أحــلى مأخلق ربي ..) روايةسعوديـة كــاملة تستحق القراءة

05-31-2010, 04:46 PM

انا : قمرهم كلهم

اضفني كصديق

الجزء الخامس والعشرون

الفصل الأول: : :

لما صارت الساعة 1 بالليل الحريم ناموا مابقى الا البنات..
ريما:ندوش شخبار ماجد؟
ندى:الي اسمع من خواته وتركي انه تمام
الهنوف:غريبة ندى ماتكلمينه؟
ندى:لا ماحب المكالمات قبل الزواج..
نوف:اعتقد انه عادي انتي اللحين زوجتة خلاص!!
ندى:ايه عارفة بس انا مانيب مقتنعة بالفكرة اساساً
ريما:براحتك!! بنات قوموا نصلح قهوة فيه ونجيب معاها حلويات وشاكلت
الهنوف:يالله اهم شي الشاكلت..
نوف:تكفين ريمو انتي صلحي القهوة يازينها قهوتك..
ندى:ايه صادقة نوف
ريما:من عيوني...

صلحت ريما قهوة وجابت الحلويات والشاكلت..
ريما:بنات حرام الشباب مانعطيهم؟
الهنوف:من زينهم علشان نعطيهم..تلاقينهم لو عندهم مافكروا فينا
نوف:والله مايستاهلون
ندى:ياغبيات افهموها..هي ماتقصد الشباب تقصد ن11ف
ريما:هههههه ايه نواف يحب القهوة..ابي اتصل عليه

ريما:هلا فوفو لو سمحت ممكن ترسل احد الشباب يجي
نواف:ليش؟
ريما:صلحت قهوة..وحبيت تذوقها..
نواف:ياسلام عليك...انا اجي ليش ارسل احد
ريما:لا مابيك تتعب..خل احد الشباب يجي
نواف:ههههههه ابشري اللحين ارسل عبد الرحمن هو يموت بالقهوة مثلي اذا قلت له فيه قهوة راح يجيك طاير ماتشوفين الا غباره وراه
ريما:ههههههههههه
نواف:اللحين لو يدري ان القهوة عندكم .. يهجم عليكم وكنه في حرب ياذابح يامذبوح
ريما:ههههههههههه
نواف:فديت الضحكة ماحلاها..
ريما:يالله يالغالي انا بروح للبنات..تبي شي؟
نواف:سلامتك ورضاك ..

ريما رجعت ميته من الضحك
الهنوف:ضحكينا معك
ريما:نوف عبد الرحمن يحب القهوة؟
نوف:وش يحبها الا يموت عليها..اخوي مدمن قهاوي
ريما:هههههههه ايه يقول نواف لو بقول فيه قهوة عند البنات يهجم عليكم كنه في حرب
نوف:هههههههههههه وهو صادق
الهنوف:سبحان الله اجل ماحبها بالحيل
ندى:ايه مثل تركي مايحبها مو طالع علي ولا على ريما ههههههههه!!

طق الباب..
نوف:هذا اكيد عبد الرحمن قلت لك راح يجي طاير ..
ريما:هههههههه ياحبي له
اخذت نوف القهوة وعلبه الشاكلت وراحت تفتح الباب
نوف:هذي القهوة تفضل
نوف جمدت في مكانها ماكان عبد الرحمن الي قدامها كاااااااااااان

"محمد"

نوف طوالي تغطت بالجلال
نوف:وين عبد الرحمن..؟
محمد:عبد الرحمن مشغول شوي

نوف نزلت القهوة بالارض وراحت..حتى ماعطته اياه بيده..
محمد:نوف نوف استني
نوف وقفت..
محمد:عرفتي اني راح اسافر..!!
نوف غمضت عيونها (تبشرني يعني؟ فرحان؟)ظلت ساكتة ماتكلم
محمد:ردي
نوف:ايه عرفت...
محمد:مافيه شيء نفسك لو تقولينه قبل ما أسافر
نوف ظلت ساكتة شو ي..محمد كان مبسوط...على باله بتقولة احبك!!
نوف:تروح وترجع بالسلامة..
نوف راحت وتركتة وهو يناديها مشت وطنشتة ولا اعطتة خبر..حس بحزنها بس تكابر.. راحت للبنات وكانت عيونها حزينة

الهنوف:وش فيك ؟وش قالك اخوك ؟
نوف:هاه ماقال شيء اصلاً ماهوب عبد الرحمن الي واقف..
ريما بإندهاش:مين اجل؟
نوف: هذا نواف..
ريما:وش تقولين؟ ليش؟من متى واقف؟ وشلون هو ماقال لي شي
ندى:هههههههه اعصابك ريمو شوي شوي
نوف:هههههههه أمزح والله..هذا ياطويلة العمر حماك..!!
ريما:محمد؟ وش قالك؟
نوف:ههههه ماقال شيء اعطيته القهوة وراح..عبد الرحمن مشغول شوي..
محمد كان يفكر وش فيها..انا ماسويت لها شيء..ليش تعاملني بهذا الاسلوب السخيف..متوقع انها راح تستقبلني بأحسن من كذا..بس هين يانوف ان شاء الله انا وراك وراك والزمن طويل
رجع للشباب..واعطاهم القهوة..الكل يتشكر لنواف علشان ريما الي مصلحة القهوة وهي الوحيدة الي فكرت فيهم..

نواف:محمد تكفى غني لنا..انت احسن صوت فينا
فيصل:ليش وش الاهانة الموجهه كنك تقصدني
نواف:وانا صادق انت صوتك نشاز لو بيسمعك احد المطربين وانت تغني اغانيهم اعتزل الفن نهائياً
تركي:هههههههههه
عبد الرحمن:آي بطني كركركر مسكين
فيصل:تكفى يامخاوي الليل"خالد عبد الرحمن"
محمد:خلاص ابشروا راح اغني بس على شرط..فيصل الي يختار الاغنية
فيصل:بعدي والله..
نواف:اللحين امدح فيك لي ساعة وبالاخير فيصلوة هو الي يختار الاغنية..امحق ذوق عاد..
فيصل:سلم لي ع الباذنجان ياخويا
نواف:ههههههههههه
تركي:نبي شيء رايق مانبي هبال
عبد الرحمن:ايه يالله حمّود
محمد:آمر تركي وش تبي يادكتور.
تركي:ههههه بدون دكتور شيل الرسميات
محمد:ابشر ولايهمك..وش تبي يابو تروك
تركي:ياليت لو تسمعنا القلوب الساهيه
عبد الرحمن:ونعم الاختيار
محمد كان صوتة راقي وهادئ فيه عذوبة والوحد ينسجم معاه لابعد مدى..

حسبت اشواقنا غابت واثاري الشوق تو مابان..واثاري بقلبي الساهي حنين لك بعد
باقي..

انا ماكنت احسب ان القلوب الساهيه تشتاق..ولا كنت احسبك في يوم تجي وتحرك اشواقي..

سهيت بصفحة كتابي لقيتك بأول الاوراق..انا لاهي مع كتابي لقيتك كلك
اوراقي..

الا ياحبي الأول الا ياغايتي مشتاق..هقيت مانت في قلبي واثرك داخل
اعماقي..

اهلي بك من الفرحة..اهلي بك من الاعماق..حسبتك مانت في بالي واثرك مالك
اشواقي..

تركي:يسلم الصوت..
نواف:والله روعة
فيصل:خلاص انت مطربنا يعني كل شوي راح ننشب بحلقك
محمد:انتم تآمرون
عبد الرحمن:ايه يستاهل خلينا نغثة قبل يسافر ويتركنا
محمد:ههههههههه

05-31-2010, 04:47 PM

انا : قمرهم كلهم

اضفني كصديق

الهنوف:بنات وش رايكم نلعب دبابات؟
ريما:اللحين؟
الهنوف:ايه وش فيها.؟
نوف:مجنونه الهنوف ترى الساعة 5 الصبح
الهنوف:احلى واحلى
ندى:يالله خلينا نروح
ريما:انهبلتي انت وياها..
ندى:ايه صح سوري هنو كان نفسي اركب معك بس لو شافني احد من عيال خوالك فشلة..وبعدين لاتنسين اني انسانة مخطوبة لازم اعقلك واصير ثقيلة هههههههه
نوف:ههههههههه ياعيني على الثقال
الهنوف:هههههه الكل يعقل الا انتي..اقول قومي معاي واتركي الخرابيط
ريما:الهنوف اللحين الكل نايم امي وابوي والحريم لو راح يصير فيك شيء؟
الهنوف:لا تفاولين علي..مو صاير شيء ان شاء الله ..
ريما:بسم الله عليك ماقلت شي بس الكل نايم يعني؟؟
الهنوف:فيصل موجود
نوف:اجل استئذني منه وانا اروح معاك
الهنوف:بايعة عمري علشان يجي ويذبحني..تكفون بنات..ترى بروح لحالي
البنات:روحي..
الهنوف:تتحدوني يعني؟
البنات:ايه
الهنوف:طيب...

: : :
تركي:ياسلام الجو حلو خلونا نطلع نتمشى..
نواف:انا ابي انوم طالعوا الساعة حرام عليكم
فيصل:ياحبك للنوم اقول قم لاحقين على النوم
عبد الرحمن:والله انك صادق..
محمد:عبيد قوم باريني في البلاي ستشين نبي نلعب كورة
عبد الرحمن:طيب بس انا تراني مع الطليان ابطال العالم
محمد:اوكي وانا مع السامبا
تركي:يعني محد طالع معاي..كيفكم انا بتمشى شوي والله الجو يساعد
فيصل:ماحب امشي انا ياتركي
نواف:تركي هما السودان قريبة نرسل بعض الناس
تركي:هههههههه
تركي طلع يمشي وكان المنظر حلو السماء زرقاء بقوة الشمس شوي وتشرق واصوات العصافير في المزرعة جنان..راح يمشي بأول المزرعة..كان يسمع صوت بس مايدري ايش..؟

.الدباب كان بأول المزرعة بعيد بالحيل الهنوف كانت خايفة بس تحدوها البنات وهي عنيدة لازم تركب..شغلت الدباب ودعست عليه وجلست تمشي فيه..كانت خايفة بشكل..الفجر بداء يطلع ومرعوبة لا يشوفها فيصل..

تمشي قدامها ودعست بقوة على الدباب وكان قدامها حجر كبير مانتبهت له وطت عليه بالدباب وانقلب عليها وطاحت..
تركي شاف الهنوف لما تنقلب مايدري من هي..راح يركض لها خاف عليها ..

الهنوف كانت تصيح رجلها التويت وتعورها بشكل فظيع..ومنظر الدم خوفها اكثر..
تركي:سلامات وش صاير
الهنوف حطت الطرحة على راسها:تركي تعورني رجلي آي آي
تركي:سلامات..ممكن شوي اشوف لاتكون كسر
الهنوف:يامامي كسر!!لا ان شاء الله
بما ان تركي على وشك يكون دكتور..راح ومسك رجل الهنوف الناعمة ضغط عليها
الهنوف:آآآآآي يمممممة
تركي:هنا يعورك؟
الهنوف:ايه لاتضغط عليها تعور لاتغطها
تركي:هههههه طيب..ابشرك ماهوب كسر..خليك هنا انا بروح اجيب شنطة الاسعافات الاولية معاي في السيارة كنت حاس انه راح يصير شيء
تركي قام ومشى
الهنوف:لو سمحت؟
تركي:هلا
الهنوف:فيصل لا يصير عنده خبر بالموضوع
تركي:ابشري سرك في بير..
الهنوف حست براحة مع تركي ..رجال فاهم وواعي

تركي رجع ومعاه شنطة الإسعافات ألاوليه.. طهر رجل الهنوف بمطهر طلع الشاش الابيض ولفه على رجلها..
تركي:مرة ثانية لاتلعبين بالدباب!!ومافيه احد معاك
الهنوف:ان شاء الله..الله يجزاك خير يادكتور تركي..
تركي:ولو ماسويت الا الواجب ..تقدرين تمشين؟
الهنوف:ابي احاول خلاص انت روح تعبتك وياي
تركي:لا انا بشوفك تقدرين تمشين اولا

الهنوف قامت وحاولت تمشي وبعدين طاحت رجلها بالحيل تعورها اذا ضغطت عليها,,
تركي:اوكي لاتهتمين ابي اتصل على ريما..!!تجي تساعدك في المشي..

