هل تريد التسجيل في منتديات بنوته ؟
إحصائيات المنتدى: المواضيع: , المشاركات: , الأعضاء:
إحصائيات المنتدى: المواضيع: , المشاركات: , الأعضاء:
|
|  |
| التميز خلال 24 ساعة | |||
 العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم |
المشرفة المميزه |
قريبا | بقلم :  | قريبا | قريبا |
| |||||||
 |
| | LinkBack | أدوات الموضوع | انواع عرض الموضوع |
06-19-2010, 11:26 PM
| #31 (permalink) | |||||||||
|
مستشار المؤسس ~  
| 
رد: * غــــــــــارقـــــــــات في دوامـــــــة الحــــــــب * انا :
قمرهم كلهم الجزء21 حطت نجلاء سماعة التلفون وهي تتأفف .. هذي خامس مرة تدق على سعود بس ما يرد .. امس بالليل ما شافته لأنها نامت قبل لا يوصل والصبح مثل العادة طلع قبل لا تصحى .. والحين قرب الليل يحل واذن المغرب ولا دق حتى يتطمن .. يعني لهالدرجة شغله نساه يكلم ولو دقيقة عالأقل يتطمن .. يدري اني لحالي بالشقة حتى خدامة معي مافيه .. من ضعف الحيلة مالقت الا انها تكلم للمرة الاخيرة .. دقت وهي تنتظر صوته لكن بعد مافي رد .. رجعت السماعة مكانها بعصبية .. وقامت وراحت للبلكون .. كانت الدنيا اظلمت تماما فطلعت وطلت على مواقف السيارات الخاصة للعمارة .. دورت بعيونها مابين السيارات الموجودة .. ماكان فيه غير ثلاث سيارات ولا وحدة منهم لسعود .. رجعت دخلت وهي متوترة .. مو من عادته ما يرد لما ادق عليه .. راحت لغرفتها معصبة وفكرة وحدة في بالها .. ان شغل سعود صار اهم منها بالنسبة له ..وانه معد صار يتلهف عليها وعلى صوتها مثل قبل .. وهالفكرة خلت دمعة تستقر بوسط عيونها .. اول مرة سعود يتصرف معها بهالبرود من تزوجوا .. طول الاسبوع اللي فات هاللي كانت تدق وتسأله عن اخباره لكن هو ماكان يدق عليها .. قعدت على كرسي قدام تسريحتها وتلقائيا طاحت عينها على صورة لها معه يوم الزواج .. صورة فيها الكثير من الحميمية .. سالت الدمعة وتجمدت على خدها وعيونها مسمرة عالصورة ويدينها تحت خدها وذكرياتها ترجع لذاك اليوم .. بعد فترة مو قصيرة رجعت لواقعها وانتبهت لسعود واقف مستند عالباب بيد وحدة وابتسامة حنونة على وجهه .. لحظة سكون بينهم ومحد تكلم لكن عيونهم متعلقة ببعض .. زادت ابتسامة سعود وانتبهت نجلاء لدموعها فبسرعة مسحتها وهي منزلة راسها للأرض .. نجلاء بنبرة حزن : وش جابك الحين ؟!.. باقي على نهاية الدوام ثلاث ساعات .. نزل سعود يده ومشى خطوتين لها : تسأليني وش جايبني .. يعني ماعجبتك هالمفاجأة .. سكتت نجلاء وهي تمسح دموعها مرة ثانية .. سعود وهو لازال واقف في مكانه : شكلها ما عجبتك .. تبيني ارجع للدوام ؟ نجلاء : لا .. بس مو من عادتك تترك الدوام .. سعود وهو يتقدم ويركع قدامها بهدوء : رجعت عشانك .... ممكن تعلميني ليش هالدموع ؟ رفعت نجلاء راسها وحطت عينها بعينه : يعني ماتدري ليش ؟ سعود : لا ... مضايقك شي ؟! نجلاء وهي تبعد وجهها عنه : طلع جوالك وشف .. وتعرف ليش انا متضايقة .. مسك سعود يدها بحنية وباليد الثانية طلع الجوال من جيبه ولما شاف المكتوب ابتسم : خمس مكالمات لم يرد عليها .. وكلها من نجولة حياتي .. التفت نجلاء له والعبرة خانقتها : واذا انت عارف اني ادق عليك ليش ماترد .. طيب اذا كنت ماتبي تسمع صوتي رد عالأقل عشان اتطمن عليك .. ( سالت دموعها ) .. والا انت ماتدري اني اتلهف على صوتك .. اذا ماكنت تبي تسمع صوتي قلي .. بس لا تخليني معلقة مدري شصاير عليك .. ابتسم سعود بحنية وحط يده على خدها يمسح دموعها : افا حياتي .. انا مابي اسمع صوتك ؟!.. نجلاء وهي تبعد يده عنها : اجل ليش ماترد علي .. لي ساعات اتصل لك وانت مطنشني .. حرام عليك لي اسبوع ما شفتك ولا جلست معك .. بتحرمني حتى من صوتك بالتلفون .. قامت واقفة بانفعال وسعود وقف معها .. مشت بتطلع من الغرفة لكنه مسك يده يمنعها .. نجلاء : سعود اتركني ابي اجلس لحالي .. سعود : اتركك وانت زعلانة علي .. ما اقدر .. نجلاء : انت اصلا مايهمك زعلي .. لو اهمك كان...... قاطعها سعود وهو يبوس يدها بحب : بالعكس ... انتي اهم .. انتي اهم من حياتي يا حياتي .. سكتت نجلاء وكمل سعود : وانا اصلا مستأذن من الدوام وجاي عشانك حبيبتي .. رفعت عيونها له وهي مو فاهمة : عشاني ؟!! سعود وهو يحضنها : لا تحسبين اني ما اشتقت لك حياتي .. انا مشتاق لك اكثر منك انتي .. لو اعيش عمري كله معك ماكفاني .. غمضت نجلاء عيونها وهي تحس بهالكلمات تزيد الحب داخلها اكثر واكثر .. سعود : ماكنت ارد عليك لأني كنت ابيها تكون مفاجأة .. وماجيت اليوم بدري الا عشان نقضي وقت سوا انا وياك .. ها شرايك ؟! ابتسمت نجلاء : تسألني عن رايي .. اكيد موافقة .. ابتعد سعود عنها وهو مبتسم : خلاص حياتي .. انا باخذ دش سريع على بال ما تتجهزين .. نجلاء : ان شالله حبيبي .. طلع للحمام وهي بدت تلبس .. من زمان كانت تنتظر مثل هالطلعة معه .. وخلال اقل من نص ساعة كانوا جاهزين .. طلع سعود من الغرفة بعد مالبس بدلة ولقى نجلاء جالسة بالصالة ولابسة عبايتها تنتظره .. سعود : يالله حياتي .. وقفت نجلاء بمرح وراحت لها وهي مبتسمة بعذوبة : ذراعك لو سمحت .. وقف سعود لحظة ساكت مب فاهم .. بعدها ضحك ومد لها ذراعه .. ونجلاء بمرحها شبكت ذراعها فيه .. .. نجلاء : اووكي ... مشينا .. سعود : ههههههههههه ... ------ اندق الجرس في بيت ابو فهد .. وام فهد اللي كانت بالصالة طلبت من نايف يروح يفتح .. ام فهد : نايف رح شف من اللي عند الباب .. وقف نايف المسنتر دايما عند البليستيشن لعبته وطلع يركض برا .. وبعد اقل من دقيقة رجع يدخل وهو يلتفت وراه .. نايف : يمه هذي مها بنت ابو فواز جيراننا .. ام فهد : خلها تتفضل .. مها وهي تدخل : نايف فيه احد .. نايف : مافي احد مافي الا امي .. دخلت وهي تشيل الطرحة عن وجهها : السلام عليكم .. قامت ام فهد واقفة : وعليكم السلام .. حيا الله من جانا .. راحت مها وسلمت عليها : شخباركم خالتي .. ام فهد : بخير شلونكم وامك شلونها ؟ مها : بخير وتسلم عليك والله .. ام فهد : الله يسلمها ... تفضلي مها .. اكيد جاية تبين ندى .. ابتسمت مها بشوية انحراج : ايه والله خالتي .. جاية اسلم عليها .. انا دقيت عليها اليوم العصر وقلت لها وقالت لي تعالي .. ام فهد : اها .. الحين نناديها لك .. مع انها المفروض تجي تستقبلك .. بس هالبنت الله يهديها .. سكتت مها وهي تفكر .. شلون تفكر او تذكر تستقبلني وهالشوق عندها .. ام فهد التفتت لنايف ولدها : نايف رح ناد اختك .. قلها ضيفتها وصلت .. نايف اللي كان معطيهم ظهره تأفف .. وبنفسه يقول .. والله ابتلشت .. مافي احد يعرف يلعب زين بهالبيت .. وبعدين هذي شجابها .. اذا ندى ماتحبها ليش تعزمها .. نايف وهو يتصنع الرضى ويقوم : ان شالله .. طلع فوق ودق الباب على اخته .. ندى اللي كانت تكلم المجروح بالشات مثل عادتها بالفترة الأخيرة ارتبكت على بالها امها .. ندى : مين ؟ نايف : انا نايف .. ندى : شعندك ؟ نايف : ترا مها وصلت وامي قالت لي اناديك .. تنهدت ندى بارتياح : طيب طيب شوي ونازلة بس بغير ملابسي .. حست باخوها يروح ويبعد ورجعت تكلم المجروح .. المجروح : حكاية وين رحتي .. حكاية احساس : معك .. بس لازم اتركك الحين .. جتني ضيفة .. المجروح : طيب ومتى اقدر اشوفك .. حكاية احساس : ممكن اليوم بالليل .. او بكرة .. المجروح : اووكي .. اشوفك غناتي .. ابتسمت ندى برضى وودعته ببعض ابيات الشعر .. وقفلت النت وغيرت ملابسها وهي تتأفف كل لحظة والثانية .. كانت قد نست ان مها بتجيها .. مع ان مها مالها ساعتين متصلة .. بس الوقت اللي خذاها وهي تكلم المجروح نساها .. نزلت تحت ولما دخلت شافت مها تسولف مع امها .. ندى وهي مبتسمة : اهلين مها .. منورتنا .. قامت مها وهي تبادلها الابتسامة وسلمت عليها وبعد اخذ الاحوال .. ندى : مها تبينا نجلس هنا ولا فوق بالغرفة .. مها : عادي اللي يريحك .. بس اخاف نقعد هنا ونزعج خالتي ام فهد .. ام فهد مبتسمة : ابد خذي راحتك .. انتي منا وفينا .. كانت مها تتمنى انها تروح للغرفة فوق .. لان ندى نزلت ويدينها فارغة .. الجوال مو معها معناته خلته فوق بالغرفة .. مها : انا اقول فوق احسن .. عشان ما نزعج احد .. ندى : اوكي اجل .. انتي اطلعي فوق لغرفتي .. وانا بروح للمطبخ بجيب لنا شي نشربه .. انتي ضيفة لازم نضيفك .. مها ضحكت باصطناع : ههههههه .. عادي اذا يتعبك مو لازم .. قاطعتها ام فهد : لا لازم .. مهما كان انتي ضيفتها .. ندى : خلاص اجل اسبقيني لفوق .. راحت ندى ناحية المطبخ ومها رقت الدرج .. وبنص الدرج سمعت احد يتنحنح فبسرعة لفت الطرحة وتغطت .. كان فهد هو اللي نازل .. لابس بدلة وقبعة من الستايل الكلاسيكي اللي ذوب مها بمكانها .. فهد نزل الدرجات وهو مقطب لأنه ماعرفها اما مها بعدت شوي عن طريقه وابتسمت بفرح لأنها شافته .. مها بنبرة ناعمة : شلونك فهد ؟ فهد شك انها مها : الحمدلله بخير .. شلونك انتي ؟ مها ذاااب كلها بالأرض .. ما صدقت انه قاعد يكلمها : تمام .. فهد : عن اذنك .. وكمل طريقه نازل .. مها شافت الجوال بيده .. ان ماوصلت لك يافهد ماكون مها .. وبعلمك انا من اكون .. طلعت فوق لغرفة ندى ودخلت .. اما فهد سأل امه : يمه من هي هذي .. مها ؟ ام فهد : ايه هذي مها بنت ابو فواز .. فهد وهو يتلفت يمين وشمال : يمه وين شوق اجل .. ما شفناها اليوم ؟ ام فهد تنهدت بحيرة : والله ياحبيبي انا مثلك مستغربة .. ما شفتها اليوم .. من امس وهي حابسة نفسها بغرفتها لا فطور ولا غدا .. حالها مو عاجبني من كم يوم .. الظاهر العيشة عندنا ماعجبتها .. فهد تفاجأ من هالاحتمال اللي ماخطر على باله ابدا : لا يمه وش هالكلام .. ام فهد : انا اقول يمكن .. معد صارت تقعد معنا كثير ولا تكلم احد كثير .. اغلب وقتها بغرفتها .. الوضع هنا ماعجبها .. فهد : يمه لا تقولين مهما كان حنا اهلها الباقين لها .. ام فهد : والله ما ادري هذا اللي اشوفه فهد سكت فترة : طيب يمه انا طالع تامريني بشي ؟ ام فهد : مايامر عليك عدو .. رح والله معك .. طلع فهد من جهة وندى طلعت من المطبخ من جهة ورقت لغرفتها .. مها فسخت عبايتها وحطتها على وحدة من الكراسي مع الشنطة .. طلعت الجوال بسرعة وتلفتت تدور عن جوال ندى .. كانت الغرفة شوي حوسة .. لفت بعيونها عالغرفة كله بس ما لقت شي .. عالكومدينه .. عالتسريحة .. عالمكتب وجنب الكمبيوتر بس ما لقت .. بهاللحظة دخلت ندى عليها وحاولت تبين طبيعية .. ندى وهي تحط صينية العصير على طاولة بنص الغرفة : تفضلي مها .. بروح انادي شوق .. مها وهي تحاول تبين لطيفة : ايه صدق وينها ليش مانزلت .. ندى مبتسمة : والله هي تعبانة هاليومين .. جعله دووم ان شالله مريضة ومعد نشوفها هالدخيلة ... زادت ابتسامة مها المتصنعة : سلامتها ما تشوف شر .. ندى : الشر ما يجيك .. وقبل لا تطلع ندى من الغرفة خطرت فكرة ببال مها بشكل خاطف .. مها : ندى .. ندى وهي تلف لها : هلا .. مها : امم .. ممكن جوالك شوي .. جوالي مفصول .. وامي طلبت مني ادق عليها واطمنها اني وصلت عندك .. فهمت ندى وهزت راسها برحابة صدر : ايه اكيد مافي مشكلة .. طبعا مها كانت تكذب جوالها مو مفصول بس استخدمته عذر عشان تاخذ رقم فهد .. ندى راحت عالكومدينه تدور جوالها بس مالقته .. حاست عليه ببقية انحاء الغرفة .. ندى : وين ذلف .. ( ابتسمت ) تدريني دايما انسى وين حطيته .. راحت لحوسة اللحاف والمخاد عالسرير ولقت الجوال مدفوق بينهم .. ندى وهي تضحك : لا تلوميني .. لا تاخذين بخاطرك على هالحوسة .. مها : لا ولا يهمك .. حطت ندى الجوال عالكومدينه والتفتت لها : مارح تكلمين الا لما تشربين عصيرك .. انصاعت مها وخذت لها كاس وقعدت على وحدة من الكراسي .. وندى طلعت من عندها وراحت لشوق وخبرتها .. شوق بدون نفس : وهذي شجابها الحين ؟ ندى : شفيك شوق .. تراها سألت عنك .. التفتت شوق لها بعدم تصديق : سألت عني .. شتبي ؟ ندى : جاية تسلم وتجلس معنا .. اهم شي روحي عندها الحين لا تقعد لحالها وانا بنزل شوي للمطبخ وبجي .. شوق بضيق : ندى ترا مالي خلقها هذي الحين .. ندى : معليش .. بس تصدقين احسها اليوم متغيرة تضحك وتتبسم وحتى بكلامها مؤدبة غير عن قبل .. شوق : ان شالله دوم مثل ما تقولين .. ندى : طيب قومي اقعدي معها لما اجي .. قامت شوق منصاعة .. اما مها قعدت تشرب كاسها بسرعة وعينها على جوال ندى .. حطت الكاس وراحت للجوال وهي مرتبكة لا يدخل عليها احد ويشوفها .. بسرعة وبارتباك طلعت اسم فهد وسجلت رقمه بجوالها .. وانتفضت لما سمعت الباب ينفتح .. رفعت راسها لقتها شوق واقفة ويدها على مسكة الباب وملامح وجهها عابسة وجامدة .. ونظراتها على جوال ندى بيدها .. بعدها رفعتها لمها .. كانت نظرات غريبة اربكتها .. مها تحاول تلطف الوضع : قاعدة اتصل على امي .. شوق وهي تدخل وتسكر الباب وراها : تفضلي خذي راحتك .. مها وهي تحاول تضبط اعصابها : لا بس تراني استأذنت من ندى .. عشان بس ماتقولين استخدمت الجوال بدون اذن .. راحت شوق وجلست على طرف السرير ونظراتها الغريبة اربكت مها اكثر واكثر : خذي راحتك .. حتى لو ما استأذنتي .. ندى مارح تخالف .. هزت مها راسها مبتسمة وهي تأشر بالجوال بيدها : طيب عن اذنك بكلم .. دقت على امها وخبرتها .. وامها استغربت حرصها انها تخبرها .. بس مها لازم تسوي كذا عشان يبين كل شي طبيعي .. رجعت الجوال عالكومدينه وراحت لصينية العصير وخذت كاس عصير ثاني وقدمته لشوق : تفضلي .. ناظرتها شوق لحظة مستغربة من تصرفاتها .. خذت الكاس وهي تشكرها .. مها : سلامات .. قالت لي ندى انك تعبانة .. شوق : الله يسلمك .. تعبانة شوية بس .. رجعت ندى للغرفة ومرت ثلاث ساعات وهم سواليف الا شوق اللي كانت اغلب الوقت صامتة وتسمع بس واغلب الوقت تسرح وتشوف ساعة يدها كل فترة والثانية .. كانت تحسب الساعات والدقايق والثواني اللي بيوصلون فيه خالتها ايمان وعيالها .. بكرة بيوصلون .. ما تقدر تصبر لما يجي بكرة .. تبي تطير لهم طيرااااان .. مها انتبهت لها وسألت بهدوء : شفيك كل شوي تشوفين الساعة .. يعني لهالدرجة تبيني اروح .. مثقلة عليك انا ؟ رفعت شوق عينها لها وهي مستغربة من تحليلها للموضوع بهالشكل .. شوق ببرود : احد قال انك مثقلة علي ..؟ مها : شكلك يقول .. ابتسمت مها بتصنع ابتسامة واهية ساخرة .. اكيد ماتبيني .. شكلك يقول .. بس انا اوريك .. ندى ضحكت تلطف : مها لا بالعكس .. انا اعرف شوق .. هي تنتظر بكرة يجي عشان خالتها بتجي من الشرقية بيشوفونها .. ابتسمت شوق لأن ندى فاهمتها .. شوق : هذا هو السبب .. مها هزت راسها وهي مو مقتنعة : اهاا .. شافت مها ساعتها وقامت واقفة : يلله بنات انا بروح امي موصيتني لا اتأخر .. وقفت ندى معها اما شوق ظلت جالسة عالسرير .. خزتها مها بنظرة يعني قومي واقفة وودعيني زي الناس .. لكن شوق تجاهلت هالنظرة .. نفسيتها مرة زفت ومالها خلق تسوي أي حركة .. ندى وهي تلتفت على شوق : شوق يالله قومي انزلي معنا .. شوق : لا ندى مابي .. راحت ندى وسحبتها من يدها : قومي بلا دلع .. طول اليوم وانتي بالغرفة مانزلتي ابدا .. قومي غيري جو .. سحبتها ندى معها بالغصب وطلعوا مع مها بعد مالبست عبايتها .. سلمت مها على ام فهد وطلعوا للحوش .. شوق وقفت اعلى درجات المدخل وندى مشت مع مها لباب الشارع وقبل ما يفتحونه انفتح ودخل منه فهد .. فهد : السلام عليكم .. مها + ندى : وعليكم السلام .. ندى : فهد جاي بدري اليوم .. فهد : خلصت السهرة بدري اليوم .. وبعدين مافي فرق عن رجعتي كل يوم .. كل الفرق نص ساعة .. ( التفت عنهم شاف شوق واقفة تراقبهم وهي معقدة يدينها على صدرها ومستندة براسها وكتفها عالجدار ) .. عن اذنكم .. ( والتفت لمها ) .. وسلميني عالوالد يا مها .. مها وقلبها يدق من اسمها بصوته : يوصل ان شالله .. تركهم فهد وراح للمدخل مبتسم .. كلام امه اليوم خوفه لكن يوم شافها الحين حس براحة شوية .. شوق اول ماشافته يدخل البيت دق قلبها وتسارعت نبضاته .. ولما شافته يقبل ناحيتها حست بالحرارة تشتعل بوجهها .. لكن كل هذا مابين عليها من تعبها .. تعدلت بوقفتها ونزلت يديها .. فهد وقف عندها مبتسم : سلامات ما شفناك اليوم .. شوق بصوت مبحوح : سلامتك .. ولا شي بس تعبانة .. كانت مها تراقب فهد وهي يبعد عنهم لكن ندى نبهتها : مع السلامة مها وسلميني على رشا والماما .. مها وهي تبوسها من خدها : انشالله يوصل .. وقبل لا تطلع التفتت لفهد وشوق مرة ثانية .. ولما شافته يتكلم ويتبسم معها حست بناار تشتعل بداخلها وغيظ كبيير .. واللي شافته خلاها تصر عالخطوة المقدمة عليها .. طلعت مها وندى راحت لشوق وفهد : من تحشون فيه .. شوق : ما نحش في احد .. فهد : نحش فيك انتي .. شهقت ندى : وليش ان شالله تحشون فيني .. ماعجبتكم انا ولا ماعجبتكم .. فهد يعاند : لا ماعجبتينا .. ضحكت شوق : ههههههههه .. ندى وهي تضمها : ياربي .. من زمااااان ماسمعنا ضحكتها .. ولا لا يافهد .. فهد : في هذي صدقتي .. البيت فاقد ضحكتها .. نزلت شوق راسها والحيا صبغه .. وندى التفتت لها بخبث وضربتها بخفة بكوعها .. ندى : يا بختك .. انا وانا اخته ..الكلمة الحلوة منه بالموت احصلها .. دخلت مها لبيتهم وهي تفوور غيظ وقهر.. اللي شافته اليوم ابدا مايطمن بخير .. تجاوزت الصالة للدرج بدون ماتتلفت او حتى تسلم .. ام فواز انتبهت لها واستغربت من هيئتها : وين رايحة مها ؟ وقفت مها وهي تتأفف بمكانها : معليش يمه راااسي مصدع وبروح انوم .. تصبحين على خير .. ام فواز وهي تهز راسها حسرة : وانتي من اهله يا بنيتي .. طلعت مها لغرفتها ورمت الشنطة والعباية بفوضوية عالسرير وبسرعة دقت على رقم بدور .. وصلها صوت بدور بلهفة :هلا مهوي .. ها بشري شسويتي ؟ مها بعصبية : بنفجر من القهر يابدور .. بنفجر .. بدور استغربت : ليه شفيه ؟ مها : بيذبحني هالفهد .. ياربي مايحس ..!! بدور بنفاذ صبر : علميني عاد شصار ؟ مها باصرار وقوة طغت على صوتها : بدوور .. اسمعيني .. فهد هذا لااازم اوصله مهما كان ..اللي شفته اليوم ابدا مايطمن .. بدور : طيب وش شفتي .. اول شي جبتي الرقم اللي طلبته منك ؟! مها : ايوه حصلته .. بدور : حلووو !!..الحين عطيني اياه وخلي الباقي علي .. ان ماخليت فهد لعبة بين يديك ماكون بدور .. مها وهي تحوس بالجوال تطلع الرقم : انا عارفة انك قدها وقدوود .. خذي الرقم .. ******0555 بدور : اوووكي .. وصل اخيرا مها : بدور استعجلي الله يخليك .. اللي شفته اليوم نغز قلبي .. بدور :خبريني وش شفتي ؟ مها وهي تصر على اسنانها غضب وحقد : حاسة ان شوق خذت عقله .. اليوم ماعطاني وجه ومن شافها قعد يتبسم لها ويسولف .. بدور بنبرة عدم اهتمام : طيب مها عادي .. بما انهم ببيت واحد طبيعي يصير بينهم اللي شفتيه ويسولفون مع بعض .. مها بنبرة عدم ارتياح : اتمنى يكون مثل ماتقولين .. بدور : اوكي حياتي .. احتاج لكم يوم قبل ما اقوله عنك .. محتاجة وقت عشان اتعرف عليه ويتعرف علي بعدين بخبره عنك .. مها وهي تنسدح عالسرير باسترخاء وهي مستانسة بالخطوة اللي بتسويها : انتي اعرف مني بهالأمور .. سوي اللي تشوفينه بس ياليت ما تطولين .. بدور : ابشري .. هاتامرين بشي .. مها : سلامتك .. بدور : بايوو مها : بايات .. --------- نرجع لجدة عند سعود ونجلاء .. بعد ماطلعوا من الشقة طلبت نجلاء انهم يتمشون عالكورنيش والبحر وبعدين يروحون يتعشون في وحدة من المطاعم الراقية .. سعود وقف سيارته في وحدة من المواقف عالشارع والتفت لنجلاء اللي كانت سعيدة حدها بهالمشوار : يالله حياتي .. نزلت نجلاء وبسرعة راحت وقفت جنب سعود وشبكت يدها بيده .. وبدوا يمشون ويسولفون ويتفرجون عالناس سواء كبار او صغار شباب او اطفال .. من كل الاعمار .. نجلاء وعيونها على وحدة من القوارب المزينة بأنوار ملونة وتمشي بالبحر بتألق : وش كثر احب البحر .. اعشقه .. سعود بهدوء التفت لها : أكثر مني ؟ سكتت نجلاء وابتسمت : انا من صغري وانا احبه .. مو بس اليوم .. يعني ماتوصل لدرجة انك تغار منه .. سعود وهو يلف عيونه عنها ويركز بالممشى قدامه والناس : اللي يهمني انك ماتكونين تحبينه اكثر مني .. هذا اهم شي .. نجلاء بمرح : واذا قلت اني احبه اكثر منك .. سعود بدون ما يلتفت لها : على كذا انا بسكت ولا رح اتكلم لما تكرهينه مرة وحدة .. نجلاء وهي تضحك : اكرهه ..حرام عليك فيه احد يكرهه ؟! سعود وهو يراقب مجموعة اولاد يلعبون كورة ويتراكضون ورا بعض : مافي شي بيرضيني غير كذا .. نجلاء مازالت تضحك : يا حليلك والله .. توني اكتشف الحين انك غيوور درجة اولى .. سعود : كنت اظن انك فاهمتني من زمان .. نجلاء : انا فاهمتك .. بس بعض الاحيان تتصرف بغرابة .. يعني معقولة فيه احد يغار من البحر .. سعود وه يهز كتوفه بلا مبالاة : انا ... نجلاء : هههههههههه .. سعود شد قبضته على يدها وتمتم بكلمات مافهمتها نجلاء .. نجلاء وهي تلتفت له مقطبة ومبتسمة : وش قلت ؟ سعود لازال صاد بوجهه عنها ولا التفت لها : اقول الله لا يخليني من هالضحكة .. نجلاء : متأكد انه هذا اللي قلته ؟ سعود : عندك شك .. نجلاء تضحك على اسلوبه الغريب معها اليوم : ههههههههههه .. لا ابدا عمري ما شكيت فيك ولا بشك .. سعود بدون سابق انذار : وانا عمري ما حبيت غيرك ولا بحب .. ضحكت نجلاء بخجل وحست بالحرارة بخدودها .. سعود هذا احيانا يقول كلام مايعنيه ويعنيه بنفس الوقت .. ما تقدر تفهمه بهاللحظات .. نجلاء وهي تشد يدها على يده : سعود .. التفت لها بصمت .. نجلاء مبتسمة : شفيك ..؟! سعود وهو يرجع يصد عنها : ..... مريض ..!! بلمت نجلاء ووقفت عن المشي ويدها للحين بيد سعود اللي وقف معها غصب عنه .. سعود وشبح ابتسامة على وجهه : شفيك وقفتي ؟ نجلاء بحالة صدمة تناظر فيه : مريض ..؟! ضحك سعود ورجع يمشي وهي يسحبها معه : يعني ما تدرين اني مريض ..؟ نجلاء وقفت وسحبت سعود من يده وباليد الثانية تحسست جبينه : سعود حبيبي تعبان .. نرجع للبيت ؟ زادت ابتسامته ونزل يدها وسحبها معها لمكان وجلسوا فيه .. سعود وهي يتنهد : اللي فيني قلبي .. هو اللي تعبان .. تدرين حبيبتي كل يوم اصحى الصبح والقاك جنبي اتولع فيك اكثر واكثر .. نجلاء احترررقت من فوقها لتحتها : سعووود .. خلاااص تراني احترررقت .. سعود : ههههههههههه .. نجلاء وهي تتنهد بعمق وتحطت يديها عالطاولة : وانا وش اقول .. تصدق هالاسبوع اللي مر حسيته شهر من طوله .. بس عشانك كنت غايب عني .. سعود : انا حسيتها سنة مو شهر .. كنت انتظر الدوام ينتهي بس عشان ارجع البيت واشوفك .. ولما ارجع القاك نايمة .. يكفيني ( ويستند عالطاولة مثلها ) بس اشوف وجه الملاك هذا .. نجلاء تبي تضيع الموضوع فقامت واقفة : شفيك قعدت يالله يالله قم .. فيني طاقة ابي امشي .. راحت عنه وهو قام وراها وهو يضحك .. فجأة رن تلفونه .. نجلاء اللي كانت تمشي وهي عاضة على شفايفها وودها تطير من الوناسة .. تحس قلبها قاعد يقفز فرح وسعادة .. كانت واثقة ان سعود يمشي وراها لكنها لما التفتت وما لقته استغربت .. شافته واقف قريب من المكان اللي كانوا جالسين فيه ويكلم بالتلفون فرجعت له بحيرة من المكالمة الغريبة .. سعود لما شافها قربت منه ابتعد عنها وهي تسائلت اكثر .. واضح انه مايبيها تسمعه .. فوقفت مكانها تنتظره لما يرجع .. طال انتظارها وهي تراقبه يكلم .. لاحظت عليه الانفعال وهو يتحدث ويحرك يديه بعصبية ظهرت على ملامح وجهه المنفعل .. ماكانت تسمع وش يقول بس لسبب مجهول قبضها قلبها وحست بالقلق .. رجعت لذات الكرسي وجلست عليه تنتظره .. وفيما هي على هالحال سرحت في أمور كثيرة .. من بينها البحر اللي قدامها وأمواجه .. الأطفال اللي حولها يتراكضون بكل جهة .. القوارب المنيرة بكل الالوان تشق البحر .. واهمها .. سعود والمكالمة الغريبة اللي عفست ملامح وجهه .. رجع سعود لها مبتسم وكل تعبير غريب ومنفعل كان على وجهه اختفى الحين .. اللي خلاها تقلق أكثر .. بس رغم ذلك وقفت له .. نجلاء : شفيك ؟! سعود ولا كأنه مر باللي مر فيه : انا ؟! نجلاء وهي تتمالك خوفها : ايه انت .. من كنت تكلم ؟؟! سعود وهو يرجع الجوال بجيبه : مافيني شي .. والمكالمة مو مهمة لا تخافين .. سكتت نجلاء وهي تناظره مو مصدقة وتتذكر شكله وهو يكلم : بس انت كنت....... قاطعها سعود : ماعليك ولا تشيلين هم .. ماتبين نروح نتعشى ؟! احترمت نجلاء رغبته وقفلت الموضوع : اذا تبي انا ابي .. سعود : اجل خلينا نروح .. قامت نجلاء ومشت معه جنبا الى جنب .. وهي مو قادرة تترجم هالاحساس بالخوف اللي تحس فيه .. التفتت بطرف عينها لسعود اللي ظل يمشي جنبها وهو يصفر بألحان تبحث بين ملامحه لأي تعبير للي شافته وهو يكلم .. بس كل شي اختفى .. أجل ليش تحس بالرهبة والخوف الحين ؟!.. يكفي انها مع سعود الحين .. اجل ليش خايفة ؟!.. لا يكون صاير له شي وفيه شي ولا علمني ؟!.. توها بترجع تسأله لكنه سبقها وتكلم : حياتي وين تبين نتعشا ؟! نجلاء بعد صمت هزت كتفها : .... اللي يريحك .. صاروا قريب من السيارة الحين ول واحد ركب في مكانه .. سعود بعد ماركب وسكر الباب : باخذك لمكان جديد ويقولون انها راقي وحلو نجلاء تتصنع المرح : اوكي مثل ماتبي ..!! ------------ في الجامعة كانت نفسية شوق غير عن الكم يوم اللي فاتت .. تضحك وتسولف مع اللي حولها وحاولت قدرماتقدر تكون طبيعية بهاليوم .. وماقدرت حتى تخفي حماسها عن الكل .. نوال : الشوق فرحاااانة اليووم حدها .. نوف قاطعتها : ماتدرين .. الحبايب اليوم بيجون من الشرقية .. نوال : اهااااا .. قولوا كذا من زماااان .. شوق وهي تضحك بحماس : وش اقوول وش اخلي .. مع انها كم شهر الا اني احسها سنة .. ( وقامت فجأة ).. بنات قوموا نتحرك ونمشي .. مليت وانا جالسة .. نوف بعد ماوقفت معها : انا بروح لجميلة طالبة مني مجموعة اوراق .. وبلحقكم .. شوق : خلاص اجل لما تخلصين دقي علينا .. تفرقت عنهم نوف وراحت باتجاه ونوال وشوق راحوا بجهة ثانية .. بمكان قريب كانوا مها وبدور يمشون مع بعض .. بدور تسولف على مها عن المخطط اللي بتنفذه ومها تسمع وهي مستانسة ومنشرحة عالاخير .. بدور عبقرية وحريفة بهالاشياء وبتقدم لها فهد على طبق من ذهب .. مها وهي تتنهد بحالمية : آآآخ .. متى يجي هذاك اليوم اللي يكون فيه فهد لي .. بدور وهي تضحك : قريييييب ان شالله .. لا تشغلين حالك .. مادام بدور موجودة تطمني .. مها : وانا عارفة انك بتسوينها .. سكتت مها ووقفت عن المشي لما طاحت عيونها عالبنتين اللي يتقدمون ناحيتهم ومنشغلين بالضحك والسوالف مع بعض .. بدور وقفت مع مها واستغربت .. التفتت للجهة اللي تناظر فيها .. شوق من ناحية انتبهت لمها الواقفة تناظرها .. تبسمت لها بأدب .. شوق وهي توقف قدامها ونوال جنبها : صباح الخير مها .. مها بدالتها الابتسامة بصعوبة .. ورجع قلبها يحترق من اللي شافته ليلة البارحة : هلا صباح النور .. كيفك ؟ شوق : تمااام .. مها : وينك مانشوفك بالجامعة .. ندى شفتها مرة او مرتين لكن انتي مانشوفك .. شوق تهز كتفها بسعادة : المحاضرات هاللي تحكم .. مها تلتفت لبدور : بدور .. هذي شوق بنت عم ندى .. ( رجعت التفتت لشوق ) هذي صديقتي بدور .. بدور بلمت من شافت هالبنت تقبل لهم .. واللي زاد دهشتها انها صارت شوق نفسها اللي تتكلم عنها مها بشي من الحقد والكره .. شوق تتبسم لبدور : مرحبا بدور كيفك ؟ بدور ابتسمت لها بدورها : تمام كيفك انتي ؟ شوق هزت راسها برضا : ماشي الحال .. وهذي نوال ( تاشر عليها ) سلمت عليهم نوال وبعدها تعدوهم ومشوا مبتعدين .. مها لما تأكدت من ابتعاد شوق عنهم لفت لبدور : هذي شوق اللي كلمتك عنها .. واللي تبي تاخذ فهد مني .. بس انا مارح اخليها .. بدور للحين بغمرة المفاجأة اللي كلت لسانها : تصدقين .. ما توقعتها كذا .. مها تلتفت لها بسخرية : اجل شلون متوقعتها حضرتك ؟! بدور وهي تلتفت للجهة اللي مشت فيها شوق وترجع لمها وبوجهها شي من الانبهار : جناان ..!! .. مرة مرة حلوة .... مالوم فهد .. مها وقفت بوجهها بعصبية ويدها على خصرها : وش قلتي ؟!!!... بدور انتبهت لعصبيتها : شفيك .. انا قلت رايي بالبنت .. مها وهي مقهورة حدها : ان شالله لو كانت ملاك مارح اخليها تاخذ فهد .. بوقف لها مارح اخليها .. بدور وهي تبتسم لها : وش فيك مهوي .. قلت لك بساعدك لا تخافين .. مها بشي من الخوف : اخاف عقب ما شفتيها هالكريهه تتراجعين .. بدور : افاا عليك .. انا عطيت كلمتي .. ووعدت .. بعد الظهر الكل قعد عالغدا وتغدا الا شوق ماحضرت .. ابو فهد كان ملاحظ هالشي لكنه كان ساكت ولا علق .. ندى كانت ساكتة وخايفة لا يسأل ابوها عنها ماتدري وش بتقول لأنها ماتدري وش السبب اللي يخلي شوق تتغيب عن سفرة الغدا غير السبب ذاك ... حتى ندى ماكانت ملاحظة عليها السعادة اليوم لأن الوقت ماسمح لهم يلتقون بالجامعة ولما رجعوا للبيت توجهت شوق مباشرة لغرفتها بدون ماتشوف احد .. ابو فهد من كم يوم قرر يتكلم مع شوق بس حب يسأل ندى بالأول .. فبعد الغدا طلب ابو فهد من بنته تلحقه عالغرفة .. ندى في البداية استغربت ابوها يطلبها على انفراد .. بس بالنهاية تبعته ودقت باب الغرفة .. ابو فهد : تعالي ندى .. دخلت ندى وشافت ابوها جالس في الجزء من الغرفة الموجود فيه المكتب .. يطرق باصابعه عليه ويفكر .. ندى وهي تتقدم : سم يبه بغيت شي .. ابو فهد وهو يوقف ويتكلم بهدوء ورزانة : ندى انتي تعرفين وش فيها شوق ؟ ندى تبلعمت : انا ؟ ابو فهد وهي يأكد وبنبرة هادية مربكة : ايه انتي .. انا عارف ان فيها شي وانها متضايقة من فترة لكن السبب هو اللي اجهله .. فاجلسي الحين وعلميني بكل شي .. احد مضايقها بهالبيت ؟ ندى : لا ابدا .. بس ... او فهد يحثها عالمتابعة : بس ايش ؟ ندى كانت تفكر من فترة انها تخبر ابوها يحط حد عاللي يصير لشوق .. ووصلت لقناعة انها لازم تقوله .. والحين بعد .. ندى بهدوء : متضايقة عشان عمي .. ابو فهد مارد وسكت .. من شاف صورة اخوه وهو يشك بهالسبب .. ابو فهد : اجلسي وعلميني .. بعد ربع ساعة طلعت ندى وسكرت باب الغرفة وراها .. الحين حست براحة بعد ماطلعت كل اللي بقلبها لابوها .. بس شي واحد خايفة منه .. اذا درت شوق وش بتقول .. هي حذرتها من قبل لا يوصل شي لعمها.. بشكل تلقائي توجهت لغرفة شوق من طاريها اللي مر ببالها .. دقت الباب ووصلها صوتها .. شوق : تفضلي .. شي بنبرة صوتها خلاها تفتح الباب وتطل براسها .. كانت شوق واقفة قدام التسريحة ومتكشخة كشخة كاااملة .. قطبت ندى ودخلت وسكرت الباب وراها .. ندى وهي تتقدم مستغربة ومذهولة بذات الوقت : شووق .. وش قاعدة تسوين ؟؟ شوق وهي تحط غلوس : اللي تشوفينه .. ندى وهي تشوف ساعة يدها : الحين ؟؟! شوق : ايه الحين .. خلاص دخل العصر الحين .. ندى : ايه بس على بال ماتوصل خالتك يبيلها ثلاث ساعات .. مو هي قالت لك انها بتوصل عالمغرب .. شوق وهي تلتف لها بحماس : قالت .. بس خلاااص ما اقدر متحمسة حدددي .. مشتاقة لهم ماتتصورين كيف .. ندى تذكرت الكلام اللي دار بينها وبين ابوها قبل دقايق : شوق .. شوق وهي منشغلة تضبط تنورتها ردت بدون ماتلتفت : هلا .. ندى وهي تعبث بأشياء مختلفة عالتسريحة تبعد عينها عن عين شوق : بقولك شي بس اخاف تزعلين مني .. شوق رفعت عينها : وش فيه ؟ ندى : تراني علمت ابوي بكل شي .. شوق وهي مب مستوعبة رفعت راسها : علمتيه ... عن وشو ؟! ندى اختصرت : عنك ... شوق وكأنها اللي توها اتوعت من صدمة : علمتيه ... ليش ؟! ندى تحاول تبري نفسها : وش اسوي هو اصر علي اخبره ... وبعدين ( تحولت لنبرة اكثر جدية ) .. لا تحسبين ابوي ماكان حاس .. تراه حاس بكل شي يا شوق ... بس ساكت .. شوق سكتت .. ماعرفت وش تقول او وشلون تفكر .. هذا الشي الوحيد اللي كانت تتمناه مايصير وبهالوقت بالذات .. لانها تعرف و مقتنعة انه بيسويلها مشاكل مع عمها هي بغنى عنها .. وراح تتفسر تصرفاتها وضيقها على انها عدم رغبة او عدم رضا بالعيش بهالبيت .. تفسير راح يكون بنظر عمها بهالشكل .. رجعها صوت ندى للواقع : وبصراحة شوق .. انا حسيت براحة يوم علمته .. عالأقل يلاقي حل او يتصرف .. سكتت شوق وهي تسرح .. وش دراك انتي .. انتي الحين طيحتيني بمشكلة .. شلون بواجه عمي ووشلون بيفهمني .. رجع صوت ندى : ترا هذا لازم كان يصير من زمان .. شوق وهي تهز راسها بحسرة : الحين انتي ورطتيني .. ندى بدهشة : ورطتك .. أي ورطة .. مافي ورطة ولا شي .. شوق وهي تلف عنها وتبعد : مارح تفهمين .. شلون بواجهه الحين .. ندى : أي ورطة واي خرابيط .. شوق بضيق : ولا شي ولا شي .. ندى : شوق ترا عادي ابوي كان لازم يدري .. شوق : ............. ندى : شوفي انا اللي علي سويته .. ومثل ماقلت لك هو اللي اصر واجبرني اقوله .. شوق معطيتها ظهرها وساكتة .. ندى رجعت لنبرتها المرحة : اوكي مادامك انتي لبستي انا بعد بروح البس .. ما ارضى تكونين احلى مني .. ما تدرين يمكن خالتك تخطبني لولدها مشعل .. ابتسمت شوق غصب عنها رغم انها مازالت معطيتها ظهرها .. حست بالباب يتسكر فرجعت للتسريحة وهي تفكر .. ماتبي تنشغل بأي شي ثاني كل اللي ببالها الحين شلون بتستقبل خالتها .. كل ثانية وكل دقيقة تمر تحس بالوله والحنين اكثر .. بس ندى بتصرفها هذا ورطتني .. ماني مستعدة لأي مواجهات الحين .. وعمي اخاف يزعل .. تراجعت عن التسريحة خطوتين وتأملت نفسها ويديها على خصرها .. مرة يمين ومرة شمال تتطمن عالشكل العام .. تشتت فكرها الحين مابين التفكير بخالتها الجاية بالطريق وبين عمها اللي اكيد بيواجهها ويستجوبها بأقرب وقت .. مع مرور الساعات واقتراب الموعد نست الموضوع الثاني وخلت كل تفكيرها للساعة بيدها .. كل لحظة والثانية تحسب الوقت .. ونار الانتظار ولهفة الحنين يحرقونها ببطء وقسوة .. لما جا اخيرا اتصال بالتلفون من الخالة تخبرهم انهم اقل من عشر دقايق وهم واصلين .. ندى تنزل مع الشوق الدرج : يالله شوق ... شوق وهي تشوف ساعتها كل شوي وبارتباك .. ندى تضحك : ههههههههههه .. شفيك .. ابي اعرف ليش انتي مرتبكة .. تراها خالتك .. شوق : وهي عشانها خالتي ما شفتها من زمان .. احس لي سنين ماشفتهم .. مو كأنها كم شهر .. ندى بتململ سحبتها معها : بلا دلع يلللااا ... وقفت قدام وحدة من الكنبات ودفت شوق من كتفها لما طاحت قاعدة عالكنبة وهي تضحك .. ندى وهي تهز اصبعها بوجهها : اقعدي .. لما يوصلون .. تراك توتريني .. حسوا بحركة جاية من فوق فالتفتوا كلهم شافوه فهد نازل .. عطاهم وهو ماشي نصف التفاتة وابتسامة جانبية سريعة وراح ناحية المجلس .. ندى : شفتي .. حتى فهد يضحك عليك .. نزلت شوق عيونها بانحراج .. فعلا كنت مبالغة بتصرفاتي لدرجة ضحكت فهد علي .. فهد اللي احسه قريب مني وبنفس الوقت غريب .. فهد اللي اضيع بنظراته لما تطيح عيني بعينه .. واللي يخفق قلبي لما يبتسم .. واللي بعد يعتبر غموضه لغز بالنسبة لي .. أتمنى القى له جواب .. ندى : ياااهوووه .. ( وتلتفت لناحية الباب المؤدي للمجلس وين كانت عيون شوق ) انتفضت شوق من صوتها العالي : وجع شوي شوي لا تصارخين .. ندى وهي ترجع تلتفت لجهة باب المجلس : وين سرحتي ترا فهد راح من زمان .. احمر وجه شوق وقامت رايحة للباب : انطمي .. كنت افكر بخالتي .. ندى وهي تلحقها : تعاااااالي .. لسا مابعد جوا .. شوق وهي تفتح الباب شوي وتطل بنص جسمها ونظراتها لباب الشارع وبسرعة تتراجع لداخل : ما كأنهم تأخروا .. ندى تتهزا : " من كأنهم تاخروا " .. الا انتي اللي مدري شفيك .. راحت راحت شوق ماشية للكنبة بس دق الجرس .. وشهقت وهي تمسك ندى من ذارعينها وهتفت بلهفة : جوا ..!!.. ندى جوا .. ( التفتت لنايف اللي توه نازل ) نيووف رح افتح الباب .. بسرعة نيووووووف .. طار نايف برا استجابة لشوق اللي تعلق عيونها بالباب من بعده ويديها مضمومة لبعض .. ندى تراقبها باستغراب .. مو معقولة مو لهالدرجة عاد .. ندى : شوق.... لكن شوق ماسمعتها قاطعتها وهي تمشي لناحية الباب .. ولبرا .. بنفس اللحظة اللي فتح فيها نايف الباب .. ومن وراه دخل منه اللي كانت شوق تنتظره وتتمناه وتحسب بالساعات والدقايق حلول هالموعد وهاللحظة بالذات .. الحرمة لما سلمت على نايف حانت منها التفاتة لباب المدخل او بالأحرى للبنت الواقفة هناك .. ومن بعدها ابتسامة عذبة حنونة .. شوق ماصرخت ولا حتى ركضت نزلت الدرجات بهدوء واضطراب وعيونها مافارقت خالتها كأنها مو مصدقة اللي تشوفه .. تسمرت مكانها لما تقدمت لها خالتها وهي فاتحه ذراعينها لها .. ايمان : شلونك يا نظر عيني ؟! شوق ماردت وظلت عيونها الدامعة على وجه خالتها تتفحصه بتمعن وبدون تصديق .. وأخيرا تقدمت خطوة وارتمت بحضنها تبكي وتعبر عن حنينها .. ايمان وعيونها تدمع من الفرحة : يابعد قلبي ياحبيبتي .. شوق وهي دافنة وجهها بصدر خالتها : خالتي .. جيتي .. ماصدق اخيرا جيتي .. مشتااقة لك ياخالتي .. لا تتركيني مابي اخسرك انتي بعد .. ( رفعت وجهها المغسول بالدموع وهامت نظراتها بوجه خالتها ).. خالتي .. لا تروحين عني خذيني معك .. خذيني مابي أجلس .. قطعت كلامها وكملت بكيها وهي ترجع تدفن وجهها بحضن ايمان .. ضمتها ايمان لحظتها مرة ثانية وهي تسمي عليها .. من جهة ثانية كانت ندى واقفة عند شباك الصالة وكشف لها عن كل شي وكل شي انقال وخاصة من ناحية شوق .. اللي قطع عليهم هاللقاء الحامي صوت بنت من وراهم .. هديل : وانا مالي حق .. اشتهيت اصيح معكم .. بعدت شوق وجهها عن خالتها وناظرت فيها نظرات رجاء .. والتفتت لهديل الواقفة وراهم هديل بأسلوبها المرح العفوي المعهود : شوق ياشووق عيوني لك .. ضحكت شوق وراحت ضمتها بقوة وبكت مرة ثانية .. هديل تمثل انها مخنوقة : شوووق .. بموووت .. آآه .. ابي اتنفس .. ما أقدر .. بموت .. يمه ساعديني .. يمه بتذبحني .. يمه بعديها عني .. آآآآآآآآآآآآع !!! شوق انقلبت للضحك : ههههههههههههه ..!! وبدال ماتفكها زادت عليها .. هديل : فكيني .. امزح انا اصلا ما اشتقت لك .. والحين بقول لمشعل يرجعني للشرقية .. بعدت شوق فجاة وحطت عينها بعين هديل وهي ماسكتها من ذراعينها : وتاخذيني معك ..!! هديل : آخذك معي ؟!... هذي السااعة المباااركة .. ابتسمت شوق مرة ثانية وضمتها ضمة سريعة .. هديل : اووف .. !!... يالدبا سمنتي .. بغيت اختنق .. شوق وهي ترجع تمسك يد خالتها اللي كانت تراقبهم بفرح :ما صدق ياخالتي انكم عندي الحين .. ايمان : وانا بعد .. الحمدلله انك بخير وعافية .. شوق : تفضلي خالتي البيت بيتك .. دخلوا الصالة واول وحدة استقبلتهم كانت ندى .. عرفتها عليهم شوق وعرفت هديل بعد اللي كانت بعمر ندى او اكبر منها بشوي .. ومن بعدها سلمت ام فهد اللي قومت البيت وقعدته بالترحيب .. ام فهد : منورينا بالرياض يام مشعل .. هذي الساعة المباركة . ايمان بعد ماجلست وارتزت شوق جنبها : منورة باهلها .. ام فهد : وين مشعل اجل لا يكون برا مادخل .. تدخل نايف اللي توه جاي من المجلس : دخل بالمجلس يمه ومعه فهد .. رجعت ايمان تلتفت لشوق تملى عينها منها : المهم شخبارك يالغالية .. شوق ابتسمت بفرح : دامني شفتكم انا بخير .. تدخلت ندى وهي تطالعها بخبث : لو اقولك وش كانت تسوي قبل لا تجون .. حالتها كانت حالة .. كل شوي تسألني ندى شكلي زين .. ندى ما كانهم تأخروا .. ندى شوفي الساعة كم .. نزلت شوق راسها وهي تضحك ومعها ضحكت ايمان .. ايمان صغيرة بالعمر في بداية الأربعينات من عمرها .. 43 سنة تقريبا او اكثر بشوي .. لذا كانت صديقة مقربة لأم شوق قبل لا تكون خالتها واللي تصغرها تقريبا ب 3 سنين .. وعشان كذا هي تعز شوق وتحبها بشكل كبيييير .. بدت الضيافة وشوق الدنيا مو سايعتها تحكي لخالتها عن دراستها والجامعة وعن عمها اللي ماقصر وأكيد عن بنت عمها ندى .. ومانست طبعا ام فهد وعيال عمها البقية .. لما جا وقت العصير فضلت شوق تقوم نفسها بالتقديم لذا تركتهم وراحت للمطبخ وام فهد راحت تعد البخور .. وبقت ندى مع ايمان وهديل اللي بدوا يندمجون بالسوالف مع بعض .. ايمان استغلت وجود ندى لحالها وسألتها .. ايمان : حبيبتي ندى .. ندى : سمي خالتي .. ايمان : شخبارها شوق عندكم ؟!.. ندى : طيبة الحمدلله .. ايمان : يعني ما كانت متضايقة .. انا لما اتصلت وكلمتها من يومين ماكانت صوتها عاجبني ولما شفتها اليوم بعد ما عجبتني .. صاير فيها شي ؟! ندى فضلت تقولها بكل اللي صار : من كم يوم بس انقلب حالها .. ايمان باهتمام : شلون .. مضايقها شي ؟! ندى : لا .. بس بالفترة الأخيرة صارت تبكي كثير وتقعد بغرفتها اغلب الوقت .. كله عشان عمي .. كانت حالتها حالة .. هزت ايمان راسها بتفهم : يعني كانت دايما تبكي ؟! ندى : بصراحة اكثر من الكثير .. سكتت ايمان لحظة وهي تفكر .. وبادرتها ندى : صراحةً خالتي .. اللي يشوفها وهي تبكي يقول عمي توه متوفي امس مو من كم شهر .. ايمان وهي تبتسم بحزن لذكرى صالح : ومن قالك انها صاحت يوم توفى ؟! ندى ما فهمت : شلون ؟! ايمان بهدوء : قالت لك هي انها صاحت يوم توفى ؟!.. ندى وهي تحاول تتذكر كل شي قالته شوق يوم وفاة عمها : لا .. بس لما كانت عنده قبل لا يموت .. ايمان : شوق يا ندى ما صاحت ولا بكت .. ولا حتى دمعت .. ومرت بحالة صعبة لما توفى عمك .. مرت بحالة كآبة شديدة لدرجة انها ماعرفت حتى تصيح وتعبر .. حاولنا نكلمها عشان تطلع كل شي مكبوت داخلها بس ماعرفت .. لدرجة يأسنا وتركناها بكيفها .. وقلنا ان كل شي داخلها بيطلع بوقته .. لكن انتظرنا وانتظرنا ولا صار شي وزادت حالتها سوء اكثر .. لما جا ابوك وخذها من عندنا ومن بعدها ماعرفنا وش صار فيها .. ندى فهمت الموضوع الحين : لاحظت عليها .. كانت حتى بالليل تقوم من النوم وتصيح ولما أسألها تقول ابوي .. ايمان بحزم : وعشان كذا انا باخذها عندي لفترة اراعيها .. كنت اتمنى اكون جنبها واساعدها لما تبكي وتعبر .. ندى ما استوعبت : بتاخذينها ؟!.. ايمان وهي تهز راسها : ايه .. اذا ما عندكم مانع .. شوق تحتاج تكون عندي لفترة وتكون بالمكان اللي عاشت فيه من قبل .. ندى بعد صمت وهي تفكر وتتكر الكلام اللي قالته شوق لخالتها لما استقبلتها بالمدخل : اذا هذي رغبة شوق انا ماعندي مانع .. بس طبعا لازم تاخذ راي ابوي .. ايمان : ما اعتقد الوالد يرفض اذا كان هذا في مصلحة شوق .. اقبلت شوق عليهم وبين يديها صينية العصير وبعدها اتخذت مكانها جنب خالتها وهي تسألها : خالتي كم بتجلسون بالرياض ؟! ايمان وهي تبتسم بحنان وتوها بترد بس ردت عنها هديل .. هديل : كم بتجلسون ؟!.. الليلة بنرجع للشرقية .. التفتت شوق لخالتها بخوف : ليش خالتي .. اجلسوا عالاقل الى بكرة ؟! ايمان : مانقدر حبيبتي .. اليوم لازم نرجع شوق خنقتها العبرة وهي تطالع في خالتها تحاول تردها عن قرارها .. شوق : بس ياخالتي انا لسا ما شبعت منكم .. ايمان بحنية : طيب انتي مب طلبتي مني آخذك معي ؟! شوق سكتت تحاول تتذكر هي وش قالت لها بالضبط اول ما وصلت .. اذا كانت قالت لها هالكلام فهي مجنوونة .. شوق تلعثمت لأن ام فهد دخلت الصالة عندهم : ايه .. بس.... ايمان قاطعتها : لا بس ولا شي .. انا اصلا ابيك تجين عندي كم يوم .. شوق ماعرفت وش ترد او شو تقول وخاصة بوجود ام فهد وندى .. مع ان داخلها رغبة ملحة انها ترجع معها للشرقية .. ايمان فهمت سبب تردد شوق فرفعت راسها لام فهد : طبعا بعد موافقة ابو فهد وام فهد .. رفعت شوق راسها لمرة عمها تنتظر جوابها .. ام فهد تبتسم : انا مالي راي .. الشور شور ابو فهد .. احتارت شوق .. ياترا هل عمي بيوافق وخصوصا بعد اللي عرفه .. ما أظن ابدا .. ولازم اشيل هالفكرة من بالي .. لان عمي مستيحل يوافق .. خنقتها العبرة من هالفكرة بس اخفتها على طول .. لكن ايمان حست فيها وهمست باذنها من غير ما يحسون الباقين .. ايمان : لا تخافين حبيبتي .. ان رفض عمك انا بنفسي بقنعه .. شوق ابتسمت لها .. بس يظل الخوف بقلبها من رفض عمها المؤكد .. جا وقت العشا اللي انحط من بدري لأن ايمان وعيالها وراهم مشوار اربع ساعات للشرقية بالسيارة .. وبعد العشا طلبت ايمان من شوق تكلم عمها وتطلب منه .. شوق : بس خالتي اخاف يرفض .. ايمان : قلت لك لا تخافين .. انا بنفسي بقنعه اذا رفض .. توجهت شوق للتلفون فوق وحدة من الطاولات ورفعت السماعة وهي مترددة .. رفض عمها اكيد فليش تتعب عمرها .. دقت الرقم ووصلها الصوت .. ابو فهد : يا هلا .. شوق : مرحبا عمي .. انا شوق .. ابو فهد تهلل صوته : مرحبتين شوق .. شخباركم ؟! شوق : بخير .. ابو فهد : شخبار بيت خالتك ؟ شوق : كلهم بخير الحمدلله .. ابو فهد والحنية باينة بصوته : ها عمري بغيتي شي ؟!.. شوق وهي تتلعثم ومرتبكة : عندي طلب .. وابيك ماتزعل مني او تعصب .. ابو فهد وبنبرته الاستغراب : ازعل واعصب .. ازعل من بنت اخوي ؟!.. انيت بس اطلب وآمري وتدللي .. شوق وهي تاخذ نفس : عمي ... انا .. انا ابي اروح مع خالتي للشرقية .. ابو فهد : ........... غمضت شوق عيونها بشدة وهي ضاغطة على سماعة التلفون بقوة وتنتظر منه كلمة " لأ " ... ابو فهد بهدوء : على راحتك .. فتحت شوق عيونها وهي مو مصدقة : ي... يعني موافق ؟! ابو فهد : ايه حبيبتي موافق .. اللي يريحك سويه .. شوق للحين مو مصدقة : أكيد عمي ؟! ضحك ابو فهد : ايه حبيبتي اكيد .. اذا هذا يريحك .. شوق والفرحة غمرت قلبها : مشكوور عمي .. مشكور .. ابو فهد يضحك : انتي تامرين بس .. شوق والحماس بصوتها : يالله عمي تامرني بشي بروح اجهز اغراضي .. ابو فهد : سلامتك وانتبهي لنفسك شوق : ان شالله .. مع السلامة .. سكرت وراحت لخالتها تمسك يدها بحماس : عمي وافق ياخالتي .. ايمان تضحك : ههههههههههههههه ..!! شوق بحماس الدنيا كلها : ياللللللله يالللله بروووح اجهز اغرااضي .. وراحت تركض لفوق وايمان تضحك وهي تهز راسها .. دخلوا هديل ومعها ندى .. هديل : يمه وينها شوق ؟! ايمان : راحت تجهز اغراضها .. يبي لها وقت .. هديل وندى التفتوا لبعض .. هديل : والله ؟!.. يعني عمها وافق ؟ ايمان : دقت عليه ووافق .. ندى تحاول تبتسم ولا تبين انها متضايقة وجلست معهم تكلم سواليف م هجيل اللي مبين انها سعيدة ان شوق بترجع معهم .. مرت ساعة او اكثر .. وشوق للحين فوق .. دق جوال هديل وردت .. هديل : هلا مشعل ..ايه لحظة شوي ( والتفتت لايمان ) .. يمه مشعل .. مدت لها التلفون وردت ايمان : هلا مشعل .. ( رفعت يدها تشوف الساعة ) .. ايه خل نصبر نص ساعة ... لا بس شوق بتجي معنا ويبيلها وقت على ماتجهز حالها .. لما انتهت سكرت الجوال ورجعته لبنتها وندى قامت .. ندى : عن اذنكم بروح اشوف شوق واساعدها اذا تبي شي .. ايمان وندى : اذنك معك .. وفي طلعتها كانت ام فهد داخله ومعها صينية الشاهي .. وصلت ندى فوق ودقت الباب على شوق .. شوق : ادخلي ندى .. دخلت ندى لقتها قد خذت شنطة متوسطة رتبت فيها اغراضها وعلى وشك انها تسكرها .. ندى بابتسامة مصطنعة : خلاص معزمة تروحين ؟ شوق وهي منشغلة تسكر الشنطة : تصدقين توقعت عمي يرفض .. راحت ندى لها : عنك انا اسكرها .. تركت شوق امر الشنطة لها وراحت لكومدينتها وطلعت منها الصور ورجعت ودخلتها بجيب الشنطة مع البراويز .. ندى بعد ما سكرت الشنطة اللي مبين ان شوق حاشيتها كل شي مهم وغير مهم : كم ناوية تجلسين هناك .. شوق وهي رايحة للتسريحة تفتش بأدراجها : تصدقين مدري .. ندى : طيب والجامعة .. شوق وهي منشغلة : بكيفها لاحقة عليها .. بكلم نوال تسجلني حضور قد ماتقدر .. دقايق وكانت شوق جاااهزة حتى عبايتها شالتها بيدها ولما نزلت بالشنطة مع ندى كانت خالتها تلبس عبايتها ومعها هديل .. ايمان انتبهت لها : خلاص جهزتي كل شي .. شوق وهي تلهث : كل شي .. لبست عبايتها ومادرت الا عمر ناط بوجهها .. عمر : سووق وين بتلوحين ؟! شوق ابتسمت لها وانحنت فوقه : بروح للشرقية .. عمر مافهم : ابي الوح معك .. ندى ببرود : لا عمر مافيه .. انت بتقعد هنا .. عمر برطم : لا .. ابي الوح مع سوق .. قاطعتهم ايمان : يالله شوق طلعي شنطتك مشعل ينتظر برا .. شوق بعد ما لبست عبايتها : ان شالله .. سحبت الشنطة وراها بعد ماتغطت بالطرحة .. وعند باب الشارع لقت مشعل واقف عن سيارته ومعه فهد يسولفون واللي اول ماشافها جمدت ملامحه .. وراح يشوف وش السالفة .. فهد لما وصل عندها : شوق ؟! شوق رفعت راسها لأنها كانت منشغلة تسحب الشنطة اللي كسرت ظهرها : هلا .. فهد : وين رايحة ؟! شوق : ابد .. بس رايحة مع خالتي للشرقية .. فهد : للشرقية ؟!... لمتى ؟! شوق هزت كتفها : ما ادري .. - مرحبا شوق .. وصلهم صوت مشعل خلف فهد .. شوق : هلا مشعل .. كيفك ؟ مشعل : تمام عال العااال .. وش هالغيبات ..؟! شوق ضحكت : وش نسوي بعد .. مشعل انتبه للشنطو جنبها فعرض المساعدة وهي يتقدم ياخذها : عنك عنك .. وخرت شوي وهو اخذ الشنطة ووادها للسيارة وفهد سكت والتزم الصمت .. لما طلعوا الحرمتين ومن وراهم انطلق صراخ عمر .. التفتت شوق لقت عمر يقاوم ندى اللي شايلته بصعوبة بالغة .. ابتسمت وعورها قلبها عليه .. ركبوا خالتها وهديل وهي وقفت تشوف عمر اللي ازعج العالم بصراخه وصياحه .. ندى معصبة وتسحب عمر تسحيب : عمممممر .. وين ترووح .. مافيه تسمع ماااااافيه .. عمر وهو يصرخ بحدة : ماااااااابي ... ابي الووووح مع سووووق .. شوق تمتمت وهي تشوفه : مع السلامة حبيبي .. والتفتت لفهد الواقف معها وهمست : مع السلامة فهد .. انتبه لها فهد من سرحانه لما تكلمت وهمس بدوره قبل لا تمشي عنه : مع السلامة .. تركته بغربة مشاعره وركبت السيارة اللي تحركت بعيد ومن بعده برا الحي وبعدها برا الرياض .. لوين ماكانت ذكريات شوق وحياتها الآفلة .. الشرقية .. حبيبة القلب .. | |||||||||
