هل تريد التسجيل في منتديات بنوته ؟
إحصائيات المنتدى: المواضيع: , المشاركات: , الأعضاء:
إحصائيات المنتدى: المواضيع: , المشاركات: , الأعضاء:
|
|  |
| التميز خلال 24 ساعة | |||
 العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم |
المشرفة المميزه |
قريبا | بقلم :  | قريبا | قريبا |
| |||||||
 |
| | LinkBack | أدوات الموضوع | انواع عرض الموضوع |
04-14-2011, 10:09 AM
| #11 (permalink) | |||||||||
|
مستشار المؤسس ~  
| 
رد: بتنـدمين يا بنـت والسبب نظرتج هذي انا :
قمرهم كلهم صحت من ذكرياتها المليئه بالالام المخفيه بصوت يزوي : روووضه انتي تسمعيني وينج انتي داخل .. روضه وتوها تحس بعمرها وتحاول اتعدل من صوتها : هاا .. هيه انا هني .. (وتحاول تتصنع المرح ) حرام الواحد يحدر الحمام (ونزلت دمعتها وهي تقول هالجمله ) بسرعه مسحتها ونشت اتغسل ويها حطت بلاشر على خشمها عسب تخفي اثار الدموع .. ظهرت روضه ويلس وياهن وعقب ثواني يات البشكاره وقالت : مس روضه فيه بنت يريد انته تحت .. روضه : منو ؟ البشكاره : مافيه يعرف ..؟ روضه : اوكي شوفي حدريها الميلس واحين قوم يزوي بينزلن وانا ثواني اغير ملابسي وبيي . البشكاره : اوكي .. روضه : يزوي حمدوه احين سيرن الميلس ويا البين وانا بغير ملابسي وبنزل اوكي سارن قوم يزوي وحمدوه تحت .. يزوي وهي وحمدوه فـ المصعد : منو هاي اللي احين يايه ؟ حمدوه: والله مادري عنها ؟ يزوي : غريبه محد يدري انه نحن ياين المزرعه .. سارن البنات الملحق اللي برع وهو الميلس العود .. وحدرن البنات وسلمن على البنت .. نزلت روضه اللي كانت لابسه كندوره عربيه فخمه لونها اسود وعليها ورود صغيره مايل لونها على اللون الاخضر الفاتح ومحطيه جحل على عيونها العسليه الناعسه وقلوس مجرد لمعه من كاراشيل .. ورشت من عطر جفانشي وعقبها نزلت .. وهي تنزل من الدري يا بويها عبدالله .. وكان عبدالله متبهت من اللي مرت حذاله بس روضه تمشي ولا تتطالع على اللي حواليها .. الكل يقول غرور بس روضه كانت اتفكر وبصراحه ما انكر روضه فقمه الغرور .. عبدالله : الله واكبر حتى ماتفيس .. ما منها من هالجمال روضه ماسمعت الا اخر كلمتين وسوت له طااف .. ظهرت من القصر وسارت الملحق اللي برع وهو الميلس التابع للقصر .. اول ماحدرت . روضه : السلام عليكم والرحمه نشت البنت : وعليكم السلام والرحمه .. روضه من سمعت الصوت بسرعه رفعت راسها بس اللي صدمها النسخه الثانيه للفيصل اللي جدامها .. عيونها وفيسها وكل شي الا طولها .. روضه وقفت تتطالع عليها من الصدمه لانها شاكه فالموضوع .. ميره بس تتطالع على روضه وعلى جمالها الصارخ .. روضه : اهاا انتي احين اختها مب جيه ؟ ميره : اخت منو ..؟ يزوي وحمدوه مول مب فاهمات شي .. ميره بحده : لو سمحتي ابا ارمسج على انفراد .. البنات فهمن التلميح وظهرن وتفاجأن من تغير ميره المفاجأ .. بعد ما كانت فـ قمه الطيبه تغيرت فجأه من عقب ما شافت روضه .. ميره : اهاا احين انتي روضه .. روضه بغرورها المعتاد وبثقه : روضه بنت احمد ..الفخر كله لو سمحتي .. ميره : ههههه مادري على شو كل هالغرور .. روضه : ممم قلتيلي تبيني فموضوع شو هالموضوع بسرعه لانج واايد محظوظه غيرج قبل لا اييون لازم يكون عندهم موعد .. ميره : اتصدقين ارحمج لانج مغروره على لا شئ ... يعني بيني وبينج قوليلي منو اللي قص عليج عسب اسير ارمسه لا يجذب عليج مره ثانيه .. روضه بكل غرور الدنيا :هههههههههههه وآآي (تنرفزت ميره من ضحكه روضه )..انتــــي (ومررت أصبعها السبابه من فووق رأس ميره لحد تحت ريولها ) ..ترمسيــني ااناا (ومدت اصبعها ع نفــسها )بهــــالطريقه الوقــحه..لا والله هززلت اخر زمن وحده طراره تيي وتطلب تقابلني ومن عقب ما شافت لي شكلي ماتت من الغيره وقالت خليني اهزها . ماتدري انها تحاول تهز جبل <<امووووت ع الثقه ميييييييييييره خلااااص حست عمرهــا وبــاله وبـ خاطرها قالت:الله ينطبك يالفيصل ورطنـي ويـا ناس ماترمس موول من الغرور والثقه .. اول مره بـحياتي انهان جيـه .. وقالت بـحقره تحاول ترد من اعتبارها :هااااااااي انتي مااسمح لج ترمسيني بـهالطريه لانج بـ يوم من الايام بتستووين بـشكارتي انتي فـاهمه ..! روضه خلااص بتموت من الضحك يتها نوبه الصحك لا والقهر ضحكتتها تنرفز و بـالقو بعد :ههههههههههههه ههههههه وآآآي هههههههههه لاحرام هههه اقولج سيري ارقدي واحلمي انه روضه بنت احمد بشكارتج او انه حتى فـ الحلم مابيتحقق هـ الشي لااحظـــي فـالحلم مابيتحقق ..شقاايل عاده بـيتحقق فـ الحقيقه ههههههههههههههه لا يااا ناس وايد قاصه ع عمرها ههه تصدقين وايد رحمتج ..واااايد وااايد ... احسج وايد تحلمين ..هههه (وفـجأه سكتت روضه) ... وبعد ثواني كملت :ويــلا احين من غير مطروود برع المزرعه .. لا اطالع ويهج مره ثانيه يا راعية الاحلام الــغير واااقعه ...! ميره خلاص تحس عمـرها انهانت وبـالقوو بعد .. اونها يايه تهيـن روضه بـس انهانت .. (اول ما ظهرت ميره قالت رووضه : مب جنيه قسيـت عليها بـزياده .. يــــا رووضه البنت يييت تتهجم عليج فـ بيتكم .. وتسبج ..معقووله تسكتين ولا تردين عليها .. ودري عنج هـالطيبه .. يــارووضه الطيب فـ هالزمن ما له مكــان ..والطيَب ورطـه فـ هالززمن ... مب كــافي الي ياج من طيــبج ... وسكتت من عقب هـــ الذكررى .. ظهرت من الميلس .. وسارت صوب القـصر وحدرت ..محد كان موجود فـ الصاله اااابج الكل كانو راقدين .. . يلست فـ الصاله المقابله للدري .. عقب ثواني حست بـشخص يجرب صوبها وفـجأه يلس حذالها .. رفعت رأسها عسب تطالع منو هاآآ ...؟! منصور : رووضه بلاج غلايــه ..؟! روضه بـ ابتسامه صفراء :ولاشي ...لاتشغل بالك .. ماحب يضغط على روضه لانه يدري انه روضه من المستحيلات ترمس بـ اي شي يخصها .. حطت رأسها بـجتف منصور وقالت : ابــا ارقـد .. منصور :هههههه لا وين رووضه اللي الصبح تقوول ام النشـاط واحين حتى ما رايمه تفجين عيوونج ... . مر عبدالله عليهم الي كان يبا يسير المطبـخ .. وشاف روضه محطيه رأسها بـ جتف منصوور وقال بـ خاطره : هـ البنت مالها ولــي عسب جيه تسوي .. والله حاله ..عاده مدلــعه وبتسوي كل شي ع كيفها مب جـنه ولد خالتها بـــس (صعب تحس بشـعور بـالكل يضلمك لا والقـهر من اجرب الناس إلـك .. بسرعه رد عبدالله عسب لا يحسون فـيه .. بس روضه ما فـاتها ظل عبدالله .. لانه عندها قوه ملاحظه شديده .. منصور :شو تطالعين ..؟ روضه حاولت تخفي الموضوع : لا ولااا شئ .. وحاولت تغطي ع الموضوع :ويــن البــنات ..؟ منصور : مم ع ما اظــن فــ صاله الالــعاب ..! روضه : وين هاي بـعد ..؟ منصور:ههههههه مانلومج بـطرانه كول ماتيين ويـانا يوم نيي ..! روضه بخاطرها وبضيجه :خلها مستووره .. منصور :طالعي حذال ملحق الميلس العود في ملحق ثاني حذاله احدريه وبـ تطالعي مدينه العاب .. روضه :والله ابويه متفيج يسوي حق القرود حديـقه .. منصور :يالحيووانه .. ونشت روضه تربع وهو يربع وراءها .. ظهرت من القـصر وكان منصور وراءها .. سارت وراء الكراسي ..:منصوور بس دخيل والديك ..والله ما اروم .. تعبانه ..ارحمني .. منصور :ماشي رحمه لاتحلـمي .. روضه تربع بـس مارتوم وايد شرات منصور وكانت يـالسه تصرخ وتقوول : منصور حرام عليك والله تـعبت ..احين بـيون قوم عبدالله .. وفـضيحه جيه يـطالعووني ارروووبع .. منصور بأستغراب :شو هاي بعـد ارووبع ..؟ رووضه وقفت حذال باب المزرعه الرئيسي الي جدامه الشارع العام للمزارع .. رووضه : منصور ترا والله بـفضحك ..بظهر برع جــيه ..عسب يقولون شباب مزرعه عيال الـ **** يسون سبب حق البنات عسـب يظهرن .. (منصور سكت يابته من الايد اللي تعووره .. ) وقف منصور يوم طالع رووضه جدام الباب ..يدري بها خبــله وبتسوويها ... منصور :حبيبتـي روضه بنتفـاهم خلاص خلاااص .. وكان يجرب من صوبـها بـ خطوات مول مب ظاهره .. صرخت روضه وقالت : منصور ترا اطالعك يالس تجرب صووبيه .. احسن لك ابعد يــا والله ثم والله .. بقول حق ابوويه منصور يضــربنـي .. منصور بصــدمه :يالحيوووانه انا ضربتج ..هاااه..؟ رووضه :هيه انت .. نزلت روضه تعدل كنـدورتها وجان يفز منصـور ويزخـها .. ومن الزيغه صرخت روضه رووضه:لااا يـالحيوان وودرني ..ودرني ..منصور ودرنـي .. كان منصور زاخ روضه من خصـرها بأيده اليمين وايده الثانيه من رأسها .. رووضه :منصور يالتيس يالخبل ودرني ...عيب لا ايي احد ويطالعك جيه زاخني .. اكيد بيفهم غلط ..ههههههه منصور يالتيس بموت من الضحك وودرنـي .. مايعيبني احد يلمسني من خصري وودرنــي .. مرت سياره من الطريــج و اول ما ما طالعها منصور ماره سحب رووضه ع صووبه يعني صكها ع صدره ..عسب يخفيها ..لانه روضه كانت مجابله الشارع اما هو وراء يدار " الريال الي داخل الموتر شاف الموقف قبل لا منصور يسحب روضه .. يعني شاف يوم منصوور زاخ روضه وماسكها من خصرها وهـي تضحك .. منصور: الله ينطبج يارووضه .. يالخبل ..ورطـــينا .. احين الكل يعرف انه هـ المزرعه مزرعه بو سالم ..احين اكيــد بيفهمون غلط.. روضه :تستاهل منك انت السبب .. منصور كتم غيصه وقال :معــليه .. روضه :هههههههههه ( وسكتت فجـأه و طالعته بنص عين وقالت ) لاتهدد .. طوول ما كانوا يتضـاربون فيـه عيون كانت تراقبهم وكـانت صج حـاقده عليهم .. روضه ترمس منصور وهم يـمشون بـيحدرون الـقصر :منـصور ..! منصور بدفاشه :هاه يـالخبل .. روضه : احين كل الشباب برع مب جيـه ..؟ منصور :اوف ترا غثيتينيه قلت لج مليون مره جدام عيونيه ظاهرين ..وركبوا السيارت وطمنت عليهم وبستهم بـعد .. روضه :بــعد .. ( روضه كانت شاكه فـ الوضع لانها مستحيل تحلم .. جدام عيونها مر عبدالله ) منصور بتساؤل: بس ليش تسـألين ..؟ روضه تحاول تخفي الموضوع:اونه بعد ليــش .. يعني فضيـحه يطالعوني جيه اتمخطـر فـ المزرعه ويـاك .. منصور : انا ماادري من وين تيبين هـ الكلمات .. وبعدين شو فيها عادي انا اخووج .. روضه : صح مافيها شي ألعب ويـاك ..بس فيــها انهم هم يطالعوني اربع وجيه فهمت يالـغبـي .. منصور : هيه فهمت قالولج خبل ولا شو ..؟ روضه بصوت هامس :بعد هاي فيـها شك انك خـبل ..؟ منصور سمعها شو قالت بس حب يتأكد : شو قلـتي .؟ روضه بمصخره واضحه : قلت محشوم ( وتمدها ) فديـــــــــــــتك محشووووووووووووووووم .. منصور مد ايده وضربـها فـ ويها وردت ع وراء من الضربه : عن الــمصخره .. روضه:ههههههه زين يوم دريت <<مول ماشغلها تجامل مره فـ الويه كااش خخ حدروا القصــر ومنصور سار جناحهم عسب يرقد وروضه سارت جناحها .. ( اول ما حدرت مررت نظرها لـجناح وطالعت شـكثر هو فـخم ..ابتسمت بس فـجأه طرا ع بـالهـا ذكرى .. فـ يوم كانت روضه راده من زيـاره وحده من ربيعاتها .. سارت لـ ابوها وقالت له روضه : باباتــي .. بو سالم : هـاه فديتج .. روضه :ابوويه يا اخي عيبـتني حجره ربيعتيه كامل سوده وحمره يــالله يا ابوويه شقـايل حلووه وتخبـل .. بو سالم ابتسم وودرها مـكانها .. روضه وقتها زعلت ليش انه ابوها ما عطاها ويـه .. عقبها صحت من ذكرها وابتسمت وقالت : فديت روحك يا ابويه قلت انه هاك الابتسامه مستحيل استهزاء فيـه ..ادري لو كل الناس يستهزاون فيه بـتبجي انت الوحيد .. بيـت بو الفيــصل .. الفيصل كان مبحر فـ افكاره غير الواقعه يعني كلهن من خياله بــس : لا والله يـا روضه بعد حركات حب انتي وها الي مايتسمى منصور ..لاو القهر وسط الشارع مول مايستحون .. صج ماشي حيا .. كنت اتوقعها انها من هـالنوعيه بـس اليوم تأكدت اليوم بس .. ورب الـكعبه ياروضه بتندمين .. واول خطـوه اليوم بـتم .. فـ شرات البيت .. ولكن ها المره ويــا ميره .. بعد ماردت ميره من مزرعه بو سالم .. كان اقل شي فـ خاطرها تسويه تجتل الفيصل اذا يكفيــه .. ميره بقهر الدنيــا كله : امااايــــــه ... امـــــــــايه ... وين هـ الحيووان وينه ..؟ ام الفيصـل : منو ها لا يكون اخووج ..؟ ميره : هيه وفيه غيره مشكلجي .. والله براوويه يتريــاني بس .. ام الفيصل : ميره احترمي اخوج العود عاده كله ولا اخوج انتي فـاهمه ..؟ ( ام الفيصل فـ الاربعيـنات لكن الي يطالعها يقول هاي اكيد فـ الثلاثينات .. يعني شخصيتها وايد جريبه من شخصيع ام سالم ..) ميره من القــهر رقت الدري بســرعه بس فجـأه توقفت لانها سمعت بــاب الفله ينفـج .. حدر الفيـصل وييهه محمر من الــحراره .. ام الفيص :مرحبا الساع والله ...بلاك غلايه جيه ..؟ الفيصل :سلامتج الغاليه ولا شي .. ميره صرخت من القهر اللي بـداخلها : يـالحيوان انا براوويك معــليه ( ونزلت من الدري تبا تضرب الفيصل) الفيص بس توه يتذكر شو مكلف مييره تسووي .. لا اراديــا ضحك ..:ههههههههه لا الظــاهر ربيــعتج أدبــتج ولا انا غلطان هههههههههه ميره تصرخ :يالحيووان انا ميره الـ **** .. جيه يستوي فـيه .. اقولك خلتني ما اسوى شئ ..حسيت بـ عمريه سبــاله .. الفيصل بمصخره :ههههه لا ميره الي مأدبه الكل تتأدب والله يـ الدنيا دواره .. وظهر من هو اقو منج واكثر عمج مـغرور يا ميروووه ...ههههههههههه.. ماقلت لج غرورها ما اظن موجود شراته فـ هالدينا .. قلتي لي لاااا انا قدها ..يلا انتي قدها احين ماتسوين سبال هههههههههههههههههههه ام الفيص فهمت الموضوع بس ما عطته اهتمام وايد : الفيصل انا وابوك جم مره حذرناك تترك هـ السوالف هاه .. بسك عااد .. تعبتنا ويــاك ... ( وسارت وتركتهم بــ رواحهم ..) ميره :والله يالفيصل بـتندم صددقني ..بتندم (ورقت الدري وسارت فووق لانها مقهوووره للاخر ..) الفيصل :ههههههههه اخــر زمن بــنت تهدد الفيصل والله حـاله .. وعقبها تم الفيصل يتكتك ويرتب الامور فـ الخطه الي اليوم بينفــذها .. ويــــا البـــنات .. حمدوه: احين .. ويــن رووضه ..؟ يزووي: اكيــد راقده .. عواش:والله حتى انا خاطريه ارقد .. يزوي: نشن ..منسير جنــاحها .. سارن البنات فوق .. واول ماحدرن جان يطالعن رضه راقده فـ حجرتها .. يزوي: رووضه ... روضه ..روضه .. روضه ترمس وهي راقده :هآآآه ..اووف ..وخر ..اييييييه ..وخر .. حمدوه:هههههههه يزوي وخـــــر هههههه .. عواش : ودريها حرام ..محد بيحس فيها غيريه انا لاني برقد شراتها .. ظهرن البنات " حمدوه ويزوي" يطـالعن الـ tv .. وودرن روضه وعواش يرقـدن براحتهن .. سـار عبدالله الميلس العود وطالعن بو سالم وبوراشد وبو عبدالباسط توهم يحدرون الميـلس بعد ماكانوا فـ رحله عمل قصيره .. سـلم عليهم .. وعقب بو سالم قال : ولديـه عبدالله وين اخوانك (يقصد الشبـاب) عبدالله: والله ظاهرين من ساعه ولحد احين ما ردوا .. بو عبدالباسط:آهــآ عيل وين اهلك البـاجين ..؟ عبدالله : والله ع مااظن انه الكل رقوود بو راشد :حشـى الساعه 3 ماخواطرهم يتغدوون ..؟ بو سالم :ابوويه عبدالله .. سير رمس البشاكير يزقرونهم وحطون الغداء ترا حدنا تعبانين .. عبدالله :تأمر امر يالغالي .. عقبها سار عبدالله .. وسار وقال حق البشاكير يزقرون هله عسب ينزلوون .. ماثواني وكان الكل نازل ..ما عدا روضه ما رضت تنش من الرقاد وبعد ما دق بو سالم ع الشباب ..ردو وكان الكل فـ غضون ربع ساعه موجود فـ الصاله .. بـعد ما الكل يلس ع الطاوله ام سالم تتخبر يزوي عن روضه : اليازيه غلايه وين اختج روضه ..؟ اليازيه:ممم رواضي راقده اونها تعبـانه .. بو سالم فز وقال : بلاها ... لا تكون مريضه ..؟ اليازيه بـ احترام : لا عميه الحمدالله مافيها شي بس شويه ارهاق عبدالله كان صج مقهور من الي طالعه .. وقال بـصوت خافت :ما من شي بتتعب ترا مطيحه ويـا ها الي مايتسـمى .. محمد كان وايد جريب من عبدالله عسب جيه سمعه يوم قال ها الرمسه .. محمد : عبدالله بلاك ..؟ عبدالله بـلعثمه :هاه ..لا لا ولاشي .. محمد سكت عن عبدالله مايبا يتضـارب وياه جدام اعمامه .. وحول نظره لـ امه بس فـجأه طاحت عينه ع يزوي وع طول نزل رأسه ع آلصحن .. محمد غصب عنه كان خاطره يرفع راسه .. بس شي يمنعه يرفع عيونه .. بس فـجأه مره ثـانيه رفع عيونها وركزها ع يزوي .. عبـدالباسط يرمس سيف : سيفووه عقب ابا اروويك شئ .. سيف بفضوول :شو هـ الشئ ..؟ عبدالباسط :اووف اصلا انا غلطان يوم رمستك سيف بـعياره :افا يا بسووطـــي عبدالباسط :حوو شو هالدلع المـاصخ ..؟ سيف :افا حبيبي ماعيبك عبدالباسط : لا ماعيبني ..ويلا انجب ترا مافيه .. وفـ جهه ثـانيه .. حمد يرمس منصور :امتى مباره العيــن ..؟ منصور :الليله المباره ..بس يقولوا فـالديفيا مابيحدر فـ اللعب .. حمد :اوووووه عيل الشيمه لاتفووتنا .. بـ طبع محمد وعبدالله واايد جريبين من بعض وكل واحد يعرف اسرار الثـاني .. عبدالله : حموود شو اخبار الهنووف ..؟ محمد بـ ألم : خبرك عتيـج ..ظهرت البنت ماتحبني كله هـ اللعب كان بس عسب بيزاتيه .. ( وآبتسم بـألم) عبدالله: اووووف متى هـ الرمسه ..؟ محمد تنهد: من فتـره .. ترا انت محد يشوفك موول .. عبدالله: صج حقيره .. محمد بـ ألم : الله يسامحها .. من جهه ثانيه أم سالم وام راشد ياسات يرمسن بعض أم راشد: لا يا وخيتيـه محد قالي أم سالم : والله مادري عنها بس اللي ادري عنه انها بنت مانع الـ*** .. وفجهه ثانيه أم الريم وام عبد العزيز يالسات ويا بعض .. وجــان فجـأه يرمس بو سالم : بوسالم : اسمعو حبيت اقولكم انه سعيد سالم الـ .. عازمنا اليوم فمزرعته ... وهاه ماوصيكم اباكم كلكم اتسيرون .. ومحد يسوي لي عواذر وحجج الكل بيسير .. بو راشد : هيه ترا منقود الريال عزمنا كلنا ومايستوي مانسير .. بوعبدالعزيز: لا ان شاء الله الكل بيكونو موجودين ..! حمده واخيرا رفعت راسها من الصحن وجان طيح عينها فـ حمد .. ( حمد كان قاعد ياكل ومسوي طاف حق الكل<< جدامه اكل خخ) بسرعه نزلت راسها عسب محد يلاحظ نظراتها انها قاعده تتطالع على حمد .. حمده فخاطرها : ما شاء الله .. هب ولد قسم بالله جنه بنت من هالجمال .. ربي يحفظه .. وجان اتي لحمدوه دوسه محترمه .. كانت الدوسه من يزوي لانها لاحظت نظرات حمده لـ حمد لان يزوي قاعده حذال حمده حمدوه بغت اتغص بس مسكت عمرها وقرصت يزوي فـ ريولها بقوو ويزوي بطلعت عيونها من الـ الالم وسوت حركه على انج صبري عقب بلاعبج اللعب الغاوي << ناويه على شر خخخ منصور بهمس : حمد صوبنا ..! حمد وهو يبلع اللي فحلجه عسب يرمس : هـآه ..؟ منصور يهمس : مطير عيون البنات .. حمد : منو هايل ما طالع حد يالس يطالع عليه ..! منصور ولا زال يهمس عسب محد يسمعه ويتعمد يقول : على ما اظن اللي جدامك اسمها حمده مب جيه ..! << (يعرف انها حمده بس نذل خخخ) حمد اول ماسمع اسم حمده رفع راسه وطالع على منصور بصدمه ..!!! منصور : شوي شوي على عيونك لا يظهرن .. حمد ويرمس بسرعه وبهمس : بلاها شو سوت ، هي طالعت عليه ..؟؟؟ منصور : ههههههه وككككك وجان يصرخ حمد : قــــــــــول .. (اول ماصرخ كل اللي فـ صاله الطعام لفو يطالعو على حمد ..!!) حمد قفط وضحك ضحكه كـ تغطيه على الموضوع : هاهاهاها << تنعرف انها مب من خاطره .. منصور : والله وياحمده ظهرتي شئ .. آآه حمد تبا الصدق انا احب بس محد يعرف .. حمد بهمس : عن الطنازه وقولي هي طالعت عليه ..! منصور نش من الكرسي : الحمد لله .. اللهم ادمها من نعمه .. حمد اول ما شاف منصور نش ، حتى هو نش وراه .. حمد من وراء منصور : ياخي منصور قوووول << الفضول ومايفعل منصور سار صوب المغاسل ويغني : "" احبك وابغي قربك ياحبيبي "" حمد : حبتــــــــــــك قرده ان شاء الله .. يااخي منصور قوول شو استوى دخيلك يلا عااد << بيذبحه الفضول خخخ منصور يغسل حلجه وهو يغني : "" من يحبك كثر ما احبك انـــــــــا .. "" حمد عصب: يالخااااايس قوووووووول ....! منصور : ههههههه خلاص بقول << عقب ماذل الريال حمد : هيه قول بسرعه ...؟؟ منصور : تعرف من قاعد يطالعك حمد يصرخ : هيــــــه منصور: هاكي الـ (وجان يقطع عليهم بو راشد) وحدر يغسل .. بو راشد : شو تسون هـــآه ؟؟ حمد : لا ولا شئ قاعدين نغسل وجيه بو راشد يعرف انهم مايغسلون بس ما ناقشهم : اهاا ( غسل بوراشد وظهر) اول ماظهر بو راشد جان يفز حمد ويضرب منصور : يالخـــــــــــايس قووول تراك ذليتني ..؟ منصور : اووف انزين حمده كانت تتطالع عليك وعقب نزلت راسها حمد : قوول قسم ..؟ منصور : قثـــــم قثمــــــات .. حمد والضحكه شااقه الحلج : خخ الحمد لله هني منصور طاح فالارض من الضحك لان شكل حمد وهو محطي ايدينه فخصره ويضحك بضحكه انتصار يجتل من الضحك : هههههههههههه هههههههههههههههه فــــــديت اللي يحبوون حمد : اقول جب .. (وظهر حمد وعقب تبعه منصور ) | |||||||||
  |
|
04-14-2011, 10:54 AM
| #12 (permalink) | |||||||||
|
مستشار المؤسس ~
|
رد: بتنـدمين يا بنـت والسبب نظرتج هذي انا :
قمرهم كلهم روضه نشت من الرقاد وتحس راسها وااايد ثجيل روضه : آه رااسي .. (مدت ايدينها على الفون عسب تتطالع الساعه كم ..) أوووف الساعه 4 وانا ماصليت .. نشت الحمام تتوضا وانتو بكرامه وهي تغسل ويها مررت ايدها على ويها وهي تتحسسه روضه : الحمد لله على هالنعمه لكن شو فايده الجمال دون الراحه ( مررت ايدها على عيونها) روضه : آآآه ياعيوني ليش كل هالحزن .. اول محد يطالعج يقول ياحلات هالعيون بس محد يعرف شو تخفين وراج .. حاولت تخلص بسرعه عسب لا تفكر فـ شئ وظهرت من الـ WC وانتو بكرامه .. صلت وعقب قرت قران عسب ترتاح ( من عاده روضه انها عقب كل صلاه تقرا صفحتين من القران) عدلت من جحلتها ولبست شيلتها وعقب نزلت .. مرت على الصاله المفتوحه بس محد .. حدرت جناح الخدم والمطبخ ، طالعت كل البشاكير موجودين وزقرت بشكاراتها (انجي ، ميشيل) روضه : where my family ( اين عائلتي) انجي: I think in the garden ( اظن في الحديقه ) روضه وهي ترمس ميشيل : go up and bring my phon ( اصعدي للاعلى واحظري تلفوني) ميشيل : ok miss rawth (حسنا انسه روضه) ظهرت روضه الحديقه بس محد .. سارت صوب ملحق الميالس بس بعد محد .. سارت عند السومينق بول وطالعت الشباب يسبحون بس البنات محد .. ( أم سالم + ام الريم + ام عزوز + ام راشد ) قاعدات فـ طاوله حذال السومنق بول ( وابوها وعمومتها فـ طاوله لرواحهم ..) .. روضه : السلام عليكم .. امها وخالتها : وعليكم السلام والرحمه .. امها : روضه حبيبتي تعبانه ..؟ روضه : لا اميه بس شوي راسي .. ام الريم : شربتي بندول ؟ روضه : لا ام راشد : عيل اميه سيري خذيلج بندول ترا بيروح منج العوق بأذن الله .. روضه : ان شاء الله خالوه احين بسير بس وين البنات ؟ ام عبدالعزيز : والله داخل عند ملحق التسالي اونهن يسبحن .. روضه : بعد شئ داخل الملحق سومينق بول ؟؟؟؟ ام سالم : هيه اميه ترا هاك الملحق زاده ابوج اونه حرام حق البنات .. روضه : فديت ابويه .. وجان اتسير روضه صوب الملحق .. اول ماوصلت صوب الملحق بس وقفت تتطالع عليه شكله واايد عود .. اول مافتحت الباب اللي يحتاج لقوه دفع عسب يفتح وهي تحاول تفتحه حست بهواء يندفع لصوبها بقوه .. وغمض عيونها .. واول مافتحت عيونها امتد نظرها للسومينق بول اللي جدامها وتسمع مباغم البنات حمده وهي تصرخ : رووووووووضه لو مايتــــــــــي عواش : ويلي انـا يا ويلي .. يا القمر صوبي .. روضه : هههههه .. وتصرخ روضه فجـأه : وااااابويه يزوي بلاها جيه صااخه لا يكون فيها شي ..!! البنات حمده وعواش : هههههههههههه عواش : اسكتي عنها احين .. اونها تغوص اللي اكثر تقدر تصبر من دون اكسجين ..