هل تريد التسجيل في منتديات بنوته ؟
إحصائيات المنتدى: المواضيع: , المشاركات: , الأعضاء:
إحصائيات المنتدى: المواضيع: , المشاركات: , الأعضاء:
|
|  |
| التميز خلال 24 ساعة | |||
 العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم |
المشرفة المميزه |
قريبا | بقلم :  | قريبا | قريبا |
| |||||||
 |
| | LinkBack | أدوات الموضوع | انواع عرض الموضوع |
07-22-2010, 05:27 PM
| #21 (permalink) | |||||||||
|
مستشار المؤسس ~  
| 
رد: ( نواف ونوره)احلام ورديه ياحبيبي تصحى وتلقاني قدامك يارب تحقق احلامك انا :
قمرهم كلهم طوط طوط طوط ثم يتصل بهاتف سعود ترررررررن ترررررررن سعود : هلا ياخويا ١ نواف : السلام عليكم سعود : وعليكم السلام نواف : كيف حالك سعود سعود : والله بخير الحمدلله كيف حالك انت وكيف صحتك نواف : الحمدلله تمام .. سعود بقول لك خبرين حلوين تبي الاول والا الثاني ؟؟ سعود : كلهم نواف : الخبر الاول سلمك الله رجعت لوظيفتي سعود : والله ؟ مبروك .. والخبر الثاني ؟؟ نواف : كلمت ابو خطيبتي وقلت له رجعت لوظيفتي ووافق يزوجني بنته سعود يقول في نفسه ((ليته ماوافق)) ثم يقول لنواف وبصوت منخفض خوفا على مشاعر اخيه الذي قضى من عمره ثلاث سنوات في المستشفى : مبروك نواف : الله يبارك فيك سعود : كلمت امي ؟؟ نواف : طبعا سعود : كلم اختك مها نواف : اش معنى مها ؟ سعود : بس رأيها مهم نواف : وليلى اكبر منها ليش ما أكلمها قبلها سعود : براحتك بس مهم تكلم مها نواف الى الآن لم يعلم ان مها هي السبب وراء كل ماحصل ولم يعلم انها اتصلت بنوره لأنه قد سأل دلال قائلا.. (( نواف : نوره حبيبتي ممكن اسألك سؤال دلال : تفضل اسأل ياحبيبي بدون ماتقول ممكن انت تامر نواف : ليش قلتي لي ما أبيك لو مايبقى بالدنيا غيرك والحين وانا بالمستشفى مشلول تبيني ؟؟ دلال لا تعرف الإجابه على سؤال نواف لأن نوره لازالت لاتتكلم تشعر بالحرج وتتهرب قائله : نواف حبيبي اذا تحبني جد بطلب منك طلب وماتردني فيه نواف : اذا أحبك جد ؟؟ هههههه دلال : موافق والا لا نواف مبتسما ً : ايه عشاني احبك جد بس انتي ماجاوبتي على سؤالي دلال : انت وافق على طلبي وبعدها ابشر باللي تبي نواف : طبعا موافق دلال : نواف حبيبي ارجوك اذا تحبني جد اعفني من الاجابه على هالسؤال ولعاد تسألني مره ثانيه نواف يصمت قليلاً دلال : نواف حبيبي وش فيك نواف : نوره حبيبتي السؤال كان مهم عندي بس خلاص وعد معاد اسألك )) ١ نواف لم يسأل نوره بعد ذلك لانه قد وعد دلال .. نوره مستغربه وتسأل نفسها أكثر من مره ((ليش مايسألني عن الكلام اللي قلته له يوم الحادث )) وبعد أيام سألت دلال وأخبرتها دلال بما دار بينها وبين نواف ثم يكمل نواف حواره مع سعود نواف : طيب بكلم مها بس بعد ما أكلم ليلى وسلمان سعود: براحتك نواف : مع السلامه سعود : مع السلامه طوط