  |
|
06-19-2010, 11:28 PM
| #32 (permalink) | |||||||||
|
مستشار المؤسس ~
|
رد: * غــــــــــارقـــــــــات في دوامـــــــة الحــــــــب * انا :
قمرهم كلهم الجزء 22 في صباح مغيم على غير العادة مع نسمة رطوبة تهب داخل الغرفة من الشق المفتوح بين باب البلكون والجدار .. قامت ندى من النوم وهي حاسة بالضيق .. وتحس الدنيا كلها واقفة ضدها .. اول مافتحت عيونها من النوم تذكرت ان شوق راحت .. هذي اول صباحية من كم شهر تصحى وشوق مو موجودة بالبيت .. حست بالدمعة في عيونها .. كل شي ضدها .. ليش مالها نصيب من السعادة في الدنيا .. ليش الدنيا ماتبيها تكون سعيدة ومرتاحة .. من فترة قريبة خسرت انسان عزيز بعد ماعرفت انهم مو ممكن يلتقون عاطفيا .. والحين بنت العم اللي اعتبرتها اكثر من الأخت راحت وتركتها .. تحس بالذنب .. تحس انها أساءت لشوق .. شوق ماتبينا بس هي انجبرت تجي عندنا .. كلنا ظلمناها .. أعز ثنين على قلبها فقدتهم بفترة وحدة وهذا فوق طاقة احتمالها .. تنهدت وهي تلتفت لناحية الساعة .. الساعة 11 الضحى .. وبما ان اليوم الخميس ماتدري شلون بيمر الوقت وهي فاضية ماعندها شي تسويه .. قررت تكلمها على جوالها لكنها تراجعت باللحظة الأخيرة .. تلقاها الحين مستانسة حدها وناسيتني .. ويمكن اقطع عليها وناستها .. خليني كذا احسن .. اكيد مستانسة بعد ليش ادق .. قررت تقوم تفتح النت ولما دخلت الماسنجر من المفاجأة لقت المجروح أون لاين .. كان قد أصر عليها تعطيه ايميلها وهي رفضت بالبداية .. لكن بعد كم يوم رجع يحاول يقنعها واقتنعت اخيرا .. وفيما هي كانت تغير النك نيم مادرت الا وهو يبدا المحادثة .. المجروح : صباح الخير .. حياتي كلها ضياع*ضياع : صباح النوووور والسرور.. المجروح : شلونك هاليومين ؟ حياتي كلها ضياع *ضياع : ماشية أحوالي .. ولو اني نفسيا مو زينة .. المجروح : لييييش عسى ما شر غناتي .. صاير لك شي .. ندى وعيونها تدمع للأشياء الكثيرة اللي حصلت لها : مو شي واحد ..اشياء .. تصدق اتمنى الموت احيانا .. كل اللي صار فوق احتمالي .. مو قادرة افكر زين .. المجروح : ليش حبيبتي وش صاير .. ؟ حياتي كلها ضياع*ضياع : عندي لك سؤال واتمنى انك تجاوبني بصراحة .. المجروح : تفضلي .. حياتي كلها ضياع *ضياع : انت قد حبيت ؟ المجروح : حبيت ؟ حياتي كلها ضياع × ضياع : ايه حبيت .. قد حبيت لك احد .. احد اكتشفت خيانته بس بعد فوات الآوان .. واكتشفت انه ماكان يستاهل الحب .. المجروح : انا مرة وحدة بس جربت الحب .. ندى حست بالفضول : ومتى .. ومع مين ؟! المجروح : يمكن تستغربين اذا عرفتي ؟ ندى : للحين تحبها ؟ المجروح : انتي اللي حبيتها .. ندى فتحت عيونها مستغربة : انا ؟.. المجروح : ايه انتي .. ليش مستغربة ؟ ندى : انت ماتعرفني اصلا عشان تحبني ولا تنسى اني بعد ماقلت لك أي شي شخصي عني ؟ المجروح : مو شرط اعرفك واشوفك شخصيا .. يكفي اني عرفت شخصيتك من المحادثات اللي صارت بينا .. وما اكذب عليك اذا قلت لك اني حللت شخصيتك ووصلت لنتيجة .. وشخصيتك هي شخصية البنت المفضلة عندي ندى حست بالفضول بيذبحها : وش نتيجته .. المجروح : مستعدة تسمعين ؟ ندى : مستعدة .. المجروح : اوكي شوفي .. اول شي .. طلعلي انك بنت ماتجاوزت العشرين سنة .. مرهفة الاحساس .. رومانسية .. ندى فتحت عيونها وقاطعته : لحظة لحظة لحظة .. شلون عرفت عمري انا ماقلت لك من قبل .. المجروح ضحك : ههههههههه .. لسا باقي كم شغلة بقولها .. وبعدين بقولك شلون عرفت .. ندى حست بالحماس .. حست ان هالانسان شي غريب لازم تكتشفه .. ياترا شعرف عني غير عمري .. ندى : طيب .. كمل .. المجروح : اول شي قولي .. انتي رومانسية .. ؟ ندى وهي مبتسمة : ايوه .. بنت عمي تقول وانا اشوف نفسي كذا بصراحة .. المجروح : حلووو .. يعني صح علي .. حياتي كلها ضياع * ضياع : استغرب شلون عرفت ..؟ المجروح : لسا اسمعيني .. انتي بنت مرت بتجربة عاطفية استمرت لأكثر من أربع او خمس سنين وانتهت من فترة قريبة .. والشخص اللي حبته قريب منها .. فتحت ندى عيونها عالآخر لدرجة ايقنت ان اللي قاعدة تكلمه ساحر ولا جني .. حياتي كلها ضياع × ضياع : يمه منك ..!! المجروح : هههههههههههههه .. حياتي كلها ضياع × ضياع : والله جد .. شلون عرفت كل هالاشياء ؟ المجروح : يعني صح علي ؟ ندى : مية بالمية .. المجروح : ومن دقايق اكتشفت انك تمرين بأزمة نفسية لفقد أكثر من شخص عزيز عليك .. ندى توها بتسكر الجهاز وتنحاش .. بس هونت .. وش حقيقة هالانسان وكأنه عايش معي او بالأحرى عايش بداخلي ويعرف كل شي .. ندى : هم صح اكثر من واحد .. هم ثنين .. الاول الشخص اللي حبيته واللي تمنيت اني ماحبيته بيوم من الأيام .. والثاني بنت عمي سافرت أمس .. المجروح : طيب عندي لك سؤال ؟ ندى : تفضل ؟ المجروح : وش تحسين ناحية الشخص اللي حبيتيه .. اشمئزت ندى وردت بملامح عبوس على وجهها : صراحة .. حاسة بالازداء .. مو منه .. من نفسي اللي نزلت كرامتها بالأرض .. ابي اسألك وش شعورك والشخص اللي تحبه يرفض حبك بطريقة مزدرية ومحتقرة .. المجروح : والله ماعرف وش ارد عليك .. ندى : طيب المجروح .. ماقلت لي شلون عرفت كل هالأشياء عني .. بدون محد يقولك .. المجروح : بقولك .. اول شي انا ادرس علم النفس وقريب بتخرج .. ندى باندهاش : والله ؟ المجروح : ايه والله ما اكذب .. انا مسافر ولما اتخرج برجع على طول .. ندى : وااااو .. يعني استخدمت دراستك وجربتها علي .. المجروح : ههههههههههههههههه .. بصراحة ما قدرت امنع نفسي من اني ادرس شخصيتك واحللها .. ندى بفضول : طيب شلون قدرت توصل لهالنتيجة الدقيقة وانت ماعرفتي او شفتني شخصيا .. المجروح : مو لازم .. كان كلامك وطريقة اسلوبك كلها تكفي .. كنت احيانا المس الحزن بردودك .. وكنتي بالنسبة لي تحدي لازم انجح فيه .. اذا وصلت لنتيجة دقيقة او مقاربة للحقيقة عن حقيقة شخصيتك فهذا يكفي ويثبت اني تقدمت بدراستي ووصلت لمرحلة حلوة .. والحمدلله كل اللي وصلت له كان مطابق للواقع .. وحاب اقولك بعلم النفس مو لازم تشوفين الشخص شخصيا عشان تقدرين تكونين انطباع عنه .. ندى : يعني حتى استخدمت دراستك وتخصصك عشان تعرف اشياء .. انا ماكنت بقولها بلساني لو انك طلبت مني اقولها .. المجروح : لما سألتك عن عمرك ورفضتي تقولين لي .. قلت مافيه غير هالطريقة .. وبنفس الوقت اختبر نفسي .. بس .. باقي شي واحد ماعرفته عنك ولا يمكن اعرفه الا لما تقولينه لي بنفسك .. ندى حست بالاثارة وهي تتكلم معه غير عن قبل .. اكتشفت عنه شي جديد .. انه يدرس علم النفس .. وفوق كذا مسافر يدرس برا .. واكتشف اسرار عنها بطريقته .. حياتي كلها ضياع × ضياع : وشو اللي تبي تعرفه ؟ المجروح : اسمك .. ترددت ندى انها تقوله .. هذي مو أول مرة يطلب يعرف اسمها .. بس من قبل ماكان يعرف عنها شي بس الحين هو عرف كل شي عنها وبنفسه من دون محد يقوله .. بس باقي الاسم .. المجروح : شوفي غناتي اذا ماتبين تعلميني هذا شي راجع لك ومن حقك .. حياتي كلها ضياع × ضياع : اسمي ندى .. المجروح : عاشت الاسامي .. حلو اسمك .. انا اسمي طلال .. ابتسمت ندى .. وش هالصدف .. " طلال " من الاسماء اللي تعشقها .. حياتي كلها ضياع × ضياع : ما اكذب عليك اذا قلت لك انك اسمك يعجبني مرة .. احب هالاسم .. المجروح : مستعد اعلمك عن نفسي اكثر اذا تبين .. حياتي كلها ضياع × ضياع : اذا هذا ما يزعجك .. صراحة فيني فضول .. عقب ماعرفت عني كل هذا ودي اعرف عنك .. ودي اعرف الشخص اللي قدر يوصل ويعرف اشياء .. واحد ثاني ماكان ممكن انه يعرفها .. المجروح : ههههههههههه .. هذي أسرار علم النفس .. اسمعيني حياتي كلها ضياع × ضياع : تفضل .. المجروح : اسمي طلال .. عمري 25 سنة .. ادرس بأمريكا علم النفس .. خلال كم شهر بخلص وبرجع لحبيبتي السعودية .. وخاصة الرياض معشوقتي .. خاطب من فترة قبل لا اسافر .. ماتدري ندى ليش حست بخيبة الأمل لما قرت انه خاطب .. هالشخص دخل قلبها بسرعة .. ندى : خاطب ؟! طلال : ايه خاطب من سنة .. بس تبين الصدق .. انا ناوي افسخ هالخطوبة اول ما أرجع ان شالله .. حياتي كلها ضياع × ضياع : ليش طيب ؟!.. ماتحبها انت ؟ طلال " المجروح " : الخطبة ماجت عن حب .. والبنت نفسها ماتبيني مثل ما انا ما ابيها .. ندى حبت تكتشف عنه اكثر واكثر : اجل شلون انخطبتوا لبعض وكل واحد فيكم مايبي الثاني .. المجروح : البنت وحدة من قريباتي وانخطبنا لبعض لأسباب عائلية .. لكن من فترة دقت علي خطيبتي واعترفت انها ماتبيني ومغصوبة علي .. تبين الصراحة انا ارتحت لأنها هاللي اقدمت على هالخطوة .. كنت شايل هم .. والحمدلله انها ماتعلقت فيني ولا كان توهقت .. ضحكت ندى على " توهقت" : هههههههههههههه .. المجروح ضحك معها : ههههههههه ... شفيك ليش الضحك .. حياتي كلها ضياع × ضياع : حلوة توهقت .. الله يوفقك ان شالله .. المجروح : وياك .. اقول غناتي .. حياتي كلها ضياع × ضياع : هلا .. المجروح : انا طالع للجامعة الحين .. تامرين بشي .. ندى ابتسمت : سلامتك .. ولما تكتشف عني شي جديد قولي .. ههههههههههه .. من يدري يمكن تعرف عني شي انا ما اعرفه عن نفسي .. المجروح : ههههههههههههه ... ولا يهمك .. يالله اشوفك قريب .. حياتي كلها ضياع × ضياع : مع السلامة .. سكرت الماسنجر وهي تحس بشعور غريب فقدته من زمان .. شعور بالراحة بعد ما افتقدتها الفترة الأخيرة .. سوى شي واحد نغص عليها راحتها لما مر طاري شوق في بالها .. ماتدري ليش تحس انها ظلمتها .. طول الليل أمس كانت تفكر باللي صار من جية شوق لهم لما راحت امس .. وأمس وضح كل شي .. هو ان شوق ماتبينا .. ولا تبي العيشة عندنا .. كانت حالتها البارحة وكأننا أخذناها من الشرقية وأهلها هناك بالغصب .. وأجبرناها على العيش بمكان رافضته داخل قلبها .. بس انا سويت لها كل شي حتى الأخت ماتسويه لأختها .. كنت ابيها تحب الحياة هنا وتسعد وتفرح مثل ما أنا فرحت بها .. بس كل اللي سويت عشانها ما بين بعيونها واستغلت أول فرصة عشان تبتعد .. واذا هذا يريحها بكلم ابوي يخليها تعيش بالمكان اللي حبته .. ما رح أجبرها أكثر عالحياة هنا .. never ... ماتدري شلون وصلها تفكيرها انها تمسك الجوال وتدق بعفوية على نوف اللي مباشرة ردت عليها وكأن التلفون بالأصل كان بيدها نوف : أهللللللللللللللللن .. ندى ابتسمت : وسهههههههههللللللن .. نوف : هههههههه .. كيفك ؟! ندى : زفت .. شرايك بهالكلمة ؟!.. نوف : زفت ؟!.. ليش عاد ؟ ندى تنهدت بعمق وبنبرة أسى : هالأيام كله صدمات تجي في وجهي ؟!.. نوف تأثرت بنبرة ندى : صدمات ؟!.. وشو صدماته ؟!.. ندى : نوف .. وش هو شعورك لما تكتشفين ان الناس اللي تحبينهم ما يبونك ؟!.. نوف : ندى شقصدك ما فهمت ؟!.. ندى بنبرة مالت للحزن الكبير : أعز ناس على قلبك كل واحد يجيك من جهة ويقولك مابيك .. نوف انا فيني عيب عشان الكل ما يبيني ؟!.. نوف : ندى وش قاعدة تخربطين ؟!.. منهم هذولي اللي ما يبونك ؟!.. ندى : ماتدرين وش صار أمس ؟!.. شوق رجعت للشرقية وشكلها مو ناوية ترجع ؟!.. نوف بصدمة : للشرقية ؟!!.. ندى : ايه .. تصدقين ؟!.. نوف : طيب والسبب ؟!.. زعلانة من شي ؟!.. اكيد فيه سبب !!.. ندى وهي تتنهد بعمق وضيق : صدقيني انا نفسي ما أدري .. مذكر اني سويت في حقها شي غلط .. بس تدرين الظاهر العيب فيني انا .. مو هي اول وحدة تتخلى .. قبلها احد سواها فيني بقسوة .. نوف جا على بالها انها بنت : منهي هذي بعد ؟!.. قسم بالله ما تستحي هاللي سوتها .. ( وبنبرة مرحة تبي تطيب خاطر ندى ) .. ولا فيه احد عنده هالندى اللي تسوى الدنيا ومافيها ويستغني عنها .. مجنون اللي يسويها .. ابتسمت ندى بسخرية على هالحظ اللي مو مخليها تستقر بدرب واحد .. من حبت هالاحمد وهي لها دروب كثيرة كل واحد أطول واظلم وأعقد من الثاني .. لو تدرين يا نوف انه اللي أقصده هو اخوك .. وش بيكون موقفك ؟!.. لكن انا من ذيك اللحظة اللي عرفت فيها حقيقته وانا بديت أغلف قلبي بأطنان من الحجر عشان يموت هالحب داخله وما يحيى بعد كذا .. خلاص انا مو مستعدة أتحمل أكثر أنواع العذاب اللي قاعد احمد يذوقني اياه ويتفنن فيه .. نوف بعد فترة وهي تنادي : وين رحتي ياهوو .. ماقلتي لي تبين مني شي يا حووووبي .. تغيرت نبرتها للمرح التام لأنها حست بضيق ندى اللي استمرت بالسكوت .. فكملت نوف كلامها بعد ما طرا لها اقتراح مفاجئ : طيب اقولك .. شرايك نروح للسوق ؟! ندى بعد ما استطلفت الفكرة لأنها محتاجة تبتعد عن البيت شوي : وين تبين نروح ؟!.. نوف : الفيصلية ولا المملكة ولا أي سوق .. اهم شي نطلع .. ندى : خلاص اوكي بمرك المغرب .. نوف : اوكيه .. بنتظرك ندى : مع السلامة .. سكرت ندى وظلت بغرفتها ولا طلعت .. لما مرت ساعة راحت لأمها تستأذنها انها بتطلع مع نوف .. وام فهد ما عارضت لاسيما ويوم شافت نفسية ندى اللي كانت في حالة سيئة .. ولما خذت الموافقة رجعت لغرفتها وهي ودها تفضفض لأحد أكثر .. وما تدري ليش كانت تتمنى ان المجروح أو " طلال " بالاحرى يكون اون لاين عشان تقدر تكلمه .. محتاجة لأحد يسمعها .. بس للأسف كان اوف لاين .. طبيعي هو اصلا خبرها انه بيكون بالجامعة .. وينك بس يا طلال ؟!!.. ----------- نروح للشرقية وين ماكانت شوق .. اللي حاسة ان روح جديدة سكنتها من بعد ماطاحت عينها على مشارف الشرقية .. والحين هي راكبة السيارة مع خالتها وهديل وطبعا مشعل اللي متولي القيادة .. كانت شوق قد اقترحت على خالتها انهم يطلعون بجولة في أرجاء الشرقية .. الدمام .. وطبعا الخبر مرتع طفولتها .. وعلى طريقهم مروا الجبيل .. كانت شوق في غاية السعادة وهي تتأمل كل شارع .. وكأنها تركت هالمكان من سنين طويلة وتحاول تسترجع عنه اشياء واشياء سكنت روحها وقلبها ولا يمكن تنمحي .. هديل وهم يتجولون بشوارع الدمام : اقووول مشعل .. وش رايك تمر فينا على شاطئ الهاف مون .. شوق قفزت في بالها ذكرى تتعلق بهالاسم : ايه خالتي ياليت .. مشعل تنبه لكلامها ورفع عينه لها بالمرايه الأمامية : وليش تطلبين من خالتك وما تطلبين مني ؟!.. انا السواق ولا خالتك ؟!.. احمر وجه شوق وردت بعفوية : آسفة بس خالتي هي القائد ..!!.. هديل ما مسكت نفسها عن الضحك : هههههههههههه ... حلوة القائد .. مشعل اللي ضحك بعد : والسواق اللي هو أنا وش تسمينه ؟!.. ايمان ضحكت معهم وشوق انحرجت منه اكثر : هههههههههه شفيك يا مشعل .. ماقالت شي غلط انا القائد .. شوق عضت على شفايفها بانحراج .. وصدت بوجهها ناحية الشباك تراقب صور الشارع تمر قدامها مثل شريط السينما .. مشعل : انتي على راسي وعلى عيني يمه .. بس مارح اوديها للهاف مون الا لما تقول يا مشعل لو سمحت ودنا لهناك .. شوق من قال هالكلام لفت عينها له بالمراية وطاحت على عينه .. بصمت وبدون كلام .. هديل قطعت الصمت بينهم باعتراض : لا حبيبي مو شوق اللي تترجى احد .. بتوديها لهناك غصب عليك ورجلك فوق راسك تفهم .. شوق تاج راسك ترا .. التفتت شوق لهديل وبعيونها كلمات الشكر .. بعدي والله تعجبيني .. مارح أترجاه لو ان شالله اروح لهناك على رجليني .. مشعل : أجل مافيه الهاف مون .. هديل وكأنها قرأت أفكار شوق .. وبخبالها المعهود بدت تضرب بكف يدها عالباب باستمرار : أجل وقف السيارة وقف السيارة .. وقف السيارة قلت لك .. مشعلوووو وققققققف السياااارة .. مشعل فجأة ضرب فرامل لما ضرب وجه هديل بمقعده اللي قدامها بس شوق لأنها كانت جالسة باعتدال قدرت تمسك نفسها .. ايمان وهي تسمي بالله : بسم الله .. مشعل انهبلت ..!! مشعل وهو يرفع عينه للمراية : يالله الحين وقفت السيارة ورينا وش بتسوين .. هديل بتحدي التفتت للزجاج الخلفي للسيارة وبما ان الوقت قبيل العصر كان الشارع خالي تقريبا من السيارات .. ولما تأكدت من خلو الشارع التفتت لشوق ومسكتها من يدها .. هديل : يالله شوق .. اذا ما وداك هو .. انا بنفسي بوديك .. فتحت الباب وطلعت وسحبت شوق معها .. لما صاروا ثنتينهم خارج السيارة .. ايمان تهز راسها وغصب عنها تضحك على بنتها اللي ماتدري متى بتتعدل وتترك عنها هالحركات .. مشعل بعصبية وبنفس الوقت يبي يضحك على اخته اللي ما تتوانى تسوي أي شي براسها لو كان فيه مخاطرة .. مشعل بحزم غير مقنع : هديلووو اعقلي وارجعي السيارة .. هديل وهي تسكر الباب : ماني راجعة .. واعلى مافي خيلك اركبه .. شوق ساكتة ما تعرف وش ترد .. بس هي تبي تبين لمشعل انها قادرة توصل للمكان اللي تبي من دون مساعدته .. صاروا شوق وهديل يمشون مع بعض ويديهم متشابكة .. هديل وهي تضحك : ها شرااايك ... اعجبك ها ؟!!.. شوق : انتي بصرااحة ... تححححححححفة !! مشعل اللي بدا يضحك وبدا يمشي بالسيارة جنبهم التفت لأمه : يمه شسوي فيها ؟!.. ايمان وعينها مافارقت البنات : خلك جنبهم وهديل بنفسها بتتعب وبترجع .. مشعل بقلة صبره ماقدر ينتظر اخته لما تتعب .. لأنه يعرف ان هذا بيستمر فترة طويلة بتكابر فيها هديل .. لذا فتح نافذته وطل بوجهه عليهم : خلاص خلاص .. بوديكم للي تبون .. بس اركبوا .. هديل وقفت وواجهته ويدها على خصرها : تودينا للهاف مون ؟!.. مشعل وهو يهز راسه بانصياع : أوديكم للهاف مون .. أوامر ثانية ؟ّ!!.. هديل تلتفت لشوق : شوق عندك أوامر ثانية ؟!!.. شوق تهز رأسها ببراءة : لأ .. هديل ترجع لمشعل : لأ .. مشعل يضحك : وانتي الحين صرتي الناطق الرسمي باسم شوق ؟!.. ليه يعني شوق ماعندها لسان ؟! شوق باعتراض : الا عندي .. مشعل بنفاذ صبر من وقفتهم : طيب يالله كل وحدة تركب ولا .. والله .. وهذاني حلفت ياهديل .. ان ماركبتوا خلال خمس ثواني والله والله ان امشي واخليكم وارجعوا مع تكسي .. هديل خافت لأن اخوها بهالأسلوب في قمة الجد ولو كان في وجهه آثار ضحك .. ركبوا بسرعة البرق وانطلق مشعل بسرعة أقوى حتى قبل ما تسكر هديل الباب .. هديل بغت تطيح : عمممى مشععععل بغيت اطيح .. خلاص ركبنا انتظر لما اسكر الباب .. مشعل : تحملي اللي جاك .. وداهم جهة اللي تبي شوق وتجولوا بالسيارة في الشارع المحاذي لشاطئ نصف القمر .. شوق تركت الحرية لذكرياتها ترجع في ذهنها دفعة وحدة .. أغلبها او كلها تتخللها صورة ابوها .. دمعت عيونها لكن سرعان ماجفت لما تذكرت اللحظات السعيدة اللي ياما قضتها في هالمكان .. طلبوا ينزلون ويقربون للبحر بس ايمان هالمرة هي اللي رفضت .. الوقت شمس وحر ووعدتهم يوم ثاني يجون .. رجعوا للبيت ومشعل حطهم وراح لشغل لازم يقضيه .. شوق لما دخلت البيت طرا على بالها بيت عمها وخصوصا ندى .. قررت انها لازم تتصل فيها .. فحطت عبايتها عالكنبة ومسكت السماعة وهديل بفضولها جلست جنبها .. هديل : بمين بتتصلين ؟!.. شوق : على ندى ؟!. هديل ابتسمت : ياحليلها .. تصدقين حبيتها هالبنت .. دخلت قلبي بسرعة .. شوق تبتسم وهي تتذكر وتدق الرقم بنفس الوقت : من ما يحبها ندى ؟! .. نعمة نزلت علي من ربي .. ( ضمت شفايفها وهي تاشر لها تسكت ) .. شششش .. دق الخط .. سكتت هديل وهي تراقب .. وبلحظة لاحظت تقلب خاطف في ألوان وجه شوق .. اللي خلاها تمسك ضحكتها وتتساءل .. شوق وقلبها ينتفض : الو .. السلام عليكم .. فهد بصوت عميق غامض : وعليكم السلام .. شوق وهي تحاول تسيطر على قلبها المتلخبط : كيف الحال فهد ؟!.. فهد عرفها طبعا من أول همسه : بخير .. شلونك انتي ؟!.. شوق : انا الحمدلله .. شلون عمي ؟!.. فهد ببرود : كلنا بخير .. شوق ارتبكت من بروده .. لكن سرعان ما ذكرت نفسها ان هذا جزء من طبعه : طيب .. ندى عندك ؟!.. فهد : .... لا .. قطبت شوق .. شفيه مافهم علي .. اذا مو عندك افهمها ونادها لي : طيب ممكن تناديها .. فهد : لحظة .. هذي هي نزلت .. حط فهد السماعة عالطاولة والتفت لندى اللي كانت تنزل وعبايتها عليها : ندى .. ندى وقفت وهي متوجهة للباب : نعم ؟!.. فهد : شوق عالتلفون تبيك .. سكتت لحظة وابتسمت بسخرية وتمتمت بصوت سمعه فهد : توها تذكرني الشيخة ؟!.. فهد تجاهل اللي سمعه ولا اهتم : تعالي كلميها .. ندى وهي تلف الطرحة على راسه بعجل وتتوجه ناحية الباب : قلها مشغولة طلعت .. مو فاضية لها الحين .. طلعت وتسكر الباب وراها اما فهد رجع للسماعة : شوق .. شوق وقلبها رجع للخفقان بسرعة : هلا .. فهد : ندى الحين طلعت دقي عليها بعدين .. شوق بعفوية بريئة : طيب كان قلت لها مارح آخذ من وقتها كثير .. فهد ببرود قاسي : عاد هذي مشكلتك انتي وياها انا مالي شغل .. شوق تصنمت وكانت هالكلمات شبيهه بالصفعة على وجهها .. لسانها انشل ومالقت الكلمات المناسبة عشان ترد .. شوق : ........... فهد يتنهد بصوت مسموع حسس شوق انها منبوذة وخصوصا باتصالهاهذا .. يمكن اتصلت بوقت غلط .. فهد : متى ناوية ترجعين ؟! رجعها سؤاله للواقع وردت بعفوية وبدون تفكير : مدري .. فهد : طيب تامرين بشي انا طالع .. شوق ما ارتاحت لنبرته : طيب اذا كانت ندى عندك ياليت تعطيني اياها .. فهد بأسلوب بارد جارح : قلت لك طلعت .. أكذب انا يعني .. توجهت صفعة ثانية لوجهها وقررت تنهي الاتصال : آسفة فهد .. ماكنت اقصد .. مع السلامة .. سكرت السماعة بدون ماتسمع رده .. شفيه معصب .. قلت شي غلط انا ؟!!.. ماحست بالارتياح .. قبل شوي قال لي ان ندى عنده .. وبعدها بثواني قالي انها طلعت .. ليش ما كلمتني .. لهالدرجة مشغولة ؟!.. وهو بعد شصاير له .. عمره ماتكلم معي بهالأسلوب .. شصاير في بيت عمي ؟!.. هديل انتبهت لوجهها المتغير : شوق شفيه ؟!.. شوق هزت كتفها ببراءة وحيرة : مدري .. على حسب اللي سمعته من فهد ندى طلعت مستعجلة وما رضت تكلمني .. وفهد بعد .. مدري شصاير في بيت عمي .. أخاف صاير شي هناك ..!! هديل تبي تطمنها : لا تشيلين هم .. ندى يمكن كان وراها شي ضروري وبتكلمك بعدين .. وفهد يمكن بعد عنه شي مشغله .. ماتدرين عن ظروفهم .. وبعدين انتي امس تاركتهم وش بيصير يعني .. شوق : أتمنى .. فجأة وقفوا يناظرون بعض وهم يشمون رائحة شهية .. جااية من المطبخ .. كلهم بقفزة وحدة ركضوا لمصدر الريحة ولقوا هناك ايمان تشتغل على كيكة .. هديل وهي تاخذ نفس عمييييييق : الللللللللله .. وش نوعها اللي مصلحتها ؟!.. ايمان وعيونها على شوق : الشوكليت على قولتكم .. اللي تحبها شوق .. ضحكت شوق وبشكل تلقائي راحت دفنت نفسها بحضن خالتها كشكر وامتنان .. وايمان تلمها بكل حنية وحنان .. ----------- وقفت السيارة قدام وحدة من بوابات المملكة ونزلت منها ندى ونوف .. ندى بعد ماطلعت من البيت شالت من بالها شوق على طول .. اذا هي مرتاحة هناك ليش تدق بعد .. عشان تحرق قلبي ؟؟!!!.. كلمت ندى قاسم وخبرته انها بتدق له تلفون لما تبيه يجي .. سكرت الباب ودخلوا مع بعض .. بعد ربع ساعة في الشارع المقابل كانوا اثنين يمشون مع بعض ويسولفون ويتناقشون عن مخططهم اللي ناوين يسوونه الاسبوع الجاي .. كانوا بدر وسلمان .. كل واحد يطرح آرائه على الثاني عن الخطة اللي ناوين يسوونها .. دخلوا مع نفس البوابة ومن عجائب الصدف ساروا في نفس درب نوف وندى .. ونوف طبعا ما تدري وين الله حاطها فيه تمشي مع ندى ويتحاورون بالازياء المعروضة على واجهات المحلات ومو حاسة بالشخصين اللي يشمون بنفس دربهم .. نوف بعد عشر دقايق : اووففف .. اقول شرايك من الحين ادور فستان لزواج فرح .. ندى وهي تتأمل طقم بدلة من فوق لتحت : ليش والزواج متى ؟!.. نوف : مو قبل شهور .. بس انا اقول من الحين ادور عشان ارتاح .. انتي تعرفين غثا العروس وخاصة الفساتين .. ندى : قدامك وقت طوييل .. دوري على راحتك .. نوف : انتي جاية تدورين على شي ؟! ندى : مو شي معين .. تعرفين شوق راحت وتركتني ومثل ماقلتي اطلع للسوق اوسع صدري .. نوف لفت نظرها فستان روعة معروض على واجهة احد المحلات والتفتت لندى بحماس : اقووول ندى لقيته لقيته .. تعاااالي .. وتمسك يدها وتسحبها معها وتدخل المحل .. اما بدر وسلمان كانوا قد غيروا مسارهم بالأول لكن الصدف رجعت تلعب دورها وحطتهم بنفس درب البنات مرة ثانية .. وصاروا يمشون وراهم وهم مو دارين عن شي .. دخلوا محل رجالي مقابل للمحل اللي دخلوه البنات .. بعد عدة دقائق طلعت نوف من المحل ووقفت تتأمل نفس الفستان بحسرة وهي تتأفف .. نوف : عمي يعميهم .. خمس الاف !! .. وين حنا فيه .. كلها ليلة وحدة ماتسوى خمس الاف .. ندى طلعت ووقفت جنبها : تبين رايي .. فصلي وارتاحي .. نوف : لا حبيبتي مارح افصل .. بشتري جاهز مو مستعدة للعبال والغثا .. اذا بفصل يبيلي اروح واحووس بمحلات الأقمشة .. لا خلينا عالجاهز .. اذا ما لقيت شي احلى من هذا وارخص شوي برجع اخذه لو ان شالله بعشر الاف .. أهم شي راحت........ قطعت كلامها بشهقة مكتومة وعيونها عالشخصين اللي توهم طالعين من المحل المقابل .. واحد ماسك كيس بيده والثاني يتكلم معه .. وقفوا لحظة يتلفتون وكأنهم يقررون وين يروحون .. خفق قلبها خوف لما طاحت عين بدر عليهم بشكل عفوي وبسرعة صد عنهم بدون مايعرفهم .. نوف وهي تمسك يد ندى بارتجاف : ندى ندى ندى : ها شفيك ؟ نوف وهي تسحب ندى معها بعجل : خلينا نروح من هنا .. خلينا نبعد من هنا .. ندى وهي تمشي معها : لييش ؟ نوف : بدر ... بدر هالحمار ... بدر لاحقني لين هنا ندى تمشي معها وهي مو مستوعبة : مين ؟! نوف وهي تلتفت لورا بخوف : بدرررر ... بدر ولد عمي .. الخبل .. ندى عشان تستوعب التفتت لورا ورجعت لنوف : وينه ؟! نوف وهي تاشر باصبعها للخلف : شوفيه .. ورانا .. معه واحد .. رجعت ندى تلتفت تبي تستوعب .. سلمان انتبه للبنتين اللي تعدوهم بعجل ويلتفتون لهم كل شوي والتفت لبدر : بدر .. بدر وهو منشغل يتفحص محتويات الكيس بيده : هاه .. وشو ؟! سلمان : شف هالبنتين .. كل شوي يلتفتون لنا ومسفففحين مدري شقصتهم ..!! بدر وهو يرفع راسه : وينهم ؟! سلمان رفع يده يأشر بنفس اللحظة اللي التفتت فيها نوف : شفهم هذوليك .. تتوقع معجبات .. ( قالها والضحكة بصوته ).. نوف بعد ما شافت سلمان يأشر لهم صدت بوجهها وهي مغمضةعيونها بحسرة : ياربي .. يأشر علينا .. ندى عصبت : وانتي يالغبية .. تخلينا نسرع ونتلفت لهم اكيد بينتبهون .. لو انك جالسة بمكانك مادروا عنك .. اصلا من بيعرفك بالعباية .. نوف : مالي دخل .. اهم شي نبعد عن هالديناصور ..!! ندى ما قدرت تمسك ضحكتها : ههههههههههه .. سلمان وهو يراقب البنتين : مدري شسالفتهم .. !! بدر احتدت نظراته وهو يراقب هالبنتين ويركز على هيئتهم .. بعدها ضحك بصوت عالي .. سلمان وهو يلتفت له مستغرب : شفيك .. فضحتنا ؟!.. بدر والضحكة بصوته : ياحليلها والله !! سلمان : منهي ؟!.. بدر وعيونه مافارقت البنتين : اشك انها هي .. بس خلني اتأكد .. سلمان : منهي ؟! بدر : بعدين اقولك .. تعال معي .. مشى بدر وسلمان تبعه .. بدر : اسمع .. خلنا نلحقهم بس بدون مايدرون ان حنا قاصدين .. سلمان : شعندك .. خلهم يروحون بحال سبيلهم .. بدر : شششش .. انت بس الحقني وانا بعلمك .. نوف وندى المستمرين بالمشي ماوقفوا .. وبدر وسلمان يمشون بنفس دربهم ويسولفون ويضحكون ولا كأنهم يدرون عن شي .. ندى عصبت وتعبت وحست اني اللي قاعد يصير مصخرة من نوف .. ندى : نوف خلاص .. تراه مب يمك .. ما يدري عن هوا دارك اصلا .. نوف مستمرة بالمشي بدون هوادة : مالي شغل .. ما أطيق اشوف وجهه .. ندى : خل نروح بس للكوفي شوب .. تراني عطشانة .. نوف : فكرة .. نجلس هناك لما يذلف هو واللي معه .. دخلوا الكوفي شوب اللي كان فاضي من الزباين .. خذوا لهم طاولة وجلسوا ونوف على اعصابها تراقب الممر اللي قدام محل القهوة اللي هم قاعدين فيه .. ندى : ها شتبين ؟! نوف : لحظة شوي .. أقل من نصف دقيقة والشابين دخلوا نفس محل القهوة وجلسوا بدون ما يلتفتون لهالبنتين وكأنهم فعلا ما يعرفونهم .. لدرجة أقنعوهم انها مجرد صدفة لعبت دورها .. وصاروا الاربعة لحالهم بالمحل ومافي زباين غيرهم .. بدر وهو يغطي فمه بقبضة يده ويحاول يخفي ضحكه التفت له سلمان مبتسم على شكله .. سلمان : شعندك تضحك ؟!.. بدر وهو يضحك : ههههههههههه .. شفها الله يخليك شف شلون شكلها ؟!.. سلمان وهو يلتفت لهم : شفيها .. تعرفها ؟!.. بدر بهمس ما يسمعونه نوف وندى اللي يفصل عنهم طاولة وحدة بس : اقولك .. تأكدت الحين ان البنت اللي جنبنا هي نوف .. سلمان للحظة ما استوعب : نوف ؟!!.. نوف بنت عمك ؟! بدر وهو يضحك : هههههههههههه ... ايه !!.. تخيل ... ويوم شفتها تتلفت كانت تنحاش .. ههههههههههههههههههه .. سلمان : وش بتسوي الحين ؟ بدر وهو يحاول يمسك نفسه عن الضحك عشان ما يفضح نفسه : لحظة شف وش بسوي .. هههههههههههههههههه ضحك هالمرة بصوت عالي خلا نوف وندى ينتبهون ويلتفتون لهم .. نوف وهي ترجع تصد عنه وتشبك يديها في بعض بتوتر : ياهو ينرفزني .. اكرهه .. على ايش يضحك ما ادري .. ندى : اذا كنتي ماتبينه يعرفك خلك ساكتة وهادية وتصرفي بشكل عادي .. نوف من اللحظة اللي دخل فيها بدر المحل وقلبها ما وقف من الخفقان خوف .. وطالما هو جالس بقربها بيظل الخوف يلازمها .. نوف : اقولك هونت مابي شي .. خلينا نطلع .. ندى وهي تهمس : يا خبلة وين نروح .. اذا قمتي الحين بيشك فينا صدق .. ما شفيتهم شلون شافونا وحنا نتلفت عليهم .. نوف باستسلام : اووففف .. فجأة سمعوا بدر يصفق بصوت عالي وينادي .. بدر وهو يصفق : اكس كيوووووز مي ... بلييييييز الجرسون : يس ؟!.. بدر وهو يرفع يده بأربع اصابع : اربعه اكسبريسو .. ثنين هنا ( وهو يأشر على طاولته ) .. واثنين عند البنات الحلوات هناك ( وهو يأشر على طاولة نوف وندى ويغمر لهم ) نوف وندى من سمعوه بلموا وهم يشوفون بعض .. من جده هذا ..!! نوف وهي تهمس : والله انه قليل ادب .. !! ندى .. قولي له شكرا مانبي شي .. مارح يعرف صوتك .. ندى وهي تبلع ريقها وتحاول ترفع صوتها : مشكور اخوي ما يحتاج .. بدر انتبه لها تكلمه وابتسم وهو يطالع نوف : ابدا انا طلبت .. يا ليت تقبلون القهوة على حسابي .. نوف تهمس لها بعصبية : قولي له مانبي شي منك .. مانبي شي منك .. ندى : معليه اخوي .. انت ماتعرفنا عشان تطلب لنا .. بدر وهو قاصد يستفز نوف : ماعليه .. بنتعرف قريب .. ( يغمر لهم بخبث مصطنع ) كلها فنجال قهوة ونتعرف على بعض .. كتمت نوف غيظها .. اثرك راعي هالحركات يا بدر .. ندى تجاهلت كلامه : لا شكرا مانبي منك شي .. بدر وهو يحول عينه لنوف : والاخت الثانية ساكتة .. ما قالت شي .. اكيد تبي القهوة .. ندى : لا ماتبي .. بدر وهو يلتفت لسلمان اللي مغطي فمه بقبضة يده ويضحك بقوة وبدون صوت .. سلمان يهمس وهي ميت ضحك : ههههههههههههه .. الله ياخذ بليسك .. بدر وهو يهمس له : لحظة بس .. ( ورجع التفت لنوف ) .. طيب وراها ما تتكلم وتقول مابي ليش ساكتة .. ولا القطو اكل لسانها ..؟!! نوف وصلت حدها .. قطو ياكلك انت يالحمار .. ندى سكتت ومعد ردت عليه .. ونادت الجرسون : بليز .. الجرسون اللي كان بالأصل يضحك ويتبسم عاللي صار قدامه : يس مدام ؟ ندى : بليز اثنين كروسان .. واثنين عصير .. قاطعهم بدر وهو يرفع يده : حطه على حسابي بليز .. ندى عصبت منه .. مالوم نوف يوم انها تعصب وتنفر منه : وبعدين معك انت .. خلاص قلنا مانبي منك شي .. مشكوووور وما قصرت .. بدر ببرود : وانا مصر انه يكون على حسابي .. مصر يعني مصر .. ندى وهي تهمس لنوف : اووفف ؟؟ وش نسوي مع ولد عمك .. نشب فيني نشبة .. نوف وهي متماسكة قد ماتقدر من خليط الخوف والقهر اللي تحس فيه : وافقي وخلصينا .. معد اقدر اجلس هنا اكثر .. ارررررتفع ضغطي .. وصل الطلب وتوزع عالطاولتين .. فنجانين من الاكسبريسو عند ندى ونوف مثل ما طلب بدر .. زيادة مع العصير والكروسان .. سلمان وهي يضحك : شسويت فيهم ياخي .. ؟! بدر : نوف على بالها اني ماعرفتها .. بس لحظة شوي .. سلمان : وش بتسوي اكثر من اللي سويته ؟ بدر : لحظة وبتشوف .. بس ابيك انت بعد تدخل باللعبة .. ابيها تقتنع اني فعلا ما عرفتها .. سلمان : تكفى عاد لا تدخلني بخبالك مع بنت عمك .. بدر : انت بس سولف ولا كأنك تدري انها موجودة .. نوف بدت تاكل من الكروسان وتشرب من العصير لكن بذات الوقت ما تحس بطعمه بسبة الانسان الجالس قريب منها .. القهوة اللي طلبها بدر لهم على حسابه ولا وحدة لمستها .. خلوها مثل ماهي .. نوف كل شوي تلتفت بشويش وتقز بدر واللي معه بطرف عينها .. وترجع تصد وهي تدعي مليون دعوة على بدر .. كان يسولف ويضحك وجالس وهو حاط رجل على رجل .. يعني واااثق كل الثقة .. نوف تهمس : ياجعلي اشوف فيك ما سويت فيني يا بدر ..!! ندى تهمس بدورها وهي تنحني فوق الطاولة تقرب من نوف : نوف قصري صوتك بتفضحينا .. وبيعرف مين انتي ..!! نوف : خلصي كلي اللي بيدك وخلينا نطلع .. وتوها بتكمل الكروسان الا لقطت اذنها الكلمات اللي قالها بدر واللي معه .. سلمان بدا اللعبة المتفق عليها : ما قلت لي يابدر .. وش صار على بنت عمك عقب ذاك المقلب.. نوف من سمعت " بنت عمك " .. " مقلب ".. نزلت الكروسان من يدها وجمدت تركز وتسمع .. شقصده ؟!.. ومن يقصد بكلامه ؟!.. بدر وطرف عينه على نوف ومبتسم : أي مقلب تقصد ؟! سلمان : يوم العزيمة في بيتكم .. لما رحت لغرفتك تلبس الساعة اللي عطيتك اياها .. قلت لي انك شفت بنت عمك بالغرفة .. نوف اقشعرت من مر ذكرى هاليوم وهذيك اللحظات الفضيعة بالذات .. شافني ؟!! .. دقات قلبها بدت تتزايد .. وهذا شعرفه بالسالفة .. بدر وهو يهز راسه موافق : آآه قصدك ذاك اليوم .. بصراحة كل ما تذكرت ذاك اليوم أضحك ( وضحك بخفة ) .. نوف بذاك اليوم ماكانت تدري اني كشفتها .. واني قفلت عليها باب الغرفة متعمد عشان تحرم تهدد وتتوعد وهي مو قد كلامها ولا وعودها .. كلمات بدر هزت كيانها وحسستها بالإهانة .. ونزلت الحقيقة عليها مثل الصفعة !!.. يعني ما قفل علي باب الغرفة بالغلط .. كل هذا كان تخطيط منه .. انا مو قد كلامي ولا وعودي ؟!!.. طيب ليش ؟!.. احد يقولي ليش ؟!.. انا وش سويت لك في حياتك عشان تعاملني بهالطريقة ؟!.. لمعت دموعها وهي تشوف ندى بأسى .. وندى لمحت عيونها وهمست : نوف شفيك ؟!.. لا تعطين لكلامه اهمية ..!! نوف وهي تغمض بقوة : وانا اللي كنت اظنه مسويها بالغلط .. أثره متعمد يحبسني ساعتين .. قلبه وش منه مخلوق ؟!!.. ( فتحت عيونها بغضب ) .. بس انا اوريه .. ان ماخليت قلبه يحيى على جمر ماكون نوف بنت ابوي .. وقامت واقفة بعنف لدرجة ارتد كرسيها للخلف بقوة وطاح عالأرض واصدر صوت عالي مزعج نبه بدر وسلمان لها .. نوف لفت لبدر وراحت له بخطوات غاضبة حاقدة ينبعث منها الشرر وندى ماقدرت غير انها تناديها وتلحقها .. ندى : نوووف .. استني .. لكن نوف نست اللي حولها من فرط الأحاسيس المشتعلة داخلها ووقفت قدام طاولة سلمان وبدر وعيونها متسمرة على ولد عمها .. بنظرات يطفح منها الكره .. والاحتقااار ..!!! بدر مبتسم يبي يغيضها أكثر : اخيرا عطتينا وجه ..!! نوف واقفة بشموخ وبصوتها ثقة كبيرة ممزوجة بالغضب والدموع المنهمرة : انا أعلمك شلون أنفذ وعودي .. انا اعلمك يابدر .. لا تفكر اني نسيت .. ولا تلومني عاللي بسويه .. كله انت اللي جنيته بيدينك .. وانت اللي بتتحمله غصب عليك .. اللي سويته فيني ذاك اليوم لا يمكن ومستحيل أعديه لك .. ولو ترجع لغرفتك وتشوفها زين راح تلاحظ انك فقدت شي .. وعزيز عليك بعد .. لكن هالشي انسى ولا تحلم انه يرجع لك .. انساه يا فاشل .. وفتحت شنطتها وطلعت منه مبلغ بسيط ورمتها عالطاولة : خذ .. مشكور مانبي شي منك .. غلطة عمري الوحيدة انك ولد عمي .. طلعت من المحل مثل الصاروخ وندى ماقدرت غير انها تلحقها .. سلمان علامات الدهشة البالغة على وجهه من القوة اللي طلعت بالبنت قدامه .. مدهوش ويبي يضحك بنفس الوقت .. سلمان : شرشحتك يا بدر .. !!! بدر عيونه على مدخل المحل .. يبي يستوعب الكلام اللي انقال بس مو قادر .. ومو عارف وش المقصود من كلامها .. سلمان وهو ماسك ضحكته : والله طلعت اقوى من ماتوقعت .. البنت من جد كاارهتك ..!!.. هههههههههه !! بدر مثل الأهبل التفت لسلمان : اقول سلمانوو فهمت وش تقصد ؟! سلمان وهو يراجع الموقف ويضحك : ههههههههههههههههه .. الحق على عمرك البنت ماقالت هالكلام الا وفي يدها سلاح قوي ضدك .. الله يعينك ياخوي .. بس تبي الجد تستاهل اللي جاك منها .. ههههههههههههههههههه !!! بدر سكت يراجع كلامها بذهنه ويحاول يفهم شي .. سلمان ميت من الضحك كل ما تذكر شكل الموقف : هههههههههههه .. اقول بدر ..هههههههههه .. حلوه فاشل ها ؟!..هههههههههههههه ... بدر وهو يقوم : قم قم قم .. سلمان : وين بتروح ؟! بدر : قم معي خلني اروح اشوف وش تقصد هالبنت .. سلمان بخبث وهو يقوم : كنك خايف ؟!! بدر : هذا وقته تتمصخر قلت لك قم .. دفع الحساب وطلعوا من المملكة بكبرها .. وصل بدرسلمان لين باب بيتهم .. سلمان بعد مانزل من السيارة وقبل لا يسكر الباب كانت الضحكة في صوته : اقول بشرني وش صار بعدين .. ولا أقولك دق علي طمني .. !! بدر وهو يتحقرص بمكانه وذهنه مشوش وملئ بالافكار والاحتمالات اللي تاخذه وتوديه : يصير خير يصير خير .. سكر الباب خلني ارووووح .. سكر سلمان الباب وهو يهز راسه ويضحك .. وانطلقت السيارة من مكانها بقوة وبسرعة .. سلمان وقف يراقبها لما اختفت وهو يهز راسه ويتمتم .. سلمان : والله وطحت بشر اعمالك يابدر .. البنت اللي كنت مستسهلها بتسبب لك صداع طول حياتك .. الله يعينك .. في جهة ثانية من الرياض كانوا شلة الشباب مثل عادتهم في المقهى المعتادين يجلسون فيه .. وفي وحدة من أجواء الحماس والاثارة كان فيه مباراة قوية بين فهد وعبدالله في البلياردو .. أسامة وحسين وأحمد يراقبون وكلهم حماس .. ومجموعة شباب انضموا لقائمة الجمهور يتابعون هالمباراة اللي فيها الكثير من الندية .. احمد يراقب بحماس : فهد .. ركز .. اذا جبتها بتفوووز .. عبدالله يهدد : فهيد ان جبتها ترا بذبحك .. اسامة : ههههههههههههههه .. الهزيمة رقم عشرين اشوفها تطل من الباب يا عبدالله .. عبدالله : وانت يا ثور حاسبهم ما نسيتهم .. اسكت فضحتني عند هالجمهور كله .. حسين : يقولون يا عبدالله .. رحم الله امرئ عرف قدر نفسه .. عبدالله : وانت بعد انثبر .. تعرفون تحبطون الواحد .. فهد ظل يدور حول الطاولة بصمت يحاول يتخذ المكان المناسب للتسديد .. محد حوله كان حاس ان ذهنه مشوش .. الكل اعتقد ان صمته هذا يدل عالتركيز والثبات بس هو كان صامت لأشياء كثيرة وغريبة تملا عقله وصدره .. وقلبه ..!!.. وخاصة بعد المكالمة اللي صارت بينه وبين شوق .. هو نفسه يتساءل شلون كلمها بذيك الطريقة القاسية ؟!.. مو لاقي سبب مقنع يعذره عاللي سواه .. عبدالله بعد ما زهق من كثر الانتظار : يالله فهد .. خلصنا .. انحنى فهد فوق الطاولة وعينه مركوزة عالهدف يستعد للضربة .. ضربها بس للأسف انحرفت عن المسار وبكذا جا دور عبدالله اللي ما صدق .. عبدالله : دعووووواتي كلها دعواااتي .. انتصب فهد واقف وابتسامة على وجهه من الفرصة اللي ضيعها ومن شكل عبدالله الطاير من الفرحة .. حاول عبدالله يستغل هالفرصة وسدد بتركيز.. وجاب الهدددف .. وبكذا فاز .. وكانت اول مرة يفوز على فهد بتاريخه .. واللي قام صراخه من بعدها فرحه .. فهد ما قدر غير انه يضحك على شكله : هههههههههه .. الحظ لاعب معك اليوم .. عبدالله باعتراض شديد : لا تقول الحظ .. الا قل فني باللعبة فوزني .. فهد : ههههههههههه .. باخذك على قد عقلك هالمرة .. حسين وهو يوقف بالنص بينهم ويقطع عليهم : خلاص دوركم انتهى .. الحين انا واحمد ..عبدالله : اغلبه عاد .. خل اليوم يكون خسارة احمد وفهد .. فهد مبتسم : انا بروح اجلس وبشروني بالنتيجة .. اسامة : وانا جاي معك .. راح فهد واسامة وجلسوا على طاولتهم المعتادة وأول ما جلسوا وصلتهم القهوة .. اسامة وهو يحرك السكر في الكوب : شسالفتك اليوم .. ؟!.. مو من عادتك تلعب بهالأسلوب .. فهد : ولا شي سلامتك .. اليوم ماكان لي خلق بس قلت ألعب أجاريكم ومنها أطيب خاطر عبدالله .. اسامة وهو يضحك : ههههههههههههه .. أي والله مسكين ..ما صدق .. فهد : هههههههههه .. نرفع من معنوياته شوي .. رن جوال فهد الموجود فوق الطاولة بنغمة مسج .. فتحه ولما قراه رجعه عالطاولة بابتسامة جانبية وهو يشرب القهوة من الكوب .. اسامة كان يراقب تعابير وجهه : من مين ؟!.. فهد بهدوء وهو بادي يسرح : من شذى .. اسامة : ابي افهم هالبنت ما زهقت .. تلفونات ورسايل وحالتها حالة .. فهد وهي يعقد يديه على صدره ويسترخي بجلسته : خلها .. انا مرتاح كذا .. اسامة وهو يرفع حواجبه باستغراب : من جدك ما زهقت منها .. فهد اكتفى بكلمة وحدة : لا .. اسامة : ومتى ناوي تنتهي منها ؟! فهد هز كتوفه بعدم اهتمام : لما هي اللي تبينا ننتهي .. اسامة وهي يبتسم بسخرية : أجل يا حبيبي انسى انك تنتهي مادامك تنتظرها هاللي تطلب النهاية .. شكل البنت عندها طموح اكبر .. فوق تصوراتك انت .. فهد بنظرات هادية وبداخله فاهم وش يقصد : شقصدك ؟! اسامة : اعتقد كلامي واضح .. فهد وهو يرجع يمد يده للكوب ويرتشف : يصير خير .. لكل حادث حديث .. كل اللي تبيه البنت الحين انها تشوفني وانا موافق ماعندي أي مشكلة .. وافكر ادق عليها الحين واعطيها الموعد .. اسامة بنبرة حزم : فهد ارجع واقولك انتبه .. ترا هالخطوة يمكن تطيحك بمشاكل انت بغنى عنها .. البنت اذا كانت تبي تشوفك الصورة وعندها خلاص تكفي .. ليش هالطلعة معها بعد .. فهد وهو يتكتف وهيئته غريبة ما فهمها اسامة : طيب .... واذا قلت لك اني انا بعد ابي أشوفها ؟!.. وش تقول ؟! اسامة وهو مستنكر : انت ؟!.. فهد : ايه انا ليش مستغرب ؟! اسامة : ماكان هذا يهمك بالأول .. ماكان يهمك انك تشوفها .. وش اللي غير رايك الحين ؟!!.. فهد وهو يهز كتوفه : تغير وبس .. رايي الحين غير رايي أمس وغير رايي قبل دقيقة .. مافي شي يتم على حاله .. أسامة وعلامة استفهام بوجهه : فهد انت غريب اليوم ؟!.. وش اللي صاير لك ؟!.. فهد هز كتوفه : ابد ماصار شي .. اسامة : تلعب علي ولا على نفسك .. انت اليوم مو طبيعي .. فهد وهو يتنهد : ابدا .. انا وشذى صار لنا فترة طويلة عالتلفون .. واعتقد جا الوقت الحين اننا نروح للخطوة اللي بعدها .. اسامة بعد ما يأس : بصراحة انت عنيد .. وصعب الواحد يقنعك .. رجع جوال فهد يدق .. لكن هالمرة مو مسج .. هذي مكالمة .. رفع الجوال وقطب وجهه وهو يشوف الرقم .. كان غريب عليه أول مرة يشوفه .. اسامة وضح عليه انه يعرف المتصل : اكيد شذى .. فهد : لا .. مب شذى .. رقم اول مرة اشوفه .. اسامة بسخرية : بنت جديدة !! .. اكيد .. يالله هذي صيدة جديدة جت لين عندك .. ( قالها بسخرية ) .. ابتسم فهد ورفع عينه لاسامة : جت بوقتها .. اسامة تفاجأ بكلامه : شقصدك .. بترد عليها يعني ؟!.. فهد بنبرة الواثق من ما يفعل : ارد عليها ليش ما أرد .. ( قطع كلامه ورد ) .. هلا ... .... : ........... فهد زادت ابتسامته الجذابة .. هو عرف هالاسلوب ودرسه زين .. اذا المتصل مارد من أول كلمة فهذا يعني انها مليون بالمية بنت .. فهد بصوته الساحر : ردي علينا ليش ساكتة ؟!.. .... : فهد ؟!.. قطب فهد وهو لازال مبتسم : معك فهد .. آمرينا .. .... : شخبارك ؟!.. فهد : بخير .. انتي شلونك ؟!.. .... : انا تمااااام .. ( قالتها بنبرة كلها نعوومة ) .. فهد يضحك بعذوبة ساحرة : ههههههه .. الله لا يخلينا من هالصوت والله .. .... ( تضحك بخجل ) : ههههههههههه .. تسلم من ذوقك .. فهد : ماتعرفنا ؟!.. ..... : معك بدور .. فهد : هلا والله .. مامر علي هالاسم من قبل .. بس انتي مبين انك تعرفيني ؟!.. بدور بنبرة تأكيد : أعرفك زين .. بشكل ما تتصوره .. فهد : والله ؟!.. وش تعرفين عني ؟!.. بدور : لسا بدري على هالكلام .. انا الحين دقيت عليك لأني سمعت عنك كثير .. وبصراحة حابة اتعرف عليك .. فهد بصوت حازم وجاد وساحر بنفس الوقت : شوفي يابدور .. انا عمري ما ابدا مع وحدة الا تقولي عنها كل شي .. وشلون وصلها رقمي ومن طرف مين .. وانا ما حب حركات التأجيل " مثل بعدين اقولك " .. تبين تبدين معي قولي لي كل شي ابيه .. بدور سكتت فترة : .......... فهد : مستعدة الحين ولا خلينا ننتهي من البداية .. ولا تنسين انك انتي اللي جيتيني يعني انتي اللي تبيني .. اما انا ما يهمني .. كان كلامه يفوح منه الغرور والتكبر اللي خلا بدور تسكت لحظات متفاجئة من هالشخصية الحازمة والساحرة بنفس الوقت .. شخصية خلتها تصر على اصطيادها .. بدور : شفيك ؟!.. انت دوم كذا تكلم البنات ؟!.. فهد بنبرة اعتزاز بنفسه : ما عجبك ؟!.. بدور : لا بس بصراحة انا اول مرة اشوف واحد يكلم البنات بهالطريقة .. خف شوي .. ماتخاف البنات يطيرون من يدينك .. فهد وهو يضحك بخفة : ياحبيبتي اذا طارت وحدة جتني بدالها عشر .. بدور بجرأة : فهد انت محد قالك من قبل انك مغرور وشايف حالك ..؟! فهد ضحك أعلى هالمرة : ههههههههههه .. تبين الصدق .. الا .. كثير قالوا لي .. بدور : اوكي بكلمك عن نفسي ..انا بدور .. 20 سنة .. أدرس بجامعة الملك سعود .. قسم علوم ادارية .. فهد : كل هذا ما يهمني .. وش بستفيد انا وين تدرسين ولا وش تدرسين .. بدور استغربت منه ومعد صارت تفهمه : مو انت قلت لي تبي تعرف عني كل شي .. فهد : انا ابي اعرف رقمي هذا من وين حصلتيه ؟!.. ومن اللي دلك علي ؟!.. بدور : وانت يهمك هالشي ؟!.. ما اشوف له داعي بصراحة ..!! فهد : لكن انا ابي اعرف .. بتقولين ولا من الحين خلينا ننتهي .. بدور : بقولك .. بس اعذرني مو اليوم .. باي .. سكرت الخط .. وهي تبتسم بخبث .. أول خطوة عدت بسلام .. والحين فهد بيتم يفكر وينشغل باله لأنه يبي يعرف انا شلون وصلته .. عشان كذا لازم اتم فترة ما ادق عليه عشان ينشغل باله اكثر .. صدقت مها .. فهد هذا .. شي ثاني !!!.. سكر فهد وهو يناظر الشاشة او بالأحرى رقم المتصل .. يمكن يكون الرقم مر عليه من قبل .. بس للاسف ما استحظر شي من ذهنه .. الرقم جديد وأول مرة يشوفه .. وصله صوت اسامة اللي كان طوول الوقت يراقب فهد وينصت للمكالمة : من هذي بعد .. وحدة جديدة .. فهد : ايه وحدة اول مرة تكلمني .. الخبيثة مارضت تقول لي من وين حصلت رقمي .. بس انا بشوف النهاية معها هذي ..!! اسامة : فهد تراك تضيع وقتك .. قم بس اسمع صراخ الشباب .. شكل المباراة عالحامي .. فهد وهو يرجع الجوال بجيبه : لا لا .. مارح أطول .. بكمل الكوب وبرجع للبيت .. أمس مانمت زين .. اسامة هز راسه متفهم : اوكيه اجل .. تصبح على خير مقدماً .. اشار له فهد بيده وهو يكمل قهوته .. وقفت سيارة ابو فهد اللي تقل داخلها نوف وندى قدام باب بيت ابو احمد .. ندى كانت خايفة من اللي ناوية تسويه نوف .. كانت طول الطريق ساكتة وتبكي بصمت .. فمسكت يدها لما فتحت باب السيارة قبل لا تنزل .. ندى وهي تجاهد تمسك نوف لا تروح : نوف ماله داعي اللي تفكرين فيه .. نوف تحاول تسحي يده من يد ندى بعصبية وتصرخ : اتركيني .. اتركيني .. انا اوريه هالحيوان .. انا اعلمه .. والله لأعذبه .. سحبت يدها بقوة اكبر ونزلت بسررعة ودخلت البيت ركض .. وندى مثل المذعورة نزلت وراها ولحقتها .. دفعت نوف باب الصالة وركضت بسرعة للدرج ولا سمعت لأمها اللي بدت تناديها .. وبعدها بثواني دخلت ندى وهي تركض وتلفتت بخوف .. ندى لما شافت خالتها : خالتي وينها نوف ؟!!.. ام احمد حطت يدها على قلبها من هيئة نوف وهيئة ندى الحين : ندى وش صاير ؟!.. ندى : ماصاير شي .. راحت لغرفتها هي ..؟!! وما سمعت لجواب خالتها لأنها اكيد توجهت لغرفتها .. او بالأحرى لشهادات بدر المخفية هناك !!!.. ركضت ندى للدرج بأسرع ما تقدر ومباشرة لغرفة نوف اللي كان بابها مغلق .. توقعت ان نوف قفلته لكن لحسن الحظ كان مفتوح .. دخلت مندفعة من الركض وشافت نوف تحوس في الدولاب بهمجية وهي تشهق بصوت عالي من البكي .. وبجزء من الثانية طلعت الورقتين وهمت بتمزيقها .. صرخت ندى وهي تركض لها : لاااااااااااأأ ..!! راحت لها ومسكتها ونوف تقاوم تبي تقطعها قطع صغيرة عشان يستحيل على بدر بيوم انه يرجعها مثل ماكانت .. نوف وهي تبكي : خللللليني .. خليني انتقم منه .. خليني اخذ حقي .. لييييييييييش .. انا وش سويت له قولي لي .. يالحيووووووااااان ... يابدر يالحيووووااااان ... اكرررررهه ... اكررررهه .. و ندى تحاول تاخذ الاوراق منها برفق عشان ما تنقطع ونوف تسحبها منها بعنف وتصرخ بدموعها .. ندى : نوووف الله يخليك خليها .. خليها .. ما يصير اللي تسوينه .. نوف وهي تهز راسها ودموعها تتناثر بكل مكان : لا لا لا ... ما سمعتيه شقال .. اللي بسويه الحين مو اقل من اللي سواه ذاك اليوم .. قلت لك خليني تكفيييييين .. ندى : نوف خلاااص لا تبكين وخلي هالأوراق .. نوف بليز الله يخليك خليها لا تأذين نفسك .. بتسببين لنفسك المشاكل ..!! نوف كانت تصرخ ومو مسيطرة على نفسها : ندى .. خللللليها انتي مالك شغل ... ماااااااااالك شغل .. ابعدي .. دفتها بقوة لما طاحت عالأرض .. والورقة انزلقت بينهم .. ندى ما اهتمت بالألم اللي حصل لها رغم انه كان شديد .. حاولت تمد يدها عشان تاخذ الورق لكن نوف كانت اسرع سحبتها وهمت بتمزيقها مرة ثانية .. لكن اللي وقفها جامدة هو دخول امها الغرفة وعلى ملامحها الذعر .. خبت نوف برعب الورقة خلف ظهرها ووجهها مازالت تغسله الدموع المستمرة بالهطول .. وام احمد زاد جمودها وخوفها لما نزلت عينها على ندى الطايحة عالأرض وتمسك ظهرها بألم .. ام احمد بصوت خايف مرتجف : شفيكم ؟!.. نوف التزمت الصمت .. وندى هاللي ردت وصوتها يرتجف من الألم : ولا شي خالتي .. تقدمت ام احمد خطوتين لما صارت داخل الغرفة وبصوت اكثر حزم وأعلى نبرة : شفيكم تصارخون ؟!.. ها يا نوف شفيكم ؟!.. شمسوية انتي ؟!.. نوف متلعثمة وهي تمسح دموعها بسرعة بيدها : م .. ما في شي يمه مافي شي .. ندى عشان تتدراك الموقف قامت واقفة وسحبت الورق بعنف غاضب من يد نوف ودخلتها شنطتها قدام عيون خالتها .. بشكل يوحي للناظر ان الورق بالاصل يخص ندى .. ندى وهي تلتفت لخالتها : ولا شي خالتي .. سوء تفاهم بيني وبينها بس .. ام احمد : وليش كنتوا تصارخون .. وليش دخلتوا وانتم تركضون ؟!.. شفيكم وش صاير ؟!.. صمت نوف وعدم جوابها خلا ام احمد بهاللحظة تتوجه لها وتسدد صفعة قوية على وجهها خلاها ترتد للجهة الثانية من قوتها .. ام احمد وبعيونها الغضب : واذا سوء تفاهم مالها حق تمد يدها على احد .. هذا وانتي بنت خالتها اللي اكبر منها .. انا بعرف البنت هذي متى بتتعدل .. حاولت تضربها مرة ثانية لكن ندى هالمرة مسكتها بخوف من ردة فعلها الغير متوقعة .. ندى : خااالتي هدي بالك هذي مشكلة بيني وبين نوف .. مايستاهل اللي تسوينه .. نوف كانت حاطة يدها على خدها من الألم وسيل جديد وعنيف من الدموع ينهمر .. وداخل قلبها الكره ناحية بدر يتضاعف ويتضاعف لما غمر قلبها كامل وكل كيانها .. هو السبب الحين بكل اللي يصير .. هو السبب .. الله ياخذك .. الله ياخذك .. الله ياخذك .. حاولت ندى تهدي خالتها المشحونة بالغضب وطلعتها بأدب خارج الغرفة وقالت لها انها بتحل المشكلة بنفسها .. ندى لما سكرت الباب التفتت لنوف اللي ركضت ورمت نفسها عالسرير تبكي : عجبك اللي صار الحين ؟! نوف وهي تصيح : ليش ما خليتيني أسويها .. ليش ؟!.. قطعيها تكفين قطعيها .. أكرهه .. كله منه .. المشاكل تلاحقني بسبته حتى وانا بعيدة عنه ما اسلم .. عجبك اللي سوته امي فيني .. ندى وهي تقرب منها : نوف خلاص لا تبكين .. نوف وهي مخبية وجهها بالمخدة وجسمها كله يهتز من البكي : روحي واتركيني .. روحي عن وجهي .. كله منك .. لو انك مخليتي اقطعها ماكان صار لي اللي صار .. ( وترفع وجهها وتصرخ ) .. رووووحي عني خليني لحالي .. ندى بعد صمت تنتظر نوف تطلع كل اللي بقلبها : بروح .. بس بكرة برجع لك .. نوف وهي ترجع تخبي وجهها وتكمل دموع : مابيك .. لا تجين .. روحي واتركيني .. اذلفي عن وجهي .. ندى توجهت للباب وقبل لا تطلع استقفتها نوف .. ولما التفتت لها شافتها رافع راسها ومادة يدها .. نوف : عطيني الأوراق .. ندى بنبرة حازمة : وش بتسوين بها ؟! نوف بعيون غرقانة يلمع فيه الغضب والحقد : بقطعها .. بقطعها مارح اخليه يتهنا فيها .. ندى هزت راسها بالنفي : لا .. آسفة مارح أخليها عندك .. نوف : عطيني اياها قلت لك .. هذا شي بيني وبين بدر انتي مالك شغل .. عطيني اياها .. ندى رجعت تهز راسها باصرار وهي تفتح الباب : لا يانوف .. بخليها عندي .. الأوراق الحين انشقت نصها .. وزين مني اني لحقت على بقيتها .. مع السلامة .. بشوفك بكرة .. طلعت وسكرت الباب وراها ومن بعدها سمعت صراخ نوف : لا تجين مابيك لا تجين .. كلكم مع بدر محد وقف بصفي .. حتى انتي ياندى .. حتى انتي | |||||||||
