هل تريد التسجيل في منتديات بنوته ؟
إحصائيات المنتدى: المواضيع: , المشاركات: , الأعضاء:
إحصائيات المنتدى: المواضيع: , المشاركات: , الأعضاء:
|
|  |
| التميز خلال 24 ساعة | |||
 العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم |
المشرفة المميزه |
قريبا | بقلم :  | قريبا | قريبا |
| |||||||
 |
| | LinkBack | أدوات الموضوع | انواع عرض الموضوع |
06-20-2010, 06:50 PM
| #21 (permalink) | |||||||||
|
مستشار المؤسس ~  
| 
رد: ++::بعد ماجفيت ترجع تقول احبك وانا احبك::++ انا :
قمرهم كلهم طلعت ام حمد من بيتهم وقلبها يتقطع على مها اول مادخلت بيتهم شافت فهد واقف على الباب فهد: ها خالووو ام حمد: و لله حال البنت مايسر فهد: شووووووووووووو ليش ؟؟ ام حمد: حاطينها فى الزريبه ولله لو انا ريلى عنده عيال غير عيالى ما بعاملهم جذا فهد(يطيح هلى ريوله): الزريبه...هذيل اى نوع من البشر حمد: شو تبانا انسوووى يافهد فهد: بتين البنت و لله ام حمد: هيه ناقصه عذاب لله يعينها (سارت عنهم داخل ) فهد: اريد اشوفها حمد: عاااد عن الخبااااال فهد: ياربى انا بسير البيت الحين حمد: افاااااااااااا وين تبا فهد: بسير و لله تعبان نفسيا حمد: فهد لا تخليها تاثر فيك صدق انها تعانى بس ما تقدر انته تسوى شى . فهد: بس حرام حمد: شفت انته تشفق عليها ؟؟!! فهد: انا مب علشان شفقه انا احس ان هذى البنت تحتاجلى حمد: اشقايل تحتاجلك و انته ما تعرفها الا من امس خبرنى كيف هذى فهد: دخيلك ياحمد تفهمنى انا مستعد اخطبها حمد(منصدم): شووووووووووو فهد: هيه بخطبها حمد: لا انته صدق اخبليت اشفيك اثقل ياريال مب جذا فهد(حط راسه على باب السياره): شو اسووى ماشى حل غير هذا الا و اشوووى يشوفون جاسم و امه داخلين البيت فاستاءذن فهد من حمد علشان يدخلون البيت يطالعون شو بيسووون ... فى بيت المرحوم سعيد (بو مها) جاسم(يصرخ): ميسى و صمخ ميسى: يس سير جاسم: وين مها ميسى: داخل مكان انته فى هطى جاسم: ذلفى طلع جاسم ساير صوب الزريبه وشاف مها تصيح من الخاطر يوم شافته ارتجفت و صرخت باعلى صوتها : انته شو تبا منى الحين شو تريد فكنى اريد اموت اريد الحق ابوووويه جاسم: احسن تصدقين (يسحبها من داخل) مها: شل ايدك عنى جاسم(يصرخ): جااااااااااااب يالله مها: شو تبا خلصنى و انا مستعده اسوووى اى شى جاسم(باشمئزاز): ريحتج وصخه سيرى اتسبحى وسوى عشا حق ربعى مها: ان شاء لله بس فج ايدى طلعها جاسم وفرها علشان ما توصخه ..حمد قعد يطالع فهد للى طاحت دمعته لعى خدها وبدون اى كلام طلع من البيت وركب السياره وسار وهو يفكر فى مها للى خذت فكره ويمكن قلبه اتصل على ناصر الوحيد للى يفهمه بس كيف اتصل على الصبح الحين ..بسير البيت وبعدين يحلها الف حلال ... فى بيت ام زايد دخل فهد وشاف اهله يتريقون ..قعد عدال زايد وهو ساكت و لا كل شى .. زايد: السلام عليكم فهد: و عليكم السلام ام زايد: اشفيك ياولدى شى يعورك فهد: لا اماايه مافينى شى ساره: شحالك فهد فهد: بخير ربى يسلمج زايد انتبه ان اخووه فى شى بس سكت لين ماطلعت امه وساره بيت ام خالد ... زايد: فهد اشفيك اخووويه ما احب اشوفك مهموم جذا فهد: زايد انا كنت عند حمد اليوم الصبح ياليتك لو شفت وسمعت للى سمعته زايد: ليش شو صار فهد: البنت للى اقولك عنها زايد: هيه شو بلاها فهد: تصدق اخوها من الابو حاطنها فى الزريبه زايد: خيبه معقوله هذا مب بشرى اكيد فهد: و لله يازايد حراااام عليهم (تنزل دمعته) زايد: انته بس تشفق عليها فهد: مب مساله شفقها انا ابا البنيه زايد: شو بتقول حق امى اريد البنيه فهد: انته اخوى العود وتقدر اتساعدنى و امى قلبها طيب زايد:ادرى يافهد بس الموضوع صعب فهد: بكلم يدى ؟؟!! زايد: شو بتقوله فهد: بقوله للى فخاطرى انا اريد اخطب البنت اريدها يازايد (يحط ايده على ويه ويصيح) زايد: عيب عليك الريال مايصيح خلاص اتكل على لله ورمس يدى فهد: صدق زايد(يبتسم): هيه فهد: لله يخليك لى ان شاء لله (يحضن اخووه) زايد: قم يالله نلحق امااايه وسارووه فهد: يالله فى بيت بومحمد ..... الكل كانوا قاعدين فى الصاله الا الشباب .... بوخالد: هلا يا ام زايد شحالج و شحال العيال .. ام زايد: بخير ربى يسلمك يا اخوى وين ابوويه عيل بوخالد: فى غرفته الحين بيطلع .. حمدووووه: ابووويه النت بيقطعونها ادفعها لى بوخالد: حشى كل مره ادفع ام خالد: مب من نقص فلوسك سارووه: شوفيكم على خالى كلتووه بوخالد: عنى ما اخلى من هالويه ام زايد: بس عن لا تمدحها بعدين اطيح فى جبدى سارووه: اماااااااااااايه الا واشووى دخلوا الشباب ... خليفه: امااااااااااااااايه (يقلد سارووه) الشباب:هههههههههههههههههههههههههههه ساروه: ليش تقلد خليفه: بس جيه كيفى ؟؟!! ناصر: السلام عليكم الكل: و عليك السلام و الرحمه فهد: يدى وينه بوخالد: فى غرفته فهد: بروح ارمسه اريده فى كلمه راسه ناصر وزايد و خليفه يطالعون ..... ناصر: اسير وياااك فهد(يبتسم): لا تخاف مب ساير احارب خليفه: عيل تمام وبالتوفيق ام زايد: اشفيكم شو السالفه ؟!! اشعنه ماتخبرونى ؟ زايد: امااايه مااشى (يلتفت على فهد) سير يالله فهد : ان شاء لله طلع فهد من الصاله ساير صوب غرفه يده و هو يرتجف شو بتكون رده فعله اذا عرف دق باب الغرفه وسمع يده يقوله ادخل .. بومحمد: هلا و ليدى الحين يايينكم ليش مستعيلين فهد: يدى انا (ينزل راسه) بومحمد: اشفيك ياولدى فيك شى تبى تقوله لى فهد: هيه نعم يدى بس ان شاء لله ماتردنى بومحمد: مابردك و لا حد يقدر يردك اذا كان هذا الشى صح تعال اقعد و خبرنى فهد(سكر الباب ودخل): ان شاء لله (تقرب و قعد عدال يده) بومحمد: هايولدى بشر ان شاء لله خير فهد: يدى انا اريد اخطب بومحمد: هذى الساعه المباركه بس منو البنت فهد: يدى البنت لا لها ابو ولا ام و تعيش مع ناس يعذبونها بومحمد(مستغرب): اشقايل ياولدى فهد: بخبرك السالفه كلها بس ما تعصب على بومحمد: قول ياولدى وانا بسمعك فهد: ذاك اليوم كنت فى المول وشفت بنت مسكينه تشوف خواتها يتشرن كل للى يبنه الا هيه واقفه شرات الخدامه كتبت رقم السياره و واحد من ربعى دلنى على البيت لانهم ساكنين عدالهم (سكت) بومحمد: ياولدى كمل لا تخاف فهد: ربيعى خبرى شو يسون فيها واليوم الصبح حطوها فى الزريبه و سمعت كل شى بومحمد: استغفر لله العظيم بنت منو ياولدى فهد: هم يسكنون فى هيلى اسم ابوها سعيد بومحمد: لا يكون بيتهم للى باب ابيض فهد: هيه هو بومحمد: لا تكون بنت المرحوم سعيد بن سلطان فهد: هيه نعم يدى بومحمد: و لله ياولدى ما اعرف شو اقولك فهد: يدى انا اريد اخطبها بومحمد: بس يمكن مايوافقون فهد: انا مستعد ادفع فلوس الدنيا كلها بومحمد: وذا طلبوا زياده فهد: بدفع يدى شو قلت بومحمد(يبتسم): موافق فهد: صدق و لله بومحمد: هيه نعم ياولدى و ليش ما اوافق فهد: لله يسلمك (يحب راس يده) بومحمد: سير ازقر لى امك و خالك بخبرهم بالسالفه و حرمه خالك بعد فهد: و لله يدى بومحمد: هيه نعم سير يالله فهد: ان شاء لله طلع فهد وهو مستانس وقف اشوى وتذكر ويه البنت و ابتسامتها فى المول ..وهز راسه وابتسم ابتسامه النصر سار صوب الصاله وقف عند الباب .. فهد: اماه خالى حرمه خالى يباكم يدى .. ام زايد: حاضرين ام خالد+بوخالد: ان شاء لله طلعوا ساروا صوب غرفه بومحمد . ..++::اما فى الصاله ::++ زايد: ها شو فهد: وااااااااافق ناصر+وخليفه: صدق و لله فهد: هيه و لله ما تصورون اشقايل انا فرحان ساروه: وافقوا على شو (اطالع حمدوه) حمدووه: ما ادرى فيهم خليفه: بس سكتن انتن ساروه: ليش خليفه: لان عيب ترمسن بين رياييل فاهمه ساروه: انزين . زايد: المهم شو قال فهد: ماشى قال بيرمس امايه و خالى و حرمته ناصر: ان شاء لله خير فهد: ان شاء لله ++:: فى غرفه بومحمد::++ دخلوا عيالهم وقعدوا حواليه .... بومحمد: لا تستغربون ليش جامعنكم انا اليوم ؟ ام زايد: خير يابويه فى شى بومحمد: الخير فى ويهج بوخالد: شو صار بوويه بومحمد: فهد يريد يخطب ام زايد: شووووووووووووووو (مستغربه) بومحمد: تعرفين منو البنت يا ام زايد ام زايد: منو يابووويه بومحمد: لو ولدج مب ريااااااااال جان انا ماوافقت محد شبه ابوهم غير عيالج ام زايد: الحمدلله يابوويه بومحمد: بنت سعيد بن سلطان المرحوم ::++يترحمون عليه++:: ام زايد: عنده بنت من حرمته المرحومه و بنتين من حرمه الثانيه ام جاسم بومحمد: اسالى فهد اى وحده يبا . ام خالد: بسير ازقره بومحمد: سير طول لله بعمرج ان شاء لله بوخالد: امين يارب طلعت ام خالد من غرفه بومحمد و نادت باسم فهد للى ارتجف حس ان فى شى فز من مكان اول مادخل غرفه يده شاف امه تبتسم له ورد لها الابتسامه .. بومحمد: تعال ياولدى اقعد فهد: ان شاء لله (قعد عدال يده) ام زايد: اى وحده من البنات تبا ياولدى فهد: اريد بنت المرحومه بوخالد: شو اسمها ياولدى فهد: ما ادرى بس اريد بنتهم للى من المرحومه بومحمد: حصل خير ياولدى و ان شاء لله بنسير و بنخطبها لك فهد: صدق (يطالع امه) صدق امااايه ام زايد: هيه نعم ريال و تعرف تختار بارك لله فيك ياولدى حب فهد راس يده و امه وطلع من غرفه يده سار صو ب الصاله و الفرحه مب شايلتنه الا وخالد داخل عليهم و هو يشوف فهد هذا الخبل اشفيه خالد: حووووووه فهوود اشفيك فهد: خلاص بخطب خالد: منووووووووووو لا يكون ؟؟ فهد(هز راسه بالايجاب): هيه هيه خالد: صدق و لله زايد: مبروووك خوويه فهد: لله يبارك فيك ان شاء لله ساروه: مبروك على شو خليفه: يالخبله اخوج بيخطبه ساروه+حمدوه: شووووووووووووووو حلفوا ناصر(يحضن فهد): مبروووك بو على فهد: لله يبارك فيك ان شاء لله | |||||||||
  |
|
06-20-2010, 06:50 PM
| #22 (permalink) | |||||||||
|
مستشار المؤسس ~
|
رد: ++::بعد ماجفيت ترجع تقول احبك وانا احبك::++ انا :
قمرهم كلهم بعد ما كسب فهد موافقه يده على الخطوبه .قعد يفكر فى مستقبله شو بيسوى علشان يسعدها التفكير فى مها خلى فهد يفكر فى حياته المستقبليه من كثر مافكر غفت عينه و الابتسامه على ويه ...... الصبح الساعه 8:00 ام زايد قاعده مع ولدها زايد يتريقون الا وشوى نزلت ساااروه علشان بتسير الجامعه . ساروه: السلام عليكم ام زايد+زايد: و عليكم السلام زايد: هااا سويره على وين ساروه: الجامعه زايد: منو بيوصلج ساروه: الدريول اذا انته بتوصلين زين بعد زايد(قافط): سارووه انا وراى شغل ما اقدر اوصلج ساروه(حز فى خاطرها): انزين ماعليه (قامت من مكانها) ام زايد: على وين يابنتى ساروه: بزقر الخدامه علشان اتقول حق الدريول يطلع السياره زايد: قعدى تريقى ساروه: بتاخر (طلعت من الصاله كانت زعلانه من الخاطر ) بعد ماطلعت ساروه من الصاله طلع زايد سلم على امه علشان يسير الشركه شافها قاعده على الكرسى تتريا الخدامه .. زايد: اشفيج امبرطمه ساروه: ماشى ابد سلامتك فى هالوقت نزل عبدالله متكشخ و متعطر ومدخن بعد الكل قعد يطالعه مستغرب .. عبدالله: السلام عليكم الكل: و عليكم السلام زايد: على وين ؟؟!! عبدالله: ماشى بسير عند ربيعى (جذاب بالقو بعد) ام زايد: من صباح لله خير عبدالله: اماايه و لله مشغول (يطالع زايد) بمر عليك الشركه زايد(مستغرب): هيه انزين ساروه: و لله ان وراك شى عبدالله: سكتى انتى ساروه: بسكت اشعلى منك ... ::دخلت الخدامه تزقر ساروه :: ميرى: مدام سياره برع ساروه: الحين باييج اخوان على الفاضى زايد: ليش تقولين جذا ساروه: ماشى يالله مع السلامه طلعت ساروه من البيت و هيه حاز فخاطرها طريقه زايد ..الحين هو يقولى انا بوصلج مب يخلى الدريول يوصلنى شو الدريول اخوى ولله شو هذا ما يهتم ابدا ليش جذا ...وصلت الجامعه ودخلت شافت وحده اخر شياكه متعدله وصابغه ويها وقعدت تضحك ساروه ..وقعدت تمشى تذكرت انها لازم تيب ورقه من عند المشرفه للى على الباب ..اول ماوصلت انصدمت شافت شى غير عاااادى ...شافت سياره عبدالله فى الجامعه ..والبنت للى قاعده اهنيه ركبت السياره عداله ...قعدت على اقرب كرسى واشوى نزلت دمعتها قامت معصبه وسارت كلاسها ... ::++ سياره عبدالله ++:: عبدالله: السلام عليكم ناديه: و عليكم السلام عبدالله: شحالج (وهو يطالع برع) ناديه: الحمدلله كيفك انته عبدالله: الحمدلله (التفت عليها و انصدم من شكلها ابتسم بس) ناديه: شو فك عبدالله مو عاجبك عبدالله: لله يهديج حق شو هالاصباغ ناديه: هيدا كله لئيلك عبدالله: فى الماسنجر ترمسينى مواطن و الحين ترمسينى على اساس انج وافده ناديه: اصلا انا مقيمه بس منولده بالامارات يعنى هيك وهيك عبدالله: هيه و لله زين ناديه: انا رفيقتى عندها شقه وهيه اهناك مع صاحبها شو رأيك نروح اهناك عبدالله(وين تبا هذى ): اوكيك عبدالله وهو فى الطريق حس بشى طبيعى ان للى يسويه شى غلط ..