منتديات بنوته - عرض مشاركة واحدة - ++::بعد ماجفيت ترجع تقول احبك وانا احبك::++

06-29-2010, 07:25 PM

خليفه: ان شاء لله يدى ..احم احم هذا اهداء حق ناس عيونهم سود يذبحنى (يطالع ساروه) (( يامن فى خفايا قلبى تذكر و اسمع حالى ..انا ذاك للى فى حبك تعذب لا تظن فى يوم راح اتبعك واقول ذاك حبنى و خلانى و لله لادوس على قلبى لين مايقول ماباك بس انتى يابنت الاجواد قلبى حبج و اليوم يريد بج حياه ))
بومحمد: سلمت يا ولدى
بوخالد: و لله يا خليفه انك طحت على العوق
خليفه: طال عمرك خبره هههههههههههههه
خالد: و لله انك خام ههههههههههههه
زايد: هههههههه هيه و لله بعده مب مصدرينه
عبدالله: ايييييييييه انتوا شو تشوفونه بترول
بومحمد: بسكم يالله انسير المزرعه
الكل يالله ................

سروا عربنا صوب المزرعه .. علشان يجهزون اغراضهم لانهم باجر مسيرين صوب بيوتهم ...

فى بيت المزرعه ....

خليفه: اووووووووووووووه نانسى
ام خالد: يالخبل
خليفه: ههههههههههههه سكتى امايه اريد ساروه تعصب
ام زايد: و اشعنه بنتى يرتفع عندها الضغط
خليفه: اقول خالوه دخيلج
ام خالد: لله يهديك ياولدى
خليفه: ان شاء لله (يلتفت ساروه قربت عند الباب) وووووووووووووويه فديتها هالنانسى عجرم
ساروه: تفداك عنز قول امين
خليفه: ليش عاده
ساروه: ليش تتفداها
حمدوه +ميره+موزه: هدى اعصابج ههههههههههههههههههههههه
خالد: اشفيك عليها
ساروه: و لله هذا خليفه اوين نانسى عجرم
زايد: اشفيها ؟؟!!
ساروه: يقول عايبتنه
عبدالله: هيه و لله حلوه بعد شو تغارون منها ليش ههههههههه
خليفه: فديت روحك بو حميد خشمك (يتوايهون)
ناصر: اييه بس عااد انتوا شو نانسى عجرم بعد
فهد: مخبل قسم بالله
خليفه: يارب اخذها ان شاء لله
ساروه: جب عنلاتك سير اجلب ويهك
خليفه: منو ؟؟ حق منو تقول !!
ساروه: فى خليفه غيرك
خليفه: فديت اسميه
خالد: زايد انسير بالله عليك ..
زايد: سرينا يالله
ناصر: بخاويكم انا وفهد و عبدالله
خالد: يالله انسير
زايد: خليفه بتخاوينا
خليفه: بلحقكم ..

ساروه: ليش مارحت علشان تلحق بنانسى
خليفه: خذت منى يا غريمى عيونى
ساروه: لا و لله
خليفه: ولله انى احبك لو باجر مماتى
حمدوه: احم بنات انسير خلوهم رواحهم
خليفه: احسن
ساروه: وين تبون ؟؟!! (مستحيه)
ميره: يالله عاد عن الدلع (تغمزلها)

خليفه: اذا خايفه برايج
ساروه: لا مب خايفه منك ؟؟!!
خليفه: هههههههههههه تحلفين
ساروه: ضحكتنى وايد
خليفه: انزين جب يالله
ساروه: لا و لله
خليفه: اعصابج يابنت قلبى ترانى حيل مغرم فيج
ساروه: حركات
خليفه: حركاتى يابنت الناس صويبه لقلبج
ساروه: خليفه
خليفه: اسميه لا ناديته فز قلبى و انتفض جسمى
ساروه: بسير خلاص
خليفه: كنت اظن هالدمعه للى وسط عينى و انت رايح جت معاى تودعك
ساوره: خلوووووووووف
خليفه: فديت منطوقج
ساروه(مستحيه): و لله استحى خليفه اخاف حد اى الحين و يسمعك
خليفه: ان شاء لله فديتج (مسك ايدها) ساروه و لله احبج غناتى (يطالعها بعيون الشوق)
ساروه: و انا اكثر (تسحب ايدها و تركض صوب البنات)

قعد خليفه فى الصاله و هو يفكر فى ساره : اه يا ساره لو تدرين انى اموت فيج اريد احس انى بعلم مب بحلم ياربى انا لين اليوممب مصدق انج انتى تحبينى بعد ماحاولاتى و اصرارى و من بعدعا فقدت الامل ..قعد يطالع التلفزيون و نسى يسير ويا الشباب ..

دخلوا عليه الشباب ................

زايد: وينك للى بيلحقنا
خليفه:............................... (سرحان يطالع التلفزيون)
خالد: الاخ نايم جانه (يتقرب من خليفه) خلووووووووووووووووف
خليفه: و احطبه اشفيك تصرخ (يعدل قعدته) وييييييييييه انتوا من متى اهنيه
ناصر: لا اهناااااااااااك
عبدالله: ليش اتاخرت ياريااااااااااااااال من متى نحن نترياك
خليفه: السموحه انشغلت
فهد: ههههههههههه فى نانسى عجرم
خليفه: لا و لله بس انشغلت اشوى اشفيكم فاجين تحقيق
خالد: لا تحقيق و لا شى عطنى الريموت
خليفه: قولى شو تبا و انا بحطلك

دخلت نوره ...........

