منتديات بنوته - عرض مشاركة واحدة

08-18-2010, 05:38 PM

الجزء الرابع

راكان فكر وقال لازم يطلع اخته من حالتها ويحاول يفض هالخطبه بأي طريقه
تذكر انه تاخر عن الموعد وبسرعة البرق راح لبس له بنطلون رمادي برمودا وبلوزه حمرا علشات يلحق على النادي ويمر منصور ويروحون مع بعض
مر منصور وراحوا النادي وسواا الرياضه المطلوبه عليهم لانهم يبغون يربون عضل في منطقه الصدر ويشدون منطقه البطن
في هالفتره كلها كان بااال راكان مشغول بشوق اللي حالها مايسر ضعفت كثير عن اول وتغير وجهاا واصفر تذكر ذاك اليوم اللي راح فيه راكان لابوه وحاول يقنعه وكان طول الوقت تركي(ابوه) ساكت وراكان توقعه اقتنع بس بعين وبكل بروود قال :فيصل لشوق وشوق لفيصل كلام وانتهى
انقهر راكان من اسلوب ابوه بس بيحاول بعد من جهه فيصل
منصور:يالله راكان قم من زمان وانا اناديك
راكان:يالله
طلعوا من النادي وراح كل واحد يبته

في بيت العمه منى كان منصور جالس يسولف مع امه وابوه ويتكلمون عن الشركه ومشاكلها
مشاري(ابو منصور) بس انشالله لاتخرجوا فيصل وراكان وجا خالد بيحلون مكان هالللي عندنا
منصور:يبه ماتوقع خالد يدرس علم نفس ماراح يضيع دراسته علشان يشتغل في شركه وراكان يدرس هندسه معماريه ومخططات بيفتح له مشروع اما فيصل مو مقتنع بتخصصه فبيدخل يمكن معنا
مشاري: بس على الاقل بيجي فهد بعد يعني يمكن فهد وفيصل
منصور(وهو يقوم ياخذ شماغه)يمكن يلاا استأذن بروح انام علشان اروح الشركه مبكر((منصور متخرج من سنه ويشتغل في الشركه معهم))
العمه:يبا منصور اقعد بنكلمك في موضوع
جلس منصورمستغرب:سموا
ابو منصور:سم الله عدوك يبه مو ناوي تكمل نص دينك
منصور:يبه مو مستعد بصراحه
ابو منصور:ماديا؟
منصور:لا شدعوه يبه الخير واجد وانت ماراح تقصرعلي بس يبه بصراحه مالقيت اللي تناسبني
العمه:شلون ماالقيت اللي تناسبك مشالله بنات خوالك كل وحده تقول الزين عندي
منصور:يمه انا ماهمني الجمال كثر الاخلاق وانا بصراحه ماحب طريقتنا كل واحد يسولف كنها اخته وبنات خوالي مثل اخواتي
مشاري:وبنات عمامك ؟
منصور:لا يبه وثانيا انا اذا بغيت اعرس قلت لكم
مشاري:يبه انتي ولدي الوحيد وعيالك بيشيلون اسمي وابي اشوفهم قبل لاموت
منصور:ان شالله بتحضر عروسهم وان شالله قريب انا من نفسي اجيكم
قام حب راس امه وابوه :تصبحون على خير
العمه:وانت من اهل الخير ياولدي
راح راكان غرفته واامه ونام لان وراه شغل كثير ويوم الجمعه دوامهم للساعه 11 الضحى فعلشان كذا يبي يروح مبكر وبيخلص اللي عليه
صدق معاناه في العايله شوق وونصيبها من الحياه يوم خطبها فيصل وخالد وحبه لشوق وهو ماشافها حتى
تخيلوا بعد الاماكن كل واحد بقاره ثانيه خالد في امريكا وشوق في اسيا بس القلوب على بعضها والحب بيوصل لو بعد السما عن الارض وصدق من قال الحب يجي من ربي ماله اسباب
خالد مستغرب كيف هالانسانه تعمقت فيه وكيف وصلت لاخر نقطه ممكن توصلها فيه وصار حبها يمشي في شرايينه
فيصل اللي كان فرحان بخطوبته بس حاس ان شوق فيها شي عليه لان كم مره حاول يراسلها وهي ماترد الرسايل وان شافها صدفه ماتعطيه وجه خصوصا لما درى من امه ان شوق تغيرت على العايله كثير وصارت تقريبا انطوائيه ولا تضحك كثير مثل قبل
راكان ومحاولاته البائسه مع ابوه وبيحاول بطريقه ولا ثانيه مع فيصل
منيره وفهد شخيصات الحين وقت ذروتهم في القصه بس بعيدن بنروح لشوق وانتوا توقعوا وش بيصر فيها لان قصة شوق مابعد تبدى
يمكن الشي الحلو اللي في القصه منيره وفهد لانهم بيعيشون حياتهم ولكن الدنيا لاتخلوا من الاقدار وانتوا نفس الشي توقعوا وش بيصير لمنيره وفهد
نايف ومريم ونكرر السؤال وش فيهم او بالاخص ناايف وش فيه ؟

.................................................. ......................................