وين للى كان ينصح قبل لا يوصل وقف السياره ناديه طالعته باستغراب ناديه: ليش وقفت (اطالعه) عبدالله: انزلى ناديه: شو انته مجنون ليه عم بتقولى انزلى عبدالله: انزلى من السياره احسن لا ارتكب فيج جريمه نديه: حاضر (نزلت من السياره) حرك عبدالله سيارته مسرع لين وصل الشركه وقلبه يعوره حرام اهدم هذا الانسان للى ربانا بعد ابووويه ونزل ...اما فى الجامعه ساروه حالتها حاله موزه (بنت خالتها ام سالم) قاعده عدالها ... موزه: اوهووووووووو ساروه شوفيج ساروه: ها لا ماشى و لله (مسكينه ياموزه تحبين واحد مايستاهلج) موزه: شو فيج سويره ساروه: لا ماشى بس متضايجه من زايد ماوصلنى الجامعه موزه: عيل شو تقولين عنى انا سالم محد امى حليلها تودينى ساروه: اشحالها خالووه وميره موزه: بخير ربى يسلمج ساروه: ها شو بتسوين حق البروجكت موزه: ما ادرى هيه ساروه صح تعالى اشفيها حمدوه ما تلاحظين انها تغيرت ساروه: هيه واايد بعد ما ادرى شو مغيرنها موزه: ذاك اليوم كله على النت قاعده ساروه: كلنا نقعد على النت موزه: صح نقعد بس ما انطنش كلاساتنا ساروه: خليها برايها خلينا انسير نشترى شى بااارد موزه: سرينا سارن صوب الثلاجه الا عشر دقاق رفعت سويره عيونها شافت البنيه للى ركبت سياره عبدالله قاعده اتصيح شو السالفه لايكون سوابها شى عبدالله ياويلى انا ... موزه: سووويره شلى البيبسى عنى ساروه(انتبهت حق موزه): هيه ان شاء لله موزه: شورايج انسير عند حمدووه اليوم ساروه: يالله (ابتسمت) موزه: هيه يا ابوج سايره حق مزايين العين مب علشان حمدووه ساروه: ههههههههههه بس جب زين موزه: اقول دوامج لين الساعه كم اليوم ساروه: 11 و نتى موزه: 11 بعد شو ؟؟!! ساروه: ووووويه موزه هذى حمدوووه موزه: وين ساروه: هنااااااااااك ما تشوفين موزه: هيه شفتها (تاشر على حمدووه) حمدوووووووووووووووووه اهنيه حمدوه: ههههههههههه شفتكن موزه(تصرخ): تعالى حمدوه: اسمعج و لله مب لازم تصرخين شو جامعتنا هيه ساروه: اشحالج حمدوه حمدووه: بخير ربى يسلمج موزه: متى يخلص دوامج حمدوه: 11 ساروه: ياسلام كلنا بنخلص 11 حمدوه: لا و لله انا بسير البيت من وقت اليوم ساروه+موزه: ليش حمدووه: عندى شغل و لله موزه: لله يعينج حمدووه: صح سارووه ماقلتلج امج متى بيسرون يخطبون حق فهد ساروه: ما اعرف و لله يمكن الخميس جذا حمدووه: هيه عيل يوم بتعرفين قوليلى يالله اخليكم موزه: وين حمدوه: بسير اقعد على الكمبيوتر ساروه: شو ماتملين حمدووه: لا ابدا (تقول فخاطرها اريد اشوف حمد فديته) موزه: برااايج عيل (تلتفت على ساروه) اماايه كلاس علينا ساروه: اوووه صح برااايج حمدوووه حمدووه: براايكم ... سارن البنات كل وحده على كلاسها و اتفقن انهم يسيرن مع بعض بيت ساروه ..اما فى بيت بومحمد ..محد كان فى البيت الا خليفه للى قاعد يطالع التلفزيون واشوى ودخلت حمدوووه و هيه معصبه على الدريول ... حمدووه: عنبووووه شو هالحاله خليفه: يييييييييه ياه بدينا الحين سلم قبل حمدوه: السلام عليكم (كانت بتركب الدرى) خليفه: ما بتتغدين ويانا حمدووه: مسوىه ريجيم عيل تبانى مثل حبيبه القلب خليفه: ولله انها حلوه جسمها حلووو حمدوه: ادرى انزين بس انا بضعف اكثر عنها خليفه: هيه علشان يقولون اهلها معيشينها فى مجاعه حمدوه:ههههههههههههههههه لا تخاف خليفه: انزين سيرى غيرى ملابسج و تعالى تغدى وياى حمدووه: ان شاء لله على الساعه 1 بنزل خليفه: روحى لاه خرطى انتى اصلا حمدووه: بنزل اشفيك خليفه: هيه بنشوف و نتى فوق اذا شفتى ناصر قوليله انى اتريااه تحت حمدوه: عيل وين للى بيتريانى على الغدا خليفه: يييييييييه سيرى شوفيه و لله مستعيل حمدوه: انزين براايك طلعت حمدوه فوق مالقت ناصر صرخت على خليفه وقالتله انه محد ...ورجعت غرفتها وعقت اغراضها على السرير و فتحت النت ..وشافت ان الكاسر موجود اون لاين وفرحت ...بعد ماعقت عباتها قعدت ...ودخلت على الكاسر (حمد) العيناويه: هلا مرحبا الساع الكاسر: مرحبتين شحالج العيناويه: بخير وين انته من كم من يوم الكاسر: و لله موجود فى الدنيا انتى للى ما ادخلين العيناويه: و لله ادخل بس ما احصلك الكاسر: ليش اشتقتيلى العيناويه: اممممممممممم ما ادرى يمكن تقول جيه الكاسر: بصراااحه انا وايد ارتحتلج ياحمده العيناويه: وانا بعد بس ما ادرى وين اخبى هالمشاعر الكاسر: علشان اكون صريح وياااااج انا حبيت مره بنت خالتى بس تزوجت كانت اكبر عنى باربع سنوات العيناويه: انا ماقد حبيت بس احس انك غير الكاسر: شقايل بعد غير انا مثل البشر العيناويه: هههههههههه ضحكتنى يا حمد الكاسر: لا و لله احلفى العيناويه: هيه و لله الكاسر: هذى اهداء لج العيناويه: شو هذى الكاسر: اغنيه ياطارشى حق عيضه العيناويه: تسلم و لله (مستحيه) الكاسر: اقول حمده انا بسير اودى امى السوق العيناويه: حتى انا بطلع الحين بسير ارتاح لان تونى راجعه من الجامعه الكاسر: لا و لله العيناويه: هيه الكاسر: ماشاء لله اى سنه جامعه العيناويه: سنه ثانيه و انته الكاسر: انا بطالى هههههههههه لا اقص عليج اشتغل فى مشاريع ابووويه العيناويه: لله يوفقك الكاسر: ويااااااج العيناويه: امين الكاسر: برااايج عيل العيناويه: فى حفظ الرحمن | |||||||||
| |
|
06-20-2010, 06:51 PM
| #23 (permalink) | |||||||||
|
مستشار المؤسس ~
|
رد: ++::بعد ماجفيت ترجع تقول احبك وانا احبك::++ انا :
قمرهم كلهم بعد ماطلع حمد من الماسنجر حمدوه حست بشى غير طبيعى كانها بدت تحب هالانسان بس كيف تقدر توفق بين اثنين زايد و الا حمد ...بس انا احس انى احب حد ياربى ..و لله صدق احس انى احبه ..قعدت تفكر لين ما تعبت و فتحت ملفها و قعدت تحل واجباتها .. ::++فى بيت ام حمد++:: حمد قاعد يفكر فى حمده يمكن بديت انا احب هالانسانه بس كيف احبها و انا ما اعرفها بس احس انها قريبه منى وااايد ..ام حمد انتبهت على ولدها وهو سرحان ام حمد: حمد ياولدى حمد(انتبه حق امه): هلا امااايه يالله فديتج عن لا نتاخر ام حمد: ان شاء لله بس اشفيك مهموم حمد(يبتسم): لا مهموم و لاشى بس يمكن ولدج يحب ام حمد: سير عنى منااااااك منو هذى للى بتضوى راس حمد بن سهيل حمد: ههههههههههه اماااايه تغارين ام حمد: انته حتى بنات الكباريه يموتن عليك حمد: احم مب جانج مدحتينى حرمتى بتغار ام حمد: انته ماخذتها و تبديها على حمد: ما ابدى عليج حتى روحى لو تبين روحى تفداج يالغاليه (يخب راس امه ) ام حمد: عنى ما اخلى منك ياولدى حمد: و لا منج يالغاليه يالله سرينا ام حمد: على لله طلع حمد مع امه صوب السوق و هو طول الوقت يفكر فى حمده للى صدق خذت تفكيره و احتلت فؤاده بس كيف يصير هذا بهذى السرعه معقوله .....يارب تساعدنى و نزل مع امه السوق ::++فى شركه المرحوم بو زايد ::++ زايد كان يشرف على مشروع بيصير فى العاصمه بوظبى الا و اشوى شاف حد داخل عليه المكتب كانت ندى اول ما دخلت ابتسمت له وهو قعد يطالعها من فوق لتحت .. زايد: انتى ندى: هيه نعم زايد: شو تبين الحين ندى: لحظه (اطالع الباب) ناديه تعالى زايد: من هذى ندى: راااح تعرف زايد: هيه شو بعد تبين دخلت ناديه ودخل وراهاااا خالد . للى قعد مستغرب شو صار اول ما شاف ندى اشمئزت نفسه ... خالد: شو تبين وشو من العله يايبه معااج ندى: اريد ابشرك هذى ناااديه زايد: هههههههههههههه شو بعد بتزوجينى اياها ندى: تخسى الا هيه محد ياخذك غيرى خالد(يطالع زايد): هههههههه حلوه هذى ناديه: لا ترمس رفيقتى جذا الا و اشوى دخل عبدالله وخليفه و ناصر ...اول ماطاحت عين عبدالله على ناديه ارتجف رجفه وشاف فى عيونها كانها بتسوى شى وهو خايف مايريد يحطك هاالانسان للى رباااه .. خليفه: شو السالفه شو مستوى ندى: ماشاء لله كل واحد احلى عن التانى ناديه(اطالع عبدالله): كيفك عبدالله الكل انصدم و طالع عبدالله للى بدوره طالع زايد للى من الصدمه ماقدر يمسك عمره و تقرب صوب اخوه زايد: تعرفها هذى عبدالله عبدالله(بخوف): لالالا ما اعرفها ناديه: كذاااااااااااااااااب انته ناصر: قطعى لا تقولين كذاب ناديه: انا ماكلمتك علشان ترمسنى زايد: عبدالله قولى هذى تتبلى عليك لا تذبحنى خالد: زايد زايد(يطالع عيون خالد وهو قابض جتف اخوه): نعم خالد: خله ماله ذنب تريد تتبلى عليه ندى: لا و لله ما تبلت عليه خليفه: عاااشت تعرفينه لله انتى ندى: احسن منك خليفه: عيل وين اهلج يربونج ندى: انا بروحى اهنيه عايشه خليفه: ترااج تلوعين بجبدى لا ترمسين نفسنا ارمسى لهجتج ندى: كيفى انا انزين خالد: خليفه خلها هذى ناصر: بتصل على الشرطه ترانى ناديه: اتصل بقول لهم ان وااحد منكم تحرش فينى زايد: انتى ترومين اصلا ندى: هيه نقدر عندكم مانع خالد: اطلعى برع لا افرج بكف الحين ندى: لا تنسى انك بتندم خالد: اييييييييييييه اقولج مب انا تهدينى فاهمه ندى(بخوف): مين انته اصلا خالد: اطلعى برع ناديه: ندى خلينا نطلع برع (اطالع عبدالله) يجيلك يوم ياظالم زايد: لا ترمسين اخوى و اطلعى برع ناديه: ليش اخوك مب رياااال عبدالله: ريال غصبا عنج (يصرخ فى ويها) ناديه: لا تصرخ عبدالله: جب و لا كلمه اطلعى برع ندى: نطلع قبل لا يحطونا فى السجن ناديه: اوكيك بعد ماطلعن قعد زايد على الكرسى و حط ايده على راسه من الصدمه مب متوقع الكل قعد يطالع عبدالله للى نزل راسه مايعرف شو يسوى حس بايد على جتفه يوم التفت شاف خالد للى اشر له يسير يرمس زايد ..تقرب عبدالله من زااايد وهو خايف حط ايده على جتف اخوه للى رفع عيونه وشاف عبدالله وكانه يقوله ليش جذا سووويت ليش .. عبدالله: زاايد انا ااااااااااسف زايد: ......................(منصدم) عبدالله: سامحنى يا زايد انا اداركت الموقف قبل لا يصير شى زايد: ياعبدالله انته رياااال و مايعيبك شى بس الريال سمعته اهم و البنيه للى تطلع معاها قانون فى الدوله يجبرك تاخذها و لا تعق عمرك على الوهايف و انا اخوك عبدالله: صدقنى ماسويت شى زايد: انا واثق فى هالشى بس بنات الناس مب لعبه و لا تعق عمرك على بنات يبونك يوم و الثانى مع غيرك عبدالله(منزل راسه):..................... خالد: اسمع كلام اخوك لان هو الصح ناصر+خليفه: هيه صح خليفه: اقووول زايد زايد: امر يا خليفه خليفه: صدقنى عبدالله خذها عبره و مابيكررها مره ثانيه زايد(يطالع عبدالله): اكيد عبدالله(يبتسم و يطالع خليفه): هيه نعم كلمه رييايل ناصر: هيه جذا خلك ريال هيه صح تعالوا وينه فهد زايد: يابوك المعرس راااقد ناصر: شو متى بيسيرون زايد: امى تريد تسير هالخميس خالد: هيه و لله تسووون فيها خير البنيه خليفه: هيه و لله عبدالله: ليش شوفيها زايد: مافيها شى بس يتيمه عبدالله: حليلها و لله ناصر: لله يعينها لين يوم الخميس خليفه: اقول زايد شورايك نتغدى عندكم اليوم ناصر: ايووووووووووا قول جذا من اول هههههههه مصالح و لله انته خليفه: جب جب بيت خالوه مصالح الكل: ههههههههههههههههههههه زايد: حياكم و لله عبدالله: زايد اشفيها ساروه معصبه اليوم خليفه: لا و لله ناصر: اشتغل محامى الدفاع هههههههههه خالد: خله يعيبنى بصرااحه زايد: اشفيك خلووف تعال اذبحنى خليفه(مستحى): لا بس ليش معصبه زايد: حسيت انها خذت بخاطرها لانى ماوصلتها .. خليفه: يا اخى وصلها شو هالحاله و الا اقولك انا بوصلها مع حمدووه خالد: من متى انته تودى حمدوووه (يغمزله ) خليفه(مرتبك): هاااا من اليوم خلاص ناصر: على ما اظن ردك من الجامعه عبدالله: انزين فكونا الساعه 1:30 الحين نسير نتغدى فى بيتنا زايد: يالله انزين تحركوا الكل : يالله ::++بيت ام زايد++:: ام زايد قاعده فى الصاله تتريا العيال علشان يتغدون وساروه من ردن من الجامعه و هيه حاطه قناه الاغانى روتانا تسمع نانسى عجرم من شافتها تذكرت خليفه و قعدت تضحك فى خاطرها الا واشوى امها تهزبها لان الصوت واايد عالى ... ام زايد: يا سووووويره و طى على التلفزيون هالكثر صمخه ساروه: هاااااااا شو ما اسمعج ام زايد: بفرج بالدله ترانى ساروه: ههههههه ان شاء لله (وطت على التلفزيون و اطالع امها) حبيبى ارب بص وبص بص ام زايد: استخفت بنتى ساروه: ههههههههههههه ليش عااااد (وقفت على الكرسى) ام زايد: نزلى لا تكسرينه ساروه(وهيه فرحانه و منصدمه ): اماااااااااااااااااااااااايه ام زايد: واحطبه اشفيج سارووه: بسير اتلبس قوم خليفه اهنيه ام زايد: لا و لله (وقفت اتشوف ) سارووه ركضت فوق و هيه فرحانه من الخاطر وتكض بسرعه اول ماوصلت غرفتها فتحت كل الكبتات الموجوده علشان اطلع لبس حق الغالى و هيه قاعده تتنقى ...