منتديات بنوته - عرض مشاركة واحدة

07-07-2011, 06:14 AM

فهد نطلع من القصر شوي ناخذ لفه ونشرب عصير مثلا ,, ضايق شوي ونواف ما يقدر يطلع قلت يمكن تبين تطلعين ,,

هيفاء مستغربه منه حيييل اول مره يعرض عليها شي ماحست ان اللي قاله صحيح بس يمكن يبي يسوي لها شي

هيفاء : اوكي مافي مانع , البس عبايتي واجيك ,,

دخلت هيفاء غرفتها وهي تفكر في فهد وطريقته معها مره شد ومره جذب ,,وحست بقلبها يدق بقوه عشان بتروح معه ,, توك وانتي واقفه ما صار لك شي وشفيك الحين ,, مدري والله مدري ,,,

لبست عبايتها وخذت شنطتها معها قبل ما تطلع تعطرت بعطرها المميز ,, وطفت النور وطلعت ,,

لقت فهد ينتظرها في المجلس اللي تحت ,, وطلع معها للسياره ,,

ركبت السياره وهي حاسه نفسها في المكان الغلط والزمن الغلط ,, مو هي قالت لفهد خلاص تبي تروح لأمها عقب كم شهر ,, اجل ليه تعطيه فرصه انه يقرب منها وهي عارفه انهم مو متوافقين ,,

سمعت فهد يسكر باب السياره ويتحرك يطلع من القصر ,,,

مشى شوي ومحد منهم تكلم ,, بعد شوي

فهد : ليه ما اشتغلتي لما خلصتي دراستك ,,

هيفاء : امي كانت رافضة الشغل ما تبي نطلع منطقة بالحالنا والطريق الطويل ,, خايفه علينا ,,

فهد : ما قصرت والله ,,

فهد : احمم طيب وش كنتي تسوين كل يوم ما تزهقين ,,

هيفاء حست انه يجر سالفه يكسر الحاجز اللي بينهم ,,: اكيد بيكون فيه ملل بس حاولت اقضي وقتي في شي مفيد ,,

احلى يوم عندي اذا خذتنا امي المكتبة , يوم رائع ويعيشك جوو حلووو لكم يوم قدام ,,, اشتري لي كتب في التاريخ ,, وكم رواية مترجمة

وكتاب باللغة الانجليزية عشان ما تضعف لغتي الانجليزية

فهد : حلوووو وهو مندهش منها ,,,

وقف عند كافي يجيه دايم وطلب لهم عصير طازج طلبت هيفاء اناناس وهو خذ له ليمون مع النعناع ,,

قعدوا ينتظرون وهيفاء حست انها محرجه منه احساس غريب فعلا معاها ولاهو معاها ,,

شافها سكتت ,, شغل السي دي لابوعبده وتركه يتكلم عنهم ,,,

(( ابا اعترف ,,, للدنيا ولكل العيون ابا اعترف ,,, اني قبل ما احبها ,,, ما اعرف ولا ادري من انا ,,, ومنهو اكون ,,, ابا اعترف,,

اني لقيت بحبها شي مختلف ,, ابا اعترف اني اموت في حبها ,,,,ابا اعترف اني بدون عيونها اضيع في شرق الحياة وغربها,,

,, احسها اقرب لي من حبل الوريد ,,, مهما اكون بعيد والا قربها ,,,,,,,,,,

هيفاء وهي ماسكه العصير بين يديها وحست ببرودته من كثر ما تاثرت بكلمات الاغنية وحست بأحراجها من فهد اللي ما تكلم نهائي وهم راجعين في الطريق شافت انها ما تقدر حتى تشكره ,, محرجه منه ,, بس لازم تمسك نفسها وتبعد الخجل منها ,,

فهد اللي ترك عصيره في السياره ما شرب منه شي ,, اول ما وصلوا للقصر

هيفاء : ما شربت عصيرك ,,

فهد : وانتي بعد ما شربتي عصيرك

هيفاء : ودي اشكرك من قلبي احس اني فعلا غيرت جووو ,,

فهد : خلاص اذا تمللتي قولي لي وانا باخذك :: ,,

هيفاء نزلت من السياره سكرت الباب بغت تمشي بعدين وقفت ,, تصبح على خير ولفت تدخل وهي تسمعه وانتي من هل الخير

دخلت هيفاء من المدخل اللي انواره طافيه ولفت تبي تشوفه للحين واقف والا مشى بس شافته يمشي تجاه فيلتهم ,,

طلعت على الدرج ودموعها تنزل على خدها بهدوء شديد ,,,,