close أهلا بك فى منتديات بنوته
هل تريد التسجيل في منتديات بنوته ؟
نعم أريد التسجيل لا شكرا, أريد التصفح فقط

إحصائيات المنتدى: المواضيع: , المشاركات: , الأعضاء:

 

 

 

http://bnota.net/pic/uploads/images/Bnota-ad2e09bc60.gif

التميز خلال 24 ساعة
 العضو الأكثر نشاطاً هذا اليوم   الموضوع النشط هذا اليوم   المشرف المميزلهذا اليوم    المشرفة المميزه 
قريبا

بقلم :
قريبا
قريبا

العودة   منتديات بنوته > منتديات ادبيـﮧ و شعريـﮧ > ڪآن يآمآ ڪآن > للروايات المكتمله


إضافة رد
 
LinkBack أدوات الموضوع انواع عرض الموضوع
قديم 07-05-2013, 09:05 PM   #1 (permalink)
قمرهم كلهم
مستشار المؤسس ~

 
الصورة الرمزية قمرهم كلهم

 آلحـآله ~ : قمرهم كلهم غير متواجد حالياً
 رقم العضوية : 9952
 تاريخ التسجيل :  May 2010
 فترة الأقامة : 5069 يوم
 أخر زيارة : 10-19-2014 (08:38 PM)
 النادي المفضل :
 الإقامة : 
 المشاركات : 8,755 [ + ]
 التقييم :  40
  معدل التقييم ~ : قمرهم كلهم is on a distinguished road
 زيارات الملف الشخصي : 13827
 الدولهـ
Qatar
 الجنس ~
Female

  مشـروبيُ ~

  كآكآوي ~

  قنـآتيُ ~

 MMS ~
MMS ~

  مدونتيُ ~

لوني المفضل : Cadetblue
 
 

أبكي ..! ليه ما أبكي ..؟ مـ دآمكـ للدموع أسبآب ..~



انا : قمرهم كلهم


أسرة

أبكي ..! ليه ما أبكي ..؟ مـ دآمكـ للدموع أسبآب ..~

بالأمس قد كان ...

صبآحهم ضحكه هادئه ..!

ولكن سرعان ما تحول اليوم ...

صبآحهم لـ دمـعـه دافـئه ..~

وصباحك أنت عسآه كل يوم

أجمل يا أجمل قآرئ وقآرئه .. ღ

عدت من جديد لأنثر رحيق قلمي بين صفحات هذا القسم الرآقي الجميل .. الذي يروق لي ولكم
.. نلتقي اليوم بـ كل حب وشوق ..

فـ كم اشتقت لكم ولـلحوآر معكم ..

هـا قد أتيت اليوم
لأحضر زفآف اجبآري ..
ومعي بآقه من الحزن الدفين ..
أهديها لـ عروسي ...
ستمسكها لـ تزف بها ..
على أغنية مليئه بالنغمآت ..
كلماتها عذآب مستمر .. ألحآنها أنين وآهات ..
ها هي قد بدت تمشي ..
صوت بآكي خالطه قليل من البسمآت ..

حكآية قلب ..!!
في زمـــن البــــكآء والآهــــات ..




***



آه ما أقسى القدر ..!
نفترق ولا أمل للقاءٍ جديد
تدمع الأعين لـ فراق حبيب
تذبل أوراق الربيع لـ يعود الخريف ..
أشبه بـ ......
صرخة كهل لحظة سفك الدم
دمعة طفل لحظة فراق الأم
لوعة عاشق لحظة انتهاء الحلم

فـ آآآآه كم الحياة قاسية ...
حين يبتعد عنك أعز انسان
حياتي أشبه بالخيال
في زمن الحقيقة
فقلبي زحام غيم ممتلئ بثرثرة المطر ..
أحلم بالهدوء عندما تتوارى الشمس خلف الأفق
أكتب وأكتب وسط أجواء صآفيه وسط ظلام موحش
ولكن سرعان ما يخونني التعبير
وتتشتت أفكاري
لأجهل كل ما أكتب وأنسى كل ما حولي
ويقف قلمي ثابتاً مكانه ..
بانتظار أن يفك من الأسر ..
ليعبر عن كيان انسان ويترجم عن ما يحويه من مشاعر مضطربه وأفكار مشتته ..


.
.
.


 
 توقيع : قمرهم كلهم




رد مع اقتباس
قديم 07-05-2013, 09:08 PM   #2 (permalink)
قمرهم كلهم
مستشار المؤسس ~

 
الصورة الرمزية قمرهم كلهم

 آلحـآله ~ : قمرهم كلهم غير متواجد حالياً
 رقم العضوية : 9952
 تاريخ التسجيل :  May 2010
 فترة الأقامة : 5069 يوم
 أخر زيارة : 10-19-2014 (08:38 PM)
 النادي المفضل :
 الإقامة : 
 المشاركات : 8,755 [ + ]
 التقييم :  40
  معدل التقييم ~ : قمرهم كلهم is on a distinguished road
 زيارات الملف الشخصي : 13827
 الدولهـ
Qatar
 الجنس ~
Female

  مشـروبيُ ~

  كآكآوي ~

  قنـآتيُ ~

 MMS ~
MMS ~

  مدونتيُ ~

لوني المفضل : Cadetblue
 
 

رد: أبكي ..! ليه ما أبكي ..؟ مـ دآمكـ للدموع أسبآب ..~



انا : قمرهم كلهم






هدووووووووووووء ~
اذا سمحت ..!!
أعطني فرصـــه
لأترجم أحاسيسي ولكن
.................................. ][.. بصمت .. ][
................................................. ][.. بصمت .. ][
.................................................. .............. ][ .. بصمت .. ][



***


( الــــورد الذابل
البسمه الحزينه
الحب المستحيل )


هـــذا أنــــــــــآ ..!
أبكي على فراق حبيبي حزنــــآ ..
فترقبوني لـأروي لكم قصة حــبـــنــــآ ..
سأعيش معكم ..

.................... وقــــفــــه
................................ حـــلــقـــــه
.............................................. هـــمـــســــه
.................................................. ............ ولحظه بلحظه


فلا يوجد هـــنـــــآ ..
سوآ الآه وأنــــت و أنـــــــــــــآ ..




 
 توقيع : قمرهم كلهم




رد مع اقتباس
قديم 07-05-2013, 09:14 PM   #3 (permalink)
قمرهم كلهم
مستشار المؤسس ~

 
الصورة الرمزية قمرهم كلهم

 آلحـآله ~ : قمرهم كلهم غير متواجد حالياً
 رقم العضوية : 9952
 تاريخ التسجيل :  May 2010
 فترة الأقامة : 5069 يوم
 أخر زيارة : 10-19-2014 (08:38 PM)
 النادي المفضل :
 الإقامة : 
 المشاركات : 8,755 [ + ]
 التقييم :  40
  معدل التقييم ~ : قمرهم كلهم is on a distinguished road
 زيارات الملف الشخصي : 13827
 الدولهـ
Qatar
 الجنس ~
Female

  مشـروبيُ ~

  كآكآوي ~

  قنـآتيُ ~

 MMS ~
MMS ~

  مدونتيُ ~

لوني المفضل : Cadetblue
 
 

رد: أبكي ..! ليه ما أبكي ..؟ مـ دآمكـ للدموع أسبآب ..~



انا : قمرهم كلهم




ღ وقفة ღ

أومن أن الشمس موجودة
حتى لو لم تشرق ,
و أومن بالحب ..
حتى لو لم أشعر به .
" سطور محفورة على جدار قبو في كولونيا التي دمرها القصف في الحرب العالمية الثانية "




ღ الحلقة الأولى ღ



نوال من شافت الرقم : يالله اش يبي هذا المريض النفسي متصل هـ الحزه ..!! خل أرد وأشوف
ردت نوال بدون نفس : مرحبآ ..
عزام : مرحبتين ..
نوال بملل : تبا شي ..؟
عزام : مب منج ...!! أقووول انتي في البيت
نوال : هي أكيييد يعني وين بطيررر بلا ..!!
عزام بقهر : ارمسي عدل لايي لج البيت وأصكج كف
نوال : خيررر قوول اش تبي ..؟؟ ترا وراي امتحان باجر مب فاضية لك
عزام مسك أعصابه وقال : روحي لـ حجرتي
نوال : عزامووه تراني والله مب متفيجه وراي امتحان باااجر
عزام يصرخ بعصبيه : قلت لج سيررررري بسررررررررعه
نوال تبعد التلفون عنها وتغمض عيونها : بغيت تطر طبلة أذني
عزام : سيري يلا ..!!!
نوال توقف : سايره سايره خل فيك ذرة صبر
عزام بنفاذ صبر : ها وصلتي ..!!
نوال بسخريه : قالو لك مركبه نايتروس مدري توربو شرات سيارتك ..؟؟
عزام فيه الضحكه من نطق أخته الغلط بس قال بجديه : دشي وافتحي درج المكتب ..
نوال تفتحه : فتحته ....!
عزام : تشوفين ملف أزرق
نوال : كلهم زرق شـ شووف ..؟؟
عزام تمالك أعصابه قبل لا يطلع من التلفون ويذبحها : قلت لج أزرق مب سماوي
نوال : اش تفرق يعني ..؟؟ شفته قووول ..
عزام بتأمر : طلعيه
نوال كارهه حياتها : كاني طلعته لا تتأمر
عزام شوي ويذبحها : افتحي الملف وتشوفين فيه أوراق .. مكتوب عليها سلطان بن محمد الـ ............ وموثقه
نوال وهي تفرفر بالصفحات : هي فيه سلطان وفي اسم راشد بعد و
عزام قاطعها : قلت لج سلطان وبس ..............!!
نوال : المهم هو ..!
عزام : عطيه لـ روزي .. خل تعطيه للدريول ييب لي اياه
نوال : أووووكي
عزام : يلا الحين باااي
نوال توها بتقول باي سده بويهها ..
عضت شفاتها بقوووه وقالت : آآآآخ يالقهر ..!! والله سخييييييييف
ابتسمت نوال بخبث شافت الملفات والأوراق .. سكتت ما قالت شي ..
استغلت الفرصه هذي أول مررره أخوها يسمح لها تفتح درجه .. بس أكيييد هو مستعيل .. ومالقى يستعين الا بي ..!!
يا حلو حظه يوم استعان فيني .. هه والله لوريك الويل عزاااموووه ان عرفت شي عنك ..!
بدت تفتش بالأدراج بسرررعه كأنها تدور على أي شي .. حتى ولو شي تافه ..
شافت مجموعة دفاتر
ابتسمت بسخريه : هذا اللوتي أحيييده مب مال قوووم كتب ودفاتر .. طلعت مثقف عزااام ..!! تعجبني ههههه
فتحت الدفتر ما شافت فيه غيرر أشعار .. قرت العنوان بس مسرع ما رمت الدفتر في الدرج
نوال : مــــــــالت مسوي عمرك حساس وشاااعر .. والله لو خيروني أعيييش مع أي أحد إلا أنت ..! حتى الحنان ما تعرف عنه ..
رجعت تدور ما بين الدفاتر .. شافت كتابين لمسرحيات شكسبير وكتاب قصه لـ أغاثا كريستي وكتب لـشعراء من الجاهليه ..
فتحت كتاب أغاثا كريستي : والله وطلعت منت هيّن عزامووه .. تقرا لأغاثا كريستي ..!!
ابتسمت وهي تقرا سطور من الكتاب .. : إلا أقراااه بعدني ما شريته ..!! بس كيييف آخذه .. خلآص كل يوم أيي يوم هو محد وأقرا منه .. أحسن حـــل
يت بتصكره وترجعه مكانه .. طاحت ورقه من الكتاب ..
عقدت حياتها ونزلت تشيل الورقه .. بطلت عيونها واستغربت ..
شافت الورقه ولفتها شافت صوووره وهي تتمعنها عدل .. انصدمت ..!
لأأأأأأأأأأأأأأأأأ ,,,!! مو هي أنا أدري اني أتوهم مو هي ...
نوال رجعت الورقه بسرررعه في الكتاب نفسه .. ورجعته للدرج سدت الدرج بسرررعه وهي ترتجف .. طلعت من الحجره ومعاها الملف الأزرق .. سدت الباب وسندت عليه ..
غمضت عيونها بألم وقالت : الله ياخذها من صوووره ..!!
/
.
/
بيت صغير .. أشبه بـ كهف .. فيه الدفء والحنآن بما يكفي ..
بعد ما رتبت صحون العشا انتبهت لأختها وهي تدخل ..~
سرحت وأنا اطالعها
أماني : أمووووووووره
أميره رجعت لواقعها الرمادي ..
انتبهت للمكان اللي هي فيه
أنا بين جدارن رماديه مشققه مر عليها الدهر ..
ماء المغسله يتساقط قطره تلو الأخره مختلطاً مع الصدأ والطحلب ..
ابتسمت أميره : هلأأ أماني تبين شي ..؟؟
أماني وهي تضحك : وين سرحتي ..؟؟ اللي ماخذ عقلج يتهنا به
أميره : لا ماخذ عقلي ولا شي .. شو تبين ..؟ قولي بسرعه لأني بروح برقد باجر بداوم
أماني بنص عين : لا ماخذ عقلي ولا شي .. هاااااااااا ..؟؟
أميره طالعت السقف وقالت بغرور : لو ماخذ عقلي اش لج ..!!
أماني ابتسمت : من ورانا أمووور منو ...؟؟ يلا اعترفي
أميره ابتسمت وقالت : لا فديتج والله ماشي .. جان شي بخبرج أوول وحده
أماني ابتسمت : والله اللي يطالعج يقول العاشقه الولهانه وهناك مررره ماشي بالقلب رحمه بعد
أميره ضحكت وقالت : لا والله أحس شو قالو لج عني ..!! يلا ارمسي اش تبين ..؟
أماني : أوكي أوكي ليييش مستعيله
أميره : ماشي بس توني خلصت غسل مواعين
أماني ابتسمت : أوكي ترا باجر الغسل علي
أميره : هي أدري يوم علي ويوم عليج ولا ناويه تخربين النظام ست أمووون
أماني : لا ست أمووور ما بخربه بس حبيت أذكرج
أميره بملل: أمووون قولي اش تبين بسرررعه لأني صج صج برقد اهني
أماني مستحيه : رشود يآه عندنا اليوم ..؟
أميره بابتسامه خبيثه : هي يوم كنتي راقده
أماني ضحكت : درس عدل ولا ..؟
أميره : وانتي اش لج ..؟
أماني : أمووور
أميره طالعت اماني بنظره وقالت بجديه : أماني ودري عنج هالسوالف لن ما منها فايده
أماني كشرت : يلا بروح برقد صارت الساعه تسع وأنا بعدني ادوور
أميره ابتسمت : تصبحين على خير يالديايه
أماني : وانتي من أهله
أماني وهي طالعه .. أميره نادتها : أمووون
أماني : هلأأأ
أميره : أحمد ما اتصل ..؟؟
أماني : لأأأ بعده ما اتصل لييييش ...؟
أميره مستغربه : غريبه أول مره أحمدووه ما ايي ع الغدا من داوم
أماني : هي نسانا من اشتغل
أميره : حرام عليج أماني الولد يشتغل شفتين بعد وين تبينه يلحق
أماني ابتسمت : الله يوفقه فديته
أميره : آمييين ويحفظه
أماني : تعالي نروح نقعد في الصاله عند ماما
أميره : هي لأني ما برقد
أماني : ولا أنا طاار الرقاد من عيني
أميره : تصدقين أحمد يقول لي ان شركتهم وايد حلوووه لو تخرجت عادي اشتغل معااه
أماني : من صدقج الحين انتي ..؟؟
أميره : هي صدقي اش قالو لج عني جذابه
أماني : لأأ بس قلت انتي طموحج أكبر عن جذي
أميره ابتسمت وقالت : أماني لما توصلين لـ هالمرحله خلاااص ما بيكون باليد حيله
أماني امتلت عيونها دموع وقالت : أميره شاللي خلاج تغيرين رايج ..؟
أميره : وايد أشيا بالحياه
أماني : أميره انتي عمرج ما كنتي تنظرين بـ هالنظره للحياه لييش اختلفت نظرتج ..؟؟
أميره : أموون أنا ما ارضى أشووف أمي تنذل جدامي
أماني : أدري بس الحمدلله الوالده ما يعيبها شي
أميره : بس انتي ترضين ان أحد يعلي صوته على أمج
أماني : طبعا لأأأ بس انتي حطي ببالج أمي لا يمكن ترضا انج ما تكملين
أميره : من قال اني ما بكمل ..
أماني وهن يمشن في الحوي : عاد ...؟؟
أميره : بكمل ان شالله بس بعد ما نكون نفسنا أنا وأحمد .. ونشيل البيت شوي ونريح ماما
أماني : تدرين ..!
أميره : شو ..؟
أماني وهي تقعد ع اليلسه اللي في الحوي : باقي شهرين .. يصير خير
أميره يلست وهي تبتسم : أدررري بس بعد لااازم تحطين لكل شي احتمال
أماني : بس انتي مب مجبووره بأنج تفكرين من الحين
أميره : يحلها ربج يـ ختي باقي وقت
أماني : والله ظلم اللي قاعد يصير
أميره ابتسمت : مب ظلم بس ماما ونحن ما نرضى ان أحد يشفق علينا .. دام ان ربنا عطانا الصحه والعافيه .. حطي ببالج ان هذي بحد ذااااتها أكبررر نعمه
أماني : الحمدلله رب العالمين
أميره : وبعدين الشغل شو ما يكون لا هو عيب ولا هو حرااام دام دخله حلااال
أماني : بس من يفهم المجتمع ..!
أميره : مو لااازم يفهمون المهم نحن والناس المحترمه فاهمه هالشي
أماني : تدرين أحس ان نحن أبد ما عشنا سننا
أميره : لا تقولين جذي .. أماني غيرج مب ملاقي أكل ياكله
أماني : خلااص بسكت .. غيري السالفه تييب لي احباط هـالسوالف
أميره : رشود ذلني اليوم ..~ حشا مب عقل عليه
أماني ضحكت : سنه لما يفهم المسأله ..!
أميره : يفهم بس روحه يستعبط
........... : مســــــــــــــــــــآء الورد
لفينا أنا وأماني نطالع صوب أحمد
قلت بفرح : مســــــــــآء الجـــوري والكادي لأحلى أحمد بالدنيا
أحمد ابتسم وهو ياي صوبنا : بس أحلى أحمد ..؟؟
أماني : أحلى أخ في الدنيا
أحمد ياه صوبنا وكالعاده باس راسي وراس أماني
أماني طالعته وقالت بقهر : ممكن أفهم ليييش ..؟؟
أحمد ابتسم : شاللي ليييش ..؟؟
أماني مقهوره : ليييش تبوسني على راسي .. أحيييد الناس يبوسون ع الخد
أحمد ضحك وقال يقهرها أكثر : لأانج عيوووز يالعيووز
أماني عقدت حياتها وبانكسار : حرااام عليك
أميره : تستاهلين محد يقول لج كلمي أخوي بـ هالطريقه
أحمد طالع أماني وقال : يالديايه سيري ارقدي
أماني وقفت : راايحه ارقد .. تصبحون على خير
قلنا أنا وأحمد ونحن يالسين نطالعها رايحه للصاله ونضحك على شكلها
أميره : بسررعه تزعل
أحمد : توها صغيره
ابتسمت لأحمد وهو بعد قاعد يطالع صووب باب الصاله
حسيت بدفا وهو يالس قبالي .. حسيت بأمان وحنان الأب والأخ والصديق بنفس الوقت
أخوووي أحمد عمره ما قصر بحقنا ..
يعاملنا معاملة الأب لـ بناته ..
عمره ما منعنا من شي .. علمنا ودرسنا وساعدنا واحترمنا وقدر وجهة نظرنا
أحمد : أمووور
انتبهت له وابتسمت : آمر ..؟؟
أحمد : ما يآمر عليج عدو
قلت وأنا مستحيه لأني سرحت : ولا عليك
أحمد ابتسم : وين رحتي ...؟
قلت وأنا اطالع صوب اليدار .. القطه قاعده تمشي عليه : ماشي اطالع القطوه
أحمد ضحك : تشبهج
ابتسمت : حرااام عليك
أحمد وقف : وين الوالده ..؟؟
قمت معاه وقلت : في الصاله
أحمد : بروح بقعد معاها شوي
مسكت يده وقلت : حماده ليييش تأخرت اليوم ..؟؟
أحمد : لييش هـ السؤال ..؟؟
ابتسمت وقلت بغنج : خواتك وتولهن عليك فيها شي ..؟
أحمد ضحك : لمصلحه أكيييد
قلت : لا والله مب لـ مصلحه .. وبعدين نحن متعودين عليك كل يوم المغرب نسولف معاك
أحمد ابتسم لي ومسح ع راسي مثل الأب اللي يحن على بنته : فديتج كنت في الدوام عندي شغل وااايد
قلت له وانا امسك يده اللي ع شيلتي : الله يوفقك يارب
أحمد وهو يمشي : ويوفقج ان شالله
دخلت الصاله وراه .. تجدم عن أمايه وباس راسها
أمي وهي يالسه تخيط : تحب الكعبه ان شالله يا ولدي
أحمد يلس يمب أمايه : اش حالج يالجنه ..؟؟
أمي : بخيرر حبيبي انت شخبارك .. شخبار الدوام وياك ..؟؟
أحمد : لا باس به
أمي : الحمدلله رب العالمين ..
أحمد : أميره فديتج يوعان مب متعشي
قلت وأنا ابتسم له : احلى عشا ألحين بييبه لأحلى أخو
طلعت من الصاله ورحت للمطبخ اللي خارج الصاله ..
بيتنا بيت قديم على قد حالنا .. بس حلو .. لأني ارتاح فيه .. دخلت المطبخ وبديت أحط عشا لأحمد أخوي ..
تجدمت عن المغسله اغسل قلاص الماي سمعت صوت القطه
لفيت ويهي شفتها
ابتسمت لها وقلت : اششششششش
حركت ذيلها وتمت واقفه يدام باب المطبخ
قلت بصوت أعلى : كششششششششششش اطلعي
بدت تقول : ميااااااااااو
ابتسمت وتجدمت عنها الين خافت وشردت
ضحكت عليها .. لو أموون اهني جان شالتها من ذيلها أختي هذي عفريته ما تخاف من شي
شليت أكل أحمد من بعد ما خلصت وطلعت من المطبخ بندت الباب عن تدش القطه وتخرب كل شي في مطبخنا الصغيرون الحلو
ودخلت الصاله
أحمد طالعني وهو يكلم ماماتي .. قال وهو يبتسم : تسلم لي الأيادي والله
قلت وأنا أحط الصينيه : الله يسلمك حبيبي سم بالرحمن وكل
أحمد بدا ياكل وهو يكلم أمي عن مواضيع مختلفه
أحمد ابتسم وقال : في واحد اليوم شفته بالمسيد وقال لي : انت ولد جميله
أمايه ابتسمت وقالت : اشلون عرفك ..؟؟
أحمد : شكله شافني معاج بسوق الخضره ذاك اليوم
أمايه : هيييييه .. منو هذا ..؟
أحمد : يقول اسمه سعيد
أمايه : هي عرررفته .. هذا بو عبدالله
طالعت أمايه وقلت : هي أمي عرفتهم بنتهم دانه
أمايه : علييج نووور
أحمد : سلم عليج ويقول وينها أمك جيييه ما تييي السوق
أمايه ابتسمت : وين اتفيج ارووح السوق الحين .. والله الشغل متعب ما اصدق ارجع ارتاح
أحمد : عنده دكان في السوق الجديم
قلت وأنا أطالع أحمد : أحمد متى بتخلص بتحصل اجازه ..؟؟
أحمد : بعدني .. توني الا مداوووم
قلت له : أوكي يوم تخلص هـ السنه لا تداوم بالصيف خذ سنويه
أحمد : اصلا أنا روحي أخذ الصيفي عسب يرقوني
قلت : ع راحتك دام انك ترتاح جذي
أمايه : ها عسا بعدك تقدر توفق بين الدوام اليديد وحياتك
أحمد : الحمدلله رب العالمين
أمايه : هانت يا ولدي الا هي ايام وتعدي
أحمد : ان شالله
أمايه : يلا يا عيال ارقدو قربت تصير عشر
أحمد : هي أنا برووح بتسبح وبرقد .. واقف ع ريولي من الفير
أمايه : ارقد فديتك لا تتعب عمرك
أحمد : تصبحون على خير
أنا وامايه : وانت من أهله
قلت وأنا أطالع ماماتي : أمايه باجر وعيني الساعه خمس ونص
أمايه : ان شالله
قلت لها : كلمتج أبله موزه اليوم ..؟؟
أمايه : هي قالت لي عن مذكرات الامتحانات
تقدمت عن أكل أحمد عشان أوديه المطبخ
أمايه : خليه بنتي بروحي بشله
قلت : ماماتي عادي الا هي صينيه وحده
أمايه : روحي رقدي بسج تعبتي اليوم
ابتسمت لها وتقدمت عن حجرتنا أنا وأموون
دخلت بهدوووء وتقدمت عن فراشي ورقدت
طالعت يمبي أموون غاطه بسابع نووومه ..
غمضت عيوني وأنا مبتسمه على أمل ان باجر يكووون يوم أحلى وأحلى
/
.
/
رجعه للبيت الكبير عكس ذاك البيت الصغير
نوال وهي تطالع تلفزيون ويدامها اللاب توب
نوال بصوت عالي : روزه. روزه ...!
روزه يت صوبها ركض وهي تقول : نعم مدام ..؟؟
نوال : سوي لي نسكافيه
روزه : ان شالله مدام
نوال طالعت صوب روزه وهي تمشي قالت بصوت عالي : بسررررعه
بدت تتذكر اش صار من ساعه يوم كانت فوووق حست نفسها كانت سخيفه بذيك اللحظه لما فتشت أغراضه لولا فضولها ما كانت بتحس بالألم ..
بس هم حست بألم ووقاحة أخوها بنفس الوقت .. لكن غصباً عنه ما باليد حيله الله يجازي اللي كان السبب ..
نوال وهي تغير بالقنوات سمعت صوت تنبيه بالمسن بأن ( ما بيكـ تدري بغلآكـ وينكشف أمري } حلآتي { لآ عشقتكـ وانت مو دآري ) تم تسجيل الدخول
استانست نوال وابتسمت أرسلت لها

( وشلون ما أغليك ..؟ وانت الذي علمتني حبك )
مرحبا ملااييييين

( ما بيكـ تدري بغلآكـ وينكشف أمري } حلآتي { لآ عشقتكـ وانت مو دآري )
مرحبآ بج زووود

( وشلون ما أغليك ..؟ وانت الذي علمتني حبك )
اش حالج ..؟؟

( ما بيكـ تدري بغلآكـ وينكشف أمري } حلآتي { لآ عشقتكـ وانت مو دآري )
بخير .. انتي شخبار الفيزيا معاج ..؟

( وشلون ما أغليك ..؟ وانت الذي علمتني حبك )
تمام توني مخلصه ييت بقعد بطالع مسلسلي جان تحدرين

( ما بيكـ تدري بغلآكـ وينكشف أمري } حلآتي { لآ عشقتكـ وانت مو دآري )
زين يا بختي ههههه

( وشلون ما أغليك ..؟ وانت الذي علمتني حبك )
تصدقين قلت لـ روزه تسوي لي نسكافيه أبي أسهر اليوم

( ما بيكـ تدري بغلآكـ وينكشف أمري } حلآتي { لآ عشقتكـ وانت مو دآري )
والله أنا بعد .. تعبت من النوم بدري

( وشلون ما أغليك ..؟ وانت الذي علمتني حبك )
ههههه لا الصراحه هـ العام نحن يهاااال ننام بدررري يوميا

( ما بيكـ تدري بغلآكـ وينكشف أمري } حلآتي { لآ عشقتكـ وانت مو دآري )
هااانت يـ ختي مب باجي الا كم اسبوووع واسهري للفجر عقبها

( وشلون ما أغليك ..؟ وانت الذي علمتني حبك )
يا حظه عزاامووه أخوووي مخلص وما يرد الا ويه الفير

( ما بيكـ تدري بغلآكـ وينكشف أمري } حلآتي { لآ عشقتكـ وانت مو دآري )
ههههه يا بخته .. بس والله متفيج يعني أحس اللي بعمره التزمو خلاااص

( وشلون ما أغليك ..؟ وانت الذي علمتني حبك )
وييــــن الله يخليج ..؟؟ الكل يلتزم الا أخوووي

( ما بيكـ تدري بغلآكـ وينكشف أمري } حلآتي { لآ عشقتكـ وانت مو دآري )
لا عاد انتي يبي لج واااحد ملتزم لا تاخذين واحد شرااات أخوووج

( وشلون ما أغليك ..؟ وانت الذي علمتني حبك )
ههههه هي عسب أبهدله بهدله وأذل أخلاااقه

( ما بيكـ تدري بغلآكـ وينكشف أمري } حلآتي { لآ عشقتكـ وانت مو دآري )
حراام عليج

( وشلون ما أغليك ..؟ وانت الذي علمتني حبك )
أقووول ميمي بطلع لأني بتابع المسلسل

( ما بيكـ تدري بغلآكـ وينكشف أمري } حلآتي { لآ عشقتكـ وانت مو دآري )
أووكي وانا بروح بسوي خطة البحث

