قصيده الالم ^_^

تكفين يا طيور حرار افزعيلي ** أبي عن ديار الأهل منك الأخبار

تكفين حومي فوقهم وارجعي لي ** و اذا حصل لك حومة داخل الدار

تكفين حول ابيوتهم دوري لي ** سبعة فروخ يوم أخليهم صغار

شوفي ضناي وعودي وانكفي لي ** وشلونهم يا علهم صاروا كبار

نسيوا دفاي ونومهم في شليلي ** وش علمهم يعلهم طول الاعمار

قولي لهم أن أمكم له عويلي ** خمسة سنين دمعها دوم مدرار

وقولي لهم أني على طول ليلي ** أنوح وليا قرب الصبح انهار

وقولي عيونه دايم له هميلي ** تبكي ليا شافت من الناس زوار

كل يوما أقول اغدي حديهم يجي لي ** راحت سنيني مابهم واحد زار

وانا اللي من سبة سوات الحليلي ** حالي تردت كل ماله وتنهار

كني على شوفتهم أصلي على نار ** يا ويلي كان الله عجل رحيلي

وأنا لي سنين أبى لو هي أخبار ** ياعونة الله من يبي يرتكي لي

جارت علي بأمر الولي كل الأقدار ** تنكروا من يدخلون الدخيلي

واللي بوسط ديارهم يأمن الجار ** قولي لهم يا طيور قلبي عليلي

الله يكافي قلوبهم صارت أحجار ** وأنا اللي لبرق الخيال استخيلي

وأقول ياعل ( ....) للأمطار ** تكفين وسط ديارهم صوتي لي

شوفي عسى لا سمي مع الناس تذكار ** وقولي لمن نسيانهم يستحيلي

ياللي نسيتوها ترى الوقت دوار ** ياهيه ياللي بالسماء لك هديلي

ردي خبر تكفين يكفيني امرار ** شوفي اكا اللي نومهم في شليلي

من أذان المغرب إلى وقت الأسحار ** شوفي اكا اللي ما اهتني في مقيلي

الا بمقيل معهم كبار وصغا ر ** وقولي لهم أن كان حملي ثقيلي

مره يجون وعقبها شي ما صار ** يا علني في جنته وسط الابرار