هل تريد التسجيل في منتديات بنوته ؟
إحصائيات المنتدى: المواضيع: , المشاركات: , الأعضاء:
إحصائيات المنتدى: المواضيع: , المشاركات: , الأعضاء:
|
|  |
| التميز خلال 24 ساعة | |||
 العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم |
المشرفة المميزه |
قريبا | بقلم :  | قريبا | قريبا |
| |||||||
 |
| | LinkBack | أدوات الموضوع | انواع عرض الموضوع |
| |
04-14-2011, 11:13 AM
| #1 (permalink) | |||||||||
|
مستشار المؤسس ~  
| 
رد: بتنـدمين يا بنـت والسبب نظرتج هذي انا :
قمرهم كلهم يزوي ظهرت من الجناح وسارت المطبخ اللي فالطابق الثاني .. يعني حذال سويت رواضي .. حدرت المطبخ وخذتلها قلاس وشربت ماي ما تحس غير ايد تضربها فظهرها وطلع كل الماي اللي شربته فقيره الله : ايييه بأي حق تاخذين السياره وماتقولين لي هــــــاه .. حرااميه وحده كلها حياتج شغل مذله ..<< ينعرف انه منقهر اول ما التفتت صوب من وين ما ييتها الضربه جان تتطالع ................ محمد فاج عيونه ومبهت ..! محمد يوم طالع انها مب روضه واللي جدامه يزوي تشقق من الونااااسه ماصدق يزوي جدامه .. و قطع يزوي من النظرات .. يوم طالعت يزوي انه جيه السالفه بيطول يطالع عليها ... انتبهت على عمرها ودخلت اليذله (القصه الاماميه من الشعر) وتشيلت عدل .. محمد بس يطالع على يزوي ومبهت على ملامحها اللي عذبته ... عيونها الكبـار (الوساع) السود ورموشها الطويله وغمازاتها اللي ظاهره واايد .. كلها على بعضها قمر وزادت حلاه وهي متكشخه اخر شي .. والميك اب خفيف مظهر لها جمالها الصدقي ...! نزلت يزوي راسها من الحيا ومن نظرات محمد لها وقالت بصوتها الناعم والرقيق اللي خبل محمد زيااده: ممكن امر .. محمد ومبهت وبس يطالع عليها وعلى نعومتها وجمالها : مب بس تمرين الا تاخذين رووح اللي جدامج ويااج .." يزوي منصدمه هي تدري ان محمد وايد جريئ وما عليه من اي شخص بس بعد انصدمت ماتوقعته جيه .. مرت يزوي بسرعه بسرعه من الحيا .. وودرت ناس متيمه ومتولعه فيها وفـ نعومتها ورقتها اللي اسرت محمد .. اول ماحدرت الجناح طالعت البنات متيلسات فالارض وداقتنها سوالف .. عواش : حشــــى يزوي بلاج .. اكيد طالعت يني لو مابيستويبها جيه طالعن كيف متيبسه ..! حمده ورواضي : ههههههه حمدوه : حوووو بلاج ؟؟؟ رواضي : انا بقول بلاها اكيد طالعت واحد من الشباب وهزبها ولعن خيرها . عواش : ياخي رواضي انتي خبله وغـبيه في نفس الوقت ... ليش يهزبها شو سوت البنت ..! رواضي : انتي جب .. انتي قلتي رايج وهذا رأي .. اكيد انتي غيرانه عيبتج فكرتي اكثر .. وتبين تسرقينها ادريبج حراميه ... اييييييييه حقوق النشر محفوظه حمدوه : حشى بسسكن اسكتن .. نبا نعرف شو استوى بالفقيره .. يزوي حبيبتي شو مستوي تعالي ويانا وقولـي لنـا .. يلاا بلاج حرقتي لنا اعصابنا ..>> مب خوف عليها الا فــضول خخخ . يلست يزوي وقالت لهن السالفه ويوم خلصت انفجرن البنات من الضحك البنات : ههههههههههههههههههههههههههههه رواضي : هههههههه تستاهلين حمدوه: تفداج الروح ياروووحي << بدى شغل الطنازه رواضـي تعلقت عند جتف يزوي : مري ياروحي مري وخذي قليــبي المولع بهواج يزوي ومحرجه ع البنات : انتن قليلات ادب وانا قليله ادب فوقكن يوم اقولكن شي رواضي : من زماااااااااااان << وتمدها (على انه حتى انتي شراتنا خخ) عواش : وهيه وانزين ويلا شو استوى بعد رواضي بسخريه : صح منطوقج شاعرتنا حمدوه : صح بدنج اختيه عواش :حمدوه ودري عنج هاللقافه انا كنت ابا ارد ( يزوي كانت بس تتطالع عليهن بقهر محد حاس فيها يحليلها) رواضي التفتت صوب يزوي ويلست تتطالع لمده قصيـره عليها وقالت فجأه : المهم شربتي ولا .. اول ما قالت جيه انفجرن البنات ضحك .. لانه كان من شكل رواضي يوم تتطالع على يزوي جنها تبا تــنصح , تخفف عليها .. مب سؤال لقـافه << اصلا رواضي خبله ما منها امل يزوي وبقهر : هــــــــــيه شربت اصلا اخوج خلاني اشرب انا احطي الماي فحلجي وما احس غير بواحد يدحني (ضربه او بكس) جان يظهر كل الماي من خشمي .. البنات خلاص مارامن يتحملن