| |
|
06-19-2010, 11:29 PM
| #33 (permalink) | |||||||||
|
مستشار المؤسس ~
|
رد: * غــــــــــارقـــــــــات في دوامـــــــة الحــــــــب * انا :
قمرهم كلهم الجــــــــــــــزء 23 ندى توجهت للباب وقبل لا تطلع استوقفتها نوف .. ولما التفتت لها شافتها رافع راسها ومادة يدها .. نوف : عطيني الأوراق .. ندى بنبرة حازمة : وش بتسوين بها ؟! نوف بعيون غرقانة يلمع فيه الغضب والحقد : بقطعها .. بقطعها مارح اخليه يتهنا فيها .. ندى هزت راسها بالنفي : لا .. آسفة مارح أخليها عندك .. نوف : عطيني اياها قلت لك .. هذا شي بيني وبين بدر انتي مالك شغل .. عطيني اياها .. ندى رجعت تهز راسها باصرار وهي تفتح الباب : لا يانوف .. بخليها عندي .. الأوراق الحين انشقت نصها .. وزين مني اني لحقت على بقيتها .. مع السلامة .. بشوفك بكرة .. طلعت وسكرت الباب وراها ومن بعدها سمعت صراخ نوف : لا تجين مابيك لا تجين .. كلكم مع بدر محد وقف بصفي .. حتى انتي ياندى .. حتى انتي .. ما اهتمت ندى بالكلام اللي سمعته مع انه عور قلبها بالبداية .. بس يظل الكلام اللي قالته نوف نتاج صدمة حصلت لها من وقت قريب .. نزلت تحت شافت خالتها واقفة وسرحانة بنصف الصالة .. انتبهت لها ام احمد ورفعت عينها لها وشافت ندى في عيونها القلق والحيرة .. ندى راحت وقربت منها : معليش خالتي .. لا تشيلين بخاطرك .. تنهدم ام احمد وهي تهز راسها ندم عاللي سوته : قولي لي وش اللي صار ؟!.. ليش نوف دخلت تركض ؟!.. صاير شي لها ؟!.. ابتسمت ندى بنعومة تحاول تطمن خالتها : لا خالتي ارتاحي .. ماصار شي .. قلت لك سوء تفاهم بسيط بيني وبينها والحمدلله انحل .. ام احمد : أكيد ؟!.. ندى ضحكت بمرح : شفيك خالتوو .. انا من متى اكذب عليك .. خلاص قلت لك ماصار لها شي يعني ماصار .. تطمممني .. هزت ام احمد راسها بعد ما طمنتها كلمات ندى .. وفجأة سمعوا باب الصالة ينفتح ويدخل من وراه احمد .. ندى بسرعة رفعت الطرحة على راسها وتغطت .. احمد وهو يدخل مفاتيحه بجيبه : السلام عليكم .. ندى + ام احمد : وعليكم السلام .. احمد مبتسم ويمزح وعينه عالبنت الواقفة : منوووور بيتنا اليوم .. منهو نوره يمه ؟!.. ام احمد مبتسمة : منهو نوره يعني .. نور بنت خالتك .. لو نطفي انوار البيت يكفينا نورها .. ضحكت ندى والتفتت لخالتها : بوجودك بس يا خالتي .. احمد : شخبارك ندى ؟!.. ندى اختفت الابتسامة من على وجهها وتحول صوتها للبرود : بخير .. وانت ؟ احمد : انا الحمدلله .. ندى رجعت لفت لخالتها : خالتي انا بطلع .. توصيني بشي ؟!.. ام احمد : سلامتك وسلميني على امك ؟!.. ندى وهي ماشية للباب : ان شالله .. وقبل ماتطلع أشرت ام احمد لولدها يطلع معها عشان يتطمن انها ركبت السيارة وراحت : احمد رح معها .. ندى جمدت ورجعت لفت : لا ما يحتاج خالتي .. ام احمد : لا لازم الدنيا ليل الحين .. احمد ماظهر على وجهه أي علامات على المعارضه بالعكس رحب بالفكرة وخطا خطوتين لها : كلها خطوتين للباب مافي تعب ولا شي .. ندى تبي تبتعد عنه بأي طريقة : ماله داعي ارتاح انت .. احمد بدا عليه الاصرار وعينه بعينها : الا له دااعي .. وقداامي يالله .. سكتت ندى ولما لاحظت عناده لفت عنه وطلعت متوجهه لباب الشارع .. واحمد وراها .. فتحت الباب وطلعت وقبل ماتفتح باب السيارة عشان تركب استوقفها .. احمد : لحظة لحظة .. وقفت ندى ويدها على مقبض الباب .. ولما شافته يقرب ابتعدت شوي .. اما هو فتح الباب وأشار لها باليد الثانية تركب .. احمد مبتسم : تفضلي ... يا أميرتنا ..!! وقفت لحظة ساكتة لما حركت هالعبارة ذكرى في بالها .. " أميرتنا " .. ياكثر ما قالها لي من قبل .. تحركت وهي تركب السيارة بعد ما اقنعت نفسها انها مجرد كلمة عادية لا يقصد بها شي .. وش يقصد بها أصلا وهو ولا دراي عن شي ..!! ندى بعد ما استوت جالسة مدت يدها بتسكر الباب : شكرا .. احمد : خلك .. انا أسكره .. الأميرة ترتاح بس .. ولا نسيتي .. ندى : نسيت ؟!.. ( وبشكل متعمد ) .. اصلا انا مدري وش تتكلم عنه .. احمد : ماتدرين اليوم .. بس بكرة بتعرفين .. مع السلامة .. ندى الحين صارت ضايعة وما فهمت منه شي : مع السلامة .. سكر الباب وراح عند شباك قاسم مبتسم : مرحبا قاسم .. قاسم بادله الابتسامة ومد يد يسلم : مرهبتين اهمد .. احمد يضحك ويمزح معه : اهمد ؟!.. قول احمد مرة ثانية .. قاسم : اهمد .. احمد : احـمد .. مو اهمد .. قاسم يحاول لكن مايطلع معه شي : اهمـــد .. احمد : ههههههههههههه .. والله مشكلة حرف الحاء عندكم .. قاسم يضحك معه : هههههههه .. ايس في سوي .. احمد : لا تسوي شي .. المهم يالأخو .. لا تسرع اوكي .. ترا معك القمر .. وصلها للبيت سالمة .. رفعت ندى عينها له من بعد ما سمعت اللي سمعته .. ياترا اللي سمعته صدق ولا ؟!.. شفيه اليوم غريب مو من عادته ..!! انتبهت لنظرات احمد اللي توجهت لها فلفت عيونها بعيد عنه بعدم اهتمام .. قاسم بسذاجة مافهم : ايس قمر ؟! .. انا مافي قمر القمر فوق شوف .. ( ويأشر باصبعه للسما وين ماكان هلال بداية الشهر مستقر ) .. احمد وهو يضحك : هههههههههه .. المهم لا تقعد تتليقف .. لا تسرع مفهوم .. قاسم وهو يهز راسه بانصياع : مفهوم .. تراجع احمد وهو يضرب على باب السيارة : يالله حرك .. روح .. مشت السيارة وندى حاولت تقاوم نفسها وتمنعها من انها تلتفت للخلف عشان تشوفه قبل لا يغيب لكن ماقدرت .. غصب عنها قبل لا تلف السيارة يمين لفت تشوف من الزجاج الخلفي للسيارة .. كان لازال واقف عند الباب يراقب السيارة واختفى عن عيونها بعد ماخذت السيارة يمين .. رجعت معتدلة بجلستها وهي تصارع نفسها بدوامه .. دوامه تاخذها وتوديها وتلعب بها يمين وشمال كيفما شاءت .. شافت اليوم اشياء تناقض اللي شافته قبل .. معقولة يكون فهمني اخيرا .. لا .. لحظة .. وين راح فكرك يا ندى .. لا تفكرين بهالشي لأنه خلااص صار مستحيل .. انتي وأحمد لا يمكن تلتقون .. نسيتي علاقته الغرامية اللي شفتيها بعيونك .. نسيتي كيف خبرك انه ما يبيك وهو يكلم حبيبته .. انتي خلاص بديتي خطوة مهمة .. وهو انك تقتلين هالحب بيدينك .. ولا يمكن تتراجعين .. تنهدت ندى بصوت مسموع .. فعلا .. المفروض أقوي قلبي اكثر من كذا .. يمكنه كان يلعب بقلبي لما قال اللي قاله قبل شوي .. وخصوصا انه عرف اني احبه .. واذا اكتشفت انه قاصد يسوي اللي يسويه بقصد اللعب .. والله .. ما أسامحه .. الدوامه زادت عليها وخلتها تلف وتلف وتلف لما تعب ذهنها .. وصلت للبيت اخيرا وما صدقت توجهت لغرفتها مباشرة وقبل ماتوصل للدرج شافت اهلها توهم جالسين عالعشا .. ام فهد : ندى ليش تأخرتي .. فيه احد يقعد بالسوق لهالوقت .. ندى : كنت ببيت خالتي .. ام فهد : طيب تعالي العشا .. ندى بضيق : مالي نفس يمه .. بروح انوم .. تدخل ابو فهد : ليش عيوني ؟!.. ماتغديتي اليوم .. ندى : مابي يبه شبعانه .. استأذنت وطلعت فوق .. دخلت غرفتها فسخت عبايتها وطلعت جوالها من الشنطة وحطته فوق السرير .. غيرت ملابسها ولبست بيجامة نوم وقبل ماتتمدد بالسرير فتحت النت تشيك عالايميل .. وشافت المجروح .. اون لاين .. تلقائي ابتسمت وماانتظرته مثل العادة يبدا المحادثة .. هي اللي بدتها بوجه خجول .. أشوف السعادة بعيد عن حبيبي : مرحبااااااا .. غريب بعيد مهااااجر مغترب .. لكن يحب : مرحبتين .. أشوف السعادة بعيد عن حبيبي : ماتوقعتك موجود .. غريب بعيد مهااااجر مغترب .. لكن يحب : لسا مالي عشر دقايق .. اذا تبيني اطلع بطلع .. ابتسمت ندى : لا لا .. شفيك لا تفهم غلط .. غريب بعيد مهااااجر مغترب .. لكن يحب : don't worry it's just a laugh ندى : كيف الجامعة اليوم ؟! طلال : ماشي الحال .. شخبار يومك .. ان شالله من غير مشاكل .. ندى ابتسمت بخليط من الحزن والمرارة للأشياء الكثيرة الغريبة في دنياها واللي دايما ضدها : فيه مشاكل اليوم .. لكن مو لي .. لبنت خالتي .. غريب بعيد مهااااجر مغترب .. لكن يحب : ليش عسى ما شر بعد .. أشوف السعادة بعيد عن حبيبي : الشر ما يجيك .. لكن بيني وبينك .. بنت خالتي عندها ولد عمها ملعوز لها حياتها .. كانت تتكلم لي عنه دايما وانه واحد ماعنده شي اسمه خطوط حمرا .. مسبب لها المشاكل في كل مكان .. انا بالبداية ما صدقتها لكن بعد اللي شفته اليوم .. اقول الله لا يلومها .. غريب بعيد مهااااجر مغترب .. لكن يحب : خبريني اكثر عنه .. اشوف السعادة بعيد عن حبيبي : الولد ملعوزها .. ما يصدق يشوفها بمكان الا ملاحقها .. وياليته يلاحقها على شي يسوا .. يلاحقها بس عشان ينرفزها وينكد عليها .. ما أدري وش سالفته وكأنها ذابحه له أحد .. وحالتها وياه مو من فترة بسيطة .. من كانت صغيرة وهو يتصرف معها بالاسلوب .. لكنها تقول انه بعد مارجع من دراسته برا وهو زايد حبتين .. كرهها في حياتها .. وتمشكلت انا معها اليوم بسببه .. غريب بعيد مهااااجر مغترب .. لكن يحب : .... اهاا .. طيب .. كم عمره ؟! اشوف السعادة بيعد عن حبيبي : ما ادري .. اظني اذا ماغلطت 24 او 25 سنة .. غريب بعيد مهااااجر مغترب .. لكن يحب : اهااا .. سكت طلال فترة ولا رد .. وندى تنتظره يتكلم ويقول شي لكنه طول بسكوته .. أشوف السعادة بعيد عن حبيبي : طلال ... بعد ثواني رد : هلا ... ندى : شفيك سكت ؟!.. طلال : ابدا .. لكني قاعد أحلل اللي قلتيه .. تذكرت ندى الحين انه متخصص بعلم النفس فيمكن يقدر يعطيها تفسير على تصرفات بدر .. ندى : وش رايك ؟!.. انا اقول يمكن الولد مريض وفيه عقد نفسية من صغره عشان كذا .. ضحك طلال : هههههههه ... لا لا ابدا .. الولد سليم ومافيه لا عقد نفسية ولا شي .. ندى بلمت : شقصدك ؟!.. طلال : الولد يحب .. ندى مافهمت بالبداية : نعم ؟! طلال : من كلامك عنه وتصرفاته وهو صغير والحين .. طلع لي ان الولد مجنون ببنت خالتك .. ندى من الصدمة : يحب نوف ؟!! طلال : ايه نعم .. يحبها .. مو حب عادي .. الولد زاد حبه لما وصل للعشق .. وبحكم انه مايقدر يوصلها بالظروف العادية .. دايما يحاول انه يستغل أي فرصة عشان يوصل للبنت .. قاطعته ندى : فعلا .. نوف تقولي احيانا انها لما تكون بالبيت لحالها ماتدري شلون يعرف انه لحالها بالبيت ويجي لها .. طلال : وهذا دليل .. ندى بعدم تصديق : بس تصرفاته تقول انه يكرهها ما يحبها .. طلال : فيه شي عند الرجال اسمه كبرياء .. كبرياء الرجل .. المعروف ان الرجل ما يحب يبين حبه للبنت اللي ما تتوانى تبين كرهها له .. ولأنه مايقدر يبين لها حبه مباشرة بحكم العادات .. يستغل طرق ملتوية عشان يفرغ حبه .. وهو لعوزتها مثل ماتقولين .. اشوف السعادة بعيد عن حبيبي : ما أقدر أصدق ؟!.. غريب بعيد مهاااجر مغترب .. لكن يحب : لا صدقي .. هذي الحقيقة .. ندى : بس نوف ماتحبه .. ماتحبه .. الا تكرهه وتتمنى له الموت بعد .. طلال : وهذي المشكلة عند الولد .. لأنه عارف ان البنت تكرهه .. ففضل انه يخلي حبه بقلبه .. سكتت ندى تفكر بالتفسير اللي فتح طلال عيونها عليه .. معقولة ؟!.. معقولة ؟!.. بدر يحب نوف ؟!.. يحب نوف ؟!.. طيب ونوف ؟!.. وش بيكون ردها اذا عرفت ؟!.. هي تكرهه شلون بتكون ردة فعلها اذا عرفت ان الشاب اللي ظنته يكرهها ميت بهواها .. ويحبها بجنوون ..!!! طلال : أتمنى ما أكون ضايقتك بشي .. ابتسمت ندى .. طلال هذا كنز .. كنز .. لازم تحافظ عليه : ضايقتني ؟!.. بالعكس .. الا ساعدتني بمشكلة ما كنا بنعرف لها حل .. طلال : طيب اتمنى انك لقيتي لها حل .. ندى : ما لقيت حل للحين .. لكن يكفي انك عرفتني على سر تصرفاته الغريبة .. عرفتني على أساس المشكلة .. بصراحة طلال .. ما أعرف شلون بشكرك .. أهنيك على ذكائك .. طلال : حنا في الخدمة دايما .. هذا واجبي .. وانا مادرست هالتخصص الا عشان اساعد الناس .. ندى : أهنييييك من كلللل قلبي .. طلال : تسلمين .. أحرجتي تواضعنا .. ندى : طيب معليه .. بسألك سؤال .. طلال : تفضلي .. انا كلي لك .. ندى : تسلم .. انا الحين ما أدري اذا اقول لنوف اللي عرفته ولا لا .. وخصوصا اني تمشكلت معها اليوم بسبب ولد عمها هذا اللي سبب لها صدمة .. تخيل من كثر ما كرهته ومن كثر ما لعوزها .. سرقت شهاداته وشقت نص الورقة .. والحمدلله اني لحقت على الورق قبل ما تنشق كامله .. طلال بدا على رده الصدمة : لهالدرجة ؟!.. ندى : واكثر بعد .. اقولك البنت ما تطيقه فحياتها .. طلال : والله مشكلة .. ندى : طيب شرايك اقول لها ؟!.. اقول لها عن سر تصرفاته ناحيتها .. اظنها بتتفاجأ اذا درت انه يحبها .. طلال : بهالوقت لا .. ما أظن .. انتي تقولين انك تمشكلتي معها اليوم وهي بحالة صدمة ولو اني ما عرف وش نوع هالصدمة ولأي سبب .. لكن المهم انك تبتعدين عنها كم يوم وتخبين عنها هالحقيقة لما يجي الوقت المناسب .. لأن البنت بهالحالة أكيد مارح تصدقك .. ندى حست انها لازم تثق فيه .. مالها غيره يقدم لها الراي السديد : هذا رايك ؟!.. طلال : ايه نعم .. هذا رايي وان شالله تتعدل الأمور .. ندى احتارت .. ما تخيلت ان نوف بيجي يوم من الأيام وتحب فيه بدر عدوها اللدود : يعني قصدك ممكن انها تحبه ؟!.. طلال : ايه نعم ممكن .. وممكن تعشقه اكثر من ماهو يعشقها .. أظن ان المسألة تحتاج ان ولد العم يبتعد عن نوف فترة وتهدا الامور من ناحيته ويغير تصرفاته تجاهها .. وصدقيني بيكون مفعوله مثل السحر على قلبها .. ندى اندهشت .. واعجبت أكثر بهالانسان المسمى " طلال " واللي مبين انه يعرف كلللل شي .. مما زاد من رغبتها انها تشوفه شخصيا .. ندى : مدري وش اقول .. بس بصراحة .. بمشي على نصيحتك .. طلال : وان شالله ما تندمين .. ندى ابتسمت : مارح اندم حتى ولو صارت النتايج العكس .. يكفي انك عطيتني من وقتك وساعدتني .. غيرك ماكان ممكن يسويها .. بصراحة مثلك انسان .. نادر الوجود بهالزمن .. طلال : هذي شهادة اعتز فيها .. واذا عندك أي مشكلة قوليها لي انا مستعد .. كم عندي من ندى انا ؟!.. ندى برد يحمل المرح : ..... وحدة .. طلال : ههههههههههه .. قلتيها .. وحدة .. ندى طلال ... احمر وجه ندى بمجرد قرت اسمها جنب اسمه .. ندى طلال ؟!.. بصراحة الاسمين لايقين على بعض .. ندى : وطلال ندى .. طلال : هههههههههههههه .. ندى : اوكي بتركك .. تصبح على خير .. طلال : وانتي من اهله .. سكرت وراحت انسدحت عالسرير .. وتعيد بذهنها كل الكلمات اللي قرتها .. وتعيد ترتيب افكارها .. معقولة كل هالفترة كان بدر يحب نوف .. ويجاااهد عشان يخفيه .. آآآخ بس لو تدرين يانوف وش اللي كان مستخبي .. الحب بطريقه لك يا نوف .. بطريقه لك .. يا ترا بتحبين مثل ما انا حبيت .. بتحبين بدر مثل ماهو يحبك .. ابتسمت وانقلبت على جنبها وهي تكمل سلسلة افكارها .. عالأقل حظك احسن من حظي .. اذا كنتي بتحبين .. بتحبين واحد يحبك .. مو مثلي حبيت واحد ماكان داري عن هوا داري .. رجعت انقلبت عالجهة الثانية وعيونها تتابع عقارب الساعة الموضوعة عالكومدينه لكن بالها مازال سارح .. وبدت تخدر تدريجيا ويهاجم النوم جفونها .. وآخر ذكرى كانت في بالها قبل ما تستسلم للنوم تماما هو اللي صار اليوم مع احمد والكلام اللي انقال .. " اليوم ماتدرين .. بس بكرة بتعرفين " .. كانت آخر عبارة تدور ببالها .. ومن بعدها غرقت باحلامها .. -------- الساعة 9 ونص الصبح .. واثناء ما الناس كلهم منشغلين بأعمالهم ومن بينهم سلمان اللي غارق بشغله دق تلفونه .. ومن النغمة عرف انه صاحبه العزيز بدر .. رد وهو مبتسم : يا هلا .. بدر ما انتظر حتى يسلم : الوو .. وينك ؟!.. سلمان ماقدر يمسك ضحكته اللي انطلقت من بين شفاته : هههههه .. هلا بالفاشل .. بدر تنرفز من روقان سلمان واللي هو محروم منه بهاللحظة : انثبــــر ... يا دوب وينك ؟! سلمان : بالمكتب بعد ويني فيه !!.. بدر : ترا بجيك اذا عندك ضيوف ولا احد صرفهم .. سلمان باستنكار وهو ماسك ضحكته : حلوة ذي صرفهم .. هذا شغل مب لعبة .. بدر : تراني جاي انا قلت لك .. سلمان : ليه وش فيه ؟!.. بدر : مصيبــــــة !!.. يا سلمان مصيبــــــة !! .. الله يستررررر ... سلمان عارف ان الموضوع يتعلق بنوف والكلام اللي قالته امس : ههههههههه .. وش مصيبته ؟! بدر : خلني اجيك بعدين بقولك .. سلمان : يالله تعال ماعندي احد بدر : يالله جاااي لك طيرااااان .. عشر دقايق تقريبا ويسمع حس بدر خارج مكتبه يقترب منه ووبعدها يدخل بملامح غريبة عبارة عن خليط بين التوتر والخوف والتنبؤ لأشياء ممكن انها تحصل .. بدر : السلام عليكم .. سلمان ماقدر حتى يخفي ابتسامته : وعليك السلام .. منووور مكتبي اليوم .. بدر وهو يجلس ويشبك يديه ببعض بتوتر : بوجودك .. ( وسكت ) تلاشت ابتسامة سلمان من عيون بدر اللي كانت بالأرض وتوتره اللي مبين حتى بجلسته .. سلمان : خير بدر .. وش صار ؟!.. تنهد بدر ورفع عيونه له : صار اللي ابد ما توقعته .. الله يستر بس .. سلمان وهو يستند عالمكتب بيديه الثنتين ويركز كل اهتمامه لبدر : ليش ؟!.. بخصوص نوف ؟!.. بدر هز راسه : ايه نوف .. تدري وش كانت تقصد بالكلام اللي قالته امس ؟!.. سلمان : لا .. بصراحة للحين ماعرفت قصدها .. بدر ابتسم ابتسامة جانبية تعبر عن السخرية : شهاداتي .. هذا كان قصدها .. بلم سلمان وهو يطالع بدر .. بدوون تصديق بدر بإقرار : أيه شهاداتي .. والخبيثة ما خذت الا آخر شهادتين .. يعني اهم شهادتين .. سلمان بعد ما استوعب تهادى على ورا من الصدمة : لا تقوووووول ..!!! بدر : تبيني أحلف لك .. سلمان والدهشة متملكته : من جدك يابدر ؟!.. بدر : والله من جدي .. دورت عليهم بالغرفة وبالملف اللي كنت حاطهم فيه مالقيتهم .. اصلا مافي بغرفتي شي عزيز على قلبي على قولة نوف اكثر من هالورقتين .. سلمان : وانت عشان كذا خايف ؟!.. بدر : بالله عليك ماتبيني اخاف .. الله يستر بس لا تكون سوت فيها شي .. سلمان : مابي أخوفك .. بس لا تستبعد هالشي .. من ردة فعلها امس انتظر الأعظم منها .. بدر : وهذا اللي مخوفني .. كلامها امس ما يبشر بخير .. قلي وش اسوي .. سلمان يطالع في بدر ويفكر : ........ بدر : قلي وش الحل ..؟!.. سلمان بهدوء : اذا قلت لك انه هذا اللي جنيته بيدينك بتعصب مني .. بدر سكت ومارد .. هو عارف ان اللي سواه أمس شي عظيم بحق نوف المفروض فكر قبل مايسويه .. بس هو ما قدر يمسك نفسه أول ما شافها قبال عيونه .. خلاص طفح الكيل !!.. كل يوم بيوم يحس بالجنون بيطفح منه .. ولا هو قادر يمسك نفسه ويسيطر عليها .. نوف هذي انتزعت قلبه من مكانه .. صار هايم بحبها .. وماكان حاسب حساب لهاليوم اللي يعشق فيه نوف لهالدرجة .. هو كان عارف نفسه بدا يحب بنت عمه لكن ماتوقع ان نوف بتملك قلبه لهالدرجة اللي تخليه يدور صورتها بكل الوجوه اللي تقابله .. سلمان يراقب سكوت صاحبه وفاهم كلللل شي داخله : يوم قلت لك انك تحبها ما صدقتني !!.. انتبه بدر عليه وشاف ابتسامة سلمان الهادية : انت الوحيد اللي دايما تفهمني حتى لو كنت انا مو فاهم نفسي .. سلمان : انا فاهمك من البداية ويوم قلت لك انك تحبها ما صدقت .. بدر حب يقطع هالموضوع لانه عارف انه كان يكذب على نفسه : خلاص اللي صار صار وانا حبيتها .. بس شرايك الحين وش بسوي .. سلمان : بصراحة ما أستبعد الحين انها قطعتها ونتفتها وحرقتها بعد .. بدر : كل شي متوقعه .. بس ابي اعرف الحين شصار .. سلمان : انا اقول دق عليها .. بدر : ما اظن ترد علي .. سلمان : دق عليها وجرب انت وش بتخسر .. طلع بدر جواله كمحاولة انه يعرف وش صار على شهاداته حصاد دراسته .. دق عليها وظل ينتظر رد وعيونه على سلمان اللي هو بعد قاعد يترقب .. من المفاجاة ان التلفون من دق دقتين انقطع بوجهه .. التفت بدر لسلمان وابتسامة سخرية على وجهه : شفت .. قطعت بوجهي .. سلمان : جرب دق مرة ثانية .. بدر رفض : مارح ترد .. خلاص انا عرفتها زين .. بعد لحظات .. دق جواله بنغمة مسج .. وكان من نوف .. بدر بفضول : هذا مسج من نوف .. سلمان : والله .. اقرا وقلي وش تبي .. فتح بدر المسج " انا ما أرد على الحيوانات أمثالك .. ولا تحاول تدق مرة ثانية .. وشهاداتك هذي انساها .. لأنها خلاص صارت بالباي باي " .. واختتمت المسج بكلمة .. " أكرهــك " .. ابتسم بدر بسخرية على نفسه ورفع عينه لسلمان بنظرة غريبة يغلفها الحزن : تكرهني ..!! مد الجوال له والنظرة ما زالت بعيونه .. هو عارف ان نوف تكرهه لكن صعب الشعور لما تتوجه الكلمة له مباشرة اما بالكلام أو الكتابة .. صعب الاحساس لما تجيك كلمة " أكرهك " من الشخص اللي تملك قلبك وصار يجري بدمك .. سلمان بعد ما قرا المسج تبدلت ملامحه للجمود والعبوس : ما كأن هالكلام كبير في حقك .. بدر مبتسم بسخرية وازدراء : خلها تقول اللي تقول .. تظل نوف الحبيبة .. ملكة القلب وقام واقف يبي يروح وسلمان وقف معه : بدري اجلــس .. بدر : لا لا .. بروح .. خلني افكر واعرف وش بسوي .. سلمان بنبرة جادة وحازمة : انا من رايي انك تروح لعمك وتعلمه .. بدر تفاجأ من هالاقتراح : اعلمــه ؟!!.. سلمان : ايه تعلمه .. هذي شهادات يابدر .. شهادات تميزك عن الكل وتخلي المستقبل قدامك بالسهولة اللي غيرك مو لاقيها .. بدر طعني ورح خبر عمك .. انا ما اعتقد ان نوف سوت فيها شي يوصل انها تخلصت منها بالشكل اللي حنا متصورينه .. يمكن قالت الكلام اللي قالته عشان تحرك بس .. بدر : وما فكرت باللي ممكن يصير لها لو خبرت عمي .. سلمان وجديته زادت : خل يصير لها اللي يصير .. بدر الحق عليها قبل فوات الآوان .. بدر بنبرة يائسه : ما اقدر ياسلمان ما اقدر اروح اخبر عمي .. انها تنذبح هذا اقل شي ممكن يصير لها .. سلمان : بدر حكم عقلك لا تحكم قلبك .. بدر هز راسه بيأس : يصير خير .. سلم عليه وطلع .. يفكر باللي ممكن يصير .. واللي ممكن انه صار .. وهو ضياع مستقبله اذا كانت نوف تهورت وسوتها .. ----- في بيت ابو فهد نزلت ندى للصالة بعد العصر .. لقت ابوها يقلب بصفحات الجريدة بين يديه .. بعد ماقررت امس انها تروح لنوف اتبعت نصيحة طلال لها وقررت تأجل زيارتها لها لما تهدى .. ندى وهي تجلس على وحدة من الكنبات : مسا الخير يبه .. ابو فهد وعيونه ما ابتعدت عن السطور قدامه : مسالنور .. عم السكوت بينهم ندى خذت الكنترول وقلبت بالقنوات وابو فهد انشغل بالأخبار السياسية اللي تملى صفحات الجريدة وخاصة أمور فلسطين والعراق .. اخترق السكون صوت التلفون يدق واللي كان اقرب له ابو فهد فرد .. ابو فهد : يا هلا .. ابتسم لحظتها وحط الجريدة على جنب : هلا حبيبتي شوق .. التفتت ندى لما سمعت الاسم .. ابو فهد : شلونك ؟!.. شوق : بخير عمي انتوا شخباركم ؟! ابو فهد : بخير وعافية .. ها عيوني ان شالله مرتاحة .. شوق : الحمدلله مرة مرتاحة .. ندى اللي كانت تتابع الحوار كانت متأكدة ان شوق بتطلب تكلمها فقررت تطلع لغرفتها عشان تهرب من المكالمة .. فقامت وتوجهت للدرج لكن ابوها كان اسرع منها وناداها .. ابو فهد : ندى .. ندى عفست وجهها بحسرة : سم يبه .. ابو فهد : تعالي شوق تبيك .. مالقت بد من انها تروح تكلمها .. فردت وهي تجلس عالكرسي ومبتسمة باصطناع .. ندى : هلا .. شوق وبصوتها اللهفة : مرحبتييييين بأحلى بنت عم في الدنيا .. لكن ندى ما صدقت هاللهفة الواضحة بصوتها ومازالت على اعتقادها ان شوق تمثل الفرح .. وهي بالاساس عكس هذا كللله .. ندى : احلى بنت عم ؟! شوق : عندك شك .. المهم بشريني علومك هاليومين ؟! ندى هزت كتفها : عادي .. شوق بدلع مرح : ها شخبارك من غيرررري .. ندى ببرود : بخير .. شوق تمزح وتضحك ولا تدري باللي فقلب بنت عمها : متأكدة .. يعني ما اشتقتي لي .. ندى تقولها بصدق : لا .. لكن شوق فكرتها تمزح : ههههههههه .. اتحداك بنشوف بعدين مع اني انا والله اشتقت لكم وانتي خصوصا ما كأنها يومين غبت عنكم .. ندى : مادامك بتشتاقين ليش رحتي ؟! شوق : غصب عني والله تصدقين من طاحت عيني عالشرقية وانا حاسة بشعوور ثاني مرة مرتاااحة .. ندى ابتسمت عشان ماتحسس ابوها انه في شي غير طبيعي : كل واحد يقول كلام لكن بقلبه يقصد العكس .. قالتها وهي تبتسم لكن شوق بعد هالكلام حست انه في شي غير طبيعي من ناحية ندى .. شوق : شلون يعني ما فهمت .. ندى لاحظت ان ابوها رجع يندمج بأخبار الجريدة ونسى اللي حوله : الشخص اللي يكذب على نفسه ويكذب عاللي حوله ما يستاهل صدق الناس معه .. شوق حست ان الكلام موجه لها وحست بالألغاز تكثر عليها .. قبل فهد والحين ندى .. !! شوق بحيرة : وش قصدك بهالكلام ؟!.. ندى : تشطر عاد وافهمها .. شوق : على اني ماأدري وش المقصود بهالكلام لكن اذا كنتي تقصديني فانا عمري ماكذبت عليك .. ندى بصوت ساخر : كل شي بيّن ماله داعي تستمرين بالتمثيل .. شوق ارتاعت : أي تمثيل ؟!.. ندى شفيك ؟!.. ندى : مافيني شي .. انا قاعدة اقول اللي شفته بعيوني .. شوق ذبحتها الحيرة والاسئلة : وش شفتي ؟!.. ندى : ماله داعي ياشوق هالتمثيلية خلاص .. انا عارفة انك فاهمة قصدي واذا هالشي يعجبك ويريحك انا بكلم ابوي يخليك تسوين اللي تبين .. يعني تمي هناك لا ترجعين لنا .. شوق صعقت بهالكلام : ندى شتقصدين فهميني الله يخليك .. ندى تنرفزت وصرت على اسنانها : قلت لك خلاص وقفي هالتمثيل .. كل شي انكشف .. شوق تنهدت بضيق : صدقيني ياندى اني ما أدري وش تتكلمين عنه .. مافهمت شي من اللي تقولينه .. ندى : اللي كذب مرة يكذب بعدها مليون مرة .. انت فاهمة وش اقصد .. شوق عرفت انها تدور بحلقة مفرغة ولا رح توصل للجواب : اوكي .. انا بس حبيت اسلم عليك واشوف اخبارك .. ندى : وتطمنتي ؟!.. شوق تغيرت نبرتها للأسى : ايه .. كل اللي بقوله لك ويمكن يعطيك رد على كل اللي قلتيه .. انا خسرت من قبل أغلى الناس وأعز الخلق .. ابوي وامي وانحرمت منهم .. ولا يمكن اخسرك انتي بعد او أي احد منكم .. لا انتي ولا عمي ولا مرة عمي ولا فهد ولا نايف ولا منى ولا نجلاء .. حتى عمر .. مو مستعدة اخسره هو بعد .. سكتت شوق وندى بعد التزمت الصمت .. حست خلالها بدموع شوق وشهقاتها المكتومة وعورها قلبها .. بس ظلت ساكتة .. شوق حبت تنهي الاتصال : تدرين انا دقيت عليك ابيك تساعديني عاللي بسويه بعد كم يوم ؟!.. بس خلاص مو لازم .. ندى استغربت : اساعدك باللي بتسوينه ؟!.. وش بتسوين ؟! شوق : اقترحت على خالتي ايمان ان حنا نروح للشقة اللي كنت ساكنة فيها مع ابوي .. لكن الحين صرت مترددة .. ندى ماعرفت وش بتقول : ......... خذت شوق من صمتها الرد البارد : اصلا انتي من دقيت عليك وانتي مو طبيعية .. فشلون بتساعديني الحين .. انا بسكر الحين تبين شي ؟!.. ندى مالقت جواب : لا .. شوق : مع السلامة .. انتبهت ندى لأبوها اللي رفع عينه من الجريدة وكأنه تذكر شي .. مد يده لها يطلب منها تعطيه السماعة .. ندى : شوق لحظة ابوي يبيك .. شوق : طيب .. اخذ ابو فهد السماعة مبتسم ببشاشة : هلا حبيبتي .. شوق وهي تمسح دموعها وتحاول تبتسم : هلا عمي .. آمرني بغيت مني شي .. ابو فهد : لا حبيبتي .. بس بغيت اسألك .. متى تبين ترجعين عشان اجي آخذك .. ؟! شوق وهي تتذكر كلام ندى اللي يلوع وبيأس ردت : مدري يا عمي مدري ... قطعت كلماتها بعد ماخنقتها دموعها وبان على صوتها .. وابو فهد حس بهالشي واستغرب .. ابو فهد : شوق حبيبتي شفيك ..؟! شوق وهي تقاوم دموعها : مافيني شي .. ابو فهد : شلون مافيك .. قبل شوي وش حليلك .. ( والتفت لبنته لأنه حس ان مكالمة ندى لها هي السبب ).. ندى : يبه ليش تناظرني كذا .. مارد ابو فهد ورجع لشوق : حبيبتي شفيك .. ندى قالت لك شي .. شوق تبكي : ............ ابو فهد بحينة : عمري شفيك .. احد مضايقك هناك ؟!.. شوق وبصوتها بحة من الدموع : لا ... ولا شي .. ابو فهد : اجل شفيك ؟!.. شوق تذكرت بلوعة اللي صار لها امس مع فهد عالتلفون ومع ندى : عمي اذا انا مضايقتكم بشي بجلس هنا خلااص .. ابو فهد تفاجأ : مضايقتنا ؟!.. من قال .. شوق ترجع لدموعها : محد قال لكن انا اشوف واعرف .. ابو فهد بعصبية : اللي يقول هالكلام اقص لسانه قص .. محد له الحق يقول مثل هالشي .. انتي بنت اخوي صالح الغالي .. من سمعت شوق اسم ابوها انفجرت بكي ودموع .. وابو فهد صابته صدمة .. ابو فهد : غناتي شوق قولي لي شفيك .. شوق وهي تحاول تتمالك نفسها : مافي شي مافي .. بس انا محتاجة اقعد هنا كم يوم .. يكون اريح لي .. ابو فهد وهو يتنهد : معليه عمري بخليك هناك كم يوم لما ترتاحين .. شوق : مشكوور عمي ماتقصر .. ابو فهد : واذا احتجتي لي دقي علي وقولي لي .. شوق : ان شالله .. ابو فهد : فمان الله .. شوق : مع السلامة .. سكر ابو فهد والتفت لبنته بنظرة شك : شقلتي لها يا ندى ؟!.. ندى انصدمت من سؤاله : ماقلت لها شي .. ابو فهد بحزم لكن بصوت هادي : الا قايله لها .. بس وش قلتي لها بالضبط .. بنت عمك تعبانة هالايام المفروض تواسينها مو تزيدين عليها المواجع .. ندى قررت تفاتح ابوها بالي تبيه شوق : يبه انا ماقصدت ازيد عليها شي .. بس بقولك شي اصلا شوق من البداية ماتبي تعيش عندنا .. رفع ابو فهد حواجبه مستغرب : ومن قال هالكلام ..؟!.. ندى : انا سمعتها بنفسي تقوله لخالتها لما جت عندنا .. قالت لها انها ماتبي تجلس عندنا .. تبي ترجع للشرقية .. ابو فهد هز راسه بحكمة : لا ياندى انتي فهمتيها غلط .. هي راحت هناك بس لفترة ترتاح وبترجع .. ندى : ما أظن يبه .. ابو فهد ابتسم لأنه عارف ان كل اللي صار من بنته نتيجة حبها لشوق : لا تخافين حبيبتي .. شوق بترجع اذا مو اليوم بكرة واذا مو بكرة اللي بعده .. اصلا من لها غيرك .. ابتسمت ندى بحزن : يبه انا ماقلت هالكلام الا لأني ابيها تعيش بالمكان اللي هي تبيه .. ما ابي نجبرها على شي .. ابو فهد : مارح نجبرها على شي لا تخافين .. هزت ندى راسها بتفهم وقامت واقفة : بروح اذاكر يبه عندي كويز .. تبي شي ؟ ابو فهد : الله يوفقك .. استاذنت وطلعت لغرفتها وهي تفكر بالكلام اللي قالته لشوق .. | |||||||||
| |
|
06-19-2010, 11:31 PM
| #34 (permalink) | |||||||||
|
مستشار المؤسس ~
|
رد: * غــــــــــارقـــــــــات في دوامـــــــة الحــــــــب * انا :
قمرهم كلهم دخلت هديل الصالة ووجهها متغير وكانوا مشعل وايمان جالسين يسولفون .. من شافتها ايمان سألتها عن شوق .. ايمان : وين شوق ؟!.. هديل وهي تجلس : بالغرفة .. ايمان : شعندها ؟!.. بتنوم .. هديل : لا .. مدري شسالفتها من كلمت بيت عمها وهي ضايق صدرها .. ايمان بقلق : ليش الله يستر فيهم شي ؟!.. هديل : لا مافيهم شي .. ايمان : اجل شفيهم .. هديل : مدري بصراحة مافهمت منها شي .. تدخل مشعل والتفت لأمه بقلق : يمه روحي شوفي شفيها .. قامت ايمان وتوجهت للدرج وهديل من لقافتها قامت وراها بس مشعل سحبها من يدها ورجعها جالسة .. مشعل : بلا لقافة يالملقوفة .. لازم كل شي تحشرين نفسك فيه .. هديل وهي تسحب يدها من قبضته : وانت شدخلك ؟!.. مشعل : خلي امي تروح تكلمها على راحتها .. وانتي انثبري هنا .. طلعت ايمان فوق ودقت الباب على شوق ولما ما حصلت رد دخلت .. شافتها نايمة بالسرير ومتغطية بشكل كامل حتى وجهها غطته .. دخلت وسكرت الباب وراها وقربت منها : يمه شوق .. شوق ماتحركت ولا التفتت .. وايمان جلست على طرف السرير وحطت يدها عليها بحنية .. ايمان : تعبانة يمه ..!! هالمرة تحركت شوق بخفة والتفتت لها وهي تبعد اللحاف عن وجهها .. ابتسمت ايمان بحنية وهي تشوف الدموع مستقرة بوسط عيونها .. ايمان بحنية كبيـرة : شفيك حبيبتي .. قامت شوق قاعدة ونزلت راسها بصمت وهي تشبك يديها ببعض بتوتر وحيرة .. ومدت ايمان يدها ومسكت يدينها وشدت عليهم بتشجيع .. ايمان : قولي لي يمه شفيك .. شوق هزت راسها ورفعت عيونها لها بدمعة تسيل بسلاسة على خدها : مدري .. أحس اني ضايعة .. ايمان : ضايعة ؟!.. شوق هزت راسها بصمت .. ايمان : ومن قال انك ضايعة ؟!.. شوق بحزن : اجل وش تسمين وضعي الحين اللي انا عايشة فيه .. مالي بيت حقيقي يضمني .. ولا ابو ولا ام ... ولا ولا ولا .... أشياء كثيرة ناقصتني .. حياتي غير كاملة .. ايمان رفعت يدها لوجه شوق تمسج دموعها : ابي اعرف من وين جبتي هالكلام .. انتي متضايقة ببيت عمك .. مو مرتاحة هناك ؟!!.. شوق : بالعكس .. انا مرتاحة وراضية بنصيبي .. لكن شسوي اذا كنت انا اللي مضايقتهم .. وين أروح ؟! سحبتها ايمان بحنية وضمتها لحضنها بحنية وحنااان غااامر .. وشوق استسلمت لدموعها وحزنها والحقيقة المرة اللي اكتشفتها مؤخرا .. حقيقة زادتها ألم فوق ألمها وحزن فوق حزنها .. اذا كان بيت عمي مايبوني وين اروح .. من لي غيرهم الحين .. ليش بالبداية ماقالوا لي اني مو مريحتهم .. ليش قالوا بعد ما كبرت محبتهم ومعزتهم بقلبي .. آآآآآآه .. حرام عليك ياندى .. كان قلتي لي من زمان انك ما تبيني .. بكت شوق لفترة طويلة وتأوهت بألم وحرقة وايمان خلتها تبكي وتعبر على راحتها .. لأنها عارفة ان هذا جزء من اللي كبتته داخل صدرها الشهور والأيام اللي فاتت .. هذا غير الكلام اللي قالته عن بيت عمها وانهم رافضينها .. وقررت ايمان انها لازم تعرف لسش قالت شوق هالكلام ولازم تعرف اذا كانوا فعلا مايبونها .. واذا صدق هالشي .. بيكون بيتها الملاذ لها والراعي .. داخت شوق وغرقت بالنوم .. غطتها ايمان وطلعت ورجعت للصالة تحت حيث كانوا عيالها ينتظرونها بلهفة .. مشعل سبق هديل : ها يمه بشري .. ايمان وهي تتنهد : والله اللي قالته يبي لي اتأكد منه .. مشعل : ليش شقالت ؟!.. ايمان : بعد عمري تبكي .. تقول ان بيت عمها مايبونها تعيش عندهم .. تقطع قلبي هالبنت .. مدري متى بتستقر بحياتها .. مشعل تفاجأ : معقوولة ؟َ!!.. تدخلت هديل وهي متاثرة باللي سمعته : شلون يمه .. مابين عليهم يوم نروح لهم .. بالعكس مبين انهم يحبونها ويعزونها .. ايمان : ما أدري بس شوق الظاهر من بعد ماكلمت بيت عمها عرفت بالموضوع بس مدري شلون .. هديل : طيب واذا كانوا فعلا مايبونها وين بتروح ؟!.. تدخل مشعل وقاطعها : طبعا عندنا .. أجل وين بتروح .. هديل بنبرة قلقة : وتتوقع ابوي بيوافق .. مشعل : يوافق ليش ما يوافق .. هذي يتيمة مالها غيرنا .. ايمان : ابوك مارح يرفض وان رفض انا بنفسي بقنعه .. هو يعرف معزة شوق عندي .. هديل : انا عن نفسي ودي شوق تجلس عندنا .. ايمان : خلينا نعرف وش السالفة الحين .. مع اني مااعتقد ان ابو فهد مايبي بنت اخته .. المعروف عنه انه نشمي مثل اخوه الله يرحمه .. هديل قامت : بروح لها اشوفها .. ايمان تستوقفها : تعالي نامت الحين .. خليها لاتزعجينها يكون أريح .. قعدت هديل مكرهه .. اذا بتجلس معناته بتقعد مع مشعل ومناقر وطوالة لسان .. ماصدقت ان شوق تجي لهم تبي تقضي كل وقتها معها .. ------- نرجع لبيت ابو فهد .. كانت ندى جالسة بالصالة وتفكر بسرحان وقلق بكل اللي قالته لبنت عمها .. تفكر بالكلمات الجارحة اللي طلعت منها .. يمكن شوق كانت على حق ولا تقصد باللي سوته أي شي .. غير انها فترة وبتغيب عنهم وبترجع .. أجل ليش حسيت بالعكس وان شوق ما تبينا .. معقولة كل هالسعادة اللي طلعت بعيونها لما جت عندنا كلها كانت تمثيل بتمثيل .. اوووففف .. تأففت وهي جالسة بحالها فالصالة .. تحس انها على حق ومو على حق .. طيب وش سر الكلام اللي قالته لأبوي وانها تبي تجلس هناك اذا هي مضايقتنا بشي .. معقولة كانت استغلال فرصة انها تبتعد .. دخل عليها فهد راجع من برا وهو يلعب بالمفتاح بيده .. فهد : سلااااام .. ندى بملل وهي سرحانة وتفكر وحاطة يد تحت خدها : هلا .. فهد : شعندك جالسة لحالك ؟!.. ندى : وش تبيني اسوي بعد كل اللي عرفته .. فهد وهو رافع حواجبه مستغرب : وش عرفتي ؟!.. ندى بنرفزة وهي تضرب بمخدة الكنبة اللي كانت في حضنها عالأرض : اووفف .. ياليتني ماكلمتها .. فهد مستغرب من ردة فعلها : منهي بعد ؟!.. ندى : شوق بعد فيه غيرها .. عطيتها فرصة انها ترفض ترجع لنا .. فهد : ليش ؟!.. ندى بعصبية رفعت عينها له : تخيييل .. كلمت ابوي وقالت مابي ارجع لكم .. تخيل .. استغلت فرصة انها تكون بعيدة عشان تقرر انها ماترجع .. وعشان تثبت الكلام بالفعل .. فهد يحرك يده عن راسه بعلامة الجنون : استجنيتي انتي .. من وين جبتي هالكلام ؟!.. ندى : انا كنت عند ابوي لما كلمها .. فهد بترقب : وابوي وش قال ؟!.. ندى بقهر : لا وتدري .. حطت العلة فينا حنا .. وانها مضايقتنا عشان كذا قالت فرصة انها تبتعد .. وما أدري بعد اذا قالت لأبوي ان حنا مضايقينها .. فهد مو قادر يصدق اللي يسمعه : صاحية انتي ؟!.. ندى : صاحية ونص اقولك سمعت كل اللي صار بينها وبين ابوي .. وابوي قرر انه يخليها هناك فترة اكثر يمكن ترتاح وتغير قرارها .. بس انا ابدا ما ظن انها بتغيره .. فهد حس انه اذا قعد اكثر وسمع لأخته بينجن : اقول اقول .. انا بطلع لغرفتي .. سوالفك تضيق الواحد .. اوف !!.. تركها ورقى وهي مستغربة منه .. هذا جزاي بعد اني اقوله كل اللي صار .. اقلب وجهك مو كفو احد بقولك شي ..!!.. دخل فهد الغرفة وهو حاس انه مكتوم .. يحس انه ضايع الحين بين رغبته انه يشوفها واصراره انه يشيلها من ذهنه .. ولأنه مصمم على تنفيذ الرغبة الثانية لقا نفسه يرفع الجوال ويتصل على شذى .. اللي ردت من أول دقة بصوت مو مصدق ملهووووف .. شذى : هلاااااا بحياتي كلها اللي مالي غنى عنه .. فهد ضحك : ههههههههه هلا ياعمري .. شذى : ماصدق والله ماصدق .. وين هالصوت وهالحرارة بكلامك .. ( وتحول كلامها لنبرة الزعل ) .. بصراحة حبيبي انا شايلة بخاطري عليك .. لي فترة ادق عليك وترد علي بكل برود .. مدري شصاير لك وقتها .. ممكن تقولي ؟!.. فهد وبصوته فيه الحنية : مايهون علي زعلك حبيبتي .. مجرد فترة وعدت لا تشيلين بخاطرك ... شذى بنعومة : يعني اضمن انك بتم فهد اللي انا اعرفه على طول ..؟! فهد يؤيدها بنعومة ساحرة : على طول عمري .. على طوول .. بتم فهد اللي انتي تعرفينه وتبينه بعد .. شذى : الله يخليك لشذى حبيبتك .. فهد : ههههههههه .. ويخليني لك .. عندي لك مفاجاة عمري .. بتفرحك .. شذى : جد ؟!.. اكيد بتعجبني دامها منك .. فهد : انا رتبت لي موعد انا وياك .. شراايك ؟!.. شذى ماصدقت وبان على صوتها : من جــــــدك ؟!.. اكيد اكيد موافقة .. تتوقع اني برفض وهي امنيتي الاولى والاخيرة .. طبعا موااافقة عمري .. قولي بس متى ؟!.. فهد : شرايك بالأسبوع الجاي .. اكون رتبت اموري وانني بعد .. شذى : اوووكي موااافقة .. وانا عندي احد اغلى من فهد اسخر له كلللل وقتي .. فهد : ههههههه .. عمري انتي .. شذى بحماااس : من الحين رح استعد للموعد .. رح اكوون مفاجأة لك .. فهد بتأييد : طبعا .. انا متأكد .. وهل يخفى القمر ..!! شذى والحيا بصوتها : هههههههههه .. تسلم حبيبي .. فهد : يالله حياتي انا اتصلت بس اشوف اخبارك واقولك عن الموعد .. بنوم تامريني بشي عمري .. شذى بنعومة : نووم العوووووااااافي يارب فهد : تصبحين على خير شذى : وانتا من اهله .. ----- بالجامعة في بداية الصباح .. نوال ونوف جالسين من غير شوق اللي مفتقدينها طبعا .. نوف كانت ساكتة ولا تتكلم ولا تناقش وتفكر بحالها وكل اللي صار لها .. صارت مو طايقة أي شي بسبة هالانسان " بدر ".. لدرجة انها تجادلت ويا امها اليوم الصبح على روحتها للجامعة .. ماكان لها نفس تقابل احد او تدرس و تسوي أي شي .. لكن ام احمد اللي تصرفت معها ولا كأن شي صاير بينهم ومنعتها من الغياب .. نوف راحت مكرهه وتخلفت عن المحاضرة وخلت نوال تتخلف معها بعد .. نوال بملل : اقولك انتي .. مغيبتنا عن المحاضرة بس عشان تجلسين ساكتة .. قولي شي تكلمي ترا زهقققت .. نوف بدون نفس : نوال بليز ترا مالي خلق انطق بولا حرف .. خليني كذا .. نوال : مخليتني اجي معك عشان نتم ساكتين .. نوف : خلاص نوال اذا تبين تروحين روحي .. مابي اجبرك لأني مارح اتكلم .. نوال تلطف الجو : لا لا عاد كلش ولا نوووف .. نوف التزمت الصمت وهي تسرح بعبوس يغطي كامل وجهها .. ونوال من الملل طلعت جوالها قعدت تلعب .. ومادرت الا بظل قدامها يوقف وصوت بنت ينفخ بحدة .. - هييي انتي .. رفعت نوال راسها عن الجوال وشافت اريج واقفة قبالها ويدها على خصرها ومروى جنبها .. نوال بعد اهتمام رجعت عيونها للجوال : خير ان شالله .. أي أوامر ..؟! اريج تنافخ بحدة اكبر : حطي عينك بعيني لما اكلمك .. نوال ببرود : اسمعك ماله داعي اشوفك .. تبين شي ؟!.. اريج وهي تلتفت لنوف وترجع عيونها لنوال : وين البنت الثالثة معكم ؟!.. نوال بنبرة باردة : من تقصدين ؟!.. اريج : اظن اسمها شوق اذا ماغلطت .. نوال : شتبين بها ؟!.. اريج : لما اسألك تجاوبيني .. نوال وعيونها مافارقت الجوال : ما أدري عنها .. روحي دوريها بنفسك .. اريج وهي توجه اصبعها بوجه نوال : ترا بتندمين انتي .. تراك مو قدي .. نوال ماردت : ......... تدخلت نوف لما حست بالصداع يزيد عليها من هالبنت اللي بس تنافخ : قالت لك ماتعرف عنها شي .. حلي عنا عاد .. اريج هزت راسها بتحدي : طيب .. مصيري بشوفها .. ولما تشوفونها قولوا لها الآنســة أريج سألت عنك .. نوال : شتبين بها ..؟! قاطعتها اريج بصوت حاد : مالك شغل انتي .. قولي لها وبس .. راحوا عنهم ونوال بان بعيونها القلق والتفتت لنوف اللي رجعت لسرحانها وعبوسها زاد .. نوال بقلق : الله يستر .. نوف بعد اهتمام : ليش ؟!.. نوال : ما أدري مواقفهم مع شوق زادت وشوق الله يهديها ماتقصر الشر .. من يكلمونها ويغلطون ترد عليهم .. لو كانت ساكتة كان احسن لها ولنا .. نوف ببرود تهز كتفها : وش بيسوون يعني .. مايقدرون يسوون شي .. نوال : بس هالأشكال تخوف .. الله يستر بس .. رن جوال نوف بهاللحظة اللي كان عالطاولة قبال نوال .. نوف تجاهلته ولا ردت ونوال لفت لها مستغربة .. نوال : نوف جوالك .. نوف : بكيفه ..!! نوال احتارت نوف اليوم ابدا موطبيعية : طيب ردي يمكن شي مهم .. نوف : ردي انتي .. خذت نوال الجوال من عالطاولة وشافت الاسم " أكرهـه " .. قطبت نوال وردت .. نوال : الو .. وطبعا كان بدر .. ومن غير بدر تكرهه نوف : صباح الخير .. نوال : صباح النور .. بدر ماعرف الصوت ومتاكد انه جوال نوف : مو هذا جوال نوف .. نوال : الا هذا جوالها .. بدر : وينها عندك ؟!.. نوال : ايه لحظة .. ( والتفتت لنوف ) .. نوووف .. واحد يبيك .. نوف عفست وجهها .. وجا في بالها انه اكيد اخوها احمد .. من يكون غيره يعني يدق علي بهالوقت .. نوف : نعم ..!! يتبـــــع * بدر ليش اتصل على نوف .. وهل بتنفع محاولاته انه يسترد اللي انسلب منه .. * ندى واكتشفت سر بدر المتعلق بنوف .. هل بتخبر نوف ولا بتخليه سر .. * شوق وندى وسوء التفاهم اللي حصل بينهم .. لمتى بيستمر ولوين بيوصل .. ندى واحمد .. وين بيوصلون .. رن جوال نوف بهاللحظة اللي كان عالطاولة قبال نوال .. نوف تجاهلته ولا ردت ونوال لفت لها مستغربة .. نوال : نوف جوالك .. نوف : بكيفه ..!! نوال احتارت نوف اليوم ابدا موطبيعية : طيب ردي يمكن شي مهم .. نوف : ردي انتي .. خذت نوال الجوال من عالطاولة وشافت الاسم " أكرهـه " .. قطبت نوال وردت .. نوال : الو .. وطبعا كان بدر .. ومن غير بدر تكرهه نوف : صباح الخير .. نوال : صباح النور .. بدر ماعرف الصوت ومتاكد انه جوال نوف : مو هذا جوال نوف .. نوال : الا هذا جوالها .. بدر : وينها عندك ؟!.. نوال : ايه لحظة .. ( والتفتت لنوف ) .. نوووف .. واحد يبيك .. نوف عفست وجهها .. وجا في بالها انه اكيد اخوها احمد .. من يكون غيره يعني يدق علي بهالوقت .. نوف : نعم ..!! بدر : قبل ما تقفلين انتظري واسمعيني .. نوف وبنبرتها الاحتقار : هذا انت ؟!.. ( ورفعت راسها لنوال بغضب ) .. يالزفتة ليش ماقلتي لي انه هو .. نوال خافت : وانا شدراني .. ؟!!.. نوف رجعت لبدر : نعم .. انا مو قلت لك لا تحاول تدق .. ماتفهم انت ولا ماتفهم .. بدر وه يتنهد بطولة بال : انا بقولك كلمتين وبس .. واتمنى تسمعينها بعدين سوي اللي تبين لو تقفلين الخط .. نوف : اسمعني .. انا عارفة وش تبي .. فلا تذل نفسك عالفاضي .. بالعكس هي تبي تذله وتهينه مثل ما سوا معها قبل .. خلها يحس بنيراني اللي في جوفي .. هي كانت مقررة انها تقفل بوجهه لما يدق مرة ثانية .. بس هالمرة لأن فيها اذلال له قررت تذله بكل كلمة وبكل حرف .. قررت تخليه مايسوى تراب .. بدر بصوت هادي حزين : مضطر اذل نفسي .. ولعيونها بذل نفسي .. كان يقصدها بس هي ما فهمت وعصبت اكثر من كلامه لما سمعته يجيب طاري " عيونها " .. نوف : اجل .. خل عيونها تنفعك .. وترجع لك اللي مأخوذ منك .. بدر بنبرة هادية غير المعتاد : طيب تعرفين منهي هذي اللي بذل نفسي لعيونها .. نوف : ماتهمني من تكون .. واسمع .. ابيك تبتعد عني وتختفي عن حياتي ولا تحتك .. ( وصرت على اسنانها بغضب ) .. خلني اعيش بسلااام كفاية .. بدر تحولت نبرته للجد بعد ما يأس منها ومن قلبها العنيد تجاهه : اوكي تامرين امر .. اذا تبيني اختفي من حياتك بختفي بس عطيني اللي اخذتيه .. نوف : لو تروح للمريخ .. تسمع للمريخ .. مارح ارجع لك اللي تبيه .. بدر : نوف اقصري الشر .. نوف : الحين تبيني اقصر الشر .. وليش ما قصرته انت من البداية .. لااا عيوني تحمل اللي بيجيك .. بدر يتنهد ويستغفر الله : ......... اللهم طولك يارووووح .. وبعدين معك .. نوف : بأحلامك يابدر .. لا تحلم ترجع لك .. بدر بنبرة حااازمة جدددا : نوووووف .. لا تحديني اسوي شي ما يرضيك .. نوف بسخرية ملت نبرتها : وش بتسوي يعني اكثر من اللي سويته .. تراني بايعتها .. وخلاص صار كل شي منك عااااادي اتقبله .. بدر بعصبية وقلبه يحترق بنار الغرام : يعني لمتى بنتم كذا .. ( يقصد بكلامه قلبه المفتوووون فيها ) .. نوف مافهمت قصده : بنتم كذا ؟!!.. انتا اللي بتم كذا اما انا عادي وعلى فكرة .. عمري مارح اندم عاللي سويته لأنك تستاهله .. بدر تحولت نبرته للهدووء بشكل مفاجئ : تدرين عن شي ؟!.. نوف استغربت من هالتحول السريع بصوته : وشو ؟!.. بدر نطق ببيت شعر صنم نوف وجمدها : المشكلة لا صرت بين اختيارين .. مستقبلك ولا حبيبٍ توده .. نوف تعطل المخ عندها عن التفكير : ........... بدر : اتمنى تفهمينها عاد .. مع السلامة .. سكر عنها مباشرة .. وهي ظلت ثواني حاطة الجوال على اذنها وجااامدة .. البيت يتردد في ذهنها باستمرار ومن الدلاخه صارت مثل الرموز والطلاسم مو فاهمه منها شي .. نوال استغربت من جمودها اللي طول : هيييي ليش ساكتة .. سكرت نوف الجوال ورجعت تجمد بدون ولا حركة .. بعد لحظة رفعت راسها بسرعة وهي تنفضه بخفة تحاول تبعد شي مشوش عليها التفكير .. نوال ارتاعت من حركاتها : بسم الله ... هيي شفيـــك ؟!! نوف عادت البيت ببطء وصوت خافت : المشكلة لا صرت بين اختيارين .. مستقبلك ولا حبيب توده .. نوال ما سمعتها زين او ظنت انها تتوهم اللي سمعته : نعم ؟!.. نوف رفعت راسها لها بغبااء : شفهمتي منها هذي .. نوال بعد صمت وهي تناظر فيها مو فاهمه اللي يصير : عادي .. بيت شعر عادي .. شفيه .. نوف بترقب تسأل : يعني مافهمتي منها شي .. نوال بعفوية : عادي .. نوف : يعني لو احد قالها لك .. مارح تفهمين منها شي ؟!!.. نوال ردت على سؤالها بسؤال آخر : انتي فهمتي منها شي ..؟! نوف ببراءة : .. لا .. نوال : تراه كلام شعر عادي الكل يقوله .. يعني مو شرط كل من قاله يقصد به شي معين .. ( ورجعت تذكرت شي ) .. وبعدين تعالي ليش تسألين الحين .. احد قالها لك ؟!.. نوف هزت راسها بالايجاب وهي تأشر عالجوال بدلاخه : ايه .. الحمار قالها لي .. نوال فتحت فمها بعدم استيعاب : هاه .. الحمار ؟!.. أي حمار ؟!!.. نوف عصبت من غبائها : اوف منك .. ماتعرفين يعني منهو الحمار .. الدونكي .. الحماااار .. فيه احد مايعرف منهو الحمار .. نوال بسخرية : لا والله يالفهيييمة .. لا فهمت الحين ما شالله عليك تعرفيني بالحمار .. وش شايفتني يالدلخه حماره ماعرف منهو الحمار ..؟!! نوف الحين تفتح مخها ورجع يشتغل ويحلل لها اللي سمعته .. ولما فهمت شهقت وروعت نوال معها .. نوف : الحمااااااار يبي يستدرجني .. نوال بدلاخه : هاه ؟!!.. نوف بعصبية : الحقييييييير النذل الجبااااااان يبي يخدعني .. يبي يستغل عواطفي عشان ياخذ اللي يبيــه .. نوال احتارت : حمار ونذل وجبان ومدري ايش .. من تقصدين ؟!.. نوف وعيونها تلمع بالغضب الحاااقد : هين .. هين اوريه .. والله ما اخليه يستغل قلبي هالنذل .. رجعت خذت جوالها وكتبت له مسج " العب غيرها يالجبااااان .. ترا كل شي مكشوووف .. ولا تحاول تستغل قلبي لأني مارح اسمح لك .. هذي اساليب الأنذال يالنذل .. اقوولها للمرة المليون .. تراني اكرررهك من كــل قلبي ولا تحاول تستغل عواطفي مرة ثانية .. يالنذل " .. ضغطت على زر الارسال وهي تصر على اسنانها بغضب .. يعني يمثل علي الحب .. من متى اصلا اللي يكره يحب بغمضة عين .. يبيني اصدقه ببيت شعر .. بأحلامه ..!!.. لو يسوي اللي يسوي .. خله يحس بحرارة قلبي اللي حسيت بها بسببه .. كانت نوف صامتة وعيونها الغاضبة تزيد شرر بكل ثانية تمر .. معرفتها ان بدر يمثل عليها المحبة خلتها تستحقره اكثر من ماهي مستحقرته .. الا صنفتها من سابع المستحيلات انها تصير .. وهي بعد .. خذت على نفسها عهد انها لا يمكن تفتح قلبها له او تحن عليه وترجع له اللي اخذته .. بس ياترا .. هل هي قد هالتحدي .. وهالعهد .. ؟!!.. وهل بيظل قلبها دوم من الحجر تجاه هالانسان بالذات .. لكننا دوم نقول .. القدر مفاجآت وصعاب وأحيانا سعادة .. واحيانا تعاسة .. حياتنا محصورة بين هالمصطلحين .. سعادة وتعاسة .. حياة نوف بتكون ايش من بين هذي .. لا سيما وهي تقترب من اكتشاف الحقيقة المخفية .. ----- دخلت ندى البيت راجعة من الجامعة شافت ابوها جالس بالصالة مع امها يسولفون بسالفة .. وسكتوا اول ما شافوها داخله .. فسخت عبياتها بفوضوية من التعب .. وقلة النوم مبينة بوجهها .. من بعد المكالمة الأخيرة مع شوق من قبل كم وهي مو مرتاحة .. رمت نفسها على وحدة من الكنبات وهي تتنهد .. ابو فهد لما شافها مبرطمة مثل عادتها بالفترة الأخيرة ابتسم : مساءك عسسسسل .. لفت له عيونها بسخرية من نفسها : أي عسسسل .. الا قل شاهي مر .. بدووون سكر .. ابو فهد ضحك : ههههههههههههه .. ليش عاد .. ندى حاولت تتمسك بالأمل الأخير برجعة شوق وخصوصا بعد الكلام الفظ اللي طلع منها .. الامل الأخير هو ابوها .. ماتقدر تفكر انها بتخسر شوق وهي ماصدقت وجود احد يشاركها حياتها بعد اختها نجلاء .. ندى : يبه .. ماقلت لي متى بترجع شوق ؟!.. ابو فهد ابتسم لها : توني انا وامك نتكلم عنها .. ندى لفت لأمها : وش تقولون .. لا يكون ناوين على شي .. ام فهد ضحكت لبنتها : ناوين علي شي ؟!!.. مثل ايش يعني ؟!.. ندى : مدري عنكم .. بس ترا انا زهقت لحالي .. ابيها ترجع .. ابو فهد بابتسامة حانية : بكلمها ان شالله اليوم او بكرة .. واروح اجيبها .. ندى ماصدقت عمرها من الفرحة : ايه يبه يالييت.. لها اسبوع الحين تقريبا غايبة .. بس.... ( وسكتت لما تذكرت رغبة بنت عمها ) .. بس يبه لا تنسى اللي قلت لك عنه .. يعني ياليت تكلمها بهداوة .. وتقنعها ترجع .. ابو فهد يهز راسه بيأس من بنته اللي رافضة انها تقتنع : انا كم مرة قلت لك انها بترجع لا تخافين .. مصيرها بترجع .. في الشرقية وفي هذاك البيت المتوسط الحجم الكبييير بقلوب اصحابه .. مرت الأيام على شوق وهي تفكر بحالها .. كانت لازم تطلع من البيت كل يوم مع خالتها وترفه عن نفسها وطبعا هديل معها .. لكن اللي فالقلب بالقلب .. هديل اليوم من الصبح جالسة عندها وسوااااليف ما تنتهي .. تخلق سالفة من لاشي .. ماترتاح لو كانت ساكتة .. اللسان لازم يشتغل .. وشوق لحظات تبتسم ولجظات تضحك من قلبها على كلامها واسلوبها .. شوق : ههههههههه .. خلااااص عورني بطني من الصبح وانا اضحك .. هديل : أيــــه اضحكي .. ( وتغيرت نبرتها ) .. خلاش شوق انسي اللي صار .. ولا تضيقين صدرك .. الحياة قدامك .. وان شاللع ربي بيعوضك بالسعادة اللي مو لاقيتها الحين .. انتي بس توكلي على الله .. ابتسمت شوق بشوية حزن : ان شالله .. انا عارفة ان ربي مارح ينساني .. لكن لازم افكر بحل ..لي كم يوم ادور حل لمشكلتي .. هديل مبتسمة : مافي مشكلة عشان يصير لها حل .. انتي بتقعدين عندنا .. بيتنا مفتوح لك دايما .. ولا نسيتي امي اللي معتبرتك بنتها .. مو انا يا حسرة .. احيانا اعتقد انك انتي بنتها مو انا .. شوق فكرت .. اليوم تستحملوني بكرة تملون .. طول عمري يتم عالة عاللي حولي .. شوق ضحكت مجاملة : لا عااااااااد وش دعوة .. ههههههههههه .. مو لهالدرجة .. لا عاد تقولين الا خالتي ايمان .. هديل بنظرة خبث وجهتها لها : طيب شوق .. شرايــك .. بأخــوي ؟!!.. شوق وقفت عن الضحك وبلمت : اخوك ؟!.. من أي ناحية يعني ؟!.. هديل والخبث يزداد لمعان بعيونها : عليناااا ؟!.. علينا هالكلام .. انا عارفة انك فاهمه قصدي .. شوق بلمت : هااا ..!!.. لا والله .. وش قصدك ؟!.. هديل : لا تستغبين .. شوق بتهديد : هديلووو .. ترا بكف الحين .. لا تلفين وتدورين .. قولي اللي عندك دايركت .. هديل وتغيرت نبرتها لما يشبه للسخرية : شوق بالله عليك .. ماحسيتي فيه للحين ..؟!!.. شوق بسذاجة : منهو ؟!.. هديل : اخووووي بعد منهو يعني ... شوق مو قادرة تربط او تفهم : احس فيه ؟!.. هديل : ايه .. لا تقولين انك مو حاسة فيه ترا بكفخك .. شوق ضاعت واحتارت ولا فهمت المقصد .. هي ماحست بشي : لا والله مو فاهمه قصدك .. اشرحي .. هديل بهدوء وبجدية : شوق .. مشعل يعزك كثير .. شوق بعد صمت : طيب !!.. وانا بعد اعزه .. هديل هزت راسها بنفاذ الصبر : لا .. يعزك فوق ماتتصورين .. ( وسكتت يعني افهميها ) .. قلبها فهم المعزى من خلال الصمت اللي حل بينهم : قصدك..... سكتت شوق والصدمة مبينة بعيونها .. توقعت كل شي الا هذا ..!!.. مشعل ؟!.. مشعل ماغيره ؟!!.. الصديق الوفي اللي قاسمني احزاني بفترة فقداني لأبوي وشاركني همومي وساعدني وشجعني بكلماته على النسيان والحياة بسعادة .. سكتت وهي تتذكر كل شي صار لها بالفترة الأخيرة .. كانت نظراته غريبة لها حتى اسلوبه بالكلام معها احيانا .. ماانتبهت لكل هالأشياء وقتها ولا فهمتها .. اصلا ماكلفت نفسها تفهمه .. مشعل يحبني ؟!... أنا ؟!! ابتسمت بخاطرها .. كان فعلا صديق عزيز وغالي ومن الاشخاص اللي شاركتهم حياتي من الصغر .. واكن لها كل التقدير والاحترام .. يحمل الصفات اللي تتمناها كل بنت .. ومحظوظة اللي بتاخذه .. بس........ قطعت هديل تفكيرها : بالله عليك ماحسيتي .. انا حسيت فيه حتى بدون مايقول او يتكلم .. شوق : هديل .. اخوك عزيز وغالي على قلبي .. وساعدني كثير .. بس ما ادري وش تقصدين لما علمتيني انه في قلبه شي لي هديل قطبت : لا بس .. انا حبيت احطك بالصورة .. مع انه يقهرني احيانا الا اني رحمته .. ماتشوفين شلون شايل همك وخصوصا ان بيت عمك مايبونـك......... ( مسكت نفسها من زلة لسانها وهي حاطة يدها على فمها بخوف ) تغير وجه شوق من الالم .. لكنها حاولت تبتسم : يعني لازم تذكريني .. هديل وهي تنزل يدها عن فمها بخوف : شوق .. والله آسفة ماكان قصدي.. شوق اتخذت من الابتسامة قناع : لا عااادي .. شي واقع اصلا ما كذبتي .. هديل عشان تكفر عن غلطتها الفضيعه اقترحت اقتراح : شرايك نروح للراشد ..؟! شوق وبعيونها مبين التعب : لا شكرا .. أجليها .. حاسة بخمول وفيني النوم .. هديل : تونا الساعة تسع .. شوق وهي تنسدح وتتغطى : واذا .. هديل : والعشا .. شوق : مابي شكرا .. طلعت هديل من عندها وهي جلست تفكر .. على الرغم من اشتياقها للرياض .. الا انها تحس بشي مفقود .. شي انسلب منها من جيتها هنا .. قلبها الصغير .. يملكها احساس انه باقي بالرياض ماسافر معها .. باقي هناك .. متعلق بشخص ما .. ينبض لشخص هناك .. احيانا تكذب على نفسها وتقول لا .. هذا كله لهفة لهم .. بس يرجع احساسها بقول لا غلطانة .. هذا شعور لإنسان واحد منهم .. استغربت من نفسها وهي توجه عيونها للسقف .. شمعنى هو الوحيد اللي اشتقت له كل هالشوق ومتلهفة عليه كل هاللهفة .. ليش ماكان عمر .. ليش ماكانت ندى .. وليش ماكان عمي ...؟!! ليش فهد بالذات .. ليش هو اللي قدر يسرق هالشعور منهم كلهم ؟!!.. غلبها النوم ونامت وهي مو لاقيه تفسير لهالاحساس .. المجنــون !!!.. هديل لما تركت شوق نزلت تحت وشافت اخوها توه داخل .. مشعل بعبوس يتمصخر : اعوووذ بالله .. وانا كل مادخلت شفتك بوجهي .. هديل رفعت حواجبها باستنكار : اصلا من لك غيري تصبح وتمسي عليه .. انا اختك الوحيدة يالنحس ..!! مشعل : نحس في عينك يالمطفوقة .. هديل عشان تنتقم منه خطر في بالها فكرة : عشان مرة ثانية تتسنع وتعرف من قاعد تكلم مارح اقولك وش قالت شوق عنك.. مشعل بانت اللهفة بعيونه بس حاول ما يبين : ليش وش قالت ؟!.. هديل : احلم مارح اقولك .. مشعل : هديل اعقلي .. ترا وحدة بوحدة .. انا اعرف وش اللي بيجبرك تتكلمين .. مسكها هالمرة من ايدها اللي تعورها .. اكيد فلم لتوم كروز.. واكيد ماجاب طاريه الا لأنه جايبه .. هديل فاتحة عيونها عالآخر : توم كروز ؟! مشعل ضحك بسخرية عليها : ههههههه .. ايه .. في السيارة .. هديل ماصدقت عمرها : والله ؟!.. يالله رح جيبه ابي اشوفه ... مشعل بعناد : مافيـه .. خل اعلمك وش هو السنع ؟!.. هديل عشان تريح حالها قررت تكذب وبنفس الوقت تريح قلب اخوها وتفرحه .. هديل بابتسامة عذبة : بقولك وش قالت .. ( زادت ابتسامتها ) .. تقول سلمي لي على مشعل تراه واحشني موووت ..!! مشعل مسك قلبه بصعوبة لا يفلت منه .. وحاول يكون هادي : هديل ؟!.. ابي الصدق .. هديل بهيئة صادقة رفعت اصبعها السبابة قبال وجهها : جد جد جد .. ما أكذب هذا اللي قالته لي بعظمة لسانها .. مشعل زادت ابتسامته وبانت الفرحة بعيونها .. وزين منه انه صابر لهالوقت .. تنهد بعمق : أخيـــراً ..!! هديل بخبث : مشعلووو .. تراني فاهمتك عدل .. لا تحاول تخبي .. مشعل ضحك غصب عنه وهو وده يخنقها : شـت أب ..!! هديل بدلع : يالله عاد .. رح ابي الفلم .. مشعل ابتسم : عشان هالخبرية الحلوة .. انا بجيبلك خمسة افلام بدال واحد .. هديل مسكت وجهها : يااا حظظظظظي .. طلع مشعل للسيارة يجيب الشريط .. وهديل وقفت تنتظره .. ولا حست بأي ندم من هالكذبة البيضا .. لأنها مقتنعة بقرارة نفسها ان شوق بيجي يوم من الايام وتحب فيه مشعل .. الأخ الحنون رغم انه يلعوز بعض الاحيان .. وبنفس الوقت عارفة شوق .. وعارفة قلبها الطيب .. وانها مارح تحطم قلب اخوها وخصوصا بعد ماعرفت انه يكن لها المشاعر .. زادت ابتسامتها .. آآآآه بس لو تصير شوق مرة اخوي .. وتبقى عندنا .. رجع مشعل وعطاها الشريط وماصدقت طارت للفيديو بغرفتها وشغلته .. وقبل مايبدا الفلم .. راحت لشوق عشان تشوف الفلم معها بس لقتها نايمة .. فرجعت تتابع لحالها .. دخل فهد البيت بآخر الليل الساعة وحدة .. راح للدرج بس انتبه لوجود احد بالصالة .. كانت ندى شبه منسدحة على وحدة من الكنبات وتتابع التلفزيون .. فهد : ندى .. ندى كانت مندمجة بحد الأفلام : هلا ... فهد : شعندك للحين ..؟!.. ندى : اللي تشوفه .. راح فهد وجلس بوجدة من الكنبات : وش تناظرين .. ندى رفعت الكنترول وزودت الصوت حبتين من الحماس : .. فلم .. آكشن .. شــــي ..!! فهد ظهر على وجهه علامات السخرية : وانتي من متى تتابعين آكشن ؟!.. ندى : الفلم عجبني جلست اشوفه .. فهد هز راسه وقام بس ندى رجعت تتكلم بحماس .. ندى وعيونها مافارقت التلفزيون : فهد تدري .. ابوي ان شالله بكرة بيروح يجيب شوق .. التفت فهد لها بصمت وعيونه فضحته .. بس الحمدلله ان ندى ماكانت تناظره ولا كان كشفته .. استغرب من نفسه .. حاول تمسك نفسك يافهد .. مو لهالدرجة عاد !!.. فهد بهدوء يدل عالبرود وعدم اهتمام : واذا .. مو قلتي انها ماتبي ترجع .. ندى : ماتدري يمكن تغير رايها .. وبعدين ابوي يقول انه مارح يرضى تكون بعيدة عنه .. لازم ترجع .. انت شرايك ؟!.. فهد : رايي بوشو ؟!!.. ندى : وش رايك .. مصلحتها انا ترجع عندنا ولا تبقى هناك ؟!.. فهد : انا مالي شغل .. ابوي اللي يشوفه بيسويه .. تصبحين على خير .. تركها وطلع لغرفته .. كان مرتاح لأنه مافكر فيها كثير اليوم .. غير ملابسه ولبس بجامه وانسدح على بطنه وهو يتنهد .. حط سماعة المسجل باذنه وشغله عشان مايشغل نفسه بالتفكير .. بليل الشرقية بعد الكوابيس والأحلام المزعجة والنوم المتقطع غير المريح .. صحت شوق وهي تشهق من كابوس شافته .. كان ضبابي غير واضح الملامح .. كانت تظن بالبداية انها بغرفتها ببيت عمها .. هذي اول مرة تصحى وهي تظن هالشي من جت للشريقة .. بعد ما استردت وعيها كامل تذكرت هي وين فيه .. كانت تتمنى لحظتها انها فعلا بالرياض وبغرفتها وفوق سريرها .. بس عشان ماتكون اكتشف الحقيقة واللي مسببة لها كوابيس هالأيام .. حطت يدها على حقها وهي تحس بجفافه والعطش والكتمة وكل شي .. قامت بتروح للمطبخ وقبل ماتطلع خذت طرحته وحطتها على كتفها فيما لو كان مشعل او ابو مشعل صاحي .. طلعت بهدوء ونزلت ودخلت المطبخ .. فتحت الثلاجة شافت اصناف من الصحون والأطعمة مرتبة في وحدة من رفوفها .. ابتسمت .. اكيد خالتها حطت لها هذا كله عشان فيما لو قامت بالليل وخصوصا انها ماتعشت .. ماكان ودها تكسر بخاطرها بس هي مو مشتهيه .. خذت لها كاس موية ومشت طالعه .. ولأنها سرحت فجأة ما انتبهت للداخل .. فاصطدمت فيه وانزلق الكاس من ين ايديها وهوى للأرض لما تكسر .. شهقت ورفعت عينها شافته مشعل .. ونظراته غريبة .. تراجعت بارتباك وهي ترفع الطحرة عن كتفها لراسها وتتخبى ورا الباب .. شوق من ورا الباب : مشعل ؟!. مشعل : آسف روعتك .. شوق تفشلت : لا يكون ازعجتك من نومك .. مشعل مبتسم : لا .. اصلا ما نمت .. شوق : ليش ؟!!.. مشعل نزل يجمع الزجاج المتناثر بيدينه .. شوق شافت طرف يده من ورا الباب : لا لا .. خله عنك انا انظفه .. مشعل : لا عادي مو مشكلة .. شوق : ليش مانمت عسى ما شر .. مشعل بدون مايرفع عينه عن اللي قاعد يسويه : ماشر .. بس .. كنت افكر .. ( وهمس ) .. فيك ..!! همس لأنه مايبيها تسمعه لكن شوق سمعته وارتبكت واحمر وجهها : فيني .. ليش ؟!.. مشعل وهو يرجع يوقف ويرمي بطع الزجاج بالزبالة جنبه : لا بس .. عرفت باللي صار من امي .. عن عمك .. كان يبي يقول امنيته الثانية ويعترف لها .. بس لسانه ماطاوعه .. وخصوصا انه حاس ان المكان والوقت غير مناسبين .. شوق بصوت كئيب : اها .. ليه توك تعرف ؟!.. مشعل : لا عارف من وقت .. شوق : وانت ليش شايل همي .. خلها على ربك .. مشعل تحول صوته للجد : شوق بسألك سؤال .. شوق : تفضل ... مشعل : مستعدة تعيشين هنا ؟! شوق بعفوية مافهمت المغزى الخفي من ورا هالكلام : اذا بيت عمي مايبوني .. مالي غيركم .. ليه عندك مانع ؟!! مشعل قاطعها يبرر موقفه : لا لا ما اقصد .. شوق بكآبة : حتى لو كنت تقصد .. من حقك .. لأن بوجودي بكون مضايقتك .. مشعل ابتسم وحس انها الفرصة يفاتحها بالموضوع : بالعكس مارح تكونين مضايقتني .. لأنك اذا وافقتي عاللي بقوله الحين بتكونين...... ( قطع كلامه وما طلعت الكلمة منه ) .. وبكذا تكونين مرتاحة وانا مرتاح .. الظاهر انه استخدم المفردات الخاطئة بالتعبير عن اللي يبيه .. لأن شوق قطعته وفهمت من كلامه انه يبيها لمجرد انها ترتاح اذا بقت هنا .. لهالسبب فقط .. شوق وحاولت يكون صوتها طبيعي : لا يا مشعل .. مابي أكون سبب تعاستك .. انت تقول انك تبي تاخذني عشان نكون مرتاحين انا وانت ببيت واحد ومحد يضايق الثاني .. مابيك تاخذني لهالسبب .. مشعل انصدم من ردها لأن ماكان هذا اللي يعنيه ابدا : بس انا ياشوق..... قاطعته وهي تطلب منه يبعد عشان تطلع لغرفتها .. انصاع وابتعد وهو مكسور الخاطر من هالرد .. اذا كانت تبادلني الشعور ليش رفضت اقتراحي .. ضرب راسه عتابا على نفسه .. ما أحسن التصرف هالمرة وما بين اللي يبيه بالشكل الصح .. لكن الأيام جاية .. وبما انها تحبني مثل ما انا احبها بترضى .. البنت الحين مو بوضع يسمح لها بالتفكير بمثل هالأمور .. اما شوق وصلت غرفتها وجلست عالسرير بيأس وحزن وانكسار .. محد يبيني عشان شخصي .. الكل يبني لمجرد العطف .. حتى مشعل قالها بلسانه .. شلون صدقت هديل لما قالت انه يحبني .. مو حب .. هذا عطف ..!! بيت عمي ماخذوني عشانهم يبوني .. بس لأني صرت يتيمة وعطفوا علي .. ومشعل بعد .. جا وزودها .. شلون يفكر يتزوجني .. بس لمجرد انه عطف علي ومالي بيت .. مستحيــل .. انا ارضى انوم بالشاع لكن تظل كرامتي معي .. كرامتي اهم شي .. مسحت دمعتها فجأة وهي تتذكر شي .. الشقة اللي كانت ساكنة فيها مع ابوها .. شلون نستها وهي ملك .. يعني ملك لها الحين .. يعني عندي بيت .. بيت لي .. لي انا وبس .. اقدر اعيش فيه براحة بال وعزة .. قامت واقفة بتصميم وعزيمة وعزة النفس تملى قلبها .. محد له شغل فيني من الحين .. انا مسؤولة عن نفسي .. في بيت ابو فهد وقت الغدا طلع فهد من غرفته بينزل تحت .. سمع صوت باب غرفة ندى ينفتح من وراه مثل الاعصار وتطلع منه ندى ركض .. ندى : طريق طريق طررررريق ... فهد بعد شوي عن طريقه وهي يتمصخر : اعصابك لا تخشين بالاشارة .. ندى ما اهتمت وكملت ركضها لتحت وهي تتجاوز الدرجتين .. وفهد هز راسها ونزل وراها .. راح لطاولة الطعام شاف ندى توقف عند ابوه وتحب راسه .. ابو فهد يضحك لها : هههههههه .. ياهلا والله .. ندى بحماس وهي تجلس بالكرسي جنبه : هاا يبه متى بتكلمها ؟!! ابو فهد : هههههههههههه لاحقين حبيبتي خل نتغدا .. ندى : يبه اليوم لازم ترجع .. اليوم ماعلي .. ابو فهد : ان شالله اليوم اليوم .. خل نتغدى الحين بعدين اروح اكلمها .. جلسوا كلهم عالسفرة .. وعمر من سمع اسم شوق بدا يصيح .. والتفت لها فهد مستغرب .. فهد : على وشو تصيح انت بعد ؟!!.. عمر مبرطم : وين سوق .. وين لاحت ؟!!.. فهد عشان يفتك من رنته اللي يتستمر : سااااافرت .. بـح .. خلاص مو فيه .. بدا عمر بمناحة جديدة .. والتفت لابوه : بابا .. ابو فهد : يالبيـــــه .. عمر : ابي سوق .. ابو فهد ضحك لها : ههههههههههه .. تبيها ؟!.. لعيونك بجيبها اليوم .. عمر استانس وتشقق والتفت لفهد جنبه : انتا غبي .. التفت له فهد منصدم من اللي سمعه : وش قلت يالسوسة ؟!!.. عمر بعناد مبين بعيونه البريئة : انتا غبببي .. ( وطلع له لسانه ) .. فهد مد يده وشد خده الوردي وعمر صرخ : آآآآآآي .. ( وبدا يصيح من الألم ) لكن فهد ماهمه وظل شاده : يعني انا غبي ها ؟!!.. عمر : ايه .. ليس تقول سوق سافرت ولاحت .. ليس تقول بح .. انتا حمار .. فهد صدمة جديدة اللي سمعه : وحمار بعد ؟!.. والله منت هين .. نشوف بدا ريشك يطلع واللسان الله واكبر عليه .. ترك خده وكمل غداه بدون مايلتفت لعمر اللي مبين انه حقد عليه .. ظل فهد ماسك ضحكته من شكله .. وعمر احيانا يتحرطم ويكلم نفسه بضيق بكلمات غير مفهومة .. بطريقة الأطفال .. خلصوا غدا ومباشرة جابت ندى التلفون لابوها عشان يكلم .. دق على جوالها وردت بعد لحظات .. شوق : هلا .. ابو فهد : مرحبا حبيبتي .. شوق : مرحبتين عمي .. ابو فهد : شلونك ؟!.. وشخبار الشرقية .. شوق : بخير وزينة وتسلم عليكم .. ندى اشرت له يدخل بالموضوع على طول وابتسم لها .. ابو فهد : اقول شوق .. جهزي حالك ترا اليوم بجي آخذك .. شوق بصدمة : اليوم ؟!!!!.. ابو فهد : ايه اليوم .. ليه تبين تجلسين اكثر .. ندى ارتاعت واشرت له بلا .. يعني لا تعطيها المجال .. شوق : بس ياعمي .. مالي وقت وانا هنا .. ابو فهد قاطعها : لك اسبوع هناك .. خلاص لازم ترجعين للبيت .. وبعدين ماتشوفين عمر شلون مشتط علينا اليوم يقول رجعوها .. ابتسمت شوق .. والله مشتاقة له .. بس انا خذت قراري ولا يمكن اتراجع فيه : بس ياعمي .. ما اقدر جلس اكثر ..؟!! ابو فهد بحنية وهدوء : خلاص حبيبتي .. اليوم لازم ترجعين .. وانا بنفسي بجي آخذك .. شوق : .......... ابو فهد : جهزي حالك بالليل اليوم .. شوق بصوت اشبه بالهمس : ان شالله .. ودعها وسكر التلفون وندى مو مصدقة .. ندى : وافقت ؟!!.. ابو فهد : اكيد وافقت .. اليوم بالليل ان شالله هي موجودة .. فهد التزم الصمت وندى مو سايعتها الفرحة .. ان شالله يكون كل اللي فكرته عن شوق غلط مو حقيقة .. ندى : يااااااي اخيرررا مابغت هالزفتة !!.. ( والتفتت لعمر ) .. عمممر شوق بتجي اليوم .. عمر قام ينطط من الفرحة بكل مكان عالكنب والطاولات وبكل ركن وكل زاوية .. لما جا اتصال مفاجئ قطع عليهم فرحتهم .. وابو فهد رد عليه : وعليكم السلام .. صمت حل وبان على وجه ابو فهد الجدية .. ابو فهد : لازم الحين ؟!.. ورجع يسكت يسمع للطرف الثاني .. واستمرت المكالمة عدة دقائق بعدها سكر ابو فهد والتفت لبنته منى .. ابو فهد : منى حبيبتي .. منى : نعم .. ابو فهد : روحي جيبي شماغي بسرعة .. ندى خافت والتفتت لأبوها بعد ما طلعت منى فوق : ليش يبه ؟!.. وش فيه ؟!.. ابو فهد : فيه شغل ضروري لازم اروح الحين .. توهم الشركة متصلين علي ومعلميني .. ندى بان الاحباط بصوتها : طيب شلون يعني ؟!!.. ابو فهد التفت لزوجته : يمكن مارح أرجع الا متأخر .. يعني عالعشا احتمال ما أجي .. ندى وودها تبكي : طيب وشوق يبه .. لمتى يعني ؟!!.. خلاص يبه ترا اذا ماجبتوها اليوم انا عارفة انها مارح تجي الا الشهر الجاي .. نزلت منى والشماغ بيدها .. وابو فهد بدا يضبط شماغه ويستعد للطلعة .. ولما انتهى مشى للباب بس ندى مسكت يده وبعينها دمعه .. ندى : يبــه .. وقف ابو فهد ونظراته بعيون بنته اللي كلها رجا .. ضيق الوقت عنده ما وسعه للتفكير فرفع عينه لفهد : فهد .. فهد اللي كان يتابع الموقف : سم .. ابو فهد : رح جبها بدالي .. فهد : انا ؟!!.. ابو فهد : ايه انت .. مافي غيرك يحل مكاني .. اليوم لازم تروح .. خلاص ؟!.. هز فهد راسه بانصياع : ان شالله .. رجع ابو فهد عينه لبنته اللي لازالت متمسكة فيه : ارتحتي الحين ؟!.. ندى هزت راسها وهي تحاول تبتسم وتركت ابوها اللي اسرع برا .. مادام ابوها امر فهد معناته خلاص .. هي راجعة راجعة .. ام فهد التفتت لولدها : متى بتروح تجيبها ؟!.. فهد وهو يقوم : الحين .. عشان يمديني على مشوار الروحة والرجعة .. نط عمر بوجهه : بلوح معك .. خزه فهد بنظرة وعناد فيه صرخ بوجهه : لاااا ... عمر بعد عمري ارتاع وركض لأمه يصيح .. وضمته امه وهي تعاتب فهد والابتسامة على وجهها .. ام فهد وهي حاضنه عمر : ليــه يافهد تصارخ على عمر حبيبي .. فهد وهو ماسك ضحكته وبعيونه غضب مصطنع : خل اسنعه .. ويعرف لمين يقول غبي وحمار .. عمر يصيح ويلتفت له : ابي الوح .. ماما ابي الوووح .. فهد : لا .. انطق هنا .. مافي روحة .. عشان تترك عنك قلة الأدب .. وتركه وطلع لغرفته يغير ملابسه .. وعمر يترجى امه ويطلب منها تسمح له يروح مع اخوه .. بعد خمس دقايق نزل فهد وهو لابس بدله بنطلون جينز فاتح وقميص بيج ستايل ماكان بذاك الفخامة بس فهد هو اللي حلاه .. وتوجه للباب وعمر يصرخ ويناديه .. فهد : ترا اذيتني شتبي ؟!.. عمر مبرطم : ابي الوح .. معك فهد لف عيونه لاخته ندى بصمت يطلب منها تفكه منه .. مو ناقص مبزرة معه.. ندى فهمتها وراحت لعمر .. ندى : عمر حبيبي .. شرايك نروح للمطبخ عشان نسوي حلويات لها .. عمر سكت والتفت لها من سمع طاري حلويات : حليوات ؟!! .. ( عمر يسمي الحلويات حليوات ) .. ند ضحكت له : هههههههههههه ايه حليوات .. عمر : نسوي حليوات كثير .. ندى : قد اللي تبي .. ورفعت عينها لفهد يعني اطلع .. فهد تسلل بخفة وطلع .. وعمر نسى السالفة اصلا من سمع طاري الحليوات .. وراح للمطبخ بعد ماخذ عهد من ندى انه يشرف ويشااااارك بكل شي .. وتكون له بصمة واضحة .. اما فهد طلع وركب سيارته .. شغل السيارة لكنه ماتحرك وظل ساكن فترة .. مو قادر يسيطر على قلبه .. نبضاته كتلخبطة ومو منتظمة .. وهو مو من عوايده يحس بهالشي .. حرك السيارة وانطلق بشوارع الرياض لما اخذ طريق الشرقية السريع وبدا مشوار الأربع ساعات .. | |||||||||
| |
|
06-19-2010, 11:32 PM
| #35 (permalink) | |||||||||
|
مستشار المؤسس ~
|
رد: * غــــــــــارقـــــــــات في دوامـــــــة الحــــــــب * انا :
قمرهم كلهم اما شوق هناك .. من سكر عمها عنها وهي زايدة تصميم عاللي بتسويه .. اذا مايبوني ليش مصرين على رجعتي .. انا لازم احط عمي قدام الأمر الواقع ويتركني بحالي .. دخلت عليها هديل وهي مبتسمة : شوووق .. يالله .. ترا بنلطع للكورنيش .. شوق : الحين ؟!!.. هديل : ايه يالله .. مشعل ركب الأغراض بالسيارة وامي راحت تجهز .. الجو حلو ويصلح لهالطلعة .. شوق : طيب .. عمي دق وقال انه بيجي ياخذني .. هديل قطبت : ومتى ؟!.. شوق : ما ادري قال انه بيجي بالليل .. يعني قولي يمكن يمشي من الرياض عالمغرب .. هديل : ايا تونا بدري .. وبعدين عادي .. جهزي اغراضك من الحين وركبي شنطتك وهو ياخذك من هناك .. هديل بهالكلام فتحت عين شوق على خطة .. فقامت بحماس وطلعت الشنطة اللي جابت فيها أغراضها وبدت ترتب كل ملابسها واغراضها .. وقفت فجأة والتفتت لهديل .. شوق : هديل .. هديل وهي تفتش بوحدة من الأدراج عشان تساعدها على تجميع اشياءها : هاه .. شوق : وين مفتاح شقتنا انا وابوي ؟!.. هديل التفتت لها مستغربة من سؤالها : اظن عند امي .. ليش ؟!!.. شوق وهي تثني قطعة من الملابس حول يدها وتدخلها الشنطة : لا .. بس حبيت يكون عندي .. لأني اقدر احافظ عليه .. هديل تحك خدها وهي تفكر : اظن .. اذا ماخانتني الذاكرة .. بالعلبة اللي في وحدة من الأدراج بغرفتها .. تحط فيها المفاتيح المهمة وهالأشياء .. شوق : تقدرين تجيبينه لي .. هديل : ايه اقدر .. بس لازم اعلم امي اول .. وشوق هذا اللي هو ما تبيه .. ان عرفت خالتها انها سألت عالمفتاح بتشك فيه ويمكن تكشفها وتكشف اللي ناوية عليه .. وخاصة انها مادخلت الشقة من توفى صالح .. شوق وهي تحاول تبين طبيعية : لا لا ماله داعي .. خالتي الحين مشغولة .. انتي روحي جيبيه انا عارفه ان خالتي مارح تخالف .. لأن الشقة لي أصلا .. هديل ببراءة وافقت وطلعت تجيبه .. وشوق تنهدت بارتياح .. اذا وصل المفتاح لين عندي وصار بيدي .. محد له حق انه يتحكم فيني ويحدد وين اعيش ولا وين اقعد .. بعد دقايق رجعت لها هديل وبيدها المفتاح .. كان فضي بميدالية ذهبية جزء منها قماش أسود .. من شافته شوق صرخت وهي تتذكره .. شوق بفرحة وهي تاخذه منها : ياااااي اشتقت له والله .. هديل تتمصخر : الحمدلله والشكر ترااااه مفتاح يالمجنونة .. شوق وهي تضمه لصدرها بارتياح : حتى ولو .. ماتعرفين قد ايش معزته بقلبي .. ( ورفعت الميدالية تشم قطعة القماش .. وفيها لقت ريحة عطر ابوها باقية ) .. هديل استنكرت منها : الحمدلله الحمدلله .. سكرت البنت !!.. ضحكت شوق : ههههههههههه .. ( وأشرت لها تطلع ) .. يالله برا برا بغير ملابسي .. هديل : بلا طردة انا بعد بروح اغير .. طلعت وسكرت الباب .. وشوق بسرعة رتبت بقية الشنطة .. اللي تعتقد هديل انها بترجع بيت عمها بس شوق لا .. مو هذا في بالها .. هي خلاص .. خططت وقررت من الليل .. واللي سرع عملية التنفيذ .. هو اتصال عمها المفاجئ وانه بيجي اليوم ياخذها .. فلازم تلحق على عمرها .. لبست وخلصت وقفلت الشنطة وتطمنت اناه خذت كل شي .. نزلت تحت وهي لابسه عباتها ومتغطية .. لقت خالتها تلبس عبايتها وهديل نفس الشي .. ومشعل اللي توه داخل ياخذ آخر غرض عشان يركبه .. عطاها نظرة عادية ولا كأن شي حاصل بينهم امس .. ركبوا كلهم السياارة وتحركوا .. بالسيارة كان ايمان وهديل يسولفون ويضحكون ومشعل يشاركهم من فترة لفترة .. اما شوق فكانت سرحانة باللي مقدمة عليه وبتسويه .. ومصمة على ابداء رأيها امام عمها اللي أكيد الحين جاي بالطريق .. كانت تراقب الشارع والسيارات .. لفت عيونها لهديل بس لفت نظرها عيون مشعل بالمراية .. نظرات غريبة حست فيها معاني كثيرة .. لفت عيونها لهديل بسرعة وسوت نفسها ما اهتمت .. شوق : هديل .. هديل كنت قاعدة بالنص بين مرتبة مشعل وامها والتفتت لها : هلا .. شوق : قلتي لخالتي .. هديل : عن وشو ؟!.. شوق هزت راسها بيأس من هديل وحولت كلامها لخالتها : خالتي .. ايمان : لبيه .. شوق : لبا قلبك .. حبيت اقولك بس ان عمي بيجي الليلة .. توقعت ردت الفعل القوية تكون من خالتها .. بس كانت من مشعل اللي رفع عينه لها فجأة بشكل روعها .. مشعل : اليوم ؟!!.. شوق : ايه اليوم .. بالطريق الحين اكيد .. ايمان : ومن متى مكلمك .. وليش ما قلتي لي ؟!.. شوق : اليوم اتصل علي العصر.. توقعت هديل قالت لك .. ايمان : ومن متى هديل يعتمد عليها أصلا .. ما تعرفينها .. تنسى حتى نفسها .. هديل من الحمق لفت لشوق ورصتها من فخذها .. شوق بهمس : آآآآآي .. هديل : زين الحين .. بتفتح لي امي محاضرة جديدة .. شوق : احسن .. وصلوا للكورنيش .. ونز مشعل ينزل الاغراض اما هديل من البداية سحبت شوق معها وقربوا من البحر .. شوق : انتظري شوي شفيك .. خل نساعدهم .. هديل مستمرة بالمشي : لا تشيلين هم .. مشعل عن عشرة رجال .. شوق : لا اله الا الله .. وقفوا وعيونهم عالبحر .. شوق تنهدت وخذت نفس عميق .. هديل : اليوووم الجو غيييير شكل بيخلي هالطلعة حلوة .. شوق ابتسمت : من جد .. الجو اليوم روعة .. سكتت فجاة وهي تحس بقلبها يدق وتزداد نبضاته بشكل غريب .. حطت يدها عليه تسمي .. والتفتت لهديل .. شوق : هديل .. هديل : هلا .. شوق : قلبي يدق .. مدري شفيه .. هديل : اسم الله عليك ليش ؟!.. تعبانة ؟!.. شوق : لا .. فجأة الحين .. هديل : عادي .. تصير أحيانا .. لكن هالشي مو عادي بالنسبة لشوق .. ياما قلبها دق بهالشكل من قبل .. واما حست بهالحرارة بوجهها وبجسمها من قبل .. بس متى ؟!.. ما تذكر .. رفعت ساعتها .. اتصال عمها كان قبل ساعتين .. يعني يمكن يوصل بعد ساعتين او ساعة ونص .. يمكن هو السبب باللي احسه الحين .. شلون بتكون مواجهتي معه .. حست بالخوف لما فكرت انها ممكن ماتقدر تقنعه .. وليش ما أقنعه .. هذي حياتي وانا حرة فيها .. هديل انتبهت لأمها تاشر لهم يجون والتفتت لشوق : شوق يالله امي تنادينا .. مشت شوق معها وهي تحس بأطرافها ترتجف .. وقلبها يزيد من نبضاته بدون سبب .. واحاسيس مرت فيها من قبل رجعت تغمرها .. مر في بالها صورة فهد فجأة بدون سابق انذار .. ورجع شوقها الغريب له يسكنها .. همست تكلم نفسها : وش جابه على بالي الحين .. هديل سمعتها : منهو .. شوق احمر وجهها وحاولت تبعد صورته من خيالها بس مافي فايدة صورته قبال عيونها مو راضية تروح : محد .. وبعدين اكلم نفسي انتي شدخلك .. هديل : وجع كلتيني بقشوري .. وصلوا عندهم وساعدوهم وبالأخير اخذولهم مكان وجلسوا فيه .. ورجعوا هديل وشوق يروحون ويمشون .. ومشعل التفت لامه .. مشعل : يمه ليش تراجعتي تودين شوق لشقتها .. ؟!.. ايمان : فكرت انه مو زين لها .. وهي بهالحالة .. كفاية اللي هي فيه .. مشعل : هذا كان رايي من أول .. انشغلوا بالسوالف وبعد فترة دق جوال مشعل .. ولما شاف الرقم ابتسم .. مشعل : الله ... ابو فيصل مرة وحدة ؟!.. ايمان : من هذا ؟!.. مشعل وهو يقوم : هذا فهد ولد عبدالرحمن .. ولد عم شوق .. والله خوش ولد .. عرفته لما رحنا للرياض نجيب شوق .. عن اذنك يمه .. ايمان : اذنك معك .. راح مشعل بعيد وهو يمشي ورد عليه .. اما شوق كانت تمشي مع هديل وهي سرحانة وبالها ضايع منها وهديل تسولف وتثرثر والثانية مب معها .. واللي نبه شوق من سرحانها انها شافت مشعل يركب سيارته ويتحرك فالتفتت لهديل .. شوق : اقول .. اخوك ليش راح ؟!.. هديل لما شافته : والله مدري .. خلينا نروح نسأل امي .. راحوا وجلسوا وهديل لفت لأمها : يمه وين مشعلوو راح ؟!.. ايمان : ماتعرفين تنادين اخوك باسمه زين .. يعني لازم مشعلووو .. هديل : والله يمه جد وين ذلف ؟!.. ايمان : جا له اتصال وراح .. هديل : من مين ..؟! ايمان لفت عيونها لشوق : من ولد عبدالرحمن .. مسكت شوق قلبها وهي تحس باحساسها يصدق .. لا يكون هو ؟!!!.. هديل بفضول : منهو ؟!.. ايمان : فهد .. اظنه هو اللي جاي ياخذك يا شوق مو عمك .. اما فهد ومشعل اللي كانوا يسولفون وهم جالسين على حافة الجدار المطل عالبحر مباشرة .. ومشعل شوي متضايق من اللي شافه .. حس ان شوق متجاهلته من جا فهد .. تضايق اكثر لما فكر انها زعلانة بسبب الكلام اللي قاله لها امس .. بس هو ماكان يقصد اللي قاله هي فهمت غلط .. واللي زاد خوفه انه يكون بينها وبين فهد شي فلازم يستعجل .. بس شلون يكون فيه وهديل بنفسها قالت لي انها تبادلني الشعور .. فأول خطوة عشان يتقدم لها لازم يخبر أهلها وبيت عمها وأولهم فهد بما انه موجود : اقول يابو فيصل .. فهد : هلا .. مشعل : يمكن الوقت والمكان مو مناسب اني اقولك .. بس بما انك هنا خل ارتاح واقولك .. فهد قطب : خير عسى ماشر .. مشعل وعيونه بعيد منحرج : ماشر .. بس بصراحة انا ودي ببنت عمك .. فهد مافهم : نعم ؟!.. بنت عمي ؟!.. مشعل : ايه نعم .. شوق .. ابيها .. فهد تحول صوته للبرود : زواج يعني ؟!.. مشعل : ايه .. ولا ببالك شي ثاني .. فهد حب يقطع عليه الطريق فضحك بصوت عالي : هههههههههه .. انسى السالفة يا حبيبي .. مشعل ارتاع : ليش ؟!.. فهد : اولا البنت صغيرة مو راعية زواج .. ثانيا بيت عمها مارح يرضون وأولهم عمها .. وثالثا..... قاطعه مشعل : وليش عمها مارح يرضى ..؟!.. فهد بابتسامة جانبية وبرود ينرفز الواحد : قلت لك البنت صغيرة .. وعمها يبي يرعاها لما تكبر ويتطمن عليها .. ولا تنسى انها بعد تدرس .. وانت بعد .. صغير .. مشعل نرفزته هالكلمة بس مسك نفسه وحاول يكون هادي : بس قدها .. فهد : والنعم بس ولو .. تظل صغير .. مشعل حس انه بيموت غيره لما تذكر اللي صار قدام عيونه وقرر يتعلق بالأمل الوحيد : بس البنت تحبني .. التفت له فهد مقطب والاستغرااب والدهشة مبينه بعيونه : وش قلت ؟!.. مشعل : البنت تحبني .. مثل ما انا احبها .. فهد : وانت شعرفك ؟!.. مشعل : عارف واذا بغيت تتأكد اسألها وتقولك .. ولا هذا مو سبب كافي اني اخذها .. رجع فهد يصد عنه ببرود : قلت لك .. لو ان شالله البنت تمووت فيك ولي امرها مارح يوافق .. البنت صغيرة .. ( وقطع الحوار وقام واقف ) .. يالله لازم نمشي الحين .. كان مبين على فهد انه ما تاثر ابدا من اللي سمعه لكن هو داخل قلبه مصدوم .. فقرر انه يستعجل عشان يرجعها ويبعدها عن مشعل .. مع ان الخبر اللي سمعه ان شوق تحبه وهو يحبها سبب له ضربة مؤلمة جدا عمره ماحس فيها .. وكل اللي صار معها قبل فترة قصيرة تكسر وتحطم بعينه .. مد يده يسلم عليه ومشعل سلم والكلام اللي سمعه ابدا ماعجبه .. لكن كان مجبوور انه يجاريه .. فهد التفت للبساط اللي كانت ايمان جالسة عليه وشاف بنت وحدة واقفه هناك ومن هيئتها ماكانت شوق .. استغرب وقطب والتفت لمشعل : ممكن بس تروح تنادي لي شوق .. قام مشعل باستسلام وراح هناك وسأل اخته عنها لما ماشافها معها .. مشعل : هديل وين شوق ..؟!.. التفتت هديل له والارتباك مبين بحركاتها : مدري عنها .. انا جيت احسبها هنا .. مشعل استغرب وايمان رفعت راسها عن الكتاب اللي كان بين احضانها .. ايمان : شلون ما تدرين ؟!.. ماكانت معك هي ؟!.. هديل : الا .. ( ولفت وجهها لمشعل بنفس اللحظة اللي كان فيها فهد جاي لهم ) .. بعد ما شرينا الآيس كريم رحنا نجلس بعدين تركتني وقالت انها بترجع .. ولا رجعت .. حسبتها جت هنا .. فجيت .. فهد لما سمع الكلام تلفت بكل مكان وكل اتجاه لعله يلمحها بس ما لقاها .. وانتابه قلق مفاجئ .. والتفت لهديل : وين كنتوا جالسين ؟!.. هديل : هناك .. ( تأشر بيدها ) .. بعيد شوي عند ألعاب الأطفال .. فهد خاف لا يكون الشباب نفسهم رجعوا يتحرشون فيها : وما قالت لك وين راحت ..؟!.. هديل هزت كتفها : لا .. ما قالت .. كل اللي قالته انها شوي وراجعة .. تافف فهد وهو يهز راسه وطلع جواله ودق على جوالها .. بس محد رد .. وحاول ثانية وثالثة وبعد محد يرد وهذا اللي زاد من خوفه .. راح للمكان اللي اشرت له هديل بس ما لقا احد .. ولمح نفس مجموعة الشباب بعيد ومبين انهم بعد ما يدرون عن شي لأنهم كانوا جالسين عالعشب الاخضر ويسولفون .. ورجع للبساط وايمان زاد قلقها لما شافته رجع لحاله : ها بشر يا ولدي ما شفتها ؟!.. فهد : لا والله .. ورفع جواله يعيد محاولاته بالاتصال .. ومشعل تذكر شي .. مشعل : انا بروح ادورها عند السيارة يمكن راحت هناك تاخذ غرض او شي .. راح مشعل وفهد نفس النتيجة حصل عليها .. محد يرد عليه .. بعد دقايق رجع مشعل مستعجل ووجهه متغير .. ايمان : ها بشر .. مشعل والتوتر بادي عليه : ما لقيتها .. وشنطتها بعد مو موجودة .. شهقت ايمان بخوف : شلون يعني ؟!.. ليش شنطتها مب موجودة .. بلحظة هديل اكتشفت كلللل شي .. وتذكرت الحوار اللي صار بينها وبين شوق اليوم العصر .. وحطت يدها على فمها وهي تشهق : يـــا ويلي ..!!!.. التفتوا لها كلهم ثلاثتهم .. وايمان سألتها بخوف : شفيك ؟!.. هديل ويدها على فمها بخوف : را... راحت لبيت ابوها .. مشعل : شلون .. وين راحت ؟!.. هديل خافت وتجمعت الدموع بعيونها لأنها عرفت انها هي السبب : راحت للشقة .. مشعل علا صوته : وشلون وشلون تروح ؟!.. الشقة مقفلة على حالها محد دخلها من شهور .. هديل خايفة من قلب : انا .. انا عطيتها المفتاح ... مسكت ايمان قلبها وقامت واقفة : مجنونة انتي شلون عطيتيها اياه .. هديل تصيح : ما كنت ادري .. قالت تبيه يكون عندها .. ماقالت لي انها بتروح .. وفهد يتابع الموقف وهو يتخيل مليون شغلة وشغلة ممكن تصير لها .. ايمان عصبت زيادة عالخوف اللي حست فيه : شلون ما تفكرين انتي .. انتي تعرفين وش ممكن يصير لها لو دخلتها .. وانتي تعرفين انها مادخلتها من مات صالح .. وتعرفين ليش انا ماخليتها تروح هناك .. هديل زاد صياحها وجلست عالأرض تحاول تمسك نفسها : يمه ماقالت لي انها بتروح .. قالت لي انه تبيه يكون عندها وبس .. فهد لف لمشعل : مشعل تعال معي بسرعة .. قامت ايمان وراهم : وين لحظة لازم اروح انا بعد .. شالوا اغراضهم بسرعة وفهد على اعصابه والكل عايش بخوف .. لو دخلت شوق الشقة بتسبب لها انتكاسة قووية الله العالم بها.. وخاصة من بعد اللي مرت فيه الأيام الفايتة .. فهد ركب سيارته والبقية مع مشعل طبعا .. ولأن فهد مايعرف الطريق للشقة كان ورا مشعل بالسيارة مع ان وده يطير .. بعد ربع ساعة وصلوا للعمارة المنشودة .. كانت عمارة كبيرة نوعا ما .. نزلوا ودخلوا وعلى طول للمصعد .. ولما ركبوا ضغط مشعل على الرقم 6 .. وارتفع بهم المصعد وكل واحد على اعصابه وخااصة فهد .. رسى المصعد اخيرا عند الدور السادس .. وطلعوا منه ..ماكان موجود بالدور الا 3 شقق .. ومباشرة ايمان راحت لوحدة منهم وحاولت تفتح الباب بس مقفول .. وفهد مد يده للجرس وظل يضغط عليه باستمرار وبشكل مزعج .. لكن مع كل هذا محد رد .. ولا سمعوا جواب .. خافت ايمان لا يكون صار لها شي والتفتت لمشعل .. ايمان : مشعل استعجل روح ناد الحارس .. راح مشعل ركض وبعد دقيقتين رجع والصعيدي المصري وراه .. فتح لهم الباب وفهد اول واحد دخل .. مشعل للحارس : مشكور .. الحارس : تحت امرك يا سيدي .. دخلوا الشقة اللي كانت اشبه بالقبــر .. مظلمة باردة موحشة وكئيبــة .. هديل دخلت وقفت عند الباب ودموعها بعيونها .. وايمان اشرت لمشعل يبقى معها وهي دخلت مع فهد يدورونها .. ايمان راحت لغرفة شوق وفهد الحظ قاده الى غرفة عمه بدون ما يدري .. كان الباب مردود وجمد لما سمع حس احد داخل ..!! فتح الباب كامل والغرفة كانت مظلمة لكن مع النور المتسلل من النافذة لمح طيفها عالارض .. قطب حواجبه وهو يحاول يميز وش قاعدة تسوي بالضبط .. كانت جالسة عالأرض بهيئة غريبة .. فتح النور وشهقت من الروعة .. وهاله شكلها !!! .. كانت جالسة عالارض وبين يديها كومة ملابس بيضا ضامتها بقوة وخزانة الملابس قدامها مفتوحة ومعفوسة فوق تحت وجزء من الثياب مرمي حولها بعشوائية .. استنتج فهد انها هاللي سوت هذا كله .. جمد مكانه ماقدر يتحرك وهو يشوف هيئتها اللي ارعبته .. كانت هيئتها أشبه بالجنــــون ..!!!! فهد نطق اخيرا : شوق .. وش قاعدة تسوين ؟!!.. شوق بصوت عدائــي مليــان شـرر : ماقاعدة أسوي شي .. واطلع برااا .. فهد خاف عليها أول مرة يشوفها كذا حتى طريقتها بالكلام غريبة : شفيك وش جالسة تسوين ؟!.. شوق خزته بنظرة جانبية كلها عدااااء ومرعبة : قلت لك ما قاعدة اسوي شي .. واطلع برا خلوني أكلم ابوي على راحتي .. فهد دخل الغرفة وهو مرعوب عليها : مجنونة انتي .. وش هالخرابيط اللي قاعدة تقولينها ..؟!! شوق صرخت بغضب : انا مو مجنوونة انا ابي اكلم ابوووي .. ما تفهم انت ؟!.. وصلت ايمان للغرفة وهي تركض بعد ما سمعت صوت شوق .. ولما شافت حالتها راحت تركض وهي تسمي عليها لكن فهد وقفها لأن شوق مستعدة تسوي أي شي بنفسها .. فهد : لحظة ياخاله .. خلك مكانك .. ايمان هذا اللي كانت خايفة منه .. وهذا هو السبب اللي منعت فيه شوق من القدوم هنا عشانه .. بس ما توقعت ردة الفعل تكون بهالقوة اللي شوق عليها الحين .. ايمان بخوف ورعب : شلون اخليها .. ( والتفتت لشوق ) .. شوق يمه اسم الله عليك شفيك ؟!.. شوق وهي ترفع الملابس اللي بيدها فوق وتضربها بالأرض بحاله هستيرية : مافيني شي مافيني شي .. انا بس ابي اكون مع ابوي لحالنا .. ابي اكون وياه لحالنا .. فاطلعوا برا .. براااااااااااا .. فهد صرخ لما فقد اعصابه : أي ابوووك انتي بعد .. شوق تحولت نظرتها للغضب االشديد وهي تصر على اسنانها : ابوي .. ابوووووي بيجي الحين .. ولا بوريكم .. كانت شوق بحاله غريبة مو بوعيها .. صدمة الذكريات اللي انتابتها فجأة من دخلت الشقة سبب لها فقدان للشعور والواقع .. لكن فهد ما انتبه لهالشي ويحسبها من جد استخفت .. وتقدم لها وهو يستخف بها : وش بتسوين يعني .. قداااامي يالله بلا دلع .. خلي عنك هالدلال .. شوق باحتقار وصراخ خلا هديل الميتة صياح بحضن مشعل تموت خوف : انت مو قدي تراااا فاطلع برا ولا مارح يصير لك خييير .. ايمان تصيح وحاسة بضعف الحيلة : شوق حبيبتي بسم الله عليك اذكري الله هذا الشيطان .. اسم الله عليك اهدي .. شوق وقفت واقفة وهي تتراجع عنهم : مارح اهدى الا لما اشوف ابووووي .. ( ورفعت راسها فوق تنادي عليه بدموووع جديدة ) ... يبـــــــــــــه تعااااااااال ... انا هنا انتظرك .. تعال خذني .. ابي اشوفك تعال .. فهد فقد أعصابه وصرخ يبيها تصحى : يا شوووووق عمي ماااات خلاص .. مااااااااااات مارح يرجع .. بهاللحظة فقدت شوق كل اعصابها وطاحت يدها على زجاجة عطر كانت لابوها .. وبكل قوة ملكتها رجمتها على فهد اللي قدر يتفاداها بصعوبة .. ضربت زجاجة العطر بالجدار وتكسرت .. شوق بهيجان جنوني : ما ماااااات .. هو قالي اجيه اليوم لأنه بيكون موجود .. فهد عض على شفايفه بقوة وراح لها فاقد لأعصابه .. وسدد لها صفعة قوية طيحتها عالأرض .. ومن فرط جنونه رفعها مرة ثانية وصفعها صفعة أقوى من الاولى .. يبيها تصحى من الهذيان اللي عايشته .. وهي ماقدرت طاحت وهي تبكي باستسلااااام .. تنهد فهد بقوة وسحبها من يدها لما وقفها واقفة وصرخ فيها : تبين طراق ثاني بعد ؟!!.. شوق بدت تصحى للواقع وتبكي : مالك شغل .. مالك شغل .. فهد صرخ : لا لي شغل .. وصفعة أخيرة طيحتها عالأرض منهااااارة عالأخير .. وايمان اللي كانت تتابع الموقف مذهـولة !!.. ركضت لشوق وضمتها وهي تسمي عليها .. وشوق تبكي بعد ما فقدت كل أمل ان ابوها يرجع لها .. شوق حطت راسها بحضن خالتها اللي ضمتها بكل ما تملك : لااااا .. حرااام عليكم والله حرااام .. ابي اشوفه انا ابي اشوفه .. فهد مسك نفسه لا يضربها وصرخ : بس خلااااااااااص .. كلمة ثانية مارح يصير لك طيب .. سكتت شوق وخبت وجهها بحضن خالتها ومسترسلة بالبكي الشديد .. وفهد بدا يعيش بعــذاب نفسي .. وايمان حاضنتها وتقرا عليها وتسمي وشوق مرة يزيد بكاها ومرة يخف .. مرة يزيد ومرة يخف وفهد كان هالشي فوق احتماله .. فهد بنبرة باردة مؤلمة لشوق : اسمعيني .. كان لازم تقولين من البداية انك ماتبين ترجعين .. ماكان له داعي هالمهزلة .. شوق رفعت راسها وصرخت بدموعها : مو مهزلة .. انتوا اصلا ما تبوني .. اعتررف انا عارفة هالشي .. فهد هز راسه بأسف : للأسف كنت متوقع ان عقلك أكبر من كذا .. شوق انقهرت : انا عقلي كبير .. لكن هذا اللي انتوا تبونه من زمان .. فهد بنبرة سخرية منها : وما فكرتي بندى ؟!.. شوق همست متسائلة : ندى ؟!.. فهد هز راسه : ليش .. نسيتي هي وش سوت لك ؟!.. نسيتي كل الكلام اللي قالته لك .. ولا كل اللي سوته ندى عشانك ما ملا عينك عشان تقتنعين ان حنا مو رافضينك .. بالعكس البيت كله يبيك .. سكتت شوق متفاجئة مو لاقية جواب مناسب ترد عليه فيه .. تذكرت الحين ندى وكل الكلام اللي قالته لها .. بس هي كانت غبية نست كل هذا وغطت عيونها عشان ماتشوف كل هالأشياء وتتعلق بماضي ابوها .. سمعت فهد يتكلم ببرود اشبه بلسع السوط : عالعموم يابنت عمي .. اذا كان هذا تفكيرك عن عمك وعياله .. فانسي ان عندك عيال عم .. وتزوجي مشعل وعيشي حياتك هنا .. وطلع من الغرفة وتركها بصدمتها .. وصرخت تناديه : فــهـــد ..!! مارد عليها ورجعت تناديه وهي شبه منهارة : فـــهــــد انتظــــر .. لا ترووووح .. طلع من الشقة كلها من دون مايرد .. ومن سمعت شوق باب الشقة يتسكر طاحت مرة ثانية منهااااااارة تماما .. فاقدة للوعي .. !!.. وصل فهد للرياض بظرف ساعتين ونصف .. كان منطلق بالطريق السريع بسرعة جنونية كانت ممكن توديه بداهيه .. وصل للبيت ودخل وهو كاره الدنيا وما فيها .. وابوه وامه اللي كانوا ينتظرونه متوقعين شوق معه .. ماكانت معه لأنه دخل عليهم لحاله وحالته ابدا ما تسر .. ابو فهد قام وراح له مستغرب : فهد .. وين بنت عمك ؟!.. فهد وهو يحك رقبته بضيق : ماجت يبه .. ابو فهد خاف : ليش عسى ماشر ؟!.. فهد : ما ادري يبه .. رفضت تجي وخليتها .. ابو فهد اندهش : رفضت .. انا قايلها وموصيك شلون تخليها .. قاطعم نزول ندى الدرج وهي تركض بعد ما سمعت حس سيارة فهد توصل .. نزلت وهي تضحك لكن اختفى كل شي من وجهها لما شافت فهد واقف يناظرها بنظرة غريبة وابوها واقف معه وامها واقفة والقلق بعيونها .. ندى بتوتر : وينها ؟!.. سكت فهد ومارد ورجع ابو فهد يسأله : شفيك يا فهد وجهك متغير .. صاير شي هناك ؟!.. صار لك شي ؟!.. صار لبنت عمك شي ؟!.. فهد تنهد بعمق ويبي ينتهي من هالتحقيق لأنه كاره كل شي الحين : ما أدري .. اتصل عليها واسألها .. ابو فهد : لا بالله صاير شي .. ودق التلفون بهاللحظة وقاطعهم .. وردت عليه ام فهد بما أنها هي الأقرب .. وسكتوا كلهم لما سموعها تنطق بالاسم .. ام فهد : هلا يام مشعل .. هلا والله ... لحظة اذا ماعليك أمر .. ورفعت راسها لزوجها وبعيونها القلق واضح : ابو فهد ام مشعل تبيك ضروري .. ابو فهد التفت لولده فهد يحاول يحصل منه جواب .. لكن فهد صد بوجهه للجهة الثانية .. ابو فهد بنبرة جادة : حاس انك مسوي بلوى .. والله لو صار انك مسوي شي ببنت عمك لا تلوم الا نفسك .. وفهد التزم الصمت ولا تكلم .. وندى خافت من الكلام اللي سمعته .. واللي زاد خوفها صمت فهد الغامض .. مو من عادته .. شفيه ؟!.. الله يستر !!!.. راح ابو فهد بسرعة للتلفون ورد : ياهلا .. ايمان : هلا ابو فهد .. ياليت تجي بسرعة .. مسك ابو فهد قلبه وهو ينتظر سماع مصيبة : خير خير عسى ما شر .. طمنينا .. ايمان : لا بس شوق تعبانة شوي وتبيك تجي .. رفع ابو فهد عينه لولده ينظرة حازمة : ليش سلامتها من كل شر شفيها ؟!.. ايمان بنبرتها القلق : بالمستشفى الحين ياليت تستعجل .. شوق تبيك تجي بسرعة ؟!.. ابو فهد ارتاع وبانت بعيونه الصدمة : بالمستشفى ؟؟!!!.. كل الموجودين بانت بملامحهم الصدمة والخوف والقلق .. حتى فهد اقلقه سماع الخبر .. ما توقع .. وندى من سمعت بطاري المستشفى راحت عند ابوها تركض .. ابو فهد : خلاص خلاص جااي .. حط السماعة مكانها وصرخ صرخة مدوية لولده : فهــــــــد .. انتفضوا ندى وامها وفهد مازال ملتزم نفس الصمت .. ولا رد بولا كلمة .. ابو فهد : بتقول الحين وش اللي صار ؟!.. دخلت علينا متغير وعلى طول اتصال من ام مشعل تقول ان شوق بالمستشفى .. وش صار بالضبط .. علمني ..!!! فهد بعد ما أخذ نفس رد بهدوء : يبه .. كل اللي صار ان شوق رفضت تجي وانا رجعت على طول ما غصبتها عالرجعة .. واذا تبي تتأكد روح واسألها .. ولازم تتأكد اني مالي دخل بأي شي .. هز ابو فهد راسه وهو ياخذ شماغه من عالكنبة : زين .. اتمنى ماتكون مسوي مصيبة .. انا رايح .. طلع ابو فهد من جهه وفهد توجه لغرفته من جهه ثانية .. من طلع من عند شوق والعذاب النفسي يزيد عليه لحظة بلحظة .. حس انه يعذب روحه بقسوة لما تصرف معها بذاك الاسلوب .. واللي زاد جنونه ان الصورة اللي خذها عنها بأنها تحبه تحطمت تحت كلمااات مشعل .. يمكن وهمت نفسي ..!!.. ابتسم بسخرية على نفسه .. من متى يا فهد تعيش نفسك بهالأوهام ؟!!.. والله حاله !!!.. ابو فهد اتصل بشكرة طيران هو على علاقة وثيقة معها وسألهم عن اقرب الرحلات للشرقية .. قالوا له ان فيه رحلة بعد نص ساعة وحجز له وانطلق للمطار .. وبعد رحلة أقل من ساعة فالجو وصل للمطار ومباشرة توجه للمستشفى اللي قالت له ايمان عنه .. ولما دخل شاف مشعل واقف عند الرسبشن وراح له بسرعة : مشعل ... مشعل التفت له وعرفه : هلا عمي ابو فهد .. شخبارك ؟!.. ابو فهد : بخير الله يسلمك .. شخبارها شوق .. وينها الحين ؟!!.. مشعل اشر له يمشي معه : قبل شوي دخل عليها الدكتور وللحين ما طلع .. ان شالله كل خير .. ابو فهد بقلق : ليش وش صار ؟