله: حتى معاذ شوف إشلون سرحان ومتضايق.. ويادوبك قال كلمتين على بعض..معقول كل هذا تعب السفر..
تركي: ماظنيت.. شوف إشلون حتى عبدالرحمن متضايق وطول الوقت عينه مانزلت عن معاذ..
عبدالإله: الله يستر.. معاذ وأسيل مايستاهلون إلا كل خير.. ياترى وش اللي حاصل بينهم..
***
****
*****
(في بيت أبوصالح...)
,,خلصت أثير غسيل ملابس وتوجهت لغرفتها فوق وهي تعبانه وسرحانه وشايله هموم الدنيا على راسها..
ومادرت إلا بإيد تمسك ذاعها..
أثير: بسم الله صالح..
صالح: بسم الله عليك خوفتك؟؟
أثير وهي تبلع ريقها: صالح.. وشفيك؟؟
صالح: تعالي أثير معي غرفتي أبيك..
,,دخلت أثير مع صالح غرفته وجلست على سريره وسكر صالح الباب وسحب كرسي المكتب وجلس قبالها..
أثير: صالح إشفيك؟؟
صالح: أنا بسألك وأبيك تجاوبيني بكل صراحه..
أثير بخوف: أجاوبك على وشو؟؟
صالح: أثير.. أنا ملاحظ شي غريب..
أبرار سايره لاتاكل ولاتشرب وبس نايمه ومسكره على عمرها وفي حالة برود شديده..
ومي جايبه خبر لزواجها أبدآ.. يا إنتي تشترين لها أغراض جهازها يا أمي..
وحتى لما نوريها وش شرينا.. ماتظهر أي فرحه أو حماس أبد..
إشفيها هي تعبانه..
,,سكتت أثير وهي تطالع بعيون صالح بكل خوف..
ياربي أقوله ولاما أقوله...
لازم أقوله عشان نمنع المصيبه اللي بتسير..
صالح: أثير تكلمي إشفيه..
أثير بتردد: وش ...وشفيها يعني مافيها شي..
صالح: بس أنا قلبي قارصني مو مرتاح للحاله اللي أبرار فيها..
أثير وهي تقوم: لا..لا.. أبرار مافيها إلا كل خير..
بس يمكن عشانها زعلانه إنها بتفارقنا..
,,وتقوم أثير وتطلع من الغرفة بسرعه وتترك صالح حيران ومو مقتنع بكلام أثير أبدآ..
***
****
*****
(في بيت أم عبدالرحمن..)
,,,في مجلس الرجال الرئيسي..
,,,ماكان موجود إلا عبدالرحمن ومعاذ..
عبدالرحمن وهومتضايق: لاحول ولاقوة إلا بالله..
معاذ: يعلم الله ياعمي إني ماكذبت عليك بكلمه..
أرجوك ياعمي.. أنا شاريها وأبيها ومابي أرجع أسبانيا وأباشر عملي إلا وهي معي..
أنا أحب أسيل ياعمي ومستحيل أستغني عنها..
شوف إنت وعمتي منى.. وشفي خاطرها.. ووش اللي مكدرها وقولوا لي..
عجزت معاها عجزت..
عبدالرحمن: متى بدت هالحالة معها؟؟
معاذ: بعد زواجنا بأسبوعين..
عبدالرحمن:خلاص ياولدي تطمن وهدي أعصابك وأنا وأمها وجدتها .. بنشوف وشفيها .. خلها عندنا كم يوم..
معاذ: خلاص ياعمي أنا أستأذن ... بروح أسلم على أهلي..
وانشالله كل يوم بكلمك..
عبدالرحمن: في حفظ الله إنتبه لنفسك..
,,,
,,,
,,في غرفة أم عبدالرحمن..
الساعه 11 الليل..
منى وهي مصدومه: إنا لله وإنا إليه راجعون..
عبدالرحمن: أنا الحين ماقلتلكم إلا أنتم الثنتين لأنكم الوحيدات اللي ممكن تعرفون شالسالفة بالضبط..
لطيفة:خلاص ياولدي إنت هدي قلبك وريح بالك وأنا وأمها بنمسكها ونشوف وشفيها..
يمكن في أشياء ماتقدر تقولها لك.. ويمكن ترتاح لنا أكثر وتقول اللي مضايقها..
عبدالرحمن: خلاص أنا الحين مابيكم تضايقونها أو تبينون إن فيها شي أبيكم تعاملونها.. معامله عاديه.. ولاكأن فيه شي إلين تشوفون وشفيها وقولوا لي..
لطيفة:يسير خيرروح إنت وزوجتك الحين غرفتكم ريحوا وهدوا بالكم.. والله يقدم اللي فيه الخير..
,,,
,,,
,,بغرفة مشاري..
,,الساعه 12 الليل..
مشاري بعد ما أخذ حبوب الدواء من رهف: وشفيك زعلانه..
رهف: هاه.. لاولاشي..
مشاري: إشلون ولاشي.. كل البيت مكتئب..
إنتي وأمي وأخواني ...وحتى أسيل اللي يشوفها مايقول عروس وشفيكم..
رهف وهي ماودها تضايق مشاري بسالفة أسيل: مشاري مافي شي..
مشاري:إي صح دريتي.. أبوك دق على عبدالرحمن وعزمه على زواج إختك أبرار..
رهف مصدومه:زواج أبرار!!!..
مشاري:مادق عليك؟؟
أبرار: لاوالله مادق ولاقالي..أنا سمعت من صالح إنها انخطبت بس ماقالي إن الزواج تحدد..
مشاري وهويختبر رهف: بتروحين؟؟
رهف: وين أروح؟؟
مشاري: زواج إختك...
رهف: والله إذا أبوي دق عليك وعزمك وعزمني بروح..
إذا مادق عليك إشلون أروح من غير عزيمه..
مشاري وهومرتاح من رد رهف: رهف إذا تبين تحضرين أنا ما أمنعك..
رهف بضيق: مشاري أبوي ماعزمك وشلون تبيني أروح أرز وجهي.. وأصلآ حتى لو أروح... أنا أعرف أبوي ماعنده تفاهم بيخلي أمي منيره تطردني..
مشاري: نفسي أفهم شي واحد..
ممكن الأب يسير قاسي والطمع يعمي عيونه..
بس معقوله الأم يسير فيها نفس الطبع.. وين اللي يقولون قلب الأم..
رهف وعيونها مليانه دموع قامت تضحك ضحكة استهزاء وقالت: أم..
مشاري وهويحاول يهدي رهف: خلاص يارهف لايضيق صدرك..
إذا هم مايبونك وبايعينك أنا أبيك..
وماشالله يارهف أمي لطيفة مي مقصره معك وتعاملك مثل بنتها..
رهف: إي والله .. الله يطول عمرها..ويخليها لنا..
,,شوي ولارهف تعفست ملامح وجهها وحطت يدها على بطنها وهي عاقده حواجبها..
مشاري باهتمام: وشفيــــك..
رهف: الله يهديه يرافس وهومتحمس..
مشاري وهومبسوط: على أبوه .. نشمي ..رجال..
رهف: إي والله من الناحيه هذي صدقت.. ماترتاحون إلا لما تعذبوني..
مشاري: ماعاش من يعذبك.. خليه يطلع دلوع أبوه وأمه وأوريك شغله..
رهف: ليه شبتسوي؟؟
مشاري: أبد بس بسوي شعره سبايكي..
وألبسه برمودات.. وأشتريله همر.. وأعطيه أغلى وأحدث الجوالات..
وأشتريله شارع التحليه بكبره.. عشان إذا عاكس.. ماحد يضايقه..
رهف وهي مبتسمه: لا والله تبي تفسد الولد بالدلع الزايد..
لاتشتريله ولاشي.. خليه هويعتمد على نفسه..
مشاري: براسك.. أول ماينولد.. بدخله العسكريه عشان يطلع رجال..
,,رجعت رهف كشرت ونزلت راسها تحت وهي تحس بألم شديد..
مشاري: رهف.. تبين أهلي يودونك الطوارئ..
,,وترفع راسها رهف وتبتسم وهي تكابر.. وتقول:
لاتخاف .. مافيني شي..[وتسحب يد مشاري وتحطها على بطنها وتناظر في عيون مشاري]..
,,ابتسم مشاري وناظر لرهف وقال:
سم الله عليه.. كل هذي حركته..
مستعجل يبي يطلع..
,,شوي ولامشاري يناظر ببطن رهف ويقول:
هيه إنت.. اسمعني.. ترى ياويلك ان سرت بكاي وصياح بذبحك ذبح..
خلك مثل أمك هادي..
رهف وهي تناظر لمشاري بحب: بالعكس ياليته يطلع بطيبتك وصفاء نيتك وقلبك الحنون..
مشاري: لا لا.. انشاله ياخذ أخلاقك.. وياخذ وسامتي وحلاوتي..
رهف: لاااوالله... إخس عليك يعني أنا شينه..
مشاري وهويضحك: لااااااا.. واللــــه.. موقصدي..
رهف وهي مكسور خاطرها: لا....لا تحلف.. واضح إنه قصدك..
,,جلس مشاري يتمعن بملامح رهف البريئة وهي تناظر لتحت وتلعب بخيوط المخده اللي حاطتها تحت إيدينها..وهي ساكته..
مد مشاري يده وخذ جواله وقال:
رهف.. اسمعي زين هالأغنيه .. وقولي لي رايك..
,,بلعت رهف ريقها وهي لازالت مدنقه وساكته.. ولا شوي وتسمع..
,
,
,
حقك علي إن كنت زعلان..
يابعد عمر وقلب غاليك...
برضيك مهما يكـــــــــون يا فـــلان..
حتى ولو راضي براضيــــــك...
قلبي بك مولع وحيران..
محتار مايدري بك اشفيـــك..
ويقول لك إن كان غلطان...
إرضى عليه اللــــه يخليكــــك...
عليك أنا ياشوق ولهــــان..
دايم أنا وقلبي في طاريك..
جفني يقضي الليل سهـــران..
والعين يالغالي تنـــــاديك..
إنت وأنا يازين خلان..
واجب تداريني وأداريك..
مانختلف لوكان ماكان..
ولاعاد تشفيني ولا أشفيـــــــك..
,
,
,
,,بعد ماخلصت هالأغنية اللي منزلها مشاري بجواله..
مشاري: ها اشرايك بهالأغنية؟؟
رفعت رهف راسها وناظرت بمشاري وعيونها كلها دموع وقالت:
اللــــه يا مشاري.. ياحلو كلماتها..تجنــــن..
مشاري وهومبتسم: أول مره تسمعينها؟؟
رهف وهي تمسح دموعها بأصابعها قبل لاتنزل:
لاقد سمعتها قبل.. بس مادري هالمره أحسها غير..
مشاري: هالأغنية لك يارهف...
,,ويمد مشاري يده ويمسك يد رهف ويضغط عليها ويقول:
حقك علي يارهف..
لاتزعلين علي..
يعلم الله إنك أحلى ماشافت عيني..
وينقطع لساني قبل ما أقول عنك شينه..
رهف وهي تحضن يد مشاري بيديها الثنتين:
سم الله عليك.. لاتدعي على نفسك..
أنا موزعلانه... أزعل من نفسي ولا أزعل منك..
مشاري: رهف... ودي أقولك شي..
رهف: قول؟؟
مشاري: عمري ماتوقعت الحب حلو لهالدرجه؟؟
,,تنحت رهف وجلست تطالع بعيون مشاري وهي بتطير من الفرح ومومصدقه إن مشاري يقول هالحكي..
مشاري: كل ما أتذكر إني فكرت أضيعك من إيدي أكثر من مره..
ألوم نفسي وأقول قد إيش أنا غبي..
وكل ما أتذكر قد إيش قلبي كان قاسي عليك.. وأرتاح لاجرحتك وضايقتك..
أحس نفسي وحش.. مو إنسان..
رهف برجاء: مشاري.. الله يخليك..
إنسى كل اللي فات.. وخلنا نبدأ حياة جديدة..
حياة إحنا الإثنين نرتاح فيها.. ماحد يجرح الثاني بقصد..
مشاري: رهف.. أبي أفهم شي واحد بس .. وش اللي جابرك طول الأيام اللي فاتت تصبرين علي وتستحمليني...
,,انصدمت رهف من سؤال مشاري وقالت:
مشاري.. مارح أكذب عليك وأقولك إن طول الفترة اللي فاتت كنت أحبك..
بالعكس..مرت علي أوقات كرهتك فيها.. لأنك كنت في قمة القسوه معي..
بس أرجع يامشاري لأرض الواقع وأعرف إن مالي بهالدنيا غيرك..
ممكن تقول إني مصلحجيه.. وصبرت عليك عشان مصلحتي وما أرجع أذل نفسي لأبوي اللي طردني..
بس في أوقات لما أتضايق منك وأبي أصرخ بوجهك وأقول كفاية..
أرجع أهدي نفسي وأقول يمكن الله يغرس بقلبك لو شي بسيط من مقدار الحب اللي بقلبي لك..
والحمد الله يامشاري.. أملي ماخاب..
الله لايخليني منـــــك..
مشاري وهو يتنهد: آآآآه... ليت هالحادث سايرلي من أول يوم من زواجنا..
رهف: بسم الله عليك.. مشاري اشهالحكي؟؟
مشاري: لأني ماحسيت بقيمتك وعرفت قدرك إلا بعد ماتكسرت..
,, بعد هالتعليق.. تموا مشاري ورهف يضحكون ويسولفون بكل حب وود وتفاهم وهدوء..
,,,,
,,,,
,,اليوم اللي بعده..
,,,بغرفة أسيــــل...
,,,الساعه 6 المغرب...
كانت منى جالسه على كرسي الكمدينه وضامه يدها اليسار على بطنها وحاطه يدها اليمين على فمها ودموعها تنزل على خدودها غصبن عنها..
ولطيفة جالسه عالسرير ووجها أحمر وضامه بين إيدينها الثنتين أسيل اللي كانت منهاره تبكي وترتجف بطريقه غريبه وتتأوه..
لطيفة:يابنيتي بس حرام كذا تخرب حياتكم من غير سبب..
أسيل: مادري..مادري.. بس اللي أعرفه شي واحد إني ما أبيه.. مابيــــــــــه
طلقوني منه طلقــــــــــوني..
لطيفة: يابنيتي مابعد خلصتوا شهر واشلون تطلبين الطلاق؟؟
وبعدين الولد مسكين متعذب وتعبان وبيموت وترجعين طبيعيه مثل أول معه..
أسيل: جده تكفين ياجده تكفيــــــن..
إذا تحبيني لاترجعوني عنده .. تكفيـــن..
لطيفة: أسيل أناجدتك.. لاتخبين علي..
قوليلي..قد سار بينكم شي موبزين ... ولاقد شفتيه يشرب ولايتعاطى شي..
ولااعترف لك بشي.. ولاضايقك بشي.. ولامد يده..
أسيل:هذا اللي ذابحني..
إنه فحياته ماضايقني أو عاملني معامله سيئه..
بالعكس..يدور خاطري ويعاملني أحسن معامله..
بس ياجده غصبن عني.. غصبن عني..
موطايقته.. أحس إني لاشفته.. كني شايفه جني..
وإذا قرب مني أحس بجسمي زي نغزات الدبابيس.. وإحس الدنيا سوداء بعيني..
,,بعد ماقالت أسيل هالكلام.. طالعت لطيفه بمنى ورجعت طالعت بأسيل وقالتلها:
خلاص يا بنيتي.. إنتي الحين نامي وريحي..
وانشالله مايسير إلا كل خير..
أسيل وهي تطالع بجدتها برجاء:ها ياجده..بتطلقوني..خلاص بتطلقوني..
تكفين ياجده تكفييين..
لطيفه وقلبها بيتقطع:خلاص يا أسيل ..خلاص..إرتاحي وموبصاير إلا اللي تبينه..
,,وغطت لطيفه أسيل اللي حضنت مخدتها وتمددت على السرير..
لطيفه وهي تقوم: منى.. نادي عبدالرحمن وتعالي إنتي وياه غرفتي أبيكم..
,,,,
,,بغرفة لطيفه..
بعد مادخل عبدالرحمن وزوجته وجلسوا قبال لطيفه..
لطيفه: شوف ياعبدالرحمن..
الحاله اللي أسيل فيها.. ماتفسر إلا بشي واحد..
أسيل فيها عيون قويه.. فرقت بينها وبين زوجها..
منى وهي مي مستوعبه: عيـــــن؟؟ لامومعقول..
لطيفه: وليه مومعقول.. العين حق..
والرسول عليه الصلاة والسلام قال(نصف قبوركم من عيونكم)
ولاتنسون يوم زواجها البنت وشطلعت.. ملكة جمال..
والكل يوم شافها يتهول من جمالها وزينها.. والعيشه اللي بتعيشها..
وأسيل من يوم هي بزر وهي عايشه عيشة ملوك..
وتزوجت واحد كل بنات الناس يتمنونه..
وكل هذا وتقولين يامنى مومعقول..
البنت ماتشكي من شي بجسمها صحتها سليمه ويوم قعدت معنا هاليومين استردت عافيتها وسارت تاكل وتسولف وتضحك..
وبس تجي سيرة رجلها تختبص وتتكدر..
عبدالرحمن بألم: طب شالسواه يمه.؟؟
لطيفه: من بكره ناخذها ونوديها عند شيخ يقرأ عليها..
ويشوف البنت وشفيها بالضبط..
إن وديناها عند الشيخ وقال إنه مافيها شي ..اعرفوا إن بنتكم تتدلع..
لكن إن وديناها وشافها وقال البنت فيها شي..
خلاص نستمر نوديها عند الشيخ إلين الله يكتبلها الشفاء..
عبدالرحمن:إنا لله .. لاحول ولاقوة إلا بالله..
لطيفه: وضروري زوجها يدري..

