منتديات بنوته - عرض مشاركة واحدة

07-07-2011, 06:08 AM

((الجزء الرابع عشر ))

مع مساء هذاك اليوم توعت لمياء وهي حاسه انها ضعيفة وخاوية بالمرة ,, رجعت تذكر كلام فيصل بالجوال ونزلت دموعها ثاني ,,

وقعدت تدعي في سرها بدعوات صامتةواملها بالله كبير انه يهون عليها مصيبتها و

دخلت عليها هيفاء وهي على وضعها :

هيفاء : هلا وغلا بالبنات الزعولين .,,,

لمياء اول ما سمعت هيفاء تتكلم رجعت لها الصيحة وقعدت تئن بشهقاتها

هيفاء : يا عمري لا تاخذين في بالك يمكن انها ماضي في حياته ويتركها

لمياء وهي تصيح بصوت عااالي : انتي ما سمعتي شلون يكلمها وتقولين ماضي ااااه بموووت يا هيفااااء

هيفاء ضمتها لاول مره وقعدت تصيح معاها,,ما قدرت تشوف اختها في الوضع هذا ولا تشاركها حزنها ,,

دخلت ريما عليهم وهم كذا فخذتها ريما بحضنها وقعدت تضمها بقوووه تبي روحها تهدأ شوي

ريما : انت عارفه فيصل من الصبح طلع للحين ما جاء

لمياء : خليه يروح للي يبيها

ريما : انتي صاحية من جدك هالكلام ترى فيصل ما يبي الا انتي

خذت هيفاء منديل وجلست تسمح دموع لمياء الا يجيها اتصال من فيصل ,,,

هيفاء : الوو

فيصل : تكفين يا هيفاء بشرني

هيفاء ومتعمده ان لمياء تسمع : هلا فيصل .. ابشرك لا الحين احسن,,ولمياء تأشر لها بيدها انها

ما تبيه

بس هي محتاجه راحه يومين لو تتركها عندي بغذيها لك وهي تحاول تضحك قدام لمياء ,,,

ريما احترت من فيصل وتاخذ السماعه من هيفاء

ريما : لا مووو احسن تعبااااانه فاهم ارتحت الحين ورمت الجوال على هيفاء

لكن هيفاء اللي قعدت تهز راسها من تصرف ريما مسكت الجوال وكلمت فيصل

هيفاء: انت روح ارتاح ومالها الا العافية ,, هي بنفسها اول ما تشوف نفسها طيبه بتجيك,,,

لمياء اشرت لها بكلمة لاوالله يا شيخه ,,

هيفاء بعد ما سكرت من فيصل : شكلك انجنيتي في عقلك الحين هذا فيصل اللي حبيته وتحكيني عنه بتتخلين عنه عشان وحده ما تدرين عنها كانت في ماضيه

لمياء : اي بتركه اجل معيشني في حلم واني اميرة قلبه تاريه يلعب علي ,, لا لا لا ما ابيه

هيفاء : انتي وش تبينه يسوي ممكن افهم ما تبينه وما تبينه يعني وشو بح خلاص هواء ما تبين زوجك ,,,

لمياء : خليه يعيش معاها يمكن تسعده اكثر مني

هيفاء وهي ترفع صوتها : لا بالله اختي انهبلت الحمدلله والشكر الحين فيصل تتركينه كذا عشان وحده ما تسوى ظفرك ,, اشهد انك منتي صاحية

لمياء : ايييييه يا هيفاء ,,,

ريما اللي قعدت تذكر الله , لا حول ولا قوة الا بالله ,, انتي ارتاحي اليومين ذي وبعدين ربك يفرجها

لمياء صدت عنهم ونامت على السرير وبدت دموعها تنزل ثاني

هيفاء ما تدري وش تسوي بغت ترفع على فيصل الجوال ثاني .,, بس وشتقوله ما تدري تعاتبه والا تهزئه

هووو ناقص ردت على نفسها ,,,

فيصل اللي ماعرف للفرح طعم بعد زعل لمياء توقف الزمن عند اخر مره كلم لمياء قبل يطلع من الفيلا وهو يبي يشوف شكلها

اااااااااخ وش سويت يا فيصل بعمرك ومسك راسه وحطه بين ايدينه ونزل راسه على مقود السياره وزفر زفره حاره

ما يقدر يرجع البيت ولا يشوفها ,,

ام طلال وسلطانه اللي مقلقهم الوضع وهم مو عارفين وش صاير ,, لمياء في غرفة هيفاء وفيصل ما شافوه وريما تتهرب منهم

ام طلال وهي تصوت على خديجه:نااادي لي هيفاء الله يرضى عليك

خديجه : من عيوني طال عمرك

ام طلال : تسلمين ,,

وقعدت ام طلال تقلب في التلفزيون تبي تشوف وش علوم هيفاء,,,

جتها هيفاء وهي عارفه ان جدتها بتسوي تحقيق عن الموضوع ,,, بس ماهي عارفه وش تقول لها

وطرت عليها فكره

دقت على فيصل وقالت له يجي يسلم على جدته وثم يقول انه يبي يطلع يشوف لمياء على اساس قدام الجده

ويسوي تمويه عليها اهم شي ما تزعل

فيصل وهو في حالته اللي تحزن صدق شاف رقم هيفاء واستبشر يمكن لمياء رضت

فيصل : الوووو

هيفاء : ممكن اطلب منك طلب

فيصل : انتي تامرين يالغاليه بشريني والله ما ارتاح لين اشوفها مرتاحه

هيفاء : الله يهديها ان شالله بس جدتي تسأل وانا ما ابي اقولها عشان ما تزعل ممكن انت تجي وترويها انه مابه شي

فيصل : والله مو طايق الدنيا بس دام انتي آمرتي ابشري

هيفاء : ما يامر عليك عدو,,,