منتديات بنوته - عرض مشاركة واحدة - ودك.. تنامـــــــــي نا مــــــــــــــي..}~

07-15-2010, 05:20 PM

(( بيت ابو غادة .. ))

( الساعة 7 بالليل )

كانت غادة في غرفتها .. تصيح بالاحرى .. توها راجعة من بيت ام رائد .. ويوم شافت اروى ما قدرت تتحمل منظرها .. كانت تكسر الخاطر مرة ...

وهي ف الغرفة .. تذكرت كل المواقف اللي صارت بين عوض واروى قدامها .. تذكرت جنيته .. طيبته .. وخويته .. وبنفس الوقت غيرته الواضحة عليها ... واللي كانت طاغية على شخصيته .. شافت فيه مواصفات الاخو اللي كل بنت تتمناه .. بس للاسف .. قدر اروى خلاها تنحرم منه بدري..

صاحت .. صاحت بانفعال .. كل اللي تذكرته يحزن ويزيد الواحد ضيقه .. خصوصا اذا كان الشخص اللي مات طيب ومحبوووووووب ..

دخلت عليها سمر .......

سمر : غادة .........!!!! شفيك تصيحين ..؟؟؟!؟!
غادة تمسح دموعها : ا.. مافيني شي .. بس تذكرت شكل ارو .. كسرت خاطري مرررررررة
سمر قعدت : تكسر خاطري هالبنت .. احسها متعلقة باخوها مرة
غادة : الا مرتين .. تصدقين ما كانت تروح مكان بدونه .. هو اللي يوديها .. وهو اللي يجيبها .. وهو كان تقريبا كل شي بحياتها ....
سمر : ولاتنسين كان حلوووو
غادة : هههههه الله يرحمه .. شدراك ...؟؟
سمر : ورتني ريم صورته .. واقف جنب اخوها .. بس تصدقين اخوها خيااااااااال ..
غادة : مين اخوها ...؟؟
سمر : تقول اسمه رائد
غادة : اهاااا .. ذاك اللي ما يقعد ف البيت ساعة .. قالت لي اروى عنه مرة ..
سمر : wtv .. المووووهيييييم ... انها يخقق !!!
غادة حذفت على سمر المخدة : مالت عليك .. الناس رايحة تعزي .. وانتي راحية تقزين ف الصور ..

(( كورنيش الدمام .. ))

( الساعة 1 بالليل )

وقف سيارته وهو يتنهد .. هاليومين موا عليه وكانهم سنتين .. اكيد .. لازم يتعود على هالوضع دام اقرب الناس له راح عنه .. وبقى لوحده ..

نزل من السيارة وتوجه عند البحر .. وقف يتامل الموج اللي يتضارب ف الليل بسبب الهوا القوي شوي ..

تمنى ف لحظة يكون من بين هالامواج ويتصارع مع باقي الامواج .. يطلع كل اللي ف قلبه ... خصوصا انه ماصار عنده احد يفضفضله زي اول .. لوحده وبس .. يفضفض لنفسه ...

طلع جواله وفتحه .. وشاف صورة له هو وعوض ف الكويت ... وكانوا ع البحر بيركبون الجيت سكي .. كانوا مستانسين والابتسامة شاقة وجوههم...

احمد : الله يهديك يا عوض .. كذا تسوي فيني ..؟!؟!؟ الحين من لي اقعد معاه .. اروح واطلع واجي معاه..؟؟ من لي اسولف وافضفض له ..؟؟ من لي اشكي له همومي ..؟؟ وابشره بفرحتي ..؟؟ الله يصبرني على فرقاك يا خوي ... !!

مضت الايام على ابطال قصتنا يسودها الحزن وتغطيها الدموع .. مر الى الآن ابسوع على الاحداث السابقة .....

دلع بدت صحتها تتحسن بس معاملة ام سعود القاسية لها كانت تتعب نفسيتها كل يوم .. وسعود رجع لسهرات الليل هو وخالد ..

بيت ابو عوض الحزن كان للحين موجود فيه .. وخصوصا اروى .. اللي ما رضت تداوم هالاسبوع لانها مرة تعبانة .. واعصابها منهارة .. وكل ما تذكرت اخوها دخلت في موجة صياح ما تطلع منها الا بعد ساعة او ساعتين .. ام عوض عجزت معاها بس مافي فايدة .. وابو عوض المسكين هو نفسه كان مرة زعلان على ولده .. وكل يومين يروح للمقبرة ويزوره ..

