منتديات بنوته - عرض مشاركة واحدة - ++::بعد ماجفيت ترجع تقول احبك وانا احبك::++

06-29-2010, 08:11 PM

::++حمدوه تتصل على بيت ام زايد::++

حمدوه: الووه
ساروه: مرحبا حمجووه
حمدوه: شحالج (يسحب خليفه التلفون)
ساروه: بخير شخبارج انتى و شخبار خليفه
خليفه: يسمع صووتج ههههههههههههه
ساروه: بسم لله الرحمن الرحيم و ين حمدوه
خليفه: طبختها علومج الغاليه
ساروه: بخير ربى يسلمك عطنى حمدوه فى شى خصوصى
خليفه: خبرينى ايااااااااااه
سارووه: لا هذا غرض بناتى انته مالك دخل
خليفه: اهااابس بتخبرينى باجر
ساروه: كيف
خليفه: بسير بيتكم
ساروه: و لله (فرحانه الحبيبه وقفت على الكرسى و امها اتشوفها)
ام زايد: نزلى لا تكسرين الكرسى
ساروه: انزين هههههههههههه (ترد ترمس خليفه) خلوووف تعال اليوم
خليفه: مشغول اشووويه و لله
ساروه: انزين
خليفه: شو انزين (يسمع عمه سعيد يزقره)ساروووه برايج (فر التلفون قبل لا تقول مع السلامه)
حمدوه: هلا سويره سورى اخويه واايد دفش
ساروه: لا عااااادى
حمدوه: يالله منو يقدر يقول على حبيب القلب كلمه
ساروه(مستحيه): عااااد حمدوووه
حمدوه: هيه صح اليوم خالد يقوللنا انكم كنسلتوا خطوبه عبدالله
ساروه: هيه الحمدلله ياربى
حمدوه: شو رايج انسير عند موزوه نبشرها
ساروه: و لله فكره صبرى بقول حق امااايه

التفت ساروه على امها علشان تقوللها انهم يبون يسيرون بيت ام سالم عند موزوه وافقت م زايد و نفس الشى ام خالد للى اقتنعوا بسرعه
حمدوه: عيل خلاص نتلاقا اهناك
ساروه: خلاص عيل
حمدوه: منو بيودينى
ساروه: اتصلى بس رنه على خالد و بيوديج
حمدوه: لالالا خليه يساعد زايد بنسير مع الدريول انا و اماايه
ساروه: خلاص نتلاقا اهناك مع السلامه ..

::++بعد ما سكرت قعدت ساروه عدال امها ::++

ساروه: يالله اماايه فديتج سيرى اتلبسى
ام زايد: يالله فديتج قولى حق ميرى تزقر الدريول
ساروه: ان شاء لله
سارت ام زايد غرفتها و ساروه زقرت الخدامه علشان تقول حق الدريول يطلع ........فى الطريق ساروه تفكر شو رده فعل موزوه بس هيه لين الحين تحب عبدالله و مستحيل تنساه اول ماوصلوا بيت ام سالم نزلن ودخلن الصاله وسلمت ساروه على ام سالم و ميروه بس نوره كالعاده يا راقده ياطالعه برع محد كان يعرف ان سالم موجود فى البيت دخل عليهم الصاله فجاه وسلم عليهن
سالم: شحالكم
ام سالم: و اشعنه ما تقولى انك اهنيه
سالم: دخلت الفير بعد شو شوفى الساعه كم
ام زايد: وااابووويه نفس خليفه
ساروه فى خاطرها تقول كله خليفه
سالم: هاااساره شحالج
ساروه: بخير
تتقرب حمدوه منها : بخبر خليفه
ساروه: شو قلت انا انزين
سالم: شحالج يابو الشباب
حمدوه: منوووه
ميرووه: ههههههه حرام عليك شو بو الشباب بعد
حمدوه: يحيدنى بغلبه
سالم: ههههههههههه
ام سالم : بارك حق اختك و بنت خالك
سالم: ليش ؟؟ شو صار
ام زايد: حمدوه تصير حرمه ولدى و ميروه بتصير حرمه خالد
سالم: صدق و لله (فرحان)
ام خالد: هيه نعم ياولدى
سالم: مبروووك و لله (يطالع امه) ونوره
ام سالم: محد ياها
سالم: ان شاء لله بأيها نصيبها
الكل: ان شاء لله
ساروه: خالوووووه
ام سالم: هلا يابنتى
ساروه: وين موزوه
ام سالم: فى غرفتها
سالم: فيها شى
ام سالم: لا مافيها شى بس ماتقعد ويانا
ساروه: بسير اشوفها
ام سالم: خلاص برااايج يابنتى