في الصاله كانت الاجواء هادئه ومضلمه نوعا ما ماعدا ضوء الشموع والاضاءه المركزه عليها دخلت منورعلى موسيقى كلاسيكيه ورومانسيه الكل كان يسمي بالرحمان لانها طالعه حوريه بجمالها
منور كانت لابسه فستاان لؤلؤي سواريه يعني لتحت الركبه على طول وتوب من فوق ومن ورى قطعة قماااش تسحب مركبه من عند الحزاام
كان ضيق من عند الصدر وجاااي على الجسم وفي حزام عند الخصر يصير الفستان بعده كلووش شعرها فاتحته عااادي بس مسويه باف من فوق ولابسه تاج ناااعم وخفيف ومع صندل ربط طلع اللوك خييال
وصلت للكوشه البسيطه اللي مسوينها لها اهلها
وجاوا بنات عمها يسلمون عليها ويباركون لها اما شوق ضمتها(تعتبر اختها) وقامت تبكي
..........\عند الرجال كان خالد جالس بجنب فهد
اكيد بستغربون خالد كيف جا لكن سلم رسالته وخذ الشهاده وطار للسعوديه راجع علشان ملكة فهد
طبعا الكل فرح له علشانه خذ الماجستير وماوصل الا امس الليل وطبعا مسويها مفاجأه للكل يوم دخل عليهم الكل قام يكذب عيونه وسلم على فيصل وهم متألم شوي
خالد:والله انك حركات يافهد مو مصدق
فهد:ااااه اجل انا اللي مصدق والله اني جالس احاول اصدق وضعي الحين الا متى الدخله اغتلقت
خالد:هههه هون شوي دقايق هم منادينك
الا يجي ابوها ويدخلون اما ابوه ماقدر يدخل لانه تعبان حيل
دخل فهد وبجنبه ابوها ووراه راكان ونواف اخوانها
يافهد جيتك لاني قبل ابارك لك واهني
شفت هذا الكون كله من الفرح وده يغني
كيف ماضوي مسانا واجمل اثنين معانا
كيف مايضوي ومنيره زادت النور بسمانا زادت النور بسمانا
يامسى الاحساس كله والزهر روزه ووفله
يامسى العز اللي يسمو في زمانه وفي محله
يالفرح جيت دارك وش ابدي وكيف ابارك
فيها ليله مو بعيد يحضر البدر ويشارك يحضر االبدر ويشارك
يافهد يسلم لي كونك يحفضك ربي ويصونك
ما اوصيك الوصايا حط منيره في عيونك حط منيره في عيونك
وانتي يامنيره امانه لاجل غاليك وعشانه
هالله هالله في فهدنا لاحرمك الله حنانه لاحرمك الله حنانه

وصل فهد لمنيره اللي كانت منزله راسها من الحيا ومسك يدها وقومها من مكانه وحب جبيتها ويدها في خاطره وده يضمها بس مسك نفسه وجالس بجنبهاومنيره حالتها حاله وترتجف لا ن فهد لاصق فيها كثير
لبسها فهد الدبله وحب اصبعها منيره كانت في عالم ثااني مو مصدقه ان فهد جالس بجنبها وهو الحين يعتبرزوجها
جابوا الكيك وقصوه وشربها العصير وخلاص كلهم راحوا يتعشون وقاموا فهد ومنيره لغرفه ثانيه
دخلت منيره مع امها وفهد
وجلسوا لما جات العمه تطلع
منور:ولا اول مره يطلع صوتها بجنب فهد في هالليله:يممه
التفتت امها:هلا
منور:يمه لاتروحين جلسي
العمه:لا يابنتي اكيد زوجك بيقولك كلام انا وش مجلسني هنا
زوجك كلمه تردد صداها عند منيره
طلعت العمه وجلس فهد بجنبها وهي مستحيه منزله راسها
المشكله ان فهد جرئ مرره فعادي يحرجها شوي
فهد:مناير
منور:وهي مستحيه:سم
فهد:سم الله عدوك رفعي راسك شوي
رفعت راسها والتقت عيونهم دقيقه وهم ساكتين منور جالسه تتامل في جماله البدوي وعيونه الحاده
وهو يتامل في عيونها الناعسه البنيه وهو يقول في نفسه هالعيون اللي كانت تذبحني اخيرا صارت لي ورجعت منور نزلت راسها
قام فهد رفع راسها له وقرب منها كثير
الا اعقدت حواجبها وقامت تنزل دموعها
فهد:منور شفيك
منور:......
