منتديات بنوته - عرض مشاركة واحدة - ++::بعد ماجفيت ترجع تقول احبك وانا احبك::++

06-29-2010, 07:27 PM

فى المزرعه بعد صلاه العشا كلهم قاعدين الا موزه مو موجوده معاهم ساروه خافت قلبها تم يدق بقوه و تلتفت اطالع يمين شمال بس محد اهناك ...قامت من على العشا ...
ام زايد: وابووويه وين سايره
ساروه: بسير اشوف موزه وينها
ام سالم: ليش هيه مب فوق فى غرفتها
ساروه: خالوه ما اعرف لا تسالينى (سارت عنهم )

تمشى ساروه و هيه خايفه فتحت الغرفه مالقت حد شهقت قعدت ادور فى كل الغرف بس مالقت حد ...نزلت بسرعه و شافت خليفه ودموعها على خدها وهيه خايفه على موزه للى تعتبرها اكثر عن اخت ..

خليفه: شو فيج ساروه
ساروه: خ... خل...خليفه (تصيح)
خليفه(خايف): شو صار
ساروه: مالقيت موزه مالقيتها
خليفه: شو مالقيتيها دورى عدل (يريد يسير عنها)
ساروه(مسكته من ايده من مسكته انتفض من فوق لين تحت): دخيلك خليفه تعال دور معاى
خليفه(خلاص بيغمى عليه): يالله

طلعوا خليفه وساروه من بيت المزرعه لين الحوش و يزقرون موزه بس محد رد عليهم الا و اشوى خالد وزايد كانوا توهم طالعين متعشين وسمعوهم ..
خالد: هووود ايييييييييه شو تسووون
خليفه: اندور موزه؟؟!!
زايد: ساروه شو السالفه
ساروه(تصيح): ما اعرف وين موزووه زايد (تعق بعمرها على اخوها)
خليفه(يقول فى خاطره يابخت يازايد): بنلقاها انتى لا تصيحين
ساروه: متى شوف الساعه 9 الحين و انا ماحصلتها
زايد: بس خلاص بنلقاها قلنالج (يطالع خالد) هابوليد اتصل على سالم
خالد: ان شاء لله

تووووووووووووووت تووووووووووووووووووووووت (يتصلون حق سالم اخو موزه)

سالم: مرحبا بوليد
خالد: اطلع الحين بسك عشا
سالم: خيبه سلم قبل عقب ارمس
خالد: بتى و الا اسحبك من شعرك ماتقول هندى
سالم: شو السالفه؟؟؟!!
خالد: تعال برع انته و ناصر وفهد و عبدالله يالله اترياكم
سالم: ان شاء لله
خالد: وداعه لله
سالم: مع السلامه ..

سكر خالد عن سالم ...........
خالد: الحين ياى
ساروه: يالله دوروها
خليفه: ساروه سيرى داخل اذا بتمين جذا
ساروه: اريد ادورها مالى خص
زايد: بس سكتى خلينا انفكر (يطالع خالد) وين بتسير موزه الحين فى هالوقت
خالد: شكلها البنت زعلت من عبدالله و اسلوبها
زايد: اصلا عبود طول عمره اسلوبه خايس
ساروه:..............................(نزلت راسها)

اشوى ووصل سالم و ناصر و فهد الا عبدالله
خالد: وين عيل عبووود
فهد: قال يريد يطالع الفلم ؟؟!!
زايد: عنلاته الخام بسيرله
ناصر: ورفجه تخليه
سالم: شو السالفه الحين و لله الفلم حلو
خالد(يحط ايده على جتف سالم): موزه مانعرف وينها
سالم: شوووووووووووووووووو؟؟!! (مصدوم)
فهد+ناصر: نعم شو السالفه وينها موزه ؟؟!!
زايد: فكونا الحين كل واحد يسير صوب
خليفه: و انته
زايد: انا بسير صوب الدراجات وخالد بيسير صوب الحوض
ساروه: انا بسير صوب النخل
خليفه: خلاص بسير وياج
ناصر: انا بسير اسال الدريوليه
فهد: بخاويك عيل
خالد: خلاص عيل ساروه سيرى مع خليفه و نحن بنسير يالله

