منتديات بنوته - عرض مشاركة واحدة - ++::بعد ماجفيت ترجع تقول احبك وانا احبك::++

06-29-2010, 07:25 PM

الظهر فى و قت الغدا عربنا متجمعين يضحكون و يسولفون بس موزه ساكته ساروه من الصبح تراقبها شو فيها ..
ساروه: موزه
موزه: هلا سويره
ساروه: شو فيج مب عايبتنى ..؟؟!!
موزه: ماشى و لله (نزلت راسها)
ساروه: موزه شو مافيج شى رمسى
موزه: ما فينى شى (نزلت دمعتها و قامت من مكانها)

قربت ميره من ساره....
ميره: شو فيها
ساروه: ما ادرى بسير اشوفها (قامت من مكانها تلحق موزه)
ام سالم: اشفيك يابنات
ساروه: ماشى خالوووه بسير اشوف موزه
ام زايد: اشفيها زعلانه منو مزعلنها؟؟!!
ساروه: ما ادرى بسير اشوفها
بوخالد: بسكم عاد من كثر ما تسالنها (يلتفت على ساره) يا بنتى سيرى شوفيها
خليفه: بويه ليش ترمسها
بوخالد: وابوويه عليك و اشعنه ما ارمسها
ساروه: خالى ما عليك منه هو جذا
خليفه: هههههههههههههههههههه انزين و بعد
ساروه: اراويك بس مب الحين
خليفه: انزين اترياج مس المزرعه
بوخالد: بس عاد شو مس مزرعه بعد
خالد: يعنى ملكه جمال المزرعه
بوخالد: عنلاتك بس عااد
بومحمد: ياولدى اشفيك على خليفه
بوخالد :محد مدلعنه الا انته
بومحمد: برااايه
خليفه: تبونى اشل
زايد: خالد نطلع بسرعه
ناصر: هههههههههههه اييييييييييييه شباب شو رايكم انسير صوب العراقيب
عبدالله: وووووووووويه يالله انزين

قعدوا الشباب يتفقون على السيره ويحاولون يقنعون يدهم و اما ساره سارت صوب موزه اول مادخلت الغرفه شافتها طايحه على السرير اتصيح تقربت منها و حطت ايدها على راسها
ساروه: حبيبتى شو فيج
موزه:.........................................
ساروه: كلمينى موزه و صدقينى بترتاحين
موزه: ......................................( تقول فى خاطرها شو اقولج ياساره اقول انى احب اخوج و انى اتعذب )
ساروه: يالله قولى موزه عااد
موزه: مافينى شى ساروه و لله (تصيح بصوت شبه مسموع)
ساروه: ليش كل هذا شو فيج خبرينى
موزه: انا تعبانه يا ساروه و لله بموت
ساروه: بسم لله عليج اشفيج قولى
موزه: بقولج بس حلفى انج ماتقولين و لا تسوين شى
ساروه: شو مب واثقه منى
موزه: حلفى انزين
ساروه: و لله انى ما اقول يالله قولى خوفتينى
موزه: انا ....
ساروه: انتى شو ؟؟!!
موزه(وقفت سارت صوب الدريشه): انا احب عبدالله تعبت من كثر ما اخبى كل هذا فى قلبى
ساروه: ادرى (تبتسم)
موزه(باستغراب): شو تدرين
ساروه: موزه الحب مب عيب و لكن نحن عاداتنا و تقاليدنا تفرض علينا ان هذا الشى عيب بس شى اسمه حب بالعيون وهذا الحب يدخل للقلب بسرعه
موزه: و انتى و خليفه
ساروه: صح انى انا احب خليفه اكثر عن اى شى فى هالدنيا بس انا وياه نعرف اشكثر نحب بعض وانتى ياموزه اذا انتى تبين عبدالله يحبج لازم تقوين قلبج لان عبود اخوى صعب المراد
موزه: يعنى
ساروه: يعنى اذا حبج مستحيل يخليج لغيره
موزه(بفرح): صدق
ساروه: يالخبله يعنى لازم كل شى ينبنى على الصدق
موزه: ادرى و لله ساروه
ساروه: يالله عيل لازم تساعدين عمرج انج تكسبينه
موزه: انزين
ساروه: يالله ترانا طولنا عليهم يالله انروح
موزه: ههههههههههههههههاااااااااااااااااااى انزين
ساروه: هههههههههه يالله انزين

نزلن ساروه و موزه تحت عند اهلهم ويسمعون الشباب و هم يقنعون يدهم ...
خليفه: يدى حبيبى دخيلك
بومحمد: اذا انتوا مستغنين عن عماركم ترانى انا هب مستغنى عنكم
خالد: انزين تعالوا معانا
بوخالد: و لله فكره اشرايك ابويه
بومحمد: شورك
بوخالد: هيه نعم بويه
بومحمد: ياحرمات يالله ركبن السياير بنسير معاهم
خليفه: لازم الحرمات
ام زايد: قاعدين على راسك
خليفه: على كرسى سيارتى