فهد بحنان:خايفه منور قلبي لاتخافين مني لانك صرتي ملكي انتي لي يامنور تاكدي انك بتعيشين احلى حياة معاي لانك بتعيشين بقلبي اللي ينبض باسمك
ابتسمت منور بس حست بشي كأن فهد لاصق فيها كثير وجهها وجهه مابينهم الا 10سم وغمضت عيونها وولا شفت نفسها الاعند صدر فهد
لان فهد جا وضمهاا باقوى ماعنده وهي دموعها تنزل على ثوبه
جلس شوي وقاموا يسولفون لان منور شوي استجرأت الا يدخل نواف
:مبروك منور اهئ اهئ بنفقدك كثير
منور:مشكور
نواف:ادري قطعت كلامكم الرومنسي وخرابيطم بس حررره عاجبني المكان قلت اجلس
فهد:تصدق لما بدت منور تتكلم حضرتك دخلت ممكن شوي تضف وجهك
نواف:للاسف ماقدر عاجبني المكان
فهد:منور تكلمي
منور:نواف لاتروح اقعد
التفت فهد على منور:الحين ابيك تقولين له يضف وجهه وانتي تبينه يجلس
نواف:شفت اختي تبيني بصراحه انتوا توكم في ملكه واخاف على اختي منك تراك كل شي تسويه
فهد:هه ليت كل شي اقدر اسويه
منور وجهاا محمر ومنزلته
نواف:أي بجد ترى اخاف على اختي انتبه تسوي شي يمين يسار ضمه من هنا ولا بوسه من هنا
فهد في خاطره ضميتها بس باقي البوسه لو تطلع سويتها
الا دخل راكان:مبررووووووووووك للمعاريس كأن الجو حلوو هنا
فهد:اكملت الشله لابعد ناد عيال عمي
الاراكان صرخ في مكانه:عيال عمه تعالوا
منور:ههههههههه
فهد :بصوت خفيف:ياحلو هالضحكه
احمر وجهها مره ثانيه
راكان:منور شلون الاجواء عندك(قصده مرتاحه)
منور(فهمتها شي ثاني))واللله برد
نواف:وش فايدة اللي بجنبك تدفي فيه
منور ولع وجهها
فهد:هي لو راضيه لحفناها بعد
راكان:لا عاد توكم في ملكه ان تزوجتوا سواا اللي تبون
منورحالتها حاله وعاجبها جلوس اخوا نها هنا علشان ماتبي تقعد معاه بروحها
راكان:يالله عاد قم نواف نخليهم على راحتهم
نواف:والله انا اختي قالت لي لاتروح
فهد:شكلنا لصقنا
نواف:تقريبا
بس حس نواف انه ثقل عليهم وطلعوا
وجلسواا مع بعض الي ان قال المؤذن الله اكبر
وطبعا تعرفون الاثنين ساكنين في نفس البيت ولا طلع فهد الا لما سمع صوت المؤذن علشان بيروح ييصلي وطبعا منور راحت غرفتها تسترجع اللي صار لها اليوم من احداث غيرت ملابسها ونااامت
راح فهد يصلي والكل قام يبارك له في المسجد وطبعا شاف هناك عيال عمه وعمامه اللي صلوا معه في نفس المسجد(المسجد القريب من البيت)
الكل نقل لبيت العايله الا بو راكان لان شوق عندها اختبارات ثالث ثانوي وخايف عليعها انها تتاثر ولاتجيب نسبه عدله
ابو نواف وعياله انقلوا وابو خالد وبناته وابو محمد وعياله وحتى محمد نقل مع زوجته ندى الي توها داخله السادس وطبعا العم عبدالرحمن المقعد
وفهد اما نايف سكن مؤقت بس لانه يبني بيت بالحزام قريب من هالبيت
