هل تريد التسجيل في منتديات بنوته ؟
إحصائيات المنتدى: المواضيع: , المشاركات: , الأعضاء:
إحصائيات المنتدى: المواضيع: , المشاركات: , الأعضاء:
|
|  |
| التميز خلال 24 ساعة | |||
 العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم |
المشرفة المميزه |
قريبا | بقلم :  | قريبا | قريبا |
| |||||||
| | LinkBack  | أدوات الموضوع | انواع عرض الموضوع |
| |
07-07-2011, 06:16 AM
| #17 (permalink) | |||||||||||||||||||||
|
شخصيه هامہ ~
http://im28.gulfup.com/2012-06-13/1339541276441.gif 
| 
رد: عيون تحمل الغرق للكاتبه ريم الحجر انا :
رونق الاحساس (( الجزء الثامن عشر )) وصلوا المزرعة قبل الظهر ,, خذهم فهد بعد وصول امهم لطيفة بفتره بسيطه ,, اما فيصل ولمياء ظلوا في البيت لحد ما يوصل طلال وسلطانه ... وطلعوا عيال مريم معهم في نفس السيارة ,,, وسيارة ثانية فيها اغراضهم حق المزرعة ,, هيفاء ما تركت شي ما خذته,,,ملابس كثيره عشان ما يستدعي انها توصي حد يجيب لهم وبعض المفارش ,,, وبعض اغراض الاكل مثل البهارات وغيرها ,,, مو جنب سوق فما بغت كل مره يطلبون من المحطات القريبه شي,,,, دخلوا الفيلا وجلسوا الحريم في المجلس ودخلوا الشغالات المطبخ يحضرون القهوة وشي خفيف للعصر ,,, وطلعت هيفاء مع العيال فوق غرفة فهد عطت الشغالات شنطته هالمره صغيره شكله ما يبي يقعد عندهم ,,,(( احسن يفكني منه ))) هيفاءهالمره شايله في قلبها,, ماحست انها تبي تشوفه او تقعد معه,, مالها خلق له بالمره ,,,, ثم حطت مروان في غرفة ,, وأخر شي دخلوا شنطها هي والبنات مع بعض ,,, تكلمت مع البنات انهم بينامون معاها لين تجي امهم ضي ورهف طايرين من الفرح انهم بيكونون معها على طول ,,, دخلت الغرفه ورتبت ملابسهم اول في الدولاب وعطتهم فوط عشان كل وحده تأخذ شاور بعدين تنتظرها لحد ما تشوف وش بيسوون ,,, خلصت ترتيابتها بعد ساعه ,,, وجهزت ملابسها لبست قميص فضفاض لحد نص الفخذ وبعدين لبست تحته بنطلون سكيني ومعاه صندل باليرينا مريح ,,, رتبت شعرها وربطت عليه باندانا وطلعت بس غرتها ,,, نزلت هي والبنات تحت عند الحريم وهي تتمنى ما تشوف فهد بالمره ,, دايم اذا تجهزت تحسب حساب انه بيشوفها وحبت تترك عنده اثر في شوفتها ,,, بس هالمره مو مستغربه من شعورها ابد تجاهه لأنها تشوف انه ما انصفها ابد ,,, كانوا الحريم يسولفون عن بعض السوالف القديمه اللي مرت بهم وش كانوا يسوون ,,, وانظمت لهم لعلها تستفيد من خبرتهم ,,, رهف وضي طلعوا يشوفون الخيول كان فهد عندها قالوا لهيفاء تجي معهم بس هي رفضت هيفاء : انا بقعد هنا عند جدتي وأمي يمكن يحتاجون شي ,, تبي تصرفهم ,,, ام طلال : والله اني مبسوطه بخوتك يا لطيفه ,,, لازم تقعدين معنا دوووم وش تبين في ذاك بالحالك ,, لطيفه : وانا بعد يا قلبي ودي اشوفكم بس ديرتي ومكاني تعودت عليه,,, هيفاء وهي ساكته ما تبي امها ترضخ لجدتها لأنها عطت فهد رأيها انها اذا خلصت الجده العده بتروح