طوط طوط يتصل نواف بسعود وليلى ويخبرهم بأنه قد عاد الى عمله وان والد نوره قد وافق على زواجه من ابنته ثم يتصل بعد ذلك بمها تررررررن ترررررررن تررررررن مها : هلا باخوي وحبيبي نواف : السلام عليكم مها : وعليكم السلام ياواحشني نواف : مها ترا بسكر ما اقدر اقاوم هاالكلام مها : طيب يانواف كم لك ماكلمتني وانا اللي كنت كل يوم ازورك بالمستشفى نواف : انشغلت مع نوره مها : اللي اخذ عقلك نواف : تستاهله مها التي قد احبت نوره كثيرا لانها طوال فترة وجود نواف بالمستشفى كانت دلال تكلمه وفي نظر مها انها حبيبة نواف المخلصه نوره ومما جعلها تحبها اكثر انها لم تخبر نواف بالكلام الذي قالته لنوره في نفس يوم الحادث مها : اي وربي تستاهل كل خير البنت الطيبه نواف : مها كم تعطيني واقول لك خبرين حلوين مها : رجعت لوظيفتك وابو نوره وافق نواف : من اللي خرب علي مها : كلمت امي وقالت لي.. مبروووك والله يانواف انشاءالله تتعوض الايام اللي قضيتها بالمستشفى نواف : الله يبارك فيك .. مها بسألك سؤال مها : اسأل نواف : سعود ليش مصر اني اكلمك اكثر شيء مها بذكاء : طيب انت سألته ليش ؟؟ نواف : ايه سألته وقال رايها مهم مها بابتسامه : حلاص هو قال لك نواف : طيب توصين شيء الحين مها : سلامتك نواف : مع السلامه مها : مع السلامه وقبل ان يغلق نواف الخط مها : نواف نواف : سمي مها : تبي الصراحه ؟؟ نواف : مافي احلى من الصراحه مها : مشتاقه اشوف خطيبتك نواف : احسب عندك سالفه مع السلامه مها : هههه طيب مع السلامه طوط طوط طوط ثم يتصل نواف بحبيبته نوره ١ ترررررررن نوره تفتح الخط من اول رنه : هلاااااااااا حبيبي وحشتني نواف : وانتي اكثر ياحياتي نوره : ها بشر وش سويت نواف : عندي لك كومة اخبار حلوه ١نوره : والله طيب حلو نواف : خلاص بكره اداوم انشاءالله نوره : مبرووووووووووك ياحياتي مبروووك الف الف الف الف مبروووك نواف : وكلمت ابوك ووافق اني اتزوجك نوره لاتستطيع مقاومة دموع الفرح تستمر بالبكاء ولاتتكلم نواف يداعبها قائلا : نوره حبيبتي تبكين شكلك ماتبيني نوره بكلمات متداخله مع شهقات البكاء : ابيك انت ومابي غيرك يابعد روحي انت نواف : الله لايحرمني منك ياحياتي نوره : ولايحرمني منك يابعد عمري نواف : وكملت امي واخواني كلهم فرحانين والاسبوع الجاي انشاءالله بيجون كلهم نوره : كلمتهم قبل ماتكلمني .. طيب يانواف نواف : ايه ياحبيبتي عشان ابشرك بكل شيء دفعه وحده نوره : ياسلام وماتبيني اكون معك خطوه بخطوه نواف : كذا احلى نوره تبتسم ثم تقول : الله يخليك لي نواف : احبك نوره : نواف احسها حلوه اليوم عيدها نواف : والايام اللي قبل ماكانت حلوه نوره : لا اليوم طعمها غير نواف : احبك نوره : احبك نواف : احبك نوره : احبك نواف : احبك نوره : ههههههههههه نواف : ههههههههههههه تستمر اللحظات الجميله بين نواف ونوره وبعد اسبوع عائلة نواف تصل الى الرياض | |||||||||