( وشلون ما أغليك ..؟ وانت الذي علمتني حبك )
موفقه .. باااي

( ما بيكـ تدري بغلآكـ وينكشف أمري } حلآتي { لآ عشقتكـ وانت مو دآري )
بااايااات

شافت نوال صوب المطبخ وقالت : روزه وينج تراااج تأخرتي
روزه يايه : مدام سكر زياده ولا ..؟؟
نوال : هي اباه بلاااك وملعقتين سكر
روزه هزت راسها ورجعت للمطبخ
نوال ضحكت وقالت : هذي بلاااها .. صج أي شي ..!
وتمت تغير بالقنوات الين استقرت على قناتها المفضله وبدا المسلسل
نوال تطالع الساعه : قربت تصير احدش ومحد شرف ..!! لا الأخو ولا الأبو
روزه يايه : مدام
نوال ابتسمت : شكرررا شكله يهبببل
روزه ابتسمت وروحت عنها
نوال : روزه بابا ما قال لج متى ييي ..؟؟
روزه : لا مدام ما في قول حقي
نوال : انزين سيري يلا
روزه روحت
نوال فـ خاطرها : يالله هذيل ليييش يتأخرون هـ الكثر .!! يلا خل يخلص المسلسل وأصعد فووق أكمل سهرتي بداري أحسن لي
/
.
/
بالقرب من حدود تلك المنازل الفخمه ... منزل يسوده اللون الشعبي .. يضئ بأنوار ذات لون بهي ..
أم حمود : بو حمووود .. يا بووحمووود
بو حمود يحط القحفيه ع راسه عسب يروح الصلاه : أمري ..!
أم حمود : ولدك ذياب ما رجع أمس
بو حمود مستغرب : وينه ..؟؟
أم حمود خايفه : مدري والله وينه خايفه عليه .. أخاااف لا استوا به شي .. اليوم الصبح رحت لحجرته ما شفته
بو حمود : خليها ع ربج ولا تحاتين بيرجع ان شالله .. حركااات شباب
أم حمود بخوف : يا بو حمود ما كد مررره ذيااب تأخر .. الشمس قربت تطلع ..!!
بو حمود : يا مره عيني من الله خير
أم حمود : استغفر الله العلي العظيم .. وينه ولدي ..!
بو حمود ابتسم لها : قومي اقري قرآن وأنا بروح المسيد وان شالله بس المطوع يخلص صلااة يرجع ذياااب
أم حمود : ان شالله يرجع .. مع اني مب مرتاحه
بو حمود : يمكن طلع مع ولد أخوي عزام .. تدرين به عزام ما يرد الا ع ويه الفير
أم حمود : ان شالله يكون مع عزام مب بمكان ثااني
بو حمود : يلا قد قامت الصلاة بروووح المسيد
أم حمود : رووح الله معاك
ميثاء الصغيره تقدمت عن أمها وهي زعلانه
أم حمود لفت شافتها : شو موعنج ..؟؟
ميثاء : ماما انتي تثارخين ..
أم حمود ابتسمت : فديتج روحي نامي
ميثاء متضايجه : ابا حليييب
أم حمود : ميررري .. سوي لـ ميثاء حليييب
ميثاء تقدمت عن الكنفه وصعدت وغمضت عيونها تكمل نوم
أم حمود رجع لها الخوف وراااحت للحجره تقرا قرآن
أم حمود : يالله يكون بخيررر ..
/
.
/
قمت الصبح وأنا أفتح عيوني على صوت المؤذن وهو ينهي الآذان ..
الله أكبر الله أكبر ..
لا إله إلا الله ..
تثاوبت ورجعت حطيت راسي ع الوساده بكسسسل .. ما ودي أقوووم أبي أنام وبس ..
فتحت عيوني رديت أطالع الساعه .. قعدت عدل وبديت ألم شعري بطريقة مهمله مالي خلق لقومة الصبح .. أحررر ما عندي
وقفت وأنا اتنحنح شفت أموون أختي نايمه .. يا حظها هذي تقوم الساعه ست بس أنا أقووم خمس ونص لأني أقرا قرآن الفجر .. (( إن قرآن الفجر كان مشهودا )) ..
فتحت الباب وطلعت بس رجعت دخلت أخذ لي ملابس ورجعت طلعت .. اروووح للحمام اتسبح الله يعزكم .. وأنا ماشيه شفت أخوي أحمد طالع من حجرته بيروح المسيد
ابتسمت له وأنا مالي خلق أتكلم .. فلا كلمته ولا كلمني لأننا كلنا أصحاب مزاج بالبيت .. وقت ما نقوم من النوم مستحيل نتكلم أول شي لأن المزاج شوي متعكر ..
/
.
/
في طرف أخر بـ مدينة دبي ...
الفجر .. هدووووء عكس بليل والظهر ..
هـ المدينة مفعمه بالنشاااط والحيويه .. بس الفجر يعمها شوية هدووء يصاحبه ضجيج هااااااااادي قبل طلوووع الشمس .. بس النور يبدا يظهر .. يرجع الوضع مثل ما كان والكل يطلع ..
..
دخل الفله بسيارته الفخمه ..
وهو يتكلم بالموبايل ..
عزام : هي عمي كان معاي .. لا راااجع البيت خلااااص ... أوووكي ... فمان الله ..
تأفف عزام وهو يحرك سيارته : أوووف .. يالله من هـ الشواااب .. كل شي يدخلون عمارهم فيه .. درينا ان نحن عيالهم بس مب لهالدرجه ..!!
وقفها يدام باب الصاله الكبير .. نزل من السياره وهو هلكااان من سهرة أمس
تجدم عن الباب العوود ودخل الصاله .. شاف التلفزيون شغال .. ما عطا أي اهتمام
بس اكتفى بأنه يقول بسخريه : ع بالهم عندنا مال قارون حتى بليل للفير مشغلينه ..!!
صعد ع الدري بسرررعه وهو يتنحنح من التعب ووصل لفوق
طل يمين ويسااار .. شااف هدووء بالممرات بس صوت أقدااام وأحد قاعد يمشي
اتجه لـ مصدر الصوت
نوال وهي تشوف أوراقها وقاعده تمشي .. رفعت راسها تخرعت
قالت بسررعه : بسم الله
عزام ضحك بسخريه : يني ..!!
نوال وهي تتعبث في الأوراق تبي تشوف الورقه اللي تباها قالت : تو الناس ...!!
عزام مشا وهو يقووول : رووحي المدرسه روووحي
نوال مشت وهي ما تعطيه أي اهتمام مثل ما هو يعاملها هي تعامله ونزلت الشنطه ع الأرض وبدت تفتش
قالت بصوت مسموع : ما قووول غيررر ان القطاااو ما عندهم مكان يرقدون فيه بليل .. غير الزبااااااااااااااله
وهي تفتش ما حست الا بأحد يمط شعرهااا مط ورفعها
وقفت نوال على ريووولها وهي تشهق قالت بصوت مكبووت : اتركني عزاااااااام
عزام شد شعرها بأقوى وقاال : من القطاااو يا ويه الفقر ..!!
نوال عضت شفايفها وقالت : انت ..!! ما تعرف ان عندك بيييت تييي تنام فيه بليل
عزام شد أكثر وقال بين اسنانه : عيدي ...؟؟
نوال عضت شفاتها بقوووه وقالت : سوووري أنا القطوووه أنا بس اتركني دخيييلك ما فيني امشط شعري مره ثانيه
عزام ودرها بقوووه واندفعت نوال ليدااام .. مسكت عمرهااا عن تتكسر ..
قالت وهي تطالعه : مب كلمه وطلعت أعووذ بالله
عزام رفع حياته وقال : اجلبي ويهج لــ والله أدووس ببطنج واخليج تتأدبين الحين وتشوفين كيف بيكوون شكلج وانتي راايحه للمدرسه
نوال بلعت ريقها وقالت بهمس : ما تنلام أروى يوم انها تركتك وراحت تشوف حياتها
عزام عقد حياته : قلتي شي ..؟؟
نوال هزت راسها : لا سلااامتك
عزام هز راسه مب مصدق
نوال بخاطرها .. والله لو ابووي واعي جان خليته ينتفك تنتيف .. بس خساااره راااقد ..!! يا حظي الردي .. ما قووول غير حسااافه
نوال : جان تبا تسوي خير تعال ساعدني ندور على ورقة المعادلات
عزام بغرور : هه .. تمسين على خير
نوال : وانت من أهله
بعد ما روح .. قالت بغرور : اي خيرر وانت كلك على بعضك شر .. حتى وجودك بين البشر خطررر ..!
وبدت تدور ع الورقه لأن قربت تصير سبع وتبي تراجع قبل لا تروح المدرسه بنص ساااعه
/
.
/
لبسته الشنطه : يلا حبيبي روووح باصك ياااه
بو نواف طالع أم نواف ( مهره )
بو نواف : تريقت نور ..؟؟
أم نواف : لأأأ بعدها .. يلا نور اكلي بسررعه
نور مدت بوزها وقالت : مابي انتو تسوون لي صمونة زعتر
أم نواف : مو انتي الله يهديج قلتي تبين زعتر ..!!
نور : لأأأ أبي جبن
أم نواف : هذا أخووج كلا وخلص وماشاء الله عليه رووح المدرسه وانتي بعدج
نور : مابي أبي جبن
أم نواف : يارب صبرني ع هـ البنيه
بو نواف ضحك : نور حبيبتي اكلي يلا بنسوي لج جبن باجر
نور ربعت يدينها وقالت : مابي ... ابي جبن ما أحب الزعتر
أم نواف عطتها سندويشة الجبن وقالت : هاج اكلي ..
نور خذتها وقالت : حطيها بكيس بوديها المدرسه
أم نواف بطلت عيونها .. طفشانه
أبو نواف : ههههه حطي لها اياااه خل تاخذه معااها
أم نواف : الله يهديج يا بنيه
أبو نواف : يحق لها تدلع يا أم نواف يحق لها .. خليها على راحتها بنتنا الصغيرونه والوحيده
أم نواف : من بعد هـ التوم حرمت أييب عيال
أبو نواف ابتسم : لا تقووولين يا حرمه ..!!
أم نواف ابتسمت : روحهن بنااات الثانويه مطلعين لي الشيب .. ابله ما نفهم وابله ما نفهم
أبو نواف ابتسم : استحمليهن آخر سنه ..
أم نواف : مب مصبرني الا هالشي ..
أبو نواف : ههههه يلا انزين خلصووو عسب نرووح للدوام
أم نواف : أنا بوصل نور اليوم بدربي
أبو نواف : أووكي عاد أنا بروح
أم نواف : مع السلامه يالغالي
أبو نواف : مع السلامه .. جان بغيتو شي اتصلو فيني
أم نواف : ان شالله .. يلا نواري قومي لبسي جنطتج نروح للمدرسه
نور تشيل الشنطه : ماما ..
أم نواف : نعم حبيبتي ..؟؟
نور : أنا أحب أبله حفصه
أم نواف ضحكت : شطوره
نور : ابا تشوفينها
أم نواف : ان شالله ..~ يلا نروح حبيبتي ..~
نور : ماما في الصف الأول أبلة منى بعد تعطينا هديه
أم نواف ابتسمت : لأنكم شطاار
نور مسكت يد أمها وقالت : ليييش ما ارووح بالباص
أم نواف ابتسمت : حرر الباص ماماتي .. يلا بسرررعه امشي لا نتأخر
ابتسمت أم نواف على اسئلة بنتها الصغيررره .. ومشت للسياره ..
/
.
/
طلعت من الحجره وأنا شايله البوت بيدي الله يعزكم .. عشاان البسه في الصاله
يلست ع اليلسه ولبسته ولفيت الشيله ..
أماني طلعت : ها خلصتي ..؟؟
أميره : هي وانتي ..؟
أماني : هي .. يلا نقعد في الحوي نتريا الباص
أميره : بس رجاءا عندي طلب ..
أماني : أمري ..؟؟
أميره : ما يامر عليج عدو
أماني : ولا عليج
أميره : لا ترمسين لأني براااجع جان تراجعين راجعي بس لا ترمسين
أماني : ان شالله .. وبعدين الباص باقي له نص ساعه
أميره : أدررري .. يلا امشي
أماني وهي تقعد ع اليلسه اللي في الحوي : ماما روحت ..؟
أميره : هي روحت أول وحده اليوم يبونها مبجر ..
أماني : اصلا كل يوم
أميره : تدرين عاد مجبووره
أماني : آهااا .. وأحمد
أميره : مدري بس ما ظنتي جنه بعده اهني
أماني : هي هذووه في الصاله
أميره تطالع : شكله توه ناش
أماني : رقد من بعد صلاة الفير ..؟
أميره : يمكن لأني ما شفته الا يوم رايح المسيد
أماني تطالع أحمد : صبآح الــــــــــورد
أحمد ابتسم وفي يده كوب الجاي : صبآحكم جآآآآي بحليب
أميره ابتسمت : ع الأقل قول جووري مب جاااي هههه
أحمد ابتسم : ليييش في أحلى من الجاي بالحليب الصبح
أماني : وع ع ع الله يقرفك أحمدوووه قوول عصير برتقال جاااي مره وحده
أميره : عيب يالدبه نعمه هذي
أماني : هه استغفر الله خلاااص ما قلنا شي
أحمد يلس يمبهن : متى ايي الباص
أميره : كالعاده سبع ونص
أحمد ابتسم : يا حرااام بعدهم يداومون بالمدرسه
أميره : أنا هانت مب باجي لي شي .. قووول لـأمون هههه
أماني بوزت : ربج بيفرجها مب باااقي وااايد
أحمد : مثل ما مرت ايامنا بتمر أيامكم
أماني : يارب يا كريم .. خل هـ الأيام تمر بسررعه وأتخرج ..
أحمد ابتسم وقال : مب حاله مسويه فيج المدرسه
أميره ضحكت : هذي حاله مستعصيه ونااادرره
أحمد ابتسم : أحيييد البنات دحيحات ومصريااات
أماني : بس بعد نبا نخلص .. ما نبا نعمر بالمدرسه
أحمد ابتسم : ملقوووفه
أميره : متى بتداوم اليوم ..؟
أحمد : تسع
أميره : شكلك واايد ماخذ راحتك
أحمد ابتسم : يحق لي .. أداوم عند ربيعي ..
أميره : خلاااص بشووف لي ربيعة جذي راعية فلووس وبداوم عندها ههههه
أحمد : دبـــه ..
أماني : نااس قالو لي لا ترمسين بنراجع بس من شااافوك نسو الدنيا
أحمد : يحبووني ..!! من زود الحب هههه
أماني : اصلااا هذي ما تداني أحد .. ما أعرف كيف عايشه
أحمد : ما اسمح لج ترا ..!
أماني بوزت : هي ترااني بنت البطه السوده ما تحبوني
أميره ابتسمت : تستاهلين من يقول لج ترمسين عليه ..!
أماني : ترا باصنا بيي وهذي ما راجعت
أحمد وقف : برووح بكمل رقااد .. يلا مع السلامه
أميره : مع السلامه
أماني : يلا ادرسي
أميره : هه
مرت دقايق الا والباص يااه
أميره وأماني .. طلعن من البيت وركبن الباص
أماني يلست يمب ربيعتها
أما أميره راحت يلست يمب ربيعاتها
شيخه : صباح الخير
أميره يلست : صباح النور
شيخه : شخبار الامتحان معاااج
أميره : تمام هههه وانتو ..؟؟
شيخه : لا تسألين
أميره : سهل ما يباله واايد
شيخه : يعني ..!!!
أميره تطالع أماني وتقول : أموون عطيني البالطو مالج اليوم
أماني : أووكي
شيخه : ليييش انتي ما يبتي مالج ..؟؟
أميره : له نسيته توني اتذكره
شيخه : قالو لج متى الاختبارات ..؟؟
أميره : لأأأ بعدني ما ادري بس احتمال بداية سته
شيخه : هو أكييد بس التاريخ للحين ما نعرفه
أميره : اصلا قبله بأسبوع بس يقولون لنا
شيخه : هي دوووم جذا
أميره : وأخيرااا رااح للشارع العام
شيخه ابتسمت : لما يدور بالفرجان يلوع لي بجبدي
أميره : يعور لي راااسي
شيخه : صدقج والله
أميره عقدت حياتها : شو هـ التجمع اللي يدااام ..؟؟
شيخه : أي تجمع ..؟؟
أميره : صووب الاشااره ..!
شيخه تطالع مستغربه وخايفه : أويـــه أمووور شكله حادث كبيررر
أميره خافت وقالت : يارب خيررر .. ان شاء الله محد مستوي له شي
أماني لفت تشووف أختها وقالت : أمووور حادث كبيرر مستوي
أميره زاد خوفها طالعت شيخه وقالت : تأكدي دخيييلج من السياره
شيخه وقفت مستغربه وقالت : والله مب واضحه الرؤيه بس حد من أهلكم عنده استيشن ذهبيه ..؟؟


انتهى /~

ღ همسه ღ


عيش صغير وتهنى ..
ترآك الحين في جنه ..
واضحك **
قبل ما تنسى طعم الفرح ~
وتعيش الوقت هم وجرح !




 
 توقيع : قمرهم كلهم




رد مع اقتباس
قديم 07-05-2013, 09:22 PM   #4 (permalink)
قمرهم كلهم
مستشار المؤسس ~

 
الصورة الرمزية قمرهم كلهم

 آلحـآله ~ : قمرهم كلهم غير متواجد حالياً
 رقم العضوية : 9952
 تاريخ التسجيل :  May 2010
 فترة الأقامة : 5069 يوم
 أخر زيارة : 10-19-2014 (08:38 PM)
 النادي المفضل :
 الإقامة : 
 المشاركات : 8,755 [ + ]
 التقييم :  40
  معدل التقييم ~ : قمرهم كلهم is on a distinguished road
 زيارات الملف الشخصي : 13827
 الدولهـ
Qatar
 الجنس ~
Female

  مشـروبيُ ~

  كآكآوي ~

  قنـآتيُ ~

 MMS ~
MMS ~

  مدونتيُ ~

لوني المفضل : Cadetblue
 
 

رد: أبكي ..! ليه ما أبكي ..؟ مـ دآمكـ للدموع أسبآب ..~



انا : قمرهم كلهم



.
.
.

ღ وقفة ღ

أدور على الديار ديار ليلى ** أقبل ذا الجدار وذا الجدارا
وما حب الديار شغفن قلبي ** ولكن حب من سكن الديارا
" مجنون ليلى "



ღ الحلقة الثانيه ღ

أميره زاد خوفها طالعت شيخه وقالت : تأكدي دخيييلج من السياره
شيخه وقفت مستغربه وقالت : حد من أهلكم عنده استيشن ذهبيه ..؟؟
أميره تنهدت برآحه : الحمــــدلله مب سيارة أمي
شيخه : الحمدلله .. تعالي ادعي للريال ليكون مستوي به شي .. لا تصيرين أنانية جي
أميره : ان شالله سالم ان شالله
شيخه : آمييين .. بعد ما تدرين أكيييد عنده أخوات وأم
أميره : ان شالله ما يكون مستوي به شي ..!! تعالي شـ الاهتمام هذا ..؟؟
شيخه ابتسمت : ماشي بس اليوم حلت عليه طيبه
أميره رفعت حياتها وابتسمت : الحمدلله صرتي طيوووبه وأخيرا يعني
شيخه : لا يغرج ترا أرجع لطبعي
ميره : اقوول سكتن ..! لأني قاعده أراجع ..
أميره ابتسمت : يا نهار أبيض ..!! ميرووه تراجع ..؟؟
ميره ابتسمت : شسوي والله أمس بليل أخوووي تعب والوالده راحت معاه المستشفى انجبرت أقعد مع أخوي الصغير
أميره : معافى ان شالله
شيخه ابتسمت وبمزح : لأأأأأأأأأأأ خلاااص بخطبج لأخويه يالسنعه
ميره ابتسمت وقالت بسخريه : أقوول شويخ اجلبي ويهج
شيخه : على أي صفحه
أميره : يا سخفج شواااخ ..!! ردي شريره أليق ترا احرجتي البنيه بـ كلامج
شيخه : عدااال ..!! خلاااص زعلااانه
ميره : بالطقاق .. خلينا نرتاح شوي
شيخه كشت عليها : مااالت عاللي يرابع شراتكن ويوووه ..!!
أميره : والله محد ضربج ع يدج وقال لج رابعيني .!!
ميره : مرمر الصاجه .. محد ضربج
شيخه : راجعن راجعن يالدافورات
أماني تمشي تيي لصوب أميره : هاج البالطو ..
شيخه : الحمدلله وصلنا ما بغينا
ميره : صج والله جبدي لاعت من الباص
أميره تطالع البنات اللي يالسات بآخر شي وتقول : من حشرة هذيل ..!! أعوووذ بالله مب رادو مركبينه .. لق لق لق
أماني ضحكت وقالت : ههههههه أميررروه لا الصراحه هـ الأيام عليج تعليقات .. شي شي
أميره توقف : يلا انزلن .. وصلنا
أماني : أميره تعالي أباج شوي
أميره تمشي مع أختها وتقول للبنات : يلا بسير عندي أختي وبلحقكن للصف
أماني مسكت يد أميره وهي تمشي : أقووول ..!
أميره : قولي ..؟
أماني : ما خبرتج في البيت أمس نسيت
أميره : قولي انزين ..؟؟ انتي متعوده تحرقين أعصاب الواحد
أماني : حاسبي من هذيج اللي اسمها حمده
أميره : بلاها ..؟
أماني : ماشي بس أمس وانا خاطفه حذالها سمعتها هي وشلتها يتكلمن عنج
أميره : ما عليج فديتج .. سيري صفج
أماني : أوووكي .. يلا سي يو
أميره : أصبحنا وأصبح الملك لله
أماني تضحك وتمشي وهي قاعده تطالع أختها شوي الا وتصدم بوحده
طرااااااااااااااااخ
أماني تمسك كتفها وتقول : ويـــــــــــــــع ان شالله
أسما تضحك وتطالع أماني ربيعتها وتقول : اش دراني انتي اللي تمشين عكس الناس
أماني ابتسمت وقالت : صبآح الفل
أسما تبتسم وتقول : صبآح الملوخيه والأشطه والدولمه والمجدره
أماني : ول ول ول .. ما صااارت يومنا اليوم كوكتيل مصري ع عراقي على سوري وشوية اردني
أسما تطق اصبعين وتقول : تعالي بقوول لج سالفه خطيررررررره
أماني مستغربه : اش صاير ..؟؟
أسما : تعالي تعااالي
أماني تمشي يمب أسما وتقول : أحمد أمس ما تغدا معانا
أسما مستغربه : ليييش ..؟؟
أماني تحط شنطتها وتقعد ع الطاوله : يقووول مشغول عنده شفتين
أسما تيلس يدامها ع الطاوله : الله يسهل أمووره ان شالله
أماني : ما تدرين اش كثر نفتقده لا تأخر دقيقه وحده
أسما بمزح : مب حب تحملونه له .. حشاا ..!! مرته ترا بتغااار
أماني ابتسمت وقالت بألم : بتعذريني لو انج عايشه مثل حياتنا
أسما : غيري السالفه دخيلج ما فيني تصيحين
أماني ابتسمت : اووكي .. يلا قولي يـ أم الكوكتيل اش سالفتج اليديده ..؟
أسما : اليوم الله يسلمج بييون لنا عيال عمتي
أماني ابتسمت : يا حيييكم والله
أسما : تدرين عاد أحلى يوم الخميس .. كلهم ييون صوبنا وناسه نتيمع
أماني : ليتني منكم ههههه
أسما : اي والله ليتج منا جان بتستانسين
أماني تغمز لها : لا تقولين مش مش ياااي
أسما ابتسمت : هي والله يا لبى قلبه ياااي .. واااااااااي فديته
أماني : سكتي عن أختي أموور تسمعنا تذبحني وياااج
أسما : عادي وبعدين هو محترم بس أنا ..............
اماني قاطعتها وقالت : انتي اللي قليلة حياااء هههههه
أسما : وانتي الصاجه
أماني : اقوول يلا نطلع
اسما : يلااااا .. بالمره نشوووف خالوتي ..
أماني : قصدج أمي يالدبه
أسما : لأأ أم ريلي ههههههه
أماني : اقوول عن مشمشج يسمعج ويذبحج
أسما : ما بيسمعني ..!! من قااال .. ؟؟ هذا الا اذا انتي قلتي له طبعاً ولا هو اش دراه ؟؟
أماني غمزت لها : بقووول له طبعاً بعد
أسما : الشرهه مو عليج ..!! علي أنا اللي ارابع وحده شراتج وبعدين لا تنسين ترا عادي أنا بعد أفتن ههههه
أماني تدزها وتضحك : امشي انزين يلا
أسما تمسك قميصها وتقول : لا تدزين انزين
أماني تقلدها : انزين امشي بسررررعه انزيــــــــــــن
أسما : هذي خالو هه .. يلا امشي
/
.
/
بو حمود نزل السماعه بألم
أم حمود تصيح : بو حمووووووود اش صاااير ..؟؟
بو حمود : لا حول ولا قوة الا بالله
أم حمود تصيح : بو حمووود ارمس ولدي ذياب استوى به شي
بو حمود يوقف : في العنايه المركزه
أم حمود تصيح : بو حمووووود خذني معاااك
بو حمود يمشي بسرررعه يروح يلبس كندورته : أم حمود اقعدي في البيت .. ما يصح تيين
أم حمود : الله يهديك هذا ولدي شقايل ما ايي ..
بو حمود يهديها : بيقوم بالسلامه ان شالله خلج اهني
أم حمود تصيح : بوووحموود حرااام عليك خذني
بو حمود : اوعدج بس اتطمن عليه برد باخذج الشرطه وكل شي هناك اشقايل تيين ..؟ ..
أم حمود تلحقه .. بس بو حمود ينزل بسرررعه بدون لا يرد عليها وياخذ سويج موتره يتجه للمستشفى ..
اتصل بسررعه بأخوه بو عزام
بو عزام ما خذ ثواني الا ورد
بو عزام : هلا بو حمود
بو حمود : يا خوووي الحق عليه
بو عزام : خيرر اش صاااير ..؟؟
بو حمود : ولديه ذياب مسوي حادث ومرقد في المستشفى ..!
بو عزام منصدم : شخباره الحين ..؟؟
بو حمود : في العنايه
بو عزام : خلاااص بس اتلبس واييك
بو حمود : اترياااك
بو عزام : فمان الله
صكر بو عزام وقام بسرررعه من على طاولة الريوق ..
قال بصوت عالي : روزه بطلع خلاااص .. روحي فوووق ودقي حجرة عزام خل يقوووم
روزه يايه : بابا عزام ما في يقووم أنا دقي بااب لين باكر .. هوه يجي ساعه سته نص فجر
بو عزام مشى مسرع لفوووق .. يوعي عزام
دخل بو عزام الحجره وراح لـ عزام يهزه
بو عزام : عزااام .. يا عـــزام قوووم
عزام غاط في سابع نووومه : يبا خلني أرقـــد
بو عزام يوعيه ويهزه : عزااام ولدي قوووم
عزام يلحف عمره ويقوول : ابووويه توني راااقد طووول الليل كنت في الشركه
بو عزام حرج وقاال : ولد عمك مسوي حااادث قووووم
عزام فزع من نومه كأن أحد كب عليه ماي بااارد وقال : ولد عمي ..........؟؟
بو عزام : ذياب مسوي حادث قوووم يلا
عزام طالع ابووه وقاال : خلاااص بس اتلبس بطلع
بو عزام : رااايح اتلبس وبطلع الحقني
عزام : ان شالله
طلع بو عزام .. وعزام راااح يتلبس بسرررعه عشان يطلع ويروح للمستشفى
ثواني الا وتلفونه يرن
رد عزام : آلو
أم حمود تصيح : عزااام وينك ..؟؟
عزام : بروح لـ ذياااب خالتي خيرر ..؟
أم حمود : خذني معاك دخيلك ولدي ..
عزام : ان شالله خالو .. بس انتي اهدي
أم حمود : تعااال دخيلك ولدي ..
عزام : خلاااص خالو بس اتلبس بمرج وباخذج معاي
أم حمود : اترياااك
/
.
/
بـــلاد الغـــرب
طالع من البلكونه الجو بـــارد .. غايـــم ..
وحبيبنا هآيم ..!
دخل يده في جيبه وابتسم يطآلع برع
قعد ع الكرسي وارتشف من القهوووه الســــآخنه اللي تزيد الوآحد رآحة بآل في عز هـ الشتا
وقآل بصوت وآطي
حمود : شغل لنا شي نبي نسمعه
عمر يالس ع الكنفه داخل ومتلحف من زود البرد
عمر : مالي ود يآخوي
حمود ابتسم وهو يشرب من القهوه السآخنه : بسك من قراية هـ الروايات مسوي لي طير الرومانسيه ..!! ولا أقووول والله أحسك بنت عمتي من زود ما تقرا ..!
عمر ضحك وهو يقرا الكتاب : شـ سوي ياخي ربك خلقني جذي
حمود : انزين يالمثقف شغل شي نسمعه في هـ الجو الحلو
عمر ابتسم : خلااص ولا يهمك فيروووز
حمود طالعه بنص عين وقااال : قلت لك شي على ذوووقي
عمر : وما شي أحلى من فيروز بـ هالصبح
حمود : لا واللي يسلمك .. عبدالمجيد عبدالله
عمر دخل المستند الخاص بـ هالشي .. وشغل عبدالمجيد عبدالله
**
إذا قلت بتخليني .. تبين دمعتي بعيني
مآعآد يهمني بعآدك .. مآعآد أهتم بالأول ..
**
وبين ذا العشق والهيآم ..
طلع علي من الحمام الله يعزكم وشعره مبلل وتتساقط منه قطرات المي
مسح شعره بالفوطه ومبتسم
عمر يتكلم وهو مندمج باللحن : يـ أخي بتمرض ..!
علي يبتسم : بينشف الحين .. وبعدين تعودنا
حمود : هي أنا وانت يمكن بس هـ الديايه عموور بعده يتخبا في البطانيه
عمر ابتسم وقال : اش عليكم مني ..؟؟
علي يتقدم من اللاب ويضغط اكس
حمود : ليييييش ..؟؟
علي يدخل مستند ثآني ويقول : اسكتو ..!! أصبحنا وأصبح الملك لله ولا بلاد الغرب أثرت بعقولكم
حمود : بس شوي انزين نسمع ..؟؟
علي هز راسه وقال : يـ خوي محد يضمن عمررره
حمود هز راسه وقال : والله لولاك مدري اش كنا بنسوي ..؟؟
علي ابتسم وقال : قول هذا من فضل ربي ..!!
عمر ابتسم : ونعم بالله
علي : وانت عموور قووم اقرا لك صفحتين من القرآن أحسن لك
عمر : بس أقرا شوي من الروايه
علي ابتسم وقال : ما أمنعك تقرا من الروايه كثر ما تبا ..!! بس اقرا لك قرآن بعد ..
عمر : بقرا ان شاء الله
علي شغل سورة الكهف بصوت القارئ أحمد العجمي ابتسم وقال : اسمعوها ترا والله تهدي البال
حمود غمض عيونه وقال بألم : يا حلو صوته ..!! أنا أشهد انه يهدي بالي
علي : والله انا فقدنا أذان
حمود : هانت مب باجي وايد
عمر ابتسم وقال : شباب بدا الجو ينفنف
حمود مغمض عيونه ورذاذ المطر يتساقط عليه
عمر طلع للبلكون ومعاه علي لأن رذاذ المطر بارد ومنعش ويعطي شعوور حلو بنفس الوقت
حمود : اشتقت للبلاد وأهل البلاد وكل بقعه في البلاد
علي ابتسم وقال : مثل ما قلت ياخوي هااانت
عمر ضحك وهو يطالع تحت : شبااب اش رايكم ننزل
علي : الصرآحه يبي لنا
عمر : أقووول حموود فونك يرن
حمود وقف .. دخل داخل ووطا على صوت القرآن .. رد على التلفون بشوووق ولهفه
حمود : يا مرحبآآآآ ملايييين ..
أم حمود : مرحبتين ولدي
حمود : هلأأ أماايه هلأأأ بـ هالصوت
أم حمود تصيح : ولدي
حمود مستغرب من صوت أمه : خيررر أمي مستوي شي ..؟؟
أم حمود يزداد صياحها : حمووود
حمود وهو خاايف : أمايه ابووويه مستوي به شي ..؟ عمي ..؟ عمتي ..؟؟
أم حمود : لا ولدي أخوووك ذياااب سوا حادث
حمود منصدم : شووو ..؟؟
أم حمود : أخوووك في العنايه
حمود منصدم وقعد من الصدمه : والحيين شخباره ..؟
أم حمود : الحين ولد عمك بيمرني ويوديني
حمود : خلاااص أناا ياااي بأول طياااره اليوم
أم حمود تصيح : لا يما بنطمنك
حمود : لا لا ياااي ان شالله
أم حمود : حلفتك بالله ما تتحرك ..!! لا تيي بنطمنك انت اهتم بدراستك
حمود يتنهد ويقول : الله يهديج أماايه ليييش الحلف ..!
أم حمود : خلااص أنا كلمتي وحده .. بطمنك .. دير بالك ع عمرك .. هذا ولد عمك شكله وصل
حمود بألم : خلاااص طمنيني
أم حمود : ان شالله
حمود : في حفظ الرحمن
أم حمود صكرت وطلعت من الصاله راحت لسيارة عزام وركبت
عزام ابتسم لها : هلا عمتي
أم حمود تصيح : هلا ولدي
عزام : خلاااص عمتي ان شالله ذياب بخيرر اهدي
أم حمود : توني كلمت حمود ويقوول يبي ايي
عزام : الله يهديج عمتي جيييه تخلينه يحاتي .. جان ما تخبرونه .. الولد رووحه عنده امتحانات
أم حمود : جذي ولا جذي بيعرف عيال البلاد معاااه
عزام : صاار خيرر ..ان شالله بكلمه رووحي وبطمنه
/
.
/
عمر مستغرب : خير حموود ..؟؟
حمود بألم .. قعد وهو يتنهد : ذياااب سوا حادث
علي منصدم : ذياااب ..؟؟ كييييف
حمود : مدري ياخووي .. الوالده توها ترمسني
عمر : شخباره الحين ..؟؟
حمود : في العنايه
علي يحط يده على كتف حمود ويقول : يقوووم بالسلامه ياارب لا تحاتي
حمود : آميين
عمر طالع برع وقاال : ادعي له .. الدنيا تمطر والدعااء مستجاب الحين
حمود : الله يشفيه
علي : قم توضا وتعال صل ركعتين وادعي له
حمود وقف : ان شالله
عمر : يلا عسب نروح الجامعه عقب
حمود : ما بيي اليوم شباب
علي : ولييش ..؟؟ ع الأقل تسلى شوي
حمود : مقدر ..!! أحس عمري متضايق
علي : على رااحتك .. قم صل وادع له عسا يقوم بالسلامه
عمر راح صوب البلكون وصكر الدريشه : المطر بدا يشتد
علي : شكلنا ما بنروح
عمر : احسن .. فكه ياخوي
حمود : شباب ودي اساافر اليوووم
عمر : خلاااص روح يومين ولا يهمك نحن بننقل لك
حمود : بس المشكله الوالده حلفت
علي : مشكله .. ما يصير تروح وامك حلفت .. تريا ياخوي ان شالله يقوووم
حمود : ان شالله
/
.
/
حصة الأحياء
نوال : انزين أبلة ما يصير تعطينا كل هـ الكميه
الأبله : نوال انتو تعودتو ع الدلع .. لااازم تحفظون خلاااص مب باااقي على امتحاناتكم شي
نوال : ورانا الحفظ ورانا
شيخه ابتسمت : ابله انزين ليييش ما يعطونا جزء من الكتاب
الأبله : خلاااص لا صرتي وزيره مشي هـ النظام
ميره تضحك : ههههههه تستاهلين شيخوووه فشلوووج
الأبله : لا صج والله ما أمزح فكره حلوه .. والباقي يحسبونه مع التقويم المستمر
أميره : خلاااص شواخ اسمعي لا صرتي وزيره من بعد عمر طويل سوي جذي هههههه
نوال بنص عين وغروور : تحلم أمثالها يصيرون وزرا
شيخه : لا والله هو على كيفج ..!
الأبله : يلا بسكن هذره .. من تقرا هـ الجزئيه عسب نشرحها
أميره : ابله أنا بقرا
شيخه ضحكت : هههههه ابله أميروووه بقره
الأبله ما استحملت وبدت تضحك : أميره كم مره قلت لج لا تقولين جي هههههههه
البنات ضحكن .. أميره ضحكت : خلاااص ابله انا أقراا
الأبله : خلاااص رن الجرس .. ان شالله باااجر نكمل
البنات يطلعن مع الأبله ويمشن معاها
ميره : ابله متى بتعطينا مذكرات
الأبله : الاسبوع اليااي .. بس ها مابيها تنرمي .. ابيها تنحل سؤال سؤال
شيخه : ولا يهمج ابله
الأبله : شيخووه آخر من يتكلم عن الحل
شيخه تضحك : لـ هالدرجه طايحه من عينج ...؟؟
الأبله : وأكثر هههه .. يلا بنات برووح باكل لي شي .. من الصبح وأنا وياكن
ميره : الله يعيننا عليكن والله تتضاربن بس عسب تاخذونه وتدرسونه ..!
الأبله : مب من حلات ويوهكن ..!! لأنكن بآخر سنه
ميره ابتسمت : خلااص ابله رووحي كلي
الأبله تمشي وفيها الضحكه.. شكلهن بنات ثاني عشر استخفن من زود الدراسه
شيخه تمشي مع أميره وميره : يلا نروح نشتري
أميره : مب مشتهيه شي
ميره تقعد بآخر الصف : وأخيرا يا الخميس .. راااحه والله
شيخه : هي والله من أول الأسبوع نحن نعد الثواني ونقول متى يي الخميس
أميره ابتسمت : وأخيرا ياااه
شيخه : بس ما تلحقين تغمضين عينج الا والخميس يخلص
أميره : وانتي الصاجه والله
نوال مشت ما بين الطاولات وقالت : أوووف شـ الزباله
شيخه : أي زباله ..؟؟
نوال : على طاولاتكن ..؟؟
أميره : والله هذي مب زباله .. كتب ..
نوال بطلت عيونها وقالت : لاوالله ع بالج ما أعررف
أميره تقهر نوال وتقول : ما أتوووقع وحده بمستواج العلمي والاجتماعي تقووول للكتب زباله .. ( وبدلع ) واااااااي أنا عن نفسي برستيجي ما يسمح لي اقووول للكتب زباله ..!
نوال طالعتها بنص عين وقال : دلع الفقارى يفقع المراره ..!
أميره انجرحت بس طنشت وبدت تكلم البنات .. وطلعت نوال
شيخه : لا تهتمين لها ..
أميره : هي وين اهتم لأشكالها
ميره : مب قاهرني الصراحه غيررر ابلة الجيولوجيا تموت عليها
شيخه : مب عليها على فلوووسها يا قلبي
أميره ابتسمت : فلوسها ما بتروح معاها القبر ولا ماركاتها
ميره : الله يهديها
شيخه : وااااااي رن الجرس ما لحقنا والله ظلم ..!! مب فسحه
أميره تقوم : يلا نشن على لاب الفيزيا ..!
ميره : استريحي يقولن بتاخذنا ابلة الكيميا
شيخه : وع ع ع كرهتني بحياتي ترا الأبله وااايد تحبنا وتاخذنا هههههه
/
.
/
بنفس المدرسه ..
بس بصف أخر ..
أماني يالسه ع الطاوله : اسوووم حراام عليج
اسما وهي تاكل الجوكليت : يااااي لذيذ
أماني : دبـــه وحده والله اني اشتري واخر شي تسرقينه عني
أسما : هوايتي أكل الكافي مالج ههههه
دانه ربيعتهم : اقووول حليتي الواجب
أماني : هي حليته وسلمته
دانه : يا حييج
أسما : يالله ليييش البريك جذي قصيررر
أماني تضحك : لأنهم يحبووونج وااايد
فجأه سمعت صوت : هي انتي وياااها ع باااالكن بيتكن هذا قاعدات جذا
أماني نزلت من ع الطاوله هي وأسما ودانه
طالعتها أبله مهره وقالت : سألتكن بيتكن ..؟؟؟
أماني : ابله آسفيين بس بريك ..
ابله مهره : بس انتن سمعتن الجرس رن صح ولا لأأ ...؟؟؟
أماني هزت راسها : هي ابله
أبله مهره : وجيييه ما رحتي مكانج
أماني ما ردت عليها ونزلت راسها
أبله مهره : ع بااالج بيت ابوووج هذا تدورين وتقعدين فيه مثل ما تبين
أماني عيونها امتلت دموووع
أبله مهره رفعت يدها وقاالت : بس بس مانبي صياااح وسوالف يهاال .. تحركي انتي وياها ويلسن مكانكن ..
أماني مشت وراحت لمكانها وهي خانقتها العبررره
/
.
/
في المستشفى
بو عزام : والحين اش حاله دكتور ..؟؟؟
الدكتور : والله بعده بالعنايه .. ادعو له ان شالله يقوووم
بو حمود : آمييين
أم حمود تصيح : دكتوور طمنني عليييه
الدكتور : ادعي له حجيه ان شالله يقوووم بالسلامه
عزام مشا مع الدكتور وقال : بشر دكتور ..؟؟ عسى الاصاااباات عاديه
الدكتور : لا الحمدلله بس كسر بسيط بيده اليمنى
عزام : عاد لييش بالعنايه ..؟؟
الدكتور : قلنا اول شي احتمال بيكون فيه نزيف داخلي بس الحمدلله طلع سليييم لكن الاصابه في الراس كانت شوي قويه
عزام بألم : يعني بيصير فيه شي لا سمح الله
الدكتور هز راسه وقال : مقدر أقوول لك اي شي بخصوص هـ الشي خلال أربع وعشرين ساعه من بعد الحادث
عزام تنهد بألم وقال : عسا خيررر يارب
الدكتور : ما عليكم الا تدعون له .. لأن ما شالله مبين عليه توه صغير وبأول عمررره
عزام هز راسه وقال : بالفعل صغير
الدكتور : الله يحفظه لكم
عزام : آمييين .. مشكوور دكتور
الدكتور مشا : عن اذنك
رجع عزام لـ عمه وابوووه
بو حمود : بشر عزام اش قااال الدكتور ..؟؟
عزام : قال ادعو له وما بيبين شي خلال هالأربع وعشرين ساعه
بو عزام : ان شالله خيررر
عزام : مالها داعي قعدتكم يا جماعة اهني .. ارجعو البيت وأنا بقعد
بو حمود : بوصل أم حمود وبرجع
أم حمود تصيح : ماني متحركه قبل لا اتطمن على ولدي
عزام : الله يهديج عمتي .. ارجعي وريحي ما يفيد البكا .. روحي ادعي له
أم حمود تمت تصيح
بو عزام قال : كيف صار الحادث ..؟؟
عزام : الشرطي يقول خطف الاشاره بالغلط
بو حمود : لييش تأخر أمس
عزام : مرني الشركه أمس وقااال بيقعد معااي
بو حمود : الله يهديه يعني اليوم ما وراه كليه
عزام : امبلا بس قال انه ما بيحضر اليوم وبيقعد معااي
بو حمود : الله يقومه بالسلامه
عزام : آمييين .. كان معاي الصبح الين صلاة الفير عقب طلعنا من الشركه
بو عزام : ادعو له يا جماعة ادعو له
عزام طالع صوب مجموعة شباب يايين وقال : هذيل شكلهم ربعه يايين يتطمنون عليه
/
.
/
الساعه خمسه العصر
أميره دخلت المطبخ تاخذ لها شي تاكله
أماني : صح النوم
أميره : صح بدنج
أماني : شي كيك في الثلاجه جان تبين
أميره : مب مشتهيه أحس عمررري أبي أكل فواكه وبس
أماني : أسوي لنا
أميره : أوووكي تسوين خيررر
أماني وهي تطلع الفواكه من الثلاجه : غسلي وأنا بجهز صحون
أميره وهي تغسل الفواكه : اش فيج ..؟؟
أماني تطلع السكينه من الدرج : اش فيني ..!!
أميره : لأأأ بس شكلج مب على بعضج ..؟
أماني : ما فيني شي بس أحس عمررري متضايقه
أميره ابتسمت : يا قلبي اش فيج ..؟
أماني بزعل وضيقه : سمعت اليوم كلام ازعجني
أميره باستفسار : ممكن أعرف شو هـ الكلام ..؟ ولا رش رش له دخل ..؟
أماني : مقدر اليوم
أميره : خلاااص براحتج بس تبين تشكين لأحد ما باج تترددين تعالي لي
أماني : ان شالله .. عطيني بقطع
أميره تعطيها وتقعد : وين ماما ..؟؟
أماني : راااحت السوق تشتري أغراض للبيت
أميره : آهااا
أماني : حليلها كارفينها في المدرسه كل الشغل على راسها .. توقف لج ع الخدامات وبعد تشتغل وياهن وتبيع في المقصف وتنظف وووو وايد الصرآحه
أميره : الله يقويها ع اللي تسويه الصراحه
أماني : آميين ..
أميره : تستحين ..؟؟
أماني مستغربه : من ..؟؟
أميره : لا بس كنت بسألج الموضوع اللي مضايقج اليوم ان أمي تشتغل جذي ..؟؟
أماني : لا بالعكس ..!
أميره : هي اقوول لاازم تفتخرين بها .. هي تضحي عشاننا
أماني : بس أوقااات انحرج ما ادري لييش
اميره : شيلي هـ الفكره من بااالج .. محد بالكون اهتم لنا كثر ماما
أماني ابتسمت : الله يحفظها لنا .. يلا تعالي اكلي معااي
أميره تطالع الفواكه : اش هالقص المخربط اللي عليج
أماني تضحك : اكلي وبس ..!! وبعدين قصيت بسررعه
أميره : المهم يسد جوووعي
دخل المطبخ متضايق : السلام عليكم
خواته : وعليكم السلام
أحمد طلع دبة ماي من الثلاجه وطلع من المطبخ
أماني : اش فيه ..؟؟
أميره وقفت وقالت : مدررري بسير بطالعه اليوم شكلكم كلكم مب على بعض ..!
لحقته أميرره لحجرته شافته قعد
أميره : أحمد ..؟
أحمد رفع راسه : هلاأ
أميره : خير ..؟؟ عسى ماشر ..
أحمد هز راسه وقال : خيرر خيرر
أميره : اش فيك متضايق ياخوي ..؟؟
أحمد : ماشي واااحد من الربع مسوي حاادث وحالته صعيبه
أميره بألم : هي رااعي الاستيشن
أحمد هز راسه وقال : هي اليوم عند الاشااره
أميره : الله يقومه بالسلامه
أحمد : آميين
أميره : لا تحاتي ياخوووي كلنا بندعي له
أحمد حط رااسه ع الوساده وقاال : أموور شغلي المكيف وصكري الليت أنا من الصبح قآعد مكآن ربيعي وانهد حيلي من الشغل لأنه يصير ولد عم الولد
أميره : تاكل شي ..؟؟
أحمد : لأأأ مابي .. بس قولي لأماني لا تحتشر .. برتاح شوي
أميره : ان شالله
طلعت أميره من عند أحمد وراحت للمطبخ
أماني : خيرر ..؟؟
أميره : واحد من ربعه اللي مسوي حادث
أماني : الله يقومه بالسلامه
أميره : آميين .. يقول لج لا تحتشرين .. يا ويلج لو تعلين ع صوت التلفزيون اعرفج انا
أماني : ان شالله
/
.
/
داخل الفله العوده ..
رايحه راده تأفأف .. : يالله وينهم هذيـــــــــل
نوال : روزه
روزه يت من المطبخ : نعم مدام ..؟؟
نوال : صار لي ربع ساعه من واعيه وما شفت ابويه ..؟؟ وينه
روزه : بابا راح مستشفى ..
نوال مستغربه : خيرر اش صاااير
روزه : ذياب ولد مال بابا حمود سوا حادث
نوال : وقته هذا يسوي حادث بعد ..!!
روزه : مدام لا قول جذي ..!! هو واااجد تعباان وبعدين انتي خطيبه مال هوه
نوال هزت راسها : فقدتج قولي آمين ..! انزين انزييين رووحي الحين
طالعت نوال موبايلها : شكله عاد مسوي حادث عووود الرياال .. الله يشفيه ..
يالله يعني اختربت الطلعه وما شي طلعه اليوووم .. يالله هذي حاااله الحين من اسبوعين ابي اطلع واليوم اللي بطلع فيه يسوي حااادث
خلاااص اروووح احدر ..! بس شسوي يوم احدر .. اللي ارمسهم هم هم ..!! مملين سخيفين .. لا ربيعات مثل العالم والناس .. وكل واحد فيهم ينقص عليه هذيل اللي ادردش معاهم
احسن لي اقرااا شي
ارووح ازوره ..!!
لا لا هـ الناااقص ازوور ذياب بعد ..!! وهم محيريني له غصب
ارووح اقرا لي شي أحسن لي .. امممممم بقرا الكتاب اللي شفته أمس عند عزام .. ولا يهمني بالصوره المهم اني أقرا الكتاب ولا يخصني بشي ثااني ..
وبعدين فرررصه عزام مستحيل ايي لأنه بالمستشفى ..
/
.
/
بو نواف : وليييش نازعتيها ..؟؟
أم نواف : شسوي بعد قهرتني .. سألتها وما جاوبت
بو نواف : حرااام عليييج يمكن البنيه ما تبي تعلي صوتها
أم نواف : شسوي لها .. دخلت الصف شفتها قاعده ع الطاوله .. وبعدين سوالف البنات هذي تقهرني
بو نواف : الله يهديهن ويهديج
أم نواف ابتسمت : هزبتها .. بتحرم تعيد تسويها
بو نواف : ترا عندج بنت يا بنت الناس باااجر بيصير لها نفس الشي
أم نواف : بنتي بأدبها وما بخليها تسوي جذي
بو نواف : زمن بنتج بيكون غير عن زمننا
أم نواف : ما علينا المهم باااجر بتطلع ..؟؟
بو نواف : قلت نرووح للأهل
أم نواف : لا لا بااجر نطلع أحسن .. لأن لا أمي ولا أمك موجودات
بو نواف : وين بيروحن ..؟؟
أم نواف : يقولن ان عندهن عرس بنت ربيعتهن
بو نواف : هييييه ..!! خلااص عيل بنطلع مع العيال بااجر
أم نواف : على خيرر ان شالله
بو نواف وقف : يلا عاد بروح لصلاة المغرب الحييين
أم نواف : الله وياااك .. أنا برووح بصلي خلاااف بتصل بربيعتي
بو نواف : قولي لنواف ايي المسيد يلحقني
أم نواف : ان شالله ولا يهمك
بو نواف : يلا مع السلامه
أم نواف : الله وياك
/
.
/
وهي تقرا بتمعن ومتعه ...
ما حست الا بالكتاب ينير من يدهااا بقوووووووووه
تخرعت نوال ووقفت من الخوف ..
نوال : آآآ ............
عزام طالعها بنظره وقااال : من سمح لج ..؟؟
نوال بتردد: آآآآ نا ما ...
عزام بعصبيه : من سمح لج تفتشين بكتبي ..؟؟
نوال كسرت الحواجز : عجبني الكتاب
عزام علا صوته : قلت لج من سمح لج ..؟؟
نوال ردت طبيعيه واستقوت : عاادي اش فيها يعني الا هو كتااااااااب .. وبعدين انت لييش رجعت من عند ولد عمك
عزام شد شعرها بقوه وقال : عيدي الكلام اللي قلتيه
نوال : أنا ما اعيد كلااامي
عزام شد شعرها بأقوى وقال : ردي علي لما اسألج ..؟؟
نوال تألمت وقالت : ودرني .. لا تشد شعري
عزام : تتأدبين ولاا ..؟؟
نوال : آآآآآآآآآي عزام و يهد ودرني
عزام عصب وقااال وهو يشد شعرها : والله لو شفتج تفتشين بأغراضي مره ثاانيه ما تشوفين خيررر
نوال تتألم : انزييين انزييين خلاص ودرني
عزام يدزها عالسرير ويقول : سمعتي
نوال تغمض عيونها من الألم وتقول : مب كتاااب حشاا ..!! كنز خذيته
عزام تقدم منها .. نوال حضنت الوساده تحتمي وقااالت : خلااااااااااص انزييين ذبحتني .. بخبر عليك بابا
عزام صرخ : طلعي برررررررررع
نوال وقفت وركضت بسرررعه من الخوووف طلعت من الحجره وهي تقووول : الله يااخذك ونفتك منك يااارب
عزام سمعها بس طنشها وتقدم عن الكتاب رفعه وحطاه في الدرج ..!!
بس رجع طلعه لما تذكر شي .. فتحه وشااف الصوره مكانها ورد الكتاااب داخل ..
تقدم عن السرير ورمى نفسه بتعب ع السرير وهو يتنهد من التعب ...
آآآآآه من أمس وأنا مب راقد حتى الصبح ما مداني أحط راااسي الا وابوووي يقوول لي ان ذياااب مسوي حادث وبالعنايه ..
الله يقومه بالسلامه
ثواني الا ويرن موبايله .. شاف الرقم و رد
عزام : هلا أحمد
أحمد : هلا .. طمنني ..؟؟
عزام : بعده مثل ما هوو ياخووي
أحمد : ان شالله يقوووم بالسلامه يارب
عزام : آميين
أحمد : صوووتك وااايد تعبان
عزام : من البارحه وأنا مب رااقد
أحمد : ارقد مو زين تهلك عمرك .. بس ترتاح رد لذياب
عزام : هي ان شالله الحين برقد
أحمد : خلااص ولا يهمك بمشي لك أمور الشركه بس انت ارتاح
عزام : اوووكي الأوراق في الدرج الثالث في مكتبي
أحمد : خلاااص ولا يهمك
عزام : يلا تامرني بحايه ..؟
أحمد : سلااامتك ..
عزام : يلا فمان الله
أحمد : فمان الكريم
طلع أحمد من الحجره وهو لااابس
أماني طالعته مااشي
قالت له وهي قاعده تطالع تلفزيون : على وين اشوف ما رقدت ..؟؟
أحمد وهو طالع : بروح الدوام .. أمي لو يت قولي لها مشغووول شوي
أماني استغربت وقالت : أوووكي
هذا غررريبه اليوم بيشتغل بليل بعد ..!! مب حب للشغل ما أحيييد أحد يداوم بمنتصف الليل بعد .. شغله يديده هذي .. وعجيبه بنفس الوقت ..
/
.
/
مريم : لأأأ ماباج تيين معاي
أروى : يايه يعني يـــــــــايه سمعتي
مريم : قلت لج يا اروى مابيج تيين معاي
أروى : استغفر الله العلي العظيم ..!! بروح بسيارتي انزين شاللي حارنج وبعدين من قال ايي معاج بروح بروحي ..
مريم بقهر : أروى أنا أدررري انتي لييش تبين تيين المستشفى ..؟؟
أروى : ما يخصج شي مب راجع لج ..!
مريم : أنا مدري شاللي حصل بينكم بالضبط .. بس أتمنى ان كل واحد يروح بدربه لأن بالفعل هذا الأحسن لنا وللعيله كلها
أروى ضحكت وقالت : مسوية لي تعرفين بأصول وقواعد الحياه ..!! والله لو تعرفين جآن الحين انتي متزوجه مب قاعده تتريين الدكتور حضرة جنابه مدري متى بيشرف
مريم : المسافر ع الأقل يرجع يا أروى .. بس اللي قلبه ينكسر ويروح لا يمكن يرجع ولو رجع الجرح بيترك أثر ..!
أروى تضحك : انتظريه يا قلبي انتظريه لا تطيحين علينا ..
مريم ابتسمت وقالت تقهر اروى : على الأقل اختي العزيزه أتريااااه .. يعني أخلص له ..!! أخـــــــلص له ...........!!
أروى ابتسمت وقالت : هي هي ..!! ع بالج أنا الغلطانه ومب هو ..!! لا ماماتي معايه الدليل اللي يثبت انه الغلطان اصلا الكل بـ هالعايله يدري انه هو الغلطان بس انتي الوحيده اللي ما تعترفين ..
مريم بسخريه : على كثر الدلايل اللي تحملينها ضد الكل الا انج انتي ما فكرتي بيوم ترتبطين بواحد تحبينه .. طوول عمرج تركضين ورا مصلحتج وبــــس ..
أروى : اقووول اسكتي واطلعي
مريم : هه عرفتي كيييف أنا مب غلطانه ..!! لأانج بس تسمعين هـ الطاري تتضايقين .. اعرفي أروى هـ الدرب بيخليج تندمين وتتحسفين ..
أروى : مب نااااقص الا انتي تيين تنصحيني يالعانس .. اقووول اللي بعمرج تزوجن وخلاااص وعندهن عياال
مريم ابتسمت وقاالت : قصدج اللي بعمري توهن خلصن دراسه وبدن يفكرن بحياتهن .. مب مثل البعض من الثانويه ميتين ع الزواااج ..!!
أروى : اسكتي مريم واطلعي
مريم ابتسمت : اروووى حطي شي واااحد ببالج وبس ..!! لا يمكن انج بيوم تغيرين تفكير انسان يمشي بدرب صح ..!!
أروى لفت ويهها : قلت لج اطلعي
مريم وهي واقفه عند الباب قبل لا تطلع : ما أقووول الا حسافه .. مدري انانيتج هذي لوين بتوصلج
طلعت مريم .. و أروى راحت للباب بسرررعه وسدته بقوووه وعصبيه .. صرخت ورجعت للسرير رمت عمرها وهي مقهوووره .. بدت تصيح
وتضرب الوساده بقهر : يــــاربي لييييش أنا بالذااات ليييييييييش ؟؟