سارت ساروه صوب غرفه موزوه دقت الباب و دخلت
سارووه: السلام عليكم
موزوه منسدحه على السرير و سمعت صوت ساروه وقفت و حضنتها : و عليكم السلام
ساروه: شحالج حبيبتى (تبتسم)
موزوه: بخير ربى يسلمج
ساروه: عندى لج بشاره
موزوه: شوووووووه ؟؟
ساروه: امااااااااااايه كنسلت خطوبه عبدالله
موزوه: قولى و لله
ساروه: هيه و لله
موزوه(تحط ايدها على ثمها): صدق ساروه (تصيح و تحضن ساروه)
ساروه: هيه و لله
موزه: لله يبشرك بخير
ساروه: ان شاء لله

تقربت ساروه من البلكون شافت سياره خالد و زايد و خليفه بس لمحت خليفه واقف مع وحده منو هذى فتحت البلكونه و طلعت وشافت خليفه يضحك وسولف مع نوره .....تغير لون ويها موزوه تقربت بعد شافت المنظر و مسكت ايد ساوره
موزوه: خليفه ماينخاف عليه
ساروه: ليش يرمس نوره
موزوه: عاادى مثل ما ترمسين سالم و خالد و ناصر
ساروه(لمحت ان خليفه عطاها شى ودخلت بسرعه البيت): شوعطاها
موزوه(وقلبها يدق بقو): ما اعرف خلينا ننزل
ساروه: يالله انزين بسرعه

نزلت ساوره و موزوه الصاله و سمعتهم يضحكون و يغلسون كل واحد بالثانى اول مادخلت شافها خليفه
خليفه: هلا و لله هلا كيف حالج
ساروه: بخير

حس خليفه ان فيها شى معقوله شافتنى انا و نوره ...يمكن
خليفه: ليش معصبه انسه ملعقه
ساروه: مب معصبه هههه تشوف اضحك

::++دخلت نوره و هيه اطالع خليفه::++

نوره: السلام عليكم (اطالع ساروه بعين تحدى)
ساروه ماردت عليها و لفت ويها
نوره: على ما اظن انا سلمت ياساروه
سالم: بس بس
ساروه: امااااايه
ام زايد: هاا يابنتى
ساروه: اريد اروح البيت
الكل: شووووووووووو؟؟!!
ام زايد: اشعنه
ساروه: بس ودينى البيت و الا بركب بشكاره خالوه معاى اريد ارد البيت
خليفه: ليش

ما عطته ويه ساره وقف وسارت صوب الباب .....
زايد: ساروه ليش تبين اتسيرين
ساروه: بس تعبانه اشوويه
زايد(يطالع امه): خلاص انا بوديها بتسير خالد
خالد: هيه نعم سيارتى انا الشركه
زايد: يالله ساروه
ساروه: انزين
موزوه: ساروووه
ساروه: نعم
موزوه: شو فيج انزين
ساروه: ماشى (اطالع نوره و خليفه) خلى للى ياكل العسل يتهنابه كله
خليفه: شوقصدج

سارت و لا كلمته كلمه وحده بس ركبت السياره و هيه متغشيه علشان محد يشوف دموعها خليفه يخونى مع نوره و موزوه تعرف ليش ياربى انا شو سويت هذا هو يزاتى انا
زايد: ساروه ليش متغشيه مستحيه من خالد
خالد: اول مره تتغشى وانا موجود
ساروه: لا بس جيه
زايد(سمع صوتها متغير): ساروه فيج شى
ساروه: لا (تحاول تغير صوتها)

