منتديات بنوته - عرض مشاركة واحدة - بنات عز وقلبهم ماعزهم >>رواية رومنسية جريئة (سعودية)

06-07-2010, 12:45 AM

البارت 92

اول شي اتمنى من الجميع الدعاء لخالي بالصحه والعافية جاتو جلطة ومرة تعبان

طلال وهوا ماشي بالسيارة ريما كاشفة وجهها وحاطة الطرحه بس كدا على راسها

مسك طلال يد ريما وباسها >> الف مبروك يااحلى زوجه بالعالم كلو

ريما مرة مستحيه من طلال مااتعودت عليه لسة> الله يبارك فيك

شغل طلال المسجل على اغاني غربي كلاسيك وطول الطريق هوا يتغزل فيها ويدلعها

راح انس البيت ودخل غرفتو ويحس الدنيا سووووووووووووده في وجهو خلاص ريما وقلبها وروحها وجسمها كل شي سار لطلال خلاص ريما ماضي وانتهى

ركز انس راسو على السرير وجلس يتذكر

انس>> ريما يعني ماراح تاخذي غيري

ريما>> طبعا لا انس انت الحب والعشق والغرام

انس>> اموووووووووت انا

ريما>> لا ياقلبي بسم الله عليك انس لاتقول كدا ترى مالي حياة من دونك

انس>> طيب تخيلي لو اتزوجتي واحد غيري

ريما>> فال الله ولافالك ماراح يسير طبعا

انس>> انا اقول اتخيلي

ريما>> مااتخيل شي ماراح يسير ولو حتى لو سار بيكون في الأحلام

انس>> اااااااااه يارب ياريما

ريما>> انس

انس>> ياعيونو

ريما>> اموووووووواه احبك هههههههههههههه

انس>>ههههههههههههههههههه وانا اموت اموت اموت فيكي

حط انس يدو على ارسو وسار يبكي >> اهو سار الشي الي عمرو ماراح يسير اهو ياريما اتزوجتي واحد غيري واليوم انتو الأثنين على سرير واحد اااااااااااااااااه ياقلبي انتي اليوم في حضن غيري ااااااااااااااااااااه ياريما اااااااااااااااا

وصلو رنيم وبنات عمها بيتهم بعد ماوصلو مروج بيتها

دخلو وغيرو ملابسهم وجلسو فوق السرير في الغرفة

رنيم وهيا مضااااااااااايقة >> يالله فضي البيت من جد احس الغرفة مالها داعي من غير ريما

شهد>> من جد احس لها مكان كبييييييييييير في البيت

خلود >> ايت مكان كبييييييييييييير عادي كلها سرير شيلي ووسعي الغرفة

رنيم>> يلعن ام الأسلوب الي زي كدا

نوارا>> من جد هههههههههههههههههههههه

هتون>> بنات ايش تتوقعو ريما جالسة تسوي دحين

رنيم وهيا متأثرة>> ياحياتي تلاقيها تقشر بطاطس

البنات جلسو يضحكو على اسلوب رنيم

هتون>> الله يلعن شكلك

دخلو ريما وطلال في سويت كبير في فندق جده وستون على البحر دخل طلال وطلب العشا وريما دخلت الغرفة وقبل ماتقفل الباب طلال حط يدو

طلال >> ليش تقفلي الباب

ريما وهيا تبغى تتقطع من الحيا>>> ابغى اغير ملابسي

طلال>> طيب غيريها حتى انا ابغى اغير ملابسي

دخل طلال الغرفة وفسخ المشلح وبعدين الغترة وبعدين الطاقية والعقل كانت بجامة طلال وقميص ريما مفردين على السرير وحولينها ورد جوري احمر

طلال لف وجهو على ريما >> يلا غيري

ريما نزلت راسها على الأرض>> ها..... طيب بعد ماتغير انت

طلال جلس على السرير بالثوب >> ماني مغير اول شي انتي وبعدين انتي تغيري لي وتلبسني مو انا زوجك

ريما خلااااااااص تتمنى الأرض تنشق وتبلعها طلال حس في ريما واتجنن على حياها من جد في بنات يستحو زي كدا؟؟

طبعا ياطلال هذولا بنات الناس كدا بس انت مستغرب لانك للأسف ماشفت غير الشريحه السئية من البنات

قام طلال وباس راس ريما >> خلاص حبيبي غيري على راحتك ولما تخلصي ناديني عشان انا كمان اغير ملابسي

هزة ريما راسها انو طيب طلع طلال وقفل وراى الباب وجلس على الكنبه يكلم نفسو >> يالله من جد هذي الي كنت اتمنى اشوفها.... تستحي وتخجل وتخاف.... يالله من جد تاخذ العقل يارب يتخليها ليا ولاتحرمني منها ياااااااااارب

قفل طلال الباب وركزت ريما ظهرها على الباب واخذت نفس وونزلت دوعها >> ااااااه ياربي ليش ماكنت اتمنى احد غير انس يارب احبو وماابغى غيرو