انتهى /~


ღ همسه ღ

يا مسآفر ..!
والسفر : ترحآل الأرض بـ من عليها !
السفر : صوت الخطآوي من بعيد !
السفر : قطعة عذآب !
السفر : تنهيدة الأحبآب للأحبآب من بعد الغيآب
السفر : غآية تدور عن وسيلة .!
السفر : نصفه هروب ونصفه الثاني شجآعه ..!
وانت تجمعهم بـ خطوة ..!
...


 
 توقيع : قمرهم كلهم




رد مع اقتباس
قديم 07-05-2013, 09:30 PM   #5 (permalink)
قمرهم كلهم
مستشار المؤسس ~

 
الصورة الرمزية قمرهم كلهم

 آلحـآله ~ : قمرهم كلهم غير متواجد حالياً
 رقم العضوية : 9952
 تاريخ التسجيل :  May 2010
 فترة الأقامة : 5069 يوم
 أخر زيارة : 10-19-2014 (08:38 PM)
 النادي المفضل :
 الإقامة : 
 المشاركات : 8,755 [ + ]
 التقييم :  40
  معدل التقييم ~ : قمرهم كلهم is on a distinguished road
 زيارات الملف الشخصي : 13827
 الدولهـ
Qatar
 الجنس ~
Female

  مشـروبيُ ~

  كآكآوي ~

  قنـآتيُ ~

 MMS ~
MMS ~

  مدونتيُ ~

لوني المفضل : Cadetblue
 
 

رد: أبكي ..! ليه ما أبكي ..؟ مـ دآمكـ للدموع أسبآب ..~



انا : قمرهم كلهم







.
.
.


ღ وقفة ღ


من أجل عينيك عشقت الهوى ** بعد زمان كنت فيه الخلي
وأصبحت عيني بعد الكرى ** تقول للتسهيد لا ترحلِِ
يا فاتنا لولاه ما هزني ** وجد ولا طعم الهوى طاب لي
هذا فؤادي فامتلك أمره ** واظلمه إن أحببت أو فاعدلِِ
للأمير : عبدالله الفيصل




ღ الحلقة الثالثه ღ

الأجوآء مثل ما هي بكل مكآن ..
بيت هآدي ومرتآح
وبيت كل أهله زعلآنين
وبيت الوآلده تدعي فيه لولدها
وبطرف آخر بيت ما ينسمع فيه حس
وفي الغرب الجو غائم ممطر .. والقلب ولهآن لأهل الديآر ..
يوم الجمعه .. الساعه أربعه العصر
رش رشه أخيره من العطر وطالع عمره بالمرآيه يرتب غترته .. رن موبايله
طالع الموبايل وهو عاقد حياته : غررريبه ..؟؟ توني مصكر من عنده ..!
رد عزام بكل هدوء : مرحبآ
أحمد : مرحبتين عزام
عزام : خير أحمد مستوي شي بغيابي ..؟؟
أحمد : لأأ لأأ رحت الشركه الظهر وتوني رجعت
عزام : عسى بس رتبت الأوراق اللي كلمتك عنها
أحمد : هي رتبتهن والقضيه ماشيه أوكي
عزام : أها خلاااص .. بشوووفك بعد دقايق
أحمد : عزام اسمح لي مقدر ايي لك لأن سيارتي فريتها المغسله وييت البيت
عزام : خلاص أنا بمرك وأخذهن
أحمد : أوكي أترياك
عزام : يلا فمان الله
أحمد : فمان الكريم
صكر عزام وابتسم وهو يطالع شكله بالمرايه : ولد حلال هـالأحمد نافعني
طلع من الحجره عشان يروح ياخذ الأوراق خلاف يمر المستشفى .. شافها ماشيه ومنزله راسها ومنغاضه
وقف مكانه وقال : مساء الخير
وقفت وقالت بدون نفس : مساء النور
/
.
/
بلاد الغرب
وهو يتمشى وسط شوارع لندن مع ربعه
عمر يدخل يده بالجاكيت : شباااب تراني تثلجت يلا نقعد
علي يضحك : اقووول حمووود ربيعك هذا يباله فلعه محترمه
عمر ابتسم : حرااام عليكم والله بردت
حمود : خلاااص يلا نقعد بـ هالكوفي
علي يبتسم ويضرب كتف حمود : يا أخي ابتسم بسك نكد
حمود يبتسم غصب ويقول : وين لي خلق يا علي الله يهديك
عمر وهو ينفخ بيده : دشو دشو بتثلج
علي : الا هو نهاية ثلاثه وانت متثلج جذا وبردان
عمر : أنا برد الامارات ما استحمله تبوني استحمل برد هنا
فجأه حمود صدم بوحده بالغلط وهو يمشي ..
البنيه تألمت وبغت تصرخ بس حمود سبقها وهو يقول : sorry my dear but I didn`t see you..!
/
.
/
عزام رد عليها بنفس الطريقه : ايه انتي وين ابوي ...؟؟
نوال رفعت حياتها وقالت : تعال دور بجيبي ..
عزام خطف حذالها بعصبيه وصدم كتفها
نوال رجعت ع اليدار وسندت عليه : ويــــــــــــع زين ما طحت
عزام فيه الضحكه وقال بجمود : ليتج طحتي وافتكينا منج
نوال : الله يــــاخذك
عزام لف وطالعها بعين خلتها تصخ
نوال لفت تبي تروح فوووق
عزام قال بصوت عالي : بنشوووف اليوم جان دشيتي حجرتي بحش ريولج حش
نوال وهي تصعد : هه .. روح روح عند ولد عمك
عزام وهو طالع رن موبايله رد
عزام : هلا يبا
بو عزام : وينك يا ولدي ..؟؟
عزام : من ساعه قمت من النوم .. لما تسبحت وكليت خذيت وقت
بو عزام : هي .. خلاااص عاد نحن يالسين نترياك
عزام : مسافة الطريج وأنا عندكم يبا
بو عزام : ييب اختك معاك
عزام : لأأأ ابوووي
بو عزام : قول لها يمكن تبا تيي
عزام انجبر يكذب : تقول عليها امتحانين يوم الأحد خلها ع راحتها
بو عزام : اوكي على راحتها .. يلا اترياااك
عزام : أوووكي .. باااي
/
.
/
أماني تضحك : لا تقوليييين
أميره : والله وبعدين أنا اش علاقتي بها ما أواطنها بعيشة الله
أماني : مرررررره كارهتنها ههههه
أميره : غيري السالفه ما أحب أييب طاااري أحد أكرهه
أماني : أوووكي أوووكي ما عليج من أحد الحين قولي لي شو بنتعشى اليوم ..؟؟
أميره : ماما رقدت ..؟؟
أماني : هي .. يلا قولي شو بنتعشى ..؟؟
أميره : مالي نفس .. ما أشتهي عشا يوم اليمعه
أماني : وليييييييش ..؟؟
أميره : ما أدري أحس يوم اليمعه جذي اني مكبوته وما أقدر اسوي شي
أماني : خلاااص اش رايج اتصل بـ محي الدين ييب لنا آيس كريم
أميره : أوووكي
أماني راحت صوب تلفون البيت واتصلت به
وهي تتريا : ما يرد ويا راسه
أميره : توه مخلصين الصلاه يمكن بالمسيد
أماني : لا ما أعتقد يطلع بسررعه ما يطول
أميره : تريي عليه انزين
أماني : آلو محي الدين ..؟؟ ... أقووول في آيس كريم توت ....... هي جيب اثنين ........ هي بيت ماما جميله أم أحمد ........... أوكي بس تعال جلدي زين ...... خلاااص أنا في انتظار ..
أماني : قال بيي الحين
أميره تضحك : هههههه يا عجيبه انتي ع اللغه بس الصرآحه تنفعين
أماني ابتسمت : هذا الحين بيي
أميره : خلاااص بروح بييب درهم وروحي ييبي الآيس كريم من عند الباب
أماني : أووكي
أميره خذت ريال من الفخار اللي بالصاله وقالت : هآج روحي ترييه جآن ياه وما خذتي الآيس كريم بيرد دكانه وما بيرجع
أماني : اموور هذي ربيعتي تتصل .. أمانه سيري
أميره : مابا ما أحب أطلع لـ محي الدين هذا
أماني ابتسمت : امووور حرااام والله التلفون يرن ورقم ربيعتي جيكي ع الكاشف
أميره مدت بوزها وقالت وهي تلبس الشيله عدل بحيث شعرها ما يبين : انزين انزين هذا الجرس يرن أكيييد ياه ..
أماني ابتسمت وعطتها فلاي كيس : أحبـــــــــج
أميره وهي تطلع : لا يكثر بس ..
تجدمت عن باب الحوي وفتحته وهي ورا الباب : ها محي الدين كم آيس كريم جبت ..؟؟
............... : لا رد
أميره بملل : محي الدين أكلمك .. عطني الكيس وأعطيك البيزات ..!
................ : لارد
أميره وهي تلف عسب تكون بالواجهه وتشوف هذا من طبايعه بس يرن الجرس ويعلق الكيسه ع المقبض ويروح .. ويكتب الحساب
طالعت أميره برع عسب تشوف جان محي الدين معلق الكيسه بس انصدمت وهو بنفس الوقت والثانيه اللي تلف بها يقول : أختي أنا مب .............................
/
.
/
مسكت كتفها ابتسمت وقالت : لأأأ عادي بتمووون ابن عمي
حمود ابتسم لها وكمل دربه
علي ضحك وقال : غربل الله عدوينك فضحتنا
حمود بضيج : علاوي واللي يرحم والديك روحي متضايج
علي : والله لو انها خليجيه جآن كلتك ههههههه
عمر : هي والله بناتنا أعووذ بالله
علي : لآ عآد في الأوكي منهن وبعدين المحترمه روحها ما ترمس ..
عمر ابتسم وقال : طلعت عربيه الحرمه
علي ابتسم : هي لأنه عرفت ان نحن عرب
حمود طالعهم وقال : هذي بنت الدكتور اللبناني اللي درسنا أول سنه
عمر : ومن وين تعرفها هااااااااا ...؟؟ يلا اعترف
حمود طالع عمر وعلي قال بضيج : شباب لا تخلوني أحلف اني ارجع اليوم البلاد
علي مسك يد حمود وقال : حمووود خل ايمانك بالله قوي ..
عمر : صدقه ياخوووي .. ان شالله ذياب يقوم بالسلامه
حمود ابتسم بحزن وقال : أخوووي الوحيد والصغير
عمر ابتسم : لا ان شالله يقوم بالسلامه وبيرقص بعرسي أنا وميثاء
حمود ابتسم غصب : هي عشااانك أعطيك ( وهو يقلده ) ميــثــــــــاء .. مشوه اسم أختي
علي ابتسم : ترا صدقه عمر اسمها ميثاء
حمود : أدري مكتوب جذا بس كلنا نقول ميثا
علي : لا لا ريلها يقول زقروها ميثاء
عمر بـ مزح : عآد ندري عندك أخت ثانيه مراهقه بس عاد هم ندري ما بتعطينا الا ميثاء
حمود ضيج عيونه بقهر .. قال علي بسرررعه قبل لا يستوي شي : امسحها بويهي حمووود والله ما يقصد شي عموور
حمود : المشكله ان ما عنده خوات هـ الولد ..!! ولا كنت بغسل شراعه
عمر : بس ذياب يقوم بالسلامه واللي يسلمك قول له يشغل الكام بشوفها الحلوه
حمود : اقووول عموور اسكت لافلعك ما نرضى ع حريمنا
عمر يضحك : من زين حريمكم عاد اللي يسمع كأن ميثاء وحده بالثانويه ولا الجامعه .. الا هي بزر وتشرب مرضعه بعد
حمود ابتسم : لا تقووول ميثاء ترا أختي بتتعقد من اسمها
عمر : طوووف طووووف يلا
/
.
/
أميره انصدمت ورجعت ورا البااااب بسررررررعه وما قالت ولا شي ..
قال : أختي بغيت أحمد لو سمحتي ..
أميره شوي وتطيح من طولها افتشلت منه عدددل
أماني وهي طالعه من الصاله ويايه صوب الباب : أمووور ما صااار آيس كريم شو يبا بعد محي الدين .. قولي له جان يبا يحاسب على شي ثاني ماما تحاسب وياااه ..
أميره تأشر لها بمعنى سكتي
أماني تيي صوب الباب وتقول : شو بلاج ..؟؟
أميره تأشر لها سكتي وتقول بهمس : في واحد برع
أماني بعبط وهي مو فاهمه : وااااحــــــــد شـ يسوي بعد ..؟؟ ليكووون بعد أخو محي الدين ياااي يشتغل عنده وأنا ما أدري
أميره شوي وبتطيح من الفشله صدق افتشلو يدااام الريال وأماني ترمس بصوت مسموع قالت وهي تكلمه من ورا الباب : هي موجود ثواني وأزقره ..
أميره مشت وهي تسحب أماني عسب يدخلن داااخل
أماني مستغربه : بلاااااااااااج يا حــــــــــرمه ..؟؟
أميره : اسكتي بعدين برمسج
وراااحت أميره لـ حجرة أحمد دقت الباب
أحمد : ادخل ..!
دخلت أميره وقالت وهي مرتبكه وحاولت ما تبين : أحمد في واحد يباك برع
أحمد : هي هي أوكي ألحين بطلع له
طلعت أميره وهي تتنهد الحمدلله ما حس فيني ولا سألني ..!! بس ليكوون هذا ربيعه بيقول له ..! لا لا ما أعتقد
أماني قاعده تطالع تلفزيون بعد ما طلع أحمد ومعاه فايل
أماني مستغربه : شو السالفه أموور ..!
أميره : هذا واحد تحسبته محي الدين وطلعت له تخيلي ..!
أماني مبطله عيونها : جيييه ما قاال اسمه
أميره : يوم يا بيقول أنا هـ الحزه طلعت
أماني : آهــــا .. صار خير .. وبعدين انتي مب قااصده لا تحاتين
أميره وهي فيها الضحكه : بس انتي الصراحه حطيتي عليه عدل .. اونه أخو محي الدين
أماني ضحكت وقال : هههههههه والله اني بمووت حرره والسبب محي الدين ما ياب الآيس كريم
دخل أحمد ومعاه كيس الآيس كريم
أماني : واخيرا يااابه
أحمد عطاها الكيس وقال : يالشحاته
أماني وأميره مستغربات قالت أميره : شـ السالفه ..؟؟
أحمد : فشلتوني يدااام ربيعي
أميره قلبها طاح ببطنها أحمد أكيييد بيعصب ... قالت : نــ .............
بس قاطعها قبل لا تكمل وقاال : دفع البيزات لمحي الدين ومحي الدين رووح قبل لا أطلع
أماني : صااار خيرر وبعدين الا هو درهم واااحد
أميره ارتاحت لأن أخوووها شكله ما درا .. ولا كانو بيروحون فيها والسبب ان أحمد محذرهم ما يطلعن لـ راعي الدكان بعد ..
أماني : كل كل ويانا
أحمد : شكراا ..!!
ودخل حجرته
أماني ابتسمت : ما جكنا الحمدلله
أميره وهي بعدها متوتره : اسكتي دخيلج انتي كل شي عندج عادي
أماني : استمتعي وانتي تشوفين زي أفلام .. عالم أبحر فيه الصراحه
أميره : حدج ..!!
/
.
/
وهو يسوق السياره ابتسم بغرور وتكبر ..
سألتني في البدايه .. بكم ووين الكيس ..!! ما رديت ..
حسيت صوتها صوت ياهل عمرها عشر سنوات ..!!
شاف الاشاره حمره ووقف السياره ..
ويوم بغيت أرمس وأقول اني اباا احمد طلعت لي ..!! يالله ع الصدف الغريبه ..!!
هههههه لا والأحلى أختها تقول عني أخو راعي دكانهم ..! آخر زمن الحين انا عزام الـ ...... بكشختي وهيبتني يقولن عني أخو راعي الدكان ..!
والله وطلعن عندك خوات يرفهن عنك يا أحمد ..!! هب أنا اختي كلما شافتني دعت عليه الله ياخذني
بدت السياره اللي وراه تهرن ..
حرك سيارته واتصل بـ ابوه
ابو عزام : هلا ولدي
عزام : هلا ابويه .. اش حالكم واش حال ذياب ؟
ابو عزام : مثل ماهو يا ولدي
عزام : خلاااص ان شالله بس أمر أحط الأوراق في الشركه واييكم
ابو عزام : تعال يا ولدي عقب روح الشركه
عزام : ابويه بس الشغل ...........
ابو عزام قاطعه : قلت تعال يا عزام
عزام : ان شالله خلاااص مسافة الطريج وأنا عندك
أبو عزام : أوووكي خلاااص اترياك
صكر عزام وهو يضرب السكان بقوووه
اهني دواااام واهناااك شغل وكل مكاااان ...!! مافي راااحة بااال بـ هالحياااه
بدا يسرع عشان يوصل المستشفى
ولما وصل بعد ما بركن سيارته شاف سيارة بنت عمته مريم ابتسم وقال : والله وطلعتي راعية واجب مريوووم
نزل من السياره وضغط ع ريموت السويج عسب يقفل البيبان .. وحط السويج مع الموبايل بجيبه ورفع يده بحيث يرتب غترته
تجدم عن الباب الرئيسي ودخل .. شاف المستشفى شوي فيها ناس أكثر عن بجية الأيام لأنه يوم اليمعه .. راح صوب المصعد عسب يصعد فووق صوب الحجر
مشى الين ما وصل لصوب العناية المركزه شاف أهله قاعدين حس بأن نفسه ضاااق من بعد ما شاااف بنات عمته وبالأخص أروى اللي ما توقع وجودها
قال : السلام عليكم
الكل رد : وعليكم السلام
عزام سلم على عمه وابووه وعمته
قال : اش حالكن بنات عمتي ...؟؟
أروى ردت : عايشين نحمد الله
مريم قرصتها وقالت : بخير وعافيه ولد خالي انت اش حالك ...؟؟
عزام ابتسم لها وقال : بخير الله يسلمج
أبو عزام : زين ييبت يا ولدي
عزام قعد صوب ابوه وقال : ما قال شي الدكتور
ابو عزام : قاال احتمال اليوم بيقوم
عزام تنهد وقال : آمييين
بو عزام : اختك جييييه ما يت؟
عزام : تقووول ما تبي تيي برايها ابويه
بو عزام : أووكي انت اخطف ع الطبيب مره ثانيه واسأله عن حال ذياب
عزام : انتو من متى اهني ..؟؟
بو عزام : أمس بليل محد كان اهني غير عمك واليوم الصبح عمك رجع ويت بداله أم حمود .. ومثل ما تشوف عقب الساعه ثلاث كلنا يينا
عزام : هي أقوول بعد ..!! ترا من قعدتنا جذا ما شي فايده
بو عزام : بس انت تأكد من الطبيب
عزام وقف طاحت عينه بعين أروى اللي قاعده تطالعه
عقد حياته ورفع حاجب واحد قال بغرور : بتأكد ابويه ولا يهمك
مشى وهو يمشى ريحة عطره تملي المكااان ..!! وصوت خطواته تدل ع الهيبه ..
/
.
/
نوال : لا لا .. اقووول عمران ودنا للبحر
ماريا : شو تبين به البحر انتي الثانيه ...؟؟
نوال : أحلى عن باجي الأماكن يالدبه
ماريا : برااايج مع اني أكررره البحر
نوال ابتسمت : ما عليج بتلاقى مع الرووح اليوم
ماريا ابتسمت : هي اشوووف شـ السالفه
نوال : وياااج الغشوه ..؟؟
ماريا : هي وياااي شو تتحريني ..؟؟
نوال : خلاص ينزلنا صوب الشارع الثاني ونحن بنخطف
ماريا : أوووكي
نوال وهي تحط النقاب الصغير على ويهها بحيث يظهر عيونها وحياتها وخلاف تنزل الغشوه وترفعها
ماريا : طالع أوووكي
نوال تطالع ماريا : هي حتى مالج
ماريا : بس جحالج عدليه
نوال : وين يبين هـ الجحال بعز الليل
ماريا : وانتي الصادقه
نوال : عمران وقف هنا عند هـ الشارع
ماريا وهي تلبس الشنطه لأنهن بينزلن
نوال : اقووول انتي ودرينا لما اقول لج
ماريا : أوووكي ولا يهمج
نزلت نوال مع ماريا .. رايحه بريلها للحرام ..
ماريا وهو تمشي : قلتي لأبوج بتطلعين ..؟؟
نوال : له ..! وبعدين حبيبتي أبوي وأخوي عند ولد عمي
ماريا هزت راسها وقالت : هـــي ..!!
/
.
/
مريم تهمس لأروى : يلا قومي نرد البيت
أروى : ردي روحج ماني راده
مريم عضت شفاتها وقالت بهمس : قلت لج يلا نرد .. بسنا قعدتنا مب حلوه
اروى : قلت لج ردي روحج انزين
مريم : بلا شو قاعده تتريين ..؟؟
أروى ابتسمت وقالت : بعد شوي بيرجع صدقيني ..!! أبا اذلـــه أذلــــــــــــه
مريم بحده وهمس بنفس الوقت : حرااااام عليج أروى .. ( وقالت بسخريه ) صدقيني انتي اللي بتردين مذلوله مب هو ..!!
وقفت مريم وقالت : أستأذن أنا عاد
أم حمود : تو الناس بنتي ..؟؟
مريم : ان شالله بس يقوم ذياب بالسلامه بيي بزوره
أم حمود : آمييين يارب
أروى وقفت وقالت : تريي مريم بيي وياج
ابتسمت مريم لأروى بانتصار وقالت : يلا مع السلامه
أروى لحقت مريم بقهر .. ومشو للممر اللي بعده عشان يرجعن البيت
اروى تقدمت من مريم وسحبتها من يدها ..
مريم تألمت وقالت : آآآي ..!! ايه انتي نحن بمكان عام استحي على ويهج
اروى وهي تهمس : ليييش خليتينا نرد
مريم : قلت أنا برد ما غصبتج تردين معاااي
اروى : بس هم بيشكون بوجودي يوم أكون روحي
مريم وهي تمشي وسوت لها أكبر طاف : مشكلتج ..!
اروى انغاضت من مريم أكثر ولحقتها وهي قنبلة قااابله للانفجار بـ هالثواني ..
/
.
/
بليل الساعه 9 /
أميره : وخير يا طير اش بيصير يعني ؟
أماني سحبت أميره : تعـــالي انزين مابا أحد يسمعنا
أميره وهي تسحب يدها : اوووكي خلاص ودريني انزين
أماني ابتسمت وهي تمشي مع أميره في الحوي : تبين تطلعين ..؟؟
أميره مدت بوزها : لأأأ ..!
أماني كشت عليها : اصلا انتي مو ويه طلعات
أميره عقدت حياتها : بالذمه الحين ..! في أحد يطلع الساعه تسع بليل
أماني : الناس كلها بس انتي ..
أميره ابتسمت : مالي بارض اصلااا وبعدين خلاص رقاد تايم
أماني : ديايه وطول عمرج بتتمين ديايه
أميره ابتسمت : محد ديايه غيرج .. برووح هذا أحمد قاعد يزقرني
أماني : اروح اساعد ماما احسن لي
أميره تقدمت من الصاله وراحت لـ صوب حجرة أحمد
دقت الباب .. أحمد : ادخلي أميره
أميره دخلت .. وهي بعدها تتخيل موقف العصر وخايفه ..
/
.
/
نوال : ها أمج سألتج ولا ..؟؟
ماريا : لأأأ ولا يخصها
نوال ابتسمت : يا خطيره انتي
ماريا : نونو يلا باي حياتي .. بروح بغير
نوال : باي
الدريول دخل سيارته الفله ووقفها يدام باب الصاله
نوال وهي نازله بس لفت شافت عمران
طلعت من بوكها بيزات وعطته : فهمت عليه ..!
عمران هز راسه وهو مبتسم : ايوا مدام
رضخت الباب بقوه وتنهدت بقهر
نوال : ورجعنا لضيقة الخلق
مشت لـ حد حجرتها وهي تفتح الباب
ما سمعت الا حسه وهو يقول : وين كنتي ..؟؟
حست بقشعريره وغمضت عيونها بألم وقالت : كنت آآ.........آآآ ............
/
.
/
أحمد وهو يطالع الأوراق اللي بيده : تعالي يلسي
أميره زاد رعبها وخافت يلست على يمب ع السرير : خير أحمد
أحمد ابتسم ورفع راسه : ماشي بس مليت .. قلت بسولف معاج
أميره ابتسمت وحست بارتياح : آهــــآ ..
أحمد : شو تحسين نفسيتج وانتي قربتي لامتحانات آخر السنه
أميره بارتياج وقلق نفس الوقت : ماشي الحال بس خايفه بنفس الوقت
أحمد عقد حياته : كيف خايفه ..؟
أميره : تدري يعني خلاااص هذي نسبة آخر العام وبتضل معاي كلما قدمت على وظيفة ولاشي ..!
أحمد هز راسه وقال : آها ... بس بعد بيكون عندج شهادة الجامعه ان شاء الله
أميره ابتسمت : ان شالله
أحمد : شو ناويه تكملين ..؟؟
أميره رفعت جتوفها بمعنى مـا أدري
أحمد ابتسم : وحده شراتج شطوره ما تحط هدف
أميره : مب اني مب حاطه هدف بس ما أدري أنا ما ارسي على بر ..
أحمد : ميولج ..؟؟
أميره : جرافيك
أحمد : خلاص عيل تمسكي بـ هالشي وكملي
دخلت وهي معصبه : لا والله يعني انتو تسولفون وتخربطون وأنا برع ..!!
/
.
/
ابو عزام : نوال وين كنتي ..؟؟
نوال ابتسمت وهي تخفي مشاعر الخوف : كنا ع البحر أنا ورفيجتي
ابو عزام : منو هاي بعد ..؟؟
نوال : يالله ابويه اش دراك بربيعاتي ..!! هذي ميمي
ابو عزام : وليش ما خبرتيني ..؟؟
نوال وهي ترسم دويره بريلها ع الأرض عساس انها تتدلع : من متى وانا أخبرك ..؟؟ وبعدين باباتي انت تدري أنا ما أحب ازعجك وانت روحك مشغول مع هذا ذياب
ابو عزام طنش وقال : يلا انزين حبيبتي غيري وانزلي نتعشى
نوال : متعشيه ابويه
ابو عزام : تبين تزعليني ..!
نوال ابتسمت : ولا يهمك خلاص ثواني وبنزل
ابو عزام رد لها الابتسامه ونزل تحت ..
شاف عزام قاعد ع السفره يترياهم ..
بو عزام تقدم وسحب الكرسي لورا وقعد
عزام بعصبيه : أنا عشرين الف مره قايل لـ هذي روزه تجهز العشا
,
,
,
,
بو عزام : الله يهديك جاهز بس تسخنه
عزام وهو معصب من اللي صار في المستشفى ووجود اروى : وهذي بنتك وينها ..؟؟
بو عزام : لا والله تعال اضربني بعد ..!
عزام استحى من ابوه : اسمح لي ابويه بس أحس أعصابي تعبانه شوي
بو عزام عقد حياته وقال : فكرت في الموضوع اللي كلمتك عنه
عزام بشرود : أي موضوع ..؟؟
بو عزام : أي موضوع غيره بعد ..!! اروى بنت عمتك
عزام حس عمررره بيموت روحه معصب منها ..! ايي ابوه ويرد يعيد الموال ..
/
.
/
أحمد عصب من اسلوب أخته الخايس وقال : اطلعي برررع أماني
أماني عقدت حياتها : شووو ..؟؟
أحمد : أنا وأميره يالسين نتكلم .. اش حقه ترزين فيسج
أماني بقهر : يعني أنا مب أختك ها ..؟؟
أحمد : اش دراج ..! أنا وأميره يالسين نتكلم بموضوع يخصنا انتي اش لج ..؟؟
اشتغلت المناحه عند أماني وبدت تصيح : يعني ما تحبوني ..!! انتو بس تفكرون بـ عماركم
أحمد تنهد عقب ما جلبت السالفه عليه : منو قال جي ..؟
أماني تصيح : انته كل مررره تحب أموور ما تحبني
أميره وقفت : أموون هدي
أماني : أنا ادرري هو بس يحبج انتي .. أما أنا ما يواطني بعد
دخلت أم أحمد مستغربه : اش بلاااكم ..؟؟
أحمد لوى بوزه : بنتج الرومانسيه تقول ما أحبها
أم أحمد : استغفر الله العلي العظيم شو هـ الرمسه أمون ..؟؟
أماني : هو بس يكلم أموور عدل أما أنا لأأأ
أميره وهي تمشي : أنا بطلع بعد ما تخلصون ضرابتكم خبروني
أماني : استانستي الحين بعد ما خربتي كل شي ..؟؟
أميره تنهدت وهي طالعه : الله يهديج
أحمد وقف وخذا سويج موتره : أمي بروح عندي شغله تبين شي ..؟؟
أم أحمد : سلامتك ولدي .. لا تسرع
أماني طالعت أمها : شفتي كييف أقول لج ما يحبوني
أم أحمد : الله يهديج انتي الثانيه منو قااال ما يحبونج
أماني : هم جي بس يحسسوني اني ما انفع
/
.
/
عزام حس عمره تضايق أكثر من هـ الطاري : أنا كم مره قايل لكم هـ الانسانه ماباها خلااااص
بو عزام مستغرب : وليييييش ..؟؟ شاللي غير رايك احيدك تموت عليها
عزام : ابويه أروى ما تناسبني .. عافها الخــــاطر عافها تعرف شو يعني ..؟؟
بو عزام : بس بنت عمتك وماشي أحسن منها
عزام وهو يطالع نوال يايه : اللي خلق اروى خلق غيرها ابويه .. خلاااص هذي نوال يت
تقدمت نوال : مساء الورد
عزام لف ويهه وهو معصب ..
بو عزام : مساء النور
يلست نوال : اش فيه هذا معصب ..؟
عزام ما رد عليها .. واشر لها بو عزام تسكت ..
يت روزه تحط العشا .. عزام قال بعصبيه : انتي الثانيه وين العشا ..؟؟؟
روزه تخرعت زين ان الأكواب ما طاحت من يدها .. : أنا في سخنتي أكل
عزام طالع نوال وقال : وانتي بعد قومي ساعديها ولا شو فايدتج ..؟؟
نوال بغرور : لا والله ادش المطبخ يعني ..؟؟
عزام : وشو فيها ..؟
نوال تطالع يدها : برستيجي ما يسمح لي وبعدين أنا ثانويه عامه
عزام حس بسخافة أخته وقال : والله اللي يشتغلن ويكرفن في بيوتهن بييبن الـ 100 بعد ..
نوال : ابـــــــــــــــــويه شوفه ..!
بو عزام طالع عزام وقال له : هد عزام هد وتعوذ من ابليس
عزام شاف نوال وهو بعده معصب : وانتي الثانيه وينج من العصر محد ..!! ذياب ولد عمج ما رحتي تشوفينه ورحتي تدورين مع ربعج هـ المخبل
نوال : ابويه شوووووفه ..!! وبعدين منو انت ..؟ ابوي اللي هو ابوي ما يكلمني جي اتي انته تكلمني جي ..! وبعدين انتو تدرون ذياب أنا مابااااااااااه ...!
بو عزام قال بعصبيه : وبعدين معاكم جني مب قااااعد ..
عزام وقف وقال بعصبيه : تعشو رووحكم .. وبنتك هاي حسابها معاي بعدين وذياب اللي ما تبينه غصبا عنج تاخذينه لأنج ما تسوين ظفره بعد ..
مشا عزام بـ عصبيه وشاف روزه بـ دربه يايه ومعاها شي من العشا صدمها بـ قوه بدربه لـ درجة كانت بـ تطيح
وراح صوب الباب ورضخه بــ قوووه خلا اللي بالبيت يغمضون عيونهم من علو الصوت
نوال فتحت عيونها : هذا اش فيه ..؟؟
بو عزام : الله يهديه اخوج تعرفينه
نوال : ما كان جي عزام .. شاللي غيره
بو عزام : من يوم صغير عصبي
نوال : بس مب لـ هالدرجه
بو عزام ابتسم : ربج كريم .. يلا تعشي
روزه تطالع بو عزام : أنا شويه موووت بابا .. ما يقدر يقعد بيت مال انتو
بو عزام طالعها وفيه الضحكه ما تنلام والسبه عزام ..
/
.
/
أميره تمشي في الحـــوي وهي قاعده تصيح
أحمد خطف من غير لا ينتبه لها .. وطلع من البيت يروح يشوف شغله
طلعت أمها من الصاله وقالت : أموور تعالي نتعشا
أميره بصوت متقطع : مالي خاطر
أم أحمد : ليييش أمايه ..؟؟
أميره : مب مشتهيه
أم أحمد : من غلااا أحمد تيين ..!
أميره تجدمت من أمها وهي تحاول تخفي ملامح الحزن : أووكي
ام أحمد : تدرين بها أختج بعد شيطونه
أميره ابتسمت : ما عليه امي مسامحتنها
أم أحمد : تدرين بها أمووون دلوعه وطفوليه واايد
أميره : أحمد وين رااح ..؟؟
أم أحمد : بيروح لـ شغله شوي
أميره ابتسمت : آهـــا .. الله يكون بعونه
طلعت أماني من الحجره وهي مبوزه
أميره ابتسمت لها : يلا عـــاد اضحكي بسج
أماني كشرت أكثر ويلست تطالع تلفزيون
أميره : أمـــون أهون عليج ..؟؟
أماني ما ردت عليه
أميره : أوووكي برااايج بس اعرفي اني طلعت من الحجره زعلانه وأحمد بـــــعد طلع زعلاااان
أماني مستغربه : أحمدوه زعل ..؟؟
أميره رفعت جتوفها بمعنى مدري وقالت : سأليه روووحج
أماني : أمـــي عطيني موبايلج
/
.
/
في الشركه
أحمد وهو يتصفح الملف : انزين بس لااازم نحاول نرفع قضيه عليهم
عزام وهو شارد : اش دراني انت محامي الشركه وأدرى
أحمد : بس استشيرك ..؟؟
عزام : برايك
أحمد لاحظ شرود عزام وقال : انزين انت نايم عدل اليوم ..؟؟
عزام : هي .. يلا نكمل عسب ارد البيت لأني باجر من النجمه برووح لـ ذياب
أحمد : شخباره الحين ..؟؟
عزام : بعده
أحمد موبايله يرن قال قبل لا يرد : ان شالله يقوم
ورد : هـــلا أمايه
ردت عليه أماني زعلانه : زعلااان مني ..؟؟
أحمد سكت وما قااال شي
قالت بصوت طفولي : بعدك زعلان
أحمد يلعوزها : هي زعلان ..!
أماني تصيح : حمووود والله ما اقصد
أحمد بعد السماعه عن اذنه : بتغرقينا الحين
أماني : سخييف .. أحمدوووه والله ما أقصد شي .. بس انت وأموور دوم ما تخلوني اعرف شي عنكم
أحمد : كنت أسألها عن شي
أماني : شو هو ..؟؟
أحمد ضحك : يا شين اللقافه بس ..!
أماني : صــــدق عــــــــــــاد ارمس يلااا
أحمد : انتي ما بتتخرجين هـ السنه يوم بتتخرجين بسألج نفس السؤال
أماني : شو هو السؤال انزين ..؟
أحمد بطفره : والله انج حشريه .. عن تخصصها
أماني : هــــــــي ..
أحمد : صالحي أختج مب تصالحيني أنا
أماني : لأأأ دبه هذي
أحمد : خلاااص بنكرهج زياده
أماني : سخيييف .. أوووكي ... يلا باي
أحمد : بعدني زعلان هههه
أماني : لا تستهبل .. باااي
أحمد وهو يضحك : ههههههه بااااي
عزام يطالع الأوراق وكأنه ولا مهتم بس يسمع وهو حييييل متضـــــــايق
أحمد ضحك وقال : هههه هذي أختي الصغيره متضاربه تقول اني ما أدانيها وان كلنا ما نحبها
عزام ابتسم غصب وقال : هي ملسووونه
أحمد مستغرب : اش دراااك انته ...؟؟