خخخ روضه : هيــــــه اجتــلن البنت .. حمده : تعالي روضه اسبحي ويانا روضه : لا رااسي يعورني .. ( ومشت عنهن عسب تستكشف المكان ) حدرت من باب كهربائي .. ع صاله عوده مفتوحه اول ما مررت نظرها تتطالع جدامها صاله ألعاب ومب اي صاله .." ( بليارد ، بولينق ، تنس ، وعلى صوب يلسه كراسي وغنفات وشاشه بلازما ممدود عليها ( X box ) .. طبعا البولينق ماخذه نصف المساحه .. مشت شوي طالعت شرات المطبخ الصغير المفتوح وداخله ثلاجات عصاير من كل الانواع وكابتشينو وحذاله طاوله مستطيله وجدامها كرامي بيضه وسوده .. روضه : هههههه والله يا ابويه انك متفيج .. ظهرت من الصاله العوده وسارت صوب السباحه يلست ع الكراسي الموجوده ومدت ايدها للطاوله اللي جدامها واخذت قطعه كيك وعصير برتقال .. وقعدت تتطالع على البنات يوم يسبحن .. فنفس الوقت يزوي كانت قاعده اتمثل انها ميته فالبركه وموول مايتحرك فيها شئ يعني صدق جنها ميته << الها مستقبل فـ التمثيل خخخ وحمده وعواش بيموتن من الزيغه مصدقاتنها ويصارخن على روضه مب عارفات شو يسون ، (روضه تدري عن حركات يزوي عسب جيه ماسوت سالفه ) حمدوه وهي شوي وبتصيح : يزوي والله بموووووووووت نشي دخيل والديج والله مابطفربج عقب اليوم وبسويلج مساج فريولج فليل والله وبسويلج اللي تبينه بس نشي دخيييييييلج .. ( والعبره زاختنها) عواش وهي تهز يزوي وتصارخ : يزوووووووي يرحم والديـــــج نشي .." (وبدن يصيحن حمده وعواش ) يزوي فـ ذيج الساعه مارامت تمسك عمرها جااااان تنفجر من الضحك يزوي : ههههههههههههههههههههههههههه ومسكت بطنها من الضحك وستون عيونها حمرر من كثر ماتضحك وحمده وعواش فاجات عيونهن مب مستوعبات شئ!!!!!!!!!! جااان يصرخن مره وحده : يالخااااااااااااااااااايسه ... وطلعن فوقها بثنتينهن اللي تمط شعرها واللي تدحها وهن يسبن ويلعنن فيها ويزوي بس تضحك لحد ماستوت حمره .. رووضه وهي تضحك : بسسسسكن بتجتلن البنت ماتسوى عليها نزلن حمده وعواش من فوق يزوي اللي ستوت شرات السمسوم يحليلها من الضرب وسارن يكملن يسبحن .. يزوي : اقوول حميده تراج قلتي والله انج بتسويلج مساج فليل حق ريولي ههههههه حمده وبقهر : حميـــــــــده فعينج يالدغمه السوده انزين ومابسويلج شئ اوكي يزوي وهي تضحك : ههههه الله بيعقج فـ الناار وانا بقعد اطالع عليج واضحك .. لانج ماوفيتي باللي قلتيه حمده : وااي زيغتيني سيري قصي ع عزوز بـ هالرمسه مب انا يالخــــــايسه << خيبه تنعرف انها مقهوره خخخ وعقب صرخت روضه حق يزوي : يزووي تعاالي اباج فـ سالفه ..! حمدوه: وانااا ماتبيني فسالفه ؟؟ عواش : وانا وانا .. روضه : عن اللقافه قلنـا يزوي .. يزوي وهي تدلع لحمدوه وعواش وطلع لسانها : وييييييييو (ظهرت يزوي من السومينق بول وتوجهت ع صوب روضه عند الكراسي .. مدت ايدها على المناشف المعلقه فاليدار ونشفت عمرها وخذت الروب المعلق فاليدار وغطت نفسها .. عقب يلست فالكراسي .. يزوي وترمس روضه : تو الناس لو ما يتي ..! روضه : والله بموت من الصداع .. راسي بينفجر .. يزوي : سلامت راسج غناتيه .. روضه : الله يسلمج غلايه .. يزوي : هاه شو تبين ؟ روضه : اخوج عبدالله يزوي : بلاه عبدالله ؟ روضه : مادري بس حركاته اتزيغني ..(ورشفت رشفه من عصير البرتقال وكملت ) تدرين احسه يراقبني .. ومن وين ما اسير يطالع عليه .. حتى تدرين احسه مايباني اكون ويا منصور مادري ليش ؟ (يزوي بحكم انها واايد جريبه منها هي وحمدوه فـ عادي تقولهن كل شئ) يزوي : بصراحه فاجأتيني معقوله عبود جيه يسوي ؟؟ روضه : انا بروحي مستغربه من حركاته .. حتى اقولج من وين ما اسير يظهر جدامي يزوي وبسرعه بديهيه : هذا ما اله الا معنى واحد روضه : واللي هو ؟ يزوي : مايباج تكونين ويا منصور .. روضه : وانا شو اقول من ساعه اقولج جنه مايباني اكون وياه .. يزوي : يالغبيــــــــه هذا معناته انه يغير عليج روضه بصدمه : يغير عليه ؟؟ يزوي : هيه يغير عليج .. ياويل حاليه ( وتغني يزوي ) : "" انا من حقي اغير حولك العالم كثير كلهم يبغون قربك لكن ادري قدري في قلبك كبيــــر .."" روضه وبعصبيه : يزووووي جب.. وفجأه قالت : بس منصور اخويه ..! يزوي : وعبدالله مايدري بـ هالشئ ولا نسيتي انه بس من فتره ياي ويانا .. يعني اكيد مايدري بالساالفه .. روضه بعصبيه : وما بقى الا اخوج يتحكم فيه ... وهو يتوقع بهالحركات انه بيحدر مزاجي يحلــــــــــــم ...! يزوي وهي تبتسم لروضه : رووضه لا تعصبي انا بفهمه السالفه كلها ومن البدايه بنحاول انكف الشر .. وبقوله لا تحاول لانك انت اخوها الرابع وبـ جيه من البدايه بنوقفه .. روضه ارتسمت فـ شفايفها البسمه من سمعت رمست يزوي لانه باين فـ رمستها الحنيه والجد فنفس الوقت : فدييتج يااربي .. يزوي وبعفويه : بس انا خاطري اعرف ليش تكرهين الريايل كل هـ الكره ؟ .. ( اول ما يابت يزوي هالطاري خفق قلب روضه بالقــــــو وتذكرت مأساتها انه السبب فيها الشباب ولا لو للحين ربيعتها بعدها حيه .. بس مسرع ما استغفر ربها انا شو قاعده اقول الاعمار بأيد الله بس طوول عمري يالشباب بظل اكرهكم طوووول عمري ) يزوي : حوووو حـوووو وين سرتي ... نحن هناا .. روضه : عيل اتحراج هنااك يزوي : لا حوول بلاج روضه احسج وااايد غامضه ..؟ روضه : بدينا بطير يألي ... قلت مافيه شئ ونشت وحدرت حجره فيها شبريتين قالت : الظاهر هذي حجره الراحه .. تمددت فالشبريه ومسكت راسها من اللالم كل ماله ويزيد .. روضه وهي ماسكه راسها : يااربي .. آه .. رحمتك ياربي .. ماثواني وتحس انه النعاس كان اقوى منها ورقدت ... وبعد دقايق بدت تحلم ..... روضه : لا يا عهووود ما توقعتج انتي مستحييل ...! عهود : رووضه لا تفهميني غلط ارجوج اعرفي السالفه وافهميها الشباب اللي ورا عهود : ههههههههه احين بتتطالع روضه : شو تفهميني .. حسااافه الثقه اللي عطيتج اياها حســـــــــافه ... حســـــــــــافه ... ومشت روضه وماتسمع ورها غير الضحكات كل مالها وتزيد وكانت روضه تتحرى انه عهود تضحك .. مادرت انه عهود بهالوقت نزلت دمعه منها زلزلت كل كيانها ... بســــــرعه البرق نشت روضه من الحلم ومسكت راسها .. وبدت تضرب راسها .. ليش يا الغبي ليـــــــــش لييش .. ليش كل يوم تذكرني بهــ الحادثه .. مستحيل انسى مستحيل ليش تذكرني لييش .. دفنت راسها تحت المخده ( الوساده) وبدت دموعها تنزل اربع اربع وهي تتذكر الموقف اللي مر عليه 4 سنوات .. ولا زالت تتذكر فيه كل حركه وهمسه وبكل تفاصيلها ... تتذكر شكل عهود تتذكر تؤام روحها وحياتها .. تتذكر شبيهتها .. تتذكر الحب والاخوه الصادقه اللي كانت من بينهن .. تتذكر كـــــل شئ ... مر طيف عهود فـ بال روضه : آآآآه ياعهود آآه ياروحي كيف اشتقت لج .. ورربي بمووت من الشوق خلاااص ماعاد فيه صــــبر .. ليتج تردين ليـه ليتــج .. والله بساامحج والله .. ( عهود كانت النسخه الثانيه من روضه كان بينهن شبه مب طبيعي اللي يطالعهن يقول هذولي اكيـــد اكيد توؤام بس الفرق بينهن عيون عهود سود بس روضه عسليات ) شرات الجسم والطول والحركات والغرور وكل شئ فيهن متشابه كانن ايتين فـ الجمال اللي ابدع ربي فـ خلقهن ... بس عهود اصلها من البريمي ( مم اذا ماتعرفو البريمي ، البريمي بين حدود الامارات وعمان يعني فوسطهن ومايفرق بين البريمي والامارات غير اقل من دقيقتين ) كان المستوى المادري لقوم عهود جدا جدا عالي يعني ماتفرق عن المستوى المادي لقوم رواضي ... ماثواني غير يين عواش ويزوي وحمدوه .. ( روضه كانت دافنه راسها فـ المخده ودموعها ينزلن اربع اربع ) حمده : رووضه قلبي انتي راقده ؟؟ عواش : روااضي .. روااضي ..؟ (روضه مارفعت راسها لانه دموعها كانت تنزل بدون توقف ، وكانت تنزل بقهر من حالها ) يزوي : ودرنها الظاهر راقده .. تقول راسها يعورها عواش بلقافه : توها ناشه من الرقاد حمدوه : خلاااص عوااش .. يلا ودرنها قومن منسير نلعب بولينق .. (ظهرن البنات ويزوي كانت حاسه بنغزه فقلبها لانها من عقب ماعقت ذيج الرمسه على روضه وهي مب طبيعيه وكانت حاسه بالذنب لو انه يزوي قالتها من دون قصد بس ماحبت اتوضح لحمده وعواش شئ .. وسارت تلعب وياهن ..) روضه اول ماحست ان البنات سارن رفعت راسها عسب تمسح دموعها اللي كل مالها وتزيد .. حدرت الحمام وغسلت ويها وعقب ظهرت .. سارت حذال المرايه تتطالع عيونها .. كانت حمره بالقــو ( روضه يوم تصيح يظهر لون عيونها واايد ويظهر جنهن عدسات مب طبيعيات) ماثواني وتحس انه الباب ينفتح بالقوو ومن قوه الضربه كان بـ ينجسر رووضه بسرعه لفت راسها تبا تتطالع منو ها اللي جيه محتشر .. ضحكت اول ماطالعت اللي حذال الباب مجرد انها تتطالع على هـ العيون تنشر فـ قلبها الامان والطمأنيه حتى لو كانت فأصعب اوقاتها .. ظهرو الشباب من السومينق بول وسارو ييلسون ويا قوم بوسالم وبوراشد وبو عزوز .. بوسالم : هاه اخيرا شبعتوا من هالتخليل ..! منصور : ههههههه لا ماشبعنا لكن خلاص احين بيأذن المغرب .. بوسالم : هههههه والله انك يا وليدي عليك حركات فز حمد بلقافه : من دون بلكات .. الكل ضحك على حركات منصور وحمد اللي ماتخلص .. جدرن الحريم داخل عسب يصلن ويتزهبن حق العزيمه وعقب دقايق ساروا الريايل المسيد عسب يصلون صلاه الجماعه .. وبمكان ثاني وبعيد عن اجواء مزرعه بو سالم ... فيه شخص تعب من التفكير تعب من الظلم من الشوق شخص كره حياته لانه فـ يوم من الايام كان ضحيه جذب وخداع ونفاق ... روضه : هههههههه يا هلا ويا مرحبا .. يزوي : ههههه يلا تعالي ويانا ... روضه : انزين جسرتي الباب ماترومي تحدري من دون هـ الشي .. يزوي بعفويتها : يالخبله هـ الحركات تلفت الانتباه وتخلي الكل يطالع عليج غصب عن عينه .. روضه : ههههههههه آآه انتي مادري امتى بتعقلين يزوي : يوم انتي تعقلين .. روضه : هههههههه عيل ماشي امل انج تعقلين .. يزوي : هههههه يلا منسير نصلي وعقب نتزهب حق العزيمه روضه : والله حاله انا يا ختي ما اروم تعبانه .. يزوي : بدينا عياره .. بدينــــــــا .. (محطيه ايدينها فخصرها وتهز عمرها شرات المصريات وتلوي بوزها وتغمض وتفتح عيونها خخ << خبله فاصل عقلها) روضه وهي تضحك من قلب : هههههههههه الله ينطبج وربي ما اجذب صدق راسي يعورني يزوي : روااضي ورربي وناسه بنكون انا وانتي وحمدوه وااااو طرر الصراحه بنعلق وبنحش على اللي هناك كلـــــهم ويا بعض ، وهي تقرص عينها وتحرك حيانها ويمكن انشوفلنا جمن غرشوب مني ولا مناك .. خخ روضه وهي تضحك ع تفكير يزوي اللي مامنها فاايده فاصل فاصل عقلها : هههههه ونسيتي عواش ..؟ يزوي : آووه صح هاي القمله نسيتها .. (وتلوي بوزها) رووضه وهي خلاص مب متحمله من كثر ماتضحك ع يزوي الخبله : هههههههههههههههه (روضه ماتنكر ان يزوي بهالطله ونستها واايد ونستها همها شوي وخلتها تضحك من قلب ع حركات يزوي العفويه ..)<< لان اصلا يزوي حاسه بالذنب حست انه لازم اتسوي شئ حق روضه لانها هي اللي خلتها تتضايج حتى لو كان من دون قصدها .. مع انه روضه ماوضحت هالشي جدام يزوي بس شرات ماقلتلكم روضه ويزوي وحمده شرات الروح الوحده يحسن فـ بعضهن .. يزوي وترمش بعيونها ببرائه شرات اليهال وماده بوزها: دخيلج روااضي حيااتي عنووني ريولي راسي خشمي قوومي سيري ويانا .. رواضي : هههههههه انزين ترا انا ماقلت لا بس اقولج راسي يعورني ما اروم اسير وانا جيه فضيحه .. يزوي تسحب روااضي : آووه تعالي يلاااا .. (يزوي ظهرت رواضي من صاله التسالي كامل ) روضه وهي تظهر ويا يزوي من الباب الكهربائي لبرع : حشى عاده الدنيا مظلمه يزوي : وهيه ماشاء الله ع رواضي ما مصليه .. رواضي : استغفر اللــــــــه .. يلا بسرعه بسرعه .. يزوي: يلا سباق منو بتوصل قبل .. روضه : خخ بيطلعن سيقاني اثتحي .. يزوي : خخخ كلنا فالهواء سوى حتى انا عيل بس محد هني يلا بسرعه 1 .. 2 .. 3 ونطلقن يزوي ورواضي كل وحده تزخ الثانيه عن تتجدم على الثانيه والسيقان طالعات << متولفات بثنتينهن فاصلات عقولهن خخخ بس كان هناك شخص يراقب حركات يزوي ورواضي ودعى لهن بثبات عقولهن .. | |||||||||
| |
|
04-14-2011, 10:57 AM
| #13 (permalink) | |||||||||
|
مستشار المؤسس ~
|
رد: بتنـدمين يا بنـت والسبب نظرتج هذي انا :