بتقولون ان هالبيت قديم واثاثه قديم لكن لا البيت هذا مصممينه افضل المصممين الغرب كبير حيل ومن الخارج في حديقه على مد البصر وفيها بركه كبيره على شكل 8 وحولها كراسي وطاولات دائريه زجاج وكراسي بلون العشب اللي تحتها كان المكان في غاية الروعه والجمال اما البيت من الداخل اثاثه كان من 10 سنين(للعلم ان الاهل ماسكنوا فيه الا سنه ومات الجد وتفرقوا يعني مو قديم كثير)
بس كان عصري وراقي والى الحين يعتبر فخم خصوصا بأناراته الصفرا وتعتيق البيت الفخم والراقي
قام خالد الساعه عشر الصباح نزل تحت وهو فرحان شاف اخواته مع بنات عمه يسولفن اللي من اول مانتبهت له نوره حاات تركض له في حضه لدرجه انه ارتد لورى:خلوووووووووووووووود مشتاقين لك مو مصدقه
خالد:الله يالغاليه شدعوه كل هذا حب فيني
نوره:واكثر بعد شخبارك(واسحبته معها تطلعه برى عند الحديقه)
خالد(وهو في الطريق ومسلم يده لاخته وهي اللي تمشيه)بخيير
نور:والله مشتاقين لك ليه ماقلت انك بتجي
خالدوهو يجلس في الكراسي اللي في الحديقه)بس مفاجأه
نوره:تدري بغيت انهبل لما شفتك كذا داخل والله بغيت انجن
خالد:الله شدعوه خففي علي بعدين انا اللي بتعذب وبوديك مشتشفيات وعفسه
نوره:مالت الحين انا اعبر لك عن شعوري وانت مستشفيات
خالد(بطبيعته الحنونه)خلاص وهذي حبة راس
الا جات هيا:وهيا مالها اخو اسمه خالد
خالد:هلا بالغلا هلا بالزين شخبارك قلبي
نوره:نحنو هنا
خالد:ندري انك هنا
نوره(بتحسف)يعني خلاص احترق كرتي
هيا:هههه علشان تعرفين غلاتي عند خلودي
خالد:اصغر عيالكم خلودي
نوره:هههههههههههههههههههههههههههههه ياحلوك
خالد:لا والله
هيا:مابقى لك الا بامبرز ونان ولا سميلاك
خالد:حلفي
نوره:تخيلو شكل خالد بحفاضه وياكل سيريلاك
هيا:هههههههه
خالد(بنص عين)عاجبكم شكلي هاا ترى بزعل
هيا وهي تضم اخوها :اموت انا ولاتزعل انت
خالد:فديتكم يالعسل
لمح خالد فيصل طالع من البيت:بنات الشباب طالعين شرايكم ترجعن البيت اخاف يشوفونكم
هيا:اوكي بس الليله لنا جلسه معك
نوره:يالله بنمشي مع انها طرده بس بباي
حبوا راس اخوهم اللي يحترمونه بشكل كبير ويحبونه يمكن اكثر من انفسهم وراحوا ادخلوا داخل لحقهم خالد بعد 5 دقايق ودخل للمجلس
دخل لقى عمامه كلهم وازواج عماته الا بو راكان وعيال عمامه الا نايف ومنصوروفهد لانهم كانوا نايمين
خالد:السلام عليكم
وراح سلم عليهم كلهم
بو خالد:اليوم ان شالله بسوي عزومه بمناسبة رجعة خالد الغالي سالم ومعه شهادة الماجستير
خالد:يبه مالاداعي تكلف عمرك
ابو خالد:وشلون ماكلف عمري انت الغالي
العم عبدالرحمن :وانا اللي بعده علي
خالد:يبه عمي مالا داعي تكلفون على عمركم
العم عبدالرحمن:تستاهل ياولدي تعبت وذاكرت في الغربه تستاهل اكثر ياولدي
راح خالد وحب راس ابوه وعمه:ماتقصرون يالغالين
الا دخلوا الخدم ينادونهم على الفطور
خالد:كأنه مالاداعي تاخر الوقت
محمد:أي مالا داعي تو الناس االساعه 9 ونص
خالد:هاا انا عندي عشر ونص
ناصر:اضبطها عدل
قام خالد ضبط وقت الساعه وراحوا يتفطرون في الطاوله الملكيه االكبيره
..................
