هل تريد التسجيل في منتديات بنوته ؟
إحصائيات المنتدى: المواضيع: , المشاركات: , الأعضاء:
إحصائيات المنتدى: المواضيع: , المشاركات: , الأعضاء:
|
|  |
| التميز خلال 24 ساعة | |||
 العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم |
المشرفة المميزه |
الفرسان | دورة الإدارة المالية لغير الماليين بقلم : الفرسان  | قريبا | قريبا |
| |||||||
 |
| | LinkBack | أدوات الموضوع | انواع عرض الموضوع |
06-07-2010, 12:21 AM
| #251 (permalink) | |||||||||
|
مستشار المؤسس ~  
| 
رد: بنات عز وقلبهم ماعزهم >>رواية رومنسية جريئة (سعودية) انا :
قمرهم كلهم خلود>> يعني حفلة بسيط ام هتون>> عليكي نور نوارا>> حمستيني اعرف ام هتون>> لما نوصل تعرفو طلعو البنات عشان يتجهزو ويغلص على انو مابقي شي على النغرب ويأذن هتون>> اموت وااعرف امي فين بتودينا شهد>> مدري عنها الأيام دي سايرة غامضة نوارا>> ماادري ليش عندي احساس انو امي تسوي لنا صادو خلود>> ومن متى امي تسوي صادو ياغبية نوارا>> مدري احسها اليومين مستخفة خلود>> نوارا انتي تعرفي انو امي تقرب لك نوارا>> من جدوالله توي ادري خلود>> لامن جد تسير امك ترى نوارا>> يالله وانا طول عمري افكرها عمتي شوف كيف الزمن لاإله إلا الله دخلت ريما مع امها عشان يسو التحليل وابوريما وطلال وصالح راحو يسو تحليل طلال ام ريما> ريما خليكي هنا انا بروح الحمام ولوجا دورك ادخلي ريما مارت عل امها بس هزة راسها خرجت امها ونادتها الممرض >>ريما هشام دخلت ريما وجلست على الكرسي ورفعت الكم حق يدها عشان تسحب لها دم وطعبا ريما وجهها مقلوب وعيونها حمرا وجالسة تبكي السستر> ياهبيبي انت ليش يبكي ريما >> مافيا شي السستر>> لابي كلو بنات يجي هنا هابي انت ليش مابي هابي ريما >> عشان انا مايبغى هذا عريس السستر>> انت مايبقى طيب ليش زواج ريما>> غصبن عني انا في لوف واحد تاني السستر>> انت مايقى هذا اريس ريما>> لا السستر>> انا سوي انت تحليل دم مافي كويس بعدين نتيجه خربان ريما لما سمعت السستر فرحت وسلمت عليها من غير ماتحس>> والله يلا الله يخليك السستر> ايوا بس انت لازم يدفع فلوس ريما بوزة >> انا مافي فلوس السستر> كلاس انا مايقدر يسوي شي رفعت ريما الكم ولقت ساعتها الفندي طبعا الساعه هذي رقم 19 من ساعات فندي الي عندها ريما>> شوفي هذا ساعه فندي الماس ب 5 الاف رياال خديها السستر غرها شكل الساعه >> كلاس انا ياخد ساعه سوي تحليل كربان ريما باستها >> اموت فيكي فصخت ريما الساعه حقتها واعطتها السستر عشان تلعب بالنتيجه وللأسف الشي دا ساير بكرة في المستشفيات صحح انو لو اجابيات زي حالت ريما بس برضو سلبياتو اكثر حطت السستر اللصقة على يد ريما من غير ماتسحب لها دم >> يلا روه على خرجت ريما من الغرفة جات امها من الحمام ام ريما>> خلاص سحبو منك دم ريما>> ايوا خلاص خرجت ريما وطبعا كانت متلثمة واللثمة تجنن عليها لقت قدامها طلال لابس بنطلون جينز وبلوزة موف شكلو مرة كيوت بس ريما ماتهتم ام ريما>> كيفك ياطلال طلال مسوي مزوق>> بخير الله يسلكم كيفكم انتو ام طلال>> بخير الحمد لله ام ريما>> ها متى قال ولك النتيجه ابوريما>> بعد نص ساعه طلال>> طيب يلا تعال نشرب شي ام ريما>> يللا خرجو ريما وطلال وام ريما وابو ريما من المستشفى يشربو لهم شي من كافي جمبهم ايش راح تكون نتيجت التحليل؟ خلاص ريا افتكت من طلال؟ ورنيم ايش راح تقول لأنس؟ وهتون واخواتها فين رايحين مع امهم؟ راكان حيسافر فرنسا ويسيب كل شي لانس انس راح يكون قد الثقة ولا راح يفشل لمشروع؟ | |||||||||
 |
|
06-07-2010, 12:23 AM
| #252 (permalink) | |||||||||
|
مستشار المؤسس ~
|
رد: بنات عز وقلبهم ماعزهم >>رواية رومنسية جريئة (سعودية) انا :
قمرهم كلهم البارت 89 ام ريما>> ها متى قالولك النتيجه ابوريما>> بعد نص ساعه طلال>> طيب يلا تعال نشرب شي ام ريما>> يللا خرجو ريما وطلال وام ريما وابو ريما من المستشفى يشربو لهم شي من كافي جمبهم راحت رنيم جري ودخلت غرفة امها واخذت جوال ريما الدمعه لانو كان محطوط على التسريحه مالقت الجولات حقتهم وعلى طول اتصلت على انس انس جالس يتغدى في البيت وجوالو دق من يوم ماسمع نغمة ريما رد انس>> حبيبي انت فين رنيم>> حبك كلب اعور انس>>ههههههههههههههه رنيم رنيم>> عمتك رنيم انس>> هه طيب ياعمتي رنيم كيفك رنيم>> مو وقتو انس اسمعني كويس اليوم طلال جاي يملك على ريما وبعد 20 يوم فرحها انس كانت الملعقة في يدو وفجأة طاحت على الأرض>> ايييييييييييش رنيم>> مو وقتو تتفاجأة هيا دحين في المستشفى عشان يسو لها تحليل الزواج انس>> كيف وليش لحظة لحظة متى سار هذا الكلام رنيم>> امس الليل ماما قالت لريما لانو الخرا طلال جايتو بعثت في فرنسا يكمل ماستر وبعد عشرين يوم مسافر ويبغى ياخد ريما انس>> الله ياخدو رنيم>> انا كلمت ريما وقلت لها تشرد معاك انس> رنيم كيف تشرد انتو كيف تفكرو رنيم>> انس ترى مافي غير دا الحل لو كنت تبغى ريما خذها واشردو انس>> طيب بعدين رنيم >>لا بعدين ولاقبلين اتصل على امي وقلها ريما ماهي بنت وخلاصنا انس انفجع>> لا يارنيم انا ماسوي شي في ريما بالحرام رنيم>> يالله على هذا الدلخ احد قالك سوي شي اكذب عليهم انس>> طيب وفين نروح رنيم>> انس دبر نفسك انس>> والله يارنيم هذي فيها نكبة رنيم>> خلاص بكيفك انا قلت لك الي عليا انس>> لحظة انا اليوم بجي عند بيتكم وراح اوقف عند شباك الغرفة حقتكم ونشوف ايش نقدر نسوي رنيم>> طيب اوكي لاتتأخر المملك جاي بعد العشا انس>> اصلي العشا واكون عندكم طلب طلال الكافي والحلا وطبعا ريما ماطلبت طلال>> ماتبغي شي ياريما ريما من طرف خشمها>> لا ام ريما >>ههههه معليش ريما توها متغدية طلال>> اممم بالعافية طيب كافي ريما>> مااشرب طلال>> طيب ايش تشربي ريما>> اوووووووووف لو ابغى شي حأقول لباب يجب لي طلال>> اتس اوكي براحتك لف طلال وجهووهوا حاقد من ريما مرة ثقيلة وهوا عشقو يكسر خشم البنات الثقال ام ريما بصوت واطي>> قسم بالله لو ماعدلتي اسولبك لااعطيكي بلي فرجلي ريما>> ماما انا مني صغيرة عشان تكلميني كدا وبعدين من حبي في طلال يعني جابو الكافي وجلسو يشربو ويتكلمو وريما مكتفه يدينها ولانطقة بكلمه مروج>> ماما امس دقت عليا نورة صحبتي تقول