نوره: السلام عليكم
الشباب: و عليج السلام و الرحمه
نوره: ممكن اقعد
خالد: هيه ممكن بس نحن شباب اتشوفين حد منا بنات
نوره: لا
سالم: ليش ماتقعدين عند البنات ؟؟!!
نوره: ملل اريد اقعد وياكم
زايد: ليش انتى غير عنهم
نوره: اصلا انا ما اقعد مع يهال
عبدالله: هههههههههههههههه انا اصغر عنج بوايد يعنى انا ياهل اقوم يعنى
فهد: لالالا يابوك بعد انا اصغر عنها انقوم
نوره: جب انتوا الاثنين
سالم: عيب نوروووه
نوره: شو عيبه بعد (اطالع زايد بدلع) شحالك زايد
زايد(فخاطره بذبحها هذى شو تبا): بخير ربى يسلمج
خالد: شو نحن مالنا رب
خليفه: اقول نوره سير سويلنا عصير اذا تبين تقعدين ويانا
نوره: ما اشتغل عندك
خليفه: طلعى عيل ؟؟!! يالله
نوره: ما اريد (تلتفت على الباب شافت قوم ساروه وصلوا) اوووف هذيل شو يابهن
خليفه: منو (يطالع صوب الباب شاف ساروه تبتسم له ) هلا و لله هلا
خالد: هلا و لله بالشيوخ (يطالع ميروه)
نوره: ليش يتن
موزه: نريد نقعد ؟؟!!
ساروه: انتى ليش اهنيه (نظرات التحدى بين نوره وساروه)
نوره: ماشى قاعده معاهم فيها شى
ساروه: لا ما فيها شى
حمدوه: هههههههههههههههههههههههههههه
خالد: هذيه نقعت من الضحك ههههههههههه
زايد: يا اخى برايها خلها تضحك
حمدوه: عاش ولد عمووووه لله يخليك يارب
زايد(نزل راسه مستحى )
موزه:ساروووووووه
ساروه: ها شو ؟؟!!
موزه(تهمس): ليش عبدالله مايرمس
ساروه: ما ادرى
موزه: شوفيه انزين
ساروه: انزين

ساروه: عبوووووووووووود
عبدالله: ها شو تبين ؟؟!!
فهد: اعتدل انزين ورمس اختك
عبدالله(يعدل قعدته): ها سارووه
ساروه: ليش ماترمس و تسولف
عبدالله: مالى بارض
نوره: لله شاغل بالك يتهنابه (اطالع موزه)
عبدالله: سمعى عاد انتى انا محد فى بالج اذا انتى بتخترعين من عندج هذا شى راجعلج

موزه انصدمت بالكلام ونفس الشى ساره للى قعدن يطالعن ..موزه نزلت راسها تحت من الصدمه

نوره: حرام كسر القلوب انزين
عبدالله: جب يالله يعنى غصب احب بنيه انا مب فاظى
نوره: و اقول محد بيشبه زايد غيرك
زايد: ليش عاد ؟؟!!
نوره: ترمسنى يا سلام اول مره يرمسنى بحنان
خالد: اييييييه يابنت عيب عليج شو حنان ما حنان
ميره: عيب نوره و لله عيب
نوره(اطالع اختها): عدال عليج حبيبتى انتى خلاص موقعه على قلبج يعنى للى فى بالج محد بياخذه غيرج
سالم: و لله يانوره يا اصطرج بطراق الحين يلف راسج
نوره: لا و لله (تلتفت على البنات) بقولكن شى ولازم تفهمنه عدال
البنات: رمسى يالله
نوره: تشوفونهم للى قاعدين جدامكم ماخلوا وحده الا رمسوها و ال طلعوا وياها او حتى سهروا معاها
خليفه: انتى اييه اذا ماسكتى قسم بالله يا اعلقج فوق
نوره: خلنى اكمل فاهم
سالم(معصب): نووووووووووووووره
نوره: نعم
زايد: خلها ترمس سالم نحن عندنا حريه راى
نوره: انزين ببدأ فى خالد ( اطالع ميره للى انتفضت )
خالد: ليش ان شاء لله شو شايفتنى حق التجارب
نوره: خالد أكبر صايع فى العين كلها مب مخلى بنيه الا عرف..........................(طراق من ميره على ويه نوره)
ميره: انتى قليله ادب ما تحترمين حد
نوره(حاطه ايدها على ويها): ليش تصفعين
ميره: لانج تستاهلين منه وزود
نوره: شو شايفتنى هاااا (تصرخ)
سالم: بس عاااد (يطالع نوره) انتى للى بديتى ياليتنى لو انا للى صفعتج
نوره: ليش ماصفعتنى (اطالع ميره) هااااااااااا تتحسبينه بياخذج و الا انه بيطالع بوحده شراتج
خالد: جااااااااااااااااااااااااااااااااااااااااااااااااا اب
نوره(اطالع خالد وهو معصب وهيه خايفه)
ميره:.....................................(مصدومه و خايفه لا تفضحها نوره)
نوره: شو؟؟!!
خالد: ارمسى عن عمرج و لله لو تيبين ظفر وحده من بنات خالتج و الا خالج ذيج الساعه ارمسى
نوره: قول لو تيبين ظفر ميره .........(طراق سالم طيحها على الارض)
سالم: ارمسى يالله راوينى ما تتمين طراق بعد
نوره: اصلا القعده وياكم حراااااااااااااااااااام