هل تريد التسجيل في منتديات بنوته ؟
إحصائيات المنتدى: المواضيع: , المشاركات: , الأعضاء:
إحصائيات المنتدى: المواضيع: , المشاركات: , الأعضاء:
|
|  |
| التميز خلال 24 ساعة | |||
 العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم |
المشرفة المميزه |
قريبا | بقلم :  | قريبا | قريبا |
| |||||||
 |
| | LinkBack | أدوات الموضوع | انواع عرض الموضوع |
| |
06-07-2010, 12:46 AM
| #1 (permalink) | |||||||||
|
مستشار المؤسس ~  
| 
رد: بنات عز وقلبهم ماعزهم >>رواية رومنسية جريئة (سعودية) انا :
قمرهم كلهم ريما>> اتخيلي نمت وانا لافة المنشة لين اليوم الصباح اتروشت .. بعيدن تعالو ايش هذي المنشفه الي جايبنلي هيا يارمم نوارا>> هههههههههههههههههههه حلوة صح ريما>> مررررررررة قصيرة مرة رنيم> لازم لزوم الإغراء جات ام ريما ووقفت عند الباب>> لولولولولولولولي مبروك ياعروسة قامت ريما وسلمت على امها ام ريما>> هيا قبل ماتتأخرو رنيم>> يلا روحي سلمي على بابا انا بجيب لك عبايتك ريما>> كدا بهذا اللبس استحي نوارا دفت ريما > يلااااااااااا روحي راحت ريما مع امها وخرجت تسلم على ابوها شهد>> عارفني ليش ريما امس ماقدرت تكمل مع طلال هتون>> مسكينه تفكيرها كلو مع انس رنيم>> من جد ترى احسها مو متقبله فكرة انها تتزوج احد غير انس نوارا>> عادي مع الوقت بتتعود خلود >> مااتوقع كلهم لفو على خلود العاده خلود ماتحب تلعب خلود>> خير تطالعو فيا رنيم>> لا بس غريبة اول مرة تحسي بأحد خلود>> ليش قالو لك ماعندي احساس رنيم>> لا مو كدا يووووووه فهموها هتون>> قصدها انها مستغربة من ردك خلود>> لانو ريما لما تحب...تحب بكل مافيها مو بس بقلبها.... فشي طبيعي انها ماتتقبل احد يلمسها لانو قلبها ساكن في انس وتبغى الي يلمسها انس فهمتو ياهبل شهد اتنهد>> الله يعينها ابوريما> الف مبروك ياامي ريما>> الله يابرك فيك يابابا ابوريما>> هيا طلال شوف هذي اول ليلة ريما ماتنام في سريرها طلال وهوا يطالع في ريما >> جات ونامت في قلبي ريما قرب طلال من ريما وباس يدها هتون جابت العباية >> يلا طلال طل في الساعه >> ايوا عشان لانتاخر لبست ريماا العباية ونزلو كلهم وركبو السيارة مع ابوريما ابو لينا لبس وخلص واستعد لرحلة اليوم على فرنسا لينا>> بابا لما توصل كلمنا ابو لينا>> ان شاء الله يابابا.. محمد انتبه للينا محمد>> لاتوصي حريص ابولينا>> انا احاول اذا خلصت من رحلاتي امرك على الشرقية محمد>> الله يحيك ياعمي تنورنا سلم ابو لينا على محمد وحضن لينا وباسها في خدها>> خلاص يالينا ابوكي حياخذ حقك من طلال لينا >> الله لايحرمني منك شال ابولينا شنطتو وخرج من البيت وركب السيارة وطلع المطار رجع خالد من العمل ودخل البيت وكانو امو وابو في الصاله قفل خالد الباب>> السلام عليكم ام خالد>> وعليكم السلام ورحمة الله خالد>> اتغديتو ولا لسة ابو خالد>> لا لسة نستناك .. يلا ياام خالد خليهم يجهزوا لأكل قامت ام خالد عشان يحطو الغدا وجلس خالد مع ابو في الصالة ابو خالد قفل الجريدة >> ماشاء الله لحيتك طالت غريبة ماهبلة في نفسك المرة دي ولا هذي موضة وانا ماادري خالد ابتسم لأبو >> لا ياابويا ايت موضه الله يطول في عمرك انا مربيها ابو خالد>> بس الحق لله ياولد انو وضعك دحين عاجبني خالد>> الحمد لله ابو خالد>> بس ياخالد ماسرت تطلع كثير ولاسرت تروح وتجي مع اصاحبك طول الوقت في البيت تتفرج تلفزيون ولا في الشغل خالد>> والله ياابويا كدا اريح ابو خالد>> الله يريح قلبك .. بس ياولدي ربي هداك والحمد لله وسرت تصلي فرضك في المسجد وماتخبص زي اول ليش ماتكمل دينك وتتزوج زي طلال صاحبك خالد>> ان شاء الله ياابويا ابو خالد>> الي تبغاها اشر عليها وانا زوجك هيا خالد>> خلاص انا اذا ابغى اتزوج امي الي تختاري لي العروسة ابو خالد>> خلاص على بركة الله ....انت بس شد الهم واحنا نخطب لك احلى بنت في جده ام خالد>> يلا تعال الغدا خلص قام خالد وابو وراحو يتغدو وصل ابوي لينا المطار وسلم على اصاحبو ابولينا>> اقولك متأكد انو طلال الي قلت لك علية معانا في الرحلة >>> عيب يارجال طلال محمد الفــ؟؟؟ وزوجتو ريما هشام الــ؟؟؟ حاجزين درجة اولى ابولينا>> طيب كلم عمر وقولو يطلع كيكة زواج وخلي يحط لها كرت عليه الف مبروك من غير اسم >>> ابشر انا دحين اكلم عمر ابولينا>> الله يسلمك يلا سلام عليكم شال ابو لينا شنطتو وطلع على الطيار وصلو المطار ونزلو عفش ريما وطلال وجهز طلال كل شي وقطع البوردنق وجلسو في الصالة يستنو إعلان الرحلة ابو ريما جالس مع طلال والبنات وام ريما جالسن وراهم ام ريما قربت من ريما>> بنت..... امس خلاص ريما رفعت حاجبها لأمها>> ايش خالص ام ريما >> ياغبية يعني لسة بنت ولاخلاص سرتي حرمة ريما وجهها سار الوان >> ماما عيب ام ريما>> هههههه وه ياندامه.... مسوية تستحي ريما ووجهها محمر>> ايوا ياماما استحي ام ريما>> المهم سار ولا لسة ريما ماعرفت ايش تقول صرفت لأمها من عندها>> ايوا سار ام ريما>> مبروك عقبال الحمل ريما>> ان شاء الله ابو ريما>> خلاص انت لما تروح هناك اسئل عنو هوا يشتغل في السفارة وراح يساعدك في كل شي طلال>> ان شاء الله انو كل الأمور متسهله ولاتنسى ياعمي انا اتعودت على حكاية السفر والغربا وانا في امريكا ابو ريما>> الله يوفقك يارب تلعن الخطوط الجوية العربي السعودية عن رحلة 4940 والمتجه بإذن الله إلى فرنسا نروج من جميع حضرات الركاب التوجه للبوابة وشكرا طلال طال في التيكت >> هذي رحلتنا 4940 قام طلال ولف وجهو على ريما>> يلا ياريما هذي رحلتنا يالله ريما لما طلال قال لها يلاحست بضيقه وغربة فظيعه خلاص بتروح وتسيب بنات عمها واهلها وصحباتها وبلدها ووناستها واهم شي من هذا كلو حبها وذكريات وانس قامت ريما وسلمت على امها وحضنتها بقوة حضن وداع وامها تبكي وهيا تبكي طلال>> خلاص حبيبي كلها كم سنه وتعدي وكل إجازة ننزل سلمت ريما على بنات عمها وهيا تبكي وتحضنهم بقوة وتوصيهم على بعض خلصت ولفت على اختها وحبيبتها وعمرها رنيم حضنتها بقوة وسارو ريما ورنيم يبكو مسحت ريما عيون رنيم>> خلا ص لاتبكي بنات عمي معاكي وانا كل يوم راح اكلمك رنيم>> انتبهي لنفسك وحاولي تنزلي شبكة البنات ريما>> ان شاء الله قربت ريما من شهد >> شهد اذا شفتو انس قولو لو ريما تقولك هيا في فرنسا وقلبها وروحها عندك في جده شهد حضنت ريما>> طيب راحت ريما وحضنت ابوها وسرات تبكي وابوها يبكي>> لاتبكي يانور عين ابوكي واحنا راح نطلع لك كل فترة لاتخاف وكلها كم سنة تعدي يابنتي ريما>> بابا الله يخليك انتبهي لنفسك ابوريما>> حتى انتي يابابا لاتسني ادويتك حبيبي وانتبهي لصحتك ريما> طيب مد طلال يدو لريما ومسكها ودخلو مع بعض صالة الرحلات الخارجية قطعو التذاكر وطلعو الطيارة خرجوالبنات وهما ميتن من البكى على ريما وركبو السيارة ابوريما وهوا يبكي>> خلاص لاتبكو يابنات الله يرضى عليكم ريما راحت مع زوجها والله يوفق لها ام ريما>> امين يارب رنيم وهيا تبكي >>> بس يابابا البيت فضي عليا ابوريما>> خلاص ان شاء الله انتي كمان يرجع راكان من فرنسا ونزوجك ونرتاح منك ههههههههه يلا خلاص لاتبكو واليوم انا عازمكم على احلى تمشية في اليخت شهد>> لا ياعمي بنروح البيت مالنا نفس ابوريما>> انا قلت بنروح نتمشى يعني بنروح راح اوريما على الشالية حقهم وكلم الحارس يزبط لهم اليخت عشان يطلعو في ركبو ريما وطلال الطيارة وجلسو على الكرسي مسك طلال يد ريما>>> حبيبي لاتزعلي نفسك خلاص انا مااكفي ياريما ريما وهيا تبكي شكلها يزنن كأنها بيبي>> بس انا ابغى بابا وماما ورنيم وبنات عمي طلال>> حبيبي حبيبي لاتبكي والله كلها كم سنة تعدي زي البرق وكل إجازة راح ننزل السعودية >> شوف هذا الي هناك طلال ابولينا>> وهذي مرتو >>> ايوا ابولينا>>> والله قطعه محترمه مرتو ... حلوة >>> ابوها اكبر تاجر سيارات في جده | |||||||||
 |
|
| مواقع النشر (المفضلة) |
| الذين يشاهدون محتوى الموضوع الآن : 28 ( الأعضاء 0 والزوار 28) | |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| لايفوتكم بنات السعودية | Ǻ6ł8→βήŏţąђ | وسـعُ صدرڪ | 7 | 09-27-2011 04:24 PM |
| |
العرض المتطور
