|
حياتي كلها فداك .. الجزء الاول شخصيات القصة : عايلة (( أبو محمد )) الأبو عبدالله : انسان طيب و على نياته ... متقاعد و 24 ساعة في الميالس ويا الشياب . الام سلامة : بعد هي شرات ريلها طيبة وااايد و عيالها وايد يحبونها حتى حرمة ولدها العود محمد : الولد العود و عمره 26 سنة متزوج من بنت عمه ميره و طبعة واايد عصبي بس حبوب في نفس الوقت خالد : هذا ايي بعد محمد و عمره 23 سنه و بعده مب متزوج بس وااايد حبوب و طيب و مخاوي ميالس شرات أبوه سارة : هذي متزوجه من أخو ربيعتها و عمرها 22 سيف : انسان مغازلجي درجة أولى و عمره 20 و بعده يدرس في التقنية العنود : و هي آخر العنقود و عليها السنة ثانوية عامة يعني عمرها 18 سنة الجز الأول : بعد ما خلصت العنود من دراستها نزلت تحت عند أمها <<< العنود : أميه ... أميه .... وينج ؟!!! الأم : هلا هلا الغاليه تعالي أنا هني ... يت العنود و يلست عند أمها تسولف معاها .... العنود : عيل وين ميرة عنج ؟؟ الأم : ما أدريبها أظنها ظاهرة ويا ريلها محمد العنود : أهااااااا الأم : انتي درستي اليوم ؟ العنود : هيه درست الأم : و متى الامتحانات ؟ العنود : على أول شهر 6 انشاء الله الأم : هيه عيل يالله بالتوفيق .... أقول الغالية أنا الحين بسير بيت يارتنا أم سالم تبين شي قبل لا أظهر ؟؟؟ العنود : لا الغالية سلاااامة راسج الأم : يالله عيل فمان الله العنود : في حفظ الرحمن طلعت أم محمد من البيت و سارت العنود ترمس عليا بنت عمها في التلفون عايلة (( أبو يوسف )) الأبو أحمد : هذا أخو عبدالله الأصغر منه و هو عكس أخو عصبي درجة أولى بس طيب ويا عياله و أهله الأم شيخة : هذي متوفيه من سنتين بس كانت حرمه طيبة و الكل يحبها لدرجة انهم كلهم حزنوا لموتها .. الله يرحمها .. ميرة : هذي أكبر وحدة و عمرها 25 و هي معرسة ماخذه محمد ولد عمها عبدالله يوسف : الولد العود بس مب معرس عمره 23 و ربيع خالد ولد عمه الروح بالروح و شرات أطباعه منصور : هذا يعتبر أهدى واحد في العايلة و عمره 21 و يشتغل في الجيش و واااايد حبوب حمدان : ربيع سيف و مغازلجي شراااته و عمره 20 عليا : هذي كبر العنود و تدرس وياها ... خليفه : آخر العنقود و عمره 11 و هو صف خامس بس عليه لسان يكفي بلاد بحالها ... و وايد مدلعنه أبوه ... اتصلت العنود حق عليا ..... العنود : آلوووووووووووو خليفة : هلا هلا براعية هالصوت العنود : هلا خلوف شحالك ؟؟ خليفة : شو أصغر عيالج أنا تقوليلي خلوف العنود : عيل شو تريدني أقولك خليفة : قولي " شحالك الشيخ خليفة بن أحمد " العنود : المهم فكنا من لسانك .... وينها علااايه خليفة : ليش انتي تبين علاية ؟!!! العنود : يعني متصله منو أبا مثلا ؟؟؟ خليفة : قلت يمكن تبيني أنا العنود : شو أبابك خليفة : ماااالت عليج بعد هذي يزاتي عاطنج ويه العنود : اهوووووووو خلوف بتروح تزقر اختك و لا لا ؟ خليفة : انزين بس لا تزاعقين احترمي الشيخ خليفة بن أحمد النعود : انزيــــــــــــــــــــــــــــــــــن يالله روح راح خليفة يزقر اخته عليا : هلا و غلا بالعنود ... شحااااالج ؟ العنود : مب بخير عليا : افاااااااااا ليش العنود : عنبوه بلاه خلوف جذي هذا ياهل و جي لسانه عيل لو كبر شو بيسوي عليا : ما عليج منه ... المهم شو الدراسه ويااااج العنود : والله أوكيه ماشي حالها عليا : اقول العنود العنود : عيونها آمـــــــــري عليا : شحال سيف أخوج ؟ (( عليا كانت وااايد تحب سيف حتى سيف كان يحبها بس محد منهم مبين حق الثاني و العنود هي اللوحيده إللي تعرف .. بس عليا كانت وايد مظايقة لأن تعرف ان سيف يكلم 100 وحدة )) العنود : على حطة ايدج ما تغير شي عليا : هو لين الحين يرمس بنات العنود: شو رايج انتي ؟ عليا : قلت يمكن يتوب العنود : هههههههههههه يوم بيتوب حمدان أخوج هاذيج الساعة بيتوب أخوي عليا : افففففففففففففففففف يعني لين متى بنتم على هالحاله العنود : ما عليج من سيفوه تراني اذا تبين ببصم لج بالعشر انه يموت عالأرض إللي تمشين عليها عليا : يالله الله كريـــــــــــم العنود : عيل وينهم عنج أسمع الدنيا صاخه عليا : ابوي راقد ... و يوسف طلع ويا خالد أخوج .. و حمدان أكيد في المول ... و منصور مداوم اليوم .... و خلوف يلعب في السكة العنود : يعني حالتج مب أحسن عن حالتي عليا : اقووووووووووووول العنود طلبتج قولي "تم" العنود : أفااا عليج " تم " كم علايه عندي أنا عليا : تعالي بيتنا العنود : والله فكره ... برمس اماية و برد عليج عليا : اوووووووكيه بس اقنعيها العنود : اوووكيه يالله باااي عليا : بااااي سكرت العنود عن عليا و اتصلت حق أمها ... العنود : هلا امايه الام : اهلين حيا الله العنود العنود : أمااايه أنا ملااانه الام : وين تبين تسيرين الحين العنود : أبا أسير بيت عمي أحمد بيلس ويا علايه يالسة بروحها الام : خلاص سيري بس لا تتأخرين العنود : فديــــــــــــــــتج و الله اوكيه ما بتأخر الام : يالله مع السلامة العنود : بااي سارت العنود بيت عمها أحمد في المارينا مول سيف و حمدان وياهم شلة شباب يالسين في الكوفي سيف : حمدان قوم خل نسير نتمشى حمدان : يلا غاااايته سعيد : على وين انشاء الله مواعدين و إلا عندكم صيده حمدان : هههههههههه الاثنتين سعيد : والله محد غيركم إللي عايش حياته سيف : منو ظربك على ايدك و قالك سير عرس سعيد : ما علييييه حلاته العرس يوم تكون ماخذ وحده تحبها و تحبك شو أبا أكثر من جي سيف : ما علـــــــــيه لاحقين عالعرس انا شخصيا مب مستعيل عليه توني بعدني في عز شبابي مب شراتك شـــيبــه سعيد : أي شيبه يحليلي إلا 23 سنه حمدان : ههههههههههههه صدق شيبه سعيد : جب جب شيب راسكم قولوا آمين حمدان + سيف : هههههههههههههههههههه (( سعيد هو ربيع حمدان و سيف من يوم ما كانوا يهال صح ان أكبر عنهم بس بعد لأنه من حارتهم و وايد طيب و كان يبا سارة اخت سيف بس ما صار نصيب بس الحين ماخذ وحده من قرايبهم في دبي و واااايد يحبها )) حمدان : إلا أقولكم وين سلوم من يومين ما أشوفه ؟؟؟ سعيد : ليش ما وصلكم الخبر حمدان + سيف و هم خايفين على ربيعهم: شووووووو صاير ؟؟؟؟ سعيد : ههههههههههههههه ما شي أنا بروحي ما أدري سيف : الله يغربل بليسك وقفت قلبي تحسبت شي صاير ويا الريال فيصل : أنا بقولكم شو بلاه سعيد : انت خلصت من تليفونك ؟ فيصل : ههههههههه هي خلصت حمدان : حشا ياخي تليفونك 24 ساعة مشغول منو ترمس هالكثر؟ فيصل : ربكم بعد نص غراشيب البلاد عندي سعيد : انزين خلوه يرمس ..... وين سالم ؟ فيصل : الله يسلمكم سلوم طالع ويا أهله رايحين البر من يومين و بعدين تعورت أخته (( هني حمدان طلعت عيونه )) و ودوها المستشفى و قالوا ان عندها كسر و هو شوي ومشغول وياهم .... حمدان : منو من خواته فيصل و هو مستغرب من سؤال حمدان : شدراني أنا ما يخصني أسأله منو من خواته سعيد و بدأ يشك : حمدان بلاك جي عنبوه في حد يسأل عن أخت ربيعه و الله لو سمعك سلوم بيذبحك سيف و هو يحاول يغطي على ولد عمه : إلا أقول شباب خلونا من هالسالفة .... اقولكم ترى اليوم السهرة عند سعود سعيد : نعم نعم ما سمعت شو قلت سيف : خييييييييييييبه بياكلني ... ما قلت شي سلااااامتك سعيد : الله يسلمك هني رن موبايل سيف المتصل "" بيـــت العم "" سيف : الوووووووووو العنود : سيفوه وين انت سيف : عوذ بالله حرمتي و أنا ما أدري العنود : يلا عاد قولي وين انت سيف : ليش العنود : بس أباك تيي تاخذني من بيت عمي سيف: اهووووو ياهي بلشه .... انزين اقولج انا الحين بيي ويا حمدانوه البيت و انتي طلعي و ما أباج تتأخرين العنود : اوووكيه ... باي سيف : باااي |
رد: حياتي كلها فداك .. سيف : حمدانوه يلا قم نسير البيت سعيد : وين وين تو الناس سيف : اسمحلي بس اختي تباني اسير اشلها من بيت عمي حمدان : يلا قم قم فيصل : يلا عيل نشوووفكم باجر انشالله ... اقول سيفوه لا تشغل الخط آخر الليل انزين سيف : لا عاد إلا هالوقت لازم أشغله هههههههههههههه حمدان : يلا شباب وداعة الله سيف : وداعة الله سعيد + فيصل : الله يحفظكم وصل سيف بيت عمه أحمد و نزل هو و حمدان علشان يسلمون على أهل البيت (( بس أصلا سيف كان يبا يشوف عليا )) في بيت بو يوسف : سيف + حمدان : هود هود عليا : حياكم تعاااالوا سيف + حمدان : السلام عليكم عليا + العنود + خليفة : و عليكم السلام خليفة : هاااه شباب شو خلصتوا من إللي بالي بالك (( و يغمز حقهم )) عليا : خلوف عاد يوز حمدان : هيه ياخي خلصنا ما تمت غرشوبه ما نقلناها الرقم سيف و هو حاط عينه على عليا : شحالج عليا ؟ عليا : بخير الله يعافيك .... شحالك انت ؟ سيف : و الله بخير عليا : دوم انشاالله سيف و هو يرمس العنود : يلا العنود قومي نروح البيت العنود : يلا ..... العنود + سيف : مع السلامة عليا + حمدان + خليفة : الله وياكم و بعدين كل واحد منهم راح غرفته حمدان كان أكثر واحد متظايق لأن من يوم ما عرف بإللي صاير بأهل سالم ولد يرانهم و ربيعهم تظايق ... و عليا سارت حجرتها و هي مستغربه من سيف أول مرة يسويلها سالفه و تمت تفكر فيه لين الساعة 2 و بعدين رقدت الجزء الثاني : الساعة 7 المغرب : يوسف : خلوووود وين انت خالد : أول شي الناس يسلمون يوسف : السلااااااااااام عليكم خالد : و عليكم السلام يوسف : يلاااا وين انت خالد : في البيت يعني وين بكون .... لــــيش ؟ يوسف : يلا اتلبس بسرعة بمر عليك خالد : على وين ؟ يوسف : و الله هني بس خوييك بو حمود مسوي عزيمه خالد : و جسوم شو عنده بعد يوسف : ماشي تراه اشترى سيارة و حشرناه على العزيمة خالد : شو من السيياير ؟ يوسف : بنتلي خالد : الله الله ما روم عليه يوسف : انزين خلووود يلا بسرعه خالد : أوكيه الغالي يالله بااااي يوسف بااااي وصل يوسف بيت عمه عبدالله وينك حبيبي ما وحشناك طولت ما شافتك عيني طولت يا الغالي بفرقاك و اتعبتني و انت ظنيني مادام قلبي حيل غلاك لا تستمع للمبغظيني والله أحبك موت و أفداك لا تقول قلبك ما يبيني العمر دام العمر يفداك يا فرحة ايامي و سنيني يوسف متعود يدخل الصالة بدون لا يهود لأن متعود محد يكون في الصاله غير عمه و مرت عمه و أخته ميره ومحمد يوسف : السلاااااااااااااااا (( هني ما عرف يوسف شو يسوي لأنه شاف وحده قاعده غير اخته )) العنود و شردت بسرعة قبل لا يكمل يوسف سلامه المهم دخل يوسف و قعد و لا شاف حد .... بعدين دخلت عليه ميره ميره : هلا هلا بالغالي يوسف : هلا بـميره شيخة الحريم ميره : شحالك يوسف : بخير الغلا اشحالج انتي ميره : بخير الله يسلمك ... إلا أكيد تتريا خالد صح و لا لا ؟ يوسف : هي يعني منو بتريا ريلج الشيبه مثلا ميره : عن الغلط ريلي شيخ الرياييل يوسف : هي هي صح ميره : الشره مب عليك الشره على إللي معطنك ويه يلا مع السلامة يوسف : لا لا أفا و الله كله و لا ميرووووه حبيبتي ميره : يسوف يوز عني .... إلا ما خبرتك يوسف : شووووو ؟؟؟ ميره : تراني حااامل يوسف : والله مبروووووووووووك (( يوسف كان صدق وااايد فرحان حق اخته لأنها من عرست من 3 سنين و هذا أول مولود لها )) ميره : الله يبارك في حيااااتك و أشوف عيالك يوسف : انشاء الله عن قريب (( هو أصلا كان حاط عينه على وحدة بس محد يعرف )) خالد : السلاااااااااااااااااااام عليكم ميره + يوسف : و عليكم السلام و الرحمه يوسف : يلا يا المعرس عنبوه ساعة تتجهز حشا ما يسوى علينا ميره : وين سايرين خالد : نغاااازل و بنشل ريلج ويانا ميره : لا لا ريلي خلوه في حاله عنبوكم بلاكم اليوم طايحين عليه .... إلا صدق ما قلتولي وين رايحين ؟ يوسف : قالج بنسير نغازل ميره : لالا انتوا خلو المغازل حق سيف و حمدان يوسف : معزومين على العشا ميره : هيييه عيل يالله الله يحفظكم يوسف + خالد : مع السلااااااااااامة *** في غرفه العنود *** الحبيبه من شافت يوسف تخبلت و سارت رمست عليا بنت عمها العنود : الووووووو حمدان : هلا العنود : اهلييييييييييين هلا حمدان اشحالك ؟؟ حمدان : بخير الله يعافيج .. منوه العنود : انا العنود حمدان :اوووه اسمحيلي اختي انا ما ارمس بنات العنود : انت بتقص على عمرك و لا علي حمدان : هههههههههههههههه سوري قلتلج انا ما ارمس بنات و لا معجبات العنود : حمدااانوه حمدان : لالا اسمحيلي ما اقدر العنود : حمدان و ويعه حمدان : لاااااااااااااااااااا قلت لا يعني لا ما ابا ارمسج غصب العنود : حمدان والله اسكر حمدان : لا انا ما ابا منج شي بس ما ابا ارمسج غصب؟؟؟؟؟؟؟؟؟؟؟؟؟؟؟؟ العنود : باي حمدان : لا خلاص العنود : شو حمدان : اشحالج العنود ؟؟؟ العنود : هيه توك ريال .. بخير .. وين عليوه حمدان : لحظة عليا : هلا عنوووده اشحااااالج العنود : بخير عليا : غريييييييييييييييييييبه متصله العنود : آآآآآآآآآآآآآآآآآآآآآآآآآآآآآآآآه و يلست تغني : سلم و ضيعت الكــــــــــــــــلام و من شـــــــــاف حسنه ما يلام شوفه مثــــــــــــــل حلم المنام هو صار قوتي و مـــــــــشربي عليا : هااااااااااااه منوه شفتي اعترفي ؟؟ العنود : يووووووووووسف عليا : اوووونه قولي والله العنود: والله عليا : وين ؟؟؟؟؟؟؟؟؟؟؟ العنود : دخل بالغلط بيتنا و انا حظرتي يالسه لا شيله و لا شي و اول اول ما سلم و شافني بقر و انا نفس الحاله آآآآآآآآآآآآآآآآخ يا قلبي كم بعيش انا عليا : افففففففففففففففف عقبالي و يا هالبارد حمدان رز بويه : منوه البارد سيفوه عليا ويها غدا شرات الطماط : عنوده انا بسير فوق و بسويلج اوكيه العنود من عقب ما سمعت رمسة حمدان : ههههه اوكيه بس ادري انج ما بتسووين عليا : يلا باي العنود : باي |
رد: حياتي كلها فداك .. في ميلس جاسم الكتبي جاسم : هلا هلا بالشباب خالد : هلا جسوم شحااالك جاسم : بخير الله يسمك يوسف : انزين عبرونا جاسم : لا لا كله و لا يسوووف حبيبي انته شحالك يوسف : ^_^ بخــــير علومك انته جاسم : حد يشوف ويهك و ما يشوف الخير خالد : خيييييييييييييبه جنكم نسيتوني حميد : انته صخ أنا من أول ما دخلت الميلس محد عبرني و لا قالي هلا فيك جنكم إلا ما تبوني خالد : لا لا كله و لا حميدوه ..... اسمحلي ياخي ما تبين .. المهم اشحالك ؟؟ حميد : توه الناس .............. بخير الله يعافيك في هاللحظه دخل راشد :- راشد : السلااااااااااااااااااام عليــــــــــــــــــــــــــــكم الشباب : و عليكم السلام و الرحمه راشد : هاه تعيشتوا و لا لا ؟؟ جاسم : خـــــــــــــــــــــــيبه !!! يوسف : أقولك رشود ترا ماشي عشا نحن أصلا مسووين فيك مقلب حلووووو راشد : لاااااااااااااااااااا صدق انكم سخيفين حميد : افااااااا لا كله و لا رشود ..... ما عليك منهم اشحالك الغالي راشد : فديت حميدوه أنا محد يحس فيني غيره .... بخير شخبارك انته؟؟ حميد : بخــــــــــــــــــــــير و تموا الشباب سواااالف لين الساعه 12 من الليل يوسف : انزين شباب أسترخص منكم أنا خالد : و أنا بعد بسير أرقد حميد : وييييييييييييو مشكله قوم الكلية يوسف : أحسن من قوم البلدية هههههههههههههههههه ... أقولك حميدوه أباك تروح تخم صوب بيتنا ههههههههههه الكل : ههههههههههههههههههههههههههه حميد : ايييييييييييييه شو تتحراني تراني رئيس قسم مب هين جاسم : رئيس قسم شو ؟؟؟؟؟ المجاري ؟؟؟ هههههههه حميد : لاااااااااااااااااااااااااااااااااا الزراعة راشد : أقول حميد حميد : هلا راشد : ابويه شاري مزرعة في ليوا حميد : اهوووووووووووووووو حتى انته راشد : انزين خلني أخلص رمستي حميد : يلا قول راشد : يعني لو تكرمت تيي تزرع لنا كم نخله ههههههههههه يوسف : يحليلك يا حميد ما تستاهل حميد : جب انته كله من تحت راسك يوسف : محد قالك تحط راسك براسي خالد : انزين شباب شكلنا مب مخلصين اليوم .... يلا يوسف خلنا نسير يوسف: يلا قم خالد + يوسف : مع السلااااااااااااااااامه جاسم + راشد + حميد : الله يحفظكم في بيت {{ بو محمد }} الابو عبدالله : الغالية ميره وين محمد ريلج ؟ ميره : اليوم عنده مناوبه في الدوام بو محمد : هييييييه الله يعينه ..... إلا صدق مبرووووك ميره : الله يبارك فيك عمي بو محمد : ما أوصيكم إذا بنت سموها شيخه على حياة أمج ميره : انزين و إذا ولــــــــــــــد ؟؟؟ بو محمد : كيفكم ميره : لا بنسميه عبدالله بو محمد : برايكم إللي يريحكم ** في هالوقت دخل يوسف و خالد ** يوسف + خالد : السلااااااااااااااااام عليــــــــــكم بو محمد + ميره : و عليكم الســـــــــــــــــلام يوسف : شحالك عمي بو محمد : بخير الله يعافيك .......... إلا وينك انت ما تنشاف يوسف : موجود في هالدنيا بو محمد : عيل ليش ما تيي صوب بيت عمك يوسف : عمي توه المغرب كنت هني بس انت ما تيلس في البيت خالد : مبرووووووووووك يا ميره .. ميره : الله يبارك فيك *** دخلت سلامة الصالة و يلست معاهم *** سلامه (( أم محمد )) : هلا هلا بالغاليين شحاااالكم يوسف + خالد : بخير خالد : أقول امايه أم محمد : آمر يا الغالي خالد : يقولون ولدج محمد يبا يعرس صدق و لا لا ههههه ميره : عموه شوفيهم هالاثنين قابظين على ريلي مب راضين يخلونه في حاااله فديته و الله محد منكم يسواه أم محمد : خلووود يوز عن مرت أخوك يعلني أفداها خالد : هي الدلع كلع حق حمود و أنا ولد البطة السوده أبو محمد : ههههههههههههه أمك البطة السوده أم محمد : اذا انا البطة السوده ريلي شو بيظهر أبو محمد : ريلج عبدالله ولد محمد الزعابي يوسف : و النعم و الله .............. عيل عمي أنا بخليكم الحين .. تآمرونا بشي ؟؟!!!! أم محمد : لا سلاامتك يوسف : الله يسلمج عموه......... إلا أقول ميره سلمي على ريلج ميره : الله يسلم غاليك يوسف : و قوليله عن الحواطه في المولات عنبوه كل ما نروح المارينا و لا بوظبي ألاقيه مطيح هناااااااااااك هههههههههه ميره : ما عليه يا السبال تراني بخبره يوسف : لا لا كله و لا حمود اذا قلتيله بشوفه حافر قبري عند الباب ميره : يعلني ما اخلا منه يوسف : يلاااااااااا مع السلااااااااااااااااااااااااامه كلهم : الله يحفظك وصل يوسف البيت هو متظاااايق لأنه ما شاف غناة قلبه {{{ العنود }}} و تمت الحياه على الروتين نفسه و قربت امتحانات الثانويه العامه و امتحنوا و انجحت عليا بنسبة 86.2 و العنود بنسبة 80.9 و الكل استانس حقهم ...... و استوت عزيمه بهالناسبة في بيت بو محمد ...................... |