انتهى /~



ღ همسه ღ




يا دبي لا تخلينه يضيق ..!
كل شي عندي يهووون ... إلا ضيقته ..~


.
.
.


 
 توقيع : قمرهم كلهم




رد مع اقتباس
قديم 07-17-2013, 02:27 AM   #6 (permalink)
قمرهم كلهم
مستشار المؤسس ~

 
الصورة الرمزية قمرهم كلهم

 آلحـآله ~ : قمرهم كلهم غير متواجد حالياً
 رقم العضوية : 9952
 تاريخ التسجيل :  May 2010
 فترة الأقامة : 5069 يوم
 أخر زيارة : 10-19-2014 (08:38 PM)
 النادي المفضل :
 الإقامة : 
 المشاركات : 8,755 [ + ]
 التقييم :  40
  معدل التقييم ~ : قمرهم كلهم is on a distinguished road
 زيارات الملف الشخصي : 13827
 الدولهـ
Qatar
 الجنس ~
Female

  مشـروبيُ ~

  كآكآوي ~

  قنـآتيُ ~

 MMS ~
MMS ~

  مدونتيُ ~

لوني المفضل : Cadetblue
 
 

رد: أبكي ..! ليه ما أبكي ..؟ مـ دآمكـ للدموع أسبآب ..~



انا : قمرهم كلهم





ღ وقفة ღ

سجا الليل حتى هاج لي الشعر والهوى *** وما البيد إلا الليل والشعر والحب
ملأت سماء البيد عشقا وأرضها *** وحملت وحدي ذلك العشق يارب
للشاعر : أحمد شوقي



ღ الحلقة الرابعه ღ

عزام ابتسم غصب وقال : هي ملسووونه
أحمد مستغرب : واش دراااك انته ...؟؟
عزام بارتباك : لأأ قصدي ان كل البنات عليهن لسان
أحمد : ههههه في هـ الزمن هي ..
عزام ابتسم وبخاطره ... بالفعل ملسووونه والدليل قالت عني أخو محي الدين ..!!
قال عزام بضيج : ع الأقل عندك خوات يسلونك
أحمد مستغرب : جييه انت ما عندك ..؟
عزام هز راسه وقال : عندي وما عندي
أحمد ما حب يتدخل أكثر وقال : نكمل شغلنا
عزام تنهد بتعب وقال : بطلع أنا بدوور شوي .. عقب برد البيت
أحمد : على راحتك مع اني ييت عشانك
عزام : احس عمري مخنوق شوي بطلع بشم هوا وبرد لك خلااص
أحمد يلس يطالع الأوراق وهو مستغرب من عزام : على راحتك
بعد ما طلع عزام .. أحمد حس ان عزام فيه شي مو طبيعي ..!
صح انهم من ثلاث شهور متعرفين على بعض بس عرف عنه بعض الأشياء وهـ الشي كفيل انه يفسر اش فيه ..


تحت عند عزام وهو يدوور تحت ع الرصيف
ولع السيجاره وبدا يشفط منها .. حس للحظه انه كاره حياته
بانت لمعه بعيونه والسبب هي ..!!
احمرت عيونه وحس لو ان عنده الضغط كآن انتهى بـ هاللحظه ..~
هي ما غيرها خلتني أصير شاعر ..!! مغرم ...!! هاوي ..!!
بس ما بين ست شهوور وبس ..!! ست شهور لا غير انهدم كل شي ..
والسبب هي .. مثل ما بنت هـ الحب ..
هدمته بـ لحظه وحـــده ..
طالع السما وهو يتنهد حس عمره خلاااص مدوووخ ..
ما بيرجع لأحمد .. بيرد البيت
حط يده في جيبه .. شاف السويج مب موجود .. أكييد في المكتب فووق
قام ورمى السيجاره ع الأرض .. داسها بقووه عشان تموت
وبدا يدوسها ..
" مثل ما دستي على حبنا وموتيني بدوس على قلبي واجلعج منه "
وصعد بسرررعه وهو في قمة الارتباك والاضطراب ..


دخل المكتب شاف أحمد على نفس الوضعيه يجيك ع الأوراق
ابتسم له أحمد وهو يرفع راسه : هــا يالفتى المحب للشغل وينك ..؟؟
عزام ابتسم له بضيق : كنت تحت برد البيت أحمد اسمح لي
أحمد لاحظ تعبه : ولا يهمك باجر نكمل
عزام تقدم عن أحمد عسب ياخذ السويج
أحمد استغرب وعقد حياته : دخنت ..؟؟
عزام هز راسه بأسف وقال : هي
أحمد : الله يهديك شاللي خلاااك تدخن ..؟؟
عزام يتهرب منه : تدري عاد اللي يدخن صعب يترك الدخان
أحمد : الله يهديك وبعدين انت ما تدخن الا يوم تتضايق ..؟؟ اش له ما تترك عسب صحتك
عزام بآسى : انسى الصحه وابو الصحه بس أتضايق
أحمد مستغرب : اش فيك انزين ..؟؟
عزام : تعبان شوي .. خلها ع ربك .. يلا بروح البيت
أحمد : الله وياك وهالله هالله بالطريج
عزام مشا بسرررعه بدون لا يرد ع أحمد لأنه باختصااار مب طااايق عمررره بعد
وأحمد استغرب ..! عزام ما يدخن اصلا الدخان مب زين ..~ بس شـ اللي خلاه ..؟


يوم السبت الساعه 7 ونص الصبح
فتح عيونه على صوت موبايله استغرب
حج عيونه بقوووه وعدل قعدته وهو يشوووف الرقم ورد : آلو
........... : السلام عليكم
عزام وهو شبه راقد : وعليكم السلام ..
............ : أخ عزام عيسى
عزام وهو ملان ويبا يكمل رقاد : هي عزااام منو انت واش حقه داق هـ الحزه ..؟؟
............: معاك دكتور ذياب من مستشفى راشد



ميثاء قامت وهي تصيح
أسماء أختها نايمه وبـ عز رقادها
ميثاء تصيح : اثـــــــــــــــــــوم
أسما وهي تتجلب ما ردت عليها
ميثا تصيح : اثووووم
أسما عصبت في الرقاد وقالت : شوووو..؟؟
ميثا : قووومي عتيني حليييب
اسما : بسسسسج يالياااهل كبرتي
ميثا صاحت أكثر وقالت : ابا ماما
اسما وهي تقعد : الله يهديج انا روووحي بليل ما ارقد أحاتي ذياااب انتي الثانيه تنشين من الفير
ميثا : وينه ذياااب ..؟؟
اسما ملت منها وقامت تشيلها توديها لـ حجرة أمها
أسما بعصبيه تكلم ميثا : هبله وحده ما أصدق اليمعه والسبت ييون استانس بـ هاليومين وانتي ما شالله تخربين رقادي
ميثا بدت تصيح
دقت باااب حجرة أمها وابوها ودخلت
أم حمود : قااامت ..؟؟
أسما تعطيها لأمها : حشررره أعووذ بالله
أم حمود : سيري كملي رقااد
أسما : متى بتروحون لـ ذياب
أم حمود : ابووج توه دخل الحمام يتسبح بس يطلع يتريق بياخذ وقت عقب بنروح
أسما تتثاوب : أنا بسير برقد بس تخلصون خبروني بنش وبيي وياكم
أم حمود : انزين


عزام صح صح وقال بتركيز : ذيــــــــاب فيه شي دكتور ..؟؟
الدكتور : لا الحمدلله ذياب قااام الساعه ثلاث بليل وأنا توني داومت قلت أبشرك
عزام ابتسم وهو في عز كسله بالأحرى : الله يبشرك بالخير دكتور .. شخباره الحين ..؟؟
الدكتور : بخير بس قاعد يهذر ويقول يبي حمود
عزام ابتسم وقال : هييييه يبي أخوووه اللي في بلاد برع
الدكتور : ييبو له ايااه عاد الغالي قااام
عزام ابتسم : خلاااص ان شالله مسافة الطريج وأنا عندكم
الدكتور : بشر أمه وأبووه
عزام : ان شالله ..
الدكتور : يلا فمان الله
عزام : فمان الكريم
قام عزام يروح يتسبح ..
أوووه اتصل بـ عمي وأخبر ابووي أحسن لي ..!!
حليلهم من يومين على اعصابهم وأنا أروووح اتسبح ..؟؟
تقدم عن موبايله يتصل بـ عمه .. بعد مرور دقايق
" يالله اش فيه عمي ما يرد ..؟ "

رد دق ارقااام بيت عمه وهو متملل يبي يروووح المستشفى يشوووف ذياب
ردت عليه وحده شكلها مو بالدنيا وكارهه حياتها
.......... بدون نفس : آلـــــو
عزام مستانس ورايق : مرحــــبـــآ
أسما يايه تصكر وقبل لا تصكر : مــــآلت متفيج تغازل ع الصبح انت الثااني الناس تتريا هـ اليومين عسب الرقآد وانت تغازل ع الصبح صدق أي شي ..!!
عزام قال بسرررعه قبل لا تصكره : شـ أغازل الله يهديج
أسما ركزت وقااالت : هـــي عرفتك ..؟؟ عم صباحآ ابن عمي
عزام يعرف ان بنت عمه هذي فيها عرج من
زمن عنترة وقيس وهـ السوالف : أهلأأأ بك ابنه عمي ... بس من وين متعلمتنها ..؟؟
أسما : من قصيدة هذي عبلة مدري منو .؟؟ المهم متفيج متصل ع الصبح خيرررر ..؟؟
عزام ابتسم بالفعل بـ هذي العايلة محد غير أسما يقدر يغير مزاجه بهبلها
وقال بفرح : تخيلي ..؟؟
أسما فرت عمرها ع الصوفا وقالت : بتخيل وبرقد بنفس الوقت تراااني
عزام : لااا شوووه ترقدين ..؟؟
أسماء تتثاوب : قووول شو تبا ..؟؟
عزام : ترااااااااااااااا ... اخوووج ذياااب قااام
أسما نقزت وقاالت بفرح : احلـــــــــــــــــــــف بس ..!
عزام : متفيج أخرب رقادي عشان اتصل بكم واجذب ..؟؟
أسما مستانسه : الحمدلله رب العالمين الحمدلله ..
عزام : المهم كلمي عمي وأمج لأني اتصلت بـ عمي وما رد
أسما : أوووكي يلا باااي
عزام : باااي



وهو يطالع ربيعه عمر : عموووووور ذيـــاب قااام
عمر ابتسم : الحمدلله على سلااامته الحمدلله
علي بعد ما سلم وطبق السياده : الله يحفظه لكم وخطااه السو
حمود : آميين يارب
علي ابتسم : كلمته ..؟؟
حمود : لا يقووولون بعده مرهق شوي
عمر : لا ان شالله ساعات وبيرد شرات أول
حمود : آمين
علي : ما نوصيك بالحلااو عاد على كل الطلاب
حمود ابتسم : عز الله فلست ههههه
علي : آياااا البخيل
حمود : أمزح والله حلاااو هـ العالم كله ما يسوى شي يدااام نشة ذياب
عمر رفع حياته بخبث وقاال : ما أوصيك تقول له يشغل الكام يوم يرد البيت
حمود : هاللي يهمك ( يقلده ) ميثــــاء
علي : خله يستانس ياخي خله خخخ
حمود : والله بخاطري ارجع البلاد اليوم قبل بااجر
علي : تريا انزين مب باقي الا شهرين
حمود : هممم يعني على شهر سته أو سبعه بنكون مخلصين
علي : الحمدلله وبعدين انت لو كنت رااجع من قبل سنتين بعد عادي ..!! لأن الحين نحن ناخذ تدريب وهـ الشي مهم عسب يوم نرد البلاد أي مستشفى يقدر يوظفنا على طول
حمود : هي أحس مهم التدريب عسب ما يبهدلونا في البلاد وااايد
عمر ابتسم : تخيلو بس بصير دكتور نساء وتوليد هـــــع
حمود ابتسم : اش فيها انزين دكتور ما فيها شي ..!!
علي : لييش بالذات اخترت هـ الشي
عمر : اش دراني بعد ..! مزاج وبعدين بيني وبينك ( قال يمزح ) عسب حرمتي يوم تربي خخخ
حمود : هذا الانسااان أنا متأكد ان الروايات أثرت بـ عقله
علي : وأنا وياك والله ما أخالفك بوجهة النظر هذي
عمر كشر وقال : وانت يعني اش معنى خذيت طب عام ..؟؟
حمود : مزاج
عمر : هه كل واحد وحر .. وهذا علاوي بيتخصص طبيب أطفال
علي ابتسم : عسب أزيغ عياااالي ههههه بس يشيطنون الابررره في المقدمه
حمود : يالمجرم انتتتته مدري منو بتتزوجك
علي : يلا تراااني صدق مليت ..!!
عمر : شاللي يلا
حمود : بنطلع نشم هوا بس انت تم داخل يالديايه
عمر بوز وقال : روحي مب طالع الدكتور عطاني شغله اسويها
علي ابتسم وقال يغايظه : بـــــاي يالبردان



الساعه 10 في المستشفى الكل متجمع حوالينه
أسما تقدمت منه وهي تصيح
قالت بصوت متكسر : الحمدلله ع سلامتك
ابتسم لها بدون ما يرد لأن راسه مربوط بشاش ويعوره
مسكت يده اليسار لأن اليمين مكسوره : والله افتقدتك وااايد
يت أم حمود صوبها وقالت : ودريه أمي خليه يرتاح شوي
أسما ابتعدت ووقفت بزاويه تصيح
بو حمود : الله يهديج أسووم أخووج قام بالسلامه ليييش الصياح
أسما عييت تسكت وبدت تمسح دموعها وكل شوي دمعه بعد ثانيه
بو عزام تقدم منها ولوى عليها : اسوووم بلااج حبيبتي ..؟؟
اسما مسكت عمها وقالت : كسر خاطري
بو عزام ضحك بصوت خفيف : يعني بس كاااسر خاطرج ..؟؟
اسما هزت راسها : احبه بس ما أدانيه .. لكن اليوم احبه وادااانيه
بو عزام ابتسم : بس اليوم ..؟؟
اسما هزت راسها وقالت : والله اني اعزززه
بو عزام مسك يدها ووداها صوب الكرسي وقال : يلسي يلااا وسولفي مع اخوووج
اسما تطالع الكل : ما تشوفونه كييف رابطينه ما يستوي أعووور راسه
ابتسمت أم حمود وقالت : يعل عيني ما تبكيك يالغالي


واقف برررع ويقول لها : دشي يلا
نوال تعاند : مابا قلت لك مابا
عزام معصب : شو تخبلتي انتي ..؟؟
نوال : قلت لكم مابا اشووف ذياب
عزام بعصبية : شو مسوي لج ..؟؟ ماكل بيزات ابوووج يعني ..؟؟
نوال رفعت حاجب واحد : لا ترمس ع ابويه جذا
عزام سحبها من يدها وقال : يـ الغبيه امشي
نوال تأففت وهي تقول بقلة حيلة : والله لولا طلب ابويه جان ما ييت
عزام بغرور : جآن أنا ما ودرتهم وييت حق ويهج أشلج من البيت
نوال : غصبا عنك
عزام يا كالعاده يشد شعرها بس تذكر ان هم بمكان عام
طالع شعرها وقال : انتي ايـــــه شعرج ها مال العنز خبيييه
نوال : هه انت اش لك شعري ولا شعرك ..؟؟
عزام : الشعره بـ جمره
نوال : صل فرضك انت أول عقب رمسني
عزام شوي ويذبحها بس سكت لأنهم وصلو للحجره
دق الباب ودخل
عزام : السلام عليكم
الكل : وعليكم السلام
نوال سلمت على عمها ومرت عمها ...
قالت لـ ذياب وهي واقفه بعيد من غير نفس : الحمدلله ع السلامه
ذياب ما رد عليها لأنه مب قادر يرمس وايد غير.. هي ولا ..!
انقهرت نوال .. حتى ولو ما يروم بنظرها المفروض ما يحقرها أو بالأحرى حتى ولو مريض غصب عنه يرد ..
عزام طالع اسما وقال مستغرب : بلاها هااي طماطه فاسده ..؟؟
الكل ضحك أسما طالعته وقالت بقهر : اسكت انت
عزام ابتسم : بلاااج جي حمرررره
أسما بدت تصيح أكثر : أحب أخوووي
عزام ابتسم وقال : هذا أخوووج تراااه يدااامج صاحي ما بلاااه شي
ميثا تقدمت عن سرير ذياب وقاالت : ماما دياب ليييييث لابث ثيله بيضا ..؟؟
الكل هـ اللحظه انفجر ضحك لأنه هذا شاش .. حتى ذياب من نفسه ابتسم ابتسامه صغيرونه لأنه ما يقدر يحرك فكه المتعور ..



يوم الأحد الساعه 10 وربع الصبح
يالسه تطالع أسما وهي تقول : وين راحت ..؟؟
أسما لفت تشوف أماني : اش دراني ..؟؟ تشوفين الاداره يبونها بـ شي
أماني قالت بقهر : فكه
أسما ابتسمت : صالحيها انزين
أماني : اش سويت أنا عشان أصالحها ..؟؟
أسما هزت جتوفها بمعنى مدري وقالت : جي .. عسب ترضى لا تنسين انها ابلة الجيولوجيا وانها تقدر تعطيج أي درجه هي تبا دام ان ماشي جيولوجيا آخر السنه
أماني بوزت وقالت : الشرهه عليه يوم اني أقدرها دوووم وبعدين برايها مب أنا اللي بسكن قبرها
أسما ابتسمت : ما أحيدج جي شرانيه
أماني ابتسمت : عشان خاطرج وبس بصالحها ..
أسما : في الفسحه سيري لها
أماني : أوووكي .. تدرين ما خبرت أموور عن اللي صار
أسما : مب لااازم كل شي نقوله أول بأول .. بس بعد هذي أختج بئر اسرارج ههههه
أماني : صدقج برمسها اليوم
أسما : حظج مب انا ميثاني ذالتني
أماني : باجر تكبر وتعقل
أسما : صح نسيت أقول لج الخميس عيال خالتي كنسلو ييتهم
أماني هزت راسها : هي قلتي لي عسب أخووج ذياب
أسما بحزن : فديت قلبه والله ما يستاهل
أماني باهتمام : وااايد متعور ..؟؟
اسما عقدت حياتها وبخبث : انتي اش لج ..؟؟
أماني ابتسمت : لا يروووح بااالج بعيد يالدبه بس اني شفت سيارته يوم الخميس وقلت احتمال اللي فيها ما يعيش
أسما بطلت عيونها : فال الله ولا فااالج يالدبه
أماني ابتسمت : مجرد خيال ..!! يلا الحمدلله ع سلامته
أسما بقهر : ما ودوني له الا يوم صحا
أماني ابتسمت : يدرون انج متهوره ومشمش شخباره أحيده ربيعه المقرب ..؟؟
أسما ابتسمت : يقولون راح له ..
أماني : متى بيطلع ..؟؟
أسما : ان شالله بعد اسبوعين وبعدين يده بتتم ثلاث اشهر في الجبس أما راسه فـ الشاش بيشيلونه قريب لأنه الجمجمه مب متأثره وااايد
أماني بألم : الله يعينه والله بس الحمدلله ع كل حال ..
أسما : لا واليمين بعد
أماني : الله يقومه لكم بالسلامه يارب
دخلت أبله مهره ( أم نواف )
طالعت البنات وردت طالعت أماني بنظرة استحقار
أماني همست لـ أسما : حامض على بوزها أصالحها ..!!


صف ثاني عشر علمي / 2
أبله موزه : يلا بنات باجي ربع ساعه ع الفسحه بطلع أنا
شيخه بمزح : أبله فارشين لج ورد ولا يهمج
أبله موزه ضحكت وقالت : هي تبون الفكه .. يلا آخر سنه ما بقول شي بعديها لكم
شيخه : لا أبله منو قااال من حبنا ها
أبله موزه : أووكي بطلع بس مابا حشره وما تطلعون تسوون لي حشره
البنات : ان شالله
طلعت أبله موزه
ميره وشيخه يالسات حذال بعض .. لأن كل بنتين ملصقين كراسيهم ..
أميره قاعده ورا شيخه وجنبها ليلى .. طالعت شيخه : مب لسان عليج أعوذ بالله
ابتسمت لها شيخه : يقطر عسل فديته
أميره صدت عنها وهي تطالع ليلى قالت لـ شيخه : مليت منكم برمس ليلوه اليوم شوي
ليلى انسانه طبعها جدا هــــادي
أميره : ليلوووه شخباار الدراسه وياج ..؟؟
ليلى ابتسمت : توني بديت أراااجع
أميره : آها .. الله يوفقج ويوفقنا
ليلى : آميين
أميره مستغربه : ما بتدخل بخصوصياتج بس ليييش هـ الكثر غياااب نحن ثنويه عامه ..؟؟
ليلى عيونها امتلت دموع : كارهه حياتي
أميره عقدت حياتها : عسى ما شر ..؟؟
ليلى : مـ أدري شـ قول لج ..؟؟
أميره : حد يضايقج .. مب فاهمه الدروس عدل ..؟؟
ليلى : ياليت والله .. أموور بقول لج شي بس أمانه محد يدري ..؟؟
أميره : قولي فديتج ..!
ليلى : كلهم يقولون عني بنت ...............
أميره انصدمت بس تمالكت أعصابها : وليييش تصدقينهم ..؟؟
ليلى : لأن هذا الصدق
أميره : وأمج وابوج ..؟؟
ليلى : ابويه تزوج أمي من عقب ما صار هـ الشي وبعد فتره وبعد الأوراق رد طلقها
أميره : انزين ليييش تحاتين ما عليج من رمسة الناس أهم شي انتي تكونين أوكي
ليلى : أدرري بس كلما رحت لـ مكان يسألوني .. هذا غير ان ابوي ما يشوفني الا نادر وأمي دوم مسافره
أميره : ان شالله باجر بس تتخرجين في الجامعه البنات بيسلونج أكثرر
( تذكرت للحظه ليش أخوها منعها من انها تسير بيت ليلى يوم من الأيام )
ليلى تصيح : والله حاولت أنتحر مرتين
أميره عقدت حياتها : يا ليلى الانسان لو يخسر دنيته بس ما يخسر آخرته بعد ..!!
ليلى : صدقج بس أنا ما أقدر
أميره : مسحي دموعج وخلي ايمانج بالله قوي والله بيعطيج على قد نيتج
قاطعهم صوت شيخه وهي تصرخ : يالدبه أميرررره يقولون علينا واجب رياضيات وأنا مب حالتنه


همسه : قصة ليلى واقعيه ..!! وهي روحهآ يبي لهآ روآيه ...~ الله ييسر أمورها ويهديها ..~



خآرج جو المدآرس
دخل المكتب شاف أحمد قاعد يرتب الأوراق
عزام : صباح الخير
أحمد ابتسم من غير لا يرفع راسه : صباح النور
يلس عزام على مكتبه واتصل على العامل : آلــو ... غفار جيب اثنين بلاك كوفي ..!!
أحمد رفع راسه يطالع عزام بعد ما صكر وقال : شـخبارك اليوم .؟؟ ان شالله أحسن
عزام ابتسم : الحمدلله
أحمد : صح الحمدلله ع سلامة ذياب
عزام : الله يسلمك توني ياي من عنده
أحمد : شخباره ..؟؟
عزام : بخير الحمدلله أحسن عن أول
أحمد عقد حياته : ولد عمك يقوم بالسلامه وأنا آخر من يعلم
عزام : اسمح لي والله انشغلت
أحمد : لا عـــآ..................
قطع عليهم صوت الباب وهو يندق
عزام : ادخل
دخلت وهي معصبه ومشغول بالها بنفس الوقت
أحمد وقف : استأذن أنا عاد
عزام وقف وطالعها والشرر يتطاير من عيونه : لا خلك أحمد أنا بطلع برد عقب
مشى عزام وسحبها من يدها وقال بصوت سمعه أحمد : شاللي يايبنج الشركه ..؟؟



نرجع لـ جو المدآرس
أماني لحقتها : أبله مهره ..؟؟
لفت صوبها أبله مهره وقالت باستحقار : نعم ..؟؟
أماني ابتسمت : أبله ممكن أرمسج داخل
أبله مهره مشت وهي ولا معطيتها أي اهتمام .. دخلت لـ مكتبها وحطت الأرواق
يلست وقالت : صكري الباب وراج
أماني حست عمرها مذلوله وهي تمشي وراها جي بس أسما يالسه تشجعها وهي ماشيه حذالها
أبله مهره : ارمسي ولا ناويه تعطليني ..؟؟
أماني بخوف : لأا أبله
أبله مهره : قولي شو عندج بسرررعه ..؟؟
أماني : أبله أنا آسفه بخصوص اللي صار يوم الخميس
أبله مهره : دامج تعرفين انج غلطانه جيييه سويتي جي
أماني : ابله بس أنا مب غلطانه كذا بنيه كانت قاعده وياااي
أبلة مهره بعصبيه : شو ع بالج المدرسه مدرسه ابوووج تسوين اللي تبين على كيفج ...!!
أماني انصدمت وبدت دموعها تهل ..
طالعت الأبله بنظرة خلتها تنهار صياح .. ومشت بسرررعه برع المكتب ويلست على جنب في الممر تصيح مثل اليهال
أبله مهره طالعت أسما وقالت : قولي لـ ربيعتج تحترم عمرها .. وسيري لـ صفج يلا
أسما طالعت الأبله بكره وقالت : ابله حراااام عليج ..!
أبلة مهره : طلعي ولا بتسمعين نفس الكلام اللي سمعته ربيعتج
أسما بكره وهي تحس لو انحطت بـ هالموقف : ابله لو أنا أهووون بس أماني حرام عليج تيبين طاري ابوها ..!! أماني يتيمة الأب .. تعرفين شو يعني ..؟ تذكرين الميت باساءه وهو بقبره ..؟



مشا معاها الين وصل للباركنات وقال بصوت مخنوق : شاللي يايبنج ..؟؟
أروى ابتسمت : ما اشتقت لي ..؟؟
عزام بعصبيه : لو فيج خير تكلمين ابووج عن اللي قاعد يصير
أروى : صدق عزام اش فيك انت ..؟؟
عزام ما بين اسنانه : سيري بيتكم وخلي النفس راضيه عليج ..!! قبل لا يشوفنا أحد من الموظفين
اروى بقهر : ليييش تعاملني جي انت ..؟؟ قول لهم اني زوجتك ..!!
عزام : حامض على بوزج اقول لهم انتي زوجتي ..!! آخر شي اتوقع اني أعترف فيه ..؟؟ لا وليييش اعترف فيه اصلا لأني مب زوجج أصلا ..!
أروى معصبه : لييييش تعاملني جيييه ..؟؟
عزام بعده يهمس وهو معصب : اسألي عمرررج
أروى : عزااام حراام عليك
عزام مشى بعصبيه : سيري احسن لج
أروى : ترا والله عادي اصرخ وأقول انك قاعد تتحرش فيني
عزام قال لها بحقد : ما تنلامين والله ..!!
أروى لحقته بس هو مشى بسرررعه ومب طااايق يسمع أي شي من أي انسان ..
حس بـ حزن وقهر نفس الوقت وده لو يموت اليوم قبل باااجر ولا صااار اللي صااار ..!!


