منتديات بنوته - عرض مشاركة واحدة

02-06-2012, 05:15 PM

بيت عبدالرحمن
الساعه 2 الظهر

طلعت هند من الغرفه ماشافت احد بالصاله اطلعت لغرفة خالد لقتهم نايمين دخلت غرفة عدنان وكان مندمج بالاب توب مانتبه لدخولها قربت منه هند بحيث تشوف وش يطالع فيه كان صدمتها انه يطالع بموقع مخله

هند بصراخ / عدنااااااااااااان وش قاعد اطالع فيه

فز بخوف من صراخها المفاجئ وانصدم ان هند موجوده ولا حس بوجودها وخاف منها لانه متاكد انها شافت الي كان يشوفه

عدنان منزل عيونه بالارض خايف / ............

هند بصراخ / ليه ما ترد هذا جزانا انا وثقنا فيك وسلمناك لاب توب ووفرنا لك الي غيرك يتمناه مايلقاه

عدنان / ...........

هند / مافكرت بابوك وامك واخوانك ونظرتهم لك وانت تناظر مثل المواقع الوسخه تتوقع بيحترمونك ويعتبرونك رجال قد مسئوليتهم

عدنان بخجل من كلام هند / والله يا هند اول مره الموقع معطينيه واحد من لطلاب عندنا وقالي شوفه بيعجبك توني فتحته الا على دخلك

هند / تدري ان المواقع مسمومه والي مسئول عنها يهود يبون يفسدون قولي فايده وحده استفدتها وان اطالع الموقع

عدنان / .........

هند / بترضى ان اختك غاده تشوف الموقع اتوقع انك بتكسر راسها

هند / انا مراح اكسر راسك لانك كبير على الضرب لكن بسحب الاب توب وبمنعك عن الطلعه وان شفت شي ثاني بضربك وبنسى انك رجال

عدنان بحزن / هند انا ماهمني الطلعه ولا الاب توب خذيهم ما بيهم حتى لو تضربيني عادي عندي لاني غلطان

قام وضمها بقوه وهو يبكي من قلب انا الي يهمني رضاك واني ما طيح من عينك تعرفين ان اعتبرك امي الثانيه

هند رفعته عن صدرها وطالع بعيونه

هند بحنان / عدنان انت غلاك من غلات غاده عمري ما فرقت بينكم بالمعامله والله يا عدنان ابي لك الخير وترفع راس امك وابوك وترفع راسي عدنان ابي لك شخصيتك القويه المستقله مو كل من قالك شي سويته لو كان غلط حبيبي الصاحب ساحب صاحب الاخيار والخربانين بعد عنهم لانه بيضرونك

عدنان يطالع فيها / اوعدك يا هند اني ابيض وجهيكم وانا المدرسه من زمان ما هي عاجبتني كل الي فيها خربانين وطلبت من ابوي اني انقل ورفض

هند بحب / من بكره بسحب ملفك وانت تختار المدرسه الي ترتاح فيها كم عدنان عندي

عدنان باس راسها / هند خلي خالد يسال عن المدارس انا ماعرف

هند تاشر على عيونها / من عيوني

طلعت هند واول ما فتحت الباب ناداها عدنان

عدنان / الاب توب ما خذتيه

هند تبتسم / المره هذي سماح لان بصدقك انها اخر مره وبصدق انك تبت ويا ليت تكون عند وعدك

عدنان بابتسامه / انا رجال عند وعدي

هند / منت بنازل يارجال للغداء

عدنان لحق هند وحطت يدها وراء ظهره ونزلو مع بعض

هند / عدنان ابيك بعد ساعه تكون جاهز بزور واحد بالمستشفى ولازم محرم وانت محرمي

انبسط عدنان وانها معتبرته رجال ودعمت فيه الرجوله

عدنان بفخر / ان شاء الله بس لا تتاخرين علي مثل العلة غاده

غاده كانت توها راده من الجامعه غاده / ماعله الا انت احمد ربي الي معطيتك وجه وكل ليل وانت تناديني اسهر معك على افلامك البايخه وانا اجاملك

عدنان / وراء ما تنطمين وتدخلين غرفتك تبدلين

هند راحت لصاله تركتهم لانها تعودت على مناقرهم الي ما ينتهي يتهاوشون ويتراضون ويصيرون حبايب بدقيقه

