منتديات بنوته - عرض مشاركة واحدة - بنات عز وقلبهم ماعزهم >>رواية رومنسية جريئة (سعودية)

06-06-2010, 11:52 PM

وسارت تبكي >> عبد الرحمن مات

فهد> اية اليوم الصباح وهتون كانت وياه

شهد> طيب يلا باي

رمت شهد جوالها وراحت جري عند نوارا وخلود فتحت الباب بقوة وفتحت الانور وهيا تبكي >> خلود نوارا عبد الرحمن مات

قامو خلود ونوارا مفجوعين >> ايش

خلو> كيف متى

نوارا>> لاإله إلا الله

شهد وهيا تبكي >> تو الصباح وهتون هناك تعبان

خلود>> قومي بسرعه نورح

نوارا>> يلا امشو

لبسو نوارا وخلود وشهد عبيهم ونزلو جري ينادو سيبايدرمان

شهد وهيا تبكي >> هذا فينو الخرا مايرد

نوارا>> ياشهد اكيد ود هتون مو موجود

خرجت شهد تجري على الشارع ووقفت سيارة تاكسي

خلود>> شهد كيف نركب تاكسي

نوارا> يلا ياخلود

ركبو البنات مع التاكسي باكستاني وقالو لويروح التخصصي

ام عبد الرحمن اول مادخلت الغرفة لقت عبد الرحمن متغطي راحت جري عندو وسارت تبكي على صدرو مسكت يدو الباره وحطتها على خدها وسارت تشهق وتبكي >> حبيبي يانور عيني ياضناي عبد الرحمن قومي ياعمري قوم ياروح امك ابغى افرح فيك وازوجك هتون قوم ياعيني قوم لاتخلي امك تتعب من بعدك قوم ياظناي قوم يروحي وياسندي وظهري

ابو عبد الرحمن وهوا يبكي ويمسح عيونو بالشماغ>> الله يرحمو لاتسوي كدا في نفسك امانه وربي اخذها

ام عبد الرحمن مسكينة في حاله >> لا لا عبد الرحمن لا مين يدخل عليا من بعدو مين يسلم على راسي ويقولي ابشري ياغالية مين ولدي عبد الرحمن

شال ابو عبد الرحمن زوجتو وخرجو برى

وصلو شهد واخواتها المستشفى وعلى طول راحو على المكتب شهد تعرف مكانو لانها جات قبل مع هتون

فتحت شهد الباب من غير ماتدق الباب>> هتون

فهد>> هتون تعبانه ماخذة ابرة مهدء

شهد وهيا تبكي >> فين عبد الرحمن

فهد وعيونو حمرة زي الدم>> اهلو عنده الحين يسون اجرائات الوفا فوق

شهد>> خلود خليكي انتي ونوارا وانا بطلع لاامو

خلود وهيا تبكي >> طيب

طلعت شهد ولقت ام عبد الرحمن عند الباب حق الغرفة تبكي راحت شهد جري ووحضنت ام عبد الرحمن وهيا تبكي >> الله يرحمو ويغفر لو

ام عبد الرحمن>> راح الغالي ياشهد راح نور عيني راح قلبي وعمري وفرحت ايامي راح حبيب هتون راح

شهد وهيا تبكي >> الله يرحمو ياخاله لاتقولي كدا قولي إنا لله وإنا إلية لا راجعون

ام عبد الرحمن>> ااااااااااااااااااه ياشهد اااااااااااااااااه راح راح الغالي

هذا امر الله إذا اراد شي ان يقول له كن فيكون امر من فوق سبع سموات انو عبد الرحمن يموت ومات لاإله إلا الله

مرة الوقت وسارت الساعه 10 ونص وريما ورنيم ماعندهم خبر بأي شي لانو مافي أي وسيلة اتصال بينهم

فاقت هتون والدموع في عينها وهيا تنادي >> عبد الرحمن عبد الرحمن

لقت فهد واخواتها جمبها رفعت هتون يدها بكسل ومسكت يد شهد>> شهد مات عبد الرحمن راح وخلاني تركني ياشهد تركني

شهد وهيا تنزل الدموع من عيونها تحاول تمسك نفسها >> هتون لاتقولي كدا ادعي لو

هتون وهيا تبكي >> ااااااااااااه ياشهد اااااااااااااااااه نار في قلبي راح الغالي راح ماراح يرجع تاني ياشهد اصحي مين الصباح من حيقول يدلوعتي بعد كدا مين حيسلم على راسي مين حيخاصمني لما اسوي حواجبي ياشهد مين حيقولي ياهتون احبك ااااااااااااااااااااه ياشهد ااااااااااااااااااه راح من وسط قلبي ياشهدااااااااااااااااااااااه