  |
|
07-22-2010, 05:29 PM
| #22 (permalink) | |||||||||
|
مستشار المؤسس ~
|
رد: ( نواف ونوره)احلام ورديه ياحبيبي تصحى وتلقاني قدامك يارب تحقق احلامك انا :
قمرهم كلهم وفي اليوم التالي يذهبون جميعا الى بيت عبد الرحمن والد نوره سعود وسلمان ويوسف ونواف وماجد وأحمد في مجلس الرجال خالد شقيق نوره لم يحضر لأنه لم يكن موافق على هذه الخطوبه مريم وليلى ومها في مجلس النساء كان في إستقبالهم العنود ودلال مها بصوت منخفض تستغل انشغال العنود ودلال : امي شوفي هذي اختها تهبل ماشاءالله يارب تكون تشبهها مريم : بنشوف يمكن احلى منها تتقدم نوره بخطواتها الخجوله مريم : ماشاءالله مها تقوم بسرعه : هذي العروسه ؟؟ العنود : ايه هذي نوره تتقدم مها وتصافحها : ماشاءالله ايه حظ اخوي دايم حلو مريم تصافحها ايضا : ماشاءالله ليلى كذلك : هلا نوره ماشاء الله قمر يمشي على الارض تجلس نوره وقد احمرت وجنتيها خجلا لحظات من الخجل ... وينتاب نوره شعور غريب بعده وهي تسمع صوت مها وتتذكر كلماتها الحارقه عندما تقول ((لا انتي ساحرته حسبي الله عليك والا اخوي مو راعي مكالمات وخرابيط وكان رجال عاقل الحين مثل المجنون انتي وش مسويه فيه)) نوره تضطرب في داخلها ولكن شعور الفرح والخجل في داخلها وإستقبال مها الغير عادي لها جعلها تتأكد ان نظرة مها لها قد تغيرت وفي هذه الأثناء دلال لاتستطيع ان تسيطر على مشاعرها وهي تتمنى ان تكون مكان نوره ولم تقدر على حبس دموعها التي قد أسالت الكحل على وجنتيها مها : الحلوه ايش فيها تبكي العنود : اكيد حزينه ماتبي _تفارق اختها .. اختها الكبيره بجده مريم : لا انشاءالله ماتفارقها نواف بيعيش في الرياض عشان عمله ثم تستمر المناقشات بين النساء مريم : انشاءالله بكره نملك لهم ونسوي الشبكه العنود : انشاءالله مريم : كم تبون مهر ؟؟ العنود : بنتي مهرها 80 الف مريم : كم ؟؟؟؟؟؟ العنود : 80 الف ويمكن ماتكفي بس اذا نقص عليها شيء بنكمل من عندنا مريم : انتي تعرفين ان نواف كان بالمستشفى ومارجع لعمله الا قبل اسبوع العنود : طيب لحظه بكلم ابوها تخرج العنود وتناقش زوجها الذي قد أصر على ان لايزيد المهر عن 30 الف لانه يعرف ظروف نواف جيدا ً١ تعود العنود بعد ذلك واعين مريم وبناتها تتجه اليها يترقبون النتيجه العنود : خلاص ابوها يقول مانبي اكثر من 30 الف والله يوفقهم انشاءالله مريم : ايوه 30 الف معقوله وولدي انشاءالله بيعيشها حياه كريمه يستمر النقاش في الأمور الأخرى دلال ونوره تتجهان الى غرفة نوره وبعدها بقليل سعود يتصل بوالدته سعود : يالله مشينا مريم : طيب طوط طوط مريم : يالله يام خالد العيال برى ينتظرون العنود : بدري مريم : من عمرك بكره انشاءالله واحنا عندكم العنود : الله يحييكم يخرجون بعد ذلك وتودعهم العنود مريم ومها فقط