هل تريد التسجيل في منتديات بنوته ؟
إحصائيات المنتدى: المواضيع: , المشاركات: , الأعضاء:
إحصائيات المنتدى: المواضيع: , المشاركات: , الأعضاء:
|
|  |
| التميز خلال 24 ساعة | |||
 العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم |
المشرفة المميزه |
قريبا | بقلم :  | قريبا | قريبا |
| |||||||
 |
| | LinkBack | أدوات الموضوع | انواع عرض الموضوع |
10-21-2011, 03:35 PM
| #121 (permalink) | ||||||||
|
شخصيه هامہ ~ 
| 
رد: بتنـدمين يا بنـت والسبب نظرتج هذي , ، سارت ناحيه امها وهي تقعد حذالها وكانو يسولفون سوالف عاديه .. اما عن روضه فـ كانت تغلي من الداخل .. فجأه التفتت ام سالم وهي تقول لـ روضه : اميه فديتج سيري قولي ( وجنها غيرت رايها ) وبأبتسامه حنونه : ولا اقولج سيري احسن بروحج سوي حق ولد عمج شي يشربه .. ابتسمت روضه وهي مستغربه ولـ اول مره امها تقول لها سيري المطبخ همست بهدوء : ان شاء الله اميه .. ( انسحبت عنهم بهدوء وهي تندب حظها اللي ما خلاها تقعد تتطالع على ملامح هزاع ) .. حدرت جناح المطبخ وبسرعه توجهت على المطبخ وسارت تقعد على الطاوله اللي جنب المطبخ ورفعت عيونها وهي تتطالع على البشاكير جدامها وقالت بهدوء: سالي سوي عصير برتقال .. ( فجاه سكتت وهي تقول بهمس ) : لا يمكن هو مايحب عصير البرتقال ( فجت عيونها للاخر وهي تسمع الرد وراها ) بسرعه التفتت وهي تتطالعه وراها تماما وقال وهو يبتسم : مممم احبه .. ( كان يطالع عليها) ضحك وكمل : أقصد احب عصير البرتقال .. ( نزلت راسها وهي تفكر فـ شو قصده .. )!! : هـ الهزاع بييبلي الجلطه .. دخيلك لا تضحك .. آآه ياربي فديت هـ الضحكه .. حوو رواضي شو قاعده تقولين .. كنترول ماما كنترول ... ( كان بس يطالع عليها ويبتسم .. متأكد انه فهمت قصده ) حست على عمرها وقالت بسرعه تفاديا للموضوع : سالي خلاص سوي عصير برتقال .. التفت هزاع على سالي بعد ما كان يطالع على روضه بنظرات غريبه وقال : سوي اثنين .. التفتت عليه روضه وهي ترفع راسها على فوق عسب تتطالع عليه وهي مستغربه .. حق منو الثاااني ..!! ابتسم وهو فاهم قصدها ونظراتها وقال : ممم واحد حقي والثاني حق روضه ( وابتسم وهو يظهر جزء من اسنانه اللي جنها لولو مرصوص ) بسرعه نزلت راسها وهي تقول فـ خاطرها : حرام عليك يا هزاع ارحمني بس عااده .. ( وجنها تذكرت شي ) : بس تعااالي ليش احس انه وياه عادي مب جنه توه شايفني ويا واحد وهو يسحبني ..!! معقوله مب هو اللي ياني ..!! ( حبت تفتح الموضوع تدريجيا وقالت وهي تأشر على الكرسي : تعال اقعد .. (وكأنها تذكرت شي ) اووه صح مايستوي تقعد هني .. ابتسم وهو يتوجه للكرسي وهو متجاهل رمستها عسب يثبت لها العكس وقعد ع الكرسي اللي جدامها وقال وهو يبتسم : منو قالج .. اصلا انا ياي عسب اقعد وياج .. ( حست بالصدمه تجتاحها .. معقوله هو ياي يقعد ويايه !! ) لكن وفجــأه خاب ضنها وهي تسمعه يقول : هيه بلاج مصدومه لان خالوه ياها اتصال .. وحبيت اعطيها الحريه ف التحدث .. ( ابتسمت وهي تقول فـ خاطرها ) : انا قلت مستحيل يوم واحد يكون فـ صالحي .. ( فاقت من افكارها وهي تقول وتحاول تستدركه فـ الرمسه ) : ممم عيل وين اخوانيه والشله عنك ..!! حط ايده على خده وقال : ممم كنت فـ المقهى بس انا رديت .. ( كانت بتمووت من الصدمه احين تكدت شكوكها .. هوو محد غيره يا عسب يردها من المول ) .. قالت بهدوء وبنبره خوف لكن كانت بالنسبه لـ هزاع غريبه نوعا ما : ليش رديت ؟؟ حست على عمرها وهي تستجوبه وبسرعه قالت : تقول مسوي جريمه وانا قاعده استجوبك .. ( اكتفت بالابتسامه وهي تخفي وراها التوتر والارتباك ) .. وبأبتسامه وهو يسمع رمستها قال : لا عادي .. خذي راحتج ( ورفع عيونه عليها وثبتهن فـ عيونها وغمز لها ) : انتي الوحيد اللي تقدرين تسألين فـ اللي تبينه .. حست بالخجل من حركته بس مسرع ما انتبهت للكلمات الاخيره وقالت فـ خاطرها : شو يقصد هـ الهزاع .. بييبلي الجلطه لازم يوقف عن هـ الحركات انا نسيته خلاص هو فتره حلوه فـ حياتيه ومرت .. قالت بمرح وهي تحاول تفهمه انه لا يتعدى حدوده وانه هو اللي بنفسه نهى اللي كان بينهم : حسنــأً .. هزاعوه وين كنت وليش راد .. يلا اعترف .. ابتسم بـ هدوء وفهم قصدها على انه ما بتعامله جيه شرات ما تعامل سيف وعبدالباسط لو ماكان مجرد اخ لها .. قال وهو يبا ..... : ليش ( ثبت عيونه عليها ) تسألين .. مسويه شي اخت روضه ومتزيغه منه ..!! ( حست قلبها طااح فـ الارض .. خلاص كل شي انفهم .. وهزاع وعرف بالسالفه شو باجي ) انتشرت ضحكته بين ارجاء المطبخ وهو محطي ايده بخفه على خده وهو يطالع على روضه بنظرات وقال : روضه الخبله بديت اشك انج صج مسويه شي ..!! كنت اسولف وياج .. ( سكت لما ما لقى منها رد ) وقال : اوك برد على جوابج .. ممم رديت عسب ايي اخذ فونه لاني نسيته وعقب ... ( سكت ) .. ( حست انه احين بتنتهي حياتها .. اكيد انه احين بيقولها عن السالفه) وكمل : ويوم كنت ابا ارد المقهى سمعت ام سالم نازله وعاده قعدت وياها ( حست انه شي ينلعب من وراها وهي ماتعرفه ) قالت بخوف وهي حابه تعرف اذا هو اللي ياها .. لان حمدوه قالت هزاع يترياج تحت يعني معقوله تكون حمدوه جذابه ..!! بس لا مستحيل عيل هااك سياره منوو ..!! وربي هاك سيارته .. اووووف .. احسه يجذب عليه .. ومايبا يقول الحقيقه .. ( فاقت من افكارها على صوت هزاع وهو يقول ) : وين وصلتي ..!! قالت بلعثمه : هـ ـ ـأه .. لا هني .. بس .. ( سكتت وماعرفت شو تقول ) قال هزاع وهو شاك فـ الموضوع : روضه بلاج مستوي شي وماتبين احد يعرفه .. ؟؟! رفعت بسرعه عيونها عليه وهي تتطالعه وتقول فـ خاطرها : اكيد يعرف .. اكيد .. قالت بصوت مسموع بدون وعي : يعني انت ما سرت مكان عقب ما رديت ..!! قال وهو يطالع عليها بنظرات غريبه ما فهمتها .. : لا ماسرت رفعت ايدها وهي تحركها : مووليـه ..!! قال وبدا يوضح فـ صوته نبره غريبه : مووليه .. ( سكتت لانها بدت تجلب لنفسها الشكوك وفجاه وعت من افكارها على صوت الفون وبسرعه ردت ) : الـــوو حمدووه ..!! سمعت فـ الجانب الثاني ضحكه وعرفت شو سبب هـ الضحكه .. ( يتحرنها ركبت ويا هزاع ) رفعت عيونها وهي تتطالع على هزاع بنظرات وبسرعه نشت وهي تاركه هزاع مكانه فـ المطبخ .. وظهرت من المطبخ وهي تقول لـ حمدوه بعصبيه : بسسسسسسرعه قوليلي شو السالفه لا اذبحج .. خافت حمدوه من صوت روضه العصبي وفرت الفوت فـ حضن يزوي وبادلتها يزوي الحركه وردته فـ حضن حمدوه وهي تقول : مابااا رمسيها انتي .. طالعت حمدوه على يزوي بنظرات على انه ( ورطيني ) قالت بسرعه : والله بقول كل السالفه بس لا تصارخي كانت روضه فـ قمه العصبيه .. لان لو ما سالفتهن هاي ما كان الفيصل بيركبها وياه .. ووصلت لحد انه يمد ايده عليها .. قالت بصوت مملؤء بالعصبيه : قوولي لا اجتلج .. حمدوه : انزين .. اول ما طالع روضه ظهرت وسمع اسم حمدوه بين شفتين روضه بسرعه حط ايده على راسه جنه وياه مصيبه وقال بصوت هامس : اكيد احين بتقولها كل السالفه .. بتعرف روضه بكل شي .. ابحر هزاع فـ عالمه وهو يتذكر اللي استوى قبل ساعه تقريبا .. بسرعه حدر فله قوم بو سالم وهو متوجهه على الباب حدر الصالات وهو قاعد يدور على فونه ولقى فونه فوق الغنفه رفعه وبسرعه فج عيونه على وسعهن وهو يقول : اؤؤؤؤؤؤله منو داق عليه هـ الكثر ..!! فحتح القائمه وهو يطالع رقم غريب .. استغرب منو يكون اللي داق عليه هـ الكثر ..!! بس وفجأه رد الرقم الغريب يدق عليه .. رد عليه وهو يسمع الجانب الثاني يقول : الــوو ( استغرب هزاع وهو يسمع صوت انثوي وقال وهو متأكد انه السيناريو اللي كل مره يستوي ينعاد احين " المعجبات " ) : خيــــر ...!! سمع الجانب الثاني يضحك وارتفع ضغطه اكثر وتأكد ساعتها اكثر انه وحده من المعجبات اللي متعود عليهن .. قالت البنت اللي ترمسه : هدى اعصابك انت هزاع صح ..؟؟ قال هزاع بعصبيه وممزوجه بنبره الثقه : هيه هـــزاع .. خيير ..!! سمع الضحكه مره ثانيه تنعاد وقالت : مافي داعي لـ كل هـ العصبيه اكيد ان المعجبات مأذياتنك ( وضحكت بسخريه ) وقالت : انا بنت عمك .. هدن ملامح هزاع وهو يسمع انها وحده من بنات هله .. وبسرعه قال شرات الصوت العصبي : منو من بنات عمامي ..!! ..... : انا بنت عمك سعيد .. انا حمده .. ابتسم وهو يقول وملامح ويهه تهدى : هلا حمده .. فيه شي ..!! عسى ماشر !! ابتسمت حمدوه وهي تضرب عسب تسكت يزوي وقالت له : لا ماشر بس حبيت اقولك نحن كنا فـ المول وفجأه يانا اتصال وقالو لنا انه اخويه مريض وعسب جيه ردينا بدريوليه روضه ( عقد حيانه وهو يسمع رمستها وقال فخاطره : وانا شلي فـ السالفه ) كملت حمدوه : واخوانيه وولاد عميه كلهم فـ المقهى منجلعين يطالعون المباراه .. مصكرين اجهزتهم .. ( وبمرح ) : والحمــــــد لله .. لما دقينا عليك لقينا ان فونك مفتوح وعاده قلنا الق ما تلحق .. لان كنا نباك تسير لـ روضه لانها وحليلها قاعده بروحها فـ المول .. وتتريا منو اللي بسير يردها لان نحن ما رمنا نردها ويانا .. لانا مرينا اول البيت وعقب درب المستشفى .. وبعدين هي مستحيل تظهر وهي ما مخلصه تسوق .. وكل هـ السالفه اسوت فجأه اصلا .. قال بسرعه وهو شاك فـ الموضوع ومن الطلب اللي بينطلب منه : والمطلووب ..!! حمدوه وبأبتسامه الخبث توضح على ويها : نباك تسير ويا روضه عسب تردها .. لان دريوليتها ويانا .. والدريوليه اللي فـ بوتنا مشغولين وقلنا عاده محد غيرك .. نزل هزاع راسه وفكر شوي وهو يقول : اوكي خلاص انا بردها .. قالت حمدوه بوناسه : مشكوووووور هزاع .. وربي ماتقصر شكراا .. وصكرت عنه بسرعه .. قعد هزاع على الغنفه وهو يرمي ثقل جسمه ويقول : وانا اللي مابا اطالعها احين يقولن لي اسير اردها .. لا مستحيل مابا اطالع عليها .. مابا اطالع .. يكفي من اطالع عليها اتهور لابعد الحدود .. احسن اظل جيه لا طالعها ولا اسمع صوتها .. فكر بسرعه شو يسوي عسب يحل هـ المشكله وطرى على باله بسرعه دريوله اللي برع .. بسرعه ظهر برع الفله وهو يدق عليه .. ماثواني ير يرد الهندي وفهمه بسرعه وين يسير .. اما عنه فـ رد مره ثانيه لداخل الصاله وابحر فـ عالمه المتناسي .. . . > < . . وهـاي كل السـالفه .. روضـه بـ قهر : أبـا افهم شيء واحد .. ليش سويتن هـ الحركـه هاه .!. ( نزلت حمدوه رأسـها .. وحاولت تكتم الضحـكه .. بس تفجــأت بـ صرخـه من روضـه .. ) صرخت روضـه : يامسودات الويـه .. شو اللي يضحك هاه .! ( فرت حمدوه الفون بسرعه فوق حضـن يزوي .. وشردت من الحجره .. عسب يزوي ترد على روضه غصب .. ) . طـالعت يزوي على حمدوه اللي شردت بـ قهر .. وتمتمت كلمات مب مفهومه فـ خاطرها .. وبـ هدوء : ألــو