منتديات بنوته - عرض مشاركة واحدة

02-06-2012, 08:34 PM

بالديره
عند جاسم

بعد ماصلى العشاء طلب من العمال يتركون الشغل ويرجعون بكره بدري لانه منهد حيله ما يقدر يكمل معهم

دخل البيت وهو تعبان طلع فوق من غير لا يمر جداته وامه طلع المفتح من جيب بنطلونه وفتح الباب ودخل غرفته الي محرم على احد غيره يدخلها نزل حذيانه ورمى نفسه على السرير بلبسه ومن الارهاق والتعب نام

في الطائف
عند خالد

دخلو الشباب القصر منبهرين من جماله وكبره بحياتهم مادخلو قصور بهالمستوى الراقي

استقبلهم خالد بترحيب ودخلهم المجلس بداية الجلسه كانو مستحين وشخصية خالد اقلبت الجلسه لسوالف وضحك

خالد / وش رايكم شباب قبل العشاء تشوفون سكنكم اذا بتغيرون فيه شي

مطلق / اكيد بيعجبنا

مشعل بمزح / نحب ايدينا مقلوبه من بيت بالديره لفله بالطائف اقرصني مطلق ابي اصدق

مطلق قرصه قرصه قويه

مشعل / وجع قطعت لحمي امحق ولد خاله

وليد / ههههههههههه تبيني اقرصك مستعد

مشعل / لا وراي مستقبل تبيني اتزوج ناقص لحمي

خالد / ههههههههههه تستاهل انت الي تبيي تنقرص

مطلق / وانا مابي اخلي شي بنفسك

وليد بجديه / ما شاء الله عليكم كانكم اخوان وربي تدخلون القلب بسرعه

خالد / والله انك صادق

مشعل / اخجلتونا الطيور على اشكالها تقع وعلى قولة المصرين حلة ولئت غطاها

خالد / هههههههه يله مشينا نشوف الفلل ترها قريبه من القصر ما يحتاج لسياره

وليد / زين علشان اهلنا يتعرفون على بعض

قامو وطلعو مع خالد وشافو الفلل الي بيسكنونها كلها نفس التصميم ثلاث فلال سورهم واحد مقسمه بينه بجدار

وفله بعيده عنهم قريبه من قصر هند مختارتها لهنديانا وزوجها تبيها تصير قريبه منها

انبهرو بالفلل وبالديكور من غير اثاث وفيه عمال يشتغلون يسون بعض التعديلات والتغيرات الي طلبتها منهم

رجعو مع خالد للقصر وهم مبسوطين بالسكن الراقي لهم ولهاليهم ما توقعو في يوم من الايام بيسكنون بيوت بهالمستوى

دخلو كان العشاء جاهز تعشو ورجعو للمجلس

عند هند
جالسه بالصاله فاتحه لاب توبها وفتحت مواقع عالميه انصدمت من الخبر المنشور بالجرائد العالميه

تم كشف العصابة التي تسببت باغتالت المنيونيره هند الفهد والفضل لاحد افراد العصابه زياد ال... ولكن للاسف دفع حياته ثمن كشفه للعصابه

رفعت جواله وتصلت على خالد الي كان بالمجلس

خالد لما شاف رقم / شباب البيت بيتكم دقائق وجايكم

دخل شاف هند شكلها متغير قرب منها

خالد / وش فيك

مدت عليه الاب توب وصدمته اكبر من صدمتها كيف زياد هو الي كشفها وين كلام جاسم انه بيكشفهم

خالد بعصبيه / معقوله جاسم كان يلعب فينا

هند / خل جاسم عنك كان محترم معي ومثل ماتزوجني مثل ماطلقني

خالد / ابي افهم شلون زياد يكشفهم وهو الي اغتالك

هند مستغربه / منو قال انه زياد

خالد / اجل من

هند / لما صوب علي المسدس قال هذي من عامر
وهذ ماعرفه ولا قد تعاملت معه يمكن كان زياد وسيط بينا وحاط اسمه على الاوراق مدري اهم شي انزاح الخطر

خالد بفرح / اللهم لك الحمد

هند بجديه / لازم تعلنون ان وفاتي كانت اشاعه لمتى بابقى ميته عند الكل

خالد / انتظري شوي لا نستعجل خلينا نتطمن اكثر

هند بعصبيه / اسبوع اقصى حد ولا انا الي بتصرف

خالد ضمها من قلب / وربي لسوي حفل بهالمناسبة لا صار ولا ستوى وخلي العالم الي حضرت وفاتك تحضر رجوعك

هند بحب / مابي حفلات ياليت تتصدق فيهم

خالد / ان شاء الله كم هند عندنا يله بروح لرجال تاخرت عليهم

هند جالسه تفكر ومحتاره وفي نفسها / ليش زياد كشف العصابة وش اسبابه وهو اول المستفيدين من اغتيالي
وتغير تفكيرها لجاسم معقوله انه مستغل الي صار لصالحه لكن ماستفاد شي مني الا التجريح وللحين بنت بنوت وش يدريني اني بنت بنوت

هند خافت من تفكير وسواس ان جاسم معطيها منوم وداخل عليها
انرعبت من هالفكره شلون بتتاكد وهي بتفكيرها المدمر
دخلت غاده وهنديان محملات باكياس اخذت هنديانا الاكياس لغرفتها
وغاده دخلت لصاله لقت هند سرحانه قربت وجلست على الكنب