غاده / ماماتي الجوهره كلمت بتزورني اول مره تجيني ماماتي اذا بتروحين مشوار جيبي لي اغرض لضيافه

هند / تبين شي قولي لعدنان يجيبه لك انا ماني فاضيه

غاده التفتت على عدنان / عدوني حبيبي تجيب لي الاغراض

عدنان / يلعن ابو المصالح توك ماكلتني بالسانك

غاده تسلم على راسه / هههههههه اعرفك عدنان تحبني ما تبيني اتفشل قدام صديقتي

عدنان / طيب بجيب من غير ما تنافقيني

غاده / يافاهمني

دخلت غاده الغرفه بدلت وانسدحت ونامت هند لبست عباتها طلعت مع عدنان رايحين للمستشفى

دخلت هند المستشفى دخلت غرفة مررزوق تطمنت عليه ماطولت اطلعت مرت الشركه لانها ناسيه بعض الاوراق المهمه دخلت ومعها عدنان وعلى طول طلعت وصلها عدنان البيت وراح يشتري الشغلات الي وصته فيهم غاده

بيت ام جاسم
بعد صلاة المغرب

كان فيصل واقف عند راس الجوهره يستعجلها يتعذر ان وراه مشوار على الساعه 7 خلصت الجوهره وركبت السياره ووصلت لبيت عبد الرحمن على طول فتحت لها الشغاله

في بيت عبدالرحمن
بعد المغرب

كانت هند وغاده بالغرفه هند تشتغل على لاب توبها وغاده خلصت لبس وتسوي مكياجه

لبست فستان قصير لتحت الركبه ناعم ابيض بورود ورديه ماسك على جسمها كان مكياجها وردي وشعرها المصبوغ بخصل ثلجيه مرفوع بشكل عشوائي وطالعه قمه بالانوثه والبراءه والجمال

خلصت غاده والتفتت على هند

غاده / ماماتي منتي بجالسه معنا ابيك تشوفين صديقتي

هند / عندي شغل وتكفي عني خالتي

غاده / طيب لا تجلسين بس سلمي عليها

هند ماتبي تقابل الجوهره خايفه ان كل شي ينكشف بالوقت الغير مناسب

هند / اذا خلصت شغلي جيتكم

غاده / طيب بطلع اسمع صوت الجرس اكيد هي

طلعت تفتح الباب وكانت الجلسه بالحديقه لان الجو حلو نزل فيصل الجوهره وطلع راجع للبيت دخلت الجوهره البيت واستقبلتها غاده وخالتها

نوره / ليش امك ماجت معك

الجوهر / ما تقدر تترك جداتي

دخلت غاده تجيب شغلات الضيافه جلست معهن نور شوي ودخلت لصاله جلسن سوالف ووناسه وضحك لين جت الساعه 1 بالليل سمعت الجوهره صوت جوالها اكان فيصل عند الباب يبيها تطلع

الجوهره / غادع ابي شريط الفلم الجديد لتوم كروز

غاده / مدري وش يحببك فيه

الجوهره / اقول انظمي وطيري جيبيه

عند فيصل

اول ماوقف عند الباب تو محمد جاي من برا كان بملابس رياضيه لانه طالع مع الشباب لستراحه ولاعب هناك كوره اول ماشاف السياره واقفه عند الباب جاء عند فيصل وعرف ان اخته عند غاده محمد سلم عليه

محمد / انزل ياخوي تقهو البنات يطولن مايطلعن

فيصل / مره ثانيه

محمد فتح الباب / حلفت عليك تدخل

دخل محمد فيصل المجلس وكان موجود قهوه والحلى

محمد / اسمح لي بغير لبسي وبرجع مراح اطول البيت بيتك طلع محمد فوق وعلى طلعته دخلت غاده قسم الرجال وكانت تغني غاده بصوتها الناعم

ناويلك على نيه
بس انت اصبر اشويه

فز قلب فيصل لما سمع صوتها وهو يدعي بقلبه انها تدخل

فيصل بنفسه / حتى بختيارها للاغنيه تتوعد وتهدد فديتها حيتي يارب انها تدخل وامتع عيوني بشوفتها وبرد قلبي المشتاق

