هل تريد التسجيل في منتديات بنوته ؟
إحصائيات المنتدى: المواضيع: , المشاركات: , الأعضاء:
إحصائيات المنتدى: المواضيع: , المشاركات: , الأعضاء:
|
|  |
| التميز خلال 24 ساعة | |||
 العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم |
المشرفة المميزه |
قريبا | بقلم :  | قريبا | قريبا |
| |||||||
 |
| | LinkBack | أدوات الموضوع | انواع عرض الموضوع |
07-22-2010, 04:47 PM
| #11 (permalink) | |||||||||
|
مستشار المؤسس ~  
| 
رد: ( نواف ونوره)احلام ورديه ياحبيبي تصحى وتلقاني قدامك يارب تحقق احلامك انا :
قمرهم كلهم مريم : خلاص انا موافقه ان نواف يتزوج البنت هذي بس بشرط ؟ سعود : يا أمي غيروا رأيك !! سلمان : خلها تقول وشو الشرط مريم : انه مايجيبها عندي ولا اشوفها اذا بيجي زياره لي يجي براسه سلمان : وليش؟ مريم : هذي اللي لعبت بعقل ولدي مابشوفها والله ماوافقت الا عشان مابغاكم تختلفون ابغاكم دايم اخوان ورأيكم واحد وانا قلت رأيي واللي يحبني لايخالفه سعود: لا يأمي عياله اللي بيجيبهم يحملون اسم ابونا واسم عائلتنا سلمان : يعني انت شايف عيالك ملائكه الحين مريم : خلاص ياعيالي انا قلت كلمتي ومابغيرها ماجد : بتصل ابارك لنواف مها تخرج غاضبه سعود كذلك مريم : مها سعود وين رايحين ماتغديتوا سعود : عيالي ينتظروني بالبيت ..انتظري مها اوصلك لبيتك يخرج سعود ومها في سيارة سعود دقائق صمت يقطع الصمت سعود قائلا : وش رأيك مها : سلمان هذا مايفكر بنواف والحين يتصرف اللي يشوفه يقول انه يحب نواف أكثر منا سعود : انا ماهمني سلمان بس ماقدر أزعل امي مها : امي من قال لك انها مقتنعه بالزواج ؟؟ سعود : ايوه ادري انها ماقتنعت بس ماتبغانا نختلف وهي عارفه ان محد بيغير رأيه وخايفه من المشاكل زياده مها : المشاكل ماراح تنتهي في هذه الأثناء يتصل سلمان بنواف تررررررن تررررررررن نواف : هلا سلمان سلمان :مبروك ياعريس ماجد باعلى صوت : مبروووك ياخويااا البشت من عندي نواف : سلمان وش اللي صار ؟؟ سلمان : ماعليك انت على حق ومحد يقدر يغيرك عن رأيك دام انت مقتنع انها بنت مناسبه لك نواف :يعني امي وافقت ؟ سلمان : طبعا امي موافقه .. انت تعرف امي لا يمكن توقف ضد سعادة أحد من عيالها نواف : أبي اسمع صوتها سلمان : خوذي يا أمي باركي للعريس مريم : كذا يانواف اليوم اخوانك جالسين يتهاوشون عندي كله منك حرام عليك والله حرام نواف : امي انتي موافقه والا لا ؟؟ مريم : ايوه موافقه بس بشرط ماتجيبها جده ولا اشوفها خلها عندك هناك بالرياض..لأني ما أبغى اشوفها كانت لمريم حكمه من كلامها هذا لأنها لاتريد ان تحتك زوجة نواف بأفراد العائله مما قد يسبب جرح لزوجة نواف وسوف يعقب ذلك خلافات داخل العائله تريده ان يبقي زوجته بعيد عن العائله منع لحدوث أي مشاكل في المستقبل نواف : طيب ليش يأمي مريم : أشياء مابتفهمها الحين يانواف نواف : والا عشانها بنظرك أخلاقها ماتستاهل انها تعيش بيننا مريم : انا ماعرفها ولا اعرف اخلاقها هذا شيء انت اللي تحكم فيه وياخوفي ياولدي تكون مخدوع فيها نواف : انا متأكد منها سلمان : هاتي يأمي خليني اكلمه مريم : مع السلامه نواف خذ اخوك كلمه سلمان : نواف بقول لك شيء مهم نواف : وشو سلمان : الحين البنت لازم تقول لاهلها على كل شيء لاتخليها تكذب على اهلها ترى مها احتمال بتسوي أي مشكله نواف : ايه طيب بكلمها الحين سلمان : الله يوفقك .. مع السلامه نواف : الله يجعلك ذخر لي ياسلمان سلمان : ماسويت الا الواجب .. مع السلامه نواف : مع السلامه | |||||||||
  |
|
07-22-2010, 04:48 PM
| #12 (permalink) | |||||||||
|
مستشار المؤسس ~
|
رد: ( نواف ونوره)احلام ورديه ياحبيبي تصحى وتلقاني قدامك يارب تحقق احلامك انا :
قمرهم كلهم نواف يتصل بنوره ترررررن تررررررررن نوره : هلا نواف نواف : هلا ياعيوني الف الف الف مبروووك امي وافقت نوره : الله يبارك فيك بس اش معنى تغير رأيها كذا بسرعه نواف : سلمان اخوي أقنعها ... نوره انتي لازم الحين تقولين لأهلك على كل شيء نوره : طيب متى نواف : الحين نوره وقد شعرت ان الأمر أصبح أكثر جدّيه : يووه خايفه نواف : ماعليك لاتخافين حبيبتي يالله قولي لامك الحين هي تقول لأبوك نوره : لا لا مابتزوج دلال : وشوووووووووووووووووو نوره انتي خبله تبين تضيعين عمرك كذا نوره وهي متوتره من كلام نواف تثور في وجه دلال : اطلعي برى اطلعي لو سمحتي نواف : نوره هدي أعصابك وش فيك حبيبتي نواف باسلوبه وكلماته الرومانسيه يصل بنوره الى درجه لابأس بها من الهدوء نوره : خلاص بقول لأمي الحين والله يستر نواف : الله يوفقك مع السلامه نوره : مع السلامه طوط طوط طوط نوره : ها دلال وش رايك دلال : مالي شغل فيكم نوره : ياسلام يوم وصلنا الجد قلتي مالي شغل دلال : انا مابي امي تعرف اني كنت عارفه وساكته نوره : وش فيها لو عرفت دلال : بتفقد ثقتها فيني تعرف اني شاركتك بالخطأ نوره : دلال لاتجنيني الحين تقولين خطأ دلال واللي يرحم والدينك تراني تعبت دلال ........ نوره : دلال لاتصيرين انانيه دلال : طيب ابشري بس آخر مره نوره : ههههههههه ليش انا بتزوج كم مره دلال : هههههههه امزح نوره : ايه طيب تمزحين دلال :بس انا مابتكلم مابقول شيء بشوف وش تسوين يا عبله نوره : عبله ؟! دلال : ايه انتي عبله ونواف عنتره نوره : دلال اتركي الكلام الفاضي وقولي وش اقول لامي دلال : اتركي كل شيء علي.. يلااا تعالي امي الحين جالسه بروحها نوره : قولي وش بتقولين ؟؟ دلال : تعالي وانتي تشوفين كل شيء تتجه نوره ودلال الى المطبخ حيث العنود تجهز العشاء دلال : يماااااااه باركي لنوره العنود : أباركلها ؟! دلال : ايه اختي انخطبت العنود : ههه انشاءالله ... الله يوفقها ويجيها ابن الحلال اللي يستاهلها دلال : جاء العنود : وينه جالس بالصاله ؟؟ دلال : والله أتكلم جد يمه العنود : صدق نوره ؟ نوره قد أحمر وجهها خجلا ً ترفع كتفيها وتنظر الى دلال ولا تنطق بكلمه دلال : ايه والله يمه يعني ماتصدقيني العنود : باين كلامك جد لحظه اخلص اللي بيدي وافضالكم نوره : دلال تعالي نجلس بالصاله تجلسان نوره ودلال بالصاله تلحق بهم والدتهم بعد دقائق | |||||||||
| |
|
07-22-2010, 04:49 PM
| #13 (permalink) | |||||||||
|
مستشار المؤسس ~
|
رد: ( نواف ونوره)احلام ورديه ياحبيبي تصحى وتلقاني قدامك يارب تحقق احلامك انا :