اما فى الصاله ام زايد لفت مالقت بنتها ياربى هذى بنتى شو فيها اتصرعت يوم شافتهم ..الا و اشوى الشباب داخلين الصاله الشباب: السلام عليكم ام زايد: و عليكم السلام زايد: امااايه ييت ساروه من الجامعه ام زايد: هيه ياولدى فوق خليفه: خالوه اشعنه مب قاعده ويااج ام زايد: كانت قاعده يوم شافتكم وقفت شرات الهبله وسارت فوق ناصر: هههههههههههههههه (يطالع خليفه للى استحى) ما عليه خالوه الكل فى هالعمر يخبل و يستخف مرات خليفه: لا و لله عيل ليش انته ما استخفيت عبدالله: هذا عنده حاله غير و لله خالد: هيه حالات كلكم تراااه (يطالع خالته) وين فهد خالووه ام زايد: فى غرفته اناديه لك خالد: لالالا خلى المعرس يتهنى بالعزوبيه زايد: لله يخسك دخلت الخدامه علشان تستاذن ام زايد علشان تحط الغدا .. ميرى: مدام حطى غدا ام زايد: هيه سير فوق قولى حق فهد ينزل ميرى: جين سارت الخدامه تزقر فهد ...ام زايد قاعده تنازع خليفه للى يحب يسولف وياااها .. خليفه: خاالو ليش زعلتى ام زايد: لا ليش ازعل يوم تونى الا فى السنه مره خالد: خلاص على هالخشم كل خميس عندج ام زايد: كلام لا لله بس ناصر: لا خالووه كلام رييايل ام زايد: عنى ما اخلى منكم زايد: امين يارب الا و اشوووى ساروه نازله و الكل التفت عليها الا خليفه للى يطالع التلفزيون (الحبيب مب منتبه) يفر عليه ناصر الكلينكس وصد عليه يوم شاف ساروه تيبس مكانه .. ساروه(تبتسم): السلااااااااااااااااام عليكم الكل (ماعدا خليفه): و عليكم السلام خليفه: و عليج السلام (يطالعها بنظرات و يبتسم) ساروه: اشفيك اطالعنى جذا الكل: بديناااااااااااااااااااااااااا فى هالوقت دخل فهد للى قعد يضحك عليهم فهد: هيه بدينا السلام عليكم الكل : و عليكم السلام ناصر: هااا وينك اليوم فهد: ارقااد و لله ساروه: ماشاء لله عندنا اليوم خليفه: شو ماعايبنج ساروه(اطالع خليفه): عساااااااااااااااااااااااااه دوم ام زايد: امين يارب ساروه: اماااايه ام زايد: لا ماشى خالد: يالله يالدلع ساروه: من حقى هيه زايد: ياسلام و لله من حقج عبدالله : عيال البطه السوده ترانا فهد: جانه جذا ام زايد: انتوا رياييل يعنى كلكم نفس الشى خليفه: هيه و لله صد (يطالع ساروه) ساروه: اقووول خليفه: قولى ساروه: رمستك خليفه: تراج اطالعينى رمسى ساروه(مستحيه): انا ما اطالعك حط قناه دبى خليفه: بس حط اتريا شى و لله خليفه: انزين (حط قناه دبى ) ساروه: خله دخيلك فزااع بيطلع بيقول شعر خليفه(يحيس ثمه): ماشى ناصر: هههههههه حلوه هذى ساروه: خليفه دخيلك خليفه: انا بقصد لج ساروه: ماتعرف خالد: هههههه سارووه طحت على العوق هذا شاعر للى جدامج ساروه(اطالع فى عيون خليفه): صدق و لله ناصر: هيه نعم ام زايد: خليفه خليفه: هلا خالووه ام زايد: سكر التلفزيون خليفه: ان شاء لله (يطلع لسانه حق ساروه) ساروه قعد اطالعه و قلبها يدق بقو وصل و قت الغدا والكل قعد يتغدى اما ساروه قعدت اتراقب خليفه و هو ياكل وتحمد ربها الف مره انها تحبه ..انتبهت ام زايد ان بنتها ما كلت ام زايد: سااروه ساروه(انتبهت): هلا اماايه ام زايد: كلى يابنتى مب زين من الصبح مب ماكله ساروه(اطالع خليفه للى طالعه وهو يبتسم): اماايه شبعت زايد: ماكلتى شى ساروه: انا شبعت و لله ناصر: خلاص شبعت لا تلزمون عليها خليفه(يضرب ريل ناصر علشان يسكت): لا خلوها تاكل ساروه: شبعت خليفه: ماكلتى شى خالد: ساروه قعدى كلى مب زين فهد: يالله برحمتك الحمدلله (قام من مكانه) ناصر: هااا وين فهد: شبعت ام زايد: بالعافيه عليك فهد: لله يعافيج يالغاليه ناصر: الحمدلله ام زايد: هاولدى شبعت ناصر: هيه نعم خالوه طلعوا فهد وناصر صوب المغاسل وتغسلوا وردوا يقعدون فى الصاله ...ورمس ناصر فى سالفه مها .. ناصر: قالى زايد انكم بتخطبون يوم الخميس فهد: ان شاء لله يارب ناصر: لله يوفقك ان شاء لله بس تعال شو بتقول حق اهلها اذا سالوك من وين تعرف البنيه فهد: بقوللهم نعرف ابوها بعد شو لهم عين يرمسون ناصر: هيه و لله انقبض قلبى يوم عرفت ان حطوها فى الزريبه فهد: و لله عيشتها هب حاله | |||||||||
| |
|
06-20-2010, 06:52 PM
| #24 (permalink) | |||||||||
|
مستشار المؤسس ~
|
رد: ++::بعد ماجفيت ترجع تقول احبك وانا احبك::++ انا :
قمرهم كلهم فى هالوقت دخلوا الكل بعد اخلصوا غدا ..ام زايد سارت غرفتها ترتاح ..وساروه قعدت معاهم تتريا ميروه وموزه لانه باييون الحين وقفت جدام المرايا تعدل شيلتها زايد: ليش تتعدلين حد باييج ساروه: هيه زايد: منو ساروه: ميرووه وموزه (شرق خالد بالشاى ) زايد: هههههههههه خيبه اشرب ماى انزين خالد: ماشى حصل خير خليفه: قولى اتعدل لان خليفه بن محمد اهنيه ساروه: ان شاء لله المره اليايه فهد: ساروه تراج وايد قويه صايره ناصر: خلوها انزين ::رن جرس الباب:: ساروه: وصلوا لا تتحركون و لا تتكلمون الشباب: ان شاء لله سارت ساروه وفتحت الباب و سلمت على ميرووه و موزه واول مادخلن الصاله شافن الشباب استحن بس ساروه اجبرتهن يقعدن .. ساروه: وابووى عليكن قعدن اخوانكم خليفه: هيه قعدن خالد: مرحبا فيكن زايد: هههههههههههه بس ترحيب لو سمحتوا ناصر: ترحيب رووعه فهد: شحالكن موزه+ميروه: الحمدلله بخير عبدالله: ان شاء لله دوم موزه(صدق مايحس): لله يسلمك زايد: ساروه قعدى ساروه: وين اقعد خليفه: اهنيه تعالى عدالى ساروه: مابا موزه: سااااااااااااااااااروه ساروه: شو موزه: شفتى اغنيه نانسى عجرم بص بص ساروه: شفتها خليفه: ياربى ضربتوا على العوق ساروه: ماخلصنا من السالفه خليفه: هيه ساروه: بس عيل عبدالله: ليش تغارين منها يعنى ساروه: بس اغااااااااااااار هذا ولد خالى ما اريده يطالع بنات برع زايد: عاشت ساروووه خالد: هذا الكلا السنع و الا بلاش خليفه(استحى ونزل راسه): تسلمين بنت عمتيه خالد: ليش ميره ما ترمسين ساروه: مستحيه البنت زايد: ملعووونه و لله انتى (يطالع ساروه ) ميره: شو اقول (اطالع تحت) خالد: ليش اطالعين تحت انا اهنيه ناصر: فهد شورايك انسير الميلس فهد: يالله قم انزين خليفه: لا و لله مب جانه مب عايبتنكم القعده فهد: لا و لله هب جيه بس عندى كم من شغله و برجعلكم زايد: بالتوفيق ناصر+فهد: لله يخليك بعد ماطلعوا ...ميرووه كانت و ايد مستحيه من خالد ...للى كان يطالعها ويريدها ترمس وزايد يطالعه و هو يضحك .. زايد: ياخى البنت تستحى خالد: صدق تستحين منى خليفه: ههههههههههه عيب عليك و لله انها تستحى ساروه: تدرى انى موت احبك موزه: وان مالى غيرك حبك خليفه: هيه عااااااااااااااشوا ساروه: للى ينبض فى ضلوعى موزه: هذا قلبك (اطالع عبدالله) عبدالله: وع وع شو هلاغنيه مب حلوه زايد: و لله انها حلو انزين عبدالله: انا بسير ارتاح فوق براايك الكل (الا موزه): لله يحفظك بعد ماسار ساروووه لاحظت ان موزه زعلانه من اسلوب اخوها بس هيه ماتقدر اتسوى شى ..و من غير المصيبه للى شافتها الصبح .. ساروه: مووووووويز موزه: هلا ساروه: اشفيج خليفه: شو تبين فى البينه ساروه: شولك انته ميروه: بس خلاص انتوا لاثنين خليفه+ساروه: هههههه و اخيرا خالد(يطالعها ويغنى فجأه): انته من تستاهل اشواقى و الخفوق وناظر اعيونى ساكن فى داخل اعماقى راسخ و مشيد اركونى .. زايد: عاش خلووود ساروه: هيه كمل علشان انعش خليفه: بذبحج ساروه(اطالع خليفه خايفه): انزين موزه: امررررره ساروه: هيه ترى خلوف من يقول كلمه خلاص لا تردين عليه موزه: هيه و لله صدق اشوفه مب هين علشان جيه سكن فى قلب يحبه ويموت فيه ساروه: بس سكتى لا يسمعج خليفه: شو تقولن ساروه: ماشى .. ميروه: وين خالوه خالد: راحت ترقد زايد: ههههههههههه انته سارووه خالد: لا بس اجاوب زايد: ههههههههههههه ميروه: اهااا حليلها و لله زايد: ايييييييييييه انسير ورانا شغل نحن خالد:باجر فى وقت زايد(يبتسم): بعدين خل حق المشاعر خالد: فضحتنا زايد(يسحب خالد من كندورته): يالله بالله عليك ياابو المشاعر خالد: صبر بسلم عليهم (يطالع ميره وجدام الكل) ديرى بالج على نفسج ميروه(مستحيه): ............................... خالد: تسمعين زايد: لا تحرج البنت ميروه(تهز راسها بالايجاب): ............................... خالد: مع السلامه طلع زايد مع خالد للى قعد يتحرطم عليه ليش ما خليتنى اقعد اريد اقعد .. زايد: ماتشووف البنت مستحيه خالد: يا اخى احبها و هذى اول مره اقولها زايد: عاااش الحب وينه سالم بيدفنك و لله خالد: برايها يا اخى ما اقدر اصبر اريدها زايد: بتقولك امها نوره جدامها خالد: خلها لك زايد: ما اريدها (يفكر فى حمدووه) خالد: هيه زين عيل اتفقنا فى شى زايد: يا اخى من تباها اخطبها شو تتريا خالد: ترانى رمست امى زايد: خير ان شاء لله يالله خلنا انسير انشوف العمال خالد: يالله انزين بعد ماطلعوا ...نرجع حق عربنا للى فى الصاله .. خليفه: هاااا اشوفكن قاعدات ساروه: بس جيه موزه: اشفيج ساروه: ماشى ..ليش ميرووه: سويره انا بسير اسوى حق خالتى شى حق العصر ساروه: دخيلج نريد كيكه بالشوكولاته خليفه: هيه و لله فخاطرى ساروه: حقى خليفه: لا حقى اقولج ميروه: لله يعينكم انتوا على بعض موزه: هيه و لله متى بيتفقون خليفه يطالع ساروه و هيه ترد عليه بنظره و احمرت وقعدت وهو ابتسم ولف يطالع التلفزيون ساروه قاعده اطالعه وقلبها كانه بيطلع من ضلوعها وهيه تفكر بالانسان للى قاعد اهناك للى يبعدها عنه شبر او خطوه او خطوتين بعد ماطلعت ميروه صوب المطبخ تقرب ساروه عدال خليفه .. ساروه: تريد تشرب عصير خليفه: عصير شو ساروه: عصير توت اماايه اليوم شارتنه خليفه: هااااتى ساروه(تبتسم): ان شاء لله اتريانى ما تروح خليفه: وين اروح لله يهديج .. سارووه: عيل خلاص دقايق و بكون عندك خليفه: حاضرين الغاليه طلعت ساروه و موزه صوب المطبخ علشان اطلع عصير حق خليفه ... ::++بيت بوخالد++:: ام خالد قاعده مع ريلها فى الصاله مه بومحمد للى قاعد يشرب قهوه على العصر لازم الفواله كل عصر ..نزلت حمدووه وسلمت على يدها وابوها و امها .. حمدوووه: شحالكم بوخالد: بخير ربى يسلمج بومحمد: عيل ليش ماسرتى ويا اخوانج حمدووه(فتحت عيونها): وين ساروا ام خالد: لله يسلمج ساروا بيت عمتج ام زايد حمدوه: لا و لله ليش ماقلولى عيل بومحم: جان اتصلت على واحد منهم اييج بوخالد: هيه و لله حمدووه: المره اليايه (وقفت تريد تروح غرفتها) بوخالد: ها على وين حمدوه: بسير اخلص واجباتى ام خالد: لله يوفقج ان شاء لله حمده: امين لله يسمع منكم سارت حمدووه غرفتها و هيه فرحانه من الخاطر ياربى شو صاير بالدنيا ..معقوله احب حمد وقفت اشوى وهزت راسها بالايجاب دخلت غرفتها وفتحت النت وشافت الكاسر مو موجود طرشتله ايميل وقعدت تتريااااه .. ::++فى بيت ام زايد++:: اول ماسمع خليفه صوت ساروه سار اندس ورى الباب اول مادخلت ماشافت حد التفت على موزه ساروه: رووووح موزه: لا و لله ساروه(برطمت): ليش روح بس سرت اييب العصير كله منج انتى اخرتينا موزه: شو تبين انسوى يعنى خليفه قاعد يضحك من الخاطر ورى الباب سارووه: لا ياربى شو هالحاله موزه: ليش زعلانه ساروه: موزه ليش ما ازعل مع انى قلتله لا يسير اكيد حد اتصلبه وقاله تعال موزه: شودراج ساروه: ما ادرى (شافت سفره خليفه) وووووويه موزه موزه: بسم لله استلبست البنيه شوووو ساروه: سفرته اهنيه خلاها وراااح فديته ياربى من سمعها خليفه انتفض ويقول فى خاطره ياربى كم احبج و لله احبج يابنت الناس اموت فى الارض للى تمشين وراها ...بروعهم احسن ..طلع من ورى الباب وصرخ خليفه: بوووووووووووووو ساروه+موزه: ااااااااااااااااااااااااااااااااااااااااااااااه (يصرخن) خليفه: هههههههههههههههههههههههههههههه شو فيكن ساروه: خوفتنا خليفه(وقف جدامها ): عطينى السفره ساروه(اطالع ايدها): هااااا اندوك (نزلت راسها) موزه: استهمينا عليك تحسبناك روحت خليفه: لا كنت اهنيه (يطالع ساروه) وين العصير ساروه: اووه نسيت (عطته الكوب) تفضل خليفه: مشكوره الشيخه ساروه: خليفه بلا رسميات موزه: شو رسميات بعد ساروه: يعنى لا يقولى الشيخه موزه: عيل شو يقولج (تغمز حق سويره لانها بدت تخور ) ساروه: يقولى ساروه خليفه: من عيونى فديتنى (يطالع ساروه) ساروه(مستحيه): بس اسكت رن تلفون خليفه .. سارووه: منو متصل خليفه: خلينى ارد اوين منو متصل (يقلد ساروه) يرد على التلفون خليفه: الوووو ناصر: هلا خلوووف بتخاوينا العين مول خليفه: هيه بس اشرب عصير واييكم ساروه: منوووووووووووووو خليفه: اقول فديتك لحظه(يلتفت على سويره)صبرى انزين موزه: هههههههههههههههههههه ساروه: انزين (ترد على خليفه) خليفه(يرد يكلم ناصر): خلاص خمس دقايق واكون عندك ناصر: عيل تمام نترياااك برااايك خليفه: وداعه لله بعد ماسكر النلفون التفت على ساروه .ز خليفه: بذبحج اذا رمستى وانا ارمس ما اريد حد يسمع حسج ساروه(امبرطمه):.......................... موزه: ساروه شو فيج معصبه خليفه: ساروه (يدزها من كتفها) اييييييييه ردى على موزه(اداركت الموقف وقفت): بخليك بسير اشوف ميره طلعت من الصاله .. خليفه: اشفيج ساروه: مافينى شى ابد سلامتك خليفه: اشفيج معصبه ساروه(نزلت راسها): مافينى شى (ترفع عيونها اطالع خليفه) بتسير الحين خليفه: هيه ساروه: ليش؟؟!! خليفه: شو ليش بعد مايصير اقعد عندكم ساروه: ليش انزين؟؟!!(اشوى و بتصيح) خليفه (حس ان فيها شى): ساروه بلاج اول مره اشوفج جذا ساروه: لا ماشى (نزلت دمعتها على خدها) خليفه: خبرينى شو السالفه لا تخبين على (خايف) ساروه: ماشى بقولك شى و بسير بسرعه خليفه: قولى انا اسمعج ساروه(وقفت): خليفه اناااااااااااااا خليفه: شووو فيج (يبتسم) ساروه: انا احبك خليفه و لله اشتقتلك (وطلعت من الصاله) | |||||||||
