|
رد: حياتي كلها فداك .. في بيت بو محمد ام محمد : خلوووود خالد : آمري ام محمد : قوم ودني عند سيف اخوك من سوى الحادث و محد منكم طايع يوديني ... عنوبكم ما تحسون انا امه (( كانت يحليلها شوي و بتحب خالد على راسه علشان يوديها )) خالد : بس اميه زيارتج له ما منها فايده ميره : حتى انا ابا اسير خالد : و ولدج وين بتخلينه ميره : عند الشغالات خالد :لااااااا محمد لو درى بيذبحني ميره : و ليش خالد : لأنه محد في البيت غير الشغالات كيف تخلين ياهل عندهم ميره : اذا العله عند ولدي بوديه بيتنا عند عليا بس انته وافق انك تودينا ام محمد : دخيييييييييييلك خلووود يلا عاد خالد : خلاص انزين قوموا اتلبسوا و خولونا نمر بيت عمي و بعدين نسير المستشفى في بيت بو يوسف ** وصلت ميره و معاها ولدها حمدان ** ميره : السلام عليج عليا : و عليج السلام ميره : اقووولج عليا : قووولي ميره : خلي حمدان عندج عليا : و ليش انتي وين سايره ؟؟؟ ميره : عند سيف عليا : فديييييييييييتج ميروه ابا اسير وياااج ميره : و حمدان ؟؟؟؟ عليا : اممممممممممممم ميره : اسمعي باجر منصور و ابويه بيكونون هني و انا باجر بسير وياج .... شو رايج ؟؟؟؟؟ عليا : خلاص اوكي ميره : ديري بالج على حمدان عليا : لا عاد هذا الغالي ميره : بل بل بل ... من متى نزلت عليج المحبه عليا : هذا سيف يغليه و لازم اكون شراته ميره : يلا عيل انا ما اروم اتأخر خالد و عموه يتريوني في السياره عليا : هيه سلمي عليهم ميره : يوصل .... يلا مع السلامه عليا : الله ويااااج |
رد: حياتي كلها فداك .. في سيارة خالد خالد : هاه توه الناس الشيخه ميره ام محمد : ويدي بلاك على مرت اخوك ميره : شو اسوي عليوه خذتني بشراع و ميداف و قالتلي اسلم عليكم ام محمد + خالد : الله يسلمها خالد : و اشحالها ميره : بخير ام محمد : خليتي حمدان عندها ميره : هيه في مستشفى خليفه بن زايــــــد محمد : اميه انتي شو يابج ام محمد : يا ولدي هذا سيف الغالي و انا من يوم الحادث ما شفته عنوبكم ارحموني شوي محمد و هو يرمس ميره و هو معصب: و انتي شو يايبنج ؟ ميره : ابا اشوف سيف و الا نسيت انه هذا ولد عمي ؟؟؟؟ (( ميره وايد اتظاقت من رمسه محمد لها و هو بعد حس فيها )) ام محمد : محمد وين ابوك ؟؟؟؟؟؟؟ محمد : ابويه راقد في الغرفه الثانيه ام محمد : يا حسرتي على ريلي بلاه ؟؟؟؟ محمد : ما فيه شي بس راقد خالد : و وين قوم عمي محمد : توهم رايحين قبل لا تيون بدقايق ام محمد : انزين انا ابا اشوف ولدي محمد : دشي عليه في الغرفه هاذيج بس لا تسوين صوووت و لا تراه بييج الدكتور و بيظهرج ام محمد : انزين ميره : عموه انا بعد بسير وياج محمد : سيري (( ميره سوت طاف حق محمد و لا جنها سمعته حتى خالد حس انه فيها شي )) ام محمد : تعالي يا بنتي ** سارت ام محمد و ميره غرفه سيف ** خالد : بلاها مرتك ؟؟؟؟ محمد : و انا شدراني انا من الصبح يالس في المستشفى شدراني بلاها خالد : توها كانت وياي في السياره و ما فيها شي محمد : ما عليك منها خالد : المهم انته رمست الدكتور عن سالفة السفر محمد : هيه خالد : و شو قالك محمد : قالي العلاج متوفر في البلاد و حق شو تسفرونه برع خالد (( معصب )) : هو مب دافع شي من جيبه .. بس المهم يعطينا التقرير و نحن بنسفره على حسابنا محمد : لا تعلي صوتك .. اسمع ... خالد : شو اسمع ... يوم انه علاجه متوفر ليش لين الحين ما قام من الغيبوبه محمد : انته تفهم و لا لا ؟؟؟ نقولك هذي ما يقوم منها الا يوم ربك يكتب له خالد : و النعم بالله محمد : خل عنك سوالف اليهال ** في هالوقت يرن تليفون خالد ** الرقم " *******" محمد : منوه متصل بك ؟؟؟ خالد : رقم غريب محمد : رد ** رد خالد على التليفون ** خالد : ألوووووووووو ×××: السلام عليك خالد : هلا والله و عليك السلام ××× : منوه خالد : اخويه انته منوه تبا ××× : بغيت خالد خالد : معاك خالد آمر منوه انته ××× : معاك سعيد النعيمي خالد :اممممممم .. اسمحلي اخويه بس ما عرفتك سعيد : انا سعيد ربيع سيف اخوك خالد : هييييييييييه هلا سعود اشحالك سعيد : بخير ربي يعافيك خالد : ياخي قولي سعود من قبل سعيد : ههههههههههه الا بغيت اتخبرك خالد : آمر سعيد : اخوك وينه من يومين ما اشوفه في البيت و لا في القهوه و كل ما اتصل به يعطيني مغلق خالد : والله ما اعرف يا اخويه شو اقولك سعيد : قول بلاه سيف فيه شي ؟؟؟؟؟؟؟؟؟ خالد: خوييك مسوي حادث من يومين سعيد : حاااااااااااااادث ؟؟؟؟؟ خالد : هيه والله سعيد : و شو صار فيه ؟؟؟؟ خالد : والله شو اقولك حالته لا تسر لا عدو و لا صديق سعيد : قول يا ريال تراك خوفتني عليه خالد : هو ما صار فيه شي غير كسر في ايده بس الحين في غيبوبه و الدكاتره يقولون ما يقوم منها لين ما ربك يكتب له سعيد : و ليش ما تسفرونه خالد : قلنا حق الدكتور قالنا مافي داعي اللي نحن بنسوويه هم بيسوونه يعني ما شي فايده سعيد : لا حووول .... و الله ما يستاهل المهم في أي مستشفى خالد : ليش تسأل ؟؟؟؟؟ سعيد : شو ليش اسأل هذا ربيعي و حسبه اخويه و ما عندي اغلى منه خالد : لا لا تعبل على عمرك و تيي سعيد : خلووود بتقولي و لا لا ؟؟؟؟ خالد : في مستشفى خليفه سعيد : خلاص دقايق و اكون انا و فصووول عندكم خالد : حياااكم سعيد : الله يحيك ... مع السلامه خالد : الله وياك |
رد: حياتي كلها فداك .. ** سكر خالد عن سعيد ** محمد : منوه هذا ؟؟؟؟ خالد : هذا سعيد ربيع سيف ... محمد : شو يبا ؟؟ خالد : يتخبر عنه محمد : شو بيي خالد : هيه ... انته سير شل امك و مرتك و سيروا البيت و تغدى و بدل ثيابك و تعال محمد : و انا اقول جيه بعد خالد : و شل ابويه بعد محمد : انزين بس انته لا تسير مكان خالد : لا توصي ** سار محمد و زقر امه و مرته و ابوه و روح وياهم البيت ** في سيارة محمد ميره :محمد محمد : هااااااااه ميره : مر بيتنا شوي محمد : ليش؟؟؟ ميره : بآخذ حمدان محمد و هو يصارخ : و بعد مخليه ولدج في بيت أبوج ميره صدق هالمره تظايقت : و يعني انا مخلتنه في بيت حد غريب ؟؟؟ محمد : حتى لو يوم ما فيه حد في البيت ليش يايه و مخليه البيت ما فيه حد بو محمد : محمد هذا جدامي جذي تصارخ على ميره من وراي شو تسوي تصفعها ؟؟؟؟ محمد : عادي هذي مرتي و انا اللي اباه بسوويه فيها محد له شغل بو محمد : حمووود لا تنسى هذي بنت اخويه و انا ما ارضى عليها لو احمد يدري جيه تسوي في بنته جان ما يوزك اياها محمد : المهم هاذوه بيتكم انزلي يبي ولدج و تعالي لا تتأخرين .. تراني انا مب مثل خلود بترياج سمعتي ** ميره سوت طاف حق محمد و نزلت و شكلها مب ناويه ترد ** محمد : شفت بنت اخوك ؟؟؟؟ بو محمد : جب يلا ولا اييب طاري بنات احمد بالشين سمعت و لا لا ؟؟؟ ام محمد : حمود انته بلاك عالبنت محمد : ماشي ... هي اصلا ليش يايه المستشفى و هي تعرف انه كله ريايل بو محمد : انته نسيت ان سيف ولد عمها محمد : حتى لو ولد عمها المستشفى كله ريايل ام محمد : و اذا ريايل هي ما سوت شي غلط و زيارة المريض واجبه محمد : بس هذا ريال يعني كله ريايل ايون يزورونه بو محمد : و اذا يت زارت ولد عمها شو صار يعني قامت القيامه ؟؟؟ محمد : انا قلتلها لا تتأخرين انته تشوف كيف تعاندني ؟؟؟؟ ** في هالوقت كان بو يوسف طالع من البيت و شاف سيارة محمد و سار صوبها ** بو محمد : هلا بو يوسف اشحااالك يا اخويه بو يوسف : بخيييييييييييييير .. علومك انته بو محمد : بخير دامني اشوفك بخير بو يوسف : تسلم يا اخويه .. اقول ولدي محمد محمد : آمر عمي بو يوسف : خل ميره عدنا محمد : و ليش ؟؟؟؟ بو يوسف : ماشي تقول متولهه على اختها و تبا تيلس وياها محمد (( معصب )) : و ليش هو على كيفها بو محمد : حمود لا تعلي صوتك على عمك بو يوسف : اسمع يا محمد .. قبل هي ما كانت تبا تسير البيت لكن الحين انا اللي بقولها لا تسيرين محمد : بس هذي مرتي و انا اللي لي شور عليها بو يوسف : و انا ابوها و انته تخسي يكون لك شور عليها دامها عندي سمعت و لا لا ؟؟؟ بو محمد : حمود بتسكت و لا الحين اعطيك كف اسكتك فيه بو يوسف : مع السلامه بو محمد : تعال يا اخويه بو يوسف سار صوب بيته .. عقبها بو محمد نزل من السيارة و سار وراء اخوه |