َ!.. فهد ولدي مسوي شي ؟!.. استغرب مشعل : فهد ؟!.. ابو فهد خايف : ايه دخل علي يوم اتصلتوا وحاله ابدا ماتسر .. قلي طمني الله يريحك دنيا وآخره .. مشعل عطف على ابو فهد وحب يصلح الوضع : لاا تطمن .. بصراحة فهد مع انه تصرف بقسوة الا انها لحق على شوق قبل لا تنجن .. ابو فهد ما فهم : ليش ؟!.. وش صار ؟!.. دله عالممر الواقفين في نهايته ايمان وهديل الجالسة على وحدة من الكراسي ومبين عليها مازالت متأثرة باللي صار .. لما شافته ايمان وقفت وسلمت عليه .. ايمان : زين انك وصلت ؟!.. شوق تصيح تقول الا تجيبون لي عمي !!!.. ابو فهد : ليش وش صااار طمنوني .. سردت ايمان عليه التفاصيل .. وانها هربت للشقة لأنها كانت تظن انهم مايبونها .. وابو فهد يسمع مستعجب .. ويحس بالذنب يكبر عليه .. وانه هو السبب لأنه ما عالجه من البداية .. ابو فهد : طيب والدكتور وش قال على حالتها ؟!.. مشعل بنبرة قلقة : يقول انهيار عصبي حاد .. كان ممكن يوصلها للجنون .. ابو فهد ذكر ربه : يا سااتر جنون مرة وحدة .. !!! مشعل : بسبب ضغط نفسي رهيب استمر معها لفترة طويــلة .. والحمدلله لحقنا عليها .. حط ابو فهد يده على راسه مستااااء من اللي سمعه وحاس بالذنب .. ايمان تشكر الله وتواسيه : ابو فهد اذكر الله والحمدلله ماوصلت الأمور لشي أعظم .. وياليت فهد كان فيه والله كان شكرته من كل قلبي .. ابو فهد : وفهد شدخله ؟!.. ايمان : ولدك فهد رجال ماعليه كلام الله يخليه لك .. انا لحظتها ماعرفت اتصرف البنت لحظتها ماكنا نقدر نسيطر عليها وانا خفت عليها تسوي بنفسها شي .. قاطعهم الدكتور لما طلع ومباشرة راح له ابو فهد يطلب منه انه يدخل .. الدكتور : حضرتك مين ؟!. ابو فهد : انا عمها بشرنا .. الدكتور : دلوقتي احسن شويا .. دحنا عطيناها مهدئ تحتاج للراحة التامة .. ابو فهد : ياليت اقدر اشوفها .. الدكتور : تفضل من حقك .. بس بالراحة عليها الله يخليك .. ابتسم ابو فهد وهو يدخل : توصيني عليها .. هذي بنت الغالي .. كانت شوق منسدحة على جنبها ومعطيه الباب ظهرها .. تتذكر بحزن اللي صار بينها وبين فهد قبل عدة ساعات .. ماتتذكر هي وش سوت بالضبط .. كان حاطه يدها على خده مكان الطراق وتفركها بهدوء .. للحين وهي تألمها ومسببه لها تورم واحمرار .. انتفضت وهي تحس بيدين تمر على شعرها بحنية .. وغمضت عيونها وهي تبتسم لهالاحساس اللي فقدته .. - شخبارك الحين ؟!.. التفتت وشافت عمها مبتسم بحنية كبيييييرة وجالس جنبها على طرف السرير .. ابتسمت وانهمرت دموعها وقامت قاعدة ورمت نفسها مباشرة على عمها تبكي وتعبررر عن كل شي فاض منها الشهور اللي طافت .. جا الوقت اللي ترتاح فيه من هالهم .. ومارح تلقى احسن من حضن عمها بعد ابوها .. بكت وبكت وعمها يسمي ويقرا عليها .. وينك يا عمي كنت محتاااجة هالشي من زماااااان ... شوق : انا آسفة ياعمي والله آسفة .. ابو فهد بحنية : على ايش تعتذرين يا عمري ؟!.. شوق : كنت مفكرة غلط عنكم .. كنت اظن انكم ماتبوني .. وهالفكرة جننتني .. والله جننتني .. ابو فهد : خلاص الحين عرفتي ان كل الدنيا تبيك .. احد يحصل له شوق وما يبيها .. مجنون اللي يفكر كذا .. ضحكت شوق وهي تحس بكل الهم ينزاااح منها تدريجيا وتستقر بدالها الرااااحة النفسية المفقودة .. ولما حست بالأمان يرجع يشملها غمضت عيونها براحة وهدت تمااااما لما ظن ابو فهد انها نامت .. لحفها بالغطا وقبل ما يروح مسكت شوق يده .. شوق : وين ؟!.. ابو فهد ابتسم : اخليك ترتاحين يا عمري .. شوق : وانت بعد .. ارتاح عندي .. لا تطلع .. هز ابو فهد راسه بانصياع وجلس بالكرسي الموجود بالغرفة : ان شالله .. وبعد فترة شوق ماعرفت تنوم رغم انها تحس بالراحة لوجود عمها عندها .. والسبب هو فهد .. هي صح ارتاحت نفسيا لدرجة كبيرة .. لكن متضايقة من اللي صار .. وعرفت انها غلطت بحق فهد لما تصرفت بذيك الطريقة .. كان لازم تواجهه وتقوله بدون ما تعيشه بذاك الخوف .. وبدون ما تجرح كرامته لما بينت بذاك التصرف انها ماتبيه ولا تبي ترجع معه .. وقبل ما تنوم مرتاحة قررت انها تعتذر منه .. أول ما تشوفه .. كانت الساعة تشير لـ 12.30 منتصف الليل .. وهذي أول مرة تنوم فيها شوق برااااحة من فترة طويييييييلة .. على نور الشمس الصباح صحت شوق وهي تحاول تفتح عيونها بصعوبة من شدة النور .. ولما تذكرت كل اللي صار امس ابتسمت وهي تذكر الله وتحمده لأنه ما نساها .. تلفتت بالغرفة ولا لقت عمها فبقت بمكانها منسدحة وعيونها بالسقف ومافي بالها غير فهد .. لازم تعتذر له بأسرع وقت ممكن .. سمعت الباب ينفتح ويدخل الدكتور ووراه عمها فابتسمت له .. وهو بادلها البسمة بابتسامة حنونة .. الدكتور مبتسم : لأ لأ .. دي مبينة تحسنت أوي .. ها إزيك يا آنسة ..؟!.. شوق بصوت مبحوح : الحمدلله .. قاطعهم ابو فهد : ها دكتور ما اقدر اطلعها اليوم .. الدكتور مسك يد شوق يقيس الضغط ويكشف عليها : ها يا آنسة شوق مرتاحة .. بتحسين نفسك كويسة ولا حنحولك على دكتور نفسي .. هزت شوق راسها : لا انا طيبة الحين .. الدكتور : ايوه مبين انو مالنا حاجة بالدكتور النفسي لأن صحتها النفسية مبينة توب النهار ده .. حنا بنفضل تكون بالمستشفى نهار تاني .. ابو فهد بقلق : ليش فيه شي كبير ؟!.. الدكتور : لا أبدا .. بس تحتاج لرعاية اكثر عشان تتحسن بشكل أسرع .. هي دلوقتي ماشالله تبارك الرحمن فرق مابين البارح والنهار ده .. ابو فهد : ياليت اقدر آخذها اليوم .. اذا مافي ضرر .. الدكتور بعد ماشاف حرص ابو فهد : اوكي .. بس تحتاج تخلص شوية اجراءات .. وتقدر تاخذها زي مانتا عاوز .. طلعع الدكتور وشوق ببطء قامت جالسة ووجهها لللحين تعبان ومبين اصفر .. شوق : عمي خالتي وينها ؟!.. ابو فهد : قلت لها تروح وما تشيل هم .. من الليل راحت .. شوق ابتسمت : ومتى بنرجع .. مشتاقة للرياض .. ضحك ابو فهد وراح لها وهو يمسح على راسها : والرياض كلها مشتاقة لك .. شوي وراجعين بس بروح اخلص اللي قال عليه الدكتور .. وراح بيطلع لكن جواله دق ورد عليه وهو واقف عند الباب .. وشوي سمعت شوق عمها يضحك ويرجع يطل عليها والجوال بيده .. ابو فهد يمد لها التلفون : كلمي بنت عمك .. ذبحتني لها ساعة تتصل .. شوق مستغربة : ندى ؟!.. ابو فهد : ايه من وانتي نايمة تدق تبي تكلمك .. والحين قالت الا تقومها عشان ترد .. خذت شوق الجوال وهي تضحك وعمها طلع وردت .. شوق بصوتها المبحوح: الوو .. وصلها صوت ندى والدموع مبينة فيه : يااا حمارة تدرين انك خاينة .. شوق ضحكت ولمعت دمعه بعيونها : هلا ندى .. ندى بخوف : وش صااااير لك ياحمارة تدرين اني مانمت طول الليل .. قاعدة افكر والله بغيت انجن .. شوق رفعت يدها تمسح دمعتها : انا الحين الحمدلله بخير .. ندى : وشو عقبه .. عقب مابغيت اموووت .. ابي اعرف انتي شلون تفكرين .. شوق خنقتها العبرة : ندى خلاص لا تصيحيني .. والله آسفة .. ندى تبكي : آسفة هذي وين أصرفها قولي لي .. والله خوفتينا كلنا عليك وش هذا يالزفته ؟!.. شوق تنهدت بعمق : خلاص انا بخير الحين لا تشيلون هم .... ( وسكتت شوي ) .... والله اشتقت لكم .. ندى تحاول تمسك نفسها بس ماتقدر : اللي يشتاق ما يفارق .. شوق سكتت تمسح دموعها بهدوء وصمت .. وندى انتظرتها تتكلم واستغربت صمتها الطويل .. ندى تغيرت نبرة صوتها للطف : ها قلبي اخبارك ؟!.. شوق : ........ بخير .. ندى تحولت للجد : والله والله لو ماجيتوا بسرعة ان اركب تكسي واجي .. شوق ضحكت : هههههههههه .. لا تخافين عمي راح يخلص الاجراءات مع المستشفى وبنجي على طول .. ندى تنهدت : آآآآآخ .. واذا ما جيتي ؟!!.. ضحكت شوق : ههههههههه .. لا بجي لا تخافين ... ندى بقهر : ايه انك سحبتيني امس على وجهي .. دخل فهد الصالة وانا كنت نااازلة والفرح بياكلني الا اشوفه لحاله وانتي مو معه .. ويوم سألناه قال مارضت تجي وخليتها .. خفت أمس انه صاير شي والله لأنه كان غير طبيعي .. اول مرة اشوف فهد بهالحالة امس .. صمتت شوق وهي تفكر بندم .. وفكرة الاعتذار منه ملكت كل عقلها .. شوق بنبرة عادية لكن قلبها غير : طيب .. وفهد شخباره ؟!.. ندى : والله ما أدري وصل أمس بالليل ودخل غرفته حتى انه الصبح اليوم طلع من بدري بدون ما يسأل عنك .. واحنا اللي كنا عايشين على نار .. هالولد احيانا مايحس .. يدري انك بالمستشفى ولا يهتم ولا يسأل .. حست شوق بالضيق للي سمعته .. ما سأل عنها ؟!.. مبين انه زعلان من جد .. شلون مايكون زعلان وهو معطيني كفوف معتبرة أمس .. رجعت تحط يدها على خدها وهي تحس بالألم خف شوي .. قعدت تفرك المكان وسرحت ونست انها تكلم ندى .. ندى : يعني انام وأتطمن انك بترجعين ؟!.. شوق انتبهت وابتسمت : اذا ما جيت اذبحيني .. ها شرايك ؟!.. ضحكت ندى : لا مادام فيها ذبح صدقتك .. خلاص روحي بنام لي ساعه قبل ما توصلون .. من الليل وانا قلقانه ماعرفت انوم .. بس الحين ارتحت .. شوق : الله لا يخليني والله .. ندى : يالله اشوفك قدام باب البيت .. شوق ضحكت : ههههههههههه .. مع السلامة .. سكرت ورجعت حطت راسها عالمخدة وغمضت عيونها .. وبعد نص ساعة دخل ابو فهد يطلب منها تستعد عشان يمشون .. وبعد نص ساعة كانوا بالمطار .. ومباشرة ركبوا الطيارة اللي انقلتهم للرياض بظرف أقل من ساعة .. طلعوا من المطار وابو فهد يمسك يد شوق ويساندها لأن التعب مبين عليها للحين .. وفتح لها باب سيارة التاكسي كانت موقفة قدام البوابة لكن قبل ما تركب التفتت لعمها .. شوق : عمي متأكدين انكم مو زعلانين مني ؟!.. ضحك ابو فهد : لا مو زعلانين .. انتي بس اركبي ولا تفكرين بخرابيط مالها داعي .. ركبت وهي تبتسم وتحركت السيارة فيهم باتجاه البيت .. وهناك كانت ندى تنتظر على نار .. وفهد كان طالع برا البيت من غير محد يشوفه من الصبح وللحين مارجع .. وأخيرا .. عمر الملهوووف والمشتااااق | |||||||||
| |
|
06-19-2010, 11:34 PM
| #36 (permalink) | |||||||||
|
مستشار المؤسس ~
|
رد: * غــــــــــارقـــــــــات في دوامـــــــة الحــــــــب * انا :
قمرهم كلهم الجـــــــــــــزء 26 بعد ساعتين من مكالمة ندى لشوق ..كانت ندى فيها نايمه .. صحت على صوت اخوها عمر يصحيها .. تأففت وانقلبت عالجهه الثانية من هالازعاج المسببه لها .. عمر يهزها بيده : ندى .. قومي قومي .. ندى وهي مغمضة ومعطيته ظهرها : نعم عمر شتبي ..؟! عمر : أبي أكلم سوق .. فتحت ندى عيونها فجأة لانها اتذكرت .. والتفتت للجهة الثانية بسرعة تناظر الساعة .. أكيد هم بالطريق الحين هذا اذا ماكانوا الحين عند الباب .. رمت باللحاف على جنب وفزت بسرعة لدرجة خوفت عمر وحسبها بتقوم تطقه لكن هي راحت وطلعت للبلكون وطلت من فوق للبوابة .. ماشافت احد وسيارة ابوها ماوصلت للحين .. ورجعت للغرفة وشافت عمر واقف : عمر انزل تحت بعد شوي بتجي .. ابتسم عمر برضى وسبقها تحت .. وهي غسلت وغيرت بجامة النوم وطلعت .. وقبل ما تنزل الدرج التفتت لغرفة فهد .. وراحت لها ودقت الباب .. بس ماسمعت جواب وفتحته .. كانت الغرفة مظلمة وعلى حالها من الصبح .. يعني للحين مارجع الأخ .. هزت راسها وهي تفكر باللي خلا حاله أمس ينقلب وبشكل غريب .. كان الفضول بيذبحها وكانت بتسأل شوق وش اللي صار بالضبط بينها وبينه لما كلمتها الصبح .. بس صوتها التعبان خلا ندى تتراجع .. وقررت انها تنتظر لما ترجع للبيت وتشوفها بعدها بتسألها .. نزلت تحت وكالعاده نايف جالس عند البليستيشن رفيقه الحبيب .. لما شافها سألها .. نايف : اقول شوق متى بتجي ؟!.. ندى ابتسمت : وينها خل تشوفكم منتظرينها على نااار عشان تقتنع ؟!!.. نايف : تدرين ليش أبيها ترجع ؟!.. ندى وهي تجلس عالكنبة : ليش يا فهيم ؟!.. نايف : عشان ابي احد يلعب معي ويتحداني بالبليستيشن مثل ما تسوي هي .. مو مثلك انتي .. ندى رجمت عليه المخدة اللي جنبها : مااالت عليك .. قل مشتااق لها مو ( تقلده ) .." عشان تلعب معي " .. وبعدين انت مو بزر تبي احد يلعب معك .. لو انه عمر كان قلنا يمكن ما يخالف .. نايف ماسك ضحكته : اوف .. طنشته ندى وراحت للتلفون تتصل على ابوها .. بس محد رد وجربت مرة ثانية وبعد محد رد .. ندى ترجع السماعة مكانها بضيق : مايردوون .. اوووففففففففففف ...!! ضحك نايف عليها وعيونه عالتلفزيون : ههههههههههههه .. الحمدلله والشكر .. ندى بضيق : ضحكت من سررك بلى .. وجا ببال ندى انها تروح للمطبخ تجهز عصير على ما يوصلوون .. ومنها تفتك من مناقر نايف اللي ما ينتهي .. بما انه الوقت كان بعد الظهر بشوي .. وهالوقت قليل ما يجتمعون فيه الشباب بالقهاوي لأن كل واحد يكون منشغل بأشغاله ولا بالغدا ولا بأي شي .. كان فهد جالس بالنادي مع احمد يلعبون رياضة .. وبالعادة كان التحدي قايم بين الاثنين لكن هالمرة فهد منقلب رأسا على عقب .. جالس بدون لعب بس يراقب أحمد اللي كان يلعب تنس مع شاب متعرفين عليه من فترة بالنادي .. وهالشاب اسمه " مهند ".. فهد جالس عالطاولة وكوب الكوفي بيده وجالس بصمت .. والعذاب الي يحس فيه من أمس مستمر معه لليوم والى هاللحظة .. حتى النوم ماعرف ينوم زين .. كره البيت لذلك طلع من بدري وجلس بالنادي من ذاك الوقت بعدها اتصل على احمد يجيه .. احمد لاحظ حالته الغريبة بس ما زود عليه بالأسئلة .. لأنه سأل مرة لكن فهد مارد .. وبعدها بساعة سأل مرة ثانية لانه استغرب حالته الغريبة .. وفهد رد عليه بكلمة خلته يسكت ومعد يتكلم .. فتركه لحاله وراح يلعب مع مهند لعل وعسى يرتاح شوي .. بعد ساعة من اللعب وقفوا احمد ومهند وراحوا وجلسوا عند فهد .. مهند : هااا فهد اخبارك ؟!.. شفيك عسى ماشر ؟!.. فهد ابتسم : ماشر .. مهند : تصدق من دخلت وانا مستغرب حالتك .. بغيت أسألك شفيك بس احمد نصحني لا تسأله لأنك شرشحته مسكين .. بس بصراحة الوضع زاد عن حده لنا ساعتين نلعب وانت على نفس الحاله .. فهد : ولا شي بعدين لا تزيدون علي أسئلة انا جااي هنا أرتاح مو عشان تحققون معي .. مهند قام يمثل الخوف : ياساااتر ياساااتر .. ( لف لأحمد ) .. أقووول مع السلامة لا يذبحني ولد خالتك .. ضحك أحمد : هههههههههههه .. وين على الله ؟!!.. مهند وهو يوقف : والله يكفي لعب اليوم .. لازم أطلع وراي شغل .. احمد : الله معك .. من اختفى مهند عنهم لف أحمد لفهد .. وفهد فهم انه بيبدا معه تحقيق جديد وقبل مايصده تكلم أحمد : بلا صراااخ لأكفخك بهالمضرب اللي معي ( ويرفع المضرب بيده على انه بيضربه ) .. سؤال واحد وجاوبني عليه .. فهد : حمود انا قايل لك لا تسألني .. احمد : وش اللي لا تسألني .. من جدك انت .. انت صاير لك شي .. تفهم .. مو طبيعي اليوم قلي .. فهد شال اغراضه وقام واقف واحمد مسكه من يده ووقف معه .. احمد : وين تعال .. جاوبني قبل .. فهد : .......... احمد بنظرة : وش صاير لك امس ؟!.. فهد بضيق : ماصار شي فكني عااد .. ما صارت .. سحب يده وراح لسيارته واحمد اخذ اغراضه وراح وراه .. ركب فهد وسكر الباب بعصبية وشغل السيارة واحمد قبل ما يمشي فتح الباب .. احمد : فهيد وين رايح ؟!.. فهد تأفف : بروح للبيت .. احمد بجدية : أكيد .. رفع فهد عينه له بنظرة مزدرية : مالك حق تسألني أكيد ولا مو أكيد .. احمد طالعه بنظرة عدم تصديق .. شفيه حتى أسلوبه اليوم غير طبيعي .. لكن احمد ما أثر فيه شي وزادت جديته أحمد : عالعموم ما رح أسألك بتبعك للبيت .. فهد تم ساكت وعرف ان احمد بيعاند بهالشي فحاول يخفف من حدة كلامه واسلوبه .. فهد بشوية لين : لا لا ماله داعي .. بروح للبيت أرتاح صاحي من الفجر .. تعباان يا أحمد اليوم .. هذا كل شي .. احمد بعد صمت كان يتأمل فيه وجه فهد : ولو اني شاك انه صاير لك شي .. الله اعلم فيه .. بس بخليك .. فهد مد يده بيسكر الباب بس أحمد ماتحرك .. فرفع عينه له يبيه يبعد واحمد انتبه .. وضحك يحاول يلطف الجو ويضحك فهد معه .. لأن ملامحه كانت مرة عابسة وجامدة .. احمد وهو يبعد عن الباب : هههههههههههه .. اضحك يا أخي .. وبعدين .. بتجي اليوم للشباب ولا لا ؟!.. فهد : ما أدري ما أظن .. أقولك تعبان .. احمد : سلامتك أجل .. سكر فهد الباب وتحرك رايح للبيت .. وطول الطريق كان يستعيد كل اللي صار أمس .. ثلاث اشياء هي اللي مضايقته .. أولها .. الحقيقة اللي اكتشفها عن شوق .. بعد ما ظن انها تحبه .. لما ظن بالبدايه بحبها له حس بشعور غريب وراحة لأنه من فترة كان خايف انه يكتشف عن نفسه انه يحبها .. وهالخوف داخله كل ماله ويكبر لأن حس نفسه مو قادر يسيطر على حاله بهالاحساس .. ماكان يبي يتعلق فيها .. لكن لما سمع كلمات مشعل تحطمت هالصورة عنها كليااا .. هو فكر بالبداية .. شلون بيعرف مشعل انها تحبه الا اذا اعترفت شوق نفسها بهالشي .. او مثل ما قال انقلت له اخته هالشي .. وثاني شي ضايقه .. الاسلوب اللي اتبعته شوق بالرفض البارح .. ابتسم وهز راسه بسخرية .. وش اللي يخلي شوق ترفض الرجعة الا لهالاسباب .. عشان تتم بجنب الحبيب .. وثالث شي واللي كان بمثابة الضربة القاضية ... اتهام ابوه له ..!! شي عور قلبه بالبداية .. انه يتلقى هالكلمة من ابوه .. واللي هو موصيه من البداية على بنت عمه .. شلون يفكرون انه بيأذي بنت عمه حتى ولو وصلت فيه النذالة مواصيلها .. شي قوي الصراحة ..!! ضحك بصوت عالي وهو يحس انه انخدع .. انخدع من نفسه .. والله يافهد وصرت مو فاهم نفسك .. اذا كنت مو قادر تسيطرعلى نفسك ليش ارخيت الحبل على قلبك .. والله مصخرة .. انا هالبنت تقلبني !!.. بنت ماعرفتها الا شهور معدودة .. تقلب حالك يافهد .. تحولت ملامح فهد للجد والقسوة لما وصلت أفكاره لهالنقطة .. ماكون فهد اذا ماكرهت قلبي فيها مثل ما خليته يميل لها بحرية .. اعجبته هالفكرة لأنه بتكون فيها راحة لقلبه ولنفسه ولروحه .. بسيارة ابو فهد ضحكت شوق وهي تسمع لعمها ولكلامه .. ولعاشر مرة رفعت يدها تشوف الساعة وترفع عينها لزحمة السيارات .. ابو فهد : وش عليه مستعجله طولي بالك .. شوق : ان شالله .. بس رغم تعبها وارهاقها ما تقدر .. تبي ترجع لبيت عمها وتحس انها وصلت وتطمئن .. ابو فهد لف لها يتأمل وجهها : ها شخبارك للحين تعبانه ؟!.. شوق بصوت مبحوح : شوي .. احس راسي شوي ثقيل .. ابو فهد : كلها كم يوم وتتحسنين .. مثل ماقال الدكتور لازمك راحة .. شوق ابتسمت على هالجرعة الزايدة من الاهتمام : ان شالله .. ودق جوال ابو فهد للمرة العاشرة .. ومن سمعتها شوق ضحكت لأنها عارفه مسبقا من هو المتصل .. وابو فهد ضحك معها .. ابو فهد بعد ما شاف الاسم : هذا البيت .. اكيد ندى .. شوق : اكيد بعد مافي غيرها لحوح بالتلفونات .. لما كلمتني اليوم هددتني تهديد الله لا يوريك .. ابو فهد : والله ما ينفع لك الا هالبنت .. شوق : ههههههههههه .. الا تخوف بعض الأحيان .. يمه منها ..!! ابو فهد : هههههههههههههههههه .. شوق لاحظت ان التلفون مستمر بالرنين وابو فهد متجاهله : عمي ليش ماترد .. لها ساعة وهي تدق ؟! ابو فهد : خليها .. شوي وواصلين خليها تكون مفاجأة .. ابتسمت شوق برضا عالفكرة .. وتمت تتخيل ألف وجه ووجه لندى لما تشوفها قدام باب البيت مثل ما قالت .. دخلوا الحي .. ووصلوا للبيت ووقفوا قدام البوابة .. وبنفس اللحظة وصلت سيارة ثانية ووقفت قدامها .. كانت سيارة فهد .. شوق انتبهت له قبل لا تنزل وتعلقت عيونها فيه وتمت ساكنه بمكانها .. ارتبكت قبل ما تنزل .. خاصة وهي تشوفه لابس النظارة الشمسية وجالس داخل السيارة ولا تحرك وعلى ملامحه جمووود تام .. شي ما طمنها ابدا .. التفت ابو فهد لها وهو يفتح الباب : لحظة خليني اساعدك .. شوق مابعدت عينها عن فهد : ان شالله .. نزل ابو فهد من السيارة وراح لناحيتها وهو يبتسم لولده فهد اللي ماكان منتبه له ابدا .. لأنه كان يطالع شوق بأسلوب مزدري جدا .. ولما شاف ابوه يعطيه ظهره عشان يساعد شوق نزل من السيارة وتوجه لداخل البيت بدون ما يلقي السلام او يقول كلمة .. انتبهت شوق لهالتجاهل .. وعور قلبها هالشي .. ولما فتح عمها الباب استندت على يده عشان تنزل بهدوء .. ومشت بخطوات هادية لداخل البيت بعون من عمها .. وهي تتمنى تشوفه داخل .. خذت شوق نفس وهي تتخيل الاستقبال اللي بيكون من البقية .. وفتحوا الباب ودخلت وعمها وراها .. وأول شخص طاحت عينها عليه كان عمر اللي موقف بوسط الصالة يطالعها بفرح وغير مصدق .. ابتسمت له وعمر ركض لها بحماس .. وهي بتلقائية وبنفس الحماس نزلت له واستقبلته بحضنها بدموع حارة .. عمر كان ميت ضحك من الفرح : هههههههههههههههههه .. سووووق .. جيتي جيتي !!!.. شوق كانت ضامته بقوة كبيرة وهي تفكر .. شلون كانت بتشيل عمر من حياتها وبتبتعد بعد ما صار بالنسبة لها مثل اخوها الصغير وأغلى بعد .. وصلها صوت ندى : ..... شووق ؟!!!! رفعت راسها لها واستندت عالجدار عشان توقف .. شافت ندى واقفة على آخر عتبة بالدرج ومبتسمة بخبث .. مشت ندى لها بهدوء وهي فاتحة ذراعينها وتضحك : مالك طلعة من هالبيت الا على موتي تفهمين ..؟!!.. وصلت ندى عندها وشوق مباشرة حضنتها ودموعها تهطل بصمت .. وبعد عناااق طوووويل رفعت ندى راسها تتأمل وجهها الشاحب المصفر .. ندى بلطف : الحمدلله عالسلامة .. شوق مبتسمة : الله يسلمك .. طلت ام فهد من وراهم وماترددت شوق لحظة انها تسلم عليها بحرارة وتعبر عن شوقها لكل فرد منهم .. حضنتها ام فهد وهي تتحمد لها بالسلامة وبعدها جا دور نايف اللي كان يمثل عليها دايما دور العاشق الولهان وماقصر هو بعد بالسلام الحار .. ومن بعده جت دور منى الناعمة الهاديه .. بعد ما انتهت شوق منهم كلهم حست بفرد ناقص .. تحسه أهم فرد فيهم .. تلفتت بهدوء بالصالة الكبيرة تبحث عنه بدون ما تحسسهم .. بس ما لقت له أثر .. حز فخاطرها أكثر لما حست بعدم اهتمامه .. ندى قالت لها بالتلفون انه ما سأل عنها والحين لما شافها ما كلف نفسه عالأقل يقول الحمدلله عالسلامة .. حست بابو فهد يحوط كتفها بذراعه : تعالي استريحي .. مشت بانصياع وجلست عالكنب وعمر أول واحد حجز له مكان بحضنها .. ابو فهد يعاتب عمر : عمر ابعد عنها تعبانة خلها ترتاح .. عمر بعناد جلس بحضنها : للللللللللللللأ .. ابتسمت شوق وجذبته أكثر لحضنها وهي تسند راسها على راسه .. شوق : اشتقت لك عموري .. عمر مستانس بجلسته : وانا بعد .. وندى بعد راحت من جهة وجلست بجنبها : ما وحشناااك يالدبا ؟!.. ابو فهد يمزح : أي دبا .. الا شوفيها ذبلااانة .. الدكتور موصي بالاكل الصحي .. ندى تضرب على صدرها بفخر : ولااااا يهممممك يبا .. انا الشيف ندى بشرف على أكلها بنفسي .. ابو فهد يضحك وشوق معه : بعدي والله بنتي .. عقبااال ما شوفك دكتوورة ان شالله .. ندى تقهقه باستنكار : يبااااا نسيت .. انا ادارة أعمال .. وش جاب الطب للأدارة .. ابو فهد : ما عليه اهم شي الدكتوراه .. ( ولف لشوق ) .. انتي وشوق نبيكم تاخذون الدكتوراه وترفعون راسي ان عندي بنات حققوا هالشي .. ابتسمت شوق برضا لهالكلام .. وخاصة لم نطق " عندي بنات " .. ندى : ان شالله يبا نحاول .. بس هاا ترا ما نوعدك .. ضحك ابو فهد وهو يقوم : يالله انا راقي لغرفتي اغير ملابسي وارتاح شوي .. وندى خذي بنت عمك وديها لغرفتها ترتاح .. عارضت شوق : لا عمي .. انا طيبة الحين .. بعدين بروح .. هز ابو فهد لها راسه وطلع لغرفته وام فهد تبعته .. ومن راحوا رجعت شوق تفكر بقلق وبتأنيب .. ياترا بيسامحني ولا لا ؟!.. انتبهت لندى تقوم : بروح اجيب لك كاس عصير .. ابتسمت شوق : مشكورة .. راحت ندى عنها للمطبخ ورجعت تسولف مع عمر اللي مابعد عن حضنها لحظة .. عمر منزل راسها يلعب بالخاتم اللي في يدها : سوق انتي تعبانه ؟!.. شوق وهي تضمه لحضنه وتتنهد : شوية تعبانه .. شوي وأطيب .. انشغل عمر وهو يلعب بخاتمها وهي سرحت تتامل شعره الأسود الناعم .. وحاسة برضا تااام لأنها عدلت عن الخطوة اللي كانت مقدمة عليها .. أحد عنده مثل هالأهل ويخليهم ؟!.. رجعت ندى بكاس العصير وقدمته لها .. شربت نصف الكاس وعمر ضاربها عالنصف الثاني واخذه منها بالقوة .. وندى مستغربة منها : عمووور عيب البنت تعبانه .. شوق : خليه .. شربت اللي يكفيني .. والله لو يطلب روحي أعطيه .. أموووووت فيه هالولد .. ( وضمته بقوة بدون ما تمل ) ندى : ماودك تطلعين فوق ترتاحين .. شوق مترددة ماتبي تطلع قبل لا تشوف فهد فقررت تسأل عنه : خلينا شوي .. الا اقول .. ندى باهتمام : لبيه .. شوق تحاول تكون عفوية : ما شفت اخوك .. ندى فهمتها : فهد ؟!.. شوق هزت راسها بصمت : ...... كأني شفت سيارته برا .. ما بغت تقول اني شفته ينزل من السيارة ويدخل فقررت تستخدم صيغة السؤال . ندى تحولت ملامحها من اللين للعصبية فجأة : خليك منه .. واحد بارد ماعنده دم ..!!! شوق بهدوء : ليش ؟!.. ندى بانفعال : يعني يعجبك اللي سواه .. انتي طايحه بالمستشفى وهو يطلع يونس حاله بدون حتى ما يسأل عنك ويشوف أخبارك .. ولا اللي سواه قبل شوي كمل الناقص .. شوق : ليش ؟!.. وش سوى قبل شوي .. وبعدين يمكن مشغول .. ندى : مو مشغول الا واحد غير مهتم ومطنش اللي حوله .. قبل شوي دخل البيت وقابلته فوق عند غرفته .. ولما سألته انه ينتظر شوي عشان انتي بتوصلين تدرين وش الرد اللي قاله .. شوق بترقب وهي تنتظر ضربة جديدة منه : وش قال ؟!.. ندى تقلد ملامح وجهه المزدرية لحظتها : ماني رايق لا لك ولا لها .. انا تعبان وبرتاح .. ولا احد يزعجني .. شوق سكتت بخيبة أمل وندى ربتت على كتفها تخفف عليها : ماعليك منه .. هالأسلوب يستخدمه معنا كلنا حتى معي مثل ما انتي عارفة لا تشيلين بخاطرك .. ولا انتي ماعرفتي فهد للحين ؟!.. ابتسمت شوق لها : اخوك ما افهمه .. واظن عمري مارح أفهمه .. نزلت شوق راسها مرة ثانية تفكر.. الا فجأة حست بيد ندى ترفع راسها وتلفه يمين وشمال تتأمل خدها المحمر .. ندى بعبوس تتأمل الكدمه : وش هذا ؟!.. شوق ضحكت وهي تحس بلوعة داخل أعماقها من ذكرى أحداث أمس : هههههههههه .. وشو ؟!.. ندى : شفيه خدك ؟!.. اللي يشوفه يقول جمرة ..!!! شوق وهي تتذكر وجه فهد الغاضب منها بعد الطراق : ابد سلامتك .. طايحه على خدي من السرير وانا نايمه .. ندى : والطيحه تسبب لك هاللون كله ..!! شوق مبتسمة بهدوء : السرير كان عالي والطيحه كانت قويه .. هههههه وبعدين لا تخافين بكره ان شالله تلقين اللون رايح .. ندى بلطف : يعورك ؟!.. شوق : شوي .. ندى بنبرة خبث ونظرة شقية : تبينه يطيب ؟!.. شوق : اكيد .. اجل تبين وجهي يقعد ملون .. قربت منها ندى وباستها على خدها ورجعت مكانها وبنبرة ثقة : ما دامك حصلتي على بوسة من الأميرة ندى .. بيطيب .. يكفففففي بس انك حصلتيها مني .. مو أي احد يحصلها .. شوق تجاريها : ايه بصراحة معك حق .. بوستك فيها سحر عجيب .. ضحكت ندى وقامت ووقفتها معها تساعدها عالوقوف .. وعمر نزل من حضنها وراح مع اخوه نايف يلعب .. اما شوق وندى راحوا لغرفة الأولى وندى طلبت من الخدامات يطلعون شنطة شوق فوق .. شوق لبست لها بجامة أي كلام ورمت نفسها عالسرير بتعب .. وندى طلعت من عندها بعد ما سكرت النور والباب .. ورجعت لغرفتها وهي مرتاااحة ومنشرحه عالأخير بعودة شوق أخيرا .. فراحت شبكت النت تضيع وقتها لما تصحى شوق .. وبعد دقايق دخل المجروح اون لاين .. فابتسمت لأنه جا بوقته .. المجروح : هالللوووووو ... ^_^ : هلا وغلا .. المجروح : أخبار الغالين ؟!.. وش مسوووين ؟!.. ^_^ : كلو تمام .. اقولك .. المجروح : يا لبيـه .. ^_^ : تعرف بنت عمي اللي كلمتك عنها .. المسافرة للشرقية ؟!.. المجروح : شفيها ؟!.. ^_^ : رجعت اليوم .. أخييييييييراااا .. المجروح : ههههههههههه .. وانا اشوف هالوجه المبتسم وش وراه .. المهم أخبارها ؟!.. ^_^ : بخير الحمدلله بس شوية تعبانه .. توها جايه من المستشفى .. المجروح : ليش سلامتها من كل شر ؟!.. ^_^ : بصراحة انا ماعرف التفاصيل بالضبط .. وان شالله بعد ماترتاح رح اسألها لأن هذا شي محيرني من أمس .. أهم شي انها رجعت وهذا اهم مافي الموضوع .. ماتدري وش قد غلاتها عندي وبقلبي .. المجروح : شكلك يا ندى طيبة بشكل اكثر من ما انا متصوره .. وهذا أحلى شي فيك ..!! ^_^ : ..... ^_^ تسلم من ذوقك .. أيها العزيز الغالي .. ضحك المجروح : هههههههههه .. العزيز الغالي ؟!.. ^_^ : ya .. .. انت عزيز وغالي .. يا طلوووول .. المجروح : ههههههههههه .. بس عزيز وغالي ؟!.. مافي غيرها ؟!.. ندى فهمت قصده : ... للحين .. انت عزييييز وغاااالي ومافي غير هالكلمتين .. تبيهم أهلا وسهلا ماتبيهم وماعجبوك مستعدة أسحبــهم .. توفر علينا بعد .. المجروح : هههههههههههه .. يا طماااااااااعة .. خلاص خلاص أبيهم كل شي من ندى طلال أبيــــه ..!! ندى ردت بأسلوب فيه شوي من الغرور .. ^_^ : أصلا.......... المجروح : ايوه ؟!.. ^_^ : يحصلك بس انت تلقى الكلمة الحلوة من الأميرة ندى ؟!.. المجروح : أوف أوف .. أثر فيك عرق غرووور وانا مدري .. ^_^ : المفروووض تكون شاطر وتعرف هالشي .. بحكم دراستك ..!! المجروح : لا هالمرة فاتت علي هالنقطة .. الا تعالي .. وش سر الأميرة ندى هذي .. ماخذه بنفسك مقلب على فكرة .. ^_^ : هههههههههههه .. لا ابدا .. اللقب هذا مصاحبني من صغري .. من شخص واااحد بس .. المجروح : من هذا ؟!.. ^_^ : سررررررررررر .. المجروح : بيني وبينك مافي أسرار .. ^_^ : واحد وبس .. المجروح : غناتي قولي .. تعرفيني احب اعرف كل شي عنك .. ^_^ : أوكي ... المجروح : من يكون ؟!.. ^_^ : هذا أحمد ... المجروح : من أحمد ؟!.. سكتت شوي وبعدين ردت عليه بشوية اكتئاب : هذا اللي كانت علاقتي العاطفية فيه فااشلة .. الخاااين .. سكت المجروح لحظات طويلة وندى تنتظره يرد بس مارد .. ^_^ : طلوووول وين رحت ؟!.. المجروح : .......... ^_^ : طلوووول شفيك ؟!.. المجروح : انت للحين تحبينه صح ؟!.. استغربت ندى منه وردت شوي بعصبية : وش هالكلام انا قلت لك اني بديت انساه وفعلا انا بديت انساه .. المجروح : تلعبين على نفسك .. زاد استغراب ندى منه ومن كلامه .. شلون يعني العب على نفسي ..!!!! ^_^ : شلون يعني .. انا خلاص معد صرت أحبه .. نسيتــه .. المجروح : واضح !!.. والدليل انك للحين تستخدمين اللقب اللي يقولك اياه .. ومتعلقة فيه .. قطبت ندى لأنها حست بكلامه انه معصب وزعلان : عادي هذا ما يثبت شي .. المجروح : الا يثبت .. مبين ان رواسب الحب عندك للحين باقيه ما اختفت .. ندى ضايقها هالكلام .. ومن أسلوبه الجاف : اسمعني مو يعني انك عرفت اشياء عني كثيرة انك على حق في هذي .. المجروح : اوكي انا حبيت انبهك بس .. مع السلامة انا طالع .. وقبل ماترد عليه طلع وصار اوف لاين وندى جالسة تقرى كلماته بشي من الدهشة .. اقوله انا بديت أنساه وهو يقول ان فيه رواسب حب باقيه بقلبي ما راحت .. جلست صامته تفكر بالشي اللي ضايقه وزعله وخلاه يطلع بهالشكل .. !!! .. مهما صار انا بديت انساااه واذا كان فيه رواسب حب مثل ماقال طلال .. فـ أنا بمحيها بنفسي .. دخل أحمد المقهى المعتاد وشاف الشباب جالسين بالركن نفسه .. لما شافه اسامة اشر له بيده ولما قرب منهم شاف عبدالله يقطب مستغرب .. عبدالله : وين فهوود أجل ؟!.. احمد سحب له كرسي وجلس : ماجا .. ويقولكم مارح يجي لانه تعبان اليوم .. حسين : ليييش عسى ما شر .. شفيه مو من عوايده ما يجي ؟!.. أحمد تنهد بحيرة : والله ما أدري .. أمس اتصل علي وقالي انه بيروح الشرقية واليوم متصل علي من الساعة ثمان الصبح وطلب من أجيه بالنادي .. اسامة مستغرب : متصل لك ثمان الصبح ؟!.. وش مصحيه من ثمان ؟!.. أحمد وهو يحك رقبته بحيرة : ما أدري .. بس ولد خالتي غريب اليوم .. مبين انه تعبان من جد .. حسين طلع جواله من جيبه بسرعة : بدق عليه وبشوف .. رفع احمد يده يوقفه : لا .. يمكن يكون نايم ونزعجه .. حسين بعدم اهتمام اتصل : ماعلي منه بشوف وش سالفته .. وبعد دقيقة رجع الجوال عالطاولة : ما يرد ..!! احمد : قايل لك نايم مارح يرد .. حسين انتصب بجلسته بمواجهة احمد والجد مبين بوجهه : والله احمد اقلقتني وش فيه فهد ..؟!.. احمد بضيق : والله علمي علمك .. مانطق بحرف اليوم .. كل ما سألته مايعطيك جواب الا ينفخ عليك لما يخليك تكره نفسك .. بعد ساعة قام أحمد وانتبهوا له .. عبدالله : على وين ؟! .. بدري !! أحمد : رايح للبيت .. وبطريقي بمر فهد اشوفه .. حسين وقف معه : بجي معك .. احمد يأشر له يجلس : ويييين تروح معي .. اجلس وانا بشوفه .. ويمكن أحصله نايم بعد .. طلع احمد للشارع وحسين يصوت له بصوت عالي : دق علي طمني .. ولا خل فهد يكلمني بنفسه .. أشر له احمد براسه بالايجاب وهو يفتح باب السيارة .. وركب ومشى لبيت ابو فهد .. ندى من بعد الكلام اللي قاله لها طلال معد صارت واثقه من نفسها ومن مشاعرها لأحمد .. كانت تحس انها بدت تنساه فعلا ومعد صار يملك تفكيرها مثل اول .. بس طلال شككها بنفسها .. لذا بدت الحين تتخلص من كل شي عن احمد وخاصة كتاباتها عنه .. والأوراق الملونة المعطرة اللي كانت تكتب فيها احاسيسها بأي وقت وبأي زمن يطري لها فيه .. طلعت الدفتر اللي لازمها لفترة طويلة واللي كان مليان ورد مجفف ومعطر وبينهم صورة احمد .. هذا الدفتر كان رفيقها دايما وحافظ لأسرارها .. جلست على طرف سريرها وهي تتنهد وتمرر اصبعها على الأوراق المنثورة عليه بفوضوية .. معقولة بعد كل هالمدة اتخلص منها .. مع انها اشياء صغيرة تافهه الا انها تشكل جزء مني ومن شخصيتي ومسجلة فيها أحداث من حياتي .. كان كل اللي بالاوراق والدفتر .. أشعار .. خواطر .. ومذكرات خاصه .. مو أي مذكرات .. كانت تكتب المذكرات كل ماصار بينها وبين أحمد أي شي .. يعني كل مذكرة لازم يكون فيها اسم احمد .. خذت قرار نهائي انها تتخلص منها .. بس باقي حلقة أخيرة ناقصة منها .. لازم تكلمها وبعدين تتخلص منها .. كانت ندى مسجلة فيها بداية احساسها بالحب .. وبعدها لما حست انه يزيد ويزيد لدرجة تغلب عليها ومو قادرة تسيطر عليها .. وبعدها صدمتها لما اكتشفت حبها اللي ينبع من طرف واحد .. وبعدها اكتشافها للخيانه .. وبعدها اصرارها انها تتخلص منه .. والحلقة الأخيرة من هالحكايه .. وهي المفقودة .. واللي بيكمل سلسلة أوراق تحمل أسرارها الخاصة .. انها تقر وتأكد انها نسته فعلا .. وان حبه مات وانقتل على ايديه .. ان احمد هو اللي قتل هالحب بيديه .. سحبت لها ورقة من الدرج وبدت تكتب نهاية هالسلسلة الطويلة من المشاعر .. ما عدت أحب ..!! ربما تسأليني يا ورقتي العزيزة .. ربما تغارين من بقية الاوراق .. ربما تقولين لمَ انا فقط من احمل مشاعر الحب المقتولة .. لم انا فقط التي لا تحمل كلمات حبك لأحمد .. لم بقية الأوراق مسجلة فيها عشرات كلمات الحب وانا لا ؟ّ!.. فأجاوبك .. ربما لأنك آخر ورقة تسطر نهاية حبي لأحمد .. فأنا ما عدت احبه وهذه هي النهاية .. وانتِ من تحمل النهاية .. اعذريني .. لكن هذا قدري .. واحمد هو المسؤول ..!!. انتهت ندى من الكلمات البسيطة هذي وثنت الورقة مرتين ودخلتها داخل الدفتر مع مجموعة من الأوراق .. وبدت ترتب البقية لكنها سمعت دق خفيف عالباب : مين ؟!.. انفتح الباب ودخل عمر وعلى وجهه ابتسامة بريئة ... خبيــثة ..!! وقفت ندى واقفة ويدهاعلى خصرها وتبادله نفس النظرة لأنها حست وراه شي : نعم عمر .. وش تبغى ؟!.. تقدم عمر لها ووقف بالجهه المقابله لها بينها وبينه السرير .. مال بوقته وهو يشبك يديه ببعض .. عمر : ابي .. حلاو .. مسكت ندى ضحكتها .. الولد صار يتطلب واجد هالايام .. كله من شوق مدللته ومدلعته دلع ..!! ما أظن ان احد حصله قبله .. ندى وهي تهز راسها بحزم مصطنع : لا لا لا .. مافيه .. برطم عمر وحاس بوزه : الا .. ابي .. ندى : قلت لك لا .. مافي خللللص .. عمر : كــــذاااابة .. بققت ندى عيونها من الصدمة : انا كذااابة ؟!.. عمر يهز راسها : ايه .. سوق تقول ان ندى عندها حلاو كثيييييير .. انتي كذاااااااابة .. ندى وصوتها علا شوي من الغيظ : احترم نفسك لأجي ألفعك بطراق ماتبي غيره .. يا قليل الأدب .. عمر : انتي أثلا بخيلة .. ندى شهقت : من علمك هالكلمة بعد ..؟! عمر ضحك بخبث على شكلها : سوووووووق تقول .. ههههههههههه ندى انقهرت .. وتوعدت شوق بسرها : وشوق وينها الحين .. ما قامت ؟!.. عمر : لا .. ندى تذكرت الشغل اللي بتكمله وطالعت الأوراق الكثيرة المنثورة قدامها : طيب يالله اطلع خلني اكمل شغلي .. عمر كان معفس بوزه منها .. ولفت انتباهه الدفتر الموجود عالسرير بين أوراق كثيرة ملونة ومنثورة .. فسحبه وقعد يقلب فيه ويتأمله .. ندى مالت فوق السرير وهي تمد يدها له : عطني الدفتر .. عمر كان يقلب فيه وهو معفس وجهه .. ورفع عينه لها بنظرة خبيثة : اول عطيني حلاو .. ندى بصدق : ماعندي .. خلص اليوم .. كان تتكلم صدق هالمرة .. وعمر ماصدقها خبا الدفتر ورا ظهره وهو يتراجع للباب : مابي .. ابي حلاو .. ندى تنرفزت لأنها ماتحب يكون الدفتر بغير يدها : عمر .. عطني الدفتر ولا وريتك .. عمر هاللحظة اطلق ضحكة عالية لأنه حس بمتعة الموضوع .. فانطلق رااكض برا الغرفة وضحكاته وراه .. اما ندى نطت فوق السرير ولحقته وهي تصرخ : تعاااااااال ياحماااار والله لأوريـــك .. وصلت للصالة الفوقية بس كانت خالية .. وارتبكت لأنها خافت ان الدفتر يطيح بيد أحد : عمـــر .. رجع لي الدفتر ولا ترا مافي حلاو .. سمعت عمر يضحك وراها .. ولما التفتت شافته يظهر من ورا الكنبة ويهرب .. فصرخت وهي تلحق وراه : تعااااااال عميــر .. لا تلوم الا نفسك وقف وهات الدفتر .. عمـــر ووججججع .. نزل عمر الدرج يركض ومستمر بالضحك الهستيري .. وندى قبل ما توصله زلقت وبغت تطيح على وجهها بس حطت يدها وهي تتوعده .. رن الجرس بهاللحظة بس ما اهتمت وقامت واقفة ونزلت الدرج بس لما وصلت الصالة كانت خاليه مافيه أحد .. راحت للمطبخ مالقت احد فيه .. ورجعت للصالة وهي تلهث من التعب .. ياربي هالولد بيجنني .. وقفت بنصف الصالة ويديها على خصرها وتدور بعيونها بالأنحاء .. يمكن يكون متخبي هنا ولا هنا .. لكنه ماكان متخبي بالصالة لأن الباب انفتح وطل منه راسه الصغير والابتسامة الخبيثة البريئة على وجهه .. وبدا يطلع لها لسانه .. ويسوي لها بوجهه حركات تقهر .. ندى انقهرت وراحت له تركض بس هو رجع يطلع وتسكر الباب .. وصلت وتوها بتفتح الباب سمعت عمر يضحك ويسولف مع احد .. وبعد لحظة دار قفل الباب وانفتح .. ودخل منه احمد وهو يضحك وشايل عمر بيده .. احمد وهو يضحك ويبوس خده : ممكن تعلمني ليش تضحك ؟!.. وندى تتابع الموقف مذهولة ومرتاعة .. رجعت خطواتها لورا ببطء تبي تختفي عنه ماتبيه يشوفها .. لكن عمر هو الفضيحة بعينها وعلمها .. عمر مستانس واحمد شايله وعارف ان ندى الحين ماتقدر تضره بشي فطلع له لسانها يحرها : ما تقدلين تضلبيني .. ندى ماكانت تطالعه كانت تطالع الشي اللي ارعبها وخلى روحها تطلع وقلبها يطيح من بين ضلوعها ويهوي للأرض .. كان الدفتر بيد احمد .. !!!! احمد لما سمع عمر يكلم احد وراه التفت وشاف ندى جامدة مكانها وانواع الألوان بوجهها .. هو نفسه ارتبك وصد عنها .. احمد : اووه .. آآسف ما شفتك .. وابتعد عنها لما اخذ زاوية بالصالة بحيث تقدر انها تروح .. من راح عنها ندى ركضت بأقصى شي عندها وهي تحاول تمسك قلبها لا يوقف .. قلبها مع الدفتر اللي طاح بيد احمد.. وش ممكن يصير لو احمد فتحه .. دخلت غرفتها وهي ترتجف وتضرب خدها باستمرار وبارتباك .. الله ياخذ شيطانك ياعمير .. وش بسوي الحين ؟!.. حطت يدها على فمها بخوف .. وبدت تتحرك بالغرفة رايحة وراجعة .. تبي تروح تلحق على نفسها وتسترجع الدفتر بس ما تقدر ..الله يستـــرررررر ...!!! | |||||||||
| |
|
06-19-2010, 11:35 PM
| #37 (permalink) | |||||||||
|
مستشار المؤسس ~
|
رد: * غــــــــــارقـــــــــات في دوامـــــــة الحــــــــب * انا :