صرخت روضـه بـ عصبيه : شو هـ الحركه اللي سويتنها هاه .. ابا افهم ليش هـ الحركـه .. ( بلعت يزوي ريـجها .. تدري بـ روضـه من تعصب ماتعرف حد .. ) وقـالت تحاول تهديـها : والله يارواض انـه كان قصدنـا شريف .. ( حســت روضـه بالقهر اللي بـ داخلها يكبـر ,, ) يردن ويقولن شريف .. : أأي شريــف هاه ... يزوي : والله كان قصدنـا ان نجمعج ويـا هزاع .. لانـه حسينـا من نظراته انه يحبــج ..! وقلنـا بنسوي خيـر .. . أبتســم بـ هدوء وهو يطـالع عصبيـه روضـه الحـاده ,, وبسـرعه فهم السـالفه عقب ماسمـع رمسـتها .. وقـال فـ خاطره : لـ هالدرجـه تكرهين وجودي حولـج ياروضـه .. ( أبتســم بـ هدوء مخفـي بـداخلـه الالـم اللي سببته لـه هـ السالفه ) مشـى وهو يحـاول يرد الثقـه والغرور .. اللي كان يحميـه .. وترك روضـه .. فـ عصبيــها الحـادده .. وماتدري انـه كان يسمـع رمسـتها .. . . قـالت بـ قهر : يعني انتن ماتدرن انـي انا رفضـته .. ليش تسببن لي وله الاحراج .. هاه .! يزوي تحاول تهدي روضـه : اوووف .. رواض بسج ... تعبت وانا افهمج أقولـج شيء ... ( سـكتت .. ومسرع ماكملـت ) : السـالفه ومافيـها .. أنـه انا وحمدوه .. كنا بنردلـج الملقـب اللي سويـتيه فيـنا أول مارديتـي البلاد .. ( فــجت عيونـها للأخـر .. ظهرن البنـات متحمقـات وأنا ما أدري ) ! وتمتمـت بـ قهر .. وتهديد : معليـــه ..! ( وأنهت المكـالمه .. وهي تحس بـ قهر .. ) ليش حطـنها بـ هالموقف .. لو مب لعانتهن .. جان حتى ماطـالعت ع ويـه هاك الكريـه .. ولا تنهدم ثقـه هزاع فيـها .. . بسـرعه مشـت وهي متوجـه ع المطبـخ .. تبا تلحق بـ هزاع .. بس تتفأجـى أنـه محــــد فـ المطبـخ .. ( غمضــت عيونـها ... وهي تتنهـد .. وتترك المطبـخ .. ) توجـهت بـ سرعه ع الصـاله عسب تدوره .. بس تفأجـــات أنـه هزاع محــد ..! . فـــجأه أنفتح باب الفلـه .. وحدرت أم سـالم .. فـجت عيونـها للأخر .. وبسرعه جربت من أمـها وقـالت : ماماتي من وين يايـه .!. أبتسمت أم سـالم وهي تقول : من بــرع .. موصـله هزاع .. ( وتوجـهت ع الصـاله عسب تقعد ,, ) تبعتـها روضـه .. وهي الاف الافكـار تدور فـ بالها .. ليــش شو أستوى عسـب يسيـر ...! ( تنهدت وسـارت تقعد حذال أمــها ..) نزلت الشيـله على جتوفـها وحطت رأسـها بـ حضن أمـها .. وقـالت بـ هدوء : ماما ملانـه ..! أبتسمت أم سـالم وهي تمسـح على رأس بنتها .. و تقول : ويديـه .. توج راده .. . فــجأه .. نزلــت شمـا من فوق وهي تطـالع روضـه فـ حضن أمــها .. وتمسـح عليـها .. حسـت بـ القهر .. بس حاولت تخفيـه .. ييت وقـعدت حذالهـن .. و أندمـجت بـ سوالف أم سـالم .. و روضـه ..! . . < > . . الســـاعه 4 بـ توقيـت غرينتـش ..! وفـ بلـجيـكا تحديدً ..! . رفـعت الفون وهـي تبتسـم .. وقـالت بـ دلعها المعتـاد : هلا رورو ..! ...... : هلا والله .. وينج يالقـاطعه .. اشتقنـالج .! ضحكـت بـ وناسـه وهي تقول : والله .. واي فديـتك ..! والله مي تو .. بس انت ليـش احيـن ماتيي .. أحسـك قطعتنـا .. قـال .. وابتسـامته المعهوده فـ محيـاه : أموون بسـج عاده .. ردي البلاد أنتي وهاك اللي أسمـها رانـيووه .. .. ابـاج فـ سالفه ضروووريــه .. أطلقـت ضحكـه طوويلـه .. وقـالت وهي تحس انها طايره من الوناسه .. من لما رمسـت حيـاتها : قليــل الادب رانيووه على قولـتك .. أمــك .. .... : أنزيـن ويـنها .. أبـا ارمسـها .. ( نزلـت رأسـها وهي تطـالع الاجيــاس اللي معبيـه المكان تحتـها .. ) ورفـعت رأسـها وهي تقول : أنــا بـ السوق .. وأحيـن قاعده بـ الستار بكس .. ولا أزيدك بعد من الشعر بيت .. قاعده ع الطـاوله اللي تحبـها ..! ( وجنـها ذكرت شيء ) : هيــه .. ومامـي تتحوط بـ السوق .. ( حرك رأسـه بـ اسى وقـال ) : مـاشي أمــل .. لامنج ولا من أمـج .. الظـاهر انا بروحي بيي وبسحبكن عسب تردن البلاد ..! وجنـها صدقت أنـه بيي : راكـــانووه .. صـــدق والله .. ( ضــحك .. ودرى انـه .. أختـه الخبلـه صدقــت ) .. وقـال وهو يرفـع رأسـه ويطـالع مـانع وعبدالله يايـن وياه: أووك حبيبـتي عقب بنتفـاهم ..! بوزت أمــنه وهي تقول : واحد من ربعك حذالك هاه .. شلتــك أكرهــا .. أوووووف ..! ( وصكرت وهي مبــوزه .. ) !! أطلـق ضحكـه طويـله وهو يقول : مشكله الخبـل مايتغيــر .. قـعد مانع حذال راكان وقـال : الاهــل ..!! راكــان : هيـه .. ( والتفت جنـه يدور على شيء ) : عيـل ويـن فصـول و ثويـني .. تسـدح عبدالله ع الكرسـي وهو يقول : فصـول يبجـي ع الاطـــلال .. وثويـني ع ما اظــن ويـا نوافووه .. نايف يعني .. ( وضـحك .. وهو يفرك شعــره النـاعم ) طـالعوا الشـباب على عبدالله .. هذا هو عبدالله مايتغير كـل حيـاته ضحك وبــس .. قـال راكـان بـ سرعه : وليـش يبجـي ع الاطــلال ع قولتـك ..! مـانع : ما ادري بس يـاه أتصـــال وعفـس لـه مزاجــه فوق حدر .. كان يسولف ويضحك .. وفجـــأه .. تغيــر ..! . أبتسم .. وهو يقول : روضـه .. ( كلــهم التفتوا يطـالعون على عبدالله .. )!! ســاعت عبدالله يخوف .. مع انه شخصيـته من النوع الطيـب واللي قلبـه مفتوح للكل .. بس يفأجك بـ أنــه يعرف كل شيء يدور حولـك .. . ، . ، . فـ بيت بو راشــــد ... يزوي وعبدالله كانو يطالعون الـ tv ويزوي تاكل ايس كريم وتسوي صوت عسب تغايض فـ عبدالله لانه مووته الايس كريم عبدالله وهو مقهور : دزيــز قسم لجتلج تـــــــــرا .. يزوي مارامت تمسك عمرها : ههههههههههه دزيز فـ عين حرمتـــك ان شاء الله قول اميين .. عبدالله ومسوي عمره معصب : نشــي سيري يبـيلي قلاس ماي يزوي ما قالت لا وسارت ع طول : اندين عبدالله بقهر : انديـن فـ عينج ( وقال فـ خاطره ) : تعالي بس يالنذله وانا براويج.. بطلعه منج تغايضيني .. يزوي يابت قلاس الماي فـ ايد والايد الثانيه فيها الايس كريم مالها وقالت : هاك يود عبدالله : جيه الناس ترمس اخوها العود .. يزوي ببرائه : ماقلت شي .. قلت هاك يود .. شو تباني اقولك عيل ..؟ عبدالله : قولي يود عمي الشيخ عبدالله .. يزوي بخبالها المعتاد : يود عمي بوكشه متروسه قمل عبدالله .. عبدالله فـ خاطره بينفجر من الضحك بس ماسك عمره وقال : شووو شووو .. ماسمعت اقين .. يزوي وهي تبا الفكه منه : ههههه عبدالله حبيبي هاك قلاس الماي ذليتني عااده عبدالله : ماباااه شو هـ القلاس انا ماحبه سيري غيريه يزوي وهي طفرانه : عبدالـلــــــــــه .. حراام عليك والله انه تعب اضرب خط بس عسب القلاس ما عيبك .. ماروم ريولتي تعورني .. عبدالله : قسم بعدلج لحد الثلاثه يا الايرانيه وان ماسرتي تغيري القلاس بحرمج من هـ الايس كريم مالج .. يزوي : ههههه هيه قووول جيه من ساعه .. بتموت عسب الايس كريم مالي قوول .. عبدالله : هاتي ايس كريمج وانا بزخه وانتي سيري يبيلي ماي... يزوي وهي ماده بوزها : مابـــــاااا بتاكله عبدالله : شووو .. شوو ... ماسمعت يزوي وتعلي صوتها : مابـــــــــــــــــــــاااا عبدالله مسك ايد يزوي ولواها وقال : هاتي الايس كريم قلتلج يزوي وهي مغمضه عيونها من الالم وقالت : مابااا .. ( ومن كثر ما عبدالله يلوي ايدها الفقيره طاح الايس كريم فـ الارض ) عبدالله وهو شاق الحلج من الونااسه: هههههههه تستاااهلين يزوي وهي تتألم من قبضه عبدالله ومغمضه عيونها قالت : عبوود يالخايس ودر ايديه عورتني .. عبدالله : ما بـ بودرج .. اول قولي انا اسفه عمي الشيخ الامير عبدالله .. ببوس ريولك ودر ايديه .. يزوي : خســــــــــــــــــــي واللـــــــه مابقووول .. عبدالله وهو يلوي ايد يزوي اكثر : عيل خلج تتألمين يزوي وهي موول مب مستحمله الالم .. صرخــت بقوووه : آآآآآآآآآآآآآآآآآآآآآآآآآآآآآآآآآآآآآآي ... وبدا صوتها يتغير على انه بدت اتصيح .. يزوي وهي تصيح : عبـ ـوود ودرنـ ـ ـي والله انك تعـ ـورني عبدالله وهو يضحك : هههههه قلتلج قولي انا اسفه عمي الشيخ الامير عبدالله .. ببوس لك ريولك .. ودر ايديه .. وبودرج .. يزوي وهي تصيح : حراااام عليك ودر ايديه .. . فجـــــــــآه .. ينفج باب الصالـــه بالقووو وما يطالعون غيــر سيف ياي صوب عبدالله وكل علامات الغضب واضحه على ويهه وماسك فـ ايده شماعه حديد .. . سيف وهو يصرخ : عبداللـــــــــــــــــــــــــــــه عبدالله من الخوووف فز على فووق وبطل ايد يزوي وسار يركض ركض صوب المطبخ ويقفل الباب بسرعه ... سيف وهو بين غضبـه وكان زاخ فـ ايده شماعه ويضرب على باب المطبخ بأيده ويقول: بطل الباب يالحقيييير .. ماتباني انا اقول عمي الشيخ.. تعاال انا بقولك وبراويك الادب .. عبدالله من ورا الباب : لا خلاص مابا والله سيف وبعصبيه : مالقيت تضارب الا يزوي يالخاااااايس .. شو سوتلك .. هااا .. ماتروم اتسير بروحك الدكان ولا ريولك مجسره .. عبدالله : والله توبه .. ومابقولها شي موول .. والله . يزوي وهي بين دموعها كانت قاعده فـ الارض وزاخه ايدها وتمسح عليها من الالم .. (سيف ماقدر يطالع على يزوي اتسوي جيه وتتألم ومايسير لها ..) . قرب سيف صوب يزوي وبكل حنيه وخووف واضح قالها : يزووي حيااتي تعورتي ؟ (يزوي من طالعت سيف ما رامت تمسك عمرها وقعدت اتصيح ) . سيف فـ ذيج الساعه ما رام يطالع دموع يزوي ... هـ البنت يموووت فيها يحبها من كل قلبه .. خذها وحضنها بقووه وضمها بين صدره .. وقال لها بكل حنيه : يزوي غلايه بس عاد لا تعورين قلبي .. وربي دموعج غاليه عليه .. لا تنزليها لناس ماتستاهل .. وقعد يمسح دموع يزوي بأيده .. وهي فـ حضن سيف وبين دموعها : والله ماسويتبه شي .. ونبره صوته كلها حنيـه : ادري قلبي انج ماسويتي شي .. بس انتي تعرفين ان عبدالله جتليه ولا يطالع ايس كريم .. مستفرط هـ الولد .. يوم قال جيه سيف مارامت يزوي ماتضحك : هههههههه سيف : وه وه فديييت ياااربي هـ الضحكه انا .. يعلي مانحرم منها .. حط صبعه فـ غمازه يزوي وقال : اضحكي مره ثانيه اضحكي يزوي : ههههه مااباا .. سيف خذ يزوي ولمها بين ايدينه وقال : والله والله لجتل اي شخص يلمس منج شعره . يزوي اكتفت بانها تبتسم حق سيف ..وكانت كل ذره من كيانها تصرخ وتقول احبـــه والله احبه يا ناااس... الله لا يحرمني منه .. . . < > . . فجهه ثانيه كان فيه انسان حاقد يبا ينتقم من روضه شر انتقام والحقد والغيره عمـى قلبهـا .. هدى وهي تدق على محمود : هلا محمود .. انا جاهزه تعال مر عليه .. محمود : ثواني وبكون ويـاج .. هدى : اوك اترياك .. باي .. ( هدى ماكانت تبا روضه تتطالع عليها عسب لا تكشف لعبتها فـ دقت ع وحده من ربيعاتها واتفقت وياها عسب تبدي تنفذ خطتها ) مشت بخطواتها البطيئه وهي تتجه لـ حجره امها المشلوله وحطت ايدها على الباب وقالت : اميه انا بظهر ويا ربيعتي عندي جمن شغله ابا اخلصهم .. حركت امها راسها بالموافقه وظهرت .. . . اول ما وصلو للمكان اللي اتفقو عليه .. هدى : محمود انت يبت اللي طلبته منك ..!! محمود وبأبتسامه خبث : ولو .. افاا عليج .. سجلي وياج .. سجلت هدى رقم الفيصل فـ جهازها وبادلت محمود نفس الابتسامه .. سوسن : وانا شو دوري احين ..؟ هدى : انتي الدور الاهم احين .. اسمعي عدل .. احين بدقين على روضه وتقولين اللي بقوله لج بالحرف الواحد وتحاولين قد ماتقدرين تتعاملين وياها بهدوء وبلطف عسب تثق فيج سوسن : افاا عليج لا توصين .. هدى : اسمعي عيل ... . . < > . . . كانت متسدحه ع الشبريه بهدوء وهي تقرا روايه فرنسيـه .. لحد ما اعلن الفون عن قدوم اتصال اللي بحد ذاته كسر حاجز الصمت اللي كان عام ع المكان .. تزيغت روضه من صوت الفون وهي تنش من قعدتها وتتطالع ع شاشه الفون .. استغربت من الرقم الغريب اللي داق عليها .. بس ماعارته اي اهتمام وسوت طاااف .. لانها ماترد ع الارقام الغريبه .. حطته سايلنت وردت تقرى روايتها .. ماثواني غير توصلها مسج من نفس الرقم اللي داق عليها كشرت وهي تتطالع نفس الرقم وقال فـ خاطرها : خير ان شاء الله منو هاا اللي محتشر جيه ..!! قرت المسج وعلامات الاستغراب بدت توضح على ملامحها..!! ( مساء الخير .. روضه انا بنت شراتج .. واباج فـ موضوع لو سمحتي ممكن تردين عليـه ) .. روضه وبين دهشتها : روضـــه ...!!! وتعرف اسمي بعد ..!!! ( ماثواني الا والرقم الغريب يدق مره ثانيه ) رفعت روضه السماعه وما قالت اي شي .. روضه : ......... ...... : هلا روضه شحالج حبيبتي ..!! روضه وبأستغراب : اختيـه ماعرفتج انتي منو ..!! وشقايل تعرفيني ..!! ....... : انا سوسن .. واذا ع سؤالج شقايل عرفتج فـ ها اللي حدني اني ادق عليج .. روضه وهي مب فاهمه شي : لا تقعدين ترمسين بالالغاز .. قولي اللي عندج ولا ببند .. سوسن : والله ياروضه مايستاهل شي تعصبين عليه .. ترا انا بنت شراتج وداقه عليج عسب اقولج كل السالفه .. روضه وهي بدت تهدي : اوك انا اسمعج ارمسي .. سوسن : انا بقولج هني اللي اقدر عليه .. والباجي لازم اشوفج ويه بويه عسب اقدر اسلمج الامانه ياروضه من ايدي لايدج .. روضه والف علامه استفهام فوقها : امااانه ..!!! امانه شو اللي قاعده ترمسين عنها ..!!!؟ سوسن : السالفه كلها بقولها لج من اشوفج .. روضه : وليش ماتقولينها هني .. لا تتوقعين اني بظهر وياج .. سوسن بطيبه مصطنعه وتحاول تأثر على روضه : حتى لو قلتلج ياروضه ان السالفه تخص عهود ..!! روضه من سمعت الاسم انشل كل عرج بنبض فيها .. روضه وهي بلعثمه : عـ.. عـهـ... عهـ ـود ..!!! سوسن وابتسامه الخبث انرسمت على محياها : هيه ياروضه عهود .. وعهود مابترتاح فـ قبرها الا لما اسلمج الامانه .. احسها قاعده تتعذب فـ القبر والسبب هـ الامانه .. عسب جيه لازم اشوفج فأسرع وقت ياروضه .. روضه كانت تحس ان الدنيا كلها توقفت خلاص ماعادت تتحمل بسرعه وبدون وعي قالت : انتي ووووين ...!!! سوسن وهي شاقه الحلج : انا فـ ***** انهت روضه المكالمه وبسرعه توجهت للمكان اللي وصفتها اياه سوسن كانت تحس بشعور غريبه فـ داخلها .. . . سوسن وبلعانه : ههههههه الهبله يايه .. هدى : كفوو عليج واحين الخطوه اللي عقبها .. اول ما وصلت روضه للمكان اللي وصفوها اياه كانت تتريا فـ سيارتها وموول ماتحركت منها .. لحد ما طالعت انه بنت محجبه كانت تتجه على صوبها واول ما طالعت روضه ابتسمت بأبتسامه يظهر منها البرائه عكس اللي فـ داخلها .. روضه اول ما طالعت عليها فتحت دريشتها شوي لحد ما اقتربت البنت منها اكثر .. البنت وهي متوجهه لـ روضه وبأبتسامه : انتي روضه مب جيه ..!! روضه وهي تبادلها الابتسامه عكس الاضطراب اللي تحس فيه : هيه نعم انا روضه .. اكيد انتي سوسن ..!! سوسن : عليج نور .. ممكن اركب وياج .. روضه وبطيب نيه : حياج .. ركبت سوسن حذال روضه وهي تخفي كل ملامح الحقد فـ داخلها عكس مظهرها الخارجي اللي يدل ع الطيب والعفه .. روضه : انتي قلتي تبيني فـ سالفه تخص عهود .. سوسن : هيه ياروضه اباج فموضوع يخص عهود .. وعهود كانت مأمنتني على سر اقولج اياه .. وماحبيت اقوله لج فـ الفون لان مابناخذ راحتنا كثر احين .. روضه وهي تحس بخوف : اوك ارمسي انا اسمعج .. سوسن وهي تتطالع على برع السياره يمين وشمال : ممم خليني اييب شي نشربه لان الجو بارد وعسب ترخين اعصابج بعد لان من شكلج يوضح عليج ان اعصابج مشدوده .. ( روضه أكتفت انها تبتسم للبنت اللي جدامها ) وبحركه سريعه ظهرت سوسن من السياره وفـ ثواني كانت يايه وهي فـ ايدينها قلاسين كوفي .. خذته روضه بطيب نيه وهي ترشف منه .. سوسن : واحين بقولج السالفه .. روضه : اسمعج .. قولي اللي فـ خاطرج .. بدت سوسن ترمس ببطئ وجنها تتريا شي .. . . < > . . وفـ الجهه الثانيه .. واحين الدور على الغبي الثاني .. فجت هدى فونها وهي تدور على رقم الفيصل وتدق عليه .. الفيصل كان مبحر فـ عالمه ويتذكر اخر شي سواه فـ روضه وكان يحس بلوم .. بس فجــأه قطع عليه صوت فونه اللي كان بيحترق وهو يدق .. رفع فونه وهو يطالع على اللي داق .. استغرب من الرقم الغريب بس على طول رد بصوته الشامخ الواثق : الــوو .. هدى وهي تحاول تتصنع الدلع : هلا ومسهلا .. الفيصل من سمع الصوت واللي يظهر فيه الدلع المصطنع حس بالتقزز وبسرعه قال : خيـــــر ..!!! هدى من سمعت نبره صوته اطلقت ضحكه كانت كافيه انها تنرفز الفيصل : ههههههههه الخير بويهك يا حلوو بس حبيت اقولك ان حبيبت قلبك بين الحياه والموت فـ مستشفى الـ ****** ويمكن لو طالعتها احين وهي بـ هالشكل راح تخلص عليها بنفسك .. هههههههه فـ بليز يا حلوو لا تتأخر لان التأخير مب من صالحك ولا من صالح حبيبت قلبك .." روووضه " ههههههه ( وانهت المكالمه من دون لا تسمع رده ) .. الفيصل فـ ذيج الساعه كانً نيران الغضب مشتعله فـ يوفه يحس انه بيمووت من القهر .. مايدري ليش .. من اسلوب البنت اللي دقت عليه ولا من سمع ان روضه قاعده تعاني وبين الحياه والموت .. بسرعه وبدون احساس منه توجه للمكان اللي دلوه ايااه .. . . فجـــأه حست روضه بدوخه مب طبيعيه كان كل شي حولها يدور والدنيا بدت تستوي كلها ضباب مسكت راسها وهي تحاول تتماسك .. سوسن بخوف مصطنع : رووضه حبيبتي فيج شي ..!! رووووضه انتي تسمعيني ..! ارتخى جسم روضه من بين ايدين سوسن واغمي عليها .. بسرعه ظهرت سوسن من سياره روضه وهي تزقر محمود وهدى على ان المهمه تمت .. نقلو محمود وهدى روضه للمستشفى اللي دلوها للفيصـل ونظره الخبث والانتقام كانت تعلى فـ ملامحهم .. . . الفيصل كان موول مب فـ الدنيا كان كل تفكيره شو اللي ممكن يكون فـ روضه .. وشو مصلحه البنت اللي دقت عليه .. كانت الافكار تتعاصف فـ راس الفيصل كان موول وعيه لحد ما وصل للمكان اللي دلوه وتوجهه على رقم الغرفه اللي انعطى اياها .. اول ما وصل للغرفه طالع روضه وهي علامات التعب واضحه فـ ويها كان يطالع عليها بخووف وصدمه .. . وجنه احد قالها ارفعي راسج واول ما رفعت راسها انصعقت وبقوووه من طالعت على الفيصل .. هو شو اللي يابه هنــي ..!!!! ومنو اللي قاله اني انا فـ هالمكان ..!!! . الدكتوره اللي كانت حذال روضه بأبتسامه : اطمن يافندم انتا اكيد قوز المدام .. ماتخافش دي حاله تحصل لكل الحريم .. الفيصل وهو مب مستوعب شي .. ولا روضه اللي كانت تتطالع على الدكتوره بقهر وخاطرها تجتلها .. الفيصل كان يرمس بدون احساس : دكتوره طمنيني هي شو فيها ..!! الدكتوره وتزيد من ابتسامتها : مبـــــــــروووك هي حـــــامل .. . . . انتظروني فـ البارت القادم ان شاء الله مع تطورات جديده فـ احداث روايتنا .. . واكرر اضضن انه هالاسبوع كثرت من البارت تكفي لاني تعبت وابغى استريح وتقريباً ما اقدر ادخل الا بعد اسبوع بسبب الاختبارات ووقتها برجع لكم بالبارت الجديد اوكي استأذنكم ــــــــــــــــــــــــــــــــــــــــ يمكن اطول وما ادخل لاسبوع او اكثر سوري انتظروني يوم الاربعاء الجاي ووالله تعبت مررة صح اني ما كتبتهم بس النقل صعب واعتذر لكم من كل قلبي وادري ما حد بيحس اللي انا فيه والشكوى لله وحده .. بااي اختكم في الله جالكسي والدنيآ عكسي وانتظر توقعاتكم .. | ||||||||
 |
|
10-27-2011, 10:41 PM
| #123 (permalink) | ||||||||
|
شخصيه هامہ ~
|
رد: بتنـدمين يا بنـت والسبب نظرتج هذي بنزل عشان في ناس خلف الكواليس . . كان موول مب فـ الدنيا كان كل تفكيره شو اللي ممكن يكون فـ روضه .. وشو مصلحه البنت اللي دقت عليه .. كانت الافكار تتعاصف فـ راس الفيصل كان موول وعيه لحد ما وصل للمكان اللي دلوه وتوجهه على رقم الغرفه اللي انعطى اياها .. اول ما وصل للغرفه طالع روضه وهي علامات التعب واضحه فـ ويها كان يطالع عليها بخووف وصدمه .. . وجنه احد قالها ارفعي راسج واول ما رفعت راسها انصعقت وبقوووه من طالعت على الفيصل .. هو شو اللي يابه هنــي ..!!!! ومنو اللي قاله اني انا فـ هالمكان ..!!! . الدكتوره اللي كانت حذال روضه بأبتسامه : اطمن يافندم انتا اكيد قوز المدام .. ماتخافش دي حاله تحصل لكل الحريم .. الفيصل وهو مب مستوعب شي .. ولا روضه اللي كانت تتطالع على الدكتوره بقهر وخاطرها تجتلها .. الفيصل كان يرمس بدون احساس : دكتوره طمنيني هي شو فيها ..!! الدكتوره وتزيد من ابتسامتها : مبـــــــــروووك هي حـــــامل .. فـج عيونه على كبرهن وهو يحـس بكل ذرة فيـه انذبحت .. همس بـ عدم تصديق : شقـ ....ي..يعني ..حـ ... حامل ..! ( أبتسمت الدكتوره وهـي تظهر وجنها انتهت مهمتـها وهـي تاركه الفيصـل و روضـه كل ذرة فيـهم تصرخ ) .. . أمـا فـ عن روضـه اول ما أطلقـت الدكتوره كلمـاتها ,, رفـعت عيونـها بسرعه وكـأنها تبـا تـعرف ردت فعـل الفيصـل .. وهـي تردد الكلمـات بين شفتيـها بـ عدم تصديـق .. : حـ ..ـا ..مـ .. . (مـا كملـت كلماتها غيـر وهي تحـس بـ الدنيـا اسودت فـ ويـها .. وأنسـدل جسمـها المتهالك الضعيـف على الشبريـه البيضـه .. وفــجـــــأه فقدت الوعــي .. ) . التفت بـ سرعه عليـها وهو يطـالعها بـ كره .. بس تفـأجى بـ أنه جسـم روضـه المتهـالك مرمـي على الشبريـه وبسـرعه فهم بـ أنها فقــدت الوعــي .. جرب منـها بهدوء وهو يبـا يمد أيـده يطمن عليـها .. بس مسرع ما ردهـا وهو يحـس ولـ أول مره بـ النفور أتجـاه روضـه بعد بسـرعه وهو يطـالع عليـها بـ كره وأشمئزاز .. وهمس بـ عذاب وجـنه انجرح منـها : كــ ... نـ..