منتديات بنوته - عرض مشاركة واحدة - ++::بعد ماجفيت ترجع تقول احبك وانا احبك::++

06-29-2010, 07:26 PM

طلعت من الصاله صوب امها تشتكى لها ..اما ميره من الصدمه اغمى عليها و طاحت وانتبه لها خالد للى من شافها وقف قلبه
خالد: ميررررررررررررررره (بخوف)
حمدوه: حبيبتى ميروه نشى يالله قومى (خايفه)
موزه: انا اعرف شو اسوى قومى اشوى حمدوه
ساوره: شو بتسوين
موزه: عطينى عطر دوم اطيح ميروه اذا حد ضايج بها
خالد: يالله ياربى شو بيصير
زايد: ماشى الا كل خير
خليفه: يودى العطر
ساروه: مشكور خليفه.........ها موزه اندوج العطر
موزه: ميروووه حبيبتى قومى (تشممها العطر)
ميروه:...................................(تتنفس بصعوبه)
خالد: قومى اشوى (يدز موزه)
سالم: شو صاير فيها
زايد: خله يعرف خالد شو بيسوى
خليفه(واقف عدال ساروه): خايفه ساروه
ساروه(اطالع خليفه و تبتسم): لا تخاف
عبدالله: موزه ماقامت ميرووه
موزه(ترتجف من سمعه صوته): الحين بتقوم
خالد: حمدووووه هاتى ماااى بسرعه
حمدووه: ان شاء لله (سارت صوب المطبخ )

اما فى الصاله ................الكل على اعصابه ...

خالد: ميرووه قومى (يطالع موزه) سيرى شوفى حمدووه
موزه: ان شاء لله
حمدوه: ها وصلت انا
خالد: هاتى بسرعه الماى

حمدووه عطته الماى البارد للى صب اشوى فى ايده و حطه على ويها الا واشوى فتحت ميرووه عيونها والدموع تسيل على خدها الناعم و خالد قعد متسمر مكانه مايعرف شو يسوى ..ساعادها علشان توقف وطلب من البنات يودنها غرفتها ..

خالد سرحان فى مكان اسمه عيون ميره للى كانت اطالعه بنظرات حزن وشوق
زايد: خالد
خالد: هلا بو سلطان
زايد: اشفيك ؟؟!!
خالد: ماشى و لله
خليفه: لا تخاف يا خالد ميروه بتكون بخير
خالد: ان شاء لله
سالم: و لله بصراحه ومتلوم فيك ياخالد اسمحلى
خالد: لا لالالا افا عليك ماصار شى نحن اخوان مايفرقنا اى كلام
سالم: بس الكلام للى انقال مب هين

الا اشوى ام سالم داخله مع بنتها نوره ..

ام سالم: اشفيكم على بنتى
فهد: خالوه بنتج للى بدت
ام سالم: بعد منها هيه تقعد وياكم
خالد: خالوووه اشفيج علينا لا يكون بنتج قالتلج رمسه كلها جذب و صدقتيه
نوره: انا
زايد: هيه انتى بعد منو

دخل بومحمد..
بومحمد: اقطعواااااااااااااااااااااااااااا (يطالع نوره بعصبيه) على سواد ويهج بعد تتحسبينى ما سمعت شى
نوره: يدى
بومحمد: بس جب يالله غرفتج الحين
نوره: ان شاء لله ( سارت غرفتها)
بومحمد(يطالع ام سالم): وانتى سيرى ربى بنتج عدل لا امرخج بالعقال انتى وياها
ام سالم : شو سوت
بومحمد: سيرى قوليلها شو قالت حق اخوانها
بوخالد: بس يا ابوويه لا تعصب دخيلك
بومحمد: ويحمدن خلت فينى اعصاب من سمعت الرمسه قلبى وقف
خالد: لا ان شاء لله يايدى
خليفه: ماعليك منها ابووويه
بومحمد: شو ماعلى ياولدى لله المستعان ودونى غرفتى
بوخالد: ان شاء لله ابووويه

