منتديات بنوته - عرض مشاركة واحدة

10-06-2011, 02:13 AM

بعد ماشبعت منـه قالت : خلاص فجن الربااط ..
يزووي صرخت : شو فجن .. حتى انا ابا انتقم ..
ما طالعتي شو سوى فيـه انتي ..
اقوولج بهذلــني واهاني جدام الشبااب ..
روضـه بـ لغه عربيه فصحـى : حسناً لقد اعطيتكِ ايـاه افعلي ماتشـأين
بهذه ( و ضربته بـ ريلها حذال ريوله ) الصــخله الصغيره ..
حمدوه وتصفق : عاش بــــووو جهل عااش ..<< تعيبكم حمدوه ع الخط مره خخخ
رفعت روضـه ايدينها الثنتين : احم احم احم احم ..
.
بدت يزوي تفرغ قهرها فيـه .. ودحته لحد ماشبعت ..
عقبها قالت : خلاص ارباااب ( وهي تهز راسها ) يشبع انا ..
حمدوه : عيل حتى انا اصبري بدحه ..<< الله يعينه طاح فـ ايدين ملعن مخلياتنه لعبه بالدور يضربنه ..
ودحته حمدووه وعقب فجن الربااط وماايد يصرخ ويتوعد انه ينتقم ..
.
نش ماايد بـ شموخ وقال بـ توعد : والله العظيم لـ انتقم منكن شر انتقـام ..
وانتــقام خاص لـ خطيبتي ( وهو يـأشر ع روضـه ) ..
وانتقام ثـاني لكن انتن ( ويــأشر ع يزووي و حمدوه ) ..
.
تركهن بـعد تهديد ..وانفجرن من الضــحك ..
.
سـارن البنات جناح روضـه لانهن ميتتات من البرد خلاااص ..
وردت روضــه تدق ع خــالها وحبيبها وابووها " نــايف " ..
.
كانً البنات كل وحده متفرقعه بـ صووب ..
وفـجأه مايسمعن غير دق ع البــاب ..
.
نشت يزوي وهي تبعد الـغطاء عنها وعن ريولها لانهن متجمدات ..
.
سارت حذال الباب وفجته .. طالعت جدامها مــايد ..
شهقت بـ خووف وقالت : انت شو يابك هني هاه ..؟!
مـايد بـ غروور : ماشي يصعبني .. ع العموم ( وبـ عصبيه ) لاتأخرينيه ..
منو يزوي وحمده فيـكن ..؟!
يزوي : انا يزووي وحمدوه داخل ليــش شو تبا ..؟!
مايد بـ ثقه وغرور : تخسين انا ابا شي منكن ..
مب انا اللي ابا ..مادردي شو يقربن لي اونهن امهاتكن ..
هيه امهاتكن يبنكن تحت فـ الميلس العوود اللي بـرع ..
يزووي :انا وحمدووه ..
مايد ويطالع ع الباب : هيه انتن ..يلا اجلبي ويهج ..
.
وسـار عنها .. وضحكت يزوي على هـ النتفه مب جنه ياهل ..
حدرت داخل وقالت لهن السـالفه وعقبها نشن هـي وحمدوه ونزلن تحت ..
.
ظهرن من الفلـه وهن متوجهات لـ للملحق او بالاحرى الميلس العود ..
كانً حمدوه ويزوي يربعن منو بـتوصل قبـل الميلس ..
وصلن ويـا بعض وفجن الباب مال الميلس بـ اخر قوتهن ..
.
وفـجأه هـــــــــــــــــــــــــــــــــــــــــدووووووو ووء
.
كانً يزوي وحمدوه بـ صدمه معقوله نحن بين كل هـ الحشد من الريايل ..
ولا كان نــص شعرهن من جدام ظااهر ..
كان الميلس متروووووس للاخر ريايل ..
وحمدوه و يزوي وسطهم .. و
السبب منو السبب هاك النتفه اللي قاعد حذال بو هزاع ويضحك بـ خبث ..
تفاديـاً للموقف وبـ سرعه نشو حمد ومحمد ..