بيت ابو رائد .. تقريبا زي بيت ابو عوض .. الكل زعلان على موت عوض وفراقه .. ريم داومت ف الجامعة .. ورائد يكد ف الشغل من الصباح للعصر .. ومن العشا لليل وبعدين يرجع .. وابو رائد ما يدري انه ولده صار يشتغل .. يحسبه بطالي للحين ويصيع لآخر الليل .. يعني محد يدري عن شغلة رائد من اهله ...

بيت ابو بندر .. رائد صار اكثر خبرة ف المحاماة .. يوم عن يوم تزيد خبرته ومعلوماته .. دراسته ماشية صح .. وشغله نفس الشي .. اما ثامر .. فبدا يزهق من سالفة مراكز الشرطة والحوادث اللي تصير من المستاجرين .. هذا فوق مطاردة المستاجر عشان يدف اللي عليه .. وشكله بيشوف له شغله ثانية ... اما احمد المسكين .. فكل يوم صار يروح الكورنيش آخر الليل ويجلس لوحده .. صار مكتئب .. وكلامه قليل مره ... وطلعاته اقل .. من الشغل ف شركة ابو رائد للبيت .. ومن البيت للكورنيش .. هذي صارت حياته كلها ..

(( بيت ابو سعود .. يوم الجمعة .. ))

( الساعة 12 الظهر )

كانت دلع ولينا وسالم قاعدين يفطرون على الطاولة ف الدور اللي فوق .. ولينا كانت تسولف عن اشياء كثيرة ولاهي راضية تسكت ..

لينا : شرايك دلع ..؟؟
دلع وهي تصب لها شاهي : عن ايش..؟؟
لينا : عن اللي قالته المديرة ..؟؟
دلع : ا .... زين ..
لينا : شلون زين يعني ...؟؟ اقولك تقول اننا اغبى دفعة شافتها .. تقولين زين ..!؟؟!
دلع : افففف لينا والله قاعدين نفطر
سالم : ماتفهم .. لازم تبربر .. ما تقدر .. بالعة مسجل
لينا : اقول انت ون خويك عنك ..؟؟ ورى ما جا يضف وجهك للحين ..؟!؟
سالم : وشعليك انتي ..؟؟ رحت ولا ما رحت .. ما يخصك ..

شوي الا يطلع واحد على الدرج .....

سالم : وصلللللللللت ...!!! ليش طلعت كان دقيت علي انزلك ...
فيصل قعد معاهم على الطاولة : السلام عليكم
الكل : وعليكم السلام ...
التفت فيصل على سالم ببرود : قلت دامك مروق وتبغى تفطر .. وانا المسكين ما اكلت شي من الصباح .. ليش ما اقعد واروق زيك وآكل .. بعدين متى ما عطيتنا البروميشين بنطلع ....
سالم : خخخخخخخخخخ كل بالعافية ..
فيصل :شاف دلع : افففف ... هذي من مكفخها ...؟؟!!
سالم : مين..؟؟
فيصل : دلع ... وجهك منفخ
دلع : لاني ما نمت زين ..صايرة اسهر هالايام ..
لينا : أي وطلعلها سواد تحت عيونها بعد
دلع : لينا تكفين لاتبدين
لينا : والله ما اكذب .. لازم لك كريم تبيض تحت العين ..
فيصل : يووووووووووه ... هذي كانها من اللي يبيعون هالخرابيط اللي ف المحلات ..
سالم : من كثر ما تروح لهالمحلات حفظت كلامهم ..
لينا قامت وقعدت تقلد وحدة شافتها مرة : اهلين مدام .. شوفي هاد المستحضر الجديد .. حلو كتير وبيخفي الحبوب من على وشّك ( وجهك ) ..

فيصل نقع ضحك على دلع لينا وطريقتها ف الكلام : خخخخخخخخخ الله يخس ابليسك.. !!

سالم : ما شفت شي .. عليها حركات الله لايوريك ..!!

كملوا الكل اكل .. وطلعوا فيصل وسالم عشان يلحقون على صلاة الجمعة .. اما سعود فكان كالعادة سهران اليوم اللي قبله للصباح وما يقدر يقوم ..