منتديات بنوته - عرض مشاركة واحدة

07-10-2010, 05:59 PM

ببيت ابو احمد

طقت الباب دانه ع الهنوف

الهنوف : ادخلي
دانه دخلت وقالت: هنو حياتي انتي فاضيه
الهنوف : ايه حبيبتي امري
دانه : توها اتصل علي هند وكانت ع وشك انها تبكي وتقول تعالي معاي للمجمع وتجين انتي معانا ؟
الهنوف كان مالها خلق تطلع البيت ابد وقالت : ياقلبي ياهند الله يعينها .. ولله يادندون مو رايقه اطلع
دانه : حبيبتي وش فيك
الهنوف : ولا شي بس كذا حبيت اجلس
دانه : تري هيفاء طلعت مع فطوم وانا ابي اروح مع هند وامك وابوك برا وفهد بالاستراحه يعني تجلسين لحالك
الهنوف بأبتسامه : ايه عاتي مو صغيره انا وبعدين فيه طلال بالغرفه
وفيه الخدامات يعني عادي مافيه خوف ولا شي
دانه بأبتسامه : اوكي قلبي انتبهي لنفسك
الهنوف : ان شاء الله
طلعت منها دانه وهي جلست لحالها مافي بالبيت غيرها وغير طلال
قامت من السرير واخذت لها شاور وطلعت لها بنطلون جينز سكيني وتي شيرت ناريه ناظرت لشعرها المبلل بالماء وتركته كذا وحطت قلوس احمر خفيف
واخذت جوالها وطلعت من الغرفه
توجههت لغرفه طلال وطقت الباب
طلال بهبال : من عم يبطرق الباب
الهنوف : ههههههههه انا
طلال : ههههههههههههه ادخلي
دخلت الهنوف وشافت طلال منسدح ع السرير وشكله حوسه
الهنوف جلست عنده وقالت : مو طالع اللحين
طلال : اممممم الا اللحين يمرني محمد وغمز لها
نغزهااا قلبها حسسست ان جروحها انفتحت من جديد
وابتسمت له وقالت : وين طالعين
طلال : ولله مادري ندور كذا
الهنوف : اها .. اوكي اجل ببطني يقرصني جوعانه وابي اروح اطلب لي من المطعم .. تبي شي اجيبه لك ؟
طلال : لا سلامتك قلبي
وقفت الهنوف وارسلت له بوسه وطلعت برا
نزلت تحت بالصاله وكان هدوووووووء راحت لغرفه اجدادها وطقت الباب ومالقت فيها احد تأفتت وقال بخاطرها (( اوووووف ياربي روتين مللل ))
نزلت تحت واتصلت ع المطعم ماكدنالدز يجيب له وجبه سبايسي
جلست عند التي في وطق طق فيه تبعد عنها الملل
فجآه جاء ببالها محمد وقالت بخاطرها (( ياربي محمد ليش انت كذا حرام عليك تراك معذذذذذذبني اوووف بس .. سكتت شوي وتذكرت كلامه لها وتذكرت تجريحه لها وتذكرت اهانته لها وتذكرت كيف كان يسب تربيتها وتذكرت ظلمه لها نزلت الدمعها منها غصب عنها ومستحها وقالت : خلاص بعد اليوم ماراح ابكي ليش ابكي وهو مو حاس فيني
تذكرت كلمه قال لها وهزت كيانها ::: اطلقك """ "" اطلقك "" "" كلها كم يوم وانا مطلقك وتروحين للي انتي تبينه واهم شي عندي سعادتك "" هزت راسها تبي تطرد الافكار منها وقالت : لا مستحيل محمد يطلقني كيف انا ابيه هو وتأففت من افكارها وجلست تدور بالتي في ع قناه روتانا