ـت .. متوقـع .. (عادت بـه الذاكره لـ وراء .. وهو يتذكر لمـا نايف نزل من بلكونـتها .. ) !! . ( غمض عيونـه وجنـه مايبـا يتذكر شيء .. ) وبـ سرعه استبعد هـ الفكره عن بـاله وهو يصرخ بـ كره وحقـد وأشمئزاز : يـ الحقيـــــرة .. ( وصـرخ بـ أعلى صوتـه ) : كفــــــــاج تمثيــل ,,! ( يقصـد لمـا فقدت الوعــي .. وكان يتوقـع بـ أنها تمثـل وما دار فـ باله انها فقدت الوعـي صدق ) ! بـسرعه مد أيده وهو يمسك القلاس اللي متروس مـاي .. وفرغ مافـي القلاس على ويـه روضـه بـ شراسـه .. ( عســب يفهمـها أنــي انا اعرف أنــج جذابـه .. مب فاقده الوعـي .. ) !! . ( وبسـرعه استجـابه من روضـه فـاقت من أغماءها على المـاي اللي انتشر فـ ويها وجسـمها وبـ طريقـه شرسـه وحيوانيـه ..! نشـت وهي تطـالع عليـه بـ صدمـه .. وتطـالع على عمرهـا وهي مبـلله .. ( رفـعت عيونـها وهي تطـالع على نظرات الفيصـل اللي كانت تطلق شرار وأشمئزاز منـها ,, )!! . فـــجأه حسـت بـ كل ذرة فيـها تصـــرخ وهي تطـالعه متوجـه عليـها ويجرب من صوبـها .. وتظراتـه اللي تخوف وو اضـخ فيـها الغضــب والحقـد .. . وفـجأه وبدون سابق أنذار ولـ أول مره تحـس بـ الخوف يمتلكـها تحـس بـ خوف شديــد منـه .. معقولـه يمد أيــده عليـه .. لا بـ أي حق .. أنـا لا احتـه ولا من هلـه ..! بس أنـا شقـايـل حـ ..ـ .. ( قـطعت تفكيـررها وهي تطـالعه يجرب صوبـها أكثر وأكثـر .. ونظراتـه تـخوف بـ شكل محد يتصـوره .. ) !! . جرب منـها لـحد ما ضرب فـ حدود الشبـريـه .. وبـ حركـه سريـعه مـال عليـها وهو يثبـت نظراتـه عليـها ..! وبـسرعه رفـع أيــده وهو سيـحبـها من شعرهـا ويـ صرخ بـ ألم : يـالحيوانـه يـالوسـخه .. يـالـ ** .. ! وبـ حركه سريـعه مد أيـده وهو يضربـها بـ طراق بـ أقــوى مايملـك .. وجنـه يبـا يفرغ هـ الغضـب فيــها وفـ ضربـها ..! ( رفــع أيـــده الثـانيـه وهو يمسـكها من ياقتـها ووهو يحركـها بـ شراسـه ويـضربـها بـ حيوانيــه .. : يـالحيوانــه هلـج فـ شو قصروا ويـاج ,, هـآه ..! أرمســـي يـاقليـله الادب .. يالوسـخه .. يـالـ ** ...! . ومن كثــر ماهو يضربـها .. طـاح عقـاله .. و روضـه مصدومـه وعيونـها بـس مثبـته على فوق وحتـى ماترمس . ( كـانت تحـس بـ أ،ـها ولـ أول مره فـ حيـاتها خـاطرهـا تصيـح جدامـه عسـب تبـري نفسـها .. خـاطرها تصرخ وتقولـه { حرام عليــك أنـا بريئـه } .. بـس ولـ أول مره دموعـها يعاندنـها وماينزلـن .. مع انهـن فـ كل مره يـكونً جاهزات .. ليــش فـ هاللحظـه بس مب راضيات ينزلن .. وليش تحـس بـ لسـانها انـه مربوط .. ليش بس فهالوقت مب قادره تبري نفسها .. الموقف صعب والرمسـه فيه أصــعب .. ( أبــتعد عنها بعد ماشبع وفرغ اللي بداخله فـ ضربها .. وهو يرميـها وبـقوه ع شبريتها .. وأرتمى جسمهـا المتهالك بـقوه ع الشبريـه ..) . رمـها ولكن ردت لـه الحركه بـ عدم التحرك .. يعني لما رمـاها حتى ما صلحت من قعدتها .. وظلت شرات ماهي .. وهي مثبتـه نظرها على فوق .. وجنـها تطلب من الله يسـاعدها ويفكـها من الفيصـل . . ( أستغرب وبشده منها .. ليـــش ماتصيــح .. ليــش ماتسبنــي أنـا قطعتها من الضرب .. معقولـه وصل غرورهـا لدرجـه انها تتخلى عن شرفـها .. ) ما كان يدري انـه روضـه خاطرها ولـ أول مره تصيـح عسب تبري نفسـها خاطرها تصرخ وتقولـه وربي أنـا بريئه .. بس ومع ذلك كانت تحس بـ أنه شيء قوي بداخلـها يمنعها .. هي خاطرها تصرخ وتصيـح بس مب قـــادره .!!! . ( فــج عيونـه للاخر وطـالع عليـها بـ صدمـه وخوف .. لانـها معطيـتنه الظهـر .. من لما رمـاها ولـحد أحين ماتحركـت .. ) خاف انـها استوى فيـها شيء .. ولا ماتت من ضربــه لـها .. جرب منـها وهو يسيرلـها الجهه الثــانيـه .. و أول ما لتفت وطـالع ع ويـها أنصــدم .. حس بـ أنه كل جسمـه أنتفض من المنظر اللي جدامـه .. ( كــانت ما تتحرك وعيونـها يطـالعن ع الفراغ .. و ويــها مشوه لـدرجـه تخوف .. | ||||||||
| |
|
10-27-2011, 10:42 PM
| #124 (permalink) | ||||||||
|
شخصيه هامہ ~
|
رد: بتنـدمين يا بنـت والسبب نظرتج هذي كان الدم مجتمـتع حول عيونـها وشفايفـها المتشققه .. وأثــار ضربـه والطراقـات واضـحه وبـ قوه علو ويـها .. ( حس لـلحظـه بتأنيــب الضميـر فـ إللي سواه فيـها .. بس بسـرعه بـعد هـ الفكره عن رأســه وهو يطـالع عليـها بـ أشمئزاز وتفــل عليـها .. وقـال : تفوو عليـج .. ( سـكت بس مسرع ماكمـل ) : حســافه بس .. حســافه ...! . (ظهر بـسرعه من الحجره لايضعف وهو يطـالع على عيونـها .. وهو تاركـها ميـته ،، بس قلبـها ينبـض ..! تمـتـمت بـ ألم : حسبي الله ونـعم الوكيـل .. حسبي الله ونـعم الوكيـل .. ( نزلـت دمـعه يتيـمه وسط تقـاسيم ويـها المشوهه .. ) . ومسـرع ما غمضـت عيونـها وهي يدور فـ بـالها أنـه { منو سوى فيـه جيـه ..}..! أنـا فـ شوى ضريت النـاس .. فـ عمريـه مارمسـت ريـال .. وأحيـن يقولو .... ( سكتت ومسرع ما .. غمضـت عيونها ..صعبـه عليـها تقولها ..) تحـسها هـ الكلمه ثقيلـه وماتستاهـل تقولـها .. . همســت بـ عذاب : آآه يـا دنـيا خفي عليـه .. بس كــــافي .. والله ماعدت أقـوى أكثر عن جيـه ,, . . < > . . أول ما ظهر عنـها .. حس أنـه خاطره يضرب أو يجسر أي شيء ,, مسك رأسـه بيدينـه الثنتيـن وهو يدور فـ بـالـه .. ويتذكر نظراتها التـايهه ,, حس بـالالـم والسبب الاول والاخير { نظراتهــا } ...! مايدري ليش هالمره بالذات يحس بـالألم واللوم يذبـحه .. يحس بـانـه غلط فـحقهـا .. يحس بـ انـه ظلمـها .. ( بس مسرع مابعد هـ الفكره عن بـاله .. وهو يقول ) : وإللي عيونك طـالعتـه ؟؟ شتفسيـره هآآه ..!! (كـان يقصــد لما نـايف نزل من بلكونتـها ) ..! قـعد على الكرسي اللي حذالـه وهو يرمـي جسمـه بـ تعب عليـه .. وكـأنه يبا يحملـه الهم اللي فـ صدره : اه ياربيـه معقولـه لـ هالدرجه وصلت يالفيصـل فـ عمرك ماكنت جيـه ولا مديت أيدك لا وحده مريم اللي هي ذبحتنـي ماسويت فيها شرات ماسويت فـ رو..., ( سكت ماقدر ينطق أسمـها ) : فـ هاي .. . ليـش وصـلت لهالدرجـه .. معقول من قهري سويت جيـه .. يعني انـ .... ( سكـت .. وهو يتمعن فـ هالكلمات اللي كان بيطلقـها ) " كان فـ خاطره يدور انه شيء واحد بس معنات اللي سواه .. انه هو يغار عليـها .. ومعناه اني اغار عليـها .. يعني احبـها .. " . ( نش من الكرسـي وهو يتنهد ويبـا يبعد هالافكار عن مخيلـته .. وتوجـه على البوابـه ... عسب يظهر من هالمستشفـى ولـحظه خروجـه من هالمستشفـى بيكون بـ المقابل خروج روضـه من عقلـه وللابـــد ) مشـى وهو متوجـه ع البوابـه بس وفــجأه توقف وهو يحس بـ الصدمه والذهول من الموقف الغريب اللي مر عليـه .. بسرعه رد على وراء وجنـه يبا يتأكد من اللي توه طـالعه .. . بس وقتها تمنـى لو ما رد وطـالع اللي طـالعه وتمنى لو ظل على عميـه .. ( فج عيونـه للاخر وهو يطـالع الدكتوره اللي قبل شوي كانت ويـاهم بـ الحجره .. واطلقت القنبلـه عليـهم وشردت .. وجنـها انتهت مهمـتها .. واقفـه حذال بنت قصيـره.. وهي ترمسـها وكل مايت دقيقـه أحتد الحديث بينهن .. ظهرت من جنطـتها البوك .. ومدت للدكتوره البيزات ..! . ( كان كل هالشيء تحت نظر الفيصـل وهو مصدوم .. ويحس كل ذره فـ كيانـه تصرخ من الصدمـه ) !! . هــدى : هذا العشم فيـج .. وهاي عمولــتج ..! الدكتوره : لا لاا ياحبيبتي .. دنا عملت حـاقه ماتتعملش .. يعني لو فيـه حده عرف باللي دنا عملتوه .. بيوديني وراء الشمس .. وبنطرد من الشٌغل .. هدى بـ كره : ايــه شو سويتي انتي .. تراج الا غيرتي فـ التحاليـل .. وقلتي لهذا عن السـالفه .. مسـرع ماا ابتعد الفيصـل وهو يطـالع الدكتور المصري الثاني يحدر .. وأول ماحد .ز بسرعه الدكتوره حطت الفايل وراءهـا عسب ما يطـالعه .. . أبتسم الدكتور وهو يي حذالهن وقال : فتحيـه .. بتعملي أيه .. قالت بـ لعثمه وخوف انه يكشفـها : هاه .. لا مابعملش حاقه .. ( كشـر وهو يطـالع خوف وارتبـاك فتحيـه .. وفـجأه لف على وراء عسب يطالع هي شو محطيه وراء ظهرها .. ) . حسـت هدى بـ الخوف يذبـحها .. أكيد احين بننكشـف .. بسرعه مشـت وهي تاركـه الدكتور والدكتوره مكأنهم .. وظهرت برع الحجره .. طـالعها الفيصـل وهي تظهر وكان يبا يتبعها بس خاف انه يسير ومايعرف شو سالفه الفايـل اللي فـ أيد الدكتوره .. . وقـفت هدى بعيد عن الحجره وهي ترقب أي حركه تدل بـ انهن مانكشفن .. سحب الدكتور الفايل من أيد د.فتحيـه .. وهو يقول : فيـه ايــه ..؟! ( بدا يتصفـح الفايـل .. وفتحيـه تحاول تمنعه بس ماقدرت ) .. فــجأه رفـع الدكتور رأسـه وهو يطـالع عليـها وبـ عصبيه حاده : أنتي عملتي أيـــه .. حـــامل وميـن ده اللي حامل روضـه .. الانسـه روضـه .. دنتي هتودينا فستين داهيـه .. بـأي حـئ بتغير فـ التحاليـل .. ومين ده اللي ئلك غيريـها .. دنـا أئول فيـه ايه أخوهـا .. معصب ومكسر الدونيـا ..! عملتي ايه يا كلبـه .. . ( رد الفيصـل بـ قووه على وراء .. وحس بـ انه ريولـه ماشلنـه .. نزل للارض بقوه وهو يرمي جسمـه للارض .. ) فـج عيونـه بـ صدمه وهو يرجف وبقوووه .. يحس بـ السعاده .. ويحس باللوم .. ويحس بالضيـج .. شعوره كان خليـط من المشاعر المضطربـه ..! همس بـ ألـم : يعني هي بريئـه ..! بس .... ( رفـع رأسـه بسرعه وهو أحيـن بس فهم السـالفه ) .. نش بحركـه سريـعه وتخوف .. وهو يربـع يبا يلحق فالبنت اللي توها ظهرت .. أول ما طالعته هدى ياي صوبـها .. رفعت عبايتها وهي تربـع بـ اقوى ماتملك !! لما طالعها تربـع تأكدن شكوكـه .. وكان يربع وراءهـا بسرعه عسب يقدر يزخها ويأدبـها .. ويظهر كل هالغضب اللي فداخلـه فيـها !! . وقـف فـجأه وهو يتنفس بـ قوه .. ويحاول يرد نفسـه .. وهو يندب حظـه .. وقـال بـ عصبيـه : شــت .. أختفتت ...! ليـش .. ليش ..!! رفـع جسمـه وهو يمشـى بـ هدوء عكس قبل ثوانـي .. وهو متوجـه على حجره روضـه .. . ( وقـف لـ ثوانـي جدام الحجره .. يبا يحدر .. بس يحس شيء قوي يمنـعه .. مب قادر يحدر .. . التفت وهو يبا يرد لـ أدراجـه .. وفـجأه مرت ممرضـه من جدامـه .. بسرعه وقفـها وقـال : لوسمحتـي .. الممرضـه : أمر استاز ..!؟ قـال بـ سرعه : ممكن تحدرين داخل وتقوليـن لـ رو .. ( سكت .. وقـال بسرعه ) : تقوليـن للبنت اللي داخـل .. انـه الفيصـل يقولـج .. أنـه الدكاتره غلطوا فـ التحاليـل .. وهو أحيـن خلاص رد ..! الممرضـه بـ ابتسـامه : اه زعلان ع المدام .. أوكي مافي مشكلـه من عيوني انت تأمر استاز .. ( طـالع عليـها بـ أشمئزاز وهو يـطالع شقايل عاقه عمرها عليـه .. ) ! . مشـى وهو يترك المستشفـى ويحس بالخجل من الموقف اللي استوى وفالوقـت نفسـه يحس باللوم ..! . . | ||||||||
| |
|
10-27-2011, 10:43 PM
| #125 (permalink) | ||||||||
|
شخصيه هامہ ~
|