| |
|
06-20-2010, 06:52 PM
| #25 (permalink) | |||||||||
|
مستشار المؤسس ~
|
رد: ++::بعد ماجفيت ترجع تقول احبك وانا احبك::++ انا :
قمرهم كلهم قعدت خليفه يفكر باللى سمعه سار ولحقها و كانت ايده اسرع من انها لع من الباب للى يودى على المطبخ .. خليفه: ساروووه ساروه(نزلت راسها مستحيه):......................... خليفه: انا احبج بعد لا تخافين قلبى لج انتى بس ساروه: صدق خليفه: هيه و خذيها كلمه منى محد يقدر يفرقنا الا الموت ساروه(ابتسمت): ان شاء لله (سحبت ايدها و التفت على خليفه ) دير بالك على نفسك خليفه: من هالعين لين هالعين خليفه قعد يراقب ساروه لين دخلت المطبخ ...ورجع الصاله و خذ سفرته و طلع من البيت ساير صوب العين المول مثل ماقالوله ناصر وفهد .اول ماوصل مالقى حد فى الكوفى وقعد يترياهم .. ::++فى سياره فهد::++ فهد كان موقف عدال بيت قوم مها على الاقل بس يلمحها و ناصر كان تقريبا متضايج ناصر: شو موقفنا الحين اهنيه فهد: بنسير نسلم على حمد ناصر: مافينا بعدين يشك فهد: يعرف انى اريدها بس بعزمه على الخطوبه ناصر: يالله انزين تقرب فهد من بيت مها وتحرك اشوي شوى ويلتفت على البيت ناصر: انكسرت الرقبه فهد: ههههههههههههه (يطالع بيت حمد ) وويه جانه محد فى البيت ناصر: شكله خلنا انسير العين مول خليفه بيسويلنا موووووووال فهد: شو عراقى الموال ناصر: اى موال المهم موال سب فهد: انسير عيل ::++فى بيت المرحوم بو مها::++ مها المسكينه كانت قاعده تغسل ملابس خواتها من الابو وهن قاعدات يطالعن تلفزيون وسمعت ام جاسم تزقرها .. ام جاسم: مها يا مهاااااااااااااا مها: هلا خالوووه ام جاسم: و العثره تعثرج وين كنتى مها: كنت اغسل الملابس ام جاسم: سير البسى عباتج بنسير العين مول اريد اشترى هدايا حق ربيعاتى مها: ان شاء لله خالوه ام جاسم: قولى حق ميسى تقول حق الدريول يطلع السياره مها: ان شاء لله فى السياره ام جاسم عطت مها محاضره اشطولها وش عرضها و من غير السب للى ايها بس مها ماكانت ترد عليها لانها تحترمها و تعتبرها بحسبه امها للى ماشافتها فى حياتها الا فى الصور ..وصلت العين مول ام جاسم نزلت قبل مها وسارت صوب المحل ....ومها كانت تمشى وطاح مفتاح غرفتها نزلت و خذتها ورفعت عينها وشافت فهد للى كان يمشى بدون ما انتبه لها وهو يضحك نزلت راسها و هيه تقول كان يشفق على مشت مها وهو حاز فى خاطرها ..ناصر انتبه لها وهيه تنزل راسها و تمشى ورى خالتها ... ناصر: فهد براوويك شى شو بتعطينى فهد: شو بتراوينى ناصر: شو بتعطينى قبل فهد: اذا شى يستاهل انته تتنقى للى تباه ناصر: هذا شى يستاهل واااايد فهد: شو انزين ناصر: قول تم فهد: تم ناصر: اريد باسكن روبنز فهد: خلاص تم شو بتراوينى ياشر ناصر على مها للى من شافها فهد لوى على ناصر للى كان يضحك ..قعدوا يمشون وراههم دخلت مها ورى خالتها الا خمس دقايق شافوها تطلع و هيه منزله راسها لان ام جاسم ماتريدها تدخل وياها اوين تفشلها قعدت برع على الكراسى وشافت فهد للى ابتسم لها بس ماردت عليه بابتسامه رفعت عيونها وشافت جاسم واقف جدامها جاسم: شو تسووين (وهو سكران ) مها: اتريااا خالوووه جاسم: لا و لله مب قاعده اتغزلين فهد كان وقف بعيد مع ناصر ويشوف للى يصير مها: احترم نفسك جاسم: لا و لله اشوف طلع لج لسان مها : مب راده عليك جاسم: و لله مها: نعم طراق طيح مها على الارض جدام الناس وخاصه فهد للى وقف معصب منه ..جاسم سحبها من شعرها ويقوللها يالخايسه تسودين ويهى جدام الناس وتطلع ام جاسم توقف ولدها و همست فى اذنه انه بس خلاص فى البيت دواها رفسها فى بطنها ام جاسم سحبتها من على الارض علشان تتبعها ..قامت مها منهد حيلها ورفعت عيونها اول ماشافت فهد نزلت دمعتها و هيه تقوله ساعدنى بيذبحونى فى البيت ...فهد دارت به الدنيا مايعرف شو يسوووى ترياهم لين ماطلعوا من العين مول وتبعهم هو ناصر لين البيت ..وقف السياره بعيد ونزل منها هو ناصر ..اما فى بيت بومها ..سمعوا صراخ مها للى ينسمع لين برع ناصر حاول يهدى فهد للى انهار خلاص قعد على الرصيف وهو يسمع صوتها و يتالم فى الثانيه مليون مره ...فى بيت بومها جاسم مارحمها ضرب راسها على الطوفه لين طاح مغمى عليها و خلوها بدون محد يساعدها ..بعد اشوى قامت الخدامه تساعدها علشان تقوووك ..بالعافيه لين قامت سارت غرفتها فتحت الدريشه شافت فهد للى وقف من شافها ...حطت ايدها على ويها و هيه تقوله شوف الضرب للى على ويهى ..سكرت الباب لانها حاطه فى بالها انه يشفق عليها ..ناصر سحب فهد لين السياره علشان يردون بسرعه المول .. ::++فى سياره فهد::++ ناصر: ياريال ما بيصير كل خير فهد(وهو معصب): سمعت صوتها و الا لا ناصر: سمعتها شو بتسوى يعنى فهد: بقول حق اماايه تستعيل فى الخطوبه و الملجه و العرس ناصر: خيبه فهد: هيه نعم و للى ما يطوله بايده يطول بريوله ناصر: بس شو بتسوى فهد: حرام للى يسووونه شو من البشر هذيل حتى الحيوان ما يعاملونه جذا ناصر: استغفر لله العظيم فهد:............................. ناصر: خلاص اتسهدى بالله يا فهد فهد: ونعم بالله ناصر: سو للى يريحك .. فهد: ان شاء لله يارب ناصر: يالله نلحق على خليفه قبل لا يسويلنا اغنيه الحين فهد: هههههه يالله انزين تحركوا صوب المول ...علشان يلاقون خليفه ...يمر الوقت و الايام والدنيا ادور على هالناس و الحب فى قلب كل انسا بدى يكبر كل ماكبر حبه ..وكل انسان بدى ينمو فى قلبه الحب ... ::++يوم الخميس فى بيت ام زايد::++ البيت كان مرتبش لان اليوم فهد بيخطب مها و اخيرا بيتحقق حلمه ...فى الصاله فهد قاعد يتريا امه وسارووه علشان يجهزوون .. فهد: اماااااااااااااااااااااايه (يصرخ) ام زايد: هايولدى فهد: يالله يا اماااااه تاخرنا ام زايد: وابووويه شو تاخرت هالكثر ملغوث فهد: امااايه زايد و الشباب بيسيرون بيتهم بعد ما نحن نوصل اهناك ام زايد(طالعه من غرفتها): ها يولدى خلصت عيل وين ساروه فهد: ما ادرى جانها فوق يالله ::++نزلت ساروه من فوق ::++ ساروه: هالمعرس خلصنا فهد: ها منو بيسير من بنات خالوووه ساروه: كلهم بيسيرن بنتلاقا اهنااااك فهد: خلاص عيل تمااام (يطالع امه للى تعدل المريه للى حاطتنها) ها اماايه جاهزه ام زايد: هيه نعم ياولدى فهد: يالله انسير عيل طلعوا من بيتهم ساييرين صوب بيت مها ..بومحمد كان داخل قبلهم علشان يرمس جاسم للى قعده فى الميلس مع باقى الشباب (زايد- خالد-خليفه-ناصر-عبدالله) بومحمد: هايولدى اشقلت جاسم: انا عندى اختين وحده بنت ابوويه من حرمه ثانيه بوخالد: نحن بنتخير جاسم: وليش؟؟!! بومحمد: لله يهديك ياولدى ياجاسم انا اريد بنت المرحوم وبنت المرحومه تكون حرمه حفيدى جاسم: هذى الساعه المباركه زايد: هيه بس لازم تشاورها جاسم: الشور شورى و مالها شو خالد: اشعنه عاااااد جاسم: وين المعرس خليفه: فى الطريق جاسم: لا تكون انته خليفه (يطالع خليفه) خليفه: طال لله بعمرك وياك خليفه بن محمد ناصر: وانا اخوه عبدالله: وانا ولد عمتهم جاسم: منو للى بياخذ اختى خالد: قلنا ان المعرس ياى الحين فى الطريق .. ::++وصل فهد بيت المرحوم سعيد ونزل امه و اخته للى استقبلتهم ام جاسم علشان توديهم عند الحريم و دخل الميلس::++ فهد: السلام عليكم الكل: وعليكم السلام والرحمه بومحمد: اقرب ياولدى (يطالع جاسم) هذا هو المعرس جاسم: مرحبا فيك شو اسمك فهد: اسمى فهد جاسم: مرحبا و لله بوخالد: ها ياولدى ياجاسم اشقلت جاسم: انا موافق ماعندى مانع بس بشرط بومحمد: شو الشروط ::+الكل استغرب حتى بوخالد يتشرط بعد ::++ جاسم: مهر البنت 100.000 درهم وحلا ل عليكم فهد(يطالعه بنظره تحدى): حاضرين جاسم: و حلا ل عليكم البنت الكل: شوووووووووووووو جاسم: مثل ماسمعتوا دفعوا مهرها و خذوها فى اى يوم بوخالد: مايصير لازم انسويلها عرس جاسم: مايحتاى حق شو بعد لو اختى منى لحمى ودمى ذيج الساعه خير فهد: بسويلها عرس جاسم: برااايك انته حر فيها زايد: خلاص عيل نحن بنسوى العرس وما علينا الا ندفع الفلوس جاسم: عليك نور ؟؟!! خليفه: انته تريد تعرس جذا جاسم: طال لله بعمرك انا حرمتى غير بومحمد: هذى اختك جاسم: عمى الاخت غير يعنى لازم تكون من لحمى ودمى ناصر: تراها من لحمك ودمك بعد شو جاسم: انزين انزين الحين شو بتسووون ::++دخل حمد ربيع فهد للى ساكن عدال بيت المرحوم سعيد++:: حمد: السلام عليكم الكل: وعليكم السلام حمد(قعد عدال فهد ويهمس): بشر ها شو صار فهد(يهمس): اسمع بس الحين زايد: هاااا متى تريد الفلوس جاسم: خلونا نخطب ونملج مره وحده من بعدها سوا للى تبونه خليفه: بس انتوا اهلها لازم تحضرون جاسم: هه خير لين يصير عرس خليفه: خيبه حشى عوذ بالله جاسم: شو قلت خليفه: لا ماشى (يقول فخاطره ودى اسحبك من شعرك هذا للى مطولنه ) بومحمد(معصب): الحين شو جاسم: على بركه لله بوخالد: ممكن تسير تبشرهم جاسم: ان شاء لله تبون تشربون شى الكل: لا مشكور ::++طلع جاسم من الميلس ساير داخل بيتهم::++ دخل جاسم البيت ساير صوب امه وقاللها انهم يبون مها حق ولدهم .. ام جاسم: و ليش مايخطبون وحده من بناتى جاسم: فكينا الحين خليها تولى عنا شو تبين فيها ام جاسم: شورك جاسم: بعد شو عله على قلوبنا وبعدين لا تنسين فلوس ابويه كلها لنا ما بتشاركنا فيها ام جاسم: هيه و لله خلاص قوللهم ان نحن موافقين جاسم: بسيرلها فوق قبل ام جاسم: هيه عيل سير لها جاسم: برااايج ::++طلع جاسم صوب غرفه مها بس مالقاها سار المطبخ لقاها تطبخ عشا::++ دخل المطبخ ويرها من ايدها .. مها: ااااخ ايدى اشفيك انته جاسم: فى ناس يايين يخطبونج مها(مستغربه): هااااااااااااااااااا جاسم: موافقه مها: ما اعرف جاسم(يصرخ عليها): شو ما تعرفين اصلا انا حيوان يوم اريد رايج انجلعى (يفرها على كبت المطبخ ويضرب راسها بالكبت وطلع منه دم ) | |||||||||
| |
|
06-20-2010, 06:53 PM
| #26 (permalink) | |||||||||
|
مستشار المؤسس ~
|
رد: ++::بعد ماجفيت ترجع تقول احبك وانا احبك::++ انا :