بغرفه طلال كان لسى منسدح بعد ماطلعت الهنوف منه ويكلم محمد
محمد : ياشيخ قووووم خلصني اخذ لك شاور انا مو فاضي انتظرك لين تخلص
طلال : ايه عادي ادخل بالمجلس او بالصاله وانتظرني
محمد : اقووووولك قووووم خلصني تروش ياتنح
طلال وقف وقال : هههههههه يلا هذاني قمت وابي ادخل اتروش وانت ادخل بالصاله اوكي وانتظرني
محمد : لاولله الا ياقليل الخاتمه وماتجي ترحب فيني وبعدين اكيد فيه خواتك
طلال ابتسم : لا لا تخاف الكل طلع هيفاء راحت مع فطوم تجهز لها وعمتي دانه راحت مع زوجتي تجهز معاها وامي وابوي واجدادي كلهم طالعين ومافيه بالبيت الا الهنوف والخدامات
محمد هذي الكلمه كان ينتظرها من الله وكان فرصه له وقال : انت مجنون تخلي زوجتي لحالها بالبيت
طلال : وش اسوي عاد هي رفضت تتطلع وانا ماحبيت اغصبها وتركتها بحالها.. يلا ابي اتروش وانت انتظرني يلا باااااااااي
سكر منه الجوال وفكر محمد انه ينزل يكلم الهنوف او لا وقال بخاطره (( لالا اذا شفتها خلاص اصير ضعيف عندها )) يالله بس خليني اتوكل وانزل

عند الهنوف
رمت الجهاز منها ووتافتت وقامت تبي تجيب لها مويا بس سمعت صوت الجرس يرن وقالت بخاظرها (( واخيرا شرف ماك ميته جوع ))
وطلعت من الفله وهي تعلك علك ومشت بالحديقه الكبيره وتوجههت للباب وصارت ورا الباب ومدت ايدها وقالت : ايوا كم الحساب
استغرب محمد الحساب وقال بخاطره (( ايه اكيد طالبه ههههههه ياحبني لك بس )
استغربت الهنوف وقالت : لو سمحت كم الحساب واعطني الطلبيه
وكانت ماده يدها ماحست الا بالبيد اللي قبضت عليها وصرخت مفجوعه
دخل محمد وهو كان ماسك يدها وقال : هنو وش فيك
الهنوف ناظرت له مصدومه وكأنها ارتاحت انه طلع هو اشوا من غيره وقالت : انتت ؟؟
محمد تكتف وقال : ايه انا ليش مستغربه
الهنوف بهستريه : مادري مو من عواديك تجي
محمد سحبها ودخل جوا بالحديقه ووقال واهو ماسك ايدها بقوه: عدلي اسلوبك معاي والا راح تشوفين وجههي الثاني يالهنوف
الهنوف :اصلا متى صرت طيب وحنون طول عمرك اناني وظالم
محمد باحتقار ناظرها من فوق لتحت وقال : وانتي طول عمرك بتظلين حقيره وسخه وخااااينه
دمعت عيون الهنوف لكنها حجرت دموعها وقالت بكل غرور ماقدرت تستحمل اهانته لها : اذا انا وقحه فأتعلمت الوقاحه منك يامحمد
رفه ايده محمد كان يبي يضربها لكن مسك نفسه ونزل ايده
هنا الهنوف انصدمت اخر شي توقعته انه يرفع ايده عليها وقالت بدموع : ايه اضربني يامحمد عادي جرحتني دمرتني دست بكرامتي وش بقى يامحمدماسويته فيني سكتت شوي وبعدين كملت وقالت : كل شي اعطيته لك كل شي سويته لك كل شي ضحيته عشانك عشانك انت لكن انت قلبك قاسي ؟
محمد انصدم من كلامها ماتوقع انها كذا شايله عليه لكنه قال : هههه اسمع انتي اخر من يتكلم عن قسوه القلب لان قلبك من حجر فاهمه

محمد بكل جديه كمل وقال : لكن راح تندمين يالهنوف ع الخيانه هذي ..وآنـآ بكرى رآيح للمحكمه
الهنوف آنصدمت يعني بيطلقهـآ لكن قالت بكل قسوه له : ايه عادي لاني انا ندمت اشياء كثيره .. ندمت اني حبيتك لانك ماتثق فيني
محمد مسك ايدها وقرب لها وقال بهمس : كانت الثقه اللي اعطيتك اياها ذيك من زمان يالهنوف بعد ماشفت الرساله انصدمت كثييييير لكن راح تندمين
الهنوف بستهزأء : اندم ؟؟ قولي اندم ع ايش ؟
محمد ابتسم يوم درا انها شغلت بالها هالكلمة وقال : لا تشغلين بالك .. بتعرفينها مع الايام ..
الهنوف : وانا مافيني صبر اصدمني مره وحده وقولي ! .. عاتي ياما صدمت بأشياء اصدمني مره وحده وخلاص !
محمد : وليه تحدين عمرك على الصدمات يالهنوف ؟؟
الهنوف غرقت دموعها وسحبت ايدها من محمد وقالت :لأني ... لأني ماعندي احساس يامحمد اوكي ؟؟ وصلي انت الي تبي ولا تتوقع مني اوتعي أنا على نفسي وأحس .. لأن قلبي حجر مايحس حلووو ؟؟؟
محمد وده لو يضمها لكن بقلبه شي يرده وقال : لا مو حلو .. ولا هو صحيح هالكلام !
الهنوف نزلت دموعها وقالت : الا مو هذا كلامك قبل شوي تقول لي ان حقيره وسخه وماتربيت واني عديمه الاحساس وان قلبي من حجر مو كلامك هذاااا
محمد رفع حاجب وقال بغرور: الاعتراف بالحق فضيله
الهنوف بسخرية : عمرنا ماراح نتفق .. ! (( ودارت مبتعدة عنه وبخاطرها تتفجر أنواع المشاعر المبعثرة .. شالي صار فيها ماتدري .. بس الي تدري عنه ان محمد كوى قلبها وروحها !