وقف السياره زايد و التفت على اختها للى قاللها تعق الغشوه و شاف انها اتصيح
خالد: سارووه اشفيج حد مزعلنج
ساروه:..........................................
زايد: حد قالج شى اهنااااك
ساروه: .............................................
زايد: حبيبتى ساروه قوليلى

انفجرت ساروه من الصياح و تقول حق اخوها اريد ارد البيت زايد لله يخليك
خالد: انسير بيتكم بنفهم كل شى
زايد: ان شاء لله

طول الطريق وساروه اتصيح ما تعرف شو تسوى اول ماوصلت سارت بسرعه فوق وقعدت تصيح بدون محد يسمعها حتى زايد و خالد اول مادخلوا البيت مالقوها فى الصاله ..
زايد: تعال نقعد ساروه محد عندها
خالد: ان شاء لله
زايد: شوفيها انزين
خالد: انا بروحى مستغرب بس ما تلاحظ انها ماترد على خلوووف
زايد: لاحظت
خالد: بس شو السالفه
زايد: ودر عنك سالفه ما سالفه خبرنى شو سالفه هاى ريم
خالد: لله يسلمك ريم هذى انا كنت اعرفها قبل
زايد: كيف يعنى
خالد: كنت معاها على علاقه كان طيش و لله بس الحمدلله على كل حال
زايد: شوفهمت انا الحين
خالد: للى فهمته انى انا اعرف هذى البنت من قبل وهيه عمرها الحين 35
زايد: و الخيبه 35 سنه حشى و عبود عمره الا 23
خالد: مثل ما ضحكت على ضحكت على اخوووك
زايد: و لله البنات يوهقن بصرااحه شو ماعندها حد هذى
خالد: عرست و اطلقت و الحين هيه قاعده فى بيتها بروحها
زايد: حذرك ياخالد ميره انسانه محترمه و تستاهل ك لخير
خالد: يا زايد انا ميروه احبها اكثر عن نفسى و لله لو شو تسوى مستحيل اودرها
زايد: لله يوفقك ان شاء لله
خالد: امين يارب العالمين ..

فى للحظه للى طلعت فيها ساروه من بيت ام سالم بخمس دقايق طلع خليفه مستغرب طريقه سارووه شوفيها ياربى اتصل على اخووه ناصر و قاله اى صوب المبزره ....اول ما وصل ناصر سلم على اخوه وقعد ويااه
ناااصر: شو فيك مهموم
خليفه: سارووه
ناصر: شوفيها ساروه
خليفه: يمكن اقول انها شافتنى واقف مع نوره
ناصر: يعنى
خليفه: نوره يت تسالنى عن رقم اوين يدقلها كل يوم مطفربها عطتنى الورقه ورديت عليها يمكن تتحسب انى ارقمها
ناصر: شو بتسوى
خليفه: انا اسالك انته شو اسوى تسالنى انا
ناصر: اممممممم صعبه لو فهد اهنيه و لله كان حلها
خليفه: شو اسووى خبرنى
ناصر: فهمها الموضوع
خليفه: كيف
ناصر: اتصل على البيت منو موصلنها
خليفه: زايد
ناصر: اتصل على زايد اذا فى البيت لا تتصل
خليفه: وبعدين
ناصر: واذا مب فى البيت اتصل
خليفه: و لله فكره صبر

اتصل خليفه على زايد للى قالله انه هو فى الشركه الحين مع خالد و ارتاح خليفه ...فى هالوقت كانت سويره قاعده فى الصاله تفكر فى خليفه : ياربى انا بعد اصلا مستحيل خلووف يخونى انزين ليش ماسال انا شو فينى على لاقل احس انه مب خاين لا و اشوى يرن تلفون البيت
وتركض ساروه ترد عليه

ساروه: الو
خليفه: مرحبا
ساروه: منووووه نعم شو تبا اخووبه
خليفه: سوويره انا خليفه
ساروه: خليفه
خليفه: ممكن تخبرينى شو السالفه طلعتى من بيت ام سالم معصبه ليش

