منتديات بنوته - عرض مشاركة واحدة

10-06-2011, 02:13 AM

حمدووه : لا لاااا صج صج ..قووووووي عيـن .. هههههههههه
روضـه بـ خبث : واللله لا انتقم شر انتقام .. انا براوويك يالســبال .. عيل انا
روضه بنت أحمد تمد ايدك عليـه ..
( وطالعت ع البـنات ) .. بنات بـ تساعدنيه بـ الخطه ..
يزوي + حمدوه : افا عليـج .. نحن وياج بالسراء والضراء ..
روضـه بـ فخر : كفو والله كفـــــــــو ..
.
روضـه بـ خبث وتخطيط : عيل اسمعن شو بقولكـن .. اول شي عسب نقوم بـ المداهمه ..لازم نعرف شو يحـب ..
حمدوه تأشر ع روضـه : مصدقه عمرها مداهمه و شو يحب هههههههه
روضـه بعصبيه : حمدووووه وصمخ جب ابا اكمل ..
يزوي :انا اسمعج يلا ..
روضه :فديتج ياام عيون ساحرات ..
حمدوه : هاي حتى لو حد يبا يساعدها ماتخليـه ..
روضه:انزين خلاص مابقول شي ..
بس اول خطوه نقوم بها ان نـسأل وحده مب بنات خالته شو يحب ..
يزوي وحمدوه فـ نفس الوقت : تقصدين بنات عميه خـالد (بوهزاع)..
روضـه بـ خبث وطولها :عليكن ليــــــــــــت ..
واحين يلا نشن منسير نسألهن شو يحب ..
.
سارن البــنات ويـا بنات عمهن ..
روضـه وتجرب من مي وبـ نظرات خبث : مي حبيبتي ..؟!
مـي بـ طيبتها المعتـاده : امري غلايـه ..
روضه بحب صـادق :فديت طيبتج والله .. محد شرات قلبج الابيـض ..
ابا منج طلب صغنووووون ( وهي تسوي بـ أيدها ع انه صغير ) ..
مي:عيووني لـج ..
روضـه : فدديت عنوونج والله ..
ابا اعرف حبيب قلبـيه مـايد شو يحب ومستعد يتخلى عن كـل شي عسب هـ الشي ..؟!
مي وتفكـر : ممممم شي يحبه ومستعد يتخلى عن كـل ..
( وجنها عرفــته ) هيـــــــــه مالج غير " الباوونتي " من تقولي له باونتي بريبع وراج جنه صخل ههههههههههه
البنات : ههههههههههههه
روضـه بـ خبث : اها ..اوكي فدديتج مشكووره قلبوو ( وطرش لها بووسه ع الطـاير ) ..
.
سحبت روضـه البنــات ( حمدوه ويزوي وظهرن برع يخططن ) ..
بـ الداخل ..
.
ويــا البنــات ..
عواش بـ خبث وحقد : مم ماادري بس قلبيه يقولي انها روضـه بتسوي شي فـ هالولد يحليـله ..
شوق وهي تدافع عن روضـه : لو تبا تجتله برايها حلال عليـها ..
يفداها الا يوم ميوود يستاهل يوم حد بيادبه وبيسكته ..
.
امل:هيه والله .. فديتها رووضه محد شرات قلبها .. ابيـــض وصافي ..
تـحب للكل الـخير .. ومااظن بتسوي فيـه شي ..
وبعدين لوسوت من حقـها الولد ضربـها ..
..
..
ويــا شلتنا الفــاسده " رواض . وحمدووه . ويزووي "
.
روضه وهي تجتف ايدينها : اسمعن الخــطه ..
حمدوه ويزووي يهزن رأسهن جنهن هنديـات : افا عليـج نسمعـج ..
روضـه وترمس عمرها: لاحووول ارمس انا هنود ولا مخبـل ..
مااا عليــنا .. ( وهي تلوح بـ ايدها )
احين بتسيرن داخل وتيبن هـ المقروود التيـس السـبال
الخايس ميوود .. وتقولون لـه انه برع نتريـاه وويانا باوونتي ..
بـ اي طريقه تكون لازم تيبنه وانا هني اترياكن بـ الحبل عسب يوم
ييي نجكه ونربـطه ونطيح تصفيع فيــه ..
شوو رايـكن بـ الخطه ..
يزووي بـ لعانه : شرات ويهج ..
روضه : يزووووووي بسج عاده تراج بـ تنربطين بداله هـ الخبـله ..
يزوي تتحرطم : بس خلاص هاه ( وتحط ايدها ع حلجها )
.