قمرهم كلهم دلال : ها يمه موافقه ؟؟ العنود : وش اوافق عليه انتي صاحيه دلال : يمه واحد خطب نوره العنود: خطبها من منو ؟ دلال : مني العنود : دلال وبعدين معك ترى مثل هالكلام مافيه مزح قولي القصه كلها دلال : يمه واحد يحب نوره ويبي يجي هو واهله يخطبونها ؟؟ العنود : شلون يحبها ؟؟ دلال : يحبها يعني يحبها العنود: وش عرفه فيها نوره تخرج بسرعه من الصاله وتتجه الى غرفتها بعد ان وصل فيها الخجل أعلى مستوياته دلال : من زمان يعرفها العنود : وشو بنتي تعرف أحد ؟؟ دلال : ايه يمه العنود : شلون يعرفها .. يعني بينها وبينه تلفون ؟؟ دلال : طبعا العنود : لاحول ولاقوة الا بالله وش غير التلفون ؟؟ دلال : بس تلفون العنود : من متى ؟؟ دلال : من يوم جات من جده تعرفت عليه بالطياره العنود: ماني مصدقه بنتي كذا .. بس انا الغلطانه اللي واثقه فيكم ومخليه عندكم تلفونات هاتي تلفونك | |||||||||
| |
|
07-22-2010, 04:49 PM
| #14 (permalink) | |||||||||
|
مستشار المؤسس ~
|
رد: ( نواف ونوره)احلام ورديه ياحبيبي تصحى وتلقاني قدامك يارب تحقق احلامك انا :
قمرهم كلهم دلال : اي وانا وش ذنبي العنود : انتي مشاركتها جريمتها بعد جدال تتجه العنود بسرعه الى غرفة نوره تجد نوره مغلقه باب الغرفه العنود : افتحي الباب ياخسارة تربيتي فيكم .. احنا كل ماشفنا بنت تكلم نقول الله لا يبلانا .. الحين وش نقول تطرق العنود باب غرفة نوره وهي غاضبه ودلال خلفها واضعها كف يدها اليمنى على فمها وهي تشعر انها قد ارتكبت حماقه من حماقاتها نوره لاتفتح الباب وهي تبكي دلال : يمه خلاص والله دامها خايفه كذا ماتفتح الباب العنود : فضحتونا فضحتونا قدام الناس الحين وش وجهي قدام الناس دلال : الله واكبر يمه الحين الناس وش عرفهم العنود ...... ثم تعود العنود الى الصاله وهي غاضبه دلال لازالت واقفه عند باب غرفة نوره تترك والدتها حتى تبتعد ثم تطرق الباب وبصوت خافت دلال : نوره افتحي الباب امي راحت تفتح نوره الباب : تعالي ادخلي ورطتينا دلال : لازم نسوي كذا نوره : اللي يطيع شورك غلطان.. نواف صارت له مشاكل مع اهله وانا شوفي امي شلون تكلمني كني بنت بالابتدائي ولا لي وجه اقول لها شيء.. جد انا الحين محتقره نفسي دلال : ماعليك مصيرها ترضى العنود من جديد : دلال افتحي الباب خليني اتفاهم معها دلال تنهض تريد ان تفتح الباب نوره : دلال لاتفتحين دلال : بفتح مصيرك تقابلين امي وليش الهروب ؟؟ ثم تفتح دلال الباب تدخل العنود والشرر يتطاير من عيناها العنود : هاتي جوالك هاتيه خلاص بغير طريقة معاملتي معك نوره : يمه وقبل ان تكمل نوره كلامها تقطعها العنود قائله : لاتقولين يمه انا ماني امك انتي لو فكرتي بأمك ماتسوين اللي سويتيه .. وثقنا فيك حتى فواتيرك نسددها مانشوف الأرقام اللي تكلمينها لأني كنت اضنك عاقله نوره : خذي الجوال خلاص مابيه العنود والدموع تتسابق على وجنتيها : ياخسارة تربيتي ... ياخسارة تعبي .. ياخسارة ثقتي .. هذا إهمال مني بس خلاص لكل شيء حد نوره تبكي .. دلال تبكي .. العنود مفرطه في البكاء نوره تلوم نفسها على تكوين علاقه مع نواف دلال تلوم نفسها على انها فاتحت والدتها .. وتلوم نفسها أيضا انها سمحت لنوره ونواف بإستمرار علاقتهم العنود تلوم نفسها على إهمالها لبناتها العنود : والله ابوك لو يدري يآخذ عمري انا وياكم دلال : يمه انتي لاتكبرينها العنود : انا اللي اهملتكم انا اللي ضيعتكم دلال : يمه مانا ضايعين الله يهديك العنود : الا وش بعد هذا الضياع ضياع يتعالى صوت بكاء نوره بشكل فضيع ومخيف العنود : الله لايوفقه اللي ضيعك دلال : لاتدعين عليه يمه ولد الناس العنود : اقول اذلفي عني انتي اللي تشجعينها على الخطا اذلفي عن وجهي وهاتي جوالك دلال : خذيه اصلن انا مو اكبر همومي الجوال بس يمه حبيبتي والله ياحياتي انتي مكبره السالفه العنود : وانا اقول بنتي شكلها متغير دلال مبتسه في وقت لايحتمل الابتسامه : ايه يمه الحب العنود : حسبي الله عليه حسبي الله عليه اللي لعب عليها عبد الرحمن صوته يتعالى من بعيد : ماشاءالله عندكم إجتماع وين نوره الغاليه ماشفتها لي يومين نوره تمسح دموعها ولكن عبد الرحمن يتجه الى غرفته ثم يعود يتجه الى الصاله عبد الرحمن : وين العشاء يام عيالي العنود : انتبهوا ابوكم لايدري دلال : ماتصارحين زوجك ؟؟ عاشت الحياه الزوجيه العنود: خايفه على نفسي وعليكم دلال : يمه لازم نقول له مو الناس بيجون يخطبون العنود: والله لو جاني يخطب لاطرده هو واللي يجون معه.. وهذي المغفله لي تصرف معها بعدين | |||||||||
| |
|
07-22-2010, 05:20 PM
| #15 (permalink) | |||||||||
|
مستشار المؤسس ~
|
رد: ( نواف ونوره)احلام ورديه ياحبيبي تصحى وتلقاني قدامك يارب تحقق احلامك انا :
قمرهم كلهم ** الجزء التاسع ** ثم تخرج العنود وهي غاضبه نوره : دلال انا بنهي علاقتي مع نواف دلال : خلاص يانوره بعد امي عرفت بتنهين علاقتك؟؟ كان من اول قررتي اما الحين خلاص كملي مشوارك نوره : ليتني سمعت كلامك يادلال من البدايه .. وربي يوم اسمع كلام امي قبل شوي حسيت اني لو مت احسن من الكلام اللي سمعته العنود من بعيد : تعالوا يابنات ابوكم يبيكم دلال : يلااا تعالي نسلم على ابوي 2نوره ودلال على استحياء يتقدمن للسلام على والدهما دلال بسرعه وبدون تردد : يبه نوره انخطبت عبد الرحمن وهو ينظر الى العنود مبتسما : وانا آخر من يعلم العنود : هذي البنت مهبوله .. دلال اتركي الهبال عنك نوره تركض مسرعه الى غرفتها عبد الرحمن : نوره تعالي يابنتي ههههه دلال انتي ماتعرفينها ماتحب طاري العرس لاتمزحين معها كذا دلال : يبه ما أمزح نوره تحب واحد وهو يحبها ويبي يخطبها عبد الرحمن وعلامات الدهشه بترتسم على محياه ينظر الى العنود : صدق ؟! العنود : لاتتكلم دلال : والله يبه صدق عبد الرحمن : تعالي قربي واركدي وقولي السالفه العنود غاضبه ومتوتره : دلال روحي غرفتك عبد الرحمن : خليها تقول تعالي ياحبيبة ابوها دلال : يبه نوره من يوم جات من جده تعرفت على واحد بالطياره وتحبه ويحبها ويبي يخطبها عبدالرحمن : شلون يحبها دلال : يبه من ايامها هي تكلمه كل يوم ويحبون بعض عبد الرحمن : وغير المكالمات ؟؟ دلال : بس والله مكالمات وماشافته غير اول يوم عرفته فيه بالطياره وبس عبد الرحمن ينظر الى العنود ويقول : كنتي تعرفين من متى ؟؟ العنود : والله توني اليوم عرفت عبد الرحمن يتجه الى غرفته ولا يتكلم العنود مخاطبه عبد الرحمن : ماتعشيت ؟؟ عبد الرحمن لا يرد ويتجه الى غرفته العنود : انتي يالملقوفه ماتتركين لقافتك ؟؟ دلال : يمه شفتك تتعاملين بعصبيه قلت بقول لابوي يمكن يفكر احسن منك العنود تلحق بزوجها الى غرفة نومهما دلال تنتظر..الى الصباح نوره لم تفتح باب الغرفه عبد الرحمن وزوجته في إجتماع مغلق دلال تنتظر وتنتظر يخرج عبد الرحمن الساعه التاسعه صباحا ً دلال : صباح الخير يبه عبد الرحمن يخرج من المنزل بدون كلام العنود تخرج من غرفتها دلال : هلا يمه ابوي وش فيه العنود : جننتوه رفعتوا ضغطه دلال : طيب وش رايه العنود: مادري سألني عن اللي أعرفه وقلت له وماتكلم من الليل بغيرها دلال : يمه انا خايفه على نوره ماترد من اليوم العنود : احسن خليها تستاهل هي اللي جابت لنا وجع الراس دلال : ماتخافين على بنتك ؟؟ العنود : هي ماخافت على نفسها ولا على سمعة عائلتنا نوره لازالت في غرفتها الساعه الثانيه عشر والنصف عبد الرحمن يعود عبد الرحمن : السلام عليكم العنود ودلال : عليكم السلام عبد الرحمن : تعالي الغرفه ابيك العنود : انا ؟ عبد الرحمن : لا دلال يدخل عبد الرحمن غرفته وينتظر دلال حتى تدخل ويغلق الباب عبدالرحمن : دلال تعال احلفي انك تقولين الصدق ولاتخبين عني شيء دلال : والله العظيم لقول الصدق وماخبي عنك شيء عبد الرحمن يسألها عن طبيعة علاقة نوره مع نواف دلال تجاوب بجرأه عبد الرحمن : طيب وش أصله ؟؟ دلال : لاتخاف يبه قبيلي وقبيلته معروفه عبد الرحمن : نوره وينها ؟؟ دلال : بغرفتها من البارح ماترد عبد الرحمن يخرج ويتجه الى غرفة نوره وبصحبته دلال يطرقان الباب نوره لاترد وبعد محاولات تفتح الباب عبد الرحمن : نوره يابنتي لازم تقتنعين بشيء نوره : وشو عبد الرحمن : مابني على باطل فهو باطل .. يابنتي الزواج اذا كان اساسه خطأ دايم يفشل نوره ...... عبد الرحمن : صدقيني يابنتي بتصير حياتكم كلها مشاكل نوره.......... عبد الرحمن : انتي تحبينه وماتشوفين بالدنيا غيره .. بس يابنتي الرجال واجد نوره ...... عبد الرحمن : انتي مابتاخذينه بس ابيك تكونين مقتنعه بسبب رفضي عشان لاتقولين ابوي ظلمني نوره : وانا مابي غيره لو يصير عمري 100 سنه عبد الرحمن : نوره ترى انا ماحاسبتك على الأخطاء اللي سويتيها .. عشان ابيك تتركينه وانتي مقتنعه ان الخطا خطا والاستمرار فيه أكبر خطأ دلال : يبه الرجال جاء مع الباب يبي يخطب والله احسن من غيره عبد الرحمن : نوره وش رايك نوره : انا مابي غيره عبد الرحمن وقد فقد الهدوء الذي تميز به منذ قدومه الى غرفة نوره : هاتي تلفونك وانا اعرف شلون اغير معاملتي معك دلال : يبه عبد الرحمن : وانتي بعد هاتي تلفونك يخرج عبد الرحمن من الغرفه غاضبا وفي يده هاتف نوره وهاتف دلال العنود تدخل غرفة نوره : ها وش صار ؟؟ دلال : عصب ابوي رفعت ضغطه ((عبله اختي)) العنود بعد ان كانت غاضبه : هههههههههههههههه دلال الله يقطع سوالفك نوره : تنكت دلال ماتعرف ان دمها ثقييييييل العنود : وش قال ابوكم ؟؟ دلال : سحب جوالاتنا وراح العنود : هذا اللي كنت بسويه نوره : خلاص اتركوني بروحي العنود : الله لايوفقه اللي سبب لك كل هالمشاكل شوفي وجهك شلون صار !! نوره : والله ما أرضى بغير نواف وكل الرجال علي حرام زين ارتحتي العنود : لاحول ولاقوة الا بالله ثم تخاطب دلال قائله : وش فيه زود يوم البنت معلقه فيه وفي هذه الأثناء يتصل نواف على جوال نوره احلام يتصل تررررررررررررن تررررررررررررن عبد الرحمن لا يرد بعد الاتصال أكثر من مره يرسل رساله جوال نوره الرسائل الوارده = 1 عبد الرحمن يفتح الرساله " نوره حبيبتي اخواني سلمان وماجد جو من جده .. انتي وش سويتي مع أهلك ؟؟ " يتصل عبد الرحمن على هاتف نواف تررررررن تررررررررن نواف يفتح الخط قائلا : هلا حبيبتي عبد الرحمن : حبيبتك ؟؟ نواف يسمع صوت رجل يغلق الخط طوط طوط طوط عبد الرحمن يتصل أكثر من مره لم يتم الرد يرسل رساله جوال نواف الرسائل الوارده =1 يفتح نواف الرساله وبجواره سلمان وماجد القادمان من جده " اذا كنت رجال رد " نواف : سلمان تعال شوف وش كاتب ؟؟ تعتقد من اللي كاتبها سلمان : عندها اخوان ؟؟ نواف : ايه عندها بس اخوها مايجيهم الا بالشهر مره سلمان : اجل ابوها نواف : والحل ؟؟ سلمان : رد عليه بس ركز لأن المكالمه هذي مهمه ولاتخربها معه لأنك لو اخربتها ماتقدر تعدل بعدين نواف : طيب ممكن مايدري انها تكلم سلمان : انت تقول البنت بتقول لاهلها من امس اكيد قالت له واخذ الجوال نواف : وربي خايف سلمان : توكل على الله ورد تررررررررررن تررررررررن نواف : مرحبا عبدالرحمن : من انت ؟؟ نواف : انا نواف عبد الرحمن : وليش تكلم بنتي ؟ نواف : احبها وبخطبها عبد الرحمن : وماعرفت بين البنات كلهم الا بنتي نواف : عاد شسوي الحظ عبد الرحمن : ترضى على اخواتك كذا ؟؟ نواف : والله مارضى لا لاخواتي ولا لبنتك الا كل خير بس انا بخطبها عبد الرحمن : لو مابقى بالارض غيرك مازوجتك بنتي بس احسن لك ابعد عن طريقها نواف : انا احبها | |||||||||
| |
|
07-22-2010, 05:21 PM
| #16 (permalink) | |||||||||
|
مستشار المؤسس ~
|
رد: ( نواف ونوره)احلام ورديه ياحبيبي تصحى وتلقاني قدامك يارب تحقق احلامك انا :
قمرهم كلهم عبد الرحمن بشده : اسممممممممممع بتبعد عن بنتي والا والله لاضيع مستقبلك سلمان يلاحظ الإرتباك على ملامح نواف وياخذ هاتفه سلمان بصوته الواثق : السلام عليكم عبد الرحمن : من انت الثاني؟؟ سلمان : انا اخوه الكبير وبمكان ابوه عبد الرحمن : وعليكم السلام ايه لقيت رجال الحين أعرف اتفاهم سلمان يلتفت لنواف ويغمز بعينه ثم يقول : معك سلمان الحمد عبد الرحمن : ونعم والله سلمان : ماعليك زود .. ماعرفتنا على اسمك عبد الرحمن : معك عبد الرحمن الصالح سلمان : ونعم والله ممكن تعطيني رقم جوالك عشان نحدد مكان نتقابل فيه انا وانت وانشاءالله مايصير الا اللي يرضينا ويرضيك عبد الرحمن : وهذا جوالي ((00000000)) سلمان : خلاص انشاءالله اكلمك بعد العصر عبد الرحمن وقد هدأت أعصابه نسبياً : على خير انشاءالله سلمان : مع السلامه عبد الرحمن : مع السلامه طوط طوط طوط سلمان مبتسما ينظر الى نواف قائلاً : الرجال شكله طيب بس معه حق يهزأك تحمل وانا اخوك نواف : هههههههه ايه هزأني ولو أعطيته فرصه بيزيد ماجد : يئطع الحب شو بيزل ضحكه من الاخوه يستمر بينهم الحديث الى الساعه الخامسه عصراً سلمان يتصل على عبد الرحمن.. يحددان موعد للقاء بينهم في مكتب عبد الرحمن سلمان قادما ً قدوم الواثق : السلام عليكم عبد الرحمن : وعليكم السلام تفضل سلمان يجلس بعد المصافحه ثم يبدأ بالحديث : تشرفت بمعرفتك ولو اني أتمنى اني جيتك بمناسبه غير هذي عبد الرحمن : حياك الله سلمان : انا والله محرج منك لآخر حد من اللي سواه اخوي عبد الرحمن يهز رأسه دون ان يعلق سلمان : طيش شباب الله يهديهم عبد الرحمن : الجميع سلمان : واللي حصل هذا مايدل ان أخلاقه او أخلاق البنت سيئه لأنها تحصل كثير والواجب علينا احنا الكبار اننا نوجههم توجيه صحيح عبد الرحمن ...... سلمان : انت لو تعرف اخوي أكثر بتحبه بس عاد اللي سواه شيء ماينغفر له عليه .. انا ماسكت له على اللي سواه لأن ذولا بنات ناس ومحد يرضى مثل هالعلاقات للبنات .. بس دام الشيء ذا حصل وصار واقع مفروض علينا لازم نتعامل معه بواقعيه عبد الرحمن : شلون بواقعيه سلمان : انت لازم تتعرف على اخوي وتتابعه بعمله وبكل تحركاته ولاتبين له انك ابو البنت اللي يحبها .. واذا أعجبك وشفت انه يستاهل بنتك وش المانع ؟؟ عبد الرحمن : ابيه يبعد عن بنتي وبس سلمان بدهاء : انا كنت ابيه يبعد بس يوم قابلتك وجلست معك تغيرت نظرتي عبد الرحمن : وليش تغيرت نظرتك سلمان : باين عليك رجال طيب ويشرفنا والله نناسبكم والانسان العاقل يفتخر بمعرفة الطيبين شرواك عبد الرحمن يريد ان يغلق الطريق امام سلمان : شرواك الطيب بس مالنا الا دقايق من جلسنا مع بعض سلمان : انا لي نظره ماتخيب بالإنسان اللي قدامي عبد الرحمن ينظر الى ساعته ويستمر في الصمت سلمان : يالله استأذنك وهذي الورقه مكتوب فيها عنوان سكن نواف ومقر عمله وانت تابعه وشوف اذا والله لقيت فيه الشخص المناسب لبنتك انتظر منك اتصال واذا ماعجبك .. هذا الشئ قسمه ونصيب عبد الرحمن يأخذ الورقه ويصافح سلمان ويخرج معه الى باب المكتب سلمان يعود الي حيث يقيم نواف يمر شهر هاتف نوره وهاتف دلال لازال مع عبد الرحمن نواف الذي قد وصل به الشوق لمحبوته حد لايستطيع تحمله يطلب إجازه اسبوعين ليقضيها في عروس البحر الأحمر جده نوره وقد ساءت حالتها بسبب نظرة والديها لها وبعد نواف عنها قضت شهر من أطول الأشهر في حياتها نواف في أول أيام الإجازه يتجه الى مطار الملك خالد الدولي نواف في الطائره تقلع الطائره ونواف ينظر الى المقعد الذي بجواره ويتذكر ذلك اليوم الذي التقى فيه نوره لأول مره يمسك المنديل ليمسح الدموع المتدفقه من عينيه لحظات لا تنسى في عمر نواف نوره الآن غائبه وصوتها غائب دموع نواف لازالت تذرف .. الحزن والشوق ولحظات قاسيه يعيشها نواف على متن الطائره تهبط الطائره ويغادرها جميع الركاب الا هذا العاشق الذي قد أغمض عيناه وهو يستعيد ذكرى أول أيامه مع نوره يتقدم المضيف بإتجاه نواف ليرى تلك العيون التي لم تجف منها الدموع المضيف : لو سمحت اخوي نواف يتسيقظ من حلمه ثم يتجه الى مخرج الطائره بخطوات متهالكه كان في إستقبال نواف كلاً من .. سلمان & ماجد & أحمد استقبال حار يذهب بعده نواف بصحبة اخوته الى والدته نواف يرتمي في حضن والدته التي إستقبلته إستقبال بارد نواف : وحشتيني يا أمي مريم : وانت أكثر نواف : يا أمي الله يخليك سامحيني مريم : انا ما أزعل منك يانواف لحظات دافئه يقضيها نواف في حضن أمه كالطفل الصغير وبعدمرور يومين سلمان يدخل بيت والدته مسرعاً : وين نواف ؟؟ مريم : نايم يدخل سلمان الى غرفة نوم نواف سلمان : إصحى يانواف هذي أحلى مره تصحى فيها من نومك نواف وقد فتح واحده من عيناه : هلا سلمان سلمان : كلمني نسيبك نواف : نسيبي ؟؟ سلمان: ايوه ابو نوره اللي تحبها يقول انه موافق يزوجك بنته نواف : اقول خلني انام واحلم احسن من احلامك اللي مافي أمل اصدقها الرجال يقول لو مايبقى على الارض غيرك مازوجتك سلمان : نواف انا ما أكذب وأثناء هذا الحديث جوال نواف يرن رقم نوره تررررررن ترررررررررن نواف يفتخ الخط ولايتكلم نوره : نواف ؟؟ نواف : يبكي ولايستطيح الحديث نوره تبكي وبصوت قد أغرقته الدموع : نواف حبيبي وحشتني نواف بصوته المتقطع من البكاء : وحشتيني ياحياتي وحشيني سلمان واقفاً مبتسماً وهاهي دمعه تتخلل أهدابه يمسحها بإصبعه السبابه ثم يخرج من الغرفه نوره : نواف تبكي ؟؟ نواف : نوره كنت احسب انك نسيتيني نوره : مانسيتك يا أغلى من نوره نواف : والله خلاص فقدت الأمل احاول أعيش ماقدرت اعيش نوره : حياتي من دونك مهيب حياه نواف : ياحياتي انتي وحشني صوتك وحشتني كلماتك عسى الله لايحرمني منك نوره تغني وتبكي : ياللي شفت أحلامي فيه والتقيت بأحلى جنه ادعوا ربي وارتجيه ربي لاتحرمني منه نواف بدموع وابتسامه: الله تذكرين يوم سمعتك هذي الأغنيه نوره : انا اقدر انسى ؟؟ نواف : احبك نوره : احبك ماجد يدخل الغرفه مسرعا يقبل نواف : مبروك ياعريس مبروك ياخويا واخيرا بس انا كنت واثق انك بتوصل للي تبيه نواف : تسلم ماجد ماجد : هههههههه تكلمها طيب فهمنا خذ راحتك نوره : يباركولك ؟؟ كيف عرفوا ان ابوي وافق ؟؟ نواف : كلم اخوي اليوم نوره : وليش ماقلتلي ؟؟ نواف : توه الحين قال لي ومن كلمتيني والله يانوره نسيت كل شيء حتى اسمي ثم يبتسم قائلا : من انا ؟؟ نوره : انت روح نوره نواف : ياروح نواف انتي وقلبه وحياته نوره : نواف نواف : عيونه نوره : احبك نواف : وشوو نوره : احبك نواف : وشو نوره ههههههههه نواف ههههههههه لحظات رومانسيه يقطعها دخول أحمد أحمد يتقدم ويعانق نواف ثم يقول : مبرووك يانواف انا فرحت لك كثير عشان تاخذني معك شهر العسل نواف : هههههههههههههههههههههههههههههههههه طيب انتظرني أحمد : لي يومين ماشفتك تضحك نواف : الحين شفتني ؟؟ أحمد : ايوه نواف : طيب لو سمحت توكل يخرج أحمد نواف : نوره يابعد روحي وربي ماني مصدق انا لاكون احلم نوره : مادري يمكن دلال تدخل غرفة نوره : مبروك يانواف نوره : تعالي باركي له وانت سمعتي الجيران دلال : السلام عليكم مبروك نواف : الله يبارك فيك وعليكم السلام دلال : الله يوفقكم نواف : آمين وعقبالك دلال : عقبالي بزواج والا حب ؟؟ نواف : كلهم دلال : حمدلله حب تبيني اصير وقتي كله ابكي ومقفله علي غرفتي مثل نوره .. ترى حبيبتك معاد هي حلوه مثل اول .. واذا قصدك زواج مابي ابي اجلس مع امي وابوي حرام اخليهم بروحهم نواف : بس انا زعلان ليش تقولين حبيبتك معاد هي حلوه دلال : تعال شوفها جلد وعظم نوره : دلال اقول توكلي نواف فرحان لاتنكدين عليه دلال : الله يشفيكم ههههههه مع السلامه نواف نواف : مع السلامه نوره : هلا حبيبي | |||||||||
| |
|
07-22-2010, 05:22 PM