زياده شكل يزوي وهي منقهره وكيف ترمس يجتل من الضحك جااان ينفجرن كلهن مرره وحده : هههههههههههههههههههههههههههههه كح كح كح ههههههههههههههههههههه ويزوي شوي وبتقوم تعصرهن فأيدينها من القهر هي تقولهن عن معاناتها وهن يضحكن عليها .. عواش وهي من بين ضحكاتها وعيونها محمره من الضحك : روضه جب لا تضحكي رواضي وهي خلاص الدموع على ويها من الضحك : كح كح وليش ان شاء الله حلال عليكن وحرام عليه ... البنات : ههههههههه عواش : قلــــت جب رواضي صرخت : اييييييييه لا تسبي .. قولي .. مايونيز .. خردل .. اي شي لكن كاتشب لا والف لا ما اسمح لج .. حمدوه : اللهم صبرج يا روح ، بسكن نجره .. بسكن جنكن شرايج .. روضه وعواش فنفس الوقت : بسم الله عليه يزوي بقهر : رواضي عواش نشن مابا اطالع ويوهكن فهالصاله ..! عواش بسرعه لفت تتطالع على رواضي ورفعت ايدها تأشر على يزوي على انه (اندوكم يالسه تتطردنا ورواضي صاحبه الجناح ) رواضي فهمت على عواش وانفجرت ضحك :ههههههههه صدق انه المال مـالنا وييو الشريرين يحـاربونـا انفجرن البنات من الضحك .. لانه روضه قالت المثـل غلـط .. عواش:بـ عمرج وحيـاتج كلـها .. قلتي مثل واحد صح .. رواضي بقهر:جــــب .. سلــندر وحدده ..(سلندر< قنينه الــغاز ) حمدوه: يزوي غلايه انا اقولج عواش ورواضي ما منهن امل صدقيني .. يعني خبلات من زمان .. رواضي تأشر على حمدوه: اندوكم اتسب ..! عواش تكمل : هييه هيه اسمعها اقول يالبقره لا تسبي ... رواضي : عواش صكي الدعنه قال بقره قال اقول نشن بدلن ملابسكن من ساعه يالسات تسولفن وما غيرتن .. لكن شوا اقول تراكن الا بنات والبنات مايملن من السوالف .. يزوي+عواش+حمدوه بصوت واحد : وانتي شو ؟؟؟؟ رواضي :ههههههه انا وما ادراك ما انا (وسحبت نفس عميق) انا مودموزيل روضه .. يا اقولكن انا صاحبه السمو الشيخه الملكيـه روضه يزوي وترفع ايدها : اقول نشن نشن نبدل ملابـسنا .. وودرن هالخقاقه مكانها تتخقق .. رواضي وترفع ايدها وتميلها : براحتكن .. سارن البنات يغيرن ملابسهن .. ظهرت رواضي من الجناح وسارت حجرتها وعقب ظهرت صوب البلكونه يلست حذا حافه الباب تتطالع ، وعقب طالعت اليلسه الصغيره اللي مفروشه بسجاد فاخر وفوقه موزع وسايد وحذال اليلسه كراسي وطاوله ... سارت رواضي صوب اليلسه وتسدحت فالسجاد وحطت راسها بوحده من الوسايد الموجوده ورفعت راسها تتطالع على النجوم ... وابحرت في ذكرياتها او بالاصح في همومها والامها ... روضه وسط ذكرياتها وهمومها تتذكر حبها لها المزرعه بالذات لانها ضمت اكبر حب اخوي صادق بينها وبين عهود وحبها الاول والاخير اللي محد يعرف عنه غيرها هي الوحيده .. (معقوله يكون احد بحياه روضه غير عهود معقوله يكون حب ثاني انولد بقلب روضه وشكله مب اي حب ، حب انولد من سنين وسنين بداء الثلج اللي محوط على روضه بالذوبان وبـدت بعض الحقايق بالظهور ، هل بينكشف حب روضه اللي محد يعرف عنه غيرها هي ..! ولا بيظل من ظمـن الاشيـاء المجهولـه في حياه رواضي ..! .. صحت روضه من ذكرياتها بصوت كله مزاعج لفت راسها اللي كان بالوساده وطالعت الثلاثي موجود على حافه الباب عواش اللي محطيه ايدها على خصرها وحمدوه ويزوي اللي مسويات شرات الحركه ويحركن ريولهن اونهن معصبات .. حمدوه : وين وصلتي يالحلوه نحن نرمسج ولاتردي .. عواش : لا اونها رومنسيه تتطالع على النجوم وتفكر يزوي : لا وانتي الصادقه تحسب النجوم اونها ام الرومنسيـه حمدوه : لا انتي ولا هي يالـسه تتطالع على النجوم وتفكر ف حبها الاول والاخير.. شهقن يزوي وعواش : مقعوله ســـــــوتها رواضي ابتسمت غصبن عنها عسب لا تحسس البنات انها مضايجه وقالت بمرح عكس الاضطراب اللي بداخلها : ما انولد اللي ييب راس روضه بنت احمد ... وبعدين بطولن بالحش تعالن ايلسن احسن ( بنات ماصدقن خبر بالمره سارن يربع من وين ما روضه يالـسه ) رواضي : حشى يا هالمخفه ماصدقن خبر بالمره فزن البنات : هههههههههه | |||||||||
  |
|
| مواقع النشر (المفضلة) |
| الذين يشاهدون محتوى الموضوع الآن : 6 ( الأعضاء 0 والزوار 6) | |
|
|
| |
العرض المتطور