رد: حياتي كلها فداك .. خوله : مبروووووك يا العنووود تستاهلين العنود : الله يبارك فـــــــــــــــــيج خوله : عيل وين علااايه علشان أباركلها قبل لا أروح ؟ العنود : ما أدريبها خوله : سلمي عليها واستسمحي منها و قوليلها اني دورتها بس ما حصلتها العنود : أوكييييييييه الغاليه يبلغ خوله: يالله مع السلامة طلعت خوله من البيت و شافت سيارة حمدان عند بيت عمه وكان يرمس في التليفون ،،،،،، خوله هي اخت سالم اللي تظايق علشانها حمدان ،،،،،،،،،،،،،، حمدان كان يرمس واااحد من الشباب بس من شافها سكر و يلس يطالعها حتى اهي شكت في عمرها يمكن فيها شي غلط حمدان : هلا خوله شحااالج خوله : بخير............... منووو ؟؟ حمدان : معاج حمدان أخو عليا خوله : هلا حمدان اشحالك حمدان : بخــــــــــــــــــــــــــــــير (( و هو يقول في قلبه إللي يشوفج أكيد بيكون بألف خير )) خوله : عيل اسمحلي أنا بسير حمدان : اوكيه يالله الله يحفظج و انتبهي على عمرج خوله : مع السلامة حمدان : الله يحفظج حبيبتي هني خوله كأنه حد صب عليها ماي بارد و حمدان بروحه ما يدري كيف ظهرت هالكلمة منه ......... خوله سوت عمرها ما سمعت و كملت طريجها .... بس حمدان كان في نفس الوقت مستانس عالأقل ظهر شي من إللي في قلبه من ناحيتها قال يمكن تحس فيه و ترحمه شوي المهم خلصت العزيمة و الكل استانس اكثرهم حمدان و سيف لأنه شاف عليا و باركلها بدت الاجازة و مثل كل صيف لازم العايلتين يخططون للسفر و قررو انهم يسرون فرنسا وبلجيكا.......... الجزء الثالث : بدت الاجازة و مثل كل صيف لازم العايلتين يخططون للسفر و قررو انهم يسرون فرنسا وبلجيكا.......... وراح بومحمد وحجز التذاكر وكانت هذي مفاجأه للبنات وبعدين وصل بومحمد البيت و حصل العنود وعليا وميره وخالد ويوسف وسيف وحمدان قاعدين في الصاله يسولفون و وقفو كلهم يسلمون عليه بومحمد: شحالكم اليوم يا عيال أشوفكم متيمعين وتسولفون شو عندكم؟ يوسف: ماشي والله بس سوالف تعرف الاجازه بدت والكل ماعنده شغله بومحمد: عيل وين محمد عنكم حمدان: بعد وين الا في المولات يغازل ميره: لا محمد فديته ما يعرف طريج المولات مخلنها حقك انت وسيف سيف: لا خل عنج ريلج دوم اتجابل وياه في المول بومحمد: حمدان سيفوه خلو ميره بلاكم طايحين في ريلها سيف: شو نسوي يوم نقولها الصدق ما ترضى عليه بومحمد: انزين ألحين وين محمد ميره: عمي محمد فديته راقد بومحمد: انزين ما قلتولي ماتبون اتسافرون السنه العنود: وحد قالنا و قلنا لا عليا: هيه والله ودنا بس محد فيكم عزم السنه لا انت ولا ابويه بومحمد: والي يقولكم انه الاسبوع الياي سفركم العنود: والله خالد: محد قالنا بومحمد: انا الحين اقولكم يوسف: ماشالله متى عزمتم بومحمد: امس انا وابوك تشاورنا و اليوم رحت و حجزت سيف : ووين انشالله بومحمد: فرنسا و بلجيكا عليا: الله كان في خاطري اروح بلجيكا سيف وهو يطالع عليا سيف: اي مكان نروحه ويا قوم عمي حلو العنود تطالع عليا و تظحك على ويها الي ستوى احمر حمدان: وليش ما عزمتو على ألمانيا تراها حلوه أحلى من فرنسا بومحمد: عاد نحنا حجزنا وألمانيا السنه الي طافت رايحينها يوسف يكلم خالد يوسف: متى ناوي تقوم خالد: وين؟ يوسف: مب جنه تأخرنا على الربع خالد: هيه صح تصدق نسيتهم يوسف: يلا قوم وراحو يوسف وخالد عند ربعهم الي مواعدينهم و بومحمد ترخص من العيال بيروح الميلس عن الشياب حمدان: يلا قوم نحن بعد بنروح المول تراها حزة الغراشيب سيف: انزين بس انا ما بروح الا بشرط حمدان: يلا خلصني شو شرطك سيف: محمد يروح ويانا ميره: لالالالا اتخبلتو انتو انا ريلي مستحيل اخليه يروح المول وياكم حمدان: ههههههههههه ولا نحنا نباه ايي ويانا في هاللحظه قاموا عليا و العنود بيسرين يشوفن شو ياخذن وشو ماياخذن وياهم للسفر وميره راحت عند ريلها محمد الغرفه وسيف وحمدان طلعو في السياره سيف: حمدانوه انت ما تستحي تقول جدام اختك واختي انه بنروح نغازل حمدان: ليش عادي شو فيها يعني هم ما يعرفون سيف: بس مب حلوه تقول جدامهم حمدان: يا عيني على الي يحبون سيف: لو انا قلت جدام خوله انك بتروح تغازل عادي عندك حمدان: انزين ماصار شي الحين انت ليش معصب سيف: والله انك بارد لكن ياويلك لو حسيت انها زعلت حمدان:هههههههههههههه لا ما بتزعل سيف: واثق الريال حمدان: اكيييييييد مب اختي في غرفه العنود عليا: شفتي حمدانوه السخيف العنود: ليش بلاه؟ عليا: يعزم عليه يروح المول هالحزه العنود: هههههههههههههه عادي يعني ما تعرفين حمدان وسوالفه عليا: هيه لانه سيف مب يوسف العنود: كيف يعني شو قصدج؟ عليا: لاماشي العنود: عليووووووووه قولي شو قصدج عليا: هههههههه انتي تعرفين حبيبتي مب على عليوه هالحركات العنود: اي حركات عليا: عنوده لا تستهبلين تراه مبين عليج العنود: شو مبين علي؟ عليا: انتي تحبين يوسف صح العنود سكتت ونزلت راسها عليا: عنوده انا شرات اختج وفاهمه حركاتج وحاسه فيج العنود: والله ياعليوه انه احبه بس احس انه ما يعطيني اي اهتمام ولا يحس باي شي صوبي عليا:انشالله بيي اليوم الي بيبين لج فيه بحبه العنود: انشالله وبعد أسبوع كان موعد السفر واليوم عايله بو محمد وبو يوسف رايحين صوب مطار بوظبي العنود وعليا وسيف وحمدان ومحمد وميره في سياره مع دريول بيت بو محمد والباقين في سياره مع دريول بيت بو يوسف في السياره العنود: الله تصدقون وايد مستانسه احس انه هالسفره بتكون واااااااااااايد حلوه عليا: حتى انا ما ادري ليش حمدان: تعرفون ليش عليا + العنود: ليييييييييش؟ حمدان: لاني انا وياكم عليا:سخيف حمدان: مب اكثر عنج سيف: أقول ترا بعدنا ما وصلنا المطار من الحين بتتناقرون عليا: ما شفته كيف مصدق عمره حمدان: من حقي سيف: وبعدين حمدان: خلاص ما بحط عقلي ويا عقل اليهال وبعد ما وصلو المطار خلصو اجراءات السفر و بعدين طارو على مطار باريس ومن وصلو باريس راحو على طول الفندق الي حاجزين فيه ومن التعب رقدو وفي اليوم الثاني طبعا البنات اول من قام من الرقاد حليلهم مب مصدقات وعقب ما قاموا الشواب راحو عندهم عشان يعرفون وين بيروحون اليوم طبعا العنود وعليا في غرفه و حمدان و سيف في غرفه و يوسف و خالد في غرفه و محمد و ميره في غرفه و بو محمد و ام محمد في غرفه و بو يوسف و خليفه في غرفه هذا كان ترتيبهم في الغرف في صاله الشواب العنود: ابويه وين بنروح اليوم بومحمد:وانا شدراني وين تبون تروحون انتو قررو العنود: سمعت البنات يمدحون قصر فرساي عليا: هيه صح حتى انا خاطري اروحه بو محمد: خلاص عيل اتزهبو عقب ساعتين بنظهر.. عشان نلحق قبل لا تظلم الدنيا في هالوقت دخلو سيف و حمدان سيف: السلام عليكم الكل: و عليكم السلام حمدان: شحالكم بنات .. شحالك عميه؟ الكل: بخير الحمدلله عليا: ترا اليوم قررنا انروح قصر فرساي مب تكنسلون علينا السيره ترا في خاطري اروحه سيف: لا منو قال ما بنخليها في خاطرج.. كله ولا عليا (( احمر ويه عليا من المستحى)) العنود: ترا عقب ساعتين بنظهر مب اتأخرونا حمدان : اففففففففففف لا عاد شو ساعتين ما يكفن سيف : ليش شو بتحط في ويهك ؟؟؟ حمدان : تهبي ... جيه شو قالولك عني حرمه علشان احط شي في ويهي سيف : هههههههههههه ليش عيل ساعتين ما يكفن حمدان : ههههههههه لا بطيح غراشيب فرنسا ابو محمد : انتوا هذي شغلتكم أصلا الكل : ههههههههههههههههههه في قصر فرساي سيف: وين محمد و ميره؟ خالد: من التعب ما قدرو ايكملون و تمو يالسين العنود: و الشواب بعد وياهم عليا: حتى انا والله تعبت و مب قادره امشي اكثر من جيه سيف: خلاص خلونا انرد ما فينا انكمل اكثر من جيه حمدان: قول إلا ما فينا ع تعب بعض الناس عليا تساسر العنود: قولي حق اخوج مب كلحين ايفشلني كلهم ردو عند الشواب عشان يتغدون بو يوسف: ها عيالي انشالله عيبكم المكان؟ عليا: تصدق أبويه ما شفت احلى من ها القصر العنود: هيه والله .. رووووعه سيف: بس والله وايد عود ما قدرنا انكمله يوسف: ابصراحه احلى شي فيه الحديقه .. خبااااااااال عقب ما خلصو غدا كملو لفتهم ع القصر و روحو الفندق هم كانو مسوين جدولهم ان عقب المغرب يتيمعون كلهم في الكوفي ما عدا الشواب طبعا و محمد و ميره نادر ما ييلسون وياهم في اليوم الثاني قررو ان ما يروحون مكان بس يتمشون صوب الفندق عقب المغرب في غرفه البنات العنود مشتطه تبغي تيلس في الكوفي و عليا شكلها مطوله تبغي تتسبح و تتعدل << لزوم الكشخه العنود من كثر ما كانت تتريا ما قدرت تتحمل لان عليا بعدها و هيه قالت ان الكوفي صوب الفندق مب بعيد يعني بتنزل .. في الكوفي كانت العنود يالسه و كان يوسف يتمشى و بالصدفه شافها و قرر ان ييلس وياها |
رد: حياتي كلها فداك .. يوسف: هلا والله ببنت العم .. العنود: أهليييين يوسف: اشوفج يالسه بروحج وين علايه عنج؟ العنود: بتتسبح و بتلبس و بتنزل يوسف: انزين ما بتعزمينا ع شي العنود: لا افااا انا ما اعزمك .. شوو تبغي اطلب يوسف: امممممم .. ابغي قلبج العنود(( انصدمت)): هاااااا .. شوو... يوسف: هههه بلاج شوو استوابج العنود: لالالا ما شي يوسف: انصدمتي صـــح العنود: ....................... يوسف: إلين متى بنتم جيه .. لازم واحد فينا ايصارح الثاني خربو عليهم سيف و حمدان سيف: السلاااااام عليكم يوسف و العنود: و عليكم السلام حمدان: عيل وين عليا و خالدعنكم العنود: عليا شوي و بتي و خالد ما شفته من الظهر يوسف: خالد بعد الحين بيي تموو ايسولفون و العنود ما قالت ولا كلمه لين الحين منصدمه و من بعد أسبوع قضوها في فرنسا ما خلو مكان ما راحوله راحو بالقطار بلجيكا و تحووطو فيها و ما خلو فيها مكان وصل اليوم اللي يردون فيه البلاد و الكل طبعا مستانس العنود: تصدقون فرنسا و بلجيكا وايد حلوات عليا: هههه ما قلتي شي يديد العنود: ههههههه ويا ويهج عليا: اخيرا برد البلاد والله واااايد اشتقت حق بلادي سيف: عنبو الا هم اسبوعين من سافرتو لو قالولكم سنه شو بتسون عليا: لالالالالالالا عنبوسنه حشا تخبلت انت وعقب السوالف اللي في المطار ركبو الطياره و وصلو بوظبي عقب 7 ساعات من التعب في الطياره |
رد: حياتي كلها فداك .. |
رد: حياتي كلها فداك .. مشكورا اختي على الموضوع الرائع |
رد: حياتي كلها فداك .. دموع القمرر يسلمووووووووووووو |
رد: حياتي كلها فداك .. الحلم الضائع يسلموو.. |
رد: حياتي كلها فداك .. الجزءالرابع : بعد السفر في بيت (( بو يوسف )) : أحمد (( بو يوسف )) : يلا حمدان شد حيلك أباك تاخذ بنت عمك عبدالله حمدان : شووووووووو بس ابويه انا ما ابا العنود يوسف كان يالس من سمع السالفه انجلب شكله 180 درجة بو يوسف : مب على كيفك هي بنت عمك و انت أولى فيها من الغريب حمدان : انزين انا بعدني صغير ... عندك يوسف يوسف : ابوووويه أنا أريد العنود بو يوسف : صدق يا ولدي ..... يوسف : هيه ابويه بس خلني أخلص و اشتغل و باخذها بو يوسف :هي ظهرت أحس من هالخمام حمدان : ابويه انا بعدني صغير بو يوسف : هي انت خلك و يا هالخايسات مالك حمدان اتظايق وااااايد من رمسة ابوه و قام عشان يظهر بو يوسف : على وين ؟؟؟!!!!!!!!! حمدان : بسير عند الربع بو يوسف : في جهنم ................ التعن يوسف : ابويه اذكر الله ما يصير هذا ولدك بو يوسف : خله هو يبا ياخذ وحدة من خايساته ما يبا بنت عمه مسود الويه حمدان : بس أنـ ............ بو يوسف (( يقاطعه )) : صدقني يا حمدانوه ان خذيت وحده من برع العايله و لا وحدة من هالخايسات لا انت ولدي و لا انا ابوك حمدان : ............................. يوسف ما حب يدخل لأنه حس ان الجو متكهرب حمدان : مع السلامه بو يوسف (( و هو معصب )) : الله لا يسلمك انشاء الله حمدان : اصلا لو اميه عايشه جان بيكون الجو غير ابويه يابني و نساني و هو اصلا ما يبا يكون عنده ولد اسمه حمدان بو يوسف : جان زين ما يكون عندي ولد بهالاسم حمدان : خلاص ابويه انا بفكك مني و لا برد هني ***** في هالوقت دخل منصور ***** منصور حس ان في شي منصور : خير شو صاير قاله يوسف السالفه كامله و ان حمدان بيظهر و سار يشل اغراضه منصور : بس ابويه هذا حمدان بو يوسف : و منو يكون لا هو ولدي و لا أعرفه منصور : ابويه الغالي دخيلك علشان خاطري خله في البيت حمدان و هو نازل من الدري : لا لا انا بسير بو يوسف : في جهنم انشاء الله يلا برع البيت ظهر حمدان من البيت مب عارف وين يروح الكل عرف بسالفة ظهور حمدان من البيت بس مب عارفين شو السبب حتى سيف دايما يتصلبه بس حمدان ما يرد عليه طلع حمدان من البيت متظايق حتى تليفونه سكره ما كان يبا يشوف حد و لا يسمع صوت حد حتى الكليه ما قام يسيرها عشان ما يجابل حد من أهله هناك ..... أما أبو يوسف حس انه واحد قسى على ولده و خاصة كل ما كان يتذكر المرحومه أم يوسف و هي توصيه على عيالها لأنه تعرف إنه واااايد عصبي و كانت توصيه خاصة في حمدان لأنها تعرف طبع حمدان شرات أبوه راسه يابس و عصبي و حاول إنه يدوره بس ما عرف هو وين .. حمدان كان أصلا بعده ما ظهر من بوظبي سار عالكاسر و يلس بروحه ... لدرجة إنه كان متظايق كان يصيح من القهر لانه اول مرة حد جيه يعامله حمدان ما عرف وين بيبات سار و حجز في الهيلتون إللي كان صوب الكورنيش في اليوم الثاني فتح حمدان تليفونه لقى واصلنه 6 مسجات أربعه منهم من عند سيف و واحد من يوسف و واحد من منصور عقبها راح يسبح علشان يبا يظهر ..... أول ما طلع شاف منصور و يوسف و سيف متصليبه عقبها نزل الباركنات و ركب سيارته .... في السيارة .... حمدان كان يسوق و هو مب عارف وين يروح ... في هاللحظة يرن تليفونه المتصل "" الــــوالـــد "" حمدان ما حب يرد في البدايه بعدين قال بيرد مهما كان هذا أبوه حمدان : الوووووووو ابو يوسف : السلاااام عليكم حمدان : هلا و عليكم السلام ابو يوسف : اشحالك حمدان حمدان : بخير الله يعافيك ... اشحالك يا ابو يوسف ابو يوسف : بخير ... بس ليش تقولي (( ابو يوسف )) حمدان : ليش شو تباني اقولك ؟؟ ابو يوسف و لا ابو منصور و لا ابو خليفه ؟؟؟؟ ابو يوسف : و ليش ما قلت ابو حمدان ؟؟؟؟؟ حمدان : لأنك قلت إني أنا مب ولدك .... صح و لا لا ؟؟ ابو يوسف و بدت عيونه تدمع : بس يا ولدي انا كنت وقتها معصب و فكرت في رمستي و ذكرت امك الله يرحمها و هي توصيني عليك خاصة ... حمدان بدى يصيح من ذكر أمه : الله يرحمها و يرحمنا أجمعين ابو يوسف : حمدان وين انت ؟ حمدان : و الله هني في الدار ابو يوسف : وين رقدت البارحه ؟ حمدان : رقدت وين ما الله كاتبلي ارقد حمدان شوي داخ راسه لانه من طلع من البيت ما حط شي في بطنه و قام ياكل حبوب منوم ... حس بعمره ما يقدر يسوق و وقتها كان واصل صوب "" قصر الامارات "" و وقف عند الدورا و ياه واحد مسرع عنده نيسان و واحد ما كان عود في سنه كان بعده صغير و طايش و دعم حمدان .... ابو يوسف حس ان حمدان فيه شي قام يرمس و سمع صوت الظربه من جذي خاف على ولده و قام يزاقر : حمدان .. حمدان .. حمدان ... حمدان ........... بس ماشي فايده حمدان وقتها روحه وصلت عند اللي خالقنها (( بودعكم أنا هاليوم وداع بشوق نلقاكم لا تجوني بعتب أو لوم أنا ما اخترت فراقكم أنا برضى بهالمقسوم لكن و الله ما انساكم قريب القلب منكم دوم و أكيد بحلمي بلقاكم بودعكم أنا ملزوم فمان الله يرعاكم )) وصلت الاسعاف و الشرطة إللي قدرت تعرف منو اللي دعمه و ابو يوسف كان كل ساعة يتصل و يحصله مغلق من اللي زاد في شكه ان ولده صابه شي مب زين .... و بعد محاولات حصل التيلفون مفتوح .... الشرطي يوم شاف الرقم "" الــــوالــــد "" ما حب يرد بس قال هذيلا أهله لازم يعرفون ابو يوسف : حمدان ... وينك يا ولدي و الله استهميت عليك الشرطي : يا الوالد أنا مب حمدان ابو يوسف : منوه انته واحد من ربعه الشرطي : لا لا أنا ظابط ابو يوسف : الظابط ليش خير بلاه ولدي الشرطي : انت تعال مستشفى خليفه و بتعرف بلاه ولدك بس أطمنك حمدان ما فيه إلا الخير ابو يوسف : أنشاء الله ............. فمان الله ابو يوسف كان أصلا يالس في البيت و سار يزقر على يوسف و لا منصور واحد منهم عشان يوديه المستشفى ابو يوسف : يـــــــــــــــــــــوســـــــــــــــــــــ ـــــ ــف .. يا ولدي يا يووووسف يوسف : هلا هلا الغالي آمر منصور كان يالس في الغرفة فوق بس سمع ابوه حس ان في شي صاير راح يشوف شو اللي صاير منصور : خير ابويه شو صاير ابو يوسف : تعالوا واحد منكم يوديني مستشفى خليفه بن زايد منصور + يوسف : لـــــــــــــــــــــيش ؟؟؟؟!!!! ابو يوسف : اخوكم حمدان هناك منصور : و انت شدراك ؟ ابو يوسف : مب لازم الحين بعدين بتعرفون يلاااااااااااااااا واحد منكم يوديني عند ولدي حمدان يوسف كان مب مصدق واقف مكانه و مب عارف شو يسوي منصور : يلاااا ابويه تعال معاي يوسف : لحظة بســــــــــير وياكم في مستشفى خليفه بن زايد |
رد: حياتي كلها فداك .. سأل يوسف عن اسم حمدان أحمد و قالوله يروح عند الظابط في غرفة الدكتور و هو بيخبرهم وين حمدان في غرفة الدكتـــــــــــــــــــــور :- ابو يوسف + يوسف + منصور : السلاااااااااااام عليكم الظابط + الدكتور : و عليكم السلام الدكتور : خير يا جماعة عوزين ميــــــــن ؟؟؟ نساعدكم في حاجة ابو يوسف : أنا ابو حمدان أحمد محمد الزعابي الظابط : هلا هلا بو حمدان ايلس تفضل ابو يوسف : لا انا مب ياي ايلس ابا اشوف ولدي وينه الظابط : والله يا ابو حمدان ما اعرف شو اقولك منصور : خير قول دخيل والديك ... أخويه فيه شي الظابط : انزين ايلسو اول عشان اعرف ارمس وياكم يوسف : دخــــــــــيلك قول اخويه شو فــــيه ؟؟؟ بعد ما يلسهم الظابط قالهم : اسمعو انتو ناس تعرفون ربكم و مؤمنين بقضاء الله و قدره و تعرفون ان ماشي انسان يموت قبل يومه ............... الظابط سكت لما شافهم لأن كان شكلهم يخوف ابو يوسف و بدت عينه تدمع :يا ولدي قولي حمدان شو فيــــــــــــــه ؟؟؟!! الظابط : حمدان و كل حد على ويه هالدنيا لازم بيرد حق ربه و انتو ادعوله بالرحمه تراها هي اللي بتنفعه في آخرته ابو يوسف ما قدر يتحمل الخبر حس ان هو السبب في موت ولده ... ياته جلطه قويه في الراس من أول ما سمع الخبر و نقلوه على طول للعنايه المركزة و مشددين إن محد يدخل عليه إلا الدكاتره يوسف و منصور هم بروحهم ما قدروا يتحملون إن اخوهم اتوفى صح انهم مؤمنين بقضاء الله بس مهما كان هذا اخوهم ... خاصة إن حمدان ينحب من أول يلسه وياه .... بعدها سألوا الظابط كيف صار الحادث و قالهم الظابط مكانه و كيف صار و يوم اسألوه منو الولد إللي دعمه قالهم : والله الولد بعده ما دخل الـ 18 و واحد طايش ... منصور : انزين شو اسمه الظابط : يقولوله "" حمد سلطان الظاهري "" يوسف : و انتو شو بتسوون وياه؟؟؟ الظابط : و الله الامر هذا مب عندي عند اللي اكبر مني ... بس اظن يا انه يدفع الديه و لا ينحبس طول عمره .. منصور : يا الله الله يرحمك يا حمدان ظهروا منصور و يوسف من المستشفى و هم خايفين على ابوهم و حزنانين على حمدان إللي توفى و هو بعده في عز شبابه اول ما وصلوا البيت شافوا عليا اختهم ... هي حست ان فيهم شي خاصة ان الخدامه خبرتها انهم ظهروا مع ابوها و هذي اول مرة تصير من وفاة امها عليا : خير شبلاكم جي اشكالكم ؟؟؟؟؟؟؟؟؟؟؟؟؟؟؟؟ منصور : عليوه وين خلوف عنج عليا : لا تغيرون السالفه بلاكم جي و بعدين وين أوبويه و حمدان ليش لين الحين تليفون مغلق ؟؟؟ شو اللي صاير ؟؟؟؟ يوسف خبر اخته بكل السالفه عليا : لااااااااااااااااا مستحيل حمدان يموت منصور : يا عليا انتي تعرفين محد يموت قبل يومه عليا : لا لا حمدان بعده البارحة ما كان فيه شي شو اللي صار و منو هذا الحيوان اللي دعمه ؟؟ يوسف : هو داخ راسه لانه ما قام ياكل شي و و مارام يسوق و وقف عند الدوار اللي عند قصر الامارات و ياه واحد مسرع و دعمه عليا : منووووو هذا ؟؟؟؟؟؟؟؟؟؟؟ منصور : واحد طايش بعده ما دخل الـ 18 اسمه حمد سلطان الظاهري عليا ما قدرت تستوعب السالفه ابوي عنده جلطة و اخويه توفى في نفس اليوم لاااااااااااااااا منوه بيستحمل هالخبرين في يوم واحد و سارت حجرتها تصيح على اخوها اللي توفى و هو بعده ما دخل الـ 21 كانت صدق صدمه للجميع اولهم أحمد (( ابو يوسف )) انتشر الخبر في الحارة كلها و الكل يا يعزي و اسالوا عن أحمد ابوهم و خبروهم السالفة |
