منتديات بنوته - عرض مشاركة واحدة

07-12-2010, 07:35 PM

تجمعو الكل في بيت الجده
الجده وبجمبها الجد
الجد:اااه يازين لمتكم ياعيالي وصوت الأطفال يرد الأرواح عسا عمري يطول واشوف عيال عيالكم
الكل:امين يارب العالمين
الجده مسكت قلبها:ااااااه قلبي
كل الي في الصاله قامو لها :وش فيك يمه ..وش فيك ياغاليه ..وش فيك جدتي <<ردود العـآئله
ضحكت الجده وهي تحرك ايدينها:امزح معاكم
الجد كشر:وقفتي قلوبنا
قربت الجده للجد:عسى قلبي ياقف قبل قلبك
ضحك الجد وقرب يبوسها
انحرجت الجده :لالا مو هنا فشيله
الكل:هههههههههههههههههه
الجده:تخاف علي
الجد:مو بس انا خفت حتى الي يقرون الروايه خافو وانتي تقولين اه قلبي مو كذا يـآعضـآء ؟؟ >>^_^
هيفاء : جدو الله يخليك نبي نطلع للبر
فطوم : ايه الله يخليك
ام راكان : ع بالكم انك صغار خلاص كبرتو وصرتو امهات
الجد : ولا يهمكم خلاص بكرا راح نروح بس قبل بقولكم شي ياشباب
الكل انتبه للجد
كمل الجد : شوفو عارف انكم كلكم يامحمد وراكان وطلال وفهد ونواف واحمد ونايف وخالد وياسر .. انكم ودكم بيت لوحدكم وانا الصراحه انا والشياب اللي معاي
قطعه ابوفهد : يبى انا مو شايب
الجده : ايه باين
الكل : هههههههههههه
الجد غمز لأبو فهد : بما اننا مجتمعين كلنا .. شرايك نفتح الموضوع الي خبري خبرك ..
ابوفهد : أي موضوع .. ؟
الجد : الي اتكلمنا فيه انا وانت ببيتي من شهور .. وأذكر انه كان وقت صلاة جمعة !
ابو احمد : ابو فهد خلاص تذكرت
ابو فهد : ايه ايه يلا تفضل يبه صادق اللحين وقته
الجد بجديه : .. انا والشياب اللي معاي من سنتين وحنا اسمع ياطلال وانت ياراكان وانت يامحمد وانت يافهد وانت ياسر وانت يانايف وانت سعود وانت ياخالد وانت نواف وانت يأحمد .. أنا وأبو فهد وابو احمد وابو ياسر وابو راكان لنا حول السنتين نبني مجمع سكني كبير فيه بيوت على عدد كل واحد منا .. !!

وقعت المفاجأة عليهم كلهم وتوسعت عيونهم بهالخبر الجديد !!
ابو فهد :لأن المجمع قرب ينتهي الحمدلله .. ولأن سمعنا انك ياطلال ناوي تشري بيت .. وانت يامحمد ناوي تنقل لفله كبيرة .. فقلنا نبلغكم عشان تصبرون شوي .. باقي التشطيبات الأخيرة الي تاخذ شهرين ثلاث بالكثير .. وبعدها كل واحد يستلم مفتاح بيته ..

شقت الضحكة وجيههم كلهم وقلوبهم ترقص بالفرح لأجمــــل خبـــــر سمعوه والي ماعمره خطر على بالهم وفكروا فيه !!
قام نايف واهو شوي وينافز من الفرحة وباس راس اخوانه الكبار ..
والعيال والبنات نفس الشي سلموا على عمانهم وشكرونهم بامتناااااااان ..

ويامحلى العلاقات الأسرية الي يوصل ترابطها لهذا الرقي ..!
وتسمو بعلاقتها ترفعا عن أي مشاحنات ممكن تسبب أي شروخ !
ويظل الحب والود والترابط شعار العلاقات .. ماتفرقها لا ظروف .. ولا خلافات ..