احمد بدوي منزل فساتين تاخذ العقل ام مروج>>بس احمد بدوي كلها ابيض مروج>> خلاص لولقينا شي حلو نخلي يغيرلنا لونو ام مروج>يابنتي مابقي غير 24 يوم تقريبا على شبكتك مروج>> طيب ايش نسوي ام مروج>> خلاص بكرة ننزل انا وانت المساعدية ونلفها كلها محل محل مروج>> ان شاء الله اذن المغرب وراح ابوريما وطلال المسجد ترى اول مرة طلال يروح المسج بس ابوريما احرجو لما راح اتوضا وقالو طلال يلا صلاة صلى طلال وابو ريما مع الرجال في المستشفى وريما وامها في مصلى الحريم خلصو صلاة وجووال ام ريما دق ردت ام ريما>> ايوا حبيتبي >> انا دحين جاية ام ريما>> خلاص احنا دقايق ونكون في البيت >> طيب في احد ولااستنى عند الباب ام ريما>> لالادقي في بنتي رنيم والخدامات >> اوكي باي ام ريما>> باي ريما >> مين ام ريما>> الكوفيرا ريما هزة راسها >> اممم خرجو ريما وامها عند طلال وابو ريما وراحوجابو النتيجه ودخلو للدكتور طق طق طق الدكتور >>> اتفضل دخلو كلهم للدكتور اعطى ابوريما الدكتور النتيجة وريما تطالع لطلال بنظرة انتصار الدكتور وهوا يقرا>> امممم ابوريما>> ها يادكتور الدكتور>> للأسف العينات مو مطابئة ام ريماانصدمت>> ليش مهم قرايب االدكتور>> موشرط انهم يكون قرايب طلال حس بنار تغلي في قلبو وريما تطالع في نظرة انتصار وهيا مبسوطة ابوريما>> ليش يادكتور السكر لو دخل في المووضوع الدكتور >> ايا سكر الله يهديك البنيت مافيها شي ابوريما>> كيف مافيها شي ريما معاها سكر من يوم ماكان عندها 3 سنين الدكتور >> غريبة مو مبين هيك مبين انو عندا فقر دمي منجلي وبعدين ادي عمرا الصبية مبين انو البنت لسة صغيرة وعيانت دمها بتقول انا لسة مابلغة ريما انصدمت ايش التصريفة الي صرفتها هيا السستر ام ريما >> كيف مابلغت لها 4 سنين بالغة وبعدين ريما الحمد لله ماعندها قفر دم الدكتور >> والله هاد الي مبين في التحليل .. بس دقيقة لشوف طلب الدكتور التحليل حق السكر وحلل لريما الدكتور وهوا يطالع في الجهاز >> ام صحيح معا سكري بس كيف بيخربطو بالنتائج دقيقة لشوف اتصل الدكترو على التحليل واكتشفو انو التحليل حق ريما وبأسمها وطلب لها تحليل جديد ريما هنا انصعقت حللتها السستر قدام الدكترو واهلهاوبعد 10 دقايق جابو النتيجه طلال >>>ها دكتور كيف الدكتور >> اية هيك مبين لا في توافق بينكم طلال انتهد وطالع في ريما نظرة إنتصار >>> كويس ام ريما >> كيف يلخبطوفي العيانات الدكتور >>> خلاص يااخي حصل خير احنا بنساوي هاد الموضوع فيك تاخذ العريس وبتطلعو الورقه مشان العقد ابوريما>> طيب اوكي اخذ ابوريما النتيجه وخرج هوا وطلال يجيبو الورقة | |||||||||
| |
|
06-07-2010, 12:24 AM
| #253 (permalink) | |||||||||
|
مستشار المؤسس ~
|
رد: بنات عز وقلبهم ماعزهم >>رواية رومنسية جريئة (سعودية) انا :
قمرهم كلهم الدكتور يسأل ريما >> ياريما الي اخذت لك العينة من الدم فلبينيه لابسة نظارة وردية ريما>> ايوا الدكترو وهوا يطالع في النتيجه الأولى والنتيجه التانية>> ودخلك شو عطيتها ريما استغربت >> ايش اعطيتها الدكتور>> كم اعطيتها مشان تغير لك النتجيه ريما>> ماقلت لها شي ام ريما عارفة انو ريما ماعندها فلوس على طول طلت في يدها مالقت الساعه وريما إستحالة تجلس من غير ساعه ام ريما >> ريما اديتها الساعه ريما انفجعت وحطت يدها على زندها>> ها لا انا مالبست ساعه رفع الدكترو التلفون وطلب السستر وجات الدكتور>> مريال هذي تاني مرة بتلعبي بالنتائج مريال مفجوعه>> دكترو انا مبي لئب الدكتور>> وينا الساعه السستر انحشكت وطلعت من جيبها ساعه ريما الألماس واعطتها الدكتور الدكتور >> بائي لك مرة وبكلمك الأدارة تاخذ معك الإجاراء اللازم اتفضلي الدكتتور وهوا يعطي ريما الساعه>> إزا مابدك ياه مو ضروري تعمل هيك ئولي مابدي ياه ام ريما>> شكرا يادكتور سحبت ام ريما ريما من يدها وخرجو برى>> قسم بالله ياحيوانه يابنت الــ؟؟ لو ماكان في المستئفى كان نحرتك ترشي الممرضاتك عشان ماتتزوجي طلال والله ياريما والله انس هذا ماتكحلي بعينك غطت ريما وجهها وسارت تبكي جا ابوريما وطلال وركبو السيارة وركب طلال سيارتو وراح البيت عشان يتجهز ركبوالسيارة من غير ماتقول ام ريما أي كلمة لابو ريما لانو لو شاف اصرار ريما حيرفض طلال لانو مو مقتنع في وام ريما تبغى طلال بأي طريقة لبنتها لبست رنيم فستان اسود عريان مافي ولاشي مررررررة عادي اخذتو من ارمني وسوت لها الكوفيرا شعرها استشوار ولبست سلسلة الماس وحلق الماس وساعه سودة من شانيل شكلها كان مررررررررررة سمبل وكلاسك في نفس الوقت خلصو شهد وهتون لبس وباقي بس يتعطرو ويلبسو العبي.. شهد لبست تنورة طويلة سودا من ديور وعليها بلوزة رصاصيية من غير اكمام وفردت شعرها وسوتو بف من قدام اما هتون لبست فستان ابيض منقط باأسود قصير لتحت الركبة مرة موديلو لزيوزي فساتين ايام زمان وسوت شعرها زي الشنيون على فوق نوارا لبست تنورة تحت الركبة من زاراه لونها بني وعليها بلوزةليمون عريان كمان ششكلها كان لزوز وخلود لبست فستان زيتي اخذتومن اسبريت مرة شكلو سمبل وشعرها فردتو وهوا مستشور شهد>>اموت واعرف امي فين بتودينا نوارا>> مدري ليش حاسة انو بنروح بيت ام عبد المحسن خلود>> ولله لأنتحر غبية الحرمه دي هتون>> تخيلو ودتنا نوارا>> اسوي لها شر زي المرة الي راحت الين جا ابويا واخذنا شهد>> لالامااتوقع لانو هذيك المرة ابويا قالها لاتوديهم مكان مايبغو يروحو هتون>> طيب فين تتوقع خلود>> يلا كلها كم دقيقة ونعرف وصلو البيت ونزلت ريما مع امها من السيارة ام ريما> يلا لا تتأخر عشان المملك كمان ساعه وجاي ابوريما>>لالا بس اروح اشيك على العشا وارجع جهزي لي ثوبي ام ريما>> طيب يلا مع السلامة دخلو ريما وام ريما البيت ام ريما>> والله لومو الفشلة كان صكيتك كف خليتو احمر وازرق في وجهك بعد الي سويتي ريما ساااااكته ماقالت ولاكلمة ام ريما>> يلا انقلعي فوق تلاقي كل شي جاهز البسي واتجهزي بسرعه طلعت ريما الغرفة بشويش وهيا تبكي من غير صوت رنيم >> ايوا خلاص كدا شكرا >> يازينك يارنيم غزاله رنيم>> الله ييسلمك ترى انا من زمان غزاله بس اااااااااااااااااه الزمن خلاني جرادة >>>ههههههههههه ياعيشك دمك خفيف فتحت ريما الباب ودخلت الغرفة وجهها سبعين طبقة رنيم