الكل: هههههههههههههههههههههههههههههههههههههههههه

طلعوا كلهم صوب العراقيب و الحريم و البنات قاعدات تحت السدره وحطن الشاى و القهوه و الكيك وبومحمد يشوف الشباب و هم يقحصون و يلعبون بالدراجات و البنات قاعدات يصفقن ويصارخن و الشباب ميتين من الضحك عليهن ...خليفه سار صوبهم ..
خليفه: منو بتركب معاى
البنات: امممممممممممممممممم
ام زايد: اشرايك اركب وياك
خليفه: بطيرج فوق
ام زايد: بقعد ابركلى
خليفه: انا قلت بنات ماقلت عيوز
ام خالد: وابوى عليك من ولد شو هاللسان
بومحمد: خلوووه
بوخالد: شو هالبزا كله
خليفه: هلا عاش خليفه ..حمدوه بتركبين
حمدوه: لالالالالا ساروه ركبى انتى
ساروه: انا ؟؟!! (مستحيه اطالع خليفه)
خليفه: هيه يالله تعالى
بومحمد: انته تباها من لله
خليفه: ههههههههههه يالله ساروه
ساروه: لالالا استحى
خليفه: تعالى عااد بسير ترانى
ام زايد: وين تبابها
بومحمد: يالله ساروه ركبى وياه
ساروه: استحى يدى
بومحمد: انا سامحلج يالله
ساروه: صدق و لله (فرحانه الحبيبه)
خليفه: يالله عاد ذليتينى
حمددوه: عاشت ساروه
ساروه: هههههههههههه انزين

ركبت ساروه ورى خليفه و هيه مستحيه وقافطه من الخاطر وداها عند العراقيب و قعدت اتصارخ واشوى و بتصيح وقف خليفه
خليفه: ساروه لا تصارخين على اذنى
ساروه: خلنا نرجع و لله خايفه
خليفه: ههههههههههههه لا تقولين حق حد
ساروه: لا تضحك ويا ويهك
خليفه: انزين بنرجع تمسكى
ساروه: انزين (تتقبض فيه بالقو)
خليفه(مستحى): ساروه لا تذبحينى
ساروه: يالله تحرك

تحرك خليفه بسرعه بالدراجه صوب اهله وين قاعدين وساروه خلاص اشوى و بتموت ...بومحمد اشر على الشباب علشان يرجعون ويقعدون وياهم ..
بومحمد: ما بغيتوا تقعدون اشوى
خالد: يدى بالله عليك كل دقيقه و ثانيه تزقرنا و لله فخاطرى اشل بالدراجه
بوخالد: و لله يا احلف انى ارجعهم المزرعه
خليفه: لالالالالا دخيلك بووويه عااد
ناصر: لو انا منك ابويه حرمتهم اياها
الشباب: نصووووووووووووووور
ناصر: لا قصدى يعنى تخليهم يقحصون احسن
سالم: و لله انك
زايد: خالى اشفيها يعنى اذا ركبنا الدراجات
بوخالد: مافيها شى بس يدكم يباكم تقعدون اشوى معاه
ام زايد: و انته صادج يا اخويه
فهد: هيه و لله عاد امايه على كل شى صح صح
عبدالله: ههههههههههه امااااااااااااااااه
ام زايد: ها شو عندكم ..
البنات: غلاسه شباب ههههههههههههههههههههههه
خالد: عنلاتكن بس جب يالله (عصب )
حمدوه: وليش نسكت
ناصر: سكتى يا ملقوفه احسن لا يكفخ بالقب للى عداله
حمدوه: ووووووووووووووويه خلاص بسكت
خالد: لا رمسى اشوفج
بومحمد: ها خليفه ماتريد تعطينا كم من شله
خليفه: ان شاء لله ليش لا بس بشرط
بومحمد: امر ياولدى
خليفه: اريدك تخطبلى نانسى عجرم
البنات: هااااااااااااااااااااااااااااااااااا
ام خالد: يا هالولد ليش عيونك جذا زايغه
ام زايد: ويه تعرفينها هالحرمه
ام خالد: منو بنته بعد ؟؟
الشباب:هههههههههههههههههههههههههههههه
خالد: بنت لبنان هههههههههههه
ساروه: مالت عليك شو عايبنك فيها
خليفه: داشه خاطرى و لله
ساروه(عصبت):لا و لله صدق خبل
خليفه: فيج ؟؟!!
ام خالد: اشقلت هااا
خليفه: ها ماشى
بومحمد: يالله خليفه ودر سوالف البنات عنك وشل شله يالله
زايد: يالله عاد ذليتنا
خالد: خلوف يالله
ناصر: بس عاد (يلتفت على ساروه) ما عليج منه يحب يغايضج
ساروه: برايه و لله انا راسى يعورنى منه
ام زايد: لو ريلج شو بتسوين
خليفه: هههههههههههههههههههههههههههههههههه
ساروه:............................................ .
بومحمد: يالله خليفه