رد: حياتي كلها فداك .. ** سكر خالد عن سعيد ** محمد : منوه هذا ؟؟؟؟ خالد : هذا سعيد ربيع سيف ... محمد : شو يبا ؟؟ خالد : يتخبر عنه محمد : شو بيي خالد : هيه ... انته سير شل امك و مرتك و سيروا البيت و تغدى و بدل ثيابك و تعال محمد : و انا اقول جيه بعد خالد : و شل ابويه بعد محمد : انزين بس انته لا تسير مكان خالد : لا توصي ** سار محمد و زقر امه و مرته و ابوه و روح وياهم البيت ** في سيارة محمد ميره :محمد محمد : هااااااااه ميره : مر بيتنا شوي محمد : ليش؟؟؟ ميره : بآخذ حمدان محمد و هو يصارخ : و بعد مخليه ولدج في بيت أبوج ميره صدق هالمره تظايقت : و يعني انا مخلتنه في بيت حد غريب ؟؟؟ محمد : حتى لو يوم ما فيه حد في البيت ليش يايه و مخليه البيت ما فيه حد بو محمد : محمد هذا جدامي جذي تصارخ على ميره من وراي شو تسوي تصفعها ؟؟؟؟ محمد : عادي هذي مرتي و انا اللي اباه بسوويه فيها محد له شغل بو محمد : حمووود لا تنسى هذي بنت اخويه و انا ما ارضى عليها لو احمد يدري جيه تسوي في بنته جان ما يوزك اياها محمد : المهم هاذوه بيتكم انزلي يبي ولدج و تعالي لا تتأخرين .. تراني انا مب مثل خلود بترياج سمعتي ** ميره سوت طاف حق محمد و نزلت و شكلها مب ناويه ترد ** محمد : شفت بنت اخوك ؟؟؟؟ بو محمد : جب يلا ولا اييب طاري بنات احمد بالشين سمعت و لا لا ؟؟؟ ام محمد : حمود انته بلاك عالبنت محمد : ماشي ... هي اصلا ليش يايه المستشفى و هي تعرف انه كله ريايل بو محمد : انته نسيت ان سيف ولد عمها محمد : حتى لو ولد عمها المستشفى كله ريايل ام محمد : و اذا ريايل هي ما سوت شي غلط و زيارة المريض واجبه محمد : بس هذا ريال يعني كله ريايل ايون يزورونه بو محمد : و اذا يت زارت ولد عمها شو صار يعني قامت القيامه ؟؟؟ محمد : انا قلتلها لا تتأخرين انته تشوف كيف تعاندني ؟؟؟؟ ** في هالوقت كان بو يوسف طالع من البيت و شاف سيارة محمد و سار صوبها ** بو محمد : هلا بو يوسف اشحااالك يا اخويه بو يوسف : بخيييييييييييييير .. علومك انته بو محمد : بخير دامني اشوفك بخير بو يوسف : تسلم يا اخويه .. اقول ولدي محمد محمد : آمر عمي بو يوسف : خل ميره عدنا محمد : و ليش ؟؟؟؟ بو يوسف : ماشي تقول متولهه على اختها و تبا تيلس وياها محمد (( معصب )) : و ليش هو على كيفها بو محمد : حمود لا تعلي صوتك على عمك بو يوسف : اسمع يا محمد .. قبل هي ما كانت تبا تسير البيت لكن الحين انا اللي بقولها لا تسيرين محمد : بس هذي مرتي و انا اللي لي شور عليها بو يوسف : و انا ابوها و انته تخسي يكون لك شور عليها دامها عندي سمعت و لا لا ؟؟؟ بو محمد : حمود بتسكت و لا الحين اعطيك كف اسكتك فيه بو يوسف : مع السلامه بو محمد : تعال يا اخويه بو يوسف سار صوب بيته .. عقبها بو محمد نزل من السيارة و سار وراء اخوه |
رد: حياتي كلها فداك .. في مطار بوظبي الدولي منصور : هلا هلا حمد الله على السلامه يوسف : هلا وغلا بريحه اهلي كلهم .. الله يسلمك منصور : هاه شخبار المانيا ؟؟؟ يوسف و هو يبا يقهر العنود: ههههه افففففففف صخ شو الالمانيات يخبلهن منصور : هههههههههههههههههههه العنود داست على ريل يوسف يوسف : آآآآآآآآآآآآآآخ العنود : تستاهل منصور : صدقها ياخي بعدك توك ياي من شهر العسل و تتغزل في الحريم و جدام مرتك بعد !!! العنود : رمسه ما خلى حرمه هناك ما رمسني عنها منصور : لا عاد يسوف كله و لا بنت عمي عبدالله ترى الاوروبيات كلهن ما يسونها يوسف : جب يلا جنك تتغزل في حرمتي منصور : شو ابابها تراها مرت اخويه يوسف : يلا خلنا نسير البيت السوالف ما تخلص .. انا متوله على البيت و اهله منصور : يلا في سيارة منصور منصور : يسوووف يوسف : هلا منصور : بخبرك بشي الاهل ما بغوا يخبروكم اياه و انتوا هناك بس انتوا الحين رديتوا يوسف : لا تقولي سيف فيه شي ؟؟؟ العنود عيونها طلعت منصور : و ليش سيف بالذات يوسف : لأنه انا من يوم ما سافرنا ما اتصل و انا مستهم عليه منصور : بصرااااحه العنود : منصور دخييييييييييييييلك قولي اخويه شبلاه منصور : اخوج مسوي حادث يوسف : شوووووووووووو حادث شو ؟؟؟؟ منصور : ما شي حادث بسيط ما صار يه غير كسر ابيده اليسرى العنود : لا انته اكيد تقص علينا لو بس كسر جان اتصل على الاقل منصور : لا هو في غيبوبه و الدكتور يقول ما يقوم منها الا اذا ربكم كتبله يوسف : يحليلك يا سيف و الله ما يستاهل يعله في عدوك و لا فيك منصور : و بغيت اخبركم عن شي بعد العنود : بعد هذا كله صار و نحن برع البلاد منصور : اسمع يا يوسف ترا ميره اختك متزاعله ويا محمد ريلها العنود : محمد اخوويه منصور : هيه محمد اخوج يوسف :بلااااهم منصور : ما شي محمد ما ندري بلاه قام الا يصاخ و يزاعق تصدق حتى على ابويه زاعق العنود : لاااااا مستحيل محمد اخويه جيه يسوي منصور : نحن ابروحنا ما ندري و انا من ذاك اليوم كل ما اسير المستشفى عند سيف ما بيني و بينه غير السلام يوسف : ما عليه يا حمود بتسوي عمرك ريال على ابوويه العنود : يوسف تراني ما ارضى على اخويه يوسف : عيل ترضين انه اخوج المحترم يزاعق في ويه عمه و عمج العنود : لا ما ارضى منصور : خلااااااص طبوا السالفه ... انزين يسوف هاه عيبتك ألمانيا يوسف : لا والله دار بو خليفه أحلى بوااايد منصور : معلوم ... هذي دارنا يوسف : و أنا كل ما اقول حق عنودتي بنرد طلعتلي مدينه يديده تبا تروحها ما خلت بقعه في المانيا ما طبتها العنود: بعد هذي يزاتي ابا اراويك المانيا يوسف : فديتج والله منصور : ايييه ابووويه انا منصور مب الدريول ما افهم شي يوسف + العنود : ههههههههههههههههههههه شو تتوقعون التطورات اللي بتصير في الجزء الياي ؟؟؟؟؟؟؟ ميره بتم في بيت ابوها و محمد بيتم على عناده و عصبيته إللي مالها معنى ؟؟؟؟ و عليا و سيف شو بيصير فيهم ؟؟ |
رد: حياتي كلها فداك .. الجــــزء الأخــــير ** بيت بو يوسف ** العنود و يوسف : السلام عليكم عليا( بشكلها التعبان من كثر ما تصيح على سيف): هلااااا والله بالمعاريس .. يوسف : هلا فيج زود ... اشحالج عليا : تمام ... علومكم انتوا العنود : بخييييييييييييييييييييييييييير يوسف : نحن بخير دامنا نشوفكم بخير العنود : بلاج علايه شكلج مب عايبني؟؟ عليا ( ارتبكت ) : هاا.. شوو .. ما فيني شي ... ( بصوت واطي) بعدين .. بعدين العنود : اهااا فهمت الحين شو السالفه يوسف : هاا بلاكم تتساسرون؟؟ العنود : سوالف حريم يوسف : افااااا هذا و انا ريلج ما تخبريني العنود : لا كله ولا ريلي فديته عليا : احم .. احم .. نحن هنااا العنود : هههههههه .. نحنا شو قلنا الا هو تفدي ** و تدخل عليهم ميره و ولدها حمدان ** ميره : السلام عليكم العنود ( و هيه تنش تسلم على ميره) : و عليكم السلام .. هلا وغلا بميره ميره : الحمدلله على السلامه العنود : الله يسلمج يوسف : وانا شوو صنم يالس هنيه ..قومي سلمي على اخوج ميره : اووه السموحه .. ( و تسير تسلم عليه) الحمدلله على السلامه يوسف : الله يسلمج ميره : هاا شو المانيا يوسف : كملو سوالفكم انا بسير ارتاح شوي العنود : انا شوي و بييك ** روح يوسف غرفته ** العنود : الحمدلله انه سار .. خبروني كيف استوا حادث سيف ميره ( متردده اتقول ولا لأ) : الصراحه انا حظرت كل اللي استوا قبل الحادث عليا : والله قووولي قولي كيف استوا الحادث؟ ميره : امممممم .. أوكي بخبركم عليا : شو بتذلينا انتي ميره : انزيييييييييييييييييييييين أوف .. ( و خبرتهم كل الساااااااالفه اللي استوت) ** عليا حست انها هيه سبب كل هالسالفه و سارت غرفتها تصييييييييح** |