تركي اتصل على ريما وفهمها السالفة..اول ماجت ريما راح تركي
الهنوف:دكتور دكتور
تركي التفت لها وهو يبتسم:هلا؟
الهنوف:والله مدري كيف اشكرك..وياليت كل شبابنا مثلك..
تركي:لا تشكرين ولا شيء ..والشباب فيهم الخير والبركة..انتبهي لرجلك ولاتغطين عليها..اذا عورتك الليلة قولي لي ..!!
الهنوف:ان شاء الله
ريما:يالله الهنوف تعالي معاي..
ريما تمسك الهنوف على كتفها علشان ماتقدر تمشي..وجلست تتريق عليها وتضحك على حركتها ولقافتها..والهنوف عصبت من ريما بس آخر الوقت جلست تضحك..
دخلوا على ندى ونوف ولقوهم في سابع نومة..ريما اول ماحطت راسها نامت..اما الهنوف جلست تفكر في تركي
(لا كل الي يدور في بالي اوهام..هو دكتور واكيد متعود على كذا يعني معاملة المريض لازم يعاملهم بكل حنية واحترام..بس والله ماقصر معاي..)

: : :
العصر البنات كانوا برى بالحديقة يشربون الشاي ويسولفون ريما ونوف وندى..الهنوف المسكينة كانت نايمة..
نوف:بنات اللحين العصر خلونا نروح نلعب بالدبابات
ريما:لا والي يسلمك بعد الي صار امس ماراح العب
ندى:وش صار؟
نوف:وش السالفة؟
ريما:هاه
ندى:من قال هاه سمع!!
ريما:الهنوف امس انقلبت بالدباب
ندى:لايكون صار فيها شي؟
ريما:لا الحمد لله بس التوت رجلها
نوف:وللحين وشلونها؟
ريما:نايمة..يوم جيت ابي اصحيها قالت لي مانمت الا متأخرة..
ندى:كيف عرفتي بالموضوع..وانتي نايمة معنا انا ونوف؟
ريما:تركي قالي
نوف:افا تركي دخل بالموضوع
ريما جلست تحكي لهم السالفة..ندى بعد السالفة حبت تشوف وش مشاعر تركي اتجاة الهنوف..وكذلك الهنوف..حست ان السالفة فيها أن..

راحوا البنات يلعبون بالدبابات ..
نوف ركبت في دباب وندى بالدباب الثاني..وريما كانت خايفة بعد الي صار للهنوف
وجلسوا يلعبون فيها..كان نواف وتركي قريبين من الدبابات نواف شاف ريما واقفة تشجع ندى ونوف...قربوا لهم..نوف وندى تغطوا وريما راحت عند نواف

نواف:هلا وغلا ومرحبا انا قلبي قالي ان الزين عند الدبابات
ريما:ياحبي لك والله ..
تركي:لو سمحتوا تراني موجود
نواف:هذا محمد الثاني هههههه
ريما:هههههههههه
تركي:ههههههههههه ..والله مالومه محمد انتم ماتستحون اذا رحت لحالكم قولها الي تبي..!!
نواف حب يرفع ضغط تركي:وش فيك حبيبتي ماتلعبين؟
ريما:مادري خايفة ماحب العب لحالي
نواف:وانا ولد ابوي زوجتي ماتلعب طيب قومي معي..
سحب يد ريما
ركب الدباب وريما وراه
نواف:تمسكي فيني قوة
ريما:لا توصي حريص!!يالله Go
نواف اخذ يتمشى بريما وريما مبسوطة ويقرب من عند نوف ..وريما تقهرها وتضحك عليها..
ريما:فوفو خلي نسوي في ندى مقلب كنك بتصدمها ماشفتها
نواف:هههه حرام يمكن تخاف؟
ريما:احسن ياكثر المقالب الي سوتها فيني خليني ارد شوي لها
نواف:طيب ياندى تسوي بريموتي مقلب انا اوريك..
راحوا لعندها وكأنهم راح يصدمونها
ندى:يممممممة وقفوا وقفوا يممممممممممة
نواف:هههههههههههههه
ريما:هههههههههههه تعيشين وتاكلين غيرها هههههه
ندى:طيب ياريما

نزلوا من الدبابات نوف وندى عند تركي الي كان واقف يتفرج
تركي: الحمد لله ع السلامة
ندى ونوف:الله يسلمك..
تركي:تعالي ندى شلون الهنوف اللحين؟
ندى:والله ماشفتها هي اللحين نايمة
تركي:طيب صحوها..المزرعة في ذا الوقت ماتتفوت
نوف:اللحين بروح اصحيها
ندى:يالحبيب وش عندك على بنت الناس؟
تركي ارتبك:وش دخلك انتي؟ مسكينة امس تعورت وخفت عليها
ندى:ياسلام خفت عليها
تركي:اكيد خفت لاتنسين ياندى اني دكتور وهذي مهنتي يالله عن اذنك
ندى:تركي وقف والله ما أقصد انا آسفة
تركي:معليش مو أول مرة انتي لسانك متبري منك..

الهنوف كانت جالسة برى تتنظرهم وشافت نوف جت لها سلمت عليها..وقالت لها عن الكلام الي قاله تركي..الهنوف انبسطت بس مابينت لها أي شيء؟؟

..جت ريما وندى وجلسوا مع البنات برى يلعبون في العاب الاطفال (المراجيح والرمل والحوسة هذي حقت البزارين)<يتذكرون ايام الطفولة

نواف يكلم ريما
ندى:لاحول ولا قوة الا بالله..هذا نواف ترى نشب في حلقي
الهنوف:أي والله نبي ننبسط وانتي 24 ساعة معلقة اذنك في الجوال
ريما:ههههههههه كيفي..نواف وش الصوت الي عندك؟
نواف:هذا محمد..يغني
ريما:يغني
ندى والهنوف اول ماسمعوا كلمة يغني ضربوا ريما:حطي سبكير
نوف تضحك على ندى والهنوف.. ماتدري ان محمد هو الي يغني
ريما:بالله حط سبيكر نبي نسمع صوتة
نواف:ابشري

نواف:محمد البنات يبون يسمعون صوتك..بالله غني اغنية
محمد:بدون احراج..
ريما:نواف قله ريما تقولك تكفى
نواف:ريما تقولك تكفى
محمد:طيب يامرت اخوي علشانك ماراح انسى لك التشيز كيك..بس صوتي ترى مو ذاك الزود..صوتي متواضع هههههههه
عبد الرحمن:ابوك يالمتواضع
فيصل:ياشين الغرور ههههههههههه
محمد يغني وكان عارف ان نوف تسمع له...ريما حطت سبيكر والبنات يسمعون ومنسجمات كان صوتة كلمة روعة قليلة بحقة....

أهمة لو كذب الي ماهمة غلاي يجول في قلبه ودمة..
يبان الحب في نظرة عيونه يقول الصدق ولا ولد عمة..

يغار وغيرتة تفضح غرامة وتكشف غيرتة حتى كلامة..
يغار ويقلب الدنياء عليا يبيني دوم في قربة ويمة..

يبيني دايم بجنبه يبيني ولو انه يتظاهر مايبيني انا ادري فيه
وادري عن طباعة يخفي الشوق في قلبة ويظمة..

يكابر وادري انه هو يكابر..وانا ادري بس لكن قلبي صابر
ابيه يبوح عن حبه وشوقة وانا الي بين خلق الله اهمه

: : :

05-31-2010, 04:48 PM

انا : قمرهم كلهم

اضفني كصديق

نوف حست انها هي الي مقصودة من كلامة بس سكتت وريما فهمت من الاغنية انه يتكلم عن نوف..
ريما:والله صوتك حلو يامحمد
الهنوف:ماشاء الله
محمد:من ذوقكم والله..
ندى تأشر للبنات يعني نبي اغنية ثانية..انسجموا مع صوتة كان عذاب
ريما:نواف قول لمحمد البنات يبون يسمعون اغنية ثانية
نواف:طيب انتي تآمرين يالغلا

ندى والهنوف يتهامسون
ندى:ياعيني والله خطير هالنواف هو كلامة
الهنوف:ايه شوفي ريما ذايبة مع صوت نواف هههههه
ندى:لايكون تحسب نواف الي يغني هههههههههه
الهنوف:ههههههههههههه
نوف كانت في عالم ثاني

محمد:قل لهم اوكي راح اغني لهم بس هم الي يختارون الاغنية
نواف قال لريما وريما قالت للبنات..
ندى:نبي الشاكي
الهنوف:لا نبي زد عليه
نوف:لا صوت محمد هادئ والا غاني الي طلبوتها ماتناسب طبقة صوته..نبي اغنية الحل الصعب كانت متعمدة وهي تختار الاغنية هذي بالتحديد...
ريما على طول وبدون أي تردد سمعت من نوف وطلبت منه يغني اغنية الحل الصعب
محمد حس ان نوف هي الي اختارتها

محمد:مين الي اختارها؟
ريما:انت غني بالأول وبعدين نقولك
محمد:طيب..

اسقيني حب..اسقيني فرقا
ان صبرت اشقى..وان هجرت اشقى..
العمر يمضي..والجروح تبقى..

اختر الحل الصعب..
ياتفارق ياتحب..ياتفارق ياتفارق.. ياتحب؟

لاتحدد لي مراحل..لا لا لا..
ياتجيني حب..ياتودعني راحل...

هذي وردة للهوى..هذي جروحك..عطني روحي
سيدي..او خذها روحك..

وش بقى ضاعت سنيني..يابعد قلبي وعيني..
يابعد قلبي وعيني..

اختر الحل الصعب ياتفارق ياتحب..

: : :
محمد وقف الاغنية:مين الي اختاراها؟
ريما:نوف..
محمد بعصبية واضحة:اهااا نوف...والله لو انا عارف ان نوف هي اختاراتها كان ماغنيتها
عبد الرحمن يتريق:وش معنى اختي؟
محمد:كيفي ..يالله عن اذنكم انا استئذن
نواف:ريما سكري الخط محمد عصب وقام اكلمك بعدين
ريما:طمني عليه..باي

الهنوف:وش فيه محمد عصب يوم عرف ان نوف هي الي اختارتها
نوف:انا بروح عن اذنكم..
ندى:وش سالفتكم انتي ومحمد
ريما:مافيه سالفة ولا شيء..بس اكيد تضايقت من سمعت كلام محمد
ندى:غريبة..

نوف راحت من عند البنات وهي تبكي..محمد كان واقف عن باب الفيلا يحسبها جوى..ينتظرها تطلع عند الباب..