02-04-2011, 03:27 AM

انا : رونق الاحساس

اضفني كصديق

,,اليوم اللي بعده..
,,بغرفة أسماء..
,,باب الغرفه يدق..
أسماء: ميــــن؟؟
رهف: أنا رهف..
أسماء: تعالي عمه رهف .. ادخلي..
رهف: لايكون ازعجتك؟؟
أسماء: لاوالله.. بالعكس طفشانه..
أسيل راحت مع جدتي وأبوي... مادري وين راحوا..
وفيصل جالس مع عمي ميشو وعمي تركي ...
وعمتي دينا وعمتي إيمان جالسين مع أمي.. في غرفة الجلوس.. وسوالفهم عن الحمل والولاده..
طفشت وطلعت غرفتي وقعدت عالنت..
رهف: أسماء حبيبي ممكن طلب..
أسماء: إنتي تامرين يارهف؟؟
رهف:شوفي أسماء.. تعرفين أغنية عبدالمجيد.. حقك علي؟؟
أسماء: ياقدمك ياعمه..
رهف وهي تضحك: داريه إنها قديمه..تعرفين كلماتها..
أسماء: لاوالله ماعرفها كلها..
رهف: طب شوفي أبيك تحملينها من النت.. أوكي..
أسماء وهي موفاهمه شي:أوكي..
رهف: وخذي صور مشاري هذي..
أسماء وهي تمسك الصور: طيب..
رهف: أبيك تدخلينها عالبور بوينت وتسوين فيها حركات..
أسماء: حركااات؟؟
رهف: شوفي أسماء حبيبي أبيك تحطين كل صوره من صور مشاري بشريحه وبعدين تحطين خلفيات غير أو مثلآ تدخلين صورغير... يعني تحطين قلوب ولاقمر ولاأوراق ورود وشجر.. ولا شلال..وتدخلينها على الصور..
يعني تبدعين بكل صوره.. وبعدين تحطين أغنية عبدالمجيد هذي تشتغل طول الوقت بالعرض كله.. وطول ما الصور تنعرض أبيك تعرضين كلمات الأغنية بشكل كتابي تدخل بالشرائح بطريقه حلوه..
بعدين إحفظيه في سيدي وعطينياه..
أسماء: ليه تبين تسوين ندوه عن مشاري؟؟
رهف وهي تضحك:أسماء أي ندوه..
أسماء: أنا أدري عنك؟؟وشوله كل هالشغل..
رهف:بصراحه مشاري سمعني هالأغنيه.. وهالمره من جد حسيتها غير..
وأبي هالسي دي أهديه لمشاري..
ها أسومتي تسوينه لي..
أسماء: أمممم أفكر..
رهف: لاأسماء تكفين..طلبتـــــــك..
أسماء: البلشه إني ما أقدر أرفضلك طلب..
خلاص تعاليني اليوم الساعه 12 الليل.. تلقينه جاهز..
شغلته سهله ما يبيلها...
رهف: ياعمري يا أسماء.. خلاص الساعه 12 بجيك وأشوف إبداعات أناملك الذهبيه..
,,,,
,,,,
,,في غرفة الجلوس..
جوال منى يدق..
منى بقلق: هلاعبدالرحمن..
عبدالرحمن:منى.. تعالي لحالك الحوش بسرعه..ونادي فيصل معك بس..
منى:طيب..
,,دقت منى على جوال فيصل وخذته وراحوا بسرعه للحوش وقعدوا على كراسي الحديقه وشوي ولاسيارة عبدالرحمن تدخل حوش البيت وتوقف..وينزل منها عبدالرحمن وهومتضايق.. ويروح يفتح باب السيارة الخلفي..
أول ماشافتهم منى نطت بسرعه هي وفيصل وراحوا عند السياره..
لما فتح عبدالرحمن باب السياره كانت لطيفه جالسه وأسيل نايمه بحضنها ووجهها أحمر وفمها شبه مفتوح..
أول ماشافت منى الوضع خافت وقالت:
بنتـــــي..
فيصل بخوف: أسيـــــل..
عبدالرحمن وهو يحاول يتماسك: أووصصصصص..
ولاكلمة.. لاحد يسمع حسكم.. مانادينك إنتي وولدك عشان تصرخون..
فيصل: يبه أسيل اشفيها..
لطيفه وصوتها تعبان: ياولدي تعال عاون أبوك وشيل إختك..
,,شال فيصل أسيل من جهه.. وعبدالرحمن من جهه وطلعوها فوق غرفتها ونوموها على سريرها..
,,فيصل بعد ماحط أسيل عالسرير وهويتنفس بصعوبه: يبه أسيل اشفيها..
منى ويدها ماشالتها من على قلبها: عبدالرحمن البنت وشفيها..
لطيفه: تعالوا غرفتي .. خلنا نطلع من عند البنت لانزعجها..
منى: اول شي تكلموا أسيل اشفيها؟؟
فيصل وهويهدي أمه: يمه تعالي نروح مع جدتي غرفتها ونعرف كل شي..
,,,
,,,
في غرفة لطيفه..
منى: عمه.. عبدالرحمن تكلموا أسيل اشفيها؟؟
عبدالرحمن: وشفيها.. وش اللي مافيها..
بس جلست عالكنبه.. وقرى عليها الشيخ..
صابتها حالة بكاء شديده.. وبعدين جلست تصرخ وتتأوه إلين أغمى عليها..
منى وهي تبكي: ياويلي على بنتي..
لطيفه: وبعد ماقامت من إغماءتها جلس الشيخ يحاول فيها ويقولها.. إنتي شفتي أحد معين يوم أغمى عليك..
ماردت عليه ومستمره تبكي.. آخر شي الشيخ قالنا نستمر نجي نقرى عليها عنده..
وانتي وابوها تقرون عليها بالبيت..
وعطانا مويه مقري فيها... وزيت..
ونصحنا.. نخليها تبتعد هالأيام عن زوجها..
فيصل وهومقهور على أخته: حسبي الله على هالناس..
مايربحون أحد.. نتكلف ونعزم ونوجب ونقدر.. وآخر شي حتى الله مايذكرونه لاشافوا شي عجبهم..
منى وهي تبكي:ياربي شالسواااه..
لطيفه: سواة الله أبرك.. إحنا نسوي اللي نصحنا به الشيخ..
ونخلي زوجها على بينه.. والخيره فيما اختاره الله..
عبدالرحمن بلهجة عتاب: كله منك.. الظاهر لاإنتي ولاأمي..نبهتوها تقرا على نفسها يوم زواجها.. وهذي النتيجه..
منى وهي تبكي:والله ياعبدالرحمن إني قاريه عليها بنفسي.. بس مادري..مادري..
لطيفه: هذا مو وقت لوم.. خلاص هذا قدر الله ولا اعتراض على حكمه..
,,,,,
,,,,,
في غرفة أسمــاء..
,,الساعه 12,30 الليل..
رهف: الله يا أسمـــــــاء... تسلم إيديك..
أسماء: عجبك يارهف؟؟
رهف: يجنن.. الله يعطيك العافيه..
بس لو تزيدين شي بسيط..
أسماء: وش أزيد؟؟
رهف:أبيك تزيدين شريحه بالأخير.. وتحطين فيها..كلمه أخيره..
وبس هااه بخلي هالسي دي أمانه عندك إلين أولد وأجيب لمشاري هديه وأحط هالسي دي مع هالهديه..
أسماء: هيه إنتي يا الدلخه..
ترى الزوج إذا ولدت زوجته هو اللي يجيب لها هديه موب هي اللي تجيبله..
رهف وهي تضحك:داريه..
بس مشاري لو أهديه كنوز الدنيا ماتعبر له عن حبي..
أسماء وهي تكبس عيونها:مايمديني على هالحب..
يللاه إخلصي قوليلي كلمتك الأخيره عشان أزينه قدامك..
***
****
*****
[[بعد مرور أسبوع]]
(في بيت أبوصالح..)
أثير: أبرار.. لاتسيرين غبيه.. قولي لصالح..يمكن ينتهي الموضوع..
ترى زواجك بعد يومين يا أبرار..
أبرار وهي تتكلم بطرقه غريبه:لاتقولين زواجك.. قولي دفنك..
أثير وهي تبكي:أبراار.. اشفيك انتي..
بس سرحانه...ومفهيه .. هيــــه.. صحصحي...
يا أبرار.. طب كلمي فراس.. كلميه..
كل يوم يدق عالثابت يدورك يبي يكلمك وانتي تصرفينه..
ليه ماتحاولين تفهمينه الموضوع.. ليـــــه..
أبرار: مايهمني..
أثير: وش اللي مايهمك... والفضيحه... وسمعتنا..
أبرار وعيونها مليانه دموع وتناظر لأثير بكل حقد: إيه قوليها من أول إنتي خايفه على سمعتك ومستقبلك.. موخايفه علي..
أثير: كذا يا أبرار.. كذا...
هذي آخرتها.. طول الوقت منشغل بالي وأفكر فيك.. وشايله همك..
لا آكل ولاأشرب ولاأذاكر زي الناس.. وآخرشي تقوليلي هالحكي..
أبرار: خلاص تعبت..
التفكير ذبحني.. والوساوس قيدتني..
أحس تفكيري إنشل... أنا بتزوج بفراس واللي يسير .. يسير..
مافي يدي حيله.. خلاااااص..
,,وتقوم أبرار وتدخل الحمام.. وتخلي أثير منهاره عالسرير..ومستغربه من حالة البرود واللا مبالاه اللي سارت فيها إختها,..
***
****
*****
(في بيت أم عبدالرحمن...)
,,في غرفة منى..
,,,الساعه 11,30 الليل..
رهف وهي مصدومه: لامومعقوول..
منى وهي تبكي: شسوي يارهف ..شسوي..
أحس نفسي بموت من الحسره على بنتي..
رهف ودموعها تنزل: لاحول ولاقوة إلا بالله..
لاتجيبين سيرة الموت يامنى بسم الله عليك..إنشالله حالتها بتتحسن وتطيب..
منى: إشلون حالتها تتحسن وتطيب..
كل يوم البنت حالتها أسوأ من اليوم اللي قبله..
وزوجها هالضعيف المسكين ساكت وصابر.. أهله بغوا يزورونها ..لكنه هوتعذرهم وصرفهم..
وأخذ إجازه من دوامه عشان يكون معها.. ويتابع حالتها..
وياليت هالشي يحنن قلبها..
أمس معاذ جى عندنا وهو ميت على شوفتها..جلس يترجانا إنه يشوفها..
واحنا كلنا عارفين إنه لوتشوفه بيسير شي ماحد يتمناه..
أخذني أبوها بالصاله وقالي يامنى روحي ناديها وقوليلها أبوك يبيك بالمجلس..
ولاتقولينلها إن معاذ موجود..
طلعت عندها فوق وقلتلها نفس الكلام اللي قاله عبدالرحمن..
تخيلي يارهف..[بكاء منى يزداد]..نزلت وهي ماعندها علم بوجوده.. بس شافته صرخت وطاحت على وجهها وأغمى عليها..
رهف وهي تبكي:حسبي الله ونعم الوكيــل ..
مادري هالناس.. وشيضرهم لاقالوا ماشالله وذكروا الله...
منى: شوفي يارهف..
أنا ماهمني زواج أسيل يستمر.. وتتحسن علاقتها بمعاذ..
أنا يهمني شي واحد.. بنتي تقوم سليمه وترجع مثل أول ..
رهف: منى اذكري الله واهدي..
منى: وش أهدأ.. وش أهدأ يارهف البنت سايره مثل الصوماليين..
نحيفه بتنقسم من وسطها من كثر النحف.. ووجهها أصفر..
حتى عيونها ماسارت تفتحهم زي الناس..
وياهي في حالة كآبه وحزن.. أو حالة ضحك وهستيريا..
رهف أنا مابي بنتي تفقد عقلها.. أنا أبيها ترجع سليمه مثل أول..
والزواج قسمه ونصيب..
وترى هالحاله اللي هي فيها ما أثرت عليها وبس.. مأثره علينا كلنا..
أبوها وفيصل وأسماء... ومعاذ اللي مايمر يوم إلا وهو يكلمني بكل رجاء على أمل إنه يسمع إنه في تحسن بسيط بحالة أسيل..
وهذي أسابيع تمر وأسيل على حالها..
,,طالعت رهف بحزن لمنى وحضنتها بين إيدينها..
وحاولت فيها تهديها...إلين هدت..
وبعدين نزلت للدور الأرضي بكل ألم وقهر على حال أسيل ودخلت لغرفة مشاري الجديده..
,,,,,
,,,,,
بغرفة مشاري..
مشاري بعتب: يا رهف وين رحتي وخليتيني..
رهف وهي تحاول تخبي: معليش يامشاري..طلعت فوق غرفتنا وانشغلت ارتب أغراض فيها شوي..
مشاري وهويمسك يد رهف:والله اشتقت لغرفتنا اللي فوق..
رهف وهي تبتسم: بس للغرفه..
مشاري وهو يغمز: وللمغامرات اللي تسير بالغرفه..
,,,,,رهف تضحك...
مشاري: بس انشالله لافكيت هالجبس ورجعت أمشي... أول شي أسويه أشيل كل شي موجود بالغرفه.. ولا أخلي إلا السريسر..
رهف وهي تبتسم: لاواللـــه..
مشاري: بشيل هالكنبه اللي إنتي مستقويه فيها..
وحتى الزوليات الصغار بشيلهم.. وحتى كرسي الكمدينه بشيله..
رهف: وليــه هذا كله؟؟
مشاري: عشان مايسير في مجال تنامين لحالك..
رهف: لحظه..لحظه.. نسيت إنه في بيبي في الطريق؟؟
ويبيله هالبيبي سرير لحاله..
مشاري: إي والله ذكرتيني..
بس تصدقين عندي حل فظيـــــع..
رهف: عرفت وشو حلك ينام بالوسط صح..
مشاري وهويقلد طريقة رهف بالحكي: لآء ختــأ.. [قصده خطأ]
رهف وهي تضحك: أجل وشو حلك..
مشاري: لاخلصتي الأربعين.. إحذفيه عند أمي..
يسير ينام ويقوم عندها..
إلين يكبر ويسير عمره أربع سنين ونجهز له غرفه لحاله..
رهف: حلوه ذي..
إحنا نجيب بزارين ونبلش خلق الله فيهم.. لاوالله ولدي ماينام بعيد عني شبر..
مشاري وهو يغمض عيونه: بشرك الله بالخير..
,,ابتسمت رهف من طريقة حكي مشاري ومزحه معها..
لكنها تذكرت وضع أسيل ومشكلتها.. ورجعت تنهدت ونزلت راسها تحت..
مشاري: رهف.. إشفيك؟؟
رهف: هااه.. ولاشي حبيبي..
مشاري: الظاهر إني ثقلت عليك يارهف..
إنتي ماقصرتي استحملتيني بمافيه الكفايه من يوم ماطلعت من المستشفى..
رهف: إخس عليك.. إنت تثقل علي..
إنت روحي يا مشاري.. أحد يتضايق من روحه..
مشاري: طب ليش مهمومه.. وعيونك حزينه..
رهف: لاني مهمومه ولاشي..
[وتمد رهف يدها وتلعب بشعر مشاري وبعدين قالت]
مشاري إشرايك تتسبح..
مشاري: لاتقولين شعرك مدهن..خليني بحالي..
مع هالجبس وهالغرز..سرت أكره شي إسمه تسبيح ومويه..
رهف: مشاري تكفى والله شعرك مدهن..
وبعدين ياخي صدق إنك دلوع.. من يوم سارلك الحادث إذا جيت تتسبح ..
أنا أدخل معك ورجلي على رجلك.. ولامره جت مويه عالجبس ولا تأذيت..
مشاري: دامك مصممه كيفك إنتي حره..
أنا إشعلي كل التعب عليك.. إنتي اللي بتشيلين وتحطين وتسبحين..
رهف:مو مشكله..
بس إسمع كل ملابسك وشورتاتك اللي هنا خفيفه..بطلع فوق أجيبلك بجامه ثقيله عشان ماتبرد من المكيف بعد التسبيحه..
مشاري: خلاص أنا استناك..
,,,وتطلع رهف غرفتها فوق عشان تجيب لمشاري بجامته..
وعلى دخلتها كان جوالها يدق..
لما شافت رهف الرقم إنصدمت وقالت بنفسها مو معقول..
رهف: ألـــو..
أثير: ألـــو.. رهف..
رهف بلهفه:هلا أثير.. هلا حبيبتي..
,,بس سمعت أثير صوت رهف ماقدرت تستحمل وجلست تصيح..
رهف:أثير حبيبتي كيفك..
أثير وهي تحاول تبطل بكي: حمدالله زينه..
إنتي كيفك.. بشري ولدتي؟؟
رهف: أنا زينه وللحين ماولدت..
,,تبلع ريقها بألم,,, هااه بشري كيف العروس..
أثير بمراره: طيبه ماعليها..
رهف: هامستعدين للزواج..
أثير بدون نفس: عادي..
رهف: الله يوفقها عقبالك يا أثير..
,,,أثير ماترد وساكته..
رهف: أثير في شي.. أنا ملاحظه صوتك متغير ومو زين..
,,هنا أثير ماقدرت تمسك نفسها وانهارت تبكي..
رهف بخوف: أثيـــــر..إشفيك تبكين؟؟
تكلمي إشفيك.. أبوي سايرله شي.. أمي منيره فيها شي..
أثيـــــــر وقفتي قلبي تكلمي..
أثير بحزن: رهف شقولك.. شقـــــولك؟؟
رهف: أثير تكفين ارحميني وتكلمي.. وشصاير ليه تبكين؟؟
,, بعد صمت دام شهور حست أثير إنها موقادره تكتم فنفسها أكثر من كذا وقالت لرهف كل شي..
رهف وهي مصدومه: أثير.. إنتي تتكلمين من جد؟؟
أثير: وهذا كلام ينمزح فيه يارهف..
رهف: وبكره الزواج جايه تقوليلي هالكلام...ليه ماقلتي من قبل؟؟
أثير: شقولك أقولك عن سوااد الوجه..
رهف: أثير.. ليه ماتكلمتي وقلتيلي من قبل ..
كان أنا كلمت صالح وفهمته.. ومنعنا هالزواج إنه يتم..
أثير: رهف تبين تقولين لصالح ... عشان يذبح أبرار ويذبح نفسه بعدها..
رهف وهي تحط يدها على خدها بكل صدمه: الله يصلحك يا أبرار الله يصلحك..
ياما نصحتها بس مافاد..
أثير:أنا لوماقلتلك وفضفضتلك كنت بموت..
تكفين يا رهف تكفين إدعي إن الله يستر.. إدعي إن الموضوع ينتهي على خير..
رهف بلحظة يأس: على خيـــر؟؟
أثير بلهجة خوف: رهف.. أنا الحين بقفل أسمع أمي تناديني..
بقفل قبل ماتشوفني وتسويلي سالفه..
رهف: أثير كلميني بعد زواج أبرار.. وطمنيني..
,,أثير ماردت وسكرت السماعه..
,,,,رمت رهف الجوال عالسرير وحطت راسها بين إيدينها وهي مصدومه وحاسه راسها بينفجر..
رهف: ياربي اشهالمصايب... اشهالمصايب..
وشهاليوم الزفت...
جاني خبر مرض أسيل.. والحين خبر مصيبة أبرار..
يا الله ليش يسير فيهم كذا.. ليـــــه..
,, وجلست رهف تبكي وتبكي.. وبعدين تذكرت مشاري إنه يستناها عشان تساعده إنه يتسبح..
وقامت بسرعه وغسلت وجهها وخذت لمشاري بجامه ونزلت تحت بسرعه..
,,بغرفة مشاري..
مشاري: تأخــــرتي..
رهف وهي تكابر: معليش يامشاري..
,,,مدت يدها رهف وحطتها حولين خصر مشاري ,,,
رهف: يللاه قوم..
,,وقف مشاري وتسند على عكازاته الثنتين.. بعد ما أخذ فترة عشان يتدرب على المشي على هالعكازات,,,
ودخل مشاري الحمام مع رهف وتسبح بمساعدة رهف..
وطول الوقت وهوملاحظ الكآبه والحزن على وجه رهف..
,,بعد ماخلص مشاري تسبيح.. وقف على عكازاته عشان يطلع من الحمام..
ورهف كانت واقفه وراه وماسكه بيدها ملابسه اللي كانت عليه..
لكن للأسف مشاري وهو يمشي إختل توازنه وزلق وكان يبي يطيح على جنب لكن رهف بسرعه مسكته بين إيدينها ولحقت عليه قبل لايطيح..
رهف: مشـــاري بسم الله عليك..
مشاري وهويرجع يقوم على عكازاته ويطالع لرهف بكل قهر:
رهف.. إشفيك انهبلتي..
رهف وهي مستغربه: إشفيك عصبت.. وشسويت؟؟
مشاري:الحين تبين تلحقين علي قبل ما أطيح تقومين تسنديني بكرشتك.. نسيتي إنك حامل وهاللي داخلك إنسان..
رهف وهي تتنفس بسرعه: أجل تبيني أخليك تطيح..
مشاري: الله لايردني... أجل تذبحين عمرك وولدك عشاني..
رهف وهي تفتح باب الحمام: ماصار إلا الخير..الحين إنت إطلع والبس بجامتك..
إلين أجهزلك أدويتك عشان تشربها..
,,,وطلعت رهف وتركت مشاري يمشي بهدوء وهو مقهور من رهف إشلون مستهينه بصحتها وصحة الولد.. ومستعده تسوي أي شي عشانه حتى لوهالشي يضرها.. وبنفس الوقت مستغرب من نفسية رهف وضيقة الصدر اللي مسيطره عليها.. وسرحانها والحزن اللي مغطي وجهها...