الفرح يشع من عيون الاولاد والبنات خصوصا البنات انهم ماراح يفارقو بعض
الجد : خلاص من بكرا راح نطلع للبر
هنا الكل فرح انهم راح يطلعون للمخيم والكل توجهه للبيت

البــــــــــــــــآآآآرت الاخيــــــــــر

عند طلال وهند
طلال كان جالس جنب هند ويمسح ع خده بنعومه : حبيبي يلا قومي
هند تبعد ايدينه عنه : حبيبي شوي ابي انام
طلال : خلاص يلا نروح نجهز الجنط
ابتسمت هند وعدلت جلستها وناظرت له : اوكي يلا صحيت
طلال ناظر لعيونها اللي تخبل عليها وع شكلها شعرها الطايح وقال : تعالي بحضني
قربت هند بحضنه ورمت نفسها بحضنه وقالت : احبكـ طلولي
طلال بحب باس خدودها: وانا احبك
رفعت راسها هند وباست خده بنعومه
طلال ضحك وقال : تذكرين مها شنو سويت فيني وفيك تدري الحادث بسبب مها
هند بققت عيونها : جــــد
طلال : ايه ولله .. وقال بمزح يحب ع غيرتها : تصدقين يوم شفتها مها ماتوقعتها انها كذا مزيونه
برطمت هند وضرب فخذه بخفيف :اوك روح لها
ضحك طلال وباسها بخفه وقال : امزح معاك هنودتي .. انا احبك انتي وبس هند انتي ملكتي كل شي فيني انت حياتي وروحي انتي عيوني اللي اشوف فيها طريقي
ابتسمت هند وباسته : تيب بس مها لاتجيب طاريها
طلال مسك شعرها ولفه ع رقبته وقال بحب : امزح عليك حبي انا لك انتي وبس
هند ضمته وقالت : انت لي مو لحد ثاني حبيبي
تخبل طلال ع حضنها وع ريحه شعرها وقال : تحبيني ؟
تبسمت بـ خجل هند وقالت : اموت فيك ياقلبي
قال بـ همس عند إذنها واهو يبوسها : أسمعها .. !!
قالت بـ نفس همسه وإهي ماسكه إيدينه إللي حاضنتها من خصرها : أـحـبك ..
سكر عيونه يحبها هالكلمه منها.. { شـ كثر تريح هـ الكلمه وخصوصاً من حبيبك *_* .. وهـ بس }
قال بـ همس وهمسه خذااها لـ بعييييييد : .. أـنا .. آبيـــــــك ..وقرب لها وباسها
رجفت كلها من داخلها من كلمة آبيــــــك .. لإنها تعرف مضمونها .. ومثل ماتوقعت مضمون هـ الكلمه .. ~_^

انت لي مو لي احد ثاني ..ومن يقرب منك ياويله
الي في حبك تحداني اقلب الدنيا على ليله
انا ربيتك في احضاني وانا قلبي الي انهدم حيله
من يجيك بشوق ضمياني ادعي الله يومه يجيله
انته اهلي وانت خلاني وانت شي صعب تبديله
لايفكر فيك انساني ولا عاشق ايده طويله

عنـــد محمد والهنوف
رقت لـ جناحهم ماحصلته .. وقفت قبال المرآيه تضبط شكلها .. طلع من المطبخ ورقى فوق واهو معاهـ غرشة موي يشرب فيها .. دخل وحصلها واقفه قبال المرآيه تبسم .. يعرفها .. إذا شافته جاي واهم كانوا مجتمعين تترك الجمعه وتروح له .. نزل الغرشه .. حست فيه وناظرته .. تبسمت وتقدمت له .. مسكت إيدهـ .. يعرفها إذا
بـ تقول شيء إلا تمسك إيدهـ ..
ناظرها بـ وله وقال : آمريني حبيبتي..
تموت عليه .. صار يعرفها أكثر من غيرهـ قالت بـ حُب وإهي تشغل حالها في إيدهـ : أـنا محظوظه فيك ..
تبسم لها بـ حُب قال : أـنا إللي احمد ربي عليك .. إنتي لي نعمه أشكر ربي عليها ..
كأنو قلبها يرقص من كلامه .. قالت وإهي تتترك إيدينه وتترك إيدينها ورا رقبته ..
حرك راسه بـ معنى شنو .. قولي إللي تبين .. واهو رافع حاجب ومتبسم .. تخق على شكله كذا .. قالت بـ ذوبان : أـحبك ’’
سكر عيونه وقرب وجهه من وجهها وتركه يلامس وجهها بكل ذوبان .. رجع فتح عيونه ووجهه ملامس وجهها وبهمس : مبسوطه معاي ..؟؟
همست له وإهي على وضعها : شيء ماكنت أتخيله .. حياتي معاك فوق الأحلام .. سعادهـ مابعدها سعادهـ .. لإنك محمد ..
محمد قرب وجهه لها وصار وجهها قريب لوجهه وباس خدها وقال: احبك احبك احبك احبك موت
الهنوف غمضت عيونها بخقه وقالت : حموشي انت لي مو لحد ثاني وهالمعلومه حطها ببالك زين
محمد كان مو حاس بشي غير عطرها وشعرها الناعم ع وجهها بعد ايدينها وشالها ونزلها ع السرير
باسها على خدها ووووو ... ~_^