نوف شافت محمد مسحت دموعها وتغطت كان باب الفيلا جنب محمد يعني لازم تدخل من عنده وتمر من قدامه..نوف مرت من قدامة ولا لقت له بال

محمد:نوف وقفي
نوف مشت وتركته محمد راح وراها ومسك يدها بقوة.كان معصب على الآخر
محمد:اذا قلت لك وقفي يعني توقفين مو كذا تسوين فيني تفهمين؟
نوف وقفت ونزلت دموعها بس ماتكلمت ولاكلمة
محمد:يعني لاني احبك تسوين فيني كذا..وش جاك مني علشان تعامليني بكل ذا البرود.؟
نوف تبكي..محمد سمع صوت بكائها.
محمد:نوف لاتبكين..اسمعي انتي اللحين معصبة وانا بعد معصب..الساعة 11 بالليل انا ابي اتكلم معاك تلاقيني واقف عند المشتل الي فيه الورد بآخر المزرعة مابي احد يلاحظ وجودنا ابي اشوف حل معاك..
نوف:مقدر اروح لحالي..انت صاحي محمد؟
محمد:جيبي معاك عبودي ومها..وبعدين انتي بنت عمي وش هالخوف...ما علي منك دبري نفسك انا ابي اتكلم معاك..اذا لي خاطر عندك لازم تجين..
نوف:محمد والله ماقدر لو يشوفني احد صعبة والله صعبة
محمد:طيب شوفي راح اتصل عليك..
نوف:ماقد كلمت احد غريب
محمد:لاحول ولاقوة الا بالله..نوف بس شوي وربي حتى علشان تتطمنين خلي ريما معاك انا راح اتصل على جوالك اوكي الساعة 11 يالله باي

محمد راح وترك نوف بحيرتها..
ندى:بنات اسمعوا ترى الليلة راح نسوي الحفلة التنكرية
الهنوف:شوفوا الساعة 12 كلنا نتجمع تحت
ريما:ايه محد يشوف زي الثاني..يعني كل وحدة تنزل بالتنكر حقها بالمجلس الكبير حق الحريم
نوف:اوكي كل وحدة تلبس وتتعدل في غرفة لحالها علشان الوحدة ماتشوف الثانية
الهنوف:غرفة ريما محجوزة لي
ريما:ياسلام اقلبي وجهك بس هههههه
الهنوف:ماينقلب الوجهه وش اسوي ههههههه
ندى:تركي ارسل لي مسج يقول شلون رجل الهنوف؟
الهنوف:لا قولي له بخير بس اذا ضغطت عليها وبعدين الكريم الي اعطاني اياه بالليل احطة ولا لا؟
ندى:طيب راح اتصل عليه
ندى اتصلت عليه..وقالت له بس ماكانت فاهمة وش تقول
ندى:وش تقولين الهنوف من شوي؟
الهنوف:الكريم متى احطة
ندى قالت لتركي..
تركي:أي كريم
ندى:اووف طيب خذ كلمها
تركي:ندى وجع وش هالكلام
الهنوف ضربت ندى مع ظهرها
ندى:طيب لاتعصب..آآآآي هنوفة
تركي:زين ماسوت
ندى ابي احط سبيكر
الهنوف:مساء الخير دكتور
تركي:مساء النور
الهنوف:مدري اعطيتني الكريم البرتقالي متى احطة؟
تركي:شوفي حطية قبل لاتنامين وبعدين اذا حسيتي بعوار حطية لا تستخدمينه غير مرتين في اليوم هذا اقصى حد..
الهنوف:مشكور
تركي:الا انتي الي شكراً على الي سويتيه
الهنوف:وش سويت؟
تركي:يوم تضربين ندى ههههههه
الهنوف:ايه هههههه خلاص مع السلامة
تركي:مع السلامة

ريما:ههههههه كنك تكلمين دكتور في عيادته
نوف:هههههه ايه والله
الهنوف:اجل وش تبوني اكلمة اسولف معاه خوش والله
ندى:كان ينبسط تركي ههههههههه
الهنوف:ههههههههه

ريما عرفت بالموضوع حق نوف ومحمد..صارت الساعة 11 واتصل على جوال نوف..

نوف كانت جالسة بغرفة ريما ...ريما كانت عندها...ندى والهنوف يرتبون للحفلة تحت بالمجلس الكبير..

نوف:الو؟
محمد:هلا نوف..شخبارك؟
نوف:تمام..!!
محمد:عسى اللحين صرتي رايقة؟
نوف:وش قالوا لك من شوي وش كنت؟
محمد:طيب طيب لاتعصبين..نوف انا ملاحظ عليك انك مو طايقتني مدري وش سويت فيك..أنا واثق من نفسي وماقد غلطت عليك..مادري وش جاك مني..ابي افهم
نوف:ماجايني منك ولا شيء...وبعدين مدري كيف تبيبني اعاملك؟
ريما كانت تأشر لنوف يعني(شوي شوي على الولد)
محمد:نوف انا خلاص كلها اسبوع وراح اسافر مابي اروح وانتي زعلانه علي او في خاطرك شيء علي..نوف انتي غالية علي وربي يشهد على كل كلمة اقولها..
نوف بكت ودموعها نزلت..
نوف:محمد راح تسافر وتتركني بعد ما حبيتك وصرت بدنيتي كل شيء..راح تروح وتبتعد عني..
محمد:من يقول كذا؟انا لو تدرين كيف انا اللحين فرحان بعد ماعرفت انك تبادليني نفس الشعور..نوف انا مستحيل اتخلى عنك..انا حبيتك بكل مافيني..وبعدين انا راح اطلب يدك من عمي..واذا خلصتي من الثانوية العامة راح اتزوجك وتسافرين معاي ندرس برى..انا محتاج لك..وماقدر استغنى عنك..وانا بفاتح ابوي بالموضوع هاليومين..
نوف مسحت دموعها وكانت مصدومة من الكلام الي سمعتة..ماعرفت كيف ترد انعقد لسانها..سكتت..كانت فرحانة طايرة من الفرح..
محمد:الو؟
نوف:هلا
محمد:وش قلتي..؟
نوف:محمد يصير خير ان شاء الله..انا كنت فاهمة الموضوع غلط..خلاص لا تكدر خاطرك..وانا سفة اذا سببت لك أي مضايقة او شيء مثل كذا
محمد:تمونين يابنت عمي..خلاص يعني طاح الحطب؟ماعاد تزعلين مني؟
نوف:ايه طاح..خلاص انا مو زعلانة ولا شيء..
محمد:الحمد لله..يالله ياسعود مع السلامة
نوف:وش تخربط وش سعود؟
محمد:ايه الشباب جوا هنا...اشوفك بعدين مع السلامة
نوف:ههههههه مع السلامة

05-31-2010, 04:49 PM

انا : قمرهم كلهم

اضفني كصديق

نوف قالت لريما كل شيء..كانت فرحانة خلاص هم وانزاح من على صدرها..ودها تطير من الفرحة..ريما كانت فرحانة علشان نوف...نوف بنت طيبة وتستاهل كل خير..!!

نزلوا البنات الساعة 12 بالمجلس الكبير..عند الحريم وهم لابسين ملابس التنكر..

ريما لبست ملابس هندية..الساري الهندي..وحطت على شعرها الاكسسوارات الهندية وعلى يدينها وظفرت شعرها مثل الهنديات..كانت تحفة بالملابس الهندية

نوف لبست قناع على شكل شبح ابيض وفيه دم نازل من عنده ولبست فوقه عباية راس طويلة علشان ماتبين شيء من ملابسها صايره تخوف كلها اسود والوجة ابيض وفيه دم<رعب

ندى لبست قميص الجدة هياء (ملابس العجايز) ولفت الشيلة حقت الحريم الكبار على شعرها وحطت بالكحل كنه وشم حق البدويات ..واخذت معاها عصى الجدة هياء..شكلها يضحك بشكل..محد عرفها

ام نواف:وش مسوية بعمرك نوف وربي تخوفين
عبودي اول ماشاف الهنوف جلس يبكي هو ومها
ام عبد الرحمن:ياربي يانوف خوفتي البزارين
نوف:ههههههه احسن علشان ينامون بدري ههههههه
ريما:هههههههه حلوة هذي
الجدة هياء:وانتي ياريما جاية من نيو دلهي؟
العمة نورة:والله كنك هندية ماشاء الله تصلحين تمثلين معاهم هههههه
ريما:ههههههه خلاص اجل بسافر للهند
ام نواف:ايه انتي البطلة ونواف البطل
ريما:اجل خوش فيلم هههههههه
ام ريما:هههههههه وانتي ياندى روعة منظرك
ام عبد الرحمن: والوشم والفستان ههههههه روعة ياندى
العمة نورة:أي والله اول مادخلتي قلت وش هالعجوز الي جت..
ندى:هههههههه اصلح ممثلة اجل
ام نواف:بس انتي مسلسل بدوي هههههههه
ريما:ههههههههه ايه صادقة خالتي
نوف:وانا طيب يام نواف؟
ام نواف:انتي فيلم اكشن وخوف ورعب وكل شيء ههههههه
نوف:ههههههههههه
ام عبد الرحمن:وين الهنوف؟
ريما:مادري عنها كل شوي نتصل عليها تقول لنا شوي وانزل
ندى:الله يستر من الهنوف..عاد هي راعيه الحركات
نوف:شوفي ايش بتسوي في عمرها..
العمة نورة:ايه الهنوف من زمان وهي ترتب للحفلة التنكرية..!!

دخل على الحريم ذاك الولد الي متلطم بالشماغ والثوب
الحريم طمروا (قمزوا) من اماكنهم والي تدور الجلال والي تغطى بالطرحة ..
الولد مات من الضحك عليهم
الجدة هياء:ندى اعطيني العصاء اضربة قليل الادب الي دخل
ريما:اتصلوا على الرجال..

فتح اللطمة والشنبات والحركات..
الولد:السلام عليكم..؟
ندى:الهنوف..وجع
الولد طلع الهنوف
الحريم جلسوا يضحكون على فكرة الهنوف..

ام نواف:انا مدري مين الي جاء بس فتحت فمي...
ام ريما:توقعته احد العيال..بس قلت يدخل كذا لااحم ولا دستور
العمة نورة:هههههههههه من وين لك الشماغ؟
الهنوف:ههههههههه اخذتهم من فيصل
الجدة هياء: تصدقين عاد انك ولد مزيون
الهنوف باست راس الجدة هياء:تسلمين شوفوا شلون الناس تمدح مو تتريقون علي!!
ندى:تعالي خلينا نسوي زفة عرايس ان العروس وانتي المعرس

وقفت الهنوف وندى وجلسوا يغنون لهم ..
ندى:انا راح اقلد لكم ريما يوم زواجها
وجلست تقلدها عيونها في الارض وبس تبكي
ريما ماتت من الضحك على حركاتهم..والهنوف تقلد نواف اول مادخل باسها وجلس يطالعها..ويبتسم لها...وهي مستحية كانت الهنوف وندى يتريقون على نواف وريما..

: : :

فيصل:ياناس ياحبي للهلال وربي احس اذا مرت 12 ساعة ولاقلت هلال استخف
تركي:هههههههه انت هلالي صميم
فيصل:يس افكورس
عبد الرحمن:نواف وش رايك بسامي؟
نواف:سؤال أهبل..احد يسئل في عز القيظ هو الماء زين يالظامي..صنع وابدع..ضرب و أوجع..ومخلابه دايماً ظامي..ولايغرس هزيل الصيد..ولايهرول عبث سامي..
تركي:صح لسانك ياشاعر
نواف:هذي موب شعر بس نابعة من قلبي انتم ماتعرفون سامي ايش بالنسبة لي...!!
محمد:انا مايقهرني غير الي يتكلمون بالهلال ليش خسر وليش طلع..الهلال مظلوم تحكيمياً مافيه حكم يحكم صح للهلال!!!ولاعيبينا دايماً مع المنتخب مانلعب مباراة خارجية الا واللاعيبين الكبار ماهم موجودين..والهلال صاحب اكبر جمهور باسياء..وكل الجماهير تتضايق من المتخلفين الي يتكلمون عن الهلال...!!
عبد الرحمن:الزعيم مازال للمجد بقية..انا مايقهرني الا الي يقلدون الزعيم ويحطون راسهم برآسة صاحب اكثر بطولات على مستوى السعودية والخليج والوطن العربي وآسياء بكبرها تشهد لزعامة الزعيم..!!
فيصل:هذولا متبعين طريقة خالف تعرف..بيصعدون على حساب الهلال يذمونه ويتكلمون عليه علشان يشتهرون..!!
نواف:ماظنك ناسيا الزعيم ياآسياء..هذولا الازوري الشرقي..!!غلطان يا معاند بحر..!!
انـبـسـطـوا يـآهلاليــــــــــــأت<<شسمه ترااي بغيت اغيرهـ
احطة الـنـصـر بس يعدين قلت وليه خلي الهلاليات يستانسون

: : :

ريما: بنات بكرى ذكرى ميلاد نواف..!!
ندى:احلفي..وش بتسوين؟
ريما:والله مدري..
الهنوف:هو طيب ييعرف ان بكرى ذكرى ميلادة ؟
ريما:ماعتقد..
نوف:وش راح تسوين تحتفلون لحالكم؟
ريما:لا انا بكرى ان شاء الله راح اسوي حفلة كبيرة بس لحد يعرف بالسالفة بنات تكفون
البنات:ابشري..
ريما:ابي اقوم الصبح واروح للرياض واشتري اغراض ضرورية للحفلة.
الهنوف:ياسلام بكرى حفلة والله انك خطيرة..
ريما:شفتي شلون

رن جوال ريما وكان نواف
ندى:الطيب عند ذكره

ريما:هلا وغلا
نواف:هلا فيك ..ريومة حبيبتي انزلي مشتاق لك
ريما:طيب
نواف:استناك تحت..