كان فيصل جالس بزاويه المجلس ماشافته غادة لما ادخلت المجلس على طول طارت على مكتبة التلفزون ما تدري عن الي افترسها بنظرانه وانصدم من جمالها ونعومتهادخلت راسها بدرج المكتبه وتتكلم بصوت عالي

غاده بطفش / اوف منك ياخلود انت وحوساتك ما تعرف ترتب الاشرطه يبيلي يوم ادور الشريط الي ابيه

سمعت صوت من وراها / ااااااااه يويل اقلبي وش ها لزين ناويه تذبحيني

رفعت راسها بخوف صقع راسها برف الي فوق فركت راسها من الوجع والتفت على مصدر الصوت انفجعت من الي تشوفه

فيصل يضحك بصوت عالي من شكلها وهي بالمكتبه / هههههههههههههههه

غاده بعصبية / وجع من وين طلعت انت انسي ولا سكني

فيصل بابتسامه وصوت ذايب / انسي الي خربتي سيارته والي جمدتي حسابه والي وقفتيه عن الشغل والي جايب اخته يعتذر

تلفتت غاده حوليها لقت كوره كرستال كبر الكف

غاده بعصبيه / شكلك ما تبت وهذي بعد منى

حذفته بالكوره بكل قوتها اصابته بجبهته وصار دمه ينزف على وجهه

فيصل بوجع والم / يالمجنونه وش سويتي وش ذا الاجرام الي فيك

غاده بقوة / هذي ثمن شوفاتي وعندي اكثر ويله فارق

طلعت غاده من المجلس وفيصل منقهرمنها طلع من المجلس وكلم الجوهره وقال بيتاخرخاف تكشفه الجوهره وعلى طول راح للمستشفى وكلم جاسم يجيه هناك

دخل فيصل غرفة الطوارئ وقالو لازم خياطه وهو بالغرفه دخل عليه اخوه جاسم خاف لما شاف شكل اخوه توقع انه مسوي حادث

جاسم / سلامتك ياخوي

فيصل يتذكر الي صار / ههههههههههههههههه ما قدر يتكلم من الضحك جاسم خاف ان الضربه ماثره بعقل اخوه

جاسم بخوف / بسم الله عليك صاير لعقك شي

فيصل كمل عليه شكل اخوه وهو خايف انه انجن / ههههههههههههههههه وصار يمسح دموعه من كثر الضحك

جاسم بصراخ / قول وش فيك

فيصل توقف عن الضحك / وش تبيني اقول اقول حيتي بطت راسي ثمن شوفتها كل ماشفتها انضريت

جاسم بعصبية / صاحيه ذي ولا مجنونه

فيصل بحب/ اااااااااه يا قلبي شكلي بلحقك بطريق العاشقين تصدق ضربتها على قلبي احلى من العسل اذا كانت الثمن الي شفته اليوم يويلي على الي شفته يا جاسم ما فقت من شوفتها الا بضربه على راسي اشعلت بقلبي نار

ماصار فيني صبر تولعت فيها ياخوي بتزوجها والله ما تتزوج غيري وان فكر فيها احد مجرد تفكير والله موته على يدي متزوجها غصب عليها هي تحتاج من يروضها وانا الي بروضها وانا ولد ابوي

جاسم بنفسه / شكل بنات عمك بيخلنا مجرمين ااااااه من وجع الي بين ضلوعي الي فيني اكثرر بكثير من العشق

جاسم / هههههههههه خلك مثل اخوك خل شوفاتك مسروقه وتبرد قلبك من غير اضرار واصابات الله يقرب البعيد ونصير عدايل انا وانت

فيصل / ياخوي مجنونه مافكرت وش اضرار ضربتها يمكن يصير فيني ارتجاج او تصير بعيني على قولتها افعالها تسبق اقوالها على كل هذا حبها بقلبي يزيد ويكبر شوفتها تنعش لي قلبي احساس لذيد ياجاسم

جاسم بوجع/ تقولي حلاوته وش معذبني وكاويني غير ذا الاحساس انا قررت اخطبها منها لان قرارها بيدها ومتنغصب مع اني ضامن الرفض لكن بسوي الي علي علشان ما تحسف

يتبع