منتديات بنوته - عرض مشاركة واحدة

07-10-2010, 04:59 PM

لا حصلي شوفته همي يزول واقتها انسى البشر واجلس معه واذكر اني دايم بغيبته اقول هو حياة القلب ولا مطمعه

بعــد ايام ملكه فطوم وفهـــد

كان الكل فرحان خصوصآآآ ام احمد اليوم ملكه بنتها نظر عينها فطوم

عند فطوم فوق بالوقت العصر كانت عندها الكوفير
فطوم وهي خايفه : هند وش اسوي خاااايفه بالحيل
هند تضحك : ياقلبي انتي من ايش تخافين عادي ملكه اللي يسمعك يقول زواج
فطوم وهي تمسك قلبها : الله يعيني بس
باستها هند وهي تهدي فيها : ياروحي انتي اهدي انتي وكلي امرك لبرك وبعدين شوفي كيف مكياجك سال من الحراره والخوف
راحت هند وشغلت التكيف ع البارد
وبدت الكوفير تشتغل فيها وتحط اللمسه الاخيره بمكياجها
نزلت هند عند امها
هند : يمه ياقلبي ماتبين شي اساعدك فيه
ام احمد : لا ياقلبي فيه عندي الخادمات
هند:براحتك يالغاليه
ام احمد تذكرت شي : ايه كيفها فطوم
ضحكت هند وهي تتذكر شكل فطوم : ولله لو تشوفين حالتها كيف خايفه
ام احمد : ياقلبي عليها الله يوفقها وعقبالك
هند : الله واكبر انا بعدها بيومين شهقت هند وهيي تتذكر
ام احمد: وش فيك
هند بخوف: اي صحيح ملكتي بعد بكرا
ام احمد ضحكت : توك تذكرين روحي بس البسي لانهم ع وشك يجون
راحت هند وهي تضحك ونفس الوقت خايفه من بعد بكرا
كلمت نفسها ( والله ماألومك يافطوم وانتي خايفه )

ببيت ام راكان

في جت لأمها
في : يمممممه تكفين مدري حلو شكلي
ام راكان : اسم الله عليك تجنين
في معقده حواجبها : ياربي بس احس مو زين شكلي
جاهم صوت من وراهم : الا يجننن شكلك
ام راكان شهقت : ســـــااااره بنتي
في ركضت لها وضمتها
راحت ساره وضمت امها
ام راكان : ليش ماقلتي لي عشان اجي انا وابوك نستقبلك بالمطار
ساره : ياقلبي يمه اهم شي انا جيت
ام راكان :طيب فين زوجك سعود
دخل سعود وهو كان معاه محمد كان يسولفون ويضحكون
تخبت في وهي تتغطى
سعود ومحمد : السلام عليكم
الكل : وعليكم السلام
راح سعود وباس راس عمته : كيفك ياخاله
ام راكان : بخير ياجعلك بخير
ام راكان تناظر لمحمد : وانت كنت تدري انها تبي تجي
ساره تكلمت قبل محمد: ايه يمه انا قلت له عشان ابي اسويها مفأجآه وبعدين مالاحظتي شي فيني
شهقت ام راكان وهي تشوف بطن بنتها اللي منتفخ
ام راكان : كم باقي لك !!!!!!!
ضحكت ساره :مو كثير
ام رااكان : وليش ماقلتي لي
ساره : سامحييني يالغاليه
دخل ابو راكان سلمو ع بعض وع اذان العصر طلعو يصلون عشان يروحون للمكله
ببيت العمه لطيفه

ياسر وخالد : السلام عليكم
الكل : وعليكم السلام
توجههو وباسو راسو امهم وابوهم
ياسر : يمه ممتى تروحون
انوار: تونا ع المغرب
العمه شوق : اذا ع المغرب روحي البسي
تذكرت انوار راحت لغرفتها تلبس
خالد : مو رايحه اللحين يمه
العمه شوق : لاياوليدي مو اللحين وبعدين الناس توهم
ياسر : يعني ع المغرب
العمه شوق : ايه
ياسر :يوووه انا عندي المغرب شغله ولازم اسويها خلي خالد يوديك
العمه شوق : طيب اترك الروحه متى افرح فيكم
ابتسم خالد : ان شاء الله اذا تزوج احمد وفتكينا من الملكات قررنا نخطب
العمه شوق فرحت ع كلام خالد والتفت ع ياسر : وانت
ياسر : يحصل خير
العمه شوق : انا مادري ليش ماتبي الزواج اكيد اخوي نايف كلمك عنه الله يهديه بس
ياسر هو يوقف : ماله دخل خالي نايف يالله انا طالع
ابو يأسر هز راسه بعدم رضى : الله يصلحه بس
الكل : امين