قمرهم كلهم حدرن روضه ويزوي ع القصر وهن مسويات طاااف للكل وطياااره ع سويت روضه منو بتفوز منهن .. وهن يايات يحدرن السويت جان يطيحن بثنينهن فوق بعض قبل لا يوصل باب السويت .. وجان روضه تحرك عمرها بيدينها وتركض بيدينها وتحدر السويت قبل يزوي وتصرخ روضه : فـــــــــــــــــــــــــــــــــزت ويييييييييييييو ويييييييييييو ويييييييييييو يزوي وهي بين انفاسها : أ نـ ..ـا خـ ـلـ ـيـ ..ـتـج تفـ وز يـن روضه وهي تضحك ع شكل يزوي اللي متسدحه فالارض وهي تتنفس بالقو :ههههه سيري سيري قال خليتج اتفوزين اول رمسي شرات الخلق وعقب تعالي رمسيني هههههههه . روضه حدرت تتوضى وعواش وحمدوه يصلن . ظهرت رواضي من الـ wc (وانتو بكرامه) وعقب سارت صوب السياده ولبست جلباب الصلاه ولفت ع يزوي وشافتها على حالتها مب متحركه متسدحه مكانها ع الارض جربت روضه من يزوي وداستها فأيدها وقالتلها : اييييييه قوومي صلاه يلااا ماتصدقي تدورين سبب عسب ماتصلين يزوي : هههههههه يالخااااايسه ايدي روضه : تستاهلين يلااا صلاه .. يزوي : اندين .. روضه : ههههه عفان الله مب صاحيه البنت .. قال اندين قال .. وسارت يزوي تتوضئ وبدت رواضي اتصلي .. . . عقب ماصلن البنات يزوي وحمدوه وعواش كانن محتشرات كل وحده تصرخ من صوب اللي تدور شو بتلبس واللي ماتدري شو بتحطي من المكياج .. خلصت رواضي مصليه وقاريه قران صرخت عليهن : اييييييييييه عنلات هالويوه حتى ماعرفت اصلي حسبي الله ع بليسكن البنات ضحكن لانه رواضي شكلها صج منقهره منهن وهن حتى ماحسن برواضي .. . سارت رواضي على حجره تبديل الملابس ويلست تحرك كل مره شئ ماعرفت شو تلبس .. فالاخير قررت تلبس بنطلون جينز سكيني وبلوزه بنك مشجره ، وظهرت من كبت العبايا عبايه مسكره كامل وعليها زخرفه خفيفه تظهر جمالها .. يزوي + حمده+ عواش من وراء رواضي : ونحــــــــــــــــن روضه من الزيغه صرخت : بسم الله الرحمن الرحيم .. يزوي : شو جدامج ينانوه خخخ حمدوه : والله اطالعها .. عواش بقله صبر : اووف عن الضرابات احين بتيي خالوه وبتهزبنا شو نلبس ؟! حمدوه : صح شو بنلبس يزوي بصوت واطي بس محد سمعها : يونيه خخخ << تنكت حظرتها روضه : ماشاء الله ع كثر ملابسكن والعبايا وماعرفتن شو تلبسن ؟!!! يزوي : طالعتي عاده ترا يقولج هاك المثل ( يوم يستوي عندج ملابس وايد ماتعرفي شو تلبسي ) هني عاد الكل انفجـــــــر من الضحك لانه هالمثل مب صدقي يزوي بروحها مسويتنه ...! البنات حمدوه ورواضي واعواش : ههههههههههههههههههههههه روضه : هههههه ، استغفر الله ، اقولكن انا عندي خطه تعالن .. (وظهرت من حجره التبديل ع حجرتها والكل تبعها) . البنات : يلا قولي ..؟ روضه : كل وحده تطلع اغراضها ..يلااا البنات ماصدقن كل وحده منهن صفطت اغراضها يزوي وتسوي حركات استهبال اونها بياعه وتبيع ( اررب اررب وتصفق بيدينها ومحطيه شحاطتها تحت ايدينها وقاعده فالارض ومربعه اريولها ورافعه كندورتها يعني ظاهرات عساقيلها ) يزوي : اررررب ارررب الاطعتين بـ 6 جنيه وبدت اتصفق من قلب وتغني : (بص وشوف يزوي بتبيع ايـــه ).. ( بص وشوف يزوي بتبيع ايــــه ).. أررررب أرررب ... جان اتيها دحه (بكس) من ورا محترمه خلتها اتصخ مره وحده .. يزوي : اااااااي عنلات هالويه يالمعفنه جتك نيله اتنيلك يا ست عواش قولي وبعطيج دسكاون مايحتاي اتدحيني .. عواش وبقهر: انتــــــي متفيجه حق كل شي نقولج مستعيلين وانتي مستويتلنا وحده من هاكي البياعات مااالت عليـــج .. يزوي وهي تسوي عمرها زعلانه وماده البوز : انزين مابرمس 560 سنه زين جيه .. عواش وهي تصرخ : هيـــــــــه زيــــن ووااايد زين بعد .. عواش وهي تكمل : روضه غلايه كملي شو كنتي تبين اتقولين ؟ روضه : ممم حمدووه انتي احلى لون عليج وصج يبرز لج جمالج الفوشي .. وانتي يا عواش فالتركواز .. اما انتي يا يزوي فالـ الليلكي عليج طررر البنات سمعن بنصيحه رواضي .. وكل وحده بدت تلبس اللي قالت لهن عليه روضه ظهرت حمدوه بالفوشي وكان شكلها جنها بيبي يعني صج رووعه البنات صرخن : واااااو طـــــــــــــــر روضه : يلا عواش دورج .. سارت عواش تلبس التركواز وعقب دقايق ظهرت بالعبايه المرصعه بالكرستال الموزعه على الصدر والايد كان شكلها خباال .. روضه : ماشاء الله عليج طررر طررر .. عواش : احيم .. اخجلتم تواضعي .. روضه وتطالع على يزوي : يزوي دورج يلاا .. سوت يزوي حركه براسها شرات الهنود على انه اوكي وسارت تلبس بس جنها تأخرت ..! روضه تتريا يزوي تظهر وماظهرت وحمدوه وعواش بدن يتمكيجن .. روضه : يزووووووي بسسرعه يلااا انا لحد احين مالبست يزوي من ورا الحجاب : اوكيك اوكيك ظهرت يزوي بالعبايه المفتوحه والمخصره واللي كانت كامل الكم مفتوح وعليه نقشات باللون الليلكي وممدود بالكرستالات ... روضه شهقـــت : يالحيوااااااااانه وااااااااو وااو وااااو ... البنات من سمعن شهقت روضه بسرعه التفتن حمدوه : وااااا فديت انا العيناويه واللـــــــه عنلاتج خبال خبال خبال يالثور هههههه عواش : حشى كل ها مدح .. آآآه طر طر يزوي : احم .. احم .. اعرف انه طر .. عيونكن الحلوات اندوكن بوسه امواااااح .. عواش : عاااش بالشر اقصد بالخير .. البنات : ههههههههههههههه روضه : احم ... احين دوري .. حدرت روضه حجره تبديل الملابس وبدت تلبس ، لبست بنطلون جينز سكيني وعقب بدت تلبس البلوزه البنك المشجره من مانقو .. ظهرت لها جمال خصرها الصغير ومسكت العبايه بأيدها وشعرها البني الفاتح فلته وغطى على لها ظهرها كامل .. ظهرت من الحجره وقالت : تا تا تا (ورفعت ايدها) يزوي : واااااو يالحنوااااانه ماباا مابااا حمدوه : غسلتنا .. عواش: اوف اصلا لبسي حلو البنات :هههههههه وكملن البنات الميك اب مالهن بس روضه بعدها مابدت لحد احين .. رواضي تدق ع فون ميشيل بس ماترد .. رواضي : اووف بلاها ماترد حمدوه : منوو ؟ رواضي : بشكارتي ميشيل .." حمدوه : وبشكارتج الثانيه ..! رواضي : لا هاكي مالها دخل فأغراضي الخاصه ميشيل اللي دوم ترتب اغراض التسريحه حمدوه : اوكي ازقريها .. رواضي .: ممم جهاز الاتصالات بالمطبخ اللي بجناحي خربان .. حمدوه : اوكي سيري الصاله رواضي : مارايمه ريولي يعورني .. وراسي يدور حمدوه : اووف فهمت تبيني اسير انا ادق عليها رواضي : هههههه .. شطوره حمدوه : اوكي ويت بلبس عبايتي والشيله رواضي : لا تخافي محد فالصاله ... حمدوه .: ممم اوك سارت حمدوه الصاله تدق ع ميشيل من الصاله ومحد يرد وعقبها دقت ع قسم الخدم بس محد يرد بعد .. حمدوه : اووف .. (وردت اتدق مره ثانيه ) بس جنها سمعت حد يطلع من الدري وقالت : عنلاتها هالهيازه مارامت اترد عليه وطلعت عيل وين اسهل تردين ولا تتطلعين فوق والله حاله .. حمدوه وايدها على خصرها : لــــو ماييتي يامســــوده الويه حمد : لو مايتي ، ومسوده ويه ، كل ها حقي .. . حمدوه شوا قولكم احين موقفها تبا تموت شوي عليها تبا الارض تنشق وتبلعها بعد شوي عليها ..! حمدوه لا زالت ايدها على خصرها وهي لابسه بلوزه فوشيه وبنطلون جينز ابيض مخصر عليها.. وشعرها اللي مرفوع بشباصه والنص نازل ع جتفها ومحطيه ميك اب خفيف مرره ..! حمد: أحم ... (قصده مايستوي جيه يلا سيري ) حمدوه احين بس صحت من الحلم وطيران على جناح رواضي وتصفق الباب بالقوو حمد: لا اله الا الله كل ها عسب انا طالعتج ههههههه لكن مسوده الويه غااويه آآه فديت انا الغزال اللي خطف قلبي آآه يالفوشي اموت فيك امووت واللللللله | |||||||||
| |
|
04-14-2011, 10:59 AM
| #14 (permalink) | |||||||||
|
مستشار المؤسس ~
|
رد: بتنـدمين يا بنـت والسبب نظرتج هذي انا :
قمرهم كلهم داخـــل الجنـاح .. رواضي : حشـــــى جسرتي البااب حمدوه وبعصبيه : انتـي جــــــــب كله منــــج ..! رواضي : شو سويت ..؟ حمدوه : تقولي لي محد برع واخوج هذا الملقوف برع عواش ويزوي : هههههههههههههههه حمدوه بقهر : هيه اضحكن عنلات هالويه يزوي تتطنز : عيل بحجز لج مكان حذالي فالنار فالسيد اللي جدام خخخخخخخ عواش : هههههههههه روضه : هههههه بنات خلاص اسكتن .. عواش : لا بالله عيل اخوج يا رواضي الليله خاطب خاطب يزوي : وانا بشهد هههههه رواضي : والبشكاره << طااع وين التفكير حمدوه : وانتي هني تفكرين ماالت بس رواضي : يعني شوا سوي اسير اقوله رد يالموقف وحمد لا تطالع على حمدوه والله حاله عواش ويزوي : ههههههههه حمدوه بعصبيه : جــــــــب انتن عواش ويزوي انخرسن مره وحده << الزقره بنت العرب خخخ رواضي ردت تتصل مره ثانيه على ميشيل واخيرا ردت .. رواضي : لو مارديتـــــــي بسرعه تعالي فووق ميشيل : اووكي بندت رواضي عن ميشيل وماثواني غير تيي ميشيل وظهرت علب الميك اب والمنكيرات .. يزوي : بنــــــــات تعالن هني عيـــــوش حمدوه : هههههه عيبتني هذي عيوش ظهرت روضه من علبه المنكيرات اللي ممتليه من كل انواع المنكيرات ومن اغلى الماركات ، ظهرت مناكير بنك من شانيل هادي وراقي جدا حطت المناكير جدام ميشيل وقالت : يلا ابدي ميشيل: اوك ( بدت ميشيل تحطي المناكير بخفه على اظافر روضه وعقب نثرت عليه لمعه ظهر خباال ×خباال رواضي : بنات منو تبا ؟؟ حمده: الله ظهر واايد حلو فأيدج انا انا ابااا .." عواش : احين بتقولج لان ايدي حلوه رواضي بثقه: لانه انا حلوه ياحياتي فهمتي ..× يزوي بلقافه: شكرا حبيبتي من ذوقج مايحتاي تمدحيني انا اثتحي احيد اني حلوه روضه : منو مدحج ياللقافه انا امدح عمري .. يزوي وماده البوز : مالت .. ولفت ترمس ميشيل : يلاا بسرعه عسب تبدين فأظافري سارت رواضي صوب التسريحه عسب تبدي تحطي ميك اب .. فالبدايه وزعت كريم اساس من MAC وعقب بدت تنثر الباودر اللي من Dior بالفرشاه وحطت روج وردي خفيف من شانيل وحطت جحله داخل عيونها ومررت القلم 4 مرات تقريبا عسب تمتلي عيونها من الداخل باللون الاسود .. وزعت بالفرشاه بلاشر بنك خفيف وحطت شدو بنك جدا جدا خفيف اللي صج برز من لون عيونها العسليه ... وفالاخير حطت الماسكرا .. تتطالعت على البنات كلهن مشغولات ردت تلبس عبايتها ولفت الشيله عليها وظهرت قمر 14 .. نزلن البنات تحت والكل كان متواجد يترياهن ماعادا الشباب كانو برع .. ام سالم : واايد تأخرتن .. ام عزوز : لا والله تحريناكن رقدتن ..! البنات : هههههه ام الريم : يلا معليه بسرعه خلنا نظهر .. ظهرو الكل وركبو السيارات وطبعا روضه ومنصور وحمد ومحمد كلهم فـ سياره رواضي ... روضه سارت صوب منصور : احم ... سلامن عليكم منصور لف عسب يرمس روضه بس فاجأها بطراق : حيــــــــــــوانه رواضي : يا قليل الادب منصور : ابا اعرف من وين يبتيه كل هالحلا هـــــآه ..؟ ( روضه كانت من البدايه تعرف انه الطراق مال سوالف بس يعني مب صدقي) روضه بخجل وبلباقه : عيونك الاحلـى منصور يسحب روضه : اركبي السياره مابا حد يطالع ع خطيبتي يلا اركبي روضه : هههههه استغفر ربك .. ( وركبت روضه السياره وماثواني غير تتيمع الشله الفاسده كلها فسياره وحده محمد + حمد + منصور + روضه ) رواضي مطيحه مسجات لحد ماوصلو مزرعه الريال حمد : حشـــــــى مب جنهن مفترقات الا بس ثواني رواضي : اقول انت جب حمد : انا جب منصور : لا انا . عيل منو ماتسمع حياتي قالت لك جب يعني ماباك اسبوع ترمس انت فاهم ولا لا .. رواضي : فديت منصور والله يا بعدي يا بعدي واللله محمد : ماتبوا تنزلو يلاا انزلوا نزلو كلهم وروضه يوم نزلت سارت صوب محمد عسب مايضربها حمد محمد : رواضي اندوج يودي الفون والسويج يودتهن روضه لحد ما تأكد محمد انه العقال ضابط عقب رجعت له الفون بس السويج مارجعته حطت السويج فجنطتها .. محمد : محد بـ يسرقه عنج ... رواضي : اعرف بس تعرف اخاف اتسير تخمس بسيارتي محمد : مالت عليج .. سارو الشباب ويا عمومتهم وولاد عمومتهم ورواضي سارت ويا الحريم .. حدرن الحريم قصر سعيد .. وكل حريم عيله سعيد كانن موجودات عسب يستقبلن حريم قوم بوسالم .. وسلمن عليهن سلام حار .. يلسن كل الحريم فـ صاله مفتوحه داخل القصر .. البنات حذلهن صوب لرواحهن عسب ياخذن حريتهن فالسوالف والحش .. حمدوه : غاويه هالصاله .. يزوي : هيه والله غاويه جان ما اصادرها روضه : اييييييييه سكتن فضحتنا ، اللي يسمعكن بيقول مول مب شايفات خير حمدوه تكمل : يزوي ترا الارباح النص بالنص .. يزوي : انزين يصير خير ,, وبصوت واطي : ان مانصبت عليج ماكون يزوي خخخخ حمدوه: والله لتوطى فـ كرشتج يزوي : خيبــــــه مب اذون عليج رادارات جان سمعتيني روضه وبنفاذ صبر: عنلاتكن تصادرن فـ بيت الخلق ولا من احين يضاربن ع الارباح ، عنبو شكلكن اشــــــك انكن بنات عز وشايفات خيــــــر ... يزوي وتسوي عمرها جديه : هيــــه والله .. فضحتنــا سكتن انتن محد ايوديكن مكان اااف .. فضيحه انتن (وتسوي حركات بيدينها وتأشر على الفقيرات حمده وعواش ) << دخيلج مب جنج انتي الراس العود خخخ هني روضه وحمده وعواش مارامن يمسكن اعمارهن وكلهن مره وحده: هههههههههههههههههههههه روضه : ماشاء الله عليج آحين عرفتي أنه ( تقلد صوت يزوي) فضحتنــــــــــاآآآ .. انتي أولهن يا مسوده الويه ... ام سالم والحريم عطنهن نظره على انكن انجبن .. البنات سكتن وهن يتحلفن ويتوعدن لـ يزوي اللي فشلتهن وخلتهن يضحكن وهي جنها مول مب مسويه شئ ... روضه:ماشاء الله عليج آحين عرفتي انه (تقلد صوت يزوي)فضحتنـــــــــآآآآ..