راحت جري لريما >> ها ايش سار ريما رفعت عيونها في عيوون رنيم وعيونها حمممممممرة زي النار ومليناه دموع>> اتوافقة العينات رنيم>> يالله ماقدرتي تسوي شي ريما >> رشيت السستر واديتها الساعه بس الدكتور عرف لانو ماطلع في العينة معايا سكر رنيم >> امانه قهر ريما>> ولاخلاص كان كل شي راح يتفركش >> ريما شبيك زعلانه ريما>> ماابغى العريس >>> خلاص قولي ماابغى ريما>> ماادقر ماما غصبتني >> وعليش يغصبوكي رنيم>> عشان ريما كانت تحب واحد ولما عرفو جبروها على طلال >>> ياعيني وش السوا ريما>> ماادري >>> شوفي ياريما كل شي بالغصب إلا الزواج هذا عمر ياحبيتبي رنيم >> ماعندنا حل >> والله مدري شقولك بس توكلي على الله وكل شي بيسير حسب المكتوب اتنهدت ريما >>ونعم بالله >> تعالي الحين سوي لك شعرك ومكياج ونفكر شنسوي كل الناس حزنانه في حال ريما إلا امها الجبارة مافي قلبها رحمه تاخذ طلال يعني تاخذ طلال مر الوقت واذن العشا وخلصت الصلاة جا ابوريما بعد ماشيك على العشا ولبس واتكشخ وجاب المملك وعيال عمو وقرايبو الرجال وجلسو في الصالون الكبير راح طلال البيت وزبط نفسو ولبس الثوب واتكشخ وسار من جد عريس لبسو نوف ونهى وام طلال لبست نوف فستان فوشي من غير اكمام وسوت شعرها إستشوار ومكياج خفيف شكلها طلع لزوووووووووووووز اما نوف لبست بنطلون سكني وبلوزة صفرا عريانه عليها فرشات موفية وسوت شعرها كدش برضو شكلها كان حلو بس لبسها حق حفلة مو خطوبة ام طلال نازلة والعباية في يدها >> يلا ياطلال خرج طلال من غرفتو وهوا لابس الثوب الأبيض والمشلح الأسود والغترة البيضة وذاك الدقن الأسود من جد شكلو امييييييييييييييييييييييييييييير بمعنى الكلمة نوف >> ماشاء الله تبارك الله زي فلقت القمر طلال>> احم احم نهى>> اوف يلا قبل ماتنفقع مرارتي لبسو العبي وركبو السيارة مع طلال ام هتون> يلا يابنات هتون>> امي هذا بيت عمي ابوهتون>> انزل ويلا شهد انفجعت >> ابويا ايش في ام هتون>> لما تنزلو تعرفو نزلو البنات جري يبغو يعرفو ايش في مررررررررررررررة مررررررررررررة ماجا في بالهم انو ملكت ريما طبعا هذا كلو وانس واقف عند الباب من بعد ماصلى العشا انس >> اااااااااااااااه ياريما قلبي معاكي دخلو البنات جري وطلعو على الغرفة حقت ريما ورينم بالعبي اول من فتح الباب شهد لقت ريما في وجهها جالسة تلبس خلصت شعرها ومكياجه شهد>> ريما ايش في ريما من يوم ماشافت شهد الدموع سارت تنزل من عينها وراحت جري وحضتنها>>>شهد اليوم ملكتي على طلال ياشهد هتون حطت يدها على فمها >> ايش كيف يملك عليكي انا نازله لأبويا نزلت هتون مع نوارا جري عند الرجال خلود>> لاتبكي دحين هتون تقنعهم | |||||||||
| |
|
06-07-2010, 12:25 AM
| #254 (permalink) | |||||||||
|
مستشار المؤسس ~
|
رد: بنات عز وقلبهم ماعزهم >>رواية رومنسية جريئة (سعودية) انا :
قمرهم كلهم رنيم>> ايت تقنعهم ريما ماخلت شي ماسوتو بس ان شاء الله تنجح الخط شهد>> ايت خطة رنيم >> انا قلبت لانس ياخد ريما ويشردو وبـــ وجلست رنيم تحكي شهد الكلام الي قالتو لأنس هتون وهيا برى مع ابوها وعمها عشان المملك في الصالون هتون>> يعني كيف ياعمي ابوريما>> ياهتون الولد طيب ونعرفو هتون>> كدا من غير حفلة ومن غير فرح بعد 20 يوم يباخدها نوارا>> ليش ريما بايرة ابو هتون>> يابنات الشي الطيب مايجي غير مرة وحده وريما جاهلة ماتعرف مصلحتها فين هتون>> بس ياعمي ترى هذا مو اسلوب حضاري تعامل في بناتك حرام الي جالس تسوي في ريما ابوريما عصب >> هتون الي ريما سوتو مو قليل وبعدين ريما مريضة وفرصتها انها تتزوج واحد كويس قليلة نوارا>> ايش سوت وبعدين ريما تجنن والف مين يتمناها ابوريما>>> واليماني الي تعرفو والي الكلام الي قالت هذا كلو ماسوت شي نوارا>> يحبها وجاها بالحلال ابوريما>> صادقة امها لما قالت انا دلعتهم النقاش انتهى وبعد عشرة دقايق ريما بتكون زوجة طلال يلا اطلعو دخل ابوريما مع ابو هتون المجل يستنو طلال يجي ابوريما في نفسو>> اااااااااه ياريما والله عارف اني جبرتك بس بكرة بتعرفي اني كنت على حق سامحيني يابنتي طلعو هتون ونوارا للبنات ولقو ريما لبست وخلصت ريما لبست فستان بيج وفي تطعيم بالوردي وردات مو بارزة لا شك.. مرة تجنن ومنفوش شويا من تحت ينفع يكون فستان شبكة فخم وفي نفس الوقت مناسب... ومسويه مكياج مرررررة كيوت لونو وردي واسود موسع عيونها ومعطيها جرائة فظيعه وحاطة رووج فوشي ينطق على شفايفها وشعرها كان ملفلف ولامتو لها الكوفيرا من قدام ورافعتو شويا وحاطت لها ورد صغيرة على جمب شكلها كان يطير العقل هتون>> يالله ياريما شكلك مررررررررررررررة يجنن ريما وعيونها تبغى تدمع >> لا ياريما حبيبتي هذي تاني مرة اصلح لك المكياج مسكت ريما دموعها وراحت جري على الشباك لقة انس جالس على السيارة ريما >> انس هنا جالس يستنى شهد> يلا اشردي رنيم >> يلا امشي هتون انصدمت>> ايش كيف تشردي شهد>> مافي غير دا الحل هتون>> كيف؟؟ ماتقدري ريما >> إلا من الباب الي من ورى هتون>> ريما ترى مو سهل الي جالسة تفكري في ورا مصايب ريما>> ايش مايكون انا غير انس ماراح اتزوج قربت ريما من الباب إلا أمها فتحت الباب وهيا تزغرط ولولولولولولولولولولولولي ريما انفجعت >> ماما ام ريما>>>لولولولولولي يلا انزلي خلاص جو ابوكي بيملك تحت ريما >> ماما الله يخليكي ام ريما بنظرة قوية >> ريما يلا نزلت ريما مع امها والبنات والدي جي شغال والأغاني شغاله نزلت ام ريما قدامها وخلت الدي جي يشغول ريما أغنية تنزل عليها شغل الدي جي اغنية مافي غيرة سكن روحي حبيبي وانا احبة لو قالو تمنى اتمنى عمري قربة نزلت ريما ونزلو وراها بنات عمها اول ماوصلت الصاله ام طلال فتحت فمها من جمال ريما شكلها ياخذ العقل نوف>> ماما مرررررررررة شكلها يحنن نهى>> يع شوفي كيف قالبه وجهها الغرور قالتها >> ماشاء الله تاخذ العقل >> ياختي اخت زوجك عرفت تختار ماشاء الله مرة حلوة >> لاقوة إلا بالله كأنها اميرة >> يابنتي بنت هشام ايش تبغيها تكون ابوها ماشاء الله حلو يعشقني يعشقني وانا بيدي دوا اانا ادري احبة احبة بس شويا اتغلى علية اتفاجت ريما في ناس كثير ام طلال واخواتو وخالتو وعماتو وصحبت امها وحريم خيلان ريما وبنت خالت امها وام بندر وكل معارف ام ريما هتون