في بيت العم تركي(بو راكان)
شوق:يلاا قوموا نبي نروح
ابو راكان:نتفطر ونمشي
شوق:ياااااااااااربي انتوا سنه على ماتتفطرون
راكان:طيب بدال هالهذره روحي ساعدي امي فيه
شوق:وووع ماحب ريحة البيض
ابو راكان:طيب بلا وجع راس ياشوق من صباح الله خير
شوق:طييييييييييب
جلست شوق في كرسيها تنتضر امها تجييب الفطور اللي ماتاخرت وهي تحضره
بعد ماتفطرت شوق:ميغسي مام بااي بروح البس
ام راكان:وش قلتي
شوق:ميغسي بوكو
ام راكان:وش هالهرج
شوق:يمممممممممممممممه فرنسي يهبلللون شرايك بكلامهم الانوثي
ابو راكان:اقول هرجي بلغتنا احسن
شوق:بعد اعرف ياباني ديوشي ماستيه
راكااان:ههههههههههههه فاضيه انتي
شوق:والله حلوو كلامهم ودي ابلعهم اذا شفتهم يتكلمون
راكان:شرايك نخطب لك فرنسي
شوق(بتروح تغسل يدها)والله احسن من اللي ناشب بحلقي الحين
وراحت تركض للمغاسل لانها عارفه ان ابوها بيهزئها بس من حسن حضها ان ابوها مانتبه لكلامها اما راكان وامه انتبهوا وحزنوا عليها
:::::::::::::::::::::::::::::::::::::::::
على الساعه 12 كان منصور قام من النوم ونواف نفس الشي يعني مابقى بالعيله الا منور وفهد
وطبعا قد عايلة بو راكان جاات
راكان:والله هالاثنين مايندرى عنهم للحين ماقاموا
طلال(زوج غصون)اللهم لاحسد وش لك ابهم خلهم يوسعون صدرهم
نواف:تدري بروح اجننهم
راكان:لا عاد خلهم ينامون اكيد امس تاخروا ولا كان قاموا
الا دخل فهد بثوبه الابيض وغترته الحمرا ومتطيب ومتكشخ
خالد:هلاا والله بالمعرس
فهد:هلا وغلا
وراح سلم عليهم كلهم وجلس بجنب خالد:وش انطباعك عن الملكه
فهد:اوووف تهبل خصوصا اذا تزوجت وحده يحبها قلبك وهي نفس الشي
تألم خالد في قلبه وناضر فيصل اللي كان ماسك جواله ويلعب فيه وهو سرحاان وانتبه على نفسه ورجع لفهد:يعني تنصحني
فهد:اكيييييييييييييييييييييييييييييييييييييييييييي يييد خالد:الله يوفقك يارب
فهد(وهو يغمز)وانت مو ناوي ان شالله
خالد:لا والله ودي ارتاح نفسيا من هم الدراسه بعدين بفكر
فهد:ربي يساعدك طيب تراني امس مو معاك ولا سولفت لنا عن الدراسه وعنك
خالد:الله يعافيك على كثر ماحب الدراسه الا اني الحين كرهتها
فهد:هههه ماحد بقايل لك خذ الماجستير
خالد:لا وكنت ناوي اخذ الدكتواره بعد
فهد:اجل تحمل
جاهم نايف:هاا فهود حولت
فهد:لا سويت حساب جديد والباقي اليوم بيجيبه واحد من الربع من الرياض
نايف:زين بس لاتتاخر واجد ترى يحز بنفس البنت
خالد:وش السالفه
فهد:منور للحين ماعطيتها المهر
خالد:ليه؟
فهد:سويت حساب لها نزلت فيه 200 الف وبعطيها البطاقه