قمرهم كلهم طلع جاسم علشان يبشرهم بالخبر انهم موافقين بس ساروه وموزه شافوه يوم ضربها ووقفن يشوفنها ..مها رفعت عيونها و شافتهم تريد تهرب بس مسكتها ساروه مها: دخيلج لا تضربينى (و اتصيح) ساروه(انصدمت): لالالا (مرتبكه) لا تخافينى مابسوى شى موزه: انتى بخير مها: هيه بكون بخير ساروه: شو اسمج مها: اسمى مها ساروه(انصدمت يوم شافتها): انتى مها (تقول فى خاطرها ماشاء لله محلاها صدق جميله بس حرام كل هذا العذاب تعيشه ) موزه: ايييه ساروه ساروه: هااا موزه: نسيناهم داخل ساروه: هيه ماعليه (اطالع مها) ليش ماتقعدين معانا انتى عروس الحين مها: ما اقدر خالتى بتصارخ على ما اقدر اسمحيلى الحين سيروا داخل اذا شافتنى ارمسكم بتذبحنى ساروه: ليش انتى ماسويتى شى غلط مها(اطيح على ريولها اتصيح و تترجى ساروهو موزه): دخيلكن سيرن داخل مافينى على الضرب كل يوم ساروه: من عد ورايح محد بيقدر يضربج و لا حد يقدر يسويبج شى موزه: مها نحن وياج انتى اى سنه جامعه مها: كنت اداوم فى الجامعه شهرين بعدين مات المرحوم من بعدها ماخلونى اداوم ساروه: ماعليج و ان شاء لله تتوفقين فى حياتج مها: امين بس ممكن تسيرن الحين لانى بصراحه بديت اخاف ساروه+موزه(يبتسمن): ان شاء لله ::++طلعن ساروه وموزه من المطبخ سايرات صوب الصاله شافن جواهر و لمياء يضحكن من الخاطر و مستانسانت بعد::++ اول ماقعدن موزه وايد حز فى خاطرها الموقف وام جاسم قعدت اطالع البنات ... وترمسهن لمياء: انا ان شاء لله يوم بتخرج بسافر برع ميروه: لا و لله نوره: صدق بسافر وياج جواهر : يمكن اهلج مايخلونج (تاشر على موزه) هذى اختج ميره ميروه: هيه نعم موزه اختى وللى عدالها بنت خالتى و هذى اختى نوره لمياء: ما عندكم اخوان ميروه(هذى ليش تسال): هيه عندى حمدووه: هيه عندها اخوان ليش تسالين لمياء: بس اسال (بدلع) نوره: ههههه اقول حبيبتى اعليج منهن هذيل يهال ساروه: نحن مب يهال .. قعدن البنات يسولفن الا مها للى قاعده تطبخ عشا حق الضيوف ..او بالاحرى حق للى بيخطبونها .. ::++اما فى ميلس الرياييل ::++ اتفقوا خلاص انهم يخطبون ويملجون بعد ما قاللهم جاسم انهم موافقين وقروا الفاتحه وملجوا بقى الفلوس طلع بومحمد الفلوس للى كانن فى ظرف و حطهن جدام جاسم للى قعد فاتحه عيونه بهالسرعه معقوله بومحمد: هذا مهر البنيه عطها اياااه علشان اتزهب عمرها جاسم: نحن شو اتفقنا بوخالد(معصب): هذى فلوس البنت مب انته طالب 100.000 جاسم: هيه هذا حقنا و من اليوم تقدر اتشلها فهد: انا قلتلك بسويلها عرس خليفه: اقوول بووويه شل الفلوس الحين (طلع من جيبه ظرف) وهذى 7000 حق البنيه بومحمد: عطنى الفلوس خليفه(يطالع خليفه) خليفه: ان شاء لله يدى (عطاه الفلوس) بومحمد: شباب خلاص على بركه لله مبروك يافهد والحين سيروا وردوا بعد اشوى الشباب: ان شاء لله بومحمد: بارك لله فيكم جاسم: و انا بومحمد: انته بتسير تزقرلى مها جاسم: بناتنا مايطلعن عند الرياييل بومحمد: انا حسبه ابوها وسير نادها (يطالعه بعيون غضب حتى جاسم خاف و فز من مكانه) جاسم(بخوف): ان شاء لله ::++طلع من الميلس وهو خايف ساير صوب المطبخ::++ اول مادخل شاف مها تعدل فى الجدر و تحطه اهناك و تزين الصينيه هذى علشان العشا جاسم: مهووووه مها: نعم جاسم: سير اتلبسى يد المعرس يباج مها: هاااا شو جاسم(يصرخ عليها): مثل ما سمعتى مها: ان شاء لله سارت مها و تلبست مغربى جديمه لان مايفصلولها ملابس حق العيد و لا شى بس لمياء وجواهر ...وهيه تمشى عدال جاسم فتح لها الباب و قاللها تدخل واشر بومحمد حق جاسم للى خاف من شاف عيونه بومحمد ..طلع جاسم من الميلس وقعد عدال سيارته ..اما مها قعدت بعيد اشوى عن بومحمد . بومحمد: تعالى يابنتى تقربى انا حسبه ابووج مها: ان شاء لله (تقربت من بومحمد) بومحمد: يابنتى انا اخترتج من بين خواتج حق حفيدى مها:...................(منزله راسها) بومحمد: بنسويلج كل شى لان اخوج يريد ياخذ مهرج له ولامه مها:.................................(نزلت دمعتها) بومحمد(يطلع ثلاث ظروف كلها فلوس): خذى هذى لج لا تراوينهم اايااه مها(اتصيح): بيضربونى و لله ياعمى بومحمد: ازقرينى يدى مها: و لله يايدى بيذبحونى ما اريد اخذهم (اتصيح) بومحمد: محد يقدر يسويلج شى بعد 10 دقايق بيدخل عليج المعرس ونتى لابسه جذا مها: كنت اسوى عشا بومحمد(منصدم): شووووووووو انته عروس اليوم مها(اتصيح): مب حاسه انى عروس خالتى بتذبحنى اذا قعدت ساعه بومحمد: يودى هالفلوس ومسحى دموعج ولا تخافين مها: صدق يدى بومحمد(يبتسم): هيه نعم مها: لله يخليك لى ان شاء لله (تحب راسه) بومحمد: يالله يوديهم وسيرى الحين مها: ما اريد المعرس يشوفنى بومحمد: ما خبروج شو اسمه مها: لا بومحمد: اسمه فهد مها: فهد بومحمد: هيه ريلج اسمه فهد مها(مستحيه): ان شاء لله بومحمد: يالله اشوف الحين سيرى بدلى ثيابج و نترياج مها: ان شاء لله ::++طلعت مها من الميلس ::++ اول ماطلعت شافها جاسم وتقرب صوبها جاسم: شو قالج مها: ماقالى شى سير يباك الحين الباقى باييون جاسم: اوووف منج يالله ذلفى عن ويهى مها سارت بدون ماترد عليه شافتها ام جاسم تريد اتسير غرفتها ووقفتها ام جاسم: هاوين سايره الناس يبون يتعشون مها: خالووه مب زين اجابلهم جذا وملابسى وصخه ام جاسم انزين جلبى ويهج الحين مها: ان شاء لله سارت مها فوق وشافت صندوق وايد حلو على السرير و كانت ميره و موزه وساره ورى الباب او ل مادخلت شهقت : شو هذا ؟؟!! منو يابه البنات: نحن ميروه: يالله لازم انرتبج مها: بيذبحونى و لله ساروه: لا منو قال يالله عاد مها: هذى الظروف عطانى اياهم يدى بومحمد البنات: فديته ياربى هذا ابونا كلنا فاهمه مها: تصدقون قالى اسم للى بيخطبنى البنات: فهد مها: شودراكم ساروه: لانه اخوى و اعرفه مها: اخوووج موزه: هيه اخوه يالله لازم انزهبج علشان بعد العشا بيدخل عليج مها(مستحيه): ان شاء لله خلونى ايود هذيل البنات: يالله ::++حطوا العشا حق الرياييل و الحريم البنات نزلن عن مها ::++ بعد ما خلصوا عشا و تعشوا طلب بومحمد بان المعرس لازم يشوف حرمته والكل وافق ..قعد فهد فى الصاله وهو خايف يحس باحساس غير طبيعى ..نزلت مها وكانت ملاك ام زايد اول ماشافتها حبتها على خدها و الكل استغرب من رده فعل ام جاسم وبناتها ماسلمن عليها ...مها حبت راس خالتها للى دزت مها ومسكتها ميرووه ميرووه: ماعليه يالله دخلى الحين يترياج اهناك مها(ترتجف): هااا ساروه: يالله دخلى ::++البنات دخلن مها الميلس::++ اول ماشافها فهد وقف يطالعها وقلبه بيطلع من صدره سار صوبها .. فهد: مبرووك مها مها(رفعت عيونها و انصدمت): انته فهد(يبتسم): هيه انا مها: ............................(ماكانت متوقعه) فهد: ادرى انج منصدمه بس بقولج كلمه وبروح مها: تفضل؟؟!! فهد: مها لا تتحسبين اى باخذج علشان شفقه لا مها: عيل فهد: لانى بصرااحه احبج و ياليتج اتساعدينى مها(مستحيه): كيف تحب وحده ويها وجسمها كله ضرب فهد: الحب مايعرف شى اسمه كيف و كيف .. مها:..........................(ماعرفت اترد) فهد(طلع الخاتم الالماس): هاتى ايدج مها: ليش ؟؟! فهد: شو ليش بعد حد قالج انى بكلها مها(تبتسم والاول مره): لا فهد: عيل هاتى لبسها الخاتم و طلع عنها و دخلن الحريم عليها و ام جاسم كانها تتوعدلها ...بعد ماتعشوا و خلاص اتفقوا روحوا من بيت المرحوم ...ام جاسم بعد ماراواحوا سارت حق مها ام جاسم: يالله سيرى رتبى اغراضج مها(بخوف): هاااا ليش ام جاسم: بتطلعين من البيت مها: وين برووح ام جاسم: ما اعرف بس يالله طلعى مها(تصيح): خالوووه وين اسير فى نص الليل ام جاسم(تسحبها من شعرها ): الحين اطلعين من بيتى لمى اغراضج و طلعى (تفرها على الارض) جاسم: يالله قبضى الباب لمياء: خلوها تاخذ اغراضها مبرووك مها جواهر: مبرووك ام جاسم: سمعتينى محد موقف نصيب بناتى غيرج مها: استغفر لله يا خالتى شو هالكلام ام جاسم(تعطى مها طراق): تعالى علمينى بعد الرمسه (تصرخ تنادى الخدامه) ميسى يا ميسى ميسى: يس مدام ام جاسم : هذى طلعيها برع البيت ميسى(منصدمه): انزين ام جاسم: يالله كلكم رقاد عيالها: ان شاء لله سارت مها غرفتها فوق و هيه تصيح من الخاطر وين اسير ياربى حطت اغراضها مع الظروف للى فيهم فلوس مع ملابسها وفتحت الباب ام جاسم وهيه معصبه.: اشوفج اهنيه يالله طلعى من بيتى مها: انزين ام جاسم: اترياج لبست مها عباتها و شيلتها ويايه تبى تطلع ادزها ام جاسم لين ماطاحت من على الدرى وسال الدم من على راسها وهيه تصيح وقفت مها وفتحت باب الحوى وطلعت و هيه خايف الظلام كان يخوف وهيه ترتجف من الخوف كل ماتشوف سياره تسير ورى النخل ....تذكرت مها ان ساروه عطتها رقم تلفون بيتهم وطلعته من الشنطه ياربى اتصل الحين شو بيقولون الناس سارت صوب الدكان ووقرت انها تتصل ... توووووووووووووووووت تووووووووووووووووووووووت مها: الحين الساعه عشر محد بيرد على (كانت تريد تسكر بس سمعت صوت حد يرمس) عبدالله: الووووو مها: السلام عليكم عبدالله: و عليج السلام مها: موجوده ساره عبدالله: هيه نعم لحظه سار عبدالله يريد يزقر ساروه شاف فهد ساير الصاله و هو يضحك مستانس مايدرى المسكين ان مها طردوها من بيته ابوها ...وصلت ساروه الصاله بعد مازقرها عبدالله سارووه: ووويه هلا المعرس فهد: هلا سيرى ردى على التلفون ساروه ان شاء لله ::++ترد ساروه على التلفون::++ ساروه: مرحبا مها: هلا مرحبا ساروه ساروه(مستغربه): هيه نعم مها(تصيح): انا مها ساروه(فتحت عيونها واطالع فهد): مهااااااااااااااااااااااااااااا (فز قلب فهد وتقرب صوب التلفون) مها(تصيح): سارووه لحقينى انا خايفه قاعد فى الظلام بروحى ساروه: انتى وين فهد: هيه و ين ساروه: لحظه (تلتفت على فهد) صبر خلنى افهم عليها فهد: يالله ترانى و لله واصل حدى ساروه: وينج الحين مها(قاطعه من الصياح): انا صوب الدكان سارووه: شو الدكااان ليش مها: طردونى ساروه: شوووو ومتى ::++دخلت ام زايد وزايد مستغربين اشفيه فهد::++ ام زايد: اشفيك معرس و جذا فهد: امااايه مها متصله ام زايد(بخوف) خير شو صار زايد: شو استوى فهد: ما ادرى اتريا ساروه تسكر علشان افهم شو السالفه ساروه: خلاص الحين باييج مها: لا تتاخرين سارووه: ان شاء لله حبيبتى (سكرت عن مها) فهد: شو السالفه ساروه: صدق انهم نذلين زايد: ليش شو السالفه ساروه: طردوها المسكينه من البيت و الحين ما تعرف وين اتسير الكل: شووووووووووووووو فهد: صدق ترمسين هيه و لله ساروه: اماايه خلينا انسيرلها دخيلج البنت بتموت من الصياح و من الخوف ام زايد: يالله يابنتى زايد: لا اله الا لله شو هالناس فهد: ولله بيشوفون زايد: لا تسوى شى خلهم على لله .. ساروه: يالله امااايه بنتاخر ام زايد: ان شاء لله طلعت ساروه و امها صوب مها وشافوها قاعده حليها و رى النخله ويوم شافت ام زايد حضنتها و قعدت اتصيح من الخطر وهيه تهديه ركبت السياره وياااهم ...البيت .. | |||||||||
| |
|
06-20-2010, 06:53 PM
| #27 (permalink) | |||||||||
|
مستشار المؤسس ~
|
رد: ++::بعد ماجفيت ترجع تقول احبك وانا احبك::++ انا :
قمرهم كلهم مها قعدت اتصيح اول ما شافت ام زايد ..ساروووه ما قدرت تتحمل منظهر مها ركبوا السياره و فهد كل ساعه يتصل على امه للى ماترد على التلفون ام زايد قلبها تقطع على البنت ما تعرف شو تسوووى اتصلت ساروه على بيت يدها علشان تخبرهم .. تووووت توووووووووووووووت ساروه: الوو السلام عليكم خليفه: هلا و لله هلا ساروه(ماقدرت تحبس دموعها): خليفه (وقفت بعيده عن امها) خليفه(بخوف): شو فيج سارووه سارووه: خليفه لو تعرف شو استوى خليفه: لا تخوفينى شو استوى قولى عااد ساروه: تعرف مها للى خطبناها حق فهد خليفه(يرفع حياته و يشوف يده و اهله): شو فيها مها ساروه: طردوها اهلها من البيت خليفه: شوووووووووووووووو (منصدم) ::++وقف خالد عدال خليفه علشان يعر شو السالفه::++ خليفه: وين انتوا الحين سارووه: نحن عندها الحين بناخذهابنوديها بيتنا خليفه: خلاص عيل تماااام ياينج ساروه: و لله خليفه: هيه انا كم سويره عندى (يضربه خالد علشان يوطى صوته) ااااااااااااااااااااااااااى ساروه: شو فيك خليفه: لا ماشى الحين بكون عندكم انا و خالد و نصووور ساروه: اتريااااك خليفه: اتغشى ساروه: انزين تعال اول خليفه: الحين يايينج ياقمر حياتى انتى .. ساروه: خليفه عااااد خليفه: خلاص ياينج ::++سكر خليفه التلفون و التفت على اهله::++ التفت خليفه على اهله شو بيقول لهم طردوها ..بومحمد كان حاس ان فى شى و قعد يطالع خليفه للى سكر التلفون و قعد مجابلنه .. بومحمد: ولدى شو فيها سارووه خليفه(مرتبك): يدى ... بوخالد: شو فيك ارمس خليفه ناصر: شو السالفه خليفه (يطالع خالد) خالد انته بعد شو فيك خالد: و لله ما ادرى ..ما اعرف شو من الناس هذيل الحيوان مستحيل يعق ضنااااااااااااه بومحمد: طردوها من البيت صح خليفه(منزل راسه): هيه نعم طردوها و الحين سارووه و عمتى عندهااا ام خالد: يالله ياوخيتى ام زايد ما تستاهلين بومحمد(معصب): ما صابها شى ؟؟!! بوخالد: ابوويه قم انسيرلهم بومحمد: يالله (يطالع خليفه) ها ما بتودينا نشوف قمرك خليفه(مستحى): هيه بسير بومحمد: عيل يالله خالد: ناصر اتصل على فهد ناصر: اكيد عرف بالسالفه خالد: هيه صح ::++طلعوا كلهم من البيت (بيت بومحمد) اما ام زايد قعدت تهدى فى مها::++ ام زايد: يا بنتى يا مها استهدى بالله بتقعدين فى بيتنا مها(تصيح): لالالا خالووه ما اريد ساروه: وين بتسيرين؟؟!! مها: ما اعرف بس شو بيقولون الناس خطبوها وسارت بيت ريلها ام زايد: انا ما على من رمسه الناس ونتى معزتج من معزه فهد و للى مايطوله بايده يطوله باريوله سارووه: هيه صح اووه اماايه فهد من الصبح يتصل ام زايد: سيرى هاتى التلفون بتصلبه .. ساروه: ان شاء لله (سارت صوب السياره ادور التلفون اول مالقته عطته امها) ام زايد: ناولج لله الجنه ساروه(تحضن امها و مها): ويااكم (تبتسم) ::++تتصل ام زايد حق فهد للى يتحرقص من الصبح::++ ام زايد: الوووو فهد: ووووووووووينكم من متى و انا اتصل ام زايد: ياولدى انا اهنيه فهد: شو اهنيه لله يهديج يا امااايه هااا و ينها مهاااا ام زايد(اطالع مها و هيه تبتسم): العروس عندى ؟؟!! فهد: يبوها البيت ام زايد: ياولدى نتريا يدك الحين فهد: انزين انا الحين طالع مع عبوود ام زايد: اتريااااك عيل فهد: خلاص برااايج ::++سكر فهد التلفون وطلع مع عبدالله وبومحمد وصل مع عياله ::++ ساروه قاعده ترمس مها وسوالف الا واشوى اتشووف سياره خليفه للى فزت من شافتها و تغشت قبل لا يشوفها ..