منتديات بنوته - عرض مشاركة واحدة

10-06-2011, 02:11 AM

.
رفعت روضـه رأسها تدور ع شـخص مب موجود ولا سمعت حسه موول
وهي تجلب نظرها طاحت عينها بـ عين هزاع وهو كان يطالع عليـها ..
.
اول ما طاحت عينها بـ عينه .. هو ما التفت بـ العكس ثبت عيونه بـ عيونها
وعطها نظره متروسه من شحنات الغروور والثقه .. اما هي فـ حولت نظرها عنه ماتبا تطالع عليـه ,,
روضـه بـ خاطرها : قوووي العيــن .. عسب يحسسني انه هو شي عوود
وجيه ما خوز عيونه ..
نشت من الكرسي لانها خافت شي فيه .. لانه مب موجود وياهم بـ
الطاوله يعني وين ســار ,,,
حمـدوه تهمس لـ روضه : ع وين ..؟
روضه :احين بـيي ..
.
ظهرت روضـه من الفلـه وهي تدور منصوور
وكانت تمشي وتدور بين ارجـى
المزرعه .. خافت يكون مريض ولا شـي
رووضه وهي تمشي وبـ صوت مسموع : لاحوول احين شو ابا فيه انا مب زعلانه خلاص .. اوووف ابا افهم ياروضـه يوم زعلانه ليش خيفانه عليــه ..
ياها صووت من وراءها : لانه قلبـج عوود وابيــض ..
.
تعرفه هـ الصوت زين .. وتحبه بـعد ..
لفــت بـ سرعه وركزت عيونها بـ عيوونه .. يوم طالعت ابتسامته اللي ع
شفاته ماقدرت تنسى الايام اللي ياما كان وياها وسـاعدها فيـها ..
وقالت بـ خاطرها : انتي يارووضه انتي يارووضه تزعلين ع احد مااتوقع ..
ارتسمت بـ شفاتها ابتسامه خفيفه وجربت منه ..
قعدت تطالع عليـه لمدت ثوواني لحد ما جربت منه وحضـــنته بـ قووه
عقبها قالت وهي بـين احضـانه :اشتقت لك مووت ..
منصور بـ همس : وانا اشتقتلج ووربي .. ماتصدقي شكثر ندمان ووربي ندمان يارووضه ..
روضه : خلا الماضي وراء ظهرك ونحن اولاد اليوم يا منصوور ..
بعدت عن حضنه وضربت بـ جتفه بـ خفه وقــالت : بس عاد .. وين منصور
هاك الملقووف اللي يطفر ويخبل فيه .. تذكر يوم تحضني وتبوسني اونك بـ تقهرني ,,
منصور :وانا اقدر انســـى ..
مشــو ويا بعــض وهو يقولها : تذكرين روضه اول يوم شفتج فيـه بعد
مارديتي من سفرتج .. او بالاحرى اول لقــى بينا خخخخ
روضـه بـ ضحكه مصنعه .. لانها تكره طااري الاربع سنوات الفايتات : وانا اقدر انسـى .. ( وضربته ع جتفه ..) وكملــت : صج صااايع ..
منصووور :ههههههههههههه انا صايع .. انزين يوم صابع بذكرج بـ مووقف ..
وهو يرجع بـ ذاكرته قبــل 4 اشــهر تقريبــا ..
.
كانت روضــه قاعده تتمشــى تحت الشيــر اللي بـ فلتهم ..
ومشغلـه اغنيـــه .. شي ثــانــي ... وكانت مركزه عيونها بـ الارض .. وهي تستمتع بـ كلمات الاغنيـة ..او بـ الآحرى تتعذب بـ كلمات الاغنيــة ..
كنت اشوفك شي ثاني .,
شي غير بها الوجود .,
شي غير لي كياني .,
كسر قيود و حدود .,
شفتك بعيني اماني .,
فجر و طيور و ورود .,
رحله اخرها مواني .,
كل من سافر يعود .,
جيتني عكس الثواني .,
جيتني عكس الوعود .,
قلتلي اني اناني .,
جيتني اعناد و صدود .,
اشتكى عذري مكاني .,
جف به الساني الردود .,
جيتك مع باقي حناني .,
مالقية الى الجحود .,
شفت انك ما تباني .,
صابني منك جمود .,
اهــــ يا قسوة زماني .,
ليش نكران العهود .,
تنهدت بـ قووه وهي بـ خاطرها الاف التســأولات ...