خالد:اهاا وطيب ايش الباقي اللي من الرياض
فهد:شريت لها طقم الماس خام وواحد مجوهرات وشريت لها ساعه الماس وبيجيبهم واحد من الربع اليوم
خالد:طيب ليه ماسويتهم امس
فهد:تعرف الملكه صارت بسرعه وانا مايمديني اروح الرياض فتحت موقع المحل نفسه واخترت وارسلت واحد من ربعي يجيبه لي
خالد:الله يوفقك الا نايف شخبارك مع زواجك
نايف:الحمدلله بخير وانت شخبارك وش شعورك يوم جيت السعوديه
خالد:بغيت انهار من الوناسه
نايف:هههه الله يسعدك دوم
خالد:امين
:::::::::::::::::::
انتبهت منيره على صوت مسج :وفي خاطرها مين الغثه الي مرسلها من صباح ربي<<<<ماتدري ان الناس ضهر
رفعت راسها وشافت الرساله من (فديته بروحي)
صباح الخير مع انه ظهر
شلونك؟
اذا شفتي المسج ارسلي لي

ارتاعت منور وراحت بسرعه تاخذ لها شاور ولبست وتعدلت وتزينت<<<<ينقال عرووس
وردت عليه الرساله
صباح النور
الحمدلله انا بخير وانت؟

وانزلت وسلمت الكل
ام راكان:شخبارك منور؟
منور:الحمدلله
ام راكان:متى طلع فهد امس(وهي تغمز)
منور(منحرجه) الفجر
ام راكان:الله يسعدك
منور:امين
راحت للشلة البنات وجلست بجنبهم
نوره:هلاااااااا وغلا بالعروس
منور:هلا
دانه:يالله بالتفصيل الممل وش سويتي امس مع فهود(تغمز)
منور(منقلب وجهها الوان)ولاشي سوالف عاديه
هيا:ههه الله خلاص ثبتي لون واحد صدقناك
منور:يالدبه
نوره:بجد وش سولفتوا عنه ماصدق ناس في ليلة ملكتهم سوالف عاديه
منور(وهي تقوم وتتركهم)ام سوري ماقدر اقول وش صار
دانه:يالدددددددددددددددددددددددددددددددددددبه
طبعا راحت منور وتركتهم للمطبخ لعل وعسى تلقى شي تاكله لانها جوعاانه بالمره
دخلت وفتحت الثلاجات وتكلم الخادمه:مافي شي ينوكل
ميري:الحين ساعه 12 ونص استني انتي شوي علشان غدى مره وهده
منور:طيب ابي كاس عصير كوكتيل وناديني اذا خلصتيه اوكي
وطلعت من المطبخ دق جوالها (فديته بروحي يتصل)
دق قلبها 100 دقه في الثانيه عمرها ماتكلمت معه بالتلفون يوو فشيله
استمر يدق ويدق لين تجرأت ورفعت السماعه
:الو
فهد:ياحلو هالشفاه اللي طلع منها الالو
منور:،،،،،،،،،،،
فهد:قلبي انتي معي
منور:أي
فهد:شخبارك؟
طبعا منور كانت تمشي للحديقه ماتبي تكلمه في وسط البيت:الحمدلله وانت؟
فهد:بخير مادام اني سمعت هالصوت
منور:مشكور
فهد:شكلك توك قايمه؟
منور:لي نص ساعه يمكن
فهد:اجل انا ابكر منك اليوم لي ساعه
منور:كثرت
طلعت منور برى وجالسه تكلمه عند البركه
فهد:ههههه طيب قلبي انا الليله برسل لك المهر في بطاقة صراف اوكي ومعاه الشبكه
منور:................