اما خليفه شافها و هيه تتغشى لانه شغل لليتات صوبها وقعد يضحك ...نزلوا كلهم من السيارات ..بومحمد تقرب من مها .. بومحمد: ها بنتى شحالج مها: يدى (نزلت راسها) بومحمد: من اليوم ورايح انتى بنتى و هذيل اخوانج مها: ان شاء لله ام زايد: حرمه ولدى بعد ؟؟!! بوخالد: وبنتى بعد انا ؟؟ مها: لله لا يحرمنى منكم (تصيح و اطيح فى حظن بو محمد) خليفه يطالع سارووه عرف انها بتصيح من الموقف للى جدامها خطف جدام يده للى رفع راسه و يعرف انه ساير صوب سارووه .. خليفه: شو فيج ؟؟!! ساروه(تصيح): ما اعرف قم قم ؟؟!! خليفه: وين قم قم ساروه: سير مناااااااااااااااااااااك خليفه عاد (تنزل من على الرصيف) ::++التفت خليفه شاف سياره مسرعه يايه صوب ساروه امره و يسحبها من ايدها صوب الرصيف ::++ خليفه(يصرخ عليها): مينونه انتى اذا شلتج معاها تتحسبينها بتردج للدنيا ساروه(اطالع خليفه ): خ ..خل...خليفه (تصيح) السياره كانت مسرعه خليفه(يسحبها من ايدها): تعالى من اهناااك ام زايد: ووووووووووويه يا خليفه اشعنه صيحتها خليفه: براااين بومحمد: خلوووووووه برايه ساروه: هههههههههه هيه صح برااايه خالد: توج اتصيحين ساروه: لا بس سكت خالد: يا سلام على الغلا بين القلوب بومحمد: و لله كلكم نفس المعزه ناصر(يطالع سياره فهد): هذا فهد ؟؟!! ام زايد: انا قلتله وين نحن بومحمد: زين سويتى يا بنتى .. ::++نزل فهد من السياره ساير صوبهم::++ فهد: ها شو استوى بومحمد: السلام على لله ياولدى فهد: سامحنى يدى و لله حقك على (يحب راسه) بومحمد: حصل خير ياولدى فهد(تقرب من مها): شو سوا فيج مها(نزلت راسها): .......................................... ام خالد: خلوها عندنا فى البيت لين يوم العرس فهد: لا بتقعد عندنا ناصر: كيف جيه بومحمد: يا فهد و انا ابوووك مايصير خلها تقعد عندنا فهد(يطالع مها): شو قلتى مها: ما اعرف و لله بومحمد: بيتنا و بيتهم واحد يابنتى اذا تبين بيت خالتج ام زايد براايج ما بجبرج سارووه: هيه قولى بيتنا يالله قولى خليفه: ايييييييه سارووه فضحتينا بسج ساروه: متى هااا؟؟!! الكل: بدينااااااااااااااا مها: يدى بومحمد انا بقعد عند خالتى ام زايد بومحمد: بارك لله فيج خالد: يعنى ما تبين بيتنا مها(مستحيه): ...................... فهد(يغمز حق خالد): اييه على ما اظن هذى حرمتى ناصر: هههههههههههههههههههههههههههه عاشوا و لله خالد: عيل وينه زايد فهد: اتصلوبه الشركه بوخالد: ولله محد تعبانه غيره يدير الحلال كله بومحمد: بارك لله فيه و لله يحفظكم يالله كلكم بيتوكم اشوف الكل: ان شاء لله بومحمد: يا ام زايد ما اوصيج ام زايد: فى عيونى يابووويه ::++عربنا كل واحد سار بيته ومها سارت بيت ام زايد::++ فهد وصل قبلهم البيت علشان اذا كان زايد هناك يخبر بس وصل ماشاف حد غير الخدامه خمس دقايق من وصل الا سياره ام زايد وبنتها و مها وصلوا ...اول مانزلت مها رفعت عيونها شافت بيت كبير اول مره تشوف مثله فى حياتها ... ساروه: مها هذا بيتج من اليوم ورايح ؟؟!! مها: مشكوره يا سارووه ام زايد: يالله يابنات ندخل الساعه 12 ساروه+مها: ان شاء لله (يطالعن بعض ) ::++دخلن وشافن فهد قاعد فى الصاله::++ ام زايد: فهد اشعنه قاعده اهنيه سير ارقد ساروه: اذا عاد ياه رقاااد (اطالعه و تبتسم ) فهد(مرتبك): لا...يعنى ..جيه خلاص بسير ::++يدخل عليهم زايد::++ زايد: السلام عليكم (يطالع مها) الكل : و عليكم السلام زايد: اشحالها عروستنا اليوم مها(منزله راسها): بخير ربى يسلمك فهد: هذا زايد قبل لا يصير اخونا ابونا (يحط ايده على جتف اخوه) مها: كيف يعنى ساروه: يعنى هو ربانا من توفى الوالد مها: بس هو صغير زايد: هههههه هيه صح انا صغير بس من صغرى و انا شايل المسؤوليه عن امى ام زايد: هيه يابنتى و انتى الحين حسبه اخته و حرمه اخوه فهد: هيه نعم مها: و لله ما اعرف كيف (ساروه تحط ايدها على ثم مها) ساروه: دخيلج لا تكملين شو قلنا الحين انتى عروس ووراج زهبه يعنى كل اسبوع فى دبى ام زايد: ان شاء لله يا بنتى زايد: ووينه عبدالله ::++دخل عبدالله فى هالوقت::++ عبدالله: انا اهنيه (يطالع مها) مرحبا شحالج مها: بخير فهد: هيه و بعدين الكل: هههههههههههههههههه ام زايد: يوم بتصير حرمتك غار عليها ساروه: هيه و لله (تمسك ايد مها) تعالى براويج غرفتنا انا و نتى مها: و لله زايد: هيه يالله سيرى وياها مها(اطالع ام زايد): خالتى اسير ام زايد: هيه يابنتى عندنا اهنيه سوى للى تبينه و ساروه مثل اختج فهد: عاااد منو بيسكر حلج ساروه ساروه: اسكت يالله (تسحب مها من ايدها) يالله تعالى انسير مها: تصبحون على خير الكل: تصبحين على خير ساروه: تصبحون على خير ام زايد: لله يجعل صباحكم بخير ::+الساعه 12 الكل سار يرقد ::++ فى هالوقت المتاخر الكل راقد الا شخص واحد حمدووه قاعد ترمس مع حمد على الماسنجر و هيه مستانسه . العيناويه: ها شو قلت الكاسر: عن شو ؟؟!! العيناويه: شو عن شو الكاسر: و لله ما ادرى انا حاير بصرااحه العيناويه: حمد الكاسر: عيووونه العيناويه: شو للى يجذبك فى البنيه للى تريد تحبها الكاسر: اريدها تكون صادقه مع نفسها وبعدين معاااى العيناويه: اهاااااااااااا الكاسر: حمده ودى اقولج مشاعرى العيناويه: تفضل قول ؟؟!! الكاسر: انا احبج اول ماقرت العيناويه هذى الكلمه ارتجفت ومحت طيف زايد من خيالها مره وحده ...هذا الوقت للى اقول فيه مشاعرى حق حمد العيناويه: حمد الكاسر: اسف اذا هذى الكلمه اذا سببت ازعاج لج العيناويه: لا يا حمد بس فى خاطرى شى الكاسر: تفضلى ياروح حمد انتى العيناويه: انا احبك بعد الكاسر: صدق و لله العيناويه: هيه احبك احبك الكاسر: فديتج و لله العيناويه: فديت روحك نا الكاسر: ما كنت متوقع انج بتحبينى العيناويه:ليش يعنى ؟؟!! الكاسر: بس جذا العيناويه: حمد الكاسر: عيووووووونه العيناويه: باجر وراى جامعه واريد اروح ارقد الكاسر: ان شاء لله بس عندى طلب صغير العيناويه: شو ؟! الكاسر: اخاف تردينى العيناويه: شو انزين الكاسر: اريد اشوفج العيناويه: شووو لا لا لا صعبه الكاسر: محد بيدرى العيناويه: اخاف حد يشوفنى وياك الكاسر: السياره مخفى محد بيشوفج العيناويه: ماادرى الكاسر: حاولى انزين العيناويه: بشوف يالله بخليج الكاسر: يالله برايج | |||||||||
| |
|
06-20-2010, 06:54 PM
| #28 (permalink) | |||||||||
|
مستشار المؤسس ~
|
رد: ++::بعد ماجفيت ترجع تقول احبك وانا احبك::++ انا :
قمرهم كلهم طلعت حمدووه من الماسنجر و تفكيرها كله فى حمد اللى احتل فكرها و قلبها و مسح زايد من خيالها للأبد عقت عمرها على السرير و اطالع السقف و تفكر فى كلامه ياربى يريد يشوفنى انزين كيف مستحيل اطلع من الجامعه بجرب الا مره و حده و بعدها خير ان شاء لله بس ما اقدر و لله ما اقدر ماشى غير انه يعطينى وقت افكر فى هالشى ..رقدت حمدوه و هيه تفكر و تفكر ... ::++الصبح الساعه 10 فى بيت ام زايد::++ مها كانت واعيه الصبح تعدل الريوق فى المطبخ و ام زايد اول ما شافتها تقربت منها .. ام زايد: صبحج لله بالخير مها(تحب راس ام زايد): و انتى بخير خالتى ام زايد: شو تسوووين مها: اسوى ريووق خالتى ام زايد: سيرى اتلبسى بنسير نتشرى لج ملابس بنقرب فى العرس ان شاء لله مها: خالتى انا عندى الظروف للى عطانى اياهم يدى بومحمد ام زايد: عطيهم فهد بيفتحلج حساب فى البنك اذا تبين ::+يدخل فهد المطبخ مستغرب::++ فهد: السلام عليكم (يطالع مها) شو تسووين فى المطبخ ام زايد: و عليكم السلام قاعده اتسوى ريوق فهد: ليش تسووين مها: بس انا احب اسوى ريوق فهد: يالله سيرى غيرى ملابس بوديج السوق ام زايد: بتوديها فهد: هيه نعم ووعى ساروه بالمره وياااج ام زايد: يالله يابنتى سيرى مها: بس خالتى فهد: لا بس و لا شى يالله سيرى (يبتسم حق مها) مها: ان شاء لله ::++طلعت مها من المطبخ ::++ طلعت مها من المطبخ و هيه مستانسه شافت زايد نازل من على الدرى سلمت عليه وسارت فوق توعى ساروه ...اول ماوعت ساروه عطت مها تنوره و قميص روعه كانوا عليها و عبايه وشيله من خنجى .. مها: شو هذا كل ساروه بلبس للى عندى ساروه: بس جب يالله تلبسى مها: هههه يالله انزين ::++يسمعن فهد يزقرهن::++ سارووه: وووووويه بسرعه مها: يالله انزين نزلن البنات من فوق وقعدن اشووى فى الصاله يتريقن ودخل وراهن عبدالله .. ام زايد: ها يا مها اتشرى كل للى تبينه مها: خالتى و لله ما اريد عليكم شى زايد: شو هالكلام بعد انتى عروس اشترى للى تبينه فهد: ماعليج منى انا خذى للى تبينه عبدالله: وين بتسيرون ؟؟!! فهد: بسير المول مع البنات و بتلاقا مع ناصر اهنااااك ساروه: وخليفه زايد: شو تبين فيه انتى ساروه(برطمت): ما اباااا شى فهد: ما اعرف يمكن اى مع ناصر ساروه(ترفع ايدها فوق): ان شاء لله ام زايد: شو رايج احطه لج عند الباب ساروه: هههه تسوين خير فهد: يالله انزين قومن مافينا على الزحمه ساروه+مها: يالله ام زايد: يا ساره ما اوصيج على مها اتنقوا كل شى تباه لان يدج متصل و قال العرس بعد اسبوعين زايد: لا و لله م زايد: هيه و لله فهد(فاتح عيونه مب مصدق): لا و لله ...لله يبشرج بالخير ياربى عبدالله: عقبالى يارب ام زايد: لين يعرس زايد ما بيوزك عبدالله: ليش ؟؟!! ام زايد: بس (اطالع فهد) يالله ياولدى ود البنات و دير بالك عليهن .. فهد: ان شاء لله يالله اشوف جدامى ++::فى سياره فهد::++ اول مادخلت مها سياره فهد قعدت ورى كرسى ساروه وماقدرت تقاوم ريحه العود للى فى السياره و كانت اتشوفه وهو يمشى ويرمس فى التلفون ويضحك و قعدت اطالعه لين ماوصل باب السياره وايدها على قلبها صدق هذا القلب بدى يعشق هالانسان ربى يخليه لى ..اول مادخل عدلت قعدتها و تسمعه يرمس ناصر ... فهد: عنلاتك يالخاام اترياااك فى المول ناصر: منو معاااااااااااااااااك فهد: وياى ساروه و مها ناصر(يعلى صوته علشان يسمعه خليفه): وووويه ساااروه شو سيرها وياك ::++انقبض قلب خليفه و تقرب من ناصر::++ فهد: شو اسووى يا اخى انته شكلك تبا تحضر جنازتى اليوم ههههههههه ناصر: لا بسم لله عليك (خليفه يحط اذنه عدال ناصر علشان يسمع) تصدق واايد ملا قيف فهد: هيه و لله (تسحب ساروه التلفون من اذنه) ساروه: لا و لله تتحسبنى صمخه ناصر: سارووه (يسحب خليفه التلفون) خليفه: هااااااااااااااا سوويره ساروه: خلووف تعال المول خليفه: ان شاء لله ياينج ساروه: صدق خليفه: هيه و لله ساروه: انزين بقولك (يسحب فهد التلفون) فهد: هههههههههههههههههه خلوووف خليفه: ليش تسحب التلفون فهد: كيفى مب جانك انته وياها خبز وجبن خليفه: ههههههههههههههههه اندوك ناصر بنخاويك فى المول فهد: زين و لله تعال خليفه: ان شاء لله بسير اتسبح عيل براايك (يعطى ناصر التلفون) ناصر: مرحبا الساااااااااااااااع فهد: مرحبتين يالله اتريااك فى المول ترانى ناصر: ان شاء لله فهد: برااايك عيل ناصر: من قدك يابوووك معرس بعد اسبوعين فهد: ههههههههه عقبالك ناصر: منو هذى للى تبانى فهد: اصلا كل بنات العين يتمنن ناصر بن خالد يعطيهن نظره ناصر: احم احم فهد: يالله عيل ههههههههههههه ناصر: برااايك ::++سكر فهد عن ناصر++ :: فى سياره فهد كانت اغنيه عيضه المنهالى رفجه عرب اول ماسمعها طول على المسجل ورفع عيونه فى المنظره علشان يشوف مها للى عرفت انه يقصدها بهاالاغنيه ((و لله مايسونك يالغالى يالمزيون كلهم عسى يفدونك لى بالعدل يسعون ارفج انا بعيونك رفجه عرب يوفون لو كلهم ينسونك ما انساك مها يكون وش هى حياتى دونك ياليتهم يدرون انك نسخ مظنونك و انك نظر العيون لو مثلى ينظرونك و بطيبك يحسون اكيد ما يحبونك يا غايتى بجنون ..و لله ما يسونك يالغالى يالمزيون ..كلهم عسى يفدونك ....يسحرنى زاهى لونك و حيايك المقرون والشعر لى عمتونك ليل الدجى مسكون شفت الهنا فى كونك و اصبحت بك مفتون لزمن على اصونك و اعاهدك ماخونك ..و لله مايسونك يالغالى يالمزيون كلهم عسى يفدونك ...)) بعد ماخلصت الاغنيه رفعت مها عينها وحطتهم فى عين فهد ..اول ماصلوا الباركنات شافوا سياره وراهم كانت سياره ناصر و خليفه ..