| #17 (permalink) | |||||||||
|
مستشار المؤسس ~
|
رد: ( نواف ونوره)احلام ورديه ياحبيبي تصحى وتلقاني قدامك يارب تحقق احلامك انا :
قمرهم كلهم ** الجزء العاشر ** نواف : هلا بك يابعد عمري نوره : ماني مصدقه نواف : وشو ؟ نوره : اني سمعت صوتك نواف : حتى انا والله يانوره وحشتيني تستمر عبارات الحب والشوق بين العاشقين حتى المساء ثم يخرج نواف ليقبل والدته التي باركت له ثم قالت : خلاص ياولدي بروح معك اخطبها لك جميع عائلة نواف علموا بما حصل ليلى تبارك لنواف ويوسف كذلك سلمان وماجد واحمد سبق انا باركوا له سعود ومها لم يظهرا حتى الآن نواف يعيش ايام جميله والمكالمات مستمره بينه وبين نوره وبعد مرور اسبوع من إجازة نواف مها تتصل بليلي مها : سلام عليكم ليلى : هلا مها وعليكم السلام مها : كيف حالك ليلى وكيف عيالك ليلى : الحمدلله مها : ليلى لازم تكلمين البنت اللي يحبها نواف ابوها وافق على خطوبتها بس انتي لازم تكلمينها تاخذين رايها ليلى : ليش مها : يمكن ابوها اجبرها او بينها وبين نواف شيء ليلى كالعاده لاتعرف الرفض : طيب مها : مع السلامه ليلى : مع السلامه وفي اليوم التالي تتصل مها مرة أخرى مها : السلام عليكم ليلى : وعليكم السلام مها : كلمتيها ؟؟ ليلى : ايه مها : من وين جبتي الرقم ؟؟ ليلى : من عند نواف مها : وش قلتيله ؟؟ ليلى : قلت عطني رقمها ببارك لها مها : طيب اعطيني رقمها ببارك لها ليلى : وهذا الرقم ******* مها : مع السلامه ليلى : مع السلامه | |||||||||
| |
|
07-22-2010, 05:24 PM
| #18 (permalink) | |||||||||
|
مستشار المؤسس ~
|
رد: ( نواف ونوره)احلام ورديه ياحبيبي تصحى وتلقاني قدامك يارب تحقق احلامك انا :
قمرهم كلهم تتصل مها على هاتف نوره تررررررررن ترررررررررن تررررررررن نوره لاترد وتنادي دلال نوره : دلال تعالي شوفي رقم غريب هذا من وين ؟؟ دلال : اها 026 من جده نوره مبتسمه : ايه اجل اكيد نواف ثم ترد نوره : مرحبا مها : انتي حبيبة نواف ؟؟ نوره : من انتي ؟ مها : انا اخته نوره : صحيح والله هلا فيك كيفك مها : انتي ساحره اخوي ؟؟ نوره : وشو مها : الا انتي ساحرته حسبي الله عليك والا اخوي مو راعي مكالمات وخرابيط وكان رجال عاقل الحين مثل المجنون انتي وش مسويه فيه نوره .......... مها : بس مصيرك تطيحين بيدي والله لاقطعك يا......... تسحرين اخوي ها , تعرفين السحر عقوبته القتل واذا ثبت انك سحرتي اخوي والله مانتنازل ..احسن لك تفكين السحر وتخلين اخوي بحاله وقبل ان تكمل مكلماتها التي تشبه السهام تغلق نوره هاتفها وهي تبكي ثم تتصل نوره بنواف الذي كان متجها بسيارة شقيقه ماجد الى مكه لأداء العمره تررررررررن ترررررررن نواف : هلا نوره نوره : نواف انا مابيك تتزوجني عيش حياتك صح انا احبك وانت تحبني بس زواج مابي لو مايبقى بالدنيا الا انت مابيييييييييك نواف : وشو نوره : والله ما اوافق عليك يانواف نواف يغمض عينيه في هذه الاثناء ولا يفتحها الا والسياره خارجه عن مسارها تنقلب اربع قلبات وتدخل في المسار المعاكس ..اكثر من سياره تصطدم بسيارة نواف ونوره على الخط تستمع صوت حادث حبيبها المؤلم نواف ينزف ولا يتكلم نوره : نواااااااااااااااااااااااااااااااف يقترب اشخاص باتجاه نواف اصواتهم ..لاحول ولا قوة الا بالله .. شوفوا الرجال يتنفس والا لا .. هو باقي حي ؟؟ .. الحقوا اتصلوا على الاسعاف شكله الرجال مات نوره تسمع كل هذا الكلام ثم تسقط في غيبوبه وتنقل الى المستشفى نواف ينقل الى المستشفى وهو في غيبوبه ايضا ً والإصابات متوزعه على أنحاء جسمه حاله من الهلع في منزلي العاشقين نواف اصاباته بالغه في الجمجمه والتقرير الطبي يقول انه اذا استمر على قيد الحياه قد يكون مشلول او يفقد احد حواسه ... ويقرر له عمليه طارئه نسبة نجاحها لاتتجاوز 5% نوره في العنايه المركزه ولا احد يعلم مابها عبد الرحمن (( والد نوره )) يسأل زوجته وهم خارجون من غرفة العنايه المركزه حيث ترقد نوره : وش آخر رقم أتصلت فيه ؟؟ العنود : رقم نواف عبد الرحمن : حسبي الله عليه اكيد مزعلها ثم يتصل على سلمان شقيق نواف ليفرغ غضبه في سلمان ونواف ترررررررن ترررررررن عبد الرحمن : السلام عليكم سلمان : وعليكم السلام عبد الرحمن : شفت اخوك اش سوى ببنتي ؟؟ سلمان : اخوي صار عليه حادث والحين مادري يعيش والا يموت .. وش فيها بنتك عبد الرحمن : لاحول ولا قوة الا بالله سلامات والله مادريت .. بنتي نوره بالعنايه المركزه في غيبوبه سلمان : انا لله وانا اليه راجعون ثم يغلق عبد الرحمن الخط وقد علم السبب لما جرى لنوره سلمان يحكي ماجرى لجميع اخوة نواف الذين قد اجتمعوا عنده بالمستشفى مها عندما علمت ان نوره في المستشفى ادركت تماما ان اتصالها بنوره هو السبب لما جرى تنهمر الدموع من عيني مها ندما على مافعلته ولم يعرف به أحد حتى الآن نواف وقبل ان يتم توجيهه الى غرفة العمليات يصحوا قليلا وينظر في وجوه من قدموا لزيارته لايهمه احد هو يبحث عن وجه نوره يؤشر لماجد باصبعه ماجد يتقدم نواف يحاول الكلام ولاكن الإجهزه الموضوعه على وجهه تمنعه من ذلك نواف يؤشر باصبعه طالبا ورقه وقلم يحضرها ماجد بسرعه نواف يكتب وبخط مائل وكلمات مبعثره هذه الرساله " نوره ياحبيبتي انا شايف الموت قدامي . ما اتوقع اني اعيش الرساله هذي مابتوصلك الا اذا مت اما اذا الله اعطاني عمر بتشوفيني وانا ماعتقدانك بتشوفيني . نوره بحملك امانه يمكن صعبه عليك بس فيها مصلحتك اذا مت اتزوجي ماجد اخوي ترا هو الوحيد اللي يستاهلك بعدي .. حبيبتي عيشي حياتك لاتبكين على نواف طلبتك لاتبكين اذا تحبيني لاتبكين " ثم يقلب نفس الورقه ويكتب الى ماجد " ماجد ياخوي وعزوتي انت اكيد بتقراء الكلام اللي كتبته لنوره امانه نوره عندك.. امانه نوره عندك .. حطها بعيونك دلعها ودللها ولاتخليها تتمنى شيء حقق لها امنياتها اسألها كيف كان نواف وابيك تكون نواف واغلى من نواف ماجد ابيك تخليها تنساني ابيك تخليها تحبك حب ماحبته لنواف " ثم يغمض عينيه وتسقط الورقه والقلم ليلتقطها ماجد الاطباء يأتون بسرعه ليكشفوا على حالة نواف الذي عاد وفقد الوعي ضربات قلبه غير منتظمه ماجد ومها وسلمان هم الأكثر بكاء على نواف ثم ينقل نواف الى غرفة العمليات في اليوم التالي الساعه الثامنه صباحا ً ياله من صباح كئيب نوره ترقد على سريرها بالعنايه المركزه وهي غائبه عن الوعي نواف يدخل غرفة العمليات لعمل عمليه جراحيه نسبة نجاحها لاتتجاوز 5% مها تشعر انها قد قتلت شقيقها بتصرفها الأرعن عبد الرحمن والعنود ودلال وخالد شقيق نوره مجتمعون في منزلهم العنود تبكي : ياويلي بنتي مادري وش فيها عبد الرحمن : استهدي بالله الدكتور يقول صدمه تجلس فتره وترجع طبيعيه دلال تبكي ولا تتكلم خالد : انا اختي تكلم وانا آخر من يدري ..