ليش ياعهوود سووويتي جيــه .. ليش .....؟!
.
وفــجأه وبدون سابق انذار ماتحس بـ غير رأسها يضرب بـ شي صلب ..
رفعت رأسها و لـــحد احين منصدمه,,,,
ومن قوه الضربه الي يتها طاحت نص اليـــذله (القصه الامـاميـه لشعرها )
........:السمووحه الشيخه
روضه وبسررعه تدخل شعرها وتعدل شيلتها ومشت وتركت المكان لـ ريال اللي ماتدري منوو ..
بس كانت ايد هـ الريال اسرع منهـا ومسكها وقــال :ع وووين؟؟؟
روضه كانت بتنفجر من هالحركه التافهه واذا تبون الصدق ماتعرف منو هـ الريال الوقح ..
سحبت ايدها بـ قهر منـه ..
منصور:منو انتي؟؟؟
روضه وكل علامات الاستغراب فـ ويهاا...!!!!
وجان تيي من وراها عائشـه : رووووضه روووضه انتي هني وانا اترياج داخـل ..
منصور وبـ جموود :منو روووضه؟!
عواش وتوها بس تطالع اخوها : منصور شو تسوى انت هني هاااااااااا
(روضه من قو الصدمه حست بـ عمرها مشلوله هاا منصور لا
مستحييييييييييييييييل لانووووووووو وااي؟؟؟؟؟!!!)
منصور ومحد هامه لـ عواش ولا روضـه وبـ جراءه :ماشاء اللله علييج يارووضه كبرتي وزاد حلاج
روضه خلاص يا ناس ويهااا طماطه بتموووت شـو هـ الوقاحه والجراءه .وبصوت اشبه بالهمس :عواش يلا
وجان يسيرن عواش وروضه وهن فـ طريجهن رمست عواش:رووضه شو كنتي تسووين ويــا منصوور
رووضه ولحد احين مصدوومه وبصوتها الهامس :تبين الصدق انا ماعرف منو هالريال
عواش:هههههههههههههههههههههه واي مسسسستحيل
روضـه : والله ..
.
ردو منصـور و روضـه للواقع وهي تقوول : ماقلتلك انك صـابع ..
منصور : رواض لاتقولين صايع ..
روضه :صايع ونــص .. عيل انا اول مره اطالعك فيها جيه تسوى فيـه ..
منصور: ياخي انا ما انلام بعد ..( يغمزلها ) اطالع جدامي الغزال وما امدحـه ..
روضه استتحت : مالت بس مالت ..
.
حدرو منصور و روضـه وسارو يقعدون بـ الصاله المفتوحه حذال المدخـنه اللي كانت معبـأيه حطب ..عسب تنشر الدفـىء ..
اول ماحدروا روضـه و منصور ..
حمدوه ويزووي كانً بـ يصرخن بس انتبهن لـ شباب اللي قاعدين وياهن ..
سارو منصور ورضه ويلسوا حذال بـعض بـ غنفه وحده ..
وكانوا يسولفون بـ همس وكل شوي واحد منهم يضـحك ..
حمدووه : شو استوى فـ الدنـيا .. ظهرت روضـه بروحها وردت وياها منصور ..
يزووي : هيه والله غريبـه شو مستوي فـ الدنيـا ..
.
كان الكل مشغول بـ السوالف الشباب ع جهه ..
والبنات ع جهه ..
ومنصور ورضه ع جهه ..
وفـجأه ما يقطع عليـهم غير ام هزاع تظهر من ميلس الحريم وهي ترمس فـ الفوون بـ صوت واضح وقوي شووي : ميــــــووود انت شو هـ التصرفات اللي تسواها هااااااه .. عطااني بشكارتك عطااني بسرعه لا احين اجتلك ..