روضـه :يلا حبيباتي ابدن بـ الخطه ( وهي تسحبهن ع جدام ) ..
.
سارن البــنات ينفذن الخــطه ..
.
اول ماحدرن الفلـه ووقفن حذال الدري ..
حمدووه : يلا يززوي حبيبتي سيري لـه ويبيه ..
يلا يالنشميـه يا بنت سلطان ..ونعم والله ..<<يلعن بو التقردين
يزووي بـ نص عين : بسج مدح .. مابا سيري انتي استحي انا ..
حمدووه : لا دزويتي الحلووه يلا سيري ..
يزوي وهي تنفخ عمرها : انزين انزين .. ياخي محد شجاع غيريه انا ..
اونها صاحبه الخطه قاعده تتريانا وقصت عليـنا ..
وهاي اونها انا اسير لاحوول ..
حمدوه بـ عصبيه : بسج وسيري يلاااا ..
يزووي : ووويت ووويت ..( وبـصوت اعلى شووي ) ميــــود ..ميـــــود ..
.
.
بـ الصاله
ويــا الشبــاب ..
.
كانوا الشبـاب قاعدين يطالعون الـ tv ..
اما عن حمد وعبدالباسط وسيـف .. قاعدين يسولفووون ..
.
ضرب سيف بـ خفه ع جتف مايـد اللي قاعد بـ هيبه جنه ريال عمره 20 سنه :حد قاعد يزقرك .. رد ..
مـايد بـ ثقه وعيونه ع الـ tv : اوووه محد انت قاعد تتوهم ..
سيف لوا بووزه وبـ خاطره :اندوكم مصدق عمره هذا هههههههه
حمدوه وهي تسحب يزووي ع جدام عسب تسير وياهم :سيري سيري ..
يزووي: ماابـــااا ماابـــــا اااستحي ..ايـــه وخري ..
وردت تزقره مره ثـانيه : مـــــــــايد مـــــــــــــايد (وفخاطرها : وصمخ ) ..
سيف :واحين اتووهم حد قاعد يزقرك رد ..
مايد بـ خقه : اووووووووه وانا شـ لي فيهم خلهم بـ الطقاق ..
سيف انقهر من رمستـه مب جنه يـاهل موووول : ايييه رد
مــايد :اوووووووه اللي يباني يني هنـي مااروم اتحرك ..
هززاع كان قاعد يطالع عليه ..
او بـ الاحرى تعود ع طبـعه وطلعت ضحكه مخفيـه منه : هههههههههه
يزووي منقهره خلااااااااااااص عنبوه شو هـ الوولد ..
يزووي بـ قهر :اخ يالنذل يسمعني ولا يرد ..
زين اللي بتسويه فيه روضـه ..
حمدووه : ايييييه سيري داخل يلاا ... ( وشاتتها ع جدام
ويزووي ترد ع وراء ..)
لــحد ما تغلبت حمدوه ع يزووي وطرحتها جدامهم ..
تصنمت يزووي من الصــدمه وكل الشباب التفتوا عليـها
يزووي بـ صدمه ولعثمه : مـ.....مــــ..مــيـ...ميوووود مـايد تعال شووي
اباك فـ كلمه رأس ..
مـايد وهو عيونه مركزه ع الـtv : تبين تقولين شي قوليـه جدام الريايل ..
انا ماشي ويايه كلمات رأس ويا البنات .. ( وبـ أشمئزاز ) ..يلاااااا
.
خلاااااااااااااص يزوووي تحس احين انها بـ تجتلـه ماترووم تتحمل ..
هانها جدام الشبـــاب ..
قالت بـ قهر وبـ صوت عاااالي وهي مب منتبهه لـ وجود الشباب وهي
محطيه ايدها على خصرها : نعم نعم اخ ميوود .. شو قلت ماسمعتك
...واذا قلتلك انها السـالفه فيـها باوونتي شو حضرتك بـ تقوول ..
التفت مـايد بـ سرعه صووب يزووي وتبخرت هاك الخقه فـ ثواني وبـ لهفه قال : بـــــاوونتي ..
يزووي وايدها ع خصرها وبـ صووت عالي : هيه بــاونتي ...
ولا اقوولك( وهي تلوح بـ ايدها فـ الفراغ ).. بلاها كلمه باوونتي قوول درازن باوونتيات ..
مــايد بـدون احســاس : درازن بـاونتيات ..
.
اما عن حمدوه فـ هي متفطسه من الضحك ع يزووي وحركـتها القوويه ..