البنات كانوا في غرفة ريما والنافذة تطل على المزرعة..
ريما راحت ولبست تنورة قصيرة شوي طبقات لونها اسود ومشجرة بالاخضر..وبلوزة لونها اسود شيفون..البنات يضحكون عليها وعلى خبتها وحوستها..

نزلت ريما وقف عند نواف..كانوا واقفين قبال نافذة غرفة ريما..
ندى والهنوف..شغلوا المسجل وطولوه لين ماسمعوا نواف وريما...!!

اجيك يسلم راسك وشلون ماجيك وياك انا بالذات صعب اتغلى..والله مادري من الغلا وين اوديك تسوى عيوني ولا بعد يمكن اغلى..

نواف:هههههههه يقصدونك
ريما:اكيد ههههههه
نواف:تعالي خلينا نبعد عنهم..

مسكها وجلسوا يتمشون ويسولفون..ريما ماجابت خبر لنواف ان بكرى راح تسوي له حفلة كان ناسي ان بكرى ذكرى ميلادة..!!

ماطولت مع نواف لان البنات ازعجوها بالأتصالات..رجعت لعندهم..ونواف راح للشباب..

ريما:هاه وش تبون ازعجتوني؟
ندى:مشتاقين
الهنوف:لك
نوف:حيل
ريما:ههههههههههه..
نوف جابت تشيبسات وشاكلت وجلسوا ياكلونها وهم يضحكون..ندى تقلد لهم الحريم وتصرفاتهم..وهم ميتات من الضحك..
الهنوف:بنات سمعت لكم ان الشباب بكرى الصبح راح يلعبون كورة..وراح تصير منافسة لان الي يخسر من احد الفريقين يقول راح يكون لهم عقاب..!!
نوف:وشو العقاب؟
الهنوف:يتمشون ويلعبون مع مها وعبودي طول اليوم
ندى:ههههههههههههههه
ريما:لقيتها وش رايكم مادام الدعوى فيها تمشي ندخل اروحنا معاهم..نقول موب بس عبودي ومهاحتى احنا يتمشون فينا
الهنوف:والله انك جبتيها
نوف:بنات وش رآيكم ننام اللحين..علشان نقوم الصبح وعلى طول للمسبح فلّة نبي نجلس طوويل في المسبح..وبعدين نحضر مباراة الشباب ونضحك عليهم
الهنوف:والله انك روعة يابنت خالي..
ندى:خلاص اجل اول وحدة تقوم تقومنا
ريما:لا بنات تونى على النوم نبي نسولف وننبسط
ندى:تبي تمطر !!غريبة؟ريما تقول تونى؟
الهنوف:لا اكيد البنت مصخنة؟
ريما:ههههههههه بسم الله علي..لا بس لاحقين على المسابح نبي نسولف
نوف:من الصبح واحنا نسولف..مشتاقين حق السباحة الجماعية من تزوجتي ما سبحنا مع بعض..
ندى:أي والله..يالله انا بنوم..قود نايت
الهنوف:وانت من اهله ههههههههه
نوف:ههههههههه

ناموا البنات..با استثناء ريما الي طفشت وهي تتقلب بالسرير ماجاها نوم..نزلت تحت مافيه احد بالبيت الكل نايم جلست عند التلفزيون زهقت مافيه شيء..راحت وقفت عند القزاز الي يطل على المزرعة شافت المسبح كان منظرة رايق اغراها..

راحت للمسبح كان الجو برى روعة والمسبح الانارة حقته هادية..!!جابت معاها شموع وحطتهم على جال المسبح وجلست وحطت رجولها بالمسبح..ومشغلة اغنية نوال "انت طيب"

خلنا مني..طمني عليك..
ما أنام اليل من خوفي عليك..انت طيب هذا هو الي يهم..

انت طيب..وغير هذا مايهم..انت طيب

وش في صوتي؟مافي صوتي أي شيء..كنت ساكت ونامت عيوني شوي..

كنت احلم بي معاك..كنت تحكي واسمعك..

05-31-2010, 04:51 PM

انا : قمرهم كلهم

اضفني كصديق

نواف جاء من وراها..وحط يديه على عيونها..ريما كانت مرعوبة..لانها عايشة جو مع الاغنية..ريما لمست اليدين..عرفت انه نواف
ريما:حبيبي..ما نمت..؟
نواف:كيف انام وانا حتى ماسمعت صوتك
جلس معاها...ريما حطت راسها على كتفة وهو ماسك يدها..<معاريس!!

: : :

الساعة 11 الصبح ..

البنات صحوا وراحوا يسبحون ماعدا رياما الي راحت مع السواق للرياض واتفقت مع شركة بالوني..يجون للمزرعة (هذي شركة خاصة تسوي بالونات اشكال والوان للحفلات..) واشترت التورت والعصيرات والشاكلت والجاتوهات..واكيد مانست الهدية..كانت ساعة رولكس داخل علبة من الخشب السويدي الراقي..غلفتهم بالأبيض والأحمر..وفيها وردة احمر..

رجعت للمزرعة ولاقالت لأحد عن موضوع الحفلة غير البنات وأمها.. دخلت للفيلا بدون محد يدري ودخلت الاغراض ..

الحفلة بستويها برى في بيت شعر كله قزاز ويطل على المسبح..جوا العمال حقين البالونات وجلسوا يصلحون البالونات اشكالها روعة للحفلة..راحت ريما بعد ماطلعوا العمال ويا البنات لبيت الشعر

الهنوف:واااااااو روعة
نوف:ايه تهبل الصراحة صدق حفلة
ندى:ريما جنان ياليت لو كل الحفلات كذا..
ريما:صدق؟ ايه الحمد لله انا اخترت البلونات الونها ازرق وابيض علشان الهلال
ندى:ياربي حتى هنا هلال
نوف:والله انك جبتيها فكرتي صح!!
ريما:على طاري الهلال مين فاز اليوم في مباراة الشباب؟
الهنوف:صارت سالفة تخيلي رحنا هناك ويجي فيصل ويهاوشني وش تبين هنا جايه عيب كلهم شباب..تفشلنا وطلعنا!!رجعنا للحريم...صارت الطقة براسي
ندى:هههههههه والله لو تسمعين هواش فيصل
نوف:مسح في كرامتها الارض
ريما:ياحبي لك يالهنوف ههههههههههههه
الهنوف:ابشرك كلهم تعادل 2/2
ريما:زين التعادل حل سلمي..

جلسوا البنات يرتبون الطاولة.. جابت ريما مفرش ابيض كان تل وفيه لمعة ونازل من عندها دناديش..وفوقها مفرش دانتيل لونه ازرق..وجابت شمعدانات وشموع كلها ازرق وابيض..

بخرت بيت الشعر ورتبته..ريما راحت تلبس ..لبست تنورة برمودا لونها اسود وفضي ..وبلوزة شيفون لونها اسود وفوقها بدي لونه فضي (هاي نك) مشجر..رفعت شعرها بمشبك فضي..!!

راحت ريما عند قسم الرجال..وقفت عند باب المجلس..نواف يوم شافها قمز من مكانه خاف مو من عوايدها تجي..راح عندها..
نواف:خير وش فيك؟
ريما:مافيني شيء..بس جاية اعزمك حبيبي انت وعمامي
نواف:تعزميني؟انا وعمامك؟على ايش؟
ريما:كل عام وانت الحب!!ذكرى ميلادك اليوم ..عقبال 100 سنة
نواف ابتسم:اهاااااااا..وانت بخير..ياحياتي ياريومة والله ماتذكرت..
ريما:كنت حابة نحتفل في ذكرى ميلادك سوى..بالله قول لعمامي..
نواف:طيب
دخل نواف وقال لعمامه وابوه والشباب ..
ابو نواف:والله ان مرتك ذوق الي فكرت فيك
نواف:ايه يالبى قلبها
العم طلال:احم احم
نواف:هههههه العذر والسموحة
فيصل:نسى نفسة العم!!
تركي:ولايهمكم راح نجي للحفلة
نواف:يالله قوموا
ابو ريما:والله ان رجولي تعورني والمسافة بعيدة روحوا انتم.
نواف:لا عمي تكفى
ابو نواف:انا بجلس مع اخوي احنا كبرنا على الحفلات تاركينها لكم يالشباب
العم طلال:انا تراني بعدني شاب بس ابي اجلس مع اخواني هههههههه
نواف:هههههههه والله انك اشب منا ياعمي..
عبد الرحمن:ياعيني ياعيني على ريما والله انها شيء!!
نواف:توك تدري!!

ريما راحت وقالت للحريم..الكل جلس يبارك لريما بذكرى ميلاد نواف وطبعاً ماسلمت من تعليقاتهم..الحريم رفضوا يروحون يقولون الحفلة شبابية..!!

ريما وندى والهنوف ونوف كانوا ينتظرونهم داخل بيت الشعر طفوا الانوار...

الشباب راحوا يمشون لبيت الشعر..
محمد:يوه نواف طالع بيت الشعر ظلام..
تركي:هماهم قالوا لك الحفلة فيها.
نواف:ايه الريم قالت لي انه في بيت الشعر الي عند المسبح
فيصل:يمكن بيت الشعر الكبير..؟
عبد الرحمن:ياذكي يقولك الي عند المسبح..وش فيك
فيصل:اقول انطم بس
نواف:تعالوا نفتح الباب..

اول مافتح الباب نواف شغلوا الانوار والأضواء الملونه الي تدور فوق ..وطاحت البلونات من فوق على نواف..والورق الملون نزل عليهم..
انبسطوا الشباب...على الحركة..كانت الحفلة رايقة..الوان والبلونات كانت فيه تورتة كبيرة فيها صورة نواف جنان شكلها...والتورتة الثانية مكتوب عليها كل عام وانت بخير عقبال 100 سنة..

البنات:كل سنة وانت طيب نواف
نواف:تسلمون..وين ريما
ريما:هذا انا
نواف:تعالي عندي
وقفت ريما جنب نواف وهم يقطعون التورتة محمد مانزل عينه على نوف يراقب تحركاتها..راحت تشيل صينية كبيرة كلها عصيرات ماقدرت لها ثقيلة بشكل..

محمد جاء وشالها من عندها
محمد:ثقيلة اعطيني اياها!!
نوف:لا معليش انا اشيلها
محمد:لا انا قلت انا الي اشيلها مارضى على بنت عمي تتعب وانا موجود..
ابتسم لها..نوف ذابت معاه..

ريما راحت وشغلت اغنية غنوا لحبيبي..