تكلم ريما بصوت واطي>> متى لحقت تكلمهم اذا امس جاها الخبر رنيم>> من جد مااتوقعت يكونو كثيرين كذا نزلت ريما والزغاريط الصفقة والأصوات عالية وريما جسمها يتنفض من الخوف سلمت ام طلال على ريما وسلمت نوف على ريما وجلست ريما في الكوشه الي فجأة ظهرت كيف سوت امها كل شي بدي سرعه ماتدري في مجلس الرجال كان ملينا بس مو اكثر من الحريم خيلان ريما وعيال خاله الصغار وعيال عم ابوها وقريابهم الرجال طلال ماسك يد ابوريما المملك>> الف مبروك منك المال ومنها العيال ابوريما>> الله يبارك فيك طلال>> شكرا اعطى ابو هتون المملك الفلوس وخرج من البيت خلاص ريما زوجة طلال على سنة رسول الله صلى الله عليه وسلم يعني مافي حل خلاص ريما ماسارت لأنس سارت لطلااااااااااااااااال انس لما شاف المملك خارج عيونو دمعت بس مسك نفسو جلس يستنى ويشوف ايش راح يسير راح ابوريما عند الحريم ونادى على ام ريما وقاله خلاص عقدو ام ريما>> لولولولولولولولي ام طلال>> خلاص عقدو ام ريما والفرحه ماهي سايعتها >> ايوا ام طلال>> لولولولولولولي ريما حست بخنقة بتذبحها والعبرة خانقتها ماهي عارفة ايش تسوي مكتوفت اليدين مابيدها شي لو بكيت ماراح تغير شي كل تفكيرها في انس الي جالس برى مسكين مو عارف ايش يسوي قطع تفكير ريما حضن ام طلال>> الف الف مبروك حبيتي الله يتمم لكم على خير يارب ريما تحس انها في كابوس>> الله يسلمك بنات عمها مو عارفقين ايش يسو جالسين كأنهم في صف عز ام ريما خلت حقت الدي جي تشغل للبنات اغاني دقاقات وقومتهم يرقصو واقف على على باباهم ولهان ومسير اسئل على الي سأل محبوبي لصغير قامت هتون مع نوارا ويارو يرقصو يومين مرو علي مرة علين سنتين لو اكثر مااقدر يامنيتي عن شوفتك اصبر ريما تسمع الإنية وتحس بخنقة هذا نصيبي وانكتب احب انا صغيرون يحبني لاكن هلا ياخوفة لايدرون وراحت رنيم جلست جمب ريما >> ريما لاتخافي انا مخططه لكل شي ريما>> رينم خلاص ملك عليا رنيم>> ويعني ريما>> كيف ويعني رنيم>> مالك دخل انا مرتبه كل شي بس انتي افردي وجهك الناس ترى مرة مستغربة ها ريما>> ماابغى رنيم>> ياهلبة عشان الي في راسي يسير ريما>> ايش الي في راسك رنيم>> لاتستعجلي على رزقك افردي وجهك قامت رنيم وسارت ترقص وتهيص كأنها فرحانه ومنشكة لخطبت ريما ولما شهد والبنات استغربو من رنيم راح سألوها وفهمتهم رنيم كوووووووول شي راكان لما اتصل على انس وعرف انو ريما ملكت اليوم راح جري على بيت ريما ورينم ولقى انس قدام السيارة | |||||||||
| |
|
06-07-2010, 12:26 AM
| #255 (permalink) | |||||||||
|
مستشار المؤسس ~
|
رد: بنات عز وقلبهم ماعزهم >>رواية رومنسية جريئة (سعودية) انا :
قمرهم كلهم نزل راكان من سيارتو وراح لأنس راكان>> أيش في ايش سار انس >>زي ماقلت لك عقدو لريما على طلال راكان >> دقيقة كيف وليش ريما مااعطتك خبر من اول انس>> ريما مادريت غير امس راكان>> وايش راح تسوي انس>>> ماادري بس رنيم توها كلمتني وقالت لي بس يخرجو الناس تعال من الباب الي ورى حق الحوش وخد ريما وروح على أي مكان لاوتطلع غير بعد كم يوم راكان>> وانت راح تسوي كدا انس|>> ايوا ياراكان مافي غير دا الحل راكان>> انس الحكاية دي وراها مصيبة انس>> مايهم لو اسافر انا وهيا بالبر على أي مكان وازبط اموري راكان>> بس ياانس ريما متزوج ولو طلال عرف بيسوي لك مصيبة له اول مالها اخر وحتدمر انس>> مايهم اصلا انا مالي حياة من غير ريما طلع راكان مفتاح من جيبو>> خد هذا شالية في الدرة بس انتبه لنفسك واي شي تحتاجوا ديني خبر انس حضن راكان> الله لايحرمني منك راكان>> ولا من جد... تعال نشرب شي لين تتصل رنيم انس>> اخاف اتأخر راكان>> لاتخاف هنا قريب جمب بيتهم ماراح نبعد انس>> يلا طلع انس مع راكان وراحو كافي وجلسو في مر الوقت والرقص والفلة جو وريما تحس انها في كابوس ماهي متخيلة انها بتتزوج طلال رقصو الحريم وصفقو وزعرطو وانبسطو الين سارت الساعه 2 الليل ام ريما>> عيشة عيشة تعالي ام طلال>> ايوا ام ريما>> ياحرمة ماتبغي تجيبي الولد ينزف ام طلال>> إلا عشان كمان يلبسها ام ريما>> طيب دقي عليه خلي يجي عند الباب وانا اجيب لو ريما ونزفهم ام طلال>>طيب دقت ام طلال على ولدها وقالت لو تعال عند الباب ام ريما راحت لريما >> ياجماعه طلال داخل يلبس رريما واذا حبين تجلسو اتفضلو اذا مو حابين اتفضلو على العشا طبعا كلهم جماعته ومعارفهم يبغو يشوفو طلال راحو الحريم جابو العبي ولبسوها واخذت ام ريما ريما من يدها وودتها لطلال وصل طلال عند باب الصالون وراحت ام طلال لريما ام طلال وهيا مدنقه على ريما >>هيا ياريما طلال يبغاكي تنزفي معا ريما حست انو جسمها كلو يرجف >> ها دحين ام طلال سلمت على خد ريما >> ايوا حبيبتي هيا قامت ريما بفستانها الخطير وشكلها إلي ياخذ العقل وراحت مع ام طلال عند الباب طلال كان يصلح غترتو وماانتبه لريما واول ماجات عينو بعين ريما فتح فمو وسار يقول في نفسو>> سبحان من خلقك عليك شقرة اعيان تاخذ العقل يالله ايش دا الجسم ويش الجمال والشعر اول ماشتفك بشكل ودحين بشكل يالله من جد انتي حلوة ريما شافت طلال وسارت تقول في خاطرها>> الله ياخذ عمرك ياشيخ اكرهك اكرهك واكره امك واهلك كلهم حل عني اكرهك طلال >> كيفك ياريما ريما وهيا تطالع في الأرض>> الحمد لله ام طلال>> انا رايحه اقولهم طلال داخل مسكت ام طلال يد ريما وحطتها في يد طلال اول ماجات يد ريما النعمة في يد طلال طلال جسمو كلو سار يتنفض كانو اول مرة في حياتو كلها يلمس بنت... ريما يدها باااااااارد بعكس يد طلال الي كانت دااااااااافية لما ريما مسكت يد طلال حست بدفا يد طلال طلال وهوا يطالع في ريما>> حبيبي ليش يدك بارده ريما طالعت في طلال نظرة كره>> حبيبي؟ طلال>> ايوا مو انتي زوجتي ريما اتنهدت انتطفت انوارا الصالون الكبير ونورت لمبات الكوشة الي في صدر الصالون لبسو الحريم عبيهم لبست رنيم عبايتها من غير ماتغطي وجهها ولبسو بنات عمها العبي وطبعا ماخطو وجههم وراحو لريما رنيم>> ريمو دحين بنشغل الزفة هتون تأشر لريما انو اضحكي باين انك مغصوبة ريما هزة راسها انو طيب انفتح الباب والدنيا ضلام والكشاف على وجه ريما وطلال http://www.ginwah.com/dawnloadItem.a...derID=95838479 وبصوت عالي الفي الصلاة والفين سلام وتهليل على محمد نور القلوب ياناس ياليلل طول مانبي الشمس ياليل ياليل طول مانبي الشمس ياليل مانطلب الليله نجوم وقناديل مانطلب الليلة نجوم وقناديل واحلى الكواكب نورت في سماها واحلى الكواكب نورت في سماها مشيت ريما مع طلال عيونو مانزلت من عليها وريما عيونها في الأرض كل تفكيرها حبيب قلبها الي واقف برى ايش جالس يسوي قرب طلال من ريما وقالها >> تدري ياريما انو شكلك ياخذ العقل لفت ريما وجهها على طلال وطالعت في وبعيدن نزلت عيونها تاني كملت ريما طريقها ونوف وبنات عمها يكشو عليها الورد كل هذا ومروج ماتدري عن شي وصلو ريما وطلال على الكوشه وجلسو سلمت ام طلال على ريما وطلال وسلمت ام ريما على ريما وطلال وجابت نوف الطقم عشان طلال يلبس ريما فتح طلال العلبة وطلع الدبلة اول شي واخذ يد ريما الباردة بيدو الدافية>> ريما ليش يدك باردة ريما >> بردانه ضغط طلال يدو على يد ريما وسار يحكها بيدوعشان تتدفا يدها ريما استغربت حركة طلال طلال طالع في ريما>> ليش مستغربة مو بردانه ريما سكتت ولبسها طلال الدبلة ورفع يدها وباسها اخذت ريما الدبلة من يد طلال ولبستها طلال شغل الدي جي اغنية منتى فاهم اغاني عباس ابراهيم منت فاهم منتى فاهم يااغلى من مرة بعيوني عاشقك سلم امرة للغرام شفت فيك العمر ياالقلب الحنون من عرفتك وانا عايش في هيام طلع طلال السلسة من العلبة وقرب من رقبة ريما وسار فمو عند اذنها وصوت طلال ياااااااااااااخذ العقل قام يغني لها مع الإغنية وهوا يلبسها انسى هالعام لوهم يزعلون ماعطيت اليوم غيرك اهتمام عجزت عيوني على غيرك تمون ماعرفت انطق لغيرك بالسلام ريما مستغربة من طلال أيش الرومنسية الي طاحت علية فجاة وسرا تطالع في قام قرب منها وقال لها منتى فاهمم يااغلى من مرة بعيوني عاشق سلم امرة للغرام شفت فيك العمر يالقلب الحنون من عرفتك وانا عايش في هيام لبس طلال ريما الطقم كامل وراحو الحريم على العشا راكان>> ولو سارت مشكلة زي كدا ياانس ممكن تترحل انس>> طيب ايش اسوي راكان>> انس الزواج قسمة ونصيب وريما خالص سارت زوجة طلال صح البعد عذاب بس الوقت كفيل انو ينسيك انس والدموع تنزل من عيوني>> يعني ريما خلاص راحت من يديني راكان>> للأسف ياانس هذا الي سار انس>> لا انا مراح اتخلى عنها | |||||||||
| |
|
06-07-2010, 12:28 AM
| #256 (permalink) | |||||||||
|
مستشار المؤسس ~
|
رد: بنات عز وقلبهم ماعزهم >>رواية رومنسية جريئة (سعودية) انا :
قمرهم كلهم راكان>> انت فكر في الي قلتلك هوا ترى هذي فيها ترحيل وامك راح تتهجول ولاتنسى الجلد وريما مخطبوة متزوجه يعني محصنة يعني ممكن تترجم انس>> لالا ريما مالها دخل راكان>> خلاص خليها ياانس اسمع كلامي راحو الناس للعشا وراحو البنات يرتبو للخطة اشتغلت اغنية عبد المجيد عبد الله اهتم فيني اغاني عبدالمجيد عبدالله اهتم فيني اهتم فيني حصط بالك عليا سكيني بروحك وعينك وقلبك اهتم فيني حط بالك عليا سكني بروح وعينك وقلبك حافظ على اهل القلوب الوفية مو كل يوم تلاقي واحد يحبك مسك طلال خشم ريما بدلع وغنى مع عبد المجيد [font='arial','sans-serif']وغمز لها[/font] [font='arial','sans-serif'] ريما من غير ماتحس ابتسمت لطلال [/font] [font='arial','sans-serif'][/font] لو قلتلك زعلان جبي لي هدية لو قلتلك ماابيك قلي احبك لاتزعل ان كدرة جوك شوية قلبي طفل ويحب يلعب بقلبك اهتم فيني حط بالك عليا سكني بروحك وعينك وقلبك طلال وهوا ماسك يد ريما ويحكها عشان يدفيها وعيون عليها ريما منزله عيونها في الأرض رفع طلال راس ريما بيدينو من عند دقنها>> حبيبي ارفعي عيونك انا زوجك رفعت ريما عيونها في طلال وشافت لمعه غريبة في عيونو طلال>> ريما انتي ليش ماتبغيني ريما انتهدت طلال مسك يد ريما وحطها على صدرو >> شايفه هذا الي ينبض بين ضلوعي ياريما عمرو مارح يدق لأحد غيرك واخذ طلال يدو وحطها على صدر ريما طبعا ريما دقات قلبها سارت سريعه وجسمها يتنفض طلال>> ووعد عليا هذا القلب عمرو ماراح يدق إلا لغيري وعد ياريما... شايفة خوفك هذا راح يضيع كلو في حضني رنيم > يابنات بسرعه الحقو اتلمو البنات هتون>> وي الله ياخذو حط يدو على صدر ريما يويلي شهد مصدومه>> رنيم شوفو كيف تطالع في نوارا>> من جد كيف سمحت لو يحط يدينو على صدرها خلود>> شوف جالس يهرج معاها طلال كلامو لريما يجنن بس الكلام هذا كذب ولا من جد طلال حس بقيمة الحلال؟ وانس ايش راح يسوي خلاص حيرضى للقسمة والنصيب ولاراح يحاول ياخذ ريما؟ وريم راح تتدخل في الموضوع دا؟ والبنات ايش راح يسو؟ | |||||||||
| |
|
06-07-2010, 12:29 AM
| #257 (permalink) | |||||||||
|
مستشار المؤسس ~
|
رد: بنات عز وقلبهم ماعزهم >>رواية رومنسية جريئة (سعودية) انا :
قمرهم كلهم البارت 90 رنيم > يابنات بسرعه الحقو اتلمو البنات هتون>> وي الله ياخذو حط يدو على صدر ريما يويلي شهد مصدومه>> رنيم شوفو كيف تطالع في نوارا>> من جد كيف سمحت لو يحط يدينو على صدرها خلود>> شوف جالس يهرج معاها ريما رفعت عينها في عين طلال وسارت تتكلم بضعف>> طلال انا اكرهك ماابغاك من يوم ماكنا صغار وانت تضربني طلال يطالع في ريما ويبتسم طبعا مافي احد في الصالون غيرهم والبنات من برى يراقبو قام طلال ووقف قدام ريما ومسكها من يدها وقومها وقربها منو وحط يدينها حولين خصرو وحضن ريما بقوووووووووووووووووووووة وسار يمسد على راسها يالله ريما حست بشي غريب غريب اول مرة تحس في هيا تكره طلال بس الشي الي هيا حاسة في إحساس حلو طلال>> ريما والله العظيم راح اخليكي تحبيني رنيم حطت يدها على راسها>> وصلت للحضن ياحبيي نوارا>>> ههههههههههههههه بعد شويا الدخله شهد مصدومه>> يابنات ريما مغمضة عيونها وهذا الشي يدل انها مرتاحه في حضنو وصل انس البيت ودخل غرفتو قفل الباب على نفسو وسار يبكي>> اهئ ريما والله احبك بس مابيدي شي ريما سامحيني والله احبك بس مااقدر اسوي شي مر الوقت واذن الفجر الناس راحو ومابقي احد بنات عم ريما بايتين عندهم كلهم فوق في الغرفة وابو ريما وام ريما في غرفتهم مافي احد تحت غير ريما وطلال طلال فصخ المشلح والشماغ والطاقية وجلس بالثوب وريما جالسة زي ماهيا بالفستان ومكياجها وتسريحتها كأنها اميرة طلال>> يلا ريما انا بروح حبيبي ريما>> فين