02-04-2011, 03:28 AM

انا : رونق الاحساس

اضفني كصديق

,,,بغرفة مشاري الساعه 1 الظهر..
,,فتح عيونه مشاري بتثاقل والتفت حاولينه ومالقى جنبه إلا أمه..
لطيفه: صح النوم ياولدي..
مشاري وهو يفرك رقبته:...هلا يمه..
لطيفه: يللاه قوم وأنا أمك غسل وتوظى عشان تصلي وتجي تفطر..
أساعدك؟؟
مشاري: لايمه ارتاحي ... وين رهف؟؟
لطيفه:قامت من الساعه 11 وقعدت معي..وشكلها تعبانه وطلعت تريح فوق شوي..
مشاري وهويتذكر طيحته عليها: الله يهديها..
لطيفه: الظاهر إنه ضايق صدرها..لأنه اليوم زواج إختها..
مشاري: بتروحين يمه؟؟
لطيفه:لاوالله ياولدي..مالي نفس.. إنت تعبان.. وأسيـــ... [وتسكت لطيفه وتتذكر إن مشاري مايدري عن حالة أسيل]
مشاري: وإيش يمه.. أسيل إشفيها؟؟
لطيفه:أسيل...آآآ أسيل مافيها شي..
بس لامارح أروح ولامكان.. وإنت يللاه قوم عشان تصلي وأجيبلك فطورك..
,,,وتقوم لطيفه للمطبخ ومشاري يناظر فيها باستغراب..
بعد كذا قام مشاري وراح توضى وصلى وبعد ماخلص جلس على طرف السرير..
أخذ جواله ودق على أعز أصدقائه..
طارق:هلا والله..
مشاري: هلاطارق كيفك حبيبي؟؟
طارق:بخير يالغالي.. إنت بشرني عنك؟؟
مشاري: والله الحمدالله.. ياخي وينك إنت وعزام ماعد تنشافون..
طارق:مشاري الله يهديك تونا قبل أمس عندك..وبعدين ياخي فشله كل يومين واحنا عندك..
مشاري:ياطارق وشهالحكي.. إنتم إخواني..
طارق: الله يحفظك يامشاري ويخليك لنا..
مشاري:طارق عندك رقم الشيخ هذاك اللي يفسر الأحلام؟؟
طارق: أي واحد؟؟
مشاري: هذاك اللي دقينا عليه واحنا بالجامعه عشان يفسر حلم عزام..
طارق: آآآه.... إيه إيه عندي..
مشاري:الله لا يهينك إرسله لي أبيه..
طارق:خلاص برسله لك بطاقة أعمال..ليه تبي يفسرلك حلم..
مشاري:حمدالله أكيد..أجل يغنيلي..
طارق: أقول مشاري يا إبني..قولي حلمك وأنا أفسرلك..
مشاري:طارق إخلــــص..
طارق:إنا لله ماينمزح معك.. خلاص برسله لك الحين..
,,أنهى مشاري المكالمه وسرح وهو يناظر في الأرض..
مشاري: يا الله...ياترى إشتفسير هالحلم..هذي ثاني مره أحلم فيه..
معقول تفسيره شين.. الحلم أصلآ يخوف وشكل رهف في الحلم موزين..
لايكون في شي موزين بهالبنيه.. وأنا ما أدري..
لازم أفسره اليوم قبل بكره..لازم..
,,دخلت لطيفه وجابت فطور مشاري وأثناء ماهو ياكل وصلت بطاقة الأعمال..
وبعد ما أنهى مشاري فطوره قال:
يمه خلاص الحمدالله..
لطيفه وهي تشيل الصينيه: تبيني أصحيلك رهف..
مشاري:لاخليها ترتاح وإذا بغيتها بدق على جوالها وأناديها..
,,بعدماطلعت لطيفه فتح مشاري جواله وعلى طول دق على الرقم ومن حسن حظه إنه الشيخ رد عليه وماصرف كعادة الشيوخ اللي يفسرون الأحلام..
مشاري:السلام عليكم..
الشيخ: عليكم السلام..
مشاري:ياشيخ الله يجزاك خير أنا حلمت حلم.. وأبيك تفسرلياه..
الشيخ:من حسن حظك إني اليوم عندي إجازه من شغلي ومرتاح بالبيت..
تفضل ياولدي..قول حلمك..
مشاري:ياشيخ هذي ثاني مره أحلم فيها نفس الحلم..
والحلم هو إن زوجتي وجهها تعبان وشايله على ظهرها خيشتين.. كل خيشه أكبر من الثانيه وباين على هالخيشتين إنهم ثقيلات بالمره..
وجيت عندها وقلتلها خليني أساعدك..قالتلي لأ..ما أقدر..
وبعدين قلتلها طب نزليهم وخليهم عالأرض مولازم تشيلينهم..قالتلي..لأ..ما أقدرأنزلهم..
الشيخ:إيــــــه.. أجل هالحلم تكرر مرتين..
مشاري:إيه ياشيخ..
الشيخ:طب يوم حلمت هالحلم علاقتك مع زوجتك كويسه..
مشاري:أول مره حلمت بهالحلم..كانت علاقتي فيها سيئه..كنت ماأكلمها..
لكن ثاني مره ..عادي علاقتي فيها من أحسن مايكون..
الشيخ: لاحول ولاقوة إلا بالله..طيب علاقتها مع أهلها..
مشاري: بصراحه ياشيخ أهلها مقاطعينها..
الشيخ:لاحول ولاقوة إلا بالله..
مشاري:بس هي مالها ذنب..هم اللي غلطانين عليها وقاطعوها..
الشيخ:بسألك بصراحه وجاوبني ياولدي..إنت تحبها؟؟
,,مشاري دنق وغمض عيونه بألم وتنهد وقال: مادري..
الشيخ: إشلون ماتدري..أنت تحبها؟؟
مشاري: اللي أعرفه إني ما أستغني عنها ووجودها قدام عيني ضروري..
الشيخ:شوف ياولدي..
زوجتك إنسانه كامله بجميع المقاييس.. وإنسانه كفؤ وقد المسؤوليه..
والخيشتين اللي على ظهرها.. أول خيشه هي أنـت..
مشاري باستغراب: أنــــا؟؟
الشيخ: وثاني خيشه أهلها..
هي تحبكم وتقدركم ومخلصه لكم.. وماشافت منكم ياهالطرفين أي مقابل..واللي باين بالحلم إنكم مكافئينها بالجحود والقسوه..
ومسببين لها ألم وحزن في حياتها...
بس موقادره تكرهكم او تتركم والدليل إنها مي راضيه تستغني عنكم وتشيلكم من على ظهرها أو تنزلكم عالأرض..
,,سكت مشاري وهومتنح وعاقد حواجبه وعيونه مليانه دموع..
الشيخ: شوف ياولدي..أنا فسرتلك حلمك واللي علي سويته..
لكني أبي أريح ضميري وأذكرك بتقوى الله ومخافته في زوجتك..
مهما كان هي ضعيفه ومحتاجتك..وتحبك.. فلاتكون في حياتها مجرد حزن وألم..
مشاري وهويالله يالله يحكي: يعطيك العافيه ياشيخ ماقصرت..
الشيخ:الله يعافيك..
,,وأنهى مشاري المكالمه وهومصدوم وكاره نفسه..
مشاري: أنا مسببلك يارهف ألم.. أناجاحد وقاسي؟؟؟
كل ملامح التعب وكل هالثقل اللي على ظهرك أنا سببه؟؟
ياربي والله إني أجاهد عشان أريحك يارهف وما أضايقك..
يارب سامحني..على كل اللي سويته برهف..يارب سامحنـــــــي..
,,شوي ولارهف تفتح الباب بهدوء وتناظر لمشاري وتبتسم..
رهف: الســــــلام عليكم..
مشاري وصوته مبحوح: عليكم السلام..
,,ويأشر مشاري بيده جنبه وتجي رهف تجلس بهدوء..
رهف وهي مبتسمه: كيفك؟؟
مشاري وعيونه مانزلت عن عيون رهف: أنا زين..
,,ويحط يده على بطن رهف ويقول: لكن إنتي وجهك تعبان.. الظاهر مهبل فيك هالولد..
رهف:يعني..بس أحس بتقلصات خفيفه..
مشاري: تبين أمي توديك المستشفى؟؟
رهف: لالالا..مايحتاج.. كالعاده بتخف وتروح..
مشاري:رهف..قررت قرار وأبيك تعطيني رايك؟؟
رهف:وشو قرارك؟؟
مشاري: إذا ولدتي إنشالله وقمتي بالسلامه..
أباخذك إنتي والبيبي ونسافر شهر عسل..
رهف:ههههههه حلوه ذي شهر عسل.. مشاري ترى خلاص بنخلص سنه واحنا متزوجين.. بعدين نسيت شهر العسل اللي بجده..
مشاري وهومكشر: بالله تسمين هذاك شهر عسل..
كله مهاوشات.. وطول الوقت أنا عالنت وانتي نايمه..
رهف:لاواللـــــه.. الحين أنا اللي سرت نايمه.. لو إنت معطيني وجه كان مارحت نمت..
,,,,مشاري يضحك..
رهف: بس ولو يا مشاري.. يمكن ماتصدقني..
والله إنها أحلى أيام مرت علي بحياتي.. لأنها جمعتني فيك..
,,ناظر مشاري برهف وقال:
سبحان اللي يغير ولايتغير..من يصدق إحساسي هذيك الأيام يتغير وينقلب 360 درجه.. لهالإحساس اللي لك بقلبي الحين..
رهف: وأنا من هذيك الأيام إلى آخر يوم بعمري وأنا إحساسي لك مايتغير ولايتبدل..
بالعكس إنت سرت كل أحاسيسي ومشاعري وسرت دنيتي كلها..
مشاري: طيب يللاه إختاري.. وين تبين تسافرين؟؟
رهف: أممممممم..جده..
مشاري بعصبيه: ما أقول إلا ياليت هالجبس اللي بفخذي بيدي..
رهف وهي تضحك: ليــــه؟؟
مشاري: عشان أرقعك على خشمك..
من جدك إنتي.. تبينا نروح جده..
رهف:هههههههه خلاص إنت كيفك إختار اللي تبي وين مارحت أنا معك..
مشاري:إشرايك نروح بلجيكا.. وبعدين نروح على أسبانيا..
تكون أسيل هي وزوجها هناك...نزورهم ونقعد معهم يومين وبعدها نكمل رحلتنا وين مابغينا..
,,ابتسمت رهف بألم وعورها قلبها لما ذكر مشاري إسم أسيل وقالت بنفسها:
إنشالله الله يشفيها وترجع مع زوجها يارب..
مشاري: ها اشقلتي؟؟
رهف:إنت بالأول فك هالجبس..
وخلني أولد.. ولاقمنا إحنا ثنيناتنا بالسلامه يسير خير..
***
****
*****
(في بيت أبوصالح..)
,,في غرفة أثير..
,,,بعد يوم مليئ بالأحداث..
كانت قاعده على طرف السرير وهي قمه بالجمال والنعومه ومصدومه وترتجف وخايفه وتفرك إيدينها ببعض.. وبحالة بكاء شديدة..
فتح صالح الباب بهدوء ,, وقرب منها وجلس جنبها وحط يده على كتفها..
صالح: أثيــــر..خلاص..من يوم ماطلعنا من القاعه وركبتي السياره وانتي تبكين ومنهاره..كل هذا حب بأبرار؟؟
,,أثير ماترد ومستمره تبكي..
صالح:خلاص يا أثير..
إنتي المفروض تدعينلها بالتوفيق وإن الله يسعدها ويرزقها الذريه الصالحه..
وبعدين لاتخافين..فراس إبن حلال وإنسان مستقيم وملتزم وبيحطها بعيونه..
بالعكس هو اللي الله يعينه عليها..
,,حطت أثير إيدينها على وجهها وانهارت تبكي وهي تقول بنفسها:
يااللـــــــه ياصالح..موحاسس بالمصيبه اللي بتطيح على روسنا..
,,قرب صالح من أثير وشال إيدينها من على وجهها وقال:
خلاص..قومي شيلي هالمكياج وغيري فستانك.. وارتاحي شوي..
***
****
*****
(في بيت أم عبدالرحمن..)
,,بغرفة منى..
كان عبدالرحمن نايم على السرير ومعطي زوجته ظهره..
ويتنهد بكل ألم.. وشايل هموم الدنيا كلها على راسه..
حست منى إن عبدالرحمن مانام ولسه صاحي.. قربت منه بهدوء وحطت يدها عليه..
منى: عبدالرحمن..مانمت؟؟
عبدالرحمن وهويتنهد: من وين يجيني النوم..وبنتي أسيل هذي حالتها؟؟
منى:عبدالرحمن.. وبعدين إحنا بنقعد كذا ساكتين والبنت كل مال حالتها تتدهور..
لادراسه ولازواج ولانفسيه زينه.. يكفي هالترم والترم اللي فات ضاعوا عليها عشان هالزواج..على أمل إنها تكمل دراستها بأسبانيا..
عبدالرحمن: وش أسوي..
هذا أنا قاعد أوديها عند الشيخ اللي يقرأ عليها بانتظام..
ووديتها عند دكتور نفسي.. وكلامهم واحد مايتغير..هاللي في البنت عين قويه مواضطراب نفسي..
قسمآ بالله إن تفكيري إنشل موقادر أفكر إلا فيها..سرت لا أشتغل زي الناس ولا أقعد مع خلق الله..طول الوقت بالي مشغول..
لكن الظاهر مافي إلا حل واحد.. نخلي معاذ يطلقها..
منى:لا ياعبدالرحمن لاتستعجل حرام نخرب حياتهم وهي لسه ما ابتدت..
الولد ماصدر منه إلا كل خير..يحبها وبينجن عليها وكلنا ملاحظين..
حتى أسيل ياعبدالرحمن اعترفت إنها تحبه زي ماهويحبها.. ولاعمره ضايقها أو كدر خاطرها.. بس تقول لاشافته تحس نفسها بتموت وينقلب هالحب اللي بقلبها لكره..
عبدالرحمن: يعني شالسواه..
منى:سواة الله أبرك إحنا نصبر.. وانشالله تتحسن حالتها..
***
****
*****
((في شقـة فراس...))
,,كانت جالسه على طرف الكنبه وعيونها مليانه دموع ومي مصدقه الوضع اللي هي فيه..
,,مشى بهدوء وفصخ بشته وفرش سجادته وصلى ركعتين..
وبعدين قرب منها وحط يده على راسها وقال:
اللهم إني أسألك خير مافيها... وخير ماجبلت عليه..
وأعوذ بك من شرمافيها... وشر ماجبلت عليه..
,,,وباس جبينها ومسك يدها وجلس جنبها..
فراس:مبروك يا أبرار..
,,أبرار ساكته وترتجف وماسكه بين إيدينها مسكة الورد بأقوى ماعندها..
فراس: مصممه ماتسمعيني صوتك... يللاه مومشكله..
إشرايك تقومين تغيرين ملابسك.. وتجين عشان نتعشى...
,,أبرار على نفس الوضع..
حس فراس بتوتر أبرار الزايد وخوفها..وحب إنه يهديها..
مد يده بكل براءه ومسك كتفها بكل حنيه.. لكن أبرار ارتجفت ونفضت يده وبعدتها عن كتفها..
,,استغرب فراس وبلع ريقه وقال:
أبرار.. حبيبتي إهدي... خلاص قومي غيري فستانك وتعالي نتعشى..
أبرار بصوت مرتجف: مابي أتعشى..
فراس:بس أنا جوعان أهون عليك آكل لحالي؟؟
أبرار: فراس مابي آكل شي..
فراس: خلاص مومشكله إنتي روحي غيري وإذا جيتي يسير خير..
,,مشت أبرار ودخلت لداخل وهي ترتجف ومومصدقه إنها خلاص تزوجت فراس..
وميته خوف من اللي بيسير...
,,,,
,,,,
بعد مرور قرابة النص ساعه..
كان فراس قاعد بغرفة التلفزيون.. وحاط على طاولة التقديم صحون العشاء وحاط إيده على خده..
فراس:إنا لله هذي وينهي..
,,قام فراس وتوجه لغرفة النوم..
أول مادخل الغرفه إنصدم فراس..كانت أبرار نايمه عالسرير ومتلحفه..
ومعطيه ظهرها الباب ومغمضه عيونها بشده..
فراس: أبرااار.. الله يهديك نمتي..
الحين أنا قاعد يدي على خدي أستناك.. تروحين تغيرين فستانك..
وتنــــامين..
,,أبرار ماترد وترتجف ومغمضه عيونها بقوه..
فراس برجاء:يابنت الناس وشفيك خايفه مني...
والله ما أسوي فيك شي.. بس قومي تعشي وسولفي معي شوي..
,,,أبرار على حالها..
فراس: خلاص مومشكله..
اليوم براعيك وأخليك تنامين..
لكن بكره إنشالله إنك تسيرين أحسن وتجلسين معي وتسولفين..
طيب ياأبرار..خلاص اتفقنا..
,,,ويطلع فراس ويترك أبرار خايفه ومنهاره.. وتدعي على نفسها..
ومنتظره اللحظه الحاسمه للمصيبه اللي هي فيها....
(في بيت أم عبدالرحمن..)
,,بغرفة أسيل...
أسماء: تكفين أسيـــل..
أسيل وعيونها مقفله:أسماء الله يخليك إطلعي وصكي اللمبه..والله مالي خلق..
أسماء:أسيل.. خلنا نروح نسهر مع عمتي رهف..
هي بعد ماعشت مشاري وقعدت شوي معاه إلين نام..طلعت فوق غرفتها وقالتلي تعالي عندي إنتي وأسيل إسهروا وسولفوا معي شوي..
أسيل: إسهري لحالك...ماأبي أشوف أحد..ابي أنام وبس..
,,تنهدت أسماء وطالعت بأسيل وقالت بنفسها:
مومعقول هذي أسيل..
تغيرت سايره إنسانه ثانيه...
,,وتقوم أسماء وتطفي اللمبات وتسكر الباب وتتوجه لغرفة رهف..
,,
,,دقت أسماء الباب..لكنها مالقت أي رد..
أسماء:معقوله رهف نامت؟؟
بس هي قالت ما رح أنام وبستناكم نسهر سوا..
,,رجعت دقت أسماء الباب وبهاللحظه فتحت رهف الباب..
أسماء بخوف:رهـــــف..
,,كانت رهف وجهها أحمر ودموعها مليه وجهها..
وأول مافتحت الباب طاحت عند عتبة الباب..
أسماء وهي تحاول تسند رهف وتقومها:
رهف وشفيــــــك؟؟
رهف وهي تتنفس بصعوبه وتبكي:
أسمـــــاء..الحقيني..نادي عمتي لطيفه..بمووووووت...
,,وتترك أسماء رهف مكان ماهي وتروح تنادي أمها وجدتها..
,,فزت لطيفة من نومها على صراخ أسماء,,وراحت بسرعه عند رهف ولحقتها منى..
لطيفه وهي تحط راس رهف على صدرها:
رهف.. وشفيك يمه..وشتحسين فيه..
رهف:الحقيني ياعمه بمووت..بمووت..تقلصات ذبحتني..موقادره استحملها..
منى:بسم الله عليك يارهف...عمه الظاهر إنها تبي تولـــد..
لطيفه:تولد وهي لسه بالثــــــــامن..
بسرعه يامنى..سنديها معي ونادي عبدالرحمن عشان نوديها المستشفى..
منى: طيب..
لطيفه: وانتي يا أسماء... انتبهوا لاحد منكم يصحي مشاري ويقوله..
خلوه إلين يصحى الظهر وأنا بكون فيه وأقوله..
أسماء: انشالله ياجده..
,,,ويجهز عبدالرحمن السياره وينطلقون للمستشفى..

02-04-2011, 03:28 AM

انا : رونق الاحساس

اضفني كصديق

,,بالمستشفى..
,,,,الساعه 1 الفجر..
لطيفه: ها يا دكتوره بشري..
الدكتوره:هي من متى تحس بهالآلام هذي؟؟
لطيفه: والله يادكتوره إني مادري..ليه حالتها خطيره؟؟
الدكتوره: لاانشالله موخطيره..
بس الرحم عندها مفتوح ثلاثه سانتي..
بنعطيها فرصه ووقت يمكن تولد طبيعي.. إذا ماولدت طبيعي بنولدها قيصري..
,,الدكتوره تلتفت لعبدالرحمن وتقول: حضرتك زوجها؟؟
عبدالرحمن:لأ..أنا أخو زوجها وهذي أمي..
الدكتوره باستغراب:أجل وين زوجها؟؟ في إجراءات وأوراق لازم يوقع عليها..
لطيفه:زوجها سايرله حادث وماقدر يجيبها ...لكن بكره انشالله إذا قدر بيجي..
الدكتوره: الله يعطيكم العافيه وجوده ضروري..لازم على ولادتها يكون موجود..
وبالنسبه لكم تقدرون ترجعون البيت وترتاحون لأنه الوقت تأخر والظاهر بتطول إلين تولد وحرام نسهركم..وانشالله إذا ولدت بندق عليكم ونبشركم..
لطيفه: لا مانيبراجعه أبقعد عندها إلين تولد..
عبدالرحمن:يمه الله يهديك جلستك بالمستشفى مالها فايده وتعرفين جلسة المستشفيات إشلون متعبه.. وضروري ترجعين البيت عشان إذا صحى مشاري تكونين قدامه وتقولين له الخبر بنفسك..
لطيفه بعد ما اقتنعت بكلام عبدالرحمن: طيب دكتوره أبي أشوفها قبل ما أروح عشان أتطمن عليها وأطمنها..
الدكتوره: أكيد..تفضلي مع الممرضه وبتوديك الغرفه عندها..
,,,
,,,
,,كانت رهف متمدده عالسرير وميته خوف وتتنفس بصعوبه شديده ووجهها يتلوى من الألم وكل شوي تعض شفتها وتتأوه..
ويدها فيها مغذي ..حطوا لها الممرضات في محلول المغذي طلق صناعي عشان يساعدها ويعجل بالولاده..
,,دخلت لطيفه على رهف اللي كانت مغمضه عيونها وتتأوه..وناظرتلها بكل رحمه..
لطيفه وهي تقرب لرهف وتمسح على راسها بحنان:
رهف..
,,شهقت رهف وفتحت عيونها وأول ماشافت لطيفه إنهارت وبكت..
لطيفه:بسم الله عليك..لاتبكين يارهف..
يللاه شدي حيلك وتشجعي وأولدي وقوميلنا بالسلامه..
رهف وهي تبكي:عمــــه..بموت..
لطيفه:بسم الله عليك..رهف لاتجيبين سيرة الموت..
لاانتي أول وحده ولا آخر وحده تولد.. وكل الحريم هذي حالتهم..
رهف: تكفين ياعمه إدعيلي..
لطيفه:الله يقومك بالسلامه يارهف..لاتخافين..لاتخافين..
شوفي وانا أمك.. عبدالرحمن يقول نرجع البيت..لكني خلاص أبقعد معك إلين تولدين..
رهف:لا والله ياعمه.. والله لترجعين البيت وترتاحين..
[وتغمض عيونها] أنا شكلي مطوله..
لطيفه: لاخليني أجلس معك..
رهف:عمه تكفين..ما أبي أتعبك معي إرجعي البيت وارتاحي..
لطيفه: خلاص...أنا برجع البيت لأني أبي أكون جنب مشاري لاقام من نومه..
بس يا بنيتي ماتبين ندق على منيره ولا أبوك..
رهف وهي تمسح دموعها بألم: لايا عمه..حتى لوتدقين ما حد رح يهتم.. بس إذا ولدت خلي مشاري يدق على صالح ويقوله..
لطيفه:انشالله..
خلاص يمه أنابروح ..الله يهون عليك..ولاتخافين كل هالألم والخوف بيروح وتنسينه لاسار ولدك ولا بنتك بين إيدينك..
رهف بتردد: عمه..
لطيفه:لبيه يارهف..
رهف وهي تبكي: عمه...
إذا صارلي شي.. إنتبهي لولدي ياعمه.. أبيك تربينه نفس تربية أبوه وأعمامه..
لطيفه وعيونها مليانه دموع: إذكري الله يارهف لاتقولين هالحكي..
رهف: تكفين ياعمه إسمعيني..
أنا تشردت وذقت الويل بعد وفاة أمي ..مابي ولدي يعيش نفس مأساتي..
أبيه يعيش بحب أبوه وحبك وحب كل اللي حولينه..
ما أبيه يفقدني ويحس بالنقص..
لطيفه ودموعها تنزل غصبن عنها:يارهف وشهالكلام ..
ماحد مربي ولدك ولاحد منتبه له غيرك..
رهف:عمه..بطلبك طلب أخير..
لاصارلي شي.. لاتزوجين مشاري إلا برضاه..[وتشاهق رهف من البكي]
تكفين ياعمه تكفين.. لاتزوجين مشاري إلا البنت اللي يختارها ويطلبك تخطبينها..
,,وتقوم لطيفه من مكانها وتحضن رهف وتهديها وتودعها وتطلع لعبدالرحمن ويتوجهون للبيت..
وطول الطريق ولطيفه دموعها ماوقفت وقلبها قارصها من وصية رهف وكلامها وطول الوقت تدعي إن الله يستر..
***
****
*****
(في بيت أم عبدالرحمن..)
,,الساعه 11 الصباح..
..كانت أم عبدالرحمن جالسه على الكرسي اللي جنب سرير مشاري ومتخدده وتطالع فيه وهونايم بكل براءه..
لطيفه: ياربي اشهالحاله وشهالمصايب اللي إحنا فيها..
الولد متكسر وفوق الشهرين وهومنسدح على سريره.. وزوجته ولادتها متعسره وتهوجس بالموت.. وأسيل لاتمتعت لابزواج ولابحياه مثل باقي بنات خلق الله..
لكن لا إعتراض..
يارب..يارب... سهل ولادة رهف وقومها بالسلامه..
يارب أنا عارفه مخاطر ولادة الثامن ..بس يارب إكرمنا برحمتك وفضلك وفرحنا بولادة رهف وقومتها.. يارب..
,,,
,,,
شوي ولا الشغاله تدق الباب دقه خفيفه..
,,وتقوم لطيفه وتفتح الباب..
لطيفه: هااه..إشفيه؟؟
جيسي: مدام..بابا عبدالرحمن يكلم تليفون..
,,وتطلع لطيفه برا الغرفه وتسكر الباب وراها بشويش وتنطلق للصاله وتمسك التليفون بلهفه..
لطيفه: ألــــو..
عبدالرحمن: هلايمه..السلام عليكم..
لطيفه:عليكم السلام..
عبدالرحمن: يمه المستشفى دقوا علي..
لطيفه بلهفه: هاه..بشـــر..
عبدالرحمن:رهف ولدت وجابت ولد..
لطيفه وهي تبكي: يــــــاربي لك الحمد..الحمد الله ياربي..الحمد اللــــه..
عبدالرحمن:الحمــدالله على كل حال..بس يقولون الولد تعبان شوي..
لطيفه بخوف: وشفيه؟؟
عبدالرحمن: والله إني مادري بس الولاده تعسرت إلين سار الوضع خطير وولدوها قيصري..
لطيفه: قيصري..طب ورهف كيفها الحين..
عبدالرحمن: يمه.. رهف..
لطيفه:عبدالرحمن تكلم..
ياعبدالرحمن تكلم رهف وشفيهــــا..
عبدالرحمن: رهف يمه بعد ماولدت دخلت في غيبوبه... والدكاتره يقولون الوضع خطير..
لطيفه وهي تضرب على فخذها: غيبــــوبه..
***
وهذا الجزء الخامس عشر والاخييييييييير:
****الجـــزء الخامس عشر
والأخيـر
(في شقة فراس..)
فراس وهو يهز رجله:
إنـــا لله كل هذا حياء.. لاجت أفطرت.. ولاهي براضيه تجي تجلس معي والظاهر إن حتى الغداء ميبجايه تتغدى معي..
لكن أنا من جدي قاعد لحالي ومخليها ضعيفه..بروح أحاول فيها وأهديها إلين تجي
,,كانت جالسه على طرف السرير ومسنده ظهرها عالمخده وضامه رجولها لصدرها ومنظر ناصر وهوينتزع أغلى ماعندها يتكرر قدام عيونها..
كانت ترفع راسها بألم وتغمض عيونها ومستغربه ليه من يوم مادخلت شقة فراس وهالمشهد يتكرر ويتكرر وموقادره تبعده من بالها..
,,مادرت إلا بإيد فراس على كتفها وبس حست فيها شهقت..
فراس باهتمام:بسم الله عليك.. أبرار والله ماكان قصدي أخوفك..
,,أبرار بلعت ريقها وهي تناظر لفراس وهوجنبها عالسرير ومقرب منها بشكل كبير..تمت تناظر وتتفحص ملامح فراس وهي مذهوله وتتنفس بسرعه..
فراس وهو يبتسم بحب:أبرار..إشفيك؟؟
أبرار بنفسها: نـــــــاصر..
,,فجأه شهقت وكش جسمها وانهارت تبكي وحطت يدينها على وجهها..
فراس بخوف: أبرار..حبيبتي ماله داعي هالخوف كله..إهدي..
,,رفعت راسها أبرار وشالت يدينها من على وجهها ورجعت لأرض الواقع واستوعبت إن اللي قدامها فراس..
فراس وهو يمسح دموعها:حرام عليك تتعبين هالعيون بهالدموع..
بللاه هذي حاله..حارمتني منك وتاركتني وقاعده.. [ويمسك كفها برفق]
يللاه قومي معي ..تعالي لاتخافين مني..
عالأقل كوليلك تفاحه وخوخ..عشان خاطري ..
,,بلعت أبرار ريقها وقامت من عالسرير وهي تناظر لفراس وهو مبتسم ويسحبها مع يدها بكل حنان ولما قامت حط إيده على خصرها وهويمشي معها خطوه بخطوه إلين جلسها عالكنبه بالصاله وجلس جنبها..
أخذ تفاحه وقطعها أرباع وأخذ ربع وقربها منها وقال:
يللاه حبيبتي خذي هالتفاحه من إيدي..يللاه لاتكسفيني..
,,مدت يدها أبرار وهي ترتجف وخذت التفاحه وهي في عالم ثاني..
أبرار بنفسها: اللـــــــه.. ياحلو هالشعور..
ياحلو الإحساس بالأمان والإستقرار..[وترفع عيونها وتناظر لفراس]
قد إيش إيدينك دافيه.. قد إيش إنت حنون..وقد إيش أنا حقيره وما أستاهل..
لوتدري يافراس بسواد وجهي..ماقربت.. ماقربت ولاقدرت حتى تطالع فيني..
الله يكون بعونك يافراس ويصبرك لاعرفت المصيبه اللي رميت نفسك فيها..
فراس: ها حبيبتي..تدللي وين تبين نروح نتغدى.. بأي مطعم..
,,أبرار ماترد وساكته وعيونها بالأرض..
فراس: ترااني ميييت جوووع.. طب شوفي في مطعم دايم وأنا عزابي أسمع الشباب يتكلمون عنه..هو قديم..بس ماجت فرصه ورحته..
ستيك هاوس.. وشرايك نروح نتغدى فيه؟؟
أبرار:...
فراس: خلاص..السكوت علامة الرضى..
إلبسي واجهزي بعد ساعه عشان نروح..طيب ياقلبي..
***
****
*****
(في بيت أم عبدالرحمن..)
,,بغرفة مشاري..
,,كان باستغراب يقرب عكازاته منه ويتسحب على آخر السرير عشان يقدر يقوم..
مشاري: معقول الساعه وحده الظهر ماحد صحاني..
لا أمي ولارهف؟؟ وش السالفه..
,,دخل مشاري الحمام وتوظى وجلس على طرف السرير وكبر وابتدا يصلي..
,,دخل فيصل بجانب عمه تركي وجلسوا عالكنب وهم يناظرون لمشاري ويدعون بقلوبهم إن الله يستر..
,,سلم مشاري والتفت على تركي وفيصل وابتسم..
فز فيصل عند عمه عشان يساعده يرجع على السرير..
مشاري وهو يعدل المخده: آآآه...غريبه جايين من دواماتكم بدري؟؟
تركي: كيفك اليوم؟؟
مشاري: الحمد الله تمام..[ويلاحظ ملامح القلق بوجه فيصل وتركي ويعقد حواجبه]
عسى ماشر وشفيكم..وين أمي وزوجتي؟؟
,,تركي ساكت ويطالع بفيصل..
مشاري بقلق:فيه شي..تكلمـــوا؟؟
تركي:زوجتك تعبت بالليل أمس وودينها المستشفى وأمي عندها الحين..مبروك يامشاري جاك ولد..
مشاري وعيونه مفتوحه عالآخر وطاير من الفرحه: صــــــــدق..
أنا جاني ولد... خـــــالد..خــــــالد..بسميه خالد..
يعني أنا سرت أب .. أنا سرت أب.. أنا أبو خالد..
فيصل وهو يبوس مشاري على خدوده: مبروك يا عمي مبرك..
مشاري وهو مبتسم: طب يللاه يللاه..تعال ساعدني يافيصل.. أبي أغير ملابسي عشان أروح أشوف رهف وخالد..
,,نزل فيصل راسه وناظر لتركي ولسانه معقود وموقادر يتكلم..
,,كان مشاري يدور بنظره بين فيصل وتركي وقلبه قارصه وحاس إن فيه شي...
تركي: مشاري..
رهف بعد ماولدت..
دخلت في غيبوبه.. والدكاتره مو عارفين متى تقوم منها..
مشاري بعد ماتلاشت ملامح الفرح من وجهه:
غيبـــــوبه... وليــــه؟؟ وش سبب هالغيبوبه؟؟
فيصل: قضاء وقدر ياعمي..
مشاري وصوته مبحوح وعيونه مليانه دموع وبقمة العصبيه:
لاااا.. موقضاء وقدر..
أكيد زودولها جرعة الأكسجين..أو المخدر..
أكيــــد هذي حالة مستشفياتنا .. هذي حالتهم..
يذبحون بخلق الله ويقولون خطأ طبي غير مقصود..
واللـــــه..واللــــــه ... لويسير لها شي وماترجع تقوم لأدفعهم الثمن غالي..
فيصل: ياعمي تعوذ من ابليس وهدي عمرك..
إنت تعبان وصحتك ماتستحمل.. والمفروض تتماسك وتسير أقوى عشان ولدك هالضعيف.. وانشالله إن رهف بتقوم..
أنا قبل ما أجي وأقولك فتحت النت وقريت عن الغيبوبة اللي تجي الحريم اللي يولدون قيصري..
أغلب الدكاتره يقولون فتره بسيطه ويستردون وعيهم..
مشاري وهويحاول مايبكي: يعني إشلون..
أنا موفاهم.. إشمعنى رهف من بين كل الحريم تجيها هالغيبوبه..
كل حريم خلق الله يولدون ويقومون بالسلامه من غير أي مضاعفات ..
وشمعنى هالضعيفه.. بس لا... لآآآ ماظنيت رهف ترجع تقوم ...
رهف صحتها تعبانه وماتتحمل.. ياكثر مامرضت وتعرضت لضغوط وياكثرماطاحت وأنــــــا بكبري طحت عليها...
,,ويتذكر فيصل ضربته لرهف بالدرج والمشاكل اللي حصلت لها..
ويغمض عيونه بألم وهو يلوم نفسه وعمه...
تركي: مشـــاري..
خلاص.. إهدأ وأمسك نفسك إنت تعبان.. وإحنا بانتظار عبدالرحمن وأمي يجون من المستشفى ويطمنونا ونعرف كل شي..
***
****
*****
(في المستشفى...)
,,كانت لطيفه حاطه إيدينها عالقزازه وعيونها مليانه دموع وتناظر لخالد...
اللي كان ملفوف بمهاد أبيض وفاتح نص عيونه اللي كانت تتحرك بسرعه حتى وجفونه مقفله وصدره يطلع وينزل بسرعه وكأنه عارف بحالة أمه وقلقان عليها..
,,حط عبدالرحمن يده على يد أمه وقال:
يــاحليله هالصغير.. يشبه أبوه وهو صغير..
لطيفه بألم: صح.. بس فمه مثل فم أمه.. يارب لايحرمه منها..
عبدالرحمن:خلاص يمه نرجع البيت عشان ترتاحين؟؟
لطيفه: طيب تركي علم مشاري؟؟
عبدالرحمن: تو تركي كلمني ويقول قاله..
لطيفه: ومشاري إش سوا؟؟
عبدالرحمن: يقول تركي إنه إنصدم ويللاه يللاه هدا..
لطيفه:توكلنا على الله وأنا أمك.. مشينا البيت..