غنوا لحبيبي وقدموا له التهاني..
في ذكرى ميلادة عساها مية عام..

افرح حبيبي واطلب اغلى الأماني..
الليلة ياعمري تناديك الأحلام..

الهنوف كانت تأكل عبودي ..تركي جاء وسحب الصحن من يد الهنوف
تركي:ممكن انا أوكل عبودي؟
الهنوف:براحتك
عبودي:ايه ايه انا احب تلكي (انا احب تركي)
تركي:الهنوف شلون رجلك اللحين؟
الهنوف:لا الحمد لله..ماشاء الله عليك شكلك بتصير دكتور شاطر
تركي:ههههه يسلموو شهادة اعتز بها..

فيصل وعبد الرحمن كانوا ياكلون ويعلقون على نواف الي اخذ ريما وطلعوا برى..
ريما اعطت نواف الهدية
نواف:وبعد هدية؟
ريما:تستاهل اكثر يابعد عمري...
نواف:عساني مانحرم منك..هديتي انك معاي..هذي اكبر هدية لي يالغلا
ريما:ولا منك..يالله افتحها..
نواف فتحها وشاف الساعة..اعجبتة
نواف:ياسلام والله ان ذوقك راقي..ممكن طلب؟
ريما:انت تآمر
نواف:تسلمين ممكن تلبسيني اياها..؟
ريما:من عيوني..
ريما لبست نواف الي ماشال عيونه من عليها..يوم خلصت باسها من على خدها....
ريما انحرجت ودها لو الارض تنشق وتبلعها..مها شافتهم

مها:عيب عليك يانواف انت ماتثتحي تبوثها(عيب عليك يانواف انت ماتستحي تبوسها)
نواف:كيفي؟وانت ماتجين الا بالأوقات الزينه!!
ريما:ههههههههه
نواف:ايه اكيد اعجبك كلامها..!!ااكيد راح توقفين معها
ريما:لا وش دعوى..قوم خيلنا ندخل لهم..
نواف:تونى
ريما:لا فشلة احنا العازمين ونطلع ونتركهم؟
نواف:يالله علشانك..

دخلوا عندهم الكل كان مبسوط ويضحك والي يسولف والي ياكل والي يلعب في البالونات..يعني انواع الوناسة....

آخر لليلة لهم في المزرعة..لان بكرى السبت وراح يرجعون للرياض..!!

البنات سهروا للفجر..ويوم صارت الساعة 4 العصر الكل مشى لبيته!!

05-31-2010, 04:54 PM

انا : قمرهم كلهم

اضفني كصديق

الجزء الخامس والعشرون

الفصل الثاني
: : :

محمد راح لأبوة في الشركة ودخل عليه..!!
ابو نواف:ياحي الله محمد تو ما نورت الشركة
محمد:منورة فيك يابو نواف..يبه انا جاي وحبيت اقولك ان خلاص موعد سفرتي نهاية الأسبوع هذا..
ابو نواف:طيب انا رتبت لك كل شيء من سكن وغيرة وصيت عليك واحد من اصدقائي عايش في كندا وانت كل يومين اتصل وطمنا عليك.. وكل شهر راح ارسل لك مبلغ تدبر فيه نفسك..وركز على دراستك وانا ابوك..!!
محمد:الله يكثر خيرك يبه..وآسف اذا سببت لك تعب
ابو نواف:لاتقول هالكلام يامحمد كل الشركات والمشاريع والمباني الي انت تشوفها راح تكون لك ولأخوك..
محمد:بعد عمر طويل..يبه الصراحة انا جاي وابي اكلمك في موضوع..
ابو نواف:تفضل تكلم انا اسمعك..
محمد:يبه انا راح اسافر وراح اطول بسفرتي يعني مو سنة ولا سنتين راح اتغرب عنكم مدة طويلة..وراح احتاج لأحد يراعيني يحرص علي يونسني بغربتي..وانا اللحين رجال وقادر على كل شيء بعون الله..
ابو نواف:وضح اكثر مافهمت المقصود..
محمد:بختصار ابي اتزوج
ابو نواف:تتزوج؟
محمد:ايه اتزوج وش فيها؟
ابو نواف:بس انت بعدك صغير..!!والبنت بتسافر معك 8 سنين صعبة انها بتوافق؟
محمد:يبه انا صغير في نظرك انت تشوفني انا ونواف مهما كبرنا صغار..انا كبرت وفهمت وصرت عارف كل شيءوعارف مصلحتي وراح اسافر 8 سنين برى يعني راح تعلمني الغربة الكثير والكثير تكفى لاتحطم آمالي..
ابو نواف:لا ماراح احطم آمالك..انت في بالك وحدة معينة؟
محمد:بنت عمي طلال.."نوف"...اتمنى من كل قلبي تكون زوجة لي...وانت يايبة كنت تتمنى ان عيالك لبناتك..هذا نواف اخذ بنت عمي وانا اللحين حاب اخذ بنت عمي..ونوف اللحين في الثانوية العامة يعني بعمر ريما يوم تزوجت نواف مافيه خوف عليها وتربية عمي طلال..والبنت حابة تكمل تعليمها وتسافر برى دايماً عمي طلال يقول ان نوف تتمنى تسافر برى علشان تدرس..يعني انا لما اتزوجها راح اراعيها وتراعيني وراح نكمل تعليمنا برى..ومافيه خوف علي ان شاء الله ولا خوف عليها.. وش قلت يبه؟
ابو نواف:والله يامحمد انت فاجئتني بالموضوع ومدري كيف راح ارد عليك ..طيب قلت لأمي؟
محمد:لا انا حبيت افاتحك قبل..وامي اتركها علي..
ابو نواف:شوف ياولدي انا راح افكر بكلامك وارد لك بعدين..
محمد:خلاص..بس قبل لا أسافر ابي الرد..توصي شيء انا بروح
ابو نواف:لا سلامتك..

ابو نواف كان يفكر بعمق(يالله كبر محمد وصار يفكر صح !!يبي يتزوج يارب تطول بعمري واشوف عياله..انا فرحت ان عيالي راح ياخذون بنات عمامهم..محمد ولدي من كان صغير وهو عقله سابق عمره كبير في عقلة واخلاقة..هذا نواف وفرحنا فيه وتحقق حلمي اني اشوفه هو وريما في بيت واحد..واللحين دور محمد..وماراح نلاقي مثل بنت طلال ويكفي ان الولد يبيها..!!لازم افاتح نواف بالموضوع واشوف وش رآيه...!!)

اتصل ابو نواف على نواف الي كان في شغلة..وطلب منه يجي لشركتة اللحين..نواف على طول جاء لأبوة ودخل عليه..وقاله ابوه عن موضوع محمد..!!نواف كان متفاجئ في محمد وقرارة ماكان يتوقع بالسرعة هذي راح يتزوج..

ابو نواف:انا مادعيتك ياولدي وخليتك تترك شغلك الا ان الموضوع محيرني انا موافق على الفكرة بس لسى محمد ونوف صغار..وش رآيك انت؟
نواف:والله يايبه مادام محمد يبي الزواج ويبي نوف بالتحديد لاتحرمونه منها..لانه راح يتعذب كذا وترى هو صادق في كل كلمة قالها الغربة صعبة وتتعب الواحد انا يوم كنت في امريكا حسيت بلوعة فراقكم ماكان احد عندي يبسطني يهتم فيني اذا مرضت يحرص علي اذا ذاكرت بالامتحانات يراعيني..
ابو نواف:ايه انا معاك في كل كلمة قلتها..بس هم صغار وراح يتحملون مسؤولية كبيرة الزواج مو لعبة..وانا خايف طيشهم وصغر سنهم يضيعهم يعني مايقدرون يتحملون السؤون الزوجية هذي!!
نواف:يبة محمد ماشاء الله عليه رجال بمعنى الكلمة كلنا عارفين ان محمد عند كلمتة يعني عارف تصرفاته ويعرف وش يبي ويفكر زين قبل لايقدم على خطوة ويدرسها بتمعن..والغربة يايبة راح تخليهم يتفاهمون مع بعض اكثر وراح يحسون ان كل واحد ماله غنى عن الثاني راح تقربهم من بعض وراح تفهمهم وتوعيهم..
ابو نواف:كلامك منطقي بس وش رآيك في بنت عمك؟
نواف:شوف انا ماعرف عنها اي شيء بس راح اسئل ريما عنها
ابو نواف:انت قول لريما عن الموضوع وش رآيها في نوف وانا ابي اقول لأمك..!!
نواف:خلاص اجل..يالله ان اسئذن تأخرت على الشغل
ابو نواف:حياك الله...

: : :

نواف قال لريما عن الموضوع...!!
نواف:هاه وش رايك بنوف؟
ريما:والله نوف اختي الصغيرة..ماشاء الله بنت عاقلة وثقيلة ورزينة وربي انها بعض الاحيان تعقلنا انا والهنوف وندى احنا الي اكبر منها..ويكفي بس انه يحبها وهي تحبة واذا سافروا راح يتعلقون بعض اكثر
نواف:والله هذا كلامي..بس ماكأنهم صغار.؟
ريما:لا والله مهم بصغار محمد رجال ماشاء الله عليه يعني من يوم كنا صغار واحنا نعتبرة العاقل هو صحيح خفيف دم بس يعني مو رجة يكفي انهم راح يرحون للدراسة..بس وش توقع خالتي راح توافق.؟
نواف:هذا الي خايف منه..هي تحب محمد وآخر العنقود يعني ماتوقع تزوجة وهو صغير!!
ريما:الله يستر والله ان نوف بنت ماتتفوت
نواف:والله انتي الي ماتتوفتين!!والحمد لله والشكر انك من نصيبي!!

: : :
ابو نواف:وش قلتي يام نواف؟
ام نواف:هههههههه محمد يبي يتزوج؟
ابو نواف:لي ساعة اتكلم معاك وبالاخير تسئلين؟
ام نواف:مادري احس انه شايل فكرة الزواج من راسة..والله وطلع ولدي عاشق ومغرم
ابو نواف:أي شكلة يحب بنت عمة
ام نواف:خووش وطيب ليش ماقالي؟
ابو نواف:هو كان يبي يقولك بس انا فاتحتك بالموضوع قبلة
ام نواف:انا ابيه هو خلاص راح أتكلم معاه..

اتصلت على محمد وقالت له يجي في للبيت جلسوا بالصالة..محمد على اعصابة خايف من ردة فعل أمة
ام نواف:ماشاء الله ولدي يبي يتزوج
محمد:هاه!!
ام نواف:وش فيك مرتبك؟
محمد:لامانيب مرتبك..يمة وش رايك؟
ام نواف:اصلاً انا يوم السعد لما اشوفك انت واخوك كل واحد مع مرته وعيالة
محمد:يعني موافقة؟
ام نواف:ايه ماعندي مانع..وبعدين انا فرحانة علشان ماتجلس بروحك يعني تلاقي الي يراعيك ويداريك
محمد راح وباس راسه امه:ياحبي لك يايمة..عسى الله مايحرمني منكم
محمد:متى نخطب؟
ابو نواف:هههههههه وش فيك مستعجل؟
محمد:ابي اسافر وانا مرتاح ابي ارتب كل شيء!!
ابو نواف:خلاص اجل بكرى ان شاء الله..
محمد:تسلم يابو نواف

نواف وريما جوا للصالة..
ام نواف:باركتوا لمحمد يبي يخطب..
نواف:لا لا الف مبروك يابو سعود
محمد:الله يبارك فيك
ريما:مبروك محمد
محمد:الله يبارك فيك..
نواف:ومتى ناوين تروحون؟
ابو نواف:اخوك مستعجل يبي بكرى علشان نهاية الاسبوع راح يسافر كندا
ام نواف:ياربي لاتجيبون طاري السفر!!
ريما:ياخالتي هذا حال الدنيا تودعين من تحبين وتلتقين فيهم ان شاء الله ونفرح فيه وفي شهادته
محمد:بس انتم ادعوا لي..
الجميع:الله يوفقك...!!