رد: بتنـدمين يا بنـت والسبب نظرتج هذي . . حدرت الممرضـه وهي تبتسم وقـالت : مرحبـا يـا ئمر .. فيه شاب بالخارج .. وئالي بـ ائولك بـ انه الفيصـل عم بيئول بـ انه الدكاتره غلطوا بـ التحاليـل .. وبهالوقت هو خلاص رجـع لبيتوه ..! ( وابتسمت وهي تظهـر .. ) !! . حســت بكـل ذره فـ كيـانها تصرخ .. أنا كنت متاكده .. ووربي كنت متــأكده .. رفـعت رأسـها لـ فوق وهي تقول : اللهم لـك الف حمد وشكر .. اللهم اني احمدك حمداً يليق بوجه جلالتك وعظيـم سلطـانك .!. . ومسـرع ماخطر فـ بالها الفيصـل .. ( ابتسمت بـ قهر وهي تقول ) : انا متـأكده انه وراء كل هالشيء عسب بس يفرغ الحقد والغيره اللي فـ داخله ويضربـني .. حسبي الله ونعم الوكيـل فيك يالفيصــل .. الله ينتقـم منك ياربيـه ..! . نشـت وهي تبا تلبس عبايـتها وشيلتها .. بس فــجأه وقفت وهي تحس بـ صدمـه قووويـه تجتاحها .. شكلـها يخوف وبـ القو .. الدم منتشر فـ كل زاويـه فـ ويها .. ( غمضـت عيونـها وهي تقول ) : اه يالفيصـل وصلت فيـك لهالدرجـه تضربنـــي ( وبـ ألم ) : تشووهنـي يالفيصــل .. تشوهنـي ..! شو أقول لـ هلي .. ( غمضت عيونـها وفجأه طرى ع بـالها البنت اللي كانت موجوده ويـاها) .. : ويـنها .. وليش ماطالعتها لحد احيـن .. وشو سالفه الغلط فـ التحاليل. أككيد انه كل هالشيء من وراء رأس هالحيوان الحقبيـر .. الله ينتقم منه شر انتقـام ..! . . ( دقـت ع دريوليـتها عسب تيـها وتوديـها للمكان اللي كانت فيـه هي وسوسـن .. وعسب تاخذ سيارتها وترد الفلـه .. )!! . . الســاعه 9 م .. حدرت الفلـه بـ خوف وهي تلتفت يميـن وشمـال .. كانت تحس بـ خوف لاحد يطـالع عليـها وهي بـ هالشكـل ..! بسرعه ربـعت على جنـاحها وهي تحبس عمرهـا .. عسب لاتطـالع ع حد .. ولا حد يسـألها شو مستوي على ويـها المشوهه .!. . . < > . . صبـاح يوم جديــد .. صبـاح يوم مشرق .. صبـاح يوم مفـرح ,, صبـاح يوم يحل بـ التغير والتجديد ..! . ‘ . فـ بيت بو راشد .. . كانت متسدحه ع الشبريه مالها وهي تحس بتأنيب الضمير باللي سونه هي وحمدوه فـ روضه توئم روحهن .. قالت وهي ترمس عمرها : اففففف انا فـ شو كنت افكر .. والله كنت اسولف وياها هـ الدووبه .. وابا اطفربها .. ( ضربت راسها بأيدينها وهي تحس بلوم .. ليش انا جيه دوم غبيه ) وعقب تفكير قررت تدق ع روضه عسب تعتذر منها .. . . فـ ذيج الساعه كانت روضه قاعده تسبح وفونها محطيتنه فوق شبريتها .. . دقت يزوي على روضه بس مالقت اي رد من روضه استغربت يزوي من روضه اللي ماترد ..!! يزوي وهي ترمس عمرها : معقوله روضه تكون زعلانه لـ هالدرجه!! ردت تدق مره ثانيه وثالثه بس بعد مالقت اي رد ..!! ذيج الساعه يزوي صج حست باللوم لان روضه شكلها زعلانه وبقوو هـ المره .. وطرشت لـ روضه مسج .. فجـأه وهي وسط لومها .. يتهـا فكره جهنميه ممكن انها ترضي روضه.. وبسرعه فجت لابها وهي تتطالع حمدوه اون لاين ع المسن .. طرشت لـ حمدوه اشاره تنبيه .. مره ومرتين .. بس مالقت اي رد سجلت صوتها وهي تصارخ ع حمدوه بس بعد مافي رد .. ردت مره ثانيه تسجل صوتها وهي تباغم بصوت اعلـــى هـ المره .. فجأه انفتح باب حجرتها وبالقوو .. ........ : حوووووووو انتي وين قاعده ..شو تتحرين عمرين طرزان ع غفله تباغمين هـ المباغم .. يزوي فزت من مكانها اول ماسمعت الصوت وبخوف : هـ ـاا .. والله مب اناا.. هاي حمدوه .. ( وتأشر ع اللاب ) .. ( عبدالله كان ماسك ضحكته بس مسوي عمره معصب ) : لاتحلفين جني ما اسمع يعني .. هدي شوي من هـ المخفه يقولون انتي حرمه عووده .. عقلي لو ليوم واحد بس .. يزوي وهي متصنمه : حاظر سيدي لن اكررها .. والله .. ( ظهر عبدالله وهو بينفجر من الضحك بس ماسك عمره .. هااي اخته موول ما تتغير دووم خبله ومفهيه جيه ) .. ردت حمدوه على يزوي اللي توها انهزبت : خيـــر يا ام الخطط الفاشله شو تبين ..!! يزوي ومسويه عمرها معصبه : انتــــي وووينج يالمعفنه من ساعه ازقرج لحد ما يا هـ الطمطمه يهزبني بسببج .. حمدوه : والله محد قالج تباغمين تستاهلين اللي ياج .. يزوي : معليج مخصماكي لـ يوم القيامه .. حمدوه : هههه الفكاك منج .. الحمد لله .. يزوي : هههه معليج عيل لعانه فيج وعقاب لج مابزاعلج برمسج .. حمدوه : ههههههه يزوي : الا صح نسيتيني تعالي يالنذله اباج فـ بيتنا .. عندي خطه يديده .. حمدوه : ع شو ناويه هـ المره .. مايكفيج روضه وزعلاناها بسببج وبسبب خططج اللي شرات ويهج .. والله ماييت انتي دووم تورطيني بخططج .. يزوي : والله هـ المره خطه غاويه تعالي انتي بس .. حمدوه : انزين بحاول .. يزوي : لا تعالي احين ضروري والله .. اذا تبين روضه ترضى .. حمدوه بنفاذ صبر : انزييين يايه يالداهيه .. يزوي : يلا اترياج يالمعفنه .. . . > < روضه فـ ذيج الساعه كانت ظاهره من الحمام ( وانتو بكرامه) واول ما طالعت على فونها لقت اتصالات يزوي ومسجها .. اول ماقرت المسج ماتت من الضحك .. حتى وهي تعتذر خبله .. ( رويض الدووبه لا تزعلين عليه .. واللله اني مابكررها بس لا تزعليج انا احبكي كثيرات و وايدات .. والله ها كله من عقلتي الغبيه يعلها التـبنـيد .. << يعني كله من عقلها يعله يبند بس بالمؤنث عندها مشكله فالجمع الاخت ..) روضه كانت موول مب شاله فـ خاطرها ع البنات لانها تدري شكثر يعزنها ويحبنها .. بس حبت تتغلى عليهن وتسوي عمرها زعلانه فـ قررت انها طول السالفه وماترد عليهن .. . . أول ماوصلت حمدوه بيت قوم يزوي لقت يزوي تترياها برع فـ الحديقه .. حمدوه وهي ماده البوز : خير يا ام الخطط الفاشله شو تبين .. يزوي : فـ عقلتي خطه ولا اروووع .. بتخلي روضه ترضى علينا بسررررررعه .. حمدوه : والله انا اشك فـ خططج .. بس اطربينا .. يزوي : لا .. لا تشكين الشك مب زين خخخ ... المهم اسمعي الخطه يا حموده .. . . يزوي وحمدوه كانً محتشرات يرتبن حق الخطه اللي اتفقن عليها عسب يرضن توئمهن الثالث رواضي .. كانً فـ المطبخ قاعدات يطبخن كيك ولاول مره لان يزوي وحمدوه فاشلات فـ الطبخ .. فـ كانً يطبخن عسب خاطر روضه ومن عقب ما خلصن جالبات المطبخ فوق حدر اقصد طبيخ انتقلن للملحق يرتبنه .. كانً ينفخن البالونات ويحطن الزينه .. يعني جنهن ناويات على حفله .. عقب ماحسن بالرضى من اللي سونه فـ الملحق .. يزوي : واحين دور صرصور .. حمدوه : ههههه والله لخبره عليج .. يزوي : ههههه بقوله هاي تنشر الفتنه بيني وبينك انا كان قصدي شريف ها تدليع لك .. حمدوه وبنفاذ صبر : اقووول دقي عليه وفكينا بلا هذره زايده .. ( دقت يزوي ع منصور واتفقت وياه ع الخطه تبعهن وطبعاً منصور ماردها على طول وافق ) .. . . الساعه 10:25 ص .. كانت بـ هالوقـت قاعده ويا امها وحمد ومحمد وشما برع فـ الحديقه .. كان حمد مخبل فيهم وحاشر الدنيا .. وكل شوي هو وروضه يتناقرون وحمد يتمصخر عليـها وع ويـها المشوهه ( لانه روضـه قالت لـهم أنـه السبب اللي خلى ويـها جيـه .. الضرابـه اللي كانت مستويـه بينهن هي ويزوي وحمدوه .. وأستغلت سـالفه زعلـها منهن .. ) .. و لحد ماقطع عليهم صوت فون روضه .. حمد بلقافه يطالع على الشاشه : منو هاا " راقــو " ..؟ روضه وهي تحاول تاخذ فونها من حمد : وانت شلك يالملقووف .. ييب فوونيه .. حمد بلقافه منه وبفضول رد على اللي داق وبخشوونه : الووووووو .. منصور : بسم الله الرحمن الرحيم .. حمد : ههههههههه طلعت انت راقوو .. منصور وبعدم فهم : سلامات احيدني داق ع روضه مب عليك .. حمد : انا استويت روضه لدقايق .. قولي شو تبا ..!! منصور : خلك هناك والله مابقول .. رد الفون لـ روضه اباها .. حمد : معليه انا براويك .. ( مد ايده لـ روضه وهو يقول ) : هاج يودي راقو مالج يباج .. ضحكت روضه وهي ترد ع منصور : هلا نونووو .. منصور : انا براويج اخرتي راقو يالخاامه .. ضحكت روضه من قلب وهي تسمع منصور وهو معصب عليها : لا تسمع هـ النذل ترا مووته التفتين .. منصور : ما علينا عقب بنتفاهم .. اباج احين فـ سالفه .. روضه حست بخوف شو هـ المره يترياها : خير منصور شو مستوي !!!.. منصور : لا تخافين مامستوي شي بس ترومين اتيين بيت قوم يزوي فليل ..؟ روضه وهي شاكه : ليش ...؟؟ | ||||||||
| |
|
10-27-2011, 10:44 PM
| #126 (permalink) | ||||||||
|
شخصيه هامہ ~
|
رد: بتنـدمين يا بنـت والسبب نظرتج هذي منصور : ماشي بس انا نسيت غرض صغير فـ بيتهم واستحي اسير ادوره جدامهم .. بس انتي عادي يعني البيت بيتج .. ترومين تساعديني ولا ادور غيرج ..!!؟ روضه وهي تقتنع برمسه منصور : افااا عليك كم منصور عندي من عنووني .. منصور : فديييت اناا عنووونج .. يلا عيل اترياج عقب المغرب اوكيك ..! روضه بأبتسامه : اوكيييك .. روضه وهي ترمس امها : مامااتي انا عقب المغرب بسير بيت خالووه .. ام سالم : خير اميه عسى ماشر ..!! روضه : لا ان شاء الله خير .. بس منصور نسيان فـ بيتهم شي ومستحي يسير يدوره جدامهم ويباني انا اسير ادوره له .. ام سالم بطيبه صادقه : الرب لج حافظ غلايه .. بس لا تتأخرين قلبي اخاف تثقلين عليهم .. روضه بأبتسامه : فديييييت انااا ماماااتي الله لا يحرمني منج .. ابتسمت ام سالم وهي تسمع رمسه بنتها وقالت : ولا منج غلايه .. . تزهبت روضه من عقب ماصلت وقرت لها جمن صفحه من القران ونزلت تحت وهي تدور على امها .. اول مانزلت لقت شما فـ ويها .. شما : خير ان شاء الله وحق شو كل ها ..!! تراج الا سايره بيت قوم خالوه ..؟ روضه وهي تبا تقهر شما : اصلا انا تكشخت ولا ماتكشخت فديتني حلووه .. شما وهي مقهوره : امحق شيفه .. روضه اكتفت انها تضحك بصوت مسموع شوي .. اللي زاد من قهر وحقد شما عليها .. وسارت عنها .. إستأذنت من امها وظهرت من البيت وهي متوجهه لـ بيت قوم يزوي .. اول ما وصلت بيت قوم خالتها واللي مايفرق بينهم الا امتار لقت منصور يترياها برع .. ابتسم اول ما طالعها وردت الابتسامه له .. منصور : تعالي من هني .. ( وهو يأشر على الملحق ) روضه وبأستغراب : ليش انت مب نسيان الغرض مالك داخل البيت ؟؟ منصور وبأبتسامته اللي مافارقت محياه : لا هني حدري .. ( روضه كانت خيفانه وفـ نفس الوقت كانت شاكه فـ منصور تحسه مب طبيعي موول ) سارت بخطوات بطيئه للملحق واللي كان ظلاااام .. اول ما حدرت الملحق كانت تدور على الليتات لان المكان كان ظلاااام من الخاطر .. ( فجـــــــــــأه وبدون سابق انذار ) اشتغلن الليتات وظهرن يزوي وحمدوه وهن يصارخن من تحت الطاوله وهن يغنن .. زعلان يا زعلان خليت قلبي حيران .. ماقلت لك يا حبيبي بطل دلع من زمااااااان .. . ( روضه كانت فاجه حلجها ومب مستوعبه شي موول ) سارن يزوي وحمدوه صوب روضه وحضننها بالقووو ومنصور كان يطالع عليهن من الباب .. اول ما طالعهن متحاضنات انسحب من المكان بكل هدوء .. وهو يتوجه لـ برع الفله .. . . روضه ووسط دهشتها : فديييت رواحكن انااا وربي ماكنت متوقعه اتسون هـ الشي .. بس تعالن وين مداكن اتسون كل هـ الشي ..؟؟ حمدووه : افاا عليج لـ عيونج كل شي يهون .. يزوي بلقافه : اقوول ترا هـ الكيك نحن مسوينه يعني غصب عليج بتاكلينه روضه وبخوف وتأشر ع الكيك : انتن مسويات هـ الكيك ..؟؟؟ يزوي وحمدوه : هيــــه نحن .. روضه وبهمس : لا بالله انا رحت فيها اليوم .. اول ماسمعن البنات التعليق انفجرن من الضحك .. وبسرعه سارن اييبن الكيك وقعدن يأكلن روضه غصب عليها وهي محتشره .. وقعدن يرقصن ويغنن ويستهبلن لحد ما تعبن .. من عقب ما خلصن البنات أكل ورقص وهن حاشرات الدنيا كل وحده منهن توجهت لـ بيتهم .. . . فـ بيت بو سالم .. . كان قاعد فـ مكتبه والاوراق متناثره من حوله .. كان مندمج فـ الملفات والعقود وغيرها .. فجـأه رفع بوسالم راسه وهو يطالع بنته وحبيبته تتطالع عليه من نص الباب .. يعني فاجه شوي من الباب وقاعده تتطالع عليه بصمت ابتسم وهو يطالعها تسوي هـ الحركه .. بسرعه ترك كل شي من ايدينه وفتحهم لها .. روضه اول ماطالعت ابوها سوى هـ الحركه بسرعه البرق انطلقت من وين ما ابوها قاعد .. وارتمت فـ حظنه بكل قوتها .. بوسالم بأبتسامه : ههههه فديت بنوتي الحلووه بس من وين يايه الحلووه ...؟ روضه وهي وسط حضن ابوها وماسكه فيه بقوه : كنت ويا يزوي وحمدوه .. بوسالم : انبسطي قلبي وظهري من البيت لاتقعدين بروحج هني .. روضه وهي تدفن ويها فـ صدر ابوها : باباتي .. بوسالم : عيوووونج باباتج ..!! روضه : تدري اني اليوم مستانسه واااااايد .. بوسالم : يعله دووم ياربي .. بس شو سر هـ الوناسه ..؟ روضه وهي تنش من حضن ابوها وتقعد فوق الطاوله وتجابل ابوها ويه بويه : ممم اسمع الله يسلمك فيه سببين مونساتني السبب الاول ان اليوم يزوي وحمدوه سولي حفله وكان كل شي مسوياتنه حقي انا حتى الكيك هن اللي طبخنه .. وفليناها ويا بعضنا فل حتى الرقص رقصنا جنا سكرانات خخخ .. ابتسم بو سالم من وناسه بنته وقال : ههه والسبب الثاني ..؟ روضه : والسبب الثاني اني شفتك اليوم لاني متولهه علييك مووووووت .. بوسالم والابتسامه ماتفارق محياه : يعلي ماخلى منج ياربي .. وربي انا بعد متوله عليج مووت .. روضه : عيل خلنا بنسهر ويا بعض اليوم وبساعدك .. بس اول شي بسير اسوي حقي وحقك جاي اخضر شو رايك حمودي ..!! بوسالم : هههه تم والله .. مايرد الكريم الا اللائيم .. روضه بوناسه : عيل ثواااني وبكون هني اترياني .. ( وسارت تربع صوب المطبخ ) .. . . > < . . رغم ان روضه رضت عليهن الا انها لا زالت تحس انه فيه شي لازم تسويه لـ روضه .. كانت تحس بعدم الرضى من نفسها .. دقت يزوي على حمدوه ربيعه دروبها الا انها ماردت .. يزوي : افففف بلاها هـ المعفنه ماترد ..! ( تسدحت ع شبريتها وهي تفكر على منو تدق منو يقدر يساعدها فـ اللي تبا تسويه .. فجأه خطر ع بالها شخص .. واول ماخطر ع بالها نشت من تسديحتها وهي تحس انه هو الوحيد اللي يقدر يساعدها .. ) بسرعه يزوي تدور ع الرقم وتدق عليه .. . . كانوا بهالوقت منصور وحمد وسيف وعبدالباسط ومحمد وعبدالله كلهم متيمعين فـ المقهى يلعبون فـ X Box كوره وحاشرين الدنيا بصريخهم .. سيف : حووووو لا تجسر يالغشاش .. حمد : والله لـ جسرهم .. عيل شقايل بوقفهم .. احين الدرزن الثاني فالطريج يايني .. لازم اجسرهم شوي .. ( سيف منصور وعبدالباسط ومحمد انفجرو كلهم مره وحده من الضحك ع حمد الفاشل اللي مايعرف يلعب ) سيف وهو يضحك : حرااام عليك الا ميسي يالنذل .. حمد : انزين صبر عليه .. ( فجأه اعلن فون منصور عن قدوم اتصال ) غرشوب رعبوب والخصر منهوب والعود ميال << دزيز الخبله يتصل بك .. ابتسم منصور اول ماقرا الاسم ورد بسرعه .. منصور ومسوي عمره معصب : هااا .. شو بعد ؟ يزوي وهي تكشر : عفان الله شو زاط انت فلفل .. اما نفس خاااااااايسه .. منصور مارام يمسك عمره وانفجر من الضحك اول ما قالت يزوي رمستها .. يزوي : امحق ضحكه .. عيل انا العاقل ادق عليك وتقول هاا .. المفروض ترمسني غااوي .. منصور : اذا انتي عاقل كل خلق الله خبلان .. وهي تضحك : مالت عليك يالطمطمه .. لا تقعد تجرح مشاعري .. اقووول خلصت رصيدي بسك هذره مب داقه عسب سواد ويهك.. عندي خطه واباك تساعدني فيها يا غلام .. منصور : انا قلت ان ورا اتصالج شي .. ليش نحن مايايين نخلص من خططج يا انسه دزيز .. يزوي : اولاً دزيز فـ عين حرمتك .. وثانياً لا مابنخلص .. منصور مارام مايضحك وانفجر مره وحده .. يزوي : حوووو بسك ضحك خلص رصيدي وانت تضحك .. منصور : لا حووول بندي يابنت الحلال والله لـ دق عليج .. ولا اقولج احين بطرشلج رصيد وفكيني من لسانج .. ( محمد كان يطالع على منصور من اول ماسمع اسم دزيز ) يزوي وهي ماصدقت : احلف !!!! .. منصور : واللله بطرشلج .. يزوي : انزين اباك ماطرش والله بحشرك .. منصور وهو حده طفرااان : لا حووووول احين بتقولين شو عندج ولا شو ؟ يزوي : انزين لا تقعد تصارخ عليه .. انا قاروره ارفق بمشاعري خخخ .. منصور وصل حده من سمع تعليقها وقعد يكح من الضحك لحد مادمع ( محمد كان يطالع عليه بنظرات كلــــــــها غيررره ولو الود وده ينش يقطع منصور ليش انه يرمس يزوي بكل حريه ويسولف ويضحك وياها ) منصور : كح كح خس الله بليسج حشرتينا بتقولين اللي عندج ولا ..؟ يزوي : ههههه بقول بس نش من مكانك واايد حشره وياك .. ( منصور نش من مكانه وابتعد عن الشباب .. وكانت عيون محمد تلاحقه وين ماسار وكان يحس انه بينفجر من الغيره ) منصور : هاا سرنا قولي اطربينا ..؟ يزوي : اسمع الله يسلمك .. انا وضع روضه وخاليـه نايف موول مب عايبني يعني انت تعرف ان روضه تمووت فـ الهواء اللي يتنفسه خاليه نايف واحين بيكمل لهم اكثر من اربع ايام ولا خمسه وهم مايرمسون بعض وانا ادري ان روضه قاعده تعاني فـ داخلها بس ماتوضح .. يعني بالمختصر المفيد ابا ارد المياه لـ مجاريها .. ومحد يقدر يساعدني فـ هالشي الا انت .. شو قلت صرصور ..؟ | ||||||||
| |
|
10-27-2011, 10:47 PM
| #127 (permalink) | ||||||||
|
شخصيه هامہ ~
|
رد: بتنـدمين يا بنـت والسبب نظرتج هذي منصور : مممم افاا عليج انتي فصلي وانا البس .. يزوي : كفوووو والله .. ها العشم فيك ياصرصور .. منصور : اقول ترا المره الاولى طوفتها لج قلت يمكن بتحترم عمرها بس مابسمحلج مرتين تقوليلي صرصور واسكت .. يزوي : هههههه عصب الغلام .. منصور : هههههههه غلام فـ عينج .. بس ماقلتيلي شو خطتج ..؟ يزوي : ممم انا افكر نجمعهم فـ مكان واحد .. بس ما احسها اوكي يعني يبالي افكر بغيرها .. منصور : مممم انتي صبري عليه .. بفكر انا بخطه احسن وبرد لج خبر .. يزوي : عيل خلاص اترياك بس لا طول ترا والله روضه مب هاينه عليه اطالعها جيه وما اسوي شي .. منصور : ولا يهمج انا برتب كل شي .. وفيج الخير والله .. يزوي : ولو هاي قطعه منيه .. منصور : يعله فـ ميزان حسناتج .. يلا عيل اشوفج ع خير .. يزوي : اميين .. بس لا تنسى الرصيد هااا.. منصور : ههههه والله مابنسى .. يزوي : باااي خسرتني وايدات .. منصور بضحكه : بااي راعيه الوايدات .. . . اول ماسكرت عن منصور عقت ثقل جسمها ع الشبريه كانت تحس ببعض الراحه انها راح تسوي شي لـ توئم روحها روضه .. تكره الفراق وماتبا احد من اللي تحبهم يذوق طعمه مووول حتى لو على حسابها .. لانها عاهدت نفسها ماتخلي احد يذوق طعم الالم اللي هي حست فيه .. الا فراق شخصين يحبون بعض يسم البدن سم .. مسحت دمعتها اللي سالت ع خدها غصب عنها بعنف .. وحاولت تتطرد اي شي يذكرها بـ الماضي لانها تكره ذكراه .. . . > < . . كان يطالع على البحر وجنه يشكى همه للبحر .. كان يحس انه بيموت من الضيجه ماعاد يستحمل اكثر .. كل الدنيا استوت ضده .. حتى الشخص الوحيد اللي كان كل شي بالنسبه له و واقف ويـاه تخلى عنه وابتعد والسبب الاول والاخير غباءه .. مسك نايف راسه وهو يحس انه بينفجر من التفكير روضه مووول ماتفارج تفكيره .. صرخ نايف من زود الالم اللي يحسه بقلبه : خسرتها .. خسرتها .. خسرتهااااااااااااااااااااااا .. خسرتج يا قلبي .. خسرتج ياقلب نايف .. دخيلج سامحيني .. وربي ماعدت اتحمل من دوونج .. انتي اللي كنتي مهونه عليه الم وعذاب اربع سنوات من فراق هلي .. واحين انتي تركتيني شرات ماتركني الكل .. دخيلج يا روضه لا تستوين شراتهم .. انتي بنتيـه وتربايه ايديه .. لاتستوين شراتهم .. ( نزلت دمعه حااااره منه وهو يحس ان الدنيا انتهت بالنسبه له ... لا اهل ولا اخ يونسه ولا بنته وحبيبته روضه ) .. . فـ ذيج الساعه كان منصور يدق على نايف يبا يطمن عليه بس نايف كان محطي فونه فـ السياره ولا داري عنه .. رد يدق مره ومرتين وثلاث بس بعد مالقى رد منـه .. وقرر يسير له فلته من عقب مايرد من المقهى .. . نش من قعده بتثاقل وهو متوجه لـ سيارته .. كانت كل ملامحه تدل ع الهم اللي يشله فـ يوفه .. والضعف واضح فـ ويهه وجسمه .. ركب سيارته وهو يتحرك من المكان اللي كان فيه .. كان يسوق من غير وعي .. وموول مب فـ الدنيا .. كان ساهي وسرحان فـ عالمه وفـ روضه .. كانت مول ماتفارج تفكيره .. ابتسامتها .. صوتها .. نظراتها كل شي فيها .. كان يسوق بلا مبالاه وجنه بايع الدنيا .. فجـــــــــــأه بدون سابق انذار ظهرت جدامه تريلا فـ نص الطريج .. وبحركه سريعه منه حاول يتدارك الوضع ويبتعد عنها بس تفاجأ ان فـ الصوب الثاني كانت يايه سياره وهي فـ قمه السرعه ما كان فيه مجال الا انه يسلم نفسه للامر الواقع .. لكن وبحكمه من الله سياره نايف انحرفت لـ برع الشارع وتجلبت .. . . كانت ام سالم ويا الخدم فـ المطبخ تشرف على الطبيخ لانها ماتحب تعتمد ع الخدم فـ كل شي .. فجـأه طاحت السجين من ايدها وطاح كل شي من ايدينها وهي تحس بنغزه فـ قلبها ماتدري شو سببها وكانت دقات قلبها سريعه جدا .. بسرعه ميشيل اتجرب منها وتاخذ السجين من الارض : ماما فيـه شي .. انتا تعبان ..؟ ام سالم وهي محطيه ايدها ع قلبها : اعوذ بالله من الشيطان الرجيم .. اللهم اجعله خيــر .. اللهم اجعلـه خيـر ..!! ظهرت من المطبخ وهي موول مب مطمنه من اللي تحس فـيه .. . . كـان فاقد الوعي ولا يحس بأي شي يدور حوله .. كل اللي يحس فـيه الم فـ كل اطرافه .. واصوات ريايل من حوله .. بس ماقدر يميز الاصوات لـ كثرتها .. كان يحاول يرمس او يحرك طرف عسب يطمنهم انه لا زال حي .. بس كل محاولاته كانت تبدي بالفشل يحس ان كل جسمه مشلول الحركه ولسانه مربوط .. بس فجــأه وبعد عده محاولات فاشله اطلق كلمـه بدون اي وعي منه وبصعووبه تامه : روضـ ـ.... ـ ـه ....!! (وفجـأه عم الظلام والسكون من حولـه وارتخى كل جسمه لـ يسلم نفسه للقدر ) .. وتم نقلـه بسرعه فائقه لـ اقرب مستشفى .. . . وصـل منصور لـ فله نايف وعلى طول حدر .. بس تفاجى ان الفلـه محد فيها .. استغرب وين ممكن يكون لـحد هـ الفتره ..!! كان مول مب مطمن .. وبسرعه رفع سماعه فونه ودق على " خاليه الصغنون " كان يرن ويرن بس محد يرد .. حاول مره ومرتين بس بعد مافي رد .. دق لـ اخر مره وقبل لا يبند سمع صوت غريب عليه فـ الجهه الثانيه .. ..... : الوووو ..!! منصور : مرحباا .. ..... : مرحبتين اخوويه .. منصور : هذا مب فون نايف الـ .... ؟؟ ..... : الا هو طولي بعمرك .. انت قريب الاخ نايف ..؟ منصور بخوف : هيه نعم .. نايف خاليـه .. ليش هو فيه شي ..؟؟ الشرطي عيسى : لا تتطمن ان شاء الله مافيه الاكل خير ... منصور وهو واصله حده : اخوويه دخيلك قولي شو مستوي فـ خاليه نايف ..؟؟؟ الشرطي : الاخ نايف تعرض لـ حادث مروري .. والحمد لله ربك كتب له عمر جديد وقدرنا نلحق عليه واحين هو فـ المستشفى .. منصور كان يحس بأنه تشلل وريوله ماعادت تشيله : حـ ـ .. حـ .. ـادث ؟؟؟؟ الشرطي : هيه نعم اخويه .. ومافي داعي اتخاف عليه هو الحمد لله مافيه الا كل خير وتقدر اتيا تتطمن عليه بنفسك .. منصور وبسرعه : فـ اي مستشفى اخوويه ..؟ الشرطي : مستشفى الـ .... منصور : تسلم اخوويه وماقصرت .. . ( بند منصور عن الشرطي وبلمحه بصر انطلق للمستشفى اللي دله الشرطي عليها ) .. . . كان يربع ربع وهو يدور ع الغرفه اللي دلوه اياها .. بسرعه وبدون اي تردد فج باب الحجره و..... . . > < . . كانت توها ناشه من الرقاد واول مانشت بسرعه تتطالع على فونها لقت منصور داق عليها 6 مكالمات لم يرد عليها ويزوي 9 مكالمات .. دق قلبها وبقووه .. وبسرعه تدق على منصور .. منصور وبضيجه : هلا روضه .. روضه وبخوف من صوت منصور : منصور شي مستوي دخيلك طمني ..!! منصور : روضه اباج فـ رمسه ضروريه ولا زم اشوفج احين .. روضه وهي حدهااا ميته من الخوف : منصوووور دخيلك ارمس لا تخوفني زياده حد من البنات تعبان ..؟ منصور : لا روضه انا احين ياي بيتكم وبفهمج كل شي .. روضه وبخوف : لا تتأخر دخيلك .. منصور : انا جريب البيت عاده .. روضه : اوك ثواني وبنزل .. ( صكرت روضه عن منصور وبسرعه ع الحمام (وانتو بكرامه ) تاخذلها شور ) تلبست وطيراااان على تحت .. وكانت تربع ربع فـ الدري ومحطيه ايدينها ع قلبها لان صوت منصور ما كان يطمن موول .. لقت منصور يترياها فـ وحده من الصالات .. وبسرعه توجهت من وين منصور .. روضه وبخوف : منصور ارمس حرقت اعصابي ..؟ منصور : روضه بقولج شي بس اباج تمسكين اعصابج وتهدين شوي .. روضه : منصوووور ارررمس بس عااااااده .. منصور : نايـف .. روضه جنه احد صب عليها ماي بااااارد صرخت وبنبره خووف واضحه : بلااااااااه .. ارمس منصور ناايف فيه شي ..؟؟؟ منصور وهو شال هم الدنيا : نايف سوى حادث واحين بين الحيا والموت ويبا يشوفج قبل لا ... (مارام يكمل ونزل راسه ) روضه من هول الرمس اللي سمعتها ردت على وراء كانت تتطالع على منصور وهي فاجه عيونها .. مارامت توقف على ريولها اكثر .. ونزلت بقوووووه على الارض جنه مصيبه حلت عليها .. حست ان الدنيا كلها توقفت .. والرؤيا عندها انعدمت ماعادت تتطالع شي جدامها .. منصور من طالع حالتها خااف عليها وااايد ونزل لمستواها وهو يحركها من جتوفها .. : روضـــه .. روضــــه ... (روضه كانت مثل الجثه بليا روح كان يهزها وجسمها يتمايل ويا هزات منصور ) خـافت لاتفقـده شرات مافقدت عهـود ,, { ليــش اي شيء أحبـه لازم أفقــده } .. روضه وهي مول ماترمش لها عين : أبـ ـ ـا أ .. أ.. أشووفـ ـه .. منصور رفعها من الارض وسدنها عليه وصرخ ع بشكارتها ميشيل : ميشيـــــل ... ميشيــــل ... ميشل اول ماسمعت صوت منصور وهو يزاعج طيراان على الصاله : Yes sir منصور : Go and Bring Abah and Shelah to Miss Rawda ميشيل : Okay sir .. ( ربعت ميشيل اتييب لـ روضه شيلتها وعباتها عسب اتسير المستشفى ويا منصور ) منصور : روضه قلبي البسي العباه .. (لبست روضه عباتها وشيلتها وطيران على المستشفى ) . كانت تركض بدون احساس كل ذره فيها تصرخ ألم وحسره ع الايام اللي طافت وهي زعلانه على ابوها وقلبها .. كان ودها تفجر براكين من الدموع وطلع كل اللي فـ قلبها .. بس الا هـ الشي ماتروم عليه جدام الكل .. كانت تحس بكل خطوه تخطيها لـ حجره نايف ان نهايتها جربت .. بسرعه فتحت الباب بكــــــل قوتها .. وهـي تطـالع ......... . . | ||||||||
| |
|
10-27-2011, 10:56 PM
| #128 (permalink) | ||||||||
|
شخصيه هامہ ~
|
رد: بتنـدمين يا بنـت والسبب نظرتج هذي . كانت تربع بدون احساس وكل ذره فيها تصرخ ألم وحسره ع الايام اللي طافت وهي زعلانه على ابوها وقلبها .. كان ودها تفجر براكين من الدموع وطلع كل اللي فـ قلبها .. بس الا هـ الشي ماتروم عليه جدام الكل .. كانت تحس بكل خطوه تخطيها لـ حجره نايف ان نهايتها جربت .. بسرعه تفج الباب بكــــــل قوتها .. كان قاعد ع السرير الابيض بكل هدوء والحزن واضح فـ عيونه وماسك ايده المنجسـره ويطالع عليها .. اول مافجت الباب رفع راسه بكـل هدوء وهو يطالع على اللي توه حادر .. كان موول مب مصدق عيوونه .. " روضـــــــــه .. روووضه بريولها يتنـي اللي كنت متوقع انها من عقب هاك اللقاء مابطالعها فـ حياتيه .. " كانت الاف الافكار تتعاصف براسها وموول مب فاهمه شي .. مره تتطالع على نايف اللي ساند جسمه المتهالك على الشبريه .. ومره تتطالع على منصور اللي يضحك من خاطره .. مارامت تستوعب شي .. بس اشرت على نايف وهي تتطالع على منصور (على انه نايف مافيه شي من اللي قلتلي اياه .. بس مجبسه ايده ورقبته ) ..!! ابتسم منصور وهو يطالع على روضه .. ( اما عنها فـ كانت فـ ذيج الساعه كانت موول مب مصدقه اللي تتطالع جدامها .. ما انكر ان سعادتها ماكانت تنوصف .. شو تبا أكثر عن جيه .. قلبها وابوها واخوها وكل شي فـ هالدنيا جدام عيونها بخير وسهاله .. ( مارامت تمسك عمرها زياده وهي تتطالع على نظرات نايف لها ) نظرات الشوق والحب والحنان .. وبدون اي شعور منها صرخت وهي تربع صوب نايف وهي تحضنه : نــــــــــاااااااايف .. ( كان شعوره ماينوصف .. من طاحت فـ حضنه حس انه ملك الدنيا وما فيها كان يحس انه طااير فـ السماء من الونااسه .. وضمها لـ صدره بقوووووه جنه خيفان انه يفقدها مره ثانيه ) .. ( و بدون شعور منها نزلت دمعه من الوناسه اللي كانت تحسها وهي وسط حضن ابوها ) .. . فـ اما عن منصور من طالع الحاله اللي وصلو لها مارام يقعد زياده فـ الحجره حس انه بيصيح .. وبـ حركه سريعه .. ظهر من الحجره .. . ( أبتسم بـ هدوء وهو يحس بالسـعاده تغزو على قلبـه .. ) قـعد بالكرسي اللي حذالـه وهو يدق على يزوي .. قـال .. منصور وهو متشقق من الوناسه : هلاااااااا واللللله .. يزوي وهي موول مب مستحمله: بشــــــــــر شو ستوى دخيلك اعصابي تلفت من الانتظاااااار .. وهو شاق الحلج : الحمد لله ابشرج المياه ردت لمجاريها بعد فضل من الله ومن خططج الغااويه .. ( مارامت تستحمل من سمعت الخبـر وقاامت تيبب من وناستها وتصارخ ) .. وقالت وهي مب مصدقه : يااااااااي وربي مب مصدقه الله لا يحرمنا منك ياصرصوري .. ضحك ع هبالها .. وقال : ههههه ولا منج يادزيز .. قـالت بـ سرعه وجنها مستعيله : بند بند بسرعه بسير ابشر حمدوووه فديتها قاعده ع اعصابها .. أبتسم وهو يقول و بـ وناسـه عارمـه : هههه سيري بشريها .. . (بندت يزوي عن منصور وبسرعه البرق تدق ع حمدوه اللي من قالتلها الخبر انواع الصريخ والمزاعج استوى ) . . > < . . . . السـاعه 8:45 م .. . كان حبيس حجرتـه .. من سـالفه أمس ولحد هاللحظـه ماظهر منها .. أمـه .. أبوه .. أختـه .. الكل حاولو فيـه ينزل بس عيزو .. . ( تنهد بـ قوه وهو يرد رأسـه على الوسايد اللي وراءه .. ) وهمس بـ عذاب : أنـــا شو سووويت ..! أووف ليش مب راضيـه تغيب من باليـه .. أحس ملامـح ويـها المشوهه تتبعني وين مـا اسير .. ( غمض عيونـه بـ ألم وهو يستذكر ) : معقولـه انا سويت فويـها كل هاك الشيء .. ( أبتسم وهو يسترجع ملامحـها ) : حتى و ويـها مشوه كان عذاب .. ( تنــهد تنهيده طوويلــه ) وهو يقول : من امتى وانت جيـه متوحش يالفيصـل .. فـ عمرك مامديت أيدك على بنت .. وأحين تمدها على روضـــه .. ( فـجأه فج عيونـه للاأخر وهو ينتبه للكلمه الأخيــره .. ) رردهـا بسرعه بين شفتيه بـ عدم تصديق : وأحيـن تمدها على روضـه .. ( عقد حيـانه بـ أستغراب وقـال بـ سرعـه ) : ليش .. روضـه شو بالنسبـه لك ..؟! ( فـجاه رقـع قلبـه بقوو وهو يستذكر شي غفل عنـه ) : وليش أنـا عصبت وجلبت الدنيـا .. وفوق كل هالشيء ضربتـها .. هي مب ختيه ولا وحده من بنات هلي ..! معقولـه تكون شيء كبـيـ .. ( سـكت فـجأه وهو يحس بالكلمات اللي كان بيلفظها ) !! . ( غمض عيونه بـ قووه وجنـه يبا يبعد هالبنت عن بـاله ولو لـ ثواني ) ! وهويمهس بعذاب : آآآآآآه مارضت تفارق خيـالي ولو لثوانـي ..! ( أبتسم وهو يتذكر نظرات عيونـها . . لما كانت تـطالع عليـه ) وفـجأه وبدون سـابق أنذار قـال : فدديت نظرتـ ... ( ســكت .. وهو يحس بـ كل ذره فـ عقله تصرخ ... ) : معقوله .. لامستحيـل .. مستحيـل .. مااصدق ..! ( حرك عيونـه بـ خوف وجنـه مب مصدق اللي توه قـاله قبل ثواني .. )! . . > < . . ( أبتســـم بفرحـه عارمـه وهو يطـالع جدامـه .. أغلى وأقرب شخصيـن فـ حياته يجربون صوبـه ) !! جرب منهن بسرعه وهو يرتمي بـ حضن أمـه : أشتقت لـج يالغاليـه .. ( بادلـته الحركه وهي تضمـه بـ شوق وحب وقـالت ) : وأنـا أكثر ياحبيبي .. . سمـع صرخـه من وراءه : ايييييييه وأنــا .. ( أبتسم أبتسامته الدافئه وهو يطـالع ع أخته الصغيـره ) : هلا والله هلا بالقلب .. هلا بالحــب .. ( بوزت أمنـه وقـالــت ) : جذاااااااب ..! ( ضحك من خا طره وهو يسمع رمسـه أخته .. أشتاق لـ ضرابتهم .. أشتاق لـ دلعها .. مع أنه يكره .. ) ضمـها بـ قوه وهو يقول : أفــا انا جذاب يالحيوانـه ..! عقدت حيانها وقـالت : بديـــنا .. ( أطلق ضحكــه طويـله وهو يمشـي حذالهن ومتوجهيـن لسيـارته .. ) . كـانت أنظـار الـكل عليـهم .. من شبـاب وشيوبـه وحريم .. وخاصتــاً البنات اللي يطـالعن عليـه بغيره وهو يحضـن أختـه .. كان بهيبـته وجمـاله الغربي الممزوج بالعربي غصب يجذب الانظـار .. . كـانت أمـه جدامهم تمـاماً وهي ترمس أبوه وطمنـه أنهن وصلـن .. لانه أبوه كان بـ سفره عمـل .. وأمـه وأخته كـ العاده من سفره لـ سفره .. وهو الوحيـد اللي فالبلاد .. . همس بـ هدوء عسب أمـه ما تسمـعه : لو مارديـتي .. أمون بـ جديـه : ليش .. !!؟ (و كملـت بـ فـهم ) : حاسـه من رمستك فـيه" مسـاعده " يديده فـ الطريج .. ( أبتسم بـ هدوء . وهو يحس بـ السعاده .. مع أنـه الله مارزقـه بـ الاخ .. بس أخته عوضـته عن مليون أخ ) قـال بـ همس : هيه .. بس هـ المره صعبـه شوي .. ( التفتت تطـالع عليـه وهم يمشون .. وقـالت ) : السـالفه وفهمتـها .. بس صعبـه .. ( سكتت .. ) ! ( وفــجأه كملت بـ سرعه ) : تقصـد من نـاحيه البنت ولا الفـ .. ( قـطع عليـها وهو يقول ) : لا هالمره الفيصــل .. . ( أول ما وصـلت الكلمه لـ مسمعها .. خفق قلبـها بـ قوه ) وقـالت : يعنـي الفيصـل سواها ...! ( حرك راكــان رأسـه بـ الايجاب .. وهو شعور الفرحـه يعتليـه .. ) شو يبـا اكثر من جيـه .. ما يحتاي يكمـل ولا يشرح .. أختـه تفهمـه من نظرت عيونـه .. ( مــرت شلـه شباب من حذال راكـان وأمنـه .. وهم يطـالعون على أمنـه و راكان من فوق ولـحد تحت .. ) وفـجأه أطلق واحد منهم كلمـه جرحت راكان : شكلهم مب خليجيـن .. ( غمـض عيونـه بـ قهر وهو يسمع كلماتهم .. والتفتت بسـرعه اختـه وهي تطـالع عليـه بـ خوف .. ) تدري بـ أنه ماشي يهز أخوها .. بس سـالفه شكلهم .. وجمـالهم الغربـي تجرحـه .. البعض بيستغرب .. بـس كان راكان يكره جمـاله .. لانه مب جمـال عربي 100 بـ 100 .. أمهم بلجيـكيه .. وأبوهم تزوجـها فـ أول سفره عمل لـه .. يعني تقريبـاً من 24 سنـه .. وطبـعاً حاول أبوه بـ أنه يخليـها تتتخلى عن جنسيتها بس رفضـت .. ومع ذلك لغتـها العربيـه أو بالاخص لهجتها الاماراتيـه متقونـه بشكل خرافي .. يعني من رمستها ما تنعرف أنها أجنبيـه .. ومع ذلك أمـه وأخته مب من النوع المحافظ أو المتقيـد .. يعني الشيله والعباءه فقط تنلبس كـ عادات وتقاليـد .. يعني بـ المختصر ( جدام هلهم .. وبالاضـافه أنها العبايـه والشيله ما مغطيـه شيء بس كـ زينـه ..) ولـكن فوق كل هالشيء كان الوازع الديني لـ أمنه وأمها جداً قوي .. مع انهن مب ملتزمـات بـس جداً محافظات على صلاتهن وصومـهن .. ( البعض بـ يستغرب .. بس الاغلبيـه العظمـى من بناتنا بدت تتخلى عن أهم خطوه تسترها وتحافظ على مكانتها بين المجتمـع ) !! . ( أبتسمت بـ هدوء .. وهي فهمت سبب هـ النظره اللي وسط عيونـه ..) : راكانووه .. بدال ماتقول الحمدالله .. واللهم لك ألف حمد وشكر ... جيه تبوز .. ياخي أفتخر .. جمـالنا يمكن يكون قهرهم .. ( سكتت وهي تفكر .. وقـالت بـ سرعه ) : طالعها من الناحيه الايجابيـه .. أنـا أدري انه خاطرك يكون شكلك شرات ربعك .. عربي 100 بالمئه بس يالخبـل البنات يموووتن على اللي شرات شكلك .. ( مـا طالعت منه ردت فعل تريـحها .. رفعت أيدها وهي تسوي لـه "مالت" وقـالت : مالت عليــك .. زين لو ستويــت حلط و دغم .. جان هاك السـاعه صحت تبا تكون نص من جمـال اخويـه الحلو راكــان .. ( ماقدر مايضحك .. هالبنت هديه من الـلله .. ) لو مب هي مايدري شو كان بيستوي فيـه .. . . | ||||||||
| |
|
10-27-2011, 10:57 PM
| #129 (permalink) | ||||||||
|
شخصيه هامہ ~
|
رد: بتنـدمين يا بنـت والسبب نظرتج هذي . . < > . . حدر الفلـه بـ هدوءه المعتــاد .. وبدون لايصدر أي صووت .. وكـأنه يبا يكتشف شو هـ المره الدنيـا بتكشف لـه .. . حدر وهو يتنفس ويسحب هواء بـ عمق .. وجنـه يبا يهياء نفسـه للصدمـه اللي احين بتجتـاحه بهدوء عارم .. . حدر وياليـته لو ماحدر .. طـالع الموقـف اللي كل مره يتكرر جدام ناظره .. غمض عيونـه بـ سرعه وهو يطـالع جدامـه قدوتـه .. الأم .. اللي هي لازم تكون كـ النجم العالي .. أو المدرسـه اللي تفهم وتربي طـالبها .. وهو الابـن .. . صرخ بـ عصبيـه كانت ممكن أنـها طيـح يدران الفـلـه .. ليش مايصرخ واللي جدامـــه أمـــه .. ... : يــالحيوانـــــــه .. الله يأخذج من هـ الدنيا وأفتك منج ومن قلة أدبـج .. كل ما يا يوم قلت بـتتعدل وبيصطلح حالها .. ولكن انتي مامنج أمـل .. . ( أول مـاطالعت ولـدها طـالعها بهالمنظر كـ العاده .. بسرعه انسحبت من حضـن ربيـعها .. وهي تطـالع عليـه بـ قوه وجنـها مامسوده ويـها ..) كمـل بـ حقد وهو يصرخ ويجرب صوب الريـال .. وكأنه ناوي على نيـه شينـه .. أول ما طـالعه الريـال ياي على صوبـه .. بسرعه نش من على الغنفـه وهو يربـع برع الفلـه .. وتركهم بروحهم .. . جرب صوبها أكثر وهو يطـالع عليـها بـ أشمئزاز : أمتى بتيي ساعتج عسب أفـتك منج هاه .. خليتيني أستحي حتى أظهر جدام ربـعي .. خليتيني أكره الطلعه من البيت .. خوف لا اطـالعج بـ حضن واحد كـ العاده .. ( ســكت وهو ينزل رأسـه .. ويقول بـ هدوء ) : اذا الملايـن جيـه تسوي وتغير النفوس .. فـ نحن بـ غنى عنـها .. . همسـت بـ صوتـها الجهور : مـــانـع .. قـال بـهدوء وهو منزل رأس ومتوجـه ع الدري : أنسـي مانع .. وأنسي أنـه لج ولـد فـ هالدنيا بـهالاسـم ..! . ( رقـى الدري وهو متوجـه لـ جناحه .. وهو تارك أمـه مكانـها .. ) أبتسم وهو يتذكر أبوه وقـال بـ صوت مبحوح من المشـاكل : الله يرحمك يالـغالي .. تركتنـي ويـا أم ماتعرف ربـها .. مب من شئ تركت هـ الدنيـا .. من البلاوي اللي هي حطتك فيـها .. . حدر جنـاحه وهو يسكر البـاب وراه .. وكأنـه صكر باب ذكرياتـه وللابــد .. . مختصـر عن حيـاة مـانـع : أبوه كان ريـال على قد حـاله .. أمـا فـ عن أمـه فـ كان أبوها ربه نعمه بالملايـن .. وأم مـانع كانت خيـر وريث .. ما ارتاحت لـحد ما صار اسمـها يضرب وسط السوق ضرب .. وطبـعاً كانت وحيده أبوها مما هيأ لها الفرصـه بـ الاستمتاع بالورث لمفردها . كان بين أم مانع وأبوه حب قوي .. وما رتاحوا لحد ما تم الزواج .. وعقب سنوات من زواجهم .. ابتدت المشـاكل بين بو مانع وأمـه .. لـحد ما انزل ربنا عليـهم مانع .. عسب يخفف من حده هـ المشاكل .. وبالفعل كان مانع هديـه من الله لـهم .. ولـكن ما دامت هـ الفرحه بينهم .. لانه بو مانع أكتشف أنـه حرمتـه تلعب من وراه .. وفـ سفراتها تسوي اللي هي كانت ممنوعه عنـه .. زادت المشـاكل .. ولحد ما وصلت للطلاق .. بس عقب فتره ردت لـه وهي تحلف له بـ أنها فـ عمرها ماخانتـه لانها تحبـه .. ومستحيـل يتجنس هـ الحب .. بـ اي فكره كـانت .. . ولحد مره ما ربـنا كتب بـ انه بو مانع يكتشف حرمته على حقيقتها . حدر على مكتبها وهو يطـالعها بوضعيـه الشخص يستحي يطالع عليـها قـاعده بـ حضـن واحد وماهمها أي شخص كان .. عقب أيام بس من هالسـالفه .. ربنا أخذ أمانته .. وترك مانع وحيد ويـا هالام اللي ماتعرف ربـها .. . . < > . . حدر ملـحقـه فـ فله عمـه .. وتوجـه على الغنفـه الموجوده فـ وحده من الصالات . رد رأسـه على وراء وهو يتنهـد وقـال : 1 – 2 – ثـلا .. ( رن الفون .. مما ترك عبدالله يبتسم .. وقال بـ سرعه : لاحول ماتمل هاااي ..! رفع سمـاعه الفون الموجوده فـ الصاله وقـال : خيـر .. قـالت بـ دلع محاولتاً فـي تضيعه .. مادرت انه خلاص حفظ حركاتها : عبودي الحمدالله على السلامـه .. وأنـا اقول ليش نورت الفلـه .. حول نظره بـ هدوء وملل وهو يطـالع على أنحاء الصـاله : أها وبـعديـن .. ( حســت بـ الاحراج كـ العاده .. فـ عمره مابيعاملـها شرات النـاس .. ) ماسمع منها رد وقـال : معليـه نوره انا تعبان بسير ارقد .. تصبحي على خيـر .. ( كان على وشك أنـه ينهي المكالمه لو ماسمع كلمتها الاخيره ) : أبويـه يباك ..! لوا بوزه وهو يقول : أحين ياي .. ( أنهى المكالمه .. وهو يتنهد ويقول ) : ابا افهم هاي محطيـه جواسيس حذال الباب أول مااحدر تدق عليـه .. عنبووها من بنت .. ماشي دم موول .. ماتحس أني اكرها هي وأبووها اللي يقولون عنـه عميه .. . ظهر من الملحق وهو متوجـه ع فلـه عمـه .. دق البـاب وحدر وهو يتوجـه ع الصـاله الدائريـه اللي الكل متيمع فيـها . أبتسم وهو يطـالع الاثاث مره المليون يتغير .. حتى ما كمل لـه أسبوع وغيروه .. قال فـ خاطره بـ سخريـه : وشو فايده بيزات عبدالله .. ( ابتسم ) .. خلهم يلعبون فيـها .. الله لايهنيهم ياربيــه .. العم حرامـي وبناتـه مافيهن دم يعقن عمارهن على جمن بيزه .. حاول يرسم الابتسـامه غصب عنـه وقـال : السلام عليـكم والرحمـه الكــل : وعليـكم السلام .. أبتسم عمـه أبتسـامه كـادت تكون مفهومه لـ عبدالله : هلا والله بولد الغالي حياك الغالي تفضـل .. ( طـالع ع بنتـه اللي كاشفـه جدام ولد عمـها وقـال ) : حبيبتي نوره .. قولي للبشاكير .. ولا اقولج أحسن بروحج تسويـن لـ ريلـج .. ( ســكت فـجاه وكأنــه حس ع الكلمه اللي قـالها ..) أبتسم عبدالله بسـخريـه وقـال فـ خاطره : يالاغبياء غيروا خططكم خلاص حفظتها .. عنبووه دريوليه أذكاء عنكم .. وكمل بـ صوت جهور : لاعميـه مشكور .. ماخاطريـه فـ شيء .. ( سكت وومسرع ما كمـل ) : سمعت أنك طلبتنـي .. ( كمل بتسـاؤل ) : فـ خاطرك شيء ، ناقصـكم شيء لا سمح الله..!؟ ( أبتسم الـعم .. وهو يقول بـ خبث ) : لا الغالي .. بس حبيت أفـتح ويـاك موضوعك انـت و .. (كمل عبدالله فـ خاطره ) : ونورره .. أووف ..! كمـل عمـه : وبنتي نوره ..! نش عبدالله من قعدته وهو يتهرب كـ العاده : على مااظن ياعميه هالموضوع بالذات حسمناه ,, قلتلك من البدايه .. أنـا ريال ماأفكر بالزواج .. الا اذا تبا بنتك تبتلش فـ أنت حر .. كمـل بو نوره بـ تسرع .. وهو يعق بنته عليـه : البنت لولد عمـها وبس .. ووين بتلقى أحسن عنك .. ( طـالع عليـه بـ قهر وفهم أنـه محاولات رفضـه فاشلـه ) لانه وبالمختصر مايهم عمـه وبنـته غير البيزات .. وحتى لو كان فـ سبيل سعادتها أو سعاده بنته .. ( طــالع عليـه بـ قهر وحقد وهو متوجـه للباب يبا يظهر .. قـال وهو يمشي ومتوجـه لملحقـه وبدون لايلتفت ) : تصبح على خير . حدر ملحقـه اللي عمـه خصصه لـه .. بعيد عن بناتـه .. ومع أنـه عبدالله رفض فكره انه يعيش ويـاهم لكـن وللاسـف .. كانت هاي وصيـه أبوه بـ أنه مايبتعد عن عمـه .. وطبـعاً الفله اللي هم فيـها من بيزات عبدالله .. وهو خصص لـنفسه ملحق بعيد عن ضرابتهم وحقدهم .. وكان شبـه فله راقيـه مصغره .. لانه شوي كبيـر عليـه بروحـه زياده عن اللزوم .. حدر حجرتـه وهو يرمي جسمـه على الشبريـه .. ( حط أيــده على جبينـه وهو يقول ) : الله يرحمك يـا ابويـه ,, ماسويت خيـر يوم وصيتنيـه بهالوصيـه .. ( فـجأه فـج عيونـه وهو يتذكر بـ أنه ما صلى ) : أستغفر الله .. ( نـش بسـرعه وهو يحدر يتوضـى .. ويستغفر ربـه ) . . * * . | ||||||||
| |
|
10-29-2011, 05:23 PM
| #130 (permalink) | |||||||||
|
مستشارة المؤسس ~
|
رد: بتنـدمين يا بنـت والسبب نظرتج هذي انا :
نرجس روعه ياجلكسي دوم قلمك ينزف الانه المفيد ما ينقط عنها مو ضيعك الحلوووووو مشكوره ياالغاليه روعه من زمان انا اقرا اروايه بس مارد الاني اكون اهيه مع القصه سوري | |||||||||
| |
|
| مواقع النشر (المفضلة) |
| الذين يشاهدون محتوى الموضوع الآن : 4 ( الأعضاء 0 والزوار 4) | |
|
|
| |
العرض العادي