رد: حياتي كلها فداك .. في العزاء خوله : عليا بس عاد ما صارت .... انتي المفروض تدعيله بالرحمه عليا : انتي ما تعرفين شو كان حمدان بالنسبة حق هالبيت العنود : كلنا نعرف ان حمدان غالي و يشهد الله ان محد يعرفه و ما يحبه عليا : عيل ليش تلوموني يوم اني اصيح على اخويه خوله و هي بروحها مب ميوده صيحتها : بس يا عليا انتي الله معوظنج بيوسف و منصور و خليفه ... تراج اذا فقدتي واحد عندج ثلاثه غيره عليا : بس حمدان غير العنود : يعني يا عليا تبين تفقدين واحد منهم ؟؟؟ عليا : لااااااااا الله لا يقول بس حمـــــــــــــــــــــــــدان غير كل واحد منهم له غلاته .... و لا تنسون ان حمدان كان صاحي و ما كان فيه شي يعني صدمه محد توقعها العنود : عليا الحين عمي أحمد يبا حد يوقف وياه و يهديه و ان شافكم جذي بيحس ان فقد عياله كلهم خوله : عليا انتي المفروض توقفين وياهم حرام جذي تزيدهم همهم تراهم كافنهم اللي فيهم عليا : خلوني بروحي العنود : بس يا عليا قبل لا تسوين اي شي حطي ربج بين عيونج و فكري في وصيه امج يوم قالتلج هالله هالله في ابوج و اخوانج خوله : ترا حالج لا يسر لا عدو و لا صديق عليا : خلااااص خلوني العنود : انزين ما بتنزلين تحت؟!!! عليا : لااااااااااااااااااااااا ما أبا أشوف حد خوله : خلاص براحتج |
رد: حياتي كلها فداك .. في يوم العــــــــــــــــزاء في ميلس الريايل : سعيد : منصور عيل وين سيف ولد عمك ؟؟؟ منصور : والله سيف حالته مب احسن عن حالتنا هنيه ... و الله لو مب الحيا جان ما يلست في الميلس سعيد : بس هذا بدال ما تدعوله بالرحمه جي تسوون ترا ربكم بعد ما يرضاها منصور : ياخي انت ترمس تراها الرمسة سهله لكن انا ادري لو مب الواجب ولا جان ما ييت تعزي في عزا اغلى ربعك صح و الا انا غلطان ؟؟؟؟؟؟؟؟؟ سعيد : يشهد الله ان اللي في قلبي اشد من حمل اليبل حمدان كان اعز ربعي و فقدته .... و أبوك كان في حسبه ابوي اللي انا ما شفته و حالته ما تسر .... و سيف ربيعي و معزته من معزة حمدان و بعد حالته ما تسر .... لكن خلها على الله ... منصور : الله كريم ....... الله يرحمك يا حمدان سعيد : آمــــــــــــــــــيـــــــــــــــــــن في هالوقت دخل سيف سيف : السلاااااااااااااااام علـــــــــــــــيكم الكــــــــــــــل : و عليكم السلام و الرحمه سيف اول ما دخل جابله يوسف راح علشان يعزيه سيف و عيونه متروسه دموع : احسن الله عزاكم يا يوسف يوسف حس فيه : الدوام لله سيف سار عند منصور و عزاه ... و عقبها راح عند سعيد و فيصل و سالم و كل اللي يالسين يوسف : اشحالك يا سيف ؟؟؟ سيف : حالـــــــــــــي ؟؟؟؟ مثل حالكم تراني مب احسن عنكم يوسف : بس يا ســـيــــ .......... سيف (( قاطعه )) : لا بس و لا شي تراكم اذا انتو فقدتوا اخوكم انا فقدت ربيعي و ولد عمي و أخويه في نفس الوقت يوسف : تراك ما بتغليه يا سيف اكثر عنا نحن عشنا وياه و كلينا وياه و شربنا وياه ...... سيف : لااااا يا يوسف الله العالم ان معزته شرات معزة أميه و أبويه يوسف : اللــــه يـــــــــــرحمــــــــــــــه سيف : آمـــــــــــــــــيـــــــــــــــــــــــــ ـــــ ـــن عقبها روحو المعزين و محد قصر الكل يا عزاه و دعوله و دعوا ان الله يقوم ابو يوسف بالسلامه .... ابو يوسف كانت حالته من سيء الى أسوأ .... بس عياله ما قصروا وياه كل يوم عنده خاصة خليفة اللي من درى بالخبر حس انه بيموت وسار عند اخته مــيره في غرفة ميره اللي في بيت بو يوسف خليفة يدق الباب ... ميره : منووووه ؟؟؟!! خليفة : انا خليفـــــــــــــة ميره : تعال الباب مفتوح خليفة كان يعتبر ميره مثل امه من دخل راح في حضنها و هو يصيح ميره : بلاك خلوف شي يعورك تعبان ؟؟؟؟؟؟؟؟؟ خليفة : لااااااااااااااااا ميره : عيل شبلاك ؟؟؟؟ خليفة : شو ما تبيني اصيح و أنا أميه راحت عني و انا عمري 8 سنين و راح اخويه اللي كنت احبه اكثر واحد فيهم و انا عمري 11 و الحين ابويه الله العالم في حاله .... ليش بس لــــــــيش؟؟؟ ميره حست في خليفة خاصة ان هو بعده صغير و كان يحب حمدان و ابوه اللي مدلعينه : بس يا خليفة هذا قدر ربك انت ما تقدر تعترض خليفة : بس ليش نحن اللي يصيرنا جي ؟؟؟ ميره : خليفة هذا قدر ربك انت تفهم و لا لا يعني محد يموت قاصر عمر خليفة مع انه ما فهم رمسة ميره : بس انا كنت أحب امايه و الله خذاها ... و حبيت حمدان أكثر واحد من اخواني و الله خذاه و كنت أحب ابويه و حالته كل يوم تزيد عن اللى قبله ميره ما عرفت بشو ترد على اخوها اللي بعده ياهل و يرمس جذي في هالوقت دخل منصور اللي سمع الرمسة من اولها منصور : شبلاك يا خليفة ؟؟؟ خليفة : ما فيني شي منصور : خليفة انت تؤمن ان الله موجود في هالكون خليفة : أكـــــــــــــــــــــــــــــــــيد منصور : عيل ليش ما تؤمن بقضائه و قدره ؟؟؟؟؟؟؟؟ خليفة : بــــــــس اول شي امايه و الحين حمدان و ابويه .... منصور (( يقاطعه )) : ابويه ما فيه الا العافيه ... و نحن انشاء بنسفره برع البلاد و بنعالجه إذا مب متوفر علاجه في الدوله خليفة : .......................................... منصور : يلا الغالي قم وياي خليفة : ويــــــــــــــــــــــــــــــن ؟؟؟ منصور : انت تعال شو ايلسك هني ؟؟؟؟ ميره : وين بتوديــه ؟!!! منصور: تراه أذن العشا .... يلاااا قم نسير المسيد نصلي خليفة : اوكـــــــيه يلااا عقب وفاة حمــــــــــــــدان في بيت (( بو سالم )) هذي القصــيدة واقعية بـجميع معانـيها بوقف حذا قبـرك و بزرع وردة و أرويـها دمع العسل و الدمع غدى في عيونـي أنـهار وردة وعدتك أمـس نزرعـها و نسقـيها لما التقيـنا عقـب ما مرت سنيـن كثره فرحة انـتهت يوم الـحياه ما عتدبت فـيها ودعت دنيا قبل لا تعرف بقايـا أسرارك أصبحت أنا بروحي أناجي الدمعة و أبكيها ترثي لـحالي تقول مسكـين الزمـن غدار يصبـر سنيـن و يـنتظر تـحسب ديانيها قالت يسابق هالزمن بس تصـفقه الأقـدار عشت الأمانـي منتظـر روحـك أحاتيهـا قلت الـحلا قرب و عاجلنـي القدر بأمرار تدري حبيبـي شي سوالف كنت أبـي أحكيها و الوقت داهـمنا و فـينا تشابكـت الأفكار ودي أقلك بعدك لـدنياي ينـهيهـا و الحين بعدك يا حبيبي صار .. والله صار يا ليت من أنفاسي شي لروحك أهديهـا يا ليتني واللـه مكانك و الأمانـي اكثار تدري حبيبـي شكثر من آمـال أبنيها ما كنت أظن إللي بنيته في لـحظة بس ينهار أشكي لمن.. أشكي لمن قلي .. همومي وين أوديها لليـل و إلا للقـمر و إلا بـقايا أزهــار صدقتنـي الــحين و إلا انت ناسـيها يوم اني قتلك دونك انته مالـي أهل و دار تذكر ليمن جيت ساعة .. ساعة قلت أبهديها الحين صارت في زمن الأحـزان لـي تـذكار فينـي الـحزن عاهدنـي هالأفراح انسيها بنعـيشها عالذكرى لين تـمرن الأعـمـار بقرالك و بـدعـي ذنـوبك ربـي يـمحيها بعدلـك هـذا القصيـد هـو آخـر الأشـعار ****************** القصيده للشاعر : ربيع القلب |
رد: حياتي كلها فداك .. وله من آخر مره شافت حمدان حبته هي من قبل كانتت تحبه بس يوم هو بين لها ارتاحت اكثر وحبته اكثر و كانت دوم تصلي و تدعيله صح انها صاحت حتى اكثر عن سالم اخوها اللي هو ربيع حمدان ... آخر شي نزلت تحت عند اهالها .. خوله : السلااااااااااااااااااااااام عليـــــــــــــــــــــــكم الكل : و علـــــــــــــيكم السلام و الرحـــــــــمه ابو سالم : تعالي حياج يا بنتي خوله : الله يحيك الغالي ........ عيل وين امايه ؟؟؟ مريم : امايه في الطبخ خوله: شو تسوي ؟؟ ابو سالم : ما ندريبها خوله : اهاااااااااااااااااااااااااااااااااااا .... الا ابويه انت رحت عزا قوم بويوسف ؟؟ ابو سالم : هــــــــــيه ... يحليلهم ما يستاهلون ولدهم اتوفى و ابوهم في المستشفى خوله : يالله الله يعينهم و يرحم ولدهم و يقوم ابوهم بالسلامة ابو سالم + مريم + سالم : آمـــــــــــــــــــــــين سالم : الا اقول ابويه ابو سالم : آمر سالم : ابويه انا ابا اعرس ابو سالم : هذي الساعة المباركة .. منوه تبا؟؟ سالم : ما ادريبكم انتو دورولي بس مب الحين عقب فتره ابو سالم : ليش مب الحين سالم : ابويه ما يصير ربيعي ما كمل اسبوع من اتوفى و انا اسير اعرس !!!! ابو سالم : هيه صدقك في بيت عبدالله الزعابي (( ابو محمد )) سيف من عقب وفاة حمدان انجلب 180 درجة قام ما يفوت و لا فرض من صلاته و في كل صلاة يدعي حق حمدان حتى رقم تليفونه غيره علشان ولا بنيه تتصلبه خالد: سيف انته رحت عزا ولد عمك ولا لا ؟؟؟!! سيف : هيه أكيد رحت محمد : انت شبلاك جي ضعفان غديت يابس سيف : شو اسوي يا اخويه من عقب حمدان ما قام حد يونسني محمد : ليش وين ربعك ؟؟؟ سيف : اي ربع ؟؟؟؟؟؟؟؟؟؟؟؟؟؟؟؟؟ خالد : وين عنك سعيد و لا فيصل و لا سالم ..... ترا ماشاء الله ربعك وااايد سيف : بس حمدان كان احسنهم خالد : بس يا سيف محد يموت قبل يومه صح و لا أنا غلطان سيف : صح بس ليش حمدان من بد هالعالم كلهم ؟؟؟؟ محمد : يا سيف انت الحين عود مب ياهل علشان ترمس بهالرمسه و مثل ما قال خالد محد يموت قاصر عمر و اذا ربك خذ حمدان اليوم باجر بياخذ حد منا بعد ... ترا هذي الدنيا فيها حياة و فيها ممات سيف : الله يرحمه محمد + خالد : آمين سيف : انتو ما رحتوا عند عمي أحمد ؟؟؟ محمد : أنا رحت له ... مسكين والله حالته تقطع القلب خالد : انا خاطري أعرف حمدان ليش ظهر من البيت ؟؟؟؟؟؟؟ سيف : حمدان الله يرحمه ما كان بيخبر حد و لا حتى حد من عيال عمي اكيد صارت مشكله بين حمدان و عمي و طرده عمي محمد : لاااااا عمي ما توصل فيه لهالدرجه خالد : لالا يا محمد عمي مب شرات ابويه عمي وااايد عصبي و حمدان الله يرحمه كان عنــــيــد سيف : و انت ليش ما سألت مرتك ؟؟؟ محمد : هي بروحها ما تعترف و لا حتى عليا اختها تعرف بس يوسف و منصور و عمي و حمدان الله يرحمه هم اللي يعرفون خالد : حتى انا سألت خلوف قالي ما اعرف شو السالفة بس سمعتهم يزاعقون و ما اعرف شو السالفه في هاللحظة يرن تليفون خالــــــــــــــــــــــــد المتصل " يوســــف " خالد : هلا والله بشيخ الشباب يوسف : هلا خلود .. اشحالك ؟؟ خالد : بخــــــــــــــير الله يعافيك ..... شخبارك انت يوسف : اخباااري ؟؟؟ لا تسر لا عدو و لا صديق خالد : افا يا يوسف لا تتشائم جي يوسف : ياخي شو تقول اخواني يبون حد يصبرهم و المفروض اكون انا هالشخص و انا بروحي مب قادر اصبر حالي خالد : و اشحال عمي أحمد ؟؟؟!!!! يوسف : لااااا تذكرني حالته تقطع القلب ... كل ما يفتح عيونه يقولي وين حمدان ؟؟؟ أنا السبب ؟؟؟ أنا ما نفذت وصيه أمك ... أنا ما استاهل الحياه ... كان عندي ولد يسوى الدنيا و ما حافظت عليه ... و عقبها يصيح خالد : و الله مسكين ما يستاهل يوسف : الله يقومه بالسلامه ........... خلاص الغالي ما بطول عليك خالد : لا لا يا يوسف تراني انا بحسبه اخوك صح و لا لا ؟؟ يوسف : أكـــيــــد خالد : خلاص ما اوصيك سير ارقد يوسف : وين بيني رقاد و نحن على هالحال خالد : الحمدلله على كل حال ....... الا اقول شو سويتو ويا اللي داعم اخوك يوسف : بعدهم حابسينه خالد : مب ناويين يسوون شي ؟؟؟؟؟ يوسف : امبلا .. بس انا ما سرت لهم ... ياخي ما لي خلق هم ثالث خالد : خلااااص اوكيه يوسف يالله الله يحفظك يوسف : مع السلامة **** عقب ما سكر خالد **** محمد : هاه شخبارهم ؟؟ خالد : ياخي محد منهم متأمل خير سيف : الله يكون في عونهم خالد + محمد : آميـــــــــــــــــن |
رد: حياتي كلها فداك .. الجزء الســـــــادس : في مستشفى خليفة بن زايد منصور : هاه يا دكتور بشر شو الحال عالوالد ؟؟؟ الدكتور : والله ما اعرفش اقولك ايه منصور : قول يا دكتور الدكتور : دي حالته ما بتبشرش بخير منصور : شو رايك يا دكتور نسفره ؟؟؟؟ الدكتور : لاااااااااا حالته ما بتستحملش السفر منصور : انزين في أمل ان يقوم بالسلامه ؟؟؟؟ الدكتور : ما تيأسش من رحمة ربك منصور : ونعم بالله في هالوقت دخل الظابط مايد الحارثي إللي كان وياهم وقت الحادث الظابط : السلاااام عليـــكم منصور + الدكتور : و عليكم السلام الظابط : انت أكيد يوسف اخو حمدان الله يحرمه منصور : لا أنا مب يوسف أنا منصور الظابط : و النعم معاك الظابط مايد الحارثي منصور : هلا والله الظابط : بصراحة انا ياي علشان ارمس حد من اخوان المرحوم ... زين اني حصلتك منصور : آمــــر الظابط : نحن نبا حد منكم ايي يوقع علشان نظهر الولد منصور : أي ولد ؟؟؟؟ الظابط : حمد الظاهري إللي داعم اخوكم منصور : لــــــــــــــيش ؟؟؟ الظابط : لأنهم دفعوا عن ولدهم و بعدين الولد يبا يرمس حد فيكم منصور : خلاص باجر عقب المغرب انا بييكم الظابط : خلاص ترتوب ... يالله مع السلااامة منصور+ الدكتور : مع السلامه منصور : دكتود الدكتور : نعم منصور : ممكن اسير اشوف ابويه و لا لا ؟؟ الدكتور : لأه ما بيصحش منصور : افااااا يا دكتور ليش عاد ؟ الدكتور : حالته ما بتستحملش حد يخش عليه غير الدكاتره منصور : انزين يمكن يتحسن لو شافني الدكتور : بس اخوك كان هنا امس و شافه منصور : هذا اخويه هب انا الدكتور : طيب طيب .. بس ما بتتأخرش منصور : انشالله *** عقبها منصور راح العناية *** منصور : السلاااام عليكم ابو يوسف : و عليكم السلام منصور كان أكثر واحد من اخونه يشابه حمدان في الطول و العرض و ملامح الويه ابو يوسف : هلا هلا بالغالي هلا حمدان منصور : هلا فيك .... ابويه انا منصور ابو يوسف : حمدان يوز عني ادريبك تقص عليه ... تعال قرب علشان اشوفك منصور عقب ما قرب من ابوه ابو يوسف : هـــــــــــيه ... هلا منصور منصور : هلا فيك الغالي ابو يوسف : يا منصور انا ما استاهل الحياة صح و لا لا ؟ منصور : لا يا ابويه شو هالرمسة ابو يوسف : الله عطانا نعمة المال و البنين علشان نحافظ عليهم مب شراتي انا منصور : بس يا ابويه نحن ما نقدر نعترض على امر ربك ابو يوسف : يا منصور انت ما رمسته أنا رمسته في وقت الحادث منصور : يا ابويه محد بيموت قبل يومه ابو يوسف : عيل وين خليفه ... ليكون صابه شي بعد ؟؟؟ منصور : لا خلوف ما فيه الا كل العافيه ... بس مب ناقصنا الا شوفتك في البيت ابو يوسف : البيت ما يسوى بدون حمدان منصور : افاااااا ونحن مب عيالك ابو يوسف : هيه عيالي بس حمدان غير منصور : يا ابويه انت الله عطاك بدال الولد اربعة اولاد و تراك اذا فقدت واحد لا تخسر الثلاثة اللي بقوا ابو يوسف : بس لكل واحد منكم غلاته ... و أمكم الله يرحمها وصتني اكثر بحمدان وانا ما نفذت وصيتها منصور : هذا أمر ربك يا ابويه و نحن لازم ما نعترض ابو يوسف : وشحال ميره و عليا ؟؟ منصور : بخير ابو يوسف : ليش ما ايون عندي ؟؟!!! منصور : كيف و الكتور مانع حد يدخل عليك وايد ابو يوسف : هيييييه منصور : يالله ابوي انا استرخص ابو يوسف : هالله هالله في الدرب عن السرعة منصور : انشاء الله ... تآمر بشي ؟؟ ابو يوسف : لا سلامة راسك منصور : الله يسلمك . مع السلامه ابو يوسف : الله وياااك طلع ابو يوسف من المستشفى من عقب ما تعافى و مرت الحياة على عادتها مع الحزن إللي فيها بسبب موت حمدان لكن عقب مرور شهور قدروا يتناسون شوي ..... و عقبها ميره ربت و يابت ولد سموه على اسم المرحوم خاله {{ حمـــدان }} و سيف اكثر واحد استانس و كان مدلعنه وااايد هذا كله بسبب حبه للمرحوم حمدان ولد عمه في بيت عبدالله (( ابو محمد )) الساعة 7 المغرب : ابو محمد : هاه يا خالد متى ناوي تعرس ؟؟ سيف : شوووووووووووو ليش يعرس ؟؟ ابو محمد (( مستغرب )) : شو تباه يتم طول عمره مب معرس ؟؟ سيف : لاااا بس حمدان ما كمل إلا سنه من توفى ... خالد : انت قلتها بروحك كمل سنة الله يرحمه سيف : حتى لو ابو محمد : بس الحياه يا سيف ما توقف بموت حد صح و لا لا ؟ سيف : بس هذا حمداااااااااااااااااااااااااان خالد : خلاص ابويه طب السالفة انا بعدني مب مستعيل . ابو محمد : و سيــــــــــــــــــــف ؟؟!!!!!!!! سيف : بلاني ؟؟؟؟؟؟؟؟؟؟ ابو محمد : مب ناوي تعرس ؟؟؟؟؟؟؟ سيف : يا ابويه خلني اشتغل اول ابو محمد :أنا حصلت لك على شغل سيف : ويـــــــــــــــــن ؟؟؟؟ ابو محمد : في الجمارك سيف (( بدت عيونه تدمع )) : الله يرحمك يا حمدان كان بودي اني اشتغل معاك في نفس المكان محمد : الحي ابقا من الميت سيف : الله يرحمه الكــــــــــل : آمــــين في هالوقت دخلت سارة اختهم سارة : السلاااااااااااااااااااااااااااام عليكم الكل : و عليكم السلام سارة : اشحالك الوالد ؟؟؟ ابو محمد : بخير شحالج انتي ؟؟؟ سارة :بخير الله يعافيك ام محمد : جــــــــــــيه و أنا مالي رب ؟؟؟ سارة : لا أفا منوووه قال .... شو أخبارج أمايه عساج بخير ام محمد : هيه توج حرمه ... بخير شحالج انتي ويا زايد ؟؟ سارة : بخير ... يسلم عليكم محمد : و ليش هو ما يا ؟؟؟؟؟ سارة : اووووه نسيت .... قال ان بيروح الميلس ... سيف : توه الناس ... الحين ذكرتي خالد : انزين لا تطولون الرمسة يلا قوموا الريال يالس يترياكم محمد + سيف + بو محمد : يلاااااااااا طلعوا الشباب و بو محمد سا روا عند زايد *** في الميلس *** بو محمد كان أول واحد دخل الميلس : السلاااام عليكم زايد : و عليكم السلام و عقبه دخل سيف و محمد و خالد و يسلوا يسلمون على بعض زايد : هلااا عمي ... اشحالك ؟؟؟ بو محمد : بخير ... شحالك انته ؟؟؟ زايد : بخير الله يعافيك بو محمد : دوم انشالله .... يلاا استرخص منكم أنا زايد : أفااااااااااا عمي وين رايح سيف : أكيـــد رايح عند الشياب ما تعيبه يلسه الشباب بو محمد : شيب راسك سيف: افاااااااا لا كله و لا بو حمود محمد : أصغر عيالك أنا ؟؟؟ بو محمد : يلااااا يا زايد بسير عنك ... اسمحلي يا ولدي زايد : لا مسموح عمي الله يحفظك بو محمد : مع السلامـــــــــــــه *** طلع بو محمد من الميلس *** زايد : هااااه شباب شو اخبار الدوامات ؟؟؟ محمد : صخ يا رياااال لووووووووووعه زايد : أفااااااااااااااااا ليش شو مسوين فيك محمد : عاطيني دورة عقب أسبوع زايد : ويــــــــــن ؟؟؟!! محمد : السلــــــــــع على حدود السعوديه خالد : ههههههههههه قول انك ما تروم تصبر عن مرتك محمد و هو قافط : جب انت خالد : ههههههههههههههههههههههههه سيف : يا حليلك يا محمد كشفناك ههههههههههههههه زايد : ههههههههه عاد انت طحت في لسان سيف و حمدان شو يسلمك الحين ؟؟؟؟ زايد متعود على حمدان علشان جذي غلط و قال اسمه بدال خالد الكل سكت و ما عرف شو يقول .... خالد : الله يرحمه الكل : آمين زايد حب يغير الجو : انزين اذا ما تبا السلع خلهم يحولونك دورة ثانية محمد : لاااا عادي خلني أخلص و أفتك خالد : أقول زيود زايد : هلاااااااا خالد : اشحال عبود أخوك زايد : بخــــــــير الله يسلمك خالد : إلا هو لين الحين ما اشتغل زايد : لااااا اشتغل محمد : وين ؟؟؟ زايد : في أدنوك خالد : زين والله يستاهل سيف : أنا بسير عنكم زايد : لاااا وين ؟؟؟ سيف : بسير أرقد محمد : توه الناس ؟؟؟ سيف : لا تعبان شوي البارحة ما رقدت خالد : خلاص براحتك زايد : افاااااااااا يا سيف يعني ما تبا تيلس وياي سيف : لا والله يا زايد بس تعبان زايد : خلاص برايك سيف : يالله مع السلامة الكل : الله يحفظك |
رد: حياتي كلها فداك .. *** من عقب ما ظهر سيف *** زايد : بلاه سيف جيه تغير 180 درجة محمد : والله شو اقول يا زايد هو من توفى حمدان و هو جيه خالد : لا تنسى حمدان كان وياه 24 ساعة زايد : بس حمدان كمل سنه من اتوفى خالد : ندري .... بس شو نسوي زايد : بس مب زين عليه جيه محمد : حاولنا وياه بس ماشي فايده زايد : ليش هو الحين ما يظهر ؟؟؟ خالد : يوم نقوله يقول ويا منو بظهر زايد : ليش وربعه وينهم خالد : محد منهم يسوى حمدان مثل ما يقول محمد : مع انه كان وايد ويا سعيد و فيصل زايد : ما عليه انشالله مع الايام بيتغير .. بس انتوا حاولوا وياه و ظهروا من هالجو خالد : يا ريت بس لازم كل مره حد اييب طاريه و ييلس يتذكره محمد : المهم ...... شحالك ويا سارة ؟؟؟ زايد : الحمد الله مرتاحين **** في بيت بو محمد **** سيف دخل البيــــت أم محمد : سيف .... سيف : هلا أميه أم محمد : وين ساير سيف : بسير أرقد سارة : ليش زايد وين سار عنكم؟؟!!! سيف : يالس ويا خالد و محمد ام محمد : و ليش انت ما يلست وياهم ؟؟ فيك شي سيف : لا اميه ما فيني شي بس البارحة ما رقدت و أحس بعمري تعبااااان ام محمد : هيييييييه خلاص الغالي سير ارقد سيف : تصبحون على خـــير الكـــل : و انت من أهل الخــير |