05-31-2010, 04:55 PM

انا : قمرهم كلهم

اضفني كصديق

راح ابو نواف ونواف ومحمد وابو ريما لبيت العم طلال يخطبون نوف لمحمد..!!
العم طلال كان مصدوم وحس انهم صغار على الزواج بس ابو نواف وابو ريما وقفوا مع محمد..!!
العم طلال:الرآي رآي نوف..!!والله انا سعيد ان بنتي راح تروح لولدي
ابو نواف:ايه حقك وخل البنت تفكر عدل..
ابو ريما:ومحمد رجل بمعنى الكلمة.!!
نواف:الله يكتب الي فيه الخير..
عبد الرحمن:والله انا المصدوم مو قادر استوعب محمد يبي يتزوج ومين اختي؟
نواف:ههههههه ليش وش فيك علشان ماتستوعب
عبد الرحمن:والله مدري مو قادرة الفكرة تدخل براسي
محمد:لازم تدخل ياولد عمي
العم طلال:خلاص بعد بكرى راح نرد لكم..
ابو نواف:على خير يالله احنا نستئذن
العم طلال:وين تونى ماتعشيتوا؟
ابو ريما:والله انا معزوم عند الجيران
ابو نواف:المرة الجاية ان شاء الله الجايات اكثر
العم طلال:وانت نواف؟
نواف:لا انا مرتي بالبيت تنطرني
العم طلال:ههههههه والله ان ريما لعبة فيك لعب
نواف:يحق لها بنت عمي
ابو ريما:الله يوفقكم..!!
نواف:آمين ياعمي..

ام نواف كانت بالحديقة تنطرهم هي وريما..!!
ام نواف:توقعين وش صار؟
ريما:ماصاير الا كل خير..نوف ماراح تلاقي مثل محمد ولد عمها راح يحفظها ويصونها
ام نواف:الله يسمع منك يابنتي
ريما:هذولا هم جو..
ابو نواف ومحمد ونواف لكهم جلسوا بالحديقة ويتكلمون عن الي صار في بيت ابو عبد الرحمن..وجلسوا تقريباً ساعتين

نواف:يالله انا وريما نستئذن نبي نطلع شوي
ابو نواف:براحتكم..
راحت ريما لبست عبايتها ونزلت تحت لعند نواف الي راكب في السيارة ينتظرها..!!

ريما:حبيبي وين بنروح؟
نواف:ما عليك راح اوديك لمكان اتمنى يعجبك!!
ريما:يعني ماراح تقول؟
نواف:ايه ماراح اقول
ريما:طيب زعلت عليك
نواف:مايهون علي زعل الغالية..
ريما:ايه واضح
نواف:هههههههه حبيبتي سربرايز والله
ريما:نصبر ونشوف

وصلوا لعند بيت يبنى يعني لحد اللحين مو مكتمل كان كبير ورايقة الوانه وشكلة وتصميمة
نواف:انزلي
ريما:وين؟
نواف:للبيت..
ريما: اكيد احد البيوت الي صممتها صح!!
نواف:ياعيني عليك ذكية مرتي..بس انزلي
ريما:شلون انزل شوف البيت الإضاءة شغالة اكيد اهله فيه
نواف:اهله جالسين بالسيارة مايبون ينزلون
ريما:ليش مايبون......وش تقول؟
نواف:ياطويلة العمر هذا بيتنا..
ريما:لا اكيد تمزح..من متى؟وكيف؟
نواف:من اول ماخطبتك هذي ارض حقتي وابوي ساعدني في البناء وانا صممت الديزاين حقه..بس بقى الاثاث واكيد كل وحدة تحب تختار اثاث مملكتها لحالها..!!
ريما:يابعد قلبي يانواف..كل هذا مسوية وانا مدري..عساني مانحرم منك ولامن حنانك علي..!!
نواف:شكلنا مطولين بالسيارة
ريما:هههههه يالله ورينا جوا البيت

نواف راح وفتح باب السيارة لريما
نواف:تفضلي يالغلا..

نواف:ادخلي برجلك اليمين..
ريما:تآمر آمر
نواف:تسلمين...
البيت كان حلو بشكل...كبير وفيه حديقة حلوة شكلها مرتبة والوان البيت كانت جنان والرخام مغطي على معظم التصميم ..والون الذهبي على البرونزي معطي للبيت منظر الفخامة كان التصميم يرجع للعصر الروماني ..!!

ريما:يااااي نواف ماتوقعته كذا..عندك ذوق مسكت!!
نواف:اكيد عندي ذوق دامك جنبي..ومعاي..
ريما:فديتك دايماً تاكلني بكلامك..
نواف:هههههه..تعالي شوفي المطبخ..
ريما:ياسلام عليك والله انك احلى وارقى مهندس بالدنيا كلها
نواف:اثمن شهادة حصلت عليها من اثمن جوهرة امتلكها
ريما استحت..!!
نواف:حبيبتي تعالي شوفي الغرفة هذي اعطيني رآيك فيها..
ريما:تهبل بس حقت ايش؟
نواف:حق النونو الي راح يجي ان شاء الله
ريما ارتبكت:ايه ان شاء الله
نواف:يالله انا ولهان على البزارين
ريما:لا تستعجل تونى بأول الطريق
نواف:انا الي يقولي أنك حامل له البشارة!!
ريما:اجل محد راح يبشرك غيري ههههههه
نواف:هههههههه
ريما:بالله ابي اشوف غرفة النوم
نواف:يالله يالغلا

ريما اعجبها التصميم كان غريب وناعم وفخم بنفس الوقت...تخبلت على الوان غرفة النوم كانت لونها عنابي ونحاسي..!!

: : :

بعد مرور أسبوع...
نوف وافقت على محمدلكن ابوها اشترط انه مايصير أي شيء رسمي مجرد خطبة والملكة والزواج بعد الثانوية العامة..محمد انبسط كثير وده لو يطير من الفرحة..!! وافق على الشرط بدون أي تردد..!!

: : :

ريما:نواف وش رآيك بكرى نعزم اهلنا عمامي في بيت ابوك..وتكون العزيمة منا احنا..يعني وداعية لمحمد مو بكرى راح يسافر؟
نواف:والله فكرة..ماخطرت في بالي..!!
ريما:بس اسمع مابي خالتي ولا عمي يتعبون انفسهم معانا يعني العزيمة احنا الي راح نقوم فيها!!
نواف:فديت قلبك ماتبين تعبين امي وابوي معاك..بس الشغل كله يصير عليك وانا ماستحمل اشوفك تتعبين..؟
ريما:لا ياقلبي الخدامات راح يساعدوني..!!وش قلت..؟
نواف:اوكي على بركة الله..بكرى بكرى..!!

: : :
تركي:ياحليلة عبودي الصغير شيطاني
ندى:هههههه ايه وش حليله
تركي:وش اسم امه..
ندى:نورة
تركي:تصير عمت ريما؟
ندى:وش رآيك..!!
تركي:ايه بس زيادة تأكيد
ندى: عساك انبسطت؟
تركي:أي والله الشباب فلّه
ندى:ومين اكثر واحد ارتحت له؟
تركي:الكل والله طيبين ومحترمين..بس اكثر شيء فيصل
ندى: فيصل ولد نورة؟
تركي:ايه
ندى:ههههه هذا الي مخوف الهنوف..خارشها (مخوفها)
تركي:ندى..الهنوف وش دخلت قسم في الجامعة؟
ندى:اها سئلتني عن الهنوف انا اقول وش فيه الولد يلف ويدور كان جايبها من الآخر
تركي:سخيفة..انا قايم
ندى:لحظة لحظة يالحبيب استنى وش فيك زعلت امززززح ياولد هياء
تركي:ياكره مزحك ثقيل ماينبلع
ندى:مقبولة منك يادكتور
تركي:الا على طاري الدكتور ..ماجد اليوم لصق فيني ياكرهه ثقيل مثل بعض الناس..يعني الطيور على اشكالها تقع <يحب يرفع ضغطها
ندى قمزت من مكانها وجت عندة:احلف..وش قالك؟وش تكلمتوا فيه؟قال شيء عني؟
تركي:ههههههههههههههههه
ندى:يالله تكلم
تركي:انا كل يوم اجلس معاه..
ندى:طيب ايش تكلمتوا فيه؟!!
تركي:بكل شيء
ندى:تكفى لاتقهرني حدد أي موضوع
تركي:وحدة×وحدة
ندى:يالله عاد والله لو اترجاك الجنة
تركي:يسلم عليك!!
ندى:الله يسلمك ويسلمة...
الجدة هياء جت عندهم..
الجدة هياء:وش في صوتك واصل لآخر الدنياء
تركي:هههههههههههه
ندى:لا ابد سلامتك..يمة وش رآيك بشيخة
الجدة هياء:أي شيخة؟ اخت ماجد؟
ندى:عليك نور!!ماتصلح حق تركي؟
تركي عصب من كلامها
الجدة هياء:والله مافكرت فيها..وش حليلها..!!
تركي:سخافة..!!انا ماقلت ابي أتزوج ولاشيء..وبعدين مهوب انتي الي تختارين لي امي الي تختار لي ..يالله انا طالع
الجدة هياء:وقف تركي..وش فيك عصبت..توك وش حليلك تضحك وتسولف..!!
ندى:خليه يروح!!
ندى(وآخيراً عرفت ياتركي انك حاط الهنوف في بالك..بس طيب ان ماخليتك تجي لعندي وتقولي ياندى احبها واخطبوها لي ماكون انا ندى ال0000..!!)

: : :

الهنوف:هلا ريمو
ريما:هلا بك
الهنوف:شخبارك؟
ريما:تمام انتم شخباركم..عمتي وعبودي شلونهم؟
الهنوف:كلهم بخير..لحظة آآآآآي وجع يادب
ريما:هههههه شوي شوي اذني راح تنفجر من صراخك
الهنوف:وش اسوي هالحمار عبودي يجر شعري!!
ريما:ههههههه يالبى قلبه..
الهنوف:محد خربه علينا غيرك انتي وزوجك الي مدلعينهم
ريما:يستاهل
الهنوف:مدري اذا جبتوا بزارين وش راح يصيرون شكلهم دلوعين
ريما:ههههه اكيد عيالي وعيال نواف وبعدين كلنا نحب الاطفال
الهنوف:المفروض تكتبون عليهم "ممنوع اللمس والاقتراب"
ريما:هههههههه لا عاد وش دعوى؟؟
الهنوف:اقول ياحليلها نوف مانيب مصدقة انها بتتزوج والله خطيرة العيال كبرت!!
ريما:ههههههه انتي منجنه شكلك
الهنوف:بعذري لو انجن اجل وحدة كبري تتزوج والي اصغر مني مخطوبة..وانا جالسة لاشغل ولا مشغلة
ريما:اهاااااا قولي كذا من أول..لا تخافين ولد الحلال راح يجيك
الهنوف:متى ياحسرة..ابيه يجي بسيكلة ابو كفرتين ويخطفني من باب اهلي
ريما:ههههههههههه يالمرجوجة اخبر فارس الاحلام يخطف البنات على فرس مو سيكل.؟
الهنوف:كيفي والله فارس احلامي مو احلامك..
ريما:اساساً فيه ناس حاطين عينهم عليك<تقصد خالها تركي
الهنوف:منهم؟
ريما: "آي كانوت" مقدر اقولك
الهنوف:تكفين ريموش
ريما:ريموش بعد هذي احلمي ماراح اقولك..اسمعي تعالي بكرى بدري نبي ننبسط
الهنوف:اوكي باي
ريما:باي: : :

05-31-2010, 04:56 PM

انا : قمرهم كلهم

اضفني كصديق

نوف كانت جالسة على الكنبة في غرفتها...!!تفكر في بكرى..
نوف(يالله يعني هذي وداعية لمحمد..وش اسوي انا بكرى اكيد الانظار راح توجه لي!! ..ماراح اروح للعزيمة بكرى..والي يصير يصير..!!)