02-04-2011, 03:29 AM

انا : رونق الاحساس

اضفني كصديق

((في بيت أبو متعب..))
أم متعب: وبعدين يامعاذ هذي حاله... الناس شبيقولون علينا؟؟
معاذ: أنا ماعلي من كلام الناس..
أم متعب: وبالله هذي حاله.. تارك دوامك وأشغالك ومعطل نفسك وقاعد هنا..
معاذ: يمه يرحم والديك حكينا بهالموضوع ألف مره وأنا قلتلك قراري ورايي..
متعب: بس يا معاذ مافيها شي إذا تراجعت عن قرارك..
إنت نفسك رحت للشيخ اللي أسيل تقرا عنده... وقالك قد إيش حالتها صعبه وهالعين اللي فيها قويه وعلاجها يطول..
وأبوها إنسان فاهم وعاقل وموضوعي وقالك إذا إنت تبي تطلقها مسموح ولاحد بيشيل عليك..
معاذ: بس أنا ما أبي أطلقها..
أستغني عن روحي ولا أستغني عن أسيل..
متعب: ياخوي الله يهديك..
ماحد يلومك والكل يعرف إنك تحبها وهالشي اللي هيه فيه هي مسكينه مالها ذنب ولا يد فيه..
بس كل مال حالتها تتدهور وحتى القراءه ماجابت معها نتيجه..
وإنت تظلم نفسك... وتظلمها مسكينه..
معاذ بصدمه: أنا أظلم أسيل؟؟
متعب: إي تظلمها بتمسكك فيها..
واللي يحب أحد يا معاذ لازم يظحي لحبيبه.. البنت ماطاحت ومرضت إلا بسبب زواجك منها.. ويمكن لا إنفصلتوا تتحسن حالتها..
,,بلع معاذ ريقه وهو يناظر تحت ومصدوم ومومصدق إن بعده عن أسيل هو حل..
أم متعب: وبعدين يامعاذ حتى لو البنت صارلها تحسن بسيط ورجعتلك.. وشدراك يمكن تنتكس وترجع أسوأ من أول..
,,تضايق معاذ بشده وأخذ مفتاحه وركب سيارته وجلس يدور بالشوارع وهو موعارف وين يروح..
***
****
*****
( في بيت أم عبدالرحمن..)
,,في الصاله..
,,كان الكل مكتئب وحزين وفرحان بخالد وبنفس الوقت زعلان على حالة رهف..
حتى الأطفال مكتئبين وجالسين مصدومين وحاسين بإحساس الكبار وصدمتهم..
,,كانت أسيل منسدحه عالكنبه وحاطه إيدها على عيونها وتبكي وتون ومنهاره..
وإيمان عند راسها وتمسح على شعرها وتحاول هي ومنى وأسماء فيها تسكت وتهدا..
أسيل: ياربي إشهالحظ إشهالحظ..
وشهالمصايب اللي إحنا فيها.. نطلع من حفره نطيح في حفره أكبر..
مسكينه رهف .. مسكينه..
لابحياتها مع أهلها سعدت ولابزواجها سعدت.. ولابولادتها لأول فرحه لها تهنت..
ويادوبك صفت حياتها مع مشاري راحت وخلت كل شي..
منى بحزم: أسيـــــل..
خلاص..قلنالك المره ما ماتت وشفيك تفاولين عليها..
وبعدين قصري حسك لايسمعك عمك مشاري مو بناقص..بروحه مسكين من يوم سمع الخبر وهو ماهدا ولا ارتاح..
أسماء وهي مهمومه وتحس بكتمه فظيعه:أسيل تعالي معي فوق ارتاحي قومي يللاه..
أسيل: مانيبرايحه مكان لين أشوف أبوي وجدتي وأتطمن على رهف..
,, عبدالرحمن: السلام عليكم..
الكل وهو ينظر بلهفه: عليكم السلااام..
,,وكانت لطيفه تمشي ورى وهي تعبانه وباين عليها الضيق والألم..
وتفز إيمان للمطبخ عشان تجيب للطيفه مويه..
عبدالرحمن: مشاري داخل؟؟
منى: إيه داخل ومعاه تركي وفيصل..
,,ويتوجه عبدالرحمن لغرفة مشاري..
منى: بشري ياعمه إنشالله رهف قامت؟؟
لطيفه وهي تشرب المويه بمراره: وين تقوم..
في غيبوبه والأكسجين عليهاوالأجهزه والأسلاك والأنابيب محاوطتها من كل مكان..
,,,نحيب أسيل المكتوم يزداد..
إيمان: طيب ياعمه والولد ..كيفه..
لطيفه وهي تبتسم بألم: بسم اللــه عليه... يــــا زينه..
يشابه أمه وأبوه.. صحيح إنه تعب بعد ولادته بس إستقرت حالته..
,,وتناظر لأسيل بكل رحمه وقلبها يعورها..
لطيفه: كان ماقلتولها..
منى: شنسوي ياعمه الكل درى ومن يوم مادرت ماسكتت..
لطيفه: وش نسوي قضاء الله وقدره..
,,وتقوم لطيفه وتقول:
أنا بروح عند مشاري أشوفه..
***
****
*****
( في شقة فراس..)
فراس: بالله وشضرك لو لبستي ورحنا المطعم تغدينا وغيرنا جو..
أبرار:.....
فراس: بس يللاه ماتنلامين..
أعرف مغص البطن وثقالة دمه.. ووشلون الواحد يتنكد وينقلب حاله لاحس بالمغص..
بس هاه بكره انشالله مافي مجال من أول اليوم بنطلع نتمشى ولابنرجع إلا آخر الليل..
هاه حبيبتي إشقلتي..
,,ويقرب فراس من أبرار ويحط إيدينه حاولينها وهومبتسم على أمل إنه يحظنها..
لكن أبرار فزت بسرعه ونفضت إيدينه وانطلقت لغرفتها..
,,هز فراس راسه وقال:
إنا للـــــه وبعدين معها هذي.. وشسالفتها؟؟
أحس خوفها مو طبيعي.. لايكون تعبانه وماقالوا لي..
آآآه يابنت خالتي.. بس ياليت الله يهديك وتهدين شوي وتخلينلي فرصه...
***
****
*****
(في بيت أم عبدالرحمن..)
,,في غرفة مشاري..
كان متسند وجالس عالسرير ويتنفس بصعوبه وماسك جوال عبدالرحمن بيده وكل شوي يرجع يعيد مقطع الفديو..
فيصل وهو ملزق راسه جنب مشاري: ماشالله يامشاري..
يهبل إسم الله عليه.. تصدق يشبهلك...
تركي: خلاص عاد..
عطوني الجوال بشوفه..
,,مشاري وهو يوقف المقطع ويرفع عيونه اللي كانت مليانه دموع ويبلع ريقه بألم وبصوت مبحوح:
يعطيك العافيه ياعبدالرحمن..
,,وينط تركي وياخذ الجوال من يد مشاري...
تركي: خلني أشوف خلودي..
عبدالرحمن: خلاص يامشاري قررت تسميه خالد..
مشاري وهو يتنهد: هااه... إيه...
على عمه الله يرحمه..
لطيفه: الله يحفظه إنشالله ويخليه لك..
,,كان مشاري يحس نفسه مخنوق ويتنقل بنظرات الحيره والخوف اللي تحمل مية سؤال وسؤال بين أمه وعبدالرحمن..
,,بعد ما لطف عبدالرحمن الجو وهدأ قلوب الكل بمقطع الفديو لخلودي الصغير.. أخيرآ قرر إنه يبدأ الكلام ويرحم قلب مشاري...
عبدالرحمن: مشاري..
أنا عارف إنك ميت وتعرف حالة رهف بالضبط.. وعارف إنك زعلان وثاير وتلوم المستشفى عاللي صار..
زوجتك يامشاري مثلها مثل أي وحده دخلت المستشفى وهي مستعده للولاده..
لكن لما شافوا الدكاتره إنه كل مال نبض الطفل يضعف وكل مال جهد رهف يضعف على طول قرروا يولدونها قيصري..
وولادتها القيصريه والمخدر ماله أي دخل بالغيبوبه اللي صابت رهف..
لاتخاف أنا ماسكت وحققت بالموضوع وأخذت كذا دكتور لها موبس الدكتور اللي سوالها العمليه..
الكل قال عن السبب الرئيسي بغيبوبة رهف فقر دم شديد وسوء تغذيه وضغوط نفسيه طول فترة حملها..
فيصل: طب يبه ماقالوا لك متى تقوم؟؟
عبدالرحمن: كلهم يقولون العلم عند الله..
تركي: طب وخالد؟؟
,,كان مشاري مدنق ومصدوم من كلام عبدالرحمن وبس سمع تركي يقول إسم خالد..
رفع راسه وصورة أخوه خالد قدام عيونه..
عبدالرحمن: لا الولد طيب ويقولون نقدر ناخذه البيت بعد بكره...
,,غمض عيونه مشاري وقال بنفسه:
سبحان الله كنت حاسس إن هالولد بيطلع من المستشفى ويجي عندي البيت لحاله من غير أمه..
يا الله ياكثر ماحلفت إني أطلقك يارهف وأنتزع ولدك منك وأخذه وإنتي أرجعك بيت أهلك.. ياكثر ماهددتك وخوفتك وعيشتك برعب إني أحرمك منه..
لكن الله إنتقم مني فيك.. وخذك بدون إرادتي أو إرادتك..
مشاري يلتفت لعبدالرحمن ويتكلم بصعوبه: مسموح لها الزياره؟؟
عبدالرحمن: إي مسموح..بس لوقت قصير..
مشاري: بروحلها..
عبدالرحمن: مشاري إنت تعبان ونفسيتك تعبانه ولو تروح عندها مابتلقى منها أي ردة فعل بيضيق صدرك وتتعب قلبك وتتعب زوجتك معاك وبس..
مشاري بضيق: وولدي.. أخليه مرمي هناك..
ورهف تقعد لحالها بالمستشفى.. وجود أحد جنبها ضروري مهما سار هذي مره موكفايه في ولادتها أنا مندفس نايم..
لطيفه: يامشاري لاتضايق عمرك ونفسك..
ترى أنا جايه بس أغير هدومي وأتحمم وارتاح وأرجع لرهف وخالد..
لاتخاف يا مشاري لاتخاف.. رهف ضعيفه ووحيده مالها إلا الله ثم إحنا.. موبعدله نخليها ..
ياعمري على رهف الله يستر لاتسير زي أمها..
أمها ولدت بها وقعدت يومين وتوفت.. وتشردت هالرهف بعد موتها.. لكن الله كريم انشالله إنها تقوم بالسلامه..
تفاجأ مشاري وقال: أم رهف ميته..
وأنا أقول ليش دايمآ تقول أمي منيره.. وليش تتكدر لاحد جاب سيرتها أثاريها مرة أبوها...آآآه يارهف..
,,سكتت لطيفه ثواني وتذكرت شكل رهف قبل ولادتها وتذكرت التوصيات وعورها قلبها وبعد تردد قالت:
مشاري ترى زوجتك قبل ماتولد وصتني أقولك تعلم صالح إذا ولدت..
إبتسم مشاري بألم وقال بنفسه:
كنها داريه إنها مارح تقدر تقوله بنفسها..
,,بعد هالكلام الكل طلع وترك مشاري معاه فيصل..
مشاري وهوماسك جواله: فيصل..خذ كلم صالح أخو رهف وقوله اللي صار..
مالي خلق أسمع صوت أحد ولاأكلم أحد..
,,مسك فيصل الجوال وهوحاس بصعوبة هالمهمه ويقول بنفسه:
لاحول الله.. عاد إلا صالح أحسه ضعيف وحساس ومن كلام مشاري إنه يموت بإخته..وتوه مسكين مزوج إخته الثانيه وفرحان فيها.. الله يعينه لاسمع الخبر..
***
****
*****
(في بيت أبوصالح..)
,,بالملحق..
كان صالح ماسك الجوال بيده وقابض عليه بأقوى ماعنده..
وحاط إيدينه الثنتين على راسه.. ويبكي بكاء شديد..
,,شوي ولا دخلت أثير وقالت:
صالح خذ ثوبك خلاص كويته...
,,لاحظت أثير حال صالح وعلى طول حطت يدها على قلبها وقالت بنفسها:
يا ويلي صالح عرف بمصيبة أبرار..
أثير وقلبها يرقع وبصوت مرتجف: صـــــالح إشفيك؟؟
,,صالح مايرد ومستمر يبكي...
أثير ودموعها تنزل: صالح تكلم ... ليه تبكي..
صالح: رهف.. رهف يا أثير.. رهف..
أثير جمد الدم بعروقها : رهف .. وشفيها رهف..
صالح: ولدت وجابت ولد..
أثير بصدمه وهي مي فاهمه شي: صالح وهذا شي يبكيك بهالطريقه..
صالح وهويرفع راسه ويناظر لأثير: وعلى طول دخلت بغيبوبه..
أثير: وشــــــــو... يعني إيش غيبوبه.. يعني إيش ياصالح تكلم؟؟
صالح بصوت عالي: يعني مايندرى.. بترجع تقوم أو لأ..
,,وتنهار أثير وتجلس جنب صالح وتجلس تبكي.. وتندب حظ إختها اللي ماعمرها تهنت وفرحت ولو بشي بسيط..
***
****
*****
في اليوم اللي بعده
""""""""""""""""
(في المسجد..)
كان فاصخ عقاله وحاطه جنبه ومتكي على عمود من أعمدة المسجد وماسك القرآن بيدينه وهو يرتجف..
ودموعه تنزل منه غصبن عنه وموقادر يوقفها أبدآ..
وعينه على آيه وحده...
[(ومن أعرض عن ذكري فإن له معيشة ضنكى ونحشره يوم القيامة أعمى*قال ربي لما حشرتني اعمى وقد كنت بصيرا * قال كذلك أتتك آياتنا فنسيتها وكذالك اليوم تنسى* وكذالك نجزي من أسرف ولم يؤمن بآيات ربه* ولعذاب الآخرة أشد وأبقى)]
كان كل ماخلص من قراءة هالآيه يرجع يقراها بشغف وبخشوع وببكاء أكثر من أول..
,,حس قلبه عوره من كثر البكي سكر القرآن بحنيه وأخذ منديل وجلس يمسح دموعه..
والتفت على مجموعة أطفال من سن خمس سنين فما فوق كانوا مسوين حلقه حولين الشيخ وكل واحد ماخذ دور ويسمعون سور من القرآن كل سوره أطول من الثانيه..
تنهد وهو يناظرلهم بحب وإعجاب..ولام أبوه اللي ماكان يحرص إنه ولده يسير حافظ للقرآن ولو حتى كان مجرد سور بسيطه..
,,حس جواله يهز بجيبه.. تنحنح وعدل صوته.. وطلع جواله ورد..
عزام: .. ألــو..
طارق: هلا عزوووم..كيفك.
عزام: حمدالله..
طارق:وشفي صوتك؟؟
عزام: لاولاشي..
طارق:طب ياخي وينك لقيت سيارتك واقفه برا ودخلت البيت قالي سليم منت بفيه..
عزام: بالمسجد..
طارق:طب انت لابس كويس؟؟
عزام: إيه ليه؟؟
طارق: تو فيصل ولد أخو مشاري دق علي وطلب مني آخذك ونروح عند مشاري..
الحين بمرك بالمسجد وآخذك..
عزام: غريبه..ليه وشصاير؟؟
طارق: والله ياعزام مادري شقولك..
يقول فيصل إن زوجة مشاري ولدت ودخلت في غيبوبه.. ومشاري نفسيته زفت وحالته حاله..
عزام: لالا...
إنا لله وإنا إليه راجعون..
طارق:خلاص دقيقه وأنا عندك...
,,وبالفعل راح طارق هو وعزام لمشاري وحاولوا يحسنون بنفسيته شوي..
بس لما شافوا مافيه أمل ..
وحسوا إن وجودهم ماخفف على مشاري ولاشي بسيط .. ودعوه..
وتوجهوا لبيوتهم وهم مقررين يزورونه كل يوم ولوكان لمدة نص ساعه ولايخلونه..