ام هزاع ترمس بـشكاره ميود او بـ الاحرى مربيـته : ألووو
مربيه ميود الشاميـه : مرحبا
ام هزاع : اسمعي نحن مب موجودين فـ بوظبـي .. نحن فـ العيـن .. تعالوا ويانا ..
المربيـه :طيب .. بس نحن ماعم بنعرف المكان ..
ام هزاع : انا بـــدلكم ..
قعدت ام هزاع ترمس المربيه ســاعه .. لحد ماصكرت عنها وقـالت : يالله بـ الستر ..
لفت امل ع امهـا وقالت : امايـه شو مسستووي ..؟!
ام هزاع : ميــــود امـه سافرت وقالتله سير ويـا خالتـك .. وساروا بـوظبي واحين قاعدين يتريونا .. قلتلهم تعالوا العين احسـن ودليتهم طريـج المـزرعه ..
بدوون احسـاس قالت شووق بـ صووت مسموع وبـ رعب : ميوود يــــااااااااااااي
ام هزاع : هيه يـــــــاااي
مـي وامل وشوق قعدن يطالعن ع بعض بـ خوووف ..
اما البـاجي فـي صدمه بـلاهم هذوولي مرعوبين جيه ..
.
هزاع كان سـاكت و عيونه ع الارض قال بـ هدوء : شو يـيايـبنه هذا ..؟
(حتى اللي هو هزاع هزاع .. المغرور الواثق خاف من طـاريـه ) ..
ام هزاع بـ عصبيه :شو بعد شو يايبنـه ...؟!
( ودرتهم وحدرت ميـلس الحريم وين مامتيمعـات ) ..
روضـه ترمس شووق : بلاكم جيـه متزيغين .. ومنو هـا ميووود ..ممم اقصد مايد ..
شووق بـ خوف : يوم بـيي بتعرفيـن ساعتها منو هـا ميود ..
روضـه والشباب ما هتموا بـ السالفه
بس اولاد ام هزاع عايشين بـ رعب ..
.
ردت روضـه ترمس منصـور ..بس قطع عليـها اتصـال بـ فونها ..
او نغمـه الرنين لانه رقم غريب ..
ودي ابكــي لين ما يبقى دمــــوع
ودي اشكي لين ما يبقى كـــــــلام
من جروحٍصارت بقلبي تنـــــوع

اول ما طالعت اللي بـ الشاشه حست قلبـها بيظهر من مكـانه ..
وقالت بـ خاطرها : يعلك يـارب ماتدق مره ثــانيـه ..
منصـور بـ استغراب : رواضـي ليش ماترديـن ..
روضـه وتدوور جذبـه عسب تمشيها ع منصـور : هاه ..هيه هذا ( وتهمس لـه عسب محد يسمع )
نــايف داق ..وانت تدري مايبـا اي شخص يدري بردته لبلاد غيرنا
( وتأشر على نفسها وعليـه ) نحن يعني انا وانت والبنات بـس ..
منصور :هيه صح هوو قالي انه مايبا حد يعرف بـ الموضوع ..
سيـف بلعانه :اقوووول بسووط سكت هـ الصيـاح ..تقول جنه بـ عزاء ..
كلنا ويانا فونات غيرك .. واذا ماتبا ترد سواه سايلنت ولا ماتعرف ..
كـــل الشباب ضحكوا ع سيف اللي ينغز روضـه بـ الرمسـه ..
منصور وسوى طاف لـ رمسه سيف : نشي رمسيـه يلااا ..
روضـه :اوك اوك ..
رفعت عيـونها وطـالعت نظرات اخوانها محمد و حمـد خافت يشكوون فـ الموضوع ويعرفون بـ السالفه ..
روضـه مالي غير حل واحد ..
( سكــت الفوون .. وعقب ثوانـي رد يدق ) ..
ضغطت روضـه ع الخضره وردت .. هيــــــــه ردت ..
روضـه تدري انـه اللي داق الفيـصل عسب جيه انخبصت .. فـ قالت احسن
شي ارد عسب ابعد الشكووك ..
.