مع نواف في السياره مها : والله يانواف خطيبتك تهبل ماشاءالله حظك حلو نواف : ايه اخوك ذوق مها : نواف شكلك اذا تزوجتها بتبلط عندها مابتطلع من البيت مريم: الله يوفقك ياولدي نواف : آآمين مها : آآمين مها : يأمي شفتي اختها احلى منها ياعيني عليها شكلي بخطبها لماجد نواف ضاحكاً : يصير ماجد اخوي وعديلي مها : ياليتهم يوافقون مريم : ما أظن يوافقون لأن ماجد بجده وللحين ماعنده وظيفه نواف : نخلي ماجد لين يتوظف ونخطبها ذاك الوقت انا قد اتزوجت نوره بيكون لي تأثير أقوى تستمر الاحاديث بين نواف ومها بمشاركه من والدتهم الى ان وصلوا الى مكان إقامتهم نواف يتصل على الفور بنوره ترررررررن تررررررررن نوره : هلا حبيبي نواف : هلا ياقلبي هلا يابعد عمري هلا ياحبي الاول والاخير نوره تصمت خجلاً نواف : وربي يانوره مها اختي بتتجنن عليك نوره : وش تقول؟؟ نواف : تقول خطيبتك قمر ماشاءالله عليها نوره مبتسمه : ادري اني قمر نواف : يابعد عمري يانوره خلاص هانت نوره : احبك نواف : احببببببببببببببببببببببببببببببببببببببببببببك كلمات عشق كلمات حب لحظات جميله ليله بألف ليله وليله يقضيها نواف ونوره وبعد ان انتهت المكالمه نواف في غرفته لم ينم ونوره كذلك كلاً منهما يفكر في الآخر الوقت يمر ببطئ على نواف الذي حاول ان يشغل نفسه بأي شيء لكي يمر الوقت سريعاً نواف يتصل بنوره مجدداً ترررررررن ترررررررررن نوره تفتح الخط : هلا نواف مانمت نواف : لا انتي نمتي نوره : لا نواف : ليش ؟ نوره :افكر فيك .. وانت ليش مانمت نواف : افكر فيك يانوره ماني مصدق انك بعد اقل من 24 ساعه بتصيرين ملكي نوره : انا ملكك من اربع سنين نواف : لا اقصد بتصرين ملكي شرعاً .. خلاص لو بخطفك بكره محد يقدر يقول شيء نوره : ههههههههههههه تخطفني وين توديني نواف : نوره انا خايف نوره : وش مخوفك ؟؟ نواف : خايف الليل مايجي الوقت مايمشي نوره : انت حاس باللي انا حاسه فيه نواف : نوره انتبهي لروحك انشاء الله بننام نوره : وانت انتبه لروحك نواف : من عيوني نوره : تسلم عيونك نواف :الله يسلمك.. مع السلامه نوره : مع السلامه ومساء اليوم التالي وبعد ان تم العقد واصبحت نوره زوجة لنواف يتقدم نواف ليلبس حبيبته دبلة الخطوبه نظرات بين العاشقين حوار بين العيون مع صوت الموسيقى الذي يدوي في حفل صاخب نوره تقترب من نواف شيئا ً فشيئا نواف يمسك بيد نوره ويدخل الدبله ويهمس لها قائلا : مبروك نوره بصوت لا تسمعه اذنيها : مبروك نواف : مبروك علي نوره نوره تبتسم نواف : احبك نظرات نوره تتجه الى ان تصل الى قدميها خجلاً نواف : هذي أحلى لحظه بعمري نوره لاتتكلم نواف : ارفعي راسك خليني اشوف العيون الحلوه نوره تبتعد مسرعه وتتجه الى غرفتها نواف يشعر بالحرج والورود تنثر عليه من كل اتجاه قليلا ثم يخرج دلال تدخل الى غرفة نوره : مبروك ياحبيبتي بس ليش طلعتي بسرعه احرجتيه نوره : دلال تعالي امسكي قلبي دلال : ههههههه مفروض تكونين قويه وماتحرجينه نوره : ماقدرت دلال : تحبينه ؟؟ نوره : موووووووت وبعد دقائق يتصل نواف ترررررررن ترررررررررررن نوره : هلا حبيبي | |||||||||