لكن رجعت وهي تشوف طلال توه يفتح باب الصاله يبي يطلع وابتسمت له وتقدم محمد للهنوف ومسك ايدها عشان مايبين لطلال شي ولا يحس بشي
جاهم طلال وقال : دامكم تبون بعض عجلو الزواج
انتفض جسم الهنوف وابتسمت له ونزلت راسها
محمد ناظر للهنوف وابتسم من وراء قلبه وقال : حبيبتي وش رايك ؟
الهنوف رده له الابتسامه بسخريه وقالت : لا حبيبي مو اللحين بعدين
محمد بخاطره (( هه اصلا تبي الفكه مني مو عشان تعجل الزواج )
طلال : يلا محمد عاد قبل شوي مستعجل تبين اطلع يوم شفت الهنوف نسيتني
محمد ناظر الهنوف وغمز لها وقال : دام معاي القمر . مالي ومال النجوم
انصدمت الهنوف من رده فعله وابتسمت له
طلال : ياعييييييييني عليكم الله يوفقكم يارب
محمد : وياك
طلال : يلا محمد مو كأن الجلسه اعجبتك
محمد : اكييييد مع حياتي هنو .. ايه صح وش رايك تروح انت وانا جالس معاها
الهنوف ناظرت له مصدومه وقالت بخاطرها (( يؤ يأنك لعاب يامحمد تلعب ع الحبلين ))
طلال : يلا بس لا نتأخر ع الشباب
محمد : ان شاء الله وقرب للهنوف وباسها من خدها
هنــــآآآ الهنوف حست انها يبي يغمي عليها من الصدمه
بققت عيونها
طلال : بس ياروميو وجوليت يلا لحالكم سو اللي تبون
الهنوف بخاطرها( ههه لحالنا هواش ياليت مثل كذا )
مشى طلال وقال بصوت عالي : لاتتأخر بسرعه هاه
محمد : اوكي يلا جايك طلول
طلع طلال منهم خلهم لحالهم
هنا محمد التفتت للهنوف وتعلقت عيونهم بععض
وكل واحد كان يتأسف بعيون الثاني
هنا الهنوف ماقدرت تمنع دموعها وغررررقت عيونها بالدموع
محمد بكل قسوه قال : لا تكذبين علي تسوين نفسك تبكين.. خلاص ابد ماعاد اثق فيك لانك مو قد الثقه يابنت العم
الهنوف : اكررررررررررررهك اكرررررررررهك ياعديم الاحساس (( ودارت مبتعده عنه وقلبها ينززززززف دم وينزف جروح ومتنرفزه منه ومن قسوه قلبه ))

ناظر لها محمد وهي تتبتعد عنه ونزلت دموعه غصب عنه وقال بخاطره (( ياربي قسسسسسسسيت عليها انا آآه هنو قلبي ماطاوعني اني اقسي عليك بقوووه طعنتها انا ييياربي ولله انا مأستاهلك )) هز راسه يبي يطرد الافكار منه وطلع برا وركب بالسياره
طلال : كان جلست
محمد بحزن واضح : ولله ودي بس انت تنتظرني
طلال حس ان فيه شي وقال : وش فيك يالاخو
محمد ابتسم : ولاشي بس انتظر ليله زواجي
طلال : هههههههههههههههه وينك يانواف تسمعه كان يقول لك ويييين فوزيه الدريع
محمد :ههههههههههههههههههههههههه