رد: حياتي كلها فداك .. ** عقب يومين** (( عليا حالتها لا تسر لا عدو ولا صديق .. لا تاكل .. ولا ترمس حد.. ولا حتى تفتح الباب حق حد )) العنود : انا بسير اشوف عليا يوسف : هيه والله سيري يمكن الحين تفج الباب منصور : انا اليوم سرتلها كمن مره بس هيه ما تفتحلي الباب .. اصلا هيه بلاها من كمن يوم بو يوسف : خلوها على راحتها يمكن البنت .... العنود ( و هيه تقاطعه ) : ما عليه عمي انا بسيرلها عل و عسى تفج الباب ** سارت العنود عند عليا ** لأول مره عليا فجت الباب حق حد العنود : هلا علايه عليا : هلا فيج العنود : جيه مب طايعه تفجين الباب حق حد ؟؟!! عليا : بس بكيفي العنود : لاااااا مب بكيفج يعني لين متى بتمين على هالحاله عليا : ........................... العنود : انزين شو رايج لو قلتلج اني الحين بسير عند سيف عليا : قولي والله .. الله يخليج وديني وياج .. العنود .. الله يخليج .. فديتج .. ابغي اشوفه.. لا تحرميني من شوفته ( و تمت تصيح ) العنود : انزين بلاج الحين قلت ما بوديج ... بس بشرط عليا : آآآآآآآآمري .. شو .. اطلبي العنود : اول شي تتغدين .. و ثاني شي يوم بنسير لا تيلسين تصيحين انزين عليا : خلاص ما بصيح .. بس والله ما لي نفس آكل العنود : والله هااااي شروطي عليا : أوكي بس شوي العنود : لا تاكلين عدل لان من يومين ما تاكلين و شوفي ويهج كيف مصفر عليا : انزييييين انزيييييين آمري لله شو بسوي العنود : يالله أشوف جدامي على المطبخ عليا : يالله ** سارو المطبخ و تغدو مع بعض و طبعا كل اللي في البيت استغرب ان عليا ظهرت من الغرفه و لا بعد تتغدى بس بعد حمدو ربهم على هالتطور.. و عقب عليا و العنود سارو المستشفى ** في مستشفى خليفه ------------------------ عليا : الحمدلله إن الدريول يايبنا العنود : ليش؟؟ عليا : ما ادري ما ابغي حد يشوفني بالحاله هاي و خاصه ان محد في المستشفى العنود : اهااااا ... يالله ندش هاي غرفته عليا : العنود العنود: هلاا عليا : خاااااااايفه العنود : من شو ؟ عليا : ما ادري .. بس ممكن تخليني ادش بروحي العنود: على راحتج .. بس انا بدش اول عشان بعدين تاخذين راحتج عليا : لا تفهميني غلط العنود: انا فاهمتنج و فاهمه شعورج عليا : .................... العنود : بخليج .. بسير اشوفه ** دخلت العنود على اخوها اللي ما شافته من يوم السفر .... خمس دقايق و ظهرت** العنود : يالله سيري ما فينا نتحير على البيت عليا : أوكي |
رد: حياتي كلها فداك .. ** دخلت عليا على سيف ** عليا اول ما دخلت الغرفه سلمت (( صح انها تستهبل لأن اصلا ما فيه حد في الغرفه )) عليا اول ما وصلت عند سيف ما صدقت عمرها لأنه يمكن هذي خامس مرة تشوفه من وفاة اخوها فكانت متولهه عليه .. بس يوم شافته ما صدقت انه متعور لأنه شكله ما يوحي بجذي بس تمت تطالعه و لا حست بالوقت و هي تقول في خاطرها : (( اسمحلي يا سيف اذا انا كنت السبب باللي صارلك يعلني انا مكانك و لا انته )) ... عليا ما حست بالوقت لين دخلت عليها العنود العنود : عليوووه و يهد عليا : هلا العنود : يلا عاد وااايد تأخرنا عليا : اففففففففففففففففففف انزين العنود : لا تتأفأفين ترى مب يابتنج مره ثانيه عليا : لا خلاص تعجبينيالعنود : عليا : يلا العنود : يلا في بيت بو محمد بو محمد : محمد محمد : هلا ابويه بو محمد : و مرتك لين متى بتم في بيت اهلها تراني والله تولهت على حمدانوه محمد : متى ما تبا تيي حياها الله خالد : بس مب جنك انته الغلطان محمد : لا بو محمد : تزاعق عليها و على عمك و بعد مب غلطان محمد : محد قالها تعاندني بو محمد : انا بسير خالد: وين ابويه بو محمد : بسير بيت عمك محمد : ليش ليكون بتسير ترد ميره بو محمد : أصلا ميره ما تبا ترد الا اذا انته ييت لها خالد : عيل ليش ساير بو محمد : متولهه على حمدان حفيدي الاول و شكلي ما بشوف الثاني من محمد محمد : تباني اعرس على بنت اخوك بو محمد : تخسي دامني حي محمد : ربك محلل اربع و انا ما بسوي شي حرام خالد كان وااايد مستغرب من محمد لأن اول مره يفكر بهالطريقه بو محمد : و انا ما اقولك حرام بس مرتك في شو مقصره عنك ؟؟؟ محمد : مب مقصره .... بس انا ما احب حد يعاندني خالد : يعني يوم سارت زارت اخوك و ولد عمها سوت شي حرام ؟؟؟؟ محمد : اوهووووو خلاص طبوا السالفه بو محمد : لو انته صدق ريال ما بتخلي مرتك لين اليوم في بيت اهلها محمد صدق عصب من رمسه ابوه بس ما قال شي و تم ساكت مهما كان هذا ابوه خالد : خلاص ابويه طوف نحن نسير بيت عمي و بالمره نسلم على المعاريس بو محمد : يلا سير شغل سيارتك خالد : ههههههه بعد الشيبه ما يركب السيارة إلا و هي بارده بومحمد : هههههههه تروم علي خالد: لا حشا ما اروم |