طلعوا يدورون موزه فى كل شبر فى المزرعه ساروه من المشى تعبت وقعدت على الكرسى وخليفه امرها ان ما تتحرك بيسير يدور عليها بس هيه ماطاعت سارت وراها ..بعد فتره طويله من البحث رد زايد وخليفه وساروه وسالم وناصر وفهد نفس المكان الا خالد للى قعد يدورها و اخير حصلها قاعده على الارض وحاطه راسها على ريولها تقرب منها
خالد: موزه ؟؟!!!
موزه:....................................
خالد: شوفيج
موزه(تصيح): مافينى شى
خالد: كيف مافيج شى ونتى تصيحين ؟؟
موزه:..............................(تصيح)
خالد: انسير سارووه وايد خايفه عليج
موزه: ما اريد ارد داخل
خالد: ليش انزين ؟؟!!
موزه: ما ابا مابااااااااااااااااااااااا (تصيح)
خالد: خلاص بتصل فيهم ايوونج اهنيه

اتصل خالد على تلفون زايد

زايد: مرحبا بوليد هابشر
خالد: تعال انته و الجماعه صوب الزراعه صوب الحوض لقيتها
زايد: و لله (يلتفت على للى عنده) لقوها موزه
ساروه: و لله
خالد: يالله تعالوا اترياكم
زايد: يالله

ساروا صوب المكان للى حدده خالد اول ماوصلوا ساروه يوم شافت موزه سارت صوبها
ساروه: حبيبتى شوفيج
موزه:.................
ساروه: ليش ساكته خلينا انسير
موزه: ما اريد اسير داخل
سالم: ليش شو فيج موزه
موزه(خايفه): لا ماشى
سالم: عيل ليش ما تبين تدخلين
ناصر: اشوى شوى على البنت سالم مب جذا خلونا نحن انرد بيردن البنات مع خالد وخلوف وزايد
خليفه: اصغر عيالك خلوف
ناصر: ههههههههههه ان شاء لله يالله برايكم (يلتفت على فهد) يالله انسير
فهد: يالله انزين

بعد ماساروا فهد وناصر و سالم .......

ساروه: يالله حبيبتى موزه انسير
زايد: يالله موزه لا تاخذين هم عبوود هذا اسلوبه خايس جذا دوم
خليفه: لا تستوين حساسه مثل بعض الناس
ساروه: منو تقصد ؟؟!!
زايد+خالد+سالم: بديناااااااااااااااااااااااااااااااااااااااااااااا ااا
موزه: هههههههههههههههه
ساروه: هيه جذا ضحكي
موزه: انا ضحكت لانهم رمسوا رباعه ..
سالم: يالله موزه انسير
موزه: انزين بس بسير سيده غرفتى
الكل : للى يريحج
موزه: خيبه يبون الفكه ؟؟!!
الكل: هههههههههههههههههههههههههه

وهم قاعدين يمشوون ..
خليفه: محلاتها النجمه ؟؟!!
خالد: انته كل شى حلو عندك هههههههههههههههه
زايد: لا وابشرك حتى عن البقره بيقول عنها حلوه
ساروه: ايييييييييييييه انتوا الاثنين بس عاااد
خليفه: يالله اول مره ادافعين عنى
ساروه: انا اباهم يسكتون علشان موزه تعبانه
سالم: هههههههههههههه و لله بطنى يعورنى من الضحك تذكرت سالفه خلووف فى المول
خالد: اى سالفه
سالم: جيه ماخبرتهم
خليفه: اى سالفه ؟؟!!
سالم: سالفه السودانيه ؟؟!!
خليفه: عنلاتك يالخام اسكت عنى مسوتلى كوابيس
خالد: ههههههههههههههه ليش شو صار
سالم: لله يسلمك كان يمشى وهو يرمسنى مايدعم سودانيه اشكبرها و لله لو تشوفها انته بتزيغ
ساروه: هههههههههههههههههههههههههههههههههههههههههههههههههه ههههه لا و لله
زايد: عيبتج ساروه
ساروه: واايد ؟؟!!
خليفه: دامها عيبتج بسير اخطبها
ساروه: اتشوف الحصا للى جدامى (تاشر على الحصى)
خليفه: ههههههه هيه
ساروه: بفلعك بهم
زايد+خالد: ههههههههههههههههههههه قويه و لله
موزه: لا مب بالحصى
ساروه: عيل
موزه: بالطابوق ؟؟!! هههههههههههههههههه
خليفه: هيه تولفن على
سالم: خلونى اكمل
الكل (الا خليفه للى يضحك): كمل ؟!!!
سالم: يوم دعمها مايطيح على ظهره و تقربت صوبه علشان تساعده يقوم يوم مسك ايدها سحبته بالقو و لله انه دعم العامود بالقو وقعد يسبها سب و هيه اطالعه وتضحك له تريده يرقمها هههههههههههههههههههه
الكل: ههههههههههههههههههههههههههههههههههه
خليفه: هههههه فرحان عنلاتك بعد
ساروه: هيه حلوه
خليفه: بس انجبى زين
ساروه: لا و لله اسال انا
خليفه: حلوه لنفسها دام نانسى عجرم عندى شو اريد بعد
ساروه: نعم
خليفه(يضحك): هههههههههههه ماشى (ويركض خليفه)