قمرهم كلهم احمد تحت جلس عالكنب يعاتب عمر وهو حاس بالحرج من ندى : الحين يالسوسة انت ليش ما قلتي لي ان ندى فيه ؟!.. عمر يضحك : ههههههههههه .. كانت تبي تضلبني .. احمد يضحك معه : وليش تبي تضربك ؟!.. عمر عفس بوزه واخذ الدفتر من يده وبدا يقلبه : بث .. ماعطتني حلاو .. احمد يضحك ويطالع الدفتر اللي لافت نظره : هالدفتر الحلو من حقه ..؟!.. عمر : حقي .. احمد : والله ؟!.. ورني أشوفه .. عمر وهو يضم الدفتر ورافض : لا .. حقي بث .. احمد : ومن شراه لك ؟!.. عمر : فهد .. احمد ضحك عليه : هههههههههههههه .. والله مادريت ان فهد ذوقه حلو بالدفاتر .. ههههههههههههه ..!!! عمر رفع عينه له بنظرة خبث وضام الدفتر بأقوى ما يملك : تبي تثوفه ؟!.. احمد وهو يقرص خده ويضحك على خبثه : ههههههههه .. والله يا ليت .. عمر رفع راسه بشموخ : أول .. عطني حلاو .. احمد ضحك : ههههههههههههههه .. مو لله اجل .. بصراحة يا ولد خالتي العزيز ما معي حلاو .. معي ريال تبي ؟! هز عمر راسه بسرعة موافقة والفكرة دخلت مزاجه على طول .. اذا مافي حلاو ناخذ الريال ونشتري الحلاو ..!! عمر بحماس : ايه ابي .. احمد طلع البوك حقه وسحب له خمسه ريال بدال الريال ومدها له : تفضل .. تستاهل والله .. ضحك عمر بوناسه وخذها : هههههههههههههههه .. انتبه احمد لخالته تنزل الدرج مبتسمة : احمد عندنا .. وانا اقوووول البيت منور .. احمد وقف احتراما لها : هلا بك خالتي .. سلم عليها وخذت اخبارها .. ام فهد : تدخل ولا تقول انك موجود ..؟! احمد : بصراحه فتحت لي الخدامه ولقيت عمر بوجهي .. وخذتني سوالفه .. ام فهد : وليش مادقيت وقلت انك جاي .. احمد : انا جاي عشان اشوف فهد .. واشوف اخباره ؟!.. تبدلت نظرات ام فهد للاستغراب : ليه شفيه فهد ؟!!.. احمد استغرب هو الثاني انها ماتدري عنه : مادري .. اليوم الصبح كان شوي تعبان وجيت اشوفه .. ماتعرفين خالتي شفيه ؟!.. ام فهد اكتئبت شوي لما تذكرت اللي صار امس .. بين وفهد وابوه .. وظنت ان كلام ابوه له هو السبب .. ام فهد : انا لاحظت اليوم طلعته الغريبة من الصبح .. حتى لما رجع للحين ماطلع من غرفته .. احمد : يعني ماتعرفين شفيه .. ام فهد بصوت كئيب شوي وهادي : اقولك اياها بصراحة .. صار بينه وبين ابوه امس نقاش حاد اظن انه هو السبب .. احمد وهو يوقف : طيب خالتي انا بطلع له بغرفته .. وقفت ام فهد معه : زين تسوي بس بروح اقول للبنات فوق انك موجود .. احمد : خذي وقتك .. طلعت ام فهد فوق ورجع هو يجلس مكانه لما تناديه .. وبعدها انتبه لعمر يجيه ويمد له الدفتر : خذ .. ابتسم احمد له : حقك يا عمر مابيه .. عمر يهز راسه مثل الكبار وباصرار : لا خذه .. انا خلاث ما أبغاه .. خلثت منه .. احمد يضحك : هههههههههه .. شكرا مابيه خله لك .. عمر : خله عندك .. مابي ندى تاخذه .. احمد مازال مفكر ان الدفتر لعمر : وليش ندى تبي تاخذه ؟!.. عمر منشغل يقلب فالخمسه ريال باستمرار : ما أدري .. اثلا هذا ثار حقي مو حق ندى .. " ثار= صار " احمد استغرب وما فهم عليه : شلون يعني ..؟!.. قاطعته ام فهد وهي تناديه يطلع فوق .. راح واخذ الدفتر معه وطلع فوق ومباشرة لغرفة فهد ودق عليه الباب .. بس محد رد .. فتحه بهدوء شاف الغرفة ظلمى وباااردة .. سكر الباب وفتح النور .. شاف فهد غارق بالنوم تحت اللحاف .. كان نايم على بطنه ومو لابس غير بنطلون .. حط الدفتر على أقرب طاوله له وقرب منه .. وفهد ماتحرك مبين انه غرقاااان بالنوم حده وهمس : فهد .. فهد ..... فهوووود .. همهم فهد وقلب وجهه للجهه الثانية واحمد بدا يهزه : قوووم بس يكفي نوووم .. فهد مو حاس بشي : نعم .. احمد : بالله ِ شلون تقدر تنوم بهالبرد كله .. لا ومو لابس شي على صدرك قوووم لا تمرض .. رجع فهد قلب وجهه للجهه الثانية بضيق : اطلع برا خلني نايم .. احمد : فهووووود قوم كلمني .. بهاللحظة فتح فهد عين وحدة وبدا يطالع في احمد بصمت للحظة : من انت ؟!.. ضحك احمد عليه .. مبين انه مضيع وما صحا للحين : ههههههههه .. قوم الله يخلف عليك حتى احمد ولد خالتك مو ذاكره .. فهد تم يطالعه وهو ساكت لحظات : ........ احمد ؟!... وش جابك ؟!.. احمد : اللي جايبتني سيارتي الله يخليها لي ولا يفرقنا ان شالله .. فرك فهد عيونه وقام جالس وهو يحك راسه : الحين شايفني نايم ليش تزعجني يالمزعج ..؟!!.. احمد : آسف بس ما قدرت لازم اشوفك .. حالتك اليوم مقلقتني .. جاي عشان تقولي شفيك .. فهد قام بكسل ومشى للحمام يغسل : مافيني شي .. قلت لك .. احمد وهو يقوم ويجلس عالكنبه الموجودة بنصف الغرفة : فهد صاير شي امس ؟!.. ماسمع جواب الا صوت هدير الموية من الغسالة .. وبعدها طلع فهد وهو يمسح وجهه بمنشفه وبعد ماخلص منها رماها عالسرير بعد اهتمام .. والتفت لأحمد : ماصار شي قلت لك .. احمد بنبرة هادية رزينة : طيب وش اللي صار لك مع الوالد .. ؟!.. فهد سكت وتم يطالعه فترة مستغرب : وليش تسأل عن الوالد ؟!.. راح فهد لخزانة ملابسه ياخذ شيرت واحمد كمل كلامه : ابد سلامتك .. بس لما سألت خالتي عنك .. قالت لي صار بينك وبين الوالد امس نقاش حاد .. وتقول انو هذا اللي مضايقك .. اختار له فهد شيرت أسود ولبسه ومارد على كلام احمد .. لأنه عارف ان كل اللي صار له خلال هاليومين بسببها هي .. هي السبب الأساسي لكل اللي يحس فيه .. احمد : ما قلت لي .. فهد راح للتسريحه يرتب شعره : مافي شي مافي شي .. خلاص قفل السالفه .. احمد : للحين تعبان ؟!.. فهد وهو ياخذ عطر ويتعطر : لا الحمدلله .. احمد كان جالس وحاط رجل على رجل ويراقب فهد : طالعني ... لف له فهد بصمت .. احمد باعجاب : اوووه .. !! .. لا الحين عال العال .. بعد هالكشخه اقدر اقول انك فهد ذاته .. ضحك فهد وراح لجواله يشوف : حسين متصل فيني .. ( ورفع راسه لأحمد ) .. وش يبي ؟!.. احمد : قلت له انك اليوم تعبان .. واتصل عليك يبي يشوف اخبارك .. مو هو بس كل الشباب سالوا عنك .. فهد : زين انك جيتني .. يالله قوم نطلع .. احمد استغرب وشاف ساعة يده : الحين ؟!.. الساعة 11 الا ربع وين نروح الحين .. فهد : بتقوم معي ولا اطلع لحالي .. احمد رفع يده باستسلام : لا لا خلاااص بطلع .. فهد : يالله قوم بلا أسئلة .. وطلع فهد من غرفته واحمد اخذ الدفتر من عالطاولة وطلع وراه .. ندى من بعد ما خبرتها امها ان احمد موجود وبيطلع غرفة فهد ارتاحت لأنها بتقدرتطلع وتسترجع الدفتر من عمر .. فلما دخل احمد على فهد طلعت وطلت على عمر من فوق ماتبي تنزل تخاف يطلع احمد باي لحظة فتكون قريبة من غرفتها .. ندى معصبة عالآخر وتنادي : عمــــر .. ياااا حمار وينك ؟!.. طل عمر عليها وهو مبتسم بوناسه : نعععععم ... ندى : الله لا ينعم عليك قل آمين .. وين الدفتر .. عمر : مدري .. شهقت ندى بخووف : شلون ماتدري يالثوور يالله رجعه لي الحين ولا ترا بضربك .. عمر : مدري .. مامعي ثي .. ويبسط لها يدينه دلالة انه خالي .. وندى ضايعة مابين الخوف والتوتر والغضب وعلت صوتها تهدده : اقسم بالله يا عمر ان ما رجعت لي الدفتر الحين والله لأصيحك .. تفهم يالحيوان ؟!.. عمر خاف هالمرة من نبرتها فحب يعترف ونظرته تحولت للخوف : عطيته احمد .. شهقت ندى وقلبها طاااح بالقاع وهمست برجفة : وش قلت ؟!.. مارد عمر واختفى من عيونها وهو يركض هارب .. اما هي حست بكل شي يجتمع داخلها مرة وحدة .. الرعب .. والتوتر الشديد والعرق اللي غطى جسمها كله .. وصل الدفتر ليد احمد ؟!!!؟!!! كانت تفكر دايم انه آخر شخص ممكن يطيح الدفتر بيده .. هالدفتر صورة عني .. صورة لداخلي .. وش بسوي لو أحمد قرا بس الصفحة الأولى .. لو عمر قدامها الحين كان ذبحته .. انتفضت مكانها لما سمعت باب غرفة فهد ينفتح ويطلع منه فهد فرجعت لغرفتها ركض ودموعها بعيونها من الحرج والتفكير باللي ممكن يصير .. كل شي داخل الدفتر يفضح مشاعرها اللي كانت تحس فيها .. انتظرت لما ينزلون تحت عشان تروح للمنقذ .. اللي هي شوق .. شوق من بعد ماخذت راحة طويلة بالنوم قامت تحس براحة ونشاط اكبر من أول .. ولو ان وجهها للحين مصفر بس احسن من أول .. خذت له دش سريع وطلعت لبست وهي تفكر بشاغلها الوحيد من امس بالليل .. الاعتذار من فهد !!.. فهد للحين ما سأل عنها ولا سلم عليها وهذا اللي مضايقها .. والحين هي مصرة على أول فرصة رح تسنح لها .. انها تستغل لها وتروح تقوله .. " أنا آسفة " .. رجعت تتأمل خدها بالمرايه وتتأمل الأثر .. للحين مبين مع شوية احمرار .. تنهدت شوق وهي تتذكر الطراق .. طراق مثل هذا يبي له وقت عشان يختفي .. روعها دخول ندى المفاجئ ووجهها المتغير .. شوق ابتسمت : هلااا .. ندى راحت لها ترتجف : شوق شوق .. ( وبلعت ريقها بصعوبة ) شوق قطبت : شفيك ؟!.. ندى بصعوبة تتكلم وهي تتخيل اشياء كثيرة : احـ .. أحمد .. أححححححمد .. شوق خافت : وش فيــه ؟!.. ندى وهي تشهق من الآخر ومرعوبة عالآخر : طلع مع فهد الحين .. وأخذ معه حقي .. شوق لما سمعت اسم فهد سكنت ولا سمعت لبقية كلام ندى .. فسألتها بترقب : فهد موجود ؟!.. ندى نفسها استغربت بس كملت بخوف : ايه الحين طلع من غرفته مع احمد .. ما اهتمت شوق باللي بتقوله ندى لأنها نست نفسها .. وحدثها ضميرها انه الحين الوقت المناسب انها تروح وتعتذر وترتاح .. فركضت شوق برا الغرفة تاركة ندى بحيرتها .. وخوفها اللي يزداد داخلها ..!! نزل فهد مع احمد وامه ابتسمت لهم لما شافت ولدها مبين غير .. فهد فتح الباب وقبل لا يطلع : بطلع يمه توصين شي ؟!.. ام فهد : سلامة عمرك .. طلع فهد واحمد وراه ولما وصل لباب الشارع وتوه بيفتحه سمع أحد يناديه .. يناديه باستمرار والصوت كل ماله ويقرب .. ووقف مكانه والتفت للباب الداخلي وعرف بقلبه من صوته .. صوت شوق فيه غيرها ..!! فتح الباب واشر لأحمد يطلع .. احمد استغرب لانه سمع اللي ينادي : احد يناديك ..!! فهد وهو يأشر له بيده : اطلع اقولك .. طلع احمد مستغرب وفهد توه بيطلع انفتح الباب وراه وظهرت شوق تناديه : فــهــد ..!! لكنه ما التفت لها ولا عبرها .. الا بنظرة سريعة مزدرية وهو يسكر الباب وراه .. وشوق لما شافته يطلع بدون مايرد حست بالاحباط .. لكنها صممت أكثر .. مارح اخليه اليوم الا لما أكلمه .. مو معقولة كل ماشافني بيستمر بهالأسلوب .. رجعت فوق وهي مكتئبة من تصرفه اللي يناقض تصرفاته أمس .. اذا كان رافض يكلمني بكون انا أعنـــد منه ..!!.. دخلت غرفتها وشافت ندى مرمية عالسرير ومخبية وجهها وتبكي .. وراحت لها بخوف .. شوق : ندوووش .. شفيــك ..؟!! رفعت ندى وجهها وهي تتحسر وجهها تلون من التوتر والدموع تنزل بدون شعور منها : آآآآآآآآخ بس بروووح فيها .. بنفضح كل أسراري صارت بين يديه الحين .. كل شي .. كل شي .. كـــــل شـــي ..!!! شوق مسكت قلبها وراحت عندها : ليه وش صار ؟!.. ندى قامت ومسكت بيدين شوق : احمد اخذ معه دفتري .. الدفتر اللي ما يقراه غيري .. الدفتر اللي فيه كل شي عني وعنه .. ( وصرخت وهي ما تتمالك نفسها من الحيرة ) .. خــــذه معه ورااااح .. شوق نفسها انصدمت .. وارتبكت واحتارت .. هي عارفة بكل شي مكتــوب .. بعض الاشياء كتبتها ندى بجرئه لانه شي بينها وبين نفسها .. وبما ان الدفتر طاح الحين بيد احمد .. وش ممكــن يصيــر ؟!!!.. ندى رجعت ورمت نفسها عالسرير وتبكي .. مو من الحزن .. تبكي من التوتر والحرج والورطة اللي طيحها اخوها عمر فيها .. ندى : قووولي لي وش بسوي الحين .. بموووووووت .. !! شوق راحت له وربتت على كتفها وهي نفسها مو عارفه وش بتسوي : ندى اهدي انتي متأكدة انه اخذه معه ..؟! ندى وبكاها يزداد وحسرتها تكبر : ايه .. عمر بنفسه قالي وانا شفت احمد وهو نازل والدفتر بيده .. شوق حطت يدها على فمها وسكتت .. وارتبكت وكأنها هي صاحبة الموقف .. وش هالمشكلة !!!.. وسكتوا فترة ندى تكمل بكي وحسرة وشوق تفكر .. بعدها حست شوق بعدم جدوى التفكير والصياح اللي قاعدة تسويه ندى .. شوق بصوت مواسي : ندى خلاص لا تبكين .. ولا تفكرين فيه .. ندى قامت واقفة ومشت بكآبة للباب تبي تطلع : شلون ماتبيني افكر .. اقولك كل شي عني وعنه مكتوب فيه .. وش بتكون نظرته عني لو قراها .. نطت فكرة ببال شوق فجأة وحست ببهجة : طيب لحظة .. افرحي يا ندى لأن هالصدفة يمكن تخليه يحس .. يحس فيك .. مو هذا اللي انتي تمنيتيه من زمان .. كانت ندى واقفة عند الباب وتطالعها بنظرات كئيبة وداخلها بتنفجر من الغيظ .. حضها دايم ردي ..!! ردت بحدة قبل ما تطلع : لا مو اللي ابيه .. لأني معد صرت احبه ولا أبيه .. ومعد ابي ارجع افكر فيه .. ابي اشيله من قلبــي نهائيــا .. وطلعت وضربت بالباب وراها وشوق انتفضت مكانها .. يمكن تكون ندى على حق .. بعد ما نست ندى حب احمد بدت الداومة تدور ثاني مرة عشان تقذفها بقوة له .. ندى خايفة من صدمة عاطفية ثانية .. عشان كذا فضلت تبتعد وتنسى .. من التوتر اللي في شوق طلعت بتلحق ندى لغرفتها بس لقت الباب مقفل ودقت الباب .. وصلها صوت ندى بكل كآبة واستسلام للي بيصير في المستقبل القريب .. من ردة فعل لأحمد ..!! شوق وهي تدق ثاني مرة : افتحي .. ندى : شوق معليه خليني لحالي شوي بس .. هزت شوق راسها وهي تعفس وجهها بضيق ورجعت لغرفتها .. وبعد ربع ساعة جا وقت العشا ونزلت من غير ندى اللي مبين انها نامت او تمثل انها نامت .. تعشوا البقية من غير فهد وندى .. ولما انتهى العشا الكل راح للنوم من بدري الا شوق .. لأنها جلست ببلكونتها تراقب مدخل البيت الخارجي وتنتظر فهد يوصل بأي لحظة .. لكن طال انتظارها وبدا النوم يداعب جفونها .. ومن الملل خذت لها كتاب وجلست تقرا فيه وكل لحظة ترفع عيونها للمدخل .. الساعة وحدة وربع بالليل .. سمعت حس عند المدخل وطلت من فوق .. شافت فهد يدخل ويسكر الباب وراه ويمشي رايح لداخل .. لكنها نادته .. شوق : فــهــد .. | |||||||||
| |
|
06-19-2010, 11:37 PM
| #38 (permalink) | |||||||||
|
مستشار المؤسس ~
|
رد: * غــــــــــارقـــــــــات في دوامـــــــة الحــــــــب * انا :
قمرهم كلهم الجــــــــــــــــزء 27 بمنتصف الليل بعد سهرة بسيطة بشوارع الرياض .. كان فيها فهد راكب سيارة احمد ويدورون بالشوارع من غير هدف .. احمد ماحب يزيد على فهد اسأله وظلوا يدورون ويسولفون .. واحمد مرتاح لأنه لاحظ ان فهد تغير شوي وصار يسولف ويضحك .. ولما قاربت الساعة عالوحدة احمد بنفسه تعب من السواقه والدوران بدون هدف ولاحظ فهد عليه هالشي وضحك .. فهد : ههههههههههههه .. تعبت ؟!.. ارجع ارجع للبيت .. شكلك منتهي خلاص .. احمد : مو هو بسبتك .. انت يا عمي نايم وانا صاحي من الصبح وانا اللي اسوق .. فهد : ههههههههههه .. ( ويطالع ساعته ) .. طيب يالله ارجع للبيت .. والله رحمتك .. احمد بسخرية وهو يغير وجهة السيارة ناحية بيت ابو فهد : وين هالرحمة توك تحس .. بس انا والله مراعيك ولا من اول كان ذبيتك في بيتكم ورجعت لبيتنا ارتاح .. فهد يضحك : ههههههههههههه .. محد قالك تجينا في بيتنا من أول .. انت اللي جبته لنفسك .. احمد طالعه بطرف عينه بنظرة ومسك علبة موية كانت بجنبه : والله انك جاحد ما تستاهل .. ودي ألفعك بهالعلبة اكسر لك وجهك .. رفع العلبة فوق بيضربها به من قهره وفهد رفع يديه يحمي نفسه وهو يضحك : ههههههههههههههه .. شفيك الحين مو على بعضك .. تنهد احمد ونزل علبة المويه من يده : والله مدري .. حاس اني متوتر .. فهد طالعه باستغراب : متوتر .. ليه فيك شي ؟!.. احمد بتعب وبتوتر مو عارف مصدره : والله ماني عارف .. من طلعت من بيتكم وهو يزيد علي .. فهد يتفحص وجه احمد ومايدري وش حقيقة اللي يحس فيه ولد خالته : شكلك مانمت زين .. خلاص اذا تبيني اسوق عنك وقف السيارة .. احمد وهو يهز راسه بالرفض : لا .. خلاص وصلنا لبيتكم .. دقيقة ويوصلون للبيت وينزل فهد .. وقبل ما يدخل البيت يسلم على احمد اللي انطلق لبيتهم .. ومن سكر الباب وهو حاس بنفس الشعور .. بمجرد وجود شوق بهالمكان تهاجمه المشاعر العنيفة ذاتها وتخلق داخله جو من التوتر .. كمل طريقه رايح لداخل لكنه سمع صوتها من مكان ما يناديه .. - فــهــد .. وقف مكانه ورفع راسه لفوق لمصدر الصوت .. مع ان ملامح وجهها ماكانت واضحة من الظلمة الا ان العذاب النفسي رجع يداهمه .. بس قدر يقتل هالشعور داخله قبل ما يكبر .. فهد ببرود : نعم ؟! بلعت شوق ريقها واشرت له بيدها ينتظر : لحظة بس أبي أكلمك .. وغابت عن عينه تهرول راجعة لغرفتها .. واخذت لها جاكيت خفيف ولبسته لأن الجو برا شوي بارد .. فهد وقف مكانه تحت وهو حاط يديه على خصره .. ماكان وده يوقف وده يروح لغرفته بدون ما يسمع لها .. بس مطارداته له خلاه ينتظرها متسائل داخله عن ممكن اللي بتقوله .. اخترق السكون صوت جواله يدق ... " شـــذى يتصل بك " .. ابتسم لأن هالبنت دايم تجي بوقتها .. هي اللي تنسيه دايما وعرف مسبقا وش تبي فيه والسبب الأساسي لاتصالها .. رد عالتلفون وهو يمشي للحديقة ونسى طلب شوق : هلا حياتي ... شذى اللي كانت تضحك من قبل : هههههههههههه .. طيب أوريك يالنحسـه ..!! فهد : هههههههههه .. الله لا يخليني من هالضحكه .. شذى انتبهت انه رد : أووبس !! ..سوري ياروحي ما انتبهت .. فهد : هههههههههه .. شعندك تضحكين أحد عندك ؟!.. شذى : ايه عندي وحدة من صديقاتي .. كنت أسولف لها عنك .. فهد بخبث مقصود يبي يغيظها : وش اسمها هذي صديقتك ..؟! شذى تحولت نبرتها للدلـع : لاااا تحلم أقولك .. شعندك تسأل عنها ؟!..انت مااالك الا شــذى وبس .. كان فهد يدور بالحديقة رايح راجع عند النافورة ويده الثانية بجيب بنطلونه : طيب قولي لي اسمها بس .. شذى بعناد لذيذ : لااااء .. فهد حبيبي ترا ازعل منك .. انت تعرف ان هالكلام يضايقني .. فهد بنعومة : وانا ما اقدر على زعلك .. شذى بنعومتها الدايمه : المهم تدري يا روحي ويا بعد دنيتي ليش دقيت عليك ..؟!! فهد وهو مبتسم : ايه أدري .. شذى : وانت للحين على وعدك ؟!.. فهد : على وعدي أكيد .. شذى : انت قلت لي بعد اسبوع راح نطلع مع بعض يعني الموعد بكره .. أوكي روحي ؟!.. فهد : أووكي اللي يريحك .. شذى بفرحه غـامره : ياااااي .. ما أصدق أخيرا أخيرا .. ( وتكلم اللي معها ) .. جيجي تصدقين اللي قاعده اسمعه.. فهد وهو معفس وجهه : جيجي ؟!!! شذى تضحـك : ههههههههههه .. هذا دلع صديقتي .. فهد يضحك معها : وليش ما تقولين اسمها طيب ..؟!! شذى : قلت لك لاااا تحلم .. انا متعمده استخدم اسم الدلع عشان ماتعرفه .. ( وبمزح ودلع ) .. مووووت قهر .. فهد ضحك : ههههههههههههه .. يالخبيثة كل هذا عشان ماعرف اسمها .. انتي عارفه انو انتي حبيبتي وبس .. شذى : هههههههههههه .. عارفه يا حبيب وروح شذى .. فهد : بس تعالي صديقتك وش عندها سهرانه للحين عندك .. ما عندها أهل ؟!! شذى ضحكت : هههههههههه .. الا عندها وبعدين عادي تسهر عندي هي أعز صديقاتي مافيها شي .. السواق حقها ينتظرها عند الباب .. بس حبت تشوف وش آخر التطورات بيني وبينك وبعدين بتروح .. شاف فهد هاللحظة شوق تطلع من باب الصاله وتمشى جايه بخطوات هاديه وهي ضامه نفسها بيديها من نسمة الهوا الباردة ، وخصلات شعرها تتطاير حول وجهها اللي عطاها شي من السحر ..!!! .. سحرت قلبه أكثر من ماهو مسحور ..!!! .. لكن ما بان عليه الاهتمام وعطاها ظهره وهو يمشي وابتعد شوي .. وهو يسمع لشذى .. شذى : تدري استعديت لهالمناسبة بحمااااس .. رحت للسوق وشريت لي فستان خاص وروعه عشانك حبيبي .. فهد وهو يضحك : ماكان له داااااعي هالتعب .. شذى : لا انا ابي اكون حلوة .. لا تنسى انه اول موعد بيني وبينك .. وصلت شوق أخيرا وهي عايشه بنفس العواطف اللي تسكنها كل ما شافته .. لكن هالمرة كانت اعنف من كل مرة .. خلاص عرفت وتعودت انها كل مرة بتكون مشاعرها اقوى من المرة الفايتة .. بس ليش ليش ما أقدر اتحكم بنفسي ..!!! .. نست هالأفكار اللي اعتبرتها سخيفة لأنها جاية هنا تكلمه .. فوقفت عند الطاولة وفهد لازال عند النافوره .. شوق : فـهـد .. لف لها فهد والجوال بإذنه : نعــم ؟!.. شوق : ممكــن .. أبي أكلمك شوي .. فهد بعد صمت وهو يفكر : الحيــن ؟!.. شوق : ايه الحين .. ضروري أكلمك .. مشغــول ؟!.. فهد : أجليـها لبكرة .. انا مشغول الحين .. شوق سكتت تفكر وهي تطالعه .. رده هذا دليل انه رافض يسمعها .. بس هي لازم تنتهي من هالمسألة اليوم .. لأنها مارح ترتاح وتقدر تنام قبل ما تعتذر منه .. شوق هزت كتفها بلا مبالاة برده : اوكي .. ( وراحت بعنــاد وجلست عالمقعد ) .. بجلس هنا لما تخلص .. فهد وهو يأشر بيده لداخل البيت : ارجعي داخل .. وبكرة قولي لي اللي تبينه .. شوق هزت راسها بالنفي بصمت .. يعني بجلس هنا لما تكلمني .. فهد تضايق ما يحب احد يعانده : شوق لا تعاندين .. روحي داخل وبكرة قولي اللي تبينه .. الوقت الحين متأخر .. شوق متماسكة ومصممة على موقفها : وفيه أحد يكلم تلفون بهالوقت المتأخر..؟!.. يعني يا ليت تسكره لأن كلامي أهم .. فهد تنرفز بس ما بان عليها وكلمها بأسلوبه الجاف المعتاد : وانتي من متى تفرضين علي رايك بمكالماتي .. انا أكلم بالوقت اللي يريحني ويعجبني .. شوق انصدمت منه وعرفت انها غلطت ، فردت بهدوء مغاير تماما للعواصف داخلها وداخله : طيب آآآسفة ما كان قصدي .. بس انا ابي اكلمك شوي .. فهد بنبرة جافة وهو يلتفت عنها ويعطيها ظهره : قلت لك أجليه .. شوق : لا ماراح أأجله .. رجع فهد يلتفت لها مستغرب من عنادها اللي زايد وطالعها لثانية ... وبعدها... فهد وهو يتنهد : أجل انتي حرة ... ادخلي داخل وانتظريني لما أجي .. شوق هزت راسها نفي وبصوت فيه الاصرار : لا .. بجلس هنا انتظرك .. لما تنتهي .. تم فهد يطالعها بنظرات .. اقدراقول انها متنرفزة .. مع خليط من معاني ثانية خلا شوق تنزل عيونها للأرض هرب منها .. ظلت منزلة راسها تراقب العشب اللي قاعدة تلعب فيه برجلها .. راح فهد عنها وهو مستغرب من عنادها .. ما يعرف وش تبي تقوله من بعد اللي صار ليلة أمس .. لما أخذ مسافة شوي بعيدة بينها وبينه رجع لشذى اللي تأففت من طول انتظارها .. شذى : اووفففف !!.. فهد حبيبي شفيك أناديـك ولا ترد علي .. فهد : ماعليه ما سمعتك .. شذى بنبرة متسائلة : من هذي اللي عندك ..؟!.. أختـك ؟!! فهد سكت ورجع يلتفت لشوق يراقبها وهي سرحانه ، وتلعب بعود يابس في يدها ومو منتبهه له .. شذى اغتاظت لما سفهها ومارد عليها مرة ثانية : فهـــد ... شفيــك رد علي !!! فهد انتبه ورجع لها : هلااا .. مو شي مهم .. شذى : من هي شوق ؟!! سكت فهد ثاني مرة .. ما انتبه انه قال اسمها : من تكون بظنـك يعني ؟!.. شذى بدون تفكير وكأنها تقر : أكيــد اختـك .. فهد : ما يبيلها تفكيـر هذي بعد .. شذى : طيب .. اسمع صوتها تبي تكلمك .. فهد : ماعليك حبيبتي منها .. شي مو مهم .. شذى بنعومة : طيب حبي .. اشوفك بكرة أجل .. لازم أنام الحين عشان اكون نشيطة ومستعدة لك .. يا روحي .. فهد بطريقته الساحرة : تأكدي اني متحمس ومتلهف عليك أكثر .. شذى ضحكت بنعومة وودعته : بااااي يا قلب شذى .. فهد : مع السلامة حبيبتي .. سكر منها وكانت نيته انه يطول بالمكالمة لما تطفش شوق وتروح .. بس شذى انهت المكالمة بسرعة .. دخل الجوال بجيبه وهو يطالع بنت عمه اللي مبين عليها السرحان التاااام والعود الطويل اللي كان بيدها تحول لقطعة صغيرة من كثر ما كسرت فيه .. ما بين عليها الملل الا شكلها مصرة على اللي بتقوله .. انتبهت شوق اخيرا انه جاي والعبوس مغطي وجهه كامل .. يا ليتك تبتسم بس .. مثل ما ابتسمت لي أمس ..!! وصل فهد عندها ووقف خلف المقعد المقابل لها واسند يديه على ظهر المقعد ، ومال بوقفته بهيئة تبين انه مستعد لسماعها .. فهد : تفضلي .. قولي اللي عندك .. شوق تطالعه بحيرة .. وهو يطالعها بازدراء .. اسلوبه ونظراته وجموده ما يساعد الواحد على انه يقول كلمة .. لما طال سكوتها وهي تطالعه تكلم فهد : قولي اللي عندك يا بنت عمي .. شوق تحاول تسيطر عالاضطراب داخلها : وانت ليش معصب ..؟!! فهد وهو رافع حواجبه : معصب ؟!.. احد قالك اني معصب يا اختي العزيزة ..؟! شوق قهرتها الكلمة وتكلمت من غير شعور : لا تقوول اختي .. ومسكت لسانه والاضطراب يزيد .. اما فهد رفع حاجب مستغرب من ردها : أجل وش تبيني أقول ..؟!.. شوق بارتباك من زلتها : أ .. انا .. انا بنت عمك .. فهد وهو يتنهد رجع ينتصب وعقد يديه على صدره : بنت عمي أو اختي .. كلهم نفس المعنى عندي .. انتي بالنسبة لي اخت قبل كل شي .. شوق خنقتها العبرة لسبب ما .. هالكلمة .. كلمة " اختي " .. صارت تجرح شعورها وعواطفها لسبب ما .. هي نفسها مستغربة ليش صار هالكلمة تأثر عليها بهالشكل .. مع انها هي اللي كانت تفضل هالشي من البدايه ..!! لمعت عيونها بدمعه ونزلت عيونها تداريها .. حاولت تستجمع قواها عشان تقول " انا آسفة " بعدين ترجع لغرفتها وكل شي ينتهي ، لكن قبل لا تتكلم لاحظ فهد التغير اللي طرأ عليها وهي تبعثر نظرها بكل شي هرب من مواجهة عيونه .. فهد حاول يخف عليها شوي : شفيك ؟!.. شوق رجعت تنزل راسها وهي تبعد خصلة شعر كانت على وجهها ورا اذنها .. وكشفت له الأثر الواضح بخدها .. وبان لفهد نتيجة فعله اللي سواه لها أمس .. فهد مقطب وعيونه على خدها الأحمر المتورم : شفيه خدك ؟!.. شوق وهي ترفع راسها له متسائلة : هممم ؟!!!.. قرب منها وهو مقطب وقلبها صار يقفز قفز من مكانه لدرجة ما قدرت تتحمل وضعها .. وقامت رايحة لداخل وناسية اللي جت عشانه .. بس فهد مسك يدها ورجعت تلف له تطالعه .. فهد ماسد يدها وبلهجة الآمر : وريني خدك ..!! شوق بتلقائية رفعت يدها الثانية وحطتها على خدها وفركتها بهدوء : عادي عادي .. فهد بدا احساس التأنيب يرجع له : لا مو عادي .. وريني اشوف .. وبيده الثانية نزل يدها .. وصارت يدين شوق الثنتين مقيدة منه .. حاولت تسحبهم بس فهد كان ماسكهم بقوة وعيونه تتأمل خدها بصمت .. ولاحظت فيها شوق الألم .. شوق وهي تحاول تسحب يدها : خلاص قلت لك عادي عادي .. فك فهد يديها وتراجع وهو يعطيها ظهره .. وبعد لحظة تفكير بسيطة رجع يلتفت له وبلسانه الاعتذار .. لكن شوق سبقته وقاطعته .. شوق مضطربة عالآخر وتبي تختفي عنه قبل لا يوقف قلبها : فهد .. انا جاية اقول شي واحد وبروح .. سكت فهد يطالعها وينتظرها تكمل كلامها : ........... شوق منزلة عيونها للأرض : انا آسفـة .. عاللي صار مني أمس .. لا تزعل مني .. انا كنت فاهمتكم غلط .. طالعها فهد بنظرات غريبة .. وشوق كملت : بس .. هذا اللي كنت بقوله .. أنا آسفــه .. ورفعت عينها له تشوف جوابه .. كان جوابه الصمت بكل معانيه .. صمت قاتل بالنسبة لشوق ماعرفت وش وراه .. صمت ما استشفت منه اذا سامحها أو لا .. جننها هالصمت .. هذا هو فهد يا شوق .. صمت × صمت و غموض × غموض .. شوق كانت تبي تروح ، بس تبي تشوف رده أول .. ورجعت تعتذر منه لما طال سكوته .. شوق : فهد .. والله أنا آســفه .. ماكان قصدي اللي سويته امس .. سامحني .. فهد عوره قلبه وهو يتذكر كل كلمة قالها مشعل له .. وتراجع خطوتين وجلس عالمقعد مقابل المقعد اللي كانت شوق جالسه عليه .. وعيونه بالجهة الثانية .. هدوء عم المكان ، ما يعكره غير صوت النسيم اللي يهب بكل لحظة والثانية والقمر اللي كان يراقب مبتسم .. شوق واقفة مكانها وهي ضامة يديها امامها .. وفهد جالس بالمقعد وعيونه بعيد .. كانت تنتظر منه كلمة بسيطة او رد يريح بالها .. بس سكونه وهدوئه أربكها أكثر .. لما ظنت فعلا انه سرح ونسى وجودها .. شوق بمحاولة يائسة : فـهـ...... قاطعها وهو يلتفت ورافع يده يسكتها : بس خلاص ....... قلتي اللي عندك ؟!.. شوق هزت راسها : ايه .. هـ... هذا اللي كنت ابي اقوله .. فهد وهو يحط عينه بعينها : وتظنين اني بسامحك ؟!!.. شوق طالعته بصدمة من كلامه : ليش ؟!.. آسفــة مهي كافيه بالنسبة لك ؟!.. فهد : وانتي ظنك ان اللي سويتيه أمس سهل ؟!.. وانه ممكن يعدي كذا بدون حساب .. شوق بكآبة : فهد انا اعترف ان اللي سويته امس غلط .. بس صدقني ماكان قصدي .. كنت عايشه تحت تأثير الماضي وفكرة ان بيت عمي ما يبوني خذت كل عقلي .. أي وحدة بمكاني وش كانت بتسوي ؟!.. فهد : كانت بتفكر قبل ما تسوي اللي انتي سويتيه .. شوق نزلت اسها : طيب وانا قلت لك آسفـة .. فهد رجع يصد عنها بصمت بدون ما يعلق على اعتذارها .. وشوق عورها قلبها ان حركته هذي تدل على عدم قبوله .. فاكتفت اذلال لنفسها ولفت وجهها بترجع ادراجها لداخل .. لكنها سمعت صوته يكلمها ثاني مرة .. فهد : انا بسامحك عاللي سويتيه امس والفكرة اللي كانت براسك .. لكن في شي ثاني مارح اسامحك عليه .. شوف لفت له مستغربة : وش تقصد ؟!.. فهد بنظرة غريبة وبغموض : اللي بالقلب بالقلب يا بنت عمي .. شوق طالعته فترة وهي مو فاهمه وش يقصد بالضبط .. وبالنهاية أشر لها فهد ترجع داخل .. فانصاعت لأن الوقت كان متأخر ومو زين أحد يشوفهم برا بهالوقت .. اما فهد جلس برا شوي يفكر باللي قالته له .. معقوله يسامحها بعد كل اللي سوته ، وكل اللي صاير له بسببها .. قام ورجع داخل وهو يشيل هالأفكار من باله .. احمد بعد ماحط فهد توجه لبيتهم مباشرة لأنه كان حاس بشوية تعب وزيااادة عليها توتر مو عارف وين مصدره بالضبط .. اول مرة بحياته يحس بهالاحساس .. لما وصل للبيت نزل من السيارة وفتح الباب الخلفي ياخذ الشماغ اللي كان راميه بالمرتبه الخلفية .. وانتبه لدفتر عمر اللي كان راميه بشكل عشوائي .. ابتسم بسخرية على نفسه .. الحين انا من جدي صدقت واخذت دفتر عمر !!.. طيب اخذته وش أبي فيه !!! ماطول بهالأفكار وشاله معه مع بعض الأوراق والكتب تبع المعهد اللي يدرس فيه .. وطلع لغرفته حط الأغراض كلها على الكومدينه بجنب السرير .. واخذ الروب حقه وتوجه للحمام ياخذ دش سريع يريح بها اعصابه ويرخيها ويخفف التوتر .. طول شوي بالحمام واخذ راحته ولما طلع حس بالراحة بكل انحاء جسمه .. لبس بجامة النوم وانسدح بالسرير وهو يتنهد ويدندن بألحان مختلفة .. وتوه بيسكر الأبجورة عشان يستعد للنوم طاحت عيونه على نفس الدفتر .. ومن شافه رجعت له موجة التوتر أقوى من قبل .. بس رغم كل هذا رجع يبتسم ويضحك بسخرية على نفسه .. جاب دفتر عمر معه لحد البيت .. ههههههههههههه .. والله شي غريب وش اللي خلاني آخذه من الأساس ؟!!!.. رجع يحط راسه عالوسادة وغمض عيونه لفترة ومستمر بدندنة الألحان .. لكنه رجع يفتحهم ولف للدفتر ثاني مرة .. حس بفضول يذبح فمد يده له وسحبه وبدا يتأمله .. كان غلاف الدفتر وهيئته أنثويـة جدا لدرجة شك انه يكون لعمر .. توه يتامله زين الحين وبإعجاب .. كانت هيئة الدفتر مرتبة جدا واضح انه مبذول عليه الاهتمام البالغ .. ضحك احمد على نفسه ثاني مرة وهو يحس انه انخدع من عمر .. انخدع من طفل صغير .. لو كان هالدفتر الحلو لعمر كان صار شكله مهترئ جدددددا .. ضحك احمد على نفسه : ههههههههههههه .. والله اني غبي ..!!! حس نفسه فجأة منجذب لهالدفتر .. وبدون شعور منه قرب الدفتر لوجهه ولمس روائح فواحة عبقة تنبعث منها .. لا لا لا انا شلون صدقت ان الدفتر لعمـر !!!.. استرخى بجلسته عالسرير استرخاء تام واستعد انه يفتح أول صفحة .. ومرت لحظة من الزمن ، وفتح الصفحة الأولى اللي كانت مجرد بداية وبداية سلسلة طويلة من المشاعر محفوظة داخل هالاوراق .. جذب نظره أول الحروف المكتوبـة .. أول صفحة ، هي أول حبي .. وتحمل تاريخ ميلادهـ .. تاريخ مولد مشاعري ناحيتـه .. أحمــد !! هل تصدق ما يقوله قلبي لي .. هناك مشاعر لم أحس بها يوما ولم أفهم لها تعبيراً ..!! فهل ستخبرني انت بحقيقتها ؟!.. هل ستخبرني لمَ انا أحس بها ؟! هل ستخبرني أنني أحبـك .. لم أصدق هذا بالبداية .. لكــن .. كل يوم الدنيا حولي تقف لتقر .. بل تحبيـنه .. فصدقي أو لا تصدقي .. فز أحمد من مكانه مدهوش وقام قاعد وناسي كل تعبه .. قرب وجهه من الدفتر يعيد قراءة السطور ..!! لحظة لحظة !!!.. شالسالفة ؟!.. من اللي كاتب هالكلام ..؟!! كمل قراءة وضربات قلبه متلخبطة لما وصل للتوقيع تحت : نـــدى .. بيد مرتجفة فتح الصفحة الثانيـة .. وبدا يقرا كلمات جديدة .. وكل ما قرا اكثر لازم يلاحظ اسم احمد بكل صفحة واسم ندى توقيع بالآخر .. كان ضايع ما يدري من يكون المقصود بهالكلمات ..؟!.. من أحمد هذا اللي تقصده ..؟!!! وكجواب لهذا السؤال جت الحقيقة عشان تصفعه بقوة على وجهه .. الصورة المخبأة بين الصفحات انزلقت وهوت واستقرت بحضنه .. واكشفته له عن هوية هالشخص اللي اسمه " أحمــد " .. كان هو .. هو نفسه ما غيره ..!!! سكر الدفتر بعصبية ورماه بجنبه .. وضربات قلبه زادت من هالمفاجأة القوية اللي حلت على راسه .. مسك الصورة وبدا يطالعها .. وتوتره بدال ما يخف زاااد عليها أضعاف مضاعفة .. ماكان فيه كلمات تصف أحاسيسه وقتها .. هو ... هو المقصود مافي مجـال للإنكــار !!!! ... ندى بغرفتها منسدحة بسريرها وما عرفت تنام من التفكير والقلـق .. دقات قلبها رافضه تهدا من اللي صار .. طول الليل تدعي ربها انه ما يكون قرأه .. وتدعيه يخلصها من هالمشكلة .. لفت وجهها للساعة لقتها الساعة 2 وخمس دقايق .. رجعت عيونها للسقف وبنظراتها الحسرة .. أحمد تكفى لا تفتحه انساه انساه ورجعه لي .. لا تفتحه لا تتهور .. زادت عليها الضغوط النفسية ومعد صارت تتحمل .. انا بنفسي بوقفه ما رح اخليه يفتحه .. وخطرت على بالها فكرة مجنونة .. قررت تتصل فيه .. رجعت طالعت الساعة وماهمها ان الوقت يكون متأخر .. أهم شي تلحق على نفسها .. وطلعت رقمه من الجوال واللي كان محفوظ فيه مسبقا ودقت .. وهي تحاول تمسك اعصابها اللي تحسها بتفلت منها بأي لحظة .. لازم اكلمه واحذره انه ما يفتحه .. وانتظرت يوصلها رد .. احمد اللي كان الدفتر بين يديه وضايع في عوالم ثانيه ويقرا كل حرف مكتوب ويتمعن فيه .. المفاجأة كانت جدا قوية ضربت بوجهه لما صحته من غفلته .. كان غافل عن اشياء كثيرة حصلت له مع ندى بالأيام اللي راحت .. كان فعلا يستغرب تصرفاتها .. بس الحين الغمام انجلى وبانت له الحقيقة واااضحة مثل الشمس .. ندى عايشة قصة حب .. قصة حب قديمة .. وعايشتها معاه هو ..طاح الدفتر من يده وهو يرتجف من الصدمة اللي مو قادر يتحملها .. ومرر يده بشعره بتوتر شديـد ما عاشه من قبل في حياته .. ومسح بكفه كل وجهه والعرق يزيد بكل ذره في كيانه .. لقا بالدفتر أجوبة لأسئلة كثيــرة كانت بخاطره .. لقا جواب لتصرفات ندى الغريبة بالفترة الأخيرة .. وجواب لنظراتها له من قبل كل ما شافته وحتى طريقة كلامها معه .. ماكان منتبه لهالشي أو ما اهتم .. والجواب صار ان ندى تحبـه .. ومن متى ؟!.. من اربع أو خمس سنين .. !!! رفع يديه الثنتين ومررها بشعره كله لما استقرت على رقبته والتوتر يزداد .... ليش ؟!... ليش ؟!... ليش يا ندى ؟!.. رن جواله بهاللحظة وروعه بمكانه .. مد يده ياخذه من على الكومدينه وعيونه ماتفارق صورته اللي كانت مخفيه بين صفحات هالدفتر .. توقع انه يكون واحد من اخوياه عشان كذا ما شاف الرقم ورد على طول وصوته متغير .. احمد وهو يفرك عيونه ويحاول يهدي نفسه بس مو قادر : الوو .. ندى : ......... احمد : الوووو .. ندى مو قادرة تنطق : ........ احمد استغرب وقطب وطالع الرقم .. الرقم مو غريب عليه : الوو من معي ؟!.. ندى بهمس : احمد ؟!!.. احمد سكت لحظة يتذكر نعومة الصوت .. بس من توتره ماعرف يفكر حتى : .......... ندى : انا ندى .. احمد تنهد بقوة وفقد زماام السيطرة على روحه .. كان وده يسألها عن كل اللي بالدفتر هل هو صحيح ولا لا ؟!.. بس كل شي واضح ليش يسألها بعد ..!!! ندى بجدية والعبرة خانقتها : احمد ... رجع لي الدفتر .. بليز .. احمد : .......... ندى خافت من صمته انه وراه شي : احمد .. رجعه لي ولا تفتحه .. بليز هذي اسراري الخاصة .. احمد مغمض عيونه وضايع بعوااطف غريبة .. وملتزم الصمت لأنه مو عارف وش يقول أو وش يرد من بعد اللي عرفه : .......... ندى برجا وصوتها يرتجف : احمــد ...!! وصلها صوته أخيرا .. بنبرة غريبة ما فهمتها .. احمد بصوت خافت : ليش ما قلتي لي من قبل ؟!.. ندى ودمعه نزلت منها : وش تبيني اقولك .. الدفتر لا تفحته تكفى .. احمد ألقى القنبلة عليها وما حب يكذب : فتحته .. وقرأت اللي فيه .. ندى شدت على عيونها وغمضتها لأنه اللي كانت خايفه منه صار .. احمد عرف بكل أسرارها .. والتزمت الصمت وهي تحاول تداري دموعها .. انكشفت .. كل أوراقها انكشفت ..!!! احمد بعد فترة صمت : ليش ماقلتي لي ... ليش سكتي ؟!.. ندى فتحت عيونها وهي متنرفزة .. يعرف ويسأل .. ندى بحزن كبير وكآآآآبة : توك تحس فيني ؟!.. كان صوتها كله عذاب اللي خلاه يغمض عيونه وهو حاس بتأنيب ضمير : .. شلون أحس فيك وانتي ما علمتيني عن كل هذا .. ندى : يعني تسوي حالك ما كنت تدري .. انت كنت تدري عني بس كنت تتجاهلني .. احمد انصدم من كلامها : انا ؟!.. ندى حبت تتهمه وتبين انها عارفه وماقدرت تمسك دموعها : لا تسوي روحك برئ وماتدري عن شي .. احمد انت كنت تدري اني احبك بس كنت تطنش .. انا حاولت كذا مرة اعترف لك اذا تذكر المرات اللي كنت ابي اقولك فيها شي .. بس انت كنت تصد وتسوي نفسك مو فاهم .. وماتعرف عذابي اللي عشته لأيام .. انا يا احمد عشت ايام عذاب ما عشتهم من قبل في حياتي ولا اظن اني بعيشهم .. كنت دايم انتظر نظرة منك او كلمة .. لكن انت كله صاد عني ومو راضي تفهمني .. يعني لهالدرجة مكانتي عندك تغيرت .. احمد كان يسمع كل كلمة وهو مو مصدق اللي يسمعه .. كل هذا كان داخل قلب ندى وانا ما أدري .. حاول يتكلم ويقول شي بس مو قادر وكلماتها تترد بمسمعه باستمرار .. ندى مستمرة بالكلام الكثير اللي كان مكبوت داخلها : باللهِ يا احمد ما حسيت باللي كنت بقوله .. حاولت اقوله كذا مرة مو مرة ولا مرتين .. ( وابتسمت بسخرية ) .. شلون اصلا انت عاارف بكل شي .. احمد وهو يقوم واقف لما زاد عليه التوتر والضغط : شلون اعرف ؟!.. انا ماعرفت الا الحين ..!!! ندى بحدة : لا تكذب .. احمد : انا ما أكذب .. انا جد توني اعرف انك...... سكت وما كمل .. والكلمة ما طلعت منه .. ضحكت ندى بسخرية فجأة : ههههههههههه .. اني أحبك صح ؟!... ههههههههههههههه ... ومن قالك اني للحين احبك .. انا نسيتك وشلتك من قلبي عقب ما عرفت حقيقتك يالخاين .. احمد صنم مدهوش : خاين ؟!!!!.. ندى ضحكت والسخرية تزداد بصوتها : ههههههههههه .. يمكن خاين ابسط لقب اقوله لك .. عقب ما لعبت بمشاعري تجي وبكل بساطة تكشف لي حقيقة علاقتك الغرامية .. احمد معد عرف يفهم او يفكر : أي علاقة غرامية ؟!.. ندى انتي من وين جبتي هالكلام ؟!.. ندى بنبرة جافة : انا ماجبت هالكلام من عند احد .. انا شفت وسمعت هالشي بعيوني الثنتين .. احمد تنهد بقوة من ضغط كلماتها .. ولا عرف هي وش تقصد بالضبط .. هو ماله علاقات غرامية فليش تقول كذا ..!!! احمد : انا ماعرف عن وشو تقصدين .. قولي لي متى صار هالشي ؟!.. ندى : مارح اقولك لأني متأكدة انك تتذكر هالشي زين .. انت استغليت مكالمة التلفون الغرامية عشان تبعدني عنك .. انت كنت تعرف اني احبك ( خنقتها العبرة وتذكرت عذاب هذاك اليوم ) .. مستحيل ما تكون عرفت يا احمد .. كل الناس اللي حولي عرفوا اني احبك .. مو معقولة ماتكون عرفت انت بعد .. انت قررت انك تبعدني عنك وانا قررت اني ابتعد خلاص .. اكتفيت عذاب منك .. احمد رجع يجلس على طرف السرير وهو مو حاس برجوله : صدقيني مو فاهم عن وشو تتكلمين .. فهميني !!.. ندى : ماعندي كلام اقوله اكثر .. وكل اللي ابيه الحين انك ترجع لي الدفتر وتنسى الكلام اللي مكتوب فيه .. تصبح على خير .. سكرت عنه ورمت الجوال جنبها ورمت بجسمها كله عالسرير وهي مخبية وجهها بالوسادة .. ماتدري ليش تحس بالتناقض الواضح بين كلامه الحين وبين كل اللي صار من قبل معه .. بنبرته فيها الصدق بس اللي صار يقول العكس .. حست بالعذاب اكثر والضياع لأنها ما عرفت تصدق كلامه ولا تصدق قلبها واللي يقولها ان الحقيقة باينه والخيانه واضحه .. اما احمد من سكرت عنه وهو تايه مو عارف .. كل شي قالت له مافهم منه شي .. كل اللي سمعه عن نفسه هو متأكد انه ماله أساس من الصحة .. بس ندى ليش تقول هالكلام .. على أي اساس أجزمت ان عندي علاقات غرامية .. ظل يحاول يتذكر بس مافلح .. رجع للدفتر وشاله وبدا يقلب بصفحاته من أول وجديد .. ابتسم بكآبة وهو يشوف لمسات ندى الواضحة فيه .. من الدفتر هذا عرف وش قد كانت ندى مجنونة فيه .. ندى تحبه .. ندى ماغيرها .. شلون ما انتبهت لهالشي من قبل ؟!.. هالقمر يحبني ؟!!.. رمى نفسه عالسرير يفكر بكل اللي عرفه .. والشعور اللي يداهمه الفترة الأخيرة ناحية ندى .. زاد عليه الحين والسبب الكلمات العذبة اللي قراها واللي ينبع منها الحب واضح .. !!! ليش ما قلتي لي يا ندى ؟!.. ليـش ؟!... بالصباح صحت شوق وهي مقررة انها تروح اليوم للجامعة .. كفاية غابت عنها اسبوع كامل .. لما لبست وخلصت طالعت وجهها بالمرايه وحمدت ربها ان الأثر خف كثير ومو مبين الا اذا ركز الواحد .. خذت شنطتها وعبايتها وطلعت .. وشافت ندى بنفس اللحظة تطلع من غرفتها والبسمة على شفاتها .. كان مبين انها مرتاحة عكس امس .. راحت لها شوق مبتسمة : صباح الخير .. ندى منشرحة عالأخير : صباح النووور .. شوق : من وين طالعه الشمس ؟!.. شفيك مستانسه ما كأن شي حصل .. ندى وهي تضحك وتنزل الدرج : بلاك ما تدرين وش صار امس .. آآآآخ بس بردت حرتي فيه يا شوق .. واجهته يا شوق واخيرا واجهته .. قالتها بحماس كبير وشوق ضحكت مع انها ما فهمت وش اللي صار بالضبط .. بس ارتاحت لراحتها .. راحوا لطاولة الطعام حصلوا ابو فهد توه مخلص وبيطلع .. سلموا عليه وجلسوا يفطرون .. وبعدها طلعوا للجامعة مع السايق .. بالجامعة كان باستقبال شوق نوال ونوف ومجموعة من البنات .. نوال دقت على شوق امس وخبرتها انها بتجي .. نوال لما شافت شوق جاية من بعيد : القمر طلللللللل علينا يا بنااااااات .. شوق اشرت لهم من بعيد وهي تضحك .. نوف : مرااااااااااااحب ببنت الشرقية .. وصلت شوق واول وحدة حضنتها كانت نوال سلمت عليها وبعدها نوف وبقية البنات .. شوق لفت لنوف : حراام انا بنت الرياض مثل ماني بنت الشرقية .. نوف : لا انتي كوكتيل بنات المملكة ..!!! شوق : هههههههههههههه .. مهما صار بظل بالاصل بنت الرياض ..وين ما رحت ووين ما جيت .. جميلة : كذا يعني تنسينا مالنا هدايا .. ولا مالنا قدرعندك .. شوق بنظرة كئيبة بس بابتسامة : لا تذكرووني تكفون .. لو تدرون بس وش صار لي هناك .. نوف تذكرت الحين : أيــه صح قالت لي ندى انك كنتي بالمستشفى .. نوال لفت لها مستغربة : بالمستشفى ؟!.. ليش سلااامات .. شوق : الله يسلمك .. تعبت هناك شوي .. ومن المستشفى رجعت لبيت عمي .. نوال ترفع يدها للسما : ما تشووفين شر .. جعله بعدويييييينك ان شالله .. بعد شوية سوالف دخلوا للمحاضرة وبعد ساعتين طلعوا للكافتيريا المعتادة .. والجو حلو سوالف وضحك وخاصة بعد رجوع شوق الا مر وكأنه شهر مو اسبوع ... اثناء السوالف دق جوال نوف بمسج .. ولما رفعته تشوف من مين تغير وجهها للغضب والعصبية .. كان المسج : خوفي يطول الليل والحلم ينساكـ خوفي عيون الكون بالحيل تبكيكـ مني لكـ الإخلاص لوطال فرقاكـ مهما يطول البعد ماني بناسيكـ تبقى على عهدي دام إني أهواكـ وتبقى لك أحلامي رسايل تناااااااديكـ .. نوف بصوت مسموع : اووفففف .. متى بيحل عني هذا .. ترا عطيته وجه .. لفت لها جميلة : شفيك نوف .. من مين ؟!!.. نوف وهي تمسح المسج مباشرة قبل لا تقراه : واحد قليل ادب وما عنده اخلاق ملاحقني بكل مكان .. ومزعجني بالمسجات اللي مالها داعي .. بهذلني مدري وش الحل معه .. جميلة : وريني المسج .. نوف : مسحته .. مسج غرام وحب .. يحسبني بصدقه .. اصدق الناس كلها الا هو .. جميلة : عاد بعضهم نشبــه ما يصدق .. نوف : ودي أرد عليه .. عندك مسج كذا قوي .. كله تهزئ بتهزئ .. ابيه يفهم اني ما أطيقه ولا أواطنه بعيشة الله .. جميلة طلعت الجوال تدور لنوف عاللي تبيه ولما حصلت عطته نوف تقراه .. نوف ماتت من الضحك وهي تقراه .. كان المسج قــوي جدااا .. نوال قرته وشوق بعد وكلهم لاحظوا الكلمات القوية اللاذعة .. نوال : ما كأن المسج قوي مرة .. نوف وهي ترسله لبدر : مو قوي .. خل يفهم اني مابيه ولا اطيقه .. خل يحل عني .. حطت الجوال جنبها ورجعت للسوالف مع البنات .. وبعد دقيقتين رجع الجوال يدق بنغمة مسج .. جميلة ضحكت : اكيد منه .. نوف وهي تفتح لمسج : أكيد .. هو فيه غيره مأذيني بدنيتي .. فتحت المسج : مهما تصد أعشقك وأهواك وأغليك ماهمني رفضك ولا أبغى ردودك كيفي إذا بمتحن في حال هاويك وكيفك إذا تبغاني أعاني صدودك تصـد تبعـد تبيـع شاريـك شاريـك أصــلاً حياتي بس مجرد وجــودك... سكرت المسج وفضلت انه ما ترد عليه .. كان بالفترة الأخيرة يكتفي بالمسجات اللي كلها حب وغرام .. حتى انه معد حاول يتصل فيها ، أو يناقشها بالشهادات اللي سرقتها وهذا أثار استغرابها .. استغربت هالهدوء الغريب منه .. لا يكون بس ناوي على نية ثانية ..!!!.. انتبهت على جميلة تكلمها : نوووف وصمممخ .. نوف مثل البلهاء : هااااااه .. جميلة : هويتي .. نوف : وانتي معي .. جميلة : ههههههههههههه .. وش تبين الفطور اليوم على حسابي .. نوف : كروسان .. وسفن اب .. راحت جميلة للكافتيريا ، بينما نوف رجعت تفكر .. وفتحت المسج ثاني مرة وعادت قراءته .. نوال مستلمة شوق استجواب وتسألها عن كل شي صار لها بالشرقية .. وشوق اخفت بعض الأمور وحرفت بالكلام .. اثناء هالشي .. وصلت شلة بنات ثانية لنفس الكافتيريا .. مجموعة كبيرة تقريبا من خمس أو ست بنات .. تتقدمهم أريج اللي من طاحت عينها على شوق وهي تضحك وتبتسم .. طالعتها بازدراء من فوق لتحت .. نوال انتبهت لهم وانتبهت لنظرة أريج بس ما خبرت شوق عنها .. لأن شوق ما انتبهت لوجودهم ولا حبت تزيد الحديد حرارة .. شلة أريج جلسوا بطاولة جنب طاولة شوق ونوف والبنات .. بس شوق كانت معطيتهم ظهرها فما درت عنهم .. رجعت جميلة بالفطور الدسم اللي على حسابها .. وبدوا يفطرون ويضحكون وناسين اللي حولهم .. أريج لفت لمروى جنبها : شفتي شوق .. مسوية نفسها ما انتبهت لنا ومطنشة كأننا مو مالين عينها .. تنهدت مروى : اريج حيبتي شفيك .. خلها ساكته احسن لها .. والحين انسي انها موجودة لأننا مو ناقصين مشاكل مع هالأشكال .. اريج تتمتم : تحسبني بسكت للي سوته .. مروى : خلينا الحين نستانس بجلستنا .. وخليها مطنشه أحسن لها .. وسكتت اريج ومروى انشغلت بالسوالف لما انتبهت البنت اللي معهم اسمها " رانيا " لشوق .. واشرت عليها وهي تلتفت لأريج .. رانيا بصوت مسموع : مو هذي شوق اللي قلتوا لنا عنها .. واللي مسببة لنا ازعاج منكم .. سمعت شوق هالكلام ولفت مستغربة من ذكر اسمها بصوت غريب .. وشافت وراها البنات نفسهم وبينهم اريج تطالعها بنظرة احتقار .. ما اهتمت شوق ورجعت تتعدل بجلستها ولا كأن شي صار .. لأنها عرفت ان استمرت معهم على نفس المنوال رح تسبب لنفسها المشاكل .. فققرت تتجاهلهم من يوم ورايح لحد ما ينسونها .. نوال بخوف من ردة فعل شوق : شوق قلبي .. لا تهتمين .. خلاص انسيهم .. شوق وهي مبتسمة : قررت انساهم .. ماني ناقصه مشاكل مع احد .. نوال ابتسمت براحه : احسن شي تسوينه .. كان المفروض من زمان .. أريج انقهرت منها لما شافت ردها .. توقعت من شوق انها تقوم عليهم وتدخل بمشكلة بس صار العكس .. لان اريج كانت تتمنى يصير هالشي وتبرد حرتها .. بس ماصار اللي تمنته .. اريج بصوت مسموع للي حولها : ودي أخلق مشكلة معها من لا شي .. مروى تأففت : اووففففف .. ردينا ثاني مرة .. أريج حبيبتي ترا احنا بالجامعة محنا بشارع .. كل اللي بالكافتيريا يشوفونك وبيعرفون انك غلطانه .. تراجعت اريج عن قرارها لما حست ان مروى على حق .. فطنشت شوق واللي معها وحقرتهم .. بعد دقايق طلت بنت من بعيد تمشي .. تمشي وبعيونها مبين الفرح ، وتطل من ملامحها النعومة .. كل من يشوفها بيعرف انها تعيش حالة من السعادة لأن الضحكة ما تفارقها بذيك اللحظات .. انتبهت شوق لها ، ولفتت انتباهها هالبنت .. وصلت البنت لهم وتعدت طاولتهم ووقفت عن طاولة أريج والشلة .. البنت : مرحبــا بناااات .. كيــفكم ؟!.. اريج مبتسمة : أهليـــن شذى .. هههههههههههه .. أخبارك عقب أمس ؟!.. شذى وهي تتنهد بحالمية وتجلس جنبها : آآآآخ بس يا جيجي .. وش اقولك اعد الساعات والدقايق والثواني .. متى تجي الساعة ثمان الليـلة .. والله متلهفــه .. اريج تضحك : هههههههههههههه .. خلك ثقل يا حبيبتي .. ولا ترا فهد بيغير رايه فيك .. شذى ضربتها بخفة : لا تقوووولين .. انا ثقل بس لأنه الموعد الأول حاسه اني بطيــر .. مروى مبتسمة على شكلها : للحين انتي على فهد .. لك زمن وانتي تكلمينه ما تركتيه .. شذى وهي تتنهد وكأن عذبها الغرام : ولا بتركه .. يكفي انه اول حب بحياتي .. وبيكون آخر حب .. أحبه يا ناااااس مجنني .. أريج لفت للبنات : ههههههههههههه .. ما شفتوا صورته يا بنات ؟!.. رانيا مبققة عيونها : عندك صورته يالدبا ولا وريتينا ؟!.. اريج : انا شفت صورته وكنت عند شذى أمس لما كلمته .. آآخ بس لو تسمعوون صوته .. جنااااان ولا صورته .. هذا شي ثاااني .. شوق عالطاولة جنبهم سمعت كل النقاش اللي دار ونوال معها .. جذبها النقاش وحست فيه شي غريب .. نوال باشمئزاز : الحمدلله والشكر .. الاخت فرحانه لأنها بتطلع مع الحبيب .. نوف كانت تسولف مع جميلة لفت لنوال مستغربة : من تقصدين ؟!.. نوال : وحدة من البنات بالطاولة اللي ورانا .. عندها موعد غرامي اليوم وبتطلع مع حبيبها .. وطااايرة من الفرحه .. شوق بهدوء مفاجئ : اسمه فهد .. نوف ضحكت : هههههههههههه .. حبيبتي شوق ترا مو ولد عمك هو الوحيد اللي اسمه فهد .. السعودية مليانه .. ابتسمت شوق على نفسها وبعدها ضحكت .. ونست كل اللي سمعته لأنه شي ما يعنيها وهي ما تعرف البنت ولا بينهم أي شي .. بعد نص ساعة شالوا أغراضهم لأن وراهم محاضرة ثانية .. واريج شافتهم والتفتت لشذى .. اريج : شذى تذكرين شوق اللي كلمتك عنها ..؟!.. شذى وهي مقطبة : ايه اذكرها .. اللي حاطه دوبها من دوبكم .. اريج : ايه .. شوفيها هذي ( وتأشر ) .. اللي لابسه زهر وجينز .. ورافعه شعرها مثل ذيل الحصان .. لفت شذى لها وطالعتها لمدة .. ولا قدرت تتمعن فيها زين لأن شوق عطتها ظهرها وطلعت من الكافتيريا مع البنات .. شذى بعد اهتمام : طيب و المشكلة ؟!.. اريج : المشكلة ان البنت ما تعرف من نكون احنا .. لو ما كنا بالجامعة كان عرفتها قبل شوي من تكون حضرتها ووش هو قدرها .. شذى : اريج انتي اذا سويتي كذا بتبينين ان لها قدر .. فخليها واحقريها .. مروى تدخلت : وانا قعدت اقولها هالكلام من زمان بس مو راضيه تفهم .. شذى ضحكت : وانا بعد ما أرضى أعز وأقرب صديقة لي انها تنهان .. اذا سوت شي غير اللي سوته انتي علميني وانا أوقفها عند حدها .. كلش ولا أريج حبيبتي .. أريج تمثل الزعل : ليش يعني انا ما أقدر؟!.. شذى وهي تضحك وتبوسها بخدها : تقدرين .. بس انا بعد ما أرضى عليك .. بعد دوام الجامعة رجعت نوف للبيت هلكانه وتعبانة وتدور الفراش .. رمت أغراضها عالسرير ونزلت تتغدى بسرعة عشان ترجع تنام .. جلسوا عالطاولة كلهم .. ابو احمد وام احمد وسهى ونوف ومحمد وريم .. أمل كانت راحت لبيتها قبل لا تكمل الأربعين لأن زوجها الح عليها ترجع ومشتاق لها .. أحمد للحين ما وصل من المعهد .. اثناء سوالف أبو احمد عالغدا تذكر شي : ما قلت لكم .. في مفاجأة قالها لي عمكم بتفرحكم .. محمد بان عليه الحماس حتى سهى .. اما نوف كان النوم على جفونها وتاكل وهي نصف نايمه من التعب .. لدرجة كل شوي تخدر وتطيح الملعقة من يدها .. فترجع تنتبه لنفسها .. بس بسرعة يغلبها النوم .. صحت شوي لما سمعت ابوها يكلمهم عن المفاجأة .. ابو احمد يضحك على نوف : ههههههههههههه .. نوف حبيبتي .. ما سألتيني عن المفاجأة ..؟! نوف وهي تدخل الملعقة بفمها ومبهذلها النوم : ما يهمني يبا .. ابي اروح انوم .. ابو احمد : عمكم اقترح علي .. أو عزمني ان احنا نروح معهم للمزرعة بنهاية هالاسبوع .. سهى بفرح : والله ؟!.. أخيرا والله من زمان نفسي نطلع مع بيت عمي مثل عالطلعة .. ام احمد : ومن اللي اقترح هالاقتراح ... ابو احمد : اخوي يقول ان بدر اقترح على اهله .. وأصر بعد ان احنا لازم نروح معهم .. نوف صحت تمام بهاللحظة وغصت بأكلها وقامت تكح وتكح .. عطتها سهى كاس موية بسرعة وشربتها لما ردت لها الروح .. ابو احمد : اسم الله عليك شفيك ؟!.. نوف والدموع بعيونها من الغصة : وش قلت يبه ؟!.. بدر اقترح ان احنا نروح معهم ؟!.. ابو احمد مبتسم : ايه ولد عمك هو اللي اصر .. تعرفينه من سافر وهو ماطلع للمزرعة ، ولنا وقت عنها .. وحاب نجتمع كلنا .. نوف احساسها بأن بدر ناوي لها شي زاد .. فقامت واقفة وتركت الملعقة من يدها : انا من الحين اقولكم .. ماني رايحه .. وتركتهم بدون ما تعطيهم الفرصة انهم يسألونها ليش .. راحت فوق لغرفتها وقفلت الباب .. انسدحت عالسرير ورجعت تفتح الجوال عالمسج الأخير اللي وصلها منه .. مهما تصد أعشقك وأهواك وأغليك ماهمني رفضك ولا أبغى ردودك كيفي إذا بمتحن في حال هاويك وكيفك إذا تبغاني أعاني صدودك تصـد تبعـد تبيـع شاريـك شاريـك أصــلاً حياتي بس مجرد وجــودك... سكرت المسج وحطت الجوال جنبها .. وغمضت عيونها وهي تحس بالنوم يسيطر عليها أكثر .. ليش بدر يقترح ان احنا نروح المزرعة بهالوقت .. وش ناوي بالضبط يا بدر ؟!... نفسي أعرف ... تلاشت هالأفكار من ذهنها لما غرقت تماما بالنوم .. بعد المغرب كانوا شوق وندى جالسين بالحديقة وقدامهم العصير والكيك .. يعيدون ايام أول .. ندى قالت لشوق كل شي حصل لها مع أحمد الليلة الفايته اثناء المكالمه .. وشوق كانت تسمعها وهي مصدومة ومبهوته .. على حسب كلام ندى انها حاولت كم مرة تقوله عاللي بقلبها .. بس لما جا أمس انفجرت ندى بوجهه وقالت كل شي بقلبها بدون ما تفكر فيه حتى .. شوق بصدمة : ما كأن اللي قلتيه غلط ..؟!.. ندى : لا مو غلط .. اقولك هو كان داري بكل شي .. بس يستغفلني .. انا خلاص قلت له كل اللي عندي وهو اللي يتحمل .. شوق وهي تشرب من كاس العصير : والدفتر ؟!.. ندى بعد صمت وبدون اهتمام : اللي كنت خايفه منه صار .. وأكيد انه قرأه كله من أوله لآخره .. وانا قلت له يرجعه لي .. شوق : واذا ما رجعه ..؟!.. ندى بعد تفكير هزت كتفها بلا مبالاة : يخليه عنده لأني معد أبيه .. انا كنت برميه بس السوسة عمر وصل الدفتر له .. شوق ضحكت لان لما انطقت ندى باسم اخوها طل عمر عليهم جاي يركض .. وصل عندهم وعيونه عالكيك : ابي كيك .. طالعته ندى بنظرة تحرق خاف منها عمر وراح لشوق يتخبا عندها .. ندى : ولك عين بعد اللي سويته تجي تطلب .. ( وقامت واقفة وسحبته ورفسته بخفة من الخلف ) .. يالله انقلــع .. ابتعد عمر مبرطم وقال لها كلمة قوية ما تطلع من طفل صغير .. وهي من قهرها قامت تلحق وراها واختفت داخل وشوق تضحك عليهم .. دخلت ندى معصبة لقت عمر بحضن امها يحتمي فيها .. ندى للحين معصبة عاللي سواه : ياحمااااار ان سمعتك تنطق باللي قلته ثاني مرة يكون لي معك حساب ثاني .. ام فهد : هدي اعصابك يا ندى .. تراه بزر تحطين عقلك بعقله .. ندى تركت الصالة بتروح للمطبخ تجيب زيادة عصير .. وشافت فهد نازل وكااااااشخ كشخة فضيعة .. اللي بيشوفه بيقول هذا يوم زواجه .. لابس ثوب بيض وغترة بيضا .. هذا غير السكسوكه الخفيفة اللي حاطها .. كان شكله غير كل يوم ، وزايد روعة وتألق .. ندى تطالع اخوها مبهوته : فهـــد ؟!.. يالله وش هذا كله ؟!.. فهد ابتسم وهو ينزل : المهم شرايك ؟!.. ندى : جنااااان .. شعندك وين رايح ؟!.. فهد : معزوم على زواج .. ندى : اللي يشوفك بيقول انت المعرس .. من الحين اقولك بتغطي عالعريس .. فهد وهو يضحك ومتوجه للباب : هذي شهاده منك اعتز فيها .. ندى مبتسمة : افااا يكفي بس تاخذ بكلامي .. راحت ندى للمطبخ تجيب العصير .. وفهد مر على امه بالصالة قبل لا يطلع .. ام فهد تطالع ولدها بفخر : يه يه شهالزين ؟!.. وين على الله ؟!.. فهد مبتسم : طالع لزواج يمه تامريني بشي ..؟!! ام فهد : سلامتك وانتبه لنفسك .. ( وبنظرة حنونه ) عقبال ماشوفك بيوم زواجك يا حبيبي .. فهد راح لها وباس راسها : آآآمين يمه .. الله يعطيك طولة العمر .. انا طالع .. ام فهد : بحفظ الرحمن .. شوق جا لها اتصال من نوال وقامت تمشي بالحديقة وهي تكلمها وتسولف معها .. دارت حول النافورة وهي تضحك .. شوق : طيب قولي لي انت ليش دقيتي .. ولا بس من الفضاوه .. نوال : تبين الصراحه ايه من الفضاوه .. ماعندي احد الحين قلت اتصل على شوق حبيبتي تونسني .. شوق : وانا فاضيه لك بكل وقت تبين أكـ...... سكتت لما انتبهت لفهد طالع بهيئة ما تعودت عليها .. حست بالفضول بيذبحها تبي تعرف وين رايح .. فراحت له بدون تفكير .. شوق : اقول نوال باي اكلمك بعدين .. وسكرت بدون ما تسمع الرد .. ونادت على فهد اللي فتح باب الشارع بيطلع : فهـــد .. وقف فهد وطالعها يشوف وش تبي ..؟!!.. شوق لما وصلت له حست انها ملقوفة .. ليش تسأله مالها شغل .. بس ماقدرت تمسك نفسها لما شافت هيئته الروعة .. شوق : آ ... وين رايح ؟!.. فهد بعد صمت بارد : لا يكون انتي امي تسأليني وين رايح ووين جاي ..؟!! شوق عرفت انه ماكان له داعي تسأله بس ماقدرت تمسك لسانها .. وضايقها رده .. شفيها يعني لو انا بنت عمه وسألته وين بيروح ..!!! شوق : لا .. بس حبيت اسأل .. فهد وهو يطلع ويسكر الباب : مالك شغل .. ووقفت بمكانها مصدومة من رده ..وسمعت صوت سيارته تروح وتبعد .. رجعت لطاولة بالحديقة وجلست وهي تفكر بكآبة وضيق منه .. جت ندى والعصير معها وشافت سرحانها : الووو .. ياهوو ترانا هنا .. شوق بضيق : اقول ندى سألت اخوك وين بيروح وعصب علي .. ندى جلست وهي تضحك : هههههههههههههههه .. طيب ليش تسألينه .. خلك في حالك احسن .. شوق : مدري شفته كاشخ واستغربت وين بيروح ..!!! ندى : بيروح لزواج .. هذا اللي قاله .. | |||||||||