وموافقين انها تتزوجه والله حاله عبد الرحمن : خالد انت شايف امك تعبانه بتزيدها خالد : هذي نتيجة تربيتك والدلع الزايد دلال لاتستطيع ان تسمع أكثر تذهب الى غرفتها راكضه وهي تبكي خالد : وهذي اكيد معها راقبوا تلفونها تلقونها متعرفتلها على واحد عبد الرحمن : خالد اسكت خالد : انا بروح تبون شيء قبل مامشي عبد الرحمن .......... العنود ............ خالد يخرج من المنزل الساعه الواحده ظهرا يخرج نواف من غرفة العمليات الى غرفة العنايه الفائقه حالته صعبه نتائج العمليه لم تظهر الى الآن ولكنه لازال حيا ً عبد الرحمن والعنود ودلال يتجهون عصرا الى نوره نوره تفتح عيناها جميعهم مبتسون العنود تعناقها وتقلبها دلال تبكي : حبيبتي نوره كيفك نوره غير مدركه لما حولها تعود وتغمض عينيها قليلا ثم تفتحها عبد الرحمن : الحمد لله بدت تتحسن العنود ودلال : الحمدلله بعد مرور اسبوعين نوره تنقل الى منزلها صحتها متحسنه الا انها لاتستطيع الكلام نواف يصحوا في منتصف الاسبوع الثالث ولكن جميع أطرافه السفلى مشلوله ولا يستطيع ان يحركها يطلب من ماجد ان يحضر هاتفه المحمول يبحث عن رقم نوره ثم يتصل تررررررررن تررررررررن ترررررررررررن دلال تفتح الخط وتجعل نوره تسمع صوته على أمل انها تستطيع الكلام ولكن دون فائده نواف بصوت متهالك : نوره دلال تخرج من غرفة نوره بسرعه وترد : هلا حبيبي نواف لايميز الفرق بين صوت نوره ودلال : وحشتيني دلال : وانت اكثر ياحياتي نوره تخرج من غرفتها وتسمع كلام دلال ثم تعود وهي تبكي الى غرفتها طبيب نواف يدخل ويجد نواف يكلم الطبيب : وبعدين نواف حرام كذا تضر نفسك انت ممنوع تستخدم الجوال الحين دلال : خلاص حبيبي اسمع كلام الدكتور نواف : طيب يادكتور الله يخليك بس بتطمن على حبيبتي دلال : انا بخير يانواف وبانتظرك نواف : حبيبتي طمنيني عليك كل شوي دلال : من عيوني نواف : نوره انتبهي لروحك دلال :ابشر ياحياتي وانت انتبه لروحك نواف يبكي ثم يغلق الخط دلال تعود الى غرفة نوره تجد نوره واقفه تنظر الى نافذتها دلال : نوره حبيبتي سمعتي صوت نواف نوره غاضبه ولا تريد ان تنظر الى دلال دلال : حبيبتي اختي زعلانه ؟ نوره لاتنظر إليها دلال : نواف لو درى انك تعبانه والله بيتعب أكثر انتي سمعتي صوته كيف تعبان قلت اكلمه بيحسبني انتي ويمكن تتحسن حالته على الأقل اقدر ارفع معنوياته نوره تنظر الى دلال وتعانقها ثم تبكيان دموع هنا ودموع هناك نواف يطلب من ماجد الورقه التي كتب فيها رسالته الى نوره يحتضنها ثم يبكي ماجد والدموع لاتفارق عيناه حزننا على شقيقه مها أصيبت باكتئاب عندما أحست بالذنب الذي ارتكبته نواف بعد ثلاثة أيام يتصل على هاتف نوره تررررررن ترررررررررن تررررررررن دلال ترد وتفكر في خطه ممكن ان تتحسن من خلالها حالة نوره الصحيه وقد تستطيع بعد ذلك ان تتكلم تضع طرف من سماعتها في أذن نوره والطرف الآخر في أذنها دلال : هلا حبيبي كيفك اليوم نواف : الحمدلله كيفك انتي دلال : وحشتني نواف : وانتي أكثر ياحياتي نوره تبكي ثم تخرج السماعه من اذنها وتتجه بإتجاه نافذتها نواف : نوره دلال : عيونها نواف : وش فيك ساكته دلال : من الشوق ماعرف وش اقول نواف : احبك دلال : كيف صحتك الحين ؟؟ نواف يصمت ثم يبكي ثم يغلق الهاتف .. لانه لايريد ان تعرف نوره انه مشلول طوط طوط طوط دلال : نوره حبيبتي وربي ماعرف لكلام الحب حقكم ههههههههههه نوره تنظر والدموع في عينيها وتبتسم دلال : يقول لي احبك وانا اقول له كيف صحتك الحين بكى وقفل شكله زعل نواف ينادي ماجد ماجد يأتي ويجلس بجانبه على السرير نواف : انا مابي نوره تعرف اني مشلول ماجد : ليش ؟ نواف : بس مابيها تعرف ماجد : مصيرها تعرف نواف : اخاف تعرف اني مشلول وتتركني ماجد : لو تحبك مابتتركك نواف : حتى لو تحبني هي حبتني وانا انسان طبيعي بس أكيد بتتغير نظرتها عشاني مشلول ماجد : نواف ضروري تقول لها حرام تلعب عليها نواف : احسن من يوم تعرف اني مشلول وتتركني وأخسر نوره واخسر المشي والناس والحريه ماجد يبكي .... نواف : انا مامصبرني على حالتي هذي الا نوره ويقطع حديثهم اتصال من نوره التي ادركت ان دلال لاتعرف كيف تتعامل مع نواف أخذت الهاتف من دلال ثم اتصلت ترررررررررن تررررررررررن ترررررررررررن تررررررررن نواف لا يرد ماجد : ليش ماترد ؟؟ نواف : شكلها بتسألني ماجد: لا رد وفي نفس الوقت دلال تنظر الى نوره وهي مبتسمه نوره تريد الكلام بعد أسابيع من الصمت ترررررررررن تررررررررررررن | |||||||||
| |
|
07-22-2010, 05:25 PM
| #19 (permalink) | |||||||||
|
مستشار المؤسس ~
|
رد: ( نواف ونوره)احلام ورديه ياحبيبي تصحى وتلقاني قدامك يارب تحقق احلامك انا :
قمرهم كلهم نواف بعد تردد : هلا حبيبتي نوره تحاول الكلام ولكنها لا تستطيع تبكي وتقذف السماعه على سريرها وتنهض من مكانها دلال : نواف نواف : نوره وش فيك دلال تحاول ان تجد عذر : ابد مافيني شيء .. بس زعلانه عشانك قفلت وماقلت لي مع السلامه نواف ........ دلال : عشانك قلت لي احبك وانا سألتك عن صحتك لاتلومني ياحبيبي ابي اتطمن عليك نواف يغامر : انا مشلول دلال : وشو نواف : انا ماقدر احرك الا راسي ويديني دلال وهي مرتبكه من نظرات نوره ولاتريد ان تبين لها تبتسم وتقول : وكيفك الحين نواف بعصبيه ودموع : اقول لك مشلول تقولين كيفك الحين !! دلال : طيب لحظه ثم تخرج وتتجه الى غرفتها نواف : نوره اليوم مانتي طبيعيه دلال : لا بس كانت عندي امي ومستحيه اكلمك قدامها .. حبيبي الدكتور وش يقول ؟؟ نواف : مادري بس يقول انشاءالله تتحسن دلال : ماعليك ياحبيبي انشاءالله كل يوم تكون احسن من اللي قبله ثم تستمر بينهما المكالمه الى ان يحين موعد نوم نواف دلال : حبيبي يلااااا نام الحين نواف طيب انشاءالله بس الله يخليك خليك معي شوي دلال تغني :- نورم العوافي ياحبيبي احلام ورديه ياحبيبي تصحى وتلقاني قدامك يارب تتحقق احلامك *** ترجع وتقوم بالسلامه وتكون احسن ياحبيبي حمدلله عالسلامه حمدلله ياحبيبي *** شد حيلك يانواف صدقني بتكون احسن ياروحي انت يانواف احبك موت يانواف *** ترجع وتقوم بالسلامه وتكون احسن ياحبيبي حمدلله عالسلامه حمدلله ياحبيبي نواف يحتضن وسادته وهو يبكي بدموع ليست مليئه بالحزن انها دموع الشوق الى محبوبته ويتذكر تفكيره عندما ظن انها سوف تتخلى عنه وجدها في قمة إخلاصها وعاطفتها دلال والدموع قد أغرقت وجنتيها تتوقف عن الغناء وتستمع الى نواف وهو ينتهد نواف : نوره حبيبتي كملي دلال تبتسم : معاد ادري وش اقول .. أعيدها ؟؟ نواف : طيب تعيد دلال الاغنيه ولاكن هذه المره بصوتها الباكي نواف يبكي ماجد يقترب ليسمع مالذي يبكي نواف يعود ماجد الى سريره المجاور لسرير نواف وهو يبكي نواف لايزال يبكي ودلال لازالت تغني وهي تبكي وكل مانتهت من الاغنيه يطلب منها نواف ان تعيدها دلال : نواف نواف ....... دلال : نوااااف ثم يتقدم ماجد ويرفع السماعه وبصوت منخفض : خلاص سكري نواف نايم الحين تصبحين على خير ثم ابتسمت دلال وعلمت ان نواف قد نام مع الأغنيه تعود لغرفة نوره لتعطي نوره الهاتف نوره ترفض ان تأخذ الهاتف تعطيه دلال وهي مبتسمه تعلم دلاال ان نوره تريد منها ان تستمر في المكالمات مع نواف بديلة عنها تستمر المكالمات بين دلال ونواف يوميا نواف صحته في تحسن بطئ بعد الاستمرار في العلاج الطبيعي ودلال كل يوم معه على الهاتف وقبل ان تودعه يوميا تغني :- نورم العوافي ياحبيبي احلام ورديه ياحبيبي تصحى وتلقاني قدامك يارب تتحقق احلامك *** ترجع وتقوم بالسلامه وتكون احسن ياحبيبي حمدلله عالسلامه حمدلله ياحبيبي *** شد حيلك يانواف صدقني بتكون احسن ياروحي انت يانواف احبك احسن واحسن *** ترجع وتقوم بالسلامه وتكون احسن ياحبيبي حمدلله عالسلامه حمدلله ياحبيبي ويستمر الحال شهر شهرين ثلاثه .. سنه سنتين دلال يتقدم لخطبتها أكثر من شخص ولكنها ترفضهم جميعا لأنها تريد ان تكمل مع نواف حتى تتحسن صحته ويستطيع المشي من أجل نواف .. ومن أجل نوره دلال تضحي وبعد مرور ثلاث سنوات وسبعة أشهر نواف : نوره حبيبتي دلال : عيونها نواف : انا اليوم قدرت اركض الحمدلله تمام خلاص رجعت نواف مثل اول واحسن بس المشكله ان صرت شوي دب دلال : وااااااااااااااااااو عادي بالعكس وانت دوووب اكيد بتكون احلى نواف : واليوم بخرج من مركز التأهيل دلال : مبروووك علينا ياحبيبي نواف : واليوم حاجز على الرياض دلال : لااااااااا كل هالاخبار الحلوه معاد اقدر اتكلم ثم يغلق الخط تذهب دلال بسرعه لتبشر نوره دلال : نووووووووره نواف اليوم بيجي الرياض خلااااااااص صحته تمام واللي ماقلته لك ان نواف كان مشلول طول هالمده بس الحين الحمدلله انسان طبيعي تنظر نوره الى دلال بسرعه دلال : والله يانوره ماكذب عليك نوره تنطق بأول كلمه منذ أكثر من ثلاث سنوات : نواف دلال وهي تكاد تطير من الفرح : نوره نوره : نواف دلال تتكلم ونوره لاترد الا بقولها ((نواف)) نوره : نواف كان مشلول ؟ دلال : ايه اليوم يقول صار يركض خلاص رجع مثل اول واحسن نوره : وليش ماقلتي لي انه مشلول ؟؟ ١ دلال : خفت عليك .. وبعدين مافكرتي وشو اللي يخليه ثلاث سنوات بالمستشفى غير الشلل نوره : مادري ماتوقعت شيء كنت افكر بنفسي اني انا السبب باللي صار له نوره تتكلم بطلاقه غير انها خائفه من مقابلة نواف بعد ما ابتعدت عنه طوال فترة وجوده في المستشفى في مساء يوم الثلاثاء نواف من جديد على متن الخطوط السعوديه متجها من ١مطار الملك عبد العزيز بجده الى مطار الملك خالد بالرياض وتعود الى ذاكرته ذكرى رحله 2954 ولكنه هذه المره يتذكرها بابتسامه ودموع أيها الحب ها انت تعود من جديد ها انت تجدد أحلامك الورديه نواف ومنديله لايفارق عيناه دموع فرح دموع شوق ويردد في نفسه قائلاً (( رجعت لك يانوره .. رجعت لك يا اغلى من نفسي )) وعند نزوله في مطار الملك خالد يتصل بهاتف نوره ترررررررررن ترررررررررن نوره لاتفتح الخط دلال : ردي كلميه نوره : وربي خايفه شوفي يديني دلال تضحك بصوت عالي : امووووت بالحب اللي كذا --- لم يتم الرد يعاود الإتصال ترررررررررن ترررررررررررن تررررررررررن نوره تفتح الخط ولكن يقف حرف الهاء في حنجرتها لا تستطيع ان تقول هلا نواف نواف : مساء الحب .. مساء الشوق ..مساء الاشياء الحلوه كلها نوره تبكي ولاتتكلم نواف : هذي دموع الفرح اللي يقولونها ؟؟ نوره بصوت قد أخفته الدموع : ايه نواف : ايه ؟ ايه ؟ احلىىىىىىىىىىىىىىىىىىىىى ايه ياحلوها من فمك ثم ينظر نواف بجانيه ويتذكر انه في صالة المطار والجميع ينظر اليه باستغراب نواف : نوره حبيبتي الناس يناظرون فيني وربي نسيت اني بوسط الناس بروح ادور على ليموزين وادور على فندق اسكن فيه وبعدين اكلمك نوره : طيب نواف : مع السلامه نوره : مع السلامه طوط طوط طوط دلال تعانق نوره وهي تبكي : اختي تتكلم وربي احلى يوم بحياتي نوره : انشاءالله كل ايامك حلوه يا أحلى اخت بالدنيا دلال تقبل نوره على جبينها نوره : والله يادلال مانسى معروفك دلال : وشووو معروف انتي اختي نوره : دلال انتي ساعدتيني وساعدتي نواف لو ما اللي سويتيه ماتحسنت حالتي ولا حالة نواف دلال : هذا شيء الله كاتبه قولي لو ماللله ثم انتي نوره بابتسامه : لاتلوميني ضاعت فصاحتي كم لي ماتكلمت العنود قادمه من خارج المنزل حيث كانت مع زوجها منذ الصباح تدخل غير مصدقه لما تراه أمامها : نوره بنتي تتكلم نوره تركض باتجاه والدتها وتحتضنها وتبكيان دلال بدموع وابتسامه تنظر من بعيد دلال : يمه نواف طلع من المستشفى العنود : من نواف ؟؟ نوره : حبيبي .. دلال في نفس الوقت : اللي كانت تحبه نوره وخطبها العنود : وهذا السبب اللي خلاها تتكلم دلال : ومن الحب ماقتل العنود: تعانق نوره حمدلله على سلامتك يابنتي.. ابوكم بيفرح هو الحين بالسياره برى نبي نسوي له مفاجأه عبد الرحمن يدخل الصاله نوره تقابله : هلا يبه عبد الرحمن يقف مدهوش نوره تحتضنه وهي تبكي عبد الرحمن بدموع الأب الحنون : نوره نوره تنظر له وتبتسم عبد الرحمن بابتسامه : قولي هلا يبه ابي اسمعها مره ثانيه نوره : هلا يبه عبد الرحمن يضحك بصوت عالي ثم يحتضنها لحظات جميله تعيشها عائلة عبد الرحمن ونوره تتوسطهم وجبه عشاء جماعيه مختلفه عن سابقاتها الضحك والابتسامه تسود الوجوه بعد العشاء تتجه نوره الى غرفتها تجد مكالمات لم يرد عليها = 14 جميعها من نواف ثم تتصل نوره بنواف تررررررن تررررررررن نواف : هلا نوره خوفتيني عليك نوره تقول بنفسها انا تأخرت عنك ساعات خفت علي وانت تأخرت علي سنين ياويلي لو تدري اني ماكنت اقدر اكلمك نواف : وش فيك ساكته نوره : من الفرح مادري وش اقول نواف : قولي احبك نوره : احبك نواف : الله وحشتني من زماااااااان ماسمعتها وانا خارجالمستشفى نوره : ماني مصدقه انك بالرياض نواف : وشو مانتي مصدقه يغلق الخط بعدها بسرعه طوط طوط طوط نوره ترتبك وتقول في نفسها (( نواف زعل )) رقم غريب يتصل ترررررررن تررررررن بعد تردد تفتح الخط ولاتتكلم نواف : هذا الرقم من وين ؟؟ نوره : مادري بسأل دلال نواف يضحك : هذا تلفون الفندق مانتي مصدقه اتصلي فيه نوره : نواف امزح انا دايم اصدقك مايحتاج تثبت لي نواف يصمت وهو مبتسم ثم يقول : نوره بكلم ابوك نوره : ليش ؟ نواف : بقول له اني طلعت من المستشفى وخلاص جاهز للزواج الحين يبي يكشف علي مستعد نوره : هههههه نواف : هاتي رقمه نوره : نواف انت من جدك ؟؟ نواف : ايه اجل امزح نوره : طيب ليش مستعجل باكر تكلمه نواف : تقولين ليش مستعجل اذا ماكنت بهذي مستعجل اجل وشو أهم منها نوره : انك تبقى معي الحين نواف : نوره وش الأغنيه اللي كنت تغنينها لي وانا بالمستشفى وحشتني ابي اسمعها نوره ترتبك : أي أغنيه؟؟ نواف : هو فيه غيرها نوره تظنها أغنيه لفنان : من اللي يغنيها نواف وهو يضحك : الفنانه نوره نوره : من جدك نواف باستغراب : نوره وبعدين نوره تبرر : تبي الصدق نسيتها نواف : اما نسيتيها كثري منها وانتي كل يوم تغنينها عندك احد ومستحيه قولي اعذرك نوره : مثل ماتقول نواف : اها تغير نوره الموضوع : نواف تبي تكلم ابوي ؟؟ نواف : ايه هاتي رقمه نوره : وهذا رقمه ******* نواف : يالله مع السلامه نوره : هههههه مستعجل طيب مع السلامه طوط طوط طوط نواف يتصل بهاتف عبد الرحمن ترررررررررن تررررررررن تررررررررن عبد الرحمن : مرحبا نواف : السلام عليكم عبد الرحمن : وعليكم السلام ورحمة الله وبركاته نواف : شلونك عمي شخبارك عبد الرحمن : الحمد لله بخير انت شلونك نواف : الحمدلله تمام .. عرفتني ؟؟ عبد الرحمن : لا والله من انت نواف : انا نواف الحمد اللي خطبت بنتك نوره قبل ثلاث سنوات وصار علي حادث عبد الرحمن : وكيف صحتك الحين نواف يحكي قصته مع الشلل طيلة ثلاث سنوات عبد الرحمن متعاطف معه نواف : وانا رجعت الحين بخطب نوره عبد الرحمن : انت بنفس وظيفتك نواف يصمت ويتذكر وظيفته التي تم فصله منها بعد الحادث بسنه حيث التقرير الطبي يدل على ان أمله في الشفاء ضعيف نواف : لا | |||||||||
| |
|
07-22-2010, 05:26 PM
| #20 (permalink) | |||||||||
|
مستشار المؤسس ~
|
رد: ( نواف ونوره)احلام ورديه ياحبيبي تصحى وتلقاني قدامك يارب تحقق احلامك انا :
قمرهم كلهم ** الجزء الحادي عشر ** عبد الرحمن : اجل كيف تبيني اعطيك بنتي نواف : بدور وظيفه بس كلمتك ابي اشوف انت على كلمتك والا غيرتها عبدالرحمن : اكون على كلمتي اذا لقيت لك وظيفه وكونت نفسك نواف : انشاءالله ماتسمع الا اخبارك تسرك عبد الرحمن : الله يوفقك نواف : الجميع انشاءالله .. مع السلامه عبد الرحمن : مع السلامه طوط طوط طوط نواف يتصل بنوره مرة أخرى تررررررن ترررررررن نوره : هلا حبيبي نواف : هلا ياقلبي نوره : كلمت ابوي ؟؟ نواف : ايه كلمته وسولفت انا وياه وسأل عن الوظيفه وقال اذا لقيت وظيفه بعطيك نوره نوره : تمام تدخل دلال الغرفه في هذه الأُثناء وتستمع الى الحوار الذي يدور بين نوره ونواف الغريب في الأمر ان دلال تشعر بالغيره لاتستطيع ان تقاوم ماتسمعه ثم تخرج باكيه دون ان تنتبه نوره تغلق دلال الغرفه على نفسها ثم تستلقى على سريرها والدموع في عينيها وتحاور نفسها (( .. نوره عاشت مع نواف سنه **وانا عشت معه ثلاث سنين .. نوره عاشت معه هو انسان عادي ويقدر يلقى غيرها الف بنت ** وانا عشت معه وضحيت كثير بوقتي عشانه -- انا استحق نواف اكثر من نوره --انا اللي حبيته حب ماحبه لنوره -- احبه احبه ==== لاااااااااا مستحيل اخلي حياة اختي جحيم بضحي عشان سعادتها )) حيره داخل نفس دلال تترجمها قائله (( ياويلي ياحظي المنحوس ماحبيت قبل والحين ماحبيت الا حبيب اختي )) بعد مرور ساعتين من المكالمات بين نواف ونوره نواف : نوره اسلوبك متغير نوره تشعر بالحرج : لاياحبيبي لامتغير ولا شيء بس شعوري الليله غريب نواف : عشان كلمت ابوك ؟؟ نوره : طبعا ياحبيبي نواف : نوره حبيبتي ادعي لي بحاول ارجع لنفس وظيفتي نوره : الله يوفقك ياحبيبي نواف : والحين بنام عشان بكره الصبح بطلع بدري نوره : طيب نوم العوافي ياحبيبي نواف يبتسم ثم يقول : نوم العوافي ياحبيبي احلام ورديه ياحبيبي (( نفس الاغنيه التي كانت تغنيها دلال )) نوره :عسى الله لايحرمني منك نواف يستغرب ان نوره لاتكمل الاغنيه ويظن انها لاتريد ان تتذكر ايام وجوده بالمستشفى : يالله حبيبيتي تصبحين على خير نوره : وانت من أهل الخير نواف : باي ياحياتي نوره : باي ياعيوني طوط طوط طوط ينام نواف ثم يصحو اليوم التالي ويذهب الى شركة الاتصالات يحاول ويحاول ويحاول لمدة شهر الى ان استطاع ان يعود الى وظيفته السابقه يكلم عبدالرحمن والد نوره ويخبره بذلك عبد الرحمن يوافق مقدما نواف والسعاده تغمره يكلم والدته تررررررررررن ترررررررررررن نواف : السلام عليكم مريم : وعليكم السلام نواف : يا أمي قولي مبروك مريم اول شيء طمني انت كيف حالك وبعدين ليش ماتتصل لك ثلاثه اسابيع ماكلمتني نواف : والله كنت مشغول يا أمي مريم : مافي شيء يشغلك عن امك نواف : قولي مبروك وانا اقول لك مريم : مبروووك نواف : رجعت لوظيفتي مريم : مبروك مبروك ياولدي والله فرحتني نواف : وكلمت ابو خطيبتي وقلت له ووافق اني اجي اخطبها مريم : وتكلمه قبل لاتكلم امك ؟ نواف : عشان اقول لك خبرين حلوين مريم : مبروك والله ياولدي نواف : الله يبارك فيك مريم : خلاص انا اكلم اخوانك كلهم ونتفق على الوقت اللي نجي فيه ونسوي لك الملكه نواف : تعالوا الاسبوع الجاي والله يامي وحشتوني مريم ضاحكه : وحشناك والا مستعجل على الشبكه نواف : هههههههههههههه مريم : ولا يهمك يانواف نواف : الله يخليك يا أحلى ام بالدنيا مريم : بس في حاجه مهمه نواف : وش هي ؟؟ مريم : اخوك سعود لازم انت اللي تكلمه بنفسك نواف : طيب بس هذي بسيطه ..يالله مع السلامه يا أمي مريم : مع السلامه | |||||||||
| |
|
| مواقع النشر (المفضلة) |
| الذين يشاهدون محتوى الموضوع الآن : 3 ( الأعضاء 0 والزوار 3) | |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| أحــلى مأخلق ربي ..) روايةسعوديـة كــاملة تستحق القراءة | قمرهم كلهم | للروايات المكتمله | 103 | 09-02-2011 08:33 PM |
| |
العرض العادي