غاده / هنوده وش الي شاغل تفكيرك
هند مدت لها الاب توب

فرحت غاده من الخبر وقربت من هند وضمتها

غاده / اللهم لك الحمد غمة وانزاحت المفروض تفرحين

هند بخوف / غاده جاسم استغل الازمه لصالحه

غاده / وش استفاد وانتي مثل مانتي

هند بجديه / وش يدريني يمكن منومني وحقق هدفه من زواجه

غاده / محلوله امشي معي لدكتوره نسائية تكشفين عندها وهي تثبت لك

هند بعصبية / هذا الي باقي اعرض نفسي للفضائح والقيل والقال

غاده بهدؤ / اجل وش الحل بنظرك

هند بامر/ جيبي الدكتوره هنا بالقصر ويصير كل شي سكات

غاده / اهم شي نلاقي دكتورة ثقه وانا هنا ماعرف

هند / ماتعرفين دكتوره نسائية

غاده / لي زميله قمة بالاخلاق تشتغل بمستشفى ال ...... لكنها برياض وش بيجيبها هنا

هند باصرار/ حاولي فيها وادفع لها الي تبيه مابي اعيش بشك بيذبحني

غاده بجديه / واذا صار الي خايفه منه تراه كان زوجك وهذا من حقه

هند بعصبيه / والله والي خلقني لو الي خايفه من صار ليحفر قبره بايده وخليه يلعن الساعه الي استغفلني فيها

غاده / خلاص بكلم المستشفى الي تشتغل فيه واترجاها تجي وبطيارتنا هي وزوجها

هند / بسرعه كلميها وقولي لها بكره تكون عندي مابي اجلس على اعصابي

طلعت غاده من عندها ودخلت لغرفتها واتصلت على رقم المستشفى وطلبت منهم تحويلها على الدكتوره
عرفتها على نفسها ورحبت الدكتوره فيها وطلبت منها تجي ضروري لطائف لانها حامل وتعبانه اعتذرت لكن مع اصرار غاده وافقت تجي ويكون زوجها معها

الدكتوره طلبت انها تجي بدري لانها بترجع بدري عندها عمليه بالليل وافقت غاده واخذت منها رقم جوالها

قفلت من الدكتوره وطلعت لهند الي جالسه تحرق باعصابها

غاده بابتسامه / ابشري بكره الظهر وهي عندك
هند بقلق / ماتقدر تجي الصباح

غاده / برسل لها رسالة جوال وقول لها ان الحجز الصباح

هند بجديه / تكونين معها اذا كشفت علي وتقولين لها الحقيقة مابي تشويه سمعه

غاده / من عيوني انتي ارتاحي انا ثقتي كبيره بجاسم مستحيل يسوي الي براسك

هند / اصلن طريقة زواجنا واجباري بالمنوم اني اروح معه يخليني اتوقع منه أي شي

غاده / اطلعي ونامي وارتاحي وبكره يصير خير ان شاء الله

هند بحب / تعشيتي

غاده / ايه

هند / شريتي فستان الزواج لهنديانا

غاده / رحت للمصممه وخترت لها فستان فخم وبعد يومين بنستلمه

هند / متى بتخلصون

غاده / اليوم خلصنا الاساسيات باقي شغلات بسيطه

هند / لازم تخلصون قبل الاسبوع الجاي

غاده / ان شاء الله

هند / انا بكره بعتمر تعتمرين معنا

غاده / اكيد احد يرفض العمره متى ناويه

هند / بالليل ويعتمد على الي بتقوله الدكتوره اذا طمنتني ان كل شي مثل مابي عمرتنا بنفس الموعد واذا صار العكس باجلها لين اتفاهم مع جاسم وابرد قلبي فيه

غاده / خلاص بدخل غرفتي بنام

هند / لا تنسين ارسلي لدكتوره رساله قبل لا تنامين

غاده / ا ن شاء الله

دخلت غاده غرفته نزلت عباتها اخذت شور ونامت

عند خالد

دخل عند الشباب والابتسامه مرسومه على وجه متشقق وفرحان من الخبر الي سمعه

خالد / السموحة على تاخري

مشعل / اشوف البسمه شاقه حلقك

خالد / اللهم لا حسد

مطلق بمزح / ترى ولد خالتي نضول

وليد / ههههههه اجل يبينا نسكر عيونه مو بايعين عمرنا

مشعل / اقول لا تخلوني اعطيكم عين بدال ماتصير مطلق تصير مزنه

خالد ووليد / هههههههههههههه

خالد / يا طويلين الاعمار الي مفرحني ان العصابة الي كانت تهدد هند تم القضاء عليها
وذا الاسبوع بننشر بالجرائد المحليه والعالميه ان وفاة هند اشاعه

مطلق سرح فيها مو راضيه صورتها تنمسح من باله كل ماجاء طاريها كانه يشوفها قدامه وهو عارف انها بعيده عنه بعد السماء عن الارض

وليد / ياخوي قولنا ليش العصابة تبي تتخلص من هند اذا مافيه احراج

خالد / مافيه احراج الي سوته هند معهم يخليني امشي رافع راسي عصابة كبيره اساس شركتهم غسيل اموال ومخدارت

كانو يبون تصير شركة هند تبع لشركتهم ومكمله لها عرضو عليها مبالغ خياليه ولما تاكدو من رفضها هددوها بالقتل وقفت بوجيهم ولا اهتمت بالتهديد بعد سنه من اللقاء معهم

لحقوها وهي رايحه لا جتماع وصار الي صار اضطرينا ننشر خبر وفاتها غصب عنها وهي ماتدري هند ما تعودت الهروب مستعده توجهم لو اخر يوم بحياتها

وليد باعجاب / يحق لك ترفع راسك فيها

مشعل / وانا اشهد اخت رجال وبنت رجال عرضت حياتها للخطر تمنع هالسموم عن شبابنا

مطلق جالس مستمع وزاد اعجابه اكثر لهند

مطلق في نفسه / كامله والكامل وجه الله شكل وفعل الله يهنيك فيها ياجاسم ويرزقني زوجه مثلها

يتبع