دخل المكتب شااف أحمد بعده على نفس الوضعيه
قال ينسى همومه : انت من أول ما شفتك وانت يالس لي عندي ..!! كأن ماعندك مكتب ..؟
أحمد : مب جنك انت اللي قايل قضايا الشركه لازم أخبارها توصلك أول بأول
عزام : أدرري بس عاد ما تعمر عندي
أحمد ابتسم : والله بس هم يومين وأنا قاعد عندك
عزام يلس وشاف القهوى يدامه شرب منها شوي ..
حس عمره كاره حياته وهو قاعد يستعيد الذكرى ..!! هـ الذكرى مررررره مثل مرارة هـ القهوى اللي قاعد يرتشف منها ..
بس صدقيني يا أروى عرفت كيييف أنتقم منج عرفت ..!!
ما حس عزااام الا وهو يرمي الفنجان بـ قووووه ع الأرض وانسكبت القهوى
أحمد تخرع وتفاجأ من عزام وقف وتقدم منه : خير فيك شي ..؟؟؟
عزام وقف حط يده على راسه وقال : لأأأ ما فيني شي برد البيت
أحمد : اوصلك ..؟؟
عزام وهو متوتر : لا تحاتي أنا بخيررر ..
أحمد : مب حاله عزااام ..؟ من يوم اليمعه وانت على هـ الحال ..؟؟ عسى خير
عزام مشى وهو طالع : واللي يشوف ويهها يكون بخيررر ..!!
احمد استغرب وشك ان السالفه فيها انه ..!! عزام انسان بالفعل مب طبيعي
وانفعالي لـ درجة المـوووووت ..~
كل يوم يحس عمره يكتشف شي يديد وغريب عن هـ الانسان المزاجي ..!!

وسط أجواء ضجيج البنات في الفسحه
أميره : لا والله عشااانج بس ..!
ميره : وه فديتني بعرس جريب مب شراتكم عانس
أميره : ما يسوى عليج هـ المعرس ..!! اشبعي فيه نحن بنكمل دراستنا صح شواخ
شيخه : منو قال حتى أنا ابا اعرس
أميره : مالت عليكم ..!! المفروض اني ما ارابع بنات جي
شيخه مستغربه : أمووور أختج اش فيها ..؟؟
خطفت وهي تطالع أختها تصيح .. وحواليها بنات كل وحده تسألها اش فيج ..؟؟
أميره تقدمت عن أماني وقالت لها : امووون اش فيج ..؟؟
اماني صرخت : قلت لكم ما فيني شي ..!
أميره استغربت منها وقالت للبنات : خلوها بروحها بنات .. روحها بتصير أوكي
مشو البنات ومشت أميره لأن أماني يوم تعصب ما تعرف أحد بالدنيا ..
تقدمت أسما بسرررعه عن أماني وقالت : أمووون تعالي ابله مهره تباج
أماني معصبه : مـا بروح لها
أسما : تعالي تبااج ..؟؟
أماني تصيح : مابا يعني مابا
تقدمت أبله مهره بعد ما طلعت من مكتبها شافت أماني تصيح بشكل فضيع
يت صوبها وقالت : أماني تعالي ابااج شوي
أسما طالعت ان الابله تبي تتم روحها مع اماني .. مشت عنهم
أماني شافت الأبله وقالت : مابي لج ..!!
أبله مهره : أماااني تعاالي يلا ابااج شوي
أماني وقفت ومشت وراها
وقفت أبله مهره ومسكت يد أماني وقالت وهي تدخل المكتب ..
أبله مهره : الله يهديج لييش تعصبين جي ..؟؟
أماني بقهر : أبله لااازم تجرحيني .. ما ترتاحين الا يوم تجرحيني واليوم يبتي طاااري ابوي
ابله مهره بحرج و فشيله : اسمحي لي عاد ما كنت أدري
أماني سكتت وما قالت شي
أبله مهره ابتسمت لها : يلا عاد أمووون اضحكي
أماني طالعت الأبله وقالت : ابله لو سمحتي لا تيبين طاري الأهل يوم تنازعين
ابله مهره : اعتبريها زلة لسان يلا عاد اضحكي بسج نكد
أماني ابتسمت بمزح : بشرط تعطيني الميه في الجيولوجيا
أبله مهره : روحج بتييبينها مب أنا اللي بعطيج اياها ..!! تراج شطوره


مرت الأيام على هـ الفصل الدراسي المزدحم ..!!
ضغط امتحانات وعوار راااس ..
خاصه على طلاب الثانويه .. اللي ميهودين من كثر الفهم والحفظ ..
البعض كان حلم حياته هـ اليوم .. ما صدقو ان هذا هو آخر يوم دراسي بالمدرسه ..
طبعآ آخر يوم لـ طلاب الثانويه العامه اللي بيودعون من بعد هـ اليوم .. أجواء الدراسه بالمدرسه
وبيبدون حياة يديده يمكن تكون أحلى عن المدرسه ..
ولكن لا زآلت ذكرى المدرسه عآلقه بقلوب كل اللي تخرجو منها ..


شـ اللي طيرنا لآخر العآم ..؟؟
~ وهـ فديت الأبطآل شربو ريدبول عطآهم جوآنج << ههههههه


بنآت الثانويه ..
البعض يصيح لـ فراق معلمه والبعض الآخر لـ فراق صديقة بتسافر لـ بلاد برع
ميره تحضن أميره : والله بشتاق لكم
أميره : الا هن كم سنه وبترجعين البلاد ان شاء الله
شيخه : يلا بنااات بسرررعه ترا الباصات بترجع البيت الحين
أميره وهي تصور الطاوله : بس آخررر صوره لطاولتي أحتفظ بها ذكرى
نوال يت صوب البنات وقالت بـ غرور : بنات الأسبوع الياي يوم الاثنين بإذن الله حفلة التخرج اللي بيسويها لي أبوي
أميره خذت البطاقه وما قالت شي : ان شالله نكون من الحاظرين
نوال بغرور : يلا باااي ..
ميره : من صدقج بتروحين ..؟
أميره : اش دراااني ..!!
شيخه تلح عليهن : يلا بنااات نروح
أميره بقرف : لأأأ مابا عن نفسي
شيخه بتوسل : حرااام عليكم ترا هي الوحيده اللي بتسوي حفلة وعازمتنا واليوم الوحيد اللي يمكن بنقدر نتلاقى فيه كلنا
ميره : باجي البنات بيروحون .؟؟؟
أميره : نستفسر وعقب بنشوف
طلعن البنات وهذا آخر يوم لهم بـ هالمدرسه ..
شيخه ماشيه للباص مع البنات : انزين هي صح انها ما تدانينا بس عزمتنا ..!
ميره : عزمتنا عسب تتكبر علينا في الحفله
أميره : حرام بنات ما يخصه وبعدين هذا يعتبر ظن وتؤثمون عليه
شيخه بطلت عيونها : أمووور كل الرمسه اللي سمعتيها على أمج وساكته عنها
أميره ابتسمت : مستانسه لأن كسبنا حسنات زياده هههه
ميره : ركبي يلا ..!!
أميره والبنات راحو يلسو بـ صوب .. هذا آخر يوم لهم وهم يركبون الباص الأصفر ..



بـ نفس اليوم الساعه 2 الظهر
أحمد دق الباب ودخل : السلام عليكم
عزام ابتسم له : وعليكم السلام
أحمد باستفسار : وينك ما قمت تنشاف الفتره الأخيره ..؟
عزام : موجود بس شسوي تدري مشاغل
أحمد : الله يوفقك .. صح القضيه الأخيره اللي رفعناها على الشركه اللي كانت تبي تشترك معانا وردينا طلبهم بعد مـ خذو جزء من الأرباح من المناقصه اللي طافت .. كسبناها
عزام : الله يبشرك بالخير .. ايلس بلاك واقف
أحمد تقدم ويلس : وراي شغل يا ريال .. خير بغيتني ..؟؟
عزام بأهميه : هي كنت اباك بـ موضوع
أحمد : أحيدك تقول لي جيييه مسنتر عندي ..!! والحين يوم رحت تزقرني ههههه
عزام رفعت حياته بتعجب : لا لا اليوم عاد اسبشل
أحمد : خير شوقتني تراااك
عزام عقد حياته وقال : اليوم الثانويه العامه خلصو صح ..!
أحمد يتذكر : هي اليوم أعتقد
عزام : كان ودي اكلمك قبل بس خفت أأثر على دراستها ..
أحمد مستغرب : خير ..؟؟ ودراسة منو ..؟؟
عزام بتردد : ما أعرف شـ أقول بس .. حبيت أقول لك اني ابا القرب منكم
أحمد انصدم وقال : شــــــــو ...؟؟



انتهى /~



ღ همسه ღ


الدنيآ مسأله حسآبيه اطرح منها { التعب والشقآء } واجمع لها { الحب والوفآء } واترك البآقي لرب السمآْء ..





 
 توقيع : قمرهم كلهم




رد مع اقتباس
قديم 07-17-2013, 02:30 AM   #7 (permalink)
قمرهم كلهم
مستشار المؤسس ~

 
الصورة الرمزية قمرهم كلهم

 آلحـآله ~ : قمرهم كلهم غير متواجد حالياً
 رقم العضوية : 9952
 تاريخ التسجيل :  May 2010
 فترة الأقامة : 5069 يوم
 أخر زيارة : 10-19-2014 (08:38 PM)
 النادي المفضل :
 الإقامة : 
 المشاركات : 8,755 [ + ]
 التقييم :  40
  معدل التقييم ~ : قمرهم كلهم is on a distinguished road
 زيارات الملف الشخصي : 13827
 الدولهـ
Qatar
 الجنس ~
Female

  مشـروبيُ ~

  كآكآوي ~

  قنـآتيُ ~

 MMS ~
MMS ~

  مدونتيُ ~

لوني المفضل : Cadetblue
 
 

رد: أبكي ..! ليه ما أبكي ..؟ مـ دآمكـ للدموع أسبآب ..~



انا : قمرهم كلهم






ღ وقفة ღ

تمسك بأحلامك ..
احتفظ بها في قلبك ..
اجعل مكاناً سرياً في قلبك لأحلامك
مركزاً على حلم منها .. واحمه ’
فقد ينمو ويزدهر ..~
" لويس دريسكول "



ღ الحلقة الخامسه ღ



عزام بتردد : ما أعرف شـ أقول بس .. حبيت أقول لك اني ابا القرب منكم
أحمد وقف انصدم وقال : شــــــــو ...؟؟
عزام : هد أحمد وايلس
أحمد يلس ومسك عمره لأنه بالفعل انصدم وقال : عيد اش قلت ..؟؟
عزام : أظني سمعت ..!! قلت ابا آخذ اختك
أحمد تمالك أعصابه وقال : عزام تعرف انت شـ تقول ..؟؟
عزام بجديه : هي أعرف ..!! ومحد بيعايرني
أحمد : السالفه مب سالفة معايره وكلام ناس ..!! عزام أختي صغيررره
عزام طالع أحمد وقال : حتى ولو صغيره فـ أنا أباااها
أحمد : عزام افهمني ..! اختي ما تبا تعرس تبي تكمل دراستها وبعدين صـــدق أختي واااايد صغيره بالعمر
عزام : وشو المشكله .. ثانويه عامه وخلصت..؟ بخليها تكمل
أحمد قال بجمود : بس أنا راااافض .............!
عزام توقع ردة فعله وقال ببرود : اسألها أبا رايها .. مابى رايك ..
أحمد وقف وطلع من مكتب عزام بـ عصبيه وبند الباب بـ قووووه ..
وراح لـ مكتبه .. سند راسه ع اليدار وتنهد بـ قوووه ..!
" شـ هالمصيبه اللي طحت فيها ..!!
كيف بنقذ أختي وهي توها الا 18 سنه واخليها تدخل حياة
وتخوض تجارب هي مب قدها ..!!
ولا عمرها عرفت عن هـ الحياة شي .. "


دخلت الحجره وراحت لـلمكيف وشغلته
أماني تصرخ : دبــــه لا تقولين انج بترقدين ..؟؟
أميره ابتسمت وقالت : أكيييد ..!! أنا دومي أرقد الظهر
أماني تتوسل لها : حرااام عليج أموور الا هي الساعه 12 تمي الين 2 وعقب ارقدي
أميره : مارووووم راسي يعورني
أماني : أوووكي أوووكي ارقدي خلاااص
أميره : لا تحتشرين وتعلين لي صوت هـ القناه البايخه مالتج
أماني : مالت.. اصلا خلي عندج ثقافه هنديه
أميره بسخريه : لا لاه ..!! ولييش بلا مثلا بمثل بـ افلام هنديه وانا مـ ادري
أماني : يالذكيه عسب خدامتج يوم تيي
أميره ابتسمت : استريحي مابا خدامه ولا عمري فكرت يكون عندي خدامه
أماني : ويه فقر أختي ..!
أميره طالعت أماني بنظره : اجلبي ويهج لافلعج الحين
أماني شردت وهي تضحك
أم أحمد شافت بنتها تراكض وقالت : خيررر يـ اميييه بلاااج تراكضين ..؟؟
أماني : هههه ماشي بس تضاربت مع امووور
أم أحمد بتهديد : وانتي عمرج ما تستريحين الا يوم تتضاربين
أماني لوت ع أمها وقالت : وأخيرااا خلصنا
أم أحمد : وخري عني انزين خنقتيني
أماني تضحك : ههههه فديتج حتى انتي بترتاحين من الشغل والكد
أم أحمد تحمد ربها : الحمدلله يوم انها هـ الاجازه يت
أماني : وعشان جي نبي نطلع ..!
أم أحمد ابتسمت : استريحي قولي لأخوج ..
أماني بوزت : متى آخذ الليسن وافتك من الطر
أم أحمد اشرت على حجرة أميره : سيري ارقدي أحسن لج
أماني مدت بوزها وقالت : ماما اتصلي بـ احمد خل ايي يطلعنا
أم أحمد ماشيه : انتي تبين تطلعين سيري اتصلي به ..! أنا اش لي
أماني وهي عاقده حياتها : أماايه صج ترا بكتشف انج تحبين أمووور اكثررر
أم أحمد لفت بقلة حيله وقالت : الله يهديج وين احبها أكثرر ..!! كلكم عيالي وما بينكم فرق


أسما يلست ع السرير وصرخت : هلووووووو
ذياب تخرع وقال : بسم الله بلاااج انتي ..؟؟
أسما ابتسمت ولوت عليه : وه فديته المريض قااام يخاااف
ذياب بنص عين : تريي بس أصير أوكي بلعن بو اسلافج
أسما وهي تحط يدها ع راسها : ولي على آمتي ..!!! شو هاد ..؟؟
ذياب : لا تستخفين بـ دمج
أسما : ولك يا ولد ..! اتأدب أحسن لك ... لك ينعن ابو ترباية الشوارع ..!
ذياب بنص عين : أسوووم ترا صج والله بييج بكس يأدبج
أسما ابتسمت وعدلت قعدتها : ما خوفتني ويا يدك المكسوووره ..! المهم خلصناااااا ( وطلعت لسانها )
ذياب بدون اهتمام : شـ سوي يعني .؟؟
أسما باستهبال : مثلا تقووم ترقص وتزغرط
ذياب واستفهام على ويهه وهو صدق متعجب من غباء اخته : تزغرط ..!!
اسما : الموهيييم ما علينا .. يعني ايدك ما قالت تنكسر الا قبل الامتحانات بـ شهر ..؟
ذياب محتر من اسلوبها : ربج كاتب ..!! ولا تخبلتي
أسما بدون اهتمام : ما علينا بس اقووول يعني كنت بتطلعني يمكن ..!
ذياب ابتسم : ادعي لي وبطلعج
أسما وهي تفكر : أدرري بس يوم انك صاااحي ولا تجوف ويهي بعد
ذياب كاش بويهها : اقوول طلعي برررع واجلبي ويهج
أسما : هي ابوووي متى بيشلون ها الجبس عن ايدك ..؟؟
ذياب : بعد ثلاث شهووور
أسماء بطلت حلجها : هـــــــــــــــــااااااااااااا ..؟؟
ذياب رفع حياته : من قال ها سمع ..~
أسما ابتسمت : آهااا ..! بس واايد بعيد
ذياب : انتي بتطلعين وتخليني أعابل بـ هاللاب ولا ..؟؟
أسما تطالع اللاب توب : هي صح ..! كيف تكتب ..؟
ذياب خلاااص نفذ صبره : ممكن تطلعين ..!!
اسما وهي تفكر : يـــــــــــــــــمكن يا سيدي تكتب باليسار ..! ولا أقووول يمكن تشغل الكام ..! صح ولا ..؟؟
ذياب حس ان ضغطه ارتفع من هـ الحشريه وسكت
أسما : صح متى بتداوم في الجامعه ..؟؟
ذياب بملل : يا كثر اسألتج ..؟؟ عندي اجازه مرضيه والحين ممكن تطلعين حضرتج..!



العصر الساعه 5
دخل وهو هلكان .. كان وده يفر ورقة الاستقاله على ويهه ويطلع ..
بس بعد التفكير بـ تمهل والبعد عن اتخاذ قرارات سريعه .. أكثر الطرق سلامه ..~
دش الصاله ما قال شي واتجه للحجره
قالت وهي متربعه يدام التلفزيون : مرحبااااااااا ..!!
بدون لا يلف دخل حجرته وهو بصوت اقرب للهمس : مرحبتين
طالعت أختها اللي قاعده يمبها : بلااااااااااه ..؟؟
أميره رفعت جتوفها : اش دراني ..؟؟
أماني مستغربه : ما رد عليه بعد ..!
أميره تبرر موقف أحمد : تشوفينه هلكان من الشغل يحليله
أماني : سيري سأليه انزين شو فيه ..؟؟
أميره : مابا
أماني تلح عليها : حرااام شوفي اش فيه ..؟؟
اميره طفرت من أختها : أوووف منج يالحنانه ..!!
أماني : صدق أموور حرااام روحي شوفي شـ السالفه
أميره : أووووكي ويا هـ الراس
وقفت أميره وابتعدت عن أماني الين وصلت لـ حجرة أحمد دقت الباب ..! ما رد عليها
أميره : ممكن أدخل ..؟
رد عليها أحمد بصوت واطي : دخلي أميره
دشت أميره وشافت جو الحجره بارد ومعتم على انه توه واصل
أميره ابتسمت له : اش حالك ..؟
أحمد بتعب وهو منسدح ع السرير : بخير
أميره ابتسمت له : غريبه يعني ما باركت لي اني خلصت اليوم
أحمد ابتسم بتعب وقال : مبروووك فديتج
أميره : الله يبارك في حياتك
أحمد : سمحي لي فديتج بس تدرين الشغل متعب
أميره : الله يقويك ان شالله ويعطيك على قد نيتك
أحمد بتعب وحزن نفس الوقت : آمييين
أميره : في شي مضايقك أحمد ..؟؟
أحمد هز راسه وقال : لا أمووور بس تعبان خلوني أرقد
أميره : أوووكي على راحتك تبا شي قبل لا اطلع
أحمد : لا سلامتج بس قولي للهنديه اختج لا تعلي الصوت
أميره : ان شالله ههههه
طالعها وهي تطلع ..!
حز بـ خاطره هـ الشي ..~
الحين هي شو يخصها ادخلها بـ مشاكلي وحياتي .؟؟ بس انا مالي مشاكل معاه عشان ينتقم ..
يبي ينتقم من شو عاد ..؟؟ شاللي جبره ياخذها
جآن يبي يطلع حرته بـ حد يشووف له وحده غير اختي ..!
ولا يوم يبا يتزوج ..! يتزوج له وحده من مستواه وتروم تتعايش مع الوضع اللي هو فيه ..
أختي ابد ما تناسب واحد مثل تفكيرك يا عزام ..
مسرع مـ بتمل منها وترميها ..
أنا ربيعك وأعرفك عدل يا عزااام ومستحيل افرط بـ اختي


بـ نفس الدقيقه كآنت تكلم ربيعتها
أسما : له ما بطلع أكيييد
أماني : اليوم أنا وأمور بنروح لـ بيت ربيعاتها
أسما : لا تقولين نوال ..؟؟
أماني : لا لا ..! منو قااال اختي اصلا مب ربيعة نوال
أسما : للأسف كان ع بالي لو بتروح روحي وياها عسب نتلاقى ببيت عمي
أماني : لا حبيبتي حفلة بنت عمج الاثنين وما بنحضرها
أسما : ليييش جي انزين ..؟
أماني : أختي وحررره
أسما : آها ..! مع ان ودي تيين عسب نتلاقى
أماني : يصير خيرر .. المهم بشريني عن اول يوم للحين كيف وياج ..؟؟
أسما : كـ العاده ممل لأن مب طالعين
أماني : هههه يعني نحن طالعين .!!
أسما : ع الأقل بتروحين بيت ربيعاتج
أماني : ربيعات أموور مب ربيعاتي
أسما : اللي هو ..!! ترا كل الطرق تؤدي إلى روما
أماني : ههههههههههههههههههه
أسما : سكتي امووون ما قلت شي يضحك .. المهم ذياااب بعد ما قال بكسر ايدي الا قبل الاجازه
أماني ابتسمت : حرااام عليج احمدي ربج انه قااام بالسلامه
أسما : الحمدلله .. المهم بشوفج بـ أول السنه اليايه ..
أماني : تدرين بشوووف جآن اختي بتروح الحلفه بروح وياها بس لو راحت بعد ما أظن تاخذني وياها تدرين بها أمووور
أسما : يلا المهم اشوووفج حااااولي
أماني : هذا لو هي راااحت بعد ..!
أميره : انتي ايه بسرررعه تراني لبست وخلصت وانتي بعدج لق لق لق بـ هالتلفون ...!


ابتسمت ميره بـ ود : هه هذي أمووور وأختها وصلو
شيخه تضحك : حيا الله من يااانا .. هذي الساعه المباركه
أماني بعبط : يايين نخطب ونحن ما ندري ..!
شيخه : يمكن ما ندري بعد ..! بس قلنا نرحب ههههه
أميره : ودرو سخافتكم لأن نحن مب روحنا
شيخه مسكت أميره من يدها وقالت : تعاالي تعااالي نباج انتي ويانا
أماني : وأنا أقعد مع منو ..؟؟
شيخه : مع الخدامات
أميره بغت تموت ضحك بس قالت : سيري يمكن يطورون من لغتج الهنديه ..!
أماني طالعتهن بـ قهر وقالت : أقووول صخن ولا صج تراني بذبحكن
ميره : ايلسن بنات جيييه واقفات
أميره يلست وطالعت شيخه بود : اقووول فديتج شواااخ
شيخه : آمررري مع اني ادري مصلحه
أميره : خذي أختي واقعدي معاها بررررع لأني صدق مليت منها
أماني بوزت : لا والله قالو لج بظاعه جاينيز عسب تملين مني ..!
أميره : عاد شرط طول الوقت قعدي ساكته ولا تعلقين واايد
أماني : انزييين انزييين ما يخصني فيكم ..! ما أدري شاللي يابني معاااج
شيخه : حمدي ربج انها يابتج
أماني : لاأأأ! أشكرها أسوووم بعد تقول لي تعالي وياها حفلة نوال
أميره مستغربه : منو قال اني بروح حفلة نوال بعد ..!
أماني : جيييه ما عزمتكن
ميره : بلا ..!
أماني : عيل روحو حرااام بيي وياكم
أميره : ما بروووح أنا ..! وبعدين ما كد مررره طبيت عتبة بيتهم
أماني : حرااام بشووف اسوووم نروووح لهم
شيخه : صدقها والله نروح بشوووف بيتها اللي الكل يمدحه
أميره : هاللي يهمكم
شيخه : دخييييلج اموور نررروح
أميره ابتسمت : بشوووف هذا كله بس عشان اشوف بيتها
ميره بدت تضحك : ههههههه أثرج شراتنا ..!!
أميره ابتسمت : مب أكيييد ..!! بس عاد بالمره نشوف هـ البيت اللي ذالتنا عليه ربيعتكم ماريا



الجمعه 6 قريب المغرب
وهي تمشي معاه : فيك شي أدررري ..!
أحمد لف يطالعها : مافيني شي يا بنت الحلااال بلاااج
أميره : بلاااك انزين ما تضحك ولا تسووولف
أحمد بود : تشوفيني مهرج ..؟؟
أميره ابتسمت : لا عآد بس مب من عوايدك ..؟؟
أحمد ابتسم لها : هه تأكدتي ..؟؟
أميره : هي اباااك جذا
أماني تسحب أحمد : تعاال تعااال اشتر لي هذا
أحمد : أعوووذ بالله هـ الأخت تفلس
أميره : قلت لك ما نييبها
أحمد ابتسم : صدقج والله
أماني بوزت : هاااااااااااااا ..!
أحمد : ما قلنا شي ما قلنا شي ..! شو تبين ..؟
أماني وهي تطالع البحر : بعد شوووي ..
أميره : خل نقعد برتااح شوي هلكت
أحمد يلس ع السور وقال باستفسار : أموور بعدج 18 ..؟؟
أميره : هي بعد ثلاث شهور بدش 19
أحمد ابتسم : الله يحفظج
أميره : آمييين
أماني بوزت : شوووف تسألها عن عمرها وأنا لأأ !
أحمد ضحك وقال : وانتي كم عمرج .؟؟
أماني : بعد شو تسأل ..!! بعد المذله اللي اشوفها
أحمد : ولا يهمج .. ( بسخريه ) شـ سمج ...؟؟
أماني : ني ها ها ها ..! ما يضحك
أميره : نط عرج الهنود فيها ..! سيري مثلي لج بـ افلامهم أحسن
أماني : لا تنكتين عليهم
أميره ابتسمت : ما أنكت أكيييد عندهم فن وكل شي ..! بس عاد أول مررره بـ حياتي اشووف انسانه مثلج حتى تحلم فيهم ..! يعني العقده اللي عندي منج مب منهم
أحمد : تاكلون آيس كريم ..؟؟
أميره ابتسمت له : اللي يسأل ما يبا يعطي ..!!
أحمد ابتسم : بروووح بييب لكم الحين
أماني طالعت أميره بعد ما قام أحمد وقالت : أمووور أمانه تسألينه الحين
أميره : شوي شوي انزين بلاااج
أماني : مزاااجه مررره أوكي
أميره : أوووكي تريي انتي الله يهديج

رجع أحمد ومعاه 2 آيس كريم ..
مد لـ أميره وأماني ..
أماني : شكرا أخوي
أحمد ابتسم : العفو .. عسب ما تقولين أحمد أخوي شحي وما ياخذ لي ..! وبعدين بوكلج اليوم عشا لما تنقعين
أميره ابتسمت : اتهبي امووون ترمس عنك ... المهم جيييه ما خذيت حقك
أحمد : مب مشتهي
أميره طالعت أماني بـ معنى الظاهر مزاجه مب أوووكي
أماني طنشت واشرت لها بمعنى أووووكي بس انتي ما تدرين شوفي بعد ..!!
أماني : أحمدوووه أخويــــه
أحمد رفع راسه يطالعها : نعم ..؟؟
أماني : صج الحين انت توافق لو اروووح حفلة ربيعتي ..؟؟
أحمد : منو وين ربيعتج ..؟؟
أماني : من فريج ............
أحمد : بس هـ المنطقه ما أحيدج تعرفين حد فيهم
أماني : لا بس يعني سؤال ..!
أحمد بتشكيك : فـ خاطرج شي قوليه ..
أماني زل لسانها وما تريت اميره ترمس : الله يسلمك الاثنين حفلة ربيعة أموور وعزمتنا قلنا نبا نسير وعاد نسألك اليوم
أحمد طالع أميره وقال : تبين تسيرين ليييش ..؟؟
أميره رفعت جتوفها لأن ما كد سوتها قبل وسارت حفلات : مـ أدررري ..! بس هذي حفلة تخرج
أحمد طالع أميره وقال : جآن في خاطرج ارمسي
أماني : هي في خاطرها
أحمد : سألتها هي .. في خاطرج ..؟؟
أميره : ما أدري بس أنا ما اعرف البنيه عدل
أماني طالعتها بنظره ناااريه لأنها يالسه تخرب مخطط أسما وأماني
أحمد : بنت منو هذي ..؟؟؟
أميره : عيسى الـ .................... ~
أحمد بعصبيه : منوووووووو ..؟؟
أميره خافت وقالت : عيسى ...........~ تعرفهم ..؟؟
أحمد : ليييش انتي تعرفينها عدل ..
أميره اكتفت بأنها تقول : معاي بالصف البنيه ..
أحمد راح باله لـ بعيد : كلمتج عن شي البنيه ..؟
أميره : لأأ لأأأ ولا مررره ..! لو انت شايف عليها شي ما بروووح عادي عندي
أحمد هدا اعصابه : لأأأ مب شااايف عليها شي
أماني بترجي : حرااام خلنا نروووح دخيلك أحمدوووه والله كل ربيعاتنا بيروحون
أحمد صغر عيونه وهو يفكر : كم وحده تقريبا بترووح ..؟
أميره : هذي حفلاتها بـ المئات يروحون لها .. بنت تاجر عود أظن
أحمد : هييييه ..!! ( بتفكير ) لا تروحون مب مرتااح لهم أنا ونبتعد عن هـ الناس أحسن .. وابد لا تفكرون تحتكون ببنات عوايل جذا
أميره : هي حتى أنا اقول جذي لأن طبقتهم غيرر ومالنا خلق مشاكل هـ البنيه
أماني وهي شو وتموت بدت تصيح : حراااام عليكم يعني تفكرون وأنا برا القايمه ..!! وربيعاتي مثلا اللي وعدتهم شـ قووول لهم ..؟؟
أميره طالعتها مستغربه : لا تصيحين على شي ما يسوى ..!
أماني تصيح : لا والله وانا وعدت أسوووم ..؟
أميره رفعت جتوفها عادي وقالت : اعتذري منها وبس ..!
أحمد : بلااااج أماني ..؟؟
أماني : يعني عشااان أمووور وخاطر أمووور تحرمني أنا ..؟
أحمد : جان تبين انتي عادي سيري بس أميررره خل ما تسير
أماني تصيح : قول تحبها أكثررر وتخاف عليها أكثررر قووول
أحمد بقلة حيله : من قاااااااال ..؟ خلاااص انتي بعد لا تسيرين ..
أماني : بسير وأمووور معااي بعد
أحمد طفر منها : ياربي منج يا أماني ..!
أماني : أحمد كل البنات بيروحون وحتى ربيعات أميره اتفقن أمس ان الكل يروح ..! بس أميره تستحي منك ما تقدر تردك
أحمد : كلمتي وحده ما تروحون يعني ما تروحون ..


الاثنين الساعه 5العصر
تتكلم مع ربيعتها بالتلفون : والله مـ قدر أسوووم ..
أسما تترجاها : حاااولي بعد
أماني : ما رضا ييبنا
أسما : أوووكي بقول حق ذياب ويا يده المكسووره ييبج
أماني : هو ما رضا ييبنا تبينه يرضى ان أخوووج ييبنه ..؟؟! ما استوت هاي الصراحه .. لا اشكره بعد اخووج يده مكسووره ..!
أسما : انتي تقولين مب راضي ييبيكم ..!
أماني : اقصد مب راضي نييي الحفله
أسما : حاولي وياه بعد ..! جان ما طاع برمسه
أماني : لا والله ..!! تبين تطيحين من عينه امرررره وعقب ما بيقول بس لا تروحين بيت أهلهم بيقووول لا ترابعينها بعد .!
أسما ابتسمت : أمزززح انزين بلااج مستويه حاااره ..
أماني بسخريه : فلفل مب أحسن
أسما بتعجب : بلاااااج أمووون ..؟؟
أماني تصيح : يعني ما تعرفين يوم اتضايج اسلوبي بعد يكون زفت
أسما بضيج : انزين خلاااص تراها سالفه ما تسوى لا تصيحين انتي الثانيه الله يهديج
أماني : سيري تجهزي الهيتج معاااي
أسما : لا عادي ما بروح دام ما بتروحين
أماني : والله تروحين ..!! وكاني حلفت
أسما : الله يهديج وبعدين انتي اللي بتصومين مب أنا ..
أماني صرخت بعصبيه : اسووووم سيرررررري
أسما تعرف اماني واعصابها التلفانه : خلاااص انزيييين بلاااج انتي الثانيه
أماني تصيح : يلا باااي برمسج عقب
أسما : باااي


صكرت أماني عن ربيعتها رفعت راسها جافته داخل
أحمد : السلام عليكم
أماني لفت ويهها وقامت بـ عصبيه تروح لـ حجرتها
أحمد وهو هلكان من الشغل اللي ع راسه .. زووود تفكيره بـ السالفه جنه هو اللي بيعرس ..!
أحمد : ترا رد السلام واجب ..
أماني ما عطته اهتمام ودخلت الحجره وصكرت الباب بقوووه
أميره نقزت من الزيغه : بسم الله الرحمن الرحيم
أماني يلست يداااام الكبت عسب تطلع حرتها بملابسها : هه ما يضحك ..!
أميره وهي تطالع أختها يالسه تطلع كل الملابس من الكبت وتفرهم : اي انتي ..!! يالغبيه شو تسوين ..؟؟
أماني : مثل ما تشوفين ..! شسوي يعني ارقص ..
أميره : يالراااقده شو تسوين ..؟؟ تخبلتي ..؟؟ ليييش تخربينه مرتب الكتب ..؟؟
أماني بسخريه : ماشي شغله اليوم قلت أرتب كبتي زياااده بعد
أميره : استخفيتي انتي صدق ..!! وبعدين انتي ويا ويهج جيييه محرجه ..! ترا صاارت وايد وأحمد منعنا عن حفلااات وخرابيط
أماني بقهر : بس اليووووم غيررر
أميره بتساؤل : ابا افهم شاللي غير ..؟؟
أماني : هذي اسوووم في الحفله ...!
أميره تنهدت : اسووم بتملين من زود ما تشوفينها في الثانويه وفي الجامعه بعد
أماني : أوووف خلاااص اسكتي انتي اللي خربتي كل شي ..!
أميره بعصبيه : بدااال لا تخربين ملابسج سيري اقري لج صفحه من القرآن وايد ابرك ..
دخل أحمد بدون لا يدق الباب بعد وسند على طرف : شـ تسوين ..؟؟
أماني بعصبيه : ما تشوووف ارتب كبتي ..!
أميره حرجت من اسلوب اختها الطفولي مهما كان يظل أحمد أخوهم العود وله احترامه ..!
أحمد ما بين اسنانه : سألتج شو هـ الحشره اللي مسوتنها وليييش ...؟؟
أماني كـ العاده الملسونه الخوافه بدت دموعها تهل بسبب الضعف اللي في داخلها
أحمد انقهر : أبا اعرررف شو قلت عشااان تصيحين ..؟؟
أماني وقفت وقالت : لييييش ما تخلينا نروووح الحفله
أحمد متعجب : كل هـ اللويه عشااان الحفله ..؟؟
أماني بقهر : ع بالك يعني شي سهل أوعد البنات وما اسير
أحمد عطاها كاش بويهها : محد قال لج وعديهن وانتي مب متأكده .!
أماني تصيح : أحمـــد حرااام عليك والله معظم البنات اليوم بيروحون خلنا نروووح
أحمد من بعد تفكير : انتي سيري وأميره ما بتيي ..!
أماني زاد صياحها : والله مب ساايره الا وأميره معااي .. شو يعني أميرره احسن ..؟
أحمد بقهر : انزين انزين سكتي حشرتينا
أماني وهي تمسح دموعها : الحين موافق ولا لأأأ ..؟؟
أحمد : بس بشرط ..!
أماني شاقه الحلج : موافقين على كل شروطك .. قبل لا تقولها
أحمد طالع أميره وقال : بتسيرين ولا مب بخاطرج ..؟؟
أميره ابتسمت : عادي عندي أي شي ..
أحمد : ما تعقن عبيكن ..! و اميره لا تاخذين وتعطين وايد ويا البنيه ..!
أميره : ان شالله ..
أماني : اصلا من يومنا ما نعق عبينا في بيت ناس غرب
أحمد طالعها بقهر : سكتي ترا والله عادي عندي أغير رااايي
أماني تقدمت عنه تبوسه : وه فديتك خلاااص ولا يهمك ..
أحمد ابتسم بـ حنيه : والله مب قاهرني غير هـ الدموووع اللي تصبصبينها يوميا ..!!! اشفق على خلاياج اللي تحتاج ماي من زود ما تستهلكينه هههه
أماني ضحكت : ههههه المهم الساعه ثمان ونص بنرووح لـ بيتهم
أحمد بتهديد : أوووكي اجهزن .. وجان تأخرتن ماشي روووحه ولا تلوموني ..!
أماني تركض للصاله : بروووح ببشر أسوووم ..
أميره ابتسمت على غباء أختها وقالت وهي تشوف الملابس : الحين شـ سوي في هذيل ..!
احمد ضحك : ما عليج بترتب كل شي روحها ولا ما بخليها تروح الحفله

بـ حديقه موجوده ورا البيت ...
كبيرررره بـ معنى الكلمه .. مزينه بـ أحلى المظلات والتحف ..
فيها كراسي ويلسات بعضها من خشب
والباقي عادي للحفله مسـتأجرينها من خدمات أفراح ..
وفيها بـ صوب نافوووره ينزل منها ماي ع الحجر ..
والغرف اللي بالطابق الثاني كلها مطله ع الحديقه اللي ورا ..!