رد: حياتي كلها فداك .. في بيت بو يوسف بو محمد + خالد: هود هود منصور : حياك عمي محد غريب بو محمد + خالد : السلاااااااااااام عليكم الكل : و عليكم السلام العنود : هلا والله بالغالي اشحااالك ابويه بو محمد : الحين تسألين عن حالي لو اني هامنج جان يتي سلمتي علي يوسف : افااااااااااااا عمي ثرك شال في خاطرك منا ؟؟ بو محمد: لا عاد انتوا مثل عيالي خالد: طبعا انا كالعاده محد معبرني منصور : ههههههههههههههههههه كالعاده يوسف : لا عاد كله و لا ربيعي و حبيبي خلود ... اشحاااالك خالد : هلا والله بالنسيب .. زين يوم انك ذكرت اسمي يوسف : و انا اقدر انساه .... حد ينسى اسم ابليس خالد: يا الهرم ابليس اخوك مب انا منصور : نعم و شو دخل اخوه بالسالفه خالد : هههههههه مب انته خلوف بو محمد : هههههههههه لا يحليله خليفه منصور : ترا الحين بزقرلك اياه خالد : لاااااا ما فيني على لسانه بو محمد : عيل وين اخويه يوسف : ابويه ساير المستشفى عند سيف بو محمد: الله يهديه و ليش مكلف على عمره منصور : يعني يا عمي انته غريب عن ابويه بو محمد : ادريبه عنيد يوسف : هيه بو محمد : عنوده العنود: آمر ابويه بو محمد : عيل وين ميره ... تراني متولهه على حمدان و ياي بس علشان اشوفه العنود: انشالله الحين بسير ازقرهم ** سارت العنود عسب تزقر ميره و عليا ** يوسف : عاد يا عمي يرضيك اللي سواه محمد في اختي و ابويه ؟؟؟؟ بو محمد : لا والله الله يشهد اني هب راضي يوسف : بصراحه انا من قالي منصور و انا حازة في خاطري خالد: خله يولي بو محمد : صدقه خله يولي ** في هالوقت دخلت ميره ** ميره : السلام عليكم الكل : و عليكم السلام بو محمد : هلا و غلا بريم الفلا ... اشحالج الغاليه ميره ميره : بخير دامك راضي علي خالد : ميره اشحاالج ميره : بخير ربي يعافيك ... شخباركم انتوا |
رد: حياتي كلها فداك .. بو محمد + خالد : بخير منصور : ميره عيل وين حمدون ميره : العنود تبدل له ثيابه و بتنزله يوسف : و ليش مرتي تشتغل عندج ؟؟ منصور : هههههههه خيبه ما يرضى عليها يوسف : هيه مرتي و بكيفي ميره : انزين انا شو اسوي هي قالتلي انا ببدل ثيابه و انتي انزلي كله و لا ميروتييوسف : انزين ما عليه ميره : عمي اشحال محمد ؟؟؟ يوسف : و شحقه تسألين عنه ميره : شو نسيت انه ريلي ؟؟؟؟ يوسف : لا بس هو نسى انج مرته ميره : انا بسير عنكم |
رد: حياتي كلها فداك .. ** سارت ميره ** منصور : انته شبلاك الله يهديك يوسف : شحقه تسأل عليه و هو اصلا لا سأل لا عنها و لا عن ولدها بو محمد : انزين وين حمدان الحين ؟؟؟؟ العنود و هي نازله : هاذوه حمدان خالد : هلا والله بالغالي بو محمد :عطيني اياه العنود : تفضل بو محمد و هو يرمس حمدان : هاه حمدان شحالك حمدان : بخير ... منوه انته بو محمد : ليش ما تعرفني حمدان : انته يدي عبدالله بو محمد : هيه حمدان: من ذمان ما ثفتك بو محمد : تراني ياي اليوم بس علشانك حمدان : علثاني انا بث .... و ماما ؟؟؟؟ بو محمد : لا بس حقك حمدان : عمي خالد : يا روح عمك آمر حمدان : وين بابا ؟؟؟ خالد : أأأأأأأأأأأأأأأ ... أبوك ..... موجود حمدان : من ذمان ما ثفته منصور : حمدان حمدان : هاه خالي منصور : سير ازقر خالتك عليا يلا بسرعه يوسف :هيه يلا سير ** سار حمدان عسب يزقر خالته عليا ** يوسف : عمي بو محمد : آمر يوسف : بعد قلنا ما يسأل على مرته يولي ... بس هذا ياهل ما يفتهم لازم يسأل عنه بو محمد : خله عنك هو و مرته يتفاهمون منصور : صدقه عمي |