ساروه: شو بينك و بين نوره
خليفه: و لله العظيم ما بينى و بينها شى
ساروه: شو كان فى الورقه
خليفه: عطتنى ورقه فيها رقم اووين يطفربها
ساروه: لا و لله ما عندها اخوى لو انته ذكى انته تتصل على تلفونها
خليفه(مستغرب): شوووو
ساروه: هيه مب اول شى فى الرقم 544
خليفه: هيه
ساروه: هذا رقمها دوم تتصل بيتنا علشان تسمع زايد يرمس
خليفه: قولى و لله صدق انى خبل
ساروه: الحين عرفت
خليفه: هيه نعم بس ساروه و غلاتى عندج ما تزعلين
ساروه: ما اريدك تكلمها وايد
خليفه: ان شاء لله بس لا تزعلين
ساروه: ان شاءلله بس اوعدنى عنى ما تغيب
خليفه: اوعدج و لله
ساروه: خلاص عيل وعدتنى تراااك
خليفه: من عيووووووونى يا عيونى
ساروه: خليفه بسير اشوف امااايه باجر بتى بيتنا
خليفه: هبه بتغدى عندكم
ساروه: اتريااااااااااك
خليفه: ان شاء لله
ساروه: مع السلامه
خليفه: ديرى بالج على نفسج
ساروه: و انته بعد
خليفه: ان شاء لله و لله يحفظج

بعد ماسكر خليفه التلفون حس براحه نفسيه اول مره يحسها فى حياته ويطالع اخوه ناصر للى قعد يبتسم له و ياشر له بعلامات النصر
ناصر: يالله اخليك الحين بسير الشركه عند خالد
خليفه: لا و لله
ناصر: هيه و لله
خليفه: اهاااا زين عيل برااايك
ناصر: بتسير بيت ام زايد باجر
خليفه: هيه بتغدى عندهم
ناصر: يالله عيل براايك يابووويه
خليفه: برااايك .
أنساك كلمه مالها أيّة وجود بمرجعي والقلب لامنّه نوى غيرك حبيبي بامنعه
تنتابني ذكراك ما بين الوعي واللا وعي ما كنّك الاّ بحر حلمي والمشاعر الأشرعه

من وين تطلع كنّك الاّ تقول يا شمس اطلعي يتنفّس الفجر بنفس حسنك ويشرق مطلعه
مع إن فرعك لو رميت الشمس به عيّت تعي إن الدجا يسري لها من دون ما تتوقّعه
إن الدجا يكنز عبيره للنسيم المطلعي كلّه على شان النسيم المطلعي يلعب معه
يمتد ليلي واشعلك شمعة غلا بين اضلعي ويمر بي طيفك ويتناثر بصدري واجمعه
تحتاج تتعبني وأنا أحتاج لك وأنته معي بعض المشاعر تتعب المشتاق لكن ممتعه
موقعك من قلبي تدلّه بس حدّد موقعي وبعدين خذ قلبي وفي دنيا غرامك ضيّعه
وإن طاب لك شوقي وطاب لصوت همسك مسمعي القلب لك والشوق في عروقي بكيفك وزّعه
القلب ملكك والفصول الأربعة من مطمعي دام التقت في مبسمك كل الفصول الأربعه

خليفه كان يردد هذى الكلمات كل مالمح طيف ساروه للى استحوذ على قلبه و عقله وكل مافيه اااااااااااااه يا ساروووه انتى كل شى فى حياتى و لله

الا و اشوى يرن تلفون خليفه يوم شاف الرقم تذكر انه نفس الرقم للى عطته اياااه نوره رد عليه واذا اشوويه صوت انثوى من الجهه الثانيه
....:الووووووو
خليفه: .........................
سكر خليفه التلفون ولا رد على التلفون لين ماوصل الشركه و شافهم متجمعين حتى سالم قعد عدال سالم و حط تلفونه جدامه

سالم: ليش
خليفه: بس شو الحين