طلال>> بروح البيت ريما>> ماراح تروح تصلي قام طلال وباس ريما على خدها بحنااااااان >>> ريما انا مااصلي ريما انفجعت>> طلال من جد طلال مسك يد ريما وجلس على ركبتو قدامها >> ريما انا كل شي في حياتي غلط الشي الوحيد الصح انتي لو تحبيني خلي حياتي كلها صح قام طلال ولبس الشماغ وحط العقال>> ريما ماقلتي لي ماعندك جوال ريما ارتبكت >> ها إلا طبعا طلال غمز لريما >> طيب ممكن رقمك ياحلو ريما >> طيب لفت ريما يمين ويسار ماحصلت ورقة وقلم طلع طلال من جيبو القلم حق مونت بلاك واعطى ريما>> خدي اكتبي الرقم ريما اخذت القلم >> فين اكتب فصخ طلال الثوب ريما انفجعت ايش يسوي دا وبعدين فصخ الفنيلة ريما انصعقت طلال لما شاف ريما مفجوعه ضحك >>>> ههههههههههههههههههههه لا تخافي مني مجنون قرب طلال من ريما ومسك يدها إلي فيها القلم وقربها من صدرو >> يلا اكتبي على قلبي ريما استغربت من طلال من جد رومنسي ريما طالعت في طلال >> اخاف اعورك بالقلم طلال>> لاتخافي ماراح يعورني كتبت ريما رقمها على صدر طلال وهيا معجبة بحركة طلال طلال>> خلاص ريما ابتسمت وبانت سونها لأول مرة قدام طلال رمى طلال نفسو على الأرض ريما انفجعت >>طلال ايش في طلال ضحك>> هههههههههههه خفتي ريما ضربتو على صدرو >> فجعتني طلال>> اول مرة اشوف سنون اللولو ريما انحرجت>> يلا قوم طلال>> طيب قايم قام طلال ولبس ثوبو ولبس شماغو عقالو وطلعو هوا وريما لين وصول للباب وقبل مايخرج طلال باس ريما في راسها وخرج قفلت ريما الباب وتكت ظهرها واتنهدت خرج طلال وركب السيارة وشغلها وراح البيت طلعت ريما ولقت البنات كلهم صاحين اول مادخلت الغرفة راحو جرو ومسكوها وهروها اسئلة وصل طلال البيت وغير ولبس البوكسر والفنيلة وحط راسو على المخده>> يالله اشبي انا ليش اعملها كدا مو قلت اني راح اكسر راسها ليش جالس ادلعها واخاف على شعروها ليش البنت دي اضعف قدامها يالله لدي الدرجه الحلال حلو يالله ياطلال طحت ومحد سما عليك وقدام ريما المغرورة بس شكلها مو مغرور ليش ماتبغاني ريما>> وربي حسيت بشي غريب هتون>> انا من جد مستغربة رنيم>> من جد الحركة رهيييييييييييييييييييبة ريما >> اقولك انا اكتب الرقم على صدرو وجسمي يتنفض نوارا>> بس من جد حركة رومانسية بقوووووووووووووووووة ريما >> هذا كلو مايهمني المهم جوالي فين رنيم>> ماما قبل ماتدخل تنام جابت لنا الجولات ريما راحت جري واخذت الجوال واتصلت على انس انس خلص صلاة الفجر ورجع البيت وجلس على السرير لانو لطلتك هيبة كما هيبة ملك انا في حضرتك مااملك إلا ارتجف المتصل هيبة ملك انس اول ماسمع نغمة ريما حس بضيقة وجلس يبكي>> ريما لاتتصل ماعندي شي اقول ريما >> مايرد نوارا>> اتصلي تاني اتصلت ريما مرة تانية على انس المرة دي انس ماقدر يمسك نفسو ورد عليها انس بصوت ومخنوق >> ايوا ريما ريما >> انت فين انس>> انا في البيت ريما>> انس رنيم ماقالت لك شي انس>> ايوا ياريما قالت لي بس الشي دا صعب يسير ريما انصدمت>> كيف صعب انس>> ريما الحياة قسمة ونصيب انا عارفة انو كلامي قوي عليك بس هذا الي لازم يسير خلاص انتي اتزوجتي وسرتي من نصيب طلال خلاص يابنت الناس شوفي طريقك وانا اشوف طريقي ريما تحس كلام انس زي الكفوف على وجهها>> وحبنا انس وعيونو تدمع من غير مايبكي>>> ربي ماكتب لو انو يعيش ريما سارت تبكي>> يعني خلاص ياانس الي بيننا انتهى انس>> خلاص ياريما وانتي انسانة متزوجه مالو داعي تتصلي عليا وتكلميني ريما مصدومه من كلام انس مو مصدقه انو الي جالس يتكلم انس>> انس حبيبي اسمعني انت اكيد دحين زعلان ومو في وعيك انا اكلمك بكرة انس بحزم وإصرار>> رجاء رقمك لايتكرر عندي ريما >> يعني انس اول مرة في حياتو يصرخ على ريما >> يعني بالعربي لاتتصلي ريما اتفاجئت من اسلوب انس فجأة انقفل الخط في وجهها رمى انس الجوال على الجدار وهوا يبكي >> اسف والله اسف يانور العين سامحيني والله ياريما عارف اني قسيت عليكي بالكلام بس مابيدي شي انا يماني في عن الناس وفي عين اهلك ولاشي ااااااااااه ياربي ليش كدا يسير فيا ليش عشان انا مو سعودي انحرم من احلى شي في حياتي ليش جلس انس على السرير وسار يبكي يبكي من حرقة قلبو مابيدو شي موقفو مرررررة ضعيف طاح الجوال من يد ريما وطاحت ريما على الأرض وسارت تبكي جو البنات كلهم حولينها وشالوها من الأرض رنيم >> ريما ايش فيكي ريما وهيا تبكي >> انس صرخ عليا وقال خلاص كلو واحد في طريق | |||||||||
| |
|
06-07-2010, 12:30 AM
| #258 (permalink) | |||||||||
|
مستشار المؤسس ~
|
رد: بنات عز وقلبهم ماعزهم >>رواية رومنسية جريئة (سعودية) انا :
قمرهم كلهم خلود>> مين رنيم>> هزار خروفي خروفي لابس بدلة صوفي ههههههههههههههههه قامت نوارا وصقعت رنيم بالمخده وسارو يضاربو هتون>> ههههههههههههه مهابيل شهد>> بقوة دق الجرس وارحت ريما فتحت لمروج اول ماشافتها حضنتها وسارت تبكي وتبكي مروج>> حبيبي ايش فيكي رنيم>> تحسبك طلال هههههههههههههههههههههه مروج>> ياربي احد يسكت مزنه لااجي اصفقها دخلو ريما ومروج وسلمت على البنات وجلست مروج>> ها ايش سار حيكيني ريما>> تعالو فوق اخاف ماما تجي وتسمع شي هتون>> يلا قومو طلعو البنات كلهم فوق وسارو يهرجو ويحكو مروج الي سار امس من طق طق لسلام عليكم وصل انس امو بيت صحبتها وراح البحر طفشااااااااااااااان وضايفة في الدنيا وقف انس قدام البحر ونزل وجلس على الصخور الي قدام البحر يتذكر ريما وايامو االحلوة معاها وكيف كانو يخططو لحياتهم وكيف كل شي راح وانتهى بين ليلة وضحاها مروج>> يالله ياريما مرة رومنسية الحركة ريما>> اقولك انا اكتب الرقم ويدي ننتفض مروج>> مدري ليش احسكم ظالمينو ريما>> ماادري يامروج مروج>> طيب انس أيش قال ايش سوا رنيم>> استني يالقف جاينك بالكلام اصبري ريما >> المهم ياستي وبعدين لما جا يخرج من البيت وكلمت ريما لموج الي سار مع طلال طلال اليوم اول مرة مايطلع من البيت جالس في الصالة يتكلم مع امو ويعلقو على ليلة امس ام طلال>> بس ماشاء الله عليها زي فقلة القمر طلال>> من جد تاخذ العقل نوف>> وترى مرة لزوزة وماهي شايفة نفسها زي ماقالت نهى ام طلال>> ايوا صح نهى فين مااشوفها نوف>> مدري عنها انا نزلت وهيا تتكمل بالجوال ام طلال>> هيا كدا ياجوال ياتلفزيون يالاب توب