| |
|
06-19-2010, 11:38 PM
| #39 (permalink) | |||||||||
|
مستشار المؤسس ~
|
رد: * غــــــــــارقـــــــــات في دوامـــــــة الحــــــــب * انا :
قمرهم كلهم الجــــــــــــزء 28 في جدة .. الوضع بين نجلاء وسعود كان هادي حميــم ولا تخلو من المواقف الحلوة مع بعض .. صحيح لهم فترة ما ذكرتهم لأن ماكان فيه احداث تذكر ولا فيه أي تطورات .. لكن الشي الوحيد اللي كان يعكر على نجلاء ، هو ان المكالمات الغريبة اللي بدت تتصل بسعود من آخر طلعة لهم للبحر زادت .. وسعود ملتزم الصمت وما يرد على سؤالها اذا سألته من يكون المتصل .. لكن في مرة من المرات كانت نجلاء رايحه للمطبخ تجيب لسعود العشا بالغرفة .. رجعت وقبل ماتدخل سمعت سعود يكلم بالتلفون .. بعصبية غريبة وكلمات غريبة ما فهمت منها شي .. وقفت عند الباب قبل لا تدخل وسمعت كلامه .. سعود : يمه اللي تطلبينه مستحيـل .. والله لو تنطبق السما عالأرض ما أسويها .. يمه انت تبين تهدمين حياتي ؟!.. نجلاء نغزها هالكلام .. وحست انها قاعده تتنصت على زوجها فتراجعت وراحت للصاله فترة تنتظرها لما يخلص مكالمته .. وعرفت من هالمكالمة ان ام سعود هي المتصلة .. لكن فيه مكالمات غريبة غيرها .. هل ممكن ان خالتها هاللي دايم تتصل .. طيب تتصل وش تبي بالضبط .. في وحدة من المكالمات تبين ان المتصل أمه .. لكن تحس بشي غريب وهو ان المتصل مو أمه بكل مرة .. وخاصة ان الاتصالات زادت عن حدها واحيانا الاتصال يتكرر باليوم اكثر من مرة .. دخلت نجلاء على سعود بالغرفة شافته يتضبط قدام التسريحة ويستعد للخروج .. راحت ووقفت بجنبه بصمت وهي تتامل صورته بالمرايه .. انتبه سعود لنظراتها الصامته : شعندك حبيبتي ؟!.. في شي بتقولينه ؟!.. نجلاء بهدوء : عندي سؤال واحد ابيك تجاوبني عليه وتريحني .. سعود : اسألي لكن بسرعة لأني مستعجل .. نجلاء مسكت يده تترجاه : حبيبي تكفى قولي من هاللي يتصل دايم عليك .. والله اقلقتني .. بعد نظرة قصيرة من سعود لنجلاء .. ضحك وضرب خدها بخفة يمازحها : حبيبتي انا كم مرة قلت لا تشيلين هم .. مكالمات مالها داعي ولا أهمية .. نجلاء بنظرة عدم تصديق : شلون مالها داعي ولا أهمية .. المكالمات هذي تتكرر باليوم كم مرة وانت بعد اذا صرت عندي تطلع وماتبيني اسمع .. وش هالشي اللي ماتبيني اسمعه ؟.. سعود انت مخبي علي شي ؟.. قولي تكفى .. سعود : وش بخبي عليك يعني ؟!.. نجلاء : سعود انا حاسه انه في شي خطير مخبيه عني .. وهالاحساس كل ماله ويزيد ليش ما تقولي وتريحني .. سعود : وش تبيني اقولك ؟!.. طالعته نجلاء بنفاذ صبر : قولي من هاللي يتصل .. سعود بعد نظرة غريبة : نصيحة يا حبيبتي لا تسأليني ليش .. لأنك بتمين مرتاحة اذا ما عرفتي .. نجلاء عصبت وفقدت اعصابها : أي راحة تتكلم عنها وانا اعصابي تلفت .. هالاتصالات لها اسبوع مستمرة وانت مو راضي تقولي مين ...( وبعد نظرة وصمت ) .. وانا اظنها خالتي .. طالعها سعود بصمت ومارد .. ونجلاء تحاول تتمالك نفسها : خالتي صح ؟!.. خالتي تبي شي منك وانت مو راضي تقولي .. سعود بهدوء : وانتي وش اللي يخليك تقولين انها امي .. نجلاء مو قادرة تتمالك هدوءها : سمعتك تكلمها .. قبل كم يوم سمعتك تقول .. انه اللي تطلبه خالتي مستحيل ومارح تسويه لو تنطبق السما عالأرض .. وان خالتي تبي تهدم حياتك .. قلي وش تبي خالتي بالضبط .. سعود ظل ساكن لحظة ونجلاء دقات قلبها تزداد من الخوف .. قرب سعود منها ومسك يدها وباسها ، ورفع راسه لنجلاء وحط عينه بعينها .. سعود بهدوء : نجلاء ....... امي تبيني أتزوج .. حلت صاعقة على راس نجلاء من سمعت اللي قاله .. ولسانها انشل ونظراتها جامدة بعيون سعود وكانها تطلب منه تكذيب اللي قاله .. نجلاء وكل جسمها يرتجف من الصدمة : لـ ... ليـش ؟!.. رفع سعود يده يطالع ساعته وبعده رفع عينه لنجلاء : ليش هذي خليها لبعدين .. انا تأخرت الحين ولما أرجع من الشغل نتفاهم .. أوكي ( وضرب خدها بخفة وهو يبتسم لها ) .. هزت نجلاء راسها بالايجاب وهي للحين تحت تأثير الصدمة .. طبع سعود على خدها بوسة وطلع ، وهي تمت واقفة مكانها ترتجف من الصدمة اللي ما توقعتها .. ظلت واقفة وكلماته تتردد ببالها لما عورها راسها .. طلعت من الغرفة وبخطوات متثاقلة مهمومه مشت لغرفة قريبة من غرفتهم .. هذي الغرفة اللي تنتظر أحد يشغلها .. واللي ظلت نجلاء شهور تزين فيها وتستعد لوصول أول ثمرة زواجها من سعود .. فتحت الباب والدموع ملت عيونها من غير ما تحس .. ومشت ببطء للسرير الصغير الموجود بنصف الغرفة ومعلقة فوقه مجموعة من الدمى .. جلست نجلاء جنبه وبدت تتخيل طفلها الصغير نايم .. وهي تفكر باللي قاله سعود .. ماصار على زواجها سنتين يرجع يتزوج ثاني مرة .. طيب ليش امه تبيه يتزوج ؟!.. تونا ببداية حياتنا .. حطت يدها على بطنها ودموعها تزداد بالسيلان .. كل هذا عشاني ما جبت له الولد لحد الحين .. طيب انا شذنبي !!!.. اكتشفت نجلاء بدون صعوبة سبب طلب خالتها لسعود بالزواج .. عشان الأطفال بدون شك .. بس ليش وزواجنا ما بعد كمل السنتين .. ليش الكل مستعجل .. خافت من اللي بيقوله سعود اذا رجع .. اللي تعرفه من مكالمته مع امه انه رافض هالفكرة بس ما تدري وش اللي يخبيه القدر لهم .. قضت وقتها بهالغرفة تفكر وعيونها تدمع .. بدون ما تحس بالوقت .. الموعد المنتظر اللي كانت تنتظره شذى هذا هو حل وما بقى عليه الا ساعة تقريبا .. كانت بغرفتها تستعد وتلبس أحلى حلة حصلت عليها .. طلبت من صديقاتها أريج ومروى ورانيا يحضرون يساعدونها لانها ما تقدر تهدى من التوتر والفرح اللي بياكلها .. مروى وهي تلبس شذى عقد لولو بسيط عالموضة : ههههههههه .. شذى حاولي تهدين لا تموتين علينا .. شذى مو عارفه تقعد بمكان تتحرك بكل مكان وكل شوي تشوف نفسها بالمرايه : ما اقدر ما اقدر .. شوفي شكلي الحين أوكي أو لا ؟!.. أريج بانبهار : لا والله تجننيـن .. روووووعة يا شذى .. ما أدري وش اقول بس أنتي هالمرة أحلى من كل مرة شفتك فيها .. شذى تضحك : ههههههههههههههه .. لا قولي جد لا تجاملين .. اريج : ورب الكعبة انك جنــان .. ( وغمزت لها ) .. عاد لا تنسينا بالصور هااا .. أهم شي .. ضحكت شذى : افااا عليك .. عاد ان شالله ما انسى .. كانت شذى لابسة فستان أحمر روعة شرته من أرقى المحلات .. ويوصل لتحت الركبة مع جزمة كعب أحمر عطت وقفتها وطلتها شي من الروعة .. كان طولها حلو ونحيفة يعني الفستان راكب عليها ومع بياضها طالعه حلوة .. شذى تلتفت لرانيا : رانيا عطيني عبايتي والطرحة .. دق تلفون شذى ولما شافت الرقم صرخت من الفرحة : هذا هذا فهــد .. يااااااااي .. اكيد يسأل عني .. اريج تضحك : هههههههههههه .. ردي عليه .. خذت شذى نفس وهي حاسه نفسها بتموت .. وردت بعد ما حطت عالسبيكر : هلا بروحي .. ابتسموا البنات حولها ومسكوا ضحكتهم من شكلها .. فهد : هلا بنور عيني .. شخبارك حياتي ان شالله مستعدة ؟!.. شذى تضحك بنعومة : هههههههههههه .. أكيد مستعدة .. وانت شسويت ؟!.. فهد : انا مستعد وطلعت من البيت الحين .. وين الاقيك ؟!.. شذى رفعت عينها لصديقاتها بسرعة وبعيونها تسألهم وين الاقيه لأنه مرتبكة حدها .. بس محد عطاها جواب لأنهم ماسكين ضحكتهم عليها هذا غير انبهارهم بصوت فهد اللي وصلهم .. شذى : امممم .. اللي يريحك انت قول وين وانا اجيك .. فهد : شرايك اوديك للفور سيزن ؟!.. شهقوا البنات حولها لما سمعوا اللي قاله .. وفهد ضحك لما سمع شهقتهم .. فهد : ههههههههههههه .. من هاللي عندك ؟!.. شذى للبنات : الله يخسكم .. حبيبي هذولي صديقاتي جايين يساعدوني .. مهبل لا تشره عليهم .. فهد وبصوته الضحكة : شرايك تجيبينهم معك ونتعشى سوا ؟!.. صرخوا البنات كلهم وعلا صوتهم بالتأييد ، لكن شذى عارضت وهي معصبة من فهد : لاااا فهد انا وياك وبس .. ضحك فهد عليهم : هههههههههههههههههههه .. وانتي صدقتي حبيبتي .. اليوم سهرة خاصة انا وانتي بس .. وقولي لصديقاتك لا يصيرون مخفات كل شي يصدقونه ..!!! شذى للبنات وبصوتها الضحكة : سمعتوا .. هههههههههههههههه .. اتفقوا شذى وفهد وين يتلاقون عشان فهد ياخذها ويروحون يتعشون سوا .. وسكرت منه وكملت استعدادها .. مروى بانبهار : يااااااااويلي بيوديك للفور سيزن .. من قدك من قدك .. شذى وهي تلبس عبايتها : اعووذ بالله من عيونكم .. ادعووا لي ادعوووا لي والله قلبي بيوقف مو راضي يهدا .. ضحكوا البنات وكلهم لبسوا عباياتهم وطلعوا ركبوا السيارة ، وتوجهوا للمكان اللي تحدد يتقابلون فيه مع فهد .. فهد وصل من وقت ووقف سيارته بجنب الرصيف ينتظر شذى توصل .. واثناء انتظاره وصلت له مكالمة من احمد .. فهد : هلااا .. احمد : هلاا بك .. اخبارك ؟!. فهد : تمااام .. احمد : وينك منت جاي اليوم الشباب يسألون عنك ؟!.. فهد مبتسم : لا والله اليوم انا مرتبط بموعد .. وطالع له الحين .. اعتذر قولهم مهو بجاي اليوم .. احمد مستغرب وبسخرية : الله واكبر عاد .... وش هالموعد يالبيزنس مان ؟!!!.. فهد ضحك : موعد غير شكل اليوم .. بطلع مع شذى بنتعشى سوا .. احمد بعد لحظة صمت : شذى ؟!.. مين شذ..... هيييي انت تعاااال صاحي ولا مجنووون .. بتطلع مع شذى انهبلـت ...!! فهد بثقة : لا ما انهبلت وانت عارف اني بطلع معها من زماان .. احمد بجد : اقوول خل عنك هالخرابيط وتعااال اسهر معنا بلا شذى بلا بطيخ ... فهد : آسـف ما اقدر .. البنت جاية الحين وانا عطيتها وعد .. وماقدر اخلفه .. احمد بسخرية : ومن تكون هي بالنسبة لك عشان تعطيها وعود .. يعني يقالك بتفهمني الحين انك خايف على مشاعرها لا تنجرح .. فهد بجدية : ايه خايف على مشاعرها عندك أي مانع .. احمد : فهيد اعقل وارجع .. انا عارف ان البنت ما تعنيلك شي الا هي اللي تتلزق فيك وملاحقتك .. فهد قاطعه وبكل جدية : الا البنت تعني لي .. البنت حبيبتي يا احمد وابي أطلع معها .. احمد مستغرب : وش قلت ؟!.. حبيبتـك ؟!.. فهد : ايه حبيبتي .. البنت احبها مثل ماهي تحبني .. احمد : اقوول انت الكلام معك ضايع .. روح سو اللي تبي بس بتعرف غلطك بعدين .. فهد : ماله داعي هالنصايح لأني اعرفها زين .. مع السلامة الحين البنت بتدق علي بأي وقت وبتلقى الخط مشغول .. احمد : الله يهديـك .. مع السلامة .. شذى كانت على اعصابها ودقات قلبها رافضه تهدى .. وكل ماقربوا من المكان المتفق عليه زاد توترها وارتباكها .. شذى مغمضة عيونها بقوة : يا بناااات بشوف فهد بعد شوي تصدقون ولا لا .. انا مو قادره اصدق .. اريج تضحك : هههههههههه .. حبيبتي اهدي .. بعد شوي بتشوفينه مو زين كذا لازم تهدين وتبعدين هالتوتر .. مروى لما قربوا من المكان المنشود : الا اقول سيارته وش نوعها ؟!.. شذى تحاول تتذكر بس مو قادره : ما أدري نسيت .. وصلوا للمكان المقصود أخيرا ووقفوا سيارتهم بجنب سيارة فهد وهم ما يدرون .. شذى رفعت تلفونها بتتصل بس سمعت صرخة مروى : شــذى شوفيه شوفيه .. هذا هو جنبنا .. شذى مسكت قلبها وطلت من الشباك .. شافت وجهه بس من جنب ، وما كان صعب عليها انها تعرفه .. شذى حست وجهها يحترق : وربــي انه هو .. هو هو ..وااااي ما اصدق .. اتصلت فيه .. فهد : هلا حبيبتي وينك ؟!.. شذى وهي تضحك غصب عنها من الوناسة : هههههههههههههه .. فهد انا جنبك .. حلفتك بالله قولي انك انت اللي لابس أبيض بأبيض .. فهد ضحك : هههههههههههههههه .. انا هو بشحمه ولحمه .. ولف فهد راسه لورا يطالع اللي جالس بالسيارة جنبه .. وشافته شذى لما تأكدت فعلا انه هو .. وضحكت وهي ودها تصرخ من الفرح : ههههههههههههه .. الحين تاكدت .. يالله انا جاية .. ( وتنهدت ) .. آآآآآآآآآه يا فهد ما صدق انك على بعد خطوات مني .. فهد يضحك : ههههههههههه .. وانا انتظرك يالله تعالي ولا جيت انا بنفسي أخذك .. شذى بدهشة : تجي ؟!.. لا لا .. لا تجي اخاف عليك من عيون البنات اللي عندي .. فهد راقت له الفكرة وفتح الباب ونزل : انا جاي بنفسي .. شذى شهقت لما شافته ينزل : ...... فهد لا تجي والله بمووووت .. ضحك فهد وكمل طريقه وقرب من سيارتهم .. وعيون البنات تاكله اكل وهو يقرب .. كان فيه وسامة وجاذبية الشاب السعودي اللي يذوب البنات .. وصل للسيارة وفتح الباب الخلفي بجرأة .. وظهروا له اربع بنات كل وحدة طاقه اللثمة والميك اب كامل .. لفت نظره وحدة منهم كان مبين من عيونها النعومة .. كانت أكثر وحدة لفتت نظره .. فهد وهو ينقل عيونه بينهم : وين شذى ؟!.. وصله صوتها خافت والرجفة فيه : انا هنا .. كانت آخر وحدة وهي اللي لفتت نظره .. يعني جالسة بجنب الباب من الجهة الثانية .. سكر فهد الباب اللي فتحه بصمت وراح للباب الثاني عند شذى وفتحه .. فهد ماسك الباب ومبتسم وعيونه بعيونها : هاااا شرايك فيني ؟!!... شذى تطالعه بعدم تصديق : انت مجنووون ..!!! فهد ضحك : هههههههههههه ... مجنووون فيك يا بعد عمري .. والحين ياليت تنزلين وتشرفيني بسيارتي .. شذى داخت وراحت فيها .. أول مرة تشوفه يضحك بعيونها .. كانت تسمع ضحكاته بس الحين قاعدة تشوفه يضحك .. قبل ما تنزل لفت للبنات برجا .. يعني ادعوا لي ما أمووت .. ونزلت وهي بصعوبة تشيل روحها .. سكر فهد الباب ، وبجرأة مسك يدها وسحبها معه .. وشذى ما اقدر أوصف حالتها ، كل هذا كان فوق احتمالها .. ودها تصرخ .. ودها تصيح .. ودها تطير .. ودها تموت .. فهد فاجأها بتصرفاته .. ورغم الارتباك والتوتر الا انها تحس بنشوة سعادة .. فتح لها الباب وركبت .. وبعدها راح لمكانه وركب والابتسامة على وجهه : نورتيني يابعد هالدنيا .. شذى ساكته ومنزله راسها والحيا بياكلها : ......... ضحك فهد وحرك السيارة رايحين للفور سيزن بالمملكة .. وشغل مسجل السيارة على اغنية عبدالمجيد " ماقدرت اصبر " فهد لف لشذى اللي لازالت منزله راسها : حبيبتي ليش الحيا .. طالعيني والله مشتاق لهالعيون .. شذى رفعت راسها اخيرا وحطت عينها بعينه .. فهد بانبهار : كل هالحلا عندك وما علميتيني .. شذى : مو انت اللي كنت مو راضي اشوفك وتشوفني .. فهد : انا ؟!.. ابدا حببتي تعرفيني ماكنت رافض .. بس كنت انتظر الوقت المناسب .. وهذا الوقت جا اخيرا .. آآآآآخ ماصدق شذى حبيبتي .. بسيارتي وجالسه جنبي .. !!!.. ما صدق ..!! شذى تضحك : ههههههههههه لا صدق .. انا اللي حاسه نفسي بحلم .. فهد يغني مع الاغنية وهو يطالع شذى : ماقدرت اصبر وجيتك .. قبل موعدنا بساعه ... كملت شذى وهي تضحك : والغريب اني لقيتك .... تنتظر قبلي بساعه .. فهد : دامك انتا مثلي مشتاق ... ليه دايم بينا فراق .. وصلوا للممكلة أخيرا ونزلوا للفور سيزن ودخلوا المطعم وكل واحد ماسك يد الثاني .. شذى مو مصدقة اللي يصير حاسه نفسها بحلم حلو وبتصحى منه بأي لحظة .. اخذوا لهم زاوية بعيدة شوي عن الناس وجلسوا .. وانتظر فهد شذى تكشف له عن الوجه القمر خلف اللثمة .. وشذى طالعته باحراج : اخاف ما أعجبك ..!! ضحك فهد : ههههههههههه وليش ما تعجبيني .. يكفي هالعيون العذاب ..!! نزلت شذى عيونها للأرض وكشفت له وجهها اخيرا .. اللي طلع أحلى بكثـــير مما تصوره هو .. ظلت شذى منزله راسها مو قادره ترفعه .. ولا سيما ان فهد ظل ساكت فترة وما علق .. أو بالأحرى منبهـر !!! شذى رفعت راسها شوي شوي تشوف ردة فعل فهد .. وبعد لحظات شافت ابتسامته .. ابتسامة رضا ..!! طلعت شوق من غرفتها وراحت لغرفة ندى ودقت عليها الباب .. دخلت شافتها توها طالعه من الحمام بعد ما تحممت .. وقاعدة قبال المراية تسرح شعرها .. راحت شوق بضيق وجلست على طرف السرير وعيونها على ندى .. ندى انتبهت لنظرات بنت عمها العابسة .. اللي مبين فيها الضيق : شفيك شوق ليش معبسه ..!!! قامت شوق واقفة وتحركت بضيق : وش اقولك .... معاملة اخوك لي تضايقني .. ندى لفت لها مستغربة : تقصدين فهد ؟!.. ليش وش سوا ؟!.. شوق : وش تفسرين رده لي لما طلع اليوم .. ولا لما رجعت من الشرقية .. حتى كلمة حمدلله عالسلامة ما سمعتها منه .. ندى : انتي حاسه بشي ؟!.. شوق تنهدت بضيق : ما أدري .. بس حاسه انه زعلان من شي .. مع اني تأسفت منه عاللي صار مني وهو قال انه سامحني .. بس معاملته لي غريبة .. ندى وهي ترجع تلف للمرايه وترتب شعرها : شوق انتي تتوهمين .. ولا فهد دايم كذا لا تصيرين حساسه مرة .. سكتت شوق وراحت لطاولة عليها براويز لكل افراد العايلة .. ندى حاطة كل صورة على حدة ومرتبتهم على هالطاولة .. صورة ابوها وامها ونجلاء وفهد ونايف ومنى وعمر .. حتى انها أضافت صورة شوق لهم بالفترة الأخيرة .. وقفت شوق تتأمل الصور وحدة وحدة واستقر نظرها أخيرا على صورة فهد .... مدت يدها ورفعتها وتأملتها عن قرب .. ورجعتها موجة المشاعر من أول وجديد .. سألت نفسها عن حقيقتها للمرة المليون .. هذا اللي يسمونه الحب ؟؟!!.. هذا اللي يسمونه الهيام ؟؟!!.. انا عمري ما حبيت ولا أدري وش هي حقيقة الحب .. لكن فهد هو الوحيد اللي قدر يحيي فيني احاسيس غريبة اول مرة بحياتي اعيشها .. هو الوحيد اللي يقدر يخليني اعيش هالمشاعر الغريبة .. الحلوة ..!!! حطت شوق البرواز مكانه ولفت لندى المنشغله .. شوق بهدوء : ندى ..!!! ندى بدون ما تلف لها : هلا ... شوق وهي تحس بوجهها احمر من السؤال : اقول .... كان نفسي من زمان اسألك عن ... الـ .. عن الحب !!.. تركت ندى اللي بيدها ولفت لها : عن الحب ؟!!.. شوق هزت راسها بالايجاب : ايه .. وش كنتي تحسين لما كنتي تحبين احمد ...؟!!! ندى قطبت وقربت منها : وش هالسؤال الغريب .. اول مرة تسألين مثل هالسؤال ..!! شوق بعدت عنها وراحت عند السرير وجلست وهي تلعب بيدها .. كانت تبي تتأكد وش حقيقة هالمشاعر .. هل هو فعلا الحب اللي سمعت عنه وعن الناس اللي طاحوا فيه .. وذاقوا حلاوته ولوعتـه .. تبي تعرف اذا كانت طايحه بحب فهد أو لا .. تبي تستقر على بر .. لأن هالاحاسيس اللي تغزوها لأول مرة مسببه لها اضطراب كل ما شافته ، او بمجرد احساسها انه قريب منها .. شوق : ادري .. بس سؤال خطر ببالي وحبيت اسأل .. وش كان شعورك اذا حسيتي ان احمد قريب منك .. وش كنتي تحسين اذا طاحت عينه بعينك ؟!!!.. ندى استغربت من سؤالها بس جاوبت .. تنهدت وهي تتذكر : آآآخ .. وش اقولك بس .. اذا شفته احس بقلبي وده يطير .. احس من دقاته وده يطلع برا ضلوعي .. واذا حسيت انه قريب مني تصير عيوني بس تدور عليه .. واذا غاب لحظات احس بلهفه فضيعه له .. ووله كبير يملا صدري اذا غاب عني لحظات .. طالعت شوق ندى بصمت .. وتقبلت داخل نفسها الحقيقة اللي اكتشفتها للتو .. هي واقعه بغرام فهد .. واقعه بحبه .. طايحه بحب ولد عمها من راسها لأخمص قدميها ... كل اللي قالته ندى ينطبق عليها ..!!! فعلا كل ما غاب عن عينها تحس بشوق كبير ووله .. واذا طاحت عينها عليه تحس بقلبه بيطير من كثر دقاته .. تنهدت شوق بعمق وهي ما تدري هل تفرح أو تحزن من اللي صار لها .. ندى باستغراب : بس تعالي .. وش سر هالسؤال الغريب .. لا يكووون تحبيــن ..؟!!! شوق طالعتها بارتباك وضحكت بتصنع .. وقررت تخفي هالسر عن الكل حتى عن ندى : هههههههههههههه .. وش قلتي ؟!.. احب ؟!.. ههههههههههههه .. يا حليلك يا ندى تعرفين تنكتين ؟!.. هههههههههههههههه ..!!! ندى بخبث : علينا .. علينـا يا شووق .. انتي وراك شي من هالسؤال .. بس اعترفي احسن لك .. شوق مستمرة بالضحك بتصنع : هههههههههههههه .. مافي شي بس حبيت اخذ خبرة .. عشان لما أحب اخبرك .. ههههههههههههه ..!!! عفست ندى وجهها وبنظرة شك لشوق : أيـه طيب بنشوف ... شوق : ليش يعني منتي مصدقتني ؟!.. ندى هزت كتفها ورجعت تكمل شغلها : لا .. بس سؤالك بهالوقت بالذات غريب .. شمعنى الحين تسألين ..؟! شوق ماعرفت ترد فبكل بساطه هزت كتفها ، يعني مو قصدي شي .. وأخيرا طلعت من الغرفة هرب.. ببيت ابو احمد .. طلعت نوف من غرفتها وهي مو حاسه بعمرها .. من جت من الجامعه لما الحين وهي نايمه بتواصل .. والحين ( طالعت ساعة يدها وهي تترنح نازله الدرج ) الساعه صارت تسع بالليل .. يعني أكثر من ست ساعات قيلولة .. حشا ماصارت قيلولة هذي يا نوف !!!.. وصلت للصالة تحت وهي حاسة بصداع يضرب براسها .. شافتها امها وسهى اللي كانت جالسه .. ماقدرت سهى تمسك بطنها من الضحك .. سهى منسدحة عالكنبة من الضحك : ههههههههههههههههه .. نوف تكفين روحي شوفي شكلك .. ههههههههههه .. وربي ولا شبح في بيت رعب .. ههههههههههههههاي ..!!! نوف كانت ماشيه ناحية المطبخ ، وقفت وطالعتها بطرف عينها بنظرة مررررعبة .. وخاصة انها توها قايمة والنوم للحين على جفونها .. نوف بنبرة هادية عن غير المعتاد لكن مرعبة ومهددة : وربي لو ما تبلعين لسانك لأجي انا وأبلعك اياه .. سهى سكتت واختفت ضحكتها وقربت من امها مثل الطفلة الصغيرة تحتمي فيها : يممممه والله تخوفين .. روحي روحي ببلع لساني .. نوف عطتها نظرة اخيرة أقوى من الأولى وراحت المطبخ .. ومن دخلته سمعت ضحكة سهى وراها .. مالها خلق مناقر معها ، راسها يعورها ، فصلحت لها كوب كوفي يروقها .. ولما رجعت للصالة لقت امها وسهى يتناقشون بسالفة المزرعة اللي قرروا يروحون لها نهاية الاسبوع .. سهى مبين عليها الحماس ، لأنها كانت تتمنى تطلع للمزرعة خاصة مع بنات عمها .. نوف ظلت تسمع لكلام امها واختها بصمت ، ومبين عليها وكأن الموضوع ماهمها .. لأنه أصلا ماهمها .. سهى لفت لنوف اللي كانت تطالع التلفزيون وترتشف قهوتها : نوووف .. نوف بدون ما تبعد عيونها عن التلفزيون : همممم ... سهى : وش رايك بالمزرعة ؟!.. ما اشتقتي تروحين لها ، والله من زمان عنها صح ..؟!. نوف ببرود : لا غلط .. لأني ما اشتقت لها ولا أبي اروح .. سهى : وليش ما تروحين والله بتفوتين عليك الوناسه والفلللله .. نوف : وناسه مثل هذي ما أبيها .. سهى : وش فيك طيب ليش ما تبين تروحين ..؟!!.. غريبة ما توقعت كذا يكون ردك .. نوف كرهت انها تستمر بالكلام في هالموضوع ، لأنها ماتبيهم يحنون عليها ويجبرونها .. فقامت واقفه بتروح فوق نوف : انا بطلع لغرفتي .. وراحت فوق وهي خايفة من سكوت امها اللي قبل شوي .. كانت ساكته وما علقت على رفضها وخايفه لا تكون بتجبرها في النهايه .. قررت تتمسك بقرارها مهما حاولوا يقولون .. اذا هذي الروحه من تخطيط بدر فـ أنا ماني رايحه يعني ماني رايحه .. دخلت غرفتها وقفلت الباب عشان مايزعجها احد ، وسمعت جوالها يدق .. راحت تشوف لقتها دلال بنت عمها .. نوف : هلا دلال .. دلال : أهليـن وسهليـن بنت عمي .. وش هالدلع هذي ثالث مرة ادق ولا تردين .. نوف وهي تدور بالغرفة وتشرب من كوبها : ماكنت بغرفتي توني جايه .. دلال مبين بصوتها الحماس : المهم ماعليــنا .. سمعتي عن طلعتنا للمزرعة نهاية هالاسبوع .. نوف ببرود وهي زهقانه من تكرار هالموضوع على راسها : ايه سمعت .. دلال بحماااس أكبر : أخييرا فكروا فينا انا والله مشتاقه لها من زمااااااااااان .. نوف سكتت ولا هامها الموضوع من اصله وجالسه تشرب من الكوفي باستمرار تبي تنسى كل اللي تفكر فيه .. نوف : ............ دلال صرخت لما تنرفزت : ألوووووووووووووه ... نوف صرخت وهي توقف من صوتها اللي صم اذنها : وجععععععععععع يوجعك يا حماااره وش شايفتني صمخى ما اسمممممع ..أذني راااااحت وعمى .. دلال متنرفزة : انا ادري عنك .. !!! .. انا متحمسة وانتي تكلميني بكل برووود .. ولا كأن شي هامك .. نوف : ايه .. ماهمتني دلال : شلون يعني مارح تجيـن ..؟!.. نوف : لا .. دلال باستغراب : وليش ان شالله وانا اللي داقه عليك لأن فرح قالت لي نتفق معكم .. احنا البنات .. نوف بتساؤل : نتفق ؟!... نتفق على أيـش ؟!.. دلال : انا وفرح وحنان نبي نسوي شي سبشل لما نروح هناك .. نبي نفاجئ بدر .. نوف جتها غثة لما سمعت باسمه : بدر ؟!.. يـع .. دلال عصبت : لا تقولين يع .. مهما كان هذا اخوي ... انا بس ابي اعرف انتي ليش تتكلمين عنه دايم كذا .. ذابح لك أحد ولا ماكل حلالك .. هاااااا نوف : مالك شغل ليش اتكلم عنه كذا .. انا حرة اكلم اللي ابي بالطريقة اللي تعجبني .. دلال تنهدت وهي عارفه انها مارح تنتهي اذا دخلت بنقاش محتدم مثل هذا مع نوف : طيب ما علينا .. تدرين وش بنسوي ؟!.. نوف بنبرة عدم اهتمام ، بس انها قاعده تجاري دلال : وشو ؟!.. دلال : نبي تخليها مناسبتين .. أول شي رح نحتفل بميلاده .. وثاني شي نبي نعيد فرحتنا فيه بنجاحه .. ونبيها تكون عائلية وننبسط على كيفنا هالمرة .. بعيد عن المعازيم .. نوف بقرف : يااااع !!!.. وش قلتي تحتفلون بميلاده ؟!.. بعد هذا اللي ناقص .. عيب يا ماما ما يجوز هالشي .. دلال بطولة بال : اووووكيه .. مارح اقول عيد ميلاده .. بنقول يوم ميلاده طيب .. وبعدين بلا هالمثالية ، تراها كلها يوم وننبسط .. نوف : لا اسمحي لي .. انا مارح اشارك معكم لأني اصلا مارح أجي .. دلال باحباط وضح بصوتها : وليش عاد ماتجين ؟!.. والله الوناسة من غيرك ما تكمل .. نوف مصممة على موقفها ولا يمكن تتراجع : لا يعني لا .. دلال بضيق : اوووفففف .. خلاص بالطقــاق عمرك ما جيتي .. يا شين اللي يتغلون .. نوف راحت للمرايه وفكت شعرها لم تناثر على كتفها بدلال : يحق لي يا حبيبتي .. وبعدين نصيحة وحدة اتمنى تفهمونها كلكم .. ترا هالأخو اللي انتم فرحانين فيه ما يسوى تراااااب .. دلال عصبت وسكرت السماعه بوجهها .. ونوف ظلت تضحك ، خلهم يفهمونه على حقيقته .. انا خلاص مستحيل اعطي بدر أي فرصة انه يستغلني .. انا ماني غبية ولا مخفة عشان تمر علي هالحركات الملعوبة يا بدر .. واحلم يصير لك اللي تبيه .. احلـــم .. مسكت جوالها ورجعت تفتح المسجات اللي وصلتها منه .. وتعيد قراءتها كل شوي .. دلال من بعد ما سكرت من نوف دخلت عليها فرح تشوف آخر الأخبـار ، على حسب اتفاقهم .. فرح : وش صار كلمتي بنات عمي ولا لا ؟!!.. دلال متنرفزة : كلمت نوف هالعلة .. تقول مارح تجي هي .. فرح باستغراب : ليـش ؟!.. دلال : ما أدري .. واللي قاهرني انها تسب وتشتم في اخوي بدر وانا مو قادره اسكتها .. قهرتني ..!!! فرح شوي وهزت كتفها : بكيفها اصلا نوف دايم كذا متقلبة المزاج .. محنا جابرينها على شي .. دلال بقهر : آآآآخ بس لو تسمعين وش قالت عن بدر .. تقول تراه ما يسوى تراااب .. تقهررررني .. فرح ضحكت وطلعت لأنها عارفه كلام نوف عن اخوها .. مو هالمرة هي الأولى اللي تتكلم فيها نوف عن بدر بهالاسلوب .. ففرح اعتادت على عدائية نوف تجاه اخوها رغم انها تجهل الأسباب الحالية .. في بالها ان الاسباب ترجع لأيام ماكانت نوف صغيرة .. ومحد يدري ان بدر بدال ما يخف زاد تولع فيها وشغف .. اما دلال .. مع انها أصغر وحدة من خوات بدر وعمرها 17 سنة الا انها تعز اخوها بدر بشكككل كبير وماترضى عليه وتشوفه مفخرة لها ، وتقدر به ترفع راسها امام الناس .. هذا غير حبها له .. طلعت دلال من غرفتها بعد فرح وشافت بدر يطلع من غرفته ووجهه متغير .. مبين تعبان وعيونه غريبة .. راحت له بلهفة وهي خايفة عليه : بدّووور .. شفيــك ؟!.. طالعها بدر بابتسامة باهته بس حنونه : شفيني ؟!.. مافيني شي .. دلال قربت وحطت يدها على جبهته : تعبااان شي ؟!.. بدر مد يده وقرص خدها بمرحه المعهود : مافيني شي .. انا مثل كل يوم .. دلال بقلق : متأكـد ؟!.. بدر ضحك وراح عنها بينزل : شلون يعني انا اكذب ..؟!.. دلال : لا بس ... ( وتتأمله ثاني مرة من فوق لتحت بقلق ) .. بس شكلك غير اليوم .. كأنك تعبان ... بدر وهو ينزل وناوي يطلع : متضايق شوي بس .. تعرفيني توني قايم من النوم وانا العاده اذا قمت اكون شوي متضايق .. دلال وهي تراقبه ينزل : وين بتروح الحين ؟؟!!.. بدر بحنية : بطلع .. تبين شي مني اجيبه وانا راجع ؟!.. دلال ابتسمت له وبنفسها تسب وتشتم نوف ألف مليون مرة لأنها تغلط على اخوها اللي ما فيه منه : لا شكرا .. بدر طلع وركب سيارته ، واتصل على سلمان عشان يلاقيه بأي مكان .. وتلاقى وياه بوحدة من الكافيهات .. سلمان لاحظ وجهه المتغير واقلقه هالشي .. سلمان : حبيبي بدر ... بدر تنبه له : هلا .. سلمان : شفيــك ؟!.. مو من عادتك تجلس ساكت بمكان ومالك لا حس ولا صوت ..!!!... ( بدر ساكت ) ... بدّووور .. شفيك ساكت ،.... بدرطالعه بنظرة هادية وهز كتفه .. مو لاقي اللي يقوله ، أو لأنه ماله خلق للكلام .. ولاّ كان حصل اللي يقوله .. نوف صارت تحتل الجزء الأكبر من تفكيره .. وكل مالها تتربع على عرش قلبه ، وهو مو قادر يمنع هالشي ، حاول مرارا وتكرارا انه يبعدها عن ذهنه ، بس هي عنيدة حتى بقلبه .. ابتسم بدر ، مدري ابتسامة ضيق ، او ابتسامة سخرية .. سلمان يراقب ملامح بدر بصمت .. وبدر مبتسم وهو سرحان ، نوف مع علمه لكرهها له متولع فيها ، وكل يوم عن يوم يزيد شغف فيها وهو مو لاقي حل عشان يوقف هالشي ويمنعه انه يملك قلبه ، اكثر من ماهو مملوك منها .. سلمان قاطع سرحانه بضيق : بس خلااااااص تراك زودتها حبتين ، ليش ساكت تكلم وخل عنك هالأفكار اللي بتذبحك .. مارد بدر لأنه اصلا مو لاقي رد ، وهو يفضل الصمت بهالحالات .. سلمان يحاول ينسيه اللي قاعد يفكر فيه : الا ماقلت لي .. وش صار على مشكلتك اللي مدري من وين جت ؟!.. بدر رفع عينه له وهو شبه متبلد من هالسالفة اللي تقريبا يأس منها : أي مشكلة ؟!.. سلمان رفع حاجب مستغرب : أي مشكلة ؟؟!!!!.. اجل اللي صاير لك مع بنت عمك ما تسميه مشكلة ؟!.. الا مشكلة وكبيرة بعد .. مسألة مستقبل هذي ترا .. بدر بعد عينه بكل برود ولا كأن الموضوع يخصه : أدري .. وش قالوا لك عني ما احس ولا افهم .. سلمان مبين حريص على هالموضوع : اجل وش ناوي تسوي ؟!.. ترا بنت عمك هذي زودتها كلمها خلها ترجعها ولا انا اللي بتدخل واكلم الوالد واقوله عن كل شي وهو يكلم عمك .. بدر تحرك بمكانه من الضيق : سلمان !!... هذي مشكلتي وانا بحلها بطريقتي .. رجاء لا تتدخل انا بتصرف .. سلمان يطالعه باستغراب وضيق بنفس الوقت ، لأن بدر ما تصرف للحين بجدية بهالموضوع الخطير : شلون بتتصرف وانت حضرتك جالس بمكانك ماتحركت ولا خطوة عشان تنقذ نفسك ..!!! بدر يبي ينهي الموضوع : سلمان حبيبي بس خلاص ، قلت لك قفل السالفه انا بتصرف .. سلمان يطالعه بشك وريبة : والله اشك انك بتسوي شي ..!! بدر : سلماااان .. خلاص قفل السالفه لا تشيل همي .. سلمان هز راسه بيأس من عناده ، بدر يقول بيحل السالفه بس ما تحرك للحين ولا سوا شي وهذا مو في صالحه لازم يستعجل ولا كل شي بيرووح .. سلمان : اوكي بسكت .. بس ان ما استعجلت بتندم .. بدر بضيق كبير : طيب بس قفل هالسالفه اللي غثتني .. ولا عاد تجيبها على لسانك لأني مليت من تكرارها وانا فاهمها .. معد ابي اسمعها ... سلمان رفع يديه باستسلام : حاااااااضر مارح اجيبها على لساني ، والحين خل نغير السالفه .. رجع بدر لصمته المطبق مرة ثانية ، اما سلمان راعى هالشي وجلس ساكت ينتظر رفيقه لما يتكلم على راحته .. بدر بشكل تلقائي وبدون تخطيط مسبق مسك جواله وأرسل مسج لنوف بدون ما يفكر باللي ارسل فيه .. عقله بذيك اللحظات متوقف واللي قاعد يحركه كان قلبه .. هب الشمال وجابت الريح ذكرى ياليت لي فـ بال الأحباب طاري ياما على وصلك تحريت ذكرى وياما ع طاريك عطرت داري لمصافحك كفي من العام عذرا تغار من لهفة يميني يساري وأرسل بعدهــا : اتركـ جمالكـ ياحبيبي على جنب غير الحلا يعجبني بزود طيبكـ كلكـ على بعضكـ تجنن وتنحب حظي كبير اللي جعلني رفيقكـ إن كان حبي بنظر بعضهم ذنب يامرحبا والله بذنب يجيبكـ ماقول غير الله يخليكـ يارب ويعمي عيون من حسدها تصيبكـ طول سكون بدر وطول وقته وعيونه على شاشة الجوال ، وسلمان يراقبه بقلق ، كانت حالة بدر غريبة اول مرة سلمان يشوفه فيها .. بدر العادة بأي مكان تكون البسمة على شفاته ما تفارقه .. والضحكة عالية والكل حولهم يسمعها هذا غير السوالف اللي تخلي الشباب سواء يعرفونه من قبل او ما يعرفونه يجون ويسمعون له بسبب روحه المرحة الخطيرة ، واللي تجذب كل اللي حوله له .. بس الحين بدر ماهو بدر .. عابس ، اختفي من عيونه لمعانها المميز .. شكله غريب ، تعبان ، منهك ، محطم ، والأهم من هذا كله ، انـه عــاشق .. شي يتعب القلب .. بالأخير اقنعه انهم يطلعون بالسيارة يفترون ويروحون أي مكان بمحاولة من سلمان انه ينسي رفيقه .. نجلاء كانت على حالها من حزنها وصدمتها اللي هزت كيانها بقسوة ، صحت بعد ما انتبهت لنفسها ان النوم غلبها بغرفة طفلها المنتظر .. لكن .. هل بيجي ولا لا ؟!!.. قامت واقفه ومشت بتثاقل لخارج الغرفة بعد ما سكرت النور والباب .. ولما وصلت للصالة لفت تطالع الساعة المعلقة .. الساعة عشرة ونص .. وسعود للحين ما رجع .. مر ببالها النقاش اللي دار معه اليوم .. كانت تتمناه يكون حلم .. تتمناه كابوس وصحت منه ، اللي قاله لها سعود اليوم عمرها ما تخيلت انه يصير .. بعد هالحب اللي جمعهم ، وبعد هالوئام ؟!.. ممكن في شي بيفرق بينهم ؟!.. سمعت صوت الباب يفتح بهاللحظة وظلت بمكانها ما تحركت ، العادة لما تسمع صوت الباب تركض له بلهفة وتستقبل سعود بحرارة .. بس الحين ، سكنت في مكانها وما تحركت .. بانتظار سعود يجي امامها ويبرر لها طلب امه .. بعد لحظات طل عليها سعود والشماغ على كتفه ، والانهاك والتعب ماخذ مأخذه منه .. ابتسم لها بحب ، وكانت ردة فعلها انها صدت وراحت للمطبخ تداري دموعها .. وحزنها ، وخوفها ، ...... دخل عليها بالمطبخ وهي مو معطيته وجه ، وبدت تحضر للعشا بصمت ، تطلع الصحون وتروح وترجع للثلاجة تاخذ حاجاتها .. سعود وقف عند الباب ينتظرها تعطيه نظرة ، لكنها كانت تعامله ولا كأنه موجود .. سعود بهدوء وهو متعنز عالباب : نجلاء ... نجلاء تتحرك بالمطبخ بدون ماترد : ........... سعود يتنهد وهو عارف بالضبط وش اللي مضايقها : حياتي ... نجلاء معطيته طاف : ........... سعود وهو تعبااان حده : كلميني طيب .. مايصير كذا ما تردين علي .. تعالي خلينا نتكلم .. نجلاء ولا حياة لمن تنادي ، بدت تغسل الصحون بالمغسله ومعطيته ظهرها .. اما هو راح لها بقلة صبر وسحبها من ذراعها يجرها معه للصالة ، وجلسها عالكنبة بالغصب وهي مبوزة والقهر مبين بعيونها .. سعود ضحك وركع قدامها : ههههههههههههه .. الله لا يخليني .. ليش زعلانه طيب ؟!.. نجلاء تطالعه بحنق والدموع مستعدة بأي لحظة انها تهل : تبيني اضحك حضرتك .. بالله هذا شي يضحك .. امك ناويه تهدم حياتنا وانت تبيني اضحك واتبسم .... و......... غابت كلماتها وغلبتها دموعها ، وغطت وجهها بيديها ودخلت بنوبة دمووع حاارة ، وهي تتكلم بكلمات مو واضحة من البكي .. سعود حن عليها وما يرضى ابدا تكون حبيبة قلبه وروحه وشريكة حياته تذرف هالدموع لسبب يعتبره هو.. أقل ما يقال عنه انه سخيف !!!.... سخيف لأنه مستحيل يصير .. قام وجلس جنبها وضحك بحنية : يعني يا حياتي انتي مفكرة اني بسوي هالشي ؟!.. نجلاء مغطية وجهها ومستمرة بالدموع : ........... سعود بعتاب واضح بصوته يخالطه بعض الأنهاك والتعب : حبيبتي وربي اني تعبان لا تزيدين علي .. شلون تفكرين اني ممكن اسويها .. افكر انتحر قبل لا أسوي هالشي يا نجلاء .. انتي حبيبتي وحياتي وتفكرين اني ممكن اهدم حياتي معك بيدي .. هدت نجلاء وسكتت بعد ما سمعت هالكلمات .. رفعت راسها وطالعت بعيونه ، بحب ، ورجاء انه ما يتركها مهما صار .. لأنها تحبه ، تحبه وتمووووت فيه ولا تقدر تعيش بدونه .. نجلاء بصوت متقطع : طـ... طيب وامك ؟!.. ليش طلبت هالطلب ؟!.. تنهد سعود وبعد عيونه عنها : امي يا نجلاء .. مريضة ... ومفكره انها بتموت ، واحنا لنا فترة متزوجين وما جبنا أطفال لحد الحين ، فتبيني اتزوج عشان تشوف عيالي .. نجلاء صدت عنه وهي منزله راسها ، هالسؤال صار يراودها الفترة الأخيرة ، ليش انهم لحد الآن ما انرزقوا بأطفال .. باقي كم شهر ويكملون السنتين على زواجهم .. ونجلاء بدت تخاف لا تكون العلة فيها .. سمعت سعود يتكلم وهو يطوقها بذراعه وبصوته الحب الكبير والحنية : وانا لا يمكن اجيب طفل من غير حياتي وقلبي نجولة ...نجلاء حياتي انا اذا طفل بيجي من غيرك ما أبيه ، أبيك تكونين انتي امه ، ولا يضايقك اللي عرفتيه لأني مستحيل ارضى فيه ( ويقرب من اذنها ويهمس وهي تبتسم ) .. لأنك انتي كل اللي لي وما أبي غيرك .. زادت ابتسامة نجلاء ولفت له تطالعه بصمت .. والحين لاحظت التعب الغريب على وجهه وبحنية حطت يدها على خده .. نجلاء : شفيك حبيبي ؟!.. تعبان الحين ؟!.. سعود تنهد : ما شفتي الأخبـار ؟!!.. نجلاء هزت راسها بالنفي وعيونها تتساءل ، وقف سعود بيروح للغرفة ، وبانت بهاللحظة بقعة حمـراء بكمه وشوي على صدره .. الحين لاحظتها نجلاء .. وشهقت وهي توقف مرتاعة ..!!!! نجلاء وهي تأشر مرتاعه للي تشوفه : سعود ..... وش هالأحمر ..؟!!!! سعود ضحك ضحكة لا تتناسب مع الموقف : وش تشوفين ؟!.... دم ..!!! شهقت نجلاء بخوف : دم ؟!!!... لـ ... ليه شفيــك ؟!!.. وش صاير لك ؟!!.. سعود وهو يحك راسه ويفرك عيونه بتعب : سلامتك ... اليوم كانت عندنا عملية مداهمه .. وواحد من الضباط اللي كانوا معي صابوه بطلقة .. مسكت نجلاء قلبها وقربت منه وهي ترتجف : عملية ؟!!!!.. عملية وشو ؟!!.. وانت صار لك شي ؟!!.. قربت منه تتفحصه والشي اللي اقلقها بقعة الدم الكبيرة بكمه .. سعود : اكيد قالوا كل شي بالأخبار .. نجلاء : وهالدم دم مين ؟!!.. سعود : دم الضابط اللي كان معي .. نجلاء بخوف : لا يكووون مات ؟!!.. سعود ابتسم : لا الحمدلله ما مات .. والحين هو بالمستشفى .. اصابته مو خطيرة .. تنهدت نجلاء بارتياح : الحمدلله .. وانت متاكد انك سالم ماصار لك شي .. سعود مبتسم بطولة بال: لا .... والحين تسمحين لي اروح اخذ لي دش وارتاح .. نجلاء ضحكت براحه لما تأكدت انه سليم ومعافى : لا .. هههههههههههه .. اسمح لك اكيد والحين تفضل روح لما اخلص العشا .. راح سعود للغرفة بينما نجلاء بالمطبخ تكمل اعداد العشا ، ولما خلصت رتبت السفرة عالطاولة بالصالة والتلفزيون مفتوح .. وهي تتحرك رايحه راجعه من المطبخ للصاله لفت انتباهها خبر بالتلفزيون .. وقفت مكانها تسمع وتشوف .. الخبر كان عن مداهمة صارت اليوم بمدينة جدة في وحدة من البيوت موجودة بحي سكني معروف .. المداهمه كانت ناجحة نتجت عنها مقتل واحد من الارهابيين واعتقال ثنين منهم ، كانوا ينوون تفجير وحدة من السيارات بقرب مجمع سكني .. واثناء هالخبر صدر مثل البيان عن وزارة الداخلية تشكر كل من شارك في هالعملية .. وقائد الفرقة اللي مثلوا العملية .. وصدر اسم سعود زوجها بأول القائمة ... اللي كان قاد فرقته بكل نجاح وشارك بفعالية فيها .. ابتسمت نجلاء بفرح وفخر وراحت لسعود بتخبره ، لقته للحين بالحمام ، رجعت بتطلع من الغرفة لكن دق جواله اللي كان مرمي عالسرير مع بوكه ومفاتيحه .. راحت بتشوف لقته رقم غريب ... مو رقم امه ولا اخوه ولا احد من اهله .. الاسم ماكان ظاهر بس مجرد رقم وهذا يدل على ان الرقم مو مسجل اساسا بالجوال .. ترددت ترد او لا ، بس بهاللحظة سعود طلع وشافها واقفة والجوال بيدها وتطالعه .. سعود يمسح وجهه بالمنشفه : مين اللي يدق ؟!.. هزت نجلاء كتفها ، وسعود راح واخذ الجوال يطالع الرقم ، وعبس وارتفعت عينه لنجلاء بنظرة غريبة .. نجلاء وهي تنقل نظرها مابين سعود والجوال : مين اللي يتصل ؟!.. سعود مارد وكل اللي سواه انه شال عمره وطلع برا الشقة .. نجلاء كلت الحيرة قلبها وعقلها ، من هاللي يتصل بعد .. طلعت من الغرفة بدورها ومرت بجنب باب الشقة ، وسمعت صوت سعود يتكلم بالسيب الخارجي للشقة .. مبين بصوته العصبية واضحة ، وقفت تحاول تسمع الكلمات ، ماسمعت شي واضح سوى صوته مرة يعلى ومرة ينخفض بس ما ميزت الكلام ، رجع لها الخوف .. معقولة تكون امه ، .. اكيد رجعت تطالبه بطلبها .. ضمت نجلاء يدها لصدرها بخوف وتسندت عالجدار بجنب الباب ... أكيد امه .. اكيد تبي تخرب حياتي وحياته .. لمعت دموعها بس نجلاء تذكرت كلام سعود لها وحاولت تمسك نفسها .. سعود وعدني ولا يمكن يخلف بوعده .. وحتى لو كانت امه ، يظل الوعد وعد ...!!! نفضها من مكانها صوت تلفون الشقة يدق ، راحت له وردت .. نجلاء : الووو .. ....: السلام عليكم .. نجلاء قطبت مستغربة وراحت عيونها ناحية باب الشقة ، شلون يصير هالشي ..!!!!! .... : نجلاء !! نجلاء انتبهت لنفسها وزادت حيرتها : هلا خالتي .. ام سعود : هلا بك .. شخباركم وشخبار سعود ؟!.. نجلاء تتكلم بدون وعي وكل فكرها عند سعود : تمااام خالتي كلنا بخير .. اذا خالتي ام سعود جالسه تكلمني الحين ... اجل سعود من جالس يكلم ..!!!.. ام سعود بصوتها الفخر : شفتي وش قالوا بالأخبـار ؟!.. نجلاء ابتسمت : ايه خالتي .. بكل القنوات الخبر الحين .. ام سعود : وسعود عسى ما تضرر بس ..؟!! نجلاء : لا ارتاحي خالتي حالته كويسه ومافيه شي .. ام سعود : وينه الحين ؟!.. ابي أسلم عليه وأبارك له .. نجلاء ما تدري وش تقول : خالتي سعود جالس يكلم تلفون الحين .. ام سعود : من يكلم الحين ؟!! نجلاء ونفسها تعرف جواب لهالسؤال : والله ما أدري .. هالاتصال اللي جا سعود الحين ، تشبه الاتصالات اللي كانت تجيه طوال اسبوع فات ، يعني الاتصالات ماكانت من خالتي لحالها ، فيه أحد يتصل فيه ويخليه بهالعصبية دايما .. يعني .. يعني سعود خدعني لما قال ان الاتصالات بس من امه .. ام سعود : خلاص اجل ماطول عليكم .. ولما ينتهي سعود ويفضى خليه يتصل فيني .. نجلاء : ان شالله .. في بيت ابو فهد .. الكل مجتمع عند التلفزيون يتابعون الخبر .. وخاصة بعد ما انذكر اسم الضابط سعود زوج نجلاء فيه ، وانه هو منفذ العملية هو وفرقته .. نايف المعجب الأول بسعود متابع للخبر من أوله .. ابو فهد وام فهد نفس الحاله جالسين ومتابعين ومعهم ندى وشوق ومنى .. اما فهد .. للحين غايب عنهم بموعده الغرامـي مع شذى ...!!! ابو فهد بفخر : والله انه بطل .. قدر يجيبهم واحد واحد .. ندى بوناسة : يااااااااي ماصدق ان هالانسان اللي طيحهم واحد ورا الثاني يكوون زوج اختي ..!!!.. يابختي ..!!! شوق تضحك على خبالها ونايف يتنحنح بفخر.. نايف يلف لأبوه : يبا انا قررت .. ندى : وش قررت يافهيم .. نايف مارد وظلت عيونه على ابوه : يبا انا كنت مقرر من قبل يا اكون ضابط او طيار .. لكن الحين اقول ضابط يعني ضابط .. ابو فهد يضحك ويفتخر : ههههههههههههههههه .. كفو والله ، قدها وقدود ... تنحنح نايف برضى وفخر بنفسه ورجع عيونه للتلفزيون ,.. كانت الساعة 11 وربع لما طالعت ام فهد الساعة ، ولفت لابو فهد .. ام فهد : شرايك تكلمه الحين وتبارك له وتشوف اخباره ، وان شالله ما يكون تضرر .. ابو فهد راقت له الفكرة : ايه عطينا لازم اتصل فيه .. اتصل عليهم ورد عليه صوت يحبه قلبه .. نجلاء : يا هلا .. ابو فهد : يا مرحبا والله بمرة البطل .. شخباركم شعلومكم ؟!.. نجلاء تضحك : هههههههههههههههه .. الله يسلمك يبا ، احنا بخير الحمدلله .. ابو فهد : شخبار الضابط ؟!! نجلاء تضحك : هههههههههههه ، بخير يبه يسلم عليك .. تدري يبه كم اتصال جا لنا بربع ساعه بس .. ست اتصالات من اهل سعود واصدقائه وحتى من صديقاتي .. كلهم يباركون له ولي ويسلمون عليه .. ابو فهد يضحك بفخر : أيــه والله اللي سواه ورجاله مو شي سهل .. وينه انا حبيت اسلم عليه .. نجلاء : هذا هو بيجي .. وبعد لحظة يمسك سعود السماعه ويرد بفرح : يا مرحبا عمي .. ابو فهد : مرحبتين .. مبروووك يا سعود الله يجزاك خير ويحميك من كل شر .. الحمدلله عالسلامة عالخروج سالم .. سعود : الله يسلمك .. مشكوور عمي ماعليك زوود ..!! بعد مكالمة مليئة بالتهاني والتبريكات على هالانجاز يسكر ابو فهد السماعة وهو حاس بفخر عظيم لكون ان سعود فقط زوج بنته .. وهو يسكر السماعه يدخل فهد عليهم والكل يلتفت له .. تقدم فهد لهم وهو يطالعهم بنظرة غريبة ، مستغرب من تجمعهم الغريب قبال التلفزيون .. شوق رجعت لها داومة المشاعر اللي عرفت بداخلها انه الحب ماغيره ، وبعدت عيونها عنه وحطتها بالتلفزيون .. فهد : شفيكم ؟!.. ندى تأشر له بيدها وبحماااااس كبير : تعااااال شوف الأخبار والقنوات وش قاعدة تقول عن اللي صار بجدة اليوم .. رجل اختك سواها ... طيحـــهم ..!! فهد باستغراب : سعود ؟!.. شفيه ؟!!.. جلس فهد بالكنبة وشاف الصور والأخبار .. وما خفى عن الكل فرحه وافتخاره بهالشي .. فهد : وكلمتوه ؟!! ابو فهد : كلمته قبل لا تدخل .. بخير وعافية ما صار له شي .. الحمدلله .. تموا متسمرين يتابعون الأخبار بمختلف القنوات ، لما جت الساعة 12 .. الكل طلع لغرفته الا فهد جلس بالصالة لحاله ، ندى سبقت شوق لفوق ، وشوق راحت للمطبخ تاخذ لها جلاس موية .. ورجعت للصالة بتطلع لغرفتها ولما وصلت للدرج سمعت جوال يدق ، كان جوال فهد .. وسمعت صوته يرد .. فهد : هــلا .. شوق صار الفضول يذبحها ناحية فهد .. صارت تحس وتشتاق انها تعرف كل شي عنه .. بالنسبة لها فهد .. حبيب مجهول .. !!!.. هذا اللقب اللي طرى على بالها وهي تطالعه يكلم ويضحك .. ماكذبت لما قالت حبيب مجهول .. بالنسبة لها اقتنعت انها غارقه بحبه ، لكن هو بالنسبه لها مجهول ، كل اللي تعرفه عنه انه ولد عمها .. لكن فيه اشياء تجهلها .. نفسها تعرفها .. والسؤال الاول اللي خطر ببالها هو : ياترا .. هل فهد مر بتجربة عاطفية من قبل .. هل بقلبه احد .. هل هو عايش حب أو عاش حب من قبل .. مثل ما انا بديت اعيشها معاه ؟!!!.. نست شوق نفسها وهي واقفة عند الدرج وعيونها على فهد ، اللي قام واقف بعد ماسكر التلفزيون واتجه للدرج بيطلع فوق .. وانتبه لها واقفه تطالعه بسكون .. شوق ما انتبهت له الا لما وقف قبالها ناوي يطلع وبعيونه مستغرب والجوال باذنه : شفيك واقفه ؟!!.. شوق ببلاهه صحت من سرحانها وافكارها : هاااه ؟!!.. فهد مارد الا انه بدا يطالعها من فوق لتحت بتساؤل .. وشوق تدراكت موقفها : لا .. بـ.... بس كنت ... آآآآ .. فهد ما اهتم ورجع للجوال وهو يطلع الدرج : ايوا هلا ... لحظة ... هههههههههههههه ..!!.. شوق طلعت الدرج وراه واذنها تسمع لكل كلمة يقولها .. اكتشفت انها صارت تهتم كثيــر له .. وهو مبين مو معطيها وجه ..!! اتجه فهد لغرفته وشوق لغرفتها .. وقبل لا تدخل سمعته يناديها : شـووق .. من غير شعور التفتت له تلبيـه : لبيـه ..!! وقفت عند باب غرفتها تشوف وش يبي .. وهو كان يبي يقولها شي لما شافها بتدخل غرفتها ، يبي يقولها أي شي .. بس انتبه لنفسه وتراجع باللحظة الأخيرة .. مع ان شذى هي اللي تكلمه عالطرف الثاني .. لكن فيه جزء منه يحس فيها بقربه .. ومايقدر يتناساها مثل ماهو يحاول .. كان خاطره يقول لها " تصبحين على خير " .. وماقدر يقاوم هالرغبة .. شوق تنتظره يتكلم .. كان واضح يبي يقول شي لها ، ونفس الشي قاعد يكلم بالجوال .. مبين مشغول !!! شوق : فهد بغيت شي ؟!!.. فهد ابتسم لها اخيرا وأشر لها بيده : تصبحين على خير .. شوق كان تأثير ابتسامته وكلمته عليها كبير .. وابتسمت له بدورها ابتسامة احلى : وانت من اهله .. دخلت لغرفتها مبتسمة .. كلمة وحدة منه قلبها بلحظة .. رمت بنفسها عالسرير أي كلام .. ما هقيت ان الحب يسوي مثل ما يسوي فيني ..!!!.. فهد عقب ما دخلت شوق غرفتها دخل هو لغرفته وشذى للحين معه عالخط .. شذى بعتاب : اشووووفك مليت مني تقولي تصبحين على خير .. فهد ضحك : ههههههههههاي ماكنت اكلمك كنت اكلم شوق .. مسك نفسه وهالمرة طلع اسمها من لسانه من غير شعور .. آآآآآخ وش كثر هالانسانة ملكت قلبـه .. شذى : شووق ؟!!!.. أهااا .... قصدك اختك ؟!!.. فهد تذكر انه قال لها من قبل ان شوق تصير اخته : ايه .. اختي .. شذى : عاد تدري .. يا حظها اذا صارت تشبهك .. جناااان انت يا فهد جناااان ..!! فهد ابتسم وهو ينسدح عالسرير : ما تشبهني .. بس هي حلوة .. ( وسرح يتذكر حلاوتها وضحكتها وابتسامتها السحرية ) .. وربي ما شفت احلى منها بحياتي .. ملاك طلعت بحاتي فجأة وخذت قلبي و......... قاطعته شذى مستغربة : هييييي فهود .. ( وبعتاب ) .. ترا أغااااااار يعني هي أحلى مني ؟!.. وبعدين هذي اختك شلون تتكلم عنها كذا .. سكتت شذى زعلانه وفهد ضحك لما انتبه لكل الكلام اللي قاله : هههههههههههههه .. يا حبيبتي انتي بغيتي تعرفين شكلها وانا قلت لك .. شذى وهي زعلانه : طيب شلون تقول خذت قلبك ؟!!.. وانا ويني فيه مو انا اللي ساكنه بقلبك بس ..؟!!!.. فهد : الا انتي بقلبي وهي بقلبي .. شذى بدلال وحب للتملك : بس طبعا انا حبيبتك ومكانتي عندك غيرها .. صح ؟!!.. فهد يتكلم من ورى قلبه .. وده يقر بهالشي بس هو داخله عارف العكس : صح .. شذى نست موضوع شوق وهي ما تعرف حقيقتها ووش تكون بالنسبة لفهد : اووكي .. بس حبيت اشكرك عالعشا الرومنسي الليلة .. ما أكذب عليك يا فهد اذا قلت لك انها من أحلى ايام حياتي .. وكأنه حلم من الأحلام .. فهد يضحك : ان شالله نكررها .. شذى : اوكي ماطول عليك تصبح على خييييير .. فهد : وانتي من اهله .. | |||||||||