رد: حياتي كلها فداك .. الجزء السابــــــــــــــــــع : اليوم اللي بعده **** في بيت بو يوسف **** دخل بو يوسف غرفة المرحوم حمدان و يلس يصيح من خاطره على ولده اللي فقده في عز شبابه و على سالفة ما تستاهل ... و هذا كله بسبب عناد بو يوسف و اصراره على الشي و لأنه وااايد عصبي ....... يلس يتذكر المرحومة (( شيخة )) ام يوسف يوم وصته على عياله و خاصة حمدان .... و كان شكله يقطع القلب ...... منصور وصل البيت سار و شاف غرفة حمدان مفتوحة و هذي أول مره تصير من اتوفى لأنه أبوه قافل على الغرفة و ما يخلي حد يدخلها حتى البشاكير ما يخليهم ينظفون الغرفه و ما يرضى إن حد يسكن في الغرفة .... دخل منصور الغرفة منصور : السلام عليكم بو يوسف : و عليكم السلام منصور : بلاك أبويه ؟؟؟ تعبان فيك شي ؟؟؟ بو يوسف : لا الغالي ما فيني شي منصور : أبويه أنا أدري انك كنت تحب حمدان بس مب زين تسوي جيه في عمرك ترى الله ما يرضاها بعد .. بو يوسف : انت تعرف ان اليوم حمدان كمل سنه بالظبط ؟؟؟ منصور : انزين ... الله يرحمه بو يوسف : آمين منصور : يلا ابويه قوم سير ارقد ... ترا شكلك وايد تعبان بو يوسف : انزين أنا بسير ارقد ... انت اقفل الغرفة و ييب لي المفتاح منصور : ابويه انت لين متى بتخلي الغرفة مقفوله و محد يدخلها ؟؟؟؟؟؟؟؟؟ بو يوسف (( معصب )) : لين ما أموت ... يوم بموت سوو إللي تبونه في الغرفة منصور : لااااا ابويه بعيد الشر .. أنا ما أقصد شي بس ...... بو يوسف : خلاااص اقفل الباب و ييب لي المفتاح منصور : انشالله *** طلع بو يوسف *** سار منصور و سوا إللي قاله اياه أبوه دخل منصور على ابوه غرفته منصور : ابويه وين تباني أحط لك المفتاح ؟؟ بو يوسف : ييبه عندي سار منصور و عطا ابوه المفتاح مال غرفة حمدان منصور : هاه الوالد تآمر بشي ثاني ؟؟؟ بو يوسف : لا سلامة راسك الغالي منصور : الله يسلمك .... تصبح على خير بو يوسف : و انت من أهل الخير طلع منصور من عند أبوه و شاف يوسف توه واصل منصور : هاه يوسف من وين ياي ؟؟؟؟؟ يوسف : من عند الشباب منصور : أهاااااااا .... عيل أنا بسير أرقد تآمر بشي ؟؟؟ يوسف : لااااا بس وين أبويه ؟؟؟ منصور : ابويه توه كان في غرفة حمدان الله يرحمه يوسف : لـــــــــيش شو كان يسوي ؟؟؟؟؟ منصور: يلس يتذكره و يصيح ... و الله قطع قلبي يوسف : الله يرحمه منصور : يالله تامر بشي ؟؟؟؟؟؟؟؟؟؟؟ يوسف : لا سلااامتك منصور : الله يسلمك ... تصبح على خير يوسف : و انت من أهل الخير **** اليوم الثاني في بيت بو يوسف **** يوسف : السلااام عليكم الكل : و عليكم السلام خليفه : يسوووووف أباك توصلني المدرسة يوسف : عوذ بالله من بليس بلااااااك شو تبا ؟؟ خليفه : حبيبي انت اباك توصلني المدرسة عليا : هههههه يحيلك يا يوسف ما تستاهل بو يوسف : هههههههههههههههههههه يوسف : ابويه طالع ولدك بو يوسف : انزين وصله خليفه : يلاااا بسرعة تعال وراي منصور : ههههههه اقول يسوووف يوسف : شبلااااااااااكم اليوم ... ناويين علي آمر شو تبا انت بعد ... تباني أطبخ لك اليوم ؟؟؟ منصور : ههههههههههههههه يا ريت أحسن من هالسيلانيه اللي عدنا يوسف : براااااايكم بااااااااااااااااااااااااااااااااي بو يوسف : تعاااااااااااااال يوسف : هلااا آمر الغالي .... بو يوسف : لا تنسى الطباخ اليوم عليك الكل : ههههههههههههههههههههههههه طلع يوسف من البيت و هو مب فاهم شبلااااهم و يقول في خاطره : (( هذا كله من تحت راسك يا خلوف )) سار يوسف دوامه و الكل ارح داوامه في ميلس جاسم الكتبي الساعة 8 عقب المغرب خالد + يوسف : السلااااااااااااااااااااااام عليكم جاسم + حميد : و عليكم السلااام يوسف : اشحالك بو حمود ؟؟؟؟؟؟؟؟؟؟ جاسم : بخير علومك انته يوسف : تمااااااااااااااااااام جاسم : و اشحالك انت خلود ؟؟؟؟؟؟؟؟؟؟؟؟؟؟ خالد : جب انت الحين ذكرتني ...... حميد اشحالك حميد : جب انت ما ادانيك ... مال مصلحه جاسم : وييييييييييييييو قفطه يوسف : ههههههههههه محد قالك تقفط جسوم حميد : ههههههههههه ربكم ما يظرب بعصا خالد : أنا بسير عند أميه ... باي جاسم : هههههههه تعال يا الزعابي خالد : شو تبا ؟؟؟؟؟؟؟؟!!!!! جاسم : لا تسير عند أمــــــــــــيه (( و هو يعيب على رمسة خالد )) خالد : عيل شو تباني أقول أمااااااايه ؟؟؟ حميد : هيه ليش ما تقول أمايه ؟؟؟؟؟ خالد : ايييييييييييه ابويه هذي مب رمستنا جاسم : خييييييييييييييبه نط العرج يوسف : اييييييييه انتوا بلاكم على ولد عميــه حميد : هههههههههههه رمستكم كله فيها مد خالد : جــــــب انت لا تعيب على رمستنا جاسم : خلااااااااااااص بس عاد ... أنا بناسبكم يوسف : نـــــــــــــعـــــــــــــم !!!! جاسم : خيــبه ما قلت شي ؟؟؟؟ خالد : شووووووووووووو قلت !!! حميد : بسم الله بلاااكم ؟؟؟؟ يوسف : جنه قال بيناسبنا ؟؟؟؟ جاسم : لكم الشرف أصلا .... خالد : ها إللي قاصر حميد : ههههههههههههههههههه يوسف : انزين خلونا الحين من هالسوالف وين رشود ؟؟؟؟ جاسم : في الدرب ياي خالد : اهاااااااااااااااااااااااااااااااااا في هالوقت دخل راشد راشد : السلام عليكم الكل : و عليكم السلام خالد : لو يايبين طاري المليون أحسن راشد : ليش بشو كنتوا تطروني ؟؟؟؟؟؟؟؟ يوسف : ما كنا نطريك راشد : عيل !!!!!!!! يوسف : ما شي كنا نقول إنه عيسى المنصوري مسوي عزيمه و عازمنا ؟؟ راشد : يلا خلنا نسير خالد : انزين قول بمناسبة شو ؟؟ راشد : ما يهم المهم السالفه فيها اكل و لا لا ؟ يوسف : لاااااااااااا ما فيها راشد :!!!!!!!!!!!!!!!!!!!!!!!!!!!!! كيف ؟ خالد : لأن السالفه كلها مقلب حميد : ههههههههههههههههههههههههههههه راشد : صدق انكم سبــــــــــ ـــــــــــلان الكل : ههههههههههههههههههههههه راشد : اقول يسوف يوسف :هلا آمر راشد : جـــــــــــــــــــــــــــــب يوسف : نعم ما سمعت شو قلت ؟؟؟؟؟؟؟ راشد : قلت جب خالد : هو ما شي شغل اليوم راشد : هــــــــــيه نعم يوسف : اقول جسوم جاسم : آمر الغالي يوسف : جـــــــــــــــــــب جاسم : لااااااااااااا والله يعني ما رمت على رشود ييت صوبي يوسف : هههههههههههه هيه جاسم : حميدوه انت احلى واحد فيهم تصدق !!! حميد : احم احم جاسم : اقول حميد حميد : شو جاسم : جــــــــــــــــــــــــب راشد : ههههههههههههههههه ما تستاهل يوسف : بلااااااااااااكم ؟؟؟!!! بسم الله عليكم جاسم : رشود إللي بدا و انت كملت أنا يت عقبك حميد : يحليلي أنا في حالي ما يخصني فيكم أنا ما أحب إلا خلووود خالد : فديتك والله حميد : أقول خلود خالد (( وهو فهم ان حميد بيقوله جب )) : حميدوه حميد : هلااااااااا خالد : جـــــــــــــب حميد : ههههههه فهمتها ماشالله عليك الكل : هههههههههههههههههههههه راشد : الحمد الله و الشكر ... العقل زيـــنه يوسف : قول حق عمرك راشد : الحمدالله عاقل خالد : مـــــــــــبين راشد : حميدوه يا إللي ما تستحي على ويهك حميد : افااااااااااااا ليش !!! راشد : خليتني أرمس الريال عنك و انت ما ييت ؟؟ حميد : أي ريال ؟؟؟؟؟؟؟؟؟؟؟ راشد : راعي المزرعة حميد : أي مزرعة ؟؟؟؟؟؟؟ راشد : المزرعة مالتنا اللي في ليوا .. خليتني أقول حق راعي الزراعة ما ايي لأنه ربيعي إللي بيزرع النخل و انت ما ييت ؟؟؟ حميد : ياخي ما يسوى علي هالشغل ... بتطلعونه من عيوني يوسف : هههههههههههههههه تستاهل جاسم : عاد حميدوه حلاته عليك لبس الزراعه خالد : هــيه صدقك .. ضعيف و يابس و أسمراني .. جنك من هاذيلا الهنود مال البلدية حمـيد : ههههههههههههههههه أحسن منك لا شغل و لا شي خالد : منوه قالك اني ما اشتغلت حميد : وين ؟؟؟؟؟؟؟؟!!!!!!!!! خالد : في غرفه التجاره و الصناعه راشد : وليش ما سويت عزيمة يا مسود الويه ؟؟ خالد : خيبه ها اللي تحاتيه ؟؟؟؟؟؟؟؟؟؟؟؟ راشد : هيه نعم خالد : انزين بعدني ما اتعينت بس وافقوا انهم يوظفوني بس وين ما ادري جاسم : شبااااااااااب ما باركتولي يوسف : مبرووووووووووووووك ... ولد و لا بنت ؟؟ حميد : ههههههههههه توم خالد : ههههههههههههههههههههههههههه جاسم : صدق انكم سبلان مثل ما قال رشود يوسف : هههههههههههههههههههه راشد : هههههه لا لا صدق على شو مبروك ؟؟؟ جاسم : نويت اعرس راشد : منو هذي الي امها داعيه عليها ؟؟؟ يوسف : ههههههههههه منوه هذي ؟؟؟ جاسم : بنت عمي خالد : مبروووووووووووووك تستاهل يا بو حمود جاسم : الله يبارك فيكم .. الا ما خبرتكم حميد : شووووووووو ؟؟؟؟؟؟؟؟؟؟؟؟؟ جاسم : هذا كان مقلب هههههههههههههههههه يوسف : سبااااااااااااااااااااااااااااااااااااااااااا ااااا ل جاسم : احم احم ... اعرف راشد : مالت عليك بعد أنا قلت السالفه فيها عرس و عشا و اكل خالد : ههههههههههههه انت بس همك بطنك ؟؟ راشد : أكيـــــــــــــــــد يوسف : ويا ريت لو مبين عليك عنبوك اضعف واحد من عقب هالهندي <<< حميد حميد : هههههههههههه منوه الهندي ؟؟ خالد : ههه يحليلك على نياتك ... انت الهندي بعد منوه سبلاااانحميد : جاسم : المهــــــــــــــم أنا أبا عشا راشد : فديــــــــــــــــــــت اللي يفهمني انا جاسم : هههههههههههههههههههههه انت متفيج راشد : ياخي الحياه ما تسوى لازم نعيش يومنا خالد : الا قول لازم ناكل يومنا راشد : هههههههه هيه صدقك يوسف : خلااااااااااااااااص انا قررت حميد : شــــــــــو قررت يا الشيخ الزعابي يوسف : غصبن عن خشمك شيخ حميد : والله انتوا محد يعطيكم ويه خالد : هههههههههه لازم ياخي زعاب ما ننلام راشد : استكوااااااااااااا يمكن السالفه فيها اكل ... شو قررت يسوف ؟؟؟؟؟؟؟ يوسف : قررت انا الشيخ يوسف بن أحمد بن محمد الزعابي أن العشا اليوم بيكون على رشود راشد : نعــــــــــــــــــم !!!!!!!!!!!! جاسم : هيه صدقه مب انت اللي يوعان من الصبح .. يلاااااااااا العشا عليك خالد : هاه اي مطعم قررتوا ؟؟؟؟؟؟؟؟ راشد : لاااااااااااااااااااا والله و انا مالي راي يوسف : جـــــــــــــب انته حميد : وييييييييييييو رداها حقك و يسلوا سوالف و عقبها كل واحد روح صوب بيته |
رد: حياتي كلها فداك .. ** في بيت بو محمد ** سيف: هلا هلا والله ميره : هلا فيـــــك سيف : منوه رمسج انتي ميره : افاااااااااااا عيل منوه كنت ترمس ؟!! سيف : أرمس القمر إللي وياج ميره : مااالت عليك تباه ؟؟؟؟؟؟؟؟ سيف : ليش وين بتسيرين ؟ ميره : بسير عند محمد سيف : هيه سيري له قبل لا يروح المول ميره : تعرف ؟؟ سيف : شو ؟ ميره : ما شي سيف : عطيني حمدان و سيري عني ميره : شله سيف : هلا بالغالي .... شحالك ؟ حمدان بدى يصيح لانه يبا امه ميره : ههههههههههههههه ما تستاهل ... عطني اياه سيف : عوذ بالله بلاااااه ولدج ؟؟؟ ميره : ما يباك هههههههه سيف : و لا أنا أباه ميره : مالت عليك تتمنى انته سيف : شليه يلا انا بطلع ميره و هي مستغربه : شو ؟!!!!!! سيف : بطلع .... فيها شي ؟؟؟؟؟ ميره : لا ما فيها شي .. عطني اياه (( ميره استغربت من سيف لأن هذي اول مره بيظهر بروحه من دون محد يقوله )) (( سيف بدى شوي يفكر في رمسة قوم أبوه و ان صدق الدنيا ما انتهت بموت حد يعزه و يغليه )) |
رد: حياتي كلها فداك .. في سيارة سيف يا سنين كفي عن الذكرى و خليني ما عدت أنا أقوى على حزنك و أشجانك ما أتحمل أكثر من إللي بينك و بيني جفت عروقي و أنا صابر على شانك حاولت أداري الحزن لي عايش فيني و أحاول أضحك غصب في وجه خلانك لكن حزن الليالي بان في عيني و أقول يا سنين هذي آخر أحزانك سيف : ألوووووووو سعيد : هلا هلا والله براعي هالصوت سيف : هلا سعود اشحالك ؟ سعيد : بخير الله يعافيك سيف : وشحال فصووول ؟؟ سعيد : بخـــــــــــير هاذوه يالس وياي سيف : سلم عليه سعيد : الله يسلمك يوصل سيف : وينكم انتوا ؟؟؟؟؟؟؟ سعيد و هو مستغرب : نحن !!!!!!!! سيف : هيه انتوا يعني منوه ؟ سعيد : ليش ؟؟؟؟؟؟؟ سيف : افاااا يعني ما تباني اييكم سعيد : لااا منوه قال سيف : عيل وين انتوا ؟؟؟؟ سعيد : في قهوة ليالي زمان سيف : خلاص الحين بييكم سعيد : اوكيه الغالي نترياك باااي سيف : بااااااااااي في القهوة فيصل : منوه هذا ؟؟؟؟ سعيد : سيفوه فيصل + سالم : منووووووووو سعيد : بلاكم بسم الله عليكم اقولكم سيفوه فيصل : منوه سيفوه ؟؟؟ سعيد : ولد عبدالله بن محمد سالم : قول والله سعيد : ههههههههههههههه يبالكم صورة و انتوا جيه هههههههههه فيصل : انت من صدقك ترمس ؟؟؟ سعيد : هيه والله سالم : بيي و لا لا ؟؟؟ سعيد : هيه هو في الدرب فيصل : اهاااااااااا يا حيه والله *** وصل سيف صوبهم *** سيف : السلاااااااااام عليكــــم فيصل + سعيد+ سالم : و عليكم السلام فيصل : هلا واللــــه سيف : يا هلا فيك ... شحالكم فيصل : بخير ... شحالك انت ؟؟ سيف : تمام سعيد : احــــــــــم .. احـــــــــــــم سيف : هههههه شحالك بو عسكور ؟؟؟ سعيد : هيه توك ريال ... بخير سالم : يعني لازم نتحنحن علشان يعطونا ويه سيف : لا افاااااااااااااا شخبارك تمامووووووواسالم : سيف : انزين سعود يا إللي ما فيك خير قولي اشحالك عالأقل ؟؟؟ سعيد : شو أبابك .. توني مرمسنك ما كملت خمس دقايق سيف : ماااااااااااالت عليك ما منك فايده سعيد : ايييييييييييه ترا الحين بخبر عليك راعية دبي سيف : هههههههههههه خبرها فيصل : نعم منوه راعية دبي ؟؟؟؟؟ سعيد : ما يخصك فيها هذي القلب فيصل : اوب ... اوب ... ما أروم أنا سالم : من خصوصياته سعيد : هههههههههههههههههههههههههههه فيصل : لا صدق منوه هذي ... اذا وحدة غرشوبه خلها تعرفني على خويتها سيف : ههههههه الله يقطع بليسك هذي مرته فيصل : قول والله سعيد : ههههههه هيه فيصل : ليش مرتك راعيه دبي ؟؟؟ سعيد : هــــــــــــيه فيصل : توني أعرف سالم : صباح الخير """"" في هالوقت يرن تليفون فيصل """"" سيف : هههههههه و انت لين الحين ما تبت فيصل : اسكتوا ........ اسمعوا شو بقول انزين سعيد + سيف + سالم : انزيــــن فيصل رد على التليفون فيصل : الوووووووووووووووووو ... : هلا والله براعي هالصوت يعلني ما أخلا منه فيصل : نعم شو تبين ؟؟؟؟ مب انتي قايله ما بتتصلين ؟؟؟؟ ... : بس ما قدرت أصبر عن صوتك غناتي فيصل : عاشوه خلي عنج هالسوالف ... قولي شو تبين ؟؟؟ عايشه : بلاااك علي ؟؟؟؟ فيصل : انتي قلتي ما بتتصلين صح و لا لا ؟؟ عايشه : بس ما قدرت فيصل : مب انتي قلتي انج بتعرسين ؟؟؟ عايشه : ............................... فيصل : ردي ... وين سرتي ؟؟؟؟؟؟ عايشه : بس انا اباك انته فيصل : خلي عنج انتي لا تبيني و لا شي انتي بس كنتي تعلبين عايشه : و انت يعني ما كنت تبا تلعب فصيل : اقولج عايشه : آمر غناتي فيصل : الحين جلبي ويهج و لا عاد تتصلين على رقمي و لا بتندمين .... *** سكر الخط في ويها قبل لا تقول شي *** سيف : خيبه بلاك طحت فيها فيصل : يا ريال كل يوم تتصل و اقولها نفس الرمسة سالم : غريبــــه فيصل : والله صدق لاعت جبدي من سيرة البنات سعيد : لا يكون بس ناوي تعرس ؟؟؟ فيصل : لا توني سيف : ههههههههه ليش ما تعرس تراك بتصير شرات سعود شــــيبه سعيد : اففففففففففف و انتوا لين الحين ؟؟؟؟ فيصل : ياخي ما اريد أشيب من الحين لاحق سالم : يلا عاد كله و لا سعود تراني انا بعد نويت عالعرس فيصل : اوووووووووه صاروا وايد شياب عدنا سيف : ههههههههههههه هيه صدقك خل العرس حق الشياب شرات .... احم احم سعيد : منوه تقصد سيف : واحد يقولون ان اسمه {{ سعود }} و الثاني يقولوا اسمه {{ سلوم }} سعيد : اصغر عيالك سعود و سلوم سالم : يا الهرم فيصل : اووووه صح نسينا {{ بابا سعيد }} و {{ بابا سالم }} سيف : هههههههههههههههههه (( سعيد و فيصل و سالم وايد استانسوا من سيف لأنه أول مره ييلس يسولف وياهم من وفاة ربيعهم حمدان )) فصيل : اقول يا الشايب سعيد : لا حوووول ... نعم آمر سيف : لا ما شي سعيد : انتوا تستهبلون علي ؟؟؟؟ سالم : ترا ما شي شغل ... شو يسوون ؟؟؟؟ سعيد : صدق انكم ..... سيف : كمل سعيد : خبايل فيصل : هههههه لنا الشرف بابا سيف : أي بابا ..... قوله يدي فيصل : هيه صح ..... لنا الشرف يدي سعيد : ترا بقوم عنكم سيف : يا ريال سواااالف سعيد : سوالفكم شرات ويوهكم فيصل : احم احم ... أدري انه ويهي حلوووو سعيد : مداح نفسه .... شو يباله ؟؟؟؟ فيصل : يباله بوسه سيف : إلا يباله رفسه ثور فيصل : افااااااااا يا سيفوه ؟؟؟ هذا و أنا ربيعك سيف : لا أنا ما عندي ربع شباب .... عندي شياب سعيد : رديــــــــــــــــــنــــا !!!! سيف : هههههههههه شو اسوي ياخي احبك سعيد : وعععععع ايه ابويه أنا محد يحبي إلا راعية دبي """ في هالوقت رن تليفون سعيد """ |
رد: حياتي كلها فداك .. المتصل "" البيــــت "" سعيد : الوووو ... : هلا والله سعيد : هلا براعية هالصوت نورة : هلا سعيد ... وين انته ؟؟؟ سعيد : يالس ويا الشباب ... خير تآمرين بشي ؟؟ نورة : لا بس كنت أسأل سعيد : يعني ما في خاطرج شي ؟؟؟؟؟؟ نورة : لا سعيد : أكــــيد نورة : بلاك انته ؟؟ المهم متى بترد ؟؟؟؟؟؟ سعيد : بعدني نورة : اهاااا اوكيه الغالي بخليك ويا ربعك سعيد : لا عادي ربعي يفدونج هني رمس فيصل و رز بويهه فيصل : سعووووووووود و ويعه ... ما سمعت شو قلت سعيد و هو مسوي طاف : انزين غناتي ما خبرتيني شخبار اهلج ؟؟؟ نورة : ههههههه منوه هذا اللي يرمس سعيد : ما عليج منه نورة : خلاص بخليك وياهم سعيد: أوكيه نورة : مع السلامه سعيد : الله يحفظج ... ** سكر سعيد عن مرته ** فيصل : سعوووود سعيد : آمر فيصل : أنا يوعان سيف : حتى أنا فيصل : خلاص العشا اليوم على بو عسكور سعيد: نعـــــــــــــم !!!!! سالم : حبيبي والله سعود سعيد : حبتك العافيه شو تبا سالم: العشا اليوم على فيصل سعيد : فديـــت إللي يفهمني فيصل : ههههههه ما عليه يا سلوم جلبت السالفة عليه سيف : هههههههههههه تستاهل *** عقبها الكل راح بيته من بعد ما استانسوا بأن سيف رد لهم شرات قبل *** في بيت (( بو يوسف )) يوسف : السلام عليكم الكل : و عليكم السلام خليفة : هلا والله بحبيبي يوسف : حبتك العافيه … ييب من الآخر شو تبا ؟ خليفة : يعلني ما أخلا من إللي يفهمني عليا : بدينا خليفة : محد رمسج انتي … يسوووف يوسف : آمر الشيخ خليفة : غصبن عن خشمك يوسف : اقول اجلب ويهك .. محد يعطيك ويه بو يوسف : لاااااا كله و لا خلوف خليفة : إنت أحلاهم أصلا محد منهم يسواك بو يوسف : ياالله يا المصلحة … تلعب دور منصور : ابـــــــــــــــويه بو يوسف : هلا منصور : ابا اعرس يوسف : نعــــــــــــــــــــم .. مب جني أنا الأكبر منصور : ياخي انت بتشيب و لا بتعرس بو يوسف : هههههههههههه شكله جيه عليا : المهم … منصور على منوه نويت منصور : ابا ابويه يدور لي خليفة : هههههههههههههه ليش ابويه اشتغل خطابه ؟؟؟؟؟ بو يوسف : تهبي عليا : ههههههههههههههه ابويه ما تستاهل يوسف : لااااااااااا انا إللي أباها زاهبة عليا (( فهمت منوه يبا يوسف )) : لا يكون العنود بنت عمي عبدالله بو يوسف : و النعم والله منصور : المهم انا عرسي عقب عرسك يوسف : هيه أنا أبا العنود بو يوسف (( بدى يتذكر سالفته ويا حمدان )) : انا كنت أتمنى العنود تكون من نصيب.. {{ سكت }} عليا : يا ابويه اللي فات مات .. و نحن عيال اليوم بو يوسف : ما عليه الحين انته تباها ؟؟؟ يوسف : هيه منصور : انا جنه محد عبرني !!! خليفة : انت ويه عرس ؟؟؟ منصور : لا يعني منوه بيكون ويه عرس انته مثلا خليفة : هـــــــــــــــــيـــــــــــــــــه ... بعدين أبويه أنا أبا العنود بو يوسف : هههههههههههههههههههه يوسف : جب انته خليفة : انا يحليلي من 5 سنين و انا اقردنها .. و مب عاطتني ويه ..... ثره القلب عند يسوف .... و الله يا يسوف ظهرت مب هين .. على قولة المصريين ياما تحت السواهي دواهي عليا : هههههههههه طلع الأخ يعرف كل شي يدور في البيت بو يوسف : هيه نعم منوه مربنه غيري ؟؟ منصور : فديتك انته .. تراك انته اللي مربنا كلنا يوسف : المهم الحين بتخطب لي اياها و لا لا ؟؟؟ بو يوسف : و أنا وين بلقى أحسن من العنود عليا : و أنا أقول جي بعد خليفة : انتي منوه طلب رايج ؟؟؟ عليا : جب انته يوسف :هههههههههههههه فديت علايه أنا |