فهد:موني شفيك مانتي بطبيعيه
منور:هاا لا مافيني شي
فهد:بتقولين ولا اجيك
منور:والله مافيني شي أي اخبارك انت؟
فهد:بخيير تصدقين احس ان الدنيا ابيضت من عقب ماهي سودا
منور:الله شدعوه ليه هي سودا من قبل
فهد:لانك مو معي في حياتي في دنيتي أي صح باركي لي دخلت27 امس هه في ليلة الملكه
منور:مبرروك ههه يضحك شلون كذا صدفه
فهد:امس بعد ماطلعت رحت اصلي طبعا رحت غرفتي وجلست احسب مابينك وبيني واكتشفت اني دخلت 27
منور:مبرروك
فهد:منور وينك الحين
منور:انا عند البركه
فهد:شرايك نسبح مع بعض
منور(وجهها الوان)تخيل
فهد:يوو بعد حلال وانتي زوجتي
كلمه ترددت في مسامع منور زوجتي زوجتي مو مصدقه للحين انها ملك رجال
منور:...........................
فهد:اوكي حبيبتي شكلك تعبانه روحي ارتاحي
منور:اوكي
فهد: بيننا اتصال
منور:ان شالله
سكرت الجوال وراحت تمشي للبيت تدخله حست باحد يمشي وراها بالضبط ا التفتت الاتشوف فهد وهو سرحان ويمشي الا يصطدم بمنور الي كانت قدامه:هلاااا
منور:وهي منزله راسها:هلا
وهي بدون ماتحس مسط يدها وقام يمشي معها لاحضت انها ماراحوا للداخل بالعكس رجعوا لورى البركه
وطبعا يمشون والفرق واضح في الطول وصايره بالنسبه له صغيره مانتبهت على نفسها الا لما شد على يدها الصغيره حست بشعور غريب يمشي في عروقها مسكها وجلسها في كرسي من كراسي البركه وجلس قدامها(وهو يتامل في برأتها)اشتقت لك
رفعت راسها والتقت عيونهم بعدين نزلته على طول:وانا بعد
فهد :توني مكلمك وكنتي طبيعيه شفيك استحيتي
منور:هاا مين قال اني مستحيه اصلا عادي
فهد:أي واضح عادي
الا تجي الخادمه وتجيب العصير لمنور ومنور متفشله في خاطرها مدام انك شفتي معي حد جيبي ثاني:ماما منيره هذا عصير
فهد:بسم الله على منور تجيب عجوز مثلك مره وحده امك
منور:هههههههههههههههههههههههههههههههههه
طبعا كالعاده الشغاله راحت وهي ولا تدري وش السالفه
فهد :ياحلو هالضحكه
فهد:شكلك مافطرتي صح
منور:أي بس قلت لها تسوي عصير وخلاص الاكل قريب بينحط مالاداعي اغث عمري بالاكل
فهد:مالله عطاك مني الاكل الحين بعد دقيقه باكل اللي اشوفه باكله
منور:بالعافيه
فهد:ياالله اشربي عصيرك
منور:لا لك
فهد:يعني تبيني اروح واخليك تشربينه على راحتك
منور(بسرعه)لا لاتروح
فهد(ابتسم ابتسامه على جنب زادت جماله)تبغيني اشربي العصير
منور:لا انا بروح وبشرب هناك وانت الحين اشربه
فهد:طيب عندي حل اشرب بعدين تشربين بعدي تدرين انتي شربي بعدين بشرب بعدك
منور(محمر وجهها)........................
فهد:ترى بزعل
منور:خلاص ومسكت العصير وشربت شوي قدمته له
فهد:وين المكان اللي شربتي منه
منور(باستغراب)هناا
فهد:اجل بشرب من مكانك
منور:انحررررررجت واتقلبت الوان)
فهد(بعد ماخلص من العصير)طعمه حلو بس الضاهر ان الحلا اللي فيه منك
منيره:..........................
فهد:تدرين اني شفت وجههك مرتين بس في حياتي شدعوه انا زوجك ان شالله اذا تزوجنا بتجلسين لي تنحرجين على أي شي لاحبيبتي استعدي لكل شي
منور(زاد احمرار وجهها)ان شالله
بعدين مسكها من يدها :يالله اخاف الشمس تحرق بشرتك وان ابيها كذا(وهو يغمز)
منور:.......(كالعاده وجهها محمر)
مشوا الى البوابه وهم ساكتين كل واحد يسرح بعالمه الخاص فهد حاس ان الدنيا وسيعه من بعدماهي ضيقه وبيضا من بعد ماهي وسيعه
لما وصلوا عند الباب تركها بعد ماحبها على جبهتها وكل واحد راح بطريقه
دخلت منور الصاله الداخليه