منتديات بنوته - عرض مشاركة واحدة - بنات عز وقلبهم ماعزهم >>رواية رومنسية جريئة (سعودية)

06-07-2010, 12:36 AM

البارت 91

هتون>> يلا باي

فهد>> هتون لاتقولين باي

هتون>> اوه نسيت الله وياك

فهد>> ايييييييييه شطورة فهمت الدرس

هتون>> طبعا

فهد>> يلا حبيبي في امان الله مع السلامة

هتون>> مع السلامة

قفلت هتون من فهد وحطو راسهم ونامو وقفل فهد وحس براااااااااااااحه لما سمع صوت هتون وحط راسو ونااااااااااااااااااام

هذا اول يوم يمر على ريما وانس وهما بعيد عن بعض مر اليوم الأول واليوم التاني والبنات مشغولين في جهاز ريما ناس تشتري الملابس وناس المكياج وناس العطور وريما كل يومين تروح البوتيك عشان تشوف فستانها الي طلبتو من بيروت وصل ولا لاء وزي أي مخطبوين ريما وطلال يجلسو بالساعات على التلفون وكل ماتقفل ريما من طلال تحس بخنقة ماتعرف سببها عقلها بدأ يتقبل طلال بس قلبها رافضو ومو راضي ببديل لأنس

و كل يوم ريما توقف على الشباك قبل ماتنام توصي القمر يوصل سلامها لحبيب قلبها وكل يوم انس قبل مايروح العمل يمر على بيت ريما ويوقف عند شباك غرفتها يرسل سلامو مع العصافير ويروح العمل

عاشو ريما وانس فترة صعبه وايام اصعب كل واحد يبغى التاني بس مو قادر يوصلو وطلال طول الفترة حبوب وطيب وياخذ العقل يعامل ريما بحنان ودلع مااحد يتخيل انو يطلع من طلال هذي الدنيا مو كل شي نتمنا نلاقي ريما طلال بدأ يحركها ويغير نفسيتها لاكن انس المسكينه كل يوم يجلس يتذكر ريما يروح الاماكن إلي كان يروحها مع بعض

وطلال كل يوم يحس انو ريما هذا الحلم الي كان يتمنى يحبها... لا مايحبها يعشقها طلال اتغير عشان ريما طلال ترك كل اصحابو ....سار طول وقت يخرج مع ريما ويتعشو سوا ويطلعو البحر سوا.... طلال سار يحب الهدوء عشان الهدوء يذكرو بريما ريما هادئة زي الفراشة بعكس انس الي سار بعيد عن البحر لانو البحر في نظرو ريما .... سار مايطلع من البيت طول وقتو في الغرفة

هتون بدأت تتعلق بفهد كل يوم يكلمها وكل كم يوم يتقابلو وفهد بدأ يحب هتون ويتعلق فيها عبد الرحمن راح وعمر الزعل ماراح يرجعو راكان سافر فرنسا وباقي كم يوم على المعرض ومشغول مع لوحاتو

لين جا يوم الفرح

كلهم كانو بايتين في بيت ريما اخر يوم لريما وسط اهل اخر يوم لريما تنام على سريرها الي كانت كل يوم تكلم منو انس الي كانت كل يوم تحلم في بأنس اخر يوم لريما في جد لمدة 3 سنين اخر يوم تنام وسط بنات عمها واعز صحباتها مروج

صحيت ريما بعد الظهر دخلت الحمام وصلت البنات كلهم نايمين حست ريما بخنقة ماتدري ليش فتحت الشباك واخذت نفس واول مالفت عيونها جات في عيون انس ... انس عرف انو اليوم فرح ريما مو قادر يتخيل انو خلاص ريما بتروح من حياتو ومن البلد الي هوا عايش فيها ريما ماقدرت تمسك نفسها نزلت دموعها من غير ماتحس هذا انس هذا حبها وعشها نزل انس عيونو في الأرض وركب السيارة وراح الشركة قفلت ريما الشباك وراحت جري على السرير حقها واخذت جوالها واتصلت على انس

انس في السيارة مخنوق مو عارف ايش يسوي

لانو لطلتك هيبة كما هيبة ملك
انا في حضرتك مااملك إلا ارتبك

هيبة ملك

اخذ انس الجوال ورد على ريما>> الو

ريما حست بلأمان بالحب هذا الصوت الي تحب هذا النبرة الي تعشقها>> احبك

انس ماقدر يتحمل وسار يبكي>> وانا والله اموت فيكي وربي ياريما وماني قادر اتخيل انك بتروحي من بين يديني بس مافي يدي شي انت خلاص اتزوجتي ياريما

ريما سارت تبكي>> بس انا احبك للحين ولو تبغى دحين اشرد معاك

انس>> ااااااااااه ياريما ااااااااااه ماتتخيلي ايش سار في الأسبوعين دي وربي احسها دهر مرة عليا