| |
|
07-22-2010, 05:30 PM
| #23 (permalink) | |||||||||
|
مستشار المؤسس ~
|
رد: ( نواف ونوره)احلام ورديه ياحبيبي تصحى وتلقاني قدامك يارب تحقق احلامك انا :
قمرهم كلهم ** الجزء الثاني عشر والآخير** نواف : ليش تحرجيني نوره : غصب عني يانواف نواف : اول مره يانوره اشوفك تفكرين بنفسك نوره : انا ماني قادره افكر لابنفسي ولا فيك نواف : نوره انتي اخترتي انك تتهربين من الاحراج اللي انتي فيه وتحرجيني نوره : والله العظيم ماقصد شيء نواف : احبك نوره : احبك نواف : نوره الحين انتي زوجتي نوره ضاحكه : وانت بعلي نواف : هههههههههههههه نوره : هههههههههههه نواف : تعرفين عاصمة فنزويلا ؟؟ نوره : نواف بسألك سؤال واتحداك تجاوب نواف : وشو نوره : وش أول كلمه قلتها لي ؟ نواف : انا مابعتمد على ذاكرتي بعد على معرفتي بنفسي انا اذا جيت اكلم شخص ما أعرف اقول له لو سمحت اوممكن نوره : لا انت قلت ممكن عاصمة فنزويلا ؟؟؟ نواف : ماقلت قبلها شيء ؟ نوره : مادري انا اللي باقيه بذهني ممكن عاصمة فنزويلا ؟؟ نواف : بس انا مانسا كراكاس وبعدين يوم هاوشتيني تقولين كركااااااااااااااس ... يابعد عمري يانوره وقتها احسبك وحده شريره ماكنت اعرف انك اطيب قلب بالعالم نوره : وانا كنت احسبك ملقوف ومتطفل نواف ........ نوره : يوووه نواف زعلت نواف : وليش ازعل نوره : نواف انت قلت نظرتك عني اول ماشفتني ونظرتي عنك نواف : لا عادي ماصار شيء نوره : احبك يانواف لاتزعل ياعيوني انت نواف : لا خلاص عادي احبك نوره : نواف اليوم شبكتنا وانت تزعل كذا نواف : خبل وش تقولين نوره : احلى خبل بالدنيا نواف : ههههههههههه نوره : ايه اضحك يا أحلى نواف بالدنيا نواف : اما احلى نواف كثري منها نوره : بعيني نواف : وانتي احلى انسانه بالدنيا نوره : بعينك ؟ نواف : وبعيون كل عاقل نوره : نواف حبيبي تعرفني ماحب المجامله نواف : قليله عليك احلى انسانه انتي احلى واغلى واطيب انسانه نوره انتي اللي علمتيني معنى الحب نوره انتي اللي علمتيني شلون يكون الانسان بمكان وقلبه بمكان ثاني وفي هذه الأثناء دموع الشوق تنزل من عيني نوره نواف يكمل : نوره مهما اقول فيك ما أوفي بحقك .. وأكثر شيء مانساه لك ولا يمكن انساه وقفتك معي ومساعدتك لي بفترة وجودي بالمستشفى نوره : هذي بسيطه ماسويت الا واجبي نواف : هذي من طيبك يانوره لو اي بنت غيرك حبيبها مشلول ولا فيه أمل يرجع انسان طبيعي بتتخلى عنه بس انتي ماتخليتي انتي بعد الله اللي ساعدتيني وخليتيني ارجع للحياه انسان طبيعي .. وهذا السبب اللي خلا اهلى كلهم يقتنعون فيك ويحبونك لأنهم شافوا الوفاء فيك نوره : نواف حبيبي ماقدر اقاوم هالكلام بروح اغسل وجهي واشرب عصير واذا رجعت اكلمك نواف : تغسلين وجهك ليش نوره بخجل : دموعي نزلت من الكلام اللي تقوله نواف مبتسماً : وش اسمها الدموع هذي دموع فرح والا دموع حزن نوره : لا الاولى ولا الثانيه هذي دموع مالقولها اسم للحين نواف : انا لقيت لها اسم نوره : وشو ؟؟ نواف : دموع نوره نوره : ههههههه اوكي حبيبي اكلمك بعد شوي نواف : لا خذي التلفون معك نوره : ابشر اللي يامر به بعلي نواف : ياعيون بعلك انتي وقلبه وروحه تخرج نوره من غرفتها تحمل هاتفها في يدها تغسل وجهها ثم تدخل المطبخ دلال في المطبخ تغني ((ترجع وتقوم بالسلامه وتكون احسن ياحبيبي حمدلله عالسلامه حمدلله ياحبيبي)) نواف مندهشا ً وهو يسمع الأغنيه التي كان يسمعها يوميا طيلة ثلاث سنوات : نوره نوره : هلا حبيبي نواف : هذي اللي تغني دلال نوره قبل التفكير في العواقب : ايه نواف : هذي الاغنيه اللي من زمان اسألك عنها وماتجاوبين اثاري دلال اللي كانت تكلمني وتغني لي نوره : نواف نواف : ولا كلمه عرفت من اللي ضحت عشاني ثم يغلق الخط طوط طوط طوط نوره تحاول الإتصال تجد هاتفه مغلق دلال : وش فيك نوره نوره تخرج باكيه وتعود الى غرفتها دلال تلحق بها دلال : حبيبتي اختي وش فيها نوره وصوتها لايكاد يسمع من البكاء : دمرتي حياتي يادلال دلال : وشو ؟ نوره : نواف سمعك وانتي تغنين وعرف انك انتي اللي كنتي تكلمينه هو بالمستشفى دلال تصمت من هول الصدمه نوره : ليش مانسيتي الاغنيه ليش ؟؟؟؟؟؟؟؟ دلال : وانا اش عرفني انك داخله المطبخ ونواف معك على الخط لأنك كنتي ساكته نوره : حتى هو كان ساكت ينتظرني لين اطلع من المطبخ دلال : كلميه الحين بس لاتعترفين اني انا اللي كنت اكلمه بس قولي دلال كانت عندي وتسمعني يوم اغني لك وحفظتها نوره : مابيصدق اللي لازم نقوله له الحقيقه بقول له اني كنت ما اقدر أتكلم من بعد الحادث لين طلع من المستشفى وجاء الرياض واذا شاف التقارير الطبيه اكيد بيقتنع دلال : نواف يوم كان بالمستشفى يقول ..(( نوره حبيبتي توني الحين عرفت انك تحبيني جد )) نوره تصمت دلال تبكي ثم تعود نوره قائله : جواله مغلق للحين دلال : ارسلي له تكتب نوره الرساله الأولى " نواف حبيبي ليش مقفل جوالك اذا قريت الرساله اتصل فيني عشان اقول لك كل شيء " بعد نصف ساعه الرساله الثانيه " نواف حبيبي وينك ياحبيبي والله اللي صار ماتتصوره " بعد ساعه " نواف حبيبي ليش مقفل جوالك خوفتني عليك " بعد ثلاث ساعات " نواف الله يخليك اذا فتحت الجوال بس خله مفتوح لاترد ابي اعرف انك موجود " في اليوم التالي " نواف يابعد عمري للحين مافتحت جوالك ؟ " نوره تنهار في داخلها دلال تبكي وتحتضن نوره لانوم...لا أكل....