محد يستفيد منها شي نوف>> غريبة طلال اليوم ماطلعت مكان طلال>> مالي خلق اطلع مكان نوف وهيا تغمز لطلال>> كلمت الي بالي بالك طلال>> يوه عيب يابنت ام طلال>> ايوا صح كلمتها طلال >> لا والله نوف>> ليش ماكلمتها طلال> ماادري ماجا في بالي نوف>> ياويلي عليك ورح كلمها طلال>> طيب طيب دحين اطلع فوق اكلمها مورج>> لا من جد مااتوقعت انس كدا رنيم>> خواف ريما>> مو خواف بس الحركة ماهي سهلة مروج>> ولو ياريما لو يحبك على الأقل مايكلمك كدا قامت رنيم وحضنت مروج وباستها >> اول مرة سيد قشطة يقول كلام صحيح مروج خبطت رنيم >> اقلبي وجهك قال سيد قشطة خلود>> احمدي ربك انك سيد قشطة شهد>>من جد احلى عيارة نوارا>> الي من جد مسكينة شهد مروج>> ليش عادي عجوز كلنا بنعجز هتون>> ههههههههههههه ياريت وقفت على كدا مروج>> اجل رنيم>> اطور الأسم مروج>> ليش بوكيمون رنيم>> لا سلاحف الننجا مروج>> ههههههههههههههههههههههه لامن جد ايش سار ريما من غير مبلى>> عجوز ام بوز مروج اتسطحت ضحك وطاحت على الأرض وسارت تبكي من الضحك والبنات كلهم ضحكو على ضحك مروج وشهد مقهورة شهد>> ههه مافي شي يضحك مروج>> هههههههههه اه اه عجوز ام بوز هههههههههههههههههههه حلوة يارنيم رنيم >>> ههههههههههههههه اعجبك ياسيد قشطة ريما>> هههههههههههههههه مهابيل لاتزعلو شوشتي قامت ريما وحضنت شهد وباستها على خدها>> لاتزعلي حبيبي ماعليكي منهم هبل دقت الشغالة الباب نوارا>> مين ايما>> انا هدا سوبرمان كلاس جيب اشى هتون>> روحو جيبو الأكل ترى بموت من الجوع جابو الأكل وفردو السفره على الأرض وسارو ياكلو ويستهبلو ويضحكو طلع طلال غرفتو وقفل الباب وسار رايح جاي كاانو اول مرة يكلم بنت ياخذ الجوال ويتصل ويرجع يفصل مو عارف ايش يقولها كيف يكلمها هذي غير عن الباقين هذي حلالو زوجتو مروج>> يعني اسبوعين ويسير االفرح ريما>> عليكي نور مروج>> طيب وشبكتي شهد>> ايوا صح كيف نسيت وشبكتنا ريما>> ماادري بس بنزل غصبن عنو مو بكيفو هتون>> من جد قهر لو ماحضرتي ريما>> والله غير احضر يقلب وجهو مروج>> يعني تجلسي اسبوعين تقريبا في فرنسا وشبكتي تسير وبعدها بأسبوع شبكة شهد وخلود ريما>> لالا طبعا راح احضر مروج>> طيب كيف راح تسوي ماعندك ملابس ريما>> ماما قالت من بكرة ننزل نجهز الي نقدر عليه شهد>> انا عندي فكرة ريما>> ايش شهد>> ننقسم ناس تجيب الاندر ويه والقمصان و الأسبورات والفساتين السمبل وناس تشوف الإكسسورات والعطرو والمكياج وانتي وخاله شوفو فستان الفرح رنيم>> من جد فكرة حلوة ريما>> خلاص سو الي تبغو واحنا اذواقنا وحده الله يستر لاتقول روح ابى انساك منك بدا عمري وفرحت زماني 050003 رقم غريب ريما عقدت حواجبها شهد>> ردي ريما>> رقم غريب هتون>> يمكن زوجك ريما استنكرت كلمة زوجك من هتون>> لسة ماسار زوجي | |||||||||
| |
|
06-07-2010, 12:31 AM
| #259 (permalink) | |||||||||
|
مستشار المؤسس ~
|
رد: بنات عز وقلبهم ماعزهم >>رواية رومنسية جريئة (سعودية) انا :
قمرهم كلهم نوارا>> شوف السافل من جد ماعندو كلمة هتون>> انا قلت لك ياريما انس ماراح يسوي شي زي كدا هذي فيها مصايب ريما >> يعني خلاص انس راح خلود>> شوفي ياريما ربي يعقد في السماء قبل مايعقد في الأرض وانتي نصيبك انعقد مع طلال شهد >>> من جد ياريما انس لو كان متمسك فيكي كان دحين سوا الي قلنالو عليه ريما>> اشبكم انتو هذا انس ليش كلكم ضدو رنيم>> مو ضدو بس ياريما اهو في اصعب موقف اتخلى عنك هتون>> ريما كلنا نكره طلال ونكره اخواتو بس الي اليوم شفنا يقول انو طلال غير عن ماكنا نفكرو نامو البنات ونامت ريما والدموع ماتفارق خدها انس حبيبها ونور عينها وكل شي في حياتها اتخلى عنها وانس مانام وهوا يتألم على فراق حبيبتو ونور عينو ريما بس ايش يسو هذا النصيب صحيو تاني يوم البنات ولقوا لغدا جاهز اتغدو وطلعو وجلسو في الحديقة عند المسبح هتون>> يابنات في شي نسينا ريما حطت يدها على فمها >> مروج رنيم>> من جد كيف ماما ماقالت لها طلعت ريما الجوال من جيبها واتصلت على مروج مروج جالسه مع امها يهرجو في امور الملكة وجوالها دق والله احبك احبك يشهد الله علي لما اشوفك ارتبك صدقني ماهو بدي المتصل حبيبي مروج استغربت >> واو ريما تتصل راحت مورج على طول واخذت جوالها من فوق الكنبة وردة مروج>> هلا والله خلاص انفك الحصار ريما>> مروج في اليومين دي سارت اشياء كثيرة مروج>> ايش سار اتزوجتي مثلا ريما >> ايوا مروج>> مررررررة مو وقت هبالتك ريما>> مورج امس كانت ملكتي مروج>> على انس ريما>> لا على طلال مروج>> وليش ماقلتو ولي ريما>> انا ماعرفت غير في نفس اليوم مروج>> كيف ريما>> عندك شي اليوم مروج>> ايوا بروح السوق لاشوف فستان للملكة حقتي ريما>> خليها بكرة تعال اليوم عندنا مروج>> ضروري بعد الكلام الي سمعتو ريما>> خلاص اليوم نسنتاكي على العشا مروج>> اوكي ياقمر سلمي لي على البنات ريما>> يوصل مروج>> يلا قلبو باي ريما> باي قفلت مروج من ريما وهيا مصدومه كيف الشي دا يسير فجأة كدا ام مروج>> اشبها ريما مروج>> ريما اتزوجت ام مروج استغربت>> اتزوجت مروج>> ايوا مس عقدو لها على طلال ام مروج>> وليش ماقالت لك مروج>> هيا ماعرفت غير في نفس اليوم ام مروج>> ايش الكلام دا مروج>> والله ام مورج>> غريبة مروج>> انا اليوم بروح لها واشوف ايش الهرجه خرج انس من الدوام ونفسيتو اكس وراح على البيت وهوا في الطريق شغل الراديو اغاني احمد سعد كل ليله وجات اغنية احمد سعد انا كل ليلة في بعدنا يصعب عليا تخلص حكاية حبنا قدام عنيا دايب جوا سحر عنيك كل ليلة بفكر فيك امتى تبقى مابين اديا وتبقى ليا وانا ابقى ليك انس اول ماسمع الأغنية هزتو كلماتها ووقف عند الأشراة وفتح الشباك وطلع يدو وسار يبكي انا كلي لك وحياة عينك ماتغيب عليا تشهد عليك لمست ايديك منتى الي ليا ولعت الإشارة خضرا وكمل انس طريقو للبيت صحيت نوف من بعد نوم طويييييييييل امس طول والوقت وهيا ترقص فرحانه انو طلال اتزوج خرجت نوف من الحمام لقت نهى تكلم بالجوال ناصر>> نونو انا لين دحين مااعرف اسمك نهى ارتبك >ها انا اسمي نوف ناصر>> نوف وناصر عصافير الحب ههههههههه نهى>> لا ياشيخ ناصر>> تصدقي اسمك حلو نهى>> الله يحلي ايامك ناصر>> بس انا زعلان منك نهى>> ليش ناصر>> امس