لأمها في الديرة ,, وما تبي تغير رأيها ,,, فهد حاول انه ما يدخل البيت اول حاجه يبي امهم تأخذ راحتها ,,, وثاني شي عارف وحاس بهيفاء انها تتحاشاه ,,, خلاص فليش يقعد عندهم ,,, كذا زين ,, جاته رهف وضي وانبسط عليهم اللي سالوه اسئله ما تخطر على باله ,,, كأسئلة الأطفال عاده ,, وش اسم الفرس ذي ,, هيفاء عندها فرس والا لا ,, وش تاكل الخيل ,,, متى اول مره شفت خيل ,,, وقعد معهم ساعه وهو يدور بهم في الاصطبل ويوريهم كل شي ويعطيهم نبذه عنها ,,, لمياء وفيصل كملوا يومهم في القصر ومو حابين يطلعون مكان ,, طول اليوم في البيت وبعد الساعه 9 يجون الشباب عند فيصل في المجلس وسهر لمنتصف الليل ,,, كانت لمياء تقضيها في القراءة والا تشوف برنامج زين علىالتلفزيون ,,, تحس بملل بس اهم شي سعادة فيصل ,, كلما وسوس لها الشيطان تتذكر هاذيك الليلة ,, تحس بغصها في قلبها ,, بس هي وعدت فيصل انها ما تزعل عليه ,, لمياء تفكر في نفسها انها تحب فيصل فعلا وهذا الشي اللي شفع له انها تغفر له والحادث اللي صار له كلها اسباب خلتها تغفر له اللي صار :: لكن اذا تذكرت انه كان في حياته احد تحس بمعاناه في قلبها ,, لكنها تحاول تغلب عقلها على قلبها ::: قاعده وهي لابسه لها فستان شيفون مع حرير طويل ومسرحه شعرها على طوله ومنزله غرتها على جنب حبت تغير من شكلها ,,, وترتبت وشافت ما عندها شي فدقت على ريما تبي تشوف اخبارها ,,, لمياء : هلا ريووم وينكم مالكم حس ريما : اكليني بقشوري ,,, خير وسيلة للدفاع الهجوم ,, وينك انتي يالدبه غاطسه في بيتك وش دعوا ما كلمتيني امس ؟ لمياء : والله مشغوله مع فيصل كلش يبي ارتبه له وش اسوي اعذريني ريما : قبلنا عذرك .. وش اخباركم .. عطتها لمياء الموجز وقالت لها التفاصيل بكره اذا جيتوا نسولف اكثر :: ما كانت تبي تقول لها عن موقف هيفاء مع البنات ما تبي تغثها وهم في العمرة سكرت من ريما وقعدت طفشانه تفر التلفزيون لحد ما جاء فيصل متأخر ,, لمياء : ما بغيت تجي والله ملل ,, فيصل : يا بعد عمري انتي عارفه الشباب جلستهم تتأخر ,, لمياء : هو لو جدتي وهيفاء والا ريما هنا كان اهون ,, بس احسهم تركوني بالحالي ,,, فيصل : افاااااا وانا وين رحت ,,, وجلس جنبها ,,, تبين نروح لهم بكره خلينا السواق يودينا وش رايك ,, لمياء ما تبي تطلع من البيت لين خالتها سلطانه : لا يا قلبي اذا جت خالتي طلعنا انا واياك ,,, خذ لها فتره وهو يشوف عيونها ,,, وحس لها بحنين قوي ,, مسك يدها وحبها ،،، انا ما اقدر اعيش بدونك,,,, لمياء مستسلمة لعيونه ,, ولمشاعره الفياضة,,, في المزرعة والجميع دخلوا غرفهم الا فهد اللي من جووا للمزرعة وهو في المجلس او الخيمة ما دخل داخل ,, كله منه هو اللي جابه لنفسه ,,, في آخر الليل وبعد ما طفش من التلفزيون في الخيمة راح داخل في الفيلا ,, وطلع لغرفته وحصلها مظلمه استغرب جدا لاتكون مهي غرفته ,, فتح النور وحصل شنطته في وسط الغرفة ,,, ومسكره محد رتب ملابسه ,, استغرب وين هيفاء