............. : اتفقنا نوصل ثمان ونص بس ما صاار للأسف ومثل ما تشوفين صارت تسع
شيخه ابتسمت لـ أميره : عادي المهم ييتو وبعدين الا هي نص ساعه
أميره بابتسامه : شفتي نوال ..؟؟
شيخه : هي توها كانت اهني
أميره : آهااا وين ميروه ..؟
شيخه : أعتقد راحت ويا خوات خطيبها يشترون حق عرسها ويتزهبون تدرين عاد ..!
أميره ابتسمت : الله يسعدها
يت أماني مع أسما اللي كانت لابسه فستان أصفر بس بقمة الروعه
اسما وهي تبوس أميره : هلوووو أموور ..
أميره ابتسمت : هلأأأ اسوووم
شيخه : مالت عليج يوم اني اسلم عليج ما تبوسيني
أسما ضحكت : لا اموور اسبشل يابت لي اختها هههه ..!
شيخه كشت على عمرها : ويه فقر ما عندي خوااات هههه
أسوم : فديتج خلااص أنا وانتي خوااات
أماني وهي تقرص أسما : دبـــه وين ميثااني ..؟
اسما : موجوده مع الخدامه
أماني : آهاا ..
أميره : بشوفها وينها ..؟
أسما : بييبها بعد شوي ان شالله
يت نوال صوب أميره وشيخه من بعد ما سلمت على مجموعة بنات
نوال بابتسامه صفره فيها غرور : هلا والله
أميره وقفت تسلم : هلا نوال
نوال : اش حالج ..؟؟
أميره : بخير الله يسلمج
نوال بتكبر : ما توقعت تيين الصراحه ..
شيخه ابتسمت : شفتي كيف عاد ..!
أميره ابتسمت بود : هذي أموون اختي حنت علي الا تبي تشوف اسووم
نوال وهي تطالع أماني واسما وقالت : هي بنت عمي اسووم وايد متعلقه بـ اختج
أميره : الله يخليهم لـ بعض
نوال : عن اذنكم عاد بشوووف باجي ربيعاتي
شيخه : نوال فديتج أنا مب مصليه
نوال ابتسمت : هيييه اصلا من نص ساعه مأذن .. خلاااص قولي لأسما توديج داخل تصلين
شيخه بقهر : نوااالووه ندري عاد برستيجج ما يسمح تودرين ربيعاتج بس دليني ع الأقل
نوال على كثر ما انها مغروره الا تتعامل مع ربيعاتها عادي : أووكي يالدبه .. تعااالي
أميره : أنا بترياكم اهني
شيخه : لأأأ .. أدريبها ربيعتج هذي كافره وما تصلي .. تعالي وياااي ترييني نوال بتنزل أكيييد
أميره بهمس : زين ما سمعتج
شيخه ابتسمت : ها نوال وين ..؟
نوال فجت باب الصاله : سيري فووق عندج الحجره اللي مبطل بابها لونها بنفسجي دخليها
شيخه : وانا اش دراني ..؟
نوال : بلا سخافه يالحشكليه شويخ ..! ماشي غيرها بـ هاللون في البيت
أميره مسكت شيخه وقالت : أووكي مشكووره نوال ..


أميره واقفه عند باب الحجره : دشي توضي وصلي أنا يالسه اهني
شيخه : ما تصلين ..؟
أميره بقهر : صليت .. ما تفهمين انتي ولا شو سالفتج ..
شيخه ابتسمت : أووكي خلااص فهمت عليج ترييني ..!
أميره وهي سانده ع الباب تتأمل حجرة نوال : أوووكي

ما مرت ثواني إلا وأحد يسحبها من يدها سحب ويمشي بها بسرررعه
تخرعت أميره يت بـ تصارخ ..! بس للأسف كان اسرع منها وحط يده على حلجها يمنعها من الصراخ .. ودخلها الحجره ..
تخرعت وهي تشوفه يقفل باب الحجره ..


انتهى /~



ღ همسه ღ



الطعنه اللي من ورا الظهر تنهيك ..~ وشلون لا جآتك من اللي يودك ..؟




 
 توقيع : قمرهم كلهم




رد مع اقتباس
قديم 07-17-2013, 02:36 AM   #8 (permalink)
قمرهم كلهم
مستشار المؤسس ~

 
الصورة الرمزية قمرهم كلهم

 آلحـآله ~ : قمرهم كلهم غير متواجد حالياً
 رقم العضوية : 9952
 تاريخ التسجيل :  May 2010
 فترة الأقامة : 5069 يوم
 أخر زيارة : 10-19-2014 (08:38 PM)
 النادي المفضل :
 الإقامة : 
 المشاركات : 8,755 [ + ]
 التقييم :  40
  معدل التقييم ~ : قمرهم كلهم is on a distinguished road
 زيارات الملف الشخصي : 13827
 الدولهـ
Qatar
 الجنس ~
Female

  مشـروبيُ ~

  كآكآوي ~

  قنـآتيُ ~

 MMS ~
MMS ~

  مدونتيُ ~

لوني المفضل : Cadetblue
 
 

رد: أبكي ..! ليه ما أبكي ..؟ مـ دآمكـ للدموع أسبآب ..~



انا : قمرهم كلهم








ღوقفةღ

تسألني : من أنت ..؟ وهي عليمة .. وهل بفتى مثلي على حاله نكر ..؟
فقلت كما شاءت وشاء لها الهوى : قتيلك ! .. قالت : أيهم ؟ فهم كثر ..
( أبو فراس الحمداني )



ღ الحلقة السادسه ღ


تخرعت وهي تشوفه يقفل باب الحجره ..
قالت بـ خوف : مــ .. مـ.منو ااانت ...؟؟؟
ابتسم وهو يرفع المفتاح عن الباب ويلعب فيه : قتيلج ..؟؟
أميره بخوف وهي تصيح : منووو انت ....؟؟
ابتسم لها وهو يحط المفتاح فـ جيبه : لييييش الخووف ..؟
أميره بدت ترتجف وهو قاااعد يقترب منها قالت وهي ترجع لورا : والله لو قربت بـ صرخ وبخلي كل اللي بالبيت يسمعونك ..!
عزام قال لها : هدي هدي ..!! محد بيسمعج الين باجر ..! حتى ربيعتج اللي معاج بتنزل وهي ما تدري عنج ..؟


أماني : أوفو أسوووم يلا قومي
أسما : مابا ..! يلا كلي خليها هـ الدبه
أماني تلح عليها : حرااام بشووووف ميثاااني حرااام
أسما وهي تاكل : قلت لج تريي أموون
أماني بملل : أوووكي أوووكي يالدبه
أسما بتساؤل : وين راحت أختج ..؟
أماني : اش دراني توني شفتها خاطفه صوبنا
يت شيخه صوبهم : وينها أختج ..؟؟
أماني بلا مبالاه : توها خطفت من اهني ( قصدها خمس دقايق )
شيخه روحت عنهم : الدبه قلت لها ترييني ..!! حتى ما خلتني أصلي ويا راسها .. خفت أتم روحي ..
تقدمت عن ربيعات الثانويه : هلا موزي ..!
موزه ابتسمت : هلا شواخ
شيخه يلست : الدبه أميروووه روحت وودرتني
موزه ابتسمت : بتيي لج ويا هـ الراس ترريي ..!
شيخه وهي تطالع سلمى : أقووول سلوووم مب ناويه تتصالحين مع مريم
سلمى : خبرج عتييييج ..! تصالحنا وخلاااص
شيخه : آهاا الحمدلله .. لأن محد يضمن عمرره
سلمى : صدقج ..
موزه : والله بيت قوم نوال شي شي بـ معنى الكلمه
شيخه : هي ما شاء الله ..!! سمو عن تحسدونه هههههه
سلمى : وايد عليج هـ النصيحه ..


أميره بدت ترتجف من كثر الخووف حست عمرها ضعيييفه ومب قااادره تتحرك من كثر الخوف
تقدم منها عزام ولصقها باليدار ..
بدت تصيح بخوووف وهي تقول : ودرني .. دخيييييييلك ودرني ..
عزام قال وهو يبتسم : لا تخااافين ما بسوي فيج شي ..
أميره بدت تبعده كثر ما تقدر وقالت : وخر عني ....... وخر ..
عزام تقرب منها ومسك ويهها عصره بايده وقال : بقول لج شي واسمعيني حرف حرف .. ودخلي هـ الشي ( اشر على راسها ) ببالج فاااهمه ..!
أميره وهي تصيح وترتجف : وخر عني انزين .. خلني بحااالي
عزام تركها ..
اختل توازنها .. طاحت ع الأرض وهي تصيح من الخوووف والرعب اللي مسبب لها اياه
ابتسم عزام ونزل لـ مستواها قال : طالعيني ..!
قالت وهي تصيح : والله ان سويت فيني شي ..! اخووي بيدفنك ..
عزام قال وهو يطالعها بقهر : ما بسوي شي لا تخااافين ..! اخااف ربي ..
قالت بقهر : لو تخاااف ربك جان ما اختليت ببنيه بروووحك ..!
عزام انقهر وقال وهو يشد شعرها : سكتي واسمعيني ..
اميره سكتت ويلست تصيح لأن مو بصالحها ترد ..
عزام رفعها من طرف عبايتها وقال : خلال هـ الأيام أخوووج بيي لج وبيقول لج واحد خاطبنج .. توافقين غصبا عنج فااااااااهمه ..؟؟
سكتت أميره وتمت تصيح
عزام وهو يرص على اسنانه : فاااهمه ..؟؟
أميره هزت راسها بلا وقالت : قوووم عني ..!
عزام مسك شعرها وقال : ترا والله .. هه .. والله ..!! لأسوي فيج شي ما يتسوى ..؟؟
أميره وهي تبلع ريجها : شو تبا مني انت ..؟؟ والله ما عرفت حد بحياتي ..؟؟ ما أعرفك أنا عشااان تسو كل هذا فيني ..؟؟
عزام قال بسخريه : بتعرفيني عدل ..! بس وافقي سمعتي ..؟؟
أميره قالت وهي تصرخ بويهه : ما بواااااااااافق على واحد شراتك ما يخاف ربه ..!
عزام مسك ويهها بقووه وقااال : توافقين غصبا عنج ..!! ترا مثل ما اليوم قدرت اييبج لحجرتي .. المره اليايه أقدر اوديج الصحرا معااي ..!! أخذ اللي ابااه وافرج للذياب
أميره وهي تصيح : حسبي الله ونعم الوكيل فيييك
عزام وهو يتوعد : وجان وصل خبر لأحمد ترا والله بـ هالكلااام اللي بتوصلينه لأخوج .. بيكون اعدااااامـــــــــــه ( وشدد عليها ) وجنازته علي أنا ..!!
قالت وهي تصيح : مشاااكل أخوووي ليييش تدخلني فيها ليييييش ..؟؟ تفاهم معاااه بعييد عني ..
عزام أشر ع راسه : مووود ..!! فاااااااهمه ولا لأأأأ ..؟؟
أميره خافت من شكله وهو يتوعد ابتعدت عنه وهي تصيح : خلااااص ما بكلمه بس اتركني بحالي
عزام تقدم منها وقال : خلاااص يعني بيصير ..؟؟
أميره هزت راسها بايجاب وهي مب مقتنعه من الداخل بس تبي تطلع : بس طلعني الحين
عزام فر المفتاح لها وقال : طلعتي هـ المره وانتي سالمه ..! ترا المره اليايه ما أأكد لج ..
أميره خذت المفتاح ومشت بسرررررررعه وهي مرعوووبه من هـ الكائن البشري ..


طلعت من الحجره وهي ما تعرف لـ وين تتجه .. الممرات أكبر من بيتهم بعد ..!!
تذكرت الحجره البنفسجيه وراحت لها بسررعه .. دخلت وتوجهت للحمام بسرررعه تتغسل عشاان تنزل ومحد يشك بـ شي ..


أماني : يالله اش حلاتها ..؟؟
أسما وهي تضحك : طالعه تشبهني ..؟؟
أماني وهي شاله ميثاني : طااالعه أحلى منج ههههه
اسما : مالت عليييج خلاااص
أماني : وينها أختي أموور اووف
أسما : هذي ياااايه صوبنا
أماني ضحكت وهي تطالع أميره : دبوووه ويــــن كنتي ..؟؟
أسما : أكيييد كانت تصلي ولا ترمس بالتلفون
يت أميره مرتبكه وتحاول تخفي آثار الصدمه اللي على ويهها واللي بداخلها ..
أماني : زييين ييتي ما بغيتي والله ..!
أميره ابتسمت مجامله وهي بداخلها ميته رعب وودها ترجع البيت اليوم قبل باااجر
أميره : كنت فوووق أصلي
أماني : آهااا
أسما : شوفي هذي أختي ميثاني
أميره ابتسمت لـ ميثاء : يالله اش حلاااتها ..!!
أسما : تشبهني ..؟؟
أميره : شوية ملااامح .. ما شالله عليها الله يحفظها
أسما : شيطووونه الدبه
أماني : باااجر تكبر وتعقل ههههه
أميره : أموون نرد البيت خلاااص ..؟؟
أماني : لا تو الناس تريي نتعشا
أسما : هي بعدج ما تعشيتي ..؟؟
أميره ابتسمت : مب يوعانه حبيبتي
أسما : حتى ولو تريي بعدهم ما تعشو ولا حلو ..!! حتى ما وزعت نوال توزيعات الحفله والهدايا ..؟؟
أميره ابتسمت مجامله وهي ودها الأرض تنشق وتبلعها هـ اللحظه ..
أماني وهي تلعب ميثا : اسووم تعالي نروح داخل حريت ترااني
أميره بصرامه : لااااأأ ..!! تمي اهني الجو حلو
أماني : داااخل ابرد انزين ..!
أميره بجمود : قلت لج تمي اهني ..
أماني بقهر : أوووف انزين
أسما : تعااالي تعااالي براويج بنت بنت خاله أمي ..
أماني : ما شالله عايلتكم اش كبرها ههههه
يت شيخه وهي معصبه : أمووور ..!
أميره لفت لها وقالت بمجامله : هلاا شوااخ
شيخه : وين رحتي يالخاينه والله بغيت أمووت من الزيغه ..!
أميره بخاطرها .. وانا كنت بمووت وياليتني مت وما صاار اللي صااار
شيخه : اسألج أنا ..؟؟ وين كنتي ..؟؟
أميره بتعب مبين عليها : شوااخ بطني يعورني شوي ..!
شيخه ابتسمت : آهااا .. تبين بروفين ..؟
أميره هزت راسها بلا وقالت : ما أقدر .. ما يخفف لي الويع ..
شيخه : خلاااص تريي مب باجي واايد وبنرد البيت


في السياره ..


دخلت أماني السياره ويلست ورا وأميره يلست يدام
أحمد ابتسم وهو يطالع الدرب وحرك السياره : عسى استانستو ..؟؟
أماني ابتسمت : هي وااايد
أحمد : وانتي اميره ..؟
أميره قالت بـ مجامله وهي ودها تصيح وتقول له عن كل شي : استانست ..
أحمد ابتسم : جنه مب من خاطرج ..؟
أميره قالت ترقع ع السالفه : هي لأنه ربيعتنا ميره ما يت
أحمد : آهاا ..
أماني : يـ الله أحمدووه بيتهم اش حلاااته ..!
أحمد ابتسم : اهم شي الواحد يكون عنده أخلاااق ودين وصحه يا أماني ..!
أماني : هي أكيييد
أحمد مستغرب : بلاااج أموور ساكته ..؟
أميره قالت وهي تبتسم مجامله : لا بس نعست تدري بي أرقد الساعه عشر
أحمد : هي ما شالله عليج ..! علمي أختج هااي ترقد ولا تحشرنا بالافلام مالها
أماني ضحكت : ههههه والله ما اعلي الصوت بس انتو ما شالله مب اذوون عليكم ..
أحمد : كلمتج بنتهم عن شي .؟؟؟
أميره مستغربه : عن شو مثلا ..؟
أحمد : أي شي ..؟؟
أميره مستغربه وخايفه بنفس الوقت ان أحمد يكون عارف عن السالفه : لأأأ ما كلمتني ..
أحمد : آهاا ..
أميره زاد خوفها من بعد سؤال أحمد لها ..!
حست بقشعريره .. وببروده تسري بـ كل جسدها ..!


دخلت الحجره طلعت عباتها وعلقتها ..! وفرت الشيله ..
أماني وهي تشوف أميره : بلااج ..؟
أميره : تعبانه شوي ..
أماني مستغربه : فيج شي ..؟
أميره فرت عمرها ع الفراش عشان ترقد وقالت : لأأأ ما فيني شي
أماني يت صوب أميره وحطت يدها على راس أميره : فيج شي ..؟
أميره قالت بعصبيه : قلت لج لأأأ ..!
أماني مستغربه : انزييين تراني ما قلت شي ..!
أميره بدت تصيح وقالت : طلعي برررررع أماااني
أماني مستغربه وقالت : أمووور في شي مضايقج ..؟
أميره بدت تصيح بـ هستيريه وقالت : أمااااني ودريني برووووووحي
أماني طالعه وهي تقول : برووح بقووول لـأحمد ايي يشوفج ..
اميره قالت بتهديد : والله ان قلتي له ما يستوي لج خيررر ..!!
أماني رجعت لأميره وهي تقول بـ خوف : حد مضايقج انزين ..؟
أميره دفنت راسها بالوساده وقالت وهي مكسوره : أماني أنا وااااااااايد تعبانه تعبانه ما استحمل شي ودريني بروحي
أماني وهي راح تفكيرها لـ : أمووور ترا والله عادي لو ما سوينا لج حفله مب لااازم الواحد يسوي حفله ..!
أميره مقهووره : ادررري بس ممكن تسكتين ..!
أماني سكتت وفضلت انها تطلع لأن أميره حالتها أبد ما تسمح انه أحد يكلمها ..


قال وهو يضحك بصوووت عالي : جيــــــــــــم أوووووووفر ..!!
علي وهو يضحك : ككككككككك عمووور ومسكنااااااك
حمود : يالفاااشل عمووور ..
عمر طالع من الحمام الله يعزكم وهو مبلل : ماااااااالت عليكم
حمود يستهبل : تصدق حبيبي قريت مره بـ منتدى ان في عرووس بليلة عرسها راااحت تغسل يدها ولا الدش يفتح ع راسها تخيل انمسح المكياج اللي بالفين درهم ها ها ها ها هااااااااااااي ..!!
علي يكمل بنفس طريقة حمود : هههههههه لا تقووولين حبيبتي ..؟؟
حمود : هي والله ..!! بس زين ان عروسنا نحن مب متمكيجه اليوم
علي وهو يفر الفوطه لـ عمر : نشفي يا حلوووه نشفي قبل لا تمرضين ..
حمود راح فر عمررره ع السرير وهو ميت ضحك : خس بليسكم ..!! ههههههههه والله عموور شكلك تحفه
وعمر بعده واقف منصدم من تصرفات ربعه الطايشه ..!! والتصرفات الغبيه بـ نفس الوقت ..!
علي : بلاااك نشف بتمرض يالرومانسي ..؟؟؟
عمر راااح للمغسله وملا القلاص مااي ويا ..!!
وحدث ولا حرج ..
جبه كلــــــــــــــــــــــه ع راس علي ..
علي وقف منصدم وقال : تخـــــــــبـــــــــــــــــــلت عمووور ..؟؟
عمر وقف يضحك : هههههههههه شكلك تحفه الحين
علي يتوعد : أنا براااويك الحين ..
راااح علي لـ دبة الماي وفتحها وبدا يرشه على عمر
حمود قعد ع السرير وهو يضحك على اشكالهم وما حس الا فجأه وهو يدش معاهم ..
لأنه ولا فخر تبلل معاهم ..
عمر صااااارخ : بــــــــــــــــــــس خلااااااااااااااااااااااااص
علي وقف عن الرش وقال : بلااااااك ..؟؟
عمر : يالأغبيه لابتوباتنا تبللت
حمود وعلي لفو مصدومين ..!
وما حسو الا بـ ماااي ينجب على راسهم
عمر يضحك بصووت عالي : ههههههههههههههههه كليتووووووها ..!
حمود طالع عمر بقهر : لحظه أناا براااويك
وتقدم عن الروايه اللي شاريها عمر من يومين ..!! وراااح حطاها في البانيو .. و لا المااي ينجب على الكتاب
عمر متخبل : يالغـــــــــبـــــــــي توني شريتها
حمود وهو يضحك : انها تتحلل يا أخي الرومانسي ..!! الا تنظر لها
علي يضحك : يــــــــــآ ويلي ويلااااااااه هههههه
عمر بقهر تقدم عن اللاب بتوب وفتحه
علي صرخ : عموووووور دخييييييلك لا تتهور والله فيه كل التقارير واوراقنا الدراسيه وصور جوازاتنا ..!
عمر صد بقهر : والله لولا معزتكم جان كسرته لابتوبك انت وياااه
حمود طلع من الحمام تقدم عن عمر وباسه : ولا يهمك حبيبي بشتري لك غيرره بس لا تجرح مشاعرك
عمر ما حس بـ عمره الا يضحك وهو يدز حمود ع السرير تقدم منه وهو يقووول : بفلووووووسك سمعت ..!!
حمود وهو ميت ضحك : من عيوووني غابريليا اقصد عمريليا ..!



يوم الخميس ..

تنهد بقوووه قبل لا يدخل ..
سم بالرحمن وهو يذكر ربه .. ودخل وهو في قمة التوتر والعصبيه في آن واحد ..

طالعه عزام شك ان السالفه فيها ان ..!
أحمد وهو يطالع عزام بشده : أختي رفضت .. وأقدر أقول لك ان ما في نصيب
عزام رجع راسه على ورا وقعد يضحك بهستيريه : هههههههههههههههههه
أحمد حس للحظه ان عزام انسان جدا سخيف ومنحط قال بصوت رجولي : عزااام لا تطولها وهي قصيررررررره ..!
عزام سكت وعدل قعدته وقال بين اسنانه : ترفضني أنا ..!! انا ولد عيسى بو عزااام ..؟؟
أحمد قال وهو معصب : هي .. والبنيه حررره
عزام طالع أحمد بنص عين : جذااااااااب وابصم لك مليووون بالميه جذاااب
أحمد : منو قاااااال جذاااب ..؟؟ تعال اسألها رووحك ..؟؟
عزام ابتسم بسخريه وقال : ما يحتااي ..! لأني جي ولا جي باخذها .. وادري انت اصلا ما شاورتها بعد ..
أحمد معصب : انت ينيت ولا شو بلااك ..؟؟
عزام وهو متمالك أعصابه : ترا أنا حطيتها براااسي ..! جان ما خذيتها حط ببالك شي واحد .. أنا عزام وأقدر أطلعها من تحت الارض وأسوي فيها أي شي
أحمد تقدم منه وقال بعصبيه : اتخسي الا أنت ..!
عزام وقف وقال وهو يضرب الطاوله اللي يدامه : لا تحااااااااااااول ..! اذا انت اليوم بتساعدها ترااك ما بتدوم لها يا أحمد ..! أميررره ماخذنها أنا يعني ماخذنها .. لو بالطيب بالغصب .. حلااال حرااام ما يخصني
أحمد من سمع حرااام جن وتقدم منه يضرب بس عزام مسك يده وقاال : وخررر أحسن لك ..
أحمد نزل يده بـ قهر وقااال : أختي والله ان قربت صوبها ما تلوم الا نفسك..
عزام قال بسخريه : لا تحااول تحميها مني يا أحمد ..! ترا والله ان انت استوا بك شي بسببي خواتك وأمك محد بييؤيهن غيري .. واحسب حساب لـ هالشي واعرف خوااتك شو بيستوي بهن ..!
أحمد بقهر : عزااام وخر عني وعن خوااتي أحسن لك ..
عزام قال وهو يكمل : ولو فكرت تجتلني ترا عادي ..! اعرف بعد جتلي في نااس وراااي بيجتلونك وهم بيحلون مكااني ..! ترا كله الشرف واااحد ما يفرق لو أنا ولا غيري..
أحمد بقهر : عزاااااااااااام ..!!
عزام قال بسخريه : واافق على زواجي منها أحسن لك ..! تراا الحلااال وايد أبرك عن الحراام
أحمد يلس وقال بهدووء يبي يقاوم انفعاله : فهمني الحين شو تبا مني بالضبط ..؟؟
عزام ابتسم : رمسها وقول لها تواافق ..
أحمد وهو واثق من رد أخته : ما بتوافق ..!
عزام : حااول وياها ترا قلت لك .. يوم اني باخذها بالحلال واايد ابرك ..
أحمد بعصبيه : وهي ما بتوافق .. أختي وأنا أدرى بها ..
عزام ببرود : باختصار قول لها اني ماسك عليك قضيه واقدر اسجنك أي وقت والمقابل هي ..!
أحمد : مستحييييييل ازوج أختي بـ هالطريقه ..
عزام : لأأأ مب مستحييييل ..~
أحمد بقهر : ما تقدر تسويها ..
عزام : عادي ترا أدخلك من هـ الدقيقه في السجن ( وهو يلعب بالقلم ) وقتها بلعب بـ أختك لعب ..
أحمد حس انه شوي ويذبح عزام لأنه هذا عرضه وعزام ماخذ راحته بالكلام ..
أحمد طالع عزام بـ عصبيه ووقف : لو شغلتني يوم انك تبا أختي وبس ..!! لا تظن انك بـ تاخذها
توه بيطلع سمع عزام يقول : عندك مهله للسبت ولا ترا أختك بتروووح فيها ..! وانت بعد معاها
أحمد صكر الباب بقوووه وهو مقهووور اتجه لـ سيارته والدم يغلي بـ عروقه ..


طالعت أختها المتربعه يدام التلفزيون وهي تقول : تعالي تغدي معااي ..
أميره وهي تلعب بطرف شيلتها : مب مشتهيه ..
أماني لفت وهي تطالع أميره : ترا والله ما صارت حااله هااي أموور .. بخبر ماما تراني ..
أميره بدون اهتمام : أماني سكتي شوي ..
أماني بزعل : ها يزاي اني خايفه عليج ..
أميره وقفت بعصبيه وقالت : حلي عن سماااااااي أماااني .. محد قال لج تخافين علي ..
أماني مصدومه : ول انزين ..!! ما قلنا شي ...
أميره مشت بعصبيه ورااحت في الحجره تصيح ..


ياربي أنا شـ سويت بـ دنيتي عشااان يصير فيني جذي ..! آآآه اش كثر هـ القدر قآسي .. يوم انه مكتوب لنا نعيش فقارى واايد أهون من الذل اللي قاعده اشووفه ..
أميررره وينها حياتج الأوليه .. ع الأقل قبل كنت حاطه أمل للدراسه والشغل ...
بس الحين انتي مجبووره على شي والمقابل .. شرررفج ..!! شرفج يا أميررره
بدت تصيح بقوووه ومن كل خاااطرها ..
وهي تتحسر على عمرها ..!

دخل وهو متضايج : السلام عليكم
أماني : وعليكم السلام .. ياااي مبجر أحمد ..؟
أحمد اكتفى بانه يقول : هي ... ( وتقدم من حجرته )
أماني : تتغدا ..؟؟
أحمد بدون نفس : لأأأ مب مشتهي .. وينها أميره ..؟
أماني : في حجرتها ..
أحمد توه بيدش حجرته .. يت أماني بتقول له شي .. : أحمد .....؟
أحمد صد : نعم ..؟
أماني نزلت راسها بخوف وقالت بقرارة نفسها بتذبحني جان نطقت وقالت : لأأأ خلاااص كنت بقول لك تطلعنا بس نحن تونا طالعين ..
أحمد ما عطاها أي اهتمام ودخل الحجره بملل وهو كاااره حياااته ..
أماني بقهر : هذيل ولا مفتكرين فيني ..!


وسط أجواء الفخامه
وهي تشرب العصير : لا جد لذيذ أكلهم ..
نوال بابتسامه خبث : أعجبج أنا بالأماكن الراقيه ..
ماريا تدندن : الأماااكن كلها مشتاقه لك ..!
نوال وهي تضحك : هههه أدررري بتلاقى معاهم العصر ولا يهمج ..
ماريا : أووكي يلا نتغدا بسرررعه ونروح نتمشى ..
نوال : صدقج لأني جد جد طفرت وكرهت حياااتي
ماريا : هي والله الثانويه بيضت شعر راااسي ..
نوال بابتسامه خبث : خلاااص وخلصنا مب بااقي الا حياة الترف والهياته ههههه
ماريا : كلمت أبووي عن سفرة بلاد برع ..
نوال بأسى : خلاااص شيلي الفكره من باالج ..
ماريا مستغربه : ليييش ..؟
نوال : ابووي موافق بس عزام رفض ..
ماريا مستغربه : ليييش بعد .. وبعدين عزام مب ولي أمررج ..؟
نوال : ما تدرين به بعد عزام يخوووف أبووي بعد
ماريا : أعووذ بالله مب انسان
نوال بغيض : اعرفي انتي تتكلمين عن منو ...!
ماريا باحراج : ولييش رفض انزين ..؟
نوال : وافق على بريطانيا وبس لأن حمود ولد عمي هناك بس أنا رفضت تدرين أنا شو منيتي من السفر ..
ماريا ضحكت بخبث : ههههه عاد زين منه منعج ..
نوال وهي تبلع اللقمه بغيض : كلي كلي لأني جد بنتحر الحين والسبب عزاااموووه ..

دخلت حجرتها وقالت : أمووور قومي بنطلع
أميره وهي راقده : هممممم ..!
أماني وهي تهزها : قومي يلا المغرب بيدخل وانتي بعدج راااقده ..
أميره تجلبت وهي تقول : أماااني خليني ارقد .. طول الليل وأنا واعيه ..
أماني بعبط : ترقد عشر وتقول انها ما ترقد .. اش خلت حق اللي يرقدون الفير هذي ..!
أميره ما ردت عليها واكتفت انها تدفن عمرها تحت البطانيه
أماني : انزيـــن أنا وماما رايحين السوق نشتري للبيت أشياء ..
أميره هزت راسها بدون لا تقووول أي شي .. وكملت نوووم ..
طلعت أماني للصاله وقالت لأمها : تقول انها تعبانه وما تبا تيي ..
أم أحمد : ويه بسم الله عليها بنتي اش فيها .!
أماني ابتسمت : تطالعينها أمس سهرت ويااي ..! يلا عاد ماما نروووح
أم أحمد : تريي بقول لأختج تيي ..
أماني : رااقده ما بتنش وبعدين حتى ولو وعيتيها ما بتقوووم .. يلا ماما بقعد يدااااام اليوم
أم أحمد ضحكت على بنتها الصغيره وقالت : يلا ..


[ على الرغم ان بعض العوائل فقيره إلا أن يسود بين أفرادها الحب أكثر من بعض العوائل الغنيه .. هذا الشئ كفيل بـ أن يجعل الانسان الغني التعيس بعض اللحظات يتمنى ولو أن يكون فقير ومن ضمن هذه العائله .. فقط لـ يتذوق طعم السعاده ]


حآط رآسه ع الفرآش من الساعه 2 الظهر وبعده ما ياه رقاد .. والسبب الله أعلم به ..
كل هـ الود والاهتمام اللي كنت أشوفه منك يا عزااام ..
مو لـ وجه الله يعني ..!
حسبي الله ونعم الوكيل .. يعني لـ هالدرجه الفلوس عاميتكم تخليكم تشترون وتبيعون بـ أعراض الناس ..؟

أسما وهي تبتسم له : ممكن أقعد ..؟
اشر لها بـ هي وهو قاعد يتكلم بالتلفون ..
يلست أسما وهي تطالع أثاث حجرة أخوها ..
بعد ما خلص مكالمته ابتسم وقال : اش عندج يايتني ..؟
أسما وهي تلف تشوفه : ليييش هـ الأثاث مغبر جي ..؟
ذياب ابتسم : وين مغبر الله يهديج ما كمل ثلاث سنوااات ..
أسما كحت وقالت : كح كح كح كممممم ..؟
ذياب ابتسم : ثلاث سنواات بلاااج
أسما : أحس بالغبار وهو يدخل حلجي .. لا وبعد بكل فخر ثلاث سنوااات
ذياب بلامبالاه : صج حريـــم .. المهم قولي اش عندج ..؟
أسما ابتسمت بخبث : أبا أطلـــع
ذياب ميت قهر : بالله عليج ..! وين اقدر اطلعج ( وهو يأشر ع يده ) وهـالايد يبيلها تتعدل ..
أسما بابتسامه مصطعنه : حراام ذيوب
ذياب مقهور : اسوم تبيني هـ المره اسوي حادث لا وأموت بعد ..
أسما قالت بقهر : انزييين انزيين ..! لا تموووت عقب ما أحصل حد أتضارب وياااه
ذياب ابتسم بخبث : صح اش سويتو بالحفله ..؟
أسما بغباء : رقصنا ..!
ذياب ياه بيفرها بالوساده جان تقول بسررعه : اش سوينا يعني .. الا كلينا وسولفنا ..
ذياب : نوال اش حالها ..؟
أسما طالعته بنظره : استريح .. بعدها كريهه ..
ذياب : ما يت زارتني الا يوم واااحد وبس ..
أسما : وايد عليها والله .. هذي ولا مفتكره فيك .. وتطالعها تسبك ..
ذياب ابتسم بسخريه : ايي منها أكثر هـ الانسانه .. أدري بها نوال
أسما تتنهد : ما علينا من نوالوووه واشكالها اللي ما تستاهلك المهم حمود اتصل بك ..؟
ذياب : رمسته ع المسن ..
أسما : بس يحدر كلمني ..
ذياب : أوووكي والحين اجلبي ويهج ..
اسما : على أي صفحه ..؟؟
ذياب : ها ها ها ما يضحك ..
اسما : صح دريـــــــــــــــت ..!
ذياب مستغرب : شو بعد ..؟؟
أسما : نوالوه بنت عمي عيسى تبي تكمل برررع ..
ذياب وهو ميت ضحك : ههههه هذي شكل الحين ..!
أسما : والله قايله جي ..
ذياب رفع حياته بتعجب : هذا بعد ما يمووت عزام يمكن ..!!
أسما متخرعه : ويـــــــــــــــه .. فال الله ولا فالك ..


يوم الجمعه ..
قآل وهو منغاض منه ع الآخر : وانته شو تبا منها أصلا ..؟ // مالك حق فيها فاااااااااهم // لا ما بفكر واللي تسويه فيني سووه ..// تدخلني السجن تعدمني برااايك // أختي ما بفرط بها ولو على موووتي //
وصرخ فجأه بدا يتضارب الين ما صكر التلفون بقهررر ..
طلع من الحجره بقهر وهو يتوعد بداخله يرووح يتجاتل معاااه
صدمته وهي داااخله للصاله وطاح الكوب اللي بيدها ع الأرض وانكسر ..
أحمد بقهر وهو معصب : انتي الثانيه ما تشوفين ..
أميره روحها متوتره لأن صراخ أحمد كان واصل برع بس سكتت وما قالت شي
أحمد يااه بيطلع من الصاله ...
أميره وهي تصيح : أحمــــد ..!
أحمد صد وراه شاف أميره تعض شفايفها بألم وتأشر على ريلها : دخل بـ ريلي ..
أحمد تخرع من شاف الزجاج منكسر على ريلها وقال : وينها أماني ..؟
أميره : طلعت مع أمي ..
أحمد وهو معصب : كل يوم يروحون للجمعيه هذيل ولا شو السالفه ..؟؟
أميره وهي تتألم : خلك من أماني .. الحق عليه أحمد ..
أحمد : وين عباتج ..؟؟ بسررعه نسير المستشفى ..
أميره وهي تصيح : ع العلاقه بـ حجرتي ..
أحمد : خلاااص استحملي شوي ولا تحركين ريلج وايد .. ان شالله الحين بوديج المستشفى ..