رد: حياتي كلها فداك .. في بيت (( بو محمد )) بو محمد : خلود خالد : هلا بو محمد : شو مسوي في دوامك خالد : لا اوكيه ماشي حاله ام محمد : هيه شد حيله لا تفشل ابوك خالد : لا كله ولا عبود بو محمد : منوه عبود هذا محمد : هذا واحد كان يلعب وياه في السكه سيف : هههههههههههه لا ابويه خلود يقصدك انته بو محمد : يا مسود الويه ما تستحي ؟؟؟ خالد : لااااااااااااااا عاد كله و لا بو حمود حبيبي انته ما تهون علي تزعل محمد : منوه حمود هذا خالد : انته يعني منوه ؟؟؟؟ محمد : لااااا والله ؟؟؟ خالد : هيه والله ام محمد : بسكم بلاكم جنكم يهال خالد : انزين من كبري انا ... الا هالشيبه حاط راسه براسي بو محمد + محمد : منوه الشيبه ؟؟؟ سيف : هههههههههههههههههههه الشياب عرفوا عمارهم بو محمد : شيب راسكم خالد : يا حليلك يا الشايب ام محمد : هههههههههههههههه قالوله شايب سيف : هيه و انتي تراج العيوز خالد : ههههههههههههههههههههههه ما تستاهيل يا الوالده ام محمد : عيز حيلك يا ولد عبدالله بو محمد : الحين أنا شلي مدخلتني في السالفه ام محمد : كيفي ... ريلي لازم تشاركني في السراء و الضراء مثل ما يقولون سيف : عاشواااااااااا الوالدة قامت تحفظ امثال خالد : صخ انته ما تروم على عيوزي محمد : ههههههه الا اقول امايه ام محمد : هلا خالد : لحظه اميه شوي ام محمد : شبلاك؟؟؟ خالد : جنك قلت امايه محمد : هيه ........ ليش خالد : جيــــــــــــــه ابــــــــــــــويه هذي هب رمستنا بو محمد : ههههههههههه أصيل يا خلود سيف : هههههههههههههه يبتها حلوووة محمد : ياخي انتوا محد يطيح في لسانكم ام محمد : ليش انت ما تعرفهم هاذيلا زعاب إللي يطيح في لسانهم ما يسلم (( على فكرة ترا أم محمد مب زعابيه هي مهيريه من بوظبي )) سيف : جــــــــــيه انشالله بلاهم زعاب ام محمد : خيبه ما قلت شي خالد : هههههههههه ننفع نكون جماعة المافيا سيف : هيه و الشيبه هو زعيمهم محمد : لاااا ما اتخيل شكل ابويه سيف : هيه عاد اتخيل الشايب ببنطول و قميص و نظارة و بالطو و لازم ما يصبر عن الغتره و العقال هذا الشي الوحيد اللي غلط خالد : ههههههههههه حلوة بتظهر عليه بو محمد : ايييه انتوا عن منوه ترمسون من هاذيلا الماشيا ؟؟؟؟ هوش و لا شو ؟؟؟ ام محمد (( اونها تعرف )) : لا هاذيلا مال الرسوم اللي يشوفهم حمدان ولد محمد محمد : هههههههههههههههههههههههه العيوز تتفلسف على الشيبه هههههههه خالد : لاااااااااااااا هذي بدال ما تجحلها تعميها سيف : و الله هالاثنين يبالهم نصورهم في الفيديو و ننشرهم في البلوتوث ام محمد : منوه هذا البلوتوت ؟؟؟ محمد : ههههههههههه عيدها دخيلــــج سيف : هههههههههههههههه لا ما بتيبها شرات قبل خالد : اميييييييييييييييييه ام محمد : هلا خالد : عيديها ام محمد : شو ؟؟؟؟؟؟؟؟؟؟؟؟؟؟؟ بو محمد : أنا بقولها محمد : يلا قول بو محمد : بس عيدولي اياها سيف : البلوتوث بو محمد : البحوتوث خالد :هههههههههههه لا انتوا خربتوا التكنلوجيا كلها ام محمد : منوه هذي بعد سيف : هذي حرمة محمد اليديده ام محمد : يا مسود الويه محمد : ههههههههه لا اميه يتمصخر وياج خالد : هيه الحين ضبطتها محمد : شووووووو خالد : {{ اميه }} سيف : ههههههههههههه خالد : إلا اقول الوالد بو محمد : آمـــــــــــــــــــــــــــــــــر خالد : انا بسوي عزيمة اليوم على العشا سيف : حق شو؟؟ خالد : تراني متوظف بو محمد : انزين ... تباني اعزم لك حد خالد : لااااااااااااا اما ابا شياب بو محمد : ههههههههههه تتمنى انته محمد : و أنا ما تباني سيف : تراه قالك ما يبا شياب ام محمد : لااااااااااااا كله و لا محمد الغالي محمد : فديت امايه انا خالد : ردينا !!!!!!!!!!!!!! محمد : ههههههه خلاص أميـــــــــــــــــــــــــــه سيف : هيه توك ريال بو محمد :ههههههههه عيال اصل خالد : اكيد منوه ابونا ؟؟؟ بو محمد : يلعني ما اخلا منكم يا رب ام محمد : آمين خالد : و لا يخلينا منكم محمد + سيف : آمين في ميلس خالد الزعابي الساعة 8 و نص عقب المغرب راشد : السلاااااااااااااام عليكم خالد + يوسف : و عليكم السلام يوسف : ههههههههههههههه رشود اليوم غير عوايدك واصل من وقت راشد : السالفة فيها عزيمه أكيد بوصل من وقت يوسف (( أونه يستهبل )) : عزيمة ؟؟؟؟ عزيمة شو راشد : ترا والله بظهر خالد : ههههههه لا ما عليك منه .. كله و لا رشود راشد : يلا باااااااااااااي يوسف : عاد رشود لا تجلب السالفة جد راشد : و الله لو ما انك غالي و الا جان ظهرت خالد : عليــــــــــــنا ؟؟؟ راشد : ههههههههههه *** هالوقت دخل جاسم *** جاسم : السلام عليكم الكل : و عليكم السلام جاسم : اوب .. اوب .. رشود واصل من وقت غريبــــــــــــــــــــــــــــــــــــه يوسف : ههههههههههههه نفس الحالة إللي صابتنا راشد : خلاص انا بظهر و بيي عقب شوي خالد : جيه هو لعب يهال جاسم (( و هو يعيب على رمسة خالد )) : هيه جيه أبويه جيه لعب يهال ؟ خالد : عن الغلط ترا الحين بزقرلك عيوزي يوسف : ههههههههههه انته بروحها عيوزك مب زعابيه خالد : هيه صح نسيت راشد : هههههههههههههه الحمد الله و الشكر يوسف : خلاص انا بزقرلكم خلوف اخويه جاسم : لاااااااااااااااااااااااااااا دخيلك كله و لا هذا خالد : هههههههههههههه ليش بلاه خلوف جاسم : مول ما فيه شي ؟؟؟؟؟؟؟؟ يوسف : اييييييييييييييييه بلاه اخويه ؟؟؟؟؟؟؟؟؟؟؟ جاسم : هذا لو عينوه المتحدث الرسمي باسم العرب جان حرر فلسطين راشد : هههههههههههههههه خيبه ليش لسانه طويل جاسم : ليش انته ما يتك رشه منه راشد : لا والله توني اعرف انه يسوف عنده اخو اسمه خليفه جاسم : لا عيل ازيدك من الشعر بيت ... ترا عمره 13 يوسف : لااااااااااااا يحليله بعده 12 راشد : ماشاالله عليه .. الله يحفظه لكم الكل : آمين *** دخل حميــــد *** حميد : السلاااااااااااااااام عليكم الكل : و عليكم السلااااااااااااام حميد : شحااااااااااااااالكم ؟؟؟ الكل : بخير حميد : هههههههههههههههههههههه جني داخل صف خالد : هههههههههههه سخيف راشد : هههههههه الا حلوه دام اللي قالنها حميدوه يوسف : بدت المصلحه جاسم : لازم رشود راشد : جب انتوا حميد : المهم ما خبرتكم خالد : شو بشر .... نقلوك من قسم الزباله ؟؟ حميد : مالت عليكم ما بقولكم جاسم : لااااا فديتك ... قول حميد : تراني خطبت راشد : مـــــــــــــــــــــــبـــــــــــــــروك حميد : الله يبارك في حياتك خالد+ يوسف + جاسم : مبرووووك حميد : الله يبارك فيكم عقباااااااااااااالكم خالد : لا بعيد الشر جاسم : هههههههههه هيه صدقك يوسف : عيل أنا نويت على العرس راشد : الله وناسه يوسف : شو !!!!!!!!! راشد : يعني شي وايد عزايم جاسم : هذا اللي عايش حياته و لا بلاش في هالوقت يرن تليفون يوسف المتصل "" مطر المزروعي "" يوسف : هلااااااااااااا والله بالقاطع مطر : السلام عليكم يوسف : وعليكم السلام مطر : شحالك يسوف يوسف : بخير ....... شو العلوم ؟؟؟ مطر : فيزياء و كيمياء و أحياء و جيولوجيا .. ليش ؟؟؟ يوسف : ههههههههههه سخيف مطر : أدري يوسف : شخبارك مطر : بخير و علوم الجماعة يوسف : توك ذكرتنا مطر : ياخي شو اسوي العرس و بلاويه يوسف : تصدق توني أقول اني نويت على العرس مطر : شو الله بالنك ؟؟؟؟؟؟؟؟؟ خلك جي Free يوسف : لااااااااااااااا ابا اجرب مطر : هههههههه ليش هيه حلاوة يوسف : لااا مب جيـــــــه بس ... خلاص بعرس مطر : Agin يوسف : شو ؟؟؟؟؟؟ مطر : ماشي (( مطر كان يباه يقول (( جيـــــــه )) علشان يعيب عليه بس بعدين قال في خاطره ما فيني أطيح في لسانه )) يوسف : انزين بشرنا ... ما يبت ولد و لا شي مطر : اشك ان ابليس ساكن فيك يوسف : هههههههههههههههههه ليش مرتك حامل و لا شي ؟؟؟ مطر : هيه يوسف : مبروووووووووووووووووك مطر : الله يبارك فيك الغالي يوسف : عقبال ما اشوفك يد و ظروسك متكسره مطر : ههههههههههه انشالله انت قبلي يوسف : توني شباب مطر : اي شباب إلا 25 يعني شيبه يوسف : و انت كم يعني ؟؟؟ مطر : شراتك يوسف : خل عنك انت اكبر عني بـ 6 شهور مطر : اوهووووووووووووووووو انت اللي مولد امي و انا ما ادري يوسف : هههههههههههههههه ربك بعد مطر : المهم حبيت اسلم عليك ... و سلم على اللي وياك و قولهم يسمحولي أدري اني مقصر بس انشالله باجر بيي عنكم ............. إلا صدق باجر وين اليلسه ؟؟؟؟؟؟؟؟؟ يوسف : عند حميدوه مطر : اوووووووووووه هالهندي ؟؟؟؟؟ يوسف : هيييييييييييييييييييه ما سمعك مطر : يحليله و الله يوسف : تراه خطب مطر : متى ؟؟؟؟؟؟؟؟؟؟؟؟ يوسف : ما ادري الا توه يخبرنا مطر : أهااااااااا باركله ... و لا تنسى تراني بييكم باجر .. اوكيه يوسف : اوكيه الغالي مطر : مع السلامه يوسف : الله يحفظك *** سكر يوسف عن مطر *** راشد : منوه هذا ؟؟ يوسف : هذا مطر خالد : مطر المزروعي ؟؟؟؟؟؟؟ يوسف : هيه جاسم : غريبه متصل يوسف : لا يحليله بغى يسلم عليكم و باجر بييكم في ميلس حميدوه حميد : حياه الله عقب السوالف الكل توكل و راح بيته لأن وراهم دوامات اليوم الثاني في بيت (( بو يوسف )) العصر يوسف : ابـــــــويه بو يوسف : هلا يوسف : رمست عمي عبدالله بو يوسف : عن شو؟؟ يوسف : افااااا يا احمدوه نسيت ؟؟؟ خليفة : ههههههههه قالوله أحمدوه هههههه بو يوسف : منوه هذا أحمدوه ؟؟؟؟ يوسف : يلااااااااا عاد احمدوه رمسهم بو يوسف : شووووووووو منوه هذا ؟؟؟ منصور : ههههههه واحد من الربع بو يوسف : هيييييييييييييييه يوسف : هههههههه طافت عليه .. انزين المهم ما رمست قوم عمي بو يوسف : عن شوووو ؟ يوسف : عن خطبتي على العنود بو يوسف : هيه ... زين ذكرتني اليوم بسير ميلس سلطان الظاهري و اذا شفته برمسه منصور : منووووووووووووو بو يوسف : بسم الله بلاك ؟؟؟ منصور : ميلس منوه بتسير ابويه ؟؟ بو يوسف : ميلس سلطان الظاهري يوسف : منوووووو بو يوسف : بسم الله عليكم خليفة : ابويه مب هذا إللي ............... بو يوسف : بلاه ؟؟؟ منصور : ابويه مب هذا اللي ولده داعم حمدان الله يرحمه بو يوسف : هيه هو يوسف : و انت شعرفك فيهم ؟؟؟؟؟؟ بو يوسف : يحليله ياني ذاك اليوم و استسمح مني و انا في المستشفى ... و عاد من ذاك اليوم و هو دوم يتصلبي و يعزمنا ... و لين اليوم و هو متلوم مني ... بس هذا قدر لا هو و لا ولده له خص فيه منصور : هـــــــــــــــــيه يوسف : والله زين سويت يا الوالد خليفة : لا منوه قال انه زين ... هذا هو اللي ذبح حمدان منصور : نحن شو قلنا يا خليفة ؟؟؟؟؟؟؟؟؟ خليفة : خلاص انا بسير عنكم ... مع السلامه الكل : الله وياك يوسف : احمدوووووووووووه الحين لا تغير السالفه بو يوسف : ابويه انت اذيتني منو هذا اللي تطريه ؟؟؟ منصور : ههههههههه انا اشهد انك على نياتك يوسف : انزين الغالي ما عليك منه ... الحين بترمس عمي و لا لا ؟؟؟؟ بو يوسف : انزين برمسه بس فكني من حشرتك يوسف : فديــــــــــــــــــــــــــــــــت روحك أنا بو يوسف : انت مال مصلحه بس يوسف : افااااااااااااا منوه قال ... (( و سار يحب راس ابوه )) بو يوسف : هيه الحين ريال منصور : يعني قبل شو كان ؟؟؟؟؟؟؟ بو يوسف : ههههههههههه ما يخصكم يوسف + منصور : ههههههههههههه منصور : ابويه بو يوسف : هلا منصور : انا بسير بيت عمي عبدالله بسلم عليهم بو يوسف : سير الغالي يوسف : انا بسير وياك منصور : هههههه هيه القلب هناك يوسف : لااااااااااااازم ياخي لزوم الشغل بو يوسف : سيروا الله يحفظكم منصور + يوسف : مع السلامة |
رد: حياتي كلها فداك .. في بيت (( بو محمد )) ام محمد : هاه خلود متى ناوي خالد : على شو ام محمد : العرس سيف : وييييييييييييو بتصير شيبه محمد : احم .. احم سيف :هههههههه زين تعرف عمرك محمد : جب انته سيف : آآآآآآآآآآآآآآخ ويهي عورني خالد : ههههههههههه ما تستاهل محمد : امااااااااااااااااايه ام محمد : هــ ..... خالد (( يقاطعها )): رديــــــــــــــــــــــنا محمد : ههههههههههههههههه أنا أشهد انك زعابي حتى النخاع سيف : ههههههههه هيه ابويه بعد شو ... ليش تبا تغير رمستنا خالد : شكله يبا يكون شرات خواله ام محمد : ليش بلاهم خواله خالد : ما بلاهم شي بس ... ام محمد : بس شو ؟؟؟؟؟؟؟؟ خالد : ميهيرات ام محمد : ويدي بلاهم المهيرات ؟؟ سيف : ما بلاهم شي ... بس الزعاب شيوخهم ام محمد : جب انتوا ... ما تسوون شي صوبنا محمد : لااااااااااااااااااااه الغاليه اسمحيلي هني .. ترا الحين بزقر لج الشيبه ام محمد : المهم الحين خلونا من هالسالفه .. حمود محمد : نعم .. جني سمعت شي بالغلط خالد : هههههههه قالوله حمود ام محمد : هيه بعد شو ..حمود شو كنت تبا مني محمد : كنت بقولكم ان ميره حامل ام محمد : ماشالله تستاهل الغاليه مرت الغالي سيف : مبروووووووووووووك خالد : مبروك حمود محمد : الله يبارك في حياتكم .. عقبالكم سيف : هههههه هيه عقبال اميه ام محمد (( اونها مستحيه )) : جب انته ما تستحي خالد : اوووووووووووونه ما اروم عليها العيوز تستحي محمد : اسكتوا عنها لا الحين تفلعكم بأي شي خالد : تسويها سيف : هههههههههههههههههههههه ما ينرام عليها محمد : المهم تراني جذبت عليكم خالد : صدق ما تستحي على ويهك ام محمد : حمود هالسالفه فيها جذب بعد سيف :عند محمد ولد عبدالله كل شي جايز ** في هالوقت دخل منصور و يوسف ** منصور + يوسف : السلاااااااااام عليكم الكل : و عليكم السلام يوسف : هلا عموه شحالج ؟ ام محمد : بخير الله يسلمك يا ولدي .. اشحالك ابويه منصور منصور : بخير الله يعافيج عموه و سلمو على الباقين محمد : هاااااااااه يسوف شو الدوام يوسف : شرات ويهك محمد : فديـــــــــــتني .. أدري اني حلو منصور : هههههه وايد مصدق عمرك خالد : هههههههه انته ابا اعرف منوه قاص عليك و قالك انك حلو ؟؟؟ محمد : فديتها أنا ... ميروتي قايلتلي يوسف : لووووووو سمحت لا تتفدى اختي جدامي محمد : تراها حرمتي منصور : حتى لو سيف : المهم ........ تراها هي قصت عليك يوم قالتلك انك حلوووو ... خالد : تصدق ياخي انت و حميدوه شرات بعض جنكم هنود يوسف : هــــــــــــــيه صدقك ام محمد : منوه هذا بعد ؟؟ خالد : واحد من الشباب .. ام محمد : ولد منوه ؟ خالد : ولد واحد شيبه ام محمد : شو قبيلته خالد : قبيله من قبايل اهل الامارات .. و انتي شلج فيه بتخطبينه حق حد ؟؟ ام محمد : جيه جان يبا بدور له سيف : عاشواااااااااااا امي اشتغلت خطابه منصور : ذكرتني في الوالد ... صاير شراتها محمد : ههههههههههه ما اتخيل عمي جي يوسف : ما عليك عمك مب هين تراه ** في الوقت هذا دخلت العنود و ميره ** ميره + العنود : السلاااااااااام عليـــــــــــكم الكل : و عليكم السلام ميره : هلا هلا والله محمد : هلا فيج يوسف : و انت منوه رمسك ... البينيه يالسه ترمس اخوانها ميره (( تبا تغطي على ريلها )): لاااااااا كنت ارمسه هو منصور : وييييييييييو قفطوه يوسف:لااااااا يعني ما تبيني ... تبيني أظهر؟؟ ميره : لاااااااا افا منوه قال كله ولا يسوف حبيبي انته منصور : احم احم ... نحن هنا ميره : لا انت الغالي ... اشحالكم منصور + يوسف : بخير .. علومج انتي ميره : بخير العنود : جنه أنا محد عطاني ويه خالد : تراني شراتج ... بس خلينا ساكتين سيف : و انا بعد ... جنهم مسويلنا فلم هندي ... اخوان ما شافوا بعض من 20 سنه ام محمد : ويدي .. انتوا بلاكم ... خلوها ويا اخوانها الحرمه محمد : جـــــــــــــــــــــــيه ويا اخوانها و تنسى ريلها خالد : خيــــــــــــــــــــبه يوم ينط العرج ينط مره وحدة ميره : اوهووووووووو خلاص بطلع ... باي محمد : تعاااالي ميره : شو تبا ... خبلتوبي تراكم يوسف : لااااااا تعالي ميروه سوالف محمد : جب انته ... مرتي و براضيها بروحي يوسف : انت بلاك علي اليوم قابظ لي جب و جب اصغر عيالك انا منصور : ههههههههه تستاهل العنود : انا بسير عنكم يوسف : افااا وين .. توه الناس ؟؟ العنود : شووووو توه ذكرتوني منصور : لا افا و نحن نقدر ننساج يا بنت العم يوسف قرص منصور عشان يسكت يوسف : اشحالج ؟؟؟؟ العنود : بخير علومكم انتوا منصور + يوسف : بخير *** وكملوا سوالف و عقبها الكل روح صوب بيته *** في السياره منصور : ياخي انت منوه سمحلك تقرصني يوسف : عيل ليش انت حظرتك ترمس العنود .. منوه سمحلك ؟؟؟؟؟؟؟؟ منصور : انا سمحت حق عمري .. بنت عمي و كيفي يوسف : لااااااااااااااااااااااااا والله منصور : هيه والله يوسف : الحين المهم .. انت بتيي وياي الميلس و لا انزلك البيت منصور : ميلس منوه اليوم ؟؟؟؟؟؟؟؟ يوسف : ميلس حميد السويدي منصور : اهااااااااااااااااااااااااا لا انا نزلني البيت بسير عندي شويه شغل .. بس سلم عليهم و لا تنسى تصلي العشا يوسف : انشالله .. اصلا الحين بخطف على المسيد في طريجي منصور : اوكيه ... الله وياااااااااااااااك يوسف : مع السلامه في ميلس حميد السويدي يوسف : السلام عليكم الكل : وعليكم السلام يوسف : هاااااااااه خلود واصل قبلي اليوم خالد : شفت عاد يوسف : عيل وين راعي الميلس ؟؟؟ جاسم : هههههه رايح يغازل مسود الويه راشد :لا يحليله ... سار داخل عند أهله يبونه يوسف : الحين هو مب خطب ؟؟ خالد : هيه يوسف : عيل كيف رايح يغازل جاسم : صدق انك مال مقصه |