طلع بومحمد مع ولده ساير غرفته علشان يرتاح من للى سمعه ...اما فى الصاله الحريم قاعدات مع الشباب للى منصدمين من الموقف ..
ام خالد: ماعليكم يا عيالى نوره اشوى تبالغ
ام زايد: زايد ياولدى ما عليك من الرمسه
خالد: اماااااااااااايه لو اى غريب يسمع رمستها بيقولون هالناس ماعرفت تربى عيالها
سالم: السمووحه منك يا خالد اختى و اعرفها لسانها طويل
خالد: سالم ما عليك انته مالك دخل
زايد: خالوووه (يطالع ام سالم)
ام سالم: هاياولدى
زايد: ليش ماترمسين نوره علشان تصطلب و تصير حرمه
ام سالم: ياولدى بنتى راسها يابس ما اروملها
سالم: انا من اليوم ورايح اراويج فيها
زايد: سالم كل شى بالتفاهم
خليفه: ليش البنات مانزلن
ناصر: هذا انته شو تبا فيهن
خليفه: اريد اعرف شو حالها ميروووه
خالد: ان شاء لله بخير

دخلت حمدوووه الصاله ...و الجو متوتر اشوى بعد ماهدت الامور

حمدوه: لا تخافون ميرووه بخير
ام زايد: لله يبشرج يابنتى بالجنه
حمدوه: ان شاء لله عموووه
سالم: هيه قاعد الحين
حمدوه: هيه ..الحين هيه بخير لا تخافون اشفيكم
خالد: حمدوه صدق ترمسين
حمدو(تبتسم): هيه نعم اخويه
خالد(يبتسم): انزين انطمى الحين

دخلت موزه و هيه تضحك مع ساروه ..
موزه: امااااااااااااااااااااااااااااااااه
ام سالم: ها بلاج مستخفه اليوم
ساروه: هذى اظطرابات لله يخليج خالوه
خليفه: وساروه تعرف اتنكت بعد
الشباب و الحريم: بدينااااااااااااااااااااااااااااااااااااا
ساروه+خليفه(يطالعون): شوووووووووووووو؟؟!!!

الكل قعد يضحك عليهم ...
خليفه: شو فيهم
ساروه: و انا شو درانى تسالنى بالله عليك
خالد: انتوا الاثنين بصراحه من تتولفون تنقعونا من الضحك
زايد: هيه و لله ما يتغيرون ابدا هههههههههههههههههههه
ناصر: و لله انكم ههههههههههههههههههههه
خليفه+ساروه: مخبل ؟؟!!(يطالعون بعض نهم قالوا الكلمه فى نفس الوقت )

قعدت ساروه عدال امها مستحيه ..اما خليفه قعد يطالعها ويقول:

صدقنى ماهى فى صالح قلبك
الفرقا صدقنى انك بتتعب لو تفارقنى
جرب و ابعد و انا للى بنتظر ردك
..علشان اذا قلتلك كلمه تصدقنى
..ان رحت يعنى انا بالله وش بلقاك
اقلها من قسوه تعتقنى
..لا تحسب انى بذوق بك المر و بشقاك
والا دموعى علشانك بتسبقنى
ادرى بتجينى و عينك بالشقى غرقان
..وبتحاول تقدم تقدر ترجعنى
لله يسهل لقلبك سكه الفرقا
و انا على قولتك ربى يوفقنى

سلامتكم

خالد: يا سلام عليك بصراحه تعيبنى هذى الاغنيه
زايد: حتى انا
فهد: انته ك لايقول شى خالد قلت انته بعد
زايد: هههههههههههههه انزين اشفيها
عبدالله: لا مافيها شى (يطالع موزه) عطينى الكلينكس
موزه: ليش ؟؟!!
عبدالله: شو ليش بعد عطينى اياااه و نتى ساكته
موزه(حز بخاطرها): اندوك انزين ؟؟
عبدالله: هاااااااااااااااتى (يمد ايده)
ساروه: هاتى انا بعطيه
موزه تعطيها الكلينكس ...
ساروه: اندوك (تفره)
عبدالله: ليش تفرينه
ساروه: وصلك الكلينس و الا لا
عبدالله: هيه وصل
خليفه: عيل خلاص انطم هههههههههههههههههههههه معروف ردج تراه
ساروه: ضحكتنى وايد هههههههههههههههههههه (تشوف موزه للى قامت من مكانها) وين تبين موزووووه لا يكون زعلتى من كلامه هذا
موزه: لا انا ما ازعل (تطلع من الصاله)
ساروه: يا اخى انته شو مب حرام عليك
عبدالله: ماسويت شى انا و لله ؟؟!!
خالد: خلاص حصل خير قوموا خلونا انصلى اذن الاذان المغرب

الكل: يالله :