قالت بألم : خلاااص ..؟
ابتسمت السستر وهي تقول : خلاااص
أميره تطالعها تلف الشاش ع ريلها : كم يوم يبي له ..؟
النيرس ابتسمت : بالكثير اسبوع واحد وبس ..
أميره وهي تطالع أحمد اللي واقف بـ جهه وماعلق على ولا شي ..
أميره وهي تتألم : انزيـــن أكييد ما في زجاج بـ ريلي الحين ..؟
النيرس : لا حبيبتي خلاااص ..
أميره طالعت أحمد وقالت : عآدي أطلع الحين ..؟
النيرس : لحظه شوي .. بس الدكتور يوصف لج أدويه ومراهم ..
أميره : أوووكي
طلعت النيرس وأحمد بعده واقف بـ حجرة العلاج بـ زاويه وباله مشغول ..
أميره طالعته : أحمد ..؟
أحمد رفع راسه ابتسم لها بتعب : الحمدلله ع السلامه
أميره : الله يسلمك ..
أحمد : سمحي لي كله مني كنت معصب من سالفه صارت بالدوام ..
أميره بشك : لا عادي ما صار شي ..
رن موبايل أحمد و رد أحمد بعصبيه : زين اللي سويته الحين .............؟؟
وطلع خلا أميره محتاره باللي مستوي في أخوووها بآخر أسبوعين قام يعصب بـ شكل مب طبيعي ..!
طالعت صوب الدريشه .. بغت توقف تروح تشوف الناس اللي برع ..!
ردت طالعت ريلها .. كيف أقووم وأنا ميته من الألم ..؟ هذا وأنا نايمه .. عاد لو وقفت عليها اش بيستوي فيني ..؟

مرت دقايق ..~


دخل أحمد يحاول يهدا بس مبين عليه معصب : وينها النيرس هذي ..؟
أميره : قالت نتريا وبعدين أكييد الدكتور عنده مرضى غيرري ..
أحمد تنفس بصوت مسموع وقال وهو يتنهد : صار لنا ساعتين بالمستشفى ..
أميره متخرعه : ساعتين ..! وأمي تدري ..؟
أحمد : اتصلت بي وقلت لها ان طالعين نتمشى ..
أميره ابتسمت بخبث : راحت فيها أماني ..
أحمد ضحك وقال : هههه تستاهل محد يقول لها رووحي الجمعيه كل يوم ..
أميره : أحمد اش فيك كله معصب ..؟ في شي جايد مستوي بالدوام ..؟
أحمد هز راسه وهو يتناسى : لأأأ انسي ..!
أميره تطالعه بشك وقالت : أكيييد أحمد ..
أحمد هز راسه بايجاب : هي أكيييد بس شوية مشاكل على قضيه نصب مستويه الفتره الأخيره
أميره : آهااا ..
أحمد طالع أميره بـ ألم وقال : أميرره اوعدج ما افرط فيج ..
أميره امتلت بـ عيونها دموع وقالت : أحمد في شي كااايد مستوي وانت خاشنه عنا صح ..؟
أحمد وهو يأكد لها : لأأأ أميررره بس قصدي ان بسبب مشاكل الدوام ريلج انجرحت ..
أميره وهي تأكدت لـ هاللحظه أخوها يعرف عن كل شي صاااير بس فضلت السكوت ..!
اكتفت بأنها تقول : كل شي مكتوب يا أحمد .. وهذا قضاء وقدر ..
دخلت النيرس : أميره يلا تعاالي ..


يوم السبت الساعه خمس العصر ..
انتهت المده اليوم ...
اليوم هو يوم اعدآمي ..! واعدآم أختي بـ يدي ..؟؟
ليييش ما فكرت أكثررر ..!
هل بالفعل راح أفقد حياتي أو وظيفتي ..؟
بس كل هذي الأشياء ما تسوى ربع من أميره ..!
أميررره أختي شرفي عرضي وكل شي ..
هل يمكن اني أتنازل عنها لك يا عزام بـ كل سهوووله ..؟

كانت هنآ الفاجعه ..
انه يتصل على تلفون البيت ..! نعم على تلفون البيت ...!
وصلت فيك المواصيل يا عزام انك تصير وآطي ومنحط وتتصل على تلفون البيت ..؟

أميره وهي تطلع من الحجره ..
يـ الله منها هذي البداله محد .. رآحت مع أمي عساس يتلاقون مع المعلمه اللي بمركز تحفيظ القرآن عشان يسجلون .. بس اليوم هو يوم السبت .. أكييد راحو لـ بيتها ...
تقدمت أميره من التلفون وردت : السلام عليكم ..
الطرف الثاني : لا رد ..!
أميره : السلام عليكم ................!!
رد عليها بـ كل هدووء وبرود : وعليكم السلام ..
أميره مستغربه : يا هلا أخوي ..! بغيت منو ..؟
قال لها عزام وهو يحاول يذكرها بصوته وهو يضحك بسخريه : أبا أحمد أخو أميره ..
أميره حست بقشعريره وقتها ودها الأرض تنشق وتبلعها ..!
وصلت فيه المواصيل انه يتصل على تلفون بيتنا ويهددني ..؟؟
بدا الصوت يتردد في ذهنها وترك صدى واثر بـ مسمعها ..


انتهى /~





ღ همسه ღ


اعذريني أيتها الحياة .. صرت أفهم ..}~
اعذريني صرت افهم ~
وصار عمري في حياة الجد .. كل شئ فيه ينظر ،
صرت أكبر .. أتنكر .. أتدبر /
صرت أفهم ..
ان في حلو الحياة صبرآ وعلقم ..
صرت أدرك ..
ان خلف الابتسام ألف معنى بل وأكثر ..
وأن خلف صدى الكلام معنى مضخم ..~






 
 توقيع : قمرهم كلهم




رد مع اقتباس
قديم 07-17-2013, 02:39 AM   #9 (permalink)
قمرهم كلهم
مستشار المؤسس ~

 
الصورة الرمزية قمرهم كلهم

 آلحـآله ~ : قمرهم كلهم غير متواجد حالياً
 رقم العضوية : 9952
 تاريخ التسجيل :  May 2010
 فترة الأقامة : 5069 يوم
 أخر زيارة : 10-19-2014 (08:38 PM)
 النادي المفضل :
 الإقامة : 
 المشاركات : 8,755 [ + ]
 التقييم :  40
  معدل التقييم ~ : قمرهم كلهم is on a distinguished road
 زيارات الملف الشخصي : 13827
 الدولهـ
Qatar
 الجنس ~
Female

  مشـروبيُ ~

  كآكآوي ~

  قنـآتيُ ~

 MMS ~
MMS ~

  مدونتيُ ~

لوني المفضل : Cadetblue
 
 

رد: أبكي ..! ليه ما أبكي ..؟ مـ دآمكـ للدموع أسبآب ..~



انا : قمرهم كلهم






ღوقفةღ

قد ساءلت : من أنت ..؟ قلت : أنا الذي قضيت عمري مدفنا أهواك ..
وأطعت عيني في الغرام وخافقي أقضي الليالي السود في نجواك ..
" الأمير عبدالله الفيصل "




ღ الحلقة السابعه ღ


حست بـ برد فضيع وهي بـ عز الصيف ..
تركت السماعه على جنب وغمضت عيونها بـ الم ..
يـ الله ..! ما صدقت أفتك من هـ الطاري رجع لي مره ثااانيه ..؟ ياربي أنا اش سويت بـ حياتي عشان أنظلم جي .. اش سويت ..؟


رجعت للواقع وهي تطالع التلفون ..
وقفت وبدت تعرج لأن ريلها اليمين مجروحه وملفوفه بـ شاش ..
دقت باب حجرة أخوها : أحمد ....؟؟
أحمد : ادخلي أميره ..؟
فتحت الباب .. قالت له بـ هدووووء تام وبصوت حاد : تلفون لك ..
أحمد وقف بسرررعه وهو حاس بـ هالشي .. طلع من الحجره بسرررعه وهو يتقدم من تلفون البيت .. أو الأرضي مثل ما يقول له البعض ..~
رفع السماعه عن الطاوله ورد وهو بداخله يغلي : السلام عليكم ..
حس ان الدنيا دارت به من بعد ما رد عليه عزام : وعليكم السلام والرحمه أحمد ..!
أحمد اخذ نفس و بغيض : شـ اللي خلاك تتصل ع تلفون البيت ..؟
عزام ابتسم بسخريه : موبايلك مغلق .. وانت ما داومت اليوم .. قلت اتصل واسأل عن أخبارك ..
أحمد بقهر : بكووون بخير طول مـ أنت بعيد عني ..
عزام وهو يبتسم بخبث : وأختك بتكون بخير ..؟؟
أحمد وهو شبه متوتر من وجود أميره بـ جنبه : بيي لك الحين .. يلا باااي
ما تريا رد عزام وصكر بويهه .. توجه للحجره وهو بـ قمة غضبه ..
أميره لحقته وهي تتألم والسبب ريلها .. وبالها مشغول بـ احمد وسبب عصبيته الزايده ..
أميره بتساؤل : أحمد ...؟؟
أحمد لف يطالعها : نعم ..؟؟
أميره مستغربه : صاير شي ..؟
أحمد : لأأأ مب صاير ..
أميره : أحمد اش فيك ..؟؟
أحمد بعصبيه : مافيني شي أميره ممكن تخليني اغير ..
أميره متوتره : أحمد صاير شي بينك وبين هـ الريال ..؟
أحمد : لأأأ أميره .. لا تتدخلين بأمور ما تخصج ..
أميره بألم وهي متردده تقول له : واذا دريت ان السالفه تخصني ..
أحمد بقهر : قلت لج ما تخصج ..
أميره وهي تصيح : بس أنا متأكده انها تخصني ...
أحمد لف مصدوم : اش درااااااج انتي ..؟؟ ليكون الوااااااااطي .................
أميره قاطعته و يلست ع الأرض تصيح : ع بالك ما اعرف عن شي ..؟؟ ليييش كلكم ما تفكرون فيني ليييش ..؟؟ ترا والله أنا عايشه معاكم .. حرااام عليكم
أحمد ارتاح شوي لأنه ما لمسها وتقدم منها وقال بعصبيه : كلمج عن شي ..؟
أميره هزت راسها بلا وقالت : أحمد انت كل شوي تتكلم بالتلفون ومعصب ع بالك ما أسمع اللي تقوله ..؟ احمد انت مو متغير من شي علينآ ...
أحمد نزل لـ مستواها ورفع راسها : سامحيني أميره ما اقصد شي ..
أميره تصيح : أحمد دخييييييلك ابعده عني دخيييييلك ..
أحمد بعصبيه : ولا يهمج بيطلع من حياتج بيطلع .. لا تحاتين ..
أميره وهي تمسك يده : ما بيسوي فيك شي ..؟؟
أحمد هز راسه بجمود وقال : ايهبي ..!

رد تلفون البيت يرن
أحمد طالع أميره وقال : لو يرن الين باااجر لا تردين ..
أميره هزت راسها بايجاب وقال : أوووكي
أحمد خذا سويج سيارته ومشى بسررعه يطلع من البيت ..
أميره زقرته : أحمد ..؟
أحمد طالعها : نعم ..؟
أميره بخوف : دخييلك أحمد لا تتهور وتسوي شي غلط ..
أحمد ابتسم لها : ولا يهمج ..
أميره ابتسمت بارتياح .. بس بنفس الوقت تحس بداخلها شي يجبرها تصيح .. يجبرها تفكر بـ أشيا مالها أي وجود حاليا بالحياه بس احتمال كبير بيكون لها وجود ..
لو أحمد صآر فيه شي .. اش بيصير فينا .. يقدر عزام يقتحم حياتنا ويدمرها ..! بس لأ .. يمكن قبل لا يصير شي أنا ارتبط فـ عائلته .. لاااااااا كل شي له حدود


عمر وهو يلحس من الآيس كريم : لذيذ يا ريال ..
حمود ابتسم وهو يطالع علي : علاااوي يا ولد طلعت شيف ونحن ما ندري
علي وهو يحط صحن الحلا في الثلاجه ويقول بديموقراطيه : أصلا يا ربعي الكرام أنا كنت مفكر اني اصير طباخ .. بس هلي جبروني اصير طبيب ..
حمود : يا حااافظ ..! وان شالله بعدك مفكر ..؟
علي ابتسم : في مجال ..
عمر أونه يسوي لقاء : والحين كونك كـ أول دكتور بالعالم يسوي أكله تحتاج كل هـ العناء شو تحس فيه حاليا ..؟؟
علي يعدل الكلر مصدق عمره ويقول : أحم .. كأي هااوي طبعا يحقق نجاح بمجالين ..
حمود يتقدم عن صحن الآيس كريم اللي كان فيه الكريمه : سير اغسل ويهك عقب تعال ارمس الا هو صحن آيس كريم لا وبعد سنافر .. سير سوو لك غوزي عقب بصدق ..!
علي ابتسم : مااالت عليكم .. احمدو ربكم سويت لكم شي يبرد ع قلوبكم ..
عمر وهو بعده ياكل من الآيس كريم اللي بالصحن الأولاني : تصدقون من سنه يوم أنا راجع ازور هلي اش صااار ..؟
حمود مستغرب : اش صااار ..؟
عمر : الله يسلمك عندي بنت عمتي توها الا مال قوم التعش كل شوي تصور لك بالأكل وأنا مستغرب ..
علي بـ سرعه : تحطه في منتدى تشوفها ..!!
عمر ابتسم : تريا انزين .. فـ دوم تيلس تصور بالأكل وما تخلينا ناكل الا يوم تصور لك الأكل .. واليوم اللي ما تصور فيه أمي تروح لها تقول لها تعالي صوري ههههه .. عدت الوالده بعد ..
حمود : انزين ترا البنات جي مخبل ما يخلن شي الا يصورنه ..
علي بنص عين : ما أسمح لكم عاد .. ترا هذي اللي تتكلمون عنها كونها فتاه ..! هي أمك وأختك وزوجتك وبنتك ..
حمود : عدااال عاد ..! لا تستوي لي حقوق المرأه ما حقوووق المرأه ..
علي ابتسم : هي بعد شو نحن في زمن السرعه الحين ..
عمر يطالع الساعه : أقووول يا بو الشباب انت ويااه مب بااجي شي ولا بيسجلنا غياااب حضرته ..!!


رجع تلفون البيت يرن مررره ثااانيه وثالثه ورااابعه وخامسه ..
تجدمت عنه بخوووف ..
ما برد واللي فيها فيها ..!! أحمد قال لي لا تردين .. يعني ما برد ..
بس لما شافت الرقم ع الكاشف ما ترددت لـ ولا لحظه انها ترد .. وبالفعل ردت ..
أميره بخوف : هلا أحمد ..؟؟
أحمد ما رد عليها : لا رد ........
أميره بخوف : أحمد رد عليه وينك ..؟؟
بس اللي سمعته صوت واحد ثاني وهو يضحك : هههه أميره ...؟
اميره زاد خوفها : وينه أخوووي ..؟؟
عزام قااال بهدوووء : هدي هدي ليييش الخوووف ...؟؟
أميره بقهر : أحمد ويــــــــــــنه ..؟؟
عزام بخبث : مثل ما قدرت أخذ موبايله الحين ..!!! بنفس الطريقه أقدر أخذ عنه كل شي .. حتى ولو أخته .. وظيفته .. روووحه بعد .........!!
أميره بخوووف : انت شو تبا منا شو تبا اطلللع يآ أخي من حياتنا ..؟
عزام قاال بهدووء : أحمد بيفهمج يووم يرجع البيت .. بس حبيت أوضح لج بـ هالاتصاال ...
وما سمعت غيررر انقطع الاتصااال ..!!


قعدت أتريا أحمد وأنا أعض أصابعي ألم .. ندم .. حسرره .. خووف ..!
ليكووون أخوي استوى به شي ..؟؟
دقايق الانتظااار هذي مرت علي كأنها ساااعااات ..
كأنها دهر بـ أكمله ..!
اذا صار بأخوي شي .... ما نقدر نعيش ..


ما حسيت الا بعد نص ساعه من الزمن أحمد داااخل وعلااامات الانكسار اللي بداخله مبينه على ويهه ..
تقدمت عنه بسرررعه وأنا ارتجف خووف : أحمد صاار فيك شي ..؟
أحمد هز راسه بهدووء : لأأأ ..
مسكته من قميصه وأنا اقوول : أحمد تكلم ...!! قووول شي ..؟؟؟
أحمد وعينه تلمع : شـ قوووول أميرره شـ قووول ..؟؟
أميره وهي تصيح : أحمد بينك وبينه شي يخليه يسوي كل هذا ..؟
أحمد قعد وانجبر انه ينصاع لأوامر عزام والسبب شرف أخته ..
أحمد بانكسار : ماسك عليه مبلغ كبير ..
أميره بخوف : اش مبلغه بعد ..؟؟ وكم ..؟
أحمد : واايد يا أميرره وااايد ..
أميره : انزين كم خبرني .. بشتغل وبساعدك ..
أحمد : كبيرر المبلغ واايد .. ولو اشتغلتي هو ما بيتريا كل هـ المده ..
أميره : والحل ..؟
أحمد : ماشي حل غير اني انسجن اربع سنين ..
أميره متعجبه : أحمـــــــــد ..!! شاللي خلاااك تتسلف مبلغ كبير هـ الكثر ..
أحمد بألم : أميرررره اسكتي دخييييييلج .. مب رااايم اتحمل أكثررر ..
أميره تصيح وتسأله : انزين ماشي حل غير انه يسجنك ..؟؟ وما بيتريا ..؟؟
أحمد وهو متردد : قال لي لو باخذ أختك بعفيك عن كل شي ..
أميره وقفت مذهوووله من كلام أخوها : شوووو ..؟؟
أحمد : مثل ما سمعتي ..؟
أميره بعدها مذهوووله : يعني يبيني ..؟؟ مصلحه ......؟؟
أحمد هز راسه بايجاب وقال : عيني من الله خيرر ..
أميره بخوووف : أحمد .........؟؟
أحمد وقف وهو رايح للحجره : أميرره فكري ..!! والله مو بيدي أسوي شي والله ..
أميره يلست ع الأرض تصيح مذهوله من الكلام اللي تسمعه
ما قدرت تقول الا وهي تصارخ : تبيعني على وااااحد ما يسوى يا أحمد ...؟؟ تبيعني ..؟؟
أحمد صد يطالعها متألم قال وهو يحلف : والله حاااااااولت والله ... مب طااايع ...!!
أميره يلست تصيح وهي تقول : أحمد دخيييييلك دبر المبلغ دخيييييلك ..
أحمد قال بانكسار وهو يدخل الحجره : ما أقدر أميرره ما اقدررر ..
وبداخله يتزوجها أهون بمليووون مررره من انه يسوي فيها أي شي ثاااني وبالحرام ..


مر علي يومين وأنا منهاره ...
أعصب .. أصيح بهستريه .. لـ درجة ان الوالده فكرت توديني المستشفى وتفحص علي ..
بس أحمد رفض لأنه عرف سبب انهياري ..



ما رضت تكلم أي أحد ولا رضت تتقابل مع أي أحد ..
بس محتاجه لـ عدة ايام تقعد بـ روحها وتفكر عدل ..! لأن هذي حياتها .. بيدها تهدم حياتها بزواجها .. وبيدها تهدم حياة أخوها بـ سجنه ..
والسبب واحد لا غير .. أنانية عزام ..~


بس أنا لو رفضت وأحمد انسجن بظل أنانيه لأني بديت مصلحتي على مصلحه أخوي ..
وفي كل الحالات عزام ربحان .. وبيكسب كل شي ..
والحـــــــــــــــل ..! هو ........................؟؟؟
ما أعرف ..!
مـــــــــــا أعرف ...!


أسما تقرصه : احمد ربك يا ولد اني يالسه أراعي شعورك وأقعد وياك ..
ذياب وجبده لايعه : لوعتي بـ جبدي الحين هذا يسمونه أرفه عنك ..؟
اسما تهز راسها بايجاب : هي بعد شو قالو لك عني ..؟
ذياب يطردها : سيري تعلمي كيف يلعبونها عقب تعالي العبي معااي ..
أسما بوزت وقاالت : أوووكي ..
ذياب ضحك وقال :بلاااج تعاالي ...! ليييش عصبتي ..؟
أسما : الشطرنج لعبة صعبه ..!
ذياب : بس لو تتعلمينها بـ هالفتره وخاصتا لو حبيتيها بتتعلمين ..
أسما : وانت كيف تعلمتها ..؟
ذياب : قبل ثلاث سنوات لما كنت بالثانويه وكلما نحصل اجازات كنت اروح لـ النادي
أسما ابتسمت : انزين أكيييد بـنادي السيدات يعلمون البنات ..
ذياب : أكيييد شو قااالو لج بس بعد انتي اسألي ( وبغباء ) لأني ولا مررره فكرت أدخل نادي بنات ..؟
أسما بكره : وع ع ع بس أنا أكره ما عندي أشترك لك بنادي .. تعرفني أنا من يوم يومي اكررره شي اسمه الالتزام بموعد محدد ..
ذياب ابتسم : استحملي عآد انتي وشطارتج ..
أسما : ما يخالف لو تعلمت في البيت ..؟
ذياب ابتسم وهو يقلدها : ما يخااالف يالكويتيه ...
أسما وهي تضحك : ذياااب يـالهرم ........ لا تنكت عليه ..
ذياب وهو عاقد حياته ومو عاجبه : هرم في عينج ..
أسما : سوووري المهم يصير اتعلم ..؟
ذياب : بلعب وياااج بس لا تتحرين جان صرت أوووكي بلعب ويااج ..
أسما : خلاااص بدعي انك ما تـصـ ................
ما حست الا بوساده ع ويهها وضحكت : ههههه خلاااص خلاااص أوووكي بدعي لك ..
ذياب بغباء : انتن الحريم كيف تستحملن قعدة البيت ...؟؟
أسما ابتسمت : قلتها روووحك ..! حريم .. محكوم علينا بالسجن داخل البيت ..
ذياب : والله هـ البنات اللي يظهرن أربع وعشرين ساعه ما أستلطفهن ..
أسما : حرااام عليك ..
ذياب : جد والله مب حراام علي .. اطلعي براايج محد مانعج بس هم الطلعه بعد لها حدووود ..
أسما وهي تضحك : انزين يا العريف خلنا نكمل عسب اتعلم .. بسك حش ببنات الخلق
ذياب بقهر : استويت حرررمه من بعد قعدة البيت .. صج والله قعدة البيت تقصر العمر ..!
أسما باستهزاء : لا والله ..!
ذياب بقلة حيله : شئ لا يطاااااااااق ..



مريم وهي تطالع التلفزيون : ارووووه سيري ردي ..
أروى وهي تلعب بموبايلها : مابا سيري انتي ..
مريم قامت وهي مقهوره : جنه محد بـالعالم معاه آي فون الا انتي ..! والله ما اقول غير ويه فقر اللي يحصلون ع النعمه فجأه ..
أروى بقهر : ويه فقر بعينج فاااهمه ..
مريم : خليه يفيدج .. والحين ممكن تسكتين لأني برد ..
اروى صدت بقهر وما ردت على مريم ..
مريم : السلام عليكم .. / يا هلأ / بخير ربي يعافيك ../ كلنا بخير ومن صوووبك ..؟ / دوم ياربي / هي كان موجود .. بس الظاهر من شوي رقد / أووكي / خلاااص ولا يهمك / ان شاء الله ../ فمان الكريم ...
اروى بتساؤل : منو ...؟
مريم يت قعدت ع الصوفا : انتي اش لج ..؟
اروى : سألتج منو ما سألت شو يبون ..؟
مريم تبي تقهرها : سكتي الله يخليج بشوووف تلفزيون ..
اروى بقهر : سألتج منووووووو ..؟
مريم تبي تقهرها أكثر : عزاااااااااااااام ..
أروى مصدومه : عزااااااااام ..؟
مريم هزت راسها بايجاب : قلت لج ردي وما طعتي ..
أروى مقهووره : عساس اني ميته عليه .. خله يولي ..
مريم : مـ ادري منو ميت عليييه ..!! والله مب أنا اللي ذابحه عمرري عشانه
أروى وقفت وبقهر : عساج تموتين اليوم قبل باااجر .. ولا حمووود ما ياخذج ..!
مريم مصدومه من أختها : انتي ايــــه سكتي الملائكه تأمن ..
أروى مشت بقهر ..
مريم ما لقت غير انها تقول : الله ما يستجيب دعاااوي الناس اللي مثلج ..


طالعتهم قاعدين ياكلون تقدمت أتغدا .. بس حسيت مالي خاااطر ..
أم أحمد : تعالي أماايه ..
أميره بتعب : ما اشتهي اماايه ..
أم أحمد مستغربه : بنتي اكلي شوي انزين .. غااديه صفره من بعد الامتحانات ..
أميره بخاطرها " وين الواحد يلقى راحه طالما هو عااايش مثلي " : مشكووره أماايه برقد يوم بنش بااكل ..
أم أحمد : ع راااحتج .. رووحي ريحي عاد
أميره مشت وهي مهمومه : ان شالله أمي ..
دخلت الحجره وهي مالها خلق لأي شي .. غير انها ترقد وما تصحى .. أو تصحى وتكون عارفه ان كل اللي صااار مجرد حلم لا غير ..
حطت راسها ع المخده وهي تدعي بـ داخلها ان كل اللي قاعد يصير مجرد حلم لا غيررر ..


ما حست الا بأحد يهزها ويقول : أميررره ..؟
فتحت عيونها وهي متضايجه : نععععععم ...؟؟
أماني مستغربه : أمووور نشي صلي العصر ترا صااارت خمس وانتي بعدج ..
فزت من الرقاد وقااالت : كم ....؟
أماني : خمس العصر ..
أميره وهي تقوم : ليييش ما وعيتيني قبل ..؟
أماني : نسيتج
أميره قامت عشان تروح تصلي ..
أماني : أمووور ..؟
لفت أميره شافت أماني تلبس العباه وقالت : على وين ..؟
أماني : يلا صلي عسب نسير لـ مركز تحفيظ القرآن ..
أميره قالت بضيق : نفسيتي ما تساعد اليوم .. باجر ان شالله ..
أماني : ترا والله ما صااارت حاااله ..؟
أميره بابتسامه صغيره : اسمحي لي بس معذووره
أماني وهي تتذكر : يالجذااابه توج من هالاسبوع مخلصه ...!
أميره باحباط : انزييين بس ترا والله لو ييت ما اقدر احفظ ولا اقدر اركز ..
اماني تفهمت وقالت : أوووكي على راااحتج .. يلا بااي
أميره ما ردت عليها وطلعت عشاان تروح تتوضآ ..


بعد ما سلمت لفت الصوب الثاني وابتسمت بألم ..
أحمد يالس وقال : تقبل الله ..
أميره مبتسمه : منا ومنك صالح الأعمال ..
أحمد وهو هلكان : حطي لي غدا برقد ..
أميره : ان شالله ..
أحمد وهو عاقد حياته وبألم : بسألج قبل ..؟
أميره ارتبكت وعرفت شو بيسأل ..؟! : آمر ..
أحمد : ما يامر عليج عدو .. بس فكرتي ولا ..؟
أميره متألمه : صليت استخاره وما أعرررف .. بسسسس ما أدري .. ( دموعها بدت تهل ) أحمد أنا مابا أتزوج ...! توني مخلصه .. لا بعد غصب يعني مو برضاي لو وافقت ولا لأأأ ..
أحمد حس بألم بداخله وقال : خلاااص أميررره برده لا تحاتين ..
أميره : لأأأ أحمد تريا ..!! انت ما تقدر تدبر كل هـالمبلغ ..
أحمد قال بحنيه : ما يخصج بدبره ان شالله..
أميره وهي تصيح : ما بيضرك ..؟
أحمد بداخله أنا يضرني ولا لأأأ ما يهمني ..!! بس انتي تسعين بالميه بيضرج ..!
أحمد قال بحزن : بيظرني أكيييد ..
أميره بسرعه : خلاااص أنا موافقه أحمد ..
أحمد منصدم : فكرررري عدل ..
أميره بارتباك : ماله داااعي التفكير صليت استخاره .. وبعدين أحمد في كل الحالات النتيجه وحده .. يعني أوافق أحسن لي ..
أحمد قال مذهول : أميررره مستحيل هالانسان ياخذج لو على جثتي ..!
أميره بدت تصيح : أحمد رجاءا ..!
أحمد وقف بعصبيه : والله برووووح بجتله ..
أميره بدت تصيح أكثر : ان صااار شي أحمد محد بيروووح فيها كثر أمك المسكينه اللي ربت وتعبت .. واشتغلت بأرخص شغله عشااانا ..
أحمد بألم : والحل ..
أميره : يصير خير ..
أحمد وهو مقهووور : أميررره فكري عدل ..
أميره وهي تطالع أحمد : هو زين ..؟
أحمد هز راسه بايجاب : كان بنظري زين .. والحين ما أدري ..!
أميره بخوف : يصلي ..؟؟ عازب متزوج ..؟؟ شاللي معروف عنه ..؟
أحمد بقهر : ما يخصج أميررره ..
أميره : أحمد كيف ما يخصني ..! أنا لاازم افكر بـأقصى مده أقدر .. لأن هذي سالفة سجن ..! تعرف شو يعني لو انسجنت ..! أنا أمك أختك .. بنعيش مذلولين أكثر من الحين ..
أحمد بألم : فكرري وردي ما عليج من اطباعه مو ماخذج غصب ..
أميره بخوووف ودمووع : خلاااص أنا موافقه ..
أحمد : اميررره هالانسااان عادي بيرجعج بعد يومين بيت أهلج ..
أميره بخووف : بخليه يكتب لي المتأخر نص مليون ..
أحمد بقهر : مثله عديمين احسااس ..! يشترون الناس ويبيعونهم ..! عادي يدفع خمس ملايين .. خمس امية الف ولا شي جدامه ..
أميره : أحمد دخيلك فكرررر ..
أحمد يعرف بكل الحالات عزام هو الربحان : ماشي حل يا أميررره ..
أميره بخووف : خلاااص اتصل به وقول له موااافقه ..
أحمد : بشوووف يصير خيررر ..
أحمد مشى وهو مقهووور ..


أختي وأبيعها على واحد من أمثااال عزام ..!! أنا غبي .. ..! الله ياخذها من ساعه اللي تعرفت فيها عليك يا عزام ..
ما توقعتك بـ هالوقاحه وتستغلني عشااان أختي وبس ..
لا وبسهوووله انصعت لك وقدرت تمشي كل أوامرك علي ..
والله ما بيدي شي يا اميرره سامحيني ..! لولا سالفة الفلوس اللي ماسكها علي وهي كلها سالفه خياليه جان ما رضيتي ..
وبكل الحالات نحن خسرانين ..! يقدر ياخذج يقدر ...
لأنه أمثاله ما يخااافون ربهم بالناس .. ولا يفكرون بيوم ان بنات الخلق مو لعبه بين ايديهم ..
بس أهووون بمليون مررره انه ياخذج حليله له غصب ... على انه يغتصبج ...!
حس بألم وهو يفكر جي بأخته .. ما توقع بيوم انه بيصادف مثل هاليوم بحياته ..


عزام هو يقعد : تفضل تفضل ..
أحمد وهو واقف عند المكتب وبقهر : ما يحتاااي ..
عزام ابتسم : لأأ آفااا .. اقعد يا رياال بتتعب ..
أحمد حس بكررره تجاه عزام وقال : مب ياااي اقعد .. ( وبسخريه ) ريال الحمدلله مب مثل غيري ..
عزام قال بسخريه : ييت ومعاك رد ولا لاا ..؟
أحمد قال وهو متردد وحس بـ كل شياطين العالم عنده : اختي وااافقت ..
عزام ضحك بسخريه وقااال : هذي الاخبااار الزينه .. بس مب جنها تأخرت وااايد جني الا رايح اخطب بنت الملياردير ..
أحمد حس باهانة عزام بس قال بشمووخ : لا تفرح وااايد عندنا شرروووط ..!
عزام قال بدون اهتمام : موااافق على كل شي ..
أحمد بقهر : اسمعني انزين ..
عزام وهو يتصل على العامل : ألووو .. ييت اثنين جاااي حمر ..
لف وهو يطالع أحمد : قلت لك موااافق ماله داعي تقووول أي شي الحين .. وبعدين بسمع كل شي من البنيه نفسها ..
أحمد حس بقهر وقااال مع انه في امل بسيط يخلي عزام يتردد عن خطبة أميره
أحمد قعد ع الكرسي بقهر : صح بأقرب وقت تعااال مع ابوووك لـ بيتنا عشان تخطبون ..
عزام ضحك وقال : ولييش كل هـ اللف والدوران انزين ..! انا خطبتها ويكفي ..
أحمد قال ما بين اسنانه : اعتقد قلت نبي تتقدمون رسمي .. أمي لا يمكن تواافق جي ..
عزام بابتسامه نصر : ما طلبت شي يالنسيب ..
أحمد وقف مقهور ومشى بيطلع : نترياكم ..
عزام ابتسم : توك ما شربت شي ..
أحمد ولا رد عليه وطلع وهو يصكر الباب بقوووه ..


بو عزام وهو يغير القنوات الين ثبت على قناة أبوظبي ناشونال جيوغرافيك ..
صد صوب عزام وقال : خيرر عزااام مستوي شي ..
عزام : لا كل الخير ابويه ..
بو عزام : الدوام كيييف ..؟
عزام : أووكي احسن عن قبل ..
بو عزام : الحمدلله .. عيل خير ..؟
عزام ابتسم وقال بتردد : أبوويه بغيت أتزوج ..؟
بو عزام ابتسم وقال بفرح : زين والله وأخيرا فكرت تطلع من الحياه اللي انت فيها ..! الله يوفقك ولدي ..
عزام : واللي بتزوجها اباك باجر تيي معاي نروح نخطبها ..
بو عزام مستغرب : منو ...؟؟
عزام : وحده أعررف اخوها عدل .. وعيبتني البنت ..
بو عزام مستغرب : واروى بنت عمتك ..؟
عزام بقهر من يا طاريها : بلااها ..؟
بو عزام : وين بتروح ..؟
عزام بعصبيه : كيف وين بتروح ...؟ ابووويه سبق وقلت لك البنيه هذي ما أدانيها أنا ..
بو عزام سكت وما قال لأنه متفهم بأمور الزواج ولأنه من عايله متفتحه ما عندهم اجباري ان الولد ياخذ من داخل العايله وبسه فشل بتجربته الأولى ..
بو عزام قال يخفف عليه : بس ما يخالف لو جربت مره ثااانيه يمكن تتأقلمون ..
عزام بعصبيه : ابووويه يكفي ما ياااني منها .. ولا تييب طاريها ..
بو عزام سكت وما قال شي لأن عزام ولده الوحيد وقال : عيل قووول منو تبا ..؟
عزام : ابا وحده اسمها أميره تصير أخت ربيعي أحمد ..
بو عزام مستغرب : منو أحمد ..؟
عزام : أحمد عبدالله الـ ............* .. المحامي اللي عينته من اربع شهوور ..
بو عزام تذكر وقال : هييييه عرفته .. بس يابوي لا هم من مواخيذنا ولا نحن نعرفهم ..
عزام : أبووويه من متى وانت تفكر هذا ولد منو وهذا ولد منو ..! كلنا نفس الشي .. ويكفي اني باخذها وحياتها بتتغير ..
بو عزام يأيد ولده : ادري بس يابووك بعد هالناس على قد حالهم .. البنيه يمكن ما تعيبك ولا طبعها يكون غير ..!
عزام : لا البنيه زينه أبووويه وما عليها شي .. وانا سألت عنهم ..
بو عزام : اللي يحبه قلبك .. عيل خلاااص باجر الخميس وبنروح لهم ..
عزام : بقول لك شي بس قبل ما تنصدم وتغير رااايك بااجر ..
بو عزام مستغرب : خيرر ..؟
عزام : ابو البنيه متوفي مثل ما تعرف .. واخوها يشتغل عندنا وما عليه أي كلاام .. والبنيه وأختها أوووكي .. بس أمها تشتغل ( قال بتردد ) فراشه بمدرسة البنات ..
بو عزام وقف بعصبيه وقال : لا وبعد تبا تاااااخذها ..!



انتهى /~





ღ همسه ღ



الدنيا .. آآآه كم هيه جميله ولكن العبره في النهايه ..!
يحكى أن فتى قال لأبيه أريد الزواج من فتاه وقد أعجبني جمالها وسحر عيونها ..
رد عليه الاب وهو فرح ومسرور وقال : أين هذي الفتاه حتى أخطبها لك يا بني ..؟
فلما ذهبا ورأى الأب الفتاه أعجب بها وقال لابنه : أسمع يابني هذه الفتاه ليست من مستواك وأنت لا تصلح لها هذه تناسب رجلا له خبره في الحياة وتعتمد عليه مثلي ..
اندهش الولد من كلام أبيه وقال له : كلا بل أنا سأتزوجها يا أبي وليس أنت ..
تخاصما وذهبا لمركز الشرطه ليحلوا لهم المشكله وعندما قصا للضابط قصتهما
قال لهم : أحضرو الفتاة لكي نسألها من تريد الولد أم الأب ..؟
ولما رآها الضابط انبهر من حسنها وجمالها وفتنته وقال لهم : هذه لا تصلح لكما بل تصلح لشخص مرموق في البلد مثلي ..
وتخاصم الثلاثه وذهبو إلى الوزير وعندما رآها الوزير قال هذه لا يتزوجها إلا الوزراء مثلي أيضا اختصموا عليها ..
حتى وصل الأمر إلى أمير البلده وعندما حضروا قال : بل هذه لا يتزوجها إلا أمير مثلي وتجادلوا جميعا ..
ثم قالت الفتاه : أنا عندي الحل ..!
سوف أركض وأنتم تركضون خلفي والذي يمسكني أولا أنا من نصيبه ويتزوجني وفعلا ركضت وركض الخمسه خلفها .. الشاب .. الأب .. الضابط .. الوزير .. الأمير ..
وفجأه ..؟
سقط الخمسه في حفره عميقه ..
ثم نظرت إليهم الفتاه من أعلى وقالت : هل عرفتم من أنا ..؟
أنا الدنيا
أنا التي يجري خلفي جميع الناس ويتسابقون للحصول علي ويلهون عن دنيتهم في اللحاق بي حتى يقعوا في القبر ولن يفوزوا بي أبدا ..
لا تيأس على الدنيا وما فيها .. فالموت يفنينا ويفنيها .. اعمل لدار البقاء رضوان خازنها .. الجار أحمد والرحمن بانيها .. لا دار للمرء بعد الموت يسكنها .. الا التي قيل الموت بانيها .. فمن بناها بخير طاب مسكنه ومن بناها بشر خاب بانيها ..