رد: حياتي كلها فداك .. *** دخل حميد *** حميد : هلا واللـــــــــــه ... تو ما نور الميلس يوسف : هلا فيك حميد : اشحاااااااااالك يوسف : بخير حميد : عيل وينه مطور ؟؟؟ يوسف : ما أدري أنا مرمسنه البارحه و قالي انه بيي حميد : اهاااااااااااااااااااا جاسم : أقول حميدوه حميد :هلا جاسم : يسوف يقول انك رايح تغازل ... صح و لا لا ؟؟ حميد : يا مسود الويه يا يسوف ... الحين انا ارحب فيك و انت تحش فيني خالد : هههههههه انجلب شرات العيايز راشد : ههههههه لزوم الشغل يوسف : جسووووم و ويعه .... الحين مب انت اللي قلتلي ان حميدوه رايح يغازل جاسم : ويديه .. متى قلت خالد : هيه صح متى قال ... انت اللي قلت يوسف : ما عليه يا خلود .... شو فايدتك عيل ولد عم خالد : ههههه المصلحه راشد : صدقه حميد : ما عليه كله و لا يسوف انا دوم أصدقه جاسم : خييييييييييييييييبه يا الخيانه راشد : اشكره .. عيني عينك يوسف : ههههههههههههه تستاهلون *** دخل مطر *** مطر : السلاااااااااااام عليكم الكل : و عليكم السلااام مطر : اشحالكم شباب ؟؟؟؟؟؟ يوسف : بخير يا الشايب خالد : هههههههه صدقك مطر : انتوا لين الحين ؟؟؟؟ راشد : ههه الله لا يفرق بينا جاسم : هيه مب شرات بعض الناس ... من عرسوا نسونا مطر : لااااااااا ماعاش اللي ينساكم .. بس حميد : لا بس و لا شي ... انت مقصر مطر : انزين فكوني الحين ... مسوين عشا و لا لا ؟ راشد : يعلني ما اخلا من اللي يفهمني مطر : ههههههههههههههههههه يوسف : اشهد انك مال مصله يا رشود جاسم : خله ... لازم ... لزوم الشغل على قولته و يسلوا عقبها سوااالف في ميلس (( سلطان الظاهري )) بو يوسف يالس في زاويه ويا أخوه عبدالله بو يوسف : اسمع يا عبدالله أنا ما بطول عليك بو محمد : خير يا اخوي اتفضل قول شي في خاطرك ؟؟؟ بو يوسف : نحن أهل و ما بينا شي صح و لا لا بو محمد : اكيـد بو يوسف : انزين أنا بغيت بنتك العنود حق ولدي يوسف بو محمد : و الله لنا الشرف ... و يوسف ولد ما ينعاب .. بس انت تدري انا ما أقدر أغصب البنت على شي لازم أشاورها أول بو يوسف : هيه شاورها و شاور أهل البيت بو محمد : أنا أقولك محد بيعارض ... الولد ما فيه شي ولد عمها و أحق بها ... بس الراي الأول حق العنود بو يوسف : هيه ... و اذا ما طاعت ترا رايها ما بيفرق في شي بيننا .. ترانا عيال و من أبو واحد .. و أم وحده ما تفرق بينها هالسوالف بو محمد : أكيد يا احمد بو ذياب (( سلطان الظاهري )) : هاااه بلاهم الاخوان ناويين على شوه ؟؟؟ بو يوسف : الله يهداك بعد على شو ناويين بو ذياب : ما أدريبكم ... سايرين عنا في صوب بروحكم بو محمد : هيه ... يباني في سالفة شوي خاصه بو ذياب : هيه عيل براااايكم اليوم الثاني في بيت (( بو محمد )) العنود : السلاااااااااااااااااااااام عليكم الكل : و عليكم السلام بو محمد : هلا بنور البيت كله .. هلا والله العنود :هلا ابويه ... اشحالك بو محمد : بخير الله يسلمج الغاليه خالد : ابويه .. جنك سويتلي طاف بو محمد : انت بعدين بشوف شو تبا خالد : لااااااااااااا والله ... يوم أقولكم أنا ولد البطه السوده محد يصدقني أم محمد : خير يا ولدي شو تبا خالد : أبا أعرس ... ليش يسوف أحسن عني في شو (( العنود ظهرت عيونها )) العنود : ليش يوسف بيعرس ؟؟؟؟؟؟؟؟؟؟؟؟؟ خالد : هيه ... قالي انه نوى عالعرس العنود : اهااا الله يهنيه بو محمد : تبون تعرفون منو يبا يآخذ ؟؟ ام محمد : منوووووه ؟؟؟؟؟؟؟؟ خالد : هههههههههه خيبه الفضول اشتغل عند العيوز العنود : انا بسير عنكم بو محمد : لا تعالي يلسي العنود : انشالله خالد : انا أعرف منوه يبا ام محمد : منوه ؟ خالد : مب يبا خوله أخت سالم و لا لا ؟؟ (( العنود شوي و بتصيح )) بو محمد : لااااااااااااااا خالد : افااا عيل منو يبا العنود: الله يهديك خوله كان يباها حمدان الله يرحمه خالد : هيييييييييييييه صح بو محمد : الحين بتخلوني أقولكم منوه يبا و لا لا ام محمد : قووووووووووووووووووووول بو محمد : الله يسلمكم ... هو يبا العنود بنتنا هاه شو قلتوا ؟؟؟؟؟؟؟ (( العنود انصدمت و استحت في نفس الوقت )) خالد : قوووووووووول و الله بو محمد : جيه بقص عليكم أنا يا مسود الويه خالد : ما عليه يا يسوف ... ما قالي ام محمد : ويدي جيه انت ولي أمره ؟؟ خالد : ههههههههه هيه العنود : انا بسير عنكم ... مع السلامه (( ظهرت قبل لا ينطق حد بشي )) خالد : اووووووووووونه استحت بو محمد : هيه لازم كل وحده بتستحي خالد : اميه .. انتي استحيتي يوم خطبج باباتي ام محمد : جب انت خالد : هههههههههههه تستحي العيوز |
رد: حياتي كلها فداك .. دخل عليهم محمد *** محمد : بلاها العيوز بو محمد : يا مسود الويه الناس يسلمون أول محمد : السلاااااااااااام عليكم الكل : و عليكم السلااااااااام خالد : وييييييييو ما تستاهل محمد :جب انت خالد : بلاكم اليوم علي ام محمد : هيه صدقه ... راز بويهك ليش بو محمد : يلااااااااا عاد كله ولا خلود خالد : فديييييييييييييييييييييت باباتي أنا محمد : وين العنود عنكم .. توني شفتها ظاهرة صوب ميره خالد : هههههههههههههههه انت تسأل و تجاوب بروحك بو محمد : ههههههههههههههههههه محمد : ابويه انا ياي اسلم عليكم .. بسير ام محمد : وين يا ولدي محمد : عندي دورة في السلع ام محمد : و كم مدتها ؟؟؟؟ محمد : شهر خالد : خييييييييييييييييييبه محمد : أدري وااايد خالد : ليش عاد هالكثر محمد : شدراني خالد : ترا قالك زايد بيغيرها .. بس انت الله يهديك محمد : بيغيرها بس نفس المده .. ام محمد : انا بسير عنكم خالد :ويييييييييييين ؟؟ ام محمد : بسير عند ميره محمد : هيه سيري الغاليه يلا مع السلامه (( و باس راس امه )) ** طلعت عنهم أم محمد ** بو محمد :عيل ما خبرتك يا ولدي محمد :خير بو محمد : يوسف يبا يخطب محمد : زييييييييين والله يستاهل خالد : ما تبا تعرف منوه يبا الخاين محمد : ليش الخاين عاد خالد : ما قالي بو محمد : هههههههههه ليش ولدك هو ؟؟؟ محمد : هههههه هيه والله صدقه الوالد خالد : ما عليه دواه عندي ... وين بيسير عني محمد : انزين ما خبرتوني منوه يبا ؟؟ بو محمد : يبا اختك العنود محمد : أنا من جهتي تراني موافق و ما أشوف أي شي على يوسف بو محمد : حتى أنا ... بس لا تنسى الرأي الأول و الأخير حق العنود ... و أنا ما بغصبها على شي محمد : حتى أنا أقول جيه خالد :انزين ما تبون رايي ؟؟؟؟ بو محمد : ليش رايك غير راينا ؟؟؟ خالد : هيه أنا مب موافق محمد : ليش انت شايف عليه شي ؟؟؟ خالد (( اونه عاد يرمس جد )) : لا الريال ما بلاه شي بس ............... بو محمد : قول يا ولدي بس شو ؟؟؟ خالد : لييييييييييييش ما يشاورني ؟؟ محمد : هههههههههههههه انا اشهد انك مب عاقل بو محمد : ههههههههه صدقك محمد : عيل انا بسير عنكم ... ما فيني أطول كافي ان الخط يباله 4 ساعات بو محمد : الله يحفظك قام محمد و حب راس أبوه محمد : يلا تآمرون بشي ؟؟ خالد :جييييييييييييييييه و أنا ما حبيت راسي ؟؟ محمد : ها اللي قاصر بو محمد : ههههههههه يحفطك الرحمن خالد :الله وياااااااااك محمد : مع السلامه *** طلع محمد من البيت و جابل سيف كان توه راد *** سيف : هلا واللـــــــــه بو حمدان محمد : هلا فيك الغالي ... اشحالك سيف : بخير الله يعافيك ... شخبارك انت محمد : تمااااااااااااااام سيف : وين ساير الظهر ؟؟؟ محمد : اففففففففففففف ياخي لا تذكرني سيف : ليش وين ساير ؟؟؟؟؟؟ محمد : بسير منطقه آخر الدنيا سيف : لا يكون السلع ؟؟؟؟؟ محمد : هيه سيف : خييييييييييييبه شو تسوي ؟؟ محمد : ترا عندي دورة هناك سيف : اهاااااااااااا الله يحفظك محمد : يلا تآمر بشي سيف : لا بس شوي شوي عن السرعه محمد : انشالله سيف : يلا مع السلامه محمد : مع السلامه ** و دخل سيف البيت ... و روح محمد صوب السلع ** |
رد: حياتي كلها فداك .. و عقب ما سلم سيف على محمد اخوه دخل البيت : *** دخل سيف البيت *** سيف : السلاااااااااااااام عليكم بو محمد + خالد : و عليكم السلام سيف : هلا الوالد ... اشحالك خالد : بخير سيف : و انت منوه رمسك خالد : انت مب قلت خالد سيف :ههههه لا قلت الوالد بو محمد : ههههههههههههههههه خالد : بلاكم اليوم علي كل حد يقفطني .. ويهي عورني سيف : ما عليه ... اشحالك خالد ؟؟ خالد : بخييييييييييييييير بو محمد : تعال سيف بغيتك في سالفه خالد : لا يكون سالفه هالخاين يسوف ؟؟؟ بو محمد :ههههههههه و انت لين الحين ؟؟ سيف : بلاه يوسف ؟ بو محمد : ياي يبا يخطب اختك العنود ... سيف : من صوبي تراني موافق .. الريال ما فيه شي خالد : و أنااااااااااااااااااااا مالي راي بو محمد :جب انت خالد :آآآآآآآآآآآآآآآآآآآآآآآآآخ يا ناس ويهي شوي شوي علي سيف + بو محمد : هههههههههههههههههههه سيف : ليش بلاه يوسف .. شو مسولك ؟؟ خالد : ما خبرني انه بيخطب اختي سيف : نعم ... ليش انت ولي امره ؟؟؟؟؟ خالد : حتى لو ... لازم يخبرني بو محمد : ما علي منك ... الراي الاول حق العنود خالد : افففففففففففففففف ما عليه هذاك دواه عندي *** مسك خالد تليفونه و حط على السبيكر*** خالد : ألوووووووووو ..... : هلا والله .. هلا بخلود خالد : جب يا الخاين لك ويه ترمس يوسف : افاااااااااااااااا ليش شو سويت ؟؟؟؟ خالد : عيل تخطب اختي و انا آخر من يعلم يوسف : هههههههههههههههههههه خالد : هيه اضحك شعليك يوسف : انزين و انت شلك اذا انا بخطب اختك ولا غيرها خالد : كيف ما يخصني .... هي اختي و لا لا ؟؟ يوسف : هيه اختك خالد : عيل جب يوسف : هههههههههههههههاااي تدري خالد : شو ؟؟؟ يوسف : انك مب عاقل سيف و بومحمد يالسين يضحكون على خبال خالد و يوسف خالد : عدااااااااااااااااااال .... مخلي العقل حقك يوسف : احم احم ... ادري اني عاقل خالد : لااااااااااااااا والله منو قال ؟؟ يوسف : انت توك قايل خالد : يسوووووووووووف يوسف : هااااااااااااااه خالد : اجلب ويهك ... تراني وايد عطيتك ويه يوسف : فقدتك .... باااي ( أونه زعل ) خالد : لا عاد كله و لا يسوف يزعل يوسف : جب جب يلا باي خالد : يسوووووووووووووف يوسف : شو تبا ؟ خالد : بس عاد كله و لا زعلك يوسف :انزين .. في شي ثاني ؟؟ خالد : شوف بترمسني عدل ... و إلا يوسف : كمل ... و إلا شو ؟؟؟ خالد : تراني ما بوافق على خطبتك ؟؟ يوسف : انزين مب مهم رايك خالد : سبال يوسف : هههههههههههههههه يلا اجلب ويهك خالد : باي يوسف : باي *** سكر خالد عن يوسف *** شفتوا السبال شو سوا فيني خالد : بو محمد : شو خالد : قالي رايك مب مهم سيف : هههههههههههههههه صدقه ياخي بو محمد : ههههههه يحليلك ما تستاهل يا ولدي خالد : آآآآآآآآآآخ ويهي ... خلاص انا بعتكف اليوم في غرفتي بو محمد : ههههههه يكون أحسن .. تفكنا من لسانك في بيت (( بو يوسف )) يوسف : ابويه .. انته رمست عمي عبدالله ؟؟ بو يوسف : هيه ........... ليش؟؟ يوسف : هههههههههههه لا ماشي منصور : شبلاك ؟؟ يوسف : خلود متصلبي بو يوسف : شو يبا ؟ يوسف : يالس يقولي يا الخاين ليش ما خبرتني انك بتخطب اختي .... و مسولي سالفه .. و يقولي تراني أنا الوحيد اللي ما بوافق بو يوسف : هههههههههه يحليله يسوي وياك سوالف منصور : ههههههههه أنا أشهد انه مب عاقل هالانسان بو يوسف : أكيد منوه ربيعه ؟؟؟ يوسف : هااااااااااه أحمدوه أشوفك رديت علي منصور : ههههههههههه *** نزلت عليا تحت *** عليا : السلاااااام عليكم الكل : و عليكم السلام عليا : عيل وين خلوف ؟؟ بو يوسف : ساير بيت يرانا عليا : اهااااااااااااااااااا *** مسكت عليا سماعه التليفون *** عليا : السلام عليكم .... : و عليكم السلام عليا : خوله موجوده ؟؟ ..... : لحظة شوي خوله : هلا هلا عليا : اهليييييييييييييييين ... اشحالج ؟؟؟ خوله : بخيـــــــــــــــــــر .. علومج انتي ؟ عليا : تمااااااااااااااام خوله : و شخبار عنوووده ؟؟؟ عليا : بخير الله يسلمج ... اقولج خولوه خوله : آمري عليا : عندج شغله الحين خوله :لا ما عندي عليا : انزين تعالي بيتنا خوله: و ليش حضرتج ما تيين ؟؟ عليا : بعدني أول أمس عندكم خوله: انزين بقول حق اميه و بييج عليا : اوووكي اترياج خوله : اوكي بااااااااااااي عليا : باي *** سكرت عليا عن خوله *** بو يوسف : منوه هذي ؟؟ عليا : هذي خوله بو يوسف : هذي بنت عبدالرحمن ؟؟؟ عليا : هييييه منصور : شو بتي هني ؟؟ عليا : هيه منصور : عيل يلا الشيخ يوسف شو مقعدنك هني يوسف : خلني اطمش بو يوسف : شووووووو ... يلا برع برع يوسف : هههههههه خيبه ليش عاد ؟؟ بو يوسف : مب توني مرمس عمك عن العنود ؟ يوسف : هيه بو يوسف : عيل جيه تبا تشوف غيرها يوسف : هههههه هذا بعدني ما ملجت و جيه الله يستر عقب شو بيصير عليا : يلا عاد كله و لا عنوده يوسف يقول في قلبه : (( فديت هالاسم و راعيته )) منصور : يلا يسوف خلنا نسير الميلس يوسف : و انت أحمدوه شو مقعدنك ؟؟؟ بويوسف : ههههههه انا باطمش عليا : ههههههههههههه ثره مب هين الشيبه بو يوسف : هههههههههه هيه ترومون علي يوسف : هههه لا حشا ... يلا منصور قوم منصور : يلا *** طلع يوسف و منصور *** *** عقبها يت خوله *** عليا : تعالي خولوه حياج خوله : محد في البيت ؟؟ عليا : لا بس الوالد خوله : السلااااااااااااام عليكم بو يوسف : و عليكم السلام ... حياج بنتي خوله : هلا عمي .. اشحالك ؟ بو يوسف : بخير الله يعافيج ... و اشحال ابوج و اخوانج عساهم بخير ؟؟ خوله : بخير الله يسلمك عمي عليا : يلا خولوه طوفي فوق خوله : يلا ... عن اذنك عمي بو يوسف : اذنكم معاكم *** ساروا عليا و خوله فوق *** |
رد: حياتي كلها فداك .. في الميلس *** يوسف : ياخي ليش يبتنا هني ؟؟؟؟ منصور : شو كنت بتسوي داخل البنت يايه حق اختك نحن شو يقعدنا ؟؟؟ يوسف : عاااااااااااااادي منصور: عادي في عينك يوسف : فديت عيوني منصور : وايد مصدق عمرك لازميوسف : حلو منصور : هههههههههههه *** هالوقت رن تليفون منصور و قال منصور حق يوسف انه يسكت *** المتصل """ النقيب غيث الخييلي """ منصور : مرحبا غيث : مرحبتين .. هلا منصور اشحالك ؟ منصور : بخير الله يطول عمرك .. علومك انته غيث : بخير الله يعافيك ... وينك انته منصور : في البيت ... ليش تآمر بشي غيث : يا ريت تييني الحين الدوام عدنا طواري عسب اجتماع الشيخ منصور : وين ؟؟؟ غيث : في قصر الامارات منصور : خلاااص دقايق و أنا عندك غيث : خلاص اوكيه بس لا تطول منصور : انشالله ... مع السلامه غيث : الله وياك *** سكر منصور ** يوسف : منوه هذا اللي سكتني علشانه منصور : هذا النقيب يوسف : خير شو يبا ؟؟؟؟؟؟؟ منصور : ماشي بس عدنا طواري ... انا بسير باااااي يوسف : الله وياك يوسف يالس يكلم عمره من عقب ما ظهر عنه منصور : طاع هذا يابني هني و خلاني صدق ما يستحي خلني اسير عند الشباب اخير لي ** في غرفه عليا ** خوله : ههههههههه الله يقطع بلسيج عليا : هههههههههه خوله : ابا ماي عليا : انزين دقايق بسير اييب لج عليا ظهرت و خلت الباب مفتوح لانها تعرف ان محد من اخوانها بيي ... و على فكره ترى غرفه عليا مجابله الدري مره منصور كان ساير فوق لكنه وقف عند آخر الدري يوم شاف خوله و قال في خاطره : (( ماشالله عليها ما تنلام يا حمدان يوم انك كنت تبا تآخذها بس الله يرحمك الحي ابقى من الميت )) خوله ماشاالله عليها شعرها وايد طويل و أسود و عليها عيون وساع و وااايد حلوه حتى هي احلى عن العنود و عليا بس لين الحين مب معرسه و كل ما ايي حد ترفضه لأنها بعدها تفكر في المرحوم .. منصور انتبه ان وقفته غلط .. فسار غرفته و خوله اصلا ما انتبهت على منصور لانها كانت تجلب في البوم صور عرس ميره و محمد *** دخلت عليا الغرفه *** عليا : هاه يودي خوله : تسلمين أخدمج في عرسج عليا : آمين خوله : الا صدق اشحاله ؟؟ عليا : ما ادري عنه خوله : افاااا ليش ؟؟ عليا : من يوم ما اتوفى حمدان و نحن ما نشوفه دايما خوله : اهااااااااااااااااااا .. إلا اقولج عليا : قولي خوله : منوه هذا اللي في الصوره ؟؟؟ عليا : هذا ؟؟ خوله : هيه عليا : يوسف خوله : و هذا ؟ عليا : منصور .. و اللي حذاله حمدان الله يرحمه خوله : الله يرحمه عليا : الا ما قلتيلي خوله : شووو عليا : شو رايج في محمد خوله : حلو ماشالله عليه عليا : اكيد منوه بنت عمه خوله : هههه ميره عليا : فقدتج خوله : ـههههههههههههههههههـ *** في غرفه منصور *** ياخي والله حلوه أنا ليش لين الحين ما عرست و هذي بنت يرانا يعني مب غريبه ... بس كيف أنا أخون أخويه هو اللي كان يباها ؟؟ .. بس اخويه مات و الحي أبقى من الميت ..... اهوووووو انا ليش ملعوز عمري بعدين بشوف ..... بس عن تطير من ايدي ؟؟ . اووووووه خلني اسير الدوام و بعدين يحلها الف حلال (( كل هذا كان يدور في عقل منصور ... الله يعينه شكله بدى يحب )) طلع منصور من غرفته و أول ما طلع طاحت عينه على غرفه عليا ... و يلس يغني اغنيه ميحد متعني بصوتك و أمتعك بالحب عطني قليل الحب و أعطيك قلبي و الحب أطهر عاطفة تدخل القلب مأجمل كلام الحب لا صرت جنبي *** و نزل تحت *** بو يوسف : هاه منصور الغالي وين ساير ؟ منصور : عندي دوام بويوسف : !!!! دوام شو الحين ؟؟؟ منصور : عندنا طواري في الدوام بو يوسف : هيه سير الغالي الله وياك منصور : مع السلامه في سيارة منصور منصور : هييييييييييييه يا منصور شكلك طحت في ايد خوله ........ بس انا صدق ليش ما اخذها ما فيها شي هي اصغر عني بـ 3 سنين بس و بنت يرانا و ما فيها عيب .. شكلي برمس الوالد عنها ... بس كيف ارمسه ... لازم اعرف رايها اول بس كيف ؟؟؟؟ ليش ما اخلي عليوه ترمسها ؟؟ بس هذي فضيحه ......... يعني ارمسها انا ؟؟ بس عيب اهوووووووو شو الحل ؟؟ ماشي غير اني ارمسها يالله الله يجدم اللي فيه الخير |
رد: حياتي كلها فداك .. في بيت عبداللـــه بو محمد : ميره ميره : هلا عمي بو محمد : ما اتصلبج محمد ؟؟ ميره : لا ام محمد : يا ويلي على ولدي لا يكون صار فيه شي ميره : لا عموه لا تفاولين على محمد ما فيه الا العافيه بو محمد : انزين الغاليه قومي يبي التليفون خلنا نتصلبه ميره : بس عمي انا اتصل من البارحه يعطيني مغلق ام محمد : لا اكيد فيه شي مستحيل محمد ما يتصل ميره : عموه لا تخوفيني عليه بو محمد : ما عليج منها ... ريلج ما ينخاف عليه *** دخل خالد *** خالد : السلااااااااام عليكم الكل : و عليكم السلااام خالد : هاه شبلاكم ؟؟ ام محمد : الغالي خالد خالد : هلا ام محمد : شوف ابويه اخوك محمد اتصلبه خالد : ليش ما اتصل ؟؟ ميره : لا بو محمد : شوف اتصلبه خالد : انشالله (( و هو في قلبه خايف على اخوه لأن محمد أول مره يسير مكان و ما يتصل بأهله و لا بمرته )) *** مسك خالد التليفون و عقب سكر *** ام محمد : هاه يا ولدي ؟ خالد :مغلق بو محمد : لا صدق بديت اخاف عليه خالد : بس اصلا لو فيه شي صدقوني بيتصلون ميره : يا حسرتي على ريلي خالد : انتوا صلو على النبي و اذكروا الله .. ميره صدقيني انا اعرف هالسوالف .. هاذوه حمدان الله يرحمه يوم صابه شي اتصلوا و لا لا ؟ ميره : هيه خالد : عيل خلاص ... ميره ميره : هلا خالد : انتي اتصلتي على تليفون سيارته ؟؟ ميره : لا بو محمد : عيل اتصل الغالي *** اتصل خالد على تليفون سياره محمد *** خالد : الووووو محمد : هلا والله خالد : تعرف ياخي انك سباااال الكل بدت علامات الفرح على ويوهم لان عرفوا ان محمد ما فيه شي محمد : افااااااااااااااااااااا ليش خالد : ليش تليفونك مغلق ؟؟؟ محمد : ما فيه بطاريه و نسيت اشل معاي العبايه خالد : اهااااااااااااااااااا و ليش ما تروح تآخذ لك من هناك محمد : دخيلك انا ما ادل شي هني خالد : ما خبرتك محمد : شو ؟؟؟ خالد : عندي ميره هني شوي و بتصيح محمد : فديتها و الله شبلاها ؟؟؟ خالد : خايفه عليك .. منوه قدك انت الوالد خايف عليك و الوالده بعد و فوق هذا حبيبة القلب ميره غدت شرات الطماط محمد : فديـــتهم و الله يعلني ما اخلا منهم .. و انت يا مسود الويه خالد : أنا شبلاني ما خفتمحمد : علي خالد : شبابك أنا متفيج لك ؟؟ ميره : خالد عطني أبا ارمسه محمد : اجلب ويهك عطني ميروتي خالد : انزين لحظه *** عطى خالد ميره التليفون *** ميره : هلا و غلا محمد : هلا بحيااااتي ميره : اشحالك ؟ محمد : اكيد بخير دامني اسمع صوتج .. اشحالج انتي غناتي ؟؟ ميره : بخير الله يعافيــك محمد : اكيد الحرس عندج من جي مب رايمه ترمسين ميره : هيه محمد : اشحال الغالي حمدان ؟؟؟ ميره : بخير محمد : عيل وينه ؟؟ ميره : راقد محمد : اقووولج ميره : قول محمد : خلي خلود يعطيج الرقم و اتصليبي عشان آخذ راحتي .. اوكيه ميره : اوكيه محمد : الحين سلمي عليهم كلهم اوكيه حبيبي ميره : اوكيه محمد : بس لا تنسين تآخذين الرقم ميره : انزين محمد : يلا مع السلامه ميره : الله يحفظك *** سكرت ميره عن محمد *** ام محمد : هاه الغاليه شو يقول ؟؟ ميره : يسلم عليكم وااايد بو محمد : الله يسلمه ... الله يغربل بليسه و الله اني استهميت عليه ام محمد : حتى انا ميره : خالد خالد : عونج ميره : ابا رقم محمد اللي انت متصل عليه خالد : شو تبين فيه ؟؟؟ ميره : خالد عاد عن الغلاسه بتعطيني اياه و لا لا ؟ خالد :خلاص لا تعصبين وين تليفونج ميره : عندي خالد : انزين خذي الرقم ******* ميره : ثااااانكس ... اخدمك في عرسك انشالله خالد : خل القياده العليا يوافقون بو محمد : كأنك تقصدني خالد : هيه بو محمد : انا ما عندي مااانع ام محمد : تباني ادور لك ؟؟؟ خالد : هيييييييييييييييييييييييييييييييييه ام محمد : ههههههههههههههه على شو مستعيل خالد : خلني الحق عمري يسوف احسن عني في شو ؟؟ تعالوا على طاري يسوف نسيت سالفته هالخاين خلوني اسير الميلس اهزبه شوي ...يلا تآمرون بشي ؟؟ ام محمد : لا سلاااامتك خالد : مع السلامه الكل : الله وياك بو محمد : ههههههههههههه من ياب طاري يوسف نسى العرس و غيره ام محمد : هههههههههههه مب عاقل ميره : هههههههه لا يحليله يستاهل كل خير |
