منتديات بنوته - عرض مشاركة واحدة - بنات عز وقلبهم ماعزهم >>رواية رومنسية جريئة (سعودية)

06-05-2010, 07:32 PM

ام ريما >> سلام عليكم
ام هتون >> هلا وعليكم السلام
ام ريما >> فينك ياحرمة
ام هتون >> والله غاطسة مع ابو هتون
ام ريما >>> ليش ايش عندكم
ام هتون >> ياختي عشان حسام الي متقدم لخلود بيسأل ويطقس
ام ريما >> اممممممممممم ومارديتو لهم
ام هتون>> إلا خلاص ان شاء الله حيجو يوم الثلاثاء
ام ريما >> ماشاء الله تبارك الله يلا الله يتمم لها على خير يارب
ام هتون >> يارب
ام ريما >> اقولك ايش عندك بكرة
ام هتون >> والله ولا شي
ام ريما>> خلاص تعالي بكرة عند اخت مرة بندر
ام هتون >>> ليش ايش عندها
ام ريما >> عندها ندوة الله يجزاها خير
ام هتون >> ايوا الله الواحد ملتهي في دي الدنيا بس الله يسامحنا
ام ريما >> خلاص بكرة هما بعد المغرب رايحين لاتتأخري
ام هتون >> فين بيتها
ام ريما >> عند بيت ام بندر
ام هتون >> خلاص لما اروح انا اتصل عليكي
ام ريما >د خلاص بأذن الله يلا سلمي لي على ابو هتون
ام هتون >> يوصل ان شاء الله ياهلا
ام ريما >> مع السلامة
قفلت ام ريما من هتون وجلست تتفرج على التلفزيون وام هتون كملت الي في يدها