وغطوا البنات وظهروهن بـرع لانهن بـ صدمه لـحد احيــن ..
.
بـ خارج الميــلس ..
محمد : يعني ماتطالعن انه حد داخل الميـلس جيه حادرات ..
البنات : ............ " لاتعليــق "
حمد كانت عيوونه مركـزه ع حمدوه اللي منصدمه لحد احيـن ..
.
وفــجأه وبدون سابق انذار حسن البنات ع عمارهن ..
و بحركه سريعه دخلن شعورهن اللي ظاهرات ..
.
ابتعدن يزووي و حمدوه ..
وكـل من حمد و محمد عيونهم كانت اشبـه بـ الحرس اللي يتبعهن ..
.
عقب فــتره .. انتبهوا محمد و حمد لـ عمارهم و
ضحكوا بـ خفه ع عمارهم وهم يطالعونهن وهن يبتعدن ..
.
حدرن يزوي و حمدوه بـ قووه ع جناح روضـه ..
وضربن الباب بـ اليدار من قوه الفتح ..
روضـه بـ قهر وهي عيونها مركزه ع الروايه اللي بـ ايدها : اييه جسرتن الباب ..
( رفعت رأسها تطالعهن .. وطالعت ع اشكالهن اللي ماتبشر بـ الخير ..)
روضه بـ زيغه : اييه شو مستووي طيحتن قلبيه ..
.
قالن البنات لـ روضه كل السـالفه ..
واول ما قالن لها انفجرت من الضحك : هههههههههههههههه اما انه صج
انتقم منكن هـ النتفه ..
يزوي: والله ياروضه لو طالعتيه وهو يقولي مابتشكي فـ الموضوع مول ..
حيوان اقولج يستاهل الاوسكار ع تمثيــله ..
ولا يقولي تخسين مابا شي منكن صدقته قلت اكيد ان امايه
وخالوه يبنـا ..
.
.
بعد مروور دقائق فقــط ..
كانً حمدوه ويزوي لا زالن يفكرن ويرمسن ع الموقف اللي انحطن فيه
وكل وحده تشرح شعورها لـ ثانيه << ههههههههههه خبلات
.
اما عن روضه اللي تقرا روايه غربـيه ..ومندمجه فيها للاخر ..
فــجأه وبدون مقدمات شهقت روضه بـ قووه :هئئئئئئئئئئئئئئئئئئئئئئ
حمدوه و يزوي التفتن ع روضه بـ سرعه ..
تفاديـاً للموقف ضحكت روضه بـ تغطيه وقالت : كان بـ يموت بطل الروايه هههههه
طالعن حمدوه و يزوي بـ قهر عليـها وردن ع سوالفهن ..
روضـه بـ خاطرها : لاحووول شقايل نسيت الموعد اووووووف ..
اكيد احين هزاعوه جالب الدنيـا عليـه ..هو وممرضاته ..
.
احسن شي اتصرف وبسرعه اظهر من هني عسب محد يحس فيـه ..
.
حدرت روضـه ع الاســتوديو بـ فونها وشغلت اغنيـة " احبك اعشقك اهواءك "
لانها مخصصه هـ الاغنية لـ نايف وبس ..
.
سوت بـ حركه تمثيله ع انها تطالع ع الشـاشه وعقب سوت توقيف
وبسرعه ردت .. : ألوووو .. هلا نوافي ..قلبووو احين المره العاشره تدق
عليـه ...فديتك والله ... هااااه اييي وياك .. لاصعبه نوافوه .. مااقدر والله ..
مممم اوك بـ حاول خلاص ..
كانً البنات بـ طول محادثتها الجذبيه يطالعن عليـها .. لحد ماخلصت ..
.
رروضه بـ تمثيل : بنات طلبتكن ..
يزوي وحمدوه بـ نخوه : افاااا والله .. عطيناج ..
حمدوه : روضه شو هـ الرمسه... اللي فـ خاطرج مره قوليه لاتسوين مقدمات ورسميات نحن مابينا هـ الاشياء ؟..