وداعيه يا آخر ليلة تجمعنا وداعية
وداعيه اعز الناس يودعنا
ليلة ويا عساك تعود..ليلة..
عسى الله يصبر الموعود..
أنا بعدك عمر مفقود
دنيا بلا معنى..بلا معنى..

لحظة يا بقايا الليل..لحظة
لحظة ما بقى بالحيل لحظة!!
بالهدا يا ليل ..ما بقى بالحيل لحظة..
حسيت اني بنحرم شوفي..
ما أقدر أوادع قطعة من جوفي..

قال الوداع قال..
لحظة وداع قال
وهلت الدمعة
وسال الكحل فوق السواطر
كل دمعة من عيونك اشتريها بألف خاطر
انت غربة..وانا بدروبك محطة..
آه ياحظي ما وصل يمي وخطى
قال الوداع قال
نوف قررت تلعب دور المريضة..علشان يعذرونها من الروحة لبيت عمها سعود..!!مالقت حل غير هذا يفكها ..!!
ام نوف:يالله نوف قومي انزلي ابوك واخوك ينتظرونا برى..
نوف:يمة ما أقدر اروح معاكم..
ام نوف:ليش وش فيك؟
نوف:مادري احس بعوار في بطني..
ام نوف:من متى العوار؟
نوف:امس بالليل شكل الي فيني برد لاني اخذت شاور امس وعلى طول نمت!!
ام نوف:دايماُ اقولك اقصري التكييف..طيب فشلة وش نقول لعمامك..؟وبعدين ريما هي الي عازمة!!
نوف:وش فشلتة البنت مريضة خلاص وخلصنا!!
ام نوف:بس الليلة ولد عمك محمد راح يسافر يعني لازم كلنا نودعة!! وخصوصاً انتي!!
نوف (آه يمة لو تدرين ان هذا السبب الي ماخلاني اروح..!!
ام نوف:خلاص اجل اللحين بروح اجيب لك حبوب يخفف العوار..اشربي شاي او أي شيء دافئ ونامي وانت متغطية زين.. واقصري التكييف للمرة المليون اقولك!!
نوف:ابشري يمة..يالله روحي تأخرتي..
ام نوف:يالله خلي بالك على نفسك..مع السلامة
نوف:الله يسلمك..

: : :

في العزيمة الكل كان موجود ماعدا نوف...وجت اخت ام نواف..خالت نواف ومحمد فوزية (ام سعد) الكل صدق ان نوف مريضة ماعدا ريما حست ان فيه شيء!!
العمة نورة:ياربي شفتوا الاسهم كيف انهارات هذا الاسبوع..؟
ام سعد:انهيار يخوف..ماشفت ولا شركة ربحانة..
ام نواف:أي والله ..مع ان الكل متوقع ان المؤشر يرتفع بنهاية الأسبوع..
ام عبد الرحمن: الحمد لله الي مادخلت فيها..مع ان كل زميلاتي داخلين
العمة نورة:ماشاء الله عليك اجل انا كل فلوسي في السوق!!
ام ريما:اريح لك..احنا الي ابتلشنا فيها بس عيوننا على المؤشر متى يرتفع علشان نبيع!!
ام سعد:ماوراها غير الهم والغم..ارتفع خسر طاح السوق..
ريما:جتني توصية في الأيميل على شركة يقولون انها راح ترتفع وتعوض الخسارة
الهنوف:لا حبيبتي غلطانة التوصية في الشركة الي راح تنزل هي الي يقولون انها راح تضرب نسبة في ارتفاعتها..
ريما:ماعلينا من الأسهم الله يرفعها وتضرب نسب وتعوض خسارتنا..يالله تفضلوا على العشاء..
ام نواف:يامال العافية ياريومة حلفت علي مادخل المطبخ اليوم وكل الي تشوفونه تصليحها..ياما كنت اتمنى بنت والله عوضني فيها
ام ريما:تسلمين والله يا أم نواف..وريما بنتك..وانا بعد والله ماعتبر نواف غير ولد لي..!!الله يخليهم..

: : :
عبد الرحمن:متى طيارتك محمد؟
محمد:الساعة 2 بالليل
عبد الرحمن:تروح وترجع بالسلامة
محمد:الله يسلمك..بس وش فيك متضايق..
عبد الرحمن:راح افقدك يامحمد بالحيل
محمد:ماتفقد غالي..كل ماتبيني افتح جوالك ولا اللاب توب وتقدر تكلمني في أي لحظة..
عبد الرحمن:راح ازعجك..؟
محمد:تمون ياولد عمي..
فيصل:وش ذا الطبخ على مرتك روعة..اكلات شرقية وغربية كله تعرف لها
نواف:ايه ماشفت شيء..هذا مرتي اكيد بتطلع فنانة
فيصل:يالقهر ياليت لو خالي فهد عنده بنت ثانية كان اخطبها
نواف:الحمد لله الي ماله غير ريما..خوش كان تصير عديلي بعد..
فيصل:ياسلام احمد ربك اني راح اصير عديلك..
محمد:هههههههه ياهو انت وياه اصحوا خالي فهد ماله غير ريما..جالسين تتهاوشون على الفاضي..!!
عبد الرحمن:ههههههههه الطول طول نخلة والعقل عقل...
فيصل:اقول اسكت لا اقوم وادوس في بطنك
نواف:حيلك به يافيصل برد قلبي
محمد:والله انك قاهرهم ياعبيد
عبد الرحمن:ايه انا عبد الرحمن الطلال مو أي شخص ثاني..
نواف:تكفى يا بيت هوفن
فيصل:ولا نيوتن الأخ واحنا ماندري
محمد:ههههههههههههه
عبد الرحمن:والله حالة انا اعطي هالأشكال وجهه
فيصل:نشوف اذا سافر محمد وش بتسوي؟ومع مين راح تروح؟
عبد الرحمن:آه مسكتوني مع الأيد الي توجعني!!
محمد:آمانة عليكم ماتضايقون عبد الرحمن..
فيصل:هههههههه عبد الرحمن اخو نوف صح!!
محمد:ياحبك للفلسفة هههههههههه
عبد الرحمن:ياحبي لك ياحمّود انت الوحيد الي تقدرني..
فيصل:هههههههههههه امحق تقدير..
نواف:يالله محمد قوم علشان تسلم على عمامي مابقى شيء على موعد الاقلاع..
محمد:الله يصبرني ..يالله يبة اشوفك على خير
ابو نواف:ياولدي انتبه لنفسك وشد حيلك بدراستك..انت مو رايح علشان تنبسط انت رايح علشان دارستك..واتصل علينا كل شوي طمنا عنك..واحنا بنتظارك كل عطلة..وتروح وترجع بالسلامة
محمد باس راسه:الله يسلمك يالغالي
ابو ريما:ماوصيك وانا عمك اذا احتجت أي شيء لايردك الا لسانك كم محمد عندنا؟
محمد:مشكور وماتقصر ياعمي
العم طلال:شد حيلك في المذاكرة..وكلنا بنتظارك علشان نفرح فيك وانا عمك
محمد:تسلم يالغالي..يالله انا بروح اسلم على أمي..اشوفكم على خير مع السلامة
عبد الرحمن ضم محمد بقوة..:ماراح تغيب عن بالنا ولا لحظة..انتبه لنفسك
محمد حضن عبد الرحمن:ولا انا ابشر ياولد عمي..انتبه لنفسك ..(همس في أذنة)دير بالك على نوف!!
عبد الرحمن ابتسم له..وفي عيونة دموع
فيصل:مع السلامة يابو سعود..اذا رحت مع مين راح اتهاوش؟
محمد:هههههه هذا الي هامك..تسلم يافيصل..اشوفك على خير..مع السلامة
الجميع:مع السلامة

05-31-2010, 04:57 PM

انا : قمرهم كلهم

اضفني كصديق

نواف اتصل على ريما علشان تقول للحريم ان محمد راح يسلم عليهم وراح يطلع للمطار لأن الساعة صارت وحدة ولازم يكون في المطار..
دخل محمد وسلم على عمتة نورة ..وعلى أم ريما..وعلى أم عبد الرحمن..وعلى خالته أم سعد

ام نواف جلست تبكي: تروح وترجع لنا بالسلامة
محمد:تكفين يام نواف لاتبكين..مابي اشوف دموعك والله غالية
العمة نورة:لاتصايقن الولد يا أم نواف
أم نواف:والله غصبن علي..اسمع كل شوي اتصل فينا ولاتقفل جوالك..وارسل لنواف ارقام اصدقائك علشان نتطمن عليك..ودير بالك على روحك..
محمد:الي تآمرين فيه يالغالية..
ام نواف:واذا احتجت أي شيء اتصل علينا لاتسحتي اعرفك انت ماتقول شيء.!!
محمد يأشر على عيونه: من عيوني..
ام نواف:كل يوم اتصل علينا تكفى ترى بجلس انتظرك كل يوم على هالكنبة جنب التليفون
محمد:ان شاء الله
العمة نور:خلي الولد يروح
محمد:يالله اشوف وجهك بخير..باس راس امه..ام نواف ضمتة لصدرها وهي تبكي..كان منظرها حزين للغاية وهي تودع ولدها الغالي..
ام نواف:حافظك ربي..ودعتك الله الذي لاتضيع ودائعة!!

الهنوف:تروح وترجع بالسلامة محمد..
محمد:الله يسلمك يالهنوف..
عبودي:ذيب لنا هدية (جيب لنا هدية)
مها:انا ابي علوسة(انا ابي عروسة)
محمد:هههههههه ابشروا..يالله خلوني ابوسكم علشان ابي اسافر..

طلع محمد في الصالة وريما الي نزلت دموعها تأثرت بموقف خالتها لما سلمت على محمد..وطلعت برى المجلس

محمد:ريما يعني شلون ما راح تسلمين علي؟
ريما:لا وش دعوى..تروح وترجع بالسلامة وراح نفقدك والله..
محمد:ماتفقدين غالي..ما أوصيك ياريما على أمي وأبوي ونواف
ريما:لا تخاف يامحمد بعيوني والله..روح وانت مرتاح
محمد:والله وكفو واثق فيك انا..ريما ماشفت نوف وينها؟
ريما:تعبانة ماجت..
محمد:ليش وش فيها؟
ريما:لاتخترع عليها مافيها الا العافية بس هي مو تعبانة...
محمد فهم:آهاااااا..ممكن تتصلين عليها اللحين
ريما:طيب..