المغرب الساعه 6 بتوقيت المدينة
جلس انس قدام السفرة في الحرم قبل مايأذن المغرب يدعي
انس >> يارب أسئلك العفو والعافية اللهم استرني فوق الأرض وتحت الأرض ويوم العرض يارب تسهلي كل اموري وترضيني بحاالي وتفتحها في وجهي وماتحرمني من الغالين امي وريما ياااااااااااااااارب
الله اكبر الله أكبر
اشهد ألا أله إلا الله
اذن المغرب وفك انس ريقو
جلست ام انس تدعي لولدها انس ولبنتها لين اذن المغرب وفكت ريقها
خصلو اكل لين اذن المغرب وقامت الأقامة وصلو
اذن المغرب في جده
صحي طلال وغسل وجهو ونزل المطبخ جيعان
ام طلال في المطبخ جالسة تسوي قهوة لها ولصالح زوجها
طلال شاف امو ودخل من غير مايسلم
ام طلال >> وعليكم السلام
طلال وهوا يحط الطبق في المايكرويف >> سلام
ام طلال >> طلال متى حتعدل اخلاقك
طلال مايطالع فيها قدام الثلاجة يطلع جك العصير >> وايش فيها اخلاقي مهي عاجبتك
ام طلال >> حسبي الله ونعم الوكيل
خرج طلال الأكل واخذ كاست العصير ولاكأنو احد يكلمو وطلعو غرفتو
خرجت ام طلال من المطبخ وجلست مع صالح
ام طلال >>خلاص ياصالح انا قلبي تعب من هذا الولد
صالح وهوا يشرب القهوة>> ياشيخه شباب بس يزوج إن شاء الله يعقل
ام طلال >> وهوا راضي يزوج خلااااااااااااص والله تعبت منو
صالح >> ماشاء الله علية ماشي كويس في الشغل انتي كمان وحده وحده عليه مو كلو ورى بعض
ام طلال >>خلاص انا بكلم ام محمد عشان طلال
صالح استغرب >> ايش دخل ام محمد
ام طلال >> ابغى اخطب ريما لطلال
ريما لطلال لاااااااااااااااااااااااااااااااااااا مو معقولة
صالح >> لالا مو دحين استني
ام طلال >> خلاص ياصالح لو ازوج راح يعقل والله كل مااقول لوحده تقول زوجي يعقل
صالح >> لا طلال لسة مو حق زواج
ام طلال >> خلاص كم عمرو
صالح >> ياام طلال الزواج مو عمر الزواج مسؤلية يعني لو كان 20 وقد المسؤلية يزوج بس طلال ماعندو احساس بالمسؤلية
صالح عارف انو طلال يخبص مع بنات عشان كدا قال لا لين يحس انو طلال متأهل للزواج يروح يقول لها
ام طلال >> الله يهدي بس
خلص طلال اكل وغسل يدو واتصل على لينا
لينا جالسة تلبس توها خارجة من الحمام
إلا جوالها أتصل
انا جيلك ونويها بزبط واديني على الباب بخبط هتعمل إية
هتسلم بعديها برحتك عداني العيب نصحتك
المتصل طلال
حط لينا المنشفة من يدها وردة
لينا >>الو
طلال ركز جسمو على السرير >> يااحلى الو
لينا >> هههه من جد
طلال >> من جد ومن عم ومن خال ومن ام
لينا >> هههههههههههه يعني من كل القبيلة
طلال >> كيفك
لينا >> بخير الحمد لله كيف كانت
طلال >> بخير دامني سمعت هذا الصوت
لينا >> طيب صدقتك يابكاش
طلال>> تعرفي ايش اتمنى
لينا >> ايش تتمنى
طلال >> اتمنى نغمتك تدق في جوالي
لينا >> طيب قفل وانا ادق عليك ههههههههههههههههه
طلال >> هههههه تتونسي
لينا >> انت الي قلت
طلال>> لا انا ابغاكي انتي لوحدك تتصلي عليا
لينا >> اها طيب ان شاء الله
طلال >> عندك شي اليوم
لينا >> لا ليش
طلال > ابغى اشوفك
لينا >> ام سوري ياقمور
طلال >> ليش
لينا >> اليوم الخميس
طلال >> طيب ايش يعني
لينا >> يوم الخميس هذا يوم بابا
طلال >> ليش انتي مو مع ابوكي
لينا >> إلا بس بابا طيار ومااشوفو غير يوم الخميس
طلال >>> ياريتني بابا
لينا>> ههههههههههههه طيب يابابا
طلال >>> طيب متى اشوفك
لينا >> خليها بالتساهيل
طلال اتنهد >>> والله جننتيني
لينا >> ههههههههه حرام عليك
طلال >> من جد ترى
لينا >> طيب يامجنون انا لازم اقفل
طلال >> افا ليش التصريف
لينا >> مو كدا بس والله توي خارجه من الحمام وابغى البس
طلال >> ياويلي عساني اصبر
لينا بصوت حاد >> طلال
طلال>> خلاص خلاص اسفين
لينا >> ههههههههه يلا اكلمك بعدين
طلال >> اوكي ياقمر يلا باي
لينا >>> باي
قفلت لينا من طلال وكملت لبس
قفل طلال من لينا وقام يبغى يلبس ويطلع يتمشى
إلا جوالو اتصل
نغمة روك
المتصل رامي
رد طلال
طلال >> هلا والله رامو
رامي >> فينك ياخوـــــــــــــــــــ
طلال >> هههههههههههههه في البيت
رامي >> عند شي اليوم
طلال >> لا والله
رامي >> طيب كلم خويلد وتعال على الدرة
طلال >>> ايش عندكم
رامي >> ولا شي حفلة
طلال >> حفلة حفلة ولا حفلة والسلام
رامي >> افا انا رامي
طلال >> ههههههههههههههههههههه طيب اوكي انا دحين اكلم خلوود ونجيكم
رامي >> اوكي يامان يلا باي
قفل طلال من رامي ودق على خالد
خالد جالس على السرير صحي من النوم ولسة موضوع مروج باقي في راسو
ياصاحبي وش فيك جالس لحالك
لي شانت متغير ومشغول بالك
المتصل
6lal
رد خالد >> هلا طلال
طلال >> يالله ريحتك لهنا واصله قوم
خالد >> ياشيخ من اول صاحي
طلال >> عند شي اليوم
خالد >> ليش
طلال >> رامو مسوي حفلة محترمة في الكباين
خالد >> والله ياطلال مااضمن اجي
طلال >> افا ليش
خالد >> ياخي النفسية اكس
طلال >> ليش
خالد > والله ياطلال بعد الي سار امس احس اني متلخبط
طلال >> يامان قوم بلا هبل تلاقيها زي الجنية مافيها شي
خالد >>> ماادري ياطلال
طلال >>قوم قوم انا دحين بمرك نطلع سوا
خالد >> طيب اوكي
قفل خالد من طلال ودخل الحمام وغسل وجهو كل مايغمض عيونو تجي صورة مروج قدامه