راحت ريما وفسخت الفستان والجيبون والعفش الكثير الي هيا لابستو والدموعه ماوقفت من عينها ماهي متخيله انها بتنام مع احد غير انس ..... رفعت ريما القميص من فوق السرير وطاحت منو ورقة دنقت ريما وشالت والروقة الصغيرة

ههههههه شفتي حتى في دخلتك احنا معاكي
وترى مركبين كمرات يعني اتفنني عشان نعطيكي ممتاز
مزون وعجيز وتكو ومطوع كول وكتكوته مفلوته وسيد قشطة
نحبببببببببببببببببببك

ريما قرت الورقة وابتسمت وسط الدموع الي معبية وجهها على الكلام المكتوب من جد رايقين بس الروقة ريحة نفسيتها وهدت اعصابها لبست ريما القمص الأبيض الطويل وفكت شعرها الكوفيرة سوت لها حركة لما تفك البنس تسير تسريحه تانية بس مررررررررة سمبل حطت عطر ومسحت دموعها وصلحت مكايج عينها عشان طلال لا ينتبه وفتحت الباب

خرجت ريما وهيا مخنوقه وميتة من القهر مو هذا الي هيا تبغى مو طلال الي كانت تحلم تلبس لو هذا القميص بس مابيدها شي ماتقدر تسوي شي خلاص انكتب عليها فراق انس مسكت ريما الروب حق القميص عشان لايبان منها شي خجلانه

طلال اول ماشافها على طول صفر>> فيووووووووووف ايش الجمال هذا ياناس قمر ياناس عسل

ريما ووجها حمر وحست بحراره

قرب منها طلال وباس خدها بدلع>> اموت انا في اللي يستحو .. اديني دقايق حبيبي ادخل اغير ملابسي وتنعشى سوا اوكي

ريما>> طيب

دخل طلال الغرفة وريما غيرت ملامحها لكره تكرهو ماتبغى هوا الي فرق بينها وبين انس... ..وبسرعه طلال فسخ الثوب ولبس البجامه الحرير البيضة ومشط شعرو واتعطر وخرج لريما

طلال>> يلا حبيبي ادري انك ميتة جوع

ريما>>> ها لا انا شبعانه كل انت بالعافية

مسك طلال ريما من يدها وجلسها قادمو على الطولة الي عليها العشا والشموع ...وحط لها اكل وسار يأكلها بنفسو عارف انها راح تستحي وماتكل .. اكل طلال ريما طبعا مااكلت كثير واكل هوا وشربو عصير وقام طلال

مد طلال يدو لريما >>يلا حبيبي

ريما مدت يدها وهيا تتنفض مسك طلال يدها >> لالا ياعمري لو كنت خايفة انا انام في الصالة
سبحان من نزل هذي الحنية على طلال

ريما ماقالت لو ولاكلمة بس في نفسها> ياريت ياشيخ تنحرق مو تنام في الصالة

طلال >> طيب ممكن

مد طلال يدو لريما واخذها معا على الغرفة

دخل طلال غرفة النوم وقفل الباب وحط ريما على السرير وجلس عند رجولها

طلال>> ريما والله والله والله اني عمري ماراح ازعلك ولااكدر خاطر وطول عمري اسوي الي يريحك ويرضيك ريما انتي بنت ناس وانا راح احطك تاج على راسي ولو ظهرة مني أي ذلة منك العفو والسموحه

طالعت ريما في عيون طلال..... ريما احساسها مايكذب.... واحساسها المرة دي يقول طلال صادق بس هيا ماتحبو تحب انس ممكن تتقبلو بس ماراح تحبو وتعشقو

ريما نزلت راسها على الأرض عشان طلال مايشوف وجهها وفيها الف علامة كره لطلال>> الله يقدرني واسعدك

طلال ابتسم لريما يالله حتى صوتها بريئ>>> ويقدرني اسعدك

قرب طلال من ريما قامت ريما صدتو وحطت يدها على كتفو

ريما >> طلال خلينا نصلي ركعتين عشان ربي يبارك لنا في حايتنا

طلال مسك يد ريما وباسها من جوا>> حاضر يااغلى شي في عمري

دخلو ريما وطلال الحمام واتوضو ووقف طلال هوا وريما وصلو اول مرة طلال يصلي من 9 او8 سنين اول مرة يحس انو ربي قريب منو لدي الدرجه اول مرة طلال يحس براحه وهوا يقرأ قران صلى طلال وصلت ريما
فسخت ريما العباية وصلحت شعرها وطبق طلال السجادة الي كان هاجرها ايام وسنين

سبحان الله انك لاتهدي من احببت ولاكن الله يهدي من يشاء امكن تكون هداية طلال وطلاحو على يد ريما الله اعلم

وبعدين
7عييييييييييب
7
7
7مشفففففففففففففففففففففففر
7
7
7
في بزروة هنا