.
يزووي بـ عصبيه : يلا تعال ورايـه .. جان خاطرك فـ الباونتيات ..
نش مايد بدون احسـاس وتبخرت كل هاك الهيبـه والسبب طــاري الباونتي
>>> الله واكبر عليك يالباونتي هههههههههه
مشت يزووي و وراءهــا مــايد جنه صخل يتبـعها بدون احسـاس ..
.
اما عن الشبـاب فـ كلهم مصدوومين من حركه اليــازيه ..
اما عن محمد .. فـ كان مووول مب فـ الدنيـا مطير فـ السماء ..
حركه يزووي طيرت له عقــله ..
.
.
ظهرن البنات من الفلـه و وراءهن مـايد يتبعهن جـنه صـخل ..
.
وصلن البــنات لحد نـاحيه السومينق بوول .. وروضه قاعده بـ الكرسي
و زاخه الحبـل فـ ايدها .. وتتوعد لـ ماايد ..
.
مــايد بـ عصبيـه : اييييييه وين الباونتـي .. ( وهو يجلب عيونه يدور الباونتـي )
روضـه بـ خبث : طالع هنـاك حذال السومينق بوول ..
ســار مـايد وين ما قالت لــه ..
ويفزن بـ ثلاثهن وكل وحده تزخه من صووب ..
مايد تفأجى من حركتهن ودرى ساعتها انه حط عمره فـ موقف لايحسد عليـه
..
ماايد بـ صريخ : اييييييييييه ودرني يـ الجلبات ودرني ..
روضـه بـ خبث : هههههههههههه شو قلت لا لالالالااا مب قبل ما اخذ
حقي منك .( وهي طولها ) ..يااااا مسيــــــو مـايد ..
ربطته روضـه وهي تضحك وهو يحاول يفج عمره عنهن ..
وفــجأه قطع ع مهمتهن الصعبـه اتصـال ع فون روضـه ..
أحبك واعشقك واهواءك وابقى لك على ذكراك ..
<< " ادمنت حبكـ " يتصل بـكـ
روضه بـ صرخه :خيـــــــبه نوااااافي يدق عليـه ..
ردت عليـه : مرحبا السااع والله
نايف بـ عصبيه : لا مرحبا ولا سهلا .. ليش ظاهره برع هااااه ..
دقيت ع بشكارتج وتقول انج مول ماتحدرين البيت كلـه برع .. >>حشى هـ البشكاره رويتر
انتي خاطرج تمرضين ولا شوو .. هااااااااااه ..
روضه وتحط ايدها ع رأسها : نوافي ردينا ع زمان اوول ..
نايف بـ عصبيه : هيه رديــنا ..
روضه بـ سرعه ترمس :انزين ترا انا احين بـ مهمه ..قاعده انفذ مهمه صعبـه ..
صرخت حمدوه وهي زاخه مـايد : اييييييييييييه مراد علم دار خلصنــــا >> تقصد روضـه .. خخخخ
روضـه ردت نظرها للـ فراغ اللي جدامها وقالت : سمعت انا بـ مهمه ..
اوكي قلبو برمسك عقب اوكيك ..
نايف بـ عصبيه وجنه فهم شو روضه مسوويه ولو تربيته : روضه منو زاخات
هاه ..
شهقت روضه .. شقايل عرف :هاه لا محد محد اصلا ما زاخين حد ..
يزوي وتأشر ع روضه وتضرب يبهتها بـ خفه: طالع الغبيه خبرته حتى لو مب فاهم الموضوع بتفهمه ..
روضه :انزين نونو عقب قلبو برمسك بااااي
نايف:روضه والله لو مسويه مشاكل ترا بييج لحد بيتكم ..
لاتقولين مااروم ايي
روضه :انزين انزين ..عصبوا افراد الشله باااي ..<< مصدق عمره مراد خخخ
بند عنها نايف وهو منرسمه فـ ويه ابتسامه ويقول :عسى ياربيه دوم
مستانسه ..
مابا اطالعج وانتي مهمومه يارووضه .. مابا اطالع ويهج وانتي تردين
المـاضي بـ ألمه ..
قالت روضه بـ صوت مرتفع : رد مراد علم دار .. (وتشوت مايد بـ ريلها )
رديــناا .. يلاااا ...
وعقبها نزلت لـه .. وبدت تفرغ شحنات القهر فيـه .. دحته صفعته و رقصه
فيـه كل انوواع التعذيب سوتها ..
وهو يتووعد لها بـ قهر ومزااعج ..