آنتي اولهن يا مسوده الويه.. عواش:اوف كفن ضرابه بسكن ..! ييت بنت سعيد بن سالم ويلست حذالهن.." فاطمة :يامرحبا الساع روضه:مرحبا الملااين ولايسدن فذمتتتتيه فاطمة:المرحب باجي ولاهان.. وتكمل:تو مانور البيت والله...! البنات:منور بهله..!! يزووي تهمس فأذون روضه:آوووف مليييت رووضه:حتى انا لكن شو نسووي خلينا نصبر .... وتراه يا بنيتي آلصبر مفتاح الفرج خخخخ يزووي:دخيلج يالعيوووز.. حمدوه ترمس فاطمة: آنتي جم عمرج..!؟؟ فاطمة:19 سنه.. حمدوه:اها العمر كله آن شاء الله ...عيل ننحن كلنا 18 سنه . فاطمة :العمر كله ياربيه – بعدكن عيل فالمدسه يزووي:لا خلصنا قبل شهرين تقريبا فاطمة:بالتوفيج.. (فاطمة كانت يالسه تطالع ع روضه ..وروضه آنتبهت ع نظرات فاطمة..) فاطمة بتسآؤل:عيل وين روضه ؟؟! (الكل تعجب ليش فاطمة تسأل عن روضه) روضه رفعت رأسها إلي كان بالارض .تفكر ,وبهدوء قالت:آنآ هنــي,,... فاطمة بسرعة حركت عيونها وركزتها ع روضه وقالت بلعثمه:هاه ..هيه انتي روضه....يـ ــ ــآ هلا ..و ..مـ ..رحـبا روضه ماتدري ليش حست آن قلبها ينغزها من شافت هالفاطمة..! فجأه ظهرت كلمه من عواش بدون قصد :وليش تسألي عن روضه آنتي تعرفيها ..؟ فأطمه بلعثمه:هآه لى ...بس ..يـ..يعني...سمعت ..و .ما..وبس..! روضه عندها قوه بديهيه وبسرعه فهمت انه هالفطوم شي وراها... روضه فخاطرها:لا بالله هالفطوم شي وراها وانا متأكده بعد ...الله يستر .. نشت فاطمه عنهن وودرتهن بروحهن.. فزت حمدوه وقالت:هالفاطمه ينخاف منها.. يزوووي:هاي شكلها ماتروم تجتل سمسوم شقايل بتضركن اقول ودرنها روضه بهدوها المعتاد:الله يستر..." ويــــآ آلحريم.... آم عبدالله:يا مرحبااا الساع والله ام سالم:مرحبا الملاين والله ام حمدان :الا يا ام سالم وين بنتج روضه..؟ (عواش قاطه أذونها ويا الحريم) عوواش ووبسرعه ترمس:ولـــــحقي يا روووويض الحرمه بتخطبج..! آم عبدالله:مآشآء الله عليج يا ام راشد من وين يبتيها فها المده القصيره ..؟ ام راشد:والله لحد مايبتها وايد تعبتني ..! ام عزووز كانت ترمس ويا ام الريم.! ام عبدالله :عيل آم الريم مانشوفها بنتج الريم.. ام سالم ترمس ومن دون نفس:ويا ريلها سالم الله يحفظها (ام الريم + ام سالم ..كانً ما عايبنهن وضع الريم و سالم جنه ماعندهم أهل مول) عقب بتعرفون شو قصتهم .. | |||||||||
| |
|
04-14-2011, 11:00 AM
| #15 (permalink) | |||||||||
|
مستشار المؤسس ~
|
رد: بتنـدمين يا بنـت والسبب نظرتج هذي انا :
قمرهم كلهم وبآلــــــدآخل... فاطمة:هيه آحين ........بسرعه .......لا ماشي وقت.........ما اروم ..........باااااي فاطمه اول ماطالعت روضه جدامها فرت الفون عند المغاسل ..! فاطمه:انتي شو تسوين هني ...؟ روضه:ماشئ ييت الحمام شرات كل الخلايج.! فاطمه:آهـــآ روضه تكمل ع فاطمة وبسخريه وترفع حايبها وتنزله بطريقه تقهر..وتمدها : هـــــيـــــه.... ظهرت فاطمه من الحمام ( وانتو بكرامه ) وتركت روضه يالسه عند المغاسل (أول ماظهرت فاطمه بسرعه روضه تسير من وين ما فررت فاطمه فونها ..!) مسكت الفون بأيدها وبدت تفتح أخر المكالمات هي تنزل تحت عسب تطالع الرقم الي احين داق ولــكن قطعت عليها فاطمه وهي يايه...! فاطمه:تدورين شي..؟! روضه وبثقه وبدون ماتحس بأأي آحراج:لآ سلآمتج ..! فاطمه :وتقوليها بثقه بعد... روضه وتحاول تضغط ع فاطمه :ليش لا ..الا اذا آنتي من النوع آلي ينشك فيه وانتي فاهمه( تقصد يعني مال شباب)..؟! فاطمه:اييييييييييييه انتي شو تقصدين..؟ روضه ظهرت من الحمام وودرت ورآها فاطمه مستغربه من قوة هالبنت ..؟ سارت روضه حذال البنات وكل الحريم يطالعن عليها وهي تمشي لانه الرقه تصرخ منها ..! وهي ماهمها أحد يالسه تفكر ومسويه طااااااف ...! روضه وهي تيلس وبهمس:اررروم احلف انه هالفاطمه وراءها بلووووه عووده..! حمدوه:لــــيش..؟! روضه بنرفزه:مآ آدري ..مآدري..! يزووي:آحين بلاكن والله هالويه مايظهر منه المشاكل أسألني اناااااا...! حمدوه:وانا امتأكده انه وراءها شئ.. رووضه:اووووه خلاص اسكتن رأسي بينفجر... عواش:لا والله خلنها تلتعن جنه محد غيرها ..>>غيرانه خخ البنات:ههههههههههههه يزوي:استغفر الله حمدوه والبنات انفجرن مره وحده:من وين ظهر هالادب .؟ البنات:ههههههههه ام سالم :بنات تعالن حذالنا هنــي...! حمدوه:لا حوووول احين بيبدن الشغل.." روضه:لا والله صدق احين بيبدن.. "سآرن الـــبنات ويـــــــا الحريم" ام عبدالله :الا يا حمده وين تدرسين..؟ حمدوه:توني بس مخلصه ثآنوويه..! آم عبدالله :اهاااا ...بالتووفيج غلاااايه.. حمدوه:اليميع ان شاء الله ..! أم حمدان : أم عبدالله عيل وين بنتج فطوم .. ام عبدالله : احين والله كانت هني ما احيد وين سارت روضه بخاطرها : تقردن وين يعني سارت .. هههههه عواش تهمس فأذون يزوي : وين بعد يالسه ترمس حبيب القلب .. يزوي مارامت تمسك عمرها : هههههههههههه ام راشد تتطالع على يزوي على انج ايييييييييييه اسكتي يزوي سكتت وقرصت عواش من ظهرها : معليــــه روضه راسها بدا يدور وتحس انه الدنيا يالسه تدور .. ام الريم : روضه قلبي بـــلاج ؟! روضه : خالوه بطيح راسي يدور .. ام الريم : لاحول احين وقته .. روضه : خالوه انا مابيلس اذا يلست اكثر عن جيه بطيح .. ام الريم : انزين غلايه قومي سيري البيت .. روضه : وامايا منو بيرمسها .. ام الريم : انا برمسها بس انتي سيري .. ام الريم وتعلي صوتها متعمده برايج غلايه مسموحه عاذرينج ..! ام عبدالله : بلاها روضه .. ام الريم : والله تقول انها تعبانه شوي .. ام سالم : غلايه مريضه بلاج ( نشت ام سالم ) روضه : امايا برايني بسير البيت وبرتاح .. ام عبدالله : ويديه وانتي احين يايه لاوالله سيري داخل جناح الضيافه عسب ترتاحي روضه بأدب : لا خالوه برايني بسير البيت ام عبدالله : بس توج يايه .. روضه : خالوه فديتج المهم تعرفت عليكم واليايات اكثر عن السايرات ان شاء الله اكيد بيي .. ام عبدالله من سمعت رمسه روضه حست انه هالبنت صدق مؤدبه ومحترمه ام عبدالله : الرب لج حافظ غلايه لكن ترا والله الدريول موجود ام سالم : لا غلايه برايها بتصل على دريولتها روضه تسلم على ام عبدالله وام حمدان والحريم وبنات عمات ام عبدالله .. روضه : لا برايه خالوه انا بروحي بسير .. تشرفت بمعرفتكم .. ( ومن الرمسه الحلوه ومني ومناك ظهرت روضه ومحد انتبه انها بروحها بتسوق ) ( على فكره روضه تسوق بس بعدها ما عندها ليسن واخوها محمد هو اللي معلمنها السواقه ومعروفه سواقه روضه ولا سواقه واحد من الشباب حتى الكل يشك انها بنت اللي تسوق لانه محمد يوم علمها علمها السواقه الصدقيه مب اي لعب ..) ظهرت روضه من القصر وتحس راسها بصدق يدور .. فون روضه يصيح بس هي مب متفيجه حق شي تمسك عمرها ولا تسكت هالفون .. تنزل من الدري وهي تحمد ربها انه الميلس مال الريايل فهاك الصوب وسيارتها حذال ميلس الحريم فأخر دريه تنزلها حست الدنيا بدت تسود ماتحس بعمرها غير تنزل من الدري كامل وتطيح على الارض ... بس فجأه فتحت عيونها وتطالع عمرها مب على الارض انا واقفه غريبه والله احيدني طحت فتحت عيونها زين وطالعت شخص حذالها استغربت منو ها اللي حذالي .. لفت راسها على صوب هاك الشخص وطالعت ايده على جتفها وماسكها .. بدت تستوعب الامر شوي شوي .. انا كنت بطيح بس حد يـا وساعدني بس منو ما رايمه اطالع منو ( حاولت تفتح عيونها زين عسب تتطالع منو ها الشخص ) اول ما التفتت صوب هالشخص وفتحت عيونها زين انصدمت صدمه بحياتها ما انصدمت شراتها اللي جدامها مستحيل انسان هذا ملاك سبحان الله | |||||||||
| |
|
04-14-2011, 11:02 AM
| #16 (permalink) | |||||||||
|
مستشار المؤسس ~
|
رد: بتنـدمين يا بنـت والسبب نظرتج هذي انا :
قمرهم كلهم لفت راسها على صوب هاك الشخص وطالعت ايده على جتفها وماسكها .. بدت تستوعب الامر شوي شوي .. انا كنت بطيح بس حد يـا وساعدني بس منو ما رايمه اطالع منو ( حاولت تفتح عيونها زين عسب تتطالع منو ها الشخص ) اول ما التفتت صوب هالشخص وفتحت عيونها زين انصدمت صدمه بحياتها ما انصدمت شراتها اللي جدامها مستحيل انسان هذا ملاك سبحان الله روضه مفهيه ويالسه تتطالع بويه الريال ‘ عيونه مايله على الزيتوني ذبحها جماله ..عليه جمال مب طبـــيعي مب طبيعي الله واكــبر .. عقبها بثواني نزلت رواضي عيونها ورأسها والشاب لازال يطالع على روضه بنــظرات تقــطيع... ثواني وودر الشاب ايد روضه وابتعد عنها .. رفعت راسها بعد ما كانت منزلتنه ومدت بصرها لحد وين ما سار هاك الشاب طالعته من بعيد طويل ولابس كندوره ومالابس لا عقال ولا غتره يعني بس جيه مظهر شعره من دون ما يلبس عليه شي .. روضه اول مره بحياتها جيه تتطالع بويه ريال ولا مب اي ريال .. تمنت لو انه ماسار اول مره بحياتها تتمنى ريال مايسير ... استغربت عمرها .. ركبت السياره وضغطت على البترول اللي بذاته اصدر صوت عااالي مع احتكاكه فالتراب .. اول ماسمع الشاب الصوت لف يطالع بس استغرب انها اختفت انرسمت بويهه شبح ابتسامه روضه وهي فالطريج مال المزارع تفكر بالريال : حست بـبرود اعصابه بيذبحها ليش ماسوى اي شي ليش مارمس اوووووه يا روضه شهالتفكير خلاص انسي .. . وصلت مزرعتهم وتحس عمرها بتطيح خلاص دقت على بشكاراتها ماثواني غير يظهرن البشكارات وساعدن روضه وحدرت القصر .. روضه بتعب : الغنفــــه .. ( قصدها حطني عند الغنفات .. حطنها البشكارات عند الغنفات واول ما اتسدحت حست انه الدنيا توقفت من الدوران ) مسكت راسها بأيدينها الثنين وغمضت عيونها حست بأن السواد اللي غطى عيونها راحه كبيره عسب تريح راسها .. ومسرع ما ييها شبح هاك الشاب اللي فالمزرعه .. روضه بخاطرها : آه ياربيه محلاته ههههههه ضحكت وبدت تعلي صوتها بالضحكات ( مستغربه عمرها اول مره تقول جيه من عقب هاك الحادثه ...!) بدا فونها مره ثانيه يدق واللي يدق لازال يحاول عسى ولعل ترد روضه .. وروضه مارايمه ترد ويزيد راسها الم وفالاخير قررت ترد : انجي قيف مي ماي فون انجي مدت الفون لروضه ... روضه بتعـب ومغمضه عيونها : مرحبا امايــه ... فديتج صدقيني مافيه شي .. قلت لج شويه دوار وعوار راس ... ......... : آوه كل هاا لانج طالعتيني الــظاهر مفعولي قوي والله ( روضه جنه حد صب عليها قلاس ماي مب بارد الا ثلــــــج ) الصوت مب صوت امها صوت ريال بس من عوار الرأس الي فيها ماعرفت منو هاا ؟؟! روضه اول ماسمعت الصوت رجالي قالت احسن شي ابنده ما فيه حق المشاكل ..! بندت الفون فويه الريال وردت تغمض عيونها .. روضه : اوف منو هاا ... ما عرف هالصوت .. وفجأه شهقت وقالت : لا يكون الفيصل بســــرعه طيران المكالمات الاخيره تطالع الرقم بس تفاجأت انه "مارقم "الفيصل ... لانه رقم الفيصل كله صفت اثنينات بس هذا غير .. روضه : اوف ياربيه ما ناقصه كل يوم مشاكل منو ها احين .. بسرعه تذكرت كلماته الاخيره : ( اوه كل ها لانج طالعتيني الـظاهر مفعولي قوي والله ) الف علامه استفهام فوق راسها ...! روضه وتعيد بصوت مسموع : آوه كل هاا لانج طالعتيني الــظاهر مفعولي قوي والله<< تحاول الاخت تفهم خخخ روضه : آوف شوه العذاب يوم راسي يعورني عقلي بـ يوقف << وربي هالبنت سوالف روضه تعيد ببطئ : آوه ... كل ... ها ... لانج ... طالعتيني ... الظاهر ... مفعولي ... قوي ... والله .. اول مافهمت قصده صرخــــــــــــت : لاااااااااااااااااااااااااا ويـــا البنـــات ..فـ العزيمه يزوي : العشى ما حلو لانه روضه مب موجوده حمدوه : هيه ماحلو وما بجيـتي شي فالصحن عواش : لا اونها تسوي حركات رومنسيه ... مشتاقه ما مشتاقه .. يزوي : حسبي الله على بليسكن اكلتني بقشوري عواش : الاخت سمجه وانا مادري عواش + حمده : ههههههههههههههه يزوي : ها ها ها .. مالت مايضحك .. ام الريم : بنات قصرن حسكن فضحتنا .. حمدوه : انتن فضايح محد يوديكن عزايم شيوخ لو هني روضه جان بتقولكن انتن مال مطعم الهنود .. عواش ويزوي انفجرن من الضحك : هههههههههههههههههههههه ام الريم + ام عزوز : اسكتـــــــــــــن .. عواش : يزوي حمدوه خلاص انجبن .. يزوي : نحن ولا انتي هاه مالت بس .. فاطمه ييت بس احين تتعشى اخذت لها جمن صنف من البوفيه وسارت تيلس على الطاوله ويلست حذال يزوي .. فاطمه : عيل وين روضه ..؟! عواش : روضه تعبت شوي وردت البيت .. فاطمه بهمس : قالت تعبانه هههههه حمدوه : فاطمه شي وياج ؟! فاطمه بلعثمه : لا مــاشي .. سارت فاطمه حذا لام حمدان ترمسها وتـتدلع عليها عواش : طالعوا طالعوا اكيد تبا ام حمدان تخطبها يزوي : ههههه انتي كل سوالفج خطبه ومــا خطبه عواش : ههههه لزوم الشغل فديتج لزوم الشغل ... ويـــا رووضه ... روضه لا زالت بالافكار اللي غرقت فيها : معقوله الريال اللي احين طالعته وســاعدني هو متصل معقوله ... معقوله راعي العيون الزيتونيه اتصل لااا ماصدق .. ومن وين بييب رقمي من وووووين ..؟؟؟ صحت روضه من افكارها على صوت الفون .. مدت ايدها للفون وطالعت على الشاشه شرات الرقم اللي قبل شوي متصل .. روضه : ياربيه شوه الحال هذا احين خلاص ما بيودرني ياليت لو ماقلت هالشاب "حلو "جان احين ما متصل >> هههه هالبنت خبله رد مره ثانيه يتصل وروضه بدا الالم براسها يزيد صرخت روضه من القهر صرخه زلزلت كل ذره بالبيت : بـــــــــــــــــــــــــــــــــــــــــــــــــ ــس... | |||||||||