وين االعيال محد له صوت ,,, طلع من الغرفة ,,, وشاف الغرف المجاورة وفتح وحده وحصل مروان نايم بالحاله ,,, وما شاف البنات فعرف انهم مع هيفاء اكيد,,, رجع لغرفته وهو يجر خطواته بثقل ,,, من الصباح بدري جدا وغلى غير عادتها بس من الهواء النقي في المزرعة قامت هيفاء وتسحبت من السرير وهي ما تبي البنات يحسون فيها ,,, لبست ملابس رياضه وطلعت تبي تشم هواء شوي في حديقة الفيلا المحيطه ,, طلعت برى وما شافت اي احد اكيد انهم نايمين فكملت مشيها ,, مرت على الأصطبل فدخلت فيه تبي تشوف الخيول وتبي تدقق في المكان اكثر ,,قربت من وحده من الخيول وقعدت تمسح على راسها وعنقها ومستغرقة في جمالها ومركزه فيها وبس ما سمعت حركة غير طبيعية في المكان ,,, فهد : صباح الخير ,, هيفاء وهي تفز وتصرخ بسم الله ,, فهد جاء جنبها ما توقعت حركته نهائي فهد وهو يمسك يدها ,, ما قصدت ارووعك انا اسف خضيتك ,, هيفاء : اوكي خلاص مافي مشكله وهي تصد بوجهها الجهة الثانية ,,,ومعصبه بقوه فهد عارف انها زعلانه ,, هيفاء وش رايك بالخيول هيفاء :: لا باس خصوصا وانا قليلة خبرة فيها,, فهد : طيب تقبلين مني الحصان هذا اللي انتي عنده ,, هيفاء وهي ماعرفت تحكي كملت صدها :: فهد شاف صدها فطلع من الأصطبل ,,,, حس ان حركة هيفاء متعمده انها ما تشوف ناحيته ,,, طلع فهد وهيفاء بعد الموقف قلبها يرقع بقوووه ,,يا ترى وش جايه ,,,, اول ما طلع وحست انه مو في الحديقه طلعت على طول للفيلا ,,, بسرعه دخلت وهي تفكر في اللي صار ,,,,,جلست تعنف حالها ,,,,, اصلا هو متعمد لها الشي ,,,, راحت مجلس الحريم وتنتظرهم لحد ما يصحون ,,,,, اول الحضور ام طلال ,,هيفاء غارقة بفكرها معاهم في الجسم والا الروح تسبح في فضاء قريب لها ,,, دخل عليهم فهد وهما قاعدين يتقهون الصباح,,, وام طلال ترحب فيه من كل قلبها فهد يمه انا راجع تبون شي والا محتاجين اي شي ام طلال : سلامتك يا ولدي مابه شي ,,, طالع هيفاء : تعالي وصلني يا هيفاء انحرجت هيفاء منه مررره ومن حركته الحين هي مليان قلبها عتب عليه وقهر منه ,,, يسوي قدام امها انه مافي مثله ليش ,,, طلعت معه عند المدخل ,,, فهد : انا عارف انك ما تبين تشوفين وجهي مو غبي ,, هيفاء ما ردت عليه ,,, فهد يكمل : ابيك تهتمين في جدتي زين وانا عارف انك مو مقصره ,,, وابي اذا احتجتوا اي شي تكلميني ,,,لا تتردين ,, فيصل كلم البارح بالليل ويقول انه بيوصل بكره ,,, فهد: اممممم انا عارف انك متضايقه من اللي صار::,,, صحيح انك موقفتهم عند حدهم حسب ما سمعت ,,, لكن ابيك تعرفين شي واحد انا ماحكيت مع اي وحده نهائي ,, انا قلت لأمي اني سولفت بس ابي اشوف هما وش قالوا ,,, هيفاء ساكته ما ردت عليه ,, فهد : براحتك ,,, فمان الله ,, وطلع لسيارته بدون ما يلتفت لها ,,, وحست انه يبي يقول اشياء كثيره بس هي ما عطته اي فرصه انه يعبر مما في خااطره ,,,, تحركت سيارة فهد برى المزرعة ومسك الخط السريع وهو في باله هيفاء ,,, جامده ,,, جيتها وتأسفت منها وبعد خاطرها مو مبسوط,,, اللي عليك سويته عشان تفهم الموقف صح وبكيفها ,,,, رجعت هيفاء داخل وطلعت فوق ما مرت على الحريم ودخلت غرفة فهد ما بغت البنات يشوفونها ,,, وقعدت تفكر في نفسها ,,, ليه ما رديتي عليه ,, ليه تركتيه يروح وانتي في خاطرك كلام كثير ,,, وش فيه فهد ,, الصبح يهديك فرس والحين يتاسف على اللي صار ,, بس انا في قلبي شي كاااايد ,, مدري كيف بيروح ,,,, حست بكآبة الدنيا ,, حست بأعتذاره وبعدم قبولها له وان فهد اكيد بيكون فكره عنها انها هي السبب في كل اللي يحصل بينهم من عنادها طيب وش المهم خله يفكر باللي يبي انا كم شهر وبروح مع امي هذا اذا ما رحت قبل كذا ,,,, هو ترك لي حرية القرار وانا اخترت حريتي وما تمسك فيني ,,, اوش يبي اطيح عند رجله عشان كم كلمة اعتذار ونسى اللي راح كله ,, لا يا فهد ,,, نامت ليله كئيبة جدا ما حست بالنوم عيونها مغمضة وفكرها شغال في فهد اللي مستحوذعليه كله ,,, اكيد فكر اني ما عندي اي مشاعر ,,, قامت على اصوات البنات في الغرفه وهي مصدعة وتحس راسها بينفجر من التفكير ,, رهف : يالله هيفاء قومي نروح نفطر ,,, هيفاء شافت الوقت قرب الظهر وقامت مستعجله بدون ما تحس ,,, ما تتذكر الا انها قعدت في الغرفة قريب اليوم من امس وهي فيها وتركت جدتها وامها اللي حسوا انها تعبانه من الايام اللي راحت وترتيب الأشياء فبغوا يتركونها على راحتها ,,, الظاهر ان فهد اشغلها بقوووه لدرجة انها ما حست بالوقت نهائي ,,,, قامت لبست جلابيه خفيفه ونزلت بسرعه مع البنات تحت ,,, حصلت ام طلال وامها قاعدين في المجلس ويسولفون مع بعض ولا هما حاسين بها اصلا انها تأخرت ,,, ارتاحت من هالشي وادخلت هي والبنات المطبخ ياكلون لهم شي ,,, حطت لهم الشغاله اشياء خفيفه على حسب طلبهم ,,, وخذت الشاي تشربه ويدها تقلب في الجوال ,, يمكن فهد ارسل شي ,,, ما حصلت مبتغاها ,,, وقعدت تفكر في الموقف اللمرة الالف ,,, يووووووه يا هيفاء انتي وش تبين ,,, تحبينه ؟؟ طيب ليه تبين تتركينه عشان بنت ما تسوى وانتي عارفه لو يبيها كان خذها من زمان ,,, ما تحبينه ,,, هذا هو عطاك حريتك ,, حددي موقفك ,, ومشاعرك ,, لا تكونين سلبيه ,, بس انا ما ابي ارجع في قراري ,, خلاص انا قلت له ,, وش بيفكر اني متقلبه كل يوم راي ,,, مو مهم طيب ,,, انتي وش تحسين به تجاهه ,,, اووووووف وقامت من فطورها لأنها حست انها دخلت داومة فكر مرة ثانية ,,, كلمت لمياء تبي تشوف وش اخبارهم ,, وقالت لها لمياء على المساء بيكونون عندهم ,,, ويمكن ريما تجي معهم ,,, فرحت هيفاء وحست انهم اذا جووا راح يشغلون تفكيرها بسوالفهم واشياء ثانية ,,,, | |||||||||||||||||||||
 |
| مواقع النشر (المفضلة) |
| الذين يشاهدون محتوى الموضوع الآن : 15 ( الأعضاء 0 والزوار 15) | |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| احلا كلااااام | عــشــق | زآۈيـﮧ حرهـﮧ | 5 | 02-17-2013 09:09 PM |
| |
رونق الاحساس 
العرض الشجري