ريما>> تعال ياانس الوقت لسة معانا

انس>> ريما الله يوفقك ويسعدك انتي عمرك ماراح تكوني ليا

ريما>> انس انا قلت لك عمري ماراح احب غيرك والله العظيم

انس>> وانا قلت لك عمري ماراح اتزوج غيرك

ريما>> طيب اسمع

انس>> مع السلامة ياريما اونتبهي لنفسك وصدقيني عمري ماراح انساكي

ريما >> انس انا

انقفل الخط في وجه ريما

رمت ريما الجوال ودخلت الحمام وسارت تبكي تحب انس ماهي قادرة تنسى لا طلال ولاغيرو ينسيها عشقها لانس

وصل انس المكتب ودخل الحمام غسل وجهو وراح يكمل شغلو

تعلن الخطوط الجوية العربي السعودية عن قدوم الرحلة 4489 والقادم من مطار كولالمبور

راح ابو لينا عند الباب ينتظر لينا ومحمد

ليناماسكه في يد محمد وهيا خارجه من الباب شافت ابوها واشرت لو بيدها

محمد>> الحمد لله على السلامة ياعيني

لينا وهيا تحضن محمد من كتفو >> ياعمري الله يسلمك

راحو محمد ولينا عند ابو لينا واول ماوصلت لينا رمت نفسها في حضن ابوها

ابولينا>> هلا والله بحبيبت بابا

لينا وهيا حاضنة ابوها >> وحشتني وحششششششششششتني

ابولينا> وانتي اكثر

جا محمد وسلم على ابو لينا

ابو لينا وهوا حاضن بنتو>> الحمد لله على السلامة

محمد>> الله يسلمك ياعمي

ابو لينا>> ها ان شاء الله انبسطو

محمد>> الحمد لله ماقصرت ياعمي

ابو لينا >> يلا تعالو

راحو جابو الشنط وراكبو السيارة رايحين البيت

ابو لينا>> الحمد لله على السلامة ياعرسان

لينا ومحمد >> الله يسلمك

ابو لينا>> نورت جده

لينا >> بوجودك يااحلى اب في العالم كلو

ابو لينا >> يلا دحين نروح نودي الشنط البيت وانا عازمك على احلى اكله في احسن مطعم وحكوني ايش سويتو في ماليزيا من طق طق لسلامو عليكم

محمد>> ماتقصر ياعمي

صحيو البنات وصحيت ام ريما والبيت بدأ في الرجه والحوسة مشغلين المسجل على أعلى شي واغاني مصري وعربي وخليجي وكلها فرشة وفرح والبنات يرقصو ويستهبلو الي تطلع ملابسها والي تتروش والي ترقص والي تاكل وريما جالسة فوق السرير بالها كلو مع انس

ريما تكلم نفسها >> والله يحبني بس ليش اتخلى عني وليش رفع صوتو داك اليوم ... بس لو مايحبني ماكان جا لين البيت في دا الوقت .. اف ياربي ياربي انت الي كتبت لي طلال ياربي رضيني بنصيبي اااااااااااااااااااااااااااااااه

جات مروج جمب ريما ونطت على السرير

مروج وهيا تاكل ساندوتش >> ريما تبغي

قربت مروج الساندوتش من فم ريما >> كلي كلي

ريما بعدت الساندوتش>> مالي نفس

مروج وهيا تاكل>> ليش اشبك هذا كلو عشان بتتزوجي

ريما طالعت في مروج نظرة مروج تعرف ايش وراها

مروج>> ريما ايش في

ريما عضت شفايفها عشان ماتبكي ورفعت عيونها على فوق >>> اليوم شفت انس

مروج وقفت اكل>> فين ؟

ريما >> صحيت الظهر وصليت وفتحت الشباك ولقيتو واقف تحت عند البيت

مروج>> ايش يبغى

ريما>> عرف انو اليوم فرحي

مروج>> ريما مافي احد في جده كلها ماعرف انو اليوم فرحك

ريما>> بس ليش جا .. ليش

مروج>> طيب قال شي

ريما >> اتصلت علية

مروج>> ريما ليش سويتي كدا.. ريما اليوم فرحك

ريما>> ماقدرت يامروج اشوفو ومااكلمو

مروج>> طيب ايش قالك

ريما>> قال خلاص هذا قدرنا ونصيبنا ولانزم نرضي في

مروج>> خلاص شفتي حتى هوا عادي

ريما>> لامو عادي قالي ياريما الأسبوعين دي مرة عليا كأنها دهر

مروج ميلت فمها ماعرفت ايش تقول>> مدري ياريما ايش اقولك بس خلاص مافي حل

ريما هزة راسها وفجأة رنيم وهتون والبنات كلهم نطو فوقها وسارو يقرصوها في ركبتها ويدغدغوها وهيا تضحك ميتة ضحك وفي نفس الوقت تبكي تخفي دموع وراى الضحك مسكينة ريما

اليوم هذا طلال يعتبرو من احلى الأيام في عمرو هذا اليوم بالذات غير عن كل الأيام قام طلال واتغدى وراح