| |
|
04-14-2011, 11:03 AM
| #17 (permalink) | |||||||||
|
مستشار المؤسس ~
|
رد: بتنـدمين يا بنـت والسبب نظرتج هذي انا :
قمرهم كلهم كل البشكاير تسطرون حذال الصاله عسب يطالعن شو مستوي .. روضه نشت من تسديحتها عسب تتطالع حل لهالورطه .. روضه : انا طول عمريه قويه وماشي بيي جدامي مستحيل هالحثاله يعرقلني معليه .. رد يتصل مره ثالثه وروضه اول ماسمعت فونها يصيح زقرت انجي وهي فبالها خطه جهنميه .. روضه وبسرعه ترمس : ( انجي كام كويكلي ) ييت انجي تربع ... وقالت لها روضه :رمــسي الريال ... . ردت انــجي واول ماردت سمــعت ...< ...... : لو مارديتي ههههه .. كل ها تغلي بــعد الترجمه انجي : ( عفوا مسيو لكن أنستي لا تستطيع التحدث ) ( الشاب قفطوه يالس يتمصخر على روضه وفالاخير ماظهرت روضه ) الشاب : اين هي ..؟ انجي : ( قلت لك سابقا لا تستطيع التحدث ) الشاب : ( اوك ... لي تصرف اخر ان شاء الله ) انجي : وداعاا الشاب بند الفون وحتى ما قال شي << من القهر خخخ روضه والضحكه شاقه الحلج وسمعته يوم يقول اول شي لو مارديتي ... روضه : هههههههه تستاهل .. ماثواني غير اييها اتصال من رقم الفيصل اول ما اطالعت الرقم كله صفه اثنينات خفق قلبها لانها تعرف انه مايتصل غير يوم يبا يسوي لها مشكله .. روضه وبدت دقات قلبها تزيد : اذا مارديت اكيد بيورطني لكن شو هاي قلت الادب .. وتكمل فخاطرها : روضه انتي بحياتج ماسويتيها ورمستي واحد فالفون احين بترمسين هذا .. لكن وربي مضطره ... مضطره .. ردت روضه وما قالت ولا كلمه : ........... الفيصل بخشونه : سااعه لحد ماتردي !؟ روضه : ..... الفيصل : ماعليه بس حبيت اقولج انه اول شي بتسوينه انج اتيين مقهى الـ *** وبتعرفين عقب شو ابا منج فهمتي ولا لا .. روضه : ................ ( منصدمه من اللي قاله ) الفيصل : مابا حركات تأخير انتي فاهمه وو ....( نــاوي يهدد).... صح انتي تعرفين اذا ماييتي شو بيستوييبج مم فـ أحسن تكفين الشر من البدايه ســــلام يا حلوه .. ( وبند الفون دون رد من روضه لانه متأكد انها مابترد ) روضه وما ادراك ماروضه ... روضه لحد الحين ما رمست منخرسه من الصدمه هالخبل يباها تسير مقهى ولا مب اي مقهى هالمقهى معروف ولا بنت تحدره لانه كله مال شيشه وغيرها من هالحركات الوسخه بالمختصر المفيد هالمقهى مايحدرونه غير الشباب .. روضه بقهر : الله لااااا يعطيك العــــــــــــــــافيه يا فصيـــلان ، عنلات هاك الويه الخايس .. يالنذل يالخسيس يالهرم يالحيوان يالوقح يالدغم يالتيس يـالحشره يالخبل يالطمطمه ... عقب سحبت كميه من الهواء لانها يوم كانت تسبه ماتنفست موول من السرعه والقهر ... روضه : ياربيه شوا سوي والسوات احين ادري به هالحيوان اذا ماسرت بتورط اكيــد بيطرش الصور حق ابويه وهالحيوان سلوم وسلوم بيذبحني وبييلس يطنز عليه وبيقول هاي اخر الثقه يا ابويه اللي عطيتها لياهله << حافظه الاخت .. مسكت راسها بأيدينها الثنين وبدت تفكر شوي شوي عسى ولعل تلاقي حل ... / \ / \ / منصور : يا ريال العين هالايام خاروها ماشي مباراه تمر ما يخسرون عبدالله : صح سمعت المدرب فروه بريلهم >> يعني طردوه عبدالله (ولد ام عبدالله ) : يستاهل كل الغلط منه .. حمد : ههههه انتو جديمين مال العين لا والله احلى حدث قبل امس يوم ريال مدريد وبرشلونه تبارن وفازت برشلونه احلى شي استوى فالحياه ..، محمد : ايـــــه نسينا ما كلينا تذكرون يوم ريال مدريد يابت 11 اقول اسكتوا بس حتى عار عليكم يالبرشا ... حمد : عار فعينكــــم .. ( يـــا حمدان ولد بو محمد من برع والكل التفت عسب يطالعون منو ياي ) .. منصور : منو ها الغرشوب ؟! ( غرشووب= فـــاق الجمال , مزيون ، غاوي ، مملوح ، كل شي ، ..يعني كل صفات الجمال فهـ الكلمه) حمد : اسكت فضحتنا .. منصور : طالع طالع كل حد يالس يطالع عليه مب بس انا حمد : الله ينطب هالغبي حسستني اني قبيح .. منصور : ههههه لا فديتك غرشوب غرشوب ظاهر عليه .. حمد : لا دخيلك .. حمدان : السلام عليكم ورحمه الله وبركاته .. الكل نش يسلم ع حمدان ولد محمد الـ**** ... يــا حمدان حذال بوسالم وسلم عليه بحراره بوسالم : ياهلا والله يا هلا تو مانور الميلس حمدان : منور بهله يالغالي ... بوسالم : شحالك يا وليدي من زمان مازرتنا ( حمد + منصور + محمد عبدالله +سيف + عبدالباسط + راشد ) = الجميع في صدمه .." منو هـالشخص اللي بوسالم محطنه على راسه .. غريبه والله ... الكل منصدم لانه شكله ما يتعدى 20 سنه ... حمد : منو ها ..؟ عبدالباسط : والله ما ادري غريبه .؟ سيف : عاده انا بموت ابا اعرف منو هاا محمد : عبود منو هالشاب ؟! عبود : هذا حمدان ماتعرفونه .. محمد : ترا يالسين نسألك ؟! عبود : طولي بعمرك هذا ابوه مسكنه كل البزنس ماله وكل التجار اللي فالبلاد يعرفونه بس مشكلته شي واحد ..! سيف : اللي هو ؟؟؟ عبود : واايد خقاق ومايرمس اي حد عبدالباسط : هيه من شكله ظاهر انه خقاق .. راشد : لاحول اسكتوا >> راشد لانه معرس فلازم يكون ويا الشيوبه .. خخ عبود : بس ترا حمدان واايد طيب .. منصور بالمره طرش حق رواضي مسج : ( رواضي بيفوتج نص عمرج احين حدر علينا غرشوب اسمـه حمدان غسل كل اللي بالميلس .. واخوج حمد المغرور المغتر يقول منصور انا مب حلو مب جيه ههههههه ) / \ وعند روضــه : رواضي من عقب التفكير انرسم بويها شبح ابتسامه وضحكت وبدت تعلي ضحكاتها اعجابا بالفكره اللي يتها .. روضه : وي فديتني والله انه محد شراتي هههههههههه بنطالع يالفيصل ويا منو تبا تلعب ... هههههههه صدقني مابتروملي بتتعب وااااايد بتتعب وااايد ... هههه ( روضه كانت جدا فخوره بنفسها لانها بتجسر راس الفيصل بهالحركه بدال ما هو يبا يخليها تضعف وتضعف قواها احين هي اللي بتخليه يضعف ويتركها .. روضه انرسم بويها الفخر والامل : اوك يالفيصل روضه قادمه قادمه ههههههه فديتج والله يارواضي انا احبج حتى فأصعب المحن تضحكي << وااي ع الغرور تقهرني يوم تسوي جيه فيه ... (شربت لها حبتين بندول حفاظا على قواها لا تخور قواها جدام الفيصل .. كله ولا الفيصل ههههه ) طلعت فوق باللفت لانها ماتروم على الدري .. وسارت سويتها وطيران على حجره تبديل الملابس بدت تحرك الملابس يمين وشمال ... روضه : ياربيه وينها ؟؟ لا يكون بشكارتي ما يابتها وربي بجتلها .. بعد عنا طوويل لقت الكندوره.... طبـعا الكل مستغرب شو هالكندوره .. ويت بقولكم شو سالفت الكندوره .. ((( هالكندوره رواضي مخيطنها يوم كانت تبا تقص على البنات وسالفتها طويله ف يوم من الايام الخوالي حدرت رواضي واحد من خياطات الريايل وهي لابسه نظارتها الشمسيه عسب محد يعرفها وقالت للهندي يفصل لها كندوره ريال وعطته القياس .. الهندي فالبدايه ما وافق بس عقب قالت له بعطيك 500 درهم ووافق << بعد هذا حقاق ليش ما يوافق .. ولبستها عسب تزيغ البنات .. الكل كان معجب بالكندوره لانها مره على جسم رواضي واللي بذاته جسمها نوعيته طويل ونحيف طولها تقريبا 173 سم حتى الكل يقول لها يالنخله يالطويله يا ( القب ) لانها طويله ونحيفه .. ))) نرجع للواقع ... بسرعه فسخت العبايا ورمت الشيله وبدت تمسح الميك اب اللي على ويها كل المكياج اختفى ما عادا الجحل مارضى يمتسح لانه وايد عمقته وهو بذاته من Dior وجحلهDior ماتنمسح بسرعه .. رواضي : آوه عادي حتى الشباب يتجحــلون عادي مافيها شي .. لبست الكندوره وظهرت الغتره من الكرتون .. عسب تلبسها .. تغترت ونزلت جزء من الغتره عسب يوم توصل تتلثم لانها ماتروم من احين تتلثم لا تختنق .. ظهرت من حجره التبديل جاكيت الاسود الجلدي الطويل اللي يوصل لحد ركبها عسب يخفي تقاسيم جسمها الانثوي وخلته مفتوح واخذت شال اللي اشترته من مانقو ولفته على رقبتها عسب مايظهر صدرها ولا رقبتها من وراء .. بسرعه سارت صوب كبت الصنادل واخذت صندل بيضاء جنها زنوبه راقيه جدا من Browns << حتى يوم هي بوي تتكشخ لا اله الا الله ... تأكدت انه ولا شعره ظاهره منها .. ولا شي يدل انها بنت مدت ايدها للفون وحطته بجيبها .. ومدت ايدها وسحبت السويج اللي كان بالتسريحه نزلت طيران على تحت بس وقفت بسرعه لما سمعت صوت ريال تحت نزلت شوي شوي من الدري وطالعت دريول ابوها داخل البيت انصدمت صدمه بحياتها ما بتنصدم شراتها : هذا شو يسوي هني معليه .. يا علي انا براويك بس خلني ارد من عند هذا قليل الادب .. صرخت من فوق الدري وغطت عمرها عسب ما يطالع انها لابسه لبس ريايل ، تبا تخوفه وتقوله بطريقه غير مباشره انه حد فالبيت صرخت بصوت عالي : انجي تعالي .. اول ما سمع انه حد فالبيت بسرعه يظهر من البيت ويسير ملحق البشاكير والزراعين .. طلعت روضه من تحت الدري وتأكدت انه محد تحت نزلت بسرعه وطيران على سيارتها المرسيدس v12 شغلت السياره وانطلقت على المقهى اللي فيه الفيصل / \ / \ / \/ عبود : ما قلتلكم انه انا اللي انا ربيعه مايرمسني ...! حمد : لا والله خقاق ظهر وحتى ما رمسنا .. سيف : حرام عليكم يمكن الريال مشغول محمد : انت ع نياتك انجب انجب سيف : انا جب والله يا حميميد انا اراويك خلنا نظهر من عند الريايل بتطالع هاك اللعب الغاوي .. محمد : خلاص والله اسف اسف منصور يهمس فأذون حمد : روضه ماترد .. حمد : تلاقها يالسه تقول ( يقلد حركات روضه يوم ترمس ويحاول يرقق من صوته : لا ويع مابااا ماحلوو انا اشتريته 10000 درهم ) منصور : شو ها اللي بـ 10000 درهم حمد رد على صوته الطبيعي : مادري ويت بـكمل حمد ويرد يقلد صوت روضه ويحرك راسه ويميله شوي يوم يرمس لانه رواضي جيه تسوي ..: لا انتي وعه << صح هاي كلمه رواضي وعـــه منصور عصب : اييه كله ولا رواضي لا احين اجتلك واسدحك جدام الريايل ( حمد ومنصور اخر الميلس يالسين يعني محد غيرهم هم والشباب ومأخذين راحتهم ع الاخر ... منصور : والله حمود ارمس صدق رواضي ماترد شو الحل .. حمد : يمكن فونها مخلص جرجه وبند .. منصور : يلعن ام الغباء اقوله ماترد يقولي يمكن مبند ... شو ياريال توقعتك اذكى من جيه ... حمد : اوف انت بلاك انا اختيه وما مستهم عليها شراتك .. منصور : انا غير انا فسنها ونفهم بعض .. حمد :دخيلك اقول بس انجب مافيه حق ابويه بيقولي انت دومك جيه ماتروم تسكت جنك حريمه ... منصور : وهو صادق ما قال شي غلط .... حمد : ما بقولك احين شي .. الا حشمه الريايل بس .. خلنا نرد بطالع شو بييك .. منصور : هههه بموت من الخوف ..! حمد سكت وماقال اي شي عقب بيأدبون منصور .. | |||||||||
| |
|
04-14-2011, 11:04 AM
| #18 (permalink) | |||||||||
|
مستشار المؤسس ~
|
رد: بتنـدمين يا بنـت والسبب نظرتج هذي انا :