بيت ابو فهد

كانت عندهم الجد والجده ودانه

كانت دانه فوق عند البنات بغرفه غدير

دانه : الله يعينها فطوم تلقينها خايفه
غدير : بس مو اشد من خوفي وش اقول انا اللي زواجي بعد اسبوع
دانه ضحكت ع شكلها بجد باين الخوف عليها >>الله يوفقها ^_^
غدير : ايه اضحكي واذا جاء وقت زواجك قولي وانتي صادقه ياغدير
دخلت الهنوف عليهم وهي معاها بين يدينها فستانين
الهنوف ترفع فستانها النيلي والثاني التفاحي : ايهم احسن البس والله طفشت من هالحاله
دانه: اممممم انا اقول النيلي حلو عليك
غدير : ايه والله التفاحي عادي تصلح لحفلات بس وبعدين انتي البسي النيلي
دخلت عليهم هيفاء وهي لابسه : شرايك عمتي بلبسي
دانه تتلفت : وينهم ماشوف معاك لبس
هيفاء : اقصد اللي انا لابستهم
الهنوف:ههههههـآآي بجد عمتوو احسدك على ذكائك
غدير : لايكون هذولهم تبين تروحين فيهم
هيفاء كانت لابسه سكيني ابيض لتحت لنص الساق وبلوزه برتقالي
الهنوف : ياويلك اذا رحتي فيهم
هيفاء تبرطم : ليش
دانه : ووووووع روحي البسي فستان
غدير : ايه ولله انتي اخت العروس
التفت غدير ع الدانه : وانتي روحي البسي
دانه شهقت وتوجههت للشنطتهااللي جايبتها : يؤ نسييييت الله يأخذكم جالسه اقرركم وش البس
الهننوف : وانتي هيفاء طسي غيري انتي اخت العريس بعد
راحت هيفاء وهي تتحلطم

بألأستراحه بعد ماصلو العصر توجهو الشباب للأستراحه عدا
العريس فهد رايح

نواف يضحك : كيف شكله العريس
محمد : ايه صح فيينه
دخل عليهم فهد وهو مبتسم
الكل صفق له وصفرو له
طلال : يسلملي العررررررريس الله يوفقك
الكل : امين
محمد غمز له :وش قصت الشياكه
نواف :ياربيييي بسسسسسس احسدك على ذكائك
جلس فهد وهو يضحك
محمد يناظر لفهد : وش فيك كأنك خايف
فهد : لاوالله مو خايف بس انتظر الدخله عليها
دخل احمد
السلام عليكم
الكل : وعليكم بالسلام
راح فهد سلم ع احمد ضحكو له
احمد : هلا وغلا بالنسيب
فهد ضحك : هلا فيك
نواف:مو لله السلام غمز له وبعدين ليه ماسلمت علينا كلنا
محمد يناظر لأحمد : وانت وينك مو قلت لك بعد الاذان تعال
احمد : وش اسوي فيهم ذا البنات
ضحكو عليه
خالد : ليش وش فيهم
احمد : فاطمه خايفه وترتجف من الخوف وهند تهديها ولا بعد اذا قلنا لهند عقبالك تتذكر هند ملكتها بعد بكرا وتبدا الثانيه بالخوف
طلال : ياقلبي عليها
فهد : ياحياتي يافطوم جد تخاف مني
محمد ضحك عليه : وهذا انت شايب العايله تخاف منك
الكل : هههههههههههههه
رمى عليه قوطي الماء : تقلع بس
احمد يناظر لطلال ولفهد : مادريت انكم كذا ياأولاد عمي ابو فهد انكم تخوفون الوحده
ضحكو عليه
نواف : لانهم اشباح نخاف منهم
محمد يناظر لفهد : وانت يالعريس متى تعزمنا بسبب ملكتك ع عجوز العايله
الكل : ههههههههههههه
فهد : وش عزيمته
نواف : اذا انت قد الكلمه اللي قلتها لنا قبل وهو يقلده ( وربي اذا ملكت عليها لأعزمك بأيدي ع المطعم )
فهد وهو يكابر : وانا ع كلمتي
طلال : حلووووووووو اجل بكرا نروح لعزيمتك بالمطعم
خالد : وهذا انت ملكتك بعد بكرا
طلال يتذكر : لالالالالا صح تذكرت انا قلت لهنوده اخذها للسوق معاي عشان نجهز للزواج
احمد : لا تخاف كل شي جاهز
طلال : بس انا واعدتها
نواف : شنو اللي ناقصها
محمد ضحك وغمز لطلال : لالا بس ناقصها ملابس السهره والبوسه
الكل : هههههههههههههههه
نايف : وانت يالمعرس متى تروح تجهز نفسك
فهد قام :يالله انا طالع اشوفكم اليوم راح وهو يأشر بيده يعني باي
ضحكو عليه والكل قام يجهز للملكه واللي ارح مع فهد يساعده

ببيت ام احمد

ام احمد بعد ماخلصت من الصلاه جاها ابو احمد
ابو احمد : تقبل الله
ام احمد : مننا ومنكم
ام احمد تناظر لهند : وانتي متى تروحين تلبسين
هند بمزح : بهذا اللبس
ام احمد ناظرتها وكانت لابسه شورت اسود وتيشيرت اخضر
ابو احمد : روحي بس بدلي مو زين اللي عليك
ام احمد : يالله بس روحي بدلي ومري ع اختك فطوم اكيد اللحين بين خوفها وانا ابي اروح اشيك ع الخدامات اشوف كل شي جاهز وصاله الضيوف ابي اشيك عليها
قامت هند الا الجرس يدق
هند خافت : لايكون جو المعازيم
ابو احمد ابتسم : لا يابنتي هذولم ابوي وامي انا قلت لهم يجون مقدمين
ام احمد : الله يحيهم روحي ياهند افتحي الباب دامك قمتي
راحت هند وهي تمشي ومبستمه وفتحت الباب دخل جدها وجدتها