ركض خليفه ولحقته ساروه ودخل البيت وسكر باب الصاله و الكل قعد يطالعه مستغرب هذا الاهبل شو فيه سكر الباب اوقعد عدال يده و هو يضحك له الا و اشوى دخلت ساروه معاها قب من الخاطر تريد تضرب خليفه
خليفه: ههههههههههه هذى من صدقها تريد تضربنى ؟؟
بومحمد: شو سويت فيها ؟؟!!
ساروه: اساله شو قال
بوخالد: شو قلت حق ساروه
خليفه: قلت ان نانسى عجرم عايبتنى

دخلوا الباقى وهم يضحكون عليهم وموزه قعدت عدال امها ...
بومحمد: من هذى ؟؟!!
ساروه: مغنيه لبنانيه ؟؟
ام زايد: وانتى شو حارنج
سارووه: امااايه لا تشجعينه انزين ؟؟

عبدالله: خلوووووووووووف شوف التلفزيون
خليفه(يلتفت على التلفزيون وياشر): شوفوا هذى نانسى عجرم (يطالع ساروه)
بوخالد: ولله انها زوينه
ام خالد: لا و لله
بوخالد: هههههه ياحرمه هذى كبر بنتى ؟؟
ساروه(معصبه): عبوود سكر التلفزيون الحين
عبدالله: مابا (يطالع التلفزيون)
ساروه: ما تريد انا اراويك (سكرت التلفزيون )
خليفه: حراااااااااااااااام
ساروه(تفر عليه القب): خلها تنفعك (اطالع موزه) انسير نرقد
موزه: يالله (اطالعهم ) تصبحون على خير
الكل: ونتى من اهله
ساروه: برايكم
ام زايد: قولى تصبحون على خير
ساروه: انتى بس شجعى خلوف انزين برايج
ام زايد: وابوويه عليج من بنت
ساروه: بسير ارقد برايكم
بومحمد: هههههه برايج يابنتى لله يرضى عليج

سارت ساروه و موزه صوب غرفتهم اول ما دخلوا عقن بعمارهن على السرير وكانن يحس بتعب اشوى ...
الساعه 12:00 بالليل موزه ماقدرت ترقد و قعدت تجلب يمين شمال و ساروه حست فيها ..

ساروه: مووزوووه
موزه(خايفه): بسم لله انتى واعيه و الا ترمسين و انتى راقده
ساروه: ههههههههه لا انا ماقدرت ارقد من كثر ما تجلبين يمين شمال ..
موزه: سورى و لله ساروه
ساروه: لا عاااادى شو رايج نطلع برع
موزه: الحين ؟؟!!
ساروه: هيه الحين باجر نحن الصبح بنطلع من المزرعه وبنرد بيتنا
موزه: اممممممممممم هزرج
ساروه: هههههههههه هيه عيل شو تبين نقعد اهنيه طول حياتنا
موزه: يالله نطلع لا تتفلسفين (قامت من مكانها)
ساروه: صبرى انزين خلينا ناخذ شيل بيض و نطلع
موزه: وينهم ؟؟!!
ساروه: فى الكبت للى عدال الحمام
موزه: ان شاء لله بس قومى غسلى ويهج

دخلت ساروه الحمام وقعدت موزه اطلع الشيل البيض وقعدت تتريا سارووه للى ماخلصت سارت ادق عليها الباب
موزه: ساروه قلنا غسلى ويج مب تسبحين
ساروه: هههههههههههههههه انزين الحين بطلع (طلعت من الحمام)
موزه: و اخير
ساروه: ههههههه هيه و اخيرا
موزه: اندوج الشيله لبسيها ويالله نطلع
ساروه: يالله