رد: حياتي كلها فداك .. ** نزلت عليا ** عليا : السلام عليكم الكل : و عليكم السلام عليا : هلا عمي اشحااالك بو محمد : بخير ربي يعافيج ... عليا : و اشحالك انته خالد خالد: بخير بو محمد : يلا عيل انا اترخص منكم منصور : وين عمي توه الناس اتريا لين ما ايي ابويه عليا : شو يعني عمي اذا حظرت الشياطين ذهبت الملائكه خالد : لا محشومه يا بنت العم ... بس انا متواعد ويا الربع لأنهم يبون اييون المستشفى عند سيف يوسف : أي ربع ؟؟؟؟؟ خالد : جــــيه نسيتهم ؟؟؟؟ يوسف : لا نساهم الموت خالد : راشد و جاسم يبون اييون يوسف : و حميد وينه ؟؟ خالد: حميد سافر و لا نسيت انه توه معرس يوسف : هيه .. عيل انته اسبقني المستشفى و انا ببدل ثيابي و بييك خالد : خلاص ترتوووب .. يلا الوالد بو محمد : يالله مع السلامه الكل : الله وياااكم الساعه 2 الفجر في غرف ميره |
رد: حياتي كلها فداك .. في هالوقت يرن تليفون ميره المتصل " Mohammed" ميره كانت بعدها مب راقده كانت ترقد حمدان : ألوووو محمد : هلا و غلا ميره : هلا فيك زود محمد : اشحاااالج غناتي ميره : انا بخير اشحالك انته محمد : بخير ... يعني اهون عليج ما تتصليبي كل هالوقت يا السباااله ميره : افااااا انا سباااله محمد : عيل ليش ما تسألين عني ؟؟؟؟ ميره : منوه الغلطان ؟؟؟ محمد : انا .... بس لازم تسألين عني ميره : لا والله محمد : هيه والله ... وين حمدان ؟؟؟؟ ميره : رقد لو متصل فيني قبل شوي جان حصلته واعي توني مرقدتنه محمد : يا حيك يا حمدانوه ميره : شووو !!!! ... متىمحمد : ماشي ناويه تردين البيت ؟؟ ميره : اسمحلي مب راده لين انته ما تيي بيتنا محمد : افااااااااااااااا بس علشان خاطر عيونج انا باجر في بيتكم ميره : اكيد محمد : و انا اقدر اصبر عنج ميره : انزين الحين سير ارقد باجر عليك دوام محمد : لا ما ابا ميره : لا لا سير ارقد احسن محمد : ما ابا ميره : علشان خاطري محمد : علشان خاطرج ابيع الدنيا كلها ... ميره : .......................... محمد : انزين تصبحين على خير ميره : و انته من اهل الخير محمد : يلا باي ميره : بااااااااااي ** في اليوم الثاني يا محمد و استسمح من عمه و مرته و خذ مرته وولده و رد البيت و لا كأنه شي صاير |
رد: حياتي كلها فداك .. بعد مرور خمس شهور في مستشفى خليفه بن زايد ** في غرفه الدكتور علي الدرمكي ** الدكتور : هلا و غلا محمد اشحاالك خالد : لا يا اخويه انا خالد مب محمد الدكتور : ههههه كلكم اخوان خالد :هههههه صدقك ... هاه دكتور شكلك مستانس ونسني وياك الدكتور : بغيت اقولك انه اخوك قام من الغيبوبه خالد : قووول والله الدكتور : و انا ليش بكذب عليك ؟؟؟ خالد : صدق والله بس بغيت اقولكالدكتور : خالد : قول شو ؟؟؟ الدكتور : يمكن سيف ما يذكركم خالد : شو يعني اخوي فقد الذاكره ؟؟؟ الدكتور : لااااااااااااااااااااااااااااا خالد : عيل ؟؟؟ الدكتور : هو تقريبا صارله نايم سته شهور يعني صعب شوي يتذكركم خالد : يعني ما بيذكرنا ؟!!!!!!!!!!!!!!! الدكتور : بعد مده تقريبا اسبووع بس خالد : الله يبشرك بالجنه الدكتور : و انته وياي انشالله خالد : انشالله .. انزين دكتور الدكتور : آمر خالد : متى نقدر نطلعه الدكتور : من اليوم خالد : والله الدكتور : هيه ** انتشر الخبر بالعايله و الكل فرح بطلعه سيف من المستشفى و هو متعافي و الكل يا زاره و الكل هناهم ** |