( حست بـ الندم انها تخفي عنهن موضوع شرات هـ الموضوع الخطير ..
بس ماحبت تغثهن وتدخلهن بـ مشاكلها ..كـافي مشاكلها ويـا الفيصل ..)
.
روضه بـ تمثيل وهي تستغفر ربها : ابا اسير ويا نوافووه مشتاقه له مووت ..
بنات اتصرفن ..
.
حمدوه ويزووي يدرن بـ معزه نايف لـ روضه .. ومعزه روضه لـ نايف ..
ويدرن شكثر يحبوون بـعض .. عسب جيه قالن لها ....
حمدووه : رواضي افا عليج سيري ونحن بـ نغطي عليج .. وبـ الاخص انه
تحت امهاتنا بـ الميلس منخشات .. والشباب والريايل بـ الميلس العود ..
روضـه بـ حب صادق لانهن بـ يساعدنها مع انها السالفه مب صدقيه :
فديتكن والله ..
.
ونشت تلبــس عبايتها وشيلتها وحطت الفون بـ الجنطه وخذت سويج موترها ..
.
توجهت لـ باب الجناح وقالت : احبـــكن والله ..
قعدن البنات يتمصخرن ويسون حركات اونهن بـ يموتن ..
وعقب نزلن وياها ..عسب يشردنها من الباب الخلفـي للفله ..
لانهن يخافن حد يطالعها من جدام ..
سواء من البنات اللي قاعدات بـ الصاله " مي وشوق وامل وعواش " ..
او امهاتهن .. او واحد من الشباب ,,
.
ظهرت روضه من الباب الخلفي هي والبنات .. ولحد ماركبت موترها
..مارضن يتركنها ..
ركبت موترها وقبل لاتصك الباب حست بـ الندم ع انها تجذب عليهن وهن
قاعدات يساعدنها ويشردنها ..قالــت بـ ندم :بنات عقب ذكرني ابا اقولكن
شيء ..<< وحليلها ..
( قصدها خلاص بـ عترفلكن عن مرضي اللي زاد عن حده وتفاقم ..
لانه الكل يعرف انه روضه مريضه بس مب مريضه مرض جاايد ..) ..
.
يزوي بـ لقافه وفضوول :قوولـــــي احين ..
سحبتها حمدووه من كندورتها وقالت لـ روضه :سيري غلايه الرب لج حافظ
..وماعليج من هـ النزغه الفضوليـه ..
.
ضحكت روضه مب جنها يزوي اكبر وحده فيهن طاع شقايل يعاملنها ..
.
انطلقت روضـه .. وابتعدت عن المزرعه و دعت لـ ربها انه محد ينتبه لـها ..
.
بس فيـه عيوون كانت تراقب كل تحركات روضـه ..
من لحد مانطلقت من الفله ..لحد مااختفت ..
.
.
وصلـت روضـه المستشـفى ..
.
ونـزلت بـ سرعه وهي متوجـه لـ مكتب الدكتور هزاع ..
.
دقت الباب وهي مثبتـه نظرها للارض ..وحدرت : السلام عليـكم ..
د.هزاع و ........ : وعليكم السلام والرحمـه ..
.
اول ماسمعت الصـوت بـ سرعه البرق رفـعت رأسها وانصدمت من اللي
جدامـها .. وبنبره صدمـه : هذا شو يسوي هنـي ..؟
وهي تـأشر ع الريـال اللي قاعد بـ الكرسي ويرمس الدكتور هزاع ..
الدكتـور هزاع : مم تفضلـي روضـه ( وهو يأشر ع الكرسـي ) ..
روضـه بـ عصبيه : لا مابتفضـل .. اول قولي هذا ( وتأشر عليه بأشمئزاز ) : شو يسوي هنـي ..؟
د . هزاع : روضـه بلاج .. هذا ولـد عمج وهو ياني وقالـي انج انتي بـ نفسج ..
وممم خلـص بــارتنــا لليوم ..
مع العلم انـي طوولته لعيوونكم ..
وتريووني يوم الثلاثـاء بــاذن الله ..
.
.