رد: حياتي كلها فداك .. في ميلس (( جاسم الكتبي )) خالد : السلاااااااااااام عليكم الكل : و عليكم السلام راشد : هاه خلود متأخر اليوم خالد : و الله ماشي انشغلت اليوم ويا الاهل يوسف : خلود اشحالك خالد : بخير يا الخاين جاسم : خيييييييييييييييبه الخاين مره وحده شبلاك عالريال يوسف : ههههههههههههه انت لين الحين ؟؟ خالد : و لين باجر يوسف : يلا عاد حميد : ليش شو بلاه يسوف ؟؟؟ خالد : هو ما قال انه بيخطب ؟؟؟ راشد : امبلا خالد : الحبيب سار خطب اختي و أنا آخر من يعلم الكل : هههههههههههههههههههههه جاسم : ليش انته امه ؟؟؟ خالد : حتى لو تراها اختي يوسف : هههههههههههه تراك مب عاقل حميد: خلووود خالد : هلا حميد : خل هالسالفه الحين خالد : لعيونك بس يوسف : تراني والله بظهر خالد : جب يلا جاسم : هههههههههههه شو نقول بس .. الله يكملك بعقلك خالد : ويه بسم الله علي عااااقل راشد : مبين خالد : انت آخر من يرمس حميد:عاد الحين زعابي و معصب الله يستر شو بيصير جاسم : يا الله تسكنهم مساكنهم راشد : هههههههههههههههه صدقكم يوسف : يلا عاد ما ارضى على ولد عمي كله و لا النسيب خالد : فديت ولد عمي انا ... بعدين منوه قال اني نسيبك يوسف : في المستقبل خالد : أنا قلت ما بوافق يوسف : خلوووود عاد خالد : خلاص انزين .. كله و لا يسوووف راشد : اقووولكم ... عيال العم اتحدوا علينا خلونا نقوم بكرامتنا احسن جاسم : هههههههههههه هيه صدقت حميد : لا ما عليه صح انهم زعابيين بس أليفين خالد : جيه شو قالولك حيوانات جدامك يوسف : يا الهرم شو أليفين بعد ؟!!! حميد : خيييييييييييييييييييييييييييبه جلبوا علي جاسم : ههههههههههه محد قالك تتحرش فيهم كونوا حزب الحين راشد : ههههههه الله يعينك يا حميد ما تستاهل عاد ما حصلت الا هالاثنين حميد : هذا يزاي أمدحهم يوسف : ما نبا مدحك جنا حيوانات جدامك حميد : لا حشاكم خالد : هيييييييييه انتوا ما تييون الا بالعين الحمراء جاسم : عاد انت تعرفنا خبزنا و عايننا راشد : اللــــــــــــــــه جنكم يبتوا طاري الاكل حميد : هههههههههههه سبحان الله كل واحد له تفكير غير في الامثال خالد : ههههههههههه هيه عاد كله و لا رشود المثل يجلبه اكل يوسف : ههههههههههههههههههههه ريال راشد : غصبن عن خشمك جاسم : هههههههههههههههههه الا اقول حميد حميد : عيونه آمر جاسم : متى الملجه انشالله حميد : والله ما ادري لين الحين بس الكل معزوم و بخبركم راشد: الله السالفه فيها اكل خالد : هههههههههههههه خلك انت *** في نفس الوقت في بيت بو يوسف *** بو يوسف : الوووووو بو محمد : هلا و الله بو يوسف : هلا عبدالله اشحااالك ؟؟؟ بو محمد : يخير الله يعافيك بو يوسف : و شو علومك و علوم الاهل و الغاليه ميره ؟؟ بو محمد :كلهم بخير يسلمون عليك ... شخبارك انته ؟ بو يوسف : بخير الله يسلمك بو محمد : و شخبار الاولاد و عليا ؟؟ بو يوسف : اخبارهم من اخباركم بو محمد : يا حيك والله بو يوسف : عيل وينك انت مب ياي الميلس اليوم بو محمد : لا بعدني ليش انت مب في البيت بو يوسف : امبلا ... ليش بتقرب عندي .. حياااك بو محمد : لا لا بس كنت اسأل بو يوسف (( حس ان السالفه مصخت )) : الا اقول عبدالله بو محمد : آمر الغالي بو يوسف : متى ناويين تردون علينا الخبر ؟؟ بو محمد : عاد توني متصل علشان أخبرك بس مستحي منك يا اخوي بو يوسف : ليش عاد ... قلتلك اذا البنت مب موافقه عادي ترانا اهل و بينا نسب يكفي بو محمد : لا مب جي السالفه بو يوسف : ليش واحد من اخوانها مب موافقين ؟ بو محمد : لا الكل موافق و اخوانها اولهم ... بس انا كنت مستحي كيف ابدى السالفه بو يوسف : لا ما بينا مستحى الله يهديك بو محمد : عيل خلنا نقول الله يهنيهم بو يوسف : يعني البنت وافقت ؟؟؟ بو محمد : أكيد العنود وين بتلقى واحد احسن من يوسف الغالي ولد الغالي بو يوسف : خلاص عيل انشالله نحن من باجر عندكم و بنخلص الامور الصغيره و الله يجدم اللي فيه الخير بو محمد : آمين ... يلا الغالي انا ما بطول عليك .. تآمر بشي ؟؟؟ بو يوسف : لا سلامتك و سلم على الاهل بو محمد : يبلغ .. مع السلااامه بو يوسف : الله وياااك ** عقبها يلس بو يوسف يتريا ولده علشان يبشره ** ** دخلت عليه بنته عليا *** عليا : السلااام عليكم بو يوسف : و عليكم السلااام عليا : هاه الغالي شو ميلسنك لين هالوقت ؟ بو يوسف : أتريا يوسف اخوج عليا : يوسف ؟؟؟؟؟؟؟؟؟؟؟؟؟ بو يوسف : هيه عليا : بس يوسف يباله نص ساعه تقريبا بو يوسف : ما عليه بترياه عليا : انزين انت سير ارتاح و بدل ثيابك و لين ما تخلص بيكون وصل بو يوسف : انزين انا ابا ارمسه الحين عليا : خير الغالي شو عندك ؟؟؟ بو يوسف : ابا ابشره ان قوم عمج عبدالله وافقوا عليا : والله بو يوسف : هيه عليا : فديته والله يستااهل يسوف بو يوسف : هيه فديته عليا : انزين انت سير بدل ثيابك و ارتاح شوي انا بتم يالسه بترياه يوم بيي بقوله انك تباه و بخليه يسير لك الغرفه ... شو رأيك ؟؟؟ بو يوسف : خلاص اوووووووووووكيه عليا : اووووونه الوالد علموك على الاوكيه بو يوسف : ههههههههههه شدراني انا اسمع الا خلوف دوم يقولها ... فديته هو اللي متيلس وياي دوم عليا : افااااا يا الوالد يعني نحن اللي مقصرين بو يوسف : لا حشا منوه قال ... المهم الغاليه انا بسير يوم بيي يوسف لا تنسين تقوليه ايني *** دخل في هالوقت يوسف *** يوسف : آمر الغالي شو تبابي ؟؟؟ بو يوسف : هلا والله بشيخ الشباب هلايوسف : بشيخ الشياب هلا بو يوسف : يا الهرم الحين أنا شيبه عليا : يسوووف مب وقته الحين يوسف : آمر ابويه شو كنت تبا مني ؟؟ بو يوسف : أبا ابشرك ؟؟ يوسف (( بصوت واطي )) : بشر بنت و لا ولد ؟؟ عليا سمعته و تمت ميته من الضحك على خباله بو يوسف : شو قلت ؟؟؟ يوسف : لا ما قلت شي بو يوسف : عليوه بلاج يوسف : خلها مب عاقله بو يوسف : انزين يوسف : هاه بشر الوالد ردوا عليكم قوم عمي عبدالله بو يوسف : هيه يوسف : بشر ؟؟؟؟؟؟؟؟؟؟؟؟؟؟؟ بو يوسف : و هم وين بيلقون اخير عن يوسف شيخ الشباب يوسف : قوووول والله بو يوسف : يا الهرم يعني انا بقص عليك ؟؟ يوسف : فديــــــــــــــــــــــت روحك انا بو يوسف : عساني دوم اشوفك مستانس و لا انحرم منكم عليا : أنا بسير تآمروني بشي ؟؟ بو يوسف + يوسف : ويييين ؟؟ عليا : بسير ايلس على المسن و بشوف عنوده شخبارها يوسف : سلمي عليها بو يوسف : يا مسود الويه انت املج اول و بعدين عليا : انا بسير قبل لا تبدأ الضرابه بااااي بو يوسف : الله وياااج يوسف : شبلاك يا الوالد تراه الا سلام و السلام لله بو يوسف : انا بسير ارقد اخير لي من خبالك يوسف : هههههههههههههههههههه بو يوسف : تصبح على خير يوسف : و انت من أهله *** الكل سار يرقد *** |
رد: حياتي كلها فداك .. اليوم الثاني في بيت (( بو محمد )) ميرة : الووووووووو محمد : هلا وغلا بريم الفلا ميرة : هلا فيك الغالي ... علومك محمد : بخير دامني أسمع صوتج ... شخبارج انتي؟؟؟ ميرة : بخير ربي يعافيك محمد : عنبوج ما بغيتي تتصلين ؟؟؟ ميرة : انزين الا البارحه مآخذه الرقم محمد : وليش ما اتصلتي البارحه ؟ ميرة : شو الحين بتجلب السالفه تحقيق ؟؟؟ محمد : فديتج انا ... الا اقولج ميرة : قول محمد : ماشي ميرة: مب صاحي ... اقول محمد : قولي غناتي ميرة : انت 24 ساعه ميلس في السيارة محمد : هههههه ليش ؟ ميرة : تراني اشوف من رن التليفون سيده رديت محمد : ترا هالتليفون شرات الموبايل انا حاطنه في جيبي يوم تخلص البطاريه حطيته في السيارة عسب اترس البطاريه فهمتي و لا لا ؟؟ ميرة : هيه فهمت *** داخل بيت بو محمد *** بو محمد : اقول سلامه ام محمد : عونك الغالي بو محمد : تراني عازم ناس عالعشا العنود : منوه ابويه ؟؟ بو محمد : الغالي و ولده ام محمد : انزين منوه ؟ بو محمد : احمد و عياله يوسف و منصور العنود شقت الحلج شبرين ام محمد : هيه حياهم الله بو محمد : هيه تراهم يياين يخطبون ام محمد : هيه عيل محد غير العنود اليوم اللي بتسوي عشا العنود حست ان امها و ابوها مصخوها العنود : انا بسير عند ميرة ** و طلعت بسرعه ** ام محمد : يحليلها تستحي بنتي بو محمد : ليش يعني انتي ما استحيتي يوم كنتي كبرها ؟؟ ام محمد : عبدالله عاد << تستحي العيوز ترومون عليها<< *** في قسم محمد *** العنود : السلام عليكم ميرة : و عليكم السلام العنود : منوه ترمسين ؟ ميرة : محمد ** ميرة ترمس في التليفون ** ميرة : انزين محمد انا برمسك بعدين محمد : ليش منوه عندج ؟؟ ميرة : العنود محمد : افففففففففففففففففففففف وقتها هذي خلاص اوكي دقي اترياج ميرة : اوكي الغالي توصي بشي ؟ محمد : لا الغاليه سلااامتج ميرة : يلا مع السلامه محمد : الله وياج *** سكرت ميرة عن محمد *** ميرة : يا حيا الله العنود العنود : الله يحييج الغاليه ميرة : انتي ما تيين عندي الا لانج شارده من شي اعترفي بسرعه العنود : بعد شو الشياب يالسين يقولون لي ان عمي و عياله يوسف و منصور بيون اليوم على العشا و يبوني انا اطبخ ميرة : عاااادي تراه ريل المستقبل العنود : ميرة عاااااااااااااااااااااااااد ميرة : خلاص اوووكيه |
رد: حياتي كلها فداك .. *** في وقت العشا *** في ميلس الريايل (( بو محمد – خالد – سيف )) بو يوسف : السلام عليكم الكل : و عليكم السلام من عقب السلااامات بو يوسف : شحالك يا عبدالله بو محمد : بخير الله يعافيك ... شحالك انت يا اخوي بو يوسف : بخير الله يعافيك ... عاد يا بو محمد ترا انا ما اعرف في هالسوالف و انت تعرف انا ياين نخطب العنود حق يوسف بو محمد : و النعم والله بو يوسف : فالحين نبا رايكم ؟؟؟ علشان نبدا بالخرابيط مال العرس بو محمد : انت تعرف راينا يا أحمد و نحن اهل ما بينا مجاملات *** الكل كان ساكت اولهم يوسف اونه الريال مستحي *** بو يوسف : يعني نقول على البركه بو محمد : انشالله و نحن ما بنلقى احسن من يوسف حق العنود *** يوسف كان يطالع خالد و يضحك لأن خالد قايل انه ما بيوافق *** بو يوسف : خلاص انشالله انت شاوروهم وشوفوهم كم يبون المهر و الزهبه بو محمد : انشالله ما بنختلف بو يوسف : انشالله *** من عقب السوااالف *** خالد : ابووويه بو محمد : عونك خالد : انا يوووووعااااااااااااااااان يوسف : هههههههههههههههههههه شو اتعاديت من رشووود خالد : هههههههههههه لا ياخي صدق بو محمد : هههههههههههه سير قولهم يحطون العشا خالد : سيفوه قم انت سير سيف : نعم !!!! مب كأنك انت اللي يوعان خالد : بس انت اللي اصغر سيف : Sorry ما ابا خالد : سيفووووه سيف : اصغر عيالك انا منصور : خلاااااص شو رايكم انا اسير سيف : لاااااا اللي يوعان يسير يوسف : خلاص انا بسير منصور : و ليش الشيخ خالد ما يروح ؟؟؟ خالد : احم احم .... انت بروحك قلت تراني شيخ بو محمد : يا الهرم يلا قوم سير قوللهم خالد : انشالله الغالي يوسف كان يطالعه و يضحك بصوت واطي ** و من عقب التشاور بين بو محمد و بو يوسف حطوا ان الملجه 11– 8 – 2005 يوم الخميس و العرس عقبها باسبوعين يعني 25–8 – 2005 يوم الخميس بعد ** مرت عليهم اسابيع وهم يتزهبون حق العنود من دبي لين بوظبي كل يوم في مكان و تحدد العرس في فندق الشاطئ روتانا .. عرس الرياييل قبل عرس الحريم بيوم يعني في 24 – 8 |
رد: حياتي كلها فداك .. في يوم عرس الرياييل بيت أبو يوسف يوسف: عليا اتحيرنا يالله انقفضي وين المدخن عليا: اصبر عليي .. بلاك اليوم اشوفك مشتط بلاك .. هاااا؟؟ يوسف: ترا بعرس بعد شوو عليا: الله يهنيك انته و العنود يوسف: آآآآآآآآآآمين .. اقول عيل وين منصور ما اشوفه عنبوه هذا و عرس اخوه ما اشوفه لين الحين ... و قبل لا يكمل كلامه ولا بمنصور داش عليهم: هااااااا بلاه منصور سمعت اسمي تراني يوسف: وينك يا اخي ترانا وايد اتحيرنا منصور: دقايق اتسبح والبس وادخن و اييك يوسف: يااااااااااااااااااربي عزا الله دشو المعازيم و كلو و اتعشو وانا يالس في البيت و اتريا حضرت الشيخ منصور يخلص منصور: بل بل بل ها كله عشان قلتلك بتسبح و بلبس و بيي .. خلاص يا بويه روح انته الفندق انا بيي بسيارتي يوسف: تمام .. عليا ازقريلي خليفه خليه ايسير ويايه عليا: انشالله.. مر هذا اليوم بفرح يوسف و ابوه و أبو محمد و كل العايله .. اليوم الثاني يــــــــــــــــوم العرس في بيت أبو محمد الساعه 8:00 الصبح نشت العنود وهيه تعبانه من كثر ما كانت ترتب و تزهب الشنط لين الساعه 3الفجر .. سارت تحت و هيه خلاص طار النوم عنها شافت أمها العنود: السلاااااام عليكم ام محمد: وعليكم السلام .. هلا والله بالعروس العنود: اهلين .. شحالج اميه؟ ام محمد: بخير دامج بخير العنود: والله طول الليل و انا احط هالثياب في الشنطه و باقي الاغراض ام محمد: الله يعطيج العافيه و يهنيج يا بنتي العنود: بسير اسويلي ريوق الساعه 12:00 الظهر سارن البنات الصالون و طبعا العنود نزلوها الفندق لان راعيه الصالون بتيها هناك الساعه 8:30 الكل كان عند الاستقبال ام محمد و عليا و ميره و ساره و خوله اربيعتهم و كل وحده احلى عن الثانيه |
رد: حياتي كلها فداك .. و عقب ساعتين دشت العروس على غنيه راشد الماجد: حد منكم شاف فالدنـيا بـــــــــــدر مقبلن يمشـــــــي و من حوله بشر و كااااانت في قمه الروعه وهيه بالفستان الابيض ملاك مشالله عليها صدق يا حيك يا يوسف بهالحرمه محد تم في القاعه ما مدحها و هي بروحها كانت تمشي و ميته من الخوف بس من شو ما تدري و أمها حذالها و عقب ما وصلت الكوشه و اتصورت يا الوقت إللي يدخل فيه المعرس (( يوسف )) طبعا دخل يوسف مع ابوه و اخوان العنود محمدإللي رد من دورته و خالد و سيف و من بعد التصوير و السلامات و ..... إلخ سار المعرس و يا العروس الغرفه إللي حاجزينها في الفندق و المصورة ما خلتهم في حالهم إلا سووا جذيه و حط هذا و خلوا هذا ..... لين ما حوشها يوسف برع <<< يحليها العنود ويها احمر في غرفه المعاريس يوسف : ما تعرفين يا عنودتي شكثر كنت اتريا هاليوم العنود : حتى أنا يوسف و هو يغمز لها : أكيـــــــــــــــد و لا تقصين علي العنود : افا يا ولد العم أنا اقص عليك يوسف : لاااااااااااااااااااااااا ما ابا اسمع كلمة ولد العم العنود : عيل ؟؟؟؟ يوسف : شو بعد تبيني اعلمج الرمسة العنود : يوسف عاد يوز عني يوسف : ههههههههههههههه فديت إللي يستحون امووووت فيهم العنود : و هم بعد يموووتون فيك يوسف: بس تراني أبا اسمعها منهم العنود اونها استحت : افففففف يلااا عاد محد يعطيك ويه يوسف : افااااااااااااا خلاص زعلت العنود : هههههه ما تروووم يوسف : فديت هالضحكة يعلني ما اخلا منها و من راعيتها العنود : انا بسير يوسف : وين العنود : بسير بغير ثيابي و بسبح يوسف : يلا عيل لا تتحيرين العنود : كيفي يوسف : بكسر الباب إذا اتأخرتي العنود : ههههههههههه انشالله (( عاد معاريس ما يخصكم فيهم ههههه ))) الكل في العايله رد تعبان من العرس و زين منهم اتسبحوا و ارقدوا من التعب (( هذا العرس دومه جيه )) |
رد: حياتي كلها فداك .. اليوم إللي عقب العرس يوسف : هاه غناتي زهبتي اغراضج العنود : هيه يوسف : يلا عيل خلينا نسير عند الاهل نسلم عليهم قبل لا نسير المطار العنود : اوووكيه المعاريس كانوا بيسافرون ألمانيا على طيران الخليج في مطار بوظبي يعني المطار كان قريب عندهم في بوظبي **** في بيت بو يوسف **** يوسف + العنود : السلااام عليكم بو يوسف + عليا + خليفه : و عليكم السلام يوسف : هلا ابويه اشحالك يعلك بخير بو يوسف : بخير دامني اشوفك مستانس العنود : عمي شخبارك بو يوسف : بخير الله يعافيج يا بنتي عليا : عبرووونا العنود : ههههههه و أنا اقدر انساج يا الغاليه يوسف : يلا عاد هالكلمات ما تنقال إلا حقي خليفه : انته احمد ربك حد عطاك ويه مب مثلي جني ولد البطة السوده بو يوسف : ههههههههههههه ثرك مب هين يا خلوف خليفه : هههه منوه ابويه العنود : اشحااالج علايه عليا : جب انا ما ارمسج توج عطيتيني ويه يوسف : جب انتي مرتي محد يسكتها و انا يالس خليفه : ههههههههههههه خيبه انته ما كملت يومين من خذيتها و جذي صرت عيل عقب عشرين سنه شو بتسوي ؟؟؟ بو يوسف : ههههههههههههههه بياكلنا اذا قلنالها يبي كوب ماي عليا : ههههههههههه جنه جذي يوسف : عيل وين منصور عليا : هيه فديته طالبينه البارحه يوسف : منوه طالبنه عليا : دوامه و لليوم ما يا يوسف : عيل المهم يا الوالد سلم عليه تراني نحن ياين نسلم و بنسير بو يوسف : يوصل يا الغالي إلا متى طيارتكم يوسف : الساعة خمس العصر عليا : منوه بيوصلكم العنود : خالد اخويه يوسف : يلا عيل العنود خلينا نسير بيتكم العنود : يلا يوسف: يلا مع السلامه و سلموا على منصور الكل : الله وياااكم |
رد: حياتي كلها فداك .. **** في بيت بو محمد **** يوسف + العنود : السلام عليكم الكل : و عليكم السلااام يوسف : عمي اشحالك بو محمد : بخير الغالي علومك انته ويا العنود يوسف : بخير العنود : و انتي اميه شخبارج ام محمد : بخير ربي يسلمج و يعافيج خالد : احم احم احم احم احم احم احم يوسف : هههههههههه شوي شوي لا يطيحن بلاعيمك خالد : طاحن ما يترين العنود : اشحالك خلوود خالد : بخير اختاااااااااااااه كيف حالك العنود : ههههههههه بخير خالد: يسوف علومك يوسف : تماموووو العنود : عيل وين محمد و ميره و سيف ام محمد : محمد و مرته مودين حمدان ولدهم المستشفى و سيف طبعا وياهم لأن هذا حمدان الغالي يوسف : خير بلاه الياهل بو محمد : ماشي يا ولدي جايستنه حمى العنود : فديته والله ما يستاهل خالد : هيه والله يمكن متعادي من حد من اليهال في الروضه يوسف : يمكن .... عيل عمي نحن ياين نسلم عليكم لأننا بنسافر عقب ثلاث ساعات طيارتننا ام محمد : عيل سير يا ولدي مرخوصين الله وياكم ** و سلموا على بعض و طبعا خالد سار وياهم لأنه هو بيوصلهم المطار ** في مطار بوظبي يوسف : يلا خلود تآمر بشي ؟؟ خالد : انت خلصت الجوازات و التذاكر يوسف : هيه الغالي خالد : يا عيل الله وياكم و حط اختي في عيونك يوسف : افااااااااااااا لا توصي خالد : اقولك يوسف : آمر خالد : تراه عقب اسبوعين عرس حميد و انت ما بتكون هني صح ؟؟ بس ما عليه سلميوسف : لاااااا عليه و استسمح لي منه و قوله محد قاله يسوي عرسه في شهر العسل مالي ... عالعموم انا بتصلبه و بباركله العنود : يوووسف يوسف : آمري حياتي العنود : زقروا على طيارتنا خالد : يالله الغالي الله وياك يوسف : مع السلامه و سلم على محمد و ميره وسيف و الكـــل حتى حمدان ولد محمد خالد : يوصل الغالي مع السلامه يوسف + العنود : مع السلامه و عقبها ركبوا الطيارة |