قمرهم كلهم ويــا رواضي روضه تسوق بسرعه جنونيه عسب توصل بسرعه وترد البيت قبل لا اهلها ييون مدت ايدها لجيبها واخذت الفون كتبت لحمدوه مسج : ( حمدوه وينكم احين ، وبتتأخرون ولا لا ؟؟ وعلى حدود الساعه جم بتردون ) طرشت المسج حق حمدوه وردت عيونها للطريج ماثواني غير ياها مسج من حمدوه .. ( ف الميلس خخخ .. لا الظاهر قوم عمامي بعدهم لحد احين حتى ما متعشين يعني بنتأخر شوي .. بس ليش تسالي لا يكون خيفانه خخخخ ) اول ماقرت رواضي المسج ضحكت عكس الاضطراب اللي فداخلها وطرشت ( حمدوه عقب بقولكن بس اباج تقوليلي اول ماتبون تردون البيت تتصلي عليه فهمتي ..) حمدوه قرت المسج واستغربت من رواضي بس تأكدت انه وراها شي يديد .. وطرشت حمدوه حق رواضي ( لا يكون الفيصل داخل السالفه ... ولا تخافي قبل لا نبا انرد بتصل عليج ) وصل المسج حق رواضي واول ماقرته ابتسمت .. اخيرا احد فهالدنيا بـيحس فيها .. كانت بتبند الفون بس طالعت مسج ومكالمات لم يرد عليها من ( راقو ) ( على فكره ( راقو )اسم هندي دريول قوم حمده واحد خبل ) ضحكت لانه كل مسجات الخبلان تي من هالرقم قرت المسج : (( رواضي بيفوتج نص عمرج احين حدر علينا غرشوب اسمه حمدان غسل كل اللي بالميلس .. واخوج حمد المغرور المغتر يقول منصور انا مب حلو مب جيه ههههههه )) . روضه فـ خاطرها:ياويل حالـيه ع هـ الاسم (وقالت بـفخامه) " حمدآآن ".. آووه اكيــد ع رآآعيه غرشوب (ضحكت بس فـجأه سكتت) .. وقالت :غرشوب وآحين حدر الميــلس ..؟! ســارت بسرعه ع تـفاصيل المسج ولقته واصل الساعه 9:31 وهـي يوم ردت البيت ع حدود 9:40 .. رووضه : وربي محد غيره هاك الغرشوب اللي ســاعدني ويــا الدري .. محد غيره الي انا شفته يوم ظاهره من الميلس هوو اكـــــــــــيـــد .. . عقبها ابتسمت وقــالت : يــعني اسمه حمدان رآعي العيــون الزيتونيـه .. ويوم تذكرت المســج ضحكت من قلب .. هـالمنصور صــج خبـل طرش بـ سرعه مسج من طـالع الريال ويلس يتغزل فيه .. مب جــنه الا من بنـي جنسه << متعووب عليها خخخ . ردت الفون فجيبها لانها خلاص جــريب توصل من المقهى .. . اول ماوصلت المقهى وقفت عند المواقف وبدت دقات قلبها كل مالها وتزيد ... رواضي فخاطرها : ياربي يا رواضي شو اللي تسويه انتي تدرين انج بتحدري مقهى شباب الله اعلم شو بيستوي فيج اذا عرفوا انج بنت .. سحبت نفس عميق واستغفرت ربها وقرت الادعيه اللي تعرفها وتلثمت بالغتره وتأكدت انه ماشي ظاهر من شعرها ... نزلت رواضي من السياره وحدرت المقهى .. وكــان .. دخان الشيشه معبي المكان .. والصريخ والمزاعج والحشره معبيه المكان ... مدت نظرها تدور على الفيصل وجنها طالعت هيئه الفيصل من وراء يعني مب واضح وايد .. سارت من وين ما شاكه فالمكان ونظرات الشباب تتابعها ومشيتها تدل على انها بنت عاده روضه وحق المشيه لو تسوي ما تسوي تنعرف انها بنت ... سمعت صوت واحد من الشباب يقول : طالع طالع اروم احلف انه ماريـال .. هــاي بنت وانا متأكد .. الشاب الثاني : لا مستحيل تلاقيه واحد من هالخكرين الشاب الاول : اوك تتحداني .. الشاب الثاني : هيه اتحداك ... ( اول ماسمعت روضه جيه السالفه قالت احسن ليه اسير ادور هالحيوان بسرعه عسب اظهر من هني لانه الظاهر مابظهر موول ) . ردت عيونها مره ثانيه وين ما شاكه فالمكان وكل ومالها وتقترب ودقات قلبها تزيد ، خطوه ، خطوه ، ... وماتبعدها غير خطوات عن الفيصل اذا هو الفيصل بذاته .. لانها مجرد توقع انه الفيصل .. لانه شرات جسمه وهي ماشافته غير 3 مرات تقريباً اول ما وصلت الطاوله رفعت نظرها اللي كان مركز فالارض رفعته وياليتها ما رفعته ... روضه والصدمه كانت المجالس الاول لها الجلسه .. روضه منصدمه وفخاطرها : مستحيـــــــــــل هذا هو الفيصل لا لاااا لا ... .. ( الكل يقول شسالفه روضه بروحها هي تسأل ... ) الفيصـل حس بـ احد فوق رأسه فـ رفع رأسه .. وقال بحده : اييه يالدلـــوع شو تبا وخر من هني ما فيه حق هالشبهات ..! ( بس عقب ما قال جيه سكت مره وحده منصدم ) ... الفيصل يطالع على العيون ... يعرفهن هالعيون ،، محد غير هالعيون اللي حركن روح التحدي والانتقام الحقيقي في الفيصل محد غيرها هالعيون اللي عطته نظره لحد يومه يتذكرها الفيصل وبهمس وبلعثمه وعدم تصديق : أنتــ ... ــي ... ( روضه حست بالانتصار ورفعت راسها فخر بنفسها ، عمرها ماخسرت تحدي ولا تعودت تخسر ) الفيصل من تأكد انها هــي نش من الكرسي وروضه استغربت ويـن بيسير هـ الغبــي .. حدر وحده من الكبينات الموجوده واول ماشافته روضه حدر قالت لا بــالله رحــنا فيها قولوا غيرها روواضي .. تعبته وحدرت الــكبينه و يلست بالكرسي المجابل للفيصل او ... ، وبثقه عميا يلست ورفعت عيونها تطالع على المكـان تتفحصه.. ما رامت تطالع بعيون الفيصل .. الفيصل : هذي اخرتج يا بنت احمد تحدرين المقاهي بس بصراحه ( ورفع اصبعه السبابه والابهام وحطها حذال شفايفه وعيونه تتفحص روضه ) ماتوقعتج بهالذكاء ... هههه . الفيصل : معلينـــا ... بس ماقلتيلي شو رايج فالمقهى مرتب صح ومناسب لاشكالج .. روضه لحد احين ما قالت ولا كلمه وعييونها حتى ماييت صوب الفيصل ... الفيصل : ههههههه بطلي حركات احترام ما احترام وارمسي احسن لج لا افضحج جدام كل هالشباب وماشاء الله اكيد البلوتوث والكاميرات شغاله روضه وبهمس وصوتها يظهر منه الحمق والثقه : لا تهدد الفيصل : يعني لازم ، لازم ، يابنت احمد اهددج عسب اسمع صوتج هههههههه والله حاله .. روضه : " لا تعليــــــــق " الفيصل : اسمعي انا برمس بس اذا ماسمعت صوتج تعرفي شو راح يستوي لج ... (سكت عقب قال) ما لازم اقولج ..بروحج بتعرفين روضه بخاطرها : آخ يا كرهي لك .. لا يارويض بعد تقولي آه محلاته .. لااا قولي قولي بعد محلاته عنلااااااات هالشكل بس ... الفيصل بسخريه : الا من وين يبتي هالكندوره ( وعقب لحظات ضحك بسخريه ) هههههههه نسيت اكيد من عند حبيب القلب .. روضه بعصــبيه واضحـه : احترم نفسك .. الفيصل : افا ليش عصبتي .. وانا من ساعه احاول اسمع صوتج ومن يـيـبت طاري حبيب القلب ظهر الصوت .. برااااااافوو ياحلوه .. برااافو ... احترم نفسي هااه معلينا .. الفيصل يرفع ايده ويصرخ ..! . ( اول ما طالعته رفع ايده وصرخ طااااااح قلب روضه يعني بالمختصر (( قلبي رووووبه )) ... الفيصل : يا محمد ... (تنفست بـ راحه بعد ماسمعته يزقر الـزلمه ) والزلمه يا حذال الفيصل : تفزل ياباشا الفيصل : الحلويين اكيد معسل مب جيه ..! روضه والقهر بداخلها يسري .. عطت الفيصل نظره على انه "يالحيوان احترم نفسك " .. ( اول ما طالع الفيصل انه روضه رفعت عيونها ماصدق ولا بعد تتطالع بعيونه ) فهم من نظرتها انه ( خلاص كاافي ) الفيصل بـيطير من الوناسه ... روضه و رفعت راسها وطالعت عليه خلاص شو يبا بعد .. الفيصل ويكمل رمسه ويا الزلمه : خلاص لعيون الحلوين عصير افكادوا ( روضه منصدمه شقايل عرف انها تحب الافكادوا )!! سار الزلمه وودر روضه والفيصل بروحهم روضه بـهدوءها المعتـاد بس من داخلها تغلي من الخوف: اخويه الفيصل شو فخاطرك .... انت قلت يوم بتي بقولج السالفه ؟؟ الفيصل : واخيرا رضو علينا ..لو مارمستي ..! ويكمل : سالفتي الله يطول بعمرج اشتقت للحلوين وقلت اشوفهم فيـستو فيس احسن ..! روضه : بـس ..!!! الفيصل : شو بس .. مابا اسمع اعتراضات ولا صورج احين بوزعهن حق كل هالشباب اللي هني ..! روضه والنار بداخلها شعاله .. بتذبحه الا شوي عليه بعد روضه : لا تهدد لانه محد يخافك انت فاهم ولانه ماعندك سالفه مالي غير اقولك باي ومابقولك مع السلامه لانك ماتستاهل السلامه .. ( نشت رواضي من الكرسي وما تتطالع غير الفيصل يمد ايده ويلسها غصب ).. سحبت روضه ايدها بقهر : ما اسمح لك تلمسني انت فااهم .. الفيصل : اوووه اطالع يوم لبستي كندوره ظهر لسانج .. ايلســـي ايلســـي .. روضه وبغرور : انا ما اطيــــــع انا انطـــــــــــاع نشت روضه وكانت اسرع من الفيصل لانه الفيصل كان بيمد ايده بس روضه ابتعدت بسررعه توجهت حذال الباب مال الكبينه وبسرعه تحاول تظهر بس ماحست غير انه جثه الفيصل جدام الباب يعني مايفصل بين روضه والفيصل غير مجرد سنتيمترات ومجابلنها ويه بويه .. بسرعه روضه نزلت عيونها وحاولت تبتعد بس الطاوله كانت وراها ومنعتها انها اترد على وراء الفيصل وهو مجابل روضه فيستو فيس وانـفاسه كانت بـ ويه روضه ..قال : على وين يالحلــوه ..!(وغمزلهـا ) بعدها الحـفله مابدت تونا بدينا نتونـس .. . | |||||||||
| |
|
04-14-2011, 11:05 AM
| #19 (permalink) | |||||||||
|
مستشار المؤسس ~
|
رد: بتنـدمين يا بنـت والسبب نظرتج هذي انا :
قمرهم كلهم توجهت حذال الباب مال الكبينه وبسرعه تحاول تظهر بس ماحست غير انه جثه الفيصل جدام الباب يعني مايفصل بين روضه والفيصل غير مجرد سنتيمترات ومجابلنها ويهه بويها .. بسرعه روضه نزلت عيونها وحاولت تبتعد بس الطاوله كانت وراها ومنعتها انها اترد على وراء الفيصل وهو مجابل روضه فيستو فيس قال : على وين يالحلوه ..! بعدها الحفله مابدت تونا بدينا نتونـس ..! روضه ودقات قلبها تزيد وتحس عمرها بطيح مغمي عليها من الخوف .. روضه وبتموت خوف ورعب : اخويه الفيصل وخر . جرب الفـيصل من روضه اكثر وطالع ع عيـونها وقال : ع فـكره لما كنتي فـ العزيـمه كان شكلج ( وركـز ع عيونه عليـها وهمس وصوته يذوب) واااايد حــلو .. وع فـكره (رفع ايـدها اليسـار وكان يمسح عليها .. وقال) الشباب ما يحطون منـاكير .. رووضه بتمووت خلاص لمسات الفيصل لـها وتقربه منها موول مب طبيعيـه . وصـح شـقايل نست المناكير .. هـ الفيصل صج ينـخاف منه ... وحست بـنفسها انـها وايــد رخيـصه شرات البنـات الي بايعات عمارهن وهـي تاركتنه ع راحته يسوي فـيها الي يــباه.. . الفيصل وبـحركه جدا وقحه ومب متوقعه منه ..مد اصبعه يتحسس ويـه روضه ويمررها ع صوب عيونـها وقـال : أولا انا احب تزقريني حمدان رووضه والصـدمه واضـحه بـ عيوونها ..معقوووووووووووووله.. (رووضه تـــأكدت شكوهــا لانها اول ماييت المقهى وطاحت عينها عليه انتبهت انه الفيصل هو بذاتـه حمدان بس كانت ما مصدقه عقلها وافـكارها بس احين تأكدت كل شكوكـها ) ... و ثانيا : لا مابخوز قبل لا ترفعي عيونج .. روضه وبتموت خلاص شو هالوقاحه وقلت الادب ولا يعني هذا حمدان مستحيل مااااباااا .. حمدان غيــر : قالت بصوتها المبحوح : اخوويه وخر حرام اللي قـاعد اتسواه فـيه .. الفيصل : توج بس عرفتي الحرام روضـه بخووف : اقــــــولك وخــر يالوقح .. ( حسته يجرب صوبها اكثر من ماهي جريبه منه ، يعني اذا قبل تقريبا بينهم10 سم احين 3 سم بــــس يعني تخيلو لازق فيها صدق ) روضه وتحاول تبتعد عنه لانها تحس بأنفاسه بويها ..! . الفيصل مستانس لانه هذا هو اللي يباه روضه وبتموت رعب لانه من حركاتها انها خيفانه منه .. الفيصل وبـحركه سريعه رفع ايده وسحب اللثمه من على ويه روضه .. ووقف مبـهت يطـالع ع ويـهـا .. وبـخاطره:عــنبووج محلاتج يـالوسـخه .. بس وبسرعه مسكت روضه ايد الفيـصل وفرتها بالهواء .. وردت تضبطها .. . الفيصل من حس انه روضه مسكت له ايده تيبس مكانه وروضه تحاول تظهر من الكـبينـه بس مايتحرك مول .. (تظهر < تـطلع ) الفيصل بعد ما نش من الصدمه : ارفعي رااسج (نش < صحـى ) روضه : "لاتعليق" الفيصل ويمد ايده يبا يرفع راس روضه .. مسكها من ذقنها ورفع راسها رفعت روضه راسها بالغصب مـب بالطيب ... واول مارفعت راسهـا ........... / \ / \ / \ ويـــــا الشــباب .. منصور: آووه بلاها ماترد .. حمد : اسكت فضحتنا منصور : اوه صح شقايل انا نسيت عواش .. بطرش مسج حق عواش .. طرش منصور مسج حق عواش : ( عواش بلاها روضه ماترد على فونها شو مستوي ..؟) وصل المسج حق عواش وردت عليه بسرعه (روضه مريضه وسارت البيت ) اول ماقرا منصور المسج بسرعه رد وبخوف ظاهر (ليش بلاها شو استوى فيها ..؟! ) عواش قرت وردت عليه ..! ( دوار وعوار رأس .. وردت البيت .. فديتها لو طالعتها شقايل تعبانه ومريضه و.... ( ييت حمده فوق جتف عواش وماخلتها تكمل المسج ) منو ترمسين عواش : منصور حمده : شو يبا منج ..؟ عواش : يسألني عن روضه حمده وبزيغه وفجت عيونها : وشو قلتي له ؟؟؟ (زيـغه < خوف ) عواش خافت لانه من شكل حمدوه معصبه ومنصدمه : ماقلتله شي بس قلتله انهـا فـ الفلـه .. حمدوه : وبيسير الفلـه احين ؟ عواش : مادري .. مادري والله حمدوه اسأليه بسرعه .. عواش : انزين احين بسأله .. وطرشت المسج له ( نونو بتسير الفله ويا رواضي ؟؟ ) قرا منصور المسج ورد .. ( هيه اكيد مايبالها رمسه بعد .. بس ثواني واحين بستأذن ) (رمسه < كلام ) اول ماقرت حمدوه المسج ردت على عواش : الله ينطبج ياعواش شو هالورطه اللي ورطيني فيها عواش : بلاج حمدوه .. رواضي فيها شي ؟ حمدوه ماردت على عواش وبسرعه تدق على رواضي .. | |||||||||