الساعه 5 بتوقيت فينيسيا
صحيو البنات من بدري ولبسو ونزلو يتمشو
شهد >> ريمو جبتي الكاميرا
ريما >> شور يابيبي
ابوريما >> يلا تعالو عشان انخذ قارب ونروح نتغدا
خرجو البنات من الفندق ومشيو شويا على رجولهم لين وصلو لعند القوارب

هتون >>> اف اف ايش دي الزحمة
خلود >>والله من جد
ابوريما >> تعالو نركب هناك يلا
راحو البنات مع ابوريما وركبو القارب
رنيم >> والله ام الفلة صراحه
نوارا>> من جدحماس لما تتنقلي بالقوارب
شهد >> عمي ليش سواقين القوارب يلبسو مخطط
رنيم >> من جد كانو محكوم عليهم في السجن هههههههههههههه
ابوريما >>> ههههههههههههههههه عشانو سواق تاكسي
رنيم >> ايوا الله صح احنا تتذكرو تاكسي زمان اصفر واسود هههههههههههههه
هتون >> يعني هما ابيض واسود ها
خلود >> عليكي نور هههههههههههههههههههههههههههههههههه
ابوريما >> ريمو ليش ساكتة
ريما في عالم تاني جالسة تعيش اللحظة في فينيسيا وتتفرج على كل شي حولها
رنيم >> يوه ريمو حالتها صعبة مهي معانا مرة
ريما انتبهت انو في احد يكلمها >> ايش احد ناداني
نوارا >> لا طالع عمرك خليكي في خيالاتك مسرحه هههههههههههههههههههههههه
مااهتمت ريما لكلام احد وسارت تتفرج على كل شي حولها بإعجاب

صورة ريما القوارب والمممرات وكل شي حولينها

لين جات عند ناس بأقنعه
ريما >> بابا شوف هذول لابسين اقنعه واااااااااااااااو
رنيم >> الله شكلكهم يجنن
هتون >> من جد شكلكهم خرافي
ابوريما >> ايوا عاد الأيطالين عندهم هوس في الأقنعة
سواق القارب لاحظ اهتمام البنات في الناس المتنكرة بالأقنعه
سواق القارب >>Very clear Girls love Masks (واضح جد أنبهار وحب الفتيات للأقنعه)

ابوريما >> Yes, often ( نعم كتيرا)
سواق القارب >> Do you want to go to the factory masks (هل تريدون الذهاب إلى مصنع الأقنعه)

ابوريما>> Yes, but after Algma (نعم لكن بعد الغذا)

سواق القارب >>Well begun but before the carnival masks(حسنا ولكن قبل بدأ كرنفال الأقنعه)

ريما كانت قاطه اذنها مع السواق
ريما >> الله اليوم كرنفال الأقنعة
ابوريما >> ههههههههههههههه ماشاء الله انتي معانا
ريما راحت جري ومسكت في ابوها >> بابا الله يخليك نروح نشتري اقنعه للكرنفال
ابوريما >> حاضر نتغدا وعلى طول نروح
رنيم >> الله بنشتري اقنعة
نوارا >> ام الفلة حمااااااااااااااااس
وصلو البنات عند المطعم

ابوريما >> يلا يابناتي وصلنا
وقف صاحب القارب جمب الدرجة ونزلو البنات وهما ماسكين في العامود الأحمر والأبيض الي في الصورة
ريما >> جيعاااااااااااااااانه
شهد >> والله بموت من الجووع
ابوريما >> يلا تعالو ندخل