رد: حياتي كلها فداك .. اليوم الثاني في بيت بو يوسف عليا كانت يالسه بروحها في الصاله و رن تليفون بيتهم عليا : ألووووووووووووووووو ××× : السلااام عليكم عليا : هلا و الله و عليكم السلام ×××: اختي لو سمحتي بغيت عليا أحمد الزعابي عليا : معاج تفضلي ... منوه انتي ××× : اختي انتي مقدمه على طلب وظيفه من مصرف بوظبي الاسلامي صح و إلا أنا غلطانه ؟؟ عليا : هيه صح ××× : انتي متخرجه بكالريوس ؟؟ عليا : هيه ××× : عيل بغيت ابشرج نحن قبلناج بس لازم باجر تيين عدنا الساعه 8 عسب المقابله عليا : انشالله ××× : يالله الله وياج عليا : مع السلامه عليا استانست من هالخبر عالاقل بتحصل لها شغله بدال يلست البيت مع انه لا اختها ميره و لا العنود و لا ساره بنت عمها اشتغلن هي بتكون اول بنت من العايله بتشتغل مع ان محد عارض و عقبها بكم ساعه رن التليفون مره ثانيه وراحت عليا تشله << ماشالله غاديه بداله عليا : ألوووووووووووووو يوسف : هلا وغلا بعلاااايه عليا : هلا حبيبي يسووووف يوسف : اشحاااالج عليا : بخير دامك بخير يوسف : انا بألف خير دامني ويا عنودتي عليا : يا عيني عالحب ماااااااااااااااالت علي يوسف: ههههههههههه انتي ويه حب خلي الحب لأصحااابه عليا : ههههههههه فقدتك وين عنوده عنك يوسف : Sorry مرتي ما ترمس حد غيري و ما تشوف حد غيري بس انا عليا : لا والله ... يسوف عن هالحركات عطني اياها ببشرها يوسف : بشريني انا ... شو الحال على حمدان ولد ميروه اختي عليا : لا ماشالله عليه يشقح و ينطح يوسف : عيل بشو بتبشرين عنودتي عليا : وافقوا اني اشتغل في مصرف بوظبي يوسف : تستاهليييييييييييييييين عيل بخرب عليج انا بخبر عنودتي العنود : شووووو خبرني عليا : يسووووف يا السبال يوسف : ههههههههههه عليوه وافقوا انهم يوظفونها في مصرف بوظبي العنود : والله .... عطني ارمسها و شلت العنود التليفون عن يوسف العنود : هلا وغلا اشحااالج علايه عليا : تماااااااااااااااام هالسبال يسوف خرب علي و لا كنت بخبرج انا شخصيا العنود : جب يلا ريلي مب سبال يوسف : فديييييييييييييييييت روحج انا العنود ويهها احمر عليا : قولي حق يسووووف بعدين هالسوالف مب جدامي العنود :هههههههههههههه خلي عنج عليا : المهم ما بطول عليكم انتوا عطوني رقمكم و أنا بعطي ابويه و عمي الرقم العنود : اوكي سجلي *************** عليا : خييييييييييييييبه مب رقم هالكبر العنود : هههههههه هذي أرقامهم عليا : يلا الغاليه مع السلامه العنود : اقووولج علايه عليا : آمري العنود : اتصلي الحين بيتنا لأن الوالده بتستهم علينا عليا : من عيووووني العنود : تسلم عيونج غناتي عليا : مع السلااامه العنود : الله وياااج |
رد: حياتي كلها فداك .. ** عقب ما سكرت عليا اتصلت بيت عمها ** ××× : ألوووووووو عليا : السلام عليكم ××× : و عليكم السلام هلا عليا عليا : هلا سيف اشحالك سيف : بخير ... آمري بغيتي الوالده هيهعليا : سيف : بس الوالده طالعه عليا : بس العنود متصله و عطتني رقمهم عسب تتصلوبهم سيف : عطيني اياه عليا : ************** سيف : مشكورة مع السلامه اللهعليا : ويااك يعذبـــني بخصـــــــامه و لا ادري وش عـلامه يقول إني جرحــــــــته يغالط فـــي كلامــــــه يـــــعرف اني احبـــــه و لا لــــي غــــير حبه قريــــــب الكل مـــــني و لا ابـــــغي غيـر قربه (( عليا وااايد تظايقت من سيف من معاملته هذي و حلفت في نفسها انها ما عاد تعطيه ويه و تعبره عالاقل يستاهل مثل ما تقول )) |
رد: حياتي كلها فداك .. في بيت (( بو سالم )) سالم : ابووويه بو سالم : عووونك سالم : انا ابا اعرس خوله : قول والله سالم : جيه ثرني ياهل بقص عليكم ام سالم : و منوه تبا يا ولدي سالم : اميه بغيت اخت المرحوم حمدان ربيعي خوله : بنت ابو يوسف ؟؟؟ سالم : هيه ابو سالم : و النعم نعم ما اخترت يا سالم خوله حست انها بتصيح كيف اخوها يبا وحده تحب ولد عمها ؟؟؟ ام سالم: تباني اسير اخطبها لك؟؟؟؟ ابو سالم : كيف بتخطبينها و اخوها العود مب موجود سالم : بس منصور موجود و بعدين اميه مب لازم تسير لأن ما عندهم حرمه في البيت ابويه انته رمس ابو يوسف ام سالم : بس لازم نعرف راي البنت قبل لا نسير سالم : كيف يعني ؟؟؟؟ ام سالم : خوله انتي ربيعتها ليش ما ترمسينها خوله : هاااااه انشالله اميه ابو سالم : الله يجدم إللي فيه الخير اليوم الثاني سارت خوله بيت بو يوسف بالصدفه خوله اول ما دخلت البيت كان منصور توه ياي من المسيد خوله : السلام عليك منصور : و عليج السلام منصور يقول في خاطره : (( دامني واياها بروحنا ليش ما اشاورها ما بحصل غير هالفرصه )) خوله : عليا وين ؟؟ منصور : انتي منوه ؟؟ خوله : انا خوله منصور : بنت عبدالرحمن ؟؟ خوله : هيه منصور : اسمعي يا بنت الناس انا مب من النوع إللي الف و ادور انا بصراحه انتي عايبتني و اباج على سنه الله و رسوله و بغيت اسمع رايج قبل لا اسير عند اهلج .................... هاه شو قلتي منصور بروحه ما عرف كيف ظهر هالتقرير منه بس المهم ريح ضميره و قال إللي في خاطره خوله بروحها ما عرفت شو تقول لأنها من قبل و هي تشبهه بالمرحوم حمدان خوله : انته اذا تباني تدل بيت اهلي و رايي بيكون من رايهم منصور : شو يعني ؟؟ خوله : منصووور عاد .. انا بسير عند عليا منصور يقول في خاطره : (( فديت هالصوت يا ربي يلعني ما اخلا منه و لا من راعيته )) |
رد: حياتي كلها فداك .. في غرفه عليا خوله : اشحااالج عليوه عليا : تمااااااااااااااااام خوله ما حبت تخبر عليا عن اللي صار بينها و بين منصور خوله : اشحال ولد العم ؟؟ عليا : جب لا تذكيري فيه والله البارحه اتصلت عسب اعطيهم رقم يسوف و هو رد علي و لاعت جبدي منه خوله : افاااا ليييش عليا : جني اشحت منه من عقب ما عديت عليه الرقم قالي مشكورة مع السلامه و سكر خوله : بصراحه ما ادري شو اقولج عليا : خير قولي شي في خاطرج ؟؟؟ خوله : بصراحه ما ادري شو اقولج بس اخوي سالم ... عليا :بلاه في شي ؟؟؟ خوله : بصرااحه هو يبا يخطبج عليا : هااااااااااااااه شو قلتي ؟؟؟؟ خوله : يبا يخطبج .... و انا طرشوني عسب اعرف رايج و اذا وافقتي بيسيرون يرمسون الريايل عليا : بس انتي تعرفين انه ------ خوله : ادري بس هم يبون رايج عليا : هههههههههههههههههههههههههههه خوله : بسم الله عليج بلاج عليا : اقولج انا بآخذ اخوج خوله : نعم !!!!! عليا : عسب افهم إللي اسمه سيف اني انا مب بايعه عمري عليه خوله : بس مب على حساب حياتج يا عليا انتي فكري بجد بهالموضوع عليا : ما عليه يصير خير خوله : خلاص انا بخلي الوالد يرمس ابوج و يصير خير و يمكن يحس هالبارد ولد عمج عليا : الله يسمع منج و اذا ما صار اي شي يوم بيخطبني اخوج تراني بوافق عليه و يولي سيفوه ولد عمي خوله : يلا مع السلامه عليا : الله وياااج ســلام عليهم بــــعد جــفـونا وقلبي في اديهم وهم أنكرونا أحبهم ولكن نسونا نسونــــا وقلبي سيبقى أســـــيرا لــهم شو تتوقعون عليا بتوافق على سالم و لا بترده ؟؟ و شو بيصير على سيف بيخلي عليا تسير حق واحد غيره و لا بياخذها و بيتحرك و بيهد هالاهمال ؟؟؟؟؟؟ نقلو سيف مستشفى خليفه و السياره طبعاً تكنسلت و من بعد ما حاولوا انهم يعرفون منوه الريال و منوه اهله اتصلوا فيهم .... طبعا الكل في البيت كان مستهم عليه .... ** رن تليفون بيت بو محمد ** الظابط : ألوووو ام محمد : هلا والله الظابط : الوالده هذا بيت عبدالله محمد الزعابي ؟ ام محمد : هيه ابويه من بغيت ؟؟ الظابط : بغيت راعي البيت ام محمد : لحظة شوي ** سارت ام محمد ازقرت بو محمد ** بو محمد : هلا وغلا الظابط : هلا فيك يا الوالد بو محمد : آمر الظابط : انته بو سيف ؟؟؟؟ بو محمد و هو خايف على ولده : هيه انا ... ليش سيف بلاه الظابط : و ليش خايف ولدك ما فيه الا العافيه بو محمد : لا انته تقص علي لو كان ما فيه جان ما اتصلت هالوقت الظابط : بس بغيتك تيي طواري مستشفى خليفه بو محمد : بلاه سيف ؟؟؟؟؟؟؟؟؟ الظابط : ماشي بس انته لا تستهم عليه هو بخير بو محمد : انشالله الحين بيي ** سكر بو محمد عن الظابط ** بو محمد :سلامه سيري زقريلي محمد و خالد ام محمد : ليش بو محمد و هو معصب : ما يخصج سيري زقريلي اياهم و خليهم يتلبسون ام محمد : انشالله .. انشالله ** من عقب ما يو عياله ** خالد : خير ابويه شو صاير (( الكل كان حاس انه سيف فيه شي )) بو محمد : واحد منكم يسير يشغل سيارته محمد : ليش يا ابويه خبرنا شو صاير بو محمد : قلتلكم واحد يسير يشغل سيارته بسرعه خالد : انشالله ابويه انا عندي سويجي الحين بسير اشغل السياره و تعال بو محمد : يلا محمد شو تتريا محمد : انشالله ** ام محمد تمت يالسه بروحها و تصيح لانها تعرف انه سيف فيه شي و الا صابه شي ** |
رد: حياتي كلها فداك .. في مستشفى خليفه بن زايد الكل كان خايف على سيف من عقب ما خبر بو محمد عياله شو اللي صار بينه و بين الظابط في غرفة الدكتور بو محمد + محمد + خالد : السلام عليكم الظابط : و عليكم السلام بو محمد : يا ولدي انا دقلي واحد قالي تعال مستشفى خليفه الظابط : انته بو سيف ؟؟؟ بو محمد : هيه انا هو و هذيلا اخوانه الظابط : هيه حياكم اتفضلوا خالد : يا اخوي نحن مب ياين نيلس نحن نبغي نعرف اخونا بلاه الظابط : انتوا صلوا عالنبي و ايلسوا اول بو محمد حس انه بيصيح لأنه بالظبط نفس الشي اللي صار حق حمدان ولد اخوه محمد : هاه نحن الحين يلسنا قولنا بلاه اخوي الظابط : انتوا اخوانه و هذا ابوه يعني مب غريبين صح ؟ خالد : هيه الظابط : بصراحه الولد كان طايف الاشارة الحمرا و ياه واحد دعمه يعني الولد اللي دعمه مب غلطان اخوكم اللي غلطان محمد : مب مهم الحين منوه غلطان المهم اخوي شو يعوره ؟؟؟ الظابط : بصراحه اخوكم بين الحيا و الموت و هو الحين في غيبوبه ما نعرف اذا بيصحى منها و لا لا بو محمد : شو يعني ؟؟؟؟ الظابط : الوالد يعني الولد لا يآكل و لا يرمس كأنه ميت بس هو حي و ياما ناس دخلوا في غيبوبه ثلاث او خمس سنين او شهور او ايام حتى كله تحت ايد ربكم خالد : و نعم بالله .... بس وين الدكتور الظابط : خير شو تبابه ؟؟؟ خالد : ابا اسأله اذا عادي نسفره و لا حالته ما تسمح الظابط : هيه صبر بزقره ** سار الظابط و زقر الدكتور ** الدكتور : السلام عليكم الكل : و عليكم السلام الدكتور : يا هلا والله معاكم الدكتور علي الدرمكي خالد : و النعم والله بعد زين يوم انك مواطن عسب نعرف نتفاهم الدكتور : هههه آمروا بو محمد : يا دكتور نبا نعرف عادي نسفره برع البلاد و لا حاله ما تسمح ؟؟؟؟ الدكتور : والله لين الحين ما نعرف لأنه انته لو تشوفه الحين ما تقول فيه شي لا متعور بس اللهم عنده كسر في ايده اليسرى بس نحن خايفين يظهر عنده نزيف داخلي و هذي صعبه وايد انكم تسفرونه برع البلاد و يمكن يكون في غيبوبه و اذا كان في غيبوبه لا هني في البلاد نقدر نسويله شي و لا برع محمد : كيف يعني ؟ الدكتور : يعني المريض ما يقوم من الغيبوبه لين ما الله يكتبله خالد : يعني انتوا لين الحين ما عرفتوا شو فيه بالظبط ؟ غيبوبه و لا نزيف ؟؟؟؟ الدكتور : لا لأنه صعب نشخص حالته بو محمد : ليش صعب ؟؟؟؟؟ الدكتور : لأنه خايفين نحركه و يكون مكان النزيف لو فيه نزيف داخلي الله لا يقول نخاف نمسك مكان النزيف و نعميها بدال ما نجحلها خالد : و متى بتعرفون ؟؟؟ الدكتور : خلال الـ 24 ساعه بس انتوا ادعوله خالد و هو يرمس الظابط : و اللي دعمه شو صابه ؟؟؟ الظابط : اللي دعمه ما صابه شي غير كسر في ريله بو محمد : زين والله يستاهل السلامه الدكتور : انزين انتوا يلستكم هني ما منها فايده خالد : يعني تبانا نخلي اخويه هني بروحه الدكتور : اخوكم ما فيه الا العافيه ** هالوقت دخلت الممرضه ** من عقب ما رمست الدكتور الدكتور : ابشركم تراه ولدكم ما فيه شي لا نزيف و لا شي بس غيبوبه بو محمد : و تراها هذي بعد مب هينه يعني ما نعرف متى بينش منها الدكتور :بعد هذي اهون من النزيف .. لو كان عنده نزيف جان مات .. لأنه الاغلبيه يموتون يوم يكون عندهم نزيف .. و بعدين كله بيد ربكم و نحن إللي علينا سويناه الظابط : انتوا الحين قوموا روحوا البيت و ارتاحوا و تعالوا باجر يكون احسن بو محمد : مستحيـــــــــــــــــل اظهر من المستشفى الظابط : يا بو سيف قوم و صلي عالنبي يعني انته لو تميت ماراح يجدم شي و لا يأخر خالد : صدقه يا ابويه يلا قم خلنا نخبر الوالده تلاقيها مستهمه علينا محمد : هيه يلا ابويه ** طلعوا من مستشفى خليفه ** الكل عقب درى بسالفه سيف و اللي صارله و كلهم ذكروا حمدان بهالحادث و الكل حزن عليه من البارحه يا ناس عايش في غيبوبه من صدمتي لليوم مب قادر اتكلم صدق الخبر لي شاع و الكل سمعوبه وأنا إلين الحين كني بعد أحلم محبوبتي يا ناس للغير مخطوبه و هز الحشا بركان و الخافق اتسلم ** في بيت بو يوسف ** دخل منصور البيت و هو متضايق من للي صار لسيف منصور : السلام عليكم عليا : و عليكم السلام .. هلا منصور .. بلاك شكلك مب عايبني شو صاير؟؟ منصور : ليش ما دريتي؟ عليا : بشوو؟ منصور : سـ .. ســ .. (( في هاي اللحظه منصور مب قادر يود عمره و تم يصيح)) سيف سوا حادث عليا : شوو .. شوو تقول .. لا تيلس تستهبل علي يالله عااااااااااااااد منصور .. اصلا سيف ما فيه شي لا تجذب علي (( عليا تمت تصيح و تصرخ خلاص ما تقدر تكتم مشاعرها )) منصووووووووور الله يخليك قول ان سيف بخير منصور : شوو اقولج يا عليا و الله ان سيف بين الحيا و الموت و لا بعد في غيبوبه ** عليا على طول ركضت حجرتها و قفلت الباب و تمت طايحه ع الشبريه تصيييح ع سيف** الكل حزن بإللي صار حق سيف و مب عارفين اذا سيف بينش من الغيبوبه اللي فيه و لا لا |
رد: حياتي كلها فداك .. ** في مستشفى خلفيه بن زايد ** ** في غرفه الدكتور علي ** محمد كان يالس مع الدكتور محمد: يا دكتور نحن نبغي نسفره برع البلاد يمكن يحصلون له علاج الدكتور : يا اخويه انا قلتلك ما شي امل يعني نحن بنقصر مع اخوك ؟ محمد : لا السموحه انا ما اقصد جيه الدكتور : نحن راسلنا كل المستشفيات في بريطانيا و ألمانيا و فرنسا و حتى امريكا لكن الغيبوبه المريض ما يصحى منها الا اذا ربك كتب له محمد : و النعم بالله بس الوالد مصر انه نسفره برع البلاد الدكتور : صدقني ما شي فايده اللي نحن بنسويه هنيه هم بعد بيسوونه هناك يعني ما في شي بيزيد و لا بينقص محمد : بس الدكتور : لا بس و لاهم يحزنون ... ترى سيف ما بينفعه غير الدعاء له محمد : و نحن مب مقصرين .. بس بغيت اتخبرك الدكتور : نعم آمر محمد : هو ما بيتشوه او بيصير فيه اي عيب خلقي ؟؟؟؟ الدكتور : انته شفته عقب الحادث ؟؟؟؟ محمد : هيه الدكتور : شفت شي في ويهه ؟؟؟ محمد : لا كأنه راقد بس و لا فيه شي الدكتور : يعني ما بيصيبه تشوه محمد : و لا شلل ؟؟؟ الدكتور : لاااااا ... اخوك من سوى الحادث ما فيه غير كسر في ايده اليسرى و لا ياه شي في الظهر محمد : يعني يوم بيقوم من الغيبوبه انشالله ما يكون فيه شي الدكتور : لا محمد : الله يبشرك بالجنه قول آمين الدكتور : و انته بعد في بيت بو يوسف بويوسف : منصور منصور : آمر بو يوسف :انتوا خبرتوا يوسف و حرمته ؟؟ منصور : لا بو يوسف : احسن خلهم يستانسون منصور : بس لو دروا بيزعلون بو يوسف : عادي منصور : انا رمست يوسف البارحه قالي انه سيف ما اتصلبه من يوم ما سافروا و هو اتصل فيه و حصل التليفون مغلق بو يوسف : و نته شو قلتله ؟؟ منصور : قلت له عنده دورة في البريمي على حدود عمان من جذي مسكر تليفونه بو يوسف : هيه زين .. انته الحين قوم ودني عند سيف منصور : يلاااا *** يوم وصل بو يوسف و منصور حصلوا محمد اخو سيف هناك *** بو يوسف : هلااااااااا محمد محمد : هلا عمي ... اشحالك بو يوسف : انا حالي ما بيصير بخير الا يوم بشوف سيف واقف جدامي محمد : انشالله قريب بو يوسف : انشالله منصور : ياخي انته ما تستحي تشوفني واقف و لا تسلم حتى ؟؟ محمد : سامحنا يا الشيخ منصور .... شخبااارك منصور : هيه توك ريال ... بخير محمد : ههههههههه ليش قبل شو كنت ؟؟؟ منصور : عيب .. عيب .. ما يخصك ** منصور حب شوي يلطف الجو من الحزن اللي صاير فيه ** بو يوسف : تعرف منصور : شو ؟؟؟؟؟؟ بو يوسف : انك متفيج منصور : يا ابويه الدنيا ما تسوى اذا اليوم نحن فوق الارض ترانا باجر يمكن نكون تحتها محمد : هيه عمي صدقه بو يوسف : انزين ابويه محمد الدختور ما قالك شي عن سيف محمد : لا والله قال المريض ما يقوم من الغيبوبه الا اذا الله كتبله بو يوسف : انزين خلونا نسفره محمد : قلت حق الدكتور بس قالي ما شي فايده اللي نحن بنسوويه هم بيسوونه و قالي نحن ما بنقصر في اخوك بو يوسف : ها الدختور مب على كيفه منصور : ههههههههههه ابويه لو سمعك تقوله دختور بيعتزل المهنه كلها بو يوسف : اسكت انته و فكنا من خبالك محمد : هههههه ما تستاهل يا ولد العم بو يوسف : محمد محمد : آمر عمي بو يوسف :تعال ودني غرفه الدختور محمد : يا عمي ما شي فايده و بعدين انا توه مرمسنه شكله آخر شي بيفلعنا بشي من كثر ما ندخل عليه .. ليش ما عنده مرضى غيرنا بو يوسف : حمووود محمد : خلاص عمي لا تعصب تعال وياي بو يوسف : لا مب ساير ... انا ابا اتخبرك عن شي محمد : آمر بو يوسف : اسمع يا ولدي انا اعرف ان سيف عاقل و مستحيل يطوف الاشاره و هو مسرع اكيد كان مظايق من شي محمد : و الله يا عمي انا ما اعــ ..... بو يوسف (( يقاطعه )) : لا تقولي ما اعرف محمد : بصراحه يا عمي ................... بو يوسف : قول محمد : هو يوم درى ان عليا بنتك خطبها سالم ولد عبدالرحمن قال انا اباها و انا احسن من الغريب ... منصور هني تدخل : شو كمل محمد : و بعدين ابويه و اميه صرخوا عليه و قالوله لو تباها جان نطقت من زمان و طلع معصب من البيت و محد منا قدر يمسكه لأنه بصراحه كان الجو متكهرب بو يوسف يود راسه: لا حول و لا قوه الا بالله محمد : شبلاك عمي ؟؟؟؟ تعبااااان !!!! منصور : ابويه بلاك اييب لك ماي بو يوسف : لا ما فيني شي .... بس والله لو كنت ادري انه يباها جان جدمته هو عالغريب ... و هو بعده ما صار شي رسمي .. و اذا خاطره فيها من باجر بملج بهم حتى لو عليوه مب راضية غصبن عن خشمها بتآخذه بس المهم يقوم بالسلامه محمد : بس هذا اللي صار ... بس طلبتك عمي قول تم بو يوسف : افا عليك تم محمد : ما ابا الوالد يعرف بأي شي بو يوسف : لا افا عليك .... محمد : انزين عمي انا خبرتك بسالفه سيف ... بس انتوا محد منكم بسالفه حمدان بو يوسف حس انه بيصيح من طاري حمدان : يا محمد لا تعيد الماضي ... حمدان انا كنت اباه يآخذ العنود اختك بس هو ما بغى و طردته من البيت و صار اللي صار محمد : يحليلك يا عمي ... ثرك شايل وايد بقلبك بس ساكت بو يوسف : و الله اللي في قلبي ما يعرفه غير ربك محمد : ما عليه يا عمي محد يموت قبل يومه منصور : هيه يا اخويه قوله ... ما يمر اسبوع الا و اشوفه في غرفه حمدان يصيح محمد : عمي انتوا لين الحين مخلين ثيابه و صوره بو يوسف : هيه و ما بعقهم الا بموتي محمد : بس عمي مب زين جيه بو يوسف (( معصب )) : قلت ما بعقهم الا عقب موتي عقوهم محمد : خلاص عمي طب السالفه ... خلونا نسير نشوف سيف *** و ساروا القسم اللي منومين فيه سيف *** |
| الساعة الآن 06:18 PM. |
Powered by vBulletin Version 3.8.8
Copyright ©2000 - 2024, Jelsoft Enterprises Ltd
Trans
new notificatio by 9adq_ala7sas
HêĽм √ 3.0 BY: ! ωαнαм ! © 2010
جميع الحقوق والطبع محفوظه لدى موقع بنوتة نت ©2007 - 2009