| |
|
06-19-2010, 11:40 PM
| #40 (permalink) | |||||||||
|
مستشار المؤسس ~
|
رد: * غــــــــــارقـــــــــات في دوامـــــــة الحــــــــب * انا :
قمرهم كلهم الجــــــــــــــزء 29 يوم الخميس نهاية الاسبوع .. وهذا هو اليوم الموعود المتفق لزيارة المزرعة برحلة الكل يتوقع انها بتكون حافله بالفرح والحيوية .. طلع بدر من البيت وهو حامل معه بعض الاغراض وراح يركبها السيارة ..الساعة الحين تسع الصبح والمزرعة برا الرياض ويبيلهم وقت على ما يوصلون .. لما حمل بدر سيارته طلعت دلال اخته بتركب .. دلال بحماس : يالله بدّور رح قلهم يخلصون بسرعة .. ورانا طرررريق ومشوار طويييل .. بدر ضحك وركب بمكان السواق .. ودلال ركبت معه قدام وسكرت الباب .. بدر التفت لها مستغرب : وش جابك هنا يالله ورى .. دلال حطت يدها على خصرها : يا سلام !!!!.. مالي شغل انا بركب قدام هالمرة .. امي بتركب مع ابوي وفرح تنقلع ورى مع حنان .. بدر وهو يضحك : صدقيني بتجي فرح وتسحبك من شعرك وترميك ورى .. دلال تبتسم بدلع : وليش يعني عيب اجلس جنب اخووي !!.. ولهانة عليك يا أخي .. بدر يبتسم : لا مو عيب ..!!.. دلال تتحرك بجلستها وتجلس مقابلته بوجهها : المهم عاد اقولك .. يحنا مسوين لك مفاجأة اليوووووم .. بدرباستغراب : مفاجأة ؟!!... مفاجأة وشو ؟!!.. دلال تلوح بيدها : لاااا .. لا لا لا ما ينفع اقولك .. كل شي بوقته حلو .. بدر : مين اللي مسويها ؟!!.. دلال : احنا البنات .... ( وبعد تفكير للحظة ) .. الا نوف طبعا لأنها مارح تجي ... سكت بدر وهو يطالع دلال .. بعدها صد عن اخته وطالع قدام .. ودلال لاحظت صمته المفاجئ .. دلال مدت يدها لها وهزته من ذراعه : هااااا وين رحت ..!!! بدر ابتسم بعذوبة ورجع يلف لها : وليش بنت عمك مارح تجي ؟!.!! دلال هزت كتفه بلا مبالاة : ما أدري ليش بالطقاق هي الخسرانه .. بدر سكت يفكر .. يحس بأحاسيس متناقضة .. مايدري ليش يحس بالراحه هاللحظة لأنها بتكون بعيد عنه ويقدر يرتاح وينسى الحب داخله فترة من الوقت .. ونفس الوقت يحس بالشوق لها لأن له وقت ما شافها أو حتى سمع صوتها .. الشهادات معد صارت تهمه لانه تذكر انه يقدر يسترجعها ، لو مو من نوف بيسترجعها من الجامعة نفسها .. لكن الحب هو المشكلة .. الحب مذلة .. تنهد وهو يفكر ان بُعد نوف عنه فترة من الوقت بتكون فيها راحة له ولقلبه ولو لوقت بسيط .. أهم شي يحس بالراحة اللي فاقدها .. دلال : وانت ليش يهمك جيّت نوف من عدمها ؟!!!.. بدر ابتسم وتكلم بغموض : مايهمني .. وبيني وبينك احسن انها ما تجي ، كذا برتاح .. دلال طالعته ببلاهه : شلون يعني بترتاح !!.. بدر اذا غلطت عليك نوف لا تسكت لها .. تراها تقهرني أحيانا .. بدر تنهد بعمق وبقوة خلا دلال ترتاع وتنتفض مكانها : آآآآآآآآآه .. دلال مرتاعة : هيييي شفيك !!.. بدرترا انت من كم يوم مبين انك تعبااااااان ... بدر : سلامتك مافيني الا العافية .. دق جوال بدر، وكان المتصل سلمان .. بدر : هلاااا .. سلمان : صباح الخير .. بدر : صباح الأنوار .. سلمان : ماشالله صاحي من الصبح شعندك ؟!!!.. كنت اظنك نايم .. بدر : نسيت !!!.. ما قلت لك امس اني بطلع مع الأهل للمزرعة .. سلمان ضرب راسه : اهااا الا بس نسيييت .. اوكي الله يهنيك ووسع صدرك وانسى كل الي تفكر فيه ترا حلها بسيط .. وبنت عمك ترا ما تستاهل كل العنا اللي تمر فيه .. انساها .. بدر بنبرة هادية : انت تقول كذا .. لكن قلبي يقول العكس .. لكن بقولك أحسن شي انها مارح تجي اليوم .. اقدر ارتاح شوي .. سلمان ابتسم : زييييين اذا ماجت هذا لمصلحتك .. وبعدين لا تفكر انها البنت الوحيدة بالعالم فيه غيرها احسن منها بمليون مرة .. لا تعلق املك عليها .. بدر لف بطرف عينه لاخته دلال واللي نسى وجودها .. شافها تطالعه بفضول ومبين انها مركزة بكل كلمة تنقال .. بدر يحاول يغير من نبرة صوته عشان ما تشك : هاا .. خلاص خلاص يصير خير .. اعلمك بعدين لما اشوفك .. سلمان استغرب : وش تعلمني يالأخ !!... اقولك البنات حولك كثار وألف وحدة تتمناك .. لا تفكر بوحدة ما تستاهلك .. بدر تضايق من كلامه ، لكنه ضحك : خلاص يصيرخير .. ههههههههههه .. ومبررروك مقدما منك المال ومنها العيال .. سلمان مثل الابله : هااا .. أي مال وأي عيال !!!... بدر انت معي ..؟!! بدر : هههههههههه .. ايه معك وسلم عالمدام .. يالله عطيتك وجه .. الأهل جايين الحين .. سلمان ضحك لما فهمه : هههههههههههههه .. ايه قول من زمان ان الأهل عندك لا تخليني مثل الأطرش في الزفه ماني فاهمك .. بدر : اوووكي .. مارح تزورنا بالمزرعة هناك .. لازم لازم تجي .. سلمان : خلاص اوكي .. احاول اخلص شغلي بدري ومالك غير طيبة الخاطر .. بدر : انتظرك .. سكر منه ومباشرة وصله صوت دلال يملأه الفضول .. دلال بخبث : تعااااال .. وش دخل نوووف بالسالفه ؟!!!.. بدر وهو يلتفت لها رافع حواجبه ، ويتصنع عدم المعرفه : نوف ؟!!!.. أحد جاب طاري نوف !!!.. دلال : الا جبتها .. سمعتك تقول لرفيقك انها مارح تجي اليوم .. وانك تقدر ترتاح شوي .. من تقصد ؟!!!.. بدر يضحك بتصنع : ما كنت اقصدها .. انتي فهمتي غلط .. جت دلال بترد بس انفتح بابها وطلعت فرح بتركب .. فرح : دلووول .. يالله ورى مع حنان .. دلال قربت من بدر وتعلقت بذراعه : مالي شغل بركب هالمرة جنب بدّور .. فرح طالعت بدر ، وبدر غمز لها تخليها هالمرة .. ورجعت فرح لدلال .. فرح : اووكي .. هالمرة بس .. ركبوا الكل بالسيارتين ، البنات مع بدر والأم مع ابوهم وأخوهم الصغير .. وتحركوا ماشين للمزرعة اللي تبعد عن الرياض مشوار ساعتين .. في بيت ابو احمد الكل جاهز ومستعد للطلعة الا نوف ، كانت للحين نايمة بالسرير وغرقانه بأحلامها .. وحلمها هالمرة بينها وبين بدر !!.. حلم غريب أول مرة يمر عليها .. ما كان في الحلم صراع او حرب كالعادة .. كانت هي تمشي وتبحث بعيونها عن شي .. مو أي شي .. من نظرات عيونها مبين انها تبحث عن شي غالي عليها وخايفه انها تفقده .. لما ظهر بدر قبالها مباشرة .. بابتسامة غريبة ونظرة أغرب ما تعودتها منه !!.. حاولت تقرب منه وتبادله الابتسامة وهي مرتاحه انها لقت المفقود منها .. !!.. كان بدر هو المفقود اللي تدور عليه ..!!! لكن لما حاولت تقرب ابتعد بدر .. وكل ماقربت خطوة ابتعد بدر عشر خطوات .. لما تبدلت نظرة بدرللحزن وتبلورت دمعه غريبة بعيونه ... وأخيرا رفع يده يودعها وتلاشى بالهوا أخيرا .. !!!! فتحت نوف عيونها فجأة ونفسها متسارع والخوف يدب بعيونها .. لثواني حاولت تسترجع اللي شافته وتميز وش كان بالضبط .. انا حلمت ببدر ؟!!!!!... قلبها بدل ما يهدا زاد فيه الخوف من حلمها الغريب .. ظلت نوف بالسرير ما قامت ، تحاول ترجع للنوم بس الحلم مطبوع بجفونها ينعاد عليها باستمرار .. انفتح الباب فجأة ودخلت سهى لابسه حتى العباية .. راحت لها وهزتها : نووووف !!... قومي بنمشي الحين .. ماتحركت نوف وظلت تفكر باللي شافته بمنامها ، وسهى ما انتظرت سحبت الغطا ورمته بالأرض .. نوف بعصبية : سهىىىىىىى .. انقلعي عني خليني نايمه .. سهى : قومي نوف لازم تروحين محد بالبيت حتى الخدم بناخذهم معنا .. نوف قامت جالسه وهي ودها تكفخها : وانا شدخلني .. روحوا وخلوني لحالي .. مابي أروح .. سهى بحزم : امي لزمت تجين وانتي تعرفين امي قالت تجين يعني تجين .. محد جالس بالبيت ويمكن نبات بالمزرعة لما بكرة .. نوف فتحت عيونها بصدمه وطالعت سهى : بتباتون هناك ..؟!!! سهى هزت كتفها : احتمااال كبير .. واظن انك ما ترضين وتخافين تجلسين لحالك بالبيت لبكرة .. صح ؟!!.. نوف تضايقت : هو يعني لازم تباتون .. ارجعوا بالليل .. سهى : نوف لا تحكمين الناس على كيفك .. قومي الحين أمي مصرة تجين وماترضى تجلسين لحالك بالبيت لبكرة .. الدنيا مافيها أمان .. نوف سكتت ما عرفت وش تسوي .. ما تبي تروح ولا تبي تجلس بالبيت لحالها لبكرة .. وخاصة ان الخدامات بيروحون حتى .. تخاف من الجلوس لوحدها لفترة طويلة .. معناته ان بدر قدر يهزمني .. وبيخليني اسوي اللي يبيه .. بدر !!؟؟!!!!!.. رجع لها الحلم ثاني مرة وسكتت وهي تفكر فيه .. تكدر مزاجها وبان الضيق بوجهها .. سهى انتبهت لسرحانها وابتسمت بحنان واضح لنوف : قومي صدقيني بتستانسين هناك .. مافي سبب ترفضين الروحه عشانها .. نوف طالعت اختها ودموعها تجمعت بعيونها فجأة وبدون سابق انذار .. خلاص قدرتها عالاحتمال انهارت معد تقدر تتحمل أكثر .. بدر يحاربها وهي تعبت وملت من أخذ اسلوب الدفاع .. نزلت راسها ودموعها تتساقط منها .. بدر قاعد يضغط عليها بشتى السبل .. وهي عارفة بقرارة نفسها اني اللي سوته غلط بحقه .. لكن هو اللي اجبرها تسوي هالشي .. حتى غيابه عنها هالفترة وغياب اتصالاته عليها ضغطت عليها بشكل رهيب .. ما تدري تفهم هالشي بحسن نية ولا سوء ظن فيه ، كانت مقتنعة انه ناوي يشهر بها ويعلم الكل باللي سوته .. اذا مو اليوم بكرة ، واذا مو بكرة اللي بعده .. المهم انه مقتنعه ان بيحصل هالشي .. وأول العارفين بيكون ابوها .. ماتدري وش اللي بيصير وقتها .. حتى مسجاته الغريبة بالفترة الاخيرة لها دور بالضغط اللي عليها .. تصرفات بدر انقلبت فجأة لدرجة انها معد صارت تفهمه وتفهم وش ناوي عليه .. وهي ملت حتى من تصرفاتها ناحيته .. بدر اجبرها تتصرف تصرفات مو من عاداتها .. حتى الحلم اللي راودها اليوم أثر عليها بشكل هي مو فاهمته .. !!! سهى طالعت اختها بشفقة وجلست بجنبها وبدت تربت على كتفها : نوف حبيبتي .. لا تبكين ترا مافي شي يستاهل هذا كله .. نوف بدون شعور حطت راسها على كتف سهى وتكلمت بصوت مكتوم ملئ بالعبرات : سهى انا معد صرت افهم شي .. صارت تصرفاته تسبب لي صداع .. معد صرت افهم اللي قاعد يسويه .. سهى بحنية : من تقصدين يا نوف ..؟!!.. نوف بدون شعور أو حتى تفكير طلع الاسم منها : .... بدر ... سهى ابتسمت : يعني لهالسبب رافضه تروحين .. عشان بدر هو اللي مقرر هالشي انتي رافضه تروحين .. نوف ترا بدر ولد عمك ما يستاهل تكرهينه هالكره .. نوف غمضت عيونها ودموعها تتساقط مثل المطر .. وهي عايشه بصراع نفسي من بدت تصرفاته بالتحول .. وانه بدل ما يتحداها ويثير غضبها كالعادة صار هادي ساكن ويرسل لها المسجات الغريبة باستمرار .. نوف بصوت مكتوم بالدموع : انا اكرهه ؟؟!!!!... والله معد صرت اعرف نفسي اني اكرهه او لا .. سهى : مهما كان هذا ولد عمك ومهما سوالك من قبل يضل ولد عمك .. والحين قومي استعدي لأننا بنمشي بعد شوي .. مسحت نوف دموعها وهزت راسها بالإيجاب .. وطلعت سهى من عندها وهي مبتسمة .. حتى سهى ما تدري باللي سواه لي ولا باللي سويته انا .. رجعت عبارة سهى تمر بخاطرها " مهما كان هذا ولد عمك ومهما سوا يضل ولد عمك " .. هو صح ولد عمي لكن هو عمره ماحسسني بهالشي .. دايما يحسسني انه عدوي مو ولد عمي .. استعدت نوف وتجهزت وهي كلها هموم بهموم .. تحس احيانا بالذنب وتحس احيانا بالعكس .. دموعها ما يمديها تجف الا سرعان ماترجع تهل .. افكارها حول بدر تكاثرت وسببت لها صداااع .. و تزيد عليها لحظة بلحظة .. ياربي احد يقولي اللي سويته صح ولا غلط ؟!!... غلطت انا لما دافعت عن نفسي بهالطريقة .. ؟!!.. لبست عباتها ونزلت تحت وهي تمسح آثار الدموع اللي رافضه تجف .. كل ما انتهت من فكرة حلت بذهنها فكرة جديدة ، وجرّت معها سيل جديد من الدموع .. لقت الكل ينتظر تحت ، الا ابو احمد واحمد يحملون الأغراض بالسيارتين .. لما خلصوا دخل ابو احمد يطلب منهم الخروج : يالله ترا بدر اتصل فيني ..!! رفعت نوف عينها لأبوها بخوف .. من جاب اسم بدر ، خافت لا يكون قاله شي .. بس ابوها ما بين عليه انه عارف شي .. طلعوا للسيارات وركبوا .. سهى ونوف مع احمد .. وام احمد وريم ومحمد مع الوالد .. وامل بتجي مع زوجها بوقت لاحق .. طول الطريق نوف جالسه ورى وساكته تدراي دموعها ، سهى جالسه قدام مع احمد سوالف وضحك .. رجعت نوف تفتح جوالها وتقرا المسجات المرسلة من بدر.. وكل ماقرت أكثر كل مازاد صداع راسها .. لانها مو فاهمه وش سر هالمسجات .. هل هو خداع من بدر ولا يقصد من وراها شي ثاني ..؟!!.. هل هي خطة جديدة منه ..؟!!.. أو هل هي محاولة منه انه يطلب رضاها .. أو .. أو .. أو .......!!!!!!! سمعت سهى تكلمها بمرح : نوووف .. شفيك ساكته .. نوف بصوت كئيب كله حزن وهم وغم : خليني ساكته مابي أكلم احد .. سهى رق صوتها لاختها : حبيبتي .. خلي ببالك انك رايحه هناك للوناسه .. ولا تفكرين بأشياء تافهه مالها معنى .. نوف بصوت باكي : تافهه بالنسبة لك لكن انا لا ... احس اني مجرمة وغبية ما تفهم شي ولا تفهم اللي حوالينها .. سهى واحمد طالعوا بعضهم باستغراب مو فاهمين كلامها .. احمد رفع عينه لها بالمرايه بنظرة حنونه : نوف قلبي شفيك مو من عادتك .. نوف وهي تحاول تغالب دموعها : مافيني شي خلوني لا تسألوني .. انا نفسي مو عارفه شي .. احمد بحنية : وش اللي مو عارفته .. وش اللي مضايقك ..!؟؟!! نوف ما استحملت الضغوطات اللي تزيد عليها لحظة بلحظة وخبت وجهها بيدينها واسترسلت بالبكي : والله ما أدري ما أدري .. ماني فاهمه شي مو فاهمه شي وراسي بينفجر .. بيحملوني الذنب الحين وهو مو ذنبي .. مو سببي هو اللي تعبني وانا تعبت منه قولوا ليش يكرهني ..!!! احمد ارتاع عليها ووقف السيارة على جنب ، بعد ماحس انه كلامها مو طبيعي .. سهى لفت لها وهي مرتاعه بعد .. احمد ماتم مكانه نزل من السيارة وفتح باب نوف : شفيك نوف تعبانه ؟!.. مين اللي يكرهك ومين اللي بيحملك الذنب ؟!.. نوف شفيك بالضبط ..؟!!.. نوف هدت شوي وظلت تمسح دموعها ، وبصوت متقطع : مافيني شي ... احمد : شلون مافيك .. وكلامك روعنا كلنا .. انا وسهى .. نوف حست انها فلتت لسانها ، بس ماقدرت حست انه كلام لازم يطلع منها : مافي شي .. انا متضايقه اليوم .. احمد بهدوء وحنيه : كل هذا لأنك ماتبين تجين ...؟!! نوف وهي منزلة راسها بانهزام وتفكيرها كله لبدر : ما أدري .. ماكنت ابي اجي ولا كنت ابي اجلس بالبيت لحالي يومين .. تعرفني أخاف .. احمد بنظرة : قولي لي طيب من تقصدين بكلامك .. نوف صدت عنه وهي تمسح دموعها : محد .. ما اقصد احد .. احمد قبل ما يسكر بابها ويرجع لمكانه حب يتأكد ان مافيها شي : اكيد مو تعبانه .. ؟!.. نوف هزت راسها نفي ببراءة الأطفال : ........ لا .. احمد هز راسه ورجع لمكانه وتحركوا .. سهى التزمت الصمت .. هي فاهمه ان المقصود بدر لكن ماتدري ليش قالت نوف هالكلام .. كلكم تدرون ان سهى ما تدري باللي صار بين نوف وبدر لذلك للحين تعتقد ان عقدة نوف من بدر من صغرها مستمرة معها للحين .. بدون ماتدري باللي استجد بينهم الشهور اللي طافت .. نوف خايفه ان بدر يخبر الكل باللي سوته .. وبعدين هي بتروح بخبر كان .. خايفه ان هدوء بدر هالفترة وراه انتقام ، بينفذه اليوم وقدام الكل .. خلال اليومين اللي راحت ، ماتدري ليش صارت تحس انها فقدتـه !!!!!!!... بالأول صار يشكل جزء مهم بيومها ولازم بكل يوم يمر عليها وتعيشه ، يظهر لها بدر ولو بأسلوب ما تحبه هي .. مع انها كانت كارهه هالشي .. لكن شعورها بأنها فقدت جزء من يومها صار يداهمها .. هالشعور كان يغيضها بالأول وحاولت تحاربه .. لكنه اكتشفت انه أقوى منها و استسلمت بسرعه .. وتملكها شعور انها مارح تقدر تتغلب عليه .. التفكير باللي صاير لها مع بدر .. بدا يشغلها ، أكثر فأكثر .. لما تملك ذهنها وتفكيرها .. زيادة على كذا .. الحلم الغريب واللي أول مرة تشوفه ..!!! في بيت ابو فهد ..الساعة عشر الصبح .. ندى بغرفتها صحت من بدري ولأنها مالقت شي تسويه وشوق نايمه .. جلست ترتب غرفتها وتعيد تنظيمها .. كان بمكتبها أوراق زايده تبع الجامعه ما تحتاجها فبدت تجمعها .. فتحت وحدة من الدروج وطلعت كل شي قديم .. وبينها شافت الورقتين اللي خذتهم من نوف بالقوة ذاك اليوم ..!!! وقفت وبدت تقلب بالأوراق يمين وشمال وهي تعفس وجهها بضيق .. كان لازم من خذتهم رجعتهم لبدر .. بس شلون ؟!!!.. والله نوف هبله ومجنونه !!!... رمت الورقتين عالسرير وبترجع تفكر وش تسوي فيهم .. ولما خلصت من شغلها خذت الورقتين وراحت لشوق بغرفتها .. ولقتها نايمه .. ندى بصوت عالي وهي تهز شوق بقوة : ياللللللللللللللللا قومي قومي .. الساعة 6 المغرب ..!!!.. شوق بهدوء فتحت عيونها وطاحت عالساعة شافتها 10.30 الصبح .. ورجعت غمضت عيونها وهي عارفه ان ندى تبيها تصحى عشان تقابلها .. شوق : يا كذابة أي مغرب .. تونا الصباح .. روحي عني لأني ماني قايمه لا تحاولين .. ندى جلست بطرف السرير بكامل ثقلها لما هزته وهي تقلب بالاوراق بيدها : قومي بسألك شي .. شي مهم مهم مدري شسوي فيه .. شوق : ندى مو وقته الحين لما أقوم .. لا تصيرين علة عاد .. اووففف ..!!! ندى : افا والله افا .. انا علة ؟!!!.. الله يسامحك .. ( ورجعت تهزها ) .. قومي بسألك شي عن بدر .. فتحت شوق عيونها وفوق راسها علامة استفهام : بدر ؟!!.. مين بدر ؟!!.. ندى : نسيتيه ؟!... بدر حق نوف .. ضحكت شوق مع ان الوقت مو مناسب .. بس عبارة " بدر حق نوف " ضحكتها .. وش دعوة اللي يسمعها يقول مو انسان هذا .. كأنه ملك من أملاكها ..!!! ندى : قومي لا تضحكين أكلمك جد والله .. انا متورطه مدري شلون أتصرف ..!!! شوق قامت جالسه بتملل : هاا .. يلله قولي اللي عندك .. المرة الجاية بقفل باب الغرفة عشان ماتدخلين علي وتزعجيني .. حرام عليك لسا الساعة عشر ونص .. وش تبيني اقوم اسوي .. ندى بابتسامة وسيعة ودلع : قومي قابلي حبيبتك ندى .. شوق ظهر على وجهها علامات قرف مصطنع : ياع الله لا يقوله ..!!... انتي حبيبتي كان انتحر !!... ندى بكبرياء وهي تضرب راسها بالأوراق : من قدك أصلا .. يحصلك انتي بس .. ( وتذكرت الأوراق بيدها ) .. ايييه صح شوفي هالأوراق .. وش أسوي فيها .. شوق خذت الأوراق وقلبت فيهم وهي تفرك عيونها كل لحظة والثانية .. لما قرت الأسم ورفعت راسها لندى باستغراب .. شوق : وش جاب هذي عندك ؟!!!... بدر خالد ؟!!!! ندى : هذا ولد عم نوف .. وخذت هالأوراق عندي مؤقتا وانا ناويه ارجعها له .. بس مدري شلون .. شوق تذكرت : اهاااا .. بدر !!!... نوف دايم تتكلم عنه .. ندى : قولي لي وش اسوي فيهم .. وشلون أوصلهم له ؟!.. تلقينه الحين عافس الدنيا عليها مسكين .. شوق بعدم اهتمام : عااادي يقدر يطلع بدالها .. ندى : أدري .. بس افرضي انه يحتاجهم بهالوقت .. وعلى ما يطلع وحدة يبيلها ايام عشان توصل .. شوق لاحظت الشريط اللاصق اللي حاطتهم ندى بشكل مايل عند زاوية الورقة : وش هالشريط ..؟!!!.. تنهدت ندى وهي تذكر احداث ذاك اليوم اللي طلعت فيه مع نوف للسوق وشافوا هناك بدر ورفيقه وصار اللي صار .. خبرت شوق بالسالفه كلها ، وشوق مرة تضحك ومرة تستغرب ومرة تبلم مو مصدقه الي تسمعه .. كل هذا صار وهي كانت بالشرقية ..!!! ندى شافت ساعتها : تدرين بتصل على نوف بشوف اخبارها .. مو من عادتها من كم يوم ما اتصلت علي .. راحت ندى لغرفتها وجابت الجوال ورجعت عند شوق واتصلت عليها .. نوف ردت بصوت كله هموم ومو مبين فيه أي حماس : هلا .. ندى ابتسمت وفكرت انها نايمه وهي اتصلت بوقت غلط : اهلين .. سووري لا يكون نايمه ؟؟!!! نوف : لا .. طالعين .. ندى استغربت من نبرة صوتها الميتة : طالعين ؟!!.. وانتي شفيك عسى ما شر !!! نوف : ما شر مافيني شي .. ندى : وين طالعين من الصبح ؟!!.. نوف : رايحين مع عمي للمزرعة .. اذا تذكرينها .. ندى ابتسمت وهي تتذكر لأنها زارتها قبل كذا وقضت فيها أوقات حلوة : اهااا .. لا يكون ذيك .. تصدقين مشتاقه لها لنا أربع سنين يمكن من جيت لها أول مرة .. يااا بختكم بتستانسون .. نوف : أي وناسه لو تدرين اني رحت مجبورة .. ماكان لي خلقها أبدا .. ندى تلطف الجو : ماعليك وسعي صدرك وانبسطي لو انا منك أطيـر من الفرحه .. نوف تنهدت وسكتت : ........... ندى حست فيها : طيب وصلتوا ولا ؟!!.. نوف بكآبة : لا مابعد .. يبيلنا ساعة على مانوصل .. وان شالله مانوصل .. ندى شهقت : اعوووذ بالله نوووف وش هالكلام حرااام عليك ... تعوذي من الشيطان واذكري ربك ما يجوز ..!! نوف تمتمت وسكتت ثاني مرة : ........... ندى : يالله ماطول عليك .. وبتصل فيك بعدين .. تعرفيني ما اقدر على فراقك .. كانت تبيها تضحك بس نوف ما ضحكت وقابلها صمت غريب .. كانت ندى عارفه ان نوف للحين شايله بقلبها على بدر .. وبهاللحظة تذكرت الكلام اللي قاله لها طلال عن حقيقة افعال بدر .. فحست انه الوقت عشان تجس النبض عند نوف .. ندى بحذر بنبرتها : اقوول نوف ... للحين انتي تكرهين بدر ؟!!.. نوف تلاشى صمتها الغريب وحل مكانه لهجة حادة : لا تذكرين اسمه قدامي .. ندى ارتاعت وخافت : طيب .. طيب .. بس سؤال جاوبيني عليه .. نوف رجعت العبرة وغطت على صوتها ، وأفكارها عن بدر رجعت تثور بذهنها بعد ما احتاجت وقت عشان تخمدها : ما أدري ما ادري .. نفسي اعرف يا ندى .. معد صرت أفهم نفسي ..!! ولا افهمه هو بعد .. احسه ناوي على شي بس ما أدري اذا احساسي صدق ولا كذب .. ندى حاولت تهديها وقررت توضح لها بشكل غير مباشر : لا تشيلين هم نوف .. وفكري شوي ترا بدر مهما سوا يضل ولد عمك ومستحيل يكن لك الكره اللي انتي تفكرينه .. فكري صح وفتحي عيونك زين وبتعرفين كل شي بنفسك .. نوف انرسمت علامة استفهام عملاقة بوجهها : وش قصدك ؟!.. ما فهمت ..!! ندى ابتسمت وبصوتها الحنان : مابي افهمك انا يا نوف ابيك تفهمين بنفسك عشان تقتنعين .. شيلي من قلبك الكره وصدقيني بتشوفين كل شي واضح قدامك .. نوف زاد الصداع عليها لأنها حست ان ندى تقصد معاني كثيرة بكلامها وهي مافهمتها : قولي لي انتي .. انتي تعرفين شي عن بدر انا ما عرفه ..!! ندى : وش بعرف يعني .. انتي بنت عمه وانتي المفروض اللي تفهمينه مو انا اللي افهمك .. نوف : ندى لا تزيدين فوق همي هم قولي لي وريحيني .. ندى : لو قلت لك مارح تصدقيني .. لكن انتي اعرفي هالشي بنفسك .. يالله باااااي اشوفك قريب .. وسكرت الخط بسرعة .. هي عطت نوف الحين أول الخيط وان شالله قريب بتعرف اللي انا اقصده .. نوف بالسيارة زادت تساؤلاتها وسببت لها صداع رهيب مو متحملته .. تذكرت عبارة ندى " فكري شوي ترا بدر مهما سوا يضل ولد عمك ومستحيل يكن لك الكره اللي انتي تفكرينه " .. حتى انتي يا ندى تقولين هالكلام .. استرجعت كل كلام ندى .. ياليتني اعرف وش تقصدين.. انا مو مستقرة على بر ابي اعرف وش اللي يصير من حولي .. بس ماني قادره .. ماني قادره .. - نوووف ..!! رفعت راسها لما سمعت احمد يناديها : نعم ... والتفتت يمين وشمال شافت السيارة واقفة بوحدة من المحطات عشان البنزين ، واحمد يطالعها بالمرايه وفاتح الباب يهم بالنزول .. احمد : قولي لي وش تبين تشربين بنزل أجيب بارد .. نوف بدون تفكير نطقت اول شي جا على بالها بدون ما تهتم اذا هي تشتهيه او لا : كولا ... نزل احمد وبقت هي وسهى جالسين بصمت .. بعد شوي ونوف تسبح بأفكارها الكثيرة مرت بجانبهم سيارة وتجاوزتهم ووقفت عند البقالة الخاصة بالمحطة .. وسمعت صوت سهى كله حماس : نوووف شوفي سيارة بنات عمي هناك .. رفعت نوف عيونها بسرعة تشوف للمكان الي تأشر عليه سهى .. سهى : هذا بدر !!! بسرعة طالعت نوف بالشاب الخارج من السيارة .. كان مبتسم ومبين انه يضحك للي داخل السيارة .. هذي ابتسامة بدر عمرها ما تتغير .. تابعته نوف بعيونها لما دخل البقالة هو بعد .. مبين انه منبسط وسعيد عكس اللي تمر فيه هي ..!!! وبعد دقايق طلع احمد وبدر معه .. يسولفون ويضحكون وبعدها افترقوا كل واحد رجع لسيارته .. وكملوا طريقهم .. سهى : وين البقية ما شفت غير سيارة بدر ؟!!!.. احمد : عمي مقرر ما يوقف الا لما يوصل .. بس بدرمعه البنات .. نوف مستمرة بحالتها من الصبح .. ملتزمة الصمت العميق حتى انها ماشربت اللي طلبته وتبخرت برودته من كثر ماكانت ماسكته بين ايدينها بتوتر ..!!! بعد نصف ساعة وصلوا لمزرعتهم اللي غابوا عنها فترة أكثر من سنتين والكل مشتاق لها .. المزرعة كانت كبيرة جدا موقعها بعيد عن أي شارع ولازم يدخلون بوسط البر عشان يوصلونها .. داخل المزرعة فلة على الطراز الريفي .. كل شي داخلها وجوها وحتى أثاثها يعبر عن الريف ومناسب لجو المزرعة .. باختصار يحسس العايش داخلها وكأنه بوحدة من الأرياف .. وصلوا للفلة أخيرا وبدروقف سيارته بجهه واحمد بجهه .. ونزلوا البنات وسهى بحماس ماعدا نوف ماتحركت .. سهى اتجهت للبنات ركض وسلمت عليهم والكل يصارخ من الحماس والفرحة والشوق لهالمكان الجميـل .. بدر نزل من السيارة يضحك : هههههههههههههه .. بس اللي يشوفكم يقول ما شفتوا خيــر .. يالله كل وحدة تمسك لسانها ولا احلف ارجعكم .. دلال بدلال : تقدر ترجعهم هم بس انا ماتقدر صح ؟!!.. بدر ابتسم لها وهز راسه بتأييد : ايه انتي ماقدر عليك .. فرح : يكفي دلع يا بدر ترا بتاخذ وجه عليك .. راحت دلال وهي تتبختر وشبكت ذراعها ببدر : احم .. خليني اخذ وجه .. مو اخوي .. ؟!!!.. نوف كانت جالسه بالسيارة ما تحركت ولا نزلت تشاركهم الفرحه .. وتسمع اصواتهم وضحكهم وهي مو قادره تنزل .. هي قالت لهم انها مارح تجي .. وش بيقولون لو شافوها .. لما زاد عليها الصداع نزلت من السيارة وقررت تدخل مباشرة داخل .. سهى فجأة تلفتت يمين وشمال تبحث عن نوف بينهم : وين راحت نوف ؟!!!!.. دلال تركت ذراع بدر : نوف ؟!!!.. هو نوف اصلا جت ؟!!!!.. سهى : ايه غيرت رايها وجت .. بس وينها وين راحت ؟!!!.. بدر من سمع اسمها مادرى وش يسوي .. كان مرتاح من عدم قدومها ، بس الحين زاد شوقه لمجرد احساسه انها قريبة منه .. دخلت نوف داخل لقت امها ومرة عمها جالسين بالصالة .. كشفت عن وجهها وآثار عميقة من الدموع جلية بوضوح عليه .. لاحظت امها ملامحه ا الغريبة ونادتها .. ام احمد : نوووف ..!!! نوف كانت متجهه للدرج بتطلع لوحدة من الغرف فوق ، لفت لها : نعم يمه .. ام احمد بخوف بصوتها : شفيك ؟!!.. نوف رجعت لها عبرتها وكل همها انها تهرب من الكل وتستفرد بنفسها طول اليوم : مافيني شي .. بس شوي تعبانه ... ام احمد كانت جالسه قامت واقفه وقربت من بنتها ولاحظت دموعها بعيونها ، نوف ماقدرت تخبيها مع انها ماتبي احد يشوفها .. ونزلت عيونها .. ام احمد : شفيك يمه وش اللي متعبك ؟!!.. نوف العبرة استقرت بحلقها وكل كلامها مكتوم : ما أدري يمه .. راسي يعورني وابي ارتاح .. ابي انام طول اليوم مابي احد يصحيني .. ابي امـوووت .. ضربت ام احمد على صدرها بخوف وهي حاسه ان بنتها فيها شي : بسم الله عليك وش هالكلام .. وش حاسه فيه يمه .. نوف وهي تلوح بيدها بملل : مافي شي يمه قلت لك بس صدااع .. وابي ارتاح .. ام احمد : روحي ارتاحي يمه واذا جا وقت الغدا بنصحيك .. نوف هزت راسها نفي وهي تلف وجهها بتطلع الدرج : لا يمه قلت مابي احد يصحيني ..ابي اكون نايمه لما نرجع للرياض .. تركت امها وهي تسحب خطواتها عالدرج .. وصلت فوق واتجهت للغرفة المعتادة اللي تعودت تاخذها كل ما جو هنا هي ودلال .. دخلت وسكرت الباب .. رمت عباتها أي كلام عالأرض ومباشرة رمت نفسها عالسرير .. برا البنات واقفين مع بدر اللي بدا يسترجع ذكريات قديمة له بهالمزرعة الضخمة .. احلوت عن أول لأن مبين ان ابوه وعمه اشتغلوا فيه وعدلوا لما طلعوها بأبهى صورة .. بدر وعيونه بعيد : تصدقووون اشتقت للبقر .. ضحكوا البنات وهم يستخفون فيه .. هذا اللي هامه البقر !!! فرح : هههههههههههههه .. بدر !!!.. هذا اللي جا ببالك .. البقر ؟!!!!... هههههههههههههههههه .. بدرلف لها بنظرة مزدرية من طرف عيني : وانتي شعليك .. كان تذكرين في وحدة من البقر خويتي .. وربي اني اشتقت لها مدري عنها حية ولا ميتة .. احد منكم شاف أخبارها ..؟!!! حنان باستنكار ضحكت : ههههههههههههههه .. اكبر همي بقرتك !!!.. اذا تبي تتطمن عليها روح زورها .. زين منها اذا انتظرتك ثلاث سنين وما تزوجت غيرك .. بدر : اذا هي فكرت مجرد تفكير تاخذ غيري فهو اكيد ثووووور .. دلال ماتت ضحك وهي فرحانه لرجوع ذيك الايام مع بدر : ههههههههههههههاي .. بالله بدر اكيد بيكون ثور أجل وشو آدمي .. !!!... ههههههههههههههه .. بدر لف لأحمد مبتسم : احمــد تعاااال معي نزور خويتي .. وأعرفك عليها .. احمد تراجع بخطواتها وهو يرفع يده بانسحاب : لااااا روح لخويتك لحالك .. تعرفني ما أطيق البقر ولا أطيق ريحتهم .. ولف عنهم متجه لداخل وهو يتمتم بصوت مسموع : بعد هذا اللي ناقصني اروح أتعرف على بقر !!!!!! تبعوه بعد شوي وبدر راح عند ابوه وعمه والبنات دخلوا للصالة .. ودلال باستغراب قلبت عيونها بالأنحاء والتفتت لسهى : سهى مو تقولين نوف جت ؟!!!.. وينها ؟!!!.. سهى لفت لأمها وعيونها تسأل .. ام احمد : طلعت فوق ترتاح .. تعبانة بعد عمري ؟!!!.. دلال بضيق : وهو هذا وقته عشان تتعب ... جايين عشان نستانس وننبسط وهي تتعب .. فرح خزتها بنظرات فيها شوي من الحدة : دلال هو التعب يستأذن قبل لا يجي الواحد .. استحي شوي وش هالكلام .. دلال ما اهتمت ولفت عنهم تركض لفوق : انا بروح اشوفها .. هذي اللي مهي جاية أوريكم فيها .. اندفعت فوق ومباشرة مثل الصاروخ اقتحمت الغرفة على نوف وهي تصفر .. دلال : كل هذا تغلي .. وين اللي قالت مارح تجي .. بس الغلا الزاااايد مشكلة ..!!! نوف ما تحركت غير أنها تأففت .. دلال : نوف أي تعب هذا قومي كله دلع .. والله الجو برا جناااااااان قومي .. نوف : دلال مالي خلق احد خليني مابي اروح لأي مكان ومابي أطلع .. دلال باصرار راحت وفتحت باب بلكون الغرفة الصغير : لا لا لا لا لاااازم نصير كلنا قروب البنات كامل .. قومي تعرفين البسطة من غيرك ما تكمل .. نوف بضيق وهي تغطي وجهها وتصرخ : انبسطوا محد مانعكم من شي .. اما انا مالي خلق لأي شي خلوووووني لحالي .. خافت دلال من صراخها وتراجعت وطلعت من الغرفة وهي مستغربة .. اما نوف ظلت على حالها عايشة بزوبعة من الأفكار والتساؤلات والأحاسيس .. كلام ندى لمس الوتر الحساس عندها .. لو أعرف وش كنتي تقصدين بالضبط يا ندى .. خليتيني اعيش الحين بدوامه مو فاهمه وش اللي حولي .. تحركت نوف وهي تغطي نفسها بشكل كاااامل بدون ماتسمح لخيط نور واحد يدخل عليها .. لكن مافي فايده .. الأضطراب اللي عايشته حرمها النوم بهاللحظات ..!!.. قامت من السرير وطلعت للبلكون ووقفت عالشرفه .. وقلبت بعيونها بالأنحاء والجو مع لفحة الهوا كان روعة مثل ماقالت دلال .. غمضت عيونها بهدوء تسمح للهوا يتخلل شعرها وينثره بكل نعومه ودلال .. فتحت عيونها بنفس الهدوء وطاحت على شخص ما توقعته يظهر لها بهالوقت بالذات .. كل ماحست انها بدت تتناساه رجع يظهر لها او أي شي يذكرها به .. كان بدر واقف تحت بسكون ومعطيها ظهره ، ويديه بجيوبه ومبين عليه التفكير والسرحان والتأمل بالكون من حوله .. نوف ما تحركت ظلت فوق تطالعه ورجعت ذات الأفكار تداهمها .. فجأة سمعت صوت اخوها احمد من داخل ينادي بدر .. بدر لف بيرجع لداخل وبالصدفة ارتفعت عيونه فوق وشافها ..!!!.. جمد مكانه من صدمته ، وأمنيته اللي كان يتمناها من لحظات تحققت مباشرة .. كان يتمنى يشوفها بس ماتوقع انها تتحقق بهالسرعة الرهيبة !! .. وقف مكانه وعيونه عليها .. اما نوف شهقت وتراجعت خطوتين للخلف ويدها على قلبها ورعشة غريبة تسري بجسمها كله .. بعد لحظة من الزمن .. رن جوالها بمسج .. ولما فتحته كان من بدر .. " شفت الشجر ؟ صوته مع الريح وشلون ؟ هذا حنيني يطلبك دوم بالصوت " مسج قصير بكلمات بسيطة لكن نوف ما تدري ليش حست انه غير عن كل المسجات .. يمكن لأنها حست فيه الصدق وخاصة انه يناسب المكان اللي جالسه فيه .. قفلت المسج وبحذر رجعت تتقدم بخطوات بطيئة حذرة تبي تطل وتشوف اذا كان راح أو لا .. لكنه لازال بمكانه وعيونه لفوق .. انتبه لها ثاني مرة وهي تراجعت بخوف اكبر من الأول .. دق جوالها مسج ثاني مرة .. وكان من بدر بعد .. " رغم جفاف الندى ما تيبس أزهارك .. يا حب وصدق ووفـا وحشتـني أخبارك " نوف قفلت المسج ورجعت دموعها تتدفق لعيونها من هالأسئلة اللي مو لاقيه لها جواب .. حاولت تتراجع ببطء للغرفة عشان تقدر تنثر همومها هناك على راحتها الا انها اصطدمت بظهرها بباب البلكون خلفها .. ولأن كل قواها خارت وتلاشت مع الهوا والنسيم .. جلست عالأرض وهي مستندة عالباب ، وضمت الجوال بيديها الثنتين .. وبكت بصمت .. ليش يبي يضغط علي .. وش ناوي من هالكلام كله .. وش يقصد بالضبط ..؟!!!!.. وما اكتفى بدر بهالمسجين ، وأرسل مسج ثالث .. " إن نمت أحلم فيك .. وإن سرحت أفكر فيك .. وإن زعلت حنيت أبيك .. بصراحة أموت فيك " خلااااص يكفي اللي فيني .. لا ترسل كفايه ابي افهم اول شي كل اللي صار .. نكست نوف راسها على ركبتها وهي تعاني من ضغووط نفسية .. وعاطفية أقدر اقول .. كانت بمرحلة انها تحاول تصدق شي هي نفسها مو راضيه تصدقه ..!!!.. وبعد هالمسج جت الصدمة التالية .. دق جوالها هالمرة بمكالمة .. " أكرهه يتصل بك " .. طالعت الاسم .. هل انا اكرهه فعلا ؟!.. ولا وش اللي يصير لي ؟!!.. احد يقولي تكفووون ؟!!!.. ضغطت بأصابع مرتجفة على رفض الاتصال ودموعها سالت معها..!!!.. ماتبي تكلمه ولا تبي تكلم أحد !!!!.. وبعد مارفضت الاتصال وصلها مسج رابع .. " لمحة زعل من عيونك تموتني بلا عله .. وبسمة رضا من شفاتك تعيشني العمر كله " كان بدر يضغط عليها بهالمسجات المتواصله بشكل هي مو قادره تتحمله .. وكأن بدر يبيها تفهم شي بالغصب .. نوف مسكت راسها بألم من الصداع اللي ما هدا من وصلت هنا ، وكتبت له مسج من كلمه وحده " كفايه " .. وأرسلتها .. لكن بدر بدال ما يكفّي ويستجيب لها أرسل مسج يبين اصراره .. " القلب لك ينادي والروح بعدك سراب كل الوجوه تغيب عادي وأنت غيابك عذاب " وبعدها مباشرة عاود الأتصال .. " أكرهه يتصل بك " .. لكنها ماتحركت تعلقت عيونها عالاسم تنتظره يقفل .. مو قادره تضغط على زر الرد .. ماتبي تسمعه لأنها الآن منقلبة ومضطربة داخليا .. وتخاف صوته يقلبها أكثر وهي مو متحمله أكثر من كذا .. سكت الاتصال أخيرا وتبعه مسج " نوف ردي علي أبي أكلمك " .. نوف ظلت تقرا المسج أكثر من مرة .. يبي يكلمني ؟!!.. وش يبي مني ؟!!!.. نوف " وانا مابي أكلمك .. خلني لحالي " .. بدر " ردي أبي أقولك شي " .. نوف " بدر انا تعبانه مابي أسمع شي .. وتكفى لا تحاول تدق علي ولا تحاول ترسل أي شي " .. بعد هالمسج قفلت جوالها ، وبعد محاولة قدرت توقف بمساندة الباب خلفها .. دخلت الغرفة وسكرت باب البلكون .. ورجعت تسترجع كل شي يعذبها .. بدر لازال بالأسفل يفكر بالتصرف اللي كان مقدم عليه .. لو انها ردت عليه كان مافي شي رح بوقف بوجهه .. اكتفى كتمان بقلبه لازم يطلعه ولو كل العالم عرف .. مايهمه .. !!! رجع صوت احمد يناديه من داخل وراح وهو كل تفكيره صوب نوف .. في بيت ابو فهد .. ندى بعد عدة ايام غياب عن طلال هذا هو رجعت تقابله بالنت بعد مالقته اون لاين .. كانت للحين مستغربة وتسأل نفسه عن زعله المفاحئ ذاك اليوم .. فضلت انها ماتبدا بالسلام هي .. اذا سلم هو بترد عليه واذا ماسلم مارح تكلمه .. اخذ وقت طويل ما تكلم فيه لكن بعد فترة تكلم .. طلال " مساء الخير " .. ندى " مساء النور " .. طلال " كيف الأحوال " .. ندى " تمام " .. فترة من الصمت من الطرفين .. طلال " شفيك ؟!.. لايكون زعلانه مني ؟ " ندى " انا اللي زعلانه ولا انت اللي زعلان !! " طلال " سامحيني .. ماكان حقي اني ازعل .. " .. ندى " طلال انا خبرتك من قبل على أي اساس بتكون علاقتنا .. وخبرتك قبل اني لسا طالعه من تجربه فاشله ومو مستعدة أدخل بجديدة " .. طلال " أدري أنا آسف غناتي " .. ندى " مسموح بس بليز لا تفكر فيني بشكل بعيد ن الواقع ومستحيل يصير " .. طلال " ليش مستحيل يصير " .. ندى " طلال اكيد مستحيل يصير .. انا ماعرفك ماغير بالنت ومستحيل ادخل بعلاقه تكون من النت .. وانت بعد ماتعرف غير اسمي واشياء بسيطة عني " .. طلال " وكل اللي عرفته عنك تعتبرينها اشياء بسيطة ؟! " .. ندى " تعتبر اشياء بسيطة اكيد .. ومستحيل تقوم عليها علاقة قوية " .. تحت بالصالة نايف وشوق عالبلاي ستيشن والتحدي قايم .. نايف المتخذ دائما دور العاشق الولهان : حبيبتي خليني افوووز ترضين كذا حبيبك ينهزم .. شوق بدلع تبادله الدور : وش اسوي فيك حبيبي انت مو راضي تشغل مخك .. بلا غبااااء وشغل هالمخ اللي مو راض يشتغل .. نايف : افا والله افا .. تتمصخرين على حبيبك نيوف .. افا والله ماهقيتها منك ..!!! شوق تضحك ومتحمسة باللعب .. لما جاهم عمر وضارب نايف الا يبي يلعب شوط مع شوق .. نايف وهو يلتفت لشوق يطلب نجدتها : شوووق قوليله مافي .. شوق هزت راسها بالنفي : نو نو نو .. عاد عمر الحبيب حقي نمبر ون .. محد يقدر يقوله شي .. صح عمر ؟!!.. عمر هز راسه بحماس ورجع يضارب نايف يبي ياخذ دور .. نايف استسلم بخيبة أمل : الحين صار عمر الحبيب نمبر ون .. وانا وين رحت ..؟!!!.. اجل انا اعتزل حبك معد أبيك .. !! تضحك شوق وتعطيه نظرة ، ونايف بتصنع مسك قلبه : ياويلاااااااه تذبحني هالنظرااات !!!!.. شوق : بس انطططم عطيتك وجه ترا .. وخل حبيبي نمبر ون يلعب يالله .. انت خسرت حوالي عشر مرات .. يمكن عمر يكون احسن منك .. - مين الحبيب نمبر ون ؟!!.. وصلهم صوت فهد من وراهم .. وشوق جمدت وسكنت تمااما ... الحبيب الحقيقي وصل !!!... نايف اللي قام من الأول وجلس عالكنب ينتظر انتهاء دور عمر لف فهد : الله يسلمك الحبيب نمبر ون هو عمر .. وانا الحبيب نمبر تو .. والله يستر منهو الحبيب نمبر ثري ..؟!!!! فهد بعفوية : يمكن انا !!!!... شوق احمررر وجهها ومسكت ضحكتها رغم احراجها .. اما نايف عفس وجهه بسخرية .. نايف : لا تستبعد .. مو هي صفّت كل عيال عمها وخلتهم حبايب ..!!!.. قفطت شوق وطاااااح وجهها وتحسبت على نايف بسرها .. الله ياخذ عدوك .. هذا كلام ينقال عند فهد ؟!!!!.. فهد لف لها بابتسامة حلوة وهي للحين معطيته ظهرها وما تحركت من مكانها : وانا .. رقم كم عندك ؟!!!.. شوق تبخرت الكلمات من حولها .. مو عارفه شلون ترد عليه .. وربي انه جرئ دواه من يرجمه بالشبشب اللي علي ..!!! ماردت شوق وظلت تلعب من عمر اللي ناسي الي حوله .. وفهد ضحك وأعااد السؤال : ها ما قلتي ؟!!!.. ماردت وظلت تلعب وقلبها داخلها يخفق بشدة .. فهد تبدلت نبرته للهدوء التام : مو أكيد .. الحب مو هنا الحب بالشرقية .. شوق فتحت عيونها ولفت له بدون شعور وهي مو فاهمه وش مغزى كلامه بالضبط .. الحب بالشرقية !!!!!!!.. شوق بصوت اشبه بالهمس : وش تقصد ؟!!!.. فهد : ما أقصد شي .. واذا اقصد شي انتي اكيد فاهمته .. تركت شوق اللعبة من يدها وعطت فهد كل انتباهها : انا فاهمته ؟!!!.. ممكن تفهمني !!!.. فهد : لا تستغفليني انتي فاهمه بالضبط وش اقصد .. طالعته شوق بقهر .. يا الله وش قد هو عنيد اقوله مو فاهمه يقول الا فاهمه .. دق الجرس وقطع عليهم نقاشهم .. ونايف طاار للباب يشوف .. وبعد دقيقة رجع يدخل ووجه معفووس واشر لشوق لوراه بإشارات ما فهمتها .. شوق سألته بالإشارات نفسه بس دخول البنت خلاهم يسكتون ويطالعونها كلهم .. مها : السلام عليكم .. شوق + فهد : وعليكم السلام .. شوق مباشرة راحت لها مبتسمة وسلمت عليها : اهليـن مها منورة .. مها من ورا قلبها : هلا بك .. اخبارك ؟!!.. شوق : تمام الحمدلله .. تفضلي ارتاحي .. كان اتصلتي قبل عشان نستقبلك زين .. مها تمتمت بصوت مسموع : اللي يسمعك يقول البيت بيتك !!.. شوق صدمها اللي سمعته .. وفهد بعد سمع اللي قالته وضايقه .. فهد بنبرة جافة شوي : اذا هذا مو بيتها اجل وين بيتها ؟!!.. مها لفت لفهد مصدومة من نبرته .. وفهد طالعها بنظرة تسم : المفروض تحترمين راعية البيت باللي فيه .. عيب هالكلام .. شوق صدمتها الثانية جت من فهد .. رد عليها رد قوي .. يمكن كلام مها قوي بعد بس المفروض فهد يخفف من حدة نبرته شوي .. مهما كانت هي حلت عليهم ضيفة .. مها تحت تاثير صدمتها : آسفة ماكنت أقصد .. فهد توه بيتكلم ويرد قاطعته شوق : معليش حصل خير تفضلي مها .. وفهد ماهمه اللي قاله مشى ناحية الباب بيطلع .. وبهاللحظة دق عليه رقم غريب .. ومها لفت له بنظرة غريبة .. فهد طالع الرقم يحاول يتذكره .. مر عليه هالرقم من قبل .. وقف بمكانه ند الباب ورد : الوو .. - اهليـن فهد .. فهد قطب وهو يتذكر الصوت .. هالنبرة كلمته من قبل ومن فترة .. : نعم ..!! - ماتذكرتني ؟!!.. فهد بسخرية : لا والله ما أتشرف .. شوق انتبهت لنبرته ولفت له تسمع للي يقوله .. - تذكر أول مرة اتصلت لك فيها .. لما سألتني شلون رقمك وصلني .. معك بدور اذا تذكرني .. فهد ابتسم بسخرية لما تذكرها .. بس انا أعلمها من يكون فهد : لا ما أذكر ولو حتى اذكرك انصحك ما تتصلين على هالرقم ثاني مرة .. بدور : هد اعصابك ترا ما نستاهل هذا كله .. انا بس ابي أتعرف .. فهد : روحي تعرفي على غيري .. انا ما أتشرف .. بدور بصدمه ماتوقت كذا يكون رده : طيب هد شوي خلنا تنفاهم .. انا ابي اتعرف عليك يافهد .. فهد باحتقار : لا تجيبين اسمي على لسانك .. وانا قلت لك ما اتشرف واحذرك تدقين على هالرقم ثاني مرة .. قفل بوجهها .. خلها تعرف مو فهد اللي يركض ورا البنات .. غلطت لما سكرت تلفون ذاك اليوم وماعلمتني من وين حصلت الرقم .. غلطانه اذا كانت مفكره اني بركض وراها .. مها اللي كانت مخططه لهالشي مسبقا مع بدر صدمها اللي صار واللي سمعته من رد لفهد .. وشوق استغربت .. من كلامه مبين انها بنت من البنات ... وفهد صدها !!!!!!... طلع فهد من البيت وضلت شوق مع مها بالصالة .. ولأن مها بين ان مزاجها تعكر وانقلب فوق تحت فضلت شوق ان تطلع تنادي ندى لأنه مو مستعدة تقابلها لحالها .. بغرفة ندى .. ندى بتساؤل : مها تحت ؟!!!.. شوق : ايه .. انا استغربت جيتها بصراحه .. ندى : غريبة ما اتصلت علي عشان تقولي ..!! شوق : انزلي انتي تعرفين تتعاملين معها اما انا افضل اني ما احتك فيها .. ضحكت ندى : هههههههههههه .. وش بتسوي يعني بتاكلك .. ماعليك منها خلك قوية كلللش ولا شوق عااد .. شوق : ههههههههه روحي لها لا تعصب من جد .. نزلوا مع بعض ومن المفاجأة لقوا الصالة خاليه ، الا من نايف اللي رجع يلعب بلاي ستيشن كعادته .. تلفتوا شوق وندى بالصالة يدورونها لكن مالقوا احد .. شوق لفت لنايف مستغربه : وين مها راحت يا نايف ؟!!!.. نايف وعيونه على لعبته : رجعت لبيتهم ... شوق ما استوعبت : هاه !!!... رجعت ؟!!.. توها جايه الحين امداها .. نايف : مدري عنها ... من طعتي فوق طلعت حتى بدون سلام او كلام .. بيني وبينكم احسن .. انا هالبنت ما اهضمها مع اني ولد بس ما أدري ليش احسها ثقيييييييييللللللللللة .. ضحكت شوق .. حتى انت بعد .. يعني مو انا لحالي .. ندى بضيق : وربي انها قليلة ذوق .. طيب تنتظر عشان تسلم او تقول انها بتروح .. مو كذا تروح وبس بدون كلام .. نايف بعدم اهتمام لف لشوق : تعالي بس كملي مع حبيبك نمبر تو .. حبيبك نمبر ون راح ياكل فكككككككككه .. شوق ضحكت وراحت جنبه : الا عاد حبيبي نمبر ون لا تقول عنه شي ترا ما أرضى عليه .. نايف بثقل الرجال : افا والله كذا تزعليني .. عالاقل جامليني .. بالمزرعة .. طلع احمد من الفلة وراح لسيارته يدور على جواله لأنه الظاهر ناسيه هناك .. الشمس قربت تغرب والجو جناااان نقي وبارد ومنعش .. وصل سيارته ولقى الجوال بمكان مايحطه هو دايما .. وقبل ما يطلع من السيارة لفت نظره دفترندى .. ورجعت له صدمته اللي للحين ما تشافى منها .. صار هالدفتر دايم معه واغلب الأحيان بكون بسيارته .. من فترة لفترة يرجع يفتحه ويقرا اللي فيه .. ويزيد تصديق ان ندى حبته في يوم من الايام .. لكن السؤال واللي مسبب له حيرة هل ندى الى الآن تحبه أو لا .. من مكالمة التلفون قالت انه خلاص نسته وزيادة عالمكتوب بصفحات هالدفتر بين ايديه .. لكن احمد داخله مو مصدق .. المكتوب يتكلم عن حب كان صادق وقوي ومتأصل بندى من طفولتها .. معقولة بهالسرعة الانسان ينسى ؟!!!!.. جلس احمد بداخل سيارته وقفلها علىنفسه عشان يخلو بنفسه شوي ويقدر يفكر بهدوء ورزانة .. ويقدر يوزن الأمور .. طاري ندى الحين لحاله صار يسبب له اضطراب .. زيادة على التأنيب اللي ملازمه من عرف بالحقيقة كلها .. بنت خالته عانت وتألمت كثــير وهو مو داري عنها .. صار يذكر الحين كل المرات اللي حاولت تقوله فيها شي .. بس ما توقع وقتها انها بتقوله " أحبـك " .. عمره ما تخيل ان ندى بتقوله هالكلمة بيوم من الأيام ..!!!! والحين قاعد يفكر عشان يتصرف بطريقة سليمة ، ويقدر يسترد ثقة ندى فيه مثل ما وثقت فيه من قبل ..!!!.. | |||||||||
| |
|
| مواقع النشر (المفضلة) |
| الذين يشاهدون محتوى الموضوع الآن : 9 ( الأعضاء 0 والزوار 9) | |
|
|
| |
العرض العادي