| |
|
04-14-2011, 11:06 AM
| #20 (permalink) | |||||||||
|
مستشار المؤسس ~
|
رد: بتنـدمين يا بنـت والسبب نظرتج هذي انا :
قمرهم كلهم ومع رواضي ... " أول مارفعت راسها التقت عيونها بعيون الفيصل مارامت اتخوز عيونها ، عيونه الزيتونيه تخلي الواحد غصب يطالع عليه جنها تجذبها صوبه ... روضه ودقـات قلبـها تززيد من الخووف .. وتفكر ع شو ناوي هالمره .. . اما الفيصل قطع روضه تقطيع من رفعت راسها .. يطالع على عيونها العسليه المعبايه بالجحل الاسود واللي زادها جمال فوق جمالها .. روضه بسرعه نزلت راسها لانه الفيصل قطعها تقطيع من النظرات وتحس عمرها خــلاص بطيح لانه بدت تفقد التوازن .. .وتحس انه ماشي ابدا اوكسجين فالكـبينه .. وهي متلثمه .. . الفيصل انتبه ان روضه نزلت راسها بس حس انه شي غريب فيها الفيصل : ههههههه لا يكون تتحرين عمرج انـي بصدق انج مستحيه هههههه اخر شي اتوقعه لانه اللي شرات اشكالج ماعندهم حيا موول .. ( شرات < مثل ) روضه خلاص بدت ماتسمع شي منه لان اللثمه مانعتها من انها تتنفس وهي حملت نفسها فوق طاقتها ..ولا ننسى انه فيها ضيق فـ التنفس وحاد بعد ..وهي حتى ماتتغشى شرات البنات الثانيات ..(تتغشى = تتغطـى) روضه : وخر .. ( وبتعب كملت ) وخر .. حس الفيصل انه صج شئ فيها مب طبيعيه !! الفيصل : ههههههه كل ها لانج بس طالعتي على عيونيه هههههه لو ادري اني بسوي فيج جيه ما كان خليتج تتطالعين عليهن ههههههه روضه وبكل تعب الدنيا : وخـــــــر خلاص كافي وخـر الفيصل وبـعنـاد : وانا اقول لا ، ماتفهمي ولا شـــو ؟ روضه حطت ايدها بالطاوله عسب تحافظ على توازنها لانه خلاص تحس فقدت كل زمام الامور .. وقالت بخاطرها : ياربيه دخيلك مب جدامه لا مب جدامه مااباا اضعف جدامه .. كله ولا ها يطالعني ضعيفه يارب صبرني وساعدني .. ( روضه لما حطت ايدها بالطاولها جنها شوي مالت والفيصل واقف عادي يعني اللي فوق يطالع اللي تحت بوضوح لانه روضه شوي تميلت صوب الطاوله عسب تسندها ) الفيصل وركز عيونه على روضه لانه الظاهر انه شي فيها مب طبيعي ، حاول يركز اكثر وجنه لمح ان روضه بدت تميل للزرقه .. يعني بدا ويها ينصبغ باللون الازرق بسبب ضيق التنفس .. . الفيصل فهم انه روضه مب قادره تتنفس بسرعه جرب صوبها ومد ايده عسب يخوز اللثمه عسب روضه تقدر تتنفس .. بس روضه كانت اسرع وسارت صوب الباب يعني مكان الفيصل قبل .. ومسكت بأيدها اللثمه عسب تصلحها .. عطت الفيصل نظره سريعه وبسرعه البرق تفتح الباب وتربع (تركض )عسب الفيصل لا يلحقها .. وطاحت عينها اول ما ظهرت فالشباب اللي فالبدايه يرمسـون عنها ويتحدون بـعض انه ها مب ريال .. الشاب الاول صــرخ : طالع طالع ايدينه صـابغنهن وردي .. (انتبه الشاب ع ايدين روضه لانه ايدينها كانت ع اللثمه وهي تعدلها ) . (و اول ماصرخ الشاب كل الـمقهـى الــتفـت ع روضــه ) الشاب الــثاني وهو يجـرب صوبـها وبـنظرات تــخوف وكلها خبــث : ع ويــن يــا الحلوه ماشي طلعه قبل ماتفجين اللثمه .. كــل الشباب الي بـالمقهى صرخــوا ويصففقوا :اوووووووووووه روضه متيبـسه بمكانها من الصدمه وريولها ما شالتـنها ومول مب رايمه تتحرك .. .. وبداخلهـا بـتموت خلاص وتحس بـدوار و مووول مب قـادره تتــــنفس .. جرب الشاب اكثـر وهـو يمد ايـده يـبا يفج اللثمه من ع ويـه روضه .. . وفـــــــــجأه ........... مايحس غير بـ بـووكـــس ع ويــه .. ومن قوه البوكس طاح الشاب ع الارض .. التـفتت روضه بسرعه تـطالع منو ها الي دافـع عنـها ويوم رفعت رأسها تطالع عليه ......... الصــــدمه كانت اقوو منــــــــها معقووووله .. معقووله الفيصل هو الي دافع عنيـه .. طالعت ع الفــيصل بصدمـه وعطته نــظره كلـها شكـر لو مب هو الي مساعدها ماتدري شو بيستوي فيـها>>بعد ليش تشكره هو اللي ورطها ولازم يسـاعدها ..مالت فصووول عم الســكوت بـ المقهى من عقب ماعطى الفيصل هاك الشاب بوكس . ظهرت من باب المقهى وطيران على المواقف تدور على سيارتها .. وهي تربع طاحت اللثمه وما اهتمت باللثمه كان كل همها تلاقي سيارتها عسب تشرد من هني .. لمحت سيارتها من بعيد وطيران على مكان السياره لاقت واحد من الشباب يـالس حـذال سيارتها وماعرفت شو تسوي تصـلح اللثمه ولا تركب ولا تطالع على وراء اذا الفيصل يـتبـعها ... سوت للشـاب طاف وسارت تربع ربع على سيارتها ومرت على الشــاب وبسرعه تفتح السياره وتشغلها وماسمعت غير أخر جمله .. ( يـا ويل حااااالي ... واااا فديته انا .. امووت والله ) روضه تدعس على البترول اخر شي وترد على ورا بطريقه جنونيه حتى انها حست ان السياره بتدور عليهـــــــــا .... الشاب اللي برع يصرخ يقول : اموووت على السواقه يا شمــخــر .. ييي الفيصل يربع من بعيد عسب يلحق على روضه بس تفاجئ انه سياره بــيضه تسرع سرعه جنونيه واختفت مره وحده .. الفيصل ويضرب بـ ريله فالارض : شــــــــــــــــت ربيعنا اللي شاهد كل المشهد قال : لاتقول انها ربــيـــعتك دخيلك ابا الرقم .. الشيمه جان فيك شيمه .. الفيصل طالع عليه بنظره ما اتوقـع بحياته بيطالع شراتها ربيعنا يحليله من الخوف بالمـره سار يركب سيارته << يامسود الويه تبا الرقم عيل ههههه / \ داخل السياره .. : روضه من حست انها ابتعدت عن الخطر بدت ترتاح شوي وفتحت جزء من الدريشه عسب تقدر تتنفس طالعت حذال المسجل غرشه ماي مال محمد مدت ايدها وفتحتها ورشفت منها .. روضه : اوف الحمد لله رب العالمين بسير اصلي صلاه شكر لربيه لاني ظهرت من هاك المكان اللي مستحيل بنت تظهر منه ... آه ياربيه مب مصدقه الحمد لله ، لكن والله يا فصيلان انا وراك والزمن طويل تبا تنتقم هـآه لكن هالمره انا اللي بنتقم ...! وقفت حذال الاشارات وما انتبهت انه الدريشه مفتوحه وهي منزله اللثمه يعني عاقتنها يت سياره حذالها متروسه شباب صرخ اللي يالس جدام حذال السواق الشاب : طالعوا طالعوا ، مادري بنت ولا ولد الشاب اللي ورا : لاوالله هذي بنت ما تطالع الجمال ! الشاب الاول : انزين يالحلـــوه ممكن الرقم .. روضه اول مارفعت راسها وانتبهت انها منزله اللثمه وفاجه الدريشه ولا بعد حذالها سياره شباب ما تطالع عمرها غير انها تدوس على البترول وتنطلق مع العلم انه الاشاره حمره .. صرخ واحد من الشباب : عنبــــــــوه ماااااروم صوبنا اختفت روضه من الانظار وقالت : شت انا شو سويت لا ياربيه بتجكني الشرطه الحمد لله انه ماشي سيارات الحمد لله اوف كنت بمــووت .. اسميني خبله ماتسمع غير فونها يصيح بنغمه : هاك عمري وخذ منه وتوح عذب فوادي كـان ترتــاح رواضي : اووووووف شقايل نسيت حمدوه .. بسرعه بسرعه تطلع الفون من جيبها وترد على حمدوه .. روضه : مرحب الساع حمدوه وترمس بهدوء وبخوف ( لانه حريم حذالها ) : روضه الحقي منصور بيسير الفله بسرعه ردي روضه وبخوف : يـــاربيه لاتقولي حمدوه : الحقي بسسرعه روضه : باي باي تضغط روضه على البترول اخر شي وطيران على طريج المزارع روضه مطيره فالسماء مب جنها فالشارع روضه : عسى الحق عسى بس روضه تسرع سرعه جنونيه وكل اللي يمر حذالها مستغرب منوه هالخبل اللي يسوق جيه ( الكل طبعا يتوقع انه اللي داخل السياره شاب مب بنت ) وصلت روضه طريج المزارع وتسرع سرعه بأمكانها انها تجتلها حدرت المـزرعه و بسرعه تضغط بريك جدام الفـله .. وتـطالع من بعيد جنه ضوء يعنـي حد فالطريج مال المزارع يعني محد غير منصــور ياي .. تبند السياره وتضرب الباب بالقو وترفع الكندوره وتربع ربع بحياتها مابتربع شراته .. حدرت البيت وتصفع بالباب وتربع صوب الدري وترقي الدري اربع اربع .. وصلت السويت وبسرعه على الحجره مالها تأخذ الغتره وتخشها تحت الشبريه ( السرير) وفضخت الشال والجاكيت وتحطيهم تحت الشبريه فرت الصندل تحت التسريحه وتفسخ الكندوره بسرعه بسرعه وتفرها صوب الستور .. بقت بالبرمودا الابيض والبودي العلاقي وبسرعه ترفع غطى الشبريه وترقد وتتغطى .. بس طالعت انه الليت شغال تنش وتربع فوق الشبريه وتقفز للارض >> ماتوب منجسره والسبب هالتنقيز .. بسرعه تسير صوب الليت وتبنده بس سمعت صوت جنه حد حدر الـسويت روضه : **** << عيب تنقز نقزه صوب الشبريه وبسرعه طيحت عمرها فالشبريه وتغطت تسمع حد يدق باب الحجره .. روضه وبهمس : اوف الحمد لله حدر منصور الحجره وطالع الليت مبند وروضه راقده .. منصور بهمس : رواضي .. (ماسمع رد ) منصور مره ثانيه : رواضي .. روضه .. روضه وتمثل جنها راقده : هـآآآه >>يلعن بو الــجذب منصور : راقده روضه وتتصنع الرقاد وتغير من صوتها جنها راقده : تعآاااال ونشت شوي وشغلت ليت الابـجوره وردت تتسدح منصور بصدق : رواضي شغلتي بالي عليج رفعت شوي عمرها وقالت : تعال ايلس يي منصور يلس على حدود الشبريه وقال : بلاج شو استوى ؟! رواضي : ياني دوار وعوار راس وما قدرت اتحمل منصور ويمسح على شعر روضه : فديتج والله .. ماتشوفي شر قلبي .. وربي كنت بموت من الخوف عليج طالعي كم مـكالمه لم يرد عليها ..فـ فونج ..كلهن منيه .. رواضي : فديت رروحك والله .. يعلني مانحرم من هالطيبه منصور وجرب صوب روضه وحط ايده على راسها : رواضي مب جنج مسخنه ؟! روضه بخاطرها : ما من شي بسخن من هذا اللي مايتسمى الفيصل حطت راسها فجتف منصور لانها صج بتموت من الخوف اللي ستوالها مب شوي ..لو بنت غيرها كانت من زمان راحت فـيها يوم حطت راسها بجتف منصور يلس يمسح عليها : رواضي مادري ليش احسج مخـبيه شئ ؟! رواضي وبخوف : منصور مافيه شي ، مافيه شي بس دخيلك لا تودرني .. دخيلك .. منصور حس بخوف روضه : مابودرج مستحيل ، مستحيل انتي كل دنيتي .. صدقيني يا رواضي امووت فيج واخاف عليج اكثر من روحي ..! رواضي يوم فرت الكندوره تحت الشبريه حطت الفون فوق الشبريه ورقدت فوقه وما انتبهت والفون ما فيه رمز قفل واتصل على اخر المكالمات اللي هو " الفيصل " سمع كل المحادثه اللي دارت بيينهم وعقب ما سمع صوت شاب يقول اخر جمله " اكثر من روحي " بند الفون وانرسمت ضحكه بسخريه بويهه وقال : من واحد لواحد والله كفو يا بنت احمد كفو ، ولا بعد عادي يلمسها مسخنه بعد هـآه .. لكن محد ياروضه بيأدبج غيري صدقيني ويوم ابا انتقم مابا حد يشاركني فيج .. وهذا حبيب القلب انا بمسحه من الدنيا لانج احين ملكي انا وبس ..! منصور : روضه ممكن اعرف من شو كل هالخوف اللي بعيونج ..؟ روضه : ...... " لاتعليق " منصور : روضه والله ثم والله لو احد مسويلج شي لا احين اقص راسه بس انتي ارمسي ، ارمسي س روضه ماحست بعمرها غير تطيح بحظن منصور ..! منصور لمها بقو عسب يحسسها انه موجود : انا هني ( روضه كانت ماسكه فيه مره يعني يظهر انها خيفانه من شئ ..) روضه بخاطرها : ياروضه لقيتي الحضن اللي تدورينه من 4 سنين .. ولمج بكل حنان .. ويبا يعرف شو فيج عسب يساعدج .. بس مستحيل .. مستحيل اشكي همي لاي شخص كان .. ها اخر شي بسويه بحياتي منصور : روضه مابترمسين ..! روضه ولا زالت فحضن منصور .. ومنصور يحس بروضه انها مهمومه بشكل بس ماتبا ترمس فأحترم رغبتها .. روضه : منصور وربي احبك احبك دخيلك لا تتركني شرات ما الكل تركني ..عقب هالكلمات روضه حست انها فقدت شي عود وهي يالسه تترياه ( عزه نفسها ) لكن قالت فخاطرها : ياروضه لحد متى ... لحد متى ... انتي ماقلتيله شي غير لا تتركني.. بس .. روضه قررت تنش من حضن منصور لانها قررت ترمس ..! منصور اول ما طالع روضه وخرت ورفعت راسها قال : الله ياروضه شكثر عيونج فيها رمسه ..! بس اقولج احسن شئ نشي بنظهر برع عند المسبح .. رواضي : اول بغير ملاسي قبل .. منصور بمرح يبا يغير الموضوع : احم تبينا نظهر ولا .. رواضي ضحكت مع انها ماتبا تضحك : مسود الويه اصلا انا بسير حجره تبديل الملابس ويييييو .. منصور : اوك برابج عيل اذا ماتبيني اطالع ..( وبوز ) رواضي : اظهر برع لا احين افلعك ولا اسويبك شي مابتسوى ..! منصور ويصرخ ويحضن ويهه بكفينه ويقلد صوت البنات : لا بغتصبيني يعني وااي اخاف | |||||||||
| |
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
| |
العرض العادي