02-04-2011, 03:30 AM

انا : رونق الاحساس

اضفني كصديق

(في شقة فراس..)
,,تحديدآ بغرفة النوم...
,,,,الساعه 9,30 الليل..
,,كانت منهاره عالسرير وحاضنه المخده وترتجف..
وهوكان جالس عالكنبه ومتسند ومصدوم ويناظر قدامه وهو يتنفس بسرعه..
أبرار: فراس الله يخليك... الله يخليك ... إستر علي لاتقول لأبوي ولصالح الله يخليك..
,,فراس ساكت ومصدوم ...
وأبرار منفجره تبكي وتنوح وموقادره تسكت..
فراس بلهجه غريبه وبرود شديد: متى صار هالشي؟؟
,,أبرار ساكته وتبكي..
فراس بصوت عالي: تكلمــــــي..
أبرار:قبل زواجنا بشهور..
فراس: يعني قبل ما أخطبك؟؟
أبرار: إيـــه..
فراس: وليش واقفتي على الزواج مني, وانتي عارفه نفسك؟؟
أبرار: والله إني كنت أرفض.. بس أمي غصبتني عليك..
فراس: أمك تدري؟؟
أبرار: لاماتدري.. ماحد يدري..
فراس: منهو؟؟
,,أبرار رفعت راسها ووجهها مليان دموع وموفاهمه قصد فراس..
فراس: منهو اللي ×××××...
أبرار وهي تبكي: واحد تعرفت عليه..
فراس: وين تعرفتي عليه؟؟
أبرار: بالشات..
,,ابتسم فراس بقرف وطالع بأبرار وقال:
تدخلين عالشات يا أبرار؟؟
أبرار: أول ماتعرفت عليه من سنتين بالشات وعطاني رقمه وسرت أكلمه عالجوال..
,,جلس فراس يهز رجله وهو حاس إنه بيغمى عليه..
كان راسه يعوره وقلبه يدق بسرعه وقرفان ومتقزز إنه في يوم من الإيام مسك يد وحده زي أبرار واقترن اسمه باسمها..
,,لف نظره عليها وهويطالعها باستحقار وقال:
وشتبين أسوي فيك؟؟تكلمي؟؟
أذبحك.... ألفك بعباتك وأرميك عند باب بيتكم واقول لأهلك سواد وجهك..
أبرار: فراس الله يخليك..
والله مالي ذنب..مالي ذنب.... غصبن عني..
فراس: مسكينه يا أبرار..مافي شي غصبن عنك..
لك سنتين تكلمينه بالجوال وتقولين غصبن عنك.. المكالمه بالجوال لحالها أكبر مصيبه..
تعرفين يعني إيش مكالمات جوال..يعني سهر بالليل ..يعني ضحك وسوالف وكلام طالع نازل..
يكفي إنه سمع صوتك ونفسك..يكفي إنه سمع ضحكتك وآهاتك..
هذا كله كوم.. والإجرام اللي سويتيه بعمرك كوم..
أبرار وهي ترتجف: فراس.. إهو طول الفتره اللي فاتت معشمني بالزواج..
لكن بعدين جحدني وهزأني وهددني يعلم أبوي..
فراس ووجهه أحمر: إيــــــه خلاص خذ اللي يبي..
وشعاد يبي فيك.. إلا تعالي هنا...[ويقوم فراس من عالكنبه ويوقف على راس أبرار]
وين صار هالشي... تكلمي...
أبرار: باستراحه..
فراس وهو مصدوم: تروحين إستراحات يا أبراااار..
أبرار: لالالا.. والله مارحت..
,, وترفع راسها أبراروتناظر لفراس وهي ترتجف واعترفتله بطلعاتها الثنتين معاه وقالتله بالتفصيل عن الطلعه الثانيه اللي فقدت فيها الوعي وأخذها ناصر للإستراحه..
,,
تنهد فراس وهومكشر ومصدوم وعاقد حواجبه وقال:
تصدقين.. ماقد مديت يدي على حرمه..
بس الحين مادري ودي أمسكك وأقطعك وانتفك بإيديني إنتي والسافل حقك..
لكنك ماتستاهلين ولا شي.. ولاشي..
بغبائك ضيعتي نفسك ومستقبلك ودنيتك وآخرتك..
وضيعتيني معاك.. وبتفرقين بين العائلتين..
[بكاء أبرار يزيد ويدها على فمها]..
,,شال فراس شماغه وثوبه وأخذ مفتاحه وجواله وناظر لأبرار بكل إستحقار..
وطلع من الغرفه وسكر الباب وراه..
وركب سيارته وهومايدري وين يروح..
***
****
*****
في اليوم اللي بعده
""""""""""""""""""""
,,,بالمستشفى...
خلص عبدالرحمن أوراق خروج خالد وراح للحضانه واستلمه..
كان عبدالرحمن يشيل خالد بكل حب ورحمه وطول ماهو يمشي وعينه عليه..
وصل عبدالرحمن لغرفة رهف.. ودق الباب بيده..
,,كانت لطيفه قاعده على كرسي جنب رهف وتناظرلها بكل ألم ورهف على نفس حالها ومي حاسه باللي حولها..
قامت لطيفه ومسكت يد رهف بقوه وقالتلها:
الله يعجل بقومتك يارهف.. الله يقومك بالسلامه عاجل غير آجل..
,,وحطت غطوتها على وجهها وطلعت لعبدالرحمن..
لطيفه: هاته ياولدي عنك..
عبدالرحمن: لايمه خليه معي ولاركبنا السياره بعطيكياه..إنتي تعبانه..
,,, وتوجهوا للبيت مع الضيف الجديد (خــــــالد..)

***
****
*****
(في بيت أم عبدالرحمن..)
,,كان كل اللي في البيت متجمع حاولين سرير مشاري ومرتسمه على وجيههم بسمات فرحه وعيونهم تلمع من الحب اللي إنغرس بقلوبهم لهالمخلوق الصغير..
,,كان مشاري فاك مهاده وشايله برفق وملزق خده بخد خالد..
وكل شوي يسحب يده الصغيره بيده اللي تبلغ أضعاف حجم يد خلودي..
ويقربها لفمه ويبوسها بحب..
ساره: عمي مشاري..حرام عليك..
,,فتح مشاري عيونه باستغراب وناظر لساره..
ساره: عمي مشاري ذبحت خلودي بشنبك..
نغزته لين قال آمين شوف إشلون إذا بسته يغمض عيونه ويطلع لسانه..
,,الكل التفت لساره وهو يضحك..
مشاري: الحين هو ولدي ولا ولدك؟؟
كيفي أسوي فيه اللي أبي إنتي إشحارق رزك..
,,ويلتفت مشاري لتركي..
مشاري: شريت له سرير ياتركي؟؟
تركي: إيه نزلت أنا وإيمان وشريناله كل مستلزماته من الألف للياء..والسرير جو العمال وركبوه فوق بغرفة أمي..
مشاري: يمه معليش عارف إني تعبتك وزودتها معاك..
بس مابي خالد ينام بعيد عني.. أبيكم تنزلون سريره وتنامين إنتي وياه معاي..
لطيفه: إبشر يامي.. ماطلبت شي..
,,كان الكل ينقل نظره بين مشاري وخلودي..
ويطالعون مشاري وهوموراضي ينزل خالد وملزقه فيه..
ومره يبوسه على جبينه ومره على فمه ومره على رقبته وعلى إيدينه..
وهويحاول يمسك نفسه إنه مايبكي..
***
****
*****
(في شقة فراس..)
,,كانت أبرار جالسه على سريرها وضامه رجولها وتبكي..
..ياربي..يا الله من أمس مادخل البيت..
لايكون صار فيه شي.. شسوي أدق على أهلي؟؟
وإذا دقيت شقولهم..
ولاأقول مايحتاج أدق عليهم.. شكله هو راح لهم..
آآه يالمصايب.. يارب استر.. يارب..
,,,,
,,,,,,
,,,,,,,,
(في سيارة فراس...)
فراس: قال أيش عريس؟؟
اللي ذابحني وفاقع مرارتتي..إني من بين كل البنات إخترتها..
قلت بنت خالتي ومن لحمي ودمي ومارح ألقى أحسن منها..
ياربي أنا إشسويت بحياتي.. وش الذنب اللي ارتكبته عشان آخذ وحده مثل هذي..
طول عمري وأنا من دوامي للبيت ومن البيت للمسجد..
وأحب الخير للناس ونيتي صافيه للكل وماعمري أذيت أحد..
كنت أقول أسوأ مافي أبرار أبوها.. لكن مادريت إن كل مافيها سيئ..
لكن لأ... مو أنا اللي ينلعب عليه ويجلس ساكت..لازم أهلها يدرون عشان يسير الوجه من الوجه أبيض وماحد يلوم أحد..
,,طلع جواله من جيبه ومن دون تفكير دق على صالح..
صالح بصوت تعبان: ألـــو..
فراس: السلام عليكم..
صالح: عليكم السلام هلا..
فراس: كيفك ياصالح؟؟
صالح بعد صمت: ...حمد الله..
فراس: صالح بغيتك بموضوع.... فاضي أكلمك؟؟
صالح وهويتنهد: موضوع؟؟ خير يا فراس؟؟
,,انتبه فراس لصوت صالح وطريقته بالحكي وغصبن عنه قال:
عسى ماشر ياصالح وشفي صوتك؟؟
صالح: أبد سلامتك..
بس إختي الكبيره رهف تعبانه شوي..
فراس:سلامتها وشفيها؟؟
صالح بصوت مرتجف: ولدت ودخلت في غيبوبه..
فراس: لاحول ولاقوة إلا بالله.. [وسكت فراس وهو يبلع ريقه ]
صالح: ها فراس إشفيك سكت وشبغيت تقول؟؟
فراس:هااه... لاسلامتك ياصالح...
صالح: بس إنت تقول بغيتني في موضوع؟؟
فراس: هااه.. إيه .. إيه..
بس بغيت أسألك تعرف أحد في المطار.. لأني بغيت أسافر أنا وأبرار الشرقيه بدل السياره وتعبها ولا لقينا حجز..
صالح: لاوالله يافراس ماعرف أحد..
فراس: أجل خلاص يالغالي ما أطول عليك..
وسلامة إختك والله يقومها لكم بالسلامه..
,,وينهي فراس المكالمه وهو مقرر قرار حسه أهون وأرجح قرار ...
***
****
*****
(في بيت أبوصالح..)
,,بغرفة الجلوس..
,,كانت عين سلطان عالتلفزيون وبيده الريموت وبدون اهتمام قال:
الله يقومها بالسلامه..
منيره وفنجال الشاهي عند فمها: وانت ورى وجهك أسود وشايل هموم الدنيا على راسك.. عادي..
هذي الجازي بنت خالة أبوك قعدت أربع شهور متنومه وبغيبوبه وكل من شافها حلف إنها مارح ترجع تقوم وبتموت..
وهذي هي قامت ورجعت أحسن من أول.. [وتبتسم منيره بخباثه وشماته]
بس يوم قامت لقت رجلها متزوجن عليها..
,,كان صالح واقف ويسكر أزرار ثوبه وهويطالع بأمه وأبوه بكره وقلة حيله ويتوجه للباب عشان يطلع..
منيره: وين رايــح؟؟
صالح: وين يعني..
إذا إنتم مستغنين عنها وماجبتوا خبرها فهذي إختي ومستحيل أخليها..
,,ويطلع صالح وهو معصب...
منيره: الله يهديه مادري ليه يتعب عمره.. فاقده وعيها شيروح يزين؟؟
أثير وعيونها مليانه دموع: المفروض إنتي اللي تروحين لها موبس هو..
ولا نسيتي إنها إختنا..
منيره بشماته: لامانسيت...الله يقومها بالسلامه..
إلاصح مادقت عليك إختك أبرار؟؟
أثير بقهر: ماحد دق..
,,وتقوم وتخلي الجلسه وتطلع فوق..
منيره: ياعمري على أبراروالله إني فاقدتها..تاركه بالبيت فراغ كبير..
وماتكلمني إلا بالقطاره.. الظاهر إنه فراس طول الوقت معها عشان كذا ماتقدر تكلمني براحتها.. الله يتمم عليهم سعادتهم يارب..
***
****
*****
(في المستشفى..)
,,مسح دموعه بألم وجلس عالكرسي ومسك يدها..
صالح: ها رهف حبيبتي... خلاص ترى إشتقنالك..
وأنا اليوم جاي متحمس عشان أشوف خلودي..بس لقيت أهله ماخذينه..
خلاص ماودك تقومين..
,,وبلحظة يأس حط إيدينه الثنتين على راسه ونزل راسه ورجع يبكي..
صالح: يا الله أحس نفسي مجنون.. مجنون..
أتكلم وما أسمع إلا صدى صوتي..
آآه على حالك يارهف.. آآآه..
ياليته فيني ولا فيك ياليته فيني ولافيك..
,,
,
***
****
*****
(في شقة فراس..)
,,بعد ساعات طويله من الإنتظار والسهر والتفكير..
مالت على المخده وغفت عيونها بتعب شديد واستسلمت للنوم..
,,بأقوى ماعنده فتح الباب .. ومع فتحة الباب فزت وقامت من عالمخده ورجعت جلست مكانها وهي ترتجف..
دخل بهدوء شديد ووجهه مسود وتعبان وبيده كيس وجلس عالكنب..
,,رمى الكيس عالسرير وقال:
تعشـــي..
,,طالعت أبرار بالكيس وهي خايفه وقلبها يرجف..
فراس: لايكون بعد عندك عاهه في سمعك وماتسمعين..
يللاه خذي الكيس وتسممي..
أبرار برجاء: فراس..ما أبي..
فراس: لاياشيخه..
عدم أكلك وصومك..مارح يعدل شي..فالأحسن إنك تاكلين..
ولاتدهورين في نفسك أكثر من التدهور اللي إنتي فيه..
,,حست أبرار بكلام فراس زي نغزات السكين بقلبها..
فراس بنبرة صوت عاليه: إسمـــــعي..
بأحسبلك ربع ســـاعه.. ربع ساعه بس تاكلين فيها وتجيني الصاله..
ولاتتغلين وتقعدين مقفله على عمرك وتحسبيني بجي أراضيك وأدورك..
لاااا خلاص زمان أول تحول..
ربع ساعه إما جيتي عرفت إشلون أجيبك..
,,ويطلع فراس ويترك أبرار منهاره عالسرير..
,,,,
,,,,
,,بعد عشر دقايق..
كان فراس جالس عالكنبه ومتخدد ووجهه أحمــــر وتعبان ونفسه ثقيل..
وفاتح ياقة ثوبه ويغمض عيونه ويقفلها بتعب..
,,شوي ولادخلت أبرار وهي تنتفض وجلست على أطرف كنبه وهي منزله راسها..
ناظر فيها فراس من فوق لتحت بتقزز وقرف وبعدين تنهد ورجع يناظر بالتلفزيون اللي كان مفتوح على قناة فراس المفضله (قناة المجد)..
فراس بصوت متعب: إسمعي يا بنت الناس..
أنا دقيت على أخوك صالح...
[بس سمعت أبرار هالجمله حطت يدها على قلبها وشهقت وهي تبكي]
فراس:وكنت ناوي أقوله عنك..
بس ماقدرت.. لسبب واحد إني إنسان وعندي دم وضمير..
إختك رهف ولدت ودخلت بغيبوبه وأخوك صالح حالته حاله ونفسيته زفت..
رحمته ورحمت أهلك.. وزي منتي عارفه ظربتين بالراس توووووجع..
شـــــوفي..
[هنا أبرار بلعت ريقها وهي ترتجف ودموعها ماوقفت]
أنا بخليك عندي هنا..تاكلين من اللي آكله وتشربين من اللي أشربه..
وإذا جيتي تنامين.. غرفتي لاتقربين منها..
والحين... الحيـــــــن.. تروحين تشيلين المفرش اللي عالسرير اللي حظرتك كنتي نايمه عليه وتحطينه بكيس زباله..
وأنا بنفسي بفرش لي مفرش ثاني إيدينك الكريمه مانجسته..
وأحذرك..أحذرك لاتحاولين تكلميني ولا لسانك يخاطب لساني..
إلين يمر على زواجنا السعيد فتره وأرجعك بيت أهلك..
وترى هاااه.. والله موعلشان خاطر عيونك..
بس على شان سمعتك بين الناس....
اللي كاسر ظهري إنك بنت خالتي..
بنت خالتي يا أبرار.. بنت خالتي..
,, فز فرااس من مكانه وهوبقمة الألم والقهر والصدمه ودخل غرفته وأخذ منشفته عشان يروح يتحمم ويصلي ركعتين..
وهوطالع من الغرفه ومتوجه للحمام وعيونه بالأرض مادرى إلا وأبرار طايحه عند رجوله وهي تبكي ومسكت يده بيدينها الثنتين وجلست تبوسها بقوه..
,,وقف فراس بكل صدمه وألم وهويناظر بأبرار وهي مرميه عالأرض وحاضنه يده بيدينها وجالسه تبوسها وبعدين حطتها على خدها وهي تبكي..
سحب يده بهدوء وبرود وقال:
ماله داعي تذلين نفسك.. يكفي المذله اللي إنتي فيها..
,,ويكمل طريقه فراس للحمام ويترك أبرار منهاره عالأرض ..
(في بيت أم عبدالرحمن...)
,,الساعه عشر الصباح..
,,بعد ليله مجهده مرت فيها أم عبدالرحمن كانت نايمه عالكنبه وحاطه يدها على عيونها..
فتحت عيونها بشويش وشالت يدها وشافت الساعه ورجعت ناظرت لمشاري وابتسمت..
كان مشاري جالس على طرف السرير وحاط خالد بحضنه وماسك يده وهومبتسم وباين على وجهه النوم لأن عيونه منفوخه..
لطيفه وهي تعدل جلستها: صباح الخير ياولدي..
مشاري: هلا يمه..صباح النور..
لطيفه: شكله صحاك؟؟
مشاري وهويبتسم: وهو نومنا أصلآ أبو الشباب..
لطيفه: ههههههههه الله يحفظه ويحميه..
مشاري: سامحيني يمه... تعبتك..
لطيفه: يامشاري تعبك راحه..
وبعدين ماينلام ضعيف.. تحسبه مايحس بفقدان أمه...
مشاري وهوينزل راسه ويطالع بخالد: الله يعينه ويعينا..
,,ويشيل مشاري خالد ويقول:
يمه... تعالي خذيه..
,,وبعد ماخذت لطيفه خالد مد مشاري يدينه وخذ العكازات..
لطيفه باستغراب: وين تروح ياولدي؟؟
مشاري: بتحمم والبس وأروح لرهف..
لطيفه: تروح لها الحين؟؟
مشاري: يمه المره لها أربع أيام في المستشفى ماشفتها.. كذا مايسير..
لطيفه: ياولدي إنت تعبان ويالله يالله تمشي.. وهي مسيكينه ماتدري ويـــ....
,, سكتت لطيفه لما شافت نظرات العتاب والهم والحزن بعيون مشاري اللي كان واقف على عكازاته ويناظر لأمه بكل عتب..
,,,
,,,
وبالفعل تحمم مشاري عالسريع وركب مع السواق وراح للمستشفى..