 
 توقيع : قمرهم كلهم




رد مع اقتباس
قديم 07-17-2013, 02:43 AM   #10 (permalink)
قمرهم كلهم
مستشار المؤسس ~

 
الصورة الرمزية قمرهم كلهم

 آلحـآله ~ : قمرهم كلهم غير متواجد حالياً
 رقم العضوية : 9952
 تاريخ التسجيل :  May 2010
 فترة الأقامة : 5069 يوم
 أخر زيارة : 10-19-2014 (08:38 PM)
 النادي المفضل :
 الإقامة : 
 المشاركات : 8,755 [ + ]
 التقييم :  40
  معدل التقييم ~ : قمرهم كلهم is on a distinguished road
 زيارات الملف الشخصي : 13827
 الدولهـ
Qatar
 الجنس ~
Female

  مشـروبيُ ~

  كآكآوي ~

  قنـآتيُ ~

 MMS ~
MMS ~

  مدونتيُ ~

لوني المفضل : Cadetblue
 
 

رد: أبكي ..! ليه ما أبكي ..؟ مـ دآمكـ للدموع أسبآب ..~



انا : قمرهم كلهم


.
.
.



ღوقفةღ

يا حبيبي كل شئ بقضاء .. ما بأيدينا خلقنا تعساء
ربما تجمعنا أقدارنا .. ذات يوم بعدما عز اللقاء ..~
" إبراهيم ناجي "




ღ الحلقة الثامنه ღ



بو عزام وقف بعصبيه وقال : لا وبعد تبا تاااااخذها ..!
عزام توقع ردة فعل ابوه وما رد عليه اكتفى بانه يطالعه بنظره ..
بو عزام : ما قلنا شي ع الأصل والفصل ..! وما قلنا شي ع الوضع ..! بس توصل لأمها ..............................
عزام طالع ابوه وقال : الشغل مب عيب أبويه ..
بو عزام باستهزاء : هه انت تقول جي ..! أحيدك أول غيرر والحين غيرر ليكون لاعبين في عقلك .. آخر شي توقعته منك يا عزااام ..!
عزام : ابووويه تعرف اني قبل كنت متأثر وحالتي حاله ..!! والحين عرفت كل شي صح
بو عزام : عزاااام منت ماخذ هالبنيه .. سمعتني ..
عزام طالع ابوه بتحدي : باااخذها يعني باااااخذها ..
بو عزام طالع ولده باستغراب : تعلي صوتك علي عزااام ...؟
عزام بقهر : يوم انك دريت ان بنت أختك طالعه على ابوووها كان عادي عندك تزوجني اياااها وللحين بعد تباها وانت تعرف شو طبعها ..؟؟
بو عزام : بس بنت عمتك غير يا عزااام .. ومصيرها بتعتدل ..!! ولا نسيت انت اشسويت فيها ..؟
عزام : لا ما نسيت ولا عمررري بنسى بعد ..! وهذي اللي اباها تسوى بنت عمتي وطوايفها بعد ..
بو عزام بعصبيه : عزااااااام اقصر الشر أحسن لك ..
عزام وقف وقال بنفس النبره : باااخذها يعني باااخذها .. والله منتو محركين فيني شعره ..
بو عزام قال وهو يتدارك أعصابه : اطلع من بيتي جانك خذيتها ..
عزام طالع ابووه بنص عين وقال : ابووويه تعرف أنا طااالع على منو وأقدر اسوي اللي ما يتسوى ...!! ووقتها عيشو من غير عزااام ..!!
بو عزام تقدم من عزام وقال خايف يفقد ولده الوحيد سنده بعد ما يصير كهل : عزااااام اهدااا ...
عزام رق صوته وحس ان هذا ابوووه : ابوووويه ...
بو عزام على كثر عصبيته الا ان يضل هذا ولده الوحيد اللي كلما يكبر يزداد عناده وكأنه ما عدا مرحلة المراهقه ..
عزام : باااجر ابيك تيي معاي نروح لهم وأخطبها ..
بو عزام : عزااام فكر عدل .. هذيل ما نعرفهم ..
عزام : ولو على شغلة أمها أقدر افنشها اليوم قبل باااجر ..
بو عزام بتهديد : قطع الأعناق ولا قطع الأرزاق يا عزااام ...!
عزام : ولا يهمك ... بس ابوووي أمهم بمليووون مررره أحسن من هذيل اللوث اللي تعرفهم ... ترا والله من عيالها صغااار ما رضت تااخذ ولا فلس من أحد ..
بو عزام : خلاااص يصير خير الين بااجر ..
عزام وقف يروح يرقد وقال بابتسامة نصر : تصبح على خير ابوويه ..!! اذا منت ياااي عادي بس أخااف امها تسوي لنا عرس قبل لا نعرس والسبب اني رااايح اخطب شرا الأجانب .. وبلا مذهب ..
بو عزام يطالع ولده يصعد وقال بقهر : الله يهديك متى تكبر وتعقل ..!! على انك كبرت وااايد بس بعدك تتصرف شرات الشباب ..
صد عزام من فوق وقال يبي يزين الجو : تتوقع بتوافق ..؟
بو عزام اللي ما عمره نزل راسه لحد : أكيييد ولا متى تطول عزام ولد عيسى ..!
/
.
/
أماني : حرااام أموور لا تصيحين .. المفروض تفرحين ..
أميره طالعت أماني وهي تمسح دموعها : أمووون ودريني برووحي
أماني : المفروض تفرحين ..
أميره بداخلها ( وين الاقي الفرح وعزام اقتحم حياتي وبيحولها لجحيم )
أماني تهز أميره : يلا أمووور استانسي ..
أميره طالعت أماني وابتسمت غصب وقالت : ممكن الحين تودريني رووحي ..
أماني وهي تبتسم : ممكن أفهم ليييش الحزن ..!! والله عمري ما توقعت انج بتاخذين واااحد جي ومتريش ..
أميره بسخريه : هاللي يهمج ..؟
أماني : أموووور .. وبعدين أحسن من غيره مثل ما قال احمدوه لماما ان الولد وااااايد زين ..
أميره بسخريه : هي الصراحه وااايد زيــــن ..!
أماني : مااالت عليج .. والله لو اني بدالج افرح واستانس ان ولد عيسى الـ ........* ياي يخطبني ..!
أميره قالت بألم : أمووون ودريني بروووحي ..
أماني : سكتي أمووور .. بتم وياااج الحين ماما بتيي تسألج ..
أميره مستغربه : ليييش بعدهم اهني ..؟
أماني : هي الله يهداج ما كملو الا نص ساعه ..
أميره غمضت عيونها وقالت بألم : أمووون تتوقعين كيف بتكون حياتي ..
أماني بوناسه : أكييييد مثل الأميرررااات كييف بعد ..؟
أميره : والله لو تعرفين اللي بداخلي جااان عذرتيني ..
أماني بلا مبالاه : لو ع الدراسه يخليج تكملين .. المهم بتيي ماما اليوم تسألج عن رايج ..
أميره طالعت أماني مستغربه : جني الا كنت أحبه وموافقه على طووول ..!!! قالو لج متشققه لهالدرجه ع الزواج ..؟
اماني مستغربه : ليييش أحمد ما سألج من أسبووع ..! هو قايل حق ماما جي ..
أميره ارتبكت : هي هي كلمني من أسبوووع
أماني ضحكت : وأنا أشوووف ليييش الحرمه ساااكته وخايفه طووول هـ الأسبوع ..
أميره ( يـ الله كرهت حياتي والسبب انت يا عزام .. من بعد ما كنت حاطه آماال وآماال .. شكلها كل هـ الأحلام تحطمت .. )
أماني وهي تطالع السقف : يالله وأخيرا صرنا نحن وأسوووم أهل ..
أميره وهي تتذكر شي ولأول مررره تحس فيه مع انه مر على بالها : عزااااااااام أخو نوااااااااااال ..؟؟
اماني : هي .. وعيال عم أسما ..
أميره منصدمه : لا تقووولين ..!
أماني : عااادي اش لج في أخته ..؟ بالطقاق جان مب عايبنها .. انتي بتتزوجين أخووها مب هي ..
أميره ( ما بغينا نفتك من الأخو طلعت لنا أخته بعد ..!! ما أقول غيررر الله يستر )
/
.
/
بعد مرور أربعة أيام ..
,
,
أماني : لا صدق .. تعالي من الحين نفكر
أسما وهي تضحك : هههههههههه
أماني : بلااااااااج ..؟؟
أسما مبتسمه : والله بعدني مب مستوعبه ان عزااام بيتزوج أختج ..!
أماني : لا استوعبي ماماتي ..
أسما : صج والله مب مصدقه ..!
أماني : المهم يلا نكمل
أسما : عن نفسي اموت ع الليموني ..
أماني : مااالت عليج .. توج في الحفله كنتي لابسه ليموني ..
أسما : عاادي باخذي لي واحد موديله غير
أماني : وشو يخصه الموديل .. ترا اللون بعد يأثر
أسما : همممم أوووكي اش رااايج باللون الازرق
اماني : لااا دوووري غيره
أسما : خلاااص عيل أسووود ..؟
أماني : لا تستوين لي أمووور ..!
أسما وهي تضحك : ليش شو بلاها ..؟
أماني : تبي تلبس أسووود بيوم عرسها ..
أسما ميته ضحك : وليييش بعد ..؟ بروووح بقووول لعزام خلاااص ..
أماني : بتذبحج جان درت ههههه
أسما : ترا صج والله حلو الاسود ..
أماني : أدررري بس بعد يبي له فرفشه جذي الوان هاديه وكيوت ..
أسما : خلاااص الأخضر وما بغير ههههه
أماني : بسأل أمووور ذوقها حلوو .. بس أخااف تقول قومي عني مب متفيجه لج ..
أسما : أكييييد بتنشغل بعرسها هههه
أماني : تعااالي أمي نحن ليييش نفكر بالعرس وبعدهم العرسان ما شافو بعض حتى ..!!
أسما : بس أحس عرسهم مطول ..
أماني : أكيييد ع الأقل يبي له كم من شهر ..
اسما : ما تدرين عزام بعد تصنيفاته غيرر شكل .. والله ما أصدق ان أمووور البيبي بتتزوج
أماني : صدقج والله حرااام أحسها صغنونه ..
أسما وهي تبتسم : اقووول امون هذا ذياب ياااي صوبي بتصل بج عقب
أماني : أوووكي .. يلا باااي
أسما : باااي
ذياب بقهر : قلت لج مليووون مرره بس ازقرج تيين ..!!
أسما لفت ويهها تأفأف : أوووفوو من العصر الجاهلي أحييد يقولن عن اللي يرفهن الرياييل جاريه ..!!
ذياب فاتح عيونها : صخي ..!! ماشي حيا بعد ..
اسما ابتسمت : أمززح انزين بس عيبتني الكلمه وأنا اقرا أمس بكتاب ..
ذياب : كتاب شو بعد ..؟
اسما : كتب أدبيه ..! كتب شو بعد ...؟
ذياب : هي ....
أسما : تبا تقرا ..؟
ذياب : قالو لج متفيج ..!! المهم تعااالي عطيني المحول ما أقدر أطلعه ..
أسما مستغربه : عندك اليسار انزين ..!
ذياب : أدررري بس هو مفعوص ورا الملااابس .. يبي له ساااعه ..
أسما تافاف : يالله متى تتعالج ونفتك من حشرتك ..
ذياب : تريي بس أصير زين بفلعج ..
أسما ابتسمت : خلاااص يابوووي سحبناها ..!
ذياب بتساؤل : على طاااري أبوووي ..!! سمعت عزااام خطب ..؟
اسما ابتسمت : هي خطب خلاااص وبيعرس ..
ذياب مستغرب : أروووى ..؟؟
أسما : له ..!! أخت أموون ..
ذياب مستغرب : منو أموون بعد ...!!
أسما : أخت ربيعتي ..
ذياب بدون اهتمام : انزين يلا عطيني المحول أباه ضروري ..
أسما : صح ذيااابو ..!
ذياب بملل : ها ..؟
أسما : مشعل ولد عمتي من زمااان عنه ...؟
ذياب : اش دراااني بعد .. ما قااام يسأل الهرم ..
أسما بقهر : لا تسب ..
ذياب ولا مبالي : شـ يخصج فيييه .. اقووول يلا عطيني المحول ..
/
.
/
عزام لف وهو يطالعه : خلاااص الحين بنروح ..
بو عزام : وين سويتو الفحص ..؟
عزام : اهني في الـمركز ....
بو عزام : هيييه .. خلاااص اليوم يعني أكيييد النتيجه ..
عزام : هي ترا يومين كفاهم ..!
بو عزام وهو يطالع موبايله : لو ما طلعت ... تباها تطلع اليوم ..؟
عزام هز راسه بالنفي وقال : لأأأ أكيييد طالعه وجان تأخرت عادي ..
بو عزام : آهاا ..
عزام : ها عيبوك الناس ..؟
بو عزام : يعني .. بس شكلهم زينين وعلى قد نياتهم ..
عزام : لا يغرك ترا والله عرجهم مافي أحسن منه ..
بو عزام : هي سألت عنهم .. بس الله يهديها أمهم جيييه اشتغلت فراااشه
عزام : عيالها كلهم كانو صغار ومن يوم أحمد تخرج وبدا يدرس ما رضت تطلع وقالت جي ولا جي بتم في الشغله ..
بو عزام هز راسه بتفهم وقال : هيييه ..
عزام وقف وقال : يلا سلااام .. عن أتاأخر ع الجماعه ..
طلع عزام وابوووه يطالعه متعجب .. عل وعسى هالزواج يخليه يصطلب ويعامل الأوادم مثل العالم والناس .. حتى أنا اللي أنا ابوووه ..! يعاملني جني أصغر عياله بس الشرهه علي يوم انك صغير عطيتك أكبر من حجمك ..
،
،
اليوم بستلم شهادتين ..؟؟
وحده دراسيه ..!!
والثانيه ..
نتيجه الفحص اللي بتثبت كل شي وبيتم بها مراسيم زواجي ...........!!
طالعت أحمد وانا متوتره : لااازم الفحص ..؟
أحمد وهو عيونه بموبايله : هـــي لااازم الله يهديج أمووور أحيدج متعلمه ..!
أميره بارتباك : لا بس أسأل ..
أحمد : ما عليج ان شاء الله كل شي يمر على خير ..
أميره وهي تطالع جنبها : وينه ..؟؟ تأخر ترا صج جبدي لاااعت ونحن نتريا ..
أحمد : ما بنــتأخر داااخل واايد .. ترا الا النتيجه ..
أميره بقهر : فكه .. جبدي لاااعت من كثر ما سحبو مني دم ذاااك اليوم ..
أحمد وهو يعابل بتلفونه : أميرررره صج راااضيه ...؟؟
أميره هزت راسها بايجاب وقاالت بحزن : والله ما رضيت الا عشااان خاطرك ..
أحمد ترك اللي بيده وصد يشوفها : أفهم من كلااامج بعدج مب راااضيه فيه ..؟
أميره بألم : راضيه ولا مب راااضيه كله وااحد يا أحمد ..
أحمد حس انه عصب وقال : خلاااص أنا بتدبر .............
أميره قاطعته : أحمد خلاااص أنا مقتنعه ....!
أحمد سكت وبدا يطالع برررع ..
أميره طالعت أحمد بحزن ان بالفعل أخووها منفعل ..
قالت بقهر : أحمد ليييش يدخلني بمشاكلك انت وياااه ...؟
أحمد : اسأليه ...!!
أميره مقهوره : شووف نهاية طيشك لوين وصلنا ..
أحمد صرخ : أميررره بس خلاااص اش فيج انتي ..؟ مستويه تتدخلين بكل شي ...؟؟
أميره بدت تصيح : أحمد والله غصب عني .. مب بيدي اسكت وأنا اشووف الموت جدام عيني ..
أحمد بعصبيه : قلت لج من بدايتها خلاااص بتدبر كل شي ..
أميره تصيح : ويموتك ....؟؟
أحمد تفاجأ : ليييييش كلمج ...؟؟
أميره ما ردت عليه اكتفت بانها تقول : حياااتي تخترب وتضيع أهووون من ان كل العايله تتشتت ..
أحمد تدارك أعصابه وقااال : مب باااجي شي ع نتيجة الفحص وكل هالكلام ما يفيد الحين .. شو تبيني أقول له لأنه قاايل بس نطلع تروحون المحكمه تملجون ...؟؟
أميره وهي تطالع برررع وتصيح : قول له مابا أملج اليوم .. يتريا علي لـ يوم الخميس ..
أحمد : ما بيتريا .. مكلم القاضي ..
أميره : الا هم يومين ما بيستوي به شي ...!
أحمد طالعها وقال : خلاااص امسحي دموووعج بننزل ..
أميره لفت تطالعه وقالت : آسفه أحمد ما كان قصدي ..
أحمد وهو يطالع سيارة عزام اللي وقفت قريب عن باركنهم : أنا اللي لااازم أتأسف كل السبب باللي يصير أنا ...
أميره يت بتتكلم بس أحمد تكلم بسرررعه وقال : يلا انزلي هذا عزام وصل ..
أميره رفعت طرف الشيله وتغشت بها .. مع انها ما تتغشى لأن أحمد مب من النووع اللي يجبر خواته يتغشن .. جان يبون برايهم .. بس اليوم انجبرت لأن ويهها ما يسمح ان أحد يشوفه وهي توها طالعه من نوبة بكاااء ..!! هذا غير وجود عزام .. اللي بيزيد انفعالها خلاال اللحظات القادمه ..
/
.
/
خآرج حدود الامارات ..
عمر وهو يطالع حمود مب مصدق : احلف بس ..؟
حمود : ذياااب كلمني ...
عمر : يا حيييه والله عزاااام وخطب ..!
علي : أخت خطيبتك ...؟؟
حمود بضيج : لأأأ حاول معاااه عمي بس مايبي بنت عمتي ..
عمر : خلوووه على كيفه عسب بااجر لا صاار شي ما يقول انتو اللي خربتو حياتي وحياة عيالي .. وبعدين عزام واااعي خلاااص بالتسعه وعشرين .. الريال بيصك الثلاثين وبعده ..
حمود : صدقك .. هو حرر باختياره ..
علي : الفال لنا ..
عمر ابتسم : البريطانيه نباااها ههههه
حمود : عسب ترد البلاد و تشوووف أمك متبريه منك ..
عمر : لا عاد ما تسويها امي ..
حمود : بس تأكد جانك خذيت وحده من غير لا تشاور أمك تأكد مليون بالميه ان أمك حبها لك بيختلف ..
علي : بس الأم مستحيل تكره ولدها ..
حمود : أدررري بس خلاااص تحسك كسرت من كلمتها وقلب الأم لااازم يحترق .. تخيل انت مكان البنيه وتزوجت من ورا شور أهلك .. كل الأهل بيعافون هالبنيه ..!!
عمر : بس البنت تفرق عن الولد ..
علي : بـ هالزمن يا رياال الولد والبنيه صااارو سواااء ..
حمود : صدقك والله .. أهم شي رضا الوالدين ..
عمر : جم بااجي ع الاجازه اللي قبل الامتحانات ..؟
علي : احتمال شهر ..
حمود : لأأأ ثلاث أسابيع ونص ..
عمر غمز لحمود : قووول لولد عمك يتريا ..
علي : هي صدقك نرد البلاد نشوف أهالينا وبالمره نحضر عرسه ..
حمود وهو يطالع عمر وعلي : بس أنا احتمال كبيرر ما راح أنزل الا عقب الامتحانات
عمر مستغرب : جيييه ..؟ وعرس ولد عمك ..؟
حمود : عندي تقديم .. وبعدين انتو أدرى .. وعزام روووحه داارس ويعرف كييف الدراسه برررع .. وتخيلو جان تأخرت طيارتي لااازم أعييد واسوي كل شي وأجدد الموعد من يديد ..
عمر : صدقك .. المهم تعدي هالأيام على خيررر ..
علي : أنا بتم بتدرب اهني ولما اخلص وبتخصص سنه عقب برد البلاد ..
حمود ابتسم : كلنا قلنا جي ..
عمر يبتسم : أضمن لك مب راااد البلاد الا وعمري ثمانيه وعشرين ..
حمود : ع الأقل انت داااش من بعد الثانويه على طوول .. مب نحن اللي بنرد البلاد ونحن صاكين الثلاثين ههههه .. يعني احسب لك اني برد البلاد واحد وثلاثين سنه ..!
علي : السنوات بتمر بسرررعه ان شاء الله ..
/
.
/
طالعته يتقدم من صووب أحمد وهو لااابس نظارته الشمسيه ويمشي بكل غرووور وفخر ..
قلت بخاطري الله ما يحبه هالمغرور المختال ..!! بس يمكن مشيته جي .. استغفر الله لا اخذ اثم بس ..
قال بصوت رجولي : السلام عليكم ...
أحمد رد عليه : وعليكم السلام ..
مشا عزام يساار أحمد وأنا يمينه .... وساااكته وأمشي بهدوووء ..
أحمد قال : تأخرت واايد ..
عزام : تدري زحمة الشواارع ..
أحمد وهو يشوف الساعه : صااارت 11 أكيييد النتيجه طلعت ..
عزام أشر على الكراسي وقاال : استريحي أميره أنا وأحمد بنسأل عن النتيجه ...
حسيت بقهر .. ليييش يكلمني ..! شو يخصه فيني ...! مسكت يد أحمد لا اردايا ...
أحمد أشر لي اني اروح أقعد .. مشيت بقهر وقعدت ..! وأنا بدااخلي بركااان قااابل للثوران ..
دعيت بداخلي تطلع النتيجه سلبيه ..!! بس حسيت انه ماشي أمل ..!! لأني ما أحمل الثلاسيميا ..! ولا عندي أي اختلال بالهيموجلوبين أو أي مرض وراثي .. دعيت دعااء بس استغفرت ربي بعدها وحمدت ربي ع الصحه ..!
يلست وأنا متوتره .. شفت كذا عايله يايين وبياخذون نتايج فحصهم .. ابتسمت بدااخلي أكييد كل هالبنات مستانسات بهاليوم ..!!
لكن هل ياترى في وحده مثلي ..؟؟
قلت بداخلي .. ! دامهم فحصو دمي .. ليييش اليوم يبوني مره ثاانيه .. خل يعطون نتيجة فحصي لـأخوي .. بس هم بالعاده لااازم يبون الطرفين .. ميره ربيعتي قاالت .. انهم لما يعطون النتايج هم يبون البنيه والولد ..
ما مرت ثواااني الا وأخوي مع عزام ياايين صوبي .. وقعد أحمد يمبي وعزام يمب أحمد ..
لاااحظت توتر عزااام وهو يهز ريوله ..
بغيت أسأل أحمد اش صااير .. بس فضلت السكوت بوجود عزااام ..
عزام قال وهو صبره نفد : قااايلين عشره ونص النتايج بتطلع وللحين الدكتوره مب مرتبه الأوراق ..
أحمد : تريا انزين الله يهديك ..
عزام : مب على شي ..!! بس أنا مواعد القاضي ..
أحمد سكت وما قال شي .. فهمت لييش ..
عزام وهو يطالع الساعه : عندي ميتينغ بعد اربع سااعاات ..
أحمد تكلم بعيد عن السالفه وحرارة الموضوع ودخل سالفة الشغل : هي الوفد اللي ياااي من يوم ..!
عزام : هي ..!
سكتت وأنا أسمع سوالف أحمد وعزام .. للحظه أحس أحمد أخووي كارهه كره العمى وبعد ثوااني يسولف ويااه كأنهم ربع روووح ..!!
الا وتيي وحده وتقول : عزام عيسى .. أميره عبدالله .. النتيجه طلعت ..
وقف عزام وأحمد وقف جان يمسك يدي .. وقفت يمب أحمد ومشيت معاه وأنا ماسكه ايده .. يمكن خووف من عزام .. أو عدم الشعور بالأمان وسط هالجو ..!
دخلنا للدكتوره .. عزام : السلام عليكم
الدكتوره ابتسمت : وعليكم السلام .. تفضلو ..
يلسنا ورمست : أميررره ..؟؟
رديت وقلت وأنا أهمس : نعم ..؟
الدكتوره : النتيجه طلعت ايجابيه والحمدلله دنتي أمر .. دمك مافيهوش حاقه ..!
ما رديت ع الدكتوره واكتفيت وقتها اني أنصدم وأعبر عن انصدامي اني أوقف وابي أطلع من الحجره ...
بس أحمد كان أسرع مني وقال بصرامه : ايلسي أميررره ..
حسيت وقتها ان عزام ابتسم ع الموقف لأنه تأكد اني انجبرت فيه ...!!
الدكتوره ابتسمت : ما فيهاش حاااقه البت بتستحي ..! وانته يا عزااام دمك كويس بس انته حامل الثلاسيميا ودنته عاارف ودا عاادي .. كتير اللي عندهم وما بخصهوش بحياة الانسان لأنو بتمارس حياتك طبيعي والحمدلله ده عكس المصاب اللي لااازم بيوفرو لو دم .. فأنت انسان سليم ..
عزام ابتسم للدكتوره وقال : هي أدررري فيني ..
الدكتوره مدت الورقه وقالت : دلوئتي هديكو الأوراأ والسبوتات بتاعت المحكمه ..
عزام قال : ما يبي له شي ثااني ..؟؟ بس هذا الفحص ..؟
الدكتوره ابتسمت : آآآه ( تضحك ) بس لو عااوز عادي نعملك ..
عزام : لأأأ يكفينا ..
الدكتوره وهي تمد الأوراق : يلا يا حبايبي دي أورائكو .. ومبروووك ان شاااء الله تعيشو بسعاااده ..
وقفت وانا أمشي وساااكته ..! أي سعاااده والتعاسه انولدت اليوم ...؟؟
أحمد قال لعزام : مبروووك ...
عزام وهو يمشي يمب أحمد : الله يبارك في حياتك ..
قربنا عن الباركنات وصلنا جريب سيارة أحمد .. قال لي عزام : مبرووك أميره ..
ما رديت اكتفيت بأني أصد الصوب الثاني واتنهد بضيج ..
حسيت بنظرات أحمد تاكلني .. بس بنفس الوقت حقك يا أحمد باخذه يعني باااخذه ..!
عزام وهو يطالع أحمد قال بغرور يبي يكسر خشمي عساس ما حركت فيه ولااا شعره : الحقني بنرووح المحكمه ..
أحمد طالعني وقاال : أميرره اركبي بيي لج الحين ..
اكتفيت بأني انصاع لأوامره وركبت وأنا أطالع صوبهم ..
بس اللي شفته علااامات الاستغراب اللي انرسمت على ويه عزااام .. بس آخر شي سلم على أحمد ورووح لسيارته ..
ركب أحمد وقال : كلمته قااال الخميس بتروحون تملجون خلاااص ..
سكتت وما علقت ..
أحمد باستغراب : بلاااج انتي ما رديتي ع الريال ..؟
قلت وأنا أغمض عيوني بألم : خذاني غصب خل يتحملني ..
أحمد عقد حياته : ترا الريال بعد يومين بيصير ريلج ..!! ماله دااعي هالأفلام الهنديه ..
دمعت عيوني واستغربت من ردة فعل أحمد البااارده ..!!! كل هذا سوااه في أختك وتسكت له
قال لي أحمد : مب من شي أقول لج .. بس خلاااص يوم يطيح الفاس بالراس ما ينفع .. المهم تشربين شي ..؟؟
قلت له : لأأ شكراا .. بس أبي أعرف نسبتي ..
احمد ابتسم ونسا سالفة الفحص وقااال : صدددق تعاالي اليوم نسب الثنويه العامه ..
قلت وأنا ابتسم أحاول أنسا همومي : نرووح المدرسه نييب الشهاده ..؟
أحمد : آفا عليييج الحييين نروووح ..!!
/
.
/
حسيت هاليومين مرو بأسرع ما يمكن ..!!
لو اني عروس أتمنى العرس .. يمكن كانو بيمرون بأبطأ ما يمكن لأني رح أعد الثواني واللحظات .. اللي راح تجمعني فيه ..~
بس أنا حاله استثنائيه اليوم .. لأني بالفعل أتمنى العقارب توقف لـ هاللحظه وحياتي توقف معها ..
حتى ما حسيت بطعم فرحتي بالنسبه ولا حسيت بطعم فرحتي بـ أي شي ذآك اليوم .. من اليوم رح أعلن ولادة التعآسه والهم والبكآء بـ حيآتي ..~
لأني بالفعل أتمنى ترجع الأيام لـ ورا وأصحح كل شي وأعيش حياتي لحظه بلحظه لأني ندمت على كثير أشياء و تولهت على أكثر منها ..
وعآني من خيالي صوت أمي وهي تقول : يما أميررره يلا ...
تقدمت عن الشيله بحزن وحطيتها على راسي .. قلت وأنا خانقتني العبره : ادعي لي ماما
كان ودي اقول لها ادعي علي ولا تدعين لي .. عشان أنتهي اليوووم ...
أمي مبتسمه : لا تحاتين بنتي باااجر بس تعرسين وتروحين لبيت ريلج بتتعودين ان شاء الله ..
قلت بابتسامه صفره وأنا ما أظن : ان شاء الله
طلعت للصاله شفت أحمد واقف يترياني .. طالعني وقال : ها جاهزه ..؟
هزيت راسي بمعنى هي ..
مشى أحمد وقال : لحقيني أنا في السياره ..
طالعت أمي وأماني وبدت دموعي تسيل ..
أمي مستغربه : يما أمييررره لييش كل هالخوف ..؟؟
أحمد صد ورا قبل لا يطلع من باب الصاله وقال : جان ما تبين برايج ...؟؟
أمي : الله يهديكم يا عيال الا هو زواج ..!! وبعدين خلاص الريال كلمنا .. وسويتو الفحص ..
أميره هزيت راسي بلا ومشيت وراااه ..
أحمد مسك يدي قبل لا نطلع من باب الحوي وقال : متأكده ..؟؟
ما رديت عليه اكتفيت بالدموووع اللي تعبر عن كل شي ..
أحمد رص ع يدي وقال : جان ما تبين قوولي ..!! عشان باجر لا تندمين ..!
قلت وأنا أغمض عيوني بألم : جي ولا جي يا أحمد نحن خسرنا كل شي ..!! ما ودي أخسرك يكفي خسرت أبوووي وأنا صغيره ...
أحمد شغل السياره وحركها : أميررره بعدنا ما وصلنا المحكمه .. قولي رااايج لأن بعده باااقي وقت ..!! ترا عقب ما بيكون بيدج شي تسوينه ...؟
احترت وأنا أطااالع برررع ودي أقول له هي أبا عشان ما يصير شي أكبرر وأصير عار لهم .. وودي أقول لأ .. لأن كل اللي قاعد يصير أنا مجبوره فيه ..
احترت .. وأخاف أندم على أي قرار أتخذه بـ هالثانيه ..
/
.
/
طلعنا من عند القاضي ومشينا للسياير ..
طالعني عزام وهـ المره ما قال مبروك .. حمدت ربي ان سكوتي أمس أثر فيه ..
أحمد باس عزام وقال له : مبروك ..
حسيتها طلعت من قلب أحمد .. بسسسس ليييش يا أحمد .. أنا أعرفك تكره عزاااام من اللي سواه ..
صد علي أحمد وقال : مبروك يا عروووس ..
قلت بدون نفس : الله يبارك في حياتك ..
ومشيت بسرررعه للسياره ...
طالعت عزام وأحمد يتكلمون .. سكتت وقعدت في السياره مديت يدي للمسجل أشغل البث المباشر وااايد أحسن لي ...!!
ما مرت دقايق الا وأحمد ركب مبتسم ..
طالعته مستغربه وقلت : أشوووفك مستانس ..؟؟
أحمد قال وهو يضحك : لا بس تذكرت سااالفه ..
قلت باستغراب وأنا أرفع حياتي : هي ..!
أحمد حرك سيارته ولحق سيارة عزام ..
طالعت أحمد وقلت : ليييش لاحقنه ..؟؟ جان عندك شغل وصلني البيت والحقه ..
أحمد هز راسه وقال : لأأأ ما عندي شغل ..
قلت : انزين لييش ساير من هالدرب ...؟؟
أحمد : عزام عازمنا ع الغدا ..
قلت وأنا مستغربه : ومنو قااال ..؟
أحمد : هو طلب مني وما قدرت ارده ..



انتهى /~


ღ همسه ღ



حينما أريد إضافة رد ’ يمنحني خيآرآن
إرسآل الرد أو معآينة المشآركة ..
تمنيت لو كآن ..~ يتوفر في الحيآة خيآر [ المعآينه ] هذآ ,,
حتى نستطيع تعديل مآ يمكن تعديله
وحتى نستطيع تدآرك كثير من الأمور ,,
لكن الحيآة لآ توفر إلآ خيآر الإرسآل والإسترسآل ..
ثم يبدأ / آلندم ..!



.
.
.


 
 توقيع : قمرهم كلهم




رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 12:20 PM.


Powered by vBulletin Version 3.8.8
Copyright ©2000 - 2024, Jelsoft Enterprises Ltd Trans
new notificatio by 9adq_ala7sas
HêĽм √ 3.0 BY: ! ωαнαм ! © 2010
جميع الحقوق والطبع محفوظه لدى موقع بنوتة نت ©2007 - 2009

a.d - i.s.s.w

المنتديات العامـﮧ - لڪل طريق بدآيـﮧ ۈهنآ بدآيتنآ - الاسلام والشريعه - زآۈيـﮧ حرهـﮧ - طآۈلـﮧ آلنقآش - أقســآم حــواء - مآئدهـﮧ بنوته - ڪل مآيشمل حۈآء العامه - منتديات ادبيـﮧ و شعريـﮧ - الشعر والخواطر والقصائد - ڪآن يآمآ ڪآن -منتديات ترفيهيـﮧ - آلسفر - آلسيآحـﮧ - فسحـﮧ بنوته - وسـعُ صدرڪ - نجۈم آلملآعب - منتديات التقنيـﮧ - صۈر - ڪآريڪآتير - آلڪمبيۈتر - آلآنترنت - سلـﮧ مصمم - Baѕket Designer - منتديات اداريـﮧ -  قسم الصوتيات والمرئيات للهواتف  - عآلم آلسيآرآت - الحياة الأسريه -  قسم الطلبه وحقيبه الطالب  -  قسم للفـن العـامــ  -  قسم للسينما  -  قسم الانمي والدرامه الاسيويه  - المنتديات الرمضانيه - فـَنْ الـدِيَكْـوورَ, -  قڛم ديـڕتي  - مقآطع آليۈتيۈب YouTube -  قسم تجهيز العرائس  - آلطب ۈآلصحــﮧ - مآسنجر - تۈبيڪآت -  قسم الهواتف العامه  -  قسم العاب الهاتف  - قسم الرسائل sms و mms - منتديات الفنون -  قسم المقابلات  - المنتديات الفنيه -  قسم الافلام العربيه  -  قسم المسلسلات والمسرحيات  -  قسم الافلام الاجنبيه  -  قسم افلام الكرتون  -  قسم sports TV  -  قسم لأرواحنآ هذيـآن  - المواضيع المميـــزة - المســـابقــات - [ ڪـُـرســِي آلإعـتـرآف ] - تصويت كرسي الإعتراف - منتديات الاعضاء - [ جِـسـرُ ـآلتوآصـُـل ] - عدسـة الأعضـــاء - ڪل مآيشمل آدم - عالم الطفل -  قسم iPhone  -  قسم Blackberry  -  اقســام ادم  -  قسم نجوم بوليوود وهوليوود  - للروايات المكتمله -  قسم صور الانمي -  قسم فديو الانمي  - N E W S ~ حدث الساعه - قصص الانبياء و الصحابه - صوتيات ومرئيات اسلاميه - مَسسَآاحـﮧ لِ خِدمَـة ﯘ تَـڸـبِيَة طَلبَآات الْأعضَاء - أدَواتْ ۈ مُلحًقاآت ۈ دُروس تَصمٍيم - تصاميم جاهزه-رمزيات جاهزه-تواقيع جاهزه -اكشِن-ايطارَات-بَاترن-خطُوط-خامَات-فرًش-سكِرابٍزْ لِ التَصمِيم - درُوس فوتوشوب-درُوس تَصاآمِيم - شرح خصاآئص المنتدى - خاآص بِ الترقيـﮧ والتهنئـﮧ - أفڪآر من ذهب - موآضيع ما تظهر فيها الصُصُصُور - عُذوبَهہ متًجدِدهہ - المڪتَب الإدآري -مطبخ بنوته الرمضاني-اكلات رمضانيه 2011-وصفات رمضانيه-حلويات رمضانيه2011 - حلويات-دروس تحضير حلويات-حلويات مطبخ بنوته - قسم تفسير الاحلام - صُـور لِلتًصمِيمْ - بنوتة ask me - عصيرات-مشروبات ساخنة-عصيرات مثلجـه-آيــس كــريم - منتديات متخصصة iphone - منتدى شروحات الجيلبريك - منتدى برامج السيديا ( Cydia ) - منتدى برامج الايفون والايباد 


d3am - by kious99 : Search Engine Friendly URLs by vBSEO 3.3.0