ادق عليك ماتردي عليا نهى> انا قلت لك امس كانت ملكة اخويا وماكنت فاضي نوف>> يانهى نهى>> دقيقة.. نعم نوف>> من اول وانتي تتكلمي بصوت واطي تكلمي مين نهى>> مااتوقع يخصك نوف>> غبية خرجت نوف من الغرفة وكملت نهى كلامها مع ناصر خلص راكان اخر لوحه بياخذها للمعرض كانت احلى لوحه واكثر لوحه طول فيها جلس يرسمها 5 شهور كل الوانها غامق راكان كان ينقل نفسيتو الفترة الأخيرة على اللوحه كانت كلها احداث سيئة موت عبد الرحمن وفراق ريما لانس شال راكان اللوحه وحطها مع باقي اللوح التاني اذن العشا وصلو البنات وجلسو في الصالة يستنو مروج تجي هتون>> ريما طلال مااتصل عليك غريبة ريما>> احسن فكة من وجهو خلود>> ريما خلاص انسي انس شهد>> خلود خليها رنيم>> بس والله امس جاني الضحك لما شفت ريما جمب طلال ريما>> ليش ان شاء الله رنيم>> ههههههههههههههههههههه ريما انتي توصلي عند صرة طلال طلال مرة طويل وضخم وانت ياصغرك مالك داعي جمبو نوارا>> بالعكس شكلهم يطير العقل من جد رجال جمبك ريما>> اذا عاجبك خدي انا متنازلة عنو نوارا>> لا ياقلبي مو هذا الهيرو حقي رنيم>> انا اعرف مين هوا | |||||||||
| |
|
06-07-2010, 12:33 AM
| #260 (permalink) | |||||||||
|
مستشار المؤسس ~
|
رد: بنات عز وقلبهم ماعزهم >>رواية رومنسية جريئة (سعودية) انا :
قمرهم كلهم ردة ريما بصوتها الدلوع>> الوه طلال حس قلبو يدق بسرعه>> فديت الألو انا ريما ماعرفت صوت طلال غير في الجوال> مين طلال>> انا ريما>> انت داق تتونس مع وجهك طلال> ههههههههههههههههه تعجبيني ماعندك وقت ريما>> خلص طلال>> انا طلال ريماوحست بخجل وعلى طول صوتها اتغير>> اسفة ماعرفتك طلال>> لا ياقمر عادي كيفك ريما وهيا ترجع شعرها ورى اذنها >> الحمد لله كيفك انت طلال>> اذا انتي جمبي انا راح اكون بخير وعافية هتون اشرت للبنات من غير ريما ماتنتبه وتركوها وراحو الحديقة ريما ساكتة>> ................... طلال>> ليش ساكتة حبيبي ريما>> ها ماادري ايش اقول طلال>> قولي انك ماراح تتخلي عني ريما>> طيب طلال اتنهد من قلبو >>> ااااااااااه وحشتيني ريما>> حتى انت طلال>> مااحسها في صوتك ريما ارتبكت>> إلا بس عادي يعني طلال>> ايش هوا الي عادي ريما>> ها ولاشي طلال>> ريما حبيبي خدي راحتك وانتي تتكلمي معايا لاترتبكي ريما اخذت نفس وجلست على السرير وبدأت تتكلم مع طلال براحه مروج>> الله يسعدها مع طلال او مع غيرو شهد>> بس قهر احس اكثر وحده فينا حبة بقلب ريما مروج>> ياشهد هذا نصيبها رنيم>> من جد ماكنت اتخيل ريما تتزوج احد غير انس هتون>> هذا نصييييييييييييييب رنيم>> لا ياهتون انتو ماتشوفها ايش تسوي عشانو وبالذات الأيام الأخيره انا من جد استغربت انو اتخلى عنها كدا خلود>>> لاتظلمو الرجال انتو ماتدرو ليش هوا سوا كدا ترى كل واحد وله ظرورف رنيم>> الله اعلم مر الوقت وسارت الساعه 12 ونص قام انس من قدام البحر وارح جاب امو من بيت صحبتها وريما لسى على الجوال مع طلال ريما>>> ههههههههههههههههه من جد ياطلال طلال>> والله من جد تخيلي كم مرة انحشك وانا ابرشم وتخيلي عاد ابرشم في امريكا ريما>> لا انت مرررررررررررررررة قوي طلال>> ايوا ماشفتي عضلاتي ريما>> ههههههههههههه إلا شفتها طلال >> ايش رايك فيها ريما استحت >> حلوة طلال>> اموت انا على الي يستحو ياناس خرجت مروج وراحت بيتها وطلعو البنات كلهم الغرفة لقو ريما تكلم جوال رنيم>> خلاص خلاص من اول وانت دودودو طلال>> مين دي ريما>> هههههههههههه رنيم طلال>> قولي لها تقول ماشاء الله ريما وصوتها كان واضح>> رنيم انس يقولك قولي ماشاء الله البنات كلهم حطو يدهم على فمهم لما ريما قالت انس طلال استغرب>>انس مين انس ريما على طول صرفتها>> يووه ياطلال جالسة اقرا رواية في النت وبطل الرواية اسمو انس حتى حمود اخويا اقولو انس هههههههههههه طلال مشتيت علية مع انو ذيب بس برائة ريما في ردها طمنت طلال>> يوه ياريما شكلك تحبي الروايات ريما>> كل الرواية الي في النت قريتها غير الكتب طلال>> تدري عاد انا اكره القراء هتون>> يوه والله بنت اللذين صرفتها شهد>> حتنادي انس مررررة كثير رنيم>> لالا يبغالنا نعودها على طلال نوارا>> من جد المرة التانية حتتنكب شهد>> لالا ان شاء الله وصل انس البيت ودخل غرفتو من غير مايتعشى ام انس حست انو انس في شي وراحت الغرفة عند ام انس>> ايش فيك يانس انس انتهد >>ااااااااااااااااااااااااااه مافيا شي ام انس>> بس الأااه ماتقل كدا انس>> ريما ياامي ام انس>> احنا ماخلصنا من موضوع ريما انس>> عمرنا ماراح نخلص من موضوع ريما تدري ليش ؟؟ ام انس>> ليش انس حط يدو على قلبو >> لانها الي ينبض جوت ضلوعي ام انس>> بس ياولدي اهلها ردونا وذا تبغاني اخطبها تاني اخطبها انس>> ههههه تخطبيها ام انس>> ايوا انس>> ريما امس ملكة ياامي ام انس>> خلاص ياولدي انساها ماهي من نصيبك انس>> لو الفكر نسيها القلب والروح ماتنساها ياامي ام انس>> قول لاإله إلا الله هذي الحياة كل واحد ياخذ نصيبو منها وريما ماهي من نصيبك انس>>> ماهي من نصيبي عشان انا يماني على قد حالي وهيا ريما بنت اكبر تاجرمن تجار السيارات في جده سعودية متعلمه عشان كدا واحد زي يحلم يتزوج وحده زي ريما الي زينا ياامي بس يحلمو ام انس>> لاتقول كدا انت كمان متعلم وماسك منصب كويس وراتبك الحمد لله كويس وفي احسن من ريما مليون مرة انس>> في نظرك في كثير بس في قلبي مافي غير ريما ام انس>> ياولدي استهدا بالله ونام ولاتفكر كثير وربي يريح خاطرك انس >>> اااااااااااااااااااااه ان شاء الله قامت انس وقفلت النور وطلعت من الغرفة اتمدد انس على السرير وكل مايغمض عيون تجي صورة ريما وهيا تتضحك وهيا في حضنو وهيا تأكلو ماتفارق خيالو دقيقة جلس فهد على السرير يتقلب النوم مو راضي يجي اخذ جوالو وسار يتفرج بصور نجود فهد كل يوم يشوف صور نجود بس من يوم مامات عبد الرحمن سار كل تفكيرو بهتون قلب فهد في ارقام الجوال واتصل على هتون | |||||||||
| |
|
| مواقع النشر (المفضلة) |
| الذين يشاهدون محتوى الموضوع الآن : 8 ( الأعضاء 0 والزوار 8) | |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| لايفوتكم بنات السعودية | Ǻ6ł8→βήŏţąђ | وسـعُ صدرڪ | 7 | 09-27-2011 04:24 PM |
| |
العرض العادي