لاشرب إضراب عن كل شيء العنود تدخل غرفة نوره وتجد دلال ونوره تبكيان العنود: نوره وش فيك وحده امس شبكتها واليوم تبكي نوره : يمه نواف مادري وش فيه من امس مقفل جواله تتصل العنود على أخت نواف مها تررررررن ترررررررن مها : مرحبا العنود : السلام عليكم انا ام خالد مها : هلا ام خالد العنود : نوره تبكي تقول نواف مقفل جواله وخايفه عليه مها : مادري وينه جواله مقفل ويوم صحينا مالقيناه لأن نواف كان يسكن مع أخوته في نفس الوحده السكنيه التي أقاموا فيه خلال وجودهم في الرياض العنود : طيب وش تتوقعين مها : يمكن مارتاح بنومه وراح ينام بشقته العنود : طيب كم تلفون الشقه ؟؟ نوره : انا اعرفه يمه دقيت عليه الف مره ما رد مها : هذا صوت العروسه العنود : ايه مها : سلميلي عليها العنود موجهه الكلام لنوره : تسلم عليك مها . مها : خلاص يام خالد شوي اخوه بيروح يشوفه وهو اكيد اذا صحى بيكلم نوره قبلنا العنود : طيب مع السلامه مها : مع السلامه طوط طوط طوط العنود : انتي مزعلته ؟ نوره : لا سوء تفاهم بسيط تبتسم العنود ثم تقول : ايه هذي الزوجه الناجحه اللي تكتم الخلافات اللي بينها وبين زوجها ثم تخرج العنود من غرفة نوره نوره لاتزال ترسل لنواف وتتصل على هاتفه المغلق رساله " نواف ابوس رجولك اول ماتشوف الرساله كلمني " وبعد عشر ساعات هاتف نوره يرن تررررررررررن تررررررررن نوره تفتح الخط بسرعه مها : السلام عليكم نوره : وعليكم السلام مها : ماكلمك نواف ؟؟ نوره : وين نواف ؟؟ مها : انا اسألك عنه ..راح اخوه يدور عليه بشقته مالقاه نوره تنهار بالبكاء : لا.. لا...لاااااااااااا مها وهي باكيه ولكن تحاول ان تهدئ نوره : نوره نواف يحبك واكيد بيكلمك الحين نوره تبكي ولا ترد مها لاتستطيع ان تسيطر على نفسها ثم تغلق الخط طوط طوط طوط في صباح اليوم التالي تخرج نوره مع السائق بدون علم أهلها وتبحث عن نواف في جميع مستشفيات الرياض نوره تتخبط دون ان تعرف في أي إتجاه تسير تخطر على بالها فكره وتذهب الى مقر عمله تدخل نوره حارس المبنى الذي يعمل به نواف : لو سمحتي يا أخت ممنوع دخول النساء نوره : تعرف نواف الحمد ؟؟ الحارس ايه بس الاسبوع هذا عنده اجازه شبكته واهله جايينه من جده نوره : ماجاء اليوم الحارس : اقول لك إجازه نوره : طيب من أقرب أصحابه بالعمل له ؟ الحارس : من انتي ؟ نوره : انا زوجته الحارس : فهد العلي هو اللي يعمل معه بنفس المكتب نوره : ممكن رقم جواله الحارس : ماعرفه ممكن تنتظرين دقايق اروح انادي فهد بنفسه نوره : طيب الحارس يدخل المكتب : فهد فهد : ارحب الحارس : فيه وحده برى تبيك زملاء فهد : طيب احلى ياعلاقات انت يجونك حتى بالعمل فهد يخرج بسرعه يظن انها من أفراد عائلته لانه غير متزوج ولا يوجد له علاقات مع الجنس الناعم الحارس وفهد يقتربان من الباب الخارجي فهد: وينها الحارس : هذي اللي واقفه نوره : انت فهد ؟؟ فهد : ايه .. أي خدمه ؟؟ نوره : تعرف نواف الحمد ؟ فهد : طبعا زميلي وصديقي نوره : ماكلمك اليوم ولا امس فهد : لا والله له تقريبا اربعه ايام ماكلمني ؟ نوره مكسورة الخاطر : طيب شكرا فهد : من اقول له نوره تبتعد ولا ترد عليه بكلمه تصل نوره لمنزلها الساعه الحاديه عشره قبل الظهر وقواها منهاره واعصابها تالفه حبيبها لازال غائب شوق ودموع وندم على ذنب لم تقترفه هي على ذنب لم ترتكبه شقيقتها على ذنب لم يقترفه نواف دلال : حبيبتي نوره هدي بيرجع صدقيني بيرجع وفي تمام الساعه الواحده والنصف ظهراً الخدامه تدخل الى غرفة نوره : نوره نواف في الحوش نوره تخرج راكضه وهي تبكي دلال تتجه الى نافذه لترى .. هو نواف !! نواف ولكن نواف ليس بشكله الذي ظهر به في ليلة شبكته نوره تستقبله وهي بمظهر لم يتوقعه نواف من قبل نوره هلا حبيبي ثم تحتضنه وهي لاتعي مالذي تفعله ولكن الغريب ان يدي نواف كانت الى الأسفل لم يحتضنها نواف : وين دلال ؟ نوره : وينك ياحبيبي خوفتني عليك نواف : ماراح ارد عليك الا لين تجيبين دلال نوره : نواف حبيبي نواف : اقول روحي جيبي دلال تذهب نوره وتأتي هي ودلال دلال قدمت ولكن لايرى منها الا عينيها دلال : شلونك نواف حمدلله على السلامه نواف : انتم اللي ضيعتوني خليتوني احبكم ثنتينكم نوره تحاول الكلام نواف : خليني اكمل كلامي نواف : حبيت دلال اكثر منك يانوره .. نوره اناتوقعت انك اخلصتي لي اثاريك جحدتيني وانا مشلول تخليتي عني ليش تخليتي عني ؟؟؟ عشاني مشلول صح ؟؟ وانتي يادلال يا أكبر كذابه كلكم قتلتوني قتلتوني قتلتوني ثم يخرج سكين من جيبه ويغرزها في صدره نوره تقترب وتحتضنه ليسيل دمه على صدرها وهي تبكي تأخذ من دمه وتمسح على وجهها دلال تتقدم باكيه : حبيبي نوااااااااااااااااااااااف نوره وهي منهاره تخرج السكين من صدر نواف وتطعن دلال : لاااااااااااااااااتقولين حبيبي لاااااااااااااااتقولين حبيبي نواف حبيبي انا وبس دلال لقيت حتفها على الفور نوره تدخل السجن نواف لم يمت من أثر الطعنه ولكنه فقد عقله عندما علم ان نوره في السجن ودلال في القبر يقضي نواف أيامه هادئاً ولكن تنتابه نوبات يخرج رأسه مع نافذة غرفته في مصحة الأمراض النفسيه وهو يصرخ بأعلى صوت ((حبيبتي نوره ليش تقتلين اختك حبيبتي دلال)) ((حبيبتي نوره ليش تقتلين اختك حبيبتي دلال)) ((حبيبتي نوره ليش تقتلين اختك حبيبتي دلال)) ((حبيبتي نوره ليش تقتلين اختك حبيبتي دلال)) ((حبيبتي نوره ليش تقتلين اختك حبيبتي دلال)) ((حبيبتي نوره ليش تقتلين اختك حبيبتي دلال)) >>>> النهايه<<<< | |||||||||
| |
|
| مواقع النشر (المفضلة) |
| الذين يشاهدون محتوى الموضوع الآن : 2 ( الأعضاء 0 والزوار 2) | |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| أحــلى مأخلق ربي ..) روايةسعوديـة كــاملة تستحق القراءة | قمرهم كلهم | للروايات المكتمله | 103 | 09-02-2011 08:33 PM |
| |
العرض العادي