رد: حياتي كلها فداك .. في بيت بو محمد عليا + منصور : السلام عليكم الكل : و عليكم السلام عليا : هلااااا عنوده انتي هني ؟؟؟؟؟ العنود : هيه تعالي خلي الشباب يلسون بروحم عليا :يلاااااااااااااااا ** سارت عليا و العنود فوق غرفه العنود اللي في بيت ابوها ** عليا : عنووووووووده العنود : آمري عليا : ابا اشوف سيف العنود : اوكي دشي عليه و سلمي عليا : يذكر ؟؟؟ العنود : هيه عليا : عادي محد بيي العنود : لا واذا حد يا بقول اني سرت اييب لج كوب ماي مع انه محد بيي عليا : فديييييييييييييييييتج يلا ** سارت عليا غرفه سيف ** عليا : السلام عليك سيف : هلااااااااااااااااااااااااااااااااااااااا و عليج السلام عليا : اشحالك سيف ؟؟؟؟؟؟؟؟ سيف : بخير دامني اشوووفج عليا : تذكرني ؟؟؟؟ سيف : و انا اقدر انسااااج عليا : المهم انا بغيت اسلم عليك و اقولك اني رديت سالم سيف : واللــــــــــــــــه ؟؟؟!!!!!!!!! عليا: هيه ... يلاااا انا بطلع سيف : وينج توه الناس عليا و هي حاطه عينها بعين سيف : اليايات اكثر سيف : علايه عليا اونها ما اسمعت و كملت طريجها صوب الباب سيف سار مسك الباب عسب ما تطلع عليا عليا : سيييييييييف الحين لو حد من اخواني يا بيذبحني سيف : انا زقرتج و انتي سويتي طاااف عليا : خوز عن الباب سيف : أحبج عليا وخرت سيف عن الباب و طلعت سيف : فديت روحها انا |
رد: حياتي كلها فداك .. سارت عليا عند العنود ** العنود : هاه شو صار عليا : ما يخصج العنود : افااااااااااااااااااااااا استغنيتي عني عليا : لا افا أنا أقدر !!! ** في هالوقت ظهر سيف من الغرفه ** العنود : هاه سواف وين ساير سيف : تحت نازل عند الشياب و الشباب العنود: هيه كلهم تحت في صاله بيت بو محمد سيف : ابويه بو محمد : آمر يا الغالي سيف : شو رايك نسوي عرسي و عرس خالد و منصور في يوم واحد منصور : الله كشخه بو يوسف : و الله رايك فناااااااااااان خالد : و انا مواااافق سيف : الراي الاول حق الوالد بو محمد : و انا راضي **** و تحدد العرس في 2005/2/16 في فندق انتركونتينتال **** |
رد: حياتي كلها فداك .. ** في يوم العرس الكل اتعدل والعرايس الثلاث كانوا مثل الملاك ماشالله عليهم اول عروس دخلت كانت شيخه و عقبها دخل ريلها خالد مع ابوها و اخوانها و بو محمد و كانت ماشالله عليها ملاااااااااااااك على هئيه بشر و الكل مدح فيها و العروس الثانيه كانت خوله و هذي بعد كانت أحلى العرايس و الكل قال نفس الرمسه هذي احلاااهم و مسكته الكل و دخل عليها منصور و بو يوسف و سالم اخوها و العروس الثالثه كانت عليا و دخل سيف و بو محمد و بو يوسف و يوسف و خليفه بس ماشالله عليه خليفه يلس ايول و الكل اتخبل عليه في غرفه عليا و سيف سيف: علاااايه عليا : آمر سيف: انتي تحبيني ؟؟؟؟؟؟؟؟؟؟ عليا : اذا ما احبك ليش آخذك سيف: انزين قوليها عليا : سيف عاد سيف: فديت روحج ... الا قوليلي يوم سويت الحادث انتي شو سويتي بكل صراااااحه عليا : انا بصراااحه يوم عرفت بالسالفه إللي صارت قبل الحادث يلست اصيح و لا كلت شي سيف : و انتوا شدراكم باللي صار قبل الحادث عليا : درينا .... سيف : و ليش حظرتج يلستي بدوم اكل و شرب عليا : لأني حسيت اني انا السبب باللي صارلك كله سيف : فديــــــــــــتج أنا حياتي كلها فداج يالغلا كله .. عليا : فديت روحك سيف : يلا انزين بتيلسين بلبس العرس عليا : شو رايك مب يكون احسن *_^ سيف معصب : يلا عاد علايه قومي بدلي ثيابج عليا : اوكي اوكي ... لا تعصب سيف : بس لا تتأخرين عليا و هي تطلع لسانها : بكيفي |
رد: حياتي كلها فداك .. الـــــــــــــــنـــــــــــــــــهــــــــــــــ ــــــايـــــــــــــــــــــــــــــــــه بعد سنين الكل ياه عيال :- (( ابو احمد )) يوسف و العنود: أحمد+عبدالله + حمدان+ شيخه (( ابو عبدالرحمن ) منصور و خوله: عبدالرحمن + أحمد+ سارة + مريم (( أبو حمدان )) محمد و ميره: حمدان + سلامه + عبدالله+ شيخه + فاطمه (( أبو محمد )) خالد و شيخه: سلامه+ محمد + عبدالله (( ابو حمدان )) سيف و عليا: حمدان + شيخه + خليفه *** هذي قصه العايلتين بو محمد و بو يوسف مروا بأحزان و أفراح بس هذي الدنيا يوم حزن و يوم فرح و الدنيا تمشي *** *** تمت *** |
| الساعة الآن 08:55 AM. |
Powered by vBulletin Version 3.8.8
Copyright ©2000 - 2025, Jelsoft Enterprises Ltd
Trans
new notificatio by 9adq_ala7sas
HêĽм √ 3.0 BY: ! ωαнαм ! © 2010
جميع الحقوق والطبع محفوظه لدى موقع بنوتة نت ©2007 - 2009