دكتور فهد ماقدر يمسك نفسو طلع من المكتب وخرج الشارع وسار يدخن

نوارا وهيا تبكي >>هتون لاتسوي كدا في نفسك قولي لا إله إلا الله ادعي لو

هتون>> راح يانوارا الي يقولك ياسنفورة راح

نوارا سارت تبكي تحب عبد الرحمن ومرة كان مدلعها ومايناديها غير سنفورة عشنها اصغرة وحده

خلود شويه شديد حضنة هتون وسارت تهدي عليها >>> هتون قولي لاإله إلا الله مايجوز تتسخطي هذا امر الله واحنا هنا في الدنيا عابرين سبيل ورايحين

هتون >> تعب ياخلود وهوا ينازع صدرو يطلع وينزل تعب حبيبي وهوا ينازع

خلود >> ياهتونعانى الرسول صلى الله عليه وسلم من هذه السكرات،في مرض موته صلوات الله وسلامه عليه كان بين يديه ركوة أو علبة فيها ماء، فجعليدخل يده في الماء فيمسح بها وجهه، ويقول: [لا إله إلا الله، إن للموت سكرات] [أخرجه البخاري]. وهذا سيد البشر قول لاإله إلا الله

هتون >> ااااااااااه لا إله إلا الله

صحيت ام هتون من بدري وقالت للشغالة تنادي البنات يفطرو معاها

طلعت الشغاله مالقت احد

>> ماما مابي بنات

ام هتو>> ليش فين راحو

>>انا مافي شوف

اخذت ام هتون جوالها واتصلت على هتون

دق جوال هتون

المتصل امي

نوارا>> هتون امي

هتون وهيا تبكي>> قولي لها عبد الرحمن مات

نوارا>> ايوا امي

ام هتون>> ماشاء مالكم كبير ترجعو لو تخرجو من راسكم

نوارا>> امي عبد الرحمن مات

ام هتون تعرف انو هتون تحب عبد الرحمن من زمان من ايام ماكانو جيران عبد الرحمن

ام هتون >> إنا لله وإنا إلية لاراجعون متى

نوارا>> اليوم الصباح

ام هتون>> لاحولة ولاقوة إلا بالله طيب كلمتو امو

نوارا>>> طلعت لها شهد بس دحين امو راحت البيت عشان العزا

ام هتون>> وفين ودو عبد الرحمن

نوارا>>> ماادري بس اظن بيدو البيت عشان يغسلو ويصلو عليه الظهر

ام هتون>> طيب روحو انتو على عند ام عبد الرحمن وانا كمان ساعه والحقكم

نوارا>> طيب يلا باي

ام هتون >> باي

شهد>> ايش تقول امي

نوارا>> تقول روحو على بيتهم عند ام عبد الرحمن وانا الحقكم

قامو هتون >> يلا ياشهد

خرجو البنات كلهم وعند باب المستشفى لقو الدكترو فهد

فهد اول ماشاف هتون راح لها جري>> عظم الله اجرك

هتون وهيا تبكي >> اجرنا واجرك

شهد>> يلا ياهتون

ركبو البنات السيارة وراحو على بيت ام عبد الرحمن ودخل الدكترو فهد المكتب حقو وهوا مهموم ومضاااااااااااااااايق

سبايدرمان>> هتون ليش يبكي

هتون>> عبد الرحمن مات ياسبايدرمان

سبايدرمان>> الله اكبر ياربي كويس هذا ابد الرهمان يالله يارهيم

شهد >> هتون اعطي راكان وانس خبر

هتون>> كلميهم انتي

اخذت شهد جوال هتون واتصلت على راكان

راكان في اجتماع وحاط جوالو على السايلنت بس على الهزاز

راكان >> وان شاء الله المشروع دا راح يكون تحت اشراف انس

خالد>> ان شاء الله طال عمرك

لف راكان لقى جوالو يدق من هتون استغرب

راكان>> خلاص انتهى الإجتماع اتفضلو

رد راكان >> الو

شهد>> راكان

راكان>> ايوا هلا شهد

ايوا>> ايوا

راكان>> اخبارك

شهد>> الحمد لله .. راكان

راكان >> هلا

شهد وهيا تبكي >> عبد الرحمن مات

هتون لما تسمع عبد الرحمن مات على طول تنفجر من البكي

هتون>> مات عبد الرحمن مات راح مني خلاص راح

راكان انصدم >> ايش متى

شهد>> اليوم الصباح

فتح راكان ازرا الثوب >> إنا لله وإنا إلية لاراجعون الله يرحمو

شهد>> احنا رايحين على بيتو واتوقع انهم بيصلو عليه الظهر قول لأنس طيب

راكان >> انا دحين امر انس واروح على بيتهم

شهد>> طيب

راكان>> انتبهي لهتون

شهد>> ان شاء الله

راكان> باي

شهد>> باي

قفل راكان من شهد وراح جري على بيت انس

انس دوبو صحي من النوم وجالس في غرفتو

ودي اكون أي شخص ثاني
أي شخص عابر والتقى بك

المتصل راكان

انس>> هلا والله

راكان >> انس انت فين

انس >> انا في البيت ليش