بعد ماوقفوا دخلوا كلهم المول و هم يضحكون... فهد:و ين بتسيرون اول ساروه: بسير لايف ستايل بعدين سبلاش بعدين خليفه: بعدين الحريبى ناصر: ههههه كمل ساروه: شوفيك انته الحين فهد: ساروه بدينا ما اعرف منو محتشره على الصبح اوين قول حق خليفه ساروه(مستحيه): و انته ما تخلى شى فى بطنك (سحبت مها و سارت عنهم) فهد: ياربى ياهالبنت ناصر(يطالع خليفه): اييييييييه خلووف فهد: اشفيك سرحان هيه اكيد شايفلك حد من الغراشيب نحن ما نصيد خليفه: الا غرشوب سكن قلبى من زمان (يطالع اخوه ناصر للى فهم شو قصده) فهد: لا و لله زين عيل ناصر: حد منكم يسير مع البنات فهد: انا بسير ناصر: انته تعال (يطالع خليفه) سيرلهم يالله خليفه: ان شاء لله برايكم سار خليفه صوب ساروه ومها اول ماوصل وقف عدال ساروه .. خليفه: شو تسووين ساروه(خافت): بسم لله الرحمن الرحيم خوفتنى خليفه: لا و لله حلفى انتى بس ساروه: مابحلف (اطالع مها) شورايج فى هذا مها: حلووو خليفه: بسير اشوف اهناك ساروه: وين خليفه: اهنااااااك (ياشر صوب البنات) ساروه(معصبه): لا ماشى خليفه: اش اش فضحتينا ههههههههههه ساروه: لا ترمسنى خليفه: و لله كنت امزح معاج ساروه: هه شكلهن البنات بعدهن مسيطرات عليك (اطالعه بعيونها للى بدى الحزن يظهر) خليفه اتيبس مكانها مايعرف شو يسوى اول مره فى حياته يحس انه يجرحها بدون مايدرى و منو يجرح سارووه : ساروووه (يطالع مها) عذرينى انا مجبور اقول هالرمسه و اتمنى ما توصل حق فهد مها: صدقنى ما بتوصل .(تبتسم) خليفه: ساروه انا اسف و لله بس كنت اريد اشوف ردت فعلج ساروه(تنزل راسها): بس انته تجرحنى جذا خليفه: شوفى (ياشر على قلبه) انتى اهنيه و انا احبج و لله ساروه ساروه(حطت ايدها على ثمها): خلووووف بيسمعونك خليفه: خلهم يسمعونى شو يعنى مها: هههههههههههههههه ساروه+خليفه: تضحكين بعد مها(تقربت منهم): شو فيكم (اطالع ساروه) الحب الصادق مب عيب ياساره ساروه: صدق مب عيب بس خلينا نخلص الحين خليفه: يالله بترياكن .. | |||||||||
| |
|
06-20-2010, 06:54 PM
| #29 (permalink) | |||||||||
|
مستشار المؤسس ~
|
رد: ++::بعد ماجفيت ترجع تقول احبك وانا احبك::++ انا :
قمرهم كلهم ساروه ماخلت شى فى المول الا و اشترته حق مها للى استحت و خليفه سوالف مع سارووه ..اتصل فهد حق خليفه و قاله يطلعون لانهم بيسيرون البيت و قبل لا يظهرون حط خليفه فى ايد ساروه كيس باريس غاليرى اشتراه حقها هديه و قعدت اطالعه وهو يبادلها النظرات ...طلعوا من العين مول صوب البيت وساروه فرحانه من الخاطر لانها شافت خليفه اول ماوصلت البيت هيه و مها سارن فوق لان محد فى الصاله ..اول مادخلن غرفتهن عقت ساروه بعمرها على السرير و اطالع السقف و هيه مب مصدقه ...مها انتبهت عليها وقعدت عدالها اطالعها .. مها: ساروه ساروه: لبيه ؟؟!! مها: شو فيج تفكرين لا يكون فى خليفه ؟! ساروه: ما اسرع ما لاحظتى ههههههههههههههههه مها: ههههه ليش ما الاحظ وين عيونى فى شعرى ؟؟ ساروه: هههههه لا يا حرمه اخوى المصون بس كيف يعنى عرفتى مها: صح انى فى حياتى ما عشت الحب و انى فقدته بس انا حاسه فيج انج تحبين خليفه صح (تلتفت اطالع ساروه) ساروه(منزله راسها): هيه صح بس سر بينى و بينج مها: اكيد ساروه: انا صح و لله واايد احبه مها: لله يهنيج ساروه(تغمز لها): امين ::++سمعوا صوت ام زايد تزقرهم علشان ينزلن ::++ مها: خالتى تزقرنا يالله خلينا انسير ساروه: ان شاء لله نزلن الصاله وشافوا المفاجأه خليفه عندهم فى البيت مع خالد و ناصر واخوانها طبعا .. ساروه+مها: السلام عليكم ساروه: هههههههههههههههه خالد: هههههههه شو انتقلت العدوى من حمدوووه ساروه: لا بس جذا خليفه: هيه تضحكين لانج شفتينى صح ساروه: لا منو قال خليفه: انا ام زايد: لا تبدون الحين انتوا الاثنين (اطالع زايد) زايد ياولدى اتصلت حق خالك سعيد زايد: اتصل بس التلفون مغلق خالد: غريبه اول امس متصل انا بس كان يرن مايشله ام زايد: و لله بديت احاتى ناصر: متى العرس خالوه ام زايد(اطالع مها وفهد): على الاسبوع الياى فهد(منصدم): شو وليش ماقلتيلى مااشتريت شى خالد: ليش الريال عنده زهبه فهد: لا يعنى بسير اتحلق عبدالله: هههههههه احلف انه بس زايد: لا يحلف و لا شى (يطالع مها) ها مها خلصتى اغراضج مها(اطالع فهد للى رد عليها بانها تجاوب زايد): هيه خلصت بعض لاشياء تقريبا ساروه: ما يهمكم خليفه: بنشوف شو بتسووين فى عرسج ساروه: و لله هذا يعتمد على حسب ما يعطونى اهل المعرس خليفه(يبتسم): سيرى لمى اغراضج ساروه: وليش خليفه: بنسير بيتنا خلاص عرسنا اليوم ام زايد: هههههههه و لله انك خليفه: و لله تراها تقول يعتمد ساروه(مستحيه): خليفه اسكت عاااد خليفه(حس انها مستحيه): هيه و شو بعد فهد فهد: لا ماشى خالد: اقول خالوووه متى بتون بيتنا ام زايد: و لله ما ادرى ياولدى ساروه: باجر ناصر: تبينها من لله خليفه(يضرب ناصر علشان يسكت): تعالى حياج لله من اليوم لو تبين عبدالله: سمعوا انتوا اوين من اليوم ساروه: خلاص تم خليفه خليفه: شو تم ساروه: باجر بنيكم زايد: عاااد خلاص و قعتى انتى ساروه: هيه و ليش عندك رمسه ثانيه زايد: لالالالا ماشى ام زايد: بخليكم عيل يا عيالى (اطالع مها) تعالى يا بنتى معاى ساروه: و انااااااااااااااااااااااااا ام زايد: انطمى مكانج كلام كبار هذا ساروه: شو بتقولين غير اهتمى فى ريلج و حطيه فى عيونج خليفه: لا تخلينه يطالع برع ساروه: هيه و لله و سويله غدا و طباخ و مطباخ و كل شى ام زايد: حسبى يالله على ابليس ملعونه عثرج زايد: و انا اشووف ههههههههههههههه خالد: عاد خليفه مايقصر العن خليفه+ساروه: شو بلاكم (قعدوا يطالعون) خليفه: ليش تقولين معاى نفس الكلمه ساروه: انته للى قلت ناصر: بس بس انتوا الاثنين ام زايد: من رخصتكم يا عيالى بنسير انا و مها الكل: لله ويااج ساروه: لله يعينج يا مها بقرا عليج الفاتحه ام زايد: وابوويه عليج انا لسانج ما ادرى شوفيه اليوم الصبح محتشر قولى حق خليفه و جدامه لسان طويل ساروه(مرتبكه): بس فضحتينا اماااايه فهد: ما عليه امااايه اضطرابات خليفه: احم احم مب جانهم يسالون عنى وايد ساروه: شو قصدك ؟؟!! خليفه: مب قصدى شى ساروه: هيه تحسبت بعد (اطالع خالد) اقول خالد وينها حمدوه (زايد بدى قلبه يدق من سمع اسمها) خالد: و لله يا سويره فى بيتنا قاعده على النت اكيد خليفه: مب جانك قلت سويره ؟؟!! زايد: هيه صح خالد: ياويلى منكم شو هالغيره ناصر: عادى يتفاعلون وياك (يطالع فهد) صح فهد فهد: ولله انهم فلم هندى تصدق عبدالله: صدقت و لله ساروه: اممممممم زين عيل تبون تشربون شى خالد: لا و لله نحن ساييرين الحين خليفه: وين تبا ناصر(يغمز له): بنسير المول ساروه: شو تبون تودونه المول الظهر كلوا بعدين سيروا زايد: انودى منووه ساروه: خليفه بعد منو ؟؟!! خليفه: وليش يعنى فهد: نصوور تابع الفلم الحين ناصر: حاضرين ليش لا نحن عندنا شى غيره .. زايد: بس انتوا الاثنين ساروه: شو ماتخاف على نفسك شو رايك اربطك فى المول مب احسن خليفه: لا خلاص مب راايح (رن تلفون خليفه للى كان عدال عبدالله) عبدالله: وووويه خلوووف اندوك حد من غراشيبك خليفه(يطالع سارووه): انزين هات اشوف منو (يوم شاف الرقم طالع ناصر للى فهم ان للى متصل لطيفه محد غيرها ادارك الموقف وخذ التلفون) ناصر: وويه خلوووف هذا ربيعى انا عاطنه رقمك خليفه: اندوك رد عليه ساروه: ردوا عااد بتتعازمون ناصر: هات انا برد عليه خالد: لا انته و لا هو بيرد خلوه يضرب لين يشبع زايد: احسن بعد ساروه(اطالع خليفه): انزين مستر خليفه خليفه: ههههه شو تبين ساروه: ماشى اقعد و لا تسيرون مكان بسير ايبلكم ايس كريم زايد: زين و لله تبردين على فوادنا ساروه: خلاص اتريونى الكل: ان شاء لله ::++طلعت ساروه من الصاله صوب المطبخ ::++ اما فى الصاله خالد كان معصب من خليفه ما افتك من هذى لطيفه والا شو سالفته . خالد: اقدر اعرف هيه ليش متصله خليفه: و انا شو لى فيها اكثر من مره اقوللها لا تتصل (رن تلفونه) هذيه اتصلت زايد: و لله انها تافه (يطالع خالد) اهزبها خالد خالد: هااات التلفون خليفه خليفه: اندووك ناصر: جذا احسن و لله صدقنى (يرمس خليفه) ::++يرد خالد على التلفون::++ خالد: الووووو نعم لطيفه: ممكن خليفه ؟؟!! خالد: لا مش ممكن اقولج يابنت الناس ممكن لا تتصلين بصراحه اذيتينا لطيفه: شو تقول انته خليفه يحبنى لا يكون انته ناصر و الا خالد خالد: ويااج خالد طال عمرج لطيفه: اوووف ممكن تعطينى خليفه خالد: مايريد يرمسج فاهمه لطيفه: هو يحبنى ؟؟!! خالد: اى حب يابنت الناس ماشى ريال ياخذ وحده مرمسنها بالتلفون انتى فاهمه لطيفه: لا تقعد تنصح اريد ارمس خليفه خالد: ما بترمسينه و اذا اتصلتى على التلفون هذا قسم بالله يا اسير اوديه عند اهلج لطيفه(خايفه): تهددنى خالد: اهددج انتوا البنات ما ايبكم الا العين الحمرا لطيفه: بتشوووف خالد: شو بتسووين يعنى بتفضحينى و الا بتخبرين على اهلى لطيفه: تطنز خالد: اسمعى يابنت الناس البنت مثل الشال الابيض كل شى يعيبها اما الريال مثل الشال الاسود لا تسوين حق اهلج فضحيه و ديرى بالج عليهم لطيفه:....................................... خالد: على ما اظن وصل كلامى و ماعندى كلام غيره لطيفه: وانزين خالد: مع السلامه لطيفه: صبر (سكر التلفون فى ويها) ::++بعد ما سكر التلفون شل البطاقه من التلفون وطلع وحده ثانيه و حطها وعطاها خليفه::++ خليفه: بطاقه يديده خالد: هيه نعم زايد: و لله احسلك يا خليفه شو تبا فيها خليفه: الحمدلله ارتحت ناصر: عقبالنا ما يشترون لنا بطايق خالد: ليش لا اصلا انا من زمان اريد اعطيها خليفه بس الحمدلله وصل الوقت المناسب ::++دخلت سارووه الصاله::++ ساروه: وصلت الكل: يا مرحبا فيج قربى ساروه: صدق انكم مخبل خليفه: حتى انا (يبتسم) ساروه: عاد انته الزعيم خليفه: هيه ما عليه لله يسامحج زايد: ساروه ساروه: ول الحين بتينى هزبه ..هااااااااااااا زايد: ويعاااااااااااااااااااااااااه خالد: هههههههههه عطينى ايس كريم ساروه: تفضل (عطت خالد وزايد الايس كريم وبعدين فهد وناصر و عبدالله) خليفه: واناااا سارووه: هذووه تفضل خليفه: العمر ايااام و ايامى ثوانى و عشت عمرى كله بلذه عمرها و مابلانى غير ذاك للى بلانى قمت احسب ايااامها و انسى شهرها .. ساروه: قلت خذ الايس كريم مب قلتلك غن خالد: عااد تعرف خلووف ضربت على عوقى الجسمى خليفه(يطالع ساروه): غانى تحسد مفاتنها الغوانى ثغرها الصبح و دجى لليل بشعرها عدلت فى ثغرها كرب و دمانى يعل كل الحسن فدوه عن ثغرها ناصر: روووعه صوووتك خليفه: هيه ادرى بعد شو عبدالله: مالقيتوا تمدحون غير خليفه ساروه: مافيه شى ينعااااب عبدالله: ماقلنا شى خالد(وقف): يالله ساروه: اقعد خالد: ان شاء لله ههههههههههههه ساروه: يالله خليفه خلص ايس كريم لان اخوووك جانه حرمته بطير عن البيت خالد: ههههههههههه اى حرمه انتى بعد زايد: ساروووه سارووه: هااا شو فهد: قولى نعم عنلاتج ساروه: خليفه فهد: طالع هذى خليفه(ياكل ايس كريم): لبيه ؟؟!! ساروه: باجر لا تروح مكان خليفه: تعرفين يعنى حرمتى ما ترضى اقعد فى بيت ابوويه قالتلى تعال نقعد فى بيت اهلى ساروه(عصبت و تضربه على ظهره): خلها تنفعك خليفه(غص بالايس كريم): احم غربلات بليسج كنت بموت ساروه(وقفت): يالله يا خليفه للى تاخذها تموت قبل لا تشوفها خليفه: شو هالغيره للى نازله من السما ناصر: اييييييييه خلوووف زايد: حرااام لا تدعين عليها شو سوت فيج ساروه: مالكم خص فينى (سارت قعدت مجابل التلفزيون) خالد: ههههههههه و لله انها ما تتغير خليفه(وقف): بسير اراضيها زايد: لا و لله ههههههههه و نحن سمنديجه خليفه: انطم مكانك خالد: عيل بنترياك برع خليفه: انزين ::++طلعوا الشباب كلهم من الصاله الا خليفه::++ تقرب خليفه من ساروه وهو يعرف انها زعلانه .. خليفه: سارووه سارووه: شو تبا الحين بعد خليفه: لا تزعلين منى عاااااد ساروه (تلتفت اطالعه): لا و لله رمستك شورايك فيها خليفه: لا تصيرين حساسه جذا تعرفين انى احبج وااايد صح و الا لا ساروه: هيه خليفه: خلاص عيل ساروه: لا تروح باجر مكان خليفه: ان شاء لله من عيونى تامرين بشى ساروه(مستحيه): لا اطالع منيه و مناااااك و لا .............. خليفه: اهتم فى عمرك و لا تهمل نفسك و دير بالك على نفسك ساروه: هههههههه خلاص عيل خليفه: اشوفج باجر عيل ساروه: ان شاء لله خليفه: مع السلامه ساروه: يحفظك ربى خليفه: لج انتى بس ساروه(مستحيه): ان شاء لله | |||||||||
| |
|
06-20-2010, 06:57 PM
| #30 (permalink) | |||||||||
|
مستشار المؤسس ~
|
رد: ++::بعد ماجفيت ترجع تقول احبك وانا احبك::++ انا :
قمرهم كلهم طلع خليفه و على ويهه ابتسامه فهمها ناصر و خالد ..طلعوا كلهم من البيت سايرين صوب اشغالهم ..اما فى بين بومحمد نرجع حق حمدوه للى قاعده تخطط علشان تشوف حمد للى اصر عليها ورضت بالامر الواقع و اتفقت انها تسير المول و تشوفه اهناك صوب الباركنات .. على الساعه 8 بالليل طلعت حمدوه مع الدريول صوب العين مول وقالته يترياها و لا يتحرك شافت سياره اودى عليها رقم ازرق بوظبى نفس الوصف للى وصفه حمد حقها ..قعدت تمشى و بالصدفه مشت جدام سياره زايد للى من شاف البنيه طلع من السياره وعرف انها حمدووه شافها تدخل سياره اودى و سياره منو حمد قعد مصدووم ما عرف شو يسووى الا و اشووى حس بعزه نفسه تنهان شاف السياره تحركت ...وتبعها .. ::++فى سياره حمد::++ حمد: شحالج حمده حمده(خايفه و مستحيه بنفس الوقت): بخير ربى يسلمك حمد: ما بغينا انشوفج حمده: ماصارلنا اسبوعين من نعرف بعض حمد: هيه صح حمدوه(شافته ساير صوب الفندق): انته وين ساير حمد: الفندق علشان محد يشوفج حمدوه: شو بس انته قلت بنوقف فى باركنات المول حمد: لا بصراحه انا اخاف اوقف اهناك (ويسمع صوت حد يدعمه من ورى السياره ) ::++وقف حمد ونزل ::++ شاف زايد و عيونه كلها غضب و شرار يمسكه زايد من رقبته و يضربه ذاك البوكس للى طيره وسار صوب الباب الثانى و فتحه اول ما شافته حمدوه حطت ايدها على ثمها و يسحبها من ايدها و يعطيها طراااق زايد: ليش جذا اتسوووين هاا ليش حمدوه(تصيح):................................. زايد: ما تبين ترمسين على سواد ويهج منو يايبنج المول قولى (يصرخ) حمدوه(ترتجف): الد د د رريو الدريول زايد: ما توقعت منج هالشى لهدرجه انتى شو من البشر حمدووه: و لله اسفه انا اعرف للى سويته غلطت (تصيح) زايد: لا تصيحين ما بتنفعج دموعج الاسف كنت احسبج انسانه غير عن الباقى بس طلعتى و حده ما تستاهلين حمدوه: زايد انا زايد: جب و لا كلمه و لا تقولين اسمى على لسانج دخلى السياره حمدوه: انزين دخلت السياره ووقف زايد جدام حمد زايد: ماتوقعت تخون ربيعك فى عرضه حمد: انته فاهم الموضوع غلط زايد: اى غلط و انا شفت بعيونى حمد: ليش هذى من تكون زايد: ليش ماقلتلك انها اخت خالد حمد(مصدوم): شووو زايد: الاسف شوهت صورتك كنت احسبك انسان مخلص و طلعت خاين فمان لله حمد: زايد اسمعنى زايد: روووح لالالاه ركب زايد السياره وسار صوب المول وشاف سيارتهم واشر على حمدوه انها تنزل وتسير البيت ..نزلت وركبت سيارتهم و هيه متغشيه و دموعها على خدها اول ماوصلت البيت تحمد لله انها ماشافت حد فى الصاله وسارت فوق غرفتها ..طاحت على الكرسى اتصيح و تصيح ياربى زاايد معقوله ما اصدق اخافه يخبر خالد و بعدين بيذبحنى ولله بس فى عيون زايد شفت كلمه عتاب صدق انى احب زايد بس هو للى تخلى عنى .. ::++ فى سياره زايد::++ وقف زايد صوب باركنات العين مول و حط راسه على السكان ونزلت دمعته غصبا عنه معقول ياحمدووه تسووين جذا معقوله انا مب مصدق حرااام شو للى يصير ما اقدر استحمل للى انا فيه كنت احسبج تحبينى عثرج انسانه استغفر لله شو يالس اقول انا بعد .. فى هالوقت يرن تلفون وكان خالد للى متصل اول ماشاف الرقم خذ فتره لين مارد عليه بعدها استسلم ورد زايد: الووو خالد: شو وينك عنبووه ليش ماترد زايد: لا و لله خليت التلفون فى السياره خالد: هيه ما بتخاوينا فى بيت حمد مع الشباب زايد(تذكر موقف حمد): لا تعبان انا خالد(مستغرب): اول مره زايد: خالد ما اريد اروح و لله تعبان و مشغول بعد خالد: مشغول فى شو زايد: فى معاملات فى الشركه لازم اخلصهم خالد: لا و لله عيل خلاص بستسمحلك منه زايد: حصل خير ++:: بعد ما سكر خالد::++ زايد قعد يفكر حليلك ياخالد ماتعرف شو صار احسن لى ارد البيت وارتاح ....اول مادخل شاف ساروه و ابتسم لها وسار فوق ... ساروه(اطالع مها): شو فيه ؟؟!! مها: سيرى شوفيه ساروه: هزرج مها: هيه عيل شو يالله سيرى ركضت سارووه ورى زايد قبل لا يسكر مسكت الباب .. زايد: ساروه شو تبين ساروه: اريد ارمسك ممكن ادخل زايد: دخلى ساروه: انزين (سكرت الباب وراها) زايد: شو تبين ساروه: زايد انته شى فيك زايد: لا ما فينى شى لا تخافين ساروه: انته فيك شى بس ماتريد تخبرنى زايد: انا مصدوم بس ساروه: مصدوم من شو زايد زايد: شفت شى ما توقعتها (يرفع عيونها يطالع من الدريشه) شى يهز القلب ساروه: زايد لا تخوفنى شو صاير زايد: احمد ربى يا ساروه انى انا للى ربيتج ساروه(مستغربه): الحمدلله زايد: تعرفين انا اشقايل علمتج واريد اطلب منج طلب ساروه: تفضل اخوى و امرك واجب زايد: وان شاء لله تنفذين للى اقوله لج يا سويره ما اريد امووت من داخل اكثر ساروه(خايفه): بسم لله عليك قول زايد: اباج تحافظين على سمعتج و سمعه اهلج ترانا شوفتج وشرفج ساروه(تبتسم): زايد ممكن ارمس بعد ما خلصت زايد: تفضلى ساروه: بعد ماتوفى المرحوم انته للى ربيتنى حتى بوجوده و علمتنى الصح من الغلط و لا تفكر فى يوم انى راح اغلط و احط راسك فى لارض لانك ابوى و اخوى (تحبه على راسه) زايد: لله يبارك فيج و الحين فهمتى كلامى ساروه: هيه نعم و حط ايدك فى ماى بارد منى انا زايد: ان شاء لله ساروه: بخليك علشان ترتاح و لا تنسى باجر بنسير بيت يدى (تذكر زايد حمدوه و موقفها) زايد: يصير خير ساروه: يالله برااايك ::++طلعت ساروه من غرفه زايد ::++ وقفت ساروه فى المرر اشوى تفكر شو فيه زايد مب على عوايده يعنى ما بيتعشى شو نزلت تحت عند امها بعد ماسمعت صوتها ...نزلت بسرعه اول ماوصلت سلمت على امها و قعدت عدال مها ... ام زايد: شحالكن ؟؟!! ساروه: بخير امااايه مها: خالوه شو هذا كله ؟! ام زايد: هذى لج يابنتى مها: بس خالووه و لله واايد ساروه: شو وايد بعد بعد باجر بيودينا فهد دبى يا سلام ام زايد: لا و لله متى قاللكم ساروه: انا سالته بس قال بيشاورج و لان العرس مب باقى عليه شى بنشترى فستان العرس من اى مصمم فى دبى و الا تعالى شو رايج ؟؟!! (اطالع مها) مها: ما اعرف و لله ام زايد: لا تستحين يابنتى الحين بيدخلون المندوس للى شيته لج و بحط اغراضج بنفسى مها: عسانى ما انحرم منج (تحب راس خالتها) ام زايد: انتى وسارووه واحد ساروه: هيه واحد بس صح مها خلاص انا و نتى خواااات حتى لو حرمه اخوى مها: ان شاء لله ..ربى لا يحرمنى منكم ::++دخل فهد فى هالوقت::++ فهد: السلام عليكم الكل: و عليكم السلام .. فهد: حد شاف زايد ؟؟!!(يطالع مها وساروه) ساروه: زايد فى غرفته يمكن رقد فهد(مستغرب):لا و لله شو فيه زايد ام زايد(خايفه): شوو فيه ولدى (كانت تريد توقف وقفتها ساروه) ساروه: امااايه اشفيج زايد مافيه الا كل خير لا تكبرين السالفه و هيه صغيره ام زايد: اشفيه كلمج ؟!! قالج شى ؟؟!! ساروه: هيه كلمنى فهد: شو قال انزين ساروه: قال اريد ارتاااح تعشوا ؟؟!! ام زايد: مب طبيعى ولدى بسير اشووفه ساروه: اماايه بلاج الحين مها: ساروه خليها تسير اتشوفه ساروه: بس يا مها فهد: لا بس و لا شى اماايه سيرى شوفيه ام زايد: برايكم (وهيه تمشى ) يالله ياولدى اشفيك ::++غرفه زايد++:: اول مره من توفى ابوووه تنزل دمعه من دموع زايد مب مصدق للى صار جدام او ماقدر يستوعب ان حمدوه تقدر اتسووى جذا قعد يتجلب يمين شمال بس شكلها و هيه خايفه كان مرسوم على السطح و الطراق للى عطاها ايااه مستحيل ينساه حط ايده مثل اليهال على ويهه ويصيح بقوه و اندافع......... زايد (مزيون العين) ينهد حيله و يضعف بهذى الطريقه ....اااااااااااااه يا حمدووه ليش تسوين جذا فينى انا حبيتج من بين بنات العين كلهن و اخترتج شريكه حياتى شكلى غلطت وشو غلطت بعد هذى بنت خالى و على حق عليها ااااه ياربى ....دموعه ماوقفت ودخلت امه و شافت الغرفه مظلمه سكرت الباب و بعدين ولعت لليت شافت زايد منسدح على السرير و يطالع فوق ودموعه على خده ما انتبه على امه للى تقربت منه و هيه خااايفه .. ام زايد: زااايد ياولدى اشفيك؟؟!! زايد: ماشى و لله ام زايد: ليش كنت اتصيح ولا اراديا طاحت دمعته على خده ويلتفت على امه و عدل قعدته وسار صوبها وحط راسه على ريولها: اماااايه انا تعبان و لله تعبان (يصيح) ام زايد: بسم لله عليك ياولدى اشفيك قولى اناديلك فهد هو تحت يحاتيك زايد: لا ما اريد ام زايد: اشفيك ياولدى قولى زايد(يقعد على الكرسى): اماايه و لله قلبى يعورنى من داخل فخاطرى اموت و افتك من الدنيا ام زايد: استغفر لله العظيم لا تقول جيه ياولدى اذا انته مستغنى عن نفسك انا هب مستغنيه عنك زايد: ان شاء لله (يحط ايده على راسه) ام زايد: تريد عشا زايد: لا ما اريد ام زايد: ما يصير ياولدى لازم تتعشا اخوانك بيحاتونك زايد: ماعليه ام زايد: زايد اقعد اقرى لك قران اشويه تريح قلبك و تستريح زايد: ان شاء لله امااايه ام زايد: يدك يريدنا باجر عنده زايد(تذكر الموقف): ان شاء لله بس متى ام زايد: ان شاء لله على عشر الصبح بنسير زايد: يصير خير ان شاء لله ام زايد: ها ما تبا تتعشى زايد: لا برقد ام زايد: خلاص ياولدى برااايك اذا نزلت بالليل بتلقى عشاك فى الميكرويف زايد: ان شاء لله طلعت ام زايد من غرفه زايد للى قعد يفكر كيف باجر بيجابل حمدوه للى هدته و خلته انسان ضعيف .... ::++فى الصاله::++ نزلت ام زايد اول مادخلت الصاله سألها فهد عن اخوه .. ام زايد: مايريد يتعشى و لله انه هالولد شى فيه فهد: ماعليج اماااايه ان شاء لله بيكون بخير بس وينه عبوود ام زايد: ما ادريبه ::++يدخل عبدالله::++ عبدالله: انا اهنيه فهد: ولد حلال طويل عمرك ام زيد: امين يارب العالمين (اطالع ساروه و مها) اتجهزن باجر بنسير بيت يدكم ساروه: يا سلااااااااااااااااااااااااااااااااااااام عبدالله: ليش قلتيلها ؟؟!! ام زايد: اشعنه عبدالله: باجر من الفير وااعيه فهد: عفانا لله ساروه: نعم نعم ؟؟!! مها(وقفت): خالتى احط عشااا فهد: قعدى الخدامه بتحطه (يطالع مها) ام زايد: ليش يابنتى بتيبينه ترى فى خدامات مها: ان شاء لله خالوووه ساروه: تريد تعشى الريل مب نحن فهد: عيل انسه ساره انتى ما بتعشينه ريلج عبدالله: من المطعم بتيب اكل و بتقول انها مسوتنه ساروه: و لله للى يبانى لازم هو يطبخ عبدالله: هيه تعالى يا ابووج تمى فى بيتج احسن ساروه: عدال على الحرمه للى بتاخذها عبدالله: اماايه بتختار لى مها: خالوووه ام زايد: هلا يابنتى مها: متى بتردون باجر من بيت يدى فهد(يطالع مها): انتى اول وحده بتركبين السياره مها: بس استحى ؟؟!! ساروه: وابووى عليج انا شو تستحين بنقعد مع حمدوه و موزوه و ميرووه عبدالله: كلهم دلعتهم ساروه: ليش انته مب لاقى حد ادلعه فهد: اووهوووو بس عاااد هذووه وصل العشا ام زايد: هذا من طباخ مها و ساروه عبدالله: سارووه تطبخ معقوله فهد: و النعم فيها اختى ؟؟!! ساروه: لله يخليك ياخوى ولو انى قطعت البصل بس وقلبت الاكل بس مها للى متعبله كل هذا ام زايد: و لله انها حرمه يالله تعشوا و كلكم رقود ماشى سهر باجر من الساعه عشر عند يدكم الكل: ان شاء لله تعشوا عربنا وكلهم سار غرفته علشان يرقد فى غرفه ساروه ..........مها قاعده تفكر و اطالع برع تقربت منها ساروه: مها ؟؟!! مها: هلا ساروه ساروه: فى شو تفكرين مها: لا و لله ماشى بس..... ساروه: بس شو ؟؟!! مها: احس انى مثجله عليكم ساروه(تضرب كتفها): لا و لله منو قال هالكلام مها: انا ساروه: ماماتى انتى حرمه اخويه فاهمه يالله رقدى مها: شو زعلانه؟؟!! ساروه: هيه و ليش ما ازعل بعد شو مها: سوويره عااد ساروه: ............................. مها: علشان خاطر خليفه ساروه: ااااااااااااااه لا تضربين على العوق و لله بصفعج مها: ههههههههههههههههه بس هيه نقطه الضعف ساروه: ههههه قولى و لله يالله رقدى مها: ان شاء لله رقدت مها بعد ما اختفت مخاوفها وانها بتواجه مستقبل كله حب و حنان مع فهد للى بتتحمل مسؤوليات كبيره ... | |||||||||
| |
|
| مواقع النشر (المفضلة) |
| الذين يشاهدون محتوى الموضوع الآن : 7 ( الأعضاء 0 والزوار 7) | |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| بــــــــــــــــ اني برحل ـــشروه | كندري بسكندريه | ڪآن يآمآ ڪآن | 73 | 08-07-2011 11:49 PM |
| صرتــــــــــــــــي اغلى البشر عنـــــــــــــــدي | قمرهم كلهم | للروايات المكتمله | 6 | 03-19-2011 01:58 AM |
| { احسب الدنيــآ مثل آمي ,, ازعلــهآ و ترآضيني } ... | قمرهم كلهم | للروايات المكتمله | 33 | 03-11-2011 10:51 AM |
| روايــــة لجــــــــل الووعــــــــد | كيووت | ڪآن يآمآ ڪآن | 14 | 05-11-2010 11:20 AM |
| اااااااااه احبك | حلابنوته | وسـعُ صدرڪ | 3 | 03-13-2010 10:49 PM |
| |
العرض العادي