ريما:الوو شخبارك نوف؟
نوف:هلا تمام..
ريما:شلونك اللحين؟
نوف:لا احسن من أول
ريما:انا عارفة كل شيء يانوف ..وعارفة ان مافيك شيء
نوف:لا حرام عليك
ريما:انتي الي حرام عليك..
نوف:ايه مافيني شيء بس صعبة علي ياريما اجي الليلة ومحمد راح يسافر خليك بموقفي..لاتلوميني!
ريما:ماراح الومك والله يلوم الي يلومك..نوفه ابي احط سبيكر فيه ناس يبون يسلمون عليك
نوف:هههه عاد الهنوف ليش ماتتصل هي؟
ريما حطت السبيكر..
محمد:انا عتبان عليك يانوف
نوف:محمد؟
محمد:ايه محمد الكل ودعني وانتي أهم وحدة ماودعتيني ولاسلمتي علي
نوف ساكتة..مصدومة ماتدري وش ترد عليه..
محمد:كنت اتمنى لو اشوفك قبل ما آسافر..لو دقايق..
نوف:خلاص لاتعور قلبي الي فيني مكفيني..يكفي انك راح تروح وتتركنا وتبيني اجي واودعك انا اكرة لحظات عمري الوداع وخصوصاً وداع الغالين..محمد تكفى ريحني لاتزعل مني..انا والله يصعب علي وداعك..
محمد:لامسموحة يابنت عمي..وعاذرك بس كان ودي اشوفك..
نوف:تروح وترجع بالسلامة..وطمنا عليك..
محمد:الله يسلمك يالغلا كلة..وما أوصيك شدي حيلك بدراستك علشان تلحقيني بسرعة!!
نوف خجلت من كلامة!!
ريما:احم احم
محمد:يوووة آسفين يامرت نواف..
ريما:هههههه لا معليش..
محمد:يالله انا اترخص مع السلامة..
نوف:مع السلامة..
ريما:يالله نوفة انا مضطرة اسكر..فمان الله
نوف:الله معاك..
: : :
نواف راح مع محمد يوصله للمطار..ونادوا على رحلة محمد..
محمد:يالله يا أبو سعود مع السلامة
نواف حضن محمد:تروح وترجع بالسلامة..
محمد:تكفى يا نواف ما أوصيك في أمي و أبوي
نواف:افا يامحمد أنا موجود..وبخدمتهم..وانت ابيك تشد حيلك وترفع روسنا..واتصل علينا دايماً طمنا عليك..
محمد:هذا العشم فيك يانواف..والله راح افقدك..
نواف:كلنا راح نفقدك وراح نشتاق لبسمة البيت..ولعبك ومقالبك..
محمد نزلت دموع من عينه وهو يضم نواف
نواف:اووف انت بتقلبها مناحة..يالله يامحمد روح والله يحفظك..وبعدين ترى متى ماطفشنا واشتقنا لك راح نجيك لكندا وننشب في حلقك
محمد:هههههه حياكم ربي
نواف:اذا وصلت اتصل علي ترى ماراح انوم الا اذا اتصلت
محمد:ابشر يالغالي..باس راس نواف
محمد:يالله اشوفك على خير..سلم على الأهل
نواف:ان شاء الله يوصل..

05-31-2010, 04:58 PM

انا : قمرهم كلهم

اضفني كصديق

بعد مرور ثلاث شهور...!!
ام سعد:الووو
ام نواف:هلا والله
ام سعد:شخبارك؟ و شلون ابو نواف
ام نواف:والله بخير..
ام سعد:وشلون نواف وزوجتة؟ومحمد بالعلوم؟
ام نواف:الكل بصحة الله يخليك..ومحمد ياحياتي هو مشغول بدراستة قبل شوي كلمني.!!
ام سعد:زين الله يوفقة..اقول ام نواف..بنات خالتي سلوى و تهاني راح يجون عندنا
ام نواف:صدق..متى؟وش عرفك؟
ام سعد:اتصلت علي سلوى وقالت اننا مشتاقين لكم وطفشنا من الكويت نبي نغير جو عندكم..!!
ام نواف:حتى بناتهم وعيالهم راح يجون؟
ام سعد:ايه كلهم..
ام نواف:حياهم الله وهذي الساعة المباركة والله..
ام سعد:ايه بس حبيت اعطيك خبر..وترى بكرى يجون ..
ام نواف:اجل بكرى ان شاء الله عندي الاستقبال
ام سعد:خلاص اقولهم ان شاء الله..تبين شيء مساعدة؟
ام نواف:لا مشكورة عندي بنتي ريما اللحين هي الي تساعدني
ام سعد:ماشاء الله عليها..يالله مع السلامة
ام نواف:الله يسلمك

اخذت تجهز وترتب للعزيمة هي وريما111..الضيوف هم بنات خالت ام نواف..سلوى لها بنت بعمر نواف اسمها "اسيل" كانت تدرس مع نواف في أمريكا وهي تحب نواف بشكل لايوصف..وبنت اصغر منها بالمرحلة المتوسطة اسمها" سجى"..اما اختها تهاني عندها ولد وبنت الولد بالثانوية العامة اسمه "فارس" وبنت بعمر ريما اسمها "سما" وتوم اثنين صغار اعمارهم خمس سنين اسمائهم "حلا" و "يزن".....

ريما جايبة معاها كيك و عصير تصليح يدها تبي تذوقهم نواف..
نواف اول ما رن جواله..طلع..ريما اسغربت من حركة نواف أول مرة يطلع علشان يكلم اكيد السالفة فيها أن..مو من عوايدة وبعدين نواف ما يخبي عني شيء!!بعد نص ساعة رجع نواف وجلس عند ريما...!!
ريما:وش هالمكالمة الغريبة..مين تكلم؟
نواف:واحد من الشباب!!
ريما:وش فيك نواف؟
نواف:هاه مافيني شيء!!
ريما:الا فيك..
نواف عصب منها:انتي الي وش فيك؟ اليوم فاتحة معاي تحقيق؟يالله انا رايح انوم
ريما:نواف وقف..انا ماقلت شيء انت معصب من البداية..!!
نواف:لا انتي تعصبين الواحد وش فيك ؟من تكلم؟ وش هالأسئلة؟ يالله تصبحين على خير..

ريما حطت يدها على راسها تفكر في نواف الي من تزوجته ماقد كدر خاطرها ولا لحظة ولا عصب منها!!{نواف موب طبيعي ..السالفة فيها أن لأن نواف مايعصب الا اذا كانت السالفة تخصة..ليش كذا يعاملني بهذا الاسلوب البايخ...ماسويت فيه شيء..بس ماعلية انا مقدرة ظروفة الي ماعرفها..!!}

قامت ريما الصبح ..وكشخت بالجلابية الفخمة كان لونها تركواز كأنها جاكيت وفيه سلاسل وأشياء نازلة منها ورفعت شعرها بربطة حرير لونها تركواز ..!!راحت تصحي نواف بس بكل برود وجفاف..نواف فهم من اسلوب ريما انها زعلانه عليه أول ما صحى بدل ملابسة وراح عندها الي كانت واقفة عند المرآية تتضبط..

نواف:ريما انا آسف على الموقف البايخ الي صار امس
ريما:الصراحة يانواف تفاجأت فيك
نواف:والله ياريما لو تعرفين وش فيني تعذريني..
ريما:وش فيك ياقلبي؟تكلم ريحني وريحك؟
نواف:راح اقولك بس موب اللحين..كل شيء بوقتة حلو
ريما:كيفك..ابتسمت له علشان تبين انها راضية..
إبتسامتها ريحة نواف كثير..!!
ريما:طيب خلينا ننزل نفطر تحت مع عمي!!
نواف:من عيوني ..
ريما:تسلم عيونك..

: : :

ابو نواف: وش صار على بيتكم متى يخلص؟
نواف بكل ارتباك:قريب ان شاء الله
ريما:والله ياعمي نواف ذوق بشكل..الفيلا الصراحة تأخذ العقل
ام نواف:زين والله..اجل لازم نشوفها
ريما:اكيد ياخالتي ماتنور الا بجيتكم..
ام نواف:تسلمين يالغالية
نواف:يالله انا ماشي تبون شيء؟
ريما:سلامتك..
ام نواف:لازم تجي بدري علشان تنوم وتريح وبعدين تجهز نفسك للعزيمة الليلة
نواف:ابشري..
ام نواف:ريما ترى الليلة ان شاء الله عزيمة كبيرة دعيت امك وعمتك ومرت عمك طلال وبناتهم..وأهلي..
ريما:ايه ان شاء الله..

: : :

في الليل..ريما نزلت بدري مع خالتها علشان تستقبل الضيوف

ريما لابسة تنورة لونها أبيض طبقات وفيها تشجير وردي خفيف...و بلوزة على جسمها لونها أبيض وفيها كلفة طويلة من الستان على حدود البلوزة وفيه تطريز بالوردي على الاكمام وكأنها مفتوحة من قدام ولابسه معاه بدي صاير لف على الرقبة وهو حرير..ولابست وانتوا بكرامة صندل لف على الساق لونه وردي وفلت شعرها الحريري وحطت ورده جوري ياعيني على الجوري..وحطت ميك آب وردي خفيف ولبست ساعة لونها أبيض ماركة شانيل فخمة

وصلوا الحريم كلهم..
سلموا على ام نواف قبل وبعدين ريما
سلوى:هذي زوجة نواف؟
ام نواف:ايه هذي ريما بنت فهد
سلوى:ما شاء الله ما شاء الله ..شخبارك وشخبار نواف؟
ريما:بخير الله يسلمك..الحمد لله على السلامة
سلوى: الله يسلمك
تهاني:يامرحبا بمرت نواف ..تراني اعتبر نواف ولدي الثاني يعني انتي اللحين غلاتك من غلات نواف..وش هالزين الله يحفظك
ريما:تسلمين والله..منورينا
تهاني:النور نورك..ما شاء الله عرفتوا تختارون لنواف
ريما كانت مستحية من كلامهم
ام سعد:ايه نواف حلو وريما احلى..الله يوفقهم
اسيل:انتي ريما الي صجونا فيك؟
ريما بكل اندهاش:نعم؟
اسيل:الله ينعم بحالك..شخبار نواف؟
ريما استسخفتها:طيب
اسيل جلست تطالع بريما من فوق لتحت..مما قهر ريما

سما:ماعليك منها..شخبارك ريما؟
ريما:هلا فيك..تمام
سما:انا بنت خالت أسيل وهذي سجى اختها
سجى:اهلين ريما كيف الحال؟ومبروك الزواج لأني ماكنت حاضرة
ريما:هلا فيك ..الله يبارك فيك يالغالية..تفضلوا على المجلس
أسيل:نعرف بيت خالتي مافيه داعي تعلمينا
ريما كانت مصدومة منها
سجى ضربت رجل أسيل
سما:يالله من زمان عن بيتكم ريما..وين المجلس بأي مكان
ريما:تفضلي من هنا
سما:زاد فضلك

جلسوا الحريم مع بعض والبنات في الصالة مع بعض..الهنوف ونوف وأسيل وسما وسجى..وريما كانت مشغولة مرة تجي عندهم ومرة عند الحريم

الهنوف:ريما ورى ماتجلسين عندنا
نوف:هههههه لاتنسين انها متزوجة يعني لازم توجب الناس..
أسيل:بس دوختني كل شوي قايمة وراجعة
سما:وش عليك منها بعدين هي تشتغل مو مثل حضرتك جالسة تسولفين
ريما:أسيل انتي تدرسين با أي جامعة؟
أسيل:انا مع نواف بنفس الجامعة
ريما انقهرت من كلامها الي يرفع الضغط.
سما:وانا اللحين رايحة لأول سنة جامعة تخصص حاسب آلي
ريما:يعني كبري انا توني مخلصة ثانوية عامة
أسيل:انتي صغيرة بالمرةيالله كيف تنسجمين مع نواف ..كأن نواف اكبر منك بكثير؟
نوف:مو بالعمر الانسجام ياما ناس تزوجوا ومابينهم فرق بالعمر وماهم حاسين بالسعادة الزوجية
الهنوف:والكبر موب عيب..اهم شيء انها خذت واحد يموت فيها ويحبها
ريما:فديت قلبة نواف انا وياه متفاهمين ولله الحمد..والوحدة مايهم عمرها يعني عائشة أم المؤمنين رضي الله عنها تزوجت وعمرها 9 سنوات
سجى:صادقة ريما
أسيل:انا بروح للحريم..عن اذنكم

التميز خلال 24 ساعة
العضو الأكثر نشاطاً هذا اليوم	الموضوع النشط هذا اليوم	المشرف المميزلهذا اليوم	المشرفة المميزه
قريبا	بقلم :	قريبا	قريبا

الذين يشاهدون محتوى الموضوع الآن : 27 ( الأعضاء 0 والزوار 27)

أحــلى مأخلق ربي ..) روايةسعوديـة كــاملة تستحق القراءة

للروايات المكتمله