هل تريد التسجيل في منتديات بنوته ؟
إحصائيات المنتدى: المواضيع: , المشاركات: , الأعضاء:
إحصائيات المنتدى: المواضيع: , المشاركات: , الأعضاء:
|
|  |
| التميز خلال 24 ساعة | |||
 العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم |
المشرفة المميزه |
قريبا | بقلم :  | قريبا | قريبا |
| |||||||
 |
| | LinkBack | أدوات الموضوع | انواع عرض الموضوع |
10-20-2011, 03:37 PM
| #91 (permalink) | ||||||||
|
شخصيه هامہ ~ 
| 
رد: بتنـدمين يا بنـت والسبب نظرتج هذي أحين فهمت ليش شو قصدك من ترميس البنات .. تبا تنتقم من كل بنت ..! ( وبخوف ملحوظه) : منصور دخيلك لا تسوى هـ الحركه .. (رفع راسه وهو مستغرب من حركه روضه .. وفخاطره يقول بلاها هاي جيه تزيغت ..! ) وبشك قال : روضه ليش كل هـ الخوف ..!!؟ ( حست روضه على عمرها وهي تقول ) : لا مب خوف .. بس يا منصور بهالحركه راح تظلم بنات واايد مالهن ذنب ... ( وهي تتذكر حركات الفيصـل وتقول ) : ( محد حاس فيهن غيريه انا ) وقالت بصوت مسموع : منصور لا تكون شرات غيرك ما عنده احساس ..!! ( حول عيونه عليها وهو مايدري ليش حاس انه روضه وراها شي بس ماتبا تقوله .. ) منصور بألم وصوت الانتقام واضح فـ نبره صوته : أنـــا ماغصبتهن .. هن اللي ينـي .. وهالاشكـال بايعه عمرها وتستاهل اكثر من جيه .. ( غمضت عيونها وهي تتذكـر حركات الفيصـل ونغزاته لها .. على انها وحده من هـ البنات اللي بايعات عمارهن ) نشت من ذكرياتها على صوت منصور وهو يسحبها من ايدها وابتسامته الخبال منرسمه فـ محياه : يلا نحـدر .. ( ابتسمت وهي تقول ) : هاي مشكلتك تحاول تخفـي اللي فـ قلبك بأبتسامه .. مشى على صوب الفله وهو يقولها : شو اسوي ظاهر على بنت خالتيـه وختيه خخخ .. ( ضحكت روضه على حركاته .. مع بعض الاضطراب اللي تحس فيه ماتدري ليش كانت تحس بالخوف .. وماتبا تحدر الفله .. ( فج منصور باب الفله ودخلها داخل الفله .. ) أول ما حدروا التقت عيونه السود الوساع الشامخه بعيونها الناعسه .. بسرعه نزلت عيونها وهي تتطالع هزاع جدامها والشباب متيمعين عليه لف سيف وهو يقول : أووووه واخيراظهرتي تحريناج ميته ..! عبدالباسط : رواضي والله واستويتي حرمه .. منو قدج ( وغمزلها ) .. (كان الكل يلمح لها عن الخطبه ) بس اللي محد لاحظه ان عيون روضه كانت على عيون هزاع .. (كانت تحس انها بتموت من المستحى .. لانه حركه هزاع اللي سواها فيها مب شوي .. ولا طالعها وهي تصيح ..) بدون احساس تركت المكان وهي تربع صوب الدري عسب تختفي عن انظارهم .. ( بدو الشباب يصفرون وانواع حركات الهبال على هزاع وروضه ) وعبدالباسط يضرب هزاع على جتفه ويتمصخر عليه .. وسيف يهز هزاع .. أما عن هزاع كان ثابت بـ مكانه حتى ما تحرك كان بيموت والسبب نظراتها .. حس بشعور غريب والسبب نظراتها .. ومحد قدر يفهم نظرتها المؤلمـه غيره هو .. وفـ خاطره يقول : انا السبب .. آآه ياروضه وربي ما كان قصدي بس انتي تغصبين الواحد يتهور .. ادري اني ورطج لكن وربي مب قاصد ( غمض عيونه وهو يترك الشباب مكانهم .. اول ما تركهم مكانهم انصدموا منه .. كان يمشي وهو مول مب فـ الدنيا ..) مشى لحد ما ظهر برع الفلـه .. . . اما عن روضه فـ كانت فوق الدري تتطالع عليهم .. وطالعت لما هزاع كان مكانه ولا تحرك .. كأنه كان جسد بلا روح .. ( غمضت عيونها بألم وهي تقول : لازم ابعد عنك يا هزاع .. لاني بمجرد اقترابي من شخص اسبب له المشاكل .. ( نزلت دمعتها ) وهي تقول : لازم ارفض قلبك يا هزاع لازم .. مابا اسبب لك المشاكل يكفي المشاكل اللي سببتها للي حبيتهم .. وانت يا هزاع .. صدقني دايم راح تكون وسط قلبيه .. لاني بحياتي ما راح اقابل شراتك وانا متأكده اني ما راح اقابل ... الكل كان يتمنى يطالع دموعيه كأنه شي غير عنهم مب جنه دموعي شرات دموعهم .. لكن انت الوحيد يا هزاع اللي ما رضيت تتطالع على دموعي حتى وانا بحضنك ما سمحت لك نفسك تتطالع على دموعيه .. ( وهي تتذكر لما دخل راسها وسط حضنه واختفن ملامحها ) .. : آآآه يا هزاع بحياتيه ما راح اقابل شرات قلبك .. ( مسحت دموعها وهي تسير جناحها ) .. اول ما حدرت لقت البنات قاعدات بالصاله .. صرخت حمدوه : اييييييه وين كنتي ..!! ونشت هي ويزوي وسارن حذال روضه .. وحضننها بقووه وهن يقولن : روضه بلاج ..! ( كانت ما تتحرك من مكانها ) كانت جامده .. حركت عمرها ببطئ وهي ترد على وراء .. يزوي والصدمه ظاهره فـ ويها : سمعتي شو استوى ..!!! حمدوه ويزوي بصوت واحد : هـــزاع خطبــج ..!! سارت روضه حذال الغنفـه وهي تقعد وفكـرها مول مب وياهن .. يزوي بلعانه : والله وظهرت يا هزاع تحب روضه وانا اقول انه نظراته لج مب طبيعيه .. حمدوه وهي تضحك : هههههه اقولج هذا وهو اول سنه يلتقون فيها وجيه بسرعه خطبها لا طيـر .. عيل لو عايش وياها .. ( صرخت يزوي : جاان اغـ ..... ) صرخت حمدوه وهي تسكت يزوي و تقول : جـــب ولا كلمه .. انتي وهـ الافكار الغبيه .. ( نشت روضه بهدوئها المعتاد وهي متوجهه لحجرتها وعقبها سارت حذال البلكونه ، وظهرت عسب تشم هواء نظيف .. قعدت على حافه اليدار وهي تتطالع على الفراغ اللي جدامها .. حولت نظرها للجهه الثانيه وهي تتطالع بلا مبألاه .. لكن فـجأه حست بأنه قلبها وقف وهي تتطالعه واقف بروحه .. ( كان قاعد حذال غابه الاشجار يعني وين ما كانوا قبل .. لكن كان برع .. يعني اللي فوق يقدر يطالعه ) همست بألم : هزاع وربي مب قصــدي .. متأكده اني سببت لك الالم لكن لازم هـ الشي يستوي انا مب ملك نفسـي احين .. مستحيل الفيصـل يودرني بحـاليه .. ( اول ما قالت الفيصـل تنهدت بقوه وهي تقول ) : آآآه يا الفيصـل انت بروحك مصدر عذاب بالنسبه لـي ..! تعذيبك اللي كل يوم يزيد .. وكأني انا اللي كنت سبب فـ خيانه مريم لك نزلت من اليدار وهي متوجهه للصاله .. ولقت البنات بعدهن على قعدتهن همست على غيـر عادتها : احيــن بيي .. ظهرت من الجناح وهي تاركه البنات فـ قمه اندهاشهن وسارت حذال الدري عسب تنزل .. لكن وقفت وهي تنزل راسها عسب تتطالع اذا فيه احد تحت .. وسمعت ان الدنيا هدوء . نزلت بسرعه وهي تتطالع انه محد مول فالصالات .. اكيد انهم كلهم ساروا يرقدون .. بسرعه توجهت ع باب الفله وهي تظهر من الباب وتتوجه لـ مكان هزاع .. وصلت لحد مكانه بس ما لقتـه ..! ( أستغربت وبشده من جراءتها .. بس كان شي قوي يدفعـها تسوي هـ الحركـه ولا تتردد ..! ) حدرت داخل الغابه الكثيفـه وهي تتطالع يمين وشمال بس محد ..!! ( تنهدت وهي تقول ) : اووف وينـه ..! ( سمعت صوت من وراها ) : منو تدورين ..؟! ( حست بالقشعريره مجرد ان صوته وصل لـ مسمعها .. ) لفت بسرعه وهي تقابله ويه بويه .. نزلت عيونها وهي تقول : كنـت ... (سكتت .. ولكن شجعت عمرها وعقب قالت ) : ادورك .. ابتسم هزاع لمجرد ان كونها كانت تدوره .. وقال بصوته العذب ذو البحه القويه : آمـري .. شي فـ خاطرج ..؟ ( كانت تحس انها بتموت من المستحى مب شوي اللي صار بينهم ولا اللي زاد مستحاها كل ماتذكرت انها صاحت جدامه .. لكن وفجـأه بعد ماسمعت صوته العذب حست ان كل اللي فـ بالها تبخـــــر ...! ( ليـش ياربيه لـ هالدرجه احسني اتلخبط من اسمع صوته .. ) رفعت راسها وهي تقول بأندفاع : هزاع مايسـ ... ( قطع عليها وهو يقول بهدوء ) : روضه انا شراتج منصدم .. مب متوقع اي شي من اللي صـار .. وعلى فـكره انا ما خطبتج لكن الظاهر ابويه طالعنا انا وانتي يوم .. ( وسكت ) .. ( حست بـ الصدمـه تجتاح كيـانها .. [ هزاع ما خطيـني ] .. ولا وويت شو قاعد يقول أبووه طالعنا وعلى هـاك الحـال .. خسـت بالخجل يغزوها ولفت راسها بسرعه صوب الاشجار من مجرد تذكرها للموقف .. ) ضحك هزاع بصوت مسموع وهو يطالعها يوم لفت راسها وحمرت .. ولا ارادياً قال : فديتــج ... !! ( من سمعت له ضحكته حست انها بتموت .. بتسيح فـ الارض ولكن فجـآه حست بكلمه ثانيـه تنخرلها اذونها .. [ فديتــج ] [ فديتــج ] [ فديتــج ] [ فديتــج ] ( حست بالصدمه تشلـلها كل جسمهـا .. وبسرعه طالعت على عيونه وهي مصدومـه .! ) ابتسم ابتسامه خبال وهو ينزل راسه وهو يطالع نظرات روضه .. ( فهم انها مصدومه من الكلمه ) .. وفخاطره يقول : شــــت انا شو قلت حسبي الله ع بليسج يا روضه انج خبلـتي فيـه ..!! ( حاول يتفادا الموقف وهو يقول ) : يعني يا روضه اللي اقصده لا تفهمين غلط .. انا ما خطبتج .. ابويه هو اللي خطبج لي .. لانه شك لما طالعنا ويا بعض .. فـ حب ان السالفه ماتكبر بينـا .. وطبعـاً ها تفكيـره ..! ( روضه فخاطرها بعدها مصدومه من الكلمه وتقول : ليش يا هزاع تصعبها اكثـر عليه ليـش .. وربي حرام عليـك .. | ||||||||
 |
|
10-20-2011, 03:38 PM
| #92 (permalink) | ||||||||
|
شخصيه هامہ ~
|
رد: بتنـدمين يا بنـت والسبب نظرتج هذي قالت بصوت مسموع : يعنـي عميـه طالعنـا يوم ........ ( سكتت لانها تستحي تكملهـا ) .. هزاع بـ ذكاء : حركاته تفسـر هـ الشي .. والصواب الوحيد يقول انه طالعنا .. لو مابيسوي هـ الحـركه .. روضه بـ خيبه أمل : يعني انت ما خطبتنـي ..؟ هزاع وهو يبتسم وما انتبه لنبره الخيبه اللي فـ صوت روضه : لا ما خطبتج .. وبأمكانج ترفضين صدقينـي عادي ويايه .. ( سكت وعقب قال بهدوء وبهمس ) : مابا اغصبج على شي انتي ما تبينه .. ( كان يتوقع ان روضه ماتباه .. بس روضه كانت تحس بشعور غريب وجنها بدت تميل لـ هزاع .. بس مسرع ما استبعدت هـ الفكـره وهي تقول : حتـى انا ما ابا اغصبك على شي انت ما تباه ( وبأحساس صادق ) : انت يا هزاع ريال كل بنت تتمناه وحركتك ويايه ان دلت على شئ بتدل على طيبـه قلبك .. ( سكتت وهي تتذكر وعقب قالت ) : انت الوحيد يا هزاع اللي ييت غير عن الكل .. الفرصه ياتك لحد مكأنك ورفضتها .. الكل كان خاطره يطالع روضه ذليله ومنجسـره .. بس انت رفضتها يا هزاع .. ( تقصد لما حرك راسها على صدره عسب ما يوضحن ملامح ويها ..) كملت بهدوء : صدقنـي بـ ذكرها لك طول ما انا عايشـه .. و ما راح انسى هـ الشي لاخر لحظه فـ عمريه .. انت الوحيد اللي ما شكيت فيه مع انه كل الادله تقول اني انا فـ محل شك .. بس ثقتك وقتها هي اللي بعثرتنـي ( تقصد لماصاحت ) وحنانك هو اللي لملمني .. تخيـل ( ابتسمت ) : بعثرتني ولملمتني بوقت واحد .. ( رفعت عيونها عليه ) : هزاع اللي أنـا كنت خيفانه عليه ووقتها سألتني على منو جيه متزيغه هـو نـ ... ( قطع عليها ) : مــابا اعرف.. انا واثق فيـج .. ( آآآه مقواها من لحظه كانت بتصيح من قوه الموقف ... المره الثانيه اللي يصدمها .. بثقتـه الزايده .. ) بس مع ذلك كملت والخنقه واضحه فـ صوتها : هو نــايف .. ( وركزت عيونها عليـه ) .. وكملت بهدوء : بتقول منو ها نايف .. بقولك ها خاليـه يا هزاع بس محد يدري اني ارمسه لان اميه منعتني حتى من أنـي ارمسـه ! .. وطبعـا ما ادري ليـش .. هو يا هزاع ابويـه واخويـه وصديقـي وكــــل ما املك و لكن احين ..( سكتت وبـ سرعه قـالت): الظاهر مع كل الحب اللي احبـه راح يكون فيـه شخص ثـاني وياه ( سحبت هواء وعطت عمرها القوه والشجاعه عسب تقول اللي فـ خاطرها .. ( بس قطع عليها صوت الفون ) .. ( نزل راسه وهو يطالع على الفون اللي فأيده ) .. ( بسرعه فهمت انه محتـاي وقت بروحـه وتركتـه وابتعدت .. ) ماثواني من ابتعدت عنه غيـر تسمع صوت نغمه الرنيـن اللي فـ فونها .. ودي ابكــي لين ما يبقى دمــــوع ودي اشكي لين ما يبقى كـــــــلام من جروحٍصارت بقلبي تنـــــوع ومن همومٍ احرمت عيني المنـــام بسرعه ظهرت الفون وهي تتطالع الرقم وتسحب نفـس قوي : الحمد لله اني ابتعدت عن هزاع لو كنت بتورط وما بعرف شو اسوي ( ردت بسرعه وهي متأكده انه محد غيـره ) : ............ الفيصــل بشموخه المعتاد : أرفضــــــي ... ( روضه الاف علامات الاستفهام فوق راسها .. ارفض .. أرفـض شو ؟ ) قالت بهدوء : أرفض شو ..؟ الفيصـل بثقه : ارفضي الخطبه .. يا بفضحج جدام خطيبج هاه اللي ما يتسمى غمضت عيونها بألم وبـ صدمه وهي فكـرها يبحر للبعيــد .. (( لو فضحني جدام هزاع راح تهتز صورتيه جدامه .. وهو يثق فيه .. مابا صورتيه جدامه تهتـــز .. انا قلت يا هزاع راح ابتعد عنك ، لاني مجرد مصدر عذاب للي احبهم .. وهـ الحيوان شقـايل عرف بـ السالفه .. آآآه يـاربيـه رحمتك وعفوك ..)) ( حبت توضح للفيصـل انها هي ملك قرار نفسها .. وانها ماتهتم لـ رمسته ) .. ضحكت ضحكه سخريه وهي تقول : قبل لا تقوليـه رفضته .. ( حاولت تتمادئ عسب يصكـر : لهدرجه انا مهمه عسب محد يشاركك فيـه .. لهدرجه .. ( قطع عليها صوت المكالمه وهي تنتهي ) .. ابتسمت بألم وهي تكمل اللي كانت تبا تقوله : لهدرجه انا مهمه عسب تقدر تعذبني بروحك ومحد يشاركك فيـه ...! . . اما عن الفيصل فـ كان مصدوم من رمستها وقال بصوت هامس : ياربيه حتى روضه بدت تلاحظ اني مهتم فيها زياده عن اللازوم .. بلاك يا فصول بلاك هـ الروضه وايد تساهلت وياها .. اول مره بحياتيه ما اعذب بنت عذاب كامل . هـ الروضه وايد تساهلت وياها ولازم اثبت لها انها ما تسوى ويايه بيـزه ..! وراح ارد اعاملها شرات ما عاملت اللي قبلهـا .. هي ماتفرق عنهن فـ شي .. | ||||||||
| |
|
10-20-2011, 03:42 PM
| #93 (permalink) | ||||||||
|
شخصيه هامہ ~
|
رد: بتنـدمين يا بنـت والسبب نظرتج هذي . . أستغرب هزاع من اختفى روضه المفاجئ بس عقب فهم انها ابتعدت عسب تترك له المجال يرمس براحـته .. ابتسم ابتسامه غريبه وهو يقول : وألـوم عمريـه ليش ...... ( سكت ما قدر يكملها ) .. بسرعه رفع راسه عسب يسير يدور على روضه .. مشى وهو يدور عليها وفجأه وقف وهو يطالع ظل طولها .. همس بعذوبه : روضـه ... ! ( بسرعه التفتت وهي تتطالع عليه ) .. بس مسرع ما نزلت عيونها .. وهي تطالع انه مركز عيونه عليهـا .. هزاع بفضول وبصوت بارد : كملــي .. ( سكت ) وعقب قال : اللي كنتي تقولينـه .. ( سحبت هواء وهي تقول فـ خاطرها ) : خلاص يا هزاع مايستوي اقولك .. راح ابتعد بكل هدوء عسب ما اسبب لك مشاكل .. ولا اسبب لنفسي .. راح ابتعد وانسى كل اللي انولد فـ قلبيـه فـ هاللحظات عسب احافظ على صورتيـه جدامك .. صعب يا هزاع افرض نفسيـه عليك وانت ما تباني .. مستحيل اسويها .. حتى لو كان فـ سبيل قلبيـه .. كل شي ولا الكرامه كل شي ولا الكرامه .. ) ~ نعــم للحـــب لكـن بكرامـــه خســى حـــب يسقينــــي مذلــه ،، ارد القلـب لـو طاغـي هيامـه واعـز النفـس عـن درب المذلـــه ~ صحت على صوت هزاع وهو يقولها : روضـه .. بلاج .. انتي بخيـر ..! بلاج سكتي فجأه ...!! ابتسمت بألم وهي تقول : كنت اللي ابا اقوله يا هزاع .. ( سكتت .. وهي تقول فـ خاطرها : تحمل يا قلبيـه واصبر ) : كنت ابا اقولك انك شرات نايف بالضبط والله يعلم شكثـر احب نايف .. وصدقنـي ( وهي ترفع عيونها وتقول فـ خاطرها : راح ارفض .. راح ارفض ) قالت بصوت مسموع : انت ... انت بمكانه نايف يا هزاع .. عمره محد بيي فـ مكانه نايف بس انت ييت .. ( استغربت من نظراته وبسرعه فهمت انه فهم غلط .. ) قالت بسرعه : كـ أب واخ وخال يا هزاع .. انت بـ أعتبار ( بلعت ريجها وقالت بـ ألم ) : أخ يا هزاع ... ابتسم ابتسامه غريبه وقال : والله يعلم يا روضه انج انتي اغلى بعد من خواتيـه .. وصدقينـي من البدايه انتي كنتـي كـ اخت لـي .. وانا اتشرف يا روضه بمعزتج لي .. ( نزلت راسها بألم وهي تقول فـ خاطرها ) : [[ اي شي احبه لازم افقده ]] .. كانت هـ الفكره تدور فـ بالها .. كانت هـ الجمله رفيقتها فـ كل درب ...! ليش اي شي احبه لازم افقده ... آآه ياربيه ساعدني .. ( كانت فـ بالها تدور كلمه وحده وبس [[ من البدايه كنتي كـ اخت لي ]] .. ابتسمت بألم من الداخل عكس ابتسامتها العذبه اللي انرسمت فـ شفاتها .. مشت عسب تحدر داخل وتركت هزاع مكانه .. وهو لحد احين ماتحرك من مكانه .. ظهرت من الغابه الكثيفه ووقفت فجأه والتفتت على وراء وهي تطالع عليـه اذا ظهر ولا لا .. بس كان بعده فـ مكانه .. ( ابتسمت بكل ضيجـه الدنيا وهي تقول ) : بحفظ الرحمن يا هزاع .. ( وبهمس يذبح ) : راح اودعك احين كـ نقطه حب انولدت فـ قلبيه ومن لحظه وداعي لك راح تودع هـ النقطه قلبيـه وبتنمحـي للأبد .... وكـ هزاع الاخ راح اطالعك كل يوم ومستحيـل اذكـر اللي فات .. وبعادي عنك احسن لي ولـك .. لاني مابا اجبرك عليـه وانت فـ قلبك غيريـه .. بحفظ الرحمن يا الغالـــي ... ينجرح قلب،، لكن ترتفع هامه والله اني لاموت ولا ينحنى راسي واسمع الحلم يصرخ لحظه اعدامه رابط الجاش ،،، ماهز الخبر باسي عزتي غاليه والناس سوامه قلت ماابيع حتى تقطع انفاسي ( التفتت على جدام وهي تسير ناحيـه الفله عسب تحدر ) ... كان بمكانـه مصدووم .. مب مصدق اللي قاله .. انا قلت لـ روضه .. [ من البدايه انتي كنتي كـ اخت لي ] .. بس انا في الحقيقه ماتعني لي روضـه جيـه .. التفت بسرعه وهو يبا يلحق عليهـا .. بس طالعها انها اختفـت .. ( ابتسم بألم وهو يقول ) : انا كـ اخ لج .. بس ليش نظراتج تقول غيـر ..!!! آآه يا روضه لو تدرين اني جذبت عليـج .. انتي مب اختيـه يا روضه .. انتـي ..... ( سكت ونزل راسه وهو يقول ) : بس كرامتي ما تسمح لي افرض نفسيه على شخص ما يباني .. الله يحفظـج يا روضه ويوفقج فـ حياتج ... ويا الشخص اللي تحبينـه .. ( ردت ذاكرته لوراء وهو يتذكـر اول مره التقو فيها .. كان ماله خاطر ايي المزرعه بس لما طالعها وطالع غرورها اللي فاقه اعجب فيها من اول نظره .. ويتذكـر مرحها وضحكتها لما تلعب ويا البنات .. يتذكـر نظرات الغرور والثقه اللي كانت تعطيـه اياها .. كان معجب بكل حركه اتسويها .. لكن احين كل شي انكشف مرحهـا ، غرورهـا ، ثقتهـا ، كلهــم تلفيق .. شخصيتها الحقيقيه مؤلمـه بشكل محد يتصوره .. ) . فاق من ذكرياته وهو يقول : عيونها تحكـي قصه ألم .. وخاطريه اعرفهـا .. مشى وهو يظهر من الغابه ويتجـه على الفله .. وقف فجأه وهو يطالع روضه تلتفت على جهه الفله وتمشـي .. وفكـره وباله يقول شئ واحد : ما انتبهت لـي .. ( وفـ الحقيقه روضه ما انتبهت انه ظهـر وقت ما هي لفت على جهه الفله .. يعني هو شافها وهي ما شافته ..) هزاع بصدمـه : كانت تتطالع عليه .. كانت تترياني .. معقولـــه ..!! لاااا مستحيـل .. روضه مستحيل تفكـر فيه حتـى .. اكيد انها شفقانه عليه .. ( ورفع عيونه على فوق بقوه ) : شفقانه ليش تشفـــق ...!! ما انولد اللي يشفق على هـــــزاع .. " . . > < > . . حدرت الفله وهي متوجهه على جناحها .. وعقبها بثواني حدر هزاع .. كانت بـ اخر الدري من اللي فوق .. مشت على جناحها وهي مب منتبهه انه هزاع كان يراقبها تحت .. ( اول ما طالعها اختفت توجهه لجناحهـم ) .. . اما عن روضـه فـ هي ماحدرت جناحها .. لا .. كانت ورا عامود الدري .. كانت حاسه انه يراقبها لانها حست فيه .. وبسرعه تخبت وراء العامود .. وهي تتطالعه واقف مكانه وفجأه اختفـــى .. ابتسمت بألم وهي تقول : اختفيت من جدام عيونيه .. واختفيت من قلبيـه .. ( وقالت فـ خاطرها : بلاج ياروضه استويتي فجأه ضعيفه عمرج ما كنتي جيه غير يوم ..... ) . . ’ ’ , صح تعالوا .. النـاس اللي خلف الكواليـس .. أتمنى تظهر من عقب هـ البارت .. .. و أنـا اعرف شخص شخص اللي هم حدروا وقروا .. وعقب شردو.. ولا حتى كلفو عمرهم يكتبون لي شكراً .. وربي تكفيني هـ الكلمـه ..! ترا والله صج منقهره .. خخ .. . ، | ||||||||
| |
|
10-20-2011, 09:30 PM
| #97 (permalink) | ||||||||
|
شخصيه هامہ ~
|
رد: بتنـدمين يا بنـت والسبب نظرتج هذي سوووووري تأخرت مرررررة واخيراً جبت البارت ’ , , . , ’ . . حدرت الفله وهي متوجهه على جناحها .. وعقبها بثواني حدر هزاع .. كانت بـ اخر الدري من اللي فوق .. مشت على جناحها وهي مب منتبهه انه هزاع كان يراقبها تحت .. ( اول ما طالعها اختفت توجهه لجناحهـم ) .. . اما عن روضـه فـ هي ماحدرت جناحها .. لا .. كانت ورا عامود الدري .. كانت حاسه انه يراقبها لانها حست فيه .. وبسرعه تخبت وراء العامود .. وهي تتطالعه واقف مكانه وفجأه اختفـــى .. ابتسمت بألم وهي تقول : اختفيت من جدام عيونيه .. واختفيت من قلبيـه .. ( وقالت فـ خاطرها : بلاج ياروضه استويتي فجأه ضعيفه عمرج ما كنتي جيه غير يوم..... ) سكتت وهي تتذكر وردت لذكرياتها .. كانت تموت فـ ابتسامته وتموت فـ عيونه .. كانت اسيره صوته .. كانت ولا زالت تذكره لما يهمس .. عمرها ما راح تنساه بس حبه اختفـى او بالاحرى انجتـل لحظه ولادته .. ردت للواقع وهي تبتسم وتقول بهمس يذبح : متعـــب .....! ( ضحكت بخفه وهي تقول : صدق من سماك متعب .. تتعب الروح .. شرات ما نهيتك راح انهي هزاع .. وانا روضه بنت احمد .. محد راح ايي صوبيه .. ولا انولد اللي ييب راسيـه .. كل شي راح ينمحي من هـ اللحظه وهزاع هو الاخ وبـــس .... وها اللي احس فيه مجرد اعجاب بحنانه .. حدرت وهي ترسم الابتسامه بمحياها وتحاول .. وتقول : كل شي انمحـى من هـ اللحظه .. وراح ارد روضه القبليـه .. . . . > . . . حدرت وهي تطـالع تؤام روحـها قاعدات على الشبريـه يترينها .. ابتسمت وهي تحاول تخفي الالم وترد روضـه اللي كانت قبـل مايهمها شيء .. وسـارت حذالهن وهي تتسدح .. أبتسمت وهي تقول : بلاكن ساكتات ..! حمده بـ ضيج : نترياج .. يزوي بـ حيره : روضـه بلاج .. أبتسمت روضـه وهي تحاول تخفي اللي بداخلها وقـالت : ولاشي .. ( وهي تكمل فـ خاطرها ) : أنـا رديت روضـه اللي قبـل .. و روضـه الضعيفه ما أعرفها مول .. كملـت وهي تبتسم وكانها وفـجأه نست كل شيء : حمدووه يالطمطمه وييييييييع خوزي ريلج من فوقي .. حمدوه بتعب : مـا اروم خوزيها بروحج .. . ( روضه فرت ريل حمدوه فوق كرشت يزوي ) .. . يزوي وبصـرخــه : آآآآآآآآآآآآآآآآآآآآآآآآآآآآآي .. عيـل طاح اللي فـ بطني ، احين من وين بيـب غيره شو هـ اللعانه اللي فيـج رووويض .. . روضه وحمدوه رغم التعب اللي كانً يحسن فيه الا انهن من عقب ما سمعن رمسه يزوي ما رامن يمسكن عمارهن وانفجرن ضحك .. . روضه وهي تمثـل : ومن وين يالخـاينه سويتيها ، ولا من ورانا ، حشى يالزطيه ولا تعزمين مب جنه عندج توئم .. يزوي : لا .. لا .. لا... مب زين حقكن هـ السوالف ، بعدين انا مابا اخربكن من احين ، يعني مب زين اعلمكن هـ السوالف من احين وانتـن بعدكن ما كملتن الـ 8 سنين .. حمدوه وهي تشوت يزوي : ثمـــــــان سنين فـ عينج .. أحيــدنا 18 مب 8 ، ليش تخوزين الواحد هـااااا .. يزوي ومسويه عمرها وحده عوده : انزين خلاص من باجر بشلج ويايه .. وبعدين تعالي قلنا انتي 18 اما اليـاهل اللي حذالج بعده 17 .. ضحكن حمدوه و يزوي .. أما روضـه فـ طنشتهن ..! روضه : انزين سكتن خلنا نرقد سويتنها سالفه ويا راسكن .. وانتــي يا ام جنين ، (وهي تأشر على يزوي) بسج خبال عقلي يقولون انج اكبرنا وانا الصراحه اشوف العكس ، انتي اخبلنـا .. يزوي بضحكه وهي طلع طقم ضروسها جنها فـ اعلانات : خخخخخ ، انـدين تووبه .. روضه وترفع ايدينها لـ فوق : اللــــــــه يشفيـــج ... حمدووه رفعت ايدينها ويا روضه وصرخت : اميييييييييييييييييييييين .. يزوي : حتى انا امييييين بس على شو خخ .. سكتن البنات عن يزوي لان شكلها اليوم ما بتعديها ، الا وهي مجتوله . روضه تسدحت من عقب ما هددت حمدوه انها اذا جربت منها ولا حطت ريولها فوقها بتعقهـا من الشبريه ... وبعد ما مرت دقايق عــم الهدوء فـ الجنـاح ورقدن البنات . . حمدوه من عادتها انها اول ما تحطي راسها على الوساده على طول ترقد وروضه ويزوي دومهن يتمصخـرن عليها لانها ترقد بسرعه .. . اما عن روضه غمضت عيونها وهي تفكر فـ عالمها الحزين .. حتى لو ماتبا تفكر غصب تراودهـا هالافكار .. ولكن وفـجأه غلب عليها النعاس ورقدت .. . أمـا يزوي فـ كانت الوحيده بين البنات اللي كانت مب راقده كانت تتجلب فـ الشبريه عسى ولعل ترقد بس كان النوم مجافيها .. رغم انها تعبانه ، بس ماتدري ليش مب قادره ترقد .. وتمت على هـ الحال تقريبـا ساعه متسدحه على الشبريه وذكرياتها تعود لها وحده وراء الثانيه .. لحد ما كانت بتنفجـر خلاص ما تبا تعود لـ وراء وماتبا تفتح الصفحات اللي طواها الزمن .. حست انها بترجع لها كل ذكرياتها الاليمه لو قعدت على هـ الحال .. وعقب قررت انها تظهر عسب تغير جو .. وطالعت على حمدوه وروضه اللي كان التعب واضح على ويوهن وهن راقدات .. نشت من الشبريه بكـل هدوء عسب لا تزعج حمدوه و روضه .. وغطت حمدوه وروضه عدل لان الجو كان بارد وااايد ... . لبست فوق بجامتها جلابيه عاديه وشيله عسب لا تنحط فـ موقف وهي بـ بجامتها وبدون شيله .. وتوجهت لـ برع الجناح .. ظهرت يزوي من جنـاح روضه وهي متوجهه لـ تحت .. كان الهدوء يعـم على كل زاويه من الفلـه جنـه محد فيهـا موول .. كان الكل رقوود .. حتى الشباب اللي متعودين يسهرون كانو رقود .. . اما عن يزوي فـ كانت تدور على اي احد تقعد وياه لانها كانت تحـس بضيـجه وماتبا تقعد بروحها لانها اكيد بتعود لهـا ذكرياتها اللي تكـرها .. . قعدت تلف على الفله عسى ولعلى تلقى احد تقعد وياه بس للاسف كان الكل رقــود .. ومن عقب ما فقدت الامل قررت انها تظهر برع الفلـه .. . فتحت باب الفله بـكل هدوء عسب محد يسمعها وينش .. لكـن وبسبب الهدوء اللي كان يعم على الفله اصدر الباب بحد ذاته صوت خفيف ارعب يزوي .. كانت تتحرا انه احد سمعها ونش .. وكانت تتلفت على وراء وتتطالع اذا احد نش ولا لا .. بس مسرع ما رد السكون والهدوء على الفله .. وحمدت ربها انه محد حس فيها .. وظهرت برع الفله صوب الحديقه . كانت الساعه تقريبا 2 فـ ليل .. بس يزوي ما كانت تحس بالخوف موول كانت تمشي فـ الحديقه بدون احساس .. وكانت الحديقه محطاي فيها فـ كل شبر منها ليت .. مما ساعد يزوي انها ماتحس بـ الخوف .. وكان الجو بااااار جداً جداً جداً .. وصوت الرياح اللي كان يضرب فـ اذون يزوي ضرب .. قعدت يزوي فـ مكان بعيد شوي عن الانظار ، يعني اللي يظهر من الفله مايقدر يطالع يزوي بحكم بعدها عن الفله والاشجار اللي كانت تغطيها .. كانت تحس بـ البرد الا انها كانت تحس بـ الالم اللي فـ قلبها اقوى بـ واااااايد من البرد اللي ينخـر فـ عظامها نخـر .. قعدت ومسكت راسها جنها تبا تبعد الذكرى من راسها : ياااااربي متى راح انسى .. متــى .. تعبت من هـ الذكرى الوسخه .. ورربي تعبت من كثـر ما اخفي اللي فـ قلبي بأبتسامه تعبت من كثـر ما اداري الهم واحاول اخدع نفسي واخدع الكل بضحكه وراها الف هم وهم .. (حضنت ريولها وجربتهم من صدرها ، وكانت تصيح من كل قلبها ) : ليـــــش انا يستوي لـي جيه .. ورربي ماسويت شي .. وربي .. (كانت ترمس عمرها وتصيح ولا حاسه بـكل شي حواليها ، حتى البرد اللي كان بـيجسـر عظامها ما كانت تحس فيه .. كانت متكوره على عمرها وترمس روحها بـ رمسه موول ما تنفهم .. . . نشت روضـه من رقادها لانها نست تاخذ دواها ، وكانت تحس بتعب .. وهي ناشه انتبهت لـ مكان يزوي الفارغ .. بس قالت فـ خاطرها : أكيد سايره تزط (تاكل) ، أدريبها ما يدقها اليوع الا فـليـل .. مدت أيدها و هي تأخذ دواها وشربت قلاس ماي وردت ترقد .. . . . وصـباح يوم جديد .. يحل على شخصيـات قصتنا لـ يسكوها بالسكينه والهدوء ..! وتحديداً السـاعه 00 : 7 ص كانت روضـه بـ هالوقت متعوده اتنش أول وحده ، جربت من البنات وهي تبا توعيهن .. بس أنصعقت وهي تطـالع ان مكان يزوي شرات ما هو .. يعني يزووي " محـــد ".. معقووله لحـد احين سهرانه .. لالالا هي تعبانه ومستحيل تسهر عيـينـه ايديه واعرفها عدل .. حطت ايدها على قلبها وقالت بخوف : لا يكوون يزوي فيها شيء ..!! كانت تحس بخوف ماتدري ليش وبسـرعه وعت حمدوه .. روضه : حمدووه حمدووه نشـي ... بسررعه .. حمدوه وهي مغمضه عيونها وبكسل قالت : هــااا روضه : ويعاااااااااه .. نشي بسرعه يزوي مادري وينها من امس محد .. حمدوه ولا زالت مغمضه عيونها : تلقينها سهرانه ويا حد ولا قاعده تزط .. روضه وهي تهز حمدوه : آييييييييييه اقولج من امس محد انتــي ماتفهميين .. ويا منو بتسير والكل رااقد . هااا .. حمدوه وهي تفز من مكانها : شووووو .. كيف يعني .. وين بتسيـر ..؟ روضه : الحمد لله ع السلامه تو الناس ، نشي بسرعه بـ نسير ندورها .. حمدوه : انزين انزين .. . ومن عقب ما خذن البنات شور وتلبسن ظهرن برع الجناح عسب ايدورن على يزوي اللي مختفيه .. بس كان الكـل تقريبا راقد ، الا البشاكير قاعدت يشتغلن ويجهزن الطاوله حق الريوق .. . | ||||||||
| |
|
10-20-2011, 09:33 PM
| #99 (permalink) | ||||||||
|
شخصيه هامہ ~
|
رد: بتنـدمين يا بنـت والسبب نظرتج هذي . روضه وحمدوه دارن يزوي فـ كل زاويه من الفله وما لقنها .. حتى جناح قوم مي وامل وشوق وعواش .. حمدوه : خيبـه وين بتختفي جيه .. لاتكون راقده فـ ملحق البشاكير .. روضه : عن الطنازه ، وتعالي بندورها برع فـ الحديقه .. حمدوه : شووو .. برع .. منو احين يسير برع ولا يرقد بعد شو تبا تمووت من البرد .. روضه : انتي تعالي ندورها بسرعه قبل لا ينش احد ، ولا تنش هـ النسره عواش .. حمدوه : يلا انزين .. لبسن البنات جاكيتات وسكارف وعقب ظهرن برع الفلـه .. . دورنها فـ كل شبر من الحديقه بس محـد .. حمدوه وهي بردانه : روضوووه بموت من البرد ، خلينا نسير الفله مستحيل يزوي تكون هني وابصم بالعشر .. يمكن تكون فـ الملحق مال التسالي تحيدينها خريشه .. ما اعارت رمسه حمدوه اي اهتمام ، وكانت تتفحص بعيونها وهي تمشي على يزوي ، كانت مصره انها لازم تلقاها .. وقعدت تمشي وهي تتلفت وتدور على يزوي .. . بس فجــآه صرخـــت روضه : هئئئئئئئئئئئئئئئئئئئئئئئئئئئ .. حمدووه طالعي طالعي تحت ها الشيره .. حمدوه بخووف صرخت : يـــــــاربي هـ الخبله شو تسوي هناك فـ هالبرد .. ( سارن حمدوه وروضه يربـعن صوب يزوي وهن محطيات ايديهن على قلوبهن ) . ( يزوي كانت شبه متجمده ، ولا تتحرك مول ، وكان ويها وشفايفها زررق وخشمها احمررررر من الخااطر ، وكانت متسدحه فـ العشب وهي ضامه ايدينها وريولها ويا بعض من البرد ..) . روضه بخوف الدنيا وهي تهز يزوي : يزوووي يزووي انتي تسمعيني ..!!!!!؟ حمدوه : يزووووي نشي دخيلج انتي تسمعينا مب جيه .. يزوي كانت ترتجف من البرد ومن حست فـ حمدوه وروضه فتحت عيونها بصعوبه وقالت : هـ ـ ـا حمدوه وهي توها ارتااحت : انتي تبيــــــــن تموتي وتموتينـــا ويااج ، شو هـ الخباااااال ليش راقده هني ..!!! روضه : حمدووه مب وقته البنت بتمووت ، خلينا نشلها وندفيها بسرعه قبل لا احد ينش .. حمدوه : انزين انزين .. . (سندن يزوي ويساعدنها وهي تمشي ، لحد ما وصلن فوق فـ جناحهن ) .. . . ( اول ما وصلن البنات الجناح على طول قعدن يدفن فـ يزوي لانها كانت ترتجف من البرد ) حمدوه : افففف الحمد لله محد طالعنا ولا بيسون لنـا سالفه .. روضه : يالخبـــله والله خوفتينا عليج زين ما يتني جلطه .. شو هـ الحركات متى بتوبين انتي وبتعقلين .. ادريبج خريشه بس مب لـ هالدرجه عاد ، وليش تسيرين بدون لا تقولين لحد .. هاااا .. يزوي وهي قاعده تتذكر ليش امس ظهرت واول ماتذكرت حست بنغزه فـ قلبها بس كتمتها وقالت وهي تحاول تخفي اللي فـ داخلها : مب انا اللي سرت !! حمدوه وتحطي ايدينها على خصرها : لا والله عيل منو اللي وداج لـ برع ..!!؟ يزوي : قلتلكن مب انا ( وتخفض من صوتها وتجرب صوب البنات) هـا الينانوه شلوني من ايديه وريولتـي وشاتوني برع الفله .. شكلهم حتى الينانوه ما يحبوني .. حمدوه وروضه ما رامن يمسكن عمارهن ، رغم الحاله اللي هي فيها الا انها بعدها خبله وماتوب عن سوالفها .. حمده : قال ريولتـي الايرانيه .. روضه : انا اشك انج عاقل .. حمدوه : وانا والله .. يزوي وتسوي عمرها معصبه ومدت البوز شبرين : معليه جيه اللي قاعد يقول لكن معاناته ، تضحكن عليه .. روضه : اي معاناه واللي يرحم والديج اسكتي .. انتي وهـ المعاناه .. حسستيني الدنيا .. حمدوه : اقول يزوي سيري خذيلج شور ساخن وبيخف عنج البرد .. روضه : هيه والله سيري .. يزوي : انزين .. بس لا تقولن شي لحد ما ايي .. ولا اقولكن سجلن كل اللي تقولنه فـ دفتر بالحرف الوااحد .. حمدوه : ههههههه والخيبه كل ها عسب لا تفوتج سالفه .. يزوي : هيه .. روضه : ههههههه انزين سيري سيري .. وبنقول كل شي اقصد مابنقول شي عشان خاطر يزويتنا .. يزوي وهي تنغز روضه بنظرات : هيه صدقتج وايدات .. حمدوه : هههههههه عاااشو وايدات الايرانيه .. . يزوي سارت تاخذ لها شور عسب يخف عنها البرد .. . روضه وهي تجرب صوب حمدوه وبهمس : حمدوه انا شاكه فـ يزوي ..! حمدوه : تصدقين حتى اناا .. روضه : يعني يزوي ما تسويها هـ الحركه مني والدرب اكيد مضايجها شي .. حمدوه : ادري .. وحاسه ان فيها شي عوود .. روضه : انزين ليش ماتقولنا يمكن نقدر نسوي لها شي .. . ( يزوي فجت باب الحمام وطلعت راسها لـ برع وصرخت : اييييييييييه انا ماقلتلكن لا تسولفن عنيه .. ولا ماتفهمن .. ترا احين بظهر ) .. . حمدوه : هههههههه والخيبه شقايل سمعتينا نحن نسولف بـ الهمس يزوي وهي تصارخ : انا مركبه رادارات عسب اسمع كل اللي يحش فيه .. روضه : هههههههه انزين هاا بنسكر حلوجنا وظهري بسرعه .. . (سكرت باب الحمام وردت تسبح ) . . . . الساعه 8:00 ص .. الكـل كان تحت على صاله الطعام ما عدا روضه كانت فـ المطبخ وطبعـاُ محد يدري شو تسوي ..!! ( حدرت صاله الطعام ووراها بشكارتها ميشيل وهي ماسكه الريوق وروضه كل علامات الغضب فـ ويهـا .. بسرعه حولت نظرها للشباب وجربت منهم وهي متجاهله كليـاً وجود أعمامها وخالاتها ) .. صرخت بقوووه وهي تقول : سيفـــــــــوه يا النـــــذل ... ( انفجـرو كل الشباب من الضحـك .. لانهم عارفين شو سيف مسوي روضه بعصبيــه : بـ أي حـــــق تستخدم القلاس مالي ..!!!؟ سيف كانُ عيونه على الطاوله وكاتم ضحكته .. تخصرت روضه وهي تقول : محد يتجـرا ( وهي تأشر على سيف ) يلمس لي ولا غرض من اغراضي غيرك انت .. أحيــن جم مره اقولك لا تجرب صوب شي يخصنــي ..!! عبدالباسط بلعانه : ولا بعد قاعد يتفل فوقــه .. صــرخت روضه من سمعت رمسه عبدالباسط : سيـــــف يالحيوااان ييــب القلاس مــــــــالي بســرعه .. الشباب فـ الارض منفجرين من الضحك .. ( رفع منصور راسه وهو يقول : روضه طالعي شقايل زاخنه لا يشرد .. ( حولت روضه نظرها لـ سيف اللي منزل عيونه على القلاس وكاتم ضحكته ) عبدالله يكمل على منصور : لاااا شباب دخيلكم طالعوا زاخ القلاس بأيدينه الثنتين لا يشرد .. ( حمد يكمل : أقول سيف الوردي بين ايدينك عـذاآاآاآب ) (ضحكن البنات وهن يسمعن تعليق حمد ) .. مشت روضه بكل عصبيه حذال سيف وسحبت من جدامه القلاس بس وقفتها ايدين سيف وهن يحوطن على القلاس .. ( رفعت عيونها بكل عصبيه وهي تتطالع عليه .. وصرخت عليه بكل قوتها متجاهله ابوها واهلها : سيفــــــــــــــوووووه .. ضحك سيف وهو يقول بـ همس محد يسمعه : عيـــونه .. روضه بعصبيـه : يحـــولن ان شاء الله ( تقصد عيونه ) الشباب ما سمعوا سيف لما قال عيونه بس لما سمعوا تعليق روضه فهموا .. وتسدحو من الضحك على روضه اللي شكلها من صج مقهوره من سيـف اللي يتعمد ينرفزها .. ( حاولت روضه تسحب القلاس بس ايدين سيف اقوى عنها كتلت ايدينها وهي تسويهن كتلـه وحده .. ودحــت ( ضربت ) سيف بقــــــووه .. صرخ سيف من ضربتها وانفلتن ايدينه من على القلاس سحبت القلاس بسرعه وهي تسير حذال بشكارتها وتعطيها القلاس عسب تسير تسويلها كوفي .. سارت مكانها وقعت بـهدوء وهي ابتسامتها تعلو فـ ويهـا .. ( الشباب ، خالاتها ، البنات ، الكل كانوا مصدومين من الحركه ) .. فجأه وبدون سابق انذار انفجروا الشباب من الضحك .. اما عن روضه فـ كانت فـ مكانها قاعده بكل هدوء .. وهي تتريا الكوفي يوصـل .. (حرك بوسالم راسه بأسى على انه مستحيل تتغيـر هـ الروضه .. طول عمرها جريئـه .. ) رفعت عيونها وهي تتطالع على الشباب يضحكوا ويتشمتون فـ سيف .. حولت عيونها للجانب الثاني وهي تتطالع انه مركز عيونه عليها .. حست ولـ اول مره انها تحس بالخجل من حركاتها اللا اراديه .. اصلاُ الضرابه اللي استوت قبل شوي كانت لا اراديه .. هي حتى ما حست باللي حولها .. كان يطالع عليها وهو حاط ايده على خده ويطالع عليها بنظره ما قدرت تفهمها .. ابتسمت ابتسامتها العذبه وهي تظهر الجزء الايمن من اسنانها البيضه .. وعقبها بسرعه حولت عيونه على سيف وهي تتطالع عليه بحقد .. . كان مصدوم ... مب مصدق .. هي ابتسمت لي .. معناته .. ( سكت .. ماقدر يكمل .. بس مسرع ما رد وهو يفكر شو معنى هـ الابتسامه ..) ابتسم هزاع وهو يقول : ماتعني شي [ غير انه كل اللي بينا مجرد علاقه اخويه ، لو مثلا كانت تحبنـ (سكت بس مسرع ما قال ) : تحبني !! لو تحبني مستحيل تبتسم فـ ويهي أكيد انها راح تستحي .. بس احين فهمت كل شي .. ابتسامتها ماتعني غير شي واحد .. ( انه انت اخويه وبس ).. . | ||||||||
| |
|
10-20-2011, 09:34 PM
| #100 (permalink) | ||||||||
|
شخصيه هامہ ~
|
رد: بتنـدمين يا بنـت والسبب نظرتج هذي . (كانً عيونها على الصحن تفكر فيه ولما ابتسمت له ) .. وكانت تقول فـ خاطرها : اللي سويته هو الصح هـ الابتسامه راح تفهمه انه هو شرات اخويه وبس .. وماشي غير جيه .. ( رفعت عيونها بسرعه عليه ولقته بعده محطي ايده على خده ويطالع على الفراغ بلا مبالاه .. ) ابتسمت وهي تقول فـ خاطرها : رديت يا هزاع شرات هزاع اللي اول مره طالعته الغريب اللي ما اعرفه .. ليش احين احسك رديت شرات اول مره طالعتك فيها .. ( هزاع المغرور – الواثق – الشموخ – الهيبه – وبس ) .. منو يقول انه هـ المغرور الواثق الشامخ بقلبه كل هالحنان انصدمت فيك يا هزاع ومن صدمتي فيك انجذبت لك ..!! بس احين احسني ما اعرفك ..! احسني غريبه عنك .. لانك وبكل سهوله رديت فـ قلبي هزاع اللي اول مره طالعته لا يعني لي شي ولا اعني له شي .. بس حنانك وثقتك فيه اللي غمرتني فيهم مستحيل انساهم مستحيـل يا هزاع .. . يزوي وهي تضرب جتف روضه : ايييييييه رواضي ..! ( نشت روضه من افكارها على صوت اليازيه .. التفتت عليها وهي تتطالع على يزوي ..) يزوي : من ساعه ارمسج وينج ..! عورتني حلجتي من كثر ما ازقرج ..! << بدينا خرط روضه وهي تبتسم : ههههه هني وياج يا الايرانيه راعيه حلجتي شو تبين ..؟ يزوي وهي تحول نظرها لصاله الطعام : الكل نش عسب يسيرون يرتبون اغراضاتهم الا انتي قاعده مكانج .. << مب ملاحظين انه يزوي كل شي فـ الجمع تجلبه بالمؤنث ( اغراضاتهم = اغراضهم ) عسب جيه البنات يتمصخرن عليها ويقوللها انتي وياج مشكله فالجمع يزوي وهي تكمل : انا سرت وييت وانتي بعدج فـ مكانج (وهي تغمز لها ) : فـ منو تفكرين آآآه ..!! ( ضحكت روضه وهي تحول نظرها لـ اخر الصاله وتطالع البشاكير يظهرون الجنط برع ) .. نشت بتعب وهي متوجهه لجناحها عسب تسير تلبس ( اما عن يزوي فـ هي بصدمه : بلاها هاي انا ارمسها وودرتني والله انها ماتستحي عيل انا المثقفه جيه تعاملني .. << قال مثقفه !! . ظهرت من صاله الطعام واول ما ظهرت لقت فـ ويها هزاع ابتسمت له وبادلها الابتسامه وقال بسرعه : انا احين ياي من داخل الميلس وفهمت ابويه كل السالفه والحمد لله تفهم وقلت له مابينا شي واللي طالعته مجرد مشكله وانحلت .. وانا ساعدت روضه وبس ..! وما باجي الا انتي ترفضي .. لاني ما اقدر انا ارفضج اخاف اييب لج الرمسه .. ( ابتسمت ابتسامه غريبه وهي تحاول تخفي اللي تحس فيه بس كان اقوى منها .. قالت بسرعه فـ خاطرها : انا اقوى وهزاع احين خلاص مايعني لي شي ) .. همست بعذوبه : شكراً هزاع ..! ابتسم هزاع وهو يطالعها تتركه وتمشي وقال بهمس : العفو يا روضه .. العفو .. شرات ما انا ما اعني لج شي .. حتى انتي من هـ اللحظه ما راح تعني لي شي .. . . > < > . . الساعه 7:12 المغرب .. فجت عيونها بتعب وهي تتطالع عمرها وسط الغنفه وحاطه ايدها على راسها .. بعدت ايدها وهي تحول نظرها للي حولها وقالت بصوت نعسان : آآآه نحن فـ فلتنا .. مب فـ المزرعه ..! تنهدت وهي تقول بـ تعب وهمس : ( ليش نايف انقطع كل هـ الفتره ليش ما يرد على اتصالاتي .. ياربي بلاه ..!! نشت بسرعه من الغنفه وهي تلم شعرها البني وترفعه بالكليب .. اول ما وقفت لقت جدامها شما اختها .. ( لوت بوزها وهي كارهه عمرها ) : هلا شما .. (وجربت منها وهي تبوسها ).. شما بحقد : هـآه عسى المزرعه كانت حلوه .. سمعت انج انخطبتي ..!! اكيد انج لعبتي بذيلج وانتي محد يدري عنج ..! ( غمضت عيونها وهي ترد تفجهن ومشت وهي تاركه شما مكانها ) انقهرت شما من برود روضه .. دايم جيه تسوي لها طاف وتتركها .. عمرها ماردت عليها لما تغلط فـ حقها .. وها اللي يزيد من غيض شما ... حدرت جناحها وسارت حذال الشبريه .. مدت ايدها على الفون وهي تدق على يزوي .. ما ثواني غير ترد يزوي بصوت نعسااااان : خير ..!! روضه بلعانه : الخير فـ ويهي .. نشي برمسج .. يزوي بعصبيه : رويض يعني ماتنقين ترمسينيه فـ موضوعاتج غير يوم اكون انا راقده ..!! قعدت روضه على حافه الشبريه وهي تقول لـ يزوي عن سالفتها ومطنشه يزوي وعصبيتها : تدرين وايد متزيغه .. يزوي تخيلي احين بيكمل 3 ليالي نايف ما رمسني ولا يرد على اتصالاتي ما ادري بلاه .. !! ( سكتت لفتره وعقب صرخت ) : لا يكووون مريض ..!!!!! نشت يزوي من رقادها وهي تقول بصوتها النعسان : انزين رمسي منصور .. وطالعيه اذا رد عليه ولا لا ..! روضه بحركه سريعه : اووه شقايل انا نسيت .. شكــــرا دزووي وربي احبــج .. امواااااااااح .. بااي .. ( صكرت عنها بسرعه وهي ترد تدق على منصور .. حاولت مره مرتين ثلاث .. بس محد يرد .. نزلت الفون بخيبه وهي تقول بأسى : بلاه ما يرد ..! ارتمت بقوه على وراء وهي ترمي عمرها على الشبريه تنهدت بتعب وهي تقول : ياربي بلاااااااه بمووت من التفكيــر ..!! غمضت عيونها لـ فتره بس مسرع ما فجتهن والابتسامه تعلو فـ شفاها .. بسرعه نشت من تسديحتها وهي تظهر برع الحجره .. وقفت حذال باب الجناح وهي تتطالع يمين وشمال .. طالعت محد مول .. فجأه مرت من حذالها بشكارتهم سالي زقرتها بسرعه وهي تقول : Where's Ms. Shamma ( اين الانسه شما ) ..؟ سالي وهي تفكر : I think she went with her friend ( اعتقد بأنها ذهبت برفقه صديقتها ) ابتسمت روضه بخبث وهي تربع صوب حجره امها .. دقت باب الجناح وحدرت .. طالعت امها راقده وابوها محد اكيد انه ظاهر .. قالت بصوت عالي : امـايه .. امـايه .. اميــه انا ارمسج ..! ام سالم بصوت نعسان : هاه اميه .. خير ..!! روضه بجذب وهي تستغفر فـ داخلها : اميه فديت روحج ابا اسير الجمعيه اييب لي جمن غرض .. حجرتي مفرغه ما فيها شي .. ام سالم بصدق : انزين اميه خذي وياج وحده من البشاكير وسيري وجان ناقصاتنج البيزات خذي من الفيزا كرت اللي فوق التسريحه ( حست روضه بالذنب .. بس قالت : انا هدفي نبيــل .. ) ابتسمت روضه وهي تقول : يعلنــي فدى روحج .. مشكوره يا قلبي ماتقصري .. الخير واايد الحمد لله .. باست راس امها وظهرت بسرعه من الجناح وهي متوجهه على جناحها .. لبست عباتها وشيلتها وطيراااان على تحت .. نزلت تحت وهي تدعي انها ماتلاقي واحد من اخوانها .. ظهرت من الفله وطالعت الدريوليه تترياها وموقفه حذال الباب الرئيسي .. فجت باب السياره وهي تنزل الدريوليه : Tina Come down quickly ( تينا انزلي بســرعه) .. تينـا :why ? ( لماذا ) ..؟ روضه : I will go on my own ( سوف اذهب لوحدي ) .. ركبت السياره وهي تبا تنطلق لكن تذكرت شي .. صرخت على الدريوليه : تينــــا .. تينــــا .. تينا : Yes Miss rawth ( نعم انسه روضه ) ..!! روضه : Go to the Supplement not go out until I go back ( اذهبي الى الملحق ولا تخرجي منه ابدا حتى اعود ) تينـا وهي تلوي بوزها : okay ( حسنـا ) انطلقت وهي متوجهه لفله خـالها نايف .. . . كانت جدام باب الفله .. ( كانت تحس بربكه وخوف ماتدري ليش ) !! نزلت بسرعه وهي متوجهه للفله .. فجت الباب ببطئ شديد وحدرت فلته الراقيـه جدا .. حولت عيونها لجميع ارجاء الفله وهي تدور اذا احد موجود توقفاً عيونها لحافه الصاله وهي تتطالع ضوء الـ TV منعكس على اليدار .. بسرعه توجهت للصاله وهي تتطالع عليه لمده ثواني.. مادقايق غير تتحرك بسرعه وترتمي وسط حضنه .. استغرب منها ومن حركاتها واللي صدمه وبـقووه وجودها ويـاه .. لكن لحظتها فهم انه اللي سواه مبالغ فيه .. جربها من حضنه ولمها بقوه وتناسى وجود الشخص الثاني الموجود وياه ..!! روضه بألم : ليش ماترد على اتصالاتي ..!! نايف : .......... روضه بقهر وهي ترفع عيونها عليه : نايف دخيلك لاتستوى شراتهم .. لا تتركني شرات ما الكل تركني .. . ( كان بصدمه مب مصدق اللي يطالعه جدامه .. معقولــــه روضه هي اللي بحضن نايف ..!!!!! ) فاق من صدمته وهو بسرعه يتحرك ويحدر المطبخ .. ( رد صحن السلط بالطاوله وهو يقعد على الكرسي اللي حذاله ) : معقوووله اللي طالعته .. روضه ونايف .. ياربيه ليش نايف بالذات ..!! نايف ربيعيـه واخويه ...!! ( تنهد وهو جنه مب مصدق اللي طالعه جدامه ) | ||||||||
| |
|
| مواقع النشر (المفضلة) |
| الذين يشاهدون محتوى الموضوع الآن : 3 ( الأعضاء 0 والزوار 3) | |
|
|
| |
العرض العادي