02-04-2011, 03:31 AM

انا : رونق الاحساس

اضفني كصديق

(في المستشفى...)
,,انفتح باب الأصنصير..
وطلع مشاري منه وهويمشي بكل تعب وعيونه تدور بين الغرف إلين طاحت عينه على الغرفه اللي فيها رهف..
أخذ نفس وبلع ريقه وتوكل على الله ودخل الغرفه..
,,أول مادخل مشاري عقد حواجبه وغمض عيونه بقوه ونزل راسه..
كان مومصدق عيونه ولاهو مصدق إن هاللي قدامه رهف... جلس بكل صدمه عالكرسي اللي جنبها وهو يقول : لا..لا... مستحيل.. مستحيل هذي رهف..
مد يده وهي ترتجف ومسك يدها وأول مامسك يدها شهق وعيونه تتحرك بسرعه..
بصوت مرتجف:..رهف.. رهف..
بتقومين يارهف.. بتقومين.. صح..صح..
مستحيل تخليني مستحيل.. من لي أنا وخالد من لنا..
رهف قومي وشوفي ولدك..شوفي خالد.. شوفيه..طول الليل بهذلنا وأذانا بس يبكي..
يدورك..يبيك مثل ما أنا أبيك.. [وتنزل دموعه غصبن عنه]..
رهف نسيتي اللي اتفقنا عليه نسيتي....
مااتفقنا على إنك تولدين وأنا أخلص امتحاناتي وأفك الجبس وأسافر أنا وياك.. ولانخلي دوله تعتب علينا..
لايكون يارهف بتخربين اتفاقك معاي وتتركيني.. ماتعودت منك إنك توعديني وتخلفين بوعدك..
[ويزداد بكاء مشاري] رهف.. رهف..
ليه إيدك كذا ليه..
موهذي إيدك مو إنتي رهف..
وين إيدك البيضاء الناعمه الدافيه اللي لامسكتني نسيت الدنيا ومافيها..
وين إيدك يارهف اللي كنت أتلهف أمسكها وأحطها على خدي وأهيم في عيونك..
رهـــــــف.. إيدك حسستني بالضياع بالخوف والغربه..
ليه بارده وجافه ومافيها روح...
رهف أنا عارف إني متأثر بالأفلام ومدمن عليها..
بس يمكن اللي فيها صح.. رهف إذا تحسين بيدي وتسمعين صوتي.. اضغطي على إيدي بيدك..
رهف تكفين يللاه إضغطي على يدي.. علميني إنك تحسين فيني وبوجودي...
تكفين يارهف تكفين..
,,ويدنق مشاري ويحط راسه على كف رهف ويبكي بكاء شديد ويرجع يرفع راسه ويحط يده على جبين رهف ويده الثانيه بيدها وقال..
رهف أنا آسف على كل اللي سار وندمان.. ندمـــــــان على كل اللي سار ...
ندمان قد شعر رااااسي..
بس قومي.. قومي..
,,,إستمر مشاري يبكي ويبكي وهو مومستوعب أبدآ الحاله اللي فيها رهف...
ومومصدق عيونه أبدآ.. ويحس كأن أحد يعصر قلبه..
,,وبعد ماجلس فتره عند رهف .. مسح دموعه وخذ نفس..
وراح مكتب الدكتوره يستفسر عن رهف ويتطمن عليها ... وبعدها بكل تعب وكسرة نفس رجع للبيت...
(في المدرسة..)
,,كانت حاطه راسها على طاولتها.. مع إن الكل نزل للساحه عشان وقت الفسحه إلا هي..
ماحست إلا بيد على كتفها..
رفعت راسها وعيونها مليانه دموع..
مشاعل: أثير إشفيك ..
أثير: ولا شي.. بس مصدعه شوي..
مشاعل: أثير.. إنتي لك أيام على هالوضع.. لاتقعدين معانا ولاتتفسحين..
ولاتذاكرين ولامهتمه بدراستك زي أول.. وبس سرحانه..
أثير: صدقيني يامشاعل بس صداع بسيط..
مشاعل: أتمنى يا أثير إنه صداع.. لأنه الكل مستغرب من الحاله اللي إنتي فيها..
ولا تنسين يا أثير إنه إحنا ثالث ثانوي..
,,وتقوم مشاعل وتخلي أثير..
سندت أثير ظهرها عالكرسي وناظرت بالأرض بكل حزن وقالت:
إشلون أركز واجيب نسبه واقعد مع صديقاتي..
والهموم راكبتني ركب..
رهف في غيبوبه.. ومايندرى متى تقوم؟؟
وأبرار والقنبله الموقوته اللي ممكن تنفجر في أي وقت..
وتدمر عايلتنا وتدمر أبرار ..
يارب فرجك... يارب فرجك..
يارب شيل من على قلبي هالهموم يااارب..
***
****
*****
(في بيت أم عبدالرحمن..)
,, الساعه 8 الليــل..
,,بمجلس الرجال..
,,طارق وهو يناظر بكل إعجاب ويميل لمشاري..
طارق: تصدق يجي منه..
..مشاري يبتسم ويناظر بفيصل اللي كان الثاني يبتسم..
,,إلتفت عزام وهو شايل خالد بين إيدينه وطالع في مشاري وطارق وفيصل وقال:
داري إنكم تظحكون علي وماخذيني مسخره داري..
طارق:ياخي ماحد يتمسخر عليك الله يهديك..
بس ياخي ماشفت نفسك ماشالله عليك شايل خلودي بكل حنيه وحب..
كنك أم جايبه ثلاث بزارين.. مابقى إلا تفك أزارير ثوبك وتعطيه الــــ....... هههههههه...
,,ويجلس مشاري وفيصل وطارق يضحكون...
عزام: والله ودي.. بس ماينفع ماعندي..
بس صراحه الود ودي أمسكه وآكله بسم الله عليـــــه يجنن يامشاري..
طارق بلهجة تهديد: عزاااموه.. أنا بسكت وبسكت..
لكني بثور وأترفس ببطنك وآخذ الولد غصبن عنك..
عزام: معصي.. مارح أخلي أحد يشيل خلودي طول ما أنا موجود..
فيصل: إلا صح عزام دامك تحب البزارين وماشالله عليك باين إنك حنون من شيلك وحطك لخالد ليه ماتتزوج؟؟
عزام: على يدك يافيصل.. دورلي بنت الحلال وزوجني على ذوقك..
طارق وهو يأشر لعزام: ياخي ابلشتنا..
نسيتني اشبغيت أقول لمشاري..
,, ويدخل طارق يده بجيبه ويطلع ورقه..
طارق: خذ يامشاري اليوم رحت الجامعه وسلمتهم التقاريرالطبيه حقتك..
ورحت عند كل دكتور وحدد موعد امتحاناتك..خذ هذا جدولك..
,,مشاري وهوياخذ الجدول: الله يعطيك العافيه..
,,ويفتح مشاري الورقة وأول ماشاف مواعيد امتحاناته طارت عيونه وقال:
طـــارق ليه كذا حددت المواعيد قريب..مايمديني..
طارق: لا موقريب..حزة امتحاناتك زينه..
وبعدين يمديك تذاكر على راحتك.. أحسن من قعدتك بالبيت فاضي..
فيصل: إلا صح ياطارق مبروك التخرج..
طارق: الله يبارك فيك..عقبال مشاري وعزام..
عزام وهويناظر بحقد: إيــــــه تخرج الدافور فيه عرق سواريه..
طارق وهوخايف وبعصبيه: قل ماشاللـــه..
فيصل وهويضحك: ليه ياعزام إنت حملت مواد..
عزام: إيه مادتين..
مشاري: أجل بالله هات ولدي..
لاتعديه ويسير مثلك .. بليد وماينجح إلا بالدف..
***
****
*****
(في بيت أبو متعب...)
,,كان متمدد عالسرير وهو مهموم وماسك جواله وهو مشتاق وعطشان إنه يسمع صوتها..
وكله أمل وشوق إنها ترد وتروي ظماه..
وفجأه فز من نومته وعدل جلسته وقال بكل لهفه: ألــــو..
ألـــــو...
أسيل ببرود: ألــو..
معاذ:هلا حياتي....أنامومصدق إنك رديتي علي..
..حبيبتي أسيل كيفك؟؟..
,,أسيل ساكته ومايسمع معاذ إلا صوت نفسها..
معاذ:أسيل ليه ساكته.. تكفين تكلمي..
,, أسيل على نفس حالتها..
معاذ: أسيل تكفين سمعيني صوتك تكلمي قولي أي شي.. لاتجلسين كذا ساكته..
أنا ماصدقت تردين علي.. أيام وأنا أحاول وأدق..على أمل إني أسمع صوتك..
يامقفله جوالك ياماتردين...
..عشان خاطري أسيل تكلمي..
,,وبعد صمت ثواني حسها معاذ إنها أطول ثواني مرت عليه بحياته قالت:
معــاذ..
معاذ:لبـيـــــــــه... ياروح معاذ..
أسيل بصوت باكي: معاذ إنت تحبني؟؟
معاذ بلهفه: أكثر من روحي يا أسيل..
أسيل: كذاااب..
معاذ وهومصدوم: أنا كذاب... الله يسامحك يا أسيل..
ليه تقولين عني كذا؟؟
أسيل وهي تتنفس بصعوبه:اللي يحب ما يأذي حبيبه..
معاذ: أسيل أنا ءأذيك...
أنا ءأذي عمري ولاءأذيك..
أسيل: أجل ليه متمسك فيني..
معاذ: لأني أحبك.. وانتظرك تقومين بالسلامه..
وآخذك ونروح أنا وياك شقتنا بأسبانيا..ونعيش مع بعض طول العمر..
أسيل وهي تبكي: وش تنتظريامعاذ؟؟
معاذ: أنتظرك يا أسيل..
أسيل: معاذ إنت تنتظر سراب..
خلاص أنا مافيني أمل.. مافيني أمل..
لاتضحك على عمرك.. وتضيع وقتك ونفسك..
معاذ: إشهالكلام يا أسيل؟؟
أسيل برجاء: معاذ.. إذا تحبني.. شوف حياتك...
وانســـــــاني..
معاذ: وشــــــو...مافهمت..
إشقصدك.. بأنساك...
أسيل: معاذ..
إنت موحاس فيني... إشلون تبيني أرجعلك وأرجع أعيش معاك وأنا بس الحين قاعده أكلمك أحس نفسي بموووت..
الله يخليك يامعاذ .. الله يخلييييك..
طلقنـــــي.. [وتنهار أسيل وتبكي..]
,, إنصدم معاذ وحس الدنيا تلف وتدور فيه وقال بإنفعال: أسيــــــل..
,,,,لكن معاذ ماقدر يكمل كلامه لسبب بسيط .. إن أسيل سكرت الخط..
حس معاذ إنه موقادر يتنفس وتفكيره منشل والدنيا بعيونه سودا..
,,رجع إنسدح عالسرير وهو مصدوم ومومصدق إن الطريق مع أسيل وصل للنهايــــــه..
ومو أي نهايه ... الطلاق..
***
****
*****
(في شقة فراس..)
,,الساعه 6,25 العصر..
,,ناظر ساعته بكل ملل وأخذ نفس عميق..
كان يحس الوقت قاتل ويمشي ببطئ..
فراس: إنـــــالله.. بالله هذي حاله..
موقادر أطلع ولاأنزل وأخليها لحالها.. وإذا شافوني الجيران والناس وحسوا بخروجي ودخولي لحالي.. مشكله..
ولاقادر حتى أشوف زملاي وأطلع معهم.. إشبيقولون علي..
عريس ومخلي عروسته وقاعد بالإستراحه مع الشباب..
كله كوم.. وشوقي للدوام كوم..
عمري ما اشتقت للدوام مثل هالإجازه اللي أنا فيه..
..قال إيش إجازه.. أسوأ إجازه مرت علي بحياتي..
,,ويقطع تفكير فراس صوت أذان المغرب..
حط فراس إيدينه الثنتين على عيونه وسوى مساج خفيف لعيونه..
ورفع راسه وقال: لااله اللـــه.. الله أكبر.. الله أكبر..
اللهم رب هذه الدعوه التامه..والصلاة القائمه..
آت نبينا محمد الوسيله والفضيله.. وابعثه اللهم المقام المحمود الذي وعدته..
رضينا يالله ربآ.. وبالإسلام دينآ... وبمحمد نبيآ ورسولآ...
,,وقام فراس ودخل الحمام وتوضأ وطلع من الحمام وهوينزل أكمامه..
وبعدين التفت للغرفه اللي تجلس فيها أبرار.. وتنهد واتجه للغرفه وفتح الباب..
,,كانت هالغرفه فاضيه ومافيها حتى موكيت لأن فراس قبل الزواج كان مخطط إنه يخلي أبرار تأثثها على ذوقها ويخلونها إستقبال للحريم..
,,لما دخل فراس لقى أبرار فارشه عالأرض بطانيه وحاطه على هالبطانيه مخده ومسفطه على آخر البطانيه لحاف عشان إذا نامت تتغطى فيه..
وكانت ضامه رجولها على صدرها وحاطه راسها على ركبتينها وجنبها كاسة مويه مشروب منها النص بس..
فراس بلهجه جديه:
أبراااار..
,,شهقت أبرار ورفعت راسها وطالعت بفراس وباين على عيونها االتعب..
فراس: تغديتي؟؟
,,أبرار نزلت راسها وطالعت بالأرض وهي ساكته..
فراس وهو عاقد حواجبه: ماتبين تاكلين كيفك..
لكن أنا ملاحظ عليك يا بنت الناس من يوم ماجبتك عندي هنا ماشفتك تركعينها..
,,استحت أبرار ونزلت راسها وعيونها مليانه دموع وموقادره تفتح فمها بكلمه..
فراس: شوفــــــي..
أنا مايمشي معي هالكلام..إني أسكن أحد معي كائنن من كان وهو مايصلي..
لو انتي سيلانيه مسيحيه مومشكله عذرتك..
لكن أحب أذكرك إذا نسيتي إنك مسلمه والصلاه عليك واجبه..
..قومي صلي يللاه.. يللاه..
,,أبرار تبلع ريقها بصعوبه وماتدري شتسوي..
فراس بصوت عالي: إخلصي قومي صلي...
ولاتتعذرين لأني من يوم ماخذتك ماعمري شفتك تصلين..
,,ويرفع شفته بتقزز,,, يعني مو معقوله للحين ماخلصتي..
,,ويطلع فراس ويترك أبرار تبكي..
,,,,,,بعد مرور أسبوعين على هالأحداث...
"""""""""""""""""""""""""""""""""""
(في بيت أم عبدالرحمن..)
,, في غرفة مشاري..
كان فيصل جالس عالكنبه وبيده كتابه وعاقد حواجبه وكل ماجى يقوم يصرخ عليه مشاري ويقول:
إنثــــبر... إقعد ذاكر..
فيصل: أوووووف... مشاري ترى حامت كبدي.. زهقت..
مشاري: استح على وجهك توك بامتحانات أعمال السنه وطفشان أجل بامتحاناتك النهائيه شتسوي؟؟
فيصل: إن اللي محوم كبدي إني باقي مطول..
موزيك خلاص كم أسبوع وتخلص امتحاناتك البديله وتتخرج..
,,ويتمدد فيصل عالكنبه وينام على بطنه ويحط الكتاب عالأرض وينزل إيدينه عالأرض ويدنق براسه عشان يعرف يقرآ..
,,جلس مشاري يناظره ويضحك على هالنومه الغريبه..
,,شوي ولادخلت أسيل وهي ترفع شعرها بالشباصه وبعدين وقفت وهي متنحه..
مشاري: وشفيك ؟؟
أسيل: حشى داخله مستشفى مجانين..
مشاري: ليه عسى ماشر؟؟
أسيل: إنت حظرتك ماعليك إلا علاقي زيتي وشورت برتقالي..
ومن عهد الفراعنه ماحلقت لادقنك ولاشواربك..
ومنوم ولدك هالضعيف على صدرك.. وحاط كتابك على فخذك وفخذك الثاني من أوله لآخره جبس..
والأخ الثاني نايم على بطنه ويقرآ كتابه اللي حاطه عالأرض..
مشاري:الحين إنتي إشتبين إخلصي؟؟
أسيل: طفشانه.. أبي ولدك..عطنياه..
مشاري وهورافع حاجب ومنزل حاجب: لاواللـــــه..
لايكونه لعبه وأنا مادري ولا قيم بوي ولابلاي ستيشن تتسلين فيه..
أسيل وهي تجلس عالسرير وتاخذ خالد: أقول جيبه وأنت ساكت..
,,ويوم خذت خالد,, قعد خالد يحرك إيدينه بسرعه ويفتح عيونه ويقفلها بسرعه..
مشاري:لاحول اللــــه... أزعجتيه هالضعيف..
أسيل وهي تقوم من السرير وخالد على يدها:
يللاه ذاكر إنت وياه.. وأنا باخذ خلودي وأطلعه عن جو الكآبه اللي إنتوا فيه..
,, وبس طلعت أسيل تنهد فيصل ورجع جلس وهو يحك جبهته..
مشاري: فيصل وش صار على موضوع أسيل؟؟
فيصل: على حطة إيدك..
آخر شي سمعته من أبوي وأمي إنهم بيطلبون من معاذ يطلقها..
مشاري: لاحول ولاقوة إلا بالله ...
الله يشافيها ويكتبلها الأجر على هالتعب وهالحاله اللي سارت فيها..
من يصدق أسيل يسير فيها كذا..لكن حسبنا الله ونعم الوكيل عاللي كانوا السبب...
بس صراحه بيض الله وجه هالمعاذ.. كل يومين أربع أيام وهو عندنا..
ودايم يده بيد عبدالرحمن.. وطول الوقت يقوله إن اللي سار لأسيل قضاء وقدر ومالها يد فيه وشيل ياعمي فكرة الطلاق من راسك..
فيصل: الله يستر.. لكن الظاهر إن الطلاق ساير..ساير..
مشاري: صح فيصل ..
كلمت عبدالإله وباركتله؟؟
فيصل:على إيش أباركله؟؟
مشاري: القلود ...جاله ولد زيي..
فيصل: ماشالله..خلني أدق عليه وأقوله يسميه فيصل علي..
مشاري: لاتتعب نفسك خلاص سماه على اسم أبو زوجته..أحمد..
فيصل: لاااا.. أجل ماله داعي أكلم أحد..
مشاري: اقول كلم عمك وباركله بلا مبزره..

02-04-2011, 03:32 AM

انا : رونق الاحساس

اضفني كصديق

(في المستشفى..)
,,بعد محاولات جاهده من أسماء إنها تقنع أسيل تروح معاها عند رهف..
كانت تمشي أسيل بأسياب المستشفى وهي حاسه بخوف ماتدري إشسببه وترتجف..
وأفكارها تودي وتجيب ..لكن قطع تفكيرها صوت أسماء:
أسيل ترى وصلنا غرفة رهف..
أسيل: هااه..
أسماء: يللاه تعالي ندخل..
,,خذت أسيل نفس ومشت قدام أسماء وأول مادخلت الغرفه دق قلبها بسرعه وامتلت عيونها دموع..
وقالت بنفسها بلهفه: صـــالح..
وقفت أسيل وتسمرت مكانها ولادرت إلا بأسماء وهي تمسك يدها:
أسيل تعالي نطلع ونقعد برا بالإنتظار هذا أخو رهف عندها..تعالي نستناه إلين يطلع..
,,لكن لما سمع صالح اللي كان معطي الباب ظهره الصوت وإنتبه إنه في أحد دخل الغرفه إلتفت وعيونه مليانه دموع..ووجهه تعبان ومتكدر..
وبس شافت أسيل وجه صالح شهقت بشويش وسارت تعض على شفتها عشان ماتنطق إسمه وتفشل عمرها..
,,بس شاف صالح أسيل وأسماء قام من عالكرسي وعدل شماغه وقال:
تعالوا إدخلوا تفضلوا أنا طالع..
أسماء:لاإرتاح إحنا بنروح الإنتظار..
صالح: لاخلاص إدخلوا.. أنا طالع..
,,ويمشي صالح ويمر من جنب أسيل وهو متوجه للباب وكل أسيل شوق إنها تمد يدها وتحط كفه بكفها...وتشبك أصابعها بأصابعه..
لكن صالح كمل طريقه وطلع برا الغرفه وهو موعارف إن هالإنسانه اللي مر من جنبها أول حب بحياته..أسيل..
,,كان قلب أسيل يدق بسرعه وتتمنى شي واحد إنها تحس بالأمان اللي افتقدته من زمان ومؤمنه إيمان تام إنها مارح تلقى الأمان إلا بين إيدين هالإنسان..
,,ويقطع تفكيرها صوت أسماء..
أسماء: أسيل إفصخي نقابك خلاص طلع تعالي نسلم على رهف ونقعد عندها شوي..
,,رجعت أسيل لأرض الواقع وتنهدت وفصخت نقابها وقربت من رهف..
وبس طاحت عيون أسيل على رهف..شهقت.. وماقدرت تمسك دموعها..
أسماء بصوت باكي:أسيل خلاص..الدكتور مانع من الإنفعال عندها..
أسيل: أسمــــاء..ليه رهف كذا ليه..
أسماء: وشرايك وحده لها فوق الثلاث أسابيع فاقده الوعي..
أسيل: وليه كذا وجهها منفوخ..وإيدينها ورقبتها... ليــــــه..
أسماء وهي تبكي: مادري..مادري..
أسيل: حسبي الله عليهم هالرجال حسبي الله عليهم..
هي مرميه هنا وماتدري وفي عداد الميتين.. وهوماخذ راحته وعايش حياته وولده بين إيدينه ويمتحن إمتحاناته ورايح جاي للعياده يسوي علاج طبيعي..وناسيها..
أسماء: حرام عليك يا أسيل لاتظلمينه..
تراه كل يوم عندها..بس هومايتكلم ويقول إني رحت لها..
وإذا عمي مشاري يضحك ويسولف ويقعد معنا..تراه يكابر والكل حاس فيه إنه منحرق من جوا وفاقدها..
أسيل وهي تمسح دموعها: والله ماجاب خبرها..
أسماء بتحدي: واللي يثبتلك يا أسيل؟؟
أسيل: إشلون تثبتين..
أسماء: ماعليك إنتي.. بس إذا ناديتك وقلتلك تعالي معي عند عمي مشاري تجين بسرعه..
أسيل: ليه؟؟
أسماء: إذا رحنا عند عمي مشاري بتعرفين..
أسيل برجاء: أسماء تكفين خلينا نرجع البيت .. أحس قلبي يعورني..
[وتبكي أسيل] والله أحسه بيوقف موقادره أصدق إن هاللي قدامي رهف..
خلاص خلنرجع البيت..
,,ويتوكلون على الله أسيل وأسماء.. ويودعون رهف وداع حار بالقبلات بجبينها وخدها .. ويرجعون البيت..
***
****
*****
(في مستشفى آخر..)
الدكتور: يللاه الجبس وفكيناه بس ضروري تجي في المواعيد اللي نعطيكياها عشان العلاج الطبيعي..
مشاري وهوينزل رجله من عالسرير:آآآه..بس للحين ما أحس فيها..
الدكتور: شي طبيعي لاتقلق..مع العلاج الطبيعي بيرجع كل شي تمام..
ولاتستعجل وتدعس عليها..خلك بالأيام الأولى معتمد على العكازات وإذا قدرت عكازه وحده..
وحاول ماتتعب نفسك وتبذل مجهود كبير..
مشاري: هالأيام غصبن عني ببذل مجهود..
الدكتور: ليه إشعندك؟؟
مشاري:بقالي كذا امتحان وضروري أروح الجامعه وامتحنه..
غير كذا عندي الأهل بالمستشفى..
الدكتور: الله يوفقك بامتحاناتك.. ويقوم أهلك بالسلامه..
,,,,
,,ويطلع مشاري من المستشفى ويتوجه للمستشفى اللي فيه رهف.. عشان يبشرها إنه فك الجبس..
وهو كله أمل إنها يلقاها استردت وعيها..
لكن كالعاده يروح ويجلس جنبها عالكرسي وهي فاقده وعيها...
ومي حاسه باللي حولها..
***
****
*****
(في بيت أم عبدالرحمن..)
,,في غرفة لطيفه ...
,,كانت منيره جالسه على سريرها وهي مهمومه ومتضايقه وتحاول تكابر وتخبي..
ومنى جالسه جنبها ولاهي بأحسن حال من لطيفه.. وأسيل جالسه على طرف السرير...
وعبدالرحمن جالس على كرسي الكمدينه..ويناظر لبنته بكل حسره وهو وده يخسر كل أملاكه وحلاله ويشتري لبنته السعاده..
أسيل وقلبها يرجف: إشفيكم؟؟
عبدالرحمن بكل قسوه:أسيل..
اليوم معاذ طلقك بالمحكمه..
[بعد هالقنبله اللي رماها عبدالرحمن على أسيل ]
,,نزلت راسها أسيل وهي مصدومه وجلست تتنفس بصعوبه ..
لطيفه: الله يعوضك ويعوضه خير..
عبدالرحمن: هوحاول فيني إنه يكلمك قبل مايتمم الطلاق لكني رفضت حتى من غير ما أسألك لأني عارف جوابك..
وتو كلمني وقال إن أخوانه بيرجعون أغراضك وشناطك بكره..
لأنه اليوم رحلته على أسبانيا..
,,هنا منى ماقدرت تمسك نفسها وحطت يدها على فمها وانهارت تبكي على حظ بنتها..
وبس شافتها لطيفه إنهارت معها وجلسوا الثنتين يبكون..
وعبدالرحمن ماسك نفسه وفضل السكوت والهدوء على إنه يهديهم أويقولهم أي كلمه..
وكل هذا وأسيل على نفس وضعيتها مصدومه وموقادره تصدق..
لكنها فجأه رفعت راسها وعيونها مليانه دموع وقالت بكل مكابره:
الله يعوضه خير..
ويوفقه.. صراحه ماقصر..طول الفتره اللي فاتت وهومستحملني..
لو واحد غيره كان من أول يوم طلقني..
,,وتلتفت على أمها وجدتها وتقول بصوت باكي:
يمه..جده... تكفون لاتبكون..
خلاص هذا قدري..
هذا قضاء الله وقدره.. لااعتراض..
انشالله إن الله بيشفيني ووأقوم بالسلامه..خلاص لاتبكون..
,,,وتلتفت على أبوها وتقوم تمشي الين وصلت عنده ومسكت يده وجلست عند رجوله عالأرض وقالت ودموعها على خدها:
وانت يبه لاتزعل.. لاتزعل..
هذي خيره.. الله ماقدر إني أعيش سعيده مع هالإنسان..
وأنا راضيه بقدري...
لاتحزن .. إنشالله إني برجع للجامعه..
وأكمل دراستي.. وأتخرج وأرفع راسكم..
وأنا دامني معك وبين أخواني وأعمامي.. مستحيل عيني تحزن أو أنظام..
ونشالله إنه مارح نشوف بعد هاليوم وهالخبر إلا كل سعاده وخير..
ونفرح بقومة رهف.. وبزواج فيصل وأسماء...
,,لاإراديآ مال عبدالرحمن وانكب على بنته وحضنها بين إيدينه وهويبكي وميت حزن على فرحة بنته اللي اندفنت بمهادها..
وجلس كل اللي بالغرفه يبكون..
,,إلين تعبت أسيل وسندتها أمها إلين غرفتها وعلى طول نامت أسيل وتركت كل البيت حزين على خبر طلاقها..
***
****
*****
(في مدريد....)
دخل شقته وهو يجر خطواته بكل تعب وخيبة أمل..
رمى نفسه عالكنبه وفصخ جكيته وحط راسه بين إيدينه وجلس يسوي مساج خفيف..
رجع رفع راسه وفتح عيونه وجلس يدور بنظره في محتويات الشقه بكل حسره وألم..
معاذ: آآآآه...
طول ما أنا ءأثث بهالشقه وأنا أحلم باليوم اللي أدخل فيها وأنا ماسك يدك يا أسيل..
كل زاويه كل مكان كنت أخطط إني ما أجلس فيه إلا وانتي بين إيديني..
لكن شنسوي..لااعتراض على حكم الله.
بس موقادر ..موقادر أعيش بهالشقه.. أحسها تذكرني بخيبتي وسوء حظي..
وبحبي اللي ماتهنيت فيه..
لكن خلاص.. أببيع هالشقه..
وآخذلي وحده ثانيه ماتحمل أي ذكريات أو آمال..
(في بيت أم عبدالرحمن..)
(في غرفة مشاري..)
,,الساعه 1 ليلآ...
,,كان جالس على طرف السرير ووجهه أحمر وعرقان وخالد بين إيدينه ميت من البكي..
وطول الوقت مشاري يهزه بشويش ومره يحطه على كتفه ويمسح على ظهره ومره ينومه على ظهره ومره ينومه على بطنه..
لكن كل هالمحاولات باءت بالفشل وكل مال صياح خالد يزيد..
,دخلت لطيفه وبيدها رضاعة خالد وتوجهت بسرعه لمشاري وقالت:
خلاص ياولدي عطنياه..
,,ويعطي مشاري خالد للطيفه وهو وجهه تعبان ومحتار عن سبب كل هالصياح ومهموم ..
مشاري: إنا لله من الساعه 12 وهو يبكي ماسكت..
لطيفه: خلاص يا ولدي إنت ذاكر وأنا باخذه وأطلع فيه فوق..
مشاري: لايمه خلك معي إنتي وياه..
لطيفه: عطلناك عن دراستك..إقعد ذاكر وانشالله إنه يهدا..
,,وتطلع لطيفه من الغرفه هي وخالد وتترك مشاري مقهور على ولده ومايتمنى إلا شي واحد إن رهف تقوم بالسلامه وترجع له وترجع لخالد هالمسكين...
فتح مشاري كتابه وهو يتنهد ومادرى إلا وأسماء داخله وشايله لاب توبها ومعاها أسيل..
أسماء:مشاري ..مشغول؟؟
مشاري: لاوالله مو مشغول بس راسي مصدع..
أسماء: عندك امتحان بكره.؟؟
مشاري: لابعد بكره..
وشفيكم ..تبون شي؟؟
أسيل بتردد: لاولاشي..
خلاص أسماء إمشي نطلع..
مشاري: حلوه ذي... باين إنكم تبون شي وبعدين تعالي هنا يا أسماء وشعندك جايه معاك لاب توبك وشعندكم..
أسماء: شوف عمي..
أنا كنت متردده أوريك... لكن بوريك وانت كيفك..
مشاري: شتوريني؟؟
أسيل: هااه... لا لا.. ولاشي..
يللاه أسماء نطلع..
مشاري: لا والله ماتطلعون.. أسماء إشفيه تكلمي..
أسماء وهي تناظر لأسيل: يووه أسيل وش خايفه منه..
,,وتجلس أسماء وتحط اللاب توب قدام مشاري وتفتحه وبعدين دخلت فيه سي دي..
وخذت نفس عميق وقالت:
عمي طالع هالسي دي.. وقولي رايك..
,,مشاري كان متنح وبس بدا السي دي يشتغل بلع مشاري ريقه وهو مو فاهم شي..
كان هالسي دي عباره عن مجموعة الصور اللي عطتها رهف لأسماء عشان تزينها بالبور بوينت وتهديه لمشاري..
وبس سمع مشاري الأغنيه تذكر رهف وردة فعلها لما هداها هالأغنيه..
جلس مشاري عينه على شاشة اللاب توب ماتحركت إلين جت آخر شريحه في العرض..
كانت هالشريحه مكتوب فيها كلمه أخيره من تأليف رهف.. وكانت هالكلمه:

أعاتب دنيتي..

واشره على أرض مابها ممشاك..
وليالي الفرح تسعدني...يوم شفاك تضحكلي..

أشوف ببسمتك عالم ترسم حزنها عيناك..

واحس بصدق عبراتك..لامن جيت تشرح لي..

أنا دنيا من الأحزان يطويها حزن دنياك..

وانت الجرح في جرحي.. كثير أحيان تشبه لي..

أنا ماني مثل غيري..
أحب.. وصرختي أهواك...

لأنك أكبر من المعنى وكلام الحب ياكلي...

واللي بيني وبينك.. مداه أكبر من الإدراك..
سنين العمر لوخانت حنين الروح بيهلي..

شلون فراقنا وارد وانا مالي سوى إياك..
دخيلك ياغلا روحي من غيرك أنا من لي؟!

دامك أصدق أيامي.. قلبي فرحته لقياك..

ولوتحتاجني..
تلقى قلبي وقتها لبـــــــاك...

رفيق أقرب من أنفاسك تامر بس ياخلي..

أبيع الناس والدنيا لخاطر ضحكتك بشفـــــــاك..

ولو قصرت ياعمري..
دخيل عيونك إسمحلـــــي...

,,:::زوجتك...رهـــــف....

,,حس مشاري إنه كأن أحد ماسك قلبه بين إيدينه ويعصره..
رفع راسه وناظر لأسيل وأسماء.. لقاهم ميتات من الصياح وكل وحده دموعها أربع أربع..
مشاري بصوت مبحوح: أنا موفاهم شي..
أسماء: مشاري.. على آخر أيام وجود رهف قبل ولادتها جت عندي وعطتني صورك.. وقالتلي أسوي هالعرض..
وعطتني هالكلمه الأخيره بنفسها..
مشاري وهو يبلع ريقه: طب ليش سوته؟؟
أسماء: كانت تبي تهديكياه بعد ولادتها..
لكني خفت يامشاري.....[وتسكت أسماء وتنزل راسها وهي تبكي]
مشاري: خفتي إنها تموت ولاأشوفه..صح..
لكن خلي هالسي دي عندي .. وانشالله لاقامت بالسلامه.. برجعه لك عشان تعطينها إياه ولاتقولينلها إني شفته.. أوكي يا أسماء..
,,أسماء تهز راسها وتمسح دموعها..
,, سحب مشاري أسماء وحطها بحضنه وسحب أسيل ولمهم بإيدينه الثنتين..
وبعدين كعادة مشاري اللي مايخليها... فك شباصاتهم وقعد يلعب في شعورهم وانقلبت دموع مشاري وأسيل وأسماء لظحكات أليمه..

02-04-2011, 03:32 AM

انا : رونق الاحساس

اضفني كصديق

*****
(في شقة فراس..)
,,كانت كل المساجد تأذن لصلاة الفجر..
,,لبس فراس ثوبه وأخذ مفتاحه وتوكل على الله عشان ينزل يصلي..
لما مر من عند الغرفة اللي فيها أبرار..
لا إراديآ فتح الباب ودخل عشان يقومها تصلي... كانت أنوار الصاله مفتوحه بحيث إنه بس فتح فراس باب الغرفه نورت الغرفه من غير مايفتح أنوارها..
وقف فراس وهوعاقد حواجبه ومعصب.. وسرعان ما إنقلب شعور الغضب إلى شعور بالرحمه والعطف لهالإنسانه اللي إبتلى فيها..
كانت أبرار نايمه عالأرض وتصدر صوت أنين وبكاء وهي نايمه..
ووجهها تعبان ومكشره ...
رحمها فراس وهز راسه بحزن وقرب منها ودنق عليها وقال:
أبــــرااار..
أبـــــــــــرااار..
,,أول مافتحت عيونها أبرار ... شافت جسم فراس منكب عليها ووجه مو واضح وبسرعه شهقت وقالت:
نـــــــاصر..
,,عض شفته فراس بقهر وقبض أصابعه على بعض بقوه وقال بعصبيه شديده:
نــــــاصر بعينك..
لكن الشرهه موعليك... الشرهه على اللي منزل مستواه لوحده مثلك...
,,ويطلع فراس ويسكر الباب وراه بقوه ويخلي أبرار خايفه ومومستوعبه وندمانه عاللي قالته بس لا إراديآ اسم ناصر طلع منها..
لسبب بسيط إنه منظر فراس وهو مقرب منها لما فتحت عيونها من نومها..
ذكرها بنفس منظر ناصر لما قامت من نومها في الإستراحه وكان جنبها..
***
****
*****
(في جامعة الملك سعود...)
,,كان مشاري جالس على كرسي الإمتحان ومسند جنبه عكازه بعد ماتعود إنه يمشي على عكاز واحد..
وبما إن مشاري يمتحن امتحان بديل لحاله كانت دائمآ امتحاناته بمكتب أحد الدكاتره..
,,كان مشاري مركز بحل أسئلة الإمتحان وبنفس الوقت مرتاح إنه هذا آخر امتحان يدخله..
ولكن سرعان ماتشتت تركيزه ..بسبب إنه حس جواله يهز بجيبه..
وسبحان الله إنقبض قلب مشاري وحس بخوف كبير..
كان الجوال يهز ويهز وكل ماسكت رجع يهز..
حاول مشاري إنه يركز.. ويخلص امتحانه بسرعه لأنه خاف إنه في شي حاصل يا لخالد..يالرهف..
,,بعد ماخلص مشاري امتحانه على طول أخذ عكازه وطلع برا المكتب وهومتوتر وطلع جواله من جيبه..
ولقى خمس مكالمات لم يرد عليها من مستشفى رهف.. وأثناء ماهو ماسك الجوال رجعوا المستشفى اتصلوا مره ثانيه..
على طول مشاري رد بلهفه: ألــو..
المستشفى: الإستاذ مشاري..
مشاري: إيه أنا مشاري.. إشفيه؟؟
المستشفى: لوسمحت ممكن تجينا المستشفى ضروري..
,,بدون مايرد مشاري ولابكلمه قفل الجوال وقلبه يدق بسرعه وسار يمشي وهو يركض ويدعس على رجله المكسوره غصبن عنه لدرجة إنه مر من عند شباب يعرفهم وقفوا يسألون عن امتحانه طنشهم وراح..
وركب السياره مع السواق وانطلق للمستشفى..
***
****
*****
(في المستشفى..)
,,كان مشاري يركض بالسيب وتفكيره مشلول ويدعس برجله عالأرض بدون وعي مع إنه كان بيموت من الألم لكنه مايهمه أهم شي إنه يوصل بسرعه ويطمن قلبه..
,,لا إراديآ ساقته رجوله لغرفة رهف وأول مادخل شهق وعيونه تلمع من الدموع..
كانت الغرفه فاظيه ومفارش السرير جديده وكل الأجهزه الموجوده بالغرفه منشاله..
والغرفه مظلمه وكئيبه..
بألم قال: لاآآآآآء..
,,وعلى طول طار لغرفة الدكتوره اللي ماسكه حالة رهف..
أول مادخل قال: وين رهـــف..
الدكتوره وهي تزين نقابها: ..مشاري تفضل إجلس إرتاح..
مشاري وقلبه يدق بسرعه:دكتوره لو سمحتي.. رهف ليه موبغرفتها؟؟
الدكتوره: أول شي إجلس وارتاح..
,,جلس مشاري وهومتوتروقال:دكتوره..يرحم والديك..
تكلمي.. وين رهف؟؟
الدكتوره: إنت رحت غرفتها على طول؟؟
مشاري: إيــه..
الدكتوره بجديه: المفروض إنك تجيني الغرفه أول..
مشاري بإنفعال: ليــــــه.. رهف فيها شي؟؟
الدكتوره: تطمن..
أبشرك قبل ثلاث ساعات رهف استردت وعيها..
وعلى طول طلعناها من الغرفه اللي هي فيها.. وودينها الأشعه عشان نتطمن عليها وعلى كل شي..
والحين نومناها بغرفه جديده..
,,بعد ماسمع مشاري هالكلام خذ نفس وتنهد بقوه وغمض عيونه وقال:
الحمد الله.. طب وين غرفتها أبروحلها...
الدكتوره:الحين بالحمام تتحمم ومعاها الممرضه.. بس أتوقع إنها خلصت..
تعال معاي نروح لها سوى..
,,ويفز مشاري مع الدكتوره ويتوجهون لغرفة رهف...
,,,
,,,
بغرفة رهف..
كانت الممرضه ماسكه يدها وهي يدوبك حطت طرف جسمها على طرف السرير وبيدها الثانيه تتسند على حافة السرير..
دخل مشاري الغرفه وأول ماشافها فتح عيونه على آخر شي وقال:
رهــــــــــف...
,,رفعت رهف راسها ببرود وعيونها تعبانه مره ويالله يالله قدره تفتحهم وبس شافته تنهدت وجلست تصيح..
مشى مشاري بسرعه وحط عكازاته جنب السرير وبسرعه حط يدينه تحت إيدين رهف وحضنها ورفعها ونومها عالسرير..
,,كانت رهف لافه طرحتها عليها وخصلات شعرها الأماميه المبلوله على وجهها..
وترتجف ومافيها حيل أبدآ...
,,كان مشاري يجلس رهف ويضبط المخدات تحت ظهرها ويغطيها بالشرشف ويرفع رجولها عالسرير..ودموعها على خدها..
,,بعد ما اختل توازن مشاري وحس نفسه بيطيح جلس بقوه على طرف السرير وهو يتنفس بسرعه ويناظر بوجه رهف بكل شوق..
مشاري:رهف حمد الله عالسلامه..
,,رهف ماترد ومستمره تبكي..
مشاري وهويحط ايدينه على خدود رهف ويرفع راسها: ليه تبكين..ليه؟؟
خلاص خلاص الحمدالله إنك قمتي.. الحمدالله..
خلاص لاتبكين...
,,كانت رهف مستمره تبكي وعلى طول مشاري حطها بين ايدينه وحضنها بقوه وبكاء رهف يزيد وهي ترتجف..
مشاري وهو يحسس على راسها:أنا داري إنك خايفه ومومستوعبه اللي سار.. بس خلاص كابوس وانتهى..الحين انتي استرديتي وعيك ورجعتي..
[ويرفع راس رهف ويطالع بعيونها] رجعتي لي .. ولخالد.. ولبيتك..
رهف بصوت مبحوح وتعبان: بالله يامشاري اشلونه صحته طيبه؟؟
مشاري: أنا أوريك.. [ويطلع جواله ويفتح على صور خالد ومقاطع الفديو اللي له]
,,ومسكت الجوال وهي ترتجف وجلست تتفرج بمقاطع الفديو والصور وابتسامتها على وجهها وتبكي..
مشاري: ها تطمنتي؟؟
رهف: أنا مومصدقه إني قعدت طول هالفتره في غيبوبه..أنا أحس إني كنت ميته وإنفخ فيني الروح..
مشاري: قد ماكنت خايف إني أفقدك قد ماكنت متأكد إنك بترجعينلي..تدرين ليه..
لأني متأكد إنك مستحيل تتخلين عني..
رهف:مشــــاري.. ليه سار فيني كذا ليه؟؟
مشاري: وش اللي ليه.. حكمة الله.. وبعدين أهم شي إنك رجعتي وقمتيلنا بالسلامه..
رهف: مشاري بغيت أموت قعدت ساعه موقادره أحرك لاإيديني ولا رجليني ولا أحكي..
مشاري: طبيعي ياقلبي طبيعي.. لك أكثر من شهر وانتي فاقده وعيك..
رهف: طب ليه إيديني كذا منفوخه ووجهي..
مشاري وهو يحضن إيدينها: من الأدويه ومحاليل المغذي خلاص إهدي فتره بسيطه وكل شي يرجع طبيعي..
رهف وهي تناظر مشاري: فكيت الجبس..
مشاري: يووووه... فكيت الجبس وسرت أمشي وسارت علوم كثيره وانتي ماتدرين..
رهف: أي علوم..
مشاري وهو مبتسم: هااه.. لا لا.. خليها لاطلعتي تعرفين..
رهف: من جد شغلت بالي وشفيه وشصار..
مشاري ببراءه: رهف أنا تزوجت..
رهف بصدمه: وشـــــــو..
مشاري: سامحيني يارهف..
,,جلست رهف متنحه بمشاري وفاتحها عيونها عالآخر..
بعدين مشاري خاف وقال: يرحم أمك ترى أمزح.. لايغمى عليك مره ثانيه ...
ترى والله أموت...
,,رهف وهي تحط يدها على قلبها: حرام عليك خوفتني..
تصدق قلت ماشالله عليه بشهر أمداه يدور وحده ويتزوج..
,,مشاري وهو يحط لسانه عالجنب داخل فمه:
والله لو طولتي أكثر من كذا ما أضمن لك..
رهف: لا على قلبك هذا أنا قمت...
بس تعال قولي وشصار بالتفصيل أثناء الغيبوبه اللي أنا كنت فيها..
مشاري: يابنت الحلال توك قايمه ارتاحي شوي..
رهف: لا...الله يخليك والله مشتاقه للكل.. ومشتاقه لسوالفهم ...
,, تكى مشاري على مخده من مخدات رهف وقالها عن كل الأحداث اللي سارت أثناء غيابها وهو حاس ان الدنيا مي سايعته من الفرحه وعيونه مو راضيه تشبع من مقابل رهف..
إلين حس إن رهف تعبت شوي وتحتاج للنوم جلس معاها إلين نامت ورجع للبيت وهو طاير من الفرحه وبشر الكل إن رهف قامت بالسلامه..
وإن المستشفى بعد ثلاث أيام بيرخصها عشان ترجع البيت..
وكل أهل مشاري انبسطوا وفرحوا بقومة رهف ورجعتها للبيت..
***
****
*****
(في بيت أبو صالح..)
,,في غرفة الجلوس..
صالح وهو مبسوط: كيفكم... كيـــــــفكم...
هذي بنتكم وانتم حرين.. تزورونها.. ماتزورونها والله الناس اللي بيحكون فيكم مابيحكون فيها.. أنا الحمدالله من يوم مادخلت المستشفى وانا ماقطعتها..
وهذي هي قامت من غيبوبتها وشفتها الصباح وبعد المغرب بآخذ أثير وبوديها تزورها..
أبوصالح: تبي تروح روح لحالك بنتي ماتاخذها..
صالح: لاوالله وهذيك ميب بنتك؟؟
منيره: ياخي ريحنا انت وولدك.. شوف ياصالح تبي تروح تبي تقعد تبي تاخذ اختك ..أصحابك ..كيفك..خلاص فكونا من اللغوه..
أثير: صدق يمه يعني أروح مع صالح..
منيره: روحي...
إلا صح يا سلطان ماقلتلك... شفت بنتهم اللي إسمها أسيل..
,,بس سمع صالح إسم أسيل دق قلبه بسرعه وطالع لأمه بلهفه..
سلطان: بنتهم أسيل وشفيها؟؟
منيره: استغفر الله الله لا يبلينا...
طلقها رجلها...وهي ماكملت معه سنه..
,,ارتسمت على وجه صالح ابتسامه لاإراديه وقال بنفسه:
مو معقول.. خبرين حلوين بيوم واحد...
لا لا اشفيك ياصالح انهبلت.. وصلت فيك الأنانيه تفرح بخراب بيوت الناس عشان سعادتك..
سلطان: لاااا... وشالسبب؟؟
منيره: يقولون فيها عين الله لايبلينا..
عاد مدري على ايش يحسدونها الناس؟؟
أثير: ماشالله يمه أسيل تهبل ويوم زواجها طلعت شي..
شلون ماتبين الناس يحسدونها..
منيره: هذي هي بنتي أبرار ياعسى عيني ماتبكيها يوم زواجها...
طلعت تجنن والحمدالله ماجاها شي..
وهذا هو زوجها يموت فيها وهي تموت فيه.. وهالحين هي وياه بالشرقيه..
وياهي تمدح بفراس وتقول إنه ابن حلال ومعيشها أحسن عيشه.. الله لايفرق بينهم..
,,سكتت أثير وقالت بنفسها:
ياحليلك يمه ماتدرين ان بنتك عايشه حياة ذل بعد ما اعترفت لفراس..
وتكذب عليك وتقول إنها في الشرقيه وهي من يوم زواجها ماطلعت برا شقتها شبر واحد..
,,ويقطع تفكير أثير صوت صالح وهو وجهه باين عليه الفرح والارتياح..
صالح: أثورا حبيبتي خلك بعد ماتصلين المغرب جاهزه..عشان بس ادق عليك جوال وتنزلينلي بالسياره..
أثير:طيب..
***
****
*****
(في شقة فراس..)
,,كانت جالسه عالسجاده منهاره وتبكي وتحس برهبه شديده وخوف شديد من الله ولسانها معقود وحاسه نفسها مشلوله وموقادره لاتتكلم ولاتدعي ولاتقرا قرآن لأن البكاء والخوف والندم والحياء من الله مقيدينها..
,,قامت وسفطت سجادتها وهي ترتجف وجلست على طرف فرشتها اللي عالأرض..
وهي تمسح وجهها بيديها الثنتين..
,,فتح فراس الباب وقالها منغير مايطالعها:
إمشي خذي عشاك..
,,وطلع بسرعه وخلا الباب مفتوح...
..بعد دقايق بسيطه طلعت أبرار لقت عشاها محطوط على كونتر المطبخ..
كانت تحس أبرار بالإهانه والجفاء والقسوه بتعامل فراس..
ماكانت تسمع منه إلا جملتين.. قومي كولي... وقومي صلي...
,,طاحت أبرار بحب فراس على قسوته وسوء معاملته معاها.. أمنية حياتها إنه ينسى اللي سار ويسامحها ويبدأ معها صفحه جديده.. وتعيش معاه طول عمرها..
على سوء حياتها معاه وعلى حبستها بين الجدران إلا إنها لقت نفسها اللي كانت ضايعه...
لقت دينها بعد ماضيعته.. وحست بالأمان مع فراس..
إنسان تزوجها وانخدع فيها وانصدم صدمة عمره ومع ذلك صبر وستر عليها..
حتى لما كانوا خواته يكلمونه كان مايسبها ولابكلمه وحده ويخليها تكلمهم وكأن الوضع عادي..
,,وأثناء ماهي واقفه سمعت صوت فراس يناديها..
بسرعه راحت ركض عند فراس بالصاله.. وقالتله: نعم..
فراس وهويطالع بالتلفزيون ولايطالعها: لاتعشيتي وخلصتي تعالي أبيك..
أبرار بخوف: خلاص تعشيت..
فراس وعينه مانزلت عن التلفزيون: أبرار.. لمي أغراضك وشناطك وخلك جاهزه..
لأني بأي وقت برجعك بيــــ...
,,وقبل مايكمل فراس كلامه انهارت أبرار وطاحت عند رجوله وقالت:
لا فراس.. فراس...
تكفى.. تكفى طلبتك لاتطلقني..
أنا غلطت.. وأجرمت بحق نفسي.. إذا الله يسامح إنت ليه ماتسامحني..
سامحني يافراس.. يمكن ماتصدق الكلام اللي بقوله..
بس والله إني حبيتك... والله إني حبيتك.. وأحس إنك إذا تركتني بموت..
تعلقت فيك.. إنت غرقتني بأفضالك من يوم ما تزوجتني..
سترت علي.. وخليتني أصلي.. وعرفتني قيمة نفسي..
خلنفتح صفحه جديده وننسى اللي فات..
الله يخليك يافراس سامحني.. سامحني..
[وتنزل راسها وتحطها على ركبة فراس]
,,كان فراس مصدوم وحاس نفسه مشلول وموقادر يسوي يشي..
كان يحس بقشعريره بجسمه وقرف..لمجرد إن أبرار قربت منه..
فراس: أبرار..
أتوقع إنك سمعتيني.. لمي أغراضك وشناطك.. إلين أقولك يللاه..
خلاص أنا استحملت وسكت بما فيه الكفايه..
,,ويقوم فراس وياخذ مفاتيحه ويركب سيارته ويلف بهالشوارع..
***
(في بيت أم عبدالرحمن..)
,,تحديدآ بغرفة رهف..
كان كل البيت مبسوط وفي فرحه غريبه وكأنهم كلهم مولدين من أول وجديد..
لطيفه: الله يهديك يارهف كان نمتي أنتي ومشاري بالغرفه اللي جهزتها له تحت وشوله ترجعون لغرفتكم فوق مره ثانيه..
مشاري: لايمه تكفين كرهت هذيك الغرفه كنت 24 ساعه متسدح فيها..
,,كانت لطيفه تناظر لرهف بكل رحمه وعطف بعدين رجعت ناظرت لمشاري وأشرتله يشوفها..
التفت مشاري لرهف وشافها بعدين قال:أبـــــد كني قاعد أشوف نفسي أول ماجبتوا لي خالد من المستشفى وانا فيني الجبس..
,,كانت رهف طول الوقت عينها على خالد وهي مبتسمه وماخلته دقيقه وحده ...
حتى لما يبيله تغيير بامبرز ماترضى أحد يشيله ويغيرله غيرها..وحتى لما ينام الكل يقولها خليه ينام عالسرير وهي ترفض وتخليه ينام بحضنها إلين يصحى..
أسماء وهي تناظر لمشاري: يووووه.. راحت عليك يامشاري..
أسيل: وانتي الصادقه طاح كرته..
مشاري وهويتنهد: داري.. بس خلوها بالقلب تجرح..
رهف: بالعكس يابوخالد إنت الأساس..
,,تنح مشاري وراح فيها من كلمة رهف لأنها أول مره تناديه أبوخالد..
أسيل: ياملح الناس اللي كبروا وسار اسمهم أبوخالد..
أسماء: إي والله من يصدق إن مشاري سار هذا كبره.. توه قبل سنتين نتضارب إحنا وياه على البلاي ستيشن..
أسيل: وانتي الصادقه نتضارب إحنا وياه على حضن جدتي من ينام فيه..
,,,الكل يضحك إلا مشاري اللي كان رافع حاجب ومنزل حاجب ووجهه أحمر وقال:
وبعدين معاك إنتي وياها..
استحوا على وجيهكم .. تطلعون فظايحي قدام زوجتي وولدي..
,,ويأشر لأسماء ويقول:
أسماء..تعالي أبيك برا..
,,وتطلع أسماء ومشاري برا..
مشاري: أسماء خذي هالسي الدي اللي عطيتيني إياه.. وارجعي عطيه رهف..
ولاتقولين لها إني أخذته..
أسماء وهي مبتسمه: هااه.. طيب..
,,وجت تبي تروح غرفتها لكن مشاري مسكها وقال:
وهااااه... ياويلك إن فتحتيه وشفتي إشفيه..
أسماء وهي تضحك: يوووه ..كشفتني..
مشاري: لاأسماء أمانه لاتفتحينه..
أسماء: إبشر ياعمي والله ما أفتحه..

02-04-2011, 03:33 AM

انا : رونق الاحساس

اضفني كصديق

(في بيت أبوصالح..)
منيره: لاحشى منت بصاحي..
صالح وهو ماسك الجريده بين إيدينه: ليه موبصاحي؟؟
منيره: من الحين قاعد تخطط إنها لا خلصت عدتها تروح تاخذها..
صالح: بإذن الله مايعوقني شر..
منيره: وليه قلوا البنات تاخذ مطلقه..
صالح: موبذنبها مسكينه غصبن عنها تطلقت..
منيره: لاوالله الحين انت شاب توك بأول حياتك تاخذ مطلقه.. لاوبعد ليتها صاحيه تعبانه وأهلها مسنترين فيها عند الشيوخ..
صالح: المرض ابتلاء من الله..
منيره: هذا اللي يبي يذبحني.. شوف ياصويلح..
زواج من بنت عبدالرحمن إنســـــ..
,,وقبل ماتكمل رمى الجريده صالح من يده وقال:
شوفي يمـــه..
أنا التهديد مايمشي معي.. وإذا بغيت شي .. مافي أحد بهالدنيا يقدر يمنعني..
لاخلصت أسيل عدتها.. بروح أخطبها..
ولا وافقوا..تبين تحظرين زواجي إنتي ورجلك حياكم الله ماتبون مو لازم..
,,,ويطلع صالح ويترك منيره متنحه ومومصدقه نفسها والكلام اللي قاعد يقوله صالح..
***
****
*****
(في المقهى..)
عزام: تصدق ماظنيت إنه يجي..
طارق: لاموعلى كيفه أنا دقيت عليه وهددته..ياويله إن ماجاء..
عزام: هذا هو.. هذا هو وراك..
مشاري: السلام عليكم..
طارق وعزام: عليكم السلام..
طارق: ياخي بدري.. كان تأخرت شوي..
,,مشاري وهويجلس بصعوبه ويحط عكازه جنبه:
إنا لله يالإزعاج..ياخي اشتبون.. وشتبــــــــــون...
تحسبوني فاظي زيكم لاشغله ولا مشغله..
أنا واحد متزوج وعندي ولد..
طارق: ياخي مايسوى علينا هالولد.. بالقطاره نشوفك..
مشاري: ياحبيله الله لايحرمني منه..
عزام: اللهم آمين ويخليكم لبعض..
طارق: مشاري مادريـــت؟؟
مشاري: وشـــو..
طارق: عزام خطب..
مشاري وهومفتح عيونه بفرحه: جــــد... مبرووك..مبروك..
عزام: الله يبارك فيك..
مشاري: ومنهي سعيدة الحظ؟؟
طارق: لو أقولك ماتصدق؟؟
مشاري: لااا.. منهي؟؟
عزام: بنت إمام المسجد..
مشاري وهو مومصدق: واللــــه؟؟
طارق: شفت عاد..
ماشالله عزام من يوم انتظم يصلي بالمسجد..
وصار يحضر محاضرات ويحفظ قرآن في حلقات تحفيظ الذكر..
إمام المسجد طق معه صداقه.. ويوم طلب عزام بنته..
وافق وهو واثق من عزام ومن أخلاقه..
,, ويقوم مشاري ويتسند على عكازه ويحضن عزام ويباركله..
***
****
*****
(في شقة فراس..)
,,كانت لابسه عباتها وجالسه على طرف الكنبه وهي مصدومه ودموعها على خدها..
,,دخل فراس الشقه وأخذ آخر شنطه من شنط أبرار وقالها:
يللاه خلاص كل شنطك بالسياره..
يللاه تغطي وامشي قدامي..
أبرار برجاء وهي ميته صياح:فراس..
,,يلتفتلها فراس ويناظر فيها..
أبرار: خلاص مصمم..
الله يخليك.. الله يخليك سامحني..
خلني معك فتره وشوف بعينك اشلون أنا تغيرت..
الله يخليك يافراس..لو تخليني خدامه عندك.. إحرمني من دراسه من طلوع من نزول بس الله يخليك لاتطلقني..
أنا أبيك يافراس.. أنا أحبك..
الله يخليك...ســـــــامحني..
فراس بكبرياء:في أشياء ممكن الواحد يسامح فيها يا أبرار..
بس هالشي.. مستحيل..
[بهدوء] خلاص..
قومي يا أبرار..
قومي..
مالك لابالبيت ولا بقلبي مكانه..
توكلي على الله والله يستر عليك.. وتلقين ابن الحلال..
يللاه يا أبرار قومي..
,,ويمشي فراس ويطلع من باب الشقه وهو شايل شنطتها..
وتمشي وراه أبرار وهي منهاره ومحبطه وترتجف وتشاهق من الصياح وتتغطى وتنزل تركب السياره..
***
****
*****
بعد مرور شهر على هالأحداث
""""""""""""""""""""""""""""
(في بيت أم عبدالرحمن...)
,,تحديدآ في المجلس..
..كان موجود عبدالرحمن وتركي وفيصل ومشاري والكل أنظارهم متوجهه لشخص واحد... صــالح..
عبدالرحمن: معليش يا صالح يا ولدي بس أنا مستغرب يعني واحد مثلك شاب وبأول حياتك.. وشيجبرك تاخذ وحده سبقلها الزواج..
صالح: عمي أبوفيصل .. الطلاق موعيب ولاجريمه..
وزي ماسمعتوا إختي أبرار قبل فتره طلقها ولد خالتي.. وانفض الزواج اللي بينهم من دون مشاكل والطرفين راضين لكن السبب علمه عند الله..
وأسيل على حد علمي.. مالها ذنب باللي سار كله..
عبدالرحمن: يعني انت تعرف ان البنت كانت تعبانه..
صالح: انت قلتها بلسانك.. كانت.. والحين الحمدالله هذي هي سليمه..
عبدالرحمن: طب ليش ماجى معاك أبوك؟؟
,,وينزل راسه صالح ويبلع ريقه ويرجع يطالع بعبدالرحمن..
صالح:يا عمي.. أنا جاي هنا اليوم عشان بس أبي آخذ موافقتكم وبعدين أخطب رسمي..
[الكل ساكت]
صالح: عمي عبدالرحمن أنا عارف إني على قد حالي... وللحين أدرس.. والوظيفه اللي أشتغل فيها بعد دوامي الصبح بالجامعه مي لاهناك..
بس يعلم الله إني مستعد أنفذ شروطكم من الألف للياء.. وقد ما أنا متمسك بأسيل قد ما أنا قد كلمتي..
عبدالرحمن: تقدر تدفع مهر بنتي 100000ألف..
,,كل اللي بالمجلس استغرب من طريقة حكي عبدالرحمن لأنها مي من عادته..
صالح باستغراب: لا ما أقدر..
عبدالرحمن: تقدر تسفر بنتي شهر عسل برا؟؟
صالح: لاء..
عبدالرحمن: تقدر تعيشها بالمستوى اللي هي عايشه فيه ومتعوده عليه؟؟
صالح وهو يبلع ريقه: عمي أنا بحاول إني ألبي طلباتها وأعيشها مرتاحه..
بس مولدرجة إنها تعيش عيشه مشابهه لعيشتها معكم..
على حسب قدرتي وظروف..
عبدالرحمن: واللي يقولك إني أنا وبنتي مانبي من كل هالأشياء اللي قلتها لك ولا شي..
صالح: معليش عمي موفاهم قصدك؟؟
عبدالرحمن: قصدي إني ما أبي إلا السعاده لأسيل..
وانك تحبها وتخاف الله فيها..
,,صالح يناظر للكل بنظرات حايره..
عبدالرحمن: شوف ياصالح ياولدي..
أسيل صحيح إنها تعبت ومرضت لكن يعلم الله إنها تحسنت ورجعت زي أول وأحسن..
وإذا فكرت إني أزوج بنتي مارح ألقى أحسن منك ياصالح..
,,ارتسمت على وجه صالح ابتسامه عريضه وحس ان الدنيا مي سايعته من الفرحه..
عبدالرحمن: بس هاه ياصالح...
زي ماقلتلي... هذي الموافقه مبدئيه..إلين يجون أمك وأبوك ويخطبون رسمي ولاننسى راي البنت..
صالح وهو طاير من الفرحه: الله يبشرك بالخير ياعمي..
وتأكد إن أسيل بعيوني.. وأمانه برقبتي مستحيل أضيعها..
,,ويطالع صالح بمشاري ويقول:
وتأكد يا مشاري ان حياتي مالها أي دخل بحياتك إنت ورهف..
والله يقدرني أسعد أسيل...
مشاري بابتسامه: الله يقدم اللي فيه الخير..
,,بعد هاللقاء طلع صالح من بيت أم عبدالرحمن وهو متشقق من الفرحه وحاط إيدينه ورجلينه بمويه بارده من ناحية جية أمه وأبوه عشان يخطبون أسيل ولاهوقلقان أبدآ لأنه يعرف اشلون يقنعهم..
ومن ناحية عبدالرحمن واخوانه وفيصل كانوا حاسين براحه من جهة صالح لأن عيونه وكلامه باين فيها الصدق والصراحه..وكمان مبسوطين إن الله عوض على بنتهم ..
,,,,,
,,,,,
(في غرفة مشاري فوق..)
,,كانت رهف جالسه عالسرير وحاطه جنبها خالد وتلبسه شراباته ..
دخل مشاري وهويناظر لرهف من فوق لتحت ورافع حاجبه..
,,انتبهت رهف لنظراته وقالت: مشاري إشفيك؟؟
مشاري: تدرين من كان عندنا تو؟؟
رهف: لاوالله مادري مين؟؟
مشاري: أخوك صويلح..
رهف باستغراب: صالح..غريبه.. وينه الحين..
مشاري: ذلــــف..
رهف باستغراب: خير يامشاري ليه تتكلم عن صالح كذا..
مشاري وهو منشغل بالسيديات: لاياشيخه.. يعني ماتدرين..
رهف: أدري عن وشو.. مشاري اشفيه؟؟
مشاري:أخوك المحترم يا أم خالد.. جى بكل ثقه يخطب أسيل..
رهف: وشو.. يخطب أسيل..
مشاري: إي إي مثلي يعنني مادري..
رهف: قسمآ بالله يامشاري إني ما أدري.. وبعدين إشفيك معصب ومتقرف ومو عاجبك الوضع..
مشاري بنظرات إستلعان: تتوقعين وش اللي يجبر أخوك ياخذ وحده سبق لها الزواج وكانت تعبانه؟؟
رهف بقهر: أنا داريه إنك تلمح إن أخوي صالح طمعان فيكم..
بس لايامشاري موصالح اللي يستغل ضعف الناس وظروفهم ..هذا أولآ..
ثانيآ أسيل الحمدالله لاسرقت ولاانحاشت ولاسوت شي عيب.. ثالثآ صالح تتمناه كل بنت.. شاب مصلي وحبوب وكريم ويخاف الله..
[وتبلع ريقها رهف لماشافت نظرات مشاري الحاده] وخلاص الزواج مو غصب منتوا موافقين عليه بلغوه.. ماله داعي تعصب وتجي تحقق معاي..
مشاري: بسم الله إشفيك كلتيني بقشوري...
رهف وهي مبتسمه: لا.. بس قهرتني نظراتك وكلامك..
مشاري:يعني تبين تفهميني إنك ماتدرين عن قرار صالح..
رهف وهي ترفع راسها فوق: واللــــــه إني ما أدري...
بس لحظه لحظه.. وأنا أقول ليه أثير كل ماكلمتني دايمآ تسأل عن أسيل خلصت عدتها ولا لآ..
[وسكتت رهف وابتسمت] آه يابخت أسيل لو تاخذ صالح..
مشاري: إلا يبخته هو لو أسيل تفكر فيه مجرد تفكير..
رهف وهي منقهره من أسلوب مشاري: لاااا..
عالعموم الله يقدم اللي فيه الخير للكل..
مشاري بأسلوب ينرفز وهو يتكلم بقرف:
عاد تدرين أخوك صويــــــلح هذا..
[فهاللحظه ناظرت رهف بمشاري بنظره صارمه كلها تهديد لمشاري]
..صويـــــلح هذا إنســــان...
قليله فحقه كلمة رجل ونعم فيه..
مؤدب ومحترم وينشد فيه الظهر..
وإذا أسيل فكرت في الزواج مره ثانيه ما بتلقى أحسن منه.... الله يوفقه ويوفقها ويكتبهم لبعض..
,,بعد كلمة مشاري هذي ناظرت فيه رهف بكل قهر وقالت:
أنا شسوي فيك... شسوي فيك..
إشهالأسلوب...[مشاري يضحك]
ماتنبسط إلا إذا عصبتني ورفعت ضغطي...
اللي يشوفك وانت جاي تعلمني بخبر خطبة صالح لأسيل كنك بتذبحني وتذبحه..
وفجأه تمدحه وتثي عليه..
مشاري:والله يارهف أظنك حفظتي طبعي وعرفتيه.. أسعد لحظات حياتي لارفعت ضغطك..
رهف: لاياشيخ..
مشاري وهو في يده سيدي: أقول رهف..
إنتي تعرفين ترقصين؟؟
رهف وهي مبتسمه باستغراب: حلوه ذي.. وشهالسؤال؟؟
مشاري: طب جاوبي تعرفين ولا لا؟؟
رهف: يعني.. أعرف ..
,,قام مشاري حط السي دي اللي بيده في الإستريو وشغل اغنية (ياحي..)
لحربي العامري..
وقال: يللاه ورينا إبداعاتك..
رهف وهي مطيره عيونها: نعـــــم؟؟
مشاري: خلاص عاد أتوقع إنك تعافيتي وأزين من صحتك مافيه..
يللاه قومي ..
رهف بعصبيه: وين أقوم؟؟
مشاري: هزي.. إرقصي..
رهف وهي تضحك بحياء: لا واللــــــه... مابي..
مشاري: رهف أنا زوجك تستحين مني؟؟
رهف: لا موسالفة حياء بس مابي..
مشاري وهو يحط لسانه على جنب ونظرات اللعانه بعيونه: لااا... طيب يارهف..
,,ويسكر مشاري الإستريو ويلتفت لرهف ويقول:
طب إسمعــــي..
إذا...إذا الله كتب وتم زواج أسيل وصالح... بترقصين بزواجه؟؟
رهف: يبيلها كلام بعد أكيـــــد..
مشاري وهو ينسدح جنب خلودي: أكيــد... أكيــــــــد؟؟
رهف: طبعآ زواج أخوي الوحيد..
مشاري: طب علمن يوصلك ويتعداك...
قسمــــــــــــآ بالله يارهف ماترقصين في زواج صالح..
وإن رقصتي... لاتقعدين عندي بالبيت.. سيده روحي بيت أبوك..
رهف بصدمه: خيـــــر..
مشاري بلعانه: أتوقع سمعتيني..
رهف: مشاري ليه تحلف؟؟
مشاري: ليه أحلف..
الحين أنا زوجك ماتبين ترقصين قدامي.. وقدام صالح وحريم خلق الله عادي ترقصين..
رهف وهي ماتدري إشتقول: مشاري... مشاري.. أأ..أأنا..
مشاري: خلاص يارهف إنتهى الموضوع..
,,سكتت رهف وناظرت بالأرض وهي مقهوره بعدين قالت بنفسها:
يللاه يابنت الحلال ماله داعي تكبرين الموضوع..
,,وتقوم رهف وتشغل السي دي.. ومن حسن الحظ كانت لابسه فستان بيت ناعم أسود سيور..وقصير..
وفكت الشباصه اللي في شعرها وبكل جراءه مشت لعند مشاري وقامت ترقص بكل نعومه قدام مشاري..
..طبعآ مشاري على نفس وضعيته منسدح جنب ولده ولما شاف رهف ترقص..
عدل جلسته وقعد على طرف السرير وهو مبتسم وتحمس وجلس يحيي رهف ويقولها عاشو ويطق إصبع..
ومع تفاعل مشاري مدت رهف يدها وسحبته وقومته معها وهو مايحتاج على طول تحمس وقام يرقص أكثر من رهف وبحماس إلين حمر وجهه..مع إنه شوي يعرج..
,,وبعد شوط الرقص الساخن دنق مشاري على رهف ولمها بين إيدينه وهوطاير من الفرحه ويضحك ورهف ميته ضحك..
وفجأه رهف أشرت لمشاري ولفت وجهه عشان يشوف خالد..
,,وعلى طول أول ماطاحت عيون مشاري على خلودي مات ضحك وضرب كف بكف..
كان خالد طايره عيونه ويناظر بأمه وأبوه وهو مايدري وشالسالفه مثل الأطرش في الزفه ومايصدر أي حركه ومتنح...
قام مشاري شال خالد وهو ورهف يضحكون وقاموا يرقصونه معاهم ويضحكون..
,,وبعد هالرقص والضحك والوناسه جلس مشاري وهو يقول:
آآآآه يارجلي.. ياحليلك يارهف والله إنك رقاصه..
رهف وهي تاخذ خالد: وانت بعد ماشالله عليك.. الظاهر إنك مخذ كورسات في الرقص..
,,بعدين قالت رهف بغنج:
ها مشاري خلاص هونت من حلفانك..
مشاري: هااه... أفــــــكر..
رهف: مشاري تكفى أنا بطلع الكفاره عن حلفانك هذا.. بس تكفى والله ماعندي إلا هالصالح أخوي الوحيد ما أرقص بزواجه..
مشاري: على شرط..
كل يوم ترقصينلي ساعتين متواصلتين..
رهف بقهر: أقووول.. روح..
والله لو إني روبي على غفله...
,, وتستمر سهرة مشاري ورهف وهم يضحكون ويمزحون مع بعض..
في بيت أبوصالح..)
صالح: إنتم أحــــــرار..
أنا حلفت لزوجتك وفهمتها إنكم لوماتروحون معي وتخطبونها والله والله ماعاد تشوفون وجهي.
وانتي يمه تعرفيني إذا حلفت وطلعت من البيت..
سلطان: إنت ماتفهم ...
توك بزر ويوم فكرت بالزواج تاخذ مطلقه..
وبنت مين بنت أعدائي..
صالح: الحمدالله رب العالمين.. الله لايبلينا.. من عاداك ومن قرب منك..
الناس محترمينك وحاطينك فوق الراس وماحد جى جنبك..
لكن هذي عادتك ماتخلي لك صاحب... وكل الناس أعدائك...
وبعدين تعال هنا.. وشفيها المطلقه.. هذي هي أبراربنتك مطلقه..
يعني لويتقدملها شاب مابعد تزوج مابترضى..
,,هنا أبرار نزلت راسها وعيونها مليانه دموع وتحس كأن أحد يعصر قلبها..
منيره: الحين ياولدي ورى ماتفكر وتتروى..
صالح: لاخلاص فكرت بما فيه الكفايه..ها إشقلتوا..
وبعدين خلاص ترى رفعتوا ضغطي.. يومين وأنا أحاول فيكم والليله أبي الكلمه الأخيره.. ها تجون معي ولا لآ..
أبرا بصوت مبحوح ووجهها كله ألم واللي يشوفها يقول مستحيل هذي أبرار:
يبـــه..يمه..
تكفون خلاص.. ليه بكل سالفة زواج تعارضون وتتمشكلون..
صالح يبيها ومتمسك فيها ليش تمانعون وتحرمونه من اللي يحبها..
ليش تكسرون قلبه وتقهرونه... ليش ماترتاحون إذا أحد منا كان سعيد..
خلاص زوجوه أسيل..
مارح يلقى أحسن منها.. سواء كانت بنت ولامطلقه..
مومهم.. المهم يعيشون مع بعض طول العمر وهم سعيدين..
,,وتنهار أبرار وتحط يدها على عيونها وتجلس تبكي..
الكل جلس يناظر ببعض وهو موفاهم شي...ومومصدق إن هالإنسانه المنهاره..أبرار..
أثير: يمه.. يبه والله أبرار صادقه بكل كلمه قالتها ..خلاص ليش التعقيد والمشاكل..
صالح وهو يناظر بأمه وأبوه بتحدي: ها اشقلتوا..
سلطان ولأول مره بحياته يقرر من غير راي منيره:
صـــالح.. دق على أبوفيصل وحدد موعد.. وأنا وياك بنروح ونخطبها..
,,الكل انبسط وطار من الفرحه وأبرار رفعت راسها ومسحت دموعها وهي مبسوطه...
صالح وهو مبتسم: بس هااه..
أنا أعرفك يبه لارحنا خطبناها مابي كلام طالع نازل.. ومهما تشرطوا ولاغلوا المهر لاتعلق أنا رجال وأعرف اشلون أطلع نفسي بين الرجال..
سلطان بدون اهتمام: أبد أضمنلك إني ما أخرب عليك ولا أقول ولاشي..
بس هااه.. إنت تتحمل زواجك من الألف للياء لاتطلبني ولاريال ماعندي..
صالح: لاتخاف مانيبطالبك ريال واحد..
*****
,,بعد ثلاثة أيام من هالأحداث..
راح صالح وأبوه سلطان وخطبوا أسيل رسمي..
وبعد أسبوع من إقناع أسيل تمت الموافقه .. وتحدد الزواج بعد ثلاثة شهور..
وحددوا إن الزواج عائلي..في منزل أم عبدالرحمن..
والكل فرحان لها من أهلها وحتى أهل صالح فرحانين باستثناء الأم والأب..
وحتى أبرار...كلمت أسيل وباركتلها..
وكلمت رهف بعد قطاعه زادت عن سنه بينهم وباركتلها بخالد..

التميز خلال 24 ساعة
العضو الأكثر نشاطاً هذا اليوم	الموضوع النشط هذا اليوم	المشرف المميزلهذا اليوم	المشرفة المميزه
قريبا	بقلم :	قريبا	قريبا

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
زعلان مين يراضيني؟؟؟؟	εïз إخـ القمـــر ـت εïз	فسحـﮧ بنوته	168	03-19-2011 01:24 AM
برد الشتاء زعلان وش فيه زعلااان...؟؟؟	لمحة شجن	ڪل مآيشمل حۈآء العامه	12	11-18-2010 01:29 AM
زعلان لكن عارف شلون اراضيك ...	Ǻ6ł8→βήŏţąђ	الشعر والخواطر والقصائد	4	08-03-2010 09:21 PM
روآية انت لي مو لحد ثاني	قمرهم كلهم	للروايات المكتمله	107	07-12-2010 07:37 PM
انا زعلان منك............	دلوعة حبيبها	الشعر والخواطر والقصائد	5	05-01-2009 01:42 AM

الذين يشاهدون محتوى الموضوع الآن : 8 ( الأعضاء 0 